البارت الخامس والعشرون

.
.



منار : بنات بروح أشرب ماي على بال يجي دوري
نوري : بسرعه لأننا تو نبدا والدور يجي بسرعه
منار : زين زين وراحت




نوف التفتت ماشافت أحد بس حست بحركه بالمطبخ حطت الجوال بجيبها وقلبها يدق وارجولها صارت ترجف " في أحد سمعني "
ابلعت ريقها وهي ترفع يدينها تدفن انفها وفمها وتاخذ نفس عميق بعدها نزلتهم ومشت




منار ادخلت المطبخ وشافت شموخ واقفه تمد يدها تاخذ كاس ابتسمت : والله مثلي مدري وش جايني على العطش
شموخ حمحمت داخلها وابلعت غصتها لا تطلع ومن دون ماتناظرها : أي عطش
منار اوقفت جمبها تاخذ كاس
نوف ادخلت وتفاجئت يوم شافتهم وحاولت تكون طبيعيه ابتسمت وهي تمشي: وش اتسوون هنا
منار ناظرتها : بشرب ماي .. انتي وينك تتمشين
نوف تناظر شموخ اللي اوقفت تصب لها ماي بعدها ناظرت منار وبرتباك : ايه كنت برى يعني اتمشى اشوي زهقت من جو المطبخ
شموخ حطت كاسها والتفتت طالعه
نوف ناظرتها وقلبها صار يدق وجه شموخ مقلوب واضح حيل " لاتكون هي اللي اسمعتني " ناظرت منار يوم اسمعت
منار : وين شموخ
شموخ ناظرتها ودموعه شوي وتطلع : بروح التواليت وارجع العب معكم وراحت
منار تناظرها وهي تروح مستغربه بعدها ناظرت نوف
نوف : وش فيك
منار : لا ابد بس استغربت كانت جايه عندك والحين أشوفكم مثل منتم
نوف دق قلبها أكثر : م متى جات
منار تحط الكاس : ماصار لها كثير بس أحس تغيرت فجأه وتمشي : يلا ماتبين تلعبين معنا
نوف حطت ايدها على صدرها وهي تحس بنبضاتها





أسير بعد الجوال عن أذنه حطه على الكومادينه وهو يتنهد





مريم : بنات .. بنااااات
مزنه تفتح عيونها وتسكرها
منار ونوري ZZzz
مريم : منار نوري مزنه يلا ولا بالماي برشكم
مزنه بكل نوم : زين زين قمنا صلي عالنبي
منار بنوم بعد : وانتي دايم أول وحده قايمه
مريم : قولي ماشاءالله ... نوري وراحت لها اضربت رجلها اللي كانت مفتوحه البجامه كله فوق والغطا طاير كله لمنار
نوري : همممم
مريم : يلا قومي انتي وياها ظهر
منار : زين الساعه 2 انقوم
مريم : أقول قومي الحين وحده وثلث
نوري : زين زين يوه
منار تفتح عيونها اشوي اشوي علشان النور : ماأسمعك قلتي شموخ ونوف وينهم
مريم : شموخ تساعدهم بالمطبخ ونوف تاخذ شاور قامو قبلي
مزنه تقعد وهي تحك شعرها وتتثاوب : ماشاءالله عليهم
مريم تطلع من الغرفه
منار : نوري بعدي ايدك
نوري : سكتي يلا قومي مانبي نتزاحم على التواليت
منار : وليش ماتقومين بالأول بعدين نوف موجوده
مريم : في واحد غيره >> كان بقسم الحريم والرجال بس 2 <<
نوري : انا نمت بعدك ياالكلبه يلا
منار : والله مو ذنبي .. الحين بعدي ايدك آلمتي ظهري الله يكسرك
نوري تفتح عيونها
منار تتثاوب
نوري رفستها : وش قلتي
منار امسكت مكان الضربه بألم : آه آه الله ياخذك نوري آآه
نوري : والله انا لا أكسر مدري شسمونه يلا قومي
منار تلتفت لها : قليلة الأدب مالقيتي الا هالمحل .... آآه والله يألم
مزنه قامت : الحمد لله والشكر والله انكم فاضيين





شموخ مانامت طول الليل بس ماكان واضح انها مانامت كان مبين كنها تعبانه ومرهقه
مريم ادخلت
فدوى : قومتيهم
مريم : ايه
شموخ تقطع الخيار ارفعت ايدها ترفع خصلات شعرها بذراعها وحست بمريم جات عندها وكملت تقطيع
مريم تناظرها : كنك تعبانه وش فيك
شموخ تحرك راسها لا : بس مانمت زين وتحط الخيار بالطاسه وتشيل خيار ثاني
مريم : ليش عسا النوم الجماعي يزعجك
شموخ ناظرتها ببتسامه صفرآ : لا بالعكس بس ماكان فيني النوم قعدت على الآب اشوي ونزلت نظرها تكمل تقطيع : اسوي البحث حقي
بعدها تركته ونمت بس كان مقطع
مريم : اها .. زين عنك خلني اقطع لا تغمضين عيونك وتجرحين عمرك
شموخ : لالا خلاص مابقى شي
مريم : برآحتك وتروح عنها : وش أسوي انا
جنان : ناظري الرز صار أو لا
مريم : زين
شموخ تقطع بس عقلها عند نوف
" ماجا على بالي يوم تجرحيني لهالدرجه نوف .. انتي خنتيني .. وحست بغصتها ودموعها انزلت على السكينه " ليش نوف "
حست بألم ورجعت لدنيا وهي تترك السكينه وتناظر اصبعها اللي اجرحته السكين جرح شبه عميق وصار ينزف
ام نايف كانت رايحه لثلاجه وانتبهت لإصبع شموخ : آه
الكل ناظرها وشموخ اضغطت عليه لا ينزف اكثر
مريم تناظر خالتها اللي راحت لشموخ
ام نايف : انتبهي
شموخ منزله عدساتها ناظرت بالخيار اللي قطعته جا عليه اشوي دم والسكينه بعد وبعدت نظراتها عنه : آسفه شردت اشوي
مريم : قلتلك عطيني اكمل عنك
جنان : روحي غسلي
مريم : مزنه عندها لصقة اجراح روحي لها
شموخ : زين واطلعت
مريم : مانامت الليل وشكلها انعست
جنان : علاقتها مع نوف احسها متوتره
ام نايف : سمعت من نوري انهم متزاعلين بس اللي مستغربه منه شلون شموخ وافقت تجي وهم متقاطعين
مريم " زين يانوري أخبار على طول "





شموخ وقفت يوم شافت نوف طالعه من التواليت
نوف كانت حاطه المنشفه على راسها ولابسه اسبورت وردي واصفر انتبهت لها وتاهت عدساتها وقلبها صار يدق
شموخ بعدت نظراتها عنها
نوف انتبهت لآثار دم يطلع من بين اصابعها وناظرتها وهي تبعد عن الباب : ادخلي
شموخ مشت داخله وسكرت الباب
نوف " موب عاجبني الهدوء اللي انتي فيه بس ابي اعرف زعلك من اللي صار بينا ولا لأنك سمعتيني "
تنهدت بضيق والخوف انتشر بجسمها كله ارفعت ايدها وناظرت فيها شلون ترجف






مها : حبيبي الناس صلو الظهر وانت نايم يلا قوم
منصور فتح عيونه وهو معقد حواجبه من النور
مها اطلع لها لبس من الدولاب : يلا قم من جيت وانت نايم يلا ياكسول
منصور قعد : متى جيتم
مها تسكر الدولاب : الساعه 7
منصور ينزل من السرير : ماشاءالله
مها تحط الجلابيه البيج على الكرسي : ماشاءالله الكل كان هناك بنات عمي وعماتي كلهم
منصور يقوم
مها : وأختك ماخلت بنت ماتصورت معها ومليون الف صوره حتى معي ومع امك
منصور ابتسم : ليش وش عندها
مها : مدري عنها ماغير تسحب بهذي وهذي
منصور مكتفي بتسامه
مها : يلا ادخل لأني باخذ شاور وانزل أحط الغدا مع خالتي


تحت
ام مهند : ميار وطي الصوت
ميار : مابي كذا واطي

لا ترافأ الأندبوري
سيبك من الأندبوري
صحبتو لأ مش ضروري
مبخله هالأندبوري
واو واو الاندبوري
واوا واوا الأندبوري
^^
ام مهند : أقول وطيه لا أجي أسكره وأريح راسي
ميار : زييين أووف
ام مهند : أوف منك
مهند نازل وهو يناظر ميار : السلام عليكم
ام مهند ناظرته وهي تقعد وتهوي نفسها : وعليكم السلام ... شايفتك مارحت الشركه
مهند حب راسها بعدها قعد : مب رايح اليوم
ام مهند : ليش
مهند بسخريه : ابو محمد ماشاءالله عليه رجال يعتمد عليه اليوم مب رايح
ام مهند تناظره
مهند انتبه لنظراتها وناظرها : تبين اتقولين شي
ام مهند تبعد نظراتها : لأ .. بس معصبه اشوي
مهند : انتي كل يوم معصبه وقام راح قعد جمب ميار باس خدها بقوه بعدها قال : انتي ماعندك غير هالقناه
ميار وهي تناظر التلفزيون : احبها
مهند يناظر : بس هالأغنيه وش حلا فيها
ميار تناظره : كل اغانيهم حلوه وتناظر التلفزيون
مهند مبتسم ولف لأمه يوم سمع
ام مهند : صايره شموخ تطلع من دون اذن ولسانها يبيله قص بعد
مهند :ـ
ام مهند : انا معد اقدر اتحمل وجودها بالبيت افف
مهند بعد يدينه عن ميار بتنهيده
ام مهند : لو تموت وتفكنا وجودها يزعجني
مهند قام
ام مهند : وين انا اتكلم معك
مهند يتكلم مع حركه بإصبعه : اسطوانه اسمعها اكثر من مره باليوم .. رايح اشرب ماي
ام مهند : علشان تعرف شكثر هالبنت مب مناسبه هالبيت خلها لأهل امها او عمك راشد مافي الا حنا الخير كثير
مهند بتململ : يمى واللي يخليك انا مقدر اتحمل اسمع هالكلام وراح
ام مهند تكتفت
مهند وهو داخل المطبخ : وابشرك لا مشت الامور تمام ماراح تبدا السنه الجايه الا وانا متزوج
ام مهند : لا ترفع ضغطي وهو مرتفع من اساسه ولفت نظراتها لميار اللي كانت تغني مع اللي تشوفه
بعدها بعدت نظراتها عنها وهي تتنهد






بسام : لاااا انت اكيد جنيت
ماجد : ياخي عقلي ماصار بالشغل
بسام بحده : اقول اهجد وحط عقلك براسك شنو تفصل من الشغل
ماجد : زين انا مابي اداوم انت وش حارق رزك
بسام : والله ماتفصل هذاني حلفت ولو فصلت انساني سمعت وقام من قدامه رايح يكمل شغله
ماجد تنهد ورمى عقاله على الارض رجع ظهره للكرسي وهو يرجع يتنهد مره ثانيه لاكن كانت اقوى
قعد ثواني بعدها رفع راسه اشوي وهو يحس بالعذاب واحساس بالندم ليته ماتسرع وسوا كل اللي سواه
بس وش راح يستفيد شموخ ماراح تنساله هالشي طول حياتها
شد عل ايده بعدها حاول يرجع يلهي عقله بالشغل







ابو ماجد كان قاعد على الجريده
أسير جاي : يبى تبي اشتري غدا
ابو ماجد ونظره بالجريده : شوف اختك انا مابي شي
أسير رايح بعدها رجع التفت لأبوه : يبى انت زعلان
ابو ماجد :ـ
أسير : يعني مايصير الواحد يمزح معك لو عرفت انه كذا ماكان سويتها
ابو ماجد للحين عيونه بالجريده : أنا مب طفل تلعب عليه عندي عقل واعرف شلون الواحد يوم يتكلم ويجي يغير كلامه على انه يمزح ماعندي هالحركات
اسير تاهت عدساته
ابو ماجد : روح شوف اختك اذا تبي غدا وسكر الجريده حطها على الطاوله وهو ينزل نظاراته : وانا بروح ازور امك انتم زوروها المغرب
أسير : ان شاءالله
ابو ماجد مشى طلع فوق
أسير تنهد أبوه حاس بكل شي بس ساكت






منار : آآه ياالله نعسانه
نوري : منار قومي بدلي بجامتك يلا
منار : انتي خاصه ولا كلمه مابي أسمع منك حرف
نوري : براحتك ماراح أتكلم معك
شموخ وهي قاعده حست بالدوخه وغمضت عيونها بعدها افتحتها
محد انتبه لهالشي الا نوف
مريم : تسلم يداتك خالتي الرز طعمه لذيذ
منار بتحلطم : مالت عليهم بدال مايجيبون لنا من برآ قال حنا نطبخ
مزنه : أقول اكلي وانتي ساكته
منار : آه
شموخ قامت : الحمدلله
نوري : وين ماكليتي
شموخ : والله الحين جاني النوم بروح انام اشوي عبال العصر
نوري : أمم براحتك
شموخ راحت وهي تمسك عمرها حاسه بدوخه قويه
ام نايف انتظرت لين راحت شموخ بعدها ناظرت نوف : انتي وياها الحين ليش متزاعلين
نوف ناظرت امها : ها .. شلون ماسمعت
ام نايف : اقول وش عندكم هالأجواء انا ماأحبها ولا كان ماجات من الأساس
مريم تخز نوري
منار انتبهت لها ودزت نوري : يمى نونو
نوري ناظرتها : مب قلتي ماأكلمك
منار : ناظري مريوم شلون تناظرك
نوري ناظرتها وغمضت عيونها وافتحتها بسرعه : نعم خير وش تبين
مريم : حسابك بعدين
نوري : الحمدلله والشكر وش امسويه انا المهم منار وتناظرها : سمعي
ام نايف : هاللي بينكم ينتهي والحين يلا أشوف
نوف : يمى هي اللي بدت وهي اللي تعتذر مب انا
مزنه : أقول عن العناد حقك هذا يلا قومي سمعي كلام خالتي
نوف تناظرها : أظن مالك علاقه
ام نايف : اللي قالته مزنه يصير يلا
نوف ناظرتها : يمى قلتلك هي الباديه
ام نايف : زين ليش عازمتها من الأساس ها
نوف : وانا وش دراني انه بيصير كذا كانت الأمور ماشيه تمام بعدين بدت تخربط بالكلام
ام نايف : قبل كم يوم كنتم متزاعلين شلون وش دراك
نوف ماافهمت عليها بس ماقامت من مكانها






شموخ ادخلت الغرفه وارتمت على الفراش " آه "
تصلحت وغطت نفسها بعدها راح عقلها لأمس الليل

نوف: أعرف شي واحد ...... أنا أحبك

حمر وجها وتعلقت دمعه بطرف عيونها وامسحتها وهي تسمع صوت الباب ينفتح
لفت للجهه الثانيه وهي ماتعرف الداخل بس كانت ماتبي تبين وجها الفضيحه لأحد
نوف كانت حيل خايفه وامنيتها ماتكون شموخ اسمعتها راحت لها واقعدت وهي متردد فوق راسها تقريبا من جهة وجها
شموخ حست بأحد فوقها بس ماتحركت ولا فتحت عيونها
نوف : مامداك تنامين
شموخ يوم اسمعت صوتها فتحت عيونها
نوف تناظرها
شموخ ارجعت غمضت عيونها وتنزل راسها اشووي : تعبانه نوف وابي انام
نوف : خلاص شموخ انا آسفه والله اللي قلتيه ماكان هو قصدي
شموخ :ـ
نوف : تدري شكثر اللي يصير لك احس فيه حتى انا علشان كذا حبيت اشاركك مثل كل مره مو مثل مافهمتي انتي
شموخ افتحت عيونها وارفعت جسمها اقعدت : ادري ناظرتها اسكتت اشوي بعدها : بس انا تعبانه حيل نوف واحسن ارجع البيت بس مب عارفه مع من ارجع
نوف حست انها تطمنت توقعت ان اللي صار بينهم هو سبب زعلها وبس وامس مااسمعتها وهي تكلم ابتسمت برتياح بعدها : سلامتك ليش وش فيك
شموخ : راسي يعورني وحاسه بالدوخه
نوف حطت ايدها على وجه شموخ : يمكن لأنك مانمتي نامي وان شاءالله تصيرين أحسن
شموخ مااقدرت تتحمل تناظرها أكثر نزلت عدساتها وخانتها دموعها وهي اطلع شهقتها بعدها انسدحت وهي تلم جسمها لها
نوف خافت عليها وقلبها صار يدق بتردد حطت ايدها على راسها : شموخ وش فيك
شموخ :ـ
نوف : لا يكون السبب أنا
شموخ :ـ
نوف تبلع ريقها بخوف: أنا
شموخ حركت راسها لا
نوف براحه قامت غيرت مكانها بعدها اسحبتها تقعدها : زين قولي وش فيك
شموخ تقعد : مو مهم
نوف وهي تمسح دموعها: شلون مو مهم تكلمي
شموخ ناظرتها
نوري جايه ركض افتحت الباب
نوف ناظرتها شموخ ماالتفتت
نوري برتباك : آ وادخلت : بس أبي كمرتي
نوف : بسرعه
شموخ تقوم
نوف تناظرها
شموخ : بروح التواليت
نوف : زين انتظرك
نوري تناظرها لين اطلعت بعدها ناظرت نوف وهي تفتح شنطتها
نوف ناظرتها : وش فيك
نوري : لا بس .. واسكتت بعدها لفت نظرها لشنطه :ولا شي شالت كمرتها واطلعت
شموخ غسلت وجها واطلعت وقابلت نوري بوجها
شموخ مشت بس وقفها صوت نوري
نوري : شموخ وش اللي بينك وبين نوف
شموخ ناظرتها بعدها ابتسمت لها ابتسامه صفرآ : مافي شي بس أنا تعبانه اشوي
نوري كانت حاسه ان الموضوع يتعلق بأسير وتوقعت ان شموخ اعرفت علشان كذا كانت خايفه ماتدري ليش بس اللي تعرفه انها ماتبي أختها وبنت عمها يتفرقون لهالسبب







الباب يندق
عنود كانت قاعده على السرير وتناظر بالألبوم كانت راميه الألبومات قدامها وتناظر بواحد يوم اسمعت صوت الباب ردت : تفضل
أسير فتح الباب
عنود يوم شافته سكرت الأبوم وجمعت اللي قدامها
أسير راح لها وقعد جمبها بس طرف السرير : ليش سكرتيه
عنود من دون ماتناظره : من الصبح وانا اناظر فيهم زهقت
أسير سحب واحد : زين وش رايك انشوفها سوا
عنود ناظرته وبعدت نظراتها عنه : براحتك
أسير ببتسامه لف نظره عنها وفتح الألبوم
عنود تناظر
أسير كشر : هالصوره ماقطيتوها
عنود بضحك : والله ماأقطها
أسير ناظرها بعدها قام يسحب الصوره
عنود قامت : لا والله لا أزعل منك اتركها
أسير طلعها : لا مافيه
عنود امسكت يدينه : أسير لا
الصورة صورة أسير لابس حفاظه وتدرون أغلب الأطفال لازم كرش وماد لسانه كان عمره ثلاث سنوات لأنه ماتعلم روحة التواليت مبكر ويكره يشوفها
عنود تناظر بإيده راح يشقها
عنود : أسير والله لا أزعل والله
أسير شق اشوي منها : لا والله ماأخليها
عنود تصارخ : يبااااااااااااااااااااااااااااااااا
أسير شقها بالنص
عنود فتحت عيونها : لااااا
أسير : والله ماأخلي فيها قطعه وقعد يشقها وعنود تناظر لين صارت قطع صغار
عنود : أكرهك
أسير رجع قعد وفتح الألبوم وبمزح قال : يلا يلا لميها من الأرض وعلى الزباله
عنود شالت كل الالبومات واسحبت اللي معه : والله ماأخليك تشوف ولا شي وراحت لدرجها حطتها
أسير : هيي هيي بشوف
عنود : والله ماتشوف وتسكر الدرج
أسير : أنا آسف يلا عطيني
عنود تقلده بستصغار : انا آسف .. يلا برآ غرفتي يلا
أسير : مب طالع لين تعطيني يلا
عنود : اجل اقعد مكانك والله ماتشوف ولا صوره لين ترجعلي هالصوره
أسير يناظر بالأرض بالقطع بعدها ناظرها : شلون
عنود : مالي دخل رجعها
أسير : أول عطيني بعدين أشوف شسوي مع هالصوره
عنود : تلعب على من أقول برآ
أسير قام : من قال اني بشوفهم عندي أحلى منها
عنود : مايهمني بعدين امي عندها نسخه من هالصوره وتاشر على الأرض
أسير : أحلفي
عنود : والله وخالتي سلمى وخالتي سعاد الله يرحمها وشموخ يعني شموخ عندها ثنتين الحين ولميس وحتى بيت خالي عبد الرحمن
أسير يفتح عيونه : لا أكيد تمزحين
عنود ترفع حاجبها وتنزله : ماتقدر علي بكرى أتصل على شموخ ترسلي وحده من اللي عندها
أسير : أذبحك
عنود تضحك بستفزاز : يااه انحرج
أسير راح لها : قولي انك اتكذبين
عنود تناظره ببلاهه : امممم
أسير مسك ذراعها وحط يده الثانيه على رقبتها : تكلمي ولا بذبحك الحين
عنود : يمى لا تقطع نفسي بعدين ليش أكذب أنا صادقه وادق على شموخ الحين وتقولك
أسير تركها وصرخ بقهر : آآه
عنود : سلامات
أسير يرفع اصبعه السبابه : عنود هالصوره لازم تنحرق ومن كل واحد مستحيل تقعد عندهم
عنود : مالي أي علاقه وقلتلك باخذ نسخه
أسير مقهور : الحين حد يحتفظ بصوره مثل كذا ولا مو بس بالبيت الأهل كلهم عندهم نسخه حلو والله
عنود تمد لسانها
أسير : المهم .. تبين غدا ولا لأ
عنود : لا بروح عند أمي
أسير : ابوي رايح لها وقال حنا نروح لها المغرب
عنود : أجل خلنا نروح مطعم
أسير رفع حاجبه : أنا ماقلت عازمك
عنود تمد بوزها : ترضيه
أسير تكتف : على
عنود : لأنك رفعت صوتك علي أمس
أسير : سكري على هالموضوع لأني مارفعت صوتي عليك العب أنا جد معصب من هالشي
عنود علشان لا يقلب عليها غيرت الموضوع : زين زين أنا آسفه .. أبي ورق عنب من الفسطاط وكبه بعد مابي رز
أسير : تصدقين أشتهيت
عنود : احم
أسير : يلا أنا نازل أطلب وانتي ثواني وتكونين تحت لأني بزهق بروحي
عنود : زين زين ببدل ملابسي وانزل
أسير صد عنها ببتسامه وطلع







نوف : ها تبين أجيبلك ماي شي
شموخ تحرك راسها بلا
نوف : زين تبين بندول عندي
شموخ : لا عندي ادويتي
نوف عقدت حواجبها : أي أدويه
شموخ : مره يغمى علي بالجامعه ورحت على المستشفى عطاني أدويه
نوف : بسم الله عليك ليش ماقال وش فيك يمكن سكر
شموخ اسكتت اشوي بعدها ناظرتها : أنا ماأعرف شي بس وكملت بعد مااسكتت ثواني : الدكتور تكلم مع أسير لأنه هو اللي وداني
نوف تاهت عدساتها اشوي وشموخ انتبهت لها وانتبهت لقبضة ايدها
نوف : اها .. من الدمام رجعتي معه
شموخ : امم
نوف :ـ
شموخ ابلعت غصتها بعدها ارفعت يدينها تهوي نفسها حيل حاسه بالكتمه
نوف : انتي ناقصك مشاكل شلون ترجعين معه بروحك
شموخ ناظرتها وبدت تحس بالكراهيه لها بس امسكت عمرها لأنها لو تكلمت بتقولها انها اسمعتها وهي ماتبي هالشي
نوف انتبهت لنظراتها : قلت شي غلط
شموخ غيرت نظراتها لها يوم انتبهت : ماصار شي أصلا
نوف : ــ
شموخ ببتسامه سخريه : بس تدرين
نوف : شنو
شموخ : امس بالمستشفى
نوف دق قلبها وشموخ حاسه بكل شي يصير لنوف
شموخ بعدت نظراتها عنها : كان انسان غريب واعتذر مني أكثر من مره .. وابتسمت سخريه أكثر : أووهوو صح ماتعرفين ليش
نوف :ـ
شموخ ناظرتها : يعني مو شي مهم قط علي كلام وبس وصار يعتذر تصدقين انه كان مسخره
نوف :ـ
شموخ : وامس اعتذر بعد وكان بيقولي شي وأنا طالعه من المستشفى
نوف ضمت كفينها لبعض وحست بضيق بالنفس
شموخ : قالي أتمنى تصدقيني هالمره ومن هالكلام بس انا وقفته
نوف :ـ
شموخ : وللحين مااعرف وش كان راح يقول بس اللي اعرفه انه مو اللي توقعته
نوف : ل ليش انتي وش حسبتي
شموخ حطت عينها بعين نوف ظلو كذا ثواني بعدها انطقت بصوت اخفت :
يحبني
نوف ضاق نفسها أكثر وبعدت نظرها عنها بعدها ناظرتها ببتسامه مصطنعه
شموخ للحين مثبته نظرها فيها وشدت على قبضتها
نوف : زين شلون عرفتي انه ماكان راح يقول انه يحبك يعني هو يحب غيرك
شموخ بكل ثقه : ايه
نوف انرسمت ابتسامتها على خفيف
شموخ تكمل : اكيد
نوف " يعني أمس دق علي علشان يقولي اياها "
حطت ايدها على صدرها من دون شعور بعدها انتبهت ونزلت ايدها وهي توقف : احس اني زهقت من القعده خلنا انقوم
شموخ : بس انا مازهقت وقلتلك أبي أنام
نوف تناظرها : وش فيه اسلوبك متغير
شموخ تنسدح بالفراش وتغطي نفسها : مافيني شي
نوف : براحتك ومشت طالعه
شموخ حست انها تغلي غلي بس امسكت عمرها وغمضت عيونها بعد ماخذت نفس بسيط
ويوم اسمعت صوت الباب يتسكر افتحتها







مهند كان سارح واضح انه يفكر ويهز رجله قطع عليه صوت مها وهي جايه
مها : السلام عليكم
مهند + ام مهند + منصور : وعليكم السلام
مها : آسفه خالتي تأخرت
ام مهند : لا عادي توني قايمه أشوف الرز
مها تقعد جمب منصور
ميار : مها اليوم بروح معكم
مها ناظرتها وهي تعقد حواجبها : وين
منصور : للإستراحه
مها ناظرته بتذكر : اها ناسيه
منصور :ماراح انطول راح انروح العصر ونرجع بحدود الـ 9
مها : براحتك بس أنا لازم أدق على شموخ يمكن هم ماعندهم خبر اني راح أجي
منصور : زين أهم شي كوني جاهزه العصر وجهزي شنطه
مها : ليش شنطه
منصور : ماراح تسبحين
مها بضحك : لا مابي
منصور : وش اللي يضحك
مها همست بإذنه : حالتي ماتسمح
منصور بفهم : اها زين
مها قامت : جهزتي السلطه خالتي
ام مهند كانت قاعده على الجوال : كل شي بس روحي شوفي الرز أكيد صار
مها راحت
منصور كان يناظرها بعدها انتبه لمهند كان مشغول بعقله تنهد يوم تذكر طلعته من غرفة شموخ امس






العنود : بتحرق بيتي الـ ..
الهنوف : أوف والله هي تسوي عمرها ماتبي تروح بس أمي وأبوي هاوشوها
العنود : والله هذاك اليوم يوم كنتم جايين عندي ماأحتجتي حتى تسويين أي شي هي من نفسها ارفضت الروحه بحجة المذاكره
الهنوف : ودايم هذي حججها
العنود : المهم هذي مابيها تدخل بيتي أحسها حاقده شلون أتزوج قبلها
الهنوف : أقولك تحلم المره ماراح تتزوج هي وخشتها
الجوري كانت طالعه من غرفتها واسمعت الهنوف
الهنوف كانت بالصاله ويوم شافتها عطتها ظهرها واقعدت سوالف
الجوري راحت لغرفة المها



المها كانت قاعده على البيانو بالآيباد من الملل
الجوري اسمعت صوته وابتسمت وادخلت من دون ماادق
المها ناظرتها ووقفت وشالت الرموت وطت صوت التلفزيون : ياهلا
الجوري سكرت الباب : هلا فيك وراحت لها : وش عندك
المها : طفشانه وقلت أخبص أي معزوفه
الجوري تقعد : اها يلا سمعينا
المها : أقول لا تتمسخرين
الجوري : خخخ والله اني ماأعرف للعزف علشان أقيمك المهم وش راح تلبسين اليوم
المها بفيس طفشان حيل : وليش أنا فكرت
الجوري : زين وش رايك أساعدك
المها تأشر على الغرفه : تفضلي هذي الغرفه بإيدك أنا مب امتعبه عمري أجهز من الحين وتبعد نظراتها عنها تقلب بالقنوات
الجوري : أمم يعني أنا أعرف ليش ماتبين تدخلين بيت العنود بس اللي تسوينه اسمحيلي المها عيب
المها ناظرتها
الجوري :ـ
المها تاهت عدساتها بعدها ناظرت التلفزيون : أنا كنت مشغوله وبس
الجوري : لازم تنسينه ترى لو عرف أبوي أو أمي بهالشي مااعرف وش راح تكون ردة فعلهم ولو العنود الله الله بتنذبحين من يومها
المها : وليش من وين راح يعرفون
الجوري : ياحياتي الهنوف راس البلا ماتعرفين يجي يوم وتقول للعنود والعنود بدورها عند أمي وأبوي على طول
المها : ماتقدر
الجوري : وليش كل هالوثوق
المها : أنا اتحداها وبتمسخر :أكيد ماترضى تزعل حبيبتها
الجوري : أي ممكن بس انتي حاولي تنسينه وفكري بغيره ماشاءالله الخير واجد
المها : أنا على وشك امحيه بس أحب بعده مستحيل
الجوري : أحسن لك وش تبين بالحب وانتي بهالسن ترى بعدك صغنونه
المها اكتفت ببتسامه صفرآ
الجوري تقوم وتسحبها : يلا يلا قومي خلنا انشوف وش راح تلبسين
المها تنهدت
الجوري : يلا عن الدلع
المها : يلا قايمه







نوري كانت اتصور البنات كل وحده تستهبل وتتصور
مزنه : أقول أهم شي صوري أمي وامك وخالتي فدوى
فدوى : والله بالزنوبه لا تصورون
نوري بدلع : والله ماراح أصور .. وتناظر مزنه : يااللي مدري شقولك سكتي
نوف كانت معهم لأن بعد اللي قالته شموخ حست بالفرح معقوله اتصل أمس علشان يقول انه يحبني
مريم : ويلا خلنا انتصور برآ
منار : الحين شمس خله العصر وتسحب الكمره من نوري : يلا دوري خلني أصور
نوري : كمرتي ولا كمرتك ابعدي
منار : يعني تصورينا ولا تتصورين يلا يلا تقلعي ودفتها وهي تاخذ الكمره منها
نوري كانت بطيح : جعلك الرز
مريم بضحكه : اهم شي
مزنه : من جد
نوف : أقول من وين طلعتي هالدعوه
نوري : هي اطلعت
مزنه تضحك وقطع عليها صوت جوالها طلعته من جيبها
" تروووك "
ابتسمت لا شعوريا ً ابتسامه بسيطه وافتحتها
" يؤيؤيؤ له له له له وين الناس ترى بديت أمل شوي وارجع البيت وش عندكم ماادخلونا عندكم الباب أشوفه مقفل
ناسينا على الآخر حرام عليكم " مزنه غصبا ً عنها اضحكت والكل ناظرها
مزنه : يقولكم تركي ليش ماتفتحون الباب اللي بينا وبينكم لأنهم ازهقو يبون يبسطون معنا
ام نايف : أي والله نسيناهم
منار : فرصه يصير أصور كل واحد بخشته
مريم : بس نسيتم شموخ أنا علشان كذا ماحبيت أذكركم فيهم
جنان : البنت نايمه
ام نايف : ولا قامت تسمع أصواتهم تقعد بالغرفه
مريم : زين
مزنه : يعني ادق على حاتم
ام نايف : دقي بس يلا أشوف أول بدلو اللي لابسينه
منار : ويييه خالتي مافيها شي حنا أخوان بعدين وش الفرق يعني خلنا مرتاحين
نوري : أقول انتي ام بجامعه آخر وحده تتكلمين اتقومين وانتي ساكته
منار : أقول أنا مب قايمه
فدوى بمزح: فديت بنتي صغيره خلوها براحتها
مزنه ترفع حاجبها وتناظر خالتها بعدها منار : أقول أقول بتقومين ولا بالنعال على وجهك
منار : يمى أشفيك أمزح ييه
مزنه : مب وقتك
منار تقوم بتلميح : يمى هالكثر مستعجله
مزنه خزتها
منار مدت لسانها وراحت " واتقولي مافي شي هذا وجهي يامزوون راح أعرف "



عند الشباب
زايد : الأسبوع الجاي ان شاءالله رايح مكه
كريم : ماشاءالله الحالك
زايد : لا والله مع واحد من الشباب أسير اذا تعرفه
كريم عقد حواجبه : الأسم مب غريب علي
تركي : عرفته الساكت
كريم : انتظر هالاسم ابد مب غريب ولد من
تركي : أخو ماجد الله ايهداك
كريم بتذكر : اي اي عرفته .. وناظر زايد : عمره مقبوله مقدما ً
زايد : ان شاءالله تسلم
فهد : الحين من جد رايح معه أنا كل ماأشوفه ساكت على بالي اطرم
نايف : أي هو ساكت بس مب اطرم
فهد : أمزح ياالطيب
حاتم يرد على جواله : ياهلا
مزنه : أهليين والله أخبارك
حاتم : تمام
مزنه : أقول يلا فتحنالكم الباب امشو
حاتم عقد حواجبه : أي باب ووش السالفه
مزنه : يعني ارحبو عندنا ترى ننتظركم يلا
حاتم : زين أكلم الشباب أشوف
مزنه : سلام وسكرت
حاتم يسكر : أقول شباب
ماكانو يمه
نايف : انا عازم الشباب منصور ومهند منصور ان شاءالله جاي بس مهند والله مدري وأخوياي
كريم: والله وانا بعد عازم اخوياي
حاتم : شبااب
ناظروه







بيت أبو رياض كانو يستعدون حق طلعة البر لأنهم العصر طالعين
لورآ ببتسامه : يلا باي
أفنان : باي
لورآ تسكر
سهى : حلا وين اخوك
حلا : ماادري
آدم : هو وسلمان اطلعو بلآ
سهى : ياالله وين بهالشمس
هند تنادي : سلمان
سهى وهي تروح : بالحوش مع رائد
غلا من فوق : آدم ... آدم
آدم راح لدرج ورفع راسه لفوق : هااا
غلا : تعال ماما البسك
آدم : مابي بلوح مع خالو لياض
غلا : وين وتنزل : امش خالك قاعد يطلع الاغراض مع جدك امش
آدم يهرب
غلا تسرع بالنزول : آدم
آدم راح
غلا تركض واطلعت برآ: آدم
لورآ وهي تروح لغرفتها : ماشاءالله تبارك ارحمن وش هالازعاج
رآما اطلعت من غرفتها وهي تتثاوب
لورآ ترجع لورآ
رآما تحك عينها وانتبهت لها : وش فيك تناظريني كذا
لورآ: انتي من جدك نايمه
رآما: ماكنت نايمه
لور آ: عبالي كنت بهزئك
رآما تنزل
لورآ ادخلت غرفتها
رآما : يمىااااااااااااا اااااااااااا
علا بتكشير : عمتي لا تصارخين
رآما تناظرها : مو شغلك وين جدتك
علا : مدري
رآما : يمىاااااااااااااا
سهى تدخل : هييي هدوء وين قاعده
رآما : ماشاءالله سامعه الهدوء أنا الحين وتروح وبعناد تصارخ : يمىاااا وينك






