كاتب الموضوع :
اسطورة !
المنتدى :
القصص المهجورة والغير مكتملة
البارت الرابع
منصور : انتظر مهند ومشى جمبه : يعني الحين بتسوي اللي قاله ابوي
مهند :ـــ
منصور : تكلم
مهند : بخليه يعطيني وقت سنه على الاقل اشوف يمكن اغير رايي
منصور استغرب : والله مدري عنك ساعه منفجر ماراح اتزوجها ساعه هادي مثل الحين وش صاير
مهند تنهد وناظر فيه بمعنى اسكت
منصور بلع ريقه : احم
شموخ تشم ريحة الكيكه : واااااو خالتي ريحتها جنان عاد ياحبي لكيكة الشكلاته
سديم : سويت شيز بعد
شموخ : والله
سديم : بالثلاجه
شموخ تضم خالتها : فديتك ياأحلى و أغلى خاله الله لا يحرمني منك
سديم يوم عانقتها شموخ تذكرت أختها الله يرحمها كانت دايم تعانقها سديم هي أكبر خواتها بعدها سلمى بعدها أم شموخ و عبدالرحمن كان البكر بالبيت
شموخ بعدت عنها : والله تعبتك
سديم ماكأنها تسمع : يلا انتبهي للفرن بروح اصلي
شموخ : تآمرين أمر << كانت خابزه معجنات
نوف ادق الباب : نوري يلا ترى بتأخر كذا
نوري افتحت الباب
نوف : يلا
نوري : روحو انتم انا مابي
نوف : شنو
نوري : ماما ماتبينا انروح
نوف : نوري عن السخافه خلاص استأذنا من ابوي
نوري : ولو مقدر ازعلها
نوف بنرفزه اشوي مع الفلسفه : مالت عليك هذا اسمه صلة الرحم ماتدرين
نوري : ادري بس وش فايدة صلة الرحم اذا لقيت المقابل ماما زعلانه
نوف انقرفت منها : مالت ... وراحت
نوري تنهدت واقعدت واقفه ثواني بعدها ادخلت سكرت الباب
نوف اطلعت واركبت السياره
نايف : ولمتى
نوف : نوري ماتبي تروح خلاص امش
نايف التفت : ماتبي توح ليش ؟
نوف : خبله
نايف لف وحرك السيارة
زايد : بتقابل مع مهند تجي معي
نايف رفع حاجبه : ياسلام ماعزمني
زايد : ماعزمني انا اللي داق عليه كان متضايق وقال نتقابل بالشاطي
نايف : خلاص اجل روح انت انا وش ابي رايح قلت متضايق
زايد : على راحتك
نوف " غريبه شموخ اطلعت من البيت ومهند متضايق وش صاير بالدنيا لازم اقعد على راس شموخ لين تقولي الدبا "
شموخ كانت قاعده على الكرسي ومتكيه على الطاوله سارحه " معقوله عمي صار يكرهني يوم درى اني طلعت ياربي راسي بينفجر
بس لا والف لا مستحيل ارجع على هذاك البيت ... وابتسمت سخريه .. اصلا مهند قالها وجات بوقتها
معد صار يهمني احد بهذاك البيت مرت عمي من دخلت ماطاقتني ولا طقتها عمي وعياله كنت حاطتهم على راسي بس الحين انزلو من عيني "
قطعت افكارها وقامت اتشوف الفرن
مهند يدق باب المكتب
: تفضل
مهند فتح الباب ودخل : سلام يبى
ابو مهند نزل عيونه للأوراق : وعليكم السلام
مهند سكر الباب وراح قعد قدام ابوه اقعدو ثواني ساكتين ولا احد كلم الثاني ولا ناظر باثاني مهند كان يناظر ببوه ويبعد نظراته
ابو مهند وهو منشغل مع الاوراق قال : ليش جاي علشان تسكت ؟
مهند بتردد : لا يبى .. .. انت زعلان
ابو مهند لارد
مهند : يبى لا تزعل انا راح اسوي اللي تبيه ان شالله
ابو مهند : ايه
مهند : بس عطني فرصه يمكن اقتنع بهالشي
ابو مهند : وليش منت مقتنع الحين
مهند تنهد بملل
ابو مهند ينزل نظارته اشوي ويناظر مهند
مهند ناظر ابوه : شوف يبى هذا زواج مب لعب اطفال
ابو مهند رجع نظاراته وكمل شغله : اها
مهند :ـ
ابو مهند : تقصد اني حمار ماافهم يعني
مهند : لا يبى محشوم
ابو مهند:ــ
مهند : بس عطني فرصه سنه سنه وحده بس
ابو مهند رفع راسه بصدمة : الله وأكبر