منار : هيي أبي أصوركم
نوري ادزها : انتي ماتبلعين لسانك صراحه أحس انك جريئه بزياده
منار رفعت حاجبها : أقول هيي من انتي
نوري تبعد نظراتها عنها : سكتي بس
منار : ياالله مزاجي بعدين كلهم أخواني وعارفيني حافظيني حفظ
نوري : براحتك وجات نظراتها على فهد مااعرفت وش اتسوي رسمت ابتسامه بسيطه وبعدت نظراتها لخالتها جنان اللي كانت تتكلم
جنان : وين كريم ونايف ماجو معكم
زايد : والله قاعدين مع الشيبان وانا بعد شوي رايح لهم
نوف تكتفت : نفهم من كذا نك انت وهم ماتبون جلستنا ها
زايد ناظرها : أفا ماعاش من كره الجلسه معكم
فهد : أي والله بعدهاناظر أمه : يمى تدرين ان ولد عمي سامي خطب
منار بلقافه قبل تتكلم أمها : قوول قسمممم
فهد ناظرها : مايمدحون اللقافه
منار : حبيبي هذا ولد عمي شنو لقافه شنو خرابيط المهم منو خطب من جماعتنا واذا لا وش ترجع ووين ساكنين ولا من الأهل
حاتم بضحكه خفيفه دز فهد : أقول يلا جاوب على السؤال الأول تذكره ولا أذكرك
فهد : وأنا لحقت أستوعب سؤال عن الثاني بعدين أنا أكلم الوالده مب انتي زين
منار بترجي : أمم يلا
ام نايف : زين انتي لو تسكتين بتسمعين كل شي
منار تتنهد : زين سكت
فهد : نذاله ماراح أقول
منار : عساك ماتكلمت الله يخلي وفاء ادق عليها
فهد : أي روحي انتي والبزر هذيك جد عليكم لقافه مب صاحيه مدري من من وارثينها
منار : بزر بعيونك
زايد : زين زين أقول لاتتحول الجلسه لهواش سكتو
منار مقهوره منه : أووف
نوري كاتمه ضحكتها بعدها قربت راسها من راس منار وهي تهمس : الا زايد مايحب الهواش
منار تناظرها : وزين وش دخلني فيه
نوري تغمز لها : حبيبتي لو قربتي تعنسين وزايد ماتزوج أفكر أخطبك له
منار اصرخت : كلي تبن
نوري حطت ايدها على فم منار والكل ناظرهم
نوري بحرج همست : الله يفشلك
نوري تبعد ايدها وبستهبال : خير نعم صار شي وش فيكم تناظرونا
مريم : منار شكلك ماشبعتي نوم أنا أنصحك تروحين اتنامين
منار : سكتي سكتي الحين وتناظر نوري : انتي لي تفاهم معك زين
نوري : ياليل مطولك ليتني مامزحت معك .. بعدين وتوطي صوتها أكثر : تراه مايبي من العيله أنا أمزززززززززززززززح بس ياالله
منار : أصلا أنا ليش أكلمك ياالدب اليوم ألمتيني وماراح أنساها بحياتي وقامت راحت اقعدت بين مزنه ومريم
نوري : روحي مب ميته عليك ياالعصلا وانتبهت لنظرات حاتم وفهد لها وتاهت عدساتها بحرج وهي تبلع ريقها ليش يناظروني كذا
حاتم بعد نظراته عنها وهمس : أقول فهييد عجل بالزواج ولا ترى بسرقها منك
فهد ناظرها بخزه محترمه : عيد ماسمعت
حاتم ناظره ويوم شاف خزته : لالا والله أمزح
فهد : أسمعك اتعيدها
حاتم : لا والله بس حبيت ادردش معك
فهد : مو كل شي ينمزح فيه قالها بحده
حاتم بلع ريقه : زين زين .. أنا آسف والله وحقك علي وحك راسه بتململ
منار : اييه ياعصافير الحب وين رحتو
مزنه ناظرتها : وش تبين
منار : أقول ترى تركي ماقاعد يناظر فيك كذر ماانتي كليتيه من ساسه لراسه
مزنه قلب وجها أحمر : شلون وارفعت ايدها اسحبت اذنها
منار بألم : آآ
مريم تناظرهم : هيي هيي انتي وش جابك هنا أصلا قومي مكانك
منار بفيس بريئ : مريوم خل أختك تشيل ايدها
مريم : تستاهلين اللي يجيك بعدين شمسويه أكيد قهرتيها
منار تمثل الصدمه : مروووموو الحين انتي ادافعين عنها أنا حبيبتك
مزنه تسحب أكثر : الحين خلك معي وأشوفك اتلمحين لشي مره ثانيه
منار : آآه .. زين زين آسفه والله اتركي
مزنه اتركتها
تركي طلع جواله وفتح الرسائل وكتب رساله وأرسلها






الجوال يدق ويدق
فتحت عيونها وهي تسمع نغمة جوالها اسحبت الشنطه بكسل وعلى مهلها
لين وقف المتصل
كانت معقده حواجبها معقوله غفيت حطت ايدها على راسها بعدها تنهدت واسحبت الشنطه لين اوصلت عنها افتحتها وطلعت جوالها
" مها "
عقدت حواجبها أكثر بستغراب " مها ... وش تبي "
شافت منها اتصالين كانت برجع الجوال وادق عليها بعدين بس تراجعت ودقت وهي منسدحه
وحطت الجوال على اذنها وهي تتثاوب



مها تقعد : ماترد يمكن بعيده عنه
ام مهند مقهور : ماله داعي تروحون بعدين ام نايف ولا فكرت تعزمني ليش وش ناقصني أنا
يعزمون البنت ويتركوني جد ماهقيتها منك ياام نايف
مها ماعلقت واسمعت جوالها وقامت له
منصور يجاملها : لو تبين اتروحين معنا تعالي
ام مهند تتكتف : لا ياحبيبي أنا ماأروح مكان أهله مايبوني
مها شالت جوالها وابتسمت بعدها ردت : أي السلام عليكم
شموخ : هلا مها وعليكم السلام
مها : أخبارك شكلك بعيده عن الجوال
شموخ : لا والله كنت نايمه وتوني اسمعه .. أخبارك ؟
مها : آ آسفه أزعجتك
شموخ : لا أصلا أبي أقوم
مها : أي زين انا داقه علشان اقولك اني جايه مع منصور
شموخ بتفاجئ : والله
مها :ايه وحبيت أعطيك خبر وتخبرينهم بعد
شموخ : ان شاءالله
مها : آآ بس حبيت أسئل مو عن شي لا تفهمين غلط بس شلون البنات يعني زينين
شموخ عقدت حواجبها بعدم فهم وقالت وهي تقعد : شلون مافهمت
مها : أقصد يعني من البنات اللي لا شافو وجه غريب يعطونك ظهرهم ولا كنك موجوده
شموخ : لا والله مب من هالنوع .. أممم سمعي أنا صراحه ماأعرف لأني ماشفت هالشي بس ماأتوقع
مها : أي لأني ماأحب الناس اللي كذا آسفه اذا ضايقتك بسؤال
شموخ : لالا عادي ولو اذا ماسألتيني من تسئلين
مها : تسلمين ياالغلا يلا كملي نومك أشوفك
شموخ : متى جايين
مها : والله منصور قايلي العصر بس ماحدد الساعه بالضبط قولي على المغرب تقريبا ً
شموخ : اها زين نتقابل
مها : ان شاءالله مع السلامه
شموخ : مع السلامه وسكرت ورجعته الشنطه بعدها ناظرت حولها وتنهدت
وانسدحت ماتبي تنام بس ماتبي تطلع برآ وقررت ترجع مع مها ومنصور لأنها متأكده انهم ماراح ينامون هنا
وهي قاعده من فكر لفكر ومن هم لهم اسمعت أصواتهم برآ سوالف وأصواتهم ترتفع وضحك ووناسه
تنهدت لأنها كل ماتذكرت نوف ماتقدر تصدق وتحسب انها كانت بحلم تذكرت كلام نايف لها
وابلعت غصتها وهي تشد على ايدها
" شكثر هالشي صعب يانايف .. صعب حيل "
مابكت ابد بس كانت عيونها مليانه حزن وكأنها تبي تبكي بس ماانزلت منها دمعه وحده







بعد العصر على طول اطلعو أهل أبو رياض رايحين للبر
رياض ومرته هند بحضنها سهم ورآ عيالهم علا وسلمان وجات معهم رآما ولورآ لأن سيارته صغيرآ
أبو رياض وام رياض ورآ سهى بحضنها رائد وغلا بحضنها ريم وبالنص آدم وحلا
وراهم شغالتين
لورآ : أي فنو حنا بالطريق وانتم
أفنان : حنا تو طالعين ان شاءالله ماراح نتأخر عنكم
لورآ : حنا بعد تو طالعين تقريبا ً يعني يمكن نوصل سوا
أفنان : ماأتوقع أنا وأمي نازلين على سوبر ماركت علشان البسطه
لورآ : والله انك خطيره بس كان سويتوه من أمس حنا كل شي مجهزينه من اليوم الصبح والظهر حتى أبو ورياض مانامو الا اشوي
أفنان : طبعا ً انتم أهل الطلعه الا قوليلي من جاي بعد غيرنا
لورآ : مفاجئه
أفنان : يلا عاد اللي يقول أعرف اللي تعرفونهم
لورآ تضحك : من جد ... المهم جايه ام مرعي المره اللي خبرتك عنها
أفنان : أي تذكرتها
لورآ : أي هذي واحفادها ترفه وعبد الرزاق يمكن أمهم والله مدري وولدها جلال في معاشي بس ماأتوقع هو الثاني يجي وبنتها ميسون ماراح تجي أكيد
أفنان : ماشاءالله كثار
لورآ : مو كثار حيل
عندها ولدها العود مرعي هم عياله ترفه وعبود
وعدويه متزوجه بس بالرياض ساكنه وميسون ومعاشي وجلال
أفنان : ياالله وش هالأسماء مرعي معاشي عدويه ترفه
لورآ بضحكه خفيفه : وانتي وش عليك
أفنان : لا بس أحس كني في الـ ...
لورآ اضحكت
أفنان : المهم أصلا أنا ليش أتكلم عدي يشبه عدويه واضحكت
لورآ بضحك : والله انك سخيفه
أفنان : هع هع
لورآ : أقول تدرين ان هع معناها بالبنقلاديشي أحبك
أفنان افطست ضحك : أما احلفي
لورآ : والله
رآما افطست ضحك
رياض ناظر من المرايه : وانتي معهم بالسالفه
رآما تناظره : والله هي جمي
لورآ تضربها على كتفها بمعنى لا تسمعين
رآما عناد لها لصقت اذنها بالجوال تسمع


في السيارة اللي قدامهم

غلا : والله أنا صاير نومي ملخبط خاصه بعد ماخلصت الجامعه ولا شغل ولا مشغله أحس اني كسلت زياده
سهى : من جد أنا مع الدوام ملخبط نومي وحلا ورائد مايخلون الواحد يرتاح تجيهم أيام كنهم متفقين ينام واحد ويقملي الثاني وعلى هالحال
جد هذيك الأيام عذاب
حلا : يمى ناظري آدم
سهى : وش صاير
آدم : ماسويت لها شي هي مضايقتني
غلا : خلاص زين ماشاءالله عليكم المكان وسيع وين الضيق ولا ترا بنقلعكم ورآ
حلا : مابي خله هو يروح ورآ
آدم : أنا لجال مالوح للحليم
حلا : انت غبي أصلا وتناظر سهى وهي تهاوش : يمى انا مابي أقعد جمبه
سهى : أقول انطقي مكانك
حلا : يقول مايقعد عند الحريم وأنا مره
آدم : أنا يوم أكبل بسوق سياله ولا لاح ألكبك معي
حلا انقهرت : مابي أركب أصلا وادفنت وجها ورا ذراع امها بزعل






مريم تشد شعر شموخ : صح النوم وجات قدامها
شموخ تتثاوب بعدها ابتسمت ابتسامه صفرآ
مريم : خلاص يكفي نوم
شموخ تبعد خصلات شعرها عن وجها : محد نام غيري
مريم : لا والله .. يلا صلي حنا سابقينك للمسبح
شموخ : زين ومشت داخله التواليت وتذكرت وارجعت لورى: أي صح .... مها مرت منصور جايه
مريم : متى
شموخ : تقول العصر بس مدري بالضبط
مريم : حياها الله
شموخ ابتسمت وادخلت





نوف : شنو
مريم : مها جايه
نوف : هي حياها الله ونحطها بعيونا أما مرة عمي ياويلها وياسواد ليلها لو جات
منار تضحك : هالكثر تكرهونها
نوري تحط ايدها على حلقها : وعع ياكرهي أحسها تصلح مجرمه مدري ليش
مريم : أقول انتي وياها سكتو مايصير تتكلمون بالمره كذا
منار : أففف وناظرت يمين يسار وهي معقده حواجبها : وين مزنه
نوف : مدري قالت بتبدل ملابسها وتجي
منار ترفع حاجبها : أها

منار تمسك اذنها: آآه أكرهك
مزنه اسمعت صوت رساله وطلعت جوالها من جيبها
منار : آآه وانتبهت لمزنه ارفعت نظراتها ناظرت بالمكان اللي تناظر فيه
تركي قفل جواله ودخله بالجيب بس ماناظرها
منار تناظر هنا وهنا
مزنه بعدت نظراتها ودخلت جوالها للجيب

منار " زين يامزوون انا أوريك والله ماأكون منار لو ماعرفت كل شي " وسبحت طالعه
نوري : وين
منار : انتي قلتلك لا تكلميني
نوري : مالت عليك ماسألت حبا فيك
منار سفهتها وراحت








عنود بعد ماصلت انزلت وحست بهدوء حيل ضمت كفينها لبعض وهي تناظر يمين يسار خايفه
أسير راح للمسجد ولا رجع للحين وهي تخاف تبقى بروحها
راحت لصاله واقعدت بس قالت الصاله اللي فوق أحسن علشان لو أحد فتح الباب تسمع وتدخل غرفتها كانت تتخيل
اشياء وتخوف نفسها زياده اطلعت فوق واقعدت بالصاله وهي تفتح التلفزيون بس قالت لو فتحته ماراح انتبه لصوت الباب ينفتح سكرته واقعدت مكانها تهز رجلها بقوه
خف هز رجلها لأنها بدت تغمض عيونها بس افتحت عينها بسرعه يوم اسمعت صوت الباب ينفتح على خفيف بعدها يتسكر بعد بخفه
دق قلبها شوي ويغمى عليها ولا اقدرت تتحرك من مكانها تبي تمشي بس من خوفها صارت تركز هو صوت من جد ولا تتوهم
لاكن اسمعت خطوات بعد احد يطلع فوق حطت ايدها على صدرها ومشت اشوي اشوي رايحه الغرفه
"اسير ولا ابوي يفتحون الباب كذا هذا واضح انه احد غريب "
صار قلبها يطبل اكثر وسرعت خطواتها للغرفه بس وقفها الصوت
: عنود
عنود طاح قلبها يوم اسمعت الصوت بعدها استوعبته والتفتت : ماجد
ماجد طلع اخر سلم : وش فيك ؟
عنود كان واضح عليها الخوف انطرمت ويوم شافته و بكت راحت له
ماجد تاهت عدساته بخوف ويوم ضمته حط ايده على ظهرها : وش صاير عنود
عنود : خايفه حيل لا تتركوني بروحي
ماجد بعدها : وين أسير
عنود تناظره : راح للمسجد ولا رجع وأنا قعدت بروحي
ماجد شد على قبضته : يعرف انك بنت قاعده بروحك شلون مايرجع
عنود :ـ
ماجد ناظرها وابتسم : زين خلاص اهدي أنا هنا
عنود : انت رجعت
ماجد سكت
عنود امسكت ايده : بليز ماجد أرجع .. .. عين وصابتنا شلون قاعده تصير هالأشياء كلها لنا
ماجد ناظرها وحط ايده على كتفها : الحين روحي غسلي وجهك وأنا بغرفتي
عنود : زين انت ليش هنا .. وحتى طريقة دخولك كنك حرامي
ماجد :ـ
عنود : تكلم
ماجد بعد عنها ومشى رايح : جاي آخذ كم غرض لي
عنود تغيرت ملامحها واقعدت تناظره لين دخل غرفته بس ترك الباب مفتوح







شموخ البست شورت لحد تحت ركبها على طول وسيع لونه بني وبلوزه ماسكه على جسمها نص كم بف لونها أبيض ساده
شعرها رفعته ذيل حصان بـ فيونكه بيضا بعشوائيه يعني مب ماسك زين وخصل نازله من أماكن ماهي محدده بس كان حلو
صندل فلات بني وحلق طويل بني مع سلساله وساعه بني وابيض
حطت قلوس برتقالي وفشت لها عطر واطلعت كانت ماراح تسبح
اطلعت وهي تمر لصاله كانت أم نايف تصلي وفدوى وجنان جالسات ابتسمت لهم وهم ردولها الابتسامه
شموخ : السلام عليكم
هم : وعليكم السلام
جنان : ها شلون نمتي زين
شموخ : الحمدلله
راحت عنهم ببتسامه واطلعت لبرآ
تنهدت ماتبي تذكر شي يعكر مزاجها نوف طاحت من عينها وأسير راح تنساه
حطت يدينها بجيبها ومشت قالت أحسن شي تتمشى وتصور الورود كان أشكالها حلوه وتصور المكان اللي يعجبها بعدين تروح لهم
اقعدت ادور وهي تتناسى كل شي ممكان يخرب عليها





مزنه : شلونك ؟
تركي : تمام وانتي ؟
مزنه : الحمدلله ... وش فيك راسل عندي كلام مهم شنو وش تبي
تركي : يوه يوه صبر بعدين خلني أعرف أحوالك أول شلون الكليه معك
مزنه : ماشي حالها
شموخ كانت تمشي وارفعت جوالها تصور المكان فيديو واطلعو مزنه وتركي بالكمره افتحت عيونها بخوف ونزلت
جوالها بسرعه وانتبهت لهم وين واقفين لفت بسرعه برتباك خوف انهم ينتبهون لها وراحت
تركي لمحها
مزنه لفت تناظر بعدها ناظرته : وش فيك ؟
تركي ونظره بالمكان نفسه : لالا بس كني لمحت أحد
مزنه : أصلا وقفتنا مالها داعي هنا نجيب الشكوك لنا يلا أنا بروح
تركي تنهد بعدها مسك ايده قبل لا تروح وقال بحده : مزنه لهنا وبس
مزنه رقع قلبها واسحبت ايدها : شلون ؟
تركي : أنا أعرف انك اتعاندين بس عنادك هذا ماراح يجيب أي نتيجه
مزنه بحده اشوي : انت مين علشان تتكلم معي بهالطريقه وبعدين وش هالخرابيط اللي قاعد اتقولها
تركي يمسك اعصابه : زين أنا آسف ماقصدت أزعجك
مزنه : روح تركي بليز الحين أنا بروح للبنات وهالشي ماابيه يتكرر لأن هالشي راح يجيب الشكوك سمعت




شموخ تمشي بسرعه بعدها خففت مشيها لين صار طبيعي حطت ايدها على قلبها وتنهدت راحه مع ان قلبها يدق
" أنا وش اللي خلاني أتمشى .. مالك بهالشي ابد شموخ "
ارفعت جوالها تناظر وافتحت الفيديو تمسحه
منار تدور بعدها شافت شموخ وراحت لها : شوشو ماشفتي مزنه
شموخ بتردد : ها لا
منار : أوف منك مزنه وراحت عنها بسرعه
شموخ ناظرتها بعدها بعدت نظراتها وكملت طريقها وهي تمسح الفيديو




تركي : مزنه أنا أعرفك زين اذا كان همك انك أكبر مني أنا مايهمني زين
مزنه بحده بس كاتمتها : تركي قلتلك سكر على هالموضوع انت بحسبة أخوي واللي تفكر فيه ماراح يصير
تركي كان بيتكلم بسس قاطعته
مزنه : لا تخرب علاقتنا بين بعضنا يكون أحسن
تركي : الحين انا قاعد أخربها
مزنه : ايه لأنك بهالتصرف تخلي بينا السلام وعليكم السلام أنا مابي هالشي يصير فهمت
تركي انتبه لمنار جايه وتكلم وهو يناظر منار : براحتك وناظرها : أنا ماراح أفتح هالموضوع مره ثانيه
مزنه :ـ
تركي : بس منار الله ايهداها وهذا كل شي أقدر أقوله
منار جايه : ياسلام عصافير
مزنه قبل لا تكمل منار التفتت لها وبحده : سكتي
منار ابلعت لسانها واوقفت يوم وصلت لهم
تركي وهو يناظر منار : أنا رايح تآمرون على شي
منار حست ان تركي قلب وناظرت مزنه اللي ردت
مزنه: سلامتك
تركي :الله يسلمك والتفت رايح
مزنه نفس الشي
منار ناظرتهم اثنينهم بعدها راحت لتركي : ترووك وقف
تركي ناظرها بعدها نا ر مزنه الرايحه
منار : وش صاير لا تقول ماصار اللي بعقلي
تركي ناظرها : وانا وش دراني وش تفكرين فيه بس أنا جد لأني مقدر أزعل منك ماأقول الا الله يهديك وبس
منار : هه تروك وش صاير
تركي يمشي وهي الحقته
منار : هيييي
تركي وقف وبحده : منار هالمره جد خلاص
منار :ـ
تركي : لا تدخلين بكل شي هالشي مو من صالحك
منار بإسلوب مستفز : أها أجل هي ماتحبك
تركي صرخخ : مناار
منار ببراءه تناظره مثل فيس الأطفال : ماسويت شي قلت الحقيقه شفتك معصب قلت اكيد تعكر مزاجك
تركي : أنا مو معصب بس متنرفز منها
منار بلقافتها المعتاده امسكت ايده : ليش بلييز قولي
تركي :ـ
منار : بليز بليز بليز
تركي تنهد ماينفع معها شي ومشى عنها
منار : ترووووووك
تركي رفع ايده لها سلام
منار تصرخ : آآآآآه أكرهك







مها وهي تحرك شعرها بإيدها بعشوائيه : منصور كانت تناظره من المرايه
منصور كان يصلح ساعته : همم
مها : خالتي عندها خويه اسمها ام مرعي
منصور عقد حواجبه وتقدم لتسريحه بتفكير : اممممم
مها تناظره بعدها نزلت نظراتها للكحل ارفعته تحط لها
منصور وقف جمبها يسكر الازارير : ماأتوقع مامر علي هالاسم
مها حطت الكحل والتفتت له ولفته لها
منصور لف وهي مدت ايدها تسكر ازاريره : اها
منصور : ليش
مها : ابد بس حبيت اسأل وبعدت ايدها لفت للمرايه من جديد تكمل كحلها
منصور مااهتم حيل ولف للمرايه شال عطره







أسير يوم طلع من المسجد قابل عوض ونسى عنود قعد معه
عوض : ماعرفت آخر خبر
أسير بملامح معنى شنو
عوض : انت وش جاي عبالك
أسير تنهد بعدها بعد ظهره من الجدار : والله مب جاي عبالي ولا شي
عوض : انزين فكر ياه
أسير مشى وهو يتذكر عنود : زين خل الخبر لك سلام
عوض : آآه هيي امش اقول وين رايح
أسير : على البيت
عوض يلحقه : زين اعزمني على الاقل
أسير : وقت ثاني ان شاءالله الحين مااقدر
عوض بملل منه : براحتك ... المهم ماتبي تعرف الخبر
أسير : قررت تكمل نص دينك
عوض ضحك
أسير وقف والتفت له ببتسامه بسيطه جانبه: وش فيك
عوض : توني في بداية شبابي ياالحبيب مافكرت بهالشي
أسير : زين تكلم
عوض : في واحد من الشباب عازمني اليوم لطلعة بر وحبيت آخذك معي
أسير : اها .. آسف مقدر ومشى
عوض يمشي : انت كل شي مقدر وش الشغل اللي عندك
أسير : الوالده بالمستشفى وأبوي مشغول ومقدر أترك أختي بروحها
عوض بتفاجئ عقد حواجبه : الوالده بالمستشفى ماتشوف شر ليش
أسير : الشر مايجيك والله ارتفع الضغط عندها بس الحين احسن ان شاءالله
عوض: له له ماهقيتها منك والله شلون أنا ماأعرف بهالشي
أسير : نسيت
عوض : شلون تنسى والله من جد زعلت منك الحين أنا عوض آخر من يعلم
أسير يحك راسه
عوض : الضغط ارتفع ممنك والله ماألومها المسكينه
أسير : وييه عوض بتقعد تقرقر فوق راسي خلاص نسيت وانتهت المشكله اهم شي انك عرفت الحين
عوض : المهم أخوك وش شغلته يقعد مع أختك انت تعال معي
أسير سكت اشوي بعدها رد بصوت اخفت وهو يمشي : ماجد مسافر
عوض : ياحوووول
أسير : مره ثانيه ان شاءالله
عوض : أنا بعد راح يرتفع ضغطي بس ماعليه يلا أجل نتفق الإسبوع الجاي
أسير رد قبل لا يكمل عوض كلامه : مسافر
عوض رفع حاجبه : شلون
أسير ناظره : مسافر
عوض مسك كتفه وقفه وراح وقف قدامه : أي ايه انت شكلك ناسي ان عندك خوي والله حلو .. على وين
أسير : عمره ان شاءالله تبي تتفضل حياك الله
عوض تخصر : اها اها لا ياحبيبي روح الله ييسر دربك وعمره مقبوله مقدما ً
أسير : أوهوو عوض تراك زوجه واقفه مع زوجها وش صاير على أي شي تزعل
عوض : وأنا زعلت دعيتلك بالخير
اسير : أقول أنا رايح مع واحد من الشباب تبي تتفضل والله الباب مفتوح حيل ماتبي الله يخليك ويكتبلك عمره قريبه زين يلا سلام انا تأخرت ولازم أكون بالبيت ومشى
عوض: الله يعلم شنو مخبي عني بعد .. مع السلامه







ابو ماجد طلع من عند سديم لأن وقت الزياره انتهى وتكلم معها بخصوص ماجد وأسير وشالت هم الدنيا
شلون هي افتح فمها وقالت ان أسير يبي لميس وهي كانت عارفه انه يكذب عليها
كانت حيل حيل متضايقه وخايفه من المستقبل ياالله وش ينتظرنا
يارب أكتب اللي فيه الخير يارب
يارب اهديهم واصلحهم
كانت تكرر هالكلمات وهي ماسكه غصتها

ابو ماجد : أنا حسيت انه كان راح يقولي انه يبي بنت أختك سعاد
سديم صار قلبها يدق
ابو ماجد يضم كفينه لبعض : الثلاث سنوات اللي اقعدتها معنا أكيد ماراح تمر كذا هم شباب وكان لازم نتوقع شي مثل كذا يوم من الأيام
سديم ساكته طول الجلسه
ابو ماجد : واذا كان احساسي بمحله لازم نلقى حل ولا عيالك ماراح يظلون مع بعض وراح ينسى كل واحد الثاني ماتدرين ياام ماجد وش يقدر
الله يمكن أموت انتي تموتين الوقت هذاك وش راح يصير فيهم حنا لازم نلاقي حل وشموخ أنا معد أبي أشوف خيالها قدام البيت او اسمع اسمها ينذكر
لأن ماجد ماراح يظل كثير بالفندق وانا بنفسي راح أجيبه للبيت مب كيفه وقت ماطلع طلع من البيت
دامني حي هالعايله ماراح تتشتت وعيالنا لازم نحميهم من اللي هم فيه
أسير راح يتزوج لميس
وماجد أنا أشوف أخوياني أو حتى بنات خاله بنات والنعم فيهم والله
سديم مثل ماقلت ماانطقت بكلمه وحده


سديم تنهدت بضيق بعدها خذت جوالها تدق تطمن على عنود




عنود كان جوالها بالغرفه مااسمعته لأنها كانت بالصاله وجها أحمر ودموعها بعيونها كانت ضامه كفينها لبعض وواقفه عند الدرج
اسمعت صوت باب البيت يتسكر وناظرت لتحت

أسير يوم دخل البيت ناظر ماشافها تحت وعرف انها بغرفتها وطلع
عنود كانت تناظر الدرج تنتظر تشوف طلته
أسير قرب بعدها انتبه لها وابتسم : السلام
عنود بصوت مخنوق : وعليكم السلام
أسير وصل لها : آسف تأخرت عليك
عنود بدون ماتناظره : لا عادي
أسير عرف انها متضايقه ومسكها من كتوفها لفها خلا ظهرها عليه ومشاها قدامه مبتسم : يلا زين الحين خلنا انشوف الألبومات وش رايك
سكت وهو ينتبه لغرفة ماجد مفتوحه وحس بأحد داخل ماكان في صوت بس في حس وقف وهو يبعد ايده ببطئ عن عنود وتختفي ابتسامته
عنود ناظرته وشافته وين يناظر وانطقت : جا ياخذ أغراض له
اسير ناظرها
عنود امسكت ايده وبترجي : الله يخليك لا تخليه يروح
أسير شاف دموعها انزلت ووشلون تترجاه
عنود : تكفى
أسير ماسوا أي ردة فعل لثواني بعدها ابتسم لها بحنان وحط ايده على راسها يتحسس شعرها : بحاول
عنود ردت له الابتسامه وبعدت عدساتها عنه وهي تمسح دموعها







اوصلو أهل أبو رياض للمكان المطلوب ونصبو الخيم مع مساعده من الشباب والشيبان الموجودين ماكانو قريبين منهم بس مر كم واحد من عندهم وبدو يساعدونهم لأنها كانت 4 خيم
وكبيره

خيمتين للحريم وخيمتين لرجال
كانت بعيده عن بعض تقريبا ً
رآما : آآآآآه مابي أسوي شي
لورآ : أقول يلا رتبي قبل يجون الضيوف
رآما : آآآه ليش هالحاله كل مره المفروض انخليهم منصوبه
سهى : عن التحلطم ويلا
هند : علو ماما تعالي ساعددينا انتي بعد
علا : بساعدكم
رياض : يبى الجلسه الحمره خلها لنا
ابو رياض : أي أنا مفكر كذا
غلا : لورآ جوالك
لورآ اتركت اللي بإيدها وراحت ركض لأنها داريه انها أفنان
طلعته من الشنطه وردت : أي فنو
أفنان : هاوصلتم
لورآ : ايه وانتم
أفنان : يعني مب مره بس أخوي يبي أخوك أو أبوك يكلمهم علشان يعرف المكان
لورآ : ولو الحين أعطيه رياض
أفنان : زين ومدت جوالها لقصي : الحين يكلمك أخوها
قصي خذا الجوال منها وحطه على أذنه
رآما : يمى بطني يعورني حيل
ام رياض كانت تحسبها تتهرب من الشغل : سلامتك بس أكيد جوع يلا رتبي
رآما : آآآه يمى والله مب علشان كذا جد بطني يعورني فيني لوعه
سهى بتمسخر : نعرفك تكرهين البر بس يوم تبدا الجمعه بتنسين اللوعه اللي جايتك
رآما ارفعت عدساتها لسما : أووفف ومشت
غلا : تصدقين ميمي شعرك طال
رآما كانت ماسكته ذيل حصان امسكت طرفه وحطته على كتفها بدلع وهي تلتفت لهم : ياي يمى من العين
غلا : أقول مناك بس .. بس جد طول مدري من وين جايك هالشعر ترى أغار
رآما : أقول هي وتتفل على نفسها : يمى منكم لا يتقطع شعري بعدين هذي أول سنه أخليه يطول كذا دايم شعاري الأول القص ولا شيء سوا القص
بس هالمره وتخفت صوتها بنعومه مصطنعه : حبيت أغير من استايلي
سهى تقلدها بستصغار : استايلي .. أقول يلا قدامي وين اللي بطنها يعورها
رآما : والله بطني يعورني
سهى : حق الجوع يلا يلا
رآما : ياالله أصلا أنا الدلوعه المفروض ماأشتغل
غلا : والله أنا للحين أشوفك الدلوعه
رآما وهي تروح : أمحق دلع والله
كان شعرها قبل تحب تقصه لرقبتها وابد ماعمرها طولته بس هالمره طال واتركته صار لحد نص ظهرها ونوع شعرها من الشعر المموج مثل ماتعرفون نفس شعر شموخ
بس يوم تقصه مايبين هالتموج
كانت كل مالها تزيد شبه لشموخ بس كانت شموخ أملح منها







ماجد حس بأحد دخل االغرفه توقعها عنود لف ناظر شافه أسير قعد ثواني
كل واحد يناظر الثاني بصمت ومن دون أي ابتسامه
أسير حاول يرسم ابتسامته كانت ابتسامه بسيطه
ماجد ماردها له قال وهو يلتفت لدولاب بحده اشوي : تدري ان عنود قاعده بروحها بالبيت شلون تطلع وتتأخر عنها والتفت وهو يرمي
اللبس اللي بيده على الشنطه اللي كانت فوق السرير
أسير تحولت ابتسامته لسخريه : هه
ماجد ناظره
أسير : لو كنت هالقد تخاف عليها ليش ماتقعد انت مكاني
ماجد سفهه و التفت سكر دولابه بعدها راح لشنطه يصلح ملابسه فيها
أسير : رد على سؤالي ليش ماتقعد انت
ماجد من دون مايناظره وببرود: لا تحاول ترفع ضغطي لأنه مو من صالحك
أسير ببرود هو الثاني : أنا ماأحاول أرفع ضغطك أنا سألتك سؤال
ماجد : وسؤالك ماله اجابه سكر شنطته
أسير : اسمع أنا ماتكلمت معك الا علشان خاطر عنود وعلشان أمي اذا يهمونك لا تطلع من البيت
ماجد ناظره من فوق لتحت نظره سريعه من دون أي ملامح محدده وبعد نظراته عنه رايح التواليت وهو يقول : وانت عاجبتك طلعتي من البيت
أسير : أكيد لا
ماجد فتح الباب وناظره : أنا لو بست رجل أبوي ماراح أرجع لهالبيت ماراح أعيش بمكان انت عايش فيه وسكت
أسير عقد حواجبه
ماجد : ياانت طالع وانا الداخل ياانا الداخل وانت الطالع وبعد نظراته عنه بعد ما عطاه نظره حاده و دخل راح فتح الحنفيه
أسير استغرب من كلامه جاته صدمه ظل مكانه ماتحرك لين طلع ماجد وهو يجفف وجه بالمناديل
أسير : ممكن أفهم اللي قاعد اتقوله الحين انت
ماجد : كلامي واضح ونزل بلوزته رماها بالسله وشال بلوزه برتقاليه
أسير شد على قبضته هو يحب أخوه ويحترمه والدليل انه للحين مااجرحه بكلمه أو اعترف له بحبه لشموخ علشان لا تصير بينهم عداوه
كان كل خوفه يجي يوم ويعرف ماجد بكل شي وتخرب علاقتهم
ماجد لبسها
أسير بصوت مخنوق : والسبب
ماجد شال شنطته : تعرف السبب ومشى عنه
أسير يوم مر ماجد من عنده مسك ذراعه بكل قوته
ماجد وقف
أسير كان يزيد ضغط عليه لا شعورياً




عنود كانت تنتظر بالصاله اسمعت شوشره خفيفه وتنهدت وقمت تحاول تقنع ماجد يقعد






مريم : مزنه وش عندك قاعده امشي
مزنه : اشوي نازله راسي يعورني
شموخ ناظرتها بعدها بعدت نظراتها عنها ماحطت اللي شافته في بالها ولا تبي تحطه لأن مالها علاقه
منار ادخلت
نوف : وينكم كل وحده طالعه ثلاث بالماي وثلاث برآ
نوري : شموخ تنتظر ضيفتها يمكن علشان كذا
شموخ ابتسمت ابتسامه بسيطه
نوف : أقول هي ضيفتنا بعدد بس عادي هذي استراحه وماراح تاخذ بخاطرها يلا انزلي
شموخ كارهه الكلام معها : مالي مزاج
نوري تناظر نوف
مريم : انتم للحين ماتصالحتم
نوف : لا عادي بس وتناظر شموخ : مدري وش فيها قالبه علي شكلها ماسامحتني
شموخ تقوم : ماراح أكرر كلامي تبين اتصدقين صدقي ماتبين براحتك
مريم : لالا خلاص مصدقه انتي قعدي بس ولا تروحين مكان
شموخ : ماراح أطلع بدور بس
نوف بنذالتها المعتاده مع شموخ ارفعت ايدها لسما : يااااااااااااااارب يارب تكون في ماي تزحلقين واطيحين عندنا يصير غصبا عنك تسبحين
شموخ ابتسمت مجامله وصارت تمشي
منار اقعدت بطرف المسبح وتناظر مزنه
نوري قربت من نوف : نوف
نوف ناظرتها
نوري : لا تقولين سبب زعلكم من بعض أسير
نوف : لالا الله لا يقولها بلييز لا تفاولين علي
نوري : يمى ماقلت شي بس حسبت كذا
نوف : لا مب هو السبب ويارب مايجي هاليوم
نوري من قلبها : ان شاءالله . . بس انتي بدورك لازم تتركينه
نوف ارفعت حاجبها : شموخ راح تتزوج .. وأسير ماهو ملكها بعدين هي تحبه صح بس هو لا
نوري : وش اللي دراك
نوف : هي قايلتلي
نوري : اها .. بس ولو بعدين انتي كنتي مقرره تتركينه وش اللي تغير
نوف ببتسامه : لا ماتغير شي وبكل وثوق كملت : بس اذا هو يبيني أنا ماراح أرفضه واغمزت لها وراحت عنها
نوري ؟؟؟