مهند فتح عيونه تخرع من حركة أبوه السريعه
ابو مهند : سنه على بالي بتقول شهر شهرين . سنه مره وحده وش اتفكر فيه تسوي مشروع
مهند بعد نظراته عنه
ابو مهند : لالا سنه اكثير ونزل راسه يكمل شغله
مهند تضايق حيل ووجهه قلب أحمر وقام طلع برآ المكتب
نوف تضم شموخ شوي وتصيح : ياالدبا لك وحشه والله وحشتيني
شموخ : وانتي اكثر والله
واقعو ضامين بعض لثواني بعدها بعدت عنها
نوف : فديتك والله متغيره
شموخ : وشلون احلى
نوف تتحسس وجه شموخ : امم يعني بس وجهك صاير اصفر
شموخ اكتفت بالإبتسامه
نوف : بس لا تزعل الأموره باقي حلوه
شموخ : مشكوره
نوف تنزل عباتها
شموخ : تفضلي
نوف : زين بس ابي المرايا اول
شموخ تعالي ودتها عند مغاسل الحريم :بروح اعلق عباتك
نوف : زين الحين جايه
شموخ ابتسمت وراحت
ماجد : حياالله الشباب
نايف + زايد : الله يحيك ويبقيك
ماجد : أخباركم ان شالله بخير
نايف: والله الحمدلله .. وانتم أخباركم واخبار الوالد
ماجد : تمام الحمدلله والوالد بخير رايح النادي بالبلد
نايف : ايه ماشالله والله أنا من طلعت من الثنوي ماشميت ريحته هالنادي
ماجد : لااا كثير
نايف : أي والله
ماجد :انا اروح بس هالأيام مالي خلق اما اسير ابد عمري ماشفته يروح نادي
اسير اكتفى ببتسامه جانبيه
زايد :الله يخلي السوق اشتري الادوات من السوق و بالحوش تمرن
ماجد : لا أنا ماينفع معي هالكلام
زايد : بالعكس أحسن من النادي
ماجد : أي كل واحد يشوف اللي يناسبه
نايف: صادق
ماجد قام يصب لهم قهوه : حياكم الله والله
:الله يحيك
شموخ طالعه من المطبخ ونوف رايحه للمجلس وابتسمو لبعض
شموخ : أقول نوف وين نوري
نوف : مشغوله اشوي
شموخ : حسافه تمنيت اشوفها هي بعد
نوف : ليش مامليت عيونك
شموخ : لا مب كذا
نوف تشبك ايدها بإيد شموخ ويمشون : اتركيك منها الحين خلها تولي .. ابي اسألك شي ؟
شموخ : شنو ؟
نوف : امم خالتك بتقعد معنا
شموخ : بس اشوي
نوف : زين اذا قامت خالتك تكلمنا اوك
شموخ : بنت عمهم هنا
نوف : احلفي
شموخ : والله
نوف : يووه زين متى رايحه
شموخ : مااادري بس شكلها مطوله
نوف : لاحوول بس وحده
شموخ : ايه ماعندهم غيرها
نوف : ياربي ومايصير انخليها بروحها واروح اتكلم معك خلاص مره ثانيه
شموخ :ــ
نوف : يلا امشي ندخل هي داخل
شموخ : ايه
نوف تركت ايدها من ايد شموخ وادخل الغرفه ببتسآمه
نوف كانت لابسه بنطلون سكيني جنز وبلوزه عاري من فوق لونها زيتي فاتح.. تحت الصدر على طول جاي حزام اسود حديدته دائريه لونها ذهبي البلوزه مديلها فضفاض اشوي وطايح
البست سلسال نعومي ذهبي وشنطه جنز حجم وسط وفيها ذهبي كعب أسود وذهبي
شعرها رفعته كله بمساكه سودا
نوف جايه تسلم على لميس لميس ناظرت فيها من فوق لتحت بعدها قامت وصافحتها بس
نوف ارفعت حاجبها وراحت اقعدت وشموخ جمبها
نوف تناظر شموخ : شكلي زين
شموخ : ايه
ادخلت سديم وسلمت عليها بعدها اقعدت اشوي واطلعت
نوف من تحت سنونها : شمووخه
شموخ : نعم
نوف : عرفينا ابعض شوفي وشلون قاعده تناظر فيني بتاكلني يمى
شموخ شوي وتفطس وراحت اقعدت بكنب منفرد بينهم : ايه نوف هذي لميس بنت عم ماجد واسير
لميس هذي نوف بنت عمي راشد
لميس مااعجبتها نوف وقعدت تلعب بخصلات شعرها وهي تناظر فيها
نوف ارفعت حاجبها وناظرت شموخ بعدها ناظرت لميس : أخبارك ؟
لميس بنظرات بارده : بخير
نوف " وش هالبنت ياناس تحر القلب "
مزنه : مريووم
مريم : خير
مزنه : أمي تقول رايحه بيت خالتي فدوى تروحين
مريم : متى
مزنه : بعد العشا
مريم : ليش وحنا بكرى بنتقابل
مزنه : مدري تبي تسولف
مريم : لا انا مابي أروح ... وانتي ؟
مزنه : الا
مريم : زين أنا بصلي العشا وأنام يعني لا دقيتم ولا رديت تراني أشخر
مزنه : زين أصلا ليش اندق عليك
مريم : المهم اني اقولك من الحين يلا باي أنا طالعه غرفتي
مريم طالعه
مزنه : أي صح مريوم
مريم : وش تبين ؟
مزنه : ترى نوف قالت تبي تسولف معك دقي عليها
مريم بلا مبالا : يااختي خلاص بكرى كلنا مع بعض ليش أدق عليها أخلص رصيدي اللي تبي تسولفه على الجوال كله يتأجل بكرى وكملت طريقها لفوق
مزنه: ايه انا أقولك علشان يكون عندك خبر بس
مريم : زين مشكوره
مريم بنت عاديه يعني يقدر أحد يقولها حلوه ويقدر احد يقول لا عاديه جدا بيضا وعيونها ناعسه حيل شعرها لحد ظهرها أسود جسمها ممتلي
مزنه عاديه أقرب للخياسه جسمها حلو قمحيه شعرها بوي تقريبا قصيره بالنسبه لسنها بس تدخل القلب بسرعه
زايد ونايف ارجعو من صلاة العشا مع ماجد واسير ودق زايد على نوف علشان يسلمون على شموخ
نوف : شموخ
شموخ كانت بالمطبخ مع خالتها تحط الشيز وباقي الاشياء
نوف اطلعت من المجلس : شموخي
شموخ من المطبخ : نعم
نوف : تعالي ابيك
شموخ : اشوي
بالمطبخ
سديم : روحي يلا
شموخ : خالتي خلاص اقطع معك واطلع مابقى شي
سديم تدفها : يلا برآ اصلا المفروض ماتدخلين المطبخ
شموخ تأففت صح ان خالتها ماتبي اتعبها بس هي ماتدري تتضايق ولا تفرح من هالشي نزلت المريله اللي عليها واطلعت من المطبخ
متنرفزه اشوي من نوف : وش تبين ياالدبا ترى بيجيك بكس
نوف : يمى يمى وش فيك معصبه
شموخ : بسببك خالتي طلعتني من المطبخ يالله أنا دخلت
نوف : يوه آسفه بس زايد ونايف يبون يسلمون عليك علشانهم ماشيين
شموخ ابتسمت فرحانه تشوف اللي حولها الحين مهتمين فيها وكأنها ملكه : زين بلبس عبايتي علشان فستاني
نوف : زين بسبقك لهم
شموخ : زين واقعدت توصف لها : شفتي المغاسل اللي زينتي فيها نفسك ؟
نوف : ايه
شموخ : في سيب طويل وراها يودي على قسم الرجال
نوف : شنو قسم الرجال
شموخ : شنو شنو قسم الرجال المقلط والمغاسل والتواليت والمجلس كله على هذيك الجها لأن في باب الحاله يودي على الحوش
نوف : زين زين يلا عجلي
شموخ راحت ونوف اوقفت تنتظرها لأنها حست ان الوصف خوفها ماتدري من يطلع لها فقالت تقعد
ام مهند كانت قاعده بالصاله ادور " ياربي وش اسوي مستحيل هنود اولدي ازوجه البنت هذي ولا ومايبيها بعد لازم اتفق انا وياه "
منصور دخل البيت : السلام
ام مهند اقعدت وشالت الرموت : وعليكم السلام
منصور جا حب راسها : اخبارك يمى ماشفتك اليوم زين
ام مهند : لا تسأل عن الاخبار لأنها زفتتتت سامع
منصور : آه يمى وراح قعد جمبها ومسك ايدها : سمعي يمى دام مهند مايبيها قلتله يقول لأبوي بس هو قال راح يفكر
ام مهند وكأن حد عطاها كف قالت بنرفزه : يفكر شنو
منصور توتر : ها م ممدري عنه
ام مهند قامت : لااااااااااااااااااااااااااااااا لا قلت لا زواج منها مافيه وراحت
منصور تنهد : استغفر الله العظيم وسند ظهره
نوف : وينهم
شموخ : اكيد بالمجلس تبينهم يوقفون هنا
نوف : أي والله غباء خلني ادق على زايد
ليان وحنان كانو بالمجمع وخالد وراهم مطاردهم يمين ويسار