مزنه تنهدت داخلها بعدها قامت تبعد الضيق عنها واطمرت بالمسبح

نوري بطرب
حبني او حب غيري صرت في عمري خيال
قانعه واعرف مصيري مالي ابقلبك مجال

مريم اطربت معها هي ومنار

كاذب انت او صريح مايصح الا الصحيح
لاتغش روحك ورحي لاتخون الصدق لااااا
أنا بتحمل جروحي وهذي ماهي مشكله

نوري : أقول بنات كلكم أسمع يلا .. القوي ماتهزه
القوي ماتهزه ريح مايصح الا الصحيح
أدري حبيتك وحبي من طرف واحد فقط
كنت أعاند فيك قلبي وأجبره وهذا غلط
يوم أنا شفته جريح مايصح الا الصحيح
أنا ما اعلن عنادي لا ولا أبدي غرور
بس صار الامر عادي غيبتك مثل الحضور
قلت ابعد واستريح مايصح الا الصحيح

شموخ كتفت يدينها وتنهدت بختناق من المكان
نوف : شوشو يلا انزلي السباحه من دونك مب حلوه
شموخ ماردت
نوري : يلا بنات تراني طربانه غنو أي شي ثاني
منار : قلب قلب وين وين
مريم + نوري : لالالالالا مانبيها
منار : والله حلوه
مريم : أقول بس من وين الحلى مع هاللي مدري وش يحسون فيه بس بس بس بس بس بس ميو وش يحسون
نوري بضحكه : مدري عنهم
نوف : مزنه وش عندك ساكته
مزنه تناظرها : لا ابد وابتسمت : ايه وين وصلتم
نوف بضحك : أقول خلك معنا
نوري : امسويلي فيها ثقيل أقول بس استريح
كملو معها : ماأكون أنا بنت أبوي لو ماأجيبك تصيح
مزنه : لالالالا وقفو
اسكتو
مزنه : دام شموخ واقفه لا شغل ولا مشغله خلها تغنيلنا
شموخ حركت راسها لا : مابي
نوف : أقول يلا غني هذيك شسمها ياربي
شموخ : ماراح أغني
نوري : لا تعصبين
شموخ : ماعصبت
مريم بمزح : مو من حلى صوتك بس لأنك فاضيه
شموخ : داريه ان صوتي مب حلو
مريم : أمزح وش فيك معصبه
شموخ ببرود : مب امعصبه بس أنا أعرف صوتي وقلتلك اني داريه
نوري : لا بلعكس صوتك عادي مب حلو ولا خايس
شموخ اكتفت ببتسامه مصطنعه
نوف : يعني غني حتى لو كان شين راح اتغنين لو هذيك اللي تحبينها شسمها ياربي
مريم معقده حواجبها : أي وحده
نوري : عرفتها ... ياالله شسمها والله متذكره كلمات
نوف بتذكر : اييييه هذي ...... فرشولي عشاني الأرض حرير
نوري : أي هذي يلا
شموخ ساكته
مريم : والله يوم غنيتيها حسيت انها من قلبك يلا
مزنه : بلييييز
شموخ : قلت ماراح أغني
نوف : يلا انقلعي حنا نغنيها يلا بنات
منار : انا مب حافظتها
نوري : ولا انا
مريم : ولا انا
مزنه : انا مب مرا حافظه الكلمات الاولى
نوف : ياالله خلاص مانبيها غيره
نوري
منو منو كلك منو
تخبل وشكلك حلو
شدعوى متكبر عليه
يعني هسه انت شنو

سوه سوه ما نضل سوه
حبنا ريشه وبالهوى
على روحي اسف اني
نازل لـ هالمستوى







ماجد ماتحرك وانتظر أسير وش راح يسوي
أسير : اذا علاقتنا كانت خاربه خاربه قرب فمه من اذنه وهمس : اليوم والحين وبهالمكان راح نتكلم وبكل شي ومن دون كذب وترك ذراعه وهو يناظره وكنه يتحداه
ماجد مافهم سبب هالنظرات وتم يناظر فيه
عنود جايه وشافتهم
أسير بعد نظراته عن ماجد لعنود بعدها مشى للباب
ماجد لف نظره شاف عنود
أسير مسك الباب : بينا كلام ولازم أسكر الباب
عنود : بتقنعه
أسير مارد على سؤالها وقال : قعدي بغرفتك مابي أعرف انك كنتي تتسمعين من الباب
عنود : لالا والله أهم شي أقنعه
أسير سكر الباب وهو يسكر ابتسمت له عنود بعدها سكره كله
عنود تنهدت بعدها راحت لغرفتها

أسير التفت ناظر ماجد بعدها مشى لين التسريحه وقعد يناظر باللي عليها مسك عطر وارفعه له افتحه يشمه
ماجد ترك شنطته على الأرض ورفع نظره من جديد ناظره
أسير سكر العطر وحطه وهو ياخذ نفس عميق بعدها ناظر ماجد






شموخ اتصلت عليها مها انهم اوصلو واطلعت تستقبلها
ميار ادخلت
شموخ تفاجئت وابتسمت : ياهلا
ميار مشت لها وسلمت عليها
شموخ انزلت لمستواها وقالت وهي تقرص خدودها بخفه : شلون ماتقولين لي انها جايه كان سويت لها أحلى ترحيب
مها بضحكه خفيفه : أفا وحنا مالنا هالترحيب الحلو يعني
شموخ تقوم : ولو تستاهلين والله وتسلم عليها
ميار : شموخ وين المسبح
شموخ تناظرها وهي مبتسمه وسرحت فيها ثواني
" ياالله شكثر فيها من أبوي "
ميار : شموخ
شموخ انتبهت لها : ايه الحين أوديك له بس انتم تفضلو الحين وتناظر مها
ميار : كنك بروحك هنا
شموخ امسكت ايدها : كلهم بالمسبح الحين اتشوفينهم وفي نوري ونوف بعد
ميار تناظرها : والله
شموخ حست كنها تشوف أبوها قدامها وابلعت ريقها بعدت نظراتها عنها وخذت نفس بسيط




منار :بنات عيب علينا قومو نستقبل البنت
مريم : نوف ونوري مرة ولد عمكم يلا قومو
نوف : أنا طالعه أصلا
نوري : أنا مالي دخل كلكم اطلعو
مزنه : أقول اطلعي
نوري : بعدين شموخ استقبلتها شلون تبينا نستقبلها وحنا انقط ماي
نوف اطلعت والبست روبها : يااااااه برررد
نوري : نوف تكفي وتوفي وتكمل سباحه








الجوري : يلا وشعرك جعديه
المها بضيق : خلاص جوري أنا رابطه شعري وبس
الجوري : هي عزيمه مب حنا بس
المها تناظرها : لااا
الجوري : أمم
المها تبعد نظراتها عنها بتأفف
الجوري : جايين خوياتها وبيت أعمامي
المها : أف
الجوري :يلا مثل ماقلتلك جعدي شعرك وأنا والجوةهره راح انسوي مثلك والفستان اللي طلعته لك تلبسينه ياويلك تبدلينه
المها تسند ظهرها : زييين وش فيك علي اليوم
الجوري تقوم : والله انتي تخليني كذا
المها تناظرها
الجوري : ومن الجين ابدي لأن المغرب ماشين
المها :ـ
الجوري التفتت واطلعت من جناح المها
المها تدفن وجها بيدينها وتصرخ بصوت منخفض : آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آ







لميس : فيصل ماجاب السكر يمه
ام فيصل : توني داقه عليه الحين جاي
لميس : يمى وش رايك اشتري باقه بيضا احسها تريح المريض
ام فيصل : اللي تبينه
لميس : وراح اطلع من المستشفى مع عنود بروح لهم
ام فيصل : ـ
لميس : سامعه يمى
ام فيصل : سامعه سامعه
لميس تقعد جمبها : زين ليش ماتردين
ام فيصل: والله وش تبيني اقول
لميس : أي شي وتبعد نظراتها عنها لتلفزيون
ام فيصل تناظرها : يعني حبيت اذكرك ماجد مو موجود معهم
لميس : عادي وتاخذ من المعجنات
ام فيصل : انا مب فاهمه سبب هالحماس بس اذكرك بشي ثاني ماجد هذا مستحيل تاخذينه مااكتفى بالشي القذر اللي مسويه هو وبنت خالته
لا راح وتهاوش مع ابوه وطلع من البيت مثل هالولد انا ماابيه
لميس تناظرها : لا توجعين قلبك يمى انا اصلا للحين مانسيت الكف اللي عطاني اياه ولا نسيت المنظر اللي شفته هو مو بقلبي ولا ابي اشوفه مره ثانيه
حتى اتصالاتي مارد عليها كل هذا علشان البنت الزباله
ام فيصل تفاجئت من كلامها : عفيه عليك والله
لميس بعدت نظراتها عن امها وشدت على ايدها







نوف : ياهلا ياهلا
شموخ ماتناظرها
مها ابتسمت وقامت تسلم
نوف : سامحيني مبلله
مها : لا عادي أخبارك ؟
نوف تبعد عنها : الحمدلله وانتي
مها : بخير
نوف : الحمدلله على السلامه جات متأخره بس والله ماعندي رقمك وكل ماأجي باخذه من شموخ انسى والله
مها : الله يسلمك لا ولا يهمك
نوف اقعدت جمب شموخ : يلا ماتبون اتروحون للبنات
شموخ من دون ماتناظرها : الا بس ننتظر ميار
نوف ببتسامه : جات ميار
مها تهز راسها بإيه : يوم درت اننا رايحين استراحه على طول قالت فيها مسبح وانشبت معنا
نوف : ياحليلها من زمان عنها حبيبتي
شموخ متضايقه من وجود نوف جمبها وقامت : أنا بروح أشوفها تأخرت
مها : توني كنت رايحه
شموخ : لالا ارتاحي وراحت
جنان جايه ببتسامه : ماشاءالله هذي العروس
مها ابتسمت وقامت سلمت
نوف : أي خالتي هذي مها مرة منصور
جنان تبعد عنها : ماشاءالله الله يحفظك
نوف تناظر مها : هذي خالتي جنان
مها : تشرفت
جنان : تسلمين حبيبتي

مها حاطه ميك أب خفيف شعرها مسيحته ومسويه بف ماسكته بفيونكه صغيره وردي وباقي شعرها مفتوح
لبسها كان عباره عن فستان مبين تفاصيل جسمها كانت نحيفه بس في اشوي زيادات بس ماكان مخرب بشكل كبير
فستان لحد تحت الركبه وردي ماله أكمام ولابسه عليه جاكيت نص لونه وردي ونفس الدرجه
كانت لابسه ذهب سلسال وحلق وخاتم غير خاتم الزواج بالإضافه الى الغوايش
كعب وردي ادكن من لون الفستان وشنطه وردي بدرجات مختلفه داخل عليها اشوي اسود ورصاصي وابيض


شموخ ادق الباب : ميار
ميار : هااه
شموخ : خلصتي
ميار : لا اشوي
شموخ : زين انتظرك واوقفت على الجدار تنتظر







ام مهند : مهند أنا طالعه
مهند كان قاعد بالصاله على الجريده يوم سمع صوتها ناظرها :وين ؟
ام مهند : رايحه للأم سلطان الجيران متجمعين يمكن أرجع العشا
مهند : زين
ام مهند البست النقاب واطلعت
مهند نزل نظره للجريده

مهند طلع من غرفته نازل تحت وانتبه لباب غرفة شموخ مفتوح وناظر فيه بس جات عينه على المرايه وشموخ تلف تناظر فيها وانتبهت له منها
مهند شد على ايده " لازم اعرف كل شي "
شموخ امسكت شعرها وبعدت عن المرايه بس مهند سبقها والتفت نازل

مهند " من وين بعرف " تنهد ونزل الجريده اشوي
وهو يفكر بعدها سكرها كلها وحطها على الطاوله قايم








أفنان احظنت رآما : واحشتني والله زمان عنك
رآما تبعد عنها : غريبه يعني أكثر من لورآ
أفنان تناظر لورآ : أكثر من لورآ
لورآ اضربتها على كتفها : مالت عليك والله الشرهه مب عليك على اللي عازمتك
أفنان : لا والله أمزح أفا شلون أشتاق وتناظر رآما : لرآما أكثر منك واغمزت لها
رآما : أقول اشتقتيلي مااشتقتيلي أنا اليوم قاعده معكم مب قايمه
لورآ : يمه وش تبين
رآما : امممم مزاج وبعد راح تجي ترفه وناسه
لورآ بستلعان : الا قولي عبود من متى تقعدين مع ترفه
رآما افتحت عيونها واضربتها على راسها : ياالـ .. وش تقصدين
أفنان تضحك
رآما تناظرها : خويتك مختله عقليا ً سامحيها
لورآ : لا والله وتناظر أفنان : سمعي حبيبتي يافنو عبود اللي هو عبد الرزاق خوي رآما يوم كانو صغار الروح بالروح
وتناظر رآما وبتلميح بكلامها : الروح بالروح
رآما تضايقت وحاولت ماتبين بس كان واضح : المهم أنا بروح لسهى وغلا بعدين أرجع لكم
لورآ بضحكه خفيفه : استحت
رآما صدت عنها من دون أي تعليق وراحت
أفنان : لورآ شكل أختك تضايقت
لورآ : ليش وش امسويه أنا
أفنان : مدري بس حاستها تضايقت
لورآ: مدري عنها بعدين انا كنت أمزح بس
أفنان : مدري عنها







أسير : أنا ماحبيت نوصل لهاليوم أبد
ماجد :ـ
أسير : بس اللي قلته قبل اشوي ممكن توضح ليش
ماجد ببرود : انت عارف السبب
أسير : لا مب عارف أبي أسمعه منك
ماجد : اذا وقفتني علشان هالشي فعرف انك ضيعت وقتي ومسك شنطته
أسير تقدم له ومسك يده : اتركها وناظره وهو يشد بكلامه : أبي أعرف السبب
ماجد يناظره
أسير ترك يده بس مابعد نظراته عنه كانت نظراته حاده وواضح ان بلسانه كلام يقوله
ماجد :ـ
أسير : لأنهاتحبني
ماجد يوم قال أسير هالكلمه على قلبه وشد على ايده ونظراته تغيرت
أسير : لهالسبب بس
ماجد شال شنطته : مالك أي ذنب وأنا أعرف هالشي بس مقدر أقعد معك بعد هاليوم فأتمنى تسامحني لا نسيتها انت أول واحد برجع له بس الحين أحسن شي
نبعد عن بعض
أسير :ـ
ماجد رسم ابتسامه بسيطه : ومبروك مقدماً عرفت من أمي انك ناوي على بنت عمي
أسير:ـ
ماجد خفى ابتسامته وجا يلتفت بس وقفه أسير
أسير : أسفي عليك ياماجد
ماجد:ـ
أسير : ماتوقعتك ضعيف لهالدرجه بسبب بنت توصل لهالحاله
ماجد للحين ضابط أصابه لأنه لو انفجر راح يرتكب جريمه فيه ناظره بحده وقال : اسكت
أسير :ـ
ماجد : وأعرف ان شموخ مو أي بنت .... هي كل شي بالنسبه لي ومستحيل أتخلى عنها
أسير تفاجئ من كلامه الأخير وقال : وش اتقول انت
ماجد : لا تتوقع اني راح أنساها .. أنا بحاول بس عارف الا متأكد انها مستحيل تطلع من قلبي علشان كذا بسوي أي شي علشان تصير لي حتى لو انها ماتبيني أنا أعرف شلون أحبببها فيني
أسير شد على ايده وتقدم خطوه بعدها وقف
ماجد بجديه : لو وصل الشي اني أخطفها يوم زواجها راح أسويها
أسير ماقدر يضبط نفسه تقدم له ومسكه من بلوزته من فوق وبحده : وش قلت
ماجد يبعده
أسير صار يدفه لين لصق ظهر ماجد بالجدار وصار يصرخ عليه : ماجد أصحى انت اكيد مو بعقلك
ماجد ألمه ظهره من الصدمه بالجدار
أسير : والله لو أعرف انك لمست منها شعره ماراح أتعامل معك بهالطريقه
ماجد بعده عنه : ليش من انت أبوي ولا أمي لا يكثر أسير لا تنسى اني أخوك الكبير ولا تعاملي معك راح يختلف
أسير : ليش تعاملك ماأختلف معي هذا وانت عرفت انها تحبني بس
ماجد يمسك ظهره وبنظرات حاده يناظره كان راح يتكلم بس أسير كمل
أسير : أجل وشلون لو طلعت أحبها
ماجد : فارق بس ولو عدتها مره ثانيه ياويلك >> يقصد يوم ثبته بالجدار <<
أسير : ماجد أنا ماراح أسكت أكثر من كذا
ماجد يشيل شنطته ومطنشه مايبي يسمع
أسير : ولو تبي أنا الطالع وانت الداخل بس أعرف اني سكت لليوم لأني مابي تخرب علاقتي فيك بس أنا شايف انه ماله داعي أسكت أكثر من كذا
ماجد تنهد
أسير : مثل ماانت تحبها أنا مجنون فيها
ماجد ناظره بتململ ماخذا كلامه بجديه ومشى طالع من الغرفه
أسير يوقفه بصوت عالي : ماجد
ماجد طلع
أسير حط ايده على راسه ورجع لورى تسند بالجدار وقلبه يدق بسرعه



عنود اسمعت صوت أسير واطلعت من غرفتها شافت ماجد ينزل واركضت لدرج بس ماانزلت : ماجد
ماجد نزل ولا رد أو التفت لها
عنود امتلت عيونها دموع وامسكت بالسور




ميار تسحب شموخ : الله يخليك اسبحي معي
شموخ : مالي خلق والله بس لعيونك بحط رجليني
ميار تكشر : مب حلو
شموخ اكتفت ببتسامه وامسحت على شعرها
نوري : ماشاءالله شايفتكم متفقات حيل
شموخ ببتسامه قالت وهي سارحه بميار : فيها من أبوي الله يرحمه
نوف : أي يقول نايف نفس الشي
شموخ تمسح على شعرها بعدها بعدت ايدها عنها ونزلت رجلينها : يلا اسبحي
ميار : بروح لنوري يمكن انتي ماتعرفين تسبحين
مها بضحك : الحين نزلت رجلينها علشانك بعدها اتقولين بروح لنوري
شموخ اضحكت
مريم : ماتنزلين مها
مها : لا والله بقعد هنا
شموخ تقوم رايحه لها
نوف : انا صراحه زهقت بطلع
مريم : أنا بعد
مزنه : خلنا انسولف مع الضيفه شويتين
مريم : يلا
شموخ : متى رايحين مها
مها : يمكن العشا بس مدري عنه يمكن يبسط مع الشباب ويخليها لليل
شموخ : المهم أنا أبي أروح معكم
مها : ليش
شموخ بصوت اخفت : والله عندي بحث وهنا مستحيل أسويه
مها : معك حق
نوف جايه : في شنو تتسرسرون
مها : مانتسرسر
شموخ قاطعتها : مب كل شي لازم اتعرفينه
نوف ناظرتها
مها ناظرت شموخ بعدها نوف
نوف حاولت اطنش : آسفه ماقصدت واقعدت : اخبارك مهوش
مها : تمام
شموخ تقوم : الحين جايه
نوف تناظرها بشكك بعدها ارجعت ناظرت مها








نايف: لا انا زعلان عليه دامه مب مشغول ليش ماجا معك
منصور : والله مدري عنه
زايد : الحين ادق عليه
نايف :متى ناوي تروح الرياض
منصور : ان شاءالله السبت محرك
نايف : اها
منصور يناظر عمه راشد " معقوله تكون تعرف بكل شي وساكت "
نايف : لا تنسى تحضر الملكه
منصور بتذكر ناظره : أي والله كنت بعتذر منك انت وفهد لهالسبب
فهد : ماتقدر تحضر
منصور : لا والله مااتوقع
نايف حط ايده على كتف منصور : ولا يهمك مسامحك
منصور ابتسم
فهد بمزح : بس انا لا
منصور ناظره : ان شاءالله حاضرين العرس
فهد : امزح معك ياالحبيب
منصور اكتفى ببتسامه ورجع ناظر عمه راشد
نايف انتبه لنظرات منصور لأبوه وصار يناظر ابوه بعده منصور

زايد دق على مهند

مهند كان ماسك ألبوم الصور وسمع صوت جواله دخل يده بجيبه وطلعه " زايد " : هلا والله
زايد : وينك ؟
مهند يناظر بالصور : والله مشغول اشوي وبعد اشوي طالع اقابل ابو محمد في اوراق لازم اشوفها
زايد : اها
مهند حط الألبوم على جمب وراح يطلع من الدرج شي ثاني
زايد : شكلك مشغول الحين يلا اتركك
مهند : الله معك وسكر وهو يناظر باللي شاله كم اورقه
فتحها


في ليله من ليالي الحزينه ... وفي ركن من اركان غرفتي المظلمه...


مسكت قلمي لأخط همومي واحزاني .... فاذا بقلمي يسقط مني


ويهرب عني ..!!!


فسعيت له ... لأسترده ... فاذا به يهرب عني وعن اصابع يدي الراجفه .


فتعجبت ... وسئلته .. ؟؟؟

الا يا قلمي المسكين .. اتهرب


مني .. ام من قدري الحزين..


فاجابني


بصوت يعلوه الحزن والاسى ...


سيدتي …تعبت... من كتابة معاناتك....

ومعانقة هموم الاخرين...


ابتسمت .. وقلت له .. يا قلمي الحزين ..


انترك جراحنا... واحزاننا... دون البوح بها ...


قال .. اذهبي وبوحي بما في اعماق


قلبك لانسان اعز لك من الروح ..


بدلا من تعذيب نفسك .. وتعذيب من ليس له... قلب... ولا روح ..


سألته .... ؟؟
واذا كانت هذه الجراح بسبب انسان هو لي اعز من الروح ... فلمن


ابوح؟


فتجهم قلمي حيرة ... واسقط بوجهه علي ورقتي البيضاء ...


فأخذته ... وتملكته ... وهو صامتا .. فاعتقدت انه قد رضخ لي ..


وسيساعدني في كتابة خواطري ..


فاذ بالحبر يخرج من قلمي متدفقا ... فتعجبت ...


ونظرت اليه قائلتاً ... ماذا تعني ...


قال... سيدتي انتي بلا قلب ولا روح ..


اتريدينني ان اخط احزان قلبك ولا ابكي فؤادك المجروح ...


......فمسكت قلمي وكتبت.....

مسكت القلم لكتابة همومي ... فبكي القلم قبل ان تبكي عيوني


اااه يا هموومي

مهند عقد حواجبه وهو يقرآ بعدها راح للورقه اللي بعدها
كان مب معروف لها راس من رجل مكتوب فيها

سالت دموعي
و
متى يجي اليوم اللي أكون فيه تحت التراب
و
أمنيتي بأن أموت ليس لأنه شيء جميل
لا ولاكن لأنه أجمل من العذاب اللذي يلحق بي
بكل مكان
و
كل من أحبهم أصبحو يبتعدون عني
و
أشتقتلك يايمى
و
يمى تعالي شوفي بنتك بالحيل تعبانه
و
يوم الاحد 2/3/1429 هـ
يوم طردني عمي من بيته
كان مكرر التاريح أكثر من 5 مرات بنفس هالورقه

ترك هالورقه وراح للي بعدها كان مكتوب فيها

أنا مانسيت شلون ربوني أمي وأبوي الله يسامحك يامهند

مهند عقد حواجبه وقرا مره ثانيه بعدها لف الورقه يناظر يمكن فيها شي بس ماكان مكتوب فيها غير هالجمله
مهند لف عدساته اشوي بعدها رجع ناظر المكتوب







شموخ دخلت التواليت تسندت على الباب وخذت نفس عميق


مـآلـۈَمـڪْ ڪْآن قلبـڪْ ثـآرت آمـۈَآجـﮧ ( ۈَخـآטּ ) ..≈


آلخطـآ منيـے .. لآنـيـے صـرت فيـےّ بحـرڪْ سفينـﮧ











.
.

: أسير
أسير ناظرها
سديم : وش فيك من جيتم وانت ساكت
أسير صوته كان فيه بحه : لا يمى مافيني شي
عنود : لا تخبي شي عليها
أسير ناظرها
عنود ناظرت امها : اليوم ماجد كان بالبيت
سديم ناظرت أسير بعدها ارجعت ناظرت عنود بفضول
عنود : أنا قلت لأسير يحاول معه انه مايروح كان جاي ياخذ له أغراض وهو حاول معه ولا وافق
أسير قام بتنهيده : أنا شوي راجع
سديم تناظره
أسير طلع برآ
سديم قلبها كان يدق ونزلت نظرها ليدينها اللي ضمتهم لبعض
رفعت راسها يوم حطت عنود ايدها على ايد امها ابتسمت لها وردت لها سديم الابتسامه

أسير فتح ثلاث أزارير من بلوزته وخذا نفس ووجهه يتلون حاس بالضيق حيل
بلع غصته وطلع جواله دق على عوض





عوض : يبى أنا مب رايح معكم
أبو عوض : الله يهداك زين أجل الروحه لأن الكل مجتمع اليوم في بيت بنت عمك
عوض : ته وتنهد بعدها سمع صوت جواله " أسير "
عوض : سلام
أسير بصوت مخنوق : وعليكم السلام
عوض عقد حواجبه واشر لأبوه دقيقه بعدها راح عنه : وش فيه صوتك لا يكون صاير شي للوالده
أسير : لا .. بس أنا غيرت رايي رايح معك
عوض : لا من جد
أسير : ايه
عوض : زين تكلمت لأني كنت مفكر ماأروح علشان الوالد يلا بأقنعه وأتصل عليك
أسير : اذا كان يبيك ضروري ماعليه
عوض : لا مب شي ضروري الحين بسكر
أسير سكت اشوي بعدها سكر
عوض مستغرب بعدها راح لأبوه






نوف تناظر بشموخ طول الوقت شموخ انتبهت لنظراتها بس سوت روحها مب شايفتها
كانت نوف حيل شاكه بحالة شموخ لأنها كانت يوم تقعد جمبها تقوم ويوم تكلمها ترد بطريقه مختلفه
ويوم تمزح ماتعطيها وجه
منار : طبعا انتي معزومه ملكة اخوي مايحتاج
مها : والله قالي عنها منصور بس مااتوقع نقدر نحضر
منار : لااا
مريم : ليش ؟
مها : دوام عنده هي الملكه يوم الاثنين لو انها الخميس يمكن كان مدانا
نوري : أي صح صادقه
شموخ : متى رايحين
مها تناظرها : السبت
شموخ : هذا
مها : ايه
شموخ : اها تمنيت اطولون اشوي ماقعدت معك اكثير
مها : من جد الجامعه سرقتك منا
شموخ اكتفت ببتسامه
نوف : عادي لو حسيتي بالطفش تعالي عندنا او حنا نجيك
شموخ : والله مااتوقع بكون فاضيه وحتى الحين البحث ماسويته وحيل طويل وراح ارجع معهم البيت
نوف : من جدك
شموخ ناظرتها : ايه
نوف : زين حنا بعد ماقعدنا مع بعض اكثير بعدين البحث مايتسلم الا يوم السبت
شموخ : ليش الجامعه لعب بالنسبه لك
نوف تضايقت من ردها ومن طريقة كلامها معها وقامت : لا بس قلت يمكن في يوم تسليم ثاني
شموخ بعدت نظراتها عنها
نوف ناظرتها ثواني بعدها راحت
الكل حس انهم ماتصالحو بس هالمره طنشو مالهم أي علاقه





نوف اطلعت برآ وهي شاده على قبضتها " وش صاير لك شموخ "

منار : لا بس مستغربه هي كانت جايه عندك
نوف دق قلبها : متى
منار : ماصار لها كثير
نوف حطت ايدها على قلبها وحيل كان يدق وناظرت بالباب اللي يدخل على المسبح







مهند لبس بلوزه كحلي وبنطلون أبيض مشط شعره وفش عطر وطلع من غرفته وهو يدخل اورقه بجيبه
ركب سيارته ومشى وعقله مب معه يناظر بالمرايه الجانبيه واللي قدامه بس عقله بعيد






أسير مشى داخل الغرفه

لميس مع أمها وفيصل : هذا أسير
فيصل : ايه ... أسير
أسير ناظر جمبه وشافهم
فيصل سلم عليه
لميس وعيونها على الباب : أخبارك أسير
أسير بخير وانتي
لميس : تمام .. خالتي داخل
أسير : ايه معها عنود
لميس ناظرته : زين وماجد
أسير مارد عليها لأنه شاف أمها شلون دزتها
لميس : آح يمى
ام فيصل : ماتشوف شر ان شاءالله
أسير : الشر مايجيك وفتح الباب : تفضلو

عنود اسمعت صوت أسير وقامت : من جا
أسير جا : يمى مرة عمي
سديم ابتسمت
لميس راحت لها بخطوات سريعه : سلامتك ياالغاليه وسلمت عليها
سديم : الله يسلمك
ام فيصل سلمت بعدها فيصل
ام فيصل : متى اكتبولك خروج
سديم : والله للحين ماقالولي شي
ام فيصل بحزن : ياالله
لميس : هو ماجد ماجا لهنا
ام فيصل خزتها
لميس ماانتبهت لها
عنود ناظرت أمها
سديم : الا جاني أمس
لميس ابتسمت : يعني يمكن يجي اليوم
سديم : ان شاءالله
أسير : أنا رايح تامرون على شي
سديم تناظره : وين يمى
أسير : كلمت أبوي قال هو بالبيت وراح يجي ياخذ عنود أنا رايح مع خويي
سديم : اها
أسير : يلا مع السلامه
: مع السلامه







المها جعدت شعرها والبست فستان كت بني يوصل لتحت ركبها فيه حزام خيوط لونها بني أدكن وفيه بيج
شنطه بني درجات وبيج وكعب بيج اكسسوار خفيف بني
حطت كحل وقلوس برتقالي
البست عبايتها لأن أمها قومت عليها الدنيا لأنها متأخره اشوي
واطلعت من جناحها نازله
غزيل طالعه : زين طلعتي
المها بدلع بنات : آآه يمى كلها كم ثانيه بس
غزيل : زين زين يلا أبوك وخواتك اطلعو السيارة
المها بدون نفس : جايه








شموخ كل اشوي تناظر بالساعه متى يمر الوقت بسرعه
نوري جايه : بنات وين دلات القهوة من شالهم
نوف : ايه انا شلتها من ابوي بالدولاب
نوري اقعدت : والله قومي عطيها نايف انا تعبت رايحه جايه
نوف : مالت عليك قومي يلا
منار : خل مريم تعطيه
مريم : اقول مناك بس قومي نوف
نوف تقوم : قايمه يوه
نوري : الله يقطع شيطاني انحرجت تو
البنات اضحكو قبل يعرفون
مزنه : من فهد
نوري : لااا شنو فهد شنو خرابيط وانا طالعه لنايف اعطيه الفناجين دقت براسي ابي افحط وامشي وافحط
وامشي وافحط ويطلع مهند بوجهي واقف يسلم على نايف
شموخ ناظرتها بتفاجئ : ليش مهند هنا
نوري تناظرها : ايه وسلمت عليه قعد يضحك علي ياالله انحرجت
منار : تستاهلين اللي يجيك
مها : غريبه وحنا طالعين قاله منصور يلا قال عنده شغل
نوري : مدري عنه .. المهم بنات امي وخالتي فدوى وجنان جايين الحين يسبحون
مزنه : سمعناها كم مره ولا تلقينهم جايين تاخذهم السوالف
مريم : من جد













المها تاخذ العصير
العنود " جعلك تغصين " وراحت تعطي الباقين
نجمه : أخبارك عندند
العنود تقعد : تمام وانتي ؟
نجمه : بألف خير أي صح مبروك
العنود : يبارك بحياتك
نجمه يغمزه : ها خبرتي الأبو
العنود : ايه
نجمه : شلون كانت ردة فعله
العنود : عادي مثل أي واحد يسمع هالخبر
نجمه تضربها على كتفها : مالت قال ماتبي تقول
العنود تناظر الهنوف : يازين هالجمعه بس لو هالبنت مب موجوده أحسن
الهنوف : آه شنسوي امي وابوي السبب
العنود : خايف تسوي شي بالبيت والله اتكلم جد
الهنوف : اتحداها ماتقدر
المها : اخبارك سناء
سناء : بخير وانتي شلونك وشلون الجامعه معك
المها : الحمدلله ماشي حالها
سناء : سمنانه
المها تناظر بنفسها : لا جد
سناء تحرك راسها بإيه : مب حيل بس وجهك صاير شبه دائري
المها تمسك وجها : احلفي عاد مااحب المزح
سناء : والله العظيم وتناظر تولين جمبها : تولين
تولين كانت تسولف مع الجوهره بعدها ناظرتها وناظرت بعد الجوري والجوهره
سناء بضحكه : شفيكم
الجوهره : ابد نبي نسمع
سناء : ههه لا بس كنت بقول لها ان المها سمنانه اشوي صح
تولين تناظرها : امممم ايه تقريبا ً
المها انصدمت : لا الا السمنه
الجوري : أي والله بس ليش مااشوفك تاكلين اكثير
الجوهره : هي بتاكل اصلا
تولين : يمكن تفكرين اكثير بعضهم يسمنون من التفكير
المها : لا جد والله صدمتوني
سناء : ماعليك بعدين ماخرب جسمك بس وجهك صار ممتلي شوي
المها انقهرت من نفسها حيل والوجه الدائري ماتحبه ابد صلحت جلستها
وهي متضايقه من الجلسه تبلي تروح تشوف نفسها بأسرع وقت







البنات طقو السوالف وكان حيل بسطه حتى شموخ انبسطت اما نوف كانت شبه مبسوطه لاكن اكثر شي كانت خايفه
وحاسه ان شموخ اسمعتها

مها : سواقنا بنقالي تخيلي كل ماكلم واحد قال
سلام اليكم مدير كيف الهال ؟
المهم حنا عادي مدير مدير تخيلو بس بعدين عرفنا وش معناها
منار : شنو
مها : طلع معناها حمار وهو يكلم الرجال وهم مبسوطين مدير ياسلام من قدهم آخرتها طلع يضحك عليهم
الكل ضحك
شموخ : حقير صدق
مها ناظرتها : سممعي انتي بس مره تهاوشت معه وقلتله صدق انك مدير
قالي انا مو مدير انتي مدير
وانا اهاوشه انت مدير يا محمد انت مدير
يقولي لا انتي
وظلينا كذا لين سكت
شموخ تضحك
مريم بضحكه : زين تعرفين معناها ولا كان قالك هي وانتي فاهيه
مها : من جد
شموخ : حنا نسوي عرس لو واحد قالك مدير
مزنه : افا اكيد هالكلمه عندنا شي
منار : من جد والله انصدمت من المعنى
ميار : مها صوريني
مها : انتي وش صاير معك من امس وبس تصوير
شموخ : خليها وقامت : تعالي أنا أصورك
ميار ببتسامه : صوريني بكل مكان
شموخ : ولا يهمك ودنقت خلت وجها قريب من وجها : من عيوني والله وارفعت جسمها
نوري : تتصورين معي
منار : ومعي بعد
ميار : بتصور معكم كلكم بس بالأول أنا أتصور بروحي علشان أوريها خويتي
نوري ترفع حاجب : ياسلااام
منار بضحكه : والله وصارو بنات اول ابتدائي يودون صور للمدرسه
ميار : عادي وبعضهم يجيبون جوالات وكاميرا
وخفضت صوتها : حتى أنا مره خذيتها وتصورت مع خويتي وصورنا الأبله بس لا تخبرون أحد
البنات اشهقو
مها تقوم : لا من جدك ميار
ميار خافت
شموخ تفتح الصور : انتي من جدك وتناظر
منار ونوري ومها راحو يشوفون
ومريم قامت معهم
مزنه كانت بعالم ثاني " آه منك ياتركي "
نوف كان قلبها للحين يدق " شلون اعرف انها هي اللي اسمعتني "
شموخ تشهق بعدها افقعدت ضحك : وش هالتصوير الله يقطع ابليسك
مها تسحب الكميرا منها : عطيني اشوف
شموخ امسكت بطنها وماتت ضحك
مزنه قامت طيرا : وروني وروني
نوف تناظر بشموخ بعدها بعدت نظراتها عنها وقامت من مكانها






لورآ : ليش ماجات ميسون معكم
ترفه : تعرفين خالتي ماتحب تطلع
لورآ : أي بسقلت يمكن تجي
ترفه : لا ما تبي
رآما : يعني لمتى بنقعد يلا قومو خلنا نركب دبابات
أفنان : من زمان أنتظر
رآما تقوم : بروح أكلم رياض وراحت
أفنان : أي سنه ترفه
ترفه : أول هو المفروض أكون ثاني بس ربي ماكتب
أفنان : اها أي قسم
ترفه : رياضيات
أفنان : الله يوفقك
ترفه : وياك يارب

رآما دقت على رياض وعلى أبوها بس ماردو
مشت رايحه لعندهم وهي تصلح شيلتها وتلثمت فيها
رآما : وش هالظلمه ياربي




أسير : عوض مافي مشكله لو طلعت اشوي
عوض : ليش
أسير : بتمشى اشوي وارجع تعرفني اكره هالجلسات اللي بس هذره
عوض تنهد : روح روح اعرفك والله زين
أسير ببتسامه وهو يقوم : شباب انا طالع اشوي وارجع
رياض : ولو خذ راحتك
أسير راح
رياض ناظره لين طلع بعدها ناظر عوض : لا يكون خويك انزعج من شي
عوض : لالا بس حب يغير جو
رياض : اها




رآما اوصلت للخيم وصار النور واضح تقدمت اشوي تبي تنادي رياض بس
حست بجسم طلع من الخيمه وصدم فيها كانت بطيح بس مسكها : بسم الله
رآما بخوف اسحبت ايدها وارجعت لورى : آسفه ماانتبهتلك
أسير عقد حواجبه غصبا ً عنه رفع نظره وناظرها
رآما يدق قلبها ويوم ناظرها دق اكثر وارجعت خطوه ثانيه لورآ
أسير يناظرها زين وثبت نظره بعيونها
رآما تبلع ريقها ونزلت عيونها : ممكن لو سمحت تنادي رياض
أسير حط ايده على راسه بتشتت بعدها رجع لورى هو يناظر فيها من ساسها لراسها : ان شاءالله





شموخ : تبون شي انا بروح اشرب ماي
مها : واللي يعافيك عصير
منار : وانا بعد
شموخ : خلاص بجيب صينيه كلها عصير وراحت
ميار : هالصوره لا تمسحيها
نوري : الا كلها تنمسح ولا بعلم خالتي شلون تصورين المعلمات
ميار تنهدت بضيق وكشرت بزعل




شموخ ملت الصينيه عصير وشالته طالعه وقابلت نوف بوجها
شموخ بعدت عدساتها عنها : شوي بطلع
نوف : ارجعي اشوي ابي اكلمك
شموخ تناظرها : مافي شي نتكلم فيه نوف
نوف : الا فيه قالتها بكل ثقه
شموخ ثبتت عدساتها بعدسات نوف
نوف : عن امس الليل
شموخ لفت عدساتها اشوي بعدها ارجعت ناظرتها
نوف قلبها يدق





منصور يكلم مهند: حنا راجعين على الساعه 10 ترجع معنا
نايف : وين منت رايح مكان الا يوم تتعشى
منصور : زين ولا يهمك اهم شي مانبي نتأخر
نايف : ليش وش وراك
منصور : والله وراي صلاة الجمعه
حاتم : أي والله وانت صادق
منصور يناظر مهند : شموخ راجعه معنا
مهند ناظره
منصور : تو كلمتني مها انت راجع
مهند :ـ
منصور :ـ
مهند : شموخ بترجع معي
منصور : ليش
مهند : مافي شي وراح امشي معكم ماراح اتم هنا
منصور : زين
مهند بعد نظره عنه ومنصور حس في شي بس ماحب يكثر معه



انتهى البارت
اتمنى ان ينال اعجابكم
وآسفه حالياً مقدر أرسل الرابط بس ان شاءالله أرسله وقت فضيت اليوم >> تكون الناس قرت ^__^

احترامي وتقديرير لكم :/



البارت السادس والعشرون

.
.