خالد بحده : حنان غطي عيونك
حنان خلاص انجنت : وش تبيني أسوي يعني مابقى الا تقولي دخلي راسك داخل العبايه
خالد : قلت غطي عيونك زين
ليان وحنان صح هم أكبر منه بس أقصر منه ولا يقدرون عليه لنه هو رجال البيت وتصرفاته وعقله أكبر من سنه
ملامحه طفوليه بس جاده ماعنده لعب اذا عصب ينسى أمه من أبوه
ليان وحنان نفس الافكار والتصرفات مع ان ليان بالجامعه بس عقلها عقل بزران ماتحب الشباب أبد تحب الاعجاب
اما حنان تحب الشباب وتكره شي اسمه اعجاب
مملوحات بس ليان املح ليان شعرها قاصته فرنسي
وحنان شعرها خشن تقريبا لحد كتفها نوعه كيرلي
حنان تغطي عيونها بنرفزه
ليان : نبي انروح لكون زون خلنا نبرد اشوي تعبت من الف
حنان : كذابه همك بطنك مالنا ثلاث ساعات
ليان تسحبها لأنهم كانو ماسكين ايد بعض : ثلاث ساعات اكثير امشي
خالد : امشي انتي وهي عدل المحل ماراح يطير
حنان وليان يناظرون بعض بملل ومشو زين
نايف وزايد اطلعو من المجلس ويوم شافو شموخ ابتسمو وصافحو بعض
نايف يناظرها من تحت لفوق ببتسامه : أخبارك شموخ والله متغيره
شموخ بخجل : تمام ... انتم وش مسويين ؟
نايف : الحمدلله بخير
زايد :هالمره حنا جينا بس المره الثانيه انتي زين 5 شهور ست مادخلتي بيتنا
شموخ اكتفت بالإبتسامه
نايف : سمعتي اللي قاله زايد ترى لو ماجيتي أنا بجي وأسحبك عندنا زين
شموخ بضحك أشوي: ان شالله ولا يهمكم
نايف ابتسم
نوف : ولا بعد مو تجينا بس الا تباتين عندنا
شموخ التفتت لها : والله ياحبيبتي اذا انتي قعدتي اليوم لظهر قسم بالله لا أجي عندكم وأبات يومين بعد
زايد يحط ايده على جنبه وقال : الله الله لين الظهر مقابل يومين
شموخ تناظره : ايه
نايف : خلاص لعيونك ماراح أجي آخذها الا العصر
شموخ بفرح : والله
نايف يحرك راسه ايه
شموخ مااقدرت تضبط نفسها من الوناسه وامسكت ايد نوف : ونااسه
نوف غيرت ملامح وجها وناظرت شموخ بقرف من فوق لتحت وقالت بلهجه متغيره : لا تصدقين عمرك ماراح أقعد أصلا جيت اسلم عليك بس
شموخ انصدمت من تغير نوف المفاجئ وصارت تبعد ايدها عنها ببطئ من الصدمه
نوف : ـــ
شموخ ابتسمت تفاجئ وهي مو مستوعبه ودموعها بدت تتجمع : انتي من جدك ولا تستهبلين معي ؟
نوف ابتسمت سخريه : ليش شايفتني أمزح .. ماراح أقعد ؟
شموخ حست انها بتنهار وتجمعت دموعها بس ماانزلت وتنهدت ماتبي تضعف قدامهم : آه .. والتفتت لنايف وزايد وابتسمت ابتسامه مصطنعه واضح فيها
انها تخفي شهقاتها : يلا الحين بتروحون ... كانت خالتي مجهزه شاي ويعني بس ومااقدرت تتحمل تخفي دموعها اكثر وانزلت
نوف تصايح : صادوووو وماتت ضحك هي ونايف وزايد
ماكانو متفقين على كذا بس نوف يوم قال نايف بيآخذها العصر غمزت لهم وهم افهمو انها بتسوي شي
شموخ صوت نوف دق قلبها ويوم اسمعت صادو التفتت لها وشافتها تضحك شموخ حطت ايدها على وجها
نوف جات عندها : حلو المقلب صح وانتبهت انها قاعده تصيح
نوف امسكت ايد شموخ تبعدها عن وجها : لا شموخي لا تصيحين والله ماكنت ادري انك بتصدقين اصلا
شموخ مابعدت ايدها عن وجها وصارت شهقاتها عاليه
نايف : شموخ هي
شموخ :ــ
زايد يناظره بعدها ناظر نوف : كله منك الحين وش هالمقلب
نوف تضم شموخ : والله ماكان قصدي على بالي ماراح اتصدق اصلا
نايف تنهد وزايد يمرر ايده على وجهه
نوف بعدت عنها :بس خلاص شموخ وش فيك صايره حساسه كذا