رآما دقت على رياض وعلى أبوها بس ماردو
مشت رايحه لعندهم وهي تصلح شيلتها وتلثمت فيها
رآما : وش هالظلمه ياربي







أسير : عوض مافي مشكله لو طلعت اشوي
عوض : ليش
أسير : بتمشى اشوي وارجع تعرفني اكره هالجلسات اللي بس هذره
عوض تنهد : روح روح اعرفك والله زين
أسير ببتسامه وهو يقوم : شباب انا طالع اشوي وارجع
رياض : ولو خذ راحتك
أسير راح
رياض ناظره لين طلع بعدها ناظر عوض : لا يكون خويك انزعج من شي
عوض : لالا بس حب يغير جو
رياض : اها






رآما اوصلت للخيم وصار النور واضح تقدمت اشوي تبي تنادي رياض بس
حست بجسم طلع من الخيمه وصدم فيها كانت بطيح بس مسكها : بسم الله
رآما بخوف اسحبت ايدها وارجعت لورى : آسفه ماانتبهتلك
أسير عقد حواجبه غصبا ً عنه رفع نظره وناظرها
رآما يدق قلبها ويوم ناظرها دق اكثر وارجعت خطوه ثانيه لورآ
أسير يناظرها زين وثبت نظره بعيونها
رآما تبلع ريقها ونزلت عيونها : ممكن لو سمحت تنادي رياض
أسير حط ايده على راسه بتشتت بعدها رجع لورى هو يناظر فيها من ساسها لراسها : ان شاءالله










شموخ : تبون شي انا بروح اشرب ماي
مها : واللي يعافيك عصير
منار : وانا بعد
شموخ : خلاص بجيب صينيه كلها عصير وراحت
ميار : هالصوره لا تمسحيها
نوري : الا كلها تنمسح ولا بعلم خالتي شلون تصورين المعلمات
ميار تنهدت بضيق وكشرت بزعل









شموخ ملت الصينيه عصير وشالته طالعه وقابلت نوف بوجها
شموخ بعدت عدساتها عنها : شوي بطلع
نوف : ارجعي اشوي ابي اكلمك
شموخ تناظرها : مافي شي نتكلم فيه نوف
نوف : الا فيه قالتها بكل ثقه
شموخ ثبتت عدساتها بعدسات نوف
نوف : عن امس الليل
شموخ لفت عدساتها اشوي بعدها ارجعت ناظرتها
نوف قلبها يدق











منصور يكلم مهند: حنا راجعين على الساعه 10 ترجع معنا
نايف : وين منت رايح مكان الا يوم تتعشى
منصور : زين ولا يهمك اهم شي مانبي نتأخر
نايف : ليش وش وراك
منصور : والله وراي صلاة الجمعه
حاتم : أي والله وانت صادق
منصور يناظر مهند : شموخ راجعه معنا
مهند ناظره
منصور : تو كلمتني مها انت راجع
مهند :ـ
منصور :ـ
مهند : شموخ بترجع معي
منصور : ليش
مهند : مافي شي وراح امشي معكم ماراح اتم هنا
منصور : زين
مهند بعد نظره عنه ومنصور حس في شي بس ماحب يكثر معه











أسير : رياض
رياض ناظره
أسير : في أحد يبيك برآ
رياض عقد حواجبه وهو يقوم : من
أسير مارد عليه ورياض طلع
أسير مشى وجلس مكانه جمب عوض
" كنها هي .. وش قاعد يصير معي أنا " حط ايده على جبهته ومشى فيها لشعره
عوض : وش فيك رجعت
أسير يمد يده ياخذ كاس الماي : غيرت رايي وشرب
عوض يناظره










نوف سكرت باب المطبخ والتفتت لشموخ
شموخ تنهدت ومبعده عدساتها عنها
نوف تتقدم لها : شموخ وش صاير معك انتي
شموخ ناظرتها : مب صاير شي
نوف : لا تحسبيني مو ملاحظه حتى نظراتك تغيرت تكلمي ووقفت قدامها بينهم خطوه وحده
شموخ دفنت وجها بيدينها خذت نفس بعدها مشت فيها لشعرها وجها صار شبه محمر : نوف اتركيني بروحي صايره حيل أتضايق منك
نوف : زين ليش علشان اللي صار أمس قايلتلي منار انك كنتي جايه عندي بس أنا ماشفتك
شموخ ناظرتها عدساتها بعدسات نوف ملامحها تغيرت لحقد وشدها لإيدها طلع عروقها
نوف : اذا كنت ماسامحتيني للحين قولي أحسن من تكذبين علي وأشوف منك هالمعامله
شموخ ماأقدرت تتحمل ارفعت ايدها تضربها بوجها بس وقفت وايدها صارت ترجف
نوف ناظرت بإيدها بعدها فيها وهي تحس بدقات قلبها تزيد
شموخ ماطولت اكثير وضربتها على وجها
نوف انصدمت ولفت ناظرتها وهي تحط ايدها على خدها
شموخ وهي شاده بقبضتها : خاينه
صعقت الكلمه نوف ونفسها صار سريع
شموخ : ماراح أسامحك بحياتي
نوف ناظرتها بعدسات تايهه
شموخ ودموعها بعيونها والكلمات تطلع منها بكل حقد : بحياتي ماراح أسامحك
نوف صارت ترجف
شموخ ونظراتها فيها افتحت الباب وشالت الصينيه اطلعت
نوف امتلت عيونها وهي للحين مصدومه وصارت دموعها تنزل وجامده مكانها ماتحركت












رآما ارجعت للبنات
أفنان : ها وش صار
رآما تفك اللثمه : الحين يجيبونها
لورآ تتثاوب
ترفه : ان شاءالله العزيمه الجايه في بيتنا مو تقولون ماقلتي
: ان شاءالله
ترفه : وحتى أفنان
أفنان ببتسامه : ان شاءالله
غلا جايه هي وسهى
رآما : ترآ قلت لرياض يجيب لكم بعد
غلا تقعد : يجيب شنو
رآما : دبابات
سهى : والله أنا أبي بس الله يعيني على البزارين
غلا : أنا ماراح أركب
ترفه : والله الطلعه ماتحلى الا بالدبابات
لورآ : من جد
سهى : عاد لا تقهروني
رآما : خليهم أمانه عند غلا وتمد لسانه
غلا : أنا يالا بزاريني
لورآ : الحين لاهين مع التراب
أفنان : أي بس أول مايشوفون الدبابات يبون
رآما : أولهم علا
لورآ: عاد هذي بنت هند تجي تنتبه لها
ترفه : على طاري هند وينها
سهى : قاعده مع جدتك والحين جايه
ترفه : أي فقدتها











لميس تنزل من فوق بوجه ملول
ام فيصل : ليش غيرتي رايك
لميس تقعد : رايي بشنو
ام فيصل : قلتي بروح بيت عمي والحين أشوفك هنا
لميس تتمدد على الكنب : مافي سبب بس مابي أزعج عمي وعنود
ام فيصل بعدم تصديق : اها
لميس تناظرها
ام فيصل :ـ
لميس : أوف يمى .. أنا ماكنت بروح علشان ماجد بس قلت يمكن عنود تبي أحد معها بس شفتيها شلون واضح انها ماتبيني
ام فيصل : اها
لميس اعرفت ان امها ماصدقتها ولفت عنها بتنهيده











المها قامت رايحه للمرايه
الهنوف تناظرها
نجمه : بنات قومو من عند الحريم خلنا نشغل الاستريو
الجوري : زين بس كلمي العنود
نجمه تقوم : وينها هي
الجوري : بالمطبخ
نجمه راحت
الهنوف قامت


المها واقفه قدام المرايه : وين سمنانه وتقرب وجها من المرايه وهي تمسك خدودها
حست بأحد جاي وبعدت وجها عن المرايه طلعت القلوس تحط
الهنوف ادخلت
المها ناظرتها بعدها بعدت نظراتها عنها للمرايه
الهنوف ناظرتها من فوق لتحت واوقفت اتصلح مكياجها
المها : جايه تراقبين وتحط القلوس بالشنطه
الهنوف : زين عرفتي
المها ناظرتها من فوق لتحت واطلعت













منصور طلع برآ ودق على مها
مها تحط الملعقه وتاخذ جوالها من مريم ببتسامه : تسلمين ....... السلام عليكم
منصور :وعليكم السلام . يلا مشينا
مها : زين بس أغسل يديني
منصور سكر
مها سكرت : يلا شوشو
شموخ تناظرها : رايحين
مها : ايه وتقوم
شموخ قامت
مريم : والله زعلت حيل منك ليش اتروحين
مزنه : خلاص اتركو البنت بروحها تبي تروح تبي تجي كيفها
منار : من جد
شموخ راحت تشيل أغراضها وتلبس عبايتها
نوري : وين نوف ماكلت معنا
منار : قلنالك ماتبي
نوري : زين ليش
منار : مدري عنها
نوري قامت : شكلها نعسانه بروح اشوفها
مها : يلا ميار
ميار : شوي جوعانه انا
ام نايف : حرام خلوها تنهي صحنها بعدها اطلعو ليش متعجلين
مها :يلا ننتظر لعيونها وش ورانا وتسكر عبايتها
جنان : سلمي على خالتك لا تنسين
مها : ان شاءالله يوصل
ام نايف : والله ماكان عندي خبر انك جايه ولا كان قلتلها تجي معكم
مها : ماعليه ان شاءالله مرات ثانيه
ام نايف : ان شاءالله












شموخ ادخلت الغرفه وسكرت شنطتها بعدها خذت عبايتها تلبسها
نوري ادخلت : هه .. على بالي نوف هنا
شموخ ناظرتها ولا ردت ونزلت نظرها لعبايتها وهي تسكرها
نوري جات تطلع بس ارجعت وسكرت الباب : شموخ
شموخ اطلع شعرها من داخل العباه وناظرتها
نوري تقدمت لها لين صارت قدامها وحطت ايدها على ذراع شموخ : الله يخليكم لا اطولون كذا انتي ونوف ماأحب أشوفكم متفارقين الله يخليك
شموخ :سكري على الموضوع نوري
نوري : تكفين أنا أبي أعرف وش اللي صار أول مره تقعدون كل هالوقت ماتناظرون حتى في بعض أكيد صاير شي
شموخ دنقت خذت شيلتها
نوري: وأعرف نوف أكيد الحين متضايقه وانتي بعد يعني أحسن شي بعدو العناد عنكم وتصالحو
شموخ ناظرتها : ومن قال اني متضايقه
نوري تغيرت ملامحها يوم شافت نظرات شموخ
شموخ كان صوتها حاد اشوي : وتعودي على هالشي لأني من اليوم ورايح ماراح اتشوفيني معها صدت عنها بنظره وشالت شنطتها
نوري تاهت عدساتها بستغراب من كلامها ويوم جا في بالها أسير دق قلبها وناظرت شموخ وهي طالعه من الغرفه









مهند كان متسند على سيارته ومكتف يدينه ونظره بباب قسم الحريم ينتظرها تطلع

أنا مانسيت شلون ربوني أمي وأبوي الله يسامحك يامهند

دخل يده بجيبه ونزل نظره وهو يفتح الورقه يقرا
" أنا مانسيت شلون ربوني أمي وأبوي الله يسامحك يامهند "
" معقوله تكون عارفه عن دخولي لغرفتها واكتبت هالشي عمد ... ... لا شلون تعرف "
تحارب مع افكاره ودخل الورقه بجيبه
: مهند
مهند ناظره
منصور وقف جمبه كتف يدينه وهو يناظر عمه راشد قال بصوت خافت :مهند حنا متى نعرف الحقيقه
مهند ناظره معقد حواجبه مافهم
منصور :عمي راشد قلت انه كان مكتوب ان أبوي خبره بوجود عمي الله يرحمه بالمستشفى
مهند لف نظره يناظر امه راشد اللي كان واقف مع أخويانه يودعهم : هذا المكتوب
منصور :زين انا ابي افهم منه كل شي للحين ملخبط
مهند لف عليه ومنصور ناظره وصلح وقفته
مهند : مب الحين منصور
منصور عصب بس كان صوتهم خافت : كل يوم مب الحين ليش مب لازم نعرف اللي صاير بالضبط
مهند حط ايده على كتفه : أصبر أنا مثلك أبي أعرف الحقيقه بس صدقني احساسي يقول ان عمي بعد ممايعرف عن شي
منصور :ـ
مهند : أنا الحين تارك هالشي لقدام
منصور : ليش ؟
مهند تنهد وهو يبعد نظراته عنه بعدها تند على السيارة : والله براسي ألف شي وشي
منصور : مثل شنو أنا أخوك واي شي تبيه أنا جمبك
مهند : لالا شي يتعلق فيني لا تشيل هم وناظره : الحين أوعدني ماتفتح الموضوع لأني شاك بألمي مثل ماقلتك ولازم تتراقب
منصور بحده اشوي : مهند امي مالها علاقه بعدين وين قاعدين حنا وش دخل أمي بصديق أبوي
مهند : زين زين الله يخليك اسكت لأني جد مابي أتهاوش معك من جديد لهالسبب
منصور تكتف : ولا يهمك
مهند : متى ماشي انت
منصور : السبت
مهند سكت اشوي كنه راح يقول شي بعدها رد : اها
منصور لاحظ هالشي : وش كنت بتقول
مهند :ـ
منصور ينتظر
مهند ناظره : متى دوامك
منصور : الاحد
مهند : اها
منصور بنفس : وكل الاسبوع دوام عندي ضغط
مهند عقد حواجبه : الجمعه دوام
منصور حرك راسه بإيه
مهند لف نظره عنه
منصور : وش تبي تقول
مهند : لا ولا شي يعني مابتحضر ملكة نايف
منصور : والله اعتذرت منه هو وفهد
مهند : امم
منصور يناظر الساعه :آه من الحريم وطلع جواله
مهند : تقدر تمشي ليلة الاحد
منصور ونظره بشاشة الجوال : ليش
مهند تردد بعدها : يكن املك على شموخ السبت
منصور اتصل على مها ويوم سمع رد مهند تفاجئ ورفع نظره له
مهند:ـ
منصور رفع الجوال لإذنه وببتسامة عدم تصديق: لا أكيد تمزح
مهند : ليش أمزح أنا أتكلم صدق خلاص طالت السالفه
منصور يبي يتكلم بس ردت مها : وينكم يلا
مها : والله كلم اختك هذي هي عالسفره ماتحركت تقول ماكليت ابي آكل
منصور يلف بنظره : ته .. وثبت نظره بمهند : زين لا تعطيها وجه اكثر من دقيقتين وخلها تقوم مااشبعت تاكل بالبيت
مها بضحكه : زين زين ولا يهمك
منصور سكر
مهند ناظره بمعنى وش عندهم
منصور يحط الجوال بجيبه : ابد أختك مأخرتهم وتسند على السياره ولف ناظر مهند وهو يحط ايده على كتفه وقربه منه حيل : يلا مبروك مقدما ياعريس بس ابي اسألك
مهند : همم
منصور : امس ليش كنت بغرفتها
مهند لف وجهه لوجه منصور
منصور : يعني انا فهمت من ردك انك كنت تفتش بأغراضها صاير شي خلاك تشك فيها
مهند لف عدساته اشوي يمين يسار بعدها رد : لا .. معقول ولف وجهه يناظر الشباب يوم ناداهم حاتم











نوري جايه
شموخ ناظرتها
نوري ناظرتها من فوق لتحت بسرعه من دون ملامح محدده بعدها تنهدت وبعدت نظراتها عنها طالعه
منار : وين طايره نوري تعالي أبيك
نوري بضيق : بروح لنوف الحين جايه وناظرت شموخ وهي تروح
شموخ بعدت عدساتها عنها بتمثيل عدم الاهتمام كان قلبها يتآكل أكل بس تحاول تكون قويه قد ماتقدر










صديقة العنود : ماشاءالله أختك المها صايره تشبهك اشوي
العنود ناظرت باالمها : من وين وناظرتها بقهر : لا تشبهينها فيني
صديقة العنود : لا مب مره يعني هي أحلى منك بس ماخذه منك
العنود بغيره ناظرت المها بعدها صديقتها : غيري الموضوع وش صار على ملاك ليش ماجات

عند المها كانت تسولف مع الجوري والجوهره و سناء وتولين
سناء : مهووش خلنا نطلع الحديقه
المها : عادي
سناء قامت والمها وراها وانتبهت لنظرات الهنوف وقالت وهي تلتفت للعنود : عنود حنا طالعين برآ
العنود كانت مقهوره من كلام صديقتها للحين وردت بصوت حاد : البيت بيتكم خذو راحتكم ولفت عدساتها عنها لصديقاتها
المها ارفعت حاجبها استغراب من كلامها " البيت بيتي " ابتسمت لا شعوريا ً اعجبتها الكلمه حتى لو كانت بحده التفتت لسناء وسفهت نظرات الهنوف لها

نجمه : أقول هنوف كليتي البنت بنظراتك وش فيك حاقده عليها لا يكون مطلعتلك قرون
الهنوف ناظرتها بحده : تعرفين علاقتي فيها كره بكره وحقد بحقد لا تعيدين هالسؤال اللي مثل وجهك مره ثانيه
نجمه : أنا آسفه والله ماقصدت
الهنوف بقرف : سكتي بس جد بطرش وقامت
نجمه تغيرت ملامحها بضيق من كلامها


سناء تمسك ايد المها : تعالي بسرعه
المها ؟؟ : وش فيك ؟
سناء بصوت خافت : أنا ماطلعت هنا اللا لأني أبيك بسالفه
المها : وش هي
سناء : خلنا نقعد هناك
المها : يلا
حديقة العنود كان كبرها وسط وزرعها بسيط ماكملوه وفيها طاوله وكراسي












رآما : يلا سباق بنات
أفنان تنادي : لورآآآآآآ
لورآ كانت بعيده عنهم اشوي هي وترفه
رآما : ماتسمع ..... لورآآآآآآآ
أفنان : بروح أناديهم
رآما : بسرعه أنا بسبقكم لقدام
أفنان راحت ولا اسمعتها
رآما لفت ومشت
أفنان : جد صمخات لهالدرجه مايسمعون والتفتت وراها على بالها رآما تمشي معها بس شافتها ماشيه من الطريق الثاني
أفنان وقفت واصرخت : رآآآما يابنت وين رايحه
رآما ماكانت تسمعها
أفنان تناظر بلورآ وترفه بعدها برآما بقلق : يابنت لا تبعدين بهالظلام واختفت عن نظرها
أفنان دق قلبها بخوف ورآحت بدباب مسرعه للورآ

لورآ : والله صدق ماهقيتها منه والله أنا أوريه هالعبود
ترفه : وييه تغير من جد
لورآ : لا بس صاير صايع بزياده المفروض يوقفه أبوك عند حده
ترفه : مادرى عنه وأمي كم مره تهاوشه وتنصحه بس مافي فايده
لورآ : وانا الحين أقول بخطبه للرآما
ترفه بضحكه : ليش يعني رآما
لورآ : خويها أفا نسيتي العشره
ترفه اضحكت : من جد ماأحترم حب الطفوله راح أذكره فيها يمكن يعقل اشوي
لورآ : من جد ... هو ماجا معكم صح
ترفه : لا طالع مع اخويانه وقال مايبي
لورآ : مالت عليه لا جد ناسي ميمي بقوه
ترفه تناظر قدامها : هذي أفنان
لورآ تناظر : ويييه نسيناهم أمشي يلا
ترفه مشت ولورآ بعد بس أفنان أوصلت لهم قبل
أفنان : لورآ أختك
لورآ افتحت عيونها لأنها شافت الخوف والقلق بأفنان : وينها وتناظر : كانت معك
أفنان : مدري وين رايحه بس مشت على قدام وأختفت
لورآ حطت يدينها على خدها بشهقه : ياويل قلبي وين بهالظلمه
أفنان : ناديت عليها بس مااسمعتني
لورآ مشت
أفنان : لورآ وقفي وين رايحه
لورآ : بدورها
أفنان : تعالي خلنا انقول للعيال
لورآ : شنو العيال أنا بروح أشوفها يمكن مابعدت حيل وراجعه
ترفه بحده حركت الدباب ماشيه : أرجعي لورآ لا سمح الله أختك ضاعت تروحين واتضيعين انتي ورآها
لورآ وقفت وبخوف: لا تقولين كذا وادمعت عيونها
أفنان : امشو بسرعه لازم انقول لهم
لورآ تحرك راسها لا : أنا بقعد هنا أشوف يمكن مابعدت رآما ماتحب الظلام وأكيد راح ترجع
ترفه :زين حنا بندور عليها هنا انتي خبري اخوك يلا
لورآ تمشي : زين
ترفه : يلا أفنان بس لا تبعدين حيل
أفنان : ان شاءالله




رآما قلبها يدق وهي تلتفت : وين أنا وقفت وهي تشوف الظلمه حولها قلبها دق أكثر وعكست اتجاهها راجعه : أكيد مابعدت حيل
ادمعت عيونها بخوف وهي تسمي وتتعوذ من الشيطان لأن الظلمه كانت قويه حيل
رآما كانت رابطه عبايتها على خصرها بس ربطتها ماكانت محكمه وماانتبهت لها وهي تنزل
ناظرت يمين يسار : يمه ياويلي تذكرت جوالها اللي كانت حاطته بالجيب وجات توقف علشان اطلعه بس عبايتها اعلقت بالكفر
وحست بعباتها تنشد ودق قلبها بخوف أكبرلفت نظرها لورى تشوف لاكنت الظلمه كانت قويه حست بالحراره بجسمها من الخوف وحاولت توقفه كانت ايدها ترجف لاكن







نوري حاطه ايدها على فمها وعيونها مفتوحه صدمه
نوف ضمت شفايفها لبعض ودموعها تنزل بشهقات محبوسه
نوري شالت ايده من فمها وحاستها شبه راجفه حطتها على كتف نوف بعدها ضمتها
نوف ارفعت يدينها ادفت وجها بكفينها وشهقاتها اطلعت
نوري امتلت عيونها غصباً عنها : خلاص نوف
نوف :ـ
نوري بعدت عنها وصارت تسحب يدين نوف من وجها : نوف ناظريني
نوف:ـ
نوري عجزت تشيلهم وصارت اطبطب على ظهرها : أنا كنت حاسه بهالشي والله واضح زعلكم جامد حيل
نوف بعدت يدينها عن وجها كان أحمر حيل وعيونها منتفخه قالت بشهاق: وش ذنبي أنا لا حبيته
نوري :ـ
نوف : نوري أنا حبيته قبلها المفروض أنا اللي أزعل ولا هي
نوري انزلت دموعها وقربت راس نوف لصدرها : الغلط منك لأنك مااعترفتيلها
نوف تبعد راسها عن صدرها : ماقدرت
نوري :ـ
نوف : حاولت أكثر من مره بس ماقدرت أقولها وضمتها
نوري ضمت شفايفها لبعض وصارت اطبطب على ظهرها







مريم تناظر : نوري ونوف مدري وين اختفو
مها : ماعليه سلمو عليهم حيل تأخرنا
مزنه : زين يلا سلام
شموخ تسلم عليهم بعدها مها
مزنه تلوح بإيدها : مع السلامه ميار
ميار ببتسامه لوحت : مع السلامه لا تنسون اتزورونا
مريم منجنه عليها : وااه أروح ملح على هالإبتسامه وتروح تلحقها وهي ماده ايدها : تعالي تعالي أعطيك بوسه
ميار التفتت ومريم شالتها باست خدها بقوه وقالت : يلا وأنا بعد أبي بوسه كبيره منك
ميار باستها
مريم : فديتك والله ونزلتها : علشانك بستيني بوسه حلوه راح أجيكم كل يوم
ميار ببتسامه بريئه صدت عنهم واركضت لمها وشموخ
مريم : فديتها ياناس
مزنه :وييه من زمان عن البزارين
مريم : من جد ... والله أحبهم
مزنه : حلوين هم من عمر سنه لين خمس ونادر ماتلقين أحد بعد المدرسه يازينه أكثرهم طويلين لسان ولا الأولاد
مريم : من جد من هالناحيه انتي صادقه بس ميار غيير خلاص هذي بنتي برضعها
مزنه بضحكه : أقول مريوم شكلك بديتي تخرفين يلا امشي
مريم : خلنا انشوف نوف ونوري وينهم
مزنه : خلهم أتوقع يتكلمون بموضوع بينهم لأني شفت شلون نوف وشموخ كذا مع بعض وشبكت اصبعينها السبابه في بعض
مريم : غريبه حتى أنا منتبه خاصه شموخ حيل نظراتها متغيره
مزنه : مدري وش صاير بينهم مو من عوايدهم والله
مريم : من جد ... بعدين شموخ اشوي دلوعه ترى
مزنه : حرام عليك
مريم : والله حيل حساسه ماتحب أحد يلمسلها شعره
مزنه : حرام مريم والله انها عسل بعدين من حقها تصير حساسه مالها اب ولا أم حتى أخوان
مريم : يعني أنا ماقصدت شي بس أقولك يعني
مزنه : لا والله انها مثل العسل يمكن حساسه بس ماأتوقع تزعل من دون سبب أكيد صاير شي بينهم
مريم : مالنا علاقه يلا خلنا انشوف منار شكلها نامت لأني شفت عيونها شكثر كانت حمرآ
مزنه تتثاوب : والله حتى أنا بديت أنعس







شموخ ببتسامه : تمام الحمدلله انت أخبارك
راشد : والله بنعمه .. زين اني شفتك أقول لهم ماراح أطلع من هنا الا وأنا بايس جبين بنت أخوي
وقرب راسها له باس جبينها
شموخ ببتسامة خجل نزلت عيونها اشوي : تسلم
راشد : أخبار الجامعه ان شاءالله شاده حيلك
شموخ : الحمدلله والله ماشي حالي
راشد: عقبال الماجستير والدكتوراه يارب
شموخ : آمين الله يسمع منك
راشد قرب منها وهو يطلع شي من جيبه مسك ايدها فتحها وحطه بإيدها
شموخ تناظر : عمي وترجعها لإيده : وش هذا
راشد يبعد ايدها
شموخ : عمي والله ماآخذها انت مو مقصر معي كل شهر منزلي على البنك والحمدلله مو محتاجه
راشد : والله تآخذينها ويلا توكلي
شموخ بزعل : لأنك حلفت بس هذي آخر مره
راشد يلفها : يلا كان حاط ايده على كتفها ومشو شموخ حطت اللثمه و اطلعو برآ
شموخ كانت لافه عيونها ولفت نظرها شافت مهند ولفت عدساتها ويوم انتبهت ارجعت ناظرته
مهند كان متسند على السيارة ومكتف يدينه ويوم شافهم بعد عن السيارة وهو ينزل يدينه
منصور يتقدم لعمه : يلا عمي نشوفك على خير
راشد يسلم عليه : يلا الله يستر عليك متى ماشي
منصور : والله الاوضاع ملخبطه اشوي بس السبت ان شاءالله
راشد : يعني نسلم سلام وداع وحضنه
منصور بعد عنه بعد ماسلم : لا يمكن نتقابل السبت
شموخ مشت رايحه ومهند جاي بس ماكان يناظرها
مهند وصل لعمه : يلا وسلم عليه
راشد : الله معكم
مهند : بغيت اخبرك بشي عمي
منصور ناظر مهند وانرسمت ابتسامه جانبيه على وجهه
نايف جاي : أقول شباب ترى جلستكم قليله
منصور : والله خلاص علشان الجمعه
مهند : والله منصور معه حق
نايف : أي والله كل اشوي انسى انه جمعه




شموخ اركبت : السلام
مها : وعليكم السلام
ميار : وش فيكم تتــأخرون ترى بدق بوري
مها :اهجدي
ميار : زين بسرعه بروح البيت اووف
شموخ ببتسامه لفت وجها ناظرتها : زين روحي جيبيهم
ميار تتكتف : يهاوشوني
شموخ بضيكه خفيفه لفت وجها عنها
مها : صراحه الجو بارد اشوي
شموخ : امم حلو
ميار : انا راح أقول لأمي بروح اشتري جاكيت حق المدرسه ومب واحد بعد خمسه
مها تلف عليها : ياالطماعه وش تبين فيهم الخمسه يكفي 2
ميار ترفع حاجبها وتتخصر : لااا والله
شموخ تناظرها كانت راسمه ابتسامتها بصمت وهي تشوف حركاتها اقعدت تتأمل بوجها شكثر تشبه أبوها
نغزها قلبها وحست دموعها اشوي وتنزل لاكن ماانزلت ولا اقدرت تبعد نظراتها عنها





مهند يناظر عمه : أي عمي وش ابي اقولك
زايد جاي : يبى ابو خالد ماشي
ابو مهند : يلا الحين جاي وناظر مهند : ايه
مهند : عمي كنت بقولك السبت ان شاءالله بملك
راشد بدهشه : أي سبت
مهند : هذا ان شاءالله لأن منصور ماراح يكون موجود الا بكرى والسبت
نايف ببتسامه : والله مابغيت
زايد : توقعت اول ماتطلع التحاليل تملك تصدق
راشد اتسعت ابتسامته واحضنه : والله ونعم فيك وفي بنت عمك صدقني ماراح تلقى احسن منها وبعد عنه : يوم شفتك تأخرت لهادرجه
خفت اشوي كنت بكلمك بالموضوع بس راح عن بالي والله
تدري ان عمك الله يرحمه كان يقول لإبوك الله يرحمه لا جاتني بنت زوجتها مهند
مهند اكتفى ببتسامه
منصور بزعل مصطنع : افا عمي مافكر فيني
الكل ضحك عليه
راشد ودعهم وراح يشوف ضيفه
زايد يدز مهند من كتفه : أحلى ياعريس يعني أكيد السبت مابقى شي والله
نايف غمز : والله تلقاه مخطط الأخ من اول بس ماعطانا خبر
منصور : شكله قال يسويها مفاجئه
مهند اكتفى بسماع تعليقاتهم بعدها ودعهم وودعهم منصور ومشو
نايف : زين يامهند مالك قلبي ياويلك تطلع لنا بمشروع الزواج قبلي بعد
مهند ناظره ببتسامه جانبيه مارد اكتفى برفع يده سلام وكمل طريقه
زايد : وش عنده صاير اطرم وانا مدري
نايف ضحك وبسخريه: خجلان ولو
زايد بضحكه : ليش لأ






ميار تحك عيونها وتتثاوب
شموخ للحين مانزلت عينها عنها ويوم شافتها تبي تنام قربت منها وقربتها لها وقالت بحنان وهي تتحسس شعرها : حطي راسك علي
ميار حطت راسها على حضنها ولمت نفسها
مها تلف : نامت
شموخ وهي تناظرها بحب وإيد وحده تحت راس ميار والثانيه على ذراعها : انعست خلاص
مها تثاوبت ولفت نظرها شافت منصور ومهند اوصلو




منصور وهو يمشي ماناظر بمهند قال : شموخ اطلعت سيارتي
مهند:ـ
منصور كمل : تبيها تنزل وناظره
مهند وقف عند سيارته لأنها كانت قبل سيارة منصور وناظره : خلها
منصور : براحتك وكمل طريقه لسيارة
مهند ركب سيارته وناظر بالمرايه بسيارة منصور صغر عيونه اشوي وهو يحاول يشوفها لاكن ماشاف شي
انتبه لمنصور ركب سيارته وبعد نظراته عن المرايه وهو يمشي








أبو رياض ينادي بصوت عالي : رآمااااا
رياض جاي : يبى مالقيتها
أسير والشباب شافو حالهم
جلال : خلنا نساعدهم
عوض : يلا
قصي : وش اللي صاير
عوض ناظره : أخت رياض مفقوده
قصي عقد حواجبه : لااا متى
عوض : يوم طلع من الخيمه
قصي : والله ماانتبهت يلا خلنا انساعدهم شلون صغيره
جلال : لا بالمتوسط اسمها رآما خلنا انروح نسأل رياض أنا أعرفها بس الحين ظلمه ولازم نعرف معلومات أكثر
عوض وهم رايحين : سمعت انها كانت على دباب
جلال : الحين نسأل
أسير

: آسفه ماانتبهتلك
أسير يناظرها زين وثبت نظره بعيونها
: ممكن لو سمحت تنادي رياض

" كأنها هي عيونها وصوتها تذكرني فيها حيل "
عوض : أسير
أسير انتبه له
عوض : تعال خلنا اندور مع بعض
اسير : زين شلون وحنا ماانعرفها بعقلك
عوض : ماسمعت رياض يقول متلثمه ودبابها أصفر
أسير : متلثمه ودبابها أصفر وش هالمعلومات
عوض : من الآخر تبي تساعد ولا لأ
أسير يمشي وبنرفزه اشوي : ماقلت ماراح أساعد بس انت خبـ وسكت بعدها : أمش بس ندور على وحده متلثمه ودبابها أصفر قالها بسخريه