شموخ بعدت ايدها عن وجها اللي كان محمر من البكا وخاصه انفها ناظرت فيها وحاولت تبتسم : سامجه وكملت بكى ونوف حضنتها : زين انا سامجه بس لا تصيحين
ماتسوى تنزل دموع الحلوين على سماجة نوف صح
شموخ بعدت عنها وهي تمسح دموعها
زايد : ماعليك منها ترى هي كذا دايم
شموخ :داريه بس مدري صدقت
نايف : وليش حنا نقدر انزل دموعك صدق
شموخ ابتسمت خجل ونزلت عيونها
نايف حط ايده على كتفها ونزل راسه اشوي لها : خذيها مني نصيحه أخ شموخ ... وقال بملامح جاده وصوت وكأنه همس : لا تثقين بأحد ابد بعد أمك وابوك مستحيل تثقين بأحد كثرهم فهمتيني
شموخ فتحت عيونها وهي تسمع له
نايف :ماأقول ان الناس كلها مو اهل لثقه بس حتى لو وثقتي فيهم توقعي منهم أي شي يوم من الأيام علشان لو صار شي ماتنصدمين منه
شموخ كانت مركزه بكل كلمه قالها وصار الكلام يدور براسها
نايف : زين
شموخ ابتسمت له : زين
نايف قرص خدها بخفه وبعد وجهه
شموخ انحرجت
زايد ابتسم
نوف : والله أخوي شي ماشالله عليك ليش ماتنصحني أنا بعد
نايف : وانتي تسمعين
الكل ضحك
شموخ اكثير اعجبها اسلوب نايف معها وحست براحه اشوي حست ان راح نص من همها بس علشان الكلام البسيط اللي قاله
زايد : بس هيي شموخ أنا اهل لثقه صدقيني خلك من نايفو
شموخ اضحكت : زين
نايف : الله الله
زايد ضحك : يلا الحين خلنا نمشي
نايف : أي والله تأخرنا على الشباب داخل بعد .. يلا سلام شموخ ولا تنسين اللي قلتلك عليه وغمز لها وراح
زايد : مع السلامه وراح بعد مافتح نايف الباب ودخل ودخل هو وراه
نوف امسكت شموخ من خصرها وتمثل دور الزعلانه : ايه والحين زعلانه مني
شموخ بعدت نظراتها عنها قال اني زعلانه ومشو
نوف : يلا عاد عن السخافه لا تتغلين
شموخ ناظرتها : انتي ماراح تفهميني نوف ابدا
نوف وقفت : وشنو يعني هذا
شموخ :ــ
نوف : أكيد افهمك
شموخ : أقصد اني صرت أتحسست من هالأشياء صرت معد أفكر أي أحد يعاملني مثل ماقلتي حتى لو كان مقلب مااقتنع تسمعين
نوف: ليش يعني
شموخ تمشي ونوف معها : مدري نوف مدري هذا سؤال ماله جواب
نوف تناظر شموخ اللي كانت نظراتها مليانه حزن وهم وابتسمت لها وهي تحس فيها : آسفه اذا كان مزاحي ثقيل بس لا تفكرين اني يوم من الايام بتخلا عنك شموخ وقالت بتأكيد : لا تفكرين
شموخ تأملت عيونها اللي كانت مليانه جديه وصدق وابتسمت من قلبها وضمتها
نوري كانت بالغرفه طفشانه كانت متسنده على مخدتها ولامه رجولها وسارحه " معقوله تزعل شموخ مني " وتضغط على ايدها بقوه " لا ياربي لا تخلها تزعل يارب لا تخلينا نبعد عن بعض
يارب "
الباب طق طق
نوري انسدحت بسرعه وغطت نفسها ينقال انها نايمه
ام نايف ادخلت الغرفه اللي كانت مثل الثلج راحت اوقفت عند راس نوري وهي مبتسمه " يارب لا تحرمني منها " وباستها على خدها وتأملتها ثواني بعدها التفتت
كانت غرفتها مرتبه ونظيفه تدل على العنايه فيها عكس غرفة نوف راحت وخفضت المكيف واطلعت من الغرفه بهدوء
نوري افتحت عيونها وابتسمت
نوف تسحب شموخ : تعالي
شموخ : آه نعم
نوف : البنت هذي تحرق الاعصاب أنا وانتي انسولف وهي زينه بالغرفه بس ماخلتني أقولك اللي ابي أقوله وبس
شموخ : زين قوليلي هنا
نوف : لالا سالفه يبيلها وقت يلا نرجع لا انذبح من نظراتها حاسه روحي كأني وسخانه من نظراتها
شموخ : أنا صح ماأعرفها زين بس اليوم أول ماجات ناظرت فيني بنفس النظرات يمكن عاده عندها واحسها مب اجتماعيه حيل ودلوعه
نوف : يييه بس لا اتجيبين لي طاريها بنفجر امشي امشي بس استغفر الله اللهم لا شماته بس
شموخ ابتسمت شوي وتضحك
زايد : نزلني في بيت عمي
نايف : زين
واسكتو لثواني
نايف : ظنك شنو اللي خلا شموخ تطلع من بيت عمي
زايد : هذا اللي ابي اعرفه يمكن من مرته
نايف : ووش دخل مهند يتضايق
زايد : وييه يمكن مب متضايق على كذا
نايف : أشك
زايد : ولا يمكن يحبها
نايف كتم ضحكته : يحبها
زايد يناظر فيه : ايه
نايف ضحك
زايد : وش فيك ؟
نايف : مااتوقع انا خويه أكثر منك واعرفه زين ماعنده لهالسوالف
زايد : وتبي الرجال يقولك كل شي شي بينه وبين نفسه
نايف : مااعتقد
زايد : ثانيا شموخ بنت حلوه ماينقصها شي
نايف : الحب مو بالشكل
زايد لف على الدريشه
نايف يصغر عيونه وكأنه عجوز وناظر زايد بعدها الطريق : لا يكون تحب انت ماعمري سمعتك
زايد ناظره :شنو
نايف : ماعمري سمعتك تقولي انك تحب
زايد : لا ياخي وش ابي بهالسوالف خلني اخلص جامعتي بالأول بعدين أفكر احب وماأحب ثانيا لو باأحب ماراح احب من الاهل
نايف : وليش ؟
زايد : مزاج
مهند كان قاعد بغرفته خلاص راسه عوره من محربة افكاره
قام طلع من غرفته والبيت بكبره راح للبقاله يشتريله علبة سجاره
نوف : ماشالله خالتك ايدها روعه
شموخ : احم
نوف : والله اتمنى اخلي معجناتي لينه كذا ولا عمرها تحققت هالإمنيه دايم يابسه
شموخ ماتت ضحك
نوف اعرفت قصدها واضحكت
شموخ : اذكر يوم صارت معجنات يابسه وكان عندكم ضيوف
نوف تضحك : يالكلبه لا تطنزين أحسن من اللي مايعرف شي بالمطبخ
شموخ : أعرف ياالسخيفه
نوف : أي اشوف يوم تزورينا بخلي العشا عليك زين لا تقولين توتي ماقالت
شموخ حطت ايدها على فخذ نوف : أموت بتوتي انا ياناس
لميس قامت اطلعت من المجلس وهي ملانه
نوف تناظر فيها وهي طالعه : هذي اطلعت اطلعت
شموخ : مدري عنها بروح أشوف وش فيها
نوف تمسك ايد شموخ : لا لا تلحقينها ولا شي قعدي أبي أتكلم معك
شموخ اقعدت
نوف : يلا قوليلي كل شي من البدايه
شموخ عارفه قصدها : شنو أقولك
نوف : عن الاستهبال شنو صار ليش طلعتي من البيت
شموخ : قلتلك ماقدرت اتحمل
نوف: شموخ لا تخبين علي داريه انه صاير شي وحنا جايين هنا زايد قال لنايف انه دق على مهند كان متضايق وقاله نتقابل علشان يقوله
شموخ لارد
نوف : يلا شموخ مب أنا حبيبتك توتي يلا
شموخ ناظرتها
طلع مهند من البقاله ومعه علبة السجاره فتحها وخذا وحده ودخل العلبه بجيبه وحط السجاره بفمه يبي يولعها الا شاف سيارة نايف وشاله من فمه رماها بالأرض
وقف نايف قدام البيت وانزل هو وزايد
زايد : يااهلين والله بولد عمي لبى قلبك تنتظرني
مهند ابتسم مجامله
نايف : خلاص تخليت عني ياولد العم أشوفك اتقول لزايد تعال وأنا مقطوط
مهند اكتفى بالإبتسامه
حسو انه حيل متضايق
زايد : ها نمشي
مهند : يلا
نايف : والله أنا بروح عند خويي الحين زايد يقولي كل شي
مهند : خذ راحتك
نايف : يلا سلام
: الله معك
ركب نايف سيارته ومشى
مهند تنهد : انتظر اجيب المفتاح
زايد : زين
مهند راح
زايد يناظر بالسما وهو حاط يدينه داخل جيبه وتنهد ونزل راسه للأرض وانتبه لسجاره مكان ماكان واقف مهند
حنان وليان وخالد تعشو بماكدونالز
حنان بهمس : الله ياخذ اللي خرب بسطتنا