لورى تصيح وهي ماسكه جوالها يرجف بإيدها : ماترد
غلا بخوف : بسم الله عليها
سهى الخوف يقتلها هي الثانيه وبعصبيه : انتي وينك عنها
لورآ تدق مره ثانيه : بليز سهى مب وقت هواشك خلنا انلاقيها أول وتحط الجوال بإذنها
ام رياض ماكانت قاعده مثلهم رياض وأبوه قالولهم محد يطلع يدور وهي بدورها راحت اتصلي وتدعي وماخلت دمعه وحده تنزل منها مع ان الخوف كان مسيطر عليها ودموعها
شوي وتنزل بس كانت متفائله خير خاصه وانها تعرف ان رآما قاريه الأذكار كذا عودتهم من صغرهم أول مايأذن المغرب أذكار المسا والصبح الصباح والنوم أذكار النوم
علا بخوف اقعدت جمب أمها : ماما عمتي رآما ضاعت
هند بخوف على البزارين تناظر فيهم ولا بعدت عيونها عنهم : ان شاءالله يلقونها
علا تمسك وجه امها : ناظريني
هند ناظرتها
علا : أنا بروح مع ابوي مابي أقعد هنا
هند حزتها : قعدي مكانك وارفعت نظرها تناظر بكل بزر عيالها أو عيال غيرها
علا تأففت وكتفت يدينها وهي تتسند على أمها : لا تكلميني زعلانه منك







رآما أفتحت عيونها ماكانت اتشوف زين وكأن في شي قدامها يمنعها من الرؤيا حست بنقطه تدخل عيونها كانت قطرة دم من راسها
كانت حيل دايخه ارفت ايدها بضعف ارتمت على خدها كانت تحس بألم فضيع بس ماكانت عارفه وينه بالضبط
حركت ايدها بضعف ترفعها للثمتها اللي ماانزلت عنها فكتها وخذت نفس بسيط بعدها يغمى عليها من جديد
كان الألم الفضيع ألم رجلينها اللي طاح عليها الدباب يوم تقلبت .. كان طايح على رجلينها كلها من فوق لتحت









سناء : تدرين ان اخوي محمد ناوي على الجوري
المها بتفاجئ : احلفي
سناء : والله سمعته يكلم أمي قبل كم يوم
المها : اها .. وبملل : وحنا كل عروسنا من العائله
سناء : شلوون
المها ناظرتها بنفس الملل : يعني مافي أحد جديد يدخل علينا كله ولد عم وولد خال
سناء بضحكه : ان شاءالله يرزقك من برآ العايله
المها ماردت عليها
سناء : قولي آمين
المها : أصلا أنا مابي أتزوج
سناء بنص عين : لااا
المها : والله
سناء : أنا اللي أصغر منك أبي أتزوج
المها : يارب يرزقك
سناء بستهبال : آآآمييين
المها اضحكت اشوي بعدها اسكتت : يلا انقوم الحين تسويلنا الهنوف فيها
سناء ارفعت حاجبها : ليش البيت بيتها اذكر اننا جايين بيت العنود
المها تقوم : والله ياحياتي الهنوف حاسبه عمرها مالكة هالبيت وبيتنا بعد ماراح نرتاح منها الا يوم تموت حتى لو تزوجت بتصير مالكه ثلاث بدال 2
سناء اضحكت : يمى والله تخوفين
المها : ليش وش قلت
سناء : طريقة كلامك تخرع واحسها طالعه من قلبك .. وتقلدها : الا يوم تموت
المها تنهدت
سناء : انتم جد كثر كذا تكرهون بعض هذا وانتم خوات
المها : مابي محبتها مستغنه عنها
سناء : أحس العنود اطيب منها
المها : هي طيبه بس لأنها مع الهنوف صاير جنيه مثلها مرات أسمع منها كلام حلو أما الهنوف ولا مره بحياتي
سناء : يلا الله يهديها
المها : المهم مب ناويه تقومين
سناء : لاحقتك أنا بقعد هنا أكلم جوال بعدين أدخل
المها التفتت : زين ومشت



الهنوف كانت تناظرهم من دريشة التواليت بس ماكانت تسمع وش يقولون
انفتح الباب
الهنوف بخرعه التفتت
العنود عقدت حواجبها : هنوف
الهنوف تنزل من على البانيو : خرعتيني
العنود : وش فيك واقفه هنا
الهنوف : لا ابد بس حبيت أشوف هنا يطل على ايش
العنود بعدم تصديق كانت حيل مستغربه
الهنوف : يلا انا طالعه انتي تبين التواليت
العنود حركت راسها ايه
الهنوف اطلعت
العنود قفلت الباب وراحت للمغسله بس للحين تفكر باللي شافته







نوري : لا تدخلين كذا وجهك حيل مقلوب وبتبدا الأسئله على راسك
نوف : أنا ماراح أدخل روحي انتي أنا بقعد بروحي
نوري : لا بقعد معك
نوف : بليز نوري
نوري اسكتت بعدها قامت
نوف تمسح عيونها زين وخذت نفس بعدها طلعت جوالها من جيبها حطت على رقم اسير اللي ماكانت حافظته بالجوال
مااقدرت تتحمل وهي تذكر نظرات الحقد بوجه توأمها او بالاصح اللي كانت وبالنسبه لنوف لازالت اما لشموخ فهشي صار من الماضي
بكت بألم وحطت الجوال جمبها










شموخ ضربتها على وجها
نوف انصدمت ولفت ناظرتها وهي تحط ايدها على خدها
شموخ وهي شاده بقبضتها : خاينه

شموخ خذت نفس عميق و سندت ظهرها وهي تلف نظراتها لدريشه بعدها لفت عدساتها جات عينها على منصور تنهدت وغمضت عيونها







منسدح على الكنب والسجاره بفمه والاغاني شغاله ماليه اصواتها الغرفه

شموخ : هي انت قم
ماجد يلف على الجهه الثانيه
شموخ : بجيب ماي بارد
ماجد يغطي وجهه بالغطا : شموووخ انتي من تجين يبدا الازعاج اطلعي برا ابي انام
شموخ : براحتك بروح اكلم امي تعطيني ماي فيه ثلج بعد
ماجد التفت وهو يبعد الغطا عن وجهه ناظرها بملل : زين اطلعي برا
شموخ : صلي المغرب كسول حنا من العصر هنا وانت نايم
ماجد : يلا قايم بس اطلعي ورمى الغطا على وجهه
شموخ اسحبت الغطا كله واهربت
ماجد خزها
شموخ من عند الباب مدت لسانها بعدها قالت : بروح اقوم اسير واذا رجعت لقيتك نايم بكلم خالتي وراحت
ماجد تأفف ولف للجها الثانيه وغمض عيونه : مزعجه
سديم من تحت : ماجد اسير يلا الناس اطلعت من المسجد وانتم نايمين
ماجد رفع عدساته لفوق بملل ورمى الغطا قايم

طلع الزقاره من فمه قعد ثواني بعدها قام طفى السجاره وراح لسرير " مستحيل اشوفك مع غيري انا بوريك اشلون تكونين لي "
انسدح وغطا نص جسمه وكان يشد على قبضته







مريم : وين نوف
نوري : خلوها بروحها لحد يروح لها
مريم : ليش وش فيها ؟
نوري : متضايقه
مزنه : بسبب شموخ
نوري ماردت وهم اعرفو الاجابه
مريم بنرفزه : شموخ زودتها حيل صراحه حيل شايفه نفسها بعدين المفروض ماتجي خربت علينا الطلعه والله
مزنه : أكرمينا بسكوتك مريم
مريم تناظرها من فوق لتحت : تخسين
نوري بنزعاج : خلاص سكتي انتي وياها بعدين أنا أبي أنام تصبحون على خير وقامت من عندهم راحت لفراشها
مزنه ومريم ناظرو بعض
مريم عطتها نظره واطلعت برآ
منار كانت نايمه ونوري جمبها كانت معطيتها ظهرها بعدها لفت عليها ودمعتها بطرف عيونها
تأملت وجها وهي تضم شفايفها لبعض وبدت تنزل دموعها
" معقوله يجي يوم وتخويني منار .. علاقتنا مب قويه مثل نوف وشموخ بس شوفي شلون صارو من اليوم أعداء
يعني معقوله يجي يوم ونكره بعضنا " اطلعت شهقه منها وقربت منها وهي تدفن راسها داخل الغطا












المها كانت اتحط العشا مع أمها وخواتها بالمقلط
غزيل : ناظري باب المجلس مقفل قفليه
المها : تجي العنود تقفله وتحط السلطات
غزيل بحده اشوي وهي رايحه : أقول قفليه واطلعت
المها تنهدت بنرفزه وقامت للمجلس تقفل الباب
امسكت المقبض وحست فيه ينزل لتحت وينفتح
المها تناظر فيه بعدها ارفعت نظرها تشوف من يدخل بس اجمدت يوم اسمعت صوته من ورا الباب
سيف بصوت خافت : عنود
المها ضاق نفسها حيل يوم اسمعت صوته وشدت على قبضتها للباب
سيف استغرب لأن ماجاه رد أو انها ماناظرت لأنها تو كانت هنا ويكلمها
المها كانت بترد بس جاها الصوت من وراها
: وش فيك واقفه هنا
المها افتحت عيونها والتفتت لأمها بخوف اشوي
غزيل : قلت قفلي الباب وتعالي مو توقفين
المها هدت نفسها : يمى هذا سيف يبي العنود وبعدت عن الباب
غزيل ببتسامه : سيف وتمشي للباب : ياهلا والله بأبو عمر
سيف كان يسمع كل شي وعرف انها ماكانت العنود بس ماركز على الصوت لأن بنظره أصواتهم متشابهه كل البنات
غير ملامحه لبتسامه يوم سمع صوت خالته
غزيل افتحت الباب : ولا ماتبي أبو عمر
سيف : والله من عيوني أسمي على اسم المرحوم
غزيل تأثرت من كلامه لأن أبوها كان اسمه عمر وربي مارزقها بالعيال وكانت امنيتها تسمي على اسم أبوها اللي كانت حيل متعلقه فيه ومات بعد عرسها بيومين
ضمة سيف أقوى ماعندها وانزلت دموعها
سيف اتسعت ابتسامته لفرح خالته بعدها عنه وباس جبينها
غزيل : يارب يرزق الولد الصالح البار واقعدت تدعيله
المها اسمعت كل شي شدت على ايدها بعدها خذت نفس عميق وهي تغمض عيونها والتفتت طالعه من المجلس











شموخ افتحت عيونها أول ماشافت قدامها منصور بعدت راسها اشوي اشوي لأن رقبتها آلمتها من هالفغوه
نزلت نظرها لميار كانت نايمه ابتسمت وحست بالسيارة هدت سرعتها رفعت عدساتها شافت البيت
لفت نظرها لقدام مهند دخل القراج ومنصور ورآه
حطت ايدها على ذراع ميار وهي تنزل نظرها لها وتصحيها على خفيف : ميار يلا قومي
منصور وقف
شموخ : ميار
ميار اقعدت وهي تفتح عيونها
منصور نزل ومها بعد
شموخ انتبهت لميار تنام من جديد وكانت راجعه تنسدح بس شموخ امسكتها : ميار يلا وصلنا
ميار تفتح عيونها وناظرتها
شموخ تفتح الباب : يلا انزلي وانزلت
ميار افتحت الباب بضعف
شموخ لفت جات عندها وافتحت الباب : يلا امسكتها وانزلت
مها شافتهم وجات لهم : الحين اطيح عليك
شموخ : لا ماسكتها زين وتناظرها : ميار ياماما وقفي على رجلينك ترا مقدر أمسك أكثر من كذا
مها امسكت ميار من الجها الثانيه : خل منصور يشيلها كذا راح اتعبنا بالدرج
شموخ : مهند بسيارته
مها تناظر : شكله مشغول
شموخ تناظر ميار : يجي يشيل أخته بعدين يكمل شغله
مها انتبهت لمنصور طالع من البيت لأنه راح يفتح الباب ودخل : هذا منصور جا
منصور : ماقامت
مها: ميته هذا ومافي بزاريين تلعب معهم اتعبت
منصور ابتسم لكلامها وشال ميار
مها : اشوي اشوي عليها
منصور راح
مها شالت نقابها : لا تنسين شنطتك
شموخ تلف : الحين اشيلها
مها مشت داخله
مهند سكر الدرج وفتح الباب وهو يوقف السيارة ناظر بشموخ من المرايه الجانبه وهي تشيل شنطتها
شموخ سكرت السيارة ومشت داخله
مهند طلع من سيارته سكر الباب ومشى نظراته كانت بالأوراق كان متعمد هالشي مايدري ليش بس اللي يعرفه انه مايبي يناظرها بس
رفع راسه ناظرها يوم التقو عند الباب
شموخ بعدت وهو بعد
مهند نزل نظره للأوراق
شموخ ادخلت وهو وراها
مها نازله : وينها خالتي
شموخ شالت لثمتها
مهند عقد حواجبه وناظرها : ليش مو بالبيت
مها : مدري ماشفتها بغرفتها
شموخ ناظرت بالدرج ورآ مها وابتسمت سخريه " تكلمنا عن القرد وجا ينط "
مها التفتت ويوم شافتها قالت بالستغراب : خالتي
ام مهند : وش فيك كأنك شايفه شبح وناظرت بشموخ انتبهت لبتسامتها وارفعت حاجبها
شموخ يوم شافتها تناظرها خفت ابتسامتها وسلمت
ام مهند سفهتها وناظرت بمها يوم تسمع ردها
مها : لابس دخلت غرفتك ماشفتك
ام مهند : كنت نايمه بغرفة ميار ويوم دخل منصور قمت
مها : اها
مهند: أنا رايح للمكتب بشتغل اشوي
ام مهند : خله بكرى الحين ارتاح
مهند : ماراح أطول كلها نص ساعه وراح
شموخ تناظره وهو يروح ماكانت تقصد بنظراتها أي شي حطت ايدها على ذراعها تتحسسه ولفت نظرها لمها ومرت عمها
انتبهت لنظرات مرت عمها كانت تخزها
شموخ عقدت حواجبها على خفيف لأنها ماافهمت سبب هالخز المحترم








عنود ماأقدرت تنام دقت على أمها بس شكلها قومتها من النوم وماطولت معها ولا قالت لها انها ماأقدرت تنام
اقعدت اشوي ودقت على أسير كانت خايفه عليه ليش مارجع للحين بس مارد عليها وبدت الأفكار السيئه تجي في بالها
البيت فاضي وهي تكره هالشي أبوها موجود لاكنه بغرفته وماحبت تزعجه لأنه هو بنفسه مزعوج







أسير : لنا أكثر من ساعتين وحنا ندور
عوض : الله ايهداها حد يروح بروحه بمكان مثل كذا وبالليل بعد
أسير: والله أقولك هي بصراحه أنا ماأعرف أدور على أحد أنا ماأعرفه
عوض : والله أنا مثلك بس شنسوي لازم انساعد
أسير : زين انتبه امشي اشوي اشوي لا تكون البنت طايحه يمين يسار وتجيب أجلنا
عوض : فال الله ولا فالك وبعدين ليش طايحه يمكن انتهى البنزين وواقفه
أسير : ان شاءالله
عوض : المهم ترى سمعت صوت جوالك قبل اشوي
أسير تذكر عنود وطلع جواله من الجيب يشوف اتصال واحد من عنود وارسل لها وحط الجوال وهو يناظر قدامه : لف اشوي









عنود افتحت الرساله بسرعه
" يمكن أتأخر حيل روحي لأبوي اذا ماقدرتي تنامين "
عنود ابلعت غصتها ورمت الجوال قدامها بزعل " ليش مادق علي "
اقعدت كم دقيقه بعدها اسمعت الجوال رساله وشالته بسرعه افتحتها
" أنا آسف مااقدر ادق عليك الحين لأني حيل مشغول ولو السيارة اللي رحت فيها سيارتي كان رجعتلك بس السيارة سيارة خويي ولزوم اقعد معه
لا تفهمين غلط لأنك انتي اهم من الشغل اللي انا فيه الحين بس مثل ماقلتلك مو بيدي
أحبك حيل ها رضيتي ^_^ .. يلا مع السلامه "
عنود انرسمت ابتسامه بوجها وضمت الجوال لصدرها كنه شافها وسمعها يوم أزعلت " الله لا يحرمني منك "










رياض حمرت عيونه حيل كان خايف لهم 3 ساعات الحين يدورن وخلاص أذن الفجر
دق على أبوه
رياض : ها يبى
ابو رياض ونفس حال اولده : والله مافي شي جديد
رياض حط ايده على راسه ووقف السيارة نزل
ابو رياض : خلنا نرجع نصلي ونبدا بعد الصلاه يكون طلع النور اشوي
رياض تسند على السياره ومسح وجهه بإيده تجمع الدم فيه : زين يبى .. الحين أدق على الشباب
ابو رياض سكر
رياض سكر وراح لرقم رآما ودق عليها بس ماردت نزل ايده وهو يقفل ودار براسه يمين يسار بعدها تنهد وطلع السياره











أم مرعي تمسح لى راس لورآ تهديها
لورآ : رآما لااا وادفنت وجها بيدينها وشهقاتها عاليه
غلا ماسكه عمرها كانت دموعها تنزل بهمس وسهى ماسكه نفسها علشان امها
امها كانت للحين ماسكه نفسها وتدعي وتصلي
سهى قامت للورآ
ام مرعي : خلاص ان شاءالله يلقونها
لورآ تبعد يدينها : شلون بعيش من دونها شلون
سهى اقعدت عندها وقالت بحده اشوي : لورآ خلاص
لورآ تناظرها كان وجها حيل مقلوب
سهى : أمي الحين ماسكه نفسها وانتي بكلامك وشهقاتك بتخوفينها زياده
لورآ بصوت هادي : شسوي زين اذا صار لها شي ماراح أسامح نفسي ابد
سهى قربت راس لورآ لصدرها : ماراح يصير لها شي ان شاءالله
لورآ : اكيد صار أكيد ليش ماجات للحين معقوله تبعد هالدرجه تعرفين رآما ماتحب الظلام
سهى : اهدي لورآ خلاص ولا اطلعي برآ لا توترينا وحنا متوترين
لورآ تبعد عنها وتمسح دموعها : خلاص بقوم أصلي
ام مرعي تمسح على راسها : زين تسوين
لورآ ناظرتها بعدها قامت











منصور دخل الغرفه
مها كانت منسدحه وتوقع منصور انها نايمه
راح لبس بجامه كحليه وقعد بالسرير
مها حست فيه والتفتت وبصوت كله نوم ماافتحت عيونها : رجعت
منصور شال كتاب وافتحه : امم
مها افتحت عيونها وناظرته : ماراح تنام
منصور : اشوي
مها اقعدت وهي تحط ايدها على جمبها : آ يا ظهري
منصور ناظرها
مها تسندت وازحفت لجمبه
منصور لف نظره للكتاب
مها تناظره
منصور :ـ
مها ادزه مكشره
منصور ناظرها : وش فيك
مها بدلع : أشوفك حاب الكتاب أكثر مني
منصور ابتسم : ليش غيرانه من الكتاب
مها حطت ايدها على خده : أي شي يلهيك عني وتمد ايدها تنزل ايده اللي فيها الكاتب : يلا اترك عنك هالكتاب وسولف معي
منصور : زين تكلمي أنا أسمعك
مها : لااا يلا اترك
منصور : زين ولا تزعلين وحط الكتاب ورجع ناظرها
مها حمحمت : زين شسمه
منصور تحولت ابتسامته لبتسامه جانبيه
مها : أبي أسأل عن خالتي يعني يوم كنت متضايق ذاك اليوم بسببها
منصور عقد حواجبه : أمي
مها : أمم
منصور : يعني ايه .. ليش ؟
مها امسكت ايده ونزلت نظرها لها : يعني وش السبب
منصور حس انها تبي تقول شي بس ساكته : ناظري فيني
مها ناظرته
منصور : في شي تبين اتقولينه
مها تاهت عدساتها اشوي بعدها : ها لاا بس أحس تعاملها مع شموخ يضايق وتوقعتك متضايق لهالشي
منصور : اها
مها ابلعت ريقها ونزلت نظرها لأيدها وايده " شلون أقوله اني سمعت خالتي تتكلم عن ملايين "
منصور : مها
مها ناظرته : همم
منصور : في مره سألتيني عن اسم وش كان
مها تذكر بعدها ردت : ام مرعي
منصور بتفكير : هالاسم مار علي من قبل
مها : وين يلا تذكر
منصور : والله مدري بس ليش أشوفك مهتمه لهالدرجه
مها تركت ايده : لا ولا شي وانسدحت صدت عنه : تمسي على خير
منصور شك بس ماحب يسأل : وانتي من اهله
مها قلبها بدا يدق وغمضت عيونها تنام









شموخ مانامت أبد صلت الفجر واقعدت على سريرها مب عارفه وش اتسوي نوم ماتبي تنام
حاسه بغصتها بس ماتبي تبكي
متضايقه بس على من تدق نوف من اليوم مافي شي اسمه نوف
قامت من السرير راحت لدريشه الشارع فاضي كانت بتلتفت بس انتبهت لمهند راح لسيارته واوقفت مكانها تناظره
مهند : هلا هادي انت بالشركه ..... ويناظر الساعه : زين متى رايح الساعه 7 الحين .... اها ويفتح باب السيارة : أنا بعد طالع يلا أشوفك وركب وهو يسكر منه
شموخ التفتت بس ارجعت ناظرت بالسياره وهي تطلع من القراج تاهت عدساتها اشوي لثواني بعدها بعدت عن الدريشه اقعدت بسريرها بقلق
تنهدت ورمت ظهرها على السرير










استمر البحث لحد الساعه 7 على الساعه 7 وربع الكل كان عند الخيمه وأبو رياض بلغ الشرطه
رياض بوجه مقلوب حيل : آسفين تعبناكم معنا
جلال: تعبكم راحه وحنا مب رايحين من هنا الا يوم تلقونها
رياض انزلت دمعته
أخويان أبو رياض كلهم مااقعدو بحثهم كان مستمر
قصي حط ايده على كتف رياض يهديه
أسير متكتف كان حيل متضايق من هالجو ومكسور خاطره عليهم ناظر قدام شاف سيارة جايه
أسير بصوت مايسمعه الا عوض : حتى الشيبان ارجعو
عوض نفس حال أسير : الله يعينهم
أبو رياض طلع من الخيمه وهو يركض ومعه واحد من اخويانه
رياض رفع راسه شاف منظر أبوه : يبى
أبو رياض رايح : لقاها أبو سعود لقاها
رياض انصدم وصار يركض ورا أبوه : وينها يبى
أبو رياض فتح باب سيارة رياض : نقلها للمستشفى
رياض متخربط مب عارف وش يسوي فتح الباب بيركب بس وقفه صوت أبوه
أبو رياض : انت جيب خواتك وأمك عطني المفتاح
رياض : زين وطلع مفاتيحه عطاها اياه بعدها سكر الباب
حط يدينه على وجهه وسجد شكر











صراخ الحريم كان عالي
ام رياض اسجدت شكر وبدت تنزل دموعها
اما لورآ اركضت لسيارة
سهى تمسح دموعها : يلا سهى قومي
هند : مايصير نترك الضيوف الحالهم والصغار ماراح نوديهم أنا بقعد هنا
سهى : قومي ياهند الصغار بنتركهم بالسياره والضيوف كل واحد يروح بيته ماراح نرجع لهنا بعدين مانعرف حال رآما شلون دام ودوها المستشفى أكيد حالتها خطيره
هند : زين يلا
غلا جايه : سهى الصغار وين انوديهم
سهى : راح يقعدون بالسيارة
ام مرعي : أنا بروح معكم رآما بحسبة احفادي ولازم أشوفها أتطمن
سهى مشوشه حيل ويوم قالت ام مرعي هالشي كأنها تقول لها مب وقتك بس انها ردت بأدب : خالتي واللي يعافيك قطع عليها صوت هند
هند : يقول رياض ماتكفي السيارة
سهى التفتت لها وبعصبيه خلاص مااقدرت تضبط نفسها: اذا أمي اقعدت قدام ورا أنا وانتي وغلا ولورآ والصغار ورآ يكفي
هند : نسيتي ماري و مارلينا
سهى : يقعدون الصغار بحضنهم
ام مرعي تهديها : يابنت اهدي مايصير تعصبين كذا اهدي
سهى تبكي : خالتي شلون تبيني اهدا
ام مرعي : أنا بجي مع جلال وتقدرون ترسلون الصغار عندي
سهى : عيالي يستنكرون الوجه الغريب عليهم
هند : وأنا
ام مرعي : ارسلو الشغالات زين
سهى : اللي تشوفونه انا رايحه وراحت
هند تناظر ام مرعي : ماعليه خالتي هي من الخبر مااقدرت تمسك نفسها
ام مرعي ابتسمت : لا حبيبتي ولا يهمك على قلبي مثل العسل هي بحسبة احفادي
هند ردت لها الابتسامه: زين الحين أنادي الشغالات ومشت : ماري مارلينا










جلال نادوه وراح يقرب السيارة عند خيمة الحريم
أسير : يلا حنا خلنا نرجع
عوض : أنا بروح معهم
أسير تغيرت ملامحه : عوض من جدك انت
عوض ابتسم وحط ايده على كتف أسير : أمزح معك أبي أشوف ردة فعلك بس
أسير : مب وقت مزاحك أبد
قصي دقت عليه أفنان يرجعون البيت كان ودها تروح مع خويتها بس شافت شلون كثرهم وهونت









المها قامت من نومها المقطع اقعدت وهي تتنهد بملل وضيق
وتذكرت أمس


المها اقعدت بنرفزه
سناء جات لها : وش فيك ماتبين تتشين
المها : جايه بعد اشوي
سناء : معصبه
المها : لا
سناء : واضح حيل .. المهم ماعلي منك يلا امشي وراحت
المها شدت على ايدها وهي تتذكر كلام امها لسيف

المها تنهدت مره ثانيه وقامت من سريرها نازله للمطبخ تسويلها موكا لأنها اشتهته
اطلعت من جناحها وشافت الهنوف بالصاله وبإيدها كوب
المها مشت لها
الهنوف انتبهت لها وبعدت نظراتها عنها بقرف " وش قعدها الحين "
المها اقعدت بكنبه منفرده : السلام عليكم
الهنوف ناظرتها من فوق لتحت
المها : كأني اعرف ان رد السلام واجب
الهنوف : والله كيفي وبالنسبه لي مب واجب أرد عليك ولفت نظراتها لتلفزيون : بعدين انتي شايفتني قاعده هنا
المها : أتوقع ان الصاله ملك أبوي بعد
الهنوف : بس أنا قاعده فيها
المها : المهم انا ماجيت علشان أصبح بوجهك او أصبح مع هواش معك كل اللي أبي أقوله ان حركتك أمس كان مال أمها داعي
الهنوف ناظرتها بحاجب مرفوع
المها : بعدين أحس كأنك انتي مرته مب العنود
الهنوف ماكان لها خلق ابد شالت الرموت وقفلت التلفزيون وقامت
المها : أوه غريبه مارديتي
الهنوف : لأنك وحده فاضيه ومشت لجناحها
المها : حبيبتي أبي أقولك بس علشان يطمئن قلبك
الهنوف سافهتها
المها : هو ماصار يهمني
الهنوف استوقفتها الكلمه وجاتها نوبة ضحك
المها ارفعت حاجبها
الهنوف التفتت : بليز لا تعيدينها والله راح يتقطع بطني
المها : سامجه
الهنوف وقفت : انا اليوم حيل رايقه وبكلامك هذا صرت رايقه أكثر يلا باي ياالحالمه قالتها بسخريه
المها : والله ماصدقتي براحتك بس حبيت أقولك هالشي علشان حركة امس ماتعيدينها مره ثانيه
الهنوف افتحت الباب
المها : ولا تحسبيني ماشفتك من دريشة أمس
الهنوف وقفت
المها : يعني مابي أضحك علشان ربي لا يبلاني بس أعرفي انك كنتي نكته
الهنوف خزتها : لا تخليني أقلب عليك الحين واي دريشه هذي تتكلمين عنها
المها : والله اللي براسه بطحا يتحسس عليها .. وبعدين أنا وش علي منك أقلبي ماتقلبين ومشت لدرج
الهنوف انقهرت حيل
المها وقفت : أوه صح ولفت ناظرتها : يعني لعيون أم عمر نسيته وارسمت ابتسامه سخريه بوجها وانزلت










لورآ تمسح دموعها
ام رياض : الحمدلله على كل حال .. الحمد لله وبكت
ام مرعي تهديها
سهى تهدي غلا وغلا تهديها
رياض طلع من الغرفه
لورآ ناظرته : ماقامت
رياض حرك راسه لا
لورآ نزلت نظرها ليدينها ودموعها تنزل عليها اشوي واسمعت صوت جوالها
رياض وقف جمب سهى وغلا
لورآ تناظر " فنو " ردت
أفنان : السلام عليكم لورآ
لورآ بصوت باكي وخافت : وعليكم السلام
أفنان دق قلبها يوم اسمعت صوتها : وش صار
لورآ تمسك غصتها علشان تقدر تتكلم بس مااقدرت وانهارت
أفنان قلبها دق أكثر وادمعت عيونها قبل لا تعرف الجواب توقعتها ماتت لاكن اسمعت لورآ وهي تقول بصوت مب واضح
لورآ : معد راح تمشي
أفنان انصدمت وصار صوت بكى لورى يدخل بإذنها انزلت دموعهابعدم تصديق : لورآ وش هالكلام ليش وش صار لها
لورآ بصوت مب واضح : ماراح أسامح نفسي
أفنان : لورآ بعدين اعرف منك كل شي الحين ارتاحي وانا ادق عليك العصر
لورآ سكرت
أفنان حطت ايدها على فمها وموعها صرت تنزل بغزاره للحين مو مصدقه اللي اسمعته

رآما : أقول فنو ترى بعرسك ماراح أنزل من الكوشه وهذا وعد مني
أفنان بضحكه : الحين وش جاب العرس ها
رآما : يعني ماتبين تعرسين ان شاءالله تعرسين وانشوف عيالك بعد وقلتلك ماراح أنزل من الكوشه على قولة بعض الناس وعد شرف
لورآ : خبله سكتي بس أي فنو خلك معي

أفنان غمضت عيونها واستسلمت لدموعها
عدي طلع من تحت ومعه كاس شاي وشاف أفنان وعقد حواجبه : أفنان
أفنان مااسمعته
عدي حط الشاي على التحفه وراح لصاله : أفنان وش فيك
أفنان اسمعت صوته وافتحت عيونها
عدي قعد جمبها بخوف : وش صاير وناظر بجوالها بعدها فيها
افنان ضمته واطلعت شهقاتها
عدي تخرع وبعده عنه : وش فيك أفنان تكلمي
أفنان تمسح دموعها










رياض : يمى قومي روحي البيت
ام رياض : ماني متحركه من هنا
رياض : يمى بعد اشوي راح يجون يقولون لنا نفس الكلام لازم تروحين انتي وأبوي والبنات أنا بقعد هنا وبخلي سهى معي
ام رياض : ـ
رياض حط ايده على كتف أمه : يلا ياالغاليه والله ماراح يتغير أي شي لو قعدم هنا روحو ارتاحو الظهر ان شاءالله تكون قامت
ام رياض تنزل دمعتها : ان شاءالله
رياض غمض عيونه مايبي يشوف دمعة أمه بعدها فتحها وهو يقومها
سهى : يلا غلا يلا لورآ
لورآ : مب قايمه من هنا
سهى : لورآ الحين مافي شي راح يتغير مثل ماقال الدكتور روحي البيت وارتاحي والظهر ان شاءالله تجون
لورآ ناظرتها : وليش أنا ماأقعد وانتي تروحين
سهى :ـ
لورآ : أنا مب رايحه من هنا روحي انتي وبعد نظراتها عنها
سهى تضايقت من طريقة كلامها وقامت : زين أنا رايحه والتفتت : يلا غلا يلا يبى
ابو رياض : ماأوصيكم لا صار أي شي كلمونا
سهى : ماراح يصير شي ان شاءالله بعدين لورآ بتقعد أنا رايحه معكم
لورآ :ـ
غلا قبل لا تقوم ناظرت لورآ وقالت : مب انتي الوحيده المتضايقه كلنا متضايقين وخايفين عليها بس أسلوبك مع سهى كان غلط والمفروض هي اللي تقعد لأنها أختك الكبيره
لورآ :ـ
غلا قامت من عندها رايحه
لورآ مااهتمت لكلامها واقعدت مكانها


برآ
رياض : وين سهى
سهى تركب : لورآ قاعده بدالي
رياض : اها زين
ام رياض : أي شي يصير دق علينا لا تخلونا نحاتي
رياض : ان شاءالله ولا يهمك يمى
غلا تناظر هند : ان شاءالله ماأزجوك
هند : لا كلهم نامو أول مانزلتهم
غلا : زين وتناظر : وين ماريلنا وماري
سهى تسكر الباب : بسيارة ام مرعي




.
.




الطعٌنه اٌللي من ورا ٌالظهر تنهٌيك
واٍشلوٌن لا جٌاتك منٌ اللي يوٌدك ..!


أكتبت شموخ هالشي بورقه مانامت أبد ارفعت عدساتها يوم اسمعت الباب ينفتح
مها بتفاجئ ابتسمت : ماشاءالله قايمه
شموخ ردت لها الابتسامه وشقت الورقه من الدفتر فطستها نصين
مها : يلا قومي صلي
شموخ : ان شاءالله
مها ناظرتها زين وعقدت حواجبها : مب نايمه انتي
شموخ بكذب : الا نمت اشوي
مها : شكلك مرهق بالحيل
شموخ تقوم : لا عادي
مها تطلع : زين .. بتنزلين تحت
شموخ : ليش
مها : لا بس سؤال
شموخ : ماأتوقع
مها : زين براحتك لا جاالغدى اتصلت عليك
شموخ : لا مابي غدى
مها ناظرتها بتفحص : فيك شي
شموخ حركت راسها لا : مب مشتهيه
مها : زين انا برآ اذا تبيني دقي علي خاطري أسولف
شموخ : انتم بكرى مسافرين
مها : ان شاءالله بس في شي بقولك اياه صلي ولا خلصتي دقي علي أجيك
شموخ : زين
مها صدت عنها ببتسامه واطلعت سكرت الباب
شموخ حطت ايدها على راسها من اليوم وهي تحس بالدوخه بس تقاوم وابلعت آخر حبه من اللي عطاها الدكتور " لازم أعرف وش اللي فيني مب طبيعيه أنا "
ارفعت ايدها ورجعت شعرها لورآ اقعدت ماسكته ودنقت افتحت الدرج خذت أوراقها واوقفت وهي تفتحهم وتحط الورقه اللي اكتبتها بوسطهم
عقدت حواجبها وهي تشوفها حطت الورقه اللي معها على السرير وصارت تناظر باللي بإيدها
" ورقتين " عقدت حواجبها اكثر واقعدت ادور بالدرج " أنا متاكده حاطتها معهم" دورت عليها ولا لقتها استغربت حيل بس ماحطت في بالها
يمكن حطتها بمكان ثاني ياكثر الأوراق والملفات اللي عندها شالت الورقه اللي على السرير وحطتها بالدرج بإهمال وسكرته وقامت تتوضا تصلي الظهر










مها : مسا الخير
ام مهند تشرب ماي
مها تسندت على الطاوله
ام مهند تبعد الكاس من فمها : مسا النور ياهلا
مها : شلونك خالتي
ام مهند : ماشي الحال
مها رايحه لثلاجه : ليش مطلعه كوسه
ام مهند : للغدى
مها تفتح الثلاجه : الغدى راح يجيبه منصور ماقالك
ام مهند : والله ماشفته وهو طالع توني قايمه من النوم
مها تشيل موز وتسكر الثلاجه : اها .. لا قالي بجيب سمك وبستهبال : يعني يمكن على شرف العريس
ام مهند بلا مبالا : من هالعريس
مها عقدت حواجبها : لا تقولين مامعك خبر بعد







شموخ حست بالعطش والماي اللي عندها انتهى وانزلت تشرب






ام مهند يوم قالت كذا حست بشي ماراح يعجبها وقالت : لا وش الموضوع
مها: لا مو معقول ليش مهند وينه
ام مهند : مدري ... تكلمي الحين السالفه مهند
مها حست بخالتها وقالت : مهند قال لعمه بكرى راح يسوي الملكه
ام مهند انصدمت
مها تناظر بخالتها والتفتت للباب يوم اسمعت صوت شي ينكسر
شموخ ايدها صارت ترجف وتناظر بمها
ام مهند ناظرتها وتغيرت ملامحها
شموخ ابلعت ريقها بخوف مو من نظراتها من اللي اسمعته انزلت للأرض وعقلها بعيد وصارت تشيل بالكاس اللي انكسر
مها تناظر بخالتها
ام مهند ناظرتها وبحده : متى هالشي صار
مها بخوف منها قالت : أمس
شموخ تاهت عدساتها بعدها شالت القزاز بسرعه وقامت وهي تنتبه لنظرات ام مهند
مها نظراتها بخالتها بعدها ناظرت شموخ
ام مهند : شلون يقول لعمه كل شي من دون مايعطيني خبر بالأول
شموخ مبعده عدساتها عنها
مها : يمكن نسى
ام مهند ناظرتها بحده ومشت طالعه مرت من عند شموخ واصدمتها بكتفها









: نوف .. نوف
نوف تفتح عيونها
نوري : قومي تغدي لأننا رايحين البيت
نوف تقعد وهي معقده حواجبها من النور وكانت عيونها منتفخه : شلون قالتها بصوت رايح
نوري تقوم : صلي وتعالي تغدي لأننا رايحين
نوف حطت ايدها على راسها بألم : زين
نوري التفتت طالعه بعدها لفت عليها : نوف
نوف تقوم
نوري اسكتت اشوي بعدها : ترى بكرى ملكة شموخ
نوف كانت عيونها صغرانه لاكن من اللي اسمعته تفتحت بصدمه
نوري ابتسمت : تفاجئت صراحه وانتي
نوف تبعد نظراتها عنها بعدسات تايهه : حيل
نوري تنهدت بعدها اطلعت
نوف حطت ايدها على صدرها وقلبها صار يدق ورا بعضه










شموخ قاعد على سريرها وضامه رجلينها لصدرها وذقنها على ركبها
" ليش ماأبي أصيح .. هالكثر صرت ماأهتم ولا انا أمثل عدم الآمبالا ... أنا لا تزوجت مهند بعرف اني بفقده طول حياتي "
دخل على تفكيرها صوت نوف وهي تكلمه انزعجت شموخ وطيرت هالذكرى من راسها
وهي تدفن أنفها وفمها بيدينها

مهند: اذا تبينه لي وافقتي علي علشان ابوي عارف بس دامك وافقتي ماتلتفتين لغيري وعلا صوته أكثر وهو يشد على ذراعها : سامعه

شموخ مشت بإيدها ترجع خصلات من شعرها وتنهدت








.
.