ليان : من جد انقرفت حاسه نفسي مخنوقه حتى الأكل مب عارفه شلون قاعده آكله وينزل بطني
حنان: من جد
خالد : يلا اذا شبعتم قومو خلاص الدنيا ليلت الساعه 10 ونص
ليان تنهدت بنرفزه : اسمع خالد ترى ماانبسطنا والسبب انت خلنا براحتنا اشوي روح وحنا بعد ساعه وعد بالبيت زين
خالد : قاعد معكم من اليوم والحين يوم صارت عشر اتقولين ارجع ثانيا شنو ماانبسطتم يعني ها
ليان خافت من خزته : لالا لا تهتم باللي قلته .... وتسندت على الكرسي وهي تنزل نفسها : يمى حنو هذا يبيلنا نحط له منوم قبل لانطلع زين
حنان : أنا معك
خالد : لا تحسبين نفسك بالبيت أرفعي جسمك من الكرسي شنو هذا شوي وتنسدحين
ليان وهي تصلح جلستها : لااااا كذا استفحل الوضع صراحه
خالد : ماسمعت
ليان : ولا شي
شموخ اسكتت
نوف : لااا عمي مامعه حق صراحه
شموخ :ـــ
نوف : بعدين انتي توك صغيره
شموخ تنهدت
نوف : بس انتي غلطانه بشي
شموخ ناظرتها
نوف : لا تعصبين بس مهند كان خايف عليك يعني وشلون تطلعين من البيت ومحد يدري غلط
شموخ : والله حره انا يانوف
نوف بحده : شموخ
شموخ ناظرتها بخوف
نوف :عمي من متى ضايقك غير هالمره
شموخ نزلت عيونها
نوف : تكلمي
شموخ :ــ
نوف : ولا مره صح ... زين مهند انا احس ان معه حق صراحه انه يهاوشك
شموخ تناظرها بقهر
نوف : لاتناظرين فيني كذا ايه انتي غلطانه ..... بعدين تعالي انتي تقولين مافي احد صار يهمني هناك منصور وش سوالك ها
شموخ : هو بعد منعني اطلع
نوف تضحك سخريه : شموخ لو هم يعاملونك مثل الحيوان مثل ماتقولين كان ماهاوشوك الهواش لمصلحتك علشان تتعلمين ماتطلعين من دون اذن
مره ثانيه بعدين يصير هالشي عندك عادي وقت ماتبين تطلعين طلعتي
شموخ : أي كيفي
نوف : والله انك بزره شموخ انتي فكري بعقل
شموخ : بس نوف
نوف:ــ
شموخ عصبت وقامت : أنا مابي أقعد عندهم انتي ماتحسين ماتحسين فيني مرت عمي ماتدرين وش تقط علي كلام كل يوم تمسي وتصبح علي لو عمي ماهو موجود
كان عذبتني من زمان
نوف قامت وهي بعد معصبه : ها قلتيها بالسانك لو عمي مو موجود يعني عمي ماغلط معك بشي ابد
شموخ :خلاص انتي مالك دخل فيني زين ومشت
نوف امسكتها وسكرت باب المجلس علشان اصواته وقالت بحده : الا لي دخل
شموخ لفت عنها
نوف : شموخ هذا كله لمصلحتك صح مااقولك اني موافقه على زواجك غصب بس الباقي أحسه شي طبيعي كل واحد مسؤول يسويه
مرت عمي بعد ماأقول انها مب غلطانه بس دام عمي موجود ماتقدر تلمسلك شعره تسمعين
شموخ تجمعت دموعها : تقصدين اني أرجع واترك بيت خالتي وتحرك راسها لا : لا .. لا مستحيل
نوف اسكتت
شموخ : خالتي مستحيل ألقى مثلها مستحيل
نوف: أف شموخ انا ماقلت ترجعين بيت عمي بس على الاقل اعتذري منه
شموخ :ــ
نوف : اعتذري منه لأنك طلعتي من دون اذن وقوليله اني مابي مهند
شموخ اقعدت على الكنب
برآ بالصاله كانت لميس قاعد طفشانه اكثير وتلعب بخصلات شعرها
وسديم قاعده تآكل شيز : لموس حبيبتي وش فيك ماتذوقينه لا يكون مااعجبك شكله
لميس : لا ماابي
سديم تعودت عليها مافي لا شكرا ولا هم
شموخ جايه مع نوف : خالتي بطلع غرفة عنود
سديم : خذي راحتك يمى
شموخ ابتسمت ببرود
سديم : وش فيك حبيبتي فيك شي
شموخ بإنكار : لا خالتي ابد
سديم : أي مب علي
شموخ راحت حبت راس خالتها : والله مافي شي انتي لا تفكرين اكثير زين خالتو
سديم ابتسمت
شموخ ناظرت لميس : تجين معنا
لميس بغرور تفكر وهي مع خصل شعرها اللي تقطعو من اللعب فيهم
نوف " الله يقطع شيطانك شموخ الحين حنا رايحين نتكلم اتجيبين هاللي تحرق القلب "
شموخ تنهدت بنرفزه : اذا تبين اتجين تعرفين حنا وين
لميس تناظرها بشكل يقهر الواحد ولا تكلمت
نوف " خلاص خلوني عليها هالبنت ياسمجها ياربي كأني قاعده قدام طفل "
شموخ التفتت على نوف : يلا
وراحو وهم بنص الدرج مايشوفونهم اللي بالصاله كان الدرج دوار وقفت نوف وقالت : شفتي هالبنت اذا شفتها مره ثانيه باأحرق انفاسها
شموخ ماتت ضحك مع انها زعلانه اشوي من نوف
نوف : ياربي كلتني والله أحس روحي وسخه أأأأأأه
شموخ : يمه لا تنفجرين
نوف : انفجرت
شموخ : يلا امشي نطلع بس
نوف : اف
اوصلو لشاطي وراحو بينهم وبين البحر مسافه بسيطه زايد كان قاعد ومهند واقف
زايد : مهند اقعد يلا
مهند : مابي
زايد قام : يلا من وصلنا وانت ساكت ماتكلمت ولا كلمه وش صار
مهند :أففف
زايد يناظر جيب مهند كان منتفخ اشوي واضح ان فيه شي وناظر مهند بعد ماتكتف : ايه
مهند : ابوي وناظر زايد بنظرات حزن وضيق : ابوي يازايد
زايد خاف : بسم الله عليه وش فيه عمي
مهند : لا تخاف مافيه شي مثل الحديد ماشالله
زايد : زين
مهند :ــ
زايد بتساؤل : له علاقه بشموخ
مهند رفع راسه وجهه عليه بس نظراته للبحر : أنا وشموخ أصل المشكله هذي
زايد قرب منه ناظره بتساؤل : وشلون يعني
مهند رفع يدينه لوجهه ومسح فيهم وجهه وهو ياخذ نفس ووقف يدينه فوق انفه وكأنه يفكر
نوف : اقول عن الدلع يكفينا هالسرير
شموخ : اقول انقلعي صغير وشلون آخذ راحتي بنفس بعض يعني
نوف : ايه عادي
شموخ : اقول عن السماجه
نوف تقرب منها وقالت بصوت خافت تبي تعصبها : اجل وشلون لو طلب منك مهند كذا بترفضين
شموخ تناظر فيها بعدم استيعاب
نوف بعدت عنها : يمى هالنظرات تدل على الانفجار بعد اشوي
شموخ بعصبيه من كلامها وقفت مكانها ماتحركت وقالت بتحذير : بعديها لك هالمره بس والله هذاني حلفت والله العظيم اتعيدينها ياويلك سامعه صدق قلة ادب وصدت عنها
نوف : يمى هذي ازعلت صدق وراحت تهديها : خلاص شموخي حبيبتي والله ماقصدت
شموخ ماتناظر فيها : هذي اعذارك والله ماقصدت والله ماقصدت
نوف : يلا عاد عن السماجه
شموخ تناظرها من فوق لتحت معصبه بس تمسك اعصابها : بروح اشوف خالتي اطلب منها فراش وغطا ومشت
نوف تسحبها : لا مب الحين قعدي خلاص انسي اللي قلته قبل اشوي زين خلنا نشوف حل الحين
شموخ تناظر بإيد نوف : فكيني
نوف فكتها
شموخ مشت واطلعت من الغرفه
نوف : وييه شموخي بزر ماتفهم متى نقعد انسولف مثل الاوادم اكبري خلاص ييه ورمت نفسها على السرير بكسل : آآه
شموخ وقفت عند باب الغرفه بعد ماسكرته ثواني بعدها تنهدت ومشت نازله وهي بنص الدرج تنزل حست في شعره انزلت على عيونها
وصارت تحاول اطلعها وهي تنزل و اصدمت بشخص ودخل اصباعها بعيونها : آه ارفعت راسها وهي تناظر اللي اصدمته بعيون وحده والثانيه حاطه
ايدها عليها ودق قلبها حست بروده بجسمها ونزلت اعيونها وهي تبلع ريقها وبحرج :آسفه
انتهى البارت
توقعاتكم /: و آرآئكم ..
من اللي اصدمت فيه شموخ ؟
مهند يروح لبيت خالة شموخ يجيبها ؟ تتوقعون شموخ توافق ؟ ولو وافقت من اللي راح يمنعها ؟
تتصلح العلاقه بين لميس وشموخ ولا ؟
|
09-12-11, 08:16 AM
جديد مواضيع قسم القصص المهجورة والغير مكتملة
العرض العادي