: أسير
أسير فتح عيونه وشاف أمه قدامه ابتسم لها ابتسامه صفرآ ومسك ايدها وهو يقعد باسهم وقال بصوت مبحوح : هلا باالغاليه
سديم ابتسمت : هلا بك يلا قم الفجر
أسير : الفجر وترك ايدها
سديم حست فيه : ايه يلا ومشت رايحه وقبل لا تطلع ناظرته بعدها اطلعت وسكرت الباب
أسير مسح وجهه بيدينه خذا نفس عميق كان وجهه أحمر والضيقه خانقته

عنود تبكي : يبى هذي ملكتها شلون مانروح
أبو ماجد مارد عليها
عنود راحت له واقعدت عند ارجوله : واللي يعافيك يبى أبي أروح أنا وأمي
أبو ماجد بحده اشوي : قلتلك لا وهذا آخر كلام ولا لا تخليني أمنعك من العرس بعد
عنود نزلت راسها وبكت بشهاق بعدها قامت وهي تركض
أبو ماجد غمض عيونه بضيق
أسير كان شاد على ايده ووجهه حيل أحمر " شلون بهالسرعه "
قطع عليه صوت أبوه : وانت بعد
أسير ناظره
أبو ماجد : لو عرفت انك رحت ماراح أسامحك ليوم الدين كانت نظراته حاده وقام من الصاله طالع فوق
أسير شد على ايده اكثر وقام طالع برآ البيت
أبو ماجد وهو طالع فوق : لا تنسى أطلع أمك المغرب
أسير لف عليه ومن دون مايثبت عدساته فيه : ان شاءالله يبى
أبو ماجد التفت وطلع وأسير ناظره بعدها التفت وطلع من البيت

تنهد مره ثانيه بضيق وقام لتواليت










أفنان ببتسامه جايه : السلام عليكم بنات ومدت ايدها صافحت شموخ و المها
: وعليكم السلام
أفنان تقعد : أخباركم ؟
: الحمدلله تمام وانتي
أفنان : الحمدلله
شموخ : دوم يارب
أفنان : وياك ياالغلا
المها : وين لورآ راحت الكفتيريا
أفنان : لا ماجات اليوم
المها : عسا ماشر وش فيها
أفنان : آه بس وش أقولكم والله مو خير بس الحمدلله
المها : الله يستر وش صاير
أفنان : يوم الخميس طلعنا البر واختها صار لها حادث بالدباب
شموخ حطت ايدها على فمها والمها قلبها يدق
أفنان : ودوها المستشفى وماقامت الا امس العشا
شموخ برتياح : زين أهم شي انها بخير
أفنان بخنقه : الحمدلله يمكن لو مادعولها كان هي تحت التراب أو مخطوفه أو أي شي بس الحمدلله كل شي مكتوب
المها + شموخ : ــ
أفنان ودمعتها بتنزل قالت : طيحتها على ظهرها كانت قويه والعامود الفقري تأثر عندها وكملت بغصه : وانشلت
شموخ رجع قلبها يدق : لاا
المها : ليش هي وش كانت اتسوي شلون انقلبت
أفنان امسحت دمعتها : التفت عبايتها مع الكفر وقلب فيها
المها تحط ايدها على صدرها وبحزن : ياحياتي وتناظر شموخ
شموخ ناظرتها : أي والله
أفنان : الحمدلله
شموخ : شلل كامل
أفنان : لا
المها : وش قدها
أفنان : ثالث متوسط
شموخ بحزن : ياالله توها صغيره
المها تناظر أفنان : اطلعت من المستشفى
أفنان : اليوم ان شاءالله
شموخ : بس مو كنه مبكر
أفنان : والله أنا مااستفسرت من لورآ بس قالت انها راح تطلع اليوم الساعه 7
المها : أبي أروح لها
أفنان : ان شاءالله أنا رايحه يوم اطلع من الجامعه على المستشفى تجين
المها : ماعندي مشكله وتناظر شموخ : تجين معنا
شموخ تاهت بعدساتها اشوي : انا وناظرتها : خلوها بكرى اليوم مشغوله
أفنان : ماراح انطول نسلم ونطلع
المها : ايه
شموخ : والله مقدر بكرى ان شاءالله
المها : بس بكرى تكون في بيتها
شموخ : عادي بستأذ وأشوف
أفنان اعجبتها الفكره : زين حلو وتناظر المها : خلاص نلغي مشروع اليوم ونروح بكرى وش رايك حنا الثلاثه
المها ابتسمت : ماعندي مشكله أي يوم
شموخ ابتسمت : خلاص بكرى
المها تناظر أفنان : بس مانزعجهم من الجامعه على بيتهم
أفنان : حنا بكرى بنطلع الساعه 3 وانتي
المها : أنا بخلص من 11
شموخ : وييه بدري
أفنان : خلاص تنتظرينا عبال مانطلع من الكلاس صارت 3 وربع عبال ماندق على السواق ويجي صارت ونص عبال مانوصل بيتهم تكون قربت أربعه
الوقت زين
المها : والله فكره مميزه خلاص ولا يهمكم أنا معكم
أفنان مبتسمه ودق جوالها طلعته " السواق " : يلا بنات أشوفكم على خير
: مع السلامه
أفنان راحت
المها التفتت لشموخ : ياالله تعكر مزاجي والله
شموخ : صادقه .. بس مثل ماقالت أفنان يمكن ربي كان كاتب لها شي أعظم بس من دعواتهم كتب لها تنشل
المها : من جد .... خلنا نغير الموضوع وابتسمت وهي تبعد خصلاتها عن وجها : ايه اخبار الطلعه
شموخ ابتسمت : الحمدلله
المها : كنت طفشانه حيل الجمعه وقلت ادق عليك بس ماحبيت ازعجك
شموخ : الجمعه كنت بالبيت كان دقيتي
المها : والله صدق ... وحطت خدها على ايدها: والله توقعتك مع البنات علشان كذا مادقيت
شموخ : لا رجعت من الخميس علشان البحث لو قعدت هناك مستحيل اسويه
المها : والله صادقه مع البسطه تنسين كل شي
شموخ " الله يصلحك أي بسطه بس الا تنكدنا ورجعنا "











منار : وش بتلبسين اليوم صراحه ماعندي فستان
نوري : الحمدلله عندي .. بعدين الملكه عائليه البسي أي شي
منار : والله مابي الا فستان
نوري : زين عندك شكثر انتي ماراح تلبسين فستان عرس فستان فستان عادي
منار : داريه لا تتفلسفين علي بس هو هذا الفستان العادي ماعندي كلها شفتوها
نوري : والله مدري عنك
منار تحط خدها على ايدها بملل : ولد عمك هذا وش يحس فيه خرف من جد
نوري : والله بالنسبه لي طول حيل كان المفروض من زمان يملكون
منار : يملك وقت مايبي بس مب يجينا فجأه كذا
نوري : مدري عنه
منار : أي اخبار نوف
نوري : ماعليها
منار :نوري انتي تعرفين وش فيها بليييز قوليلي وش صاير بينها وبين شموخ
نوري : ماأعرف شي
منار تمسكها من مريولها : نونو بليييييييييييييييييييييييييييييييز بليز بليز بليز بليز
نوري تقوم : انا ليش جايه عندك جد ملقوفه اتركي عنك هالعاده ولا بتتعبين نفسيا ً
منار : وييه فلسفه فلسفه المهم ارجعي وين رايحه
نوري : علي قرآن باي











نوف كانت بالمحاضره وعقلها ماكان مع الدكتور وكانت من اليوم ماسكه الجوال آخر شي افتحت الرسايل وارسلت









رآما :ـ
لورآ ببتسامه : ميمي
رآما ناظرتها
لورآ : وش فيك سولفي معي
رآما بصوت ياالله ينسمع ومخنوق : مابي أسولف
لورآ ابلعت غصتها ورسمت ابتسامتها غصب عنها ماتبي تضيق على اختها
رآما بعدت نظرها عنها
لورآ قامت : تبين شي التواليت تاكلين
رآما تحرك راسها لا
لورآ اقعدت وانتبهت لدموع رآما قامت لها وحطت ايد على ايدها وايدها الثانيه على راسها تمسح على شعرها
رآما تناظرها : حيل أتألم لورآ
لورآ : زين اهدي الحين أنادي على الممرضه تكشف عليك
رآما قبل لا تروح لورآ امسكت ايدها : وقفي
لورآ التفتت
رآما : مابي أحد وبعدت نظراتها عنها
لورآ ماسكه دموعها
كان وجه راما فيه آثار جروح بسيطه بس بجبهتها على الجمب جرح طويل اشوي خيطوه
وجسمها كانت آثاره بسيطه بعد










شموخ : يمكن مانتقابل يوم تطلعين لأني رايحه وسلمت عليها
المها : والله .. مب قاعده للعصر مثل العاده
شموخ : لا يعني بس اليوم بطلع بدري
المها : شنو عندكم عرس ولا
شموخ تلعثمت : لا يعني عندنا ملكه ملكة بنت خالتي ايه
المها : ماشاءاالله مبروك
شموخ بتوتر اشوي : الله يبرك فيك
المها تترك ايدها : زين اشوفك بكرى
شموخ : ان شاءاالله
المها : صح وش بتجيبين معك
شموخ : أي صح ... والله مدري وانتي
المها : انا مافكرت للحين
شموخ : ـ
المها : يلا باي لا اتأخر
شموخ ببتسامه : باي
المها راحت
شموخ اسمعت صوت جوالها رساله واقعدت وهي اطلعه من الشنطه
" نوف " قرت اسمها وملامح وجها تتغير ماكانت راح تفتح الرساله بس بالنهايه افتحتها
" أنا وانتي لازم نتكلم ضروري ماراح امشي السالفه كذا انتي لازم تعرفين كل شي وبعدها احكمي علي
اذا كانت علاقتنا قويه مستحيل يجي أي احد ويفرق بينا .. شموخ حنا أكثر من بنات عم شلون مافكرتي تفهمين مني
بعدين تحكمين اذا كانت علاقتنا بتنتهي كذا انا ماراح اصدق جد ماراح اصدق انك كذا اعرفك زين وراح تسمعين لي
سواء اليوم او بكرى انتي راح تسمعين لي
ماتدرين شكثر اتعذب الحين يمكن اتقولين جرحك اعمق مني بس انا والله اني اتعذب الحين واكثر شي منك
على العموم مبروك والله فرحتلك ومحد يستاهلك كثر مهند .."
شموخ يوم قرت هالمقطع شدت على ايدها وحقدها زاد لها مسحت الرساله من دون ماتكملها ورمت الجوال بالشنطه
" اليوم بتعرفين من حبيبة قلب حبيبك يانوف وانا بلساني بقولك "











سلمى : سديم وش اللي صاير معقوله ماتروحين ملكة شموخ
سديم بضيق : مو بيدي ياسلمى بس مثل ماقلتلك قبل لا تروحين مري علي لأن علشان هديتي
سلمى : لالا والله ماأسكر الا يوم اعرف لا تحسبيني ساكته من اول كذا من عرفت ان ماجد تارك البيت حسيت ان فيه شي وماانبلعت معي انه تهاوش مع أبوه
سديم غمضت عيونها فتره
سلمى : تكلمي أنا أختك واذا ماقلتيلي لمنو راح اتقولين
سديم افتحت عيونها وصارت تلمع من الدموع
سلمى : السالفه شموخ وماجد
سديم : سمعي سلمى راح أقولك كل شي بس مو على التلفون حاولي تجين بدري اشوي عشان نقعد مع بعض
سلمى وقلبها يدق : ولا يهمك
سديم : مع السلامه
سلمى : مع السلامه وسكرت
سديم قفلت سماعة التلفون اقعدت اشوي ويوم اسمعت صوت باب البيت يتسكر قامت وهي تمسح دموعها
مشت لدرج توقعته أسير ماكملت تفكيرها الا شافت اللي واقف قدامها
ماجد شاف أمه ومانزل عدساته عنها
سديم بعدم تصديق : ماجد
ماجد حط شنطته وراح ضمها وباس راسها : الحمدلله على السلامه
سديم تبعده عنها : اذا مارجعت لا تقرب مني
ماجد ابتسم ورجع ضمها مره ثانيه ودموعه تنزل
سديم اعرفت الاجابه وضمته
ماجد : أنا رجعت علشانكم يمى بس أبي منك طلب وبعد عنها
سديم مااعجبها الكلام طلب وش هالطلب قلبها دق وقالت : خل الطلب بعدين الحين خلنا نقعد
ماجد : لا يمى أنا بقوله
سديم :ـ
ماجد : مابي اسمها ينذكر بالبيت مابي حتى أشوف ظلها مابي أي شي يتعلق فيها حتى غرفتها قفلوها سوو فيها أي شي لأني بحاول انساها بأي طريقه
سديم ابتسمت بفرح لا أكيد بحلم وقالت : والله لو هذا طلبك من عيوني انسيك اياها وتشوف ان شاءالله راح تنساها مع الايام بس انت خل عندك عزيمه لا تقول ولا تجرب
ماجد حول ابتسامته لبتسامه صفرا
سديم : وانت راح تنساها راح تنساها راح تتزوج ان شاءالله ويجيك عيال ومستحيل تظل براسك
ماجد تضايق ممن سالفة الزواج وسديم لاحظت هالشي وغيرت الموضوع











أسير طلع من الجامعه وركب سيارته وعوض كان معه
عوض : وش فيك انت اليوم وجهك أصفر مانمت
أسير مارد عليه حرك السيارة ماشي
عوض : أسيير هي
أسير : هلا
عوض بمزح : اللي يشوفك يقول عاشق
أسير ابتسم ابتسامه جانبه
عوض : مااطنز هذي الحقيقه
أسير بصوت خافت : ليش أنا مو عاشق وزاد سرعته اشوي
عوض : وش قلت
أسير ناظره بمعنى ولا شي ومد يده دخل السي دي
عوض : أخت رياض
أسير يسمع بس ماناظره







الساعات كانت تمشي بسرعه بالنسبه لناس وناس
عنود احبست نفسها بغرفتها مع وجود ماجد بس ماأهتمت
ماجد كان مستغرب بس توقع انها متضايقه منه وماحب يزعجها
أسير نفس الشي قاعد بغرفته بحجة المذاكره بس سديم حاسه فيه ولا تكلمت معه وكانت تحاول ان ماجد مايعرف أي شي
نوري راحت لشموخ ومعها أمها
نوف ما راحت معهم لأنها تعمدت تنام وتبي تحضر على الملكه على طول
منار ومريم ومزنه اتفقو يروحون المغرب
بنات خال شموخ عبد الرحمن ديما وليان وحنان معهم مها مرت منصور ونوري راحو يشترون لها فستان دورو بالمول ماكان عنده هذيك الفساتين آخر شي اشترو فستان ناعم حيل
ماكان عاجب شموخ ولا عاجبهم بس وش يسوون مافيه وقت يروحون الدمام لأن يوم الجمعه محد كان فاضي والخبر كان مفاجئ للكل ونسو فاليوم صار كل شي بسرعه
سلمى على أساس تروح بدري بس تأخرت في بيتها اشوي ويوم راحت لسديم تأخرت بعد وكانت صدمتها من اللي تقوله سديم كبيره









حنان : لالا لا حطيلها أسود
ديما هي اللي كانت تمكيج شموخ : لا بحطلها اي لاينر أسود
نوري جايه : أقول لا تلعبون بوجه البنت
حنان : أفا عليك حنا داخلين دورة مكياج تقولين شنو
نوري : جد والله
ديما : حنو عطيني مناديل
حنان : ايه بإجازة الصيف
نوري : حلو
ليان : على فكرة وين عمتي سلمى وسديم
حنان : من جد عنود غريبه ماجات
شموخ كانت تسمعهم وابلعت غصتها شلون ملكتها اليوم بدون خالتها سديم شدت على ايدها وهي تذكر رسالة عنود يوم كانت بالمول ارسلتلها
" آسفه شموخ بس اليوم ماراح نجي لا أنا ولا أمي أمي اكيد راح أدق عليك بس أنا سامحيني ماأقدر أسمع صوتك "
ديما تبعد وتناظر : قعدي شموخ
شموخ اقعدت وافتحت عيونها
نوري : يمكن جايين متاخر
شموخ بعد ماارسمت ديما شفايفها قالت : لا ماراح يجون خالتي اشوي تعبانه وعنود بتقعد معها هي داقه علي
ديما : والله
شموخ :ـ
حنان : ياحياتي ياعمتي
نوري تقرب وتأشر : ماحطيتي مسكره
ديما : الحين ليش كم ايد عندي
نوري بضحكه : زين آسفه وناظرت بشموخ : ياقمر بعد ترى شموخ جات مكانك
حنان ببتسامه : من جد ماشاءالله
ديما : طبعا مو تمدحون فيها بس هذا من شغل يديني
شموخ ابتسمت ابتسامه بسيطه
ليان : أقول صح اذا مااحضرت عنود يعني لميس مب حاضره
حنان : انتي ولميستك وش تبين فيها
ليان : والله من زمان عنها
نوري : مالت عليها نوف كل يوم مقابلتها بالكليه
قطع عليهم دخول مها : خلصتم وسكرت الباب
نوري : تقريبا
مها يوم شافت شموخ ابتسمت : لالا خلاص ترى أغار أشوف بعض ناس غالبه الكل
شموخ اكتفت ببتسامه
نوري : ياحبيبتي حنا وجيهنا مافيها شي الحين اتشوفين يوم تسويلنا ديما شلون نصير
ديما تناظرها وهي تحط المسكره لشموخ : شنو شنو ماسمعت
نوري ناظرتها وعرضت ابتسامتها : احم قلت تسويلنا
ديما بعدت نظراتها عنها : أقول خل حنان أنا صراحه تعبت ويالا أسوي لعمري
حنان : بسويلها بس لا تحلمين اتصيرين مثلها هي عروس أما انتي مكياجك راح يكون أخف منها بكثير
نوري بغرور : أصلا أنا مابي كثير لأني قمر 14 بسم الله علي
ليان : هه خمسه وخميسه
نوري : اوبس استحي ترا
مها اضحكت
ديما : الا نونو وين نوف تفزع حق توأمها ترى النوم ماراح يفيدها
نوري : ان شاءالله جايه
مها : يلا بنات اللي ماعندها شغله تقوم تنزل تضبط معنا
ليان : أنا بنزل معك
مها : وميار زعلانه حيل وتبي تدخل هنا حرام ماعندها أحد برآ
نوري : زين أنا بطلع بعد اشوي
حنان : يلا وأنا معك
ديما : لا ترمشين
شموخ وقفت رمش كانت متوتره اشوي خاصه وان نوف الحين مو جمبها ومب عارفه وش اتسوي











نوف تفتح عيونها على صوت الجوال ويوم شافت اسم نوري دق قلبها وناظرت بالساعه تنهدت براحه
بعدها ردت
نوري : السلام عليكم
نوف : وعليكم السلام
نوري : نوف يلا خلاص قومي وتعالي الكل يسأل عنك ومستغرب بعد
نوف : قوليلهم نايمه وانزلت من السرير
نوري : ويعني برايك صدقو نوف انتي وشموخ علاقتكم لازم تتصلح اليوم وهذي فرصتك لأن شموخ حيل متوتره وخالتها سديم مب جايه
نوف استغربت : مب جايه
نوري : لا
نوف بفهم : اها زين شوي عبال اجهز وأكلم نايف أو زايد
نوري ابتسمت : زين ننتظرك
نوف : راح أجهز للملكه مارح أسوي شي هناك
نوري : اها زين براحتك أهم شي تعالي
نوف : أي وش صار على الفستان
نوري : أمم لقينا بس مو ذاك الزود
نوف بقهر : لا جد
نوري : والله ناعم بس مايناسب لملكه ابد بس ان شاءالله مع الميك اب والتسريحه يصير له منظر
نوف : من جدك تتكلمين زين ليش شريتوه دامه مب حلو
نوري : انا ماقلتلك مب حلو المهم نوف تعالي انتي وشوفيه
نوف : وقفي لا ابي أعرف الحين
نوري : اسمعي هو حلو ماقلت مب حلو بس أقصد مو حق ملكه ابد ابد
نوف : وليش أنا مو فاهمه قصدك أقصد ليش شريتوه
نوري : الله يخليك نوف سكتي يعني انتي شايفه الوقت علشان نشتري
نوف : لا ياعمري في المحل اللي فوق أتوقع أو تحت مدري كله فساتين
نوري : عرفت المحل اللي تقصدينه مب ذاك الزود بعدين الفساتين ماتصير الا للعرس مب ملكه ولا أهليه بعد
نوف : مافيها شي أحسن من اللي شريتوه ايه شلون اللي شريتوه
نوري : ابيض وأحمر يعني يوم البسته حلو ومخصر عليها بس يلا اهم شي لقينا بعد شنسوي لولد عمك هذا
نوف : وعع وش هذا الفستان كأنها من المعازيم
نوري : زين وش تبينا انسوي
نوف مقهوره : كان شريتم من هذاك المحل صدق ماتعرفون
نوري :نوف يلا اجهزي وتعالي باي وسكرت
نوف : نوري ناظرت بالجوال مقهوره : الله مدري وش اقولك وحطت جوالها على الكومادينه وقامت











ام رياض مبتسمه : ها مرتاحه ولا تبين أختك تصلح المخده
رآما : لا
ام رياض مكسور قلبها حيل على بنتها شلون تقدر تتحمل اتشوفها من اليوم على الكرسي خذت نفس بسيط وحاولت ماتظهر
حزنها لأن هالشي يزعج رآما كثير










بعد المغرب الكل حضر تقريبا ً الا نوف
نوري ادخلت المقلط اللي كانو يتضبطون فيه
حنان : مها ماتبين أسويك
مها ببتسامه : لا حبيبتي أنا بسوي لعمري
حنان : لا يكون مكياجي ماأعجبك
مها تناظر نوري : لا والله نايس ماشاءالله عليك
حنان ببتسامه : تسلمين
ليان ادخلت : شموخ خالتك سلمى
شموخ كانت مرت خالها عبد الرحمن أم خالد تستشور لها ومااسمعت وش اتقول ليان
سلمى ادخلت : ماشاءالله مسوين مشغل
شموخ يوم شافتها حست براحه كبيره وابتسمت بفرح
سلمى أشرت لها ببتسامه وراحت لها : ماشاالله وش هالحركات
شموخ : تسلمين
سلمى تناظر أم خالد : شلونك ياام خالد
ام خالد : الحمد لله وانتي
سلمى : والله هاليوم خلانا بخير
ام خالد : الله يتمم على خير يارب
سلمى : ان شاءالله الله يسمع منك
شموخ ضمت يدينها لبعض وهزت رجلها بتوتر
سلمى تناظرها وهي تذكر كلام سديم لها عن ماجد











الباب يندق
عنود : مابي أشوف أحد
ماجد فتح الباب
عنود شافته بعدها بعدت نظراتها عنها : اطلع برآ ابي اقعد بروحي
ماجد دخل وسكر الباب
عنود انسدحت وهي تغطي نفسها وصدت عنه
ماجد : وش اللي صاير عنود كل هذا زعلانه مني
عنود :ـ
ماجد قعد على الكرسي : يلا ماراح أطلع لين تسامحيني
عنود : المفروض اني أزعل والتفتت له : بس الغريبه اني للحين مازعلت منك
ماجد : زين وليش هاصد كله
عنود : أنا متضايقه وبس والتفتت تصد عنه من جديد وهي تقول بغصه : شلون تصير ملكتها وحنا ماانروح لها والله ظلم وانزلت دموعها
ماجد عقد حواجبه : ملكة من
عنود ونفس حالها ماناظرته : ليش ماعندك خبر ان اليوم ملكة شموخ
ماجد تغيرت ملامحه لصدمه وقام : شلون
عنود افتحت عيونها وتاهت عدساتها اشوي بعدها التفتت وهي تقعد
ماجد : ملكة شموخ اليوم
عنود :ـ
ماجد تغيرت ملامحه لغضب ومشى طالع وهو يشد على قبضته
عنود حطت ايدها على قلبها " سويت شي غلط أكيد "
ماجد طلع من غرفة عنود راح لغرفة أمه وفتح الباب بكل قوته : يمى
أسير كان قاعد عندها ويوم اسمعو صوت الباب بعدها صوت ماجد تخرعو وأسير قام
ماجد : شلون ماعندي خبر
سديم تنزل من السرير : ياالله ياساتر .. وش فيك ماجد
ماجد رجع لورى مايبي أمه تقرب منه وبنفس حدة الصوت : شموخ ملكتها اليوم ليش ماعند خبر
سديم تقرب منه بس أسير وقفها وجا قدامها : يمى لا تردين عليه وناظره بحده : قصر صوتك لو سمحت
ماجد : أسير ابعد عن وجهي
أسير : تقصر صوتك بالأول
ماجد سكت مارد عليه بس تحولت نظراته لحقد وكره : أنا الغلطان راجع هنا عطاه نظره بعدها حولها لأمه وصد عنهم
سديم حطت ايدها على راسها شوي ويغمى عليها : ياالله
عنود جايه ركض
أسير التفتت لأمه ومسكها : عنود جيبي جهاز الضغط
عنود راحت
أسير : اشوي اشوي يمى ماعليك منه وقعدها بالسرير
سديم رجعت ايدها لراسها : يبي يموتني قبل يومي
أسير : بسم الله عليك يمى ان شاءالله يومي قبل يومك
سديم : يبي يموتني أخوك يبي يموتني عنده انفصام مو طبيعي الولد مو طبيعي
أسير : يلا عنود
عنود جايه : جيت
أسير يقوم : قيسيلها الضغط أنا بدق على أبوي يجي
عنود : وين رايح
أسير يطلع جواله : قيسي الضغط قيسيه
سديم : وين رايح
أسير دق على أبوه وحط الجوال على أذنه : بلحقه أنا مو مطمن ابد وراح : أي يبى












ام فارس بتنهيده : ايه والله واقدرت عليك ياهيا
ام مهند تخزها
ام منذر : هذي الحقيقه لا تناظرينها كذا
ام مهند : محد يقدر علي أنا هيا
ام فارس : هذي هي راح تاخذ اولدك وش بتسويين يعني
ام مهند : ليش على بالكم تآخذ اولدي من دون ماأدفعها الثمن
ام منذر : وش بتسوين
ام مهند : أنا أعرف وش اللي بسويه بس اللي أبيكم تعرفونه ان هالزواج راح يصير على الورق
ام فارس بندهاش : لااا
ام مهند بخبث : ولا فكرت تعصيني راح أوريها النجوم بعز الشمس وقولو هيا ماقالت
ام فارس ببتسامه خبث : هذي هيا اللي نبيها
ام منذر : بس حنا نبي فعل مو كلام بس أنا ماأشوف البنت ترجف يوم تشوفك أبي أشوف جسمها يروح يمين يسار من الرعب
ام مهند : كل شي بوقته حلو هالعيله أنا ماأطيقها انهيت اثنين منهم وبصوت مبحوح مثل بحة الحيه : وشموخ تلحقهم
ام منذر وام فارس عقدو حواجبهم بعدم الفهم
ام منذر : شلون انهيتي اثنين
ام مهند ناظرتها وعرضت ابتسامتها بعدها قامت وهي تقول : أسرار هيا وراحت
ام فارس تناظر ام منذر










مريم : ماشاءالله لا قوة الا بالله مكياجك روعه حنان
حنان مبتسمه : من ذوقك والله
نوري بدلع وغرور : ييه ياالله لا صار علي شي الليله بآخذ وضوء الكل
منار : أقول ازحفي مناك بس انا أبي نفس مكياجها بالضبط
حنان : تعالي
نوري : يمه منك بالضبط ليش تحسبين عمرك راح تصيرين مثلي وقالت بدلع : قمر 14
مزنه : أقول نوري سكتي لا بالشحاطه الحين
نوري : وييه غارت
مريم تركتهم وراحت لشموخ











الرجال كانو ينتظرون الشيخ
نايف : ماشاءالله عليك مستعجل
فهد : والله من جد سبقنا
كريم : بس لو خليت العرس مع الشباب مو أحسن
مهند : والله أتشرف بس الشباب متأخرين وحنا مستعجلين
زايد بضحك : أموت بالمستعجل
مهند : ياخي ملينا من العزوبيه خلاص نبي نستقر
حاتم : ههه أقول شباب هالعريس لو عليه مايسوي عرس على الملكه وخلصنا
منصور : أقول لا تحط الفكره براسه
مهند ناظره : والله فكره حلوه تصدق
نايف : راحت عليك انحجزت القاعه
مهند ناظره : سهله ألغي الحجز
حاتم : لا صدق أخونا
منصور يناظر : وصل الشيخ










شموخ انتهت مكياجها كان خفيف بس مثل ماقالو البنات الفستان كان المخرب لأنه عادي جدا ً
بس الميك اب والشعر والذهب غطى عليه كان شكلها حلو وبسيط
فستانها كان مموج أبيض وأحمر له ذيل
من فوق كان جاي ربط حول رقبتها وقبل الصدر بشوي يتقاطعون على شكل اكس كان
مو واضح جزء كبير من صدرها و كان مخصر على جسمها
لبستها خالتها سلمى أسوره ذهب كانت هدية خالتها سديم أفرحت فيها حيل وحست بدموعها اشوي وتنزل
شلون يمر هاليوم من دونها
ولبستها طقم ذهب فخم كانت هذي هديت سلمى لها وافرحت فيها بعد وضمتها
وكعب ذهبي
والتسريحه كانت مرفوع بطريقه حلوه وباقي الشعر نازل يوصل لكتفها ماأحتاجو يحطون اسبري









شموخ كانت بغرفتها مع خالتها
سلمى : شلونك الحين
شموخ : الحمدلله
سلمى تتأملها : ياالله بالمكياج وش كثر تشبهين أمك سبحان الله
شموخ زادت ابتسامتها اشوي ونزلت عدساتها
سلمى : حنا خلاص نقلنا معك خبر
شموخ : والله .. لا والله ماماعي منزل مبارك
سلمى : تسلمين حبيبتي وقربت منها تصلح لها الفستان
شموخ تناظر
سلمى : متوتره
شموخ ناظرتها : شوي
سلمى : لا تفكرين أكثير كلها كم دقيقه وترجعين شموخ الأوليه لا تنسين تراه مب عرس
شموخ انحرجت منها اشوي لأن علاقتها فيها قويه بس مب مثل خالتها سديم
سلمى مبتسمه وبعدت عنها
شموخ : بس أنا أحس انه ماله داعي نقعد مع بعض
سلمى : شلون يعني
شموخ : أنا وهو بنفس البيت والقعده اللي بعد اشوي مالها داعي
سلمى : أفا شلون مالها داعي قلتلك لا تفكرين أكثير
شموخ : والله مب متوتره كثر من اني قاعده هنا أبي أطلع
سلمى بضحكه : يوم تزوجتيه تقولين بطلع
شموخ : والله لو بإيدي طلعت من زمان بس الحين مقدر حتى أرفع عيوني جد حسي فيني
سلمى اضحكت من طريقة كلامها وحطت ايدها على كتفها ومشت معها لسرير واقعدو
شموخ تنهدت
سلمى : خلاص راح تصيرين زوجته يعني أنا مالي أي علاقه
شموخ ناظرتها
سلمى بتلميحات : هو أكيد المعامله بتختلف بكثير بس لازم تتعودين
شموخ حست برعب من كلامها وصارت عدساتها تايهه
سلمى : وزواجك أول اسبوع بالإجازه مابقى شي
شموخ اتوه عدساتها أكثر وخوف أكثر : خالتي بليز لا تكملين وقامت : يعني لا جا وقته تكلمي معي بالموضوع وضمت يدينها لبعض وحست ببرودة بجسمها من الحرج
سلمى اكتمت ضحكتها : زين قعدي أنا ماكنت بقول شي
شموخ كانت بتتحسس شعرها بس تذكرت انه مسرح واقعدت
سلمى : يلا أنا بنزل تحت الحين نوف جايه بس كانت اتسلم وقلت لها تنتظر يوم انزل
شموخ اختفت ابتسامتها بالتدريج
سلمى قامت عنها ببتسامه واطلعت من الغرفه











تحت كانو مشغلين أغناني بس محد رقص للحين
ام مهند تقفل : جا الشيخ وقامت
سلمى انزلت
نوف شافتها وابتسمت وهي تروح لها
سلمى : يلا اطلعي هديها اشوي ترى بأي لحظه بتمسك شنطتها وتهرب
نوف اضحكت اشوي بعدها راحت عنها
سلمى ماشيه للحريم وقابلت ام مهند وتصنعت الابتسامه
ام مهند هي الثانيه تصنعتها : جا الشيخ
سلمى : انتهو الرجال
ام مهند : لا تو يدخل بس خل شموخ تستعد
سلمى : خلاص هي خالصه
ام مهند " الطاعون اللي يصيبها ياجعلها مااخلصت "
سلمى : عن أذنك
ام مهند : خذي راحتك ولو
سلمى مشت عنها
ام مهند " شلل يارب "
سلمى " الله يعينك ياشموخ نسيت اسألك عن معاملتها معك "











ماجد كان مسرع وأسير وراه
أسير دق عليه بس مايرد حط الجوال وهو يزيد سرعته " المجنون وش راح يسوي "
عند ماجد اللي كان ملتزم الصمت نظراته كانت مخيفه وماكان يفكر بشيي غير انه يوصل الحين




نوف ادخلت
شموخ كانت واقفه عند المرايه وشافتها عند الباب بعدها بعدت نظراتها عنها سوت روحها تصلح حلقها
نوف ابلعت ريقها ودخلت سكرت الباب بتردد : السلام عليكم
شموخ التفتت ناظرتها من فوق لتحت بسرعه وردت وهي تبعد نظرها عنها : وعليكم السلام
نوف واقفه مكانها مب عارفه وش اتسوي وين قوتها قبل لا تدخل بأنها راح توقفها وتتكلم معها حتى لو مااسمعتها
حست ان كل اللي خططت له كذب لأنها الحين واقفه قدامها ومب عارفه وش اتسوي
شموخ تضبط اعصابها اقعدت بطرف الكرسي وشالت جوالها
نوف كانت حيل متوتره مشت اشوي وقالت : أخبارك ؟
شموخ ونظرها بشاشة الجوال :تمام
نوف تأكدت حيل ان علاقتهم انتهت تماما لأن واضح ان وجودها بالغرفه مضايق شموخ
نوف : مبروك
شموخ تحركت النار بقلبها وشدت على ايدها
نوف رسمت ابتسامه بسيطه : فرحتلك من قلبي
شموخ شوي وينكسر الجوال بإيدها غمضت عيونها وخذت نفس
نوف : اكيد قريتي رسالتي
ماكملت كلامها شموخ رمت الجوال كان راح يجي على رجل نوف من قوة رميه ناظرت فيها بحقد وهي ضابطه اعصابها : ماقريتها .. الحين اطلعي برا
نوف تناظرها بصدمه
الباب انفتح ادخلت سلمى ببتسامه : سوري ماخليتكم تستانسون بس شموخ لازم تنزل الحين
نوف تاهت عدساتها اشوي للحين شموخ تناظرها ماتوقعتها تحقد عليها لهدرجه امسكت غصتها وابتسمت وهي تناظر سلمى : لا عادي خذي راحتك
نوري جايه ومعها حنان ومنار
حنان بالكاميرا : راح أصورك وانتي توقعين
منار بكمرتها : وانا بعد يلا بسرعه انزلي ترا أحسن لحظه
نوري ناظرت بنوف بعدها شموخ ويوم اسمعت حنان ومنار التفتت لهم وهي تتخصر : والله وياسلام اللي راح يجيب لها توقع عمي وأنا اللي راح أصور
حنان : ليش ضربناك على ايدك صوري
نوري تكتفت وبقهر : امتلت الذاكره وماعندي غيرها والصور الموجوده للحين مانزلتها محد فاضيلي
منار : والله مو ذنبنا
سلمى تمسك ايد شموخ : يلا
شموخ هاللحظه حست بالجد دقاتها صارت سريعه وحطت ايدها على ايد خالتها وهي تناظرها : خايفه
سلمى ابتسمت لها : شي طبيعي يلا
نوري : الحين بتنزل كذا من دون ورد
سلمى : والله كان شريتيلها ورد
نوري : وانا وش دراني نسيت
منار : ان شاءالله بملكتك
نوري : والله ماتنزلين كذا لازم شي بإيدك بعد لا فستان ولا ورد
شموخ ماكانت يم نوري جسمها صار كله قلب ويخفق بقوة
حنان : زين يلا جيبي من وين
سلمى : أقول ترى تأخرنا السالفه مب لعب يلا امشو
حنان شغلت كمرتها ومنار بعد
نوري تناظر يمين يسار بعدها اركضت لبرآ تشوف أي ورد علشان الشبكه
شموخ تمسك ايد خالتها بقوه بس كانت حاسه بالنقص لفت عدساتها اشوي ناظرت بنوف
نوف عيونها تدمع لو تأجلت السالفه لبعد الملكه كان الحين هي واقفه معها وتمزح وتهديها
يوم شافت شموخ تناظرها حست باللي تحس فيه شدت على قبضتها وارسمت ابتسامه بسيطه
شموخ بعدت نظراتها عنها من دون ماتردها لها











أسير قطع طريق ماجد
ماجد كان راح يصدم بس قدر يسيطر على السيارة
أسير طلع من سيارته
ماجد حده معصب طلع من سيارته وصفق الباب : انت وش قصتك ابعد عن طريقي
أسير وصل عنده يبي يرد عليه بس ماجد مسكه من بلوزته وقربه له بكل قوته : آخر مره توقف قدامي
أسير يبعده بحده : خاف الله في أمك ياماجد تراها امرضت بسببك خلاص كافي اللي تسويه
ماجد دفه بدفاشه عنه : لا تقعد تعطيني نصايحك الحين واللي خلقني هذي آخر مره انبهك فيها
أسير : يعني وين تحسب نفسك رايح
ماجد ناظره من فوق لتحت بسرعه
أسير : وش اللي رايح اتسويه أنا بس أبي أعرف بعدها ماراح اتشوف وجهي
ماجد : أسوي أي شي بس علشان تصير ملكي مو ملك غيري وصار يرجع لورى رايح سيارته
أسير : انت مريض .. ويبيلك دكتور منت طبيعي ابد
ماجد رسم ابتسامة سخريه بوجهه وفتح باب سيارته : ليش عمرك عشت اللي أنا عايش فيه وقال بسخريه أكثر : أكيد لا
وقال وهو يركب : بس ماتدري لميس يمكن يجي واحد وياخذها منك .. ويومها تذكر حالتي هذي ركب وسكر الباب
أسير :ـ
ماجد يرجع لورى وهو يرجع حس فيه عند الدريشه ولف وجهه ناظره بعدها وفتحها بنرفزه : عندك اضافه
أسير اتكى ونزل راسه له وبصوت خافت مبحوح : للحين عند كلامي انت مريض ويبيلك دكتور
ماجد كا بيتكلم بس اسير وقفه
أسير : هالمره تسمعني لنهايه
ماجد :ـ
أسير عقد حواجبه اشوي : تدري ان اللي انت عايش فيه انا عايشه واكثر منك بعد
ماجد ابتسم سخريه ولف نظره بعدها ناظره : هه
أسير : لا تاخذ كلامي على انه سخريه
ماجد اختفت ابتسامته بالتدريج حس الجديه بكلامه هالمره
أسير : شموخ مب انت الوحيد اللي تحبها
ماجد تغيرت ملامحه
أسير : أنا اليوم هذا بالنسبه لي عذاب
ماجد :ـ
أسير بتأكيد : اذا انت اتحبها .... وأشر على نفسه : فأنا أعشقها
ماجد انصدم
أسير يرفع عدساته بتفكير : يعني يمكن من طفولتي وناظره : بس ماوصلت لدرجه الجنونيه اللي انت فيها الحين
ماجد ابتسم عدم تصديق : هه .. انت أكيد تمزح
أسير حط ايده على كتف ماجد : لا ياحبيبي ماأمزح اليوم مافي مزح أو كذب
ماجد :ـ
أسير : لميس هذي أنا ماعمري حبيتها ولا فكرت بحياتي أحبها تعرف ليش
ماجد تغيرت نظراته لنظرات حقد بس أسير مااهتم لها
أسير : لأنك كنت اتقولي انك راح تتزوجها تذكر أكيد هالكلام قبل 10 سنوات وسألتني يومها أنا من راح آخذ



ماجد قعد بزهق : ياخي خلاص أنا أبي أتزوج
أسير كان يذاكر قواعد : انت كل ماجيت قلت أبي أتزوج خلاص تزوج
ماجد بتنهيده : قلت لأبوي بس مارد علي يعني وش رايك بتزوج لميس وأنا بهالطول
أسير ناظره
ماجد :آآه ياقلبي وناظره : تدري لقيتها أول ماأخلص الجامعه بتزوجها
أسير حك راسه بالقلم بملل من السيره
ماجد : وانت ماتبي تتزوج
أسير يسكر الكتاب ويحط القلم
ماجد : رد علي من هي اللي تبيها
أسير ناظره : أنا ماراح أتزوج
ماجد : لااا صدقتك .. برايي خذ شموخ تراها تحبك وضحك
أسير عصب : سمعنا سكوتك
ماجد : كل ماجات اقعدت عندك وقرقره فوق راسك
أسير : غبي .. يعني كذا صارت اتحبني
ماجد يمشي : يمكن اسألها ولا أسألها عنك
أسير : أذبحك
ماجد : هع هااع ومسك مقبض الباب : كمل دروسك ياالدافور مدري متى تترك هالكتب عنك أتوقع ماتطلع من المتوسط الا وانت بنظارة هاري بوتر
أسير : اطلع بس
ماجد يمد لسانه وبستلعان : حبيب شموخ
أسير ناظر بالمكتب شال الدفتر ورماه بس ماصابت ماجد لأنه سكر الباب


أسير : ماكنت أقدر أصارح نفسي أو حتى أصارحك بهالشي وشوف النتيجه
ماجد :ـ
أسير : ماتدري صدمتي شلون كانت يوم حسيت انك نسيت لميس وحبيت شموخ فالبدايه ماصدقت بس مرتين انتبهتلك طالع من غرفتها وتأكدت من شكوكي
ماجد:ـ
أسير : وخلاص ظليت ساكت ليومك هذا وهذا انت عرفت
ماجد يشد على قبضته أكثر وأكثر
أسير : كله لأني أحترمك ومابي تصير بينا أي عداوه ... بس انت اللي أجبرتني على وقفتي هذي لأني خلاص معد أقدر أتحمل تصرفاتك
ماجد اطلعت عروقه
أسير : أنا عشقت شموخ والتربه اللي تمشي عليها ...... بس مستحيل أخرب حياتي و أأذي اللي حولي اذا كانت ماتبيني .. مستحيل
ماجد:ـ
أسير : أنا أتكلم اذا كنت بحالتك اذا كنت أحبها وهي ماتحبني
ماجد:ـ
أسير : بس مثل ماتعرف مو هذي الحقيقه ...... الحقيقه هي ان كل واحد منا عاشق الثاني بصمت
ماجد اشتعلت النار فيه
أسير : ماقلتلك هالشي علشان ازعجك بس حبيت أقولك وأأكدلك انت يبيلك دكتور نفسي ولو تأذت شعره من شموخ راح أوريك الوجه الثاني لي
وبعد عن الدريشه ومشى رايح لسيارته
ماجد كان يناظره بحقد مانزل نظراته عنه
اسير ركب سيارته وراح وماجد ظل واقف مكانه











كللللللللللللللللللللللللللللللللللللللللللللللللل لللللللللللللللللللللللللللللللللللللللللللللللللل لللللللللللللللييييييي
شموخ للحين ترجف
حنان بضحك : خلاص وش فيك ترجفين توقيع ووقعتي
منار : من جد ... ألف مبروك
حنان : أي ياالدلاخه ماسلمت عليك وسلمت عليها : مبروك الله يتمم على خير
منار : لا خله بعد الشبكه احسن
شموخ اكتفت ببتسامه كانت مشوشه وماردت
سلمى همست بإذنها : دقت عليك خالتك
شموخ حركت راسها لا
سلمى : يمكن انشغلت كانت راح ادق
شموخ :ـ
منار بالكاميرا : سمااايل
نوري جايه : شموخ جوالك يدق من اليوم
حنان : ها مالقيتي ورد
نوري بتحسف : لا للأسف
حنان : الحين شلون تنزف
نوري : أنا أقولكم
حنان : انا لقيتها
نوري : احلفي
حنان بتمسخر : بالحوش في ورد يهبل أصفر
نوري :هههه ضحكتيني حيل وتعطي شموخ الجوال
حنان اضحكت
سلمى : خالتك
شموخ : لا خويتي
سلمى : اها
ام مهند تسكر من الجوال وقامت
ليان: شموخ قومي ارقصي يلا
شموخ : ارقصي انتي بالأول
ليان : وقسم بالله رقصت
شموخ :ـ
ليان : يلا
ديما : لا عيب ماترقص خلها قاعده لا اطير ريحة العطر
منار : ليش وين رايحه هي بعدين الله يخيلي الغرفه فوقنا
حنان : من جد









راشد باس راس مهند : ألف مبروك الله يتمم على خير
مهند باس راسه : الله يبارك فيك
منصور جاي : مهند
مهند ناظره
منصور : يلا
مهند : زين وناظر عمه : استأذن
راشد ببتسامه : خذ راحتك .. الله يوفقك
نايف : طاير وين
فهد : وهذا سؤال ينسئل
مهند : أقول فهد انت ونايف ماسكها عليكم ليوم الملكه
نايف : يؤيؤ انا شمسوي
كريم : ماسويت شي ابد
فهد : الحين خله يروح يلا
نايف :انتبه بس لا تلبسها دبلتك من الربكه
مهند بتهديد : انتظرني بالملكه
فهد ضحك
مهند ناظره : وانت معه ومشى
فهد ضحك بعدها سكت وهو يلتفت لشباب : وينه منصور
زايد : طلع مع أبوي
فهد : لأنه كان رايح يجيب العشا فقلت أروح معه
زايد : أي انا رايح تعال معي لأنها 8 صواني وسيارته ماتكفي
فهد : يلا قدام










ام مهند اسمعت صوت الباب وافتحته : ادخل
مهند دخل وسكر الباب
ام مهند ناظرته حاولت تهدي ملامحها بس مااقدرت
مهند : يمى .. وش فيك الحين
ام مهند : سؤال ماله اجابه الحين ادخل
مهند تضايق حيل المفروض أول وحده تفرح له هي أمه مو يشوفها بهالوجه










شموخ ناظرت كان اتصال من المها واتصال من أفنان تمنت ان المها تكون هنا بس ماتجرأت تقولها
ليان : يلا شموخ والله ترقصين
منار بصوت عالي :ياجماعة الخير الحين حرام ترقص العروس ليش عروسنا قاعده وتناظر شموخ : يلا
شموخ منحرجه ومتوتره ومشاعرها متلخبطه
مريم : اسحبوها غصب وتضحك
مزنه بصوت خافت : صدق انك أم وجهين امس كنتي تسبين فيها والحين
مريم ناظرتها : ماسبيتها
مزنه ماردت عليها
مريم : وانا كنت معصبه هذاك الوقت
مزنه : المهم نوف وينها
مريم : قاعده مع مها وبيان
مزنه عقدت حواجبها : من بيان
مريم : أخت مها
مزنه: اها

ام مهند جايه
شموخ انتبهت لها وضمت يدينها في بعض وتبعد نظراتها عنها " هاليومين هاديه ياالله شكثر خايفه منها "
فزت يوم حست بإيد ام مهند تمسك ايدها
شموخ تناظرها وقلبها يدق
ام مهند : امشي معي
سلمى كانت قاعده وانتبهت لها وقامت راحت لهم
شموخ تقوم
منار تناظر بأم مهند من فوق لتحت وتهمس : يمى مرت عمك ماعندها اسلوب
نوري بقرف : من جد
ام مهند شافت سلمى وابتسمت اصطناعا ً
سلمى : وين رايحه
ام مهند تركت ايدها : لا بس كنت بسألها اذا تبي تتعطر أي شي لأن مهند داخل
شموخ افتحت عيونها وجتها رجفه
سلمى انتبهت لها : بسم الله عليك وامسكت ايدها : اهدي حبيبتي مافي شي يخوف كلنا جمبك
شموخ لارد










ماجد للحين واقف مكانه والحقد تولع فيه كلام أسير يمشي براسه
ناظر قدامه وحرك السياره " انا أوريك شلون راح يكون المريض النفسي يا أسير .. وتشوف "








أسير دقف عند البحر ونزل يشم هوا كان حيل متضايق ومكتوم
دق جواله وهو ماشي على الرمل " الوالده " ورد عليها : هلا يمى
سديم : وش صار
أسير : ماصار شي هو سمع اللي لازم يسمعه
سديم قلبها يدق : أسير تكلم بوضوح أخوك لا يكون راح لهناك
أسير : مدري عنه .. بس ماأتوقع يروح تطمني
سديم : ليش متأكد مو انت كنت راح تروح وراه
أسير : يمى اهدي قلتلك تطمني أنا متأكد انه ماراح يروح ولو راح وش راح يسوي يعني حاله حال المعازيم
سديم : والله مدري عنه أتوقع منه أي شي
أسير : تطمني ياالغاليه .. ها شلونك انتي الحين
سديم : بهالوضع مو بخير ابد
أسير ابتسم : أنا جاي بعد اشوي ولو شفتي وجهي بتصيرين أحسن مننا كلنا
سديم ابتسمت من كلامه
أسير : يلا فمان الله
سديم : الله لا يحرمني منكم .. الله معك
أسير سكر وهو مبتسم حس انه أحسن يوم سمع صوت أمه بس فجأه بدت ابتسامته تختفي اشوي اشوي وتنهد كتف يدينه









نوري تلبس عبايتها : شوشو اقول عادي أقعد كذا هو من جمالك ماراح يناظرنا
شموخ حاولت تبتسم بس
مريم تلثمت : لا تنسوون صورو كل شي
منار : أفا عليك بس
نوري : أي مثل ماقالت مريوم لأني أبي انقلها منك بعدين
سلمى جايه : يلا مهند داخل ابعدو
شموخ قلبها يدق حيل " ماتوقعت أكون خايفه لهادرجه ياالله أنا شسوي بعمري "
ام مهند تمشي بالبخور ومتصنعه الفرحه ومهند كان جمبها
أوصفلكم شكل البيت


كل تحت كان مزين حاولو ينسقون بالألوان ماكان حلو كأنها حفله عاديه بسبب العجله ولأنها عائليه ماشلو هم ماكان في أحد غريب
الزينات كانت بسيطه أكثر شي مزينين الكوشه والارض كانت ممتليه ورد مجفف احمر
جزء من الصاله خلوه كوشه
فيها كنب يكفي اثنين للعرسان والجدار اللي وراه بمسافه كانو مزينينه
قدام الكنب فيه طاوله مستطيله متوسطه الحجم الطاوله مزينه بالقماش والتل اللي عليها بطرف الطاوله تقريبا حاطين كاسين كل واحد رابطينه بشريطه حمرآ بشكل حلو رامين ورد مجفف أحمر
على الطاوله
وطافين النور الأبيض ومشغلين الأحمر علشان يصير المكان أحلا ويوم دخل مهند خففو اشوي على النور الأحمر
وشموخ كانت قاعده على الكنب
ديما : صراحه لو أنا مكان شموخ أزعل
ليان : ليش
ديما : مااعجبني الترتيب ابد وتحسين ماعندهم فن بعضهم يسوون بالبيت بس تشوفين ماشاءالله الابداع هنا كل شي عادي
ليان : صادقه والله
ديما : والله مره قهر
ليان : ان شاءالله تتعوض بالعرس
ديما : ان شاءالله والله تحزن ومرت عمها بعد أحس تبتسم من انفها
ليان افطست ضحك : من جد

عند شموخ اللي قالتلها خالتها توقف كانت مزله راسها للأرض مب قادره ترفعه
نوري : انكسر راس شموخ
نوف ابتسمت : من جد
نوري ناظرتها : ماصار أي تطور
نوف : سكتي نوري مب وقته
نوري : اسفه
نوف تنهدت





ماكانو حاطين شي أول مادخل بس يوم وصل عندها شغلو انت كافي
مع الأغنيه وقف هو جمبها ونزل راسه اشوي يناظر وهو يشبك ايدها بإيدها بعدها رفع راسه
كان لابس بشت أسود وهاللون كان حلو عليه خاصه وانه يظهر الملامح واللون
شموخ فزت وجسمها بكبره صاير قلب يخفق حيل وحست اشوي ويغمى عليها










نايف : تركي وينك يبو الشباب قوم معنا
تركي : نايف اقعد اشوي
نايف عقد حواجبه وقعد : خير
تركي ناظره : في موضوع بكلمك عنه بس اتمنى يكون سر بيني وبينك وتلقالي حل
نايف : ولو على عيني وش الموضوع
تركي شبك يدينه وهو يبعد نظراته عنه بعدها ناظره









المها دقت على أفنان تسولف معها
أفنان : والله اطلعو متاخرين اشوي
المها : يلا اهم شي اطلعت
أفنان : من جد ياقلبي عليها كل ماأتذكرها أصيح
المها : بليز أفنان لا تصيحين لني انا متضايقه من الأساس ودقيت عليك علشان أقدر أذاكر
أفنان : ولا يهمك أصلا أنا مابي اصيح
المها : دقيت على شموخ بس ماردت عندهم ملكه نسيت ويوم ماردت تذكرت
أفنان : ماشاءالله ... مالت علينا حنا مدري متى نلقى العرسان
المها تضحك
أفنان : جد والله تخيلي العام مب العام العام يعني خلاص سجلت بالجامعه واقبلوني المهم خطبني واحد وتوني والله ماوافقت قال أنا ماأبيها تشتغل بمستشفى حقير
المها افقعت ضحك : يالا زين اهم شي دق الباب أنا ولا دقوه حتى
أفنان : لا أنا ولا اني ولا لورآ ولا شموخ خلنا انسمي شلتنا شلة العوانس
المها : يؤيؤ تو الناس
أفنان : ته يختي من جد تحسين كنك شيفه مايدقون الباب
المها : يلا ان شاءالله بكرى يجي ولد عمك ويخطبك
أفنان : وعع الله يقرفك شنو ولد عمي أنا أبي من برآ العايله تماما
المها : ويييه يالا الله يحققلك اياه
أفنان : خخخخ ان شاءالله .. الا ماقلتيلي بيتكم قريب من بيت شموخ
المها: اممم والله نسيت وين ساكنه بس اتذكر لا
أفنان: اها بس حلو كلكم بالجبيل
المها : صح











شموخ تحرك اصابعها بتوتر
ام منذر كانت وكان معها الدبل مبتسمه لمهند كانت فرحانه له بس يوم تناظر شموخ تتحول ابتسامتها لصطناعه
نوري تمشي بسرعه لمنار واوصلت لها : يلا هذي أحسن لقطه
منار : سكتي لا يطلع صوتك بالتصوير
نوري : عادي يلا
منار : وانا وش قاعده اسوي لا تزعجيني
نوري : زين آسفه

شموخ حست بشي انزاح عنها يوم حست فيه يترك ايدها
ام مهند بدون اسلوب : لفي
سلمى كانت راح اتقول لشموخ بس يوم اسمعت ام مهند عصبت بس كتمت
مهند كان شبه لاف عليها وناظرها من فوق لتحت وثبت نظره على فستانها اللي كان مفصل جسمها حيل
شال دبلتها ومسك ايدها اليمين حس برجفتها وتشتت اشوي حس انه توتر حيل عبال دخل الخاتم
شموخ حالتها ماكانت تنوصف للحين ماارفعت عدستها وناظرته
شالت خاتمه متردده واقعدت ماسكته ثواني
حنان حطت ايدها على فمها وتضحك
منار معها
نوري بضحكه : أحسن لما ربي يبلاكم البنت متوتره حرام عليكم
حنان :ههههههههااي والله مااقصد شي
منار : أكيد تتوتر قدامها بدر 14 وناظرت نوري واغمزت
نوري : ياحبيبتي قمر 14 من البنات والشباب هي أنا
منار : قلت بدر
نوري : كله واحد ياحبيبتي
منار : ياشين الوثوق الزايد
نوري : احم من حقي









شموخ بعد حرب مع نفسها غمضت عيونها بعدها افتحتها وهي تمسك ايده وش كثر كان الموقف صعب بالنسبه لها
ارفعت ايده اشوي وصارت حايسه بالأصابع وكأن شي عمى عيونها
سلمى حطت ايدها على ظهرها تبعد عنها توترها
شموخ لفت عدساتها لطرف عيونها تبي تشوفها بس ماشافتها سمت باالله بعدها دخلت الخاتم ويوم نزل يده كانت اتناظر هي دخلته بالمكان الصح ولا لأ
كانت أصوات الزغاريط عاليه
بعد الخواتم جا دور العصير كان في كيك بس لغته ام مهند وسلمى طنشت ولا قالت شي بس كانت حيل مقهوره وهي تعرف نفسها لو تكلمت اخربت الليله فتمت ساكته










عنود كانت قاعده بحزن
سديم حاسه فيها ونادتها : عنود
عنود ناظرتها : همم
سديم : اذا تبين اتنامين نامي أنا بخير وأخوك شوي راجع بكرى دوامات لا تنسين
عنود : لا يمى مابي انام وقامت : بس بسوي عشا وش تبين
سديم : لا مابي شي ارتاحي
عنود ابتسمت ابتسامه صفرآ : لا أنا مشتهيه أسوي تبين مكرونه
سديم ردت لهاالابتسامه : أي شي اتسوينه باكله
عنود صدت عنها ببتسامه واطلعت









أمر العصير كان أصعب بس الحمدلله ماصارت فضايح اقعدو اشوي وخذو كم صوره
بعدها ادخلو مجلس الحريم وسكرت سلمى عليهم الباب
شموخ ماتسمع الا دقات قلبها ونفسها تنشق الأرض وتبلعها
ومسك مهند لإيدها موترها أكثر
قعدها بعدها ترك ايدها وقعد جمبها
شموخ بدت تحس بالكتمه وعدساتها كانت تايهه وجمدها يوم اسمعته يقول
مهند : مبروك
شموخ تنزل راسها اشوي وصوت مب واضح : الله يبارك فيك
مهند مسك ذقنها رفع راسها ولفه له وقال بصوت مبحوح : هالجمال كله مسويته علشان اتناظرين الأرض
شموخ جسمها رجف مره ثانيه وعدساتها كانت تايهه ماناظرته والخوف كان ذابحها هذي وهي ملكه كيف الزواج هذا اللي قالته شموخ
مهند صار يدقق بملامحها مانزل عيونه عنها ثانيه ويوم شاف شفايفها اللي كانت تلمع من القلوس الأحمر وثبت نظره فيها
شموخ يوم حست بنظراته بوجها و ارفعت ايدها تبعد ايده عن ذقنها
مهند انتبه لها ومسكها
شموخ ناظرته وكل مالها دقاتها تزيد : لو سمحت اترك يدي




انتهى البارت

المقطع اللي حطيته بدون مسيقى آسفه لأن قبل كنت حاطه مقاطع بمسيقى ونسيت ان في ناس ماتسمع
فسامحوني


وبعد
أنا آسفه لتأخر البارت وخلاص والله تعبت من الأعتذار بس السبب أبد أبد ماكان مني ان شاءالله ينال البارت اعجابكم
وطوله يناسبكم
تحياتي لكم والبارت انتظروني من بكرى لين السبت القادم أي يوم خلال هالأسبوع أكون فاضيه فيه نزلت بس مقدر أحددلكم اليوم
لأني مابي أقول اليوم بعدها انزله اليوم اللي بعدها

احترامي وتقديري للجميع

انتم مهما أقول عنكم ماراح أوفي حقكم صراحه أحرجتوني حيل وقسم باالله أقولها من جد والله أحرجتوني
ومافي تعبير أقدر أعبر عنه دعواتكم يارب يكون لكم المثل يارب
وأبشركم مسكت ورقة الكيميا بس الأبله فيها نذاله أشوي بطريقة الاسئله وصراحه خربطت حيل ><!
اهئ يلا ان شاءالله تتعوض أهم شي انهي هالروايه اللي على راسي مثل الجبل وأكبر هم >> فيس مطلع طقم سنونه

وهالبارت تفضلوه لعيونكم
سامحوني هو متأخر حيل بس شسوي ننتظر تعطينا الوالده الآب *^*
وبعد أقصر من أخوانه اللي قبل ^_^













البارت السابع والعشرون


.
.
.

مهند مسك ذقنها رفع راسها ولفه له وقال بصوت مبحوح : هالجمال كله مسويته علشان اتناظرين الأرض
شموخ جسمها رجف مره ثانيه وعدساتها كانت تايهه ماناظرته والخوف كان ذابحها هذي وهي ملكه كيف الزواج هذا اللي قالته شموخ
مهند صار يدقق بملامحها مانزل عيونه عنها ثانيه شاف شفايفها اللي كانت تلمع من القلوس الأحمر وثبت نظره فيها
شموخ يوم حست بنظراته بوجها و ارفعت ايدها تبعد ايده عن ذقنها
مهند انتبه لها ومسكها
شموخ ناظرته وكل مالها دقاتها تزيد : لو سمحت اترك يدي
مهند رفع نظره لعيونها وهو ملتزم الصمت
شموخ تبلع ريقها ودقاتها متسارعه تذكرت حقارة ماجد وضاق نفسها وهي تقول بصوت أخفض وتبعد عدساتها عنه بخوف : لو سمحت مهند
مهند بعد ثانيه نطق : حلالي
شموخ شيب راسها :ـ
مهند بصوت اهدا : ولا غلطان
شموخ تحرك اصابع ايدها الثانيه بقلق واضح








نايف : زين وين المشكله
تركي : الحين كل اللي قلته تقولي وين المشكله
نايف : أنا من وجهة نظري شي طبيعي
تركي رفع حاجبه بعدم الفهم
نايف : ياحبيبي انت فكر فيها مستحيل تقولك ايه أكيد
تركي : ليش ؟
نايف : ليش ؟ .. لأنها تستحي تقولك ايه طبعا ً
تركي : بس مثل ماقلتلك اللي مكلمتها قبلي منار
نايف : ياتركي تبي نصيحتي روح واطلب ايدها وافقت الحمدلله ماوافقت خيره من ربي
تركي يبعد نظره عنه وضم كفينه لبعض : لا أنا لو خطبتها وارفضت راح أجن أحسن انسى الموضوع وارجع علاقتي معها مثل أول
نايف : ولله براحتك
تركي ناظره : زين انت ليش تتكلم معي بكل هالبرود حمسني قولي أي شي
نايف : وش تبيني أقولك هذا اللي عندي
تركي : ته وبعد نظره عنه








أسير دخل غرفة أمه : السلام عليكم
سديم ناظرته : وعليكم السلام
أسير راح حب راسها وقعد بطرف السرير : ها شلونك الحين
سديم بتنهيده : الحمدلله
أسير لف نظره بالغرفه بعدها ناظرها : أبوي ماجا
سديم : لا
اسير : غريبه أنا داق عليه قال جاي
سديم :ـ
أسير سكت اشوي بعدها قال : وين عنود
سديم والضيقه ذابحتها : بالمطبخ قالت تسوي ماكرونه
أسير : اها وابتسم : يلا ان شاءالله ماتنسى تحسسبني معكم حدي جوعان
سديم ابتسمت ابتسامه بسيطه
أسير اشوي وبدت تختفي ابتسامته وبعد عدساته عنها
سديم :ـ
أسير ناظرها : أنا بغرفتي تآمرين على شي
سديم تناظره وهو يوقف وقالت : وين الحين تجي اختك
أسير : لا مو مشتهي
سديم : اذا على الشهيه كلنا مو مشتهين
أسير :ـ
سديم : اقعد
أسير قعد علشانها
سديم كانت حاسه فيه وتمنت لو ماجد كان مثله كتوم








سلمى كانت تناظر أم مهند وتقول بهمس : ماتعرف للعيب والله
ام خالد : والله ماتوصل لدرجة ماتجيب هديه لشموخ اذا ماتستحي منها تستحي منكم على الأقل
سلمى ابتسمت سخريه : تستحي منا .. وتناظرها : والله لو جا هاليوم بعرف انها مو طبيعيه
ام خالد : والله انها حيه وتبين الحقيقه خايفه على شموخ منها
سلمى تاخذ من المعجنات : حبيبتي شموخ قاعده عندهم من اليوم لو بتسويلها شي كان سوته من قبل
ام خالد : بس الوضع اختلف وتدرين انها ماتبيها لمهند أخاف حقدها يوصلها لدرجه الجنون
سلمى : هي مجنونه من خلقها ربي
ام خالد اضحكت بعدها ناظرت أخت ام مهند : وأختها مثلها بس من تحت لتحت والله
سلمى : وييه ياام خالد لو بتتكلمين عنهم ماراح نخلص
ام خالد : وانتي الصادقه شفتي شلون الغت الكيكه كنه على كيفها
سلمى : أحسن أصلا شموخ كانت يالا يالا تلبسه الخاتم والعصير ايدي على قلبي لا تكبه صح اني زعلت يوم لغته بس وش بسوي يعني
ام خالد : الله يعين بس ..... أنا والله ماكنت اتمنى انها تكون هنا
سلمى : شلون يعني
ام خالد تناظرها بعد مااشربت من الشاي : ماكنت مأيده انها تقعد بهالبيت .. سديم ليش خلتها تجي أذكر انها قالت ماراح تخليها تروح أي مكان
سلمى بترقيع : والله شموخ من اطلعت من المستشفى بعد وفاة عمها جات لهنا وسديم ماعارضتها
ام خالد : اها









مهند : بيت خالتك سديم ماشفت أي واحد منهم
شموخ تاهت عدساتها
مهند يناظرها بتفحص
شموخ : خالتي تعبانه مااقدرت تجي وعنود اقعدت معها
مهند لاحظ توترها وتفاجئ اشوي من اللي قالته : خالتك بعد ماجات
شموخ ماردت اكتفت ببلع ريقها
مهند : علاقتك معهم متوتره وانا ملاحظ هالشي
شموخ حست بتلميحاته
مهند :ـ
شموخ بكل صعوبه بس قررت اتقول : ماراح أكذب عليك .. .. وناظرته بس ماكان نظرها محدد بمكان واحد : علاقتنا متوتره حيل
مهند شده كلامها
شموخ : راح أقولك كل شي وثبتت عدساتها بعدساته : حتى اللي سمعته بعرس منصور
شموخ كان الشي حيل صعب بس حست انه لو سوا أي شي ماراح تحس الحزن والهم فيها فيها وين ماراحت فأحسن تقوله وتريح نفسها وتريحه من الشكوك
كانت راح تتكلم بس قطع عليهم دخول ام مهند
شموخ يوم اسمعت صوت الباب نزلت نظراتها من مهند بعدها لفت نظرها لداخل
مهند أول ماسمع صوت الباب ناظر فيه وشاف امه
ام مهند ادخلت وسكرت الباب وبدون اسلوب قالت : يلا شوي يوصل منصور قم للرجال
مهند ماأعجبه دخول امه عليهم كذا وزياده على كذا الإسلوب سكت احترام لها لأنه لو رد راح يكون صوته شوي حاد فماحب يصير هالشي
شموخ بعدت نظرها عنها
ام مهند بحقد تناظر شموخ ماأقدرت تكتم أكثر وبشبه صراخ قالت : وانتي قومي
شموخ تقوم مهند ناظرها بعدها قام ومسك ايدها وبصوت خافت اشوي : وقفي اشوي وناظر امه : ولا يهمك يمى الحين طالع
ام مهند ناظرت بإيدهم بعدها ناظرت بمهند من فوق لتحت " يتعمد يجلطني " : بسرعه تراكم بحلوق بعض 24 ساعه بس راح تكون في شروط وقوانين بس خل الناس اتروح والتفتت اطلعت
شموخ جاها الضحك ليش ماتدري بس شكل أم مهند فقعها ضحك لآكنها اكتفت ببتسامه تكتم ضحكتها " على لعانتها الا انها أكثر وحده تخليني ابتسم من قلب "
مهند يوم اطلعت امه ناظر شموخ وشاف ابتسامتها رسم ابتسامه بسيطه تساؤل وهو يعقد حواجبه اشوي وناظر الباب بستغراب امه ماسوت شي يضحك
شموخ يوم انتبهت لنفسها خفت ابتسامتها








رآما تحاول ترفع رجلهاعلى الأقل بس ماأقدرت وبكت وهي تحاول وتحاول لاكن من دون فايده


برآ بالصاله اللي فوق ام وابو رياض ولورآ قاعدين هناك
اما رياض وسهى كلاً راح بيته وغلا جا زوجها تحمدعلى راما بالسلامه ومشو للحسا
ابو رياض : راح تبدا بالعلاج من الإسبوع الجاي
لورآ : ان شاءالله
ام رياض والعبره خانقتها : ان شاءالله ترجع مثل أول
: ان شاءالله
الجو كان كئييب بعدها قام أبو رياض : أنا بروح أنام لأن الصبح رايح مع رياض نشيل العفش اللي تركناه ورانا
ام رياض : زين تصبح على خير
لورآ : تصبح على خير يبى
أبو رياض : وانتم من أهل الخير
راح أبو رياض ولورآ قاعده حزنها على اختها كان كل تفكيرها بعدها تذكرت وناظرت أمها قالت بصوت هادي : أي يمى بكرى خوياتي جايات يسلمون على رآما
ام رياض : الله يحييهم أم مرعي بعد جايه بكرى
لورآ :امم
ام رياض : بس يمى لا اطولون عند أختك شوي واطلعو الصاله أو غرفتك أي مكان تبينه
لورآ : ان شاءالله يمى أهم شي يجون لأني بالحيل متضايقه وأبي جو بالبيت
ام رياض : طبعا ً بكرى رايحه الجامعه
لورآ : لو علي مارحت بس هذا اليوم ويالا ماعندي عذر مقنع
ام رياض : زين يلا قومي نامي
لورآ : زين
ام رياض تقوم : كلي أي شي قبل تنامين مع الحوسه نسينا نحط عشا
لورآ : لا يمى عادي أصلا مو مشتهيه
ام رياض : قولي لمارلينا وماري ينامون خلهم يرتاحون من اليوم وهم قايمين
لورآ : ان شاءالله يمى
ام رياض راحت تشوف رآما ولورآ تمت مكانها








مزنه " آه ياتركي صاير كل تفكيري "
منار: مزوون
مزنه ناظرتها بملل : انتي وش تبين الحين
منار اقعدت جمبها : I don't want something
مزنه: زين روحي من عندي الواحد مايرتاح بروحه
منار : No
مزنه تنهدت بزهق منها
منار : أقول
مزنه سافهتها وتناظر بنوري ومريم ومها اللي كانو رايحيين المطبخ
منار : مزنه لا جد هالمره بتكلم معك صدق
مزنه استغربت من هدوء منار مو من عوايدها ولفت ناظرتها
منار : اتركي عنك العناد خخلاص ترى شكلك صار مفضوح
مزنه : واللي يسلمك على بالي عندك سالفه يلا روحي
منار : راح تندمين صدقيني
ممزنه خزتها وبحده : قومي من عندي يلا
منار انقهرت منها : براحتك .. بس اعرفي ان فارق السن البسيط اللي بينكم مب حجه علشان ماتقبلين
مزنه بقهر : ماشاءالله الأخبار كلها عندك أشوف لسانك ماترك القافه
منار : شي مايخصك وأمر بأخواني أكيد بتلقف فيه وراحت وهي متنرفزه " مسويه ثقيله خل ثقلك ينفعك "
مزنه تنرفزت منها " ملقوفه "



عند مها ونوري ومريم وام منذر وام فارس
مها : يمه وين انحط السفره
ام منذر : خل العرسان يطلعون من المجلس أول هناك بناكل حنا وانتم بالصاله
مها : اها
نوري تهمس لمريم : ياالله ياكرهي لهم
مريم : هذي أختها توني أعرف انها ام مها نسيت
نوري : الا أمها وهذي اللي تحط السلطه مرت خالهم
مريم : اها
نوري : كنهم خوات كلهم شياطين
مريم :خلاص سكتي مها تناظرنا
نوري اسكتت
مها حست انهم يتكلمون على امها ومرت خالها بس سوت روحها ماشافت وابتسمت وهي تقول : وش فيكم واقفات هنا
مريم ترد لها الابتسامه : لا بس حبينا نساعد
مها : الحين مافي شي نسويه منصور ماوصل والعرسان بالغرفه
نوف تدخل وشافتهم واقفين : مافي شي انسويه
مها : خل العرسان يطلعون بالأول لأن بنحط سفرة الحريم وحنا راح ناكل بالصاله
نوف : اها ترى طلع مهند قبل اشوي
مها : والله زين يلا وتلتفت وهي تشيل السفره
ام فارس : خلاص
مها : ايه طلع وتمشي
نوري تسحبها منها : عنك انا بحطها
مها عطتها : تسلمين
نوري اكتفت ببتسامه وراحت
ام منذر : يلا شيلو السلطات والملاعق الصحون كل شي قدامكم ونادو حتى ميار تجي تشيل
مها : ميار راحت مع خالي عند الرجال
ام منذر : وش اتسوي عند الرجال
مها : كانت تبي تدخل عند العرسان وخالتي هيا عصبت منها واضربتها واقعدت تصيح ماسمعتوها
ام فارس : الا والله سمعتها
مها : وجا خالي خذاها معه
ام منذر : ولا ماتنلام تعصب اختي
ام فارس : من جد
ام منذر ملامحها متحوله لقرف هي وام فارس بعدها يوم انتبهت لمريم ونوف دزت ام فارس تنبها








سلمى يوم شافت شموخ اطلعت أشرت لها تجي
حنان اقعدت عند امها
ام خالد تناظرها : انتي ليش ماتروحين اتشيلين مع خلق الله
حنان : مابي يمى بقعد معكم
سلمى : اقول قومي يلا
حنان : عمتى بلييز
شموخ اوصلت لهم
سلمى تأشر لها تقعد بينها وبين ام خالد
ام خالد : انتي قومي شيلي مع البنات يلا
حنان : وييه يمى يعني انا بأثر عليهم بقععد اسمع
ام خالد : وش تسمعين
حنان : اللي راح تتكلمون فيه وبمزح : بعدين انتم ليش ماتقومون تشيلون
ام خالد اقرصتها بذراعها: قومي يلا وعن طوالة اللسان
حنان تحك مكان القرصه : آح يمى والله ماأقصد شي وقامت : بعدين المطبخ منزحم ناظرو مزنه عند الباب
حنان اقعدت اتقرقر على راس أمها ولا راح ننتهي
شموخ : بديت أتضايق من الفستان
سلمى : ليش
شموخ : نهاية السحاب فيه شي يعور من يوم لبسته حاسه فيه
سلمى : زين ليش ماقلتيلي أقص طرفه
شموخ : ماجا على بالي وبعدين الجو حيل بارد
سلمى : خلاص اشوي وتنزلينه بعد العشا الكل رايح
شموخ تكتفت لأنها كانت بردانه حدها
حنان انتهت نقاش مع امها وراحت بتأفف وام خالد لفت عليهم
سلمى : خالتك غريبه مادقت خلني ادق عليها
شموخ ناظرتها : اكيد مشغوله لا ادقين
سلمى بعدت نظرها عن شاشة الجوال لها
شموخ : خلاص هي ادق علي وقت مافضت
ام خالد حست انها تقوم احسن علشان ياخذون راحتهم وقامت : يلا انا بروح اشوف وش عندهم
سلمى : زين
ام خالد راحت
شموخ تناظر خالتها ببتسامه بعدها نزلت نظرها للفستان وهي تقول : هذا اللي لبستيه بملكة خلود >> خلود وحده تصيرلهم من بعيد <<
سلمى تحط اصبعها على فمها : سكتي الله يصلحك
شموخ يووم استوعبت اضحكت على خفيف
سلمى : والله الخبر كان مفاجئ ولا استعديت ولا شي.. مره كنت بروح السوق بس انشغلت ومن بعدها ولا طبيت السوق مره ثانيه فيوم قالو عن ملكتك دورت
مالقيت شي اعجبني وقلت البس هذا
شموخ : لا بالعكس أصلا ماعرفته الا الحين صاير أحلى عليك
سلمى تحمحم : الجسم تصلح أول بالكرشه علشان كذا
شموخ : امم
سلمى : المهم سكري على الموضوع لحد يعرف انه قديم
شموخ : وش عليك منهم بعدين مالبستيه الا مره وحده
سلمى : لا لبسته بعرس بنت جارتي بعد
شموخ : حللتيه
سلمى اضحكت اشوي بعدها : ان شاءالله بعرسك اتشوفين فستان مصمم لعرسك خاصه
شموخ اكتفت ببتسامه
سلمى مبتسمه لها وارفعت ايدها تداعب خصلات شعرها وهي تقول : والله وكبرتي ليت أمك كانت معنا وتشوف شلون تغيرتي وصايره سعاد صغيره
شموخ الكلام غير ملامحها لحزن وقالت تغير الجو بس من دون ابتسامه : أنا من يومي أشبها
سلمى بعدت ايدها عن خصلات شموخ وهي تقول : بس بالمكياج أكثر الصراحه راحه
شموخ اكتفت ببتسامه بسيطه على كلام خالتها بعدها قالت من دون ماتحس : أنا أبيهم يشوفون شلون صايره حياتي
سلمى ناظرتها بهتمام
شموخ عيونها تلمع وشدت على ايدها : حياتي صايره ماتنطاق ابد
سلمى حطت ايدها على ايد شموخ
شموخ ناظرتها وبعدت عدساتها عنها على طول ودموعها انزلت وكاتمه شهاقها
سلمى شالت ايدها عن ايد شموخ وقربتها منها ادفنت راسها بصدرها وهي تمسح على شعرها وتذكرت كلام سديم قالت وهي
تمسح على راسها بحنان : مافي انسان طول حياته فرحان ومبسوط
شموخ ضمت شفايفها لبعض وغمضت عيونها تنزل باقي دموعها
سلمى بعدتها عنها وارفعت ايدها لوجها تمسح دموعها وهي تقول : ومافي انسان طول حياته حزين ومهموم
شموخ امسكت ايد خالتها بعدتها وجها وهي شاده على مسكها لها وقالت : مااتوقع في احد تحمل حياته كثري اللي مثلي اكيد ينتحر
سلمى اصدمتها الكلمه الاخيره وبحده : لا ياحبيبتي الحل مو بالانتحار
شموخ بعدت عدساتها عنها
سلمى : ولو عدتي هالكلام ماراح اتعامل معك بهالاسلوب وش يستفيد الواحد لا انتحر ودخل النار
شموخ تسحب ايدها من ايد خالتها تمسح دموعها وبصوت هادي : خلاص خالتي بليز
سلمى كان صوتها خافت بس حاد اشوي : لا تسمعيني
شموخ تنهدت
سلمى : اللي تقولينه الحين مايصير واسمه اعتراض على قضاءالله انتي اصبري واحتسبي مافي شي أحسن من تقرب العبد لربه صدقيني ترتاحين
شموخ تناظرها بتفحص بعدها قالت : انتي من طريقة كلامك كأنك تعرفين كل شي
سلمى اسكتت
شموخ : وش اللي تعرفينه
سلمى ماقالت شي
شموخ بتأكد : خالتي سديم قايله لك شي
سلمى كانت ساكته لآكن شموخ اعرفت الاجابه وقالت : من متى تعرفين
سلمى : مايهم الحين الكلام اللي قلتلك اياه جربيه أي شي يصيرلك او تحسين بضيق قومي وصلي ركعتين افتحي القرآن ادعي استغفري ياما ناس
تغيرت حياتهم بالاستغفار
شموخ تحط يدينها عل ذراعها بموت من البرد وقالت : اخربت علاقتي فيها بالحيل
سلمى احزنت عليها حيل وابلعت غصتها أول مره تحس ببنت أختها هالكثر ابد ماعمرها كانت قريبه منها واسمعت لها
شموخ : وحتى نوف انقطعت علاقتي فيها كل اللي متمسكه فيهم معد صارو حولي وانزلت دمعتها من جديد وامسحتها على طول علشان المكياج
سلمى انصدمت وعقدت حواجبها : ليش وش صاير معك ومع نوف
شموخ : ماراح اتشوفينا مع بعض ابد
سلمى: انا اقولك وش اللي صاير
شموخ تغيرت ملامحها من الحزن الى حقد : دام علاقتنا بالنسبه لها رخيصه فأنا أشوفها ارخص من نظرها هي
سلمى انتبهت لنوف طالعه من المجلس وناظرت فيهم بس جات عينها على سلمى
سلمى تمت تناظرها ثواني بعدها قالت وهي تحول نظرها لشموخ : راح تتكلمين ولا
شموخ : لا
سلمى :ـ
شموخ تهز رجلها فوق تحت
سلمى : براحتك بس اذا بتقولين شي لا يردك الا لسانك
شموخ تقوم : بردانه حيل بروح اجيب شي احطه علي
سلمى تقوم : زين انا بالمطبخ
شموخ راحت وسلمى تمت تناظرها لين اطلعت لفوق " الله يهديك بس " والتفت للمطبخ









مهند يوم رجع عند الرجال شاف ابو ماجد وتفاجئ وجا ابو ماجد سلم عليه وباركله
مهند : وين الشباب ماشفناهم عسا خير
ابو ماجد بترقيع : ماجد كان مسافر كم يوم واليوم راجع واسير قعد مع امه تعبانه اشوي ولا اقدرت تحضر
مهند : اها ماتشوف شر ان شاءالله
ابو ماجد : الشر مايجيك .... عاد غريبه مااتصلو فيك
مهند : والله مشاغل الدنيا كثير بعدين أنا مانب يم الجوال مدري وين حاطه ويناظر مكان ماكان جالس ماشاف شي
ابو ماجد : يلا عن أذنك
مهند : أذنك معك
ابو ماجد صد عنه ببتسامه وراح
مهند كان مبتسم له واختفت ابتسامته بالتدريج " وش الموضوع .. حتى أبو ماجد مـ
قطع عليه فكره نايف : يبو الشباب
مهند التفت : هلا نايف
نايف : أقول نزل هالبشت عنك وامش كل
مهند : يلا جاي
نايف : على فكره توني أشوف أبو ماجد زين وينهم ماجد وأسير
مهند : بقولك بس وينزل البشت : شفت جوالي
نايف عقد حواجبه اشوي ويلف نظره يمين يسار : لا والله وين حاطه انت
مهند : والله مدري
نايف : وش كنت بقولك أبو محمد كان يدور عليك
مهند : اها على بالي ماراح يجي ومشى
نايف رفع حاجبه : ليش مايجي هذا أول واحد خوي المرحوم الروح بروح
مهند رفع ونزل حواجبه بإيه ورسم ابتسامة سخريه : معك حق وحط البشت على الجلسه وانتبه لجواله وشاله
نايف وصل له وحط ذراعه على كتفه يتسند : لقيته
مهند شاف 6 اتصالات وعقد حواجبه
نايف يناظر فيه : وش فيك
مهند بستغراب : ابد بس جايني اتصالات من الشركه
نايف : وزين
مهند يدخل الجوال بجيبه : يعرفون ان اليوم مابي أي ازعاج
نايف يبعد عنه : يمكن في شي ضروري
مهند شاف أبو محمد قاعد بوحده من السفر ياكل ورسم ابتسامة سخريه وهو يقول ويأشر بعيونه : شايف هذا
نايف ناظر بالمكان اللي يناظر فيه مهند : من
مهند ماتكلم
نايف بتردد : تقصد ابو محمد
مهند يناظره : بالضبط
نايف ناظره : وش فيه
مهند : هذا الأخبار كلها عنده لو صاير شي بالشركه معقول مايخبرني .. هه وبعد نظره عنه
نايف عقد حواجبه : وش اللي صاير لك كنك تلمح لشي
مهند : ماألمح الشي بس أقولك انه مسيطر على الوضع وشوي ويرميني برآ وياخذ محلي
نايف : اها
مهند حط ايده على كتفه : امش يلا









أفنان كلمت لورآ بعدها سكرت منها كانت قاعده بروحها بالصاله
اقعدت اشوي وهي تناظر التلفزيون بعدها قامت وسكرته وانزلت تحت تتعشى مع اهلها







المها كانت تذاكر بس عقلها كل مره يروح بعيد " العنود تستاهل كل خير لولا وجود الهنوف بس كان كانت علاقتي فيها زينه "
تنهدت بملل بعدها امسكت جوالها وقالت ترسل لها كبدايه وتشوف ردها
لأنها قررت تنسى سيف ومااتعبت حيل بنسيانه لأن هذا اللي لازم يصير







العنود كانت قاعده بالكنب وحاطه ايدها على جمبها بألم وجها كان أحمر ومغمضه عيونها
سيف فتح عيونه بعد ماغفى اشوي وقعد حس بالعطش والحر ناظر بالمكيف وبصوت ريح : وش فيه حار
حمحم ونزل نظره لجهة العنود ماشافها واستغرب بعدها قم من الفراش


العنود وعلى نفس قعدتها اسمعت صوت جوالها رساله بعدها اسمعت صوت الباب وتمت مثل ماهي
سيف شاف راسها بالصاله وراح لها : العنود
العنود وعلى حالها : همم
سيف قرب لها بعدها شاف حالها وعقد حواجبه : وش فيك ؟
العنود : تعبانه اشوي
سيف مشى لين قرب منها وقعد وهو يبعد ايدها عن راسها : لا يكون شي بالبيبي
العنود تفتح عيونها بتعب وعدساتها ماكانت تناظره : لا تخاف شي طبيعي
سيف : زين ليش مادخلتي الغرفه قومي ارتاحي
العنود تحرك راسها بلا
سيف قام ويقومها معه : قومي قومي السرير أحسن لك
العنود ثابته مكانها : سيف الله يخليك مابي ادخل الغرفه
سيف تركها
العنود تأشر : ممكن تجيبلي جوالي
سيف مشى خطوه لطاوله خذا جوالها ومده لها : بتتصلين على من بهالوقت
العنود : ماراح أتصل على أحد جاتني رساله بس
سيف : زين انا بروح أشرب ماي تبين أجيب معي شي
العنود ناظرته : لا تسلم
سيف ابتسم لها وراح
العنود غمضت عيونها وهي تصلح جلستها وتتألم : آه
بعدها افتحت الرساله
كان في رسالتين الأولى من الهنوف والثانيه من رقم غريب
افتحت رسالة الهنوف أول
" أقول شكلك تدلعين من شنو تعبانه ولاده مب الحين يعني هذا كله وسواس " وحطت فيس ماد لسانه "
يلا تصبحين على خير حدي نعسانه " وحطت فيس يبوس "
العنود تحرك راسها ببتسامه بسيطه " هو وقت مزحك ياالدبا " سكرتها وراحت لرقم الغريب افتحت الرساله
" السلام عليكم .. أخبارك ؟؟
أممم أكيد ماعندك رقمي بس أنا المها وحبيت أسلم عليك وأقولك انتبهي لنفسك وللبيبي أو ان شاءالله يكون عمر
ماتكون بنوته ماشاءالله زهقنا من البنات ^_^ .. آسفه عطيت نفسي وجه أكثر من الآزم بس تذكرتك الليله وماحبيت انام الا وانا مرسله لك
مع السلامه "
العنود تفاجئت حيل من الرساله وتمت تكرر تقراها أكثر من 3 مرات آخر مره قرتها انرسمت ابتسامه واسعه بوجها
" معقول هذي المها أكيد غلطانه "
وتناظر زين
" لالا هنا كاتبه عمر هذي المها معقول "
اسمعت صوت خطى سيف ولفت هي تقفل الرساله : ماراح تنام وشافت جايب معه فراش وغطى ومخده
العنود تحولت ابتسامتها لتساؤل : ليش جايب هذا
سيف : والله السبب الأول علشان لا أكذب عليك الغرفه حاره
العنود ارفعت حاجبها : اييه
سيف يحط الفراش : والسبب الثاني خله بعدين
العنود تقوم وهي حاطه ايدها على جمبها : خله لك مابي اسمعه
سيف ضبط الفراش بعدها ناظرها : أفا ليش الزعل
العنود : حظك ماراح أزعل منك الليله لأني مبسوطه ومابي أعكر مزاجي
سيف ببتسامه جانبيه : الحين وش اللي اقلبك فجئه
العنود اقعدت بصعوبه على الفراش وبدلع : شي مايخصك
سيف : اها ... انا عارف انها أختك أكيد علشان كذا ماراح أدخل وقعد
العنود تناظره : يقول اختي وحده أي وحده فيهم
سيف بتمسخر : لي في غيرها
العنود : ماحزرت اذا تقصد الهنوف ماحزرت
سيف رفع حاجبه : اها اجل اكيد أنا
العنود ادفه من كتفه وتبعد نظراتها عنه وهي تنسدح
سيف : مب أنا
العنود : لا .. ماراح أقولك
سيف : زين أهم شي كسرتي خاطري بآخر هالليل وينسدح
العنود يوم حست فيه ملاصق لها افتحت عيونها واقعدت
سيف عقد حواجبه
العنود تناظره : سيف قم جيب لك فراش ثاني
سيف : ليش هذا مايكفي
العنود : لا تبي تموت عمر وهو تو ماانخلق
سيف يقعد : وش قصدك
العنود : أقصد روح جيب فراش ولا تلصقه جمبي انكتم بسرعه
سيف تم يناظرها
العنود بعدت نظراتها عنه
سيف يقوم : الليله كسرتي خاطري وجرحتيني بعد
العنود تنسدح : مع نفسك
سيف : والله ماكنت اعرف ان الحامل يطلع منها كل هالدلع
العنود تلتفت للجهه الثانيه : ماشفت شي بكرى بقولك ابي كيلو مشمش لأني نفسي فيه
سيف : نامي نامي يصير خير بكرى وراح
العنود تذكرت رسالة المها وابتسمت من قلب وغمضت عيونها تنام


شموخ بعدت عن خالتها بعد ماسلمت عليها بحراره : الحين رايحين الخبر
سلمى : ايه أكيد
شموخ وهي تحط يدينها على ذراعها كانت حاطه على نفسها شال أسود : تعب حيل وبكرى دوام غريبه خالي ماقالك يلا
سلمى بضحك مع السخريه : خالك سبقنا من انتهى من العشا
شموخ : اها
سلمى : وبرجع مع سعود
شموخ ببتسامه بسيطه : ياالله من زمان عنهم سلمي عليهم اكثير
سلمى : ان شاءالله يوصل
شموخ : من جا معك بس سعود
سلمى : ومالك طارق اعتذر قال عنده دوام وماجا معنا
شموخ : ماشاءالله الله يوفقه
سلمى : أجمعين يارب العالمين
شموخ : آمين
سلمى تسمع صوت جوالها : أووه هذا أكيد سعود
شموخ : يلا لا تتأخرين وراكم مشوار
سلمى ارفعت ايدها لخد شموخ تتحسسه وهي تقول : ان شاءالله الاسبوع الجاي بنزل ونقعد سوا طول الأربعا والخميس والجمعه
شموخ افرحت وردت مبتسمه وهدوء عكس الفرح اللي فيها : صدق
سلمى تبعد ايدها عن خدها : ان شاءالله أشوف راح أتصل عليك واعطيك خبر وأصلا لا تنسين ادقين علي كل يوم أي شي يصير معك أبي أعرفه
شموخ : ان شاءالله وضمتها تبي تحس بالحنان
ثواني بعدها بعدت عنها وسلمى تقول : للحين في خطوط حمرا ماتتجاوزينها
شموخ عقدت حواجبها بعدم الفهم
سلمى بصوت أخفت : غرفة النوم ممنوع تقربين منها
شموخ صبغ دمها بوجها وتناظر خالتها بعين مفتوحه
سلمى : أي عاد مو تاخذين راحتك للآخر
شموخ بقمة الحرج : خالتي انتي وش تقولين معقوله تقولين لي شي مثل كذا
سلمى : مو بس من طرفك ماتدرين
شموخ تلف اشوي وهي تبعد نظرها عنها وضمت يدينها لبعض
سلمى ابتسمت وسلمت عليها مره ثانيه وودعو بعض واطلعت
شموخ تسكر الباب وتمت مكانها وقلبها يرقع " خالتي منتي صاحيه ابد "











عند الرجال فضى المجلس مابقى الا نايف وزايد وراشد ومنصور ومهند وابو محمد
ومنصور دق على مها قالها تجهز









عند الحريم مابقى الا عايلة راشد وام منذر اللي راح تقعد الليله هنا منها تودع بنتها ومنها تقعد مع اختها
اما بيان أخت مها ودعتها وارجعت للبيت مع أخوها وأبوها علشان الدوام بكرى
نوري : شموخ قومي نطلع غرفتك اشوي
شموخ تناظرها بعدها ناظرت نوف بعدها ارجعت ناظرتها : ليش
نوري تسحبها : قومي أبيك انتي ونوف اشوي
شموخ : قلتلك هالموضوع يتسكر
نوري بملل : ياالله منك شموخ شكثر عنيده قومي وتناظر نوف وتأشر لها قومي
شموخ ترددت بعدها قامت
نوف يوم شافتها قامت قامت هي بعد
ام نايف تسكر من زايد : وين رايحين الحين يدقون أخوانكم وأنا صوتي ينبح وأنا أنادي عليكم
نوري : لا يمى بس ثواني
ام مهند كانت بعالم ثاني
ام منذر تدزها : وين سافرتي
ام مهند بنرفزه : سكتي فاطمه مب رايقه لك الحين
ام نايف تناظرهم اثنينهم بعدها شالت جوالها ادق على واحد من عيالها
صارت علاقتها بأم مهند مب مره خاصه يوم جات الحين ماتدري ليش سافهتها ولا تعطيهها وجه
والسبب انتم تعرفونه لأنها مااعزمتها للإستراحه شالت بقلبها اما ام نايف ماتدري عن شي ولا جا على بالها
بس اللي اعرفته ان ام مهند متضايقه من مناسبة اليوم وحست انها حنت على شموخ حيل ماتتمنى لها الأذى مو حبا ً لها كانت ماتحبها بس بنفس الوقت ماتكرها ولا
تتمنى لها الشر









نوري خلت شموخ تدخل الغرفه وراها نوف وسكرت عليهم الباب
نوري تدعي بقلبها يارب يتصالحون
نوف : شموخ ممكن تسمعيني هالليله بس
شموخ : لا تخافين نوف وناظرتها ونظراتها كانت كلها حقد : أسير معد صار يهمني وأنا قلتلك هالكلام من قبل لا أكتشف خيانتك
نوف يوم تسمع كلمة خيانه تنجن قالت بحده : بس لا تقولين لي خاينه مره ثانيه تسمعين
شموخ تمت تناظرها من دون ماترد
نوف بنظرات حاده : خلاص اذا هذا اللي تبينه أنا موافقه ولا راح تسمعيني أكلمك مره ثانيه ولا شفنا بعض بينا السلام وعليكم السلام
والتفتت ودقت اللباب بقوه : نوري افتحي لا أتوطى ابطنك
شموخ بتردد بعدها : وانتي أتمنى ماتحلمين اكثير لأنه راح يتزوج لميس
نوف ناظرتها بصدمه
شموخ رسمت ابتسامة احتقار بوجها بعدها التفتت
مها كانت طالعه من غرفة ميار لأنها نومتها وناظرت بجة غرفة شموخ بحواجب معقده
نوري : أووووووف ويوم شافت مها ابتسمت برتباك والتفتت افتححت الباب
نوف على طول افتحت الباب وبنظرات حاده لنوري اطلعت من الغرفه
نوري ترفع عدساتها لسقف وادخلت لشموخ
شموخ قطت الشال على الأرض ويوم شافت نوري من المرايه قالت بحده : آخر مره تدخلين زين
نوري : آسفه ولا راح أدخل بينكم مره ثانيه
شموخ : يكون أحسن وراحت للكرسي اقعدت تنزل كعبها
مها ماتدخلت وراحت لغرفتها تكمل الأغراض
نوري سكرت الباب وقالت : بس اللي لازم تعرفينه انها هي حبته قبلك علشان كذا لا تلومينها
شموخ ماحاولت حتى تسمع : سكري الموضوع آخر مره أقولك وقامت ناظرتها : بعدين أسير ماصار يهمني انا الحين وحده متزوجه وأسير خله لها والتفتت للمرايه وهي
تنزل حلقها كانت متنرفزه حيل وامر نسيانها لأسير ماكان مزحه لأنها جد بدت تمحيه لأنه جرحها اكثر من مره وهالنوع مايستاهل أحد يتعذب علشانه
الانسان عنده كرامه ومستحيل يركض ورا واحد مايستاهل حبه
نوري : زين أنا آسفه
شموخ حطت الحلقان وبدت تنزل السلسال
نوري تتقدم لها : أساعدك
شموخ : لا شكرا ً
نوري اوصلت لها وقالت : عاد أنا وش دخلني تزعلين مني قلتلك آسفه ومعد راح أفتح الموضوع انتم براحتكم تبون تتصالحون تصالحو وخبروني ماتبون بطقاق
شموخ : من قال اني زعلانه منك وتنزل السلسال
نوري : يعني وش دراني عنك
شموخ تلتفت لها : متنرفزه منك لا أكثر
نوري : مالت عليك وتناظرها من فوق لتحت : كنك قصرانه
شموخ ارفعت حاجبها
نوري انتبهت لها : ادري منزله الكعب بس أنا مب لابسه كعب وتوقف جمبها وبتمثيل الصدممه : أوووه ياادبا صايره أقصر مني
شموخ تناظر بدون اهتمام للموضوع بعده التفتت للمريه وهي تقول بقلبها " يازين الناس الرايقه " وحطت ايدها على أسورة خالتها سديم تبي تنزلها بس تمت تناظر فيها من المرايه
وتاركه نوري تتكلم مع نفسها بس انتبهت وهي تسمع نوري تقول
نوري : لازم ألقى حل لهالطول ترى شوي وأوصل فهد حرق قلبي يوم قالي وقالت بستصغار مقهور : طولانه
شموخ اكتفت ببتسامه وهي تحرك راسها " لا حول ولا قوة الا بالله " وتركت الاسوره بإيدها










رآما طول الوقت وهي تنزل دموعها وتبكي بشهاق
تحاول ترفع رجلها بس ماأقدرت حتى تحركها يمين او يسار
كانت شبه مسدوحه وحيل متضايقه وصارت تبكي بصوت مسموع لاكن الكل كان بغرفته الا أم رياض
كانت راح تنام بالصاله لأنها اتركت باب غرفة راما اشوي مفتوح بس انها جاعت وانزلت تسوي لها بيض
وتشوف رآما اذا تبي تاكل معها
رآما صوت شهاقها كان عالي مدت ايدها تاخذ أي شي قريب منها وترميه على الباب وتصرخ : ماأبي اتم كذا ...... مابي مابي
ام رياض كانت تحت ماكانت سامعه زين بس حست واطلعت من المطبخ وهي تسكر الغاز
لورآ للحين مانامت واسمعت رآما واطلعت من غرفتها وتقابلت مع امها
لورآ بخوف ودموعها بعيونها : يمى
ام رياض راحت لها ولورآ الحقتها
ادخلو عليها كانت تجرح وجها بأظافرها وتصارخ
ام رياض راحت لها بسرعه وضمتها لها ودموعها تتجمع : بسم الله عليك يمى اهدي
رآما نقص صوت شهاقها وهمست : يمى مابي اتم كذا وتضمها بضعف : .. صرت مقدر أحرك رجليني ليش
لورآ ماتحملت تشوف أختها كذا واطلعت من الغرفه راحت غرفتها واقعدت تبكي
اما ام رياض فتمت عند رآما تهديها وتقرآ عليها












شموخ البست بلوزه نص كم شيفون ساده لونها وردي وتنوره سكيني ساده لركبها لونها أسود تحته هيلا هوب أسود ساده
و شعرها اتركته نفس ماهو واسورة خالتها تمت بإيدها وطقم خالتها سلمى ارجعت البسته
والميك اب مسحته واكتفت بقلوس وردي خفيف مع الكحل اللي ماراح كله وبلشر وردي
يوم انزلت ماشافت الا أم منذر وام مهند وتاهت عدساتها اشوي لأنها اعرفت انهم يتكلمون عنها
مااقدرت تغير طريقها وتروح انزلت وقالت تبعد توترها : راحو بيت عمي
ام مهند تناظرها من فوق لتحت بستحقار وام منذر نفس النظرات
شموخ ابلعت ريقها وارجعت خطوه لورآ تغير مسارها للمطبخ
واسمعت صوت خطوات نازله وناظرتها بعدها ابتسمت وشافتها تسكر عبايتها : ماشين
مها تحط الشيله على كتفها وترد لها الابتسامه : ايه بعد اشوي
ام منذر بهمس : هيا انتي تغلين فيني قدر تحركي سوي أي شي لو سبيها بردي قلبي
ام مهند وهي سارحه بعالم الشياطين ردت عليها ببرود : مالك خص وتبين تبردين قلبك تكلمي انتي
ام منذر تأففت : أنا وش علاقتي فيها الـ
ام مهند سفهتها
ام منذر تنهدت بنرفزه منها










بمجلس الرجال
أبو محمد واقف عند الباب ويتكلم مع مهند ومنصور
منصور أبد ماكان طايق وجوده وواضح عليه اما مهند كان مبرد اعصابه
ابو محمد سلم على منصور سلام الوداع وبعد عنه : ان شاءالله انزورك بالرياض
منصور اكتفى ببتسامه مجامله
ابو محمد : انتم مب طبيعين يعني شايليني بقلبكم لأني كاتب
مهند قاطعه : واللي يسلمك لا تفتح الموضوع
ابو محمد ناظره
مهند ببتسامه احتقار : اذا ممكن
ابو محمد ولع فيه بركان من نظرات مهند له وشد على ايده والتفت رايح : أنا اترخص الحين
مهند : أوه نسيت أسألك وش صاير بالشركه
ابو محمد دق قلبه لأن اليوم كان في بضاعه اوصلت ولف ناظره وقال وهو يبعد توتره : وشلون مافهمت
مهند : والله وانا مب فاهم على أساس مابي أنا ازعاج اليوم جايتني 6 اتصالات
ابو محمد بشكك واستغراب ناظر مهند بتفحص : شلون
مهند استغرب منه هالقد مب فاهم عليه ورد : شكله مب صاير أي شي خلاص مشكور
ابو محمد تم يناظر فيه بعدها التفت راح
منصور عقد حواجبه ولف وجهه اشوي ونظره بأبو محمد : حسيت باللي أحس فيه
مهند بشكك من نظرات أبو محمد الأخيره رد على منصور : وش تحس فيه
منصور : ماادري وناظره : بس هالرجال لازم يتراقب مو مطمن منه أبد
مهند :ـ
تمو ساكتين ثواني بعدها حط منصور ايده على كتف مهند : يلا حنا لازم نمشي
مهند ناظره ببتسامه : الله معكم وضمه










أسير طلع من التواليت وانسدح بسريره : آه
لف يمينه وانتبه لجواله ينور تذكر انه حاطه صامت ومد يده سحبه له ببرود
رساله من " نوف "
أسير فتح الرساله بعدم اهتمام وصار يقرآ ثاني كلمه قراها خلاه يفتح عيونه بعدم استيعاب وقعد وهو يقرآ مره ثانيه
" انت أحقر انسان شفته بحياتي ماعندك ذرة مشاعر ياحقير الله ياخذك
تستهبل ولا تلعب على من انت بس لا مب أنا اللي تلعب عليها ماتستاهل نسبه وحده من مشاعري لك ولا من مشاعر شموخ
حقير واطي
حرقت قلب شموخ بعدها أنا ومن بقى لميس هه الله يهنيك فيها دامك تحبها ليش تكلمني وتسأل عن شموخ
لعب يعني ولا شلون أبي تفسير لهالشي لأنه مو معقول تكون تحب لميس وتكلمني لأن مالي أي علاقه فيها لا من قريب ولا من بعيد
بس مثل ماقلتلك مب علي يا أسير أنا في البدايه توقعت انك تحبني بس بعدين تأكدت انك هايم بشموخ
ولغرورك ولعبك ببنات الناس ربي جازاك شموخ تزوجت وحبك لها حلم وراح يظل حلم لين تموت فهمت لين تموت
ولا تحسبها تفكر فيك لأنها نستك قريت نستككك ولا تبي حبك اللي انت اتسميه حب مدري وش تعريفه عندك
الله ياخذك وينتقم منك "
أسير يوم انتهى من الرساله مسح الرساله بكل برود عكس النار اللي كانت تغلي داخله رجعه للكومادينه وانسدح
لاكن رسالة نوف كانت تمشي قدامه وخاصه مقطع نسيان شموخ له












نوف رمت كل شي على التسريحه وعطوراتها تكسرت " حقير الله ياخذك " واقعدت على ركبها وهي تدفن وجها بكفينها وتبكي بهمس مع شهقات











منصور سلم على الكل وطلع لسيارة
مها ضامه أمها وتبكي
شموخ عيونها ثابته فيهم
ام منذر دموعها تنزل بهمس وتمسح على راسها : يلا حبيبتي لا تنسين تتصلين أول ماتوصلين
مها تبعد عنها : ان شاءالله ياالغاليه وحبت راسها وارجعت ضمتها
شموخ ابلعت غصتها ونظرها متحرك يمين ولا يسار

شموخ تضم أمها وتبكي : يمى بروح أحج معكم
سعاد شوي واتصيح مع صياح شموخ وبعدتها عنها : ان شاءالله يوم تكبرين بعد اشوي ناخذك معنا
شموخ : لا تتأخرون علي مقدر أصبر دونكم
سعاد باست جبينها : ان شاءالله وبعدين بتقعدين في بيت عمك معاذ
شموخ تحرك راسها بلا : دونكم ماراح أحس بالوناسه الله يخليكم لا تنسوني كل يوم اتصلو علي
سعاد : معقوله ننسى
شموخ ناظرت أبوها وراحت ضمته وهو باس راسها وبعدها عنه وهو يمسح على راسها : لا تنسين اللي قلنالك اياه لا اتعبين عمك من كثر الطلبات
شموخ : ان شاءالله
ناصر : كفو والله
شموخ ابتسمت بحزن
معاذ دخل : يلا الساعه 4 خلنا نمشي للمطار
ناصر : يلا جاهزين
شموخ انزلت دموعها وحطت يدينها على صدرها


شموخ بعدت نظراتها عن مها وأمها ملتفته طالعه لفوق وهي تحبس دموعها ووجها قلب لونه
مها انتبهت لها ونادتها : شموخ
شموخ يوم اسمعت صوتها وقفت اشوي بعدها التفتت ناظرتها ويوم شافت نظرات أم مهند وام منذر نزلت نظرها للأرض
مها انتبهت لنظرات خالتها وامها وتنهدت داخلها بعدها ناظرت بشموخ وهي تقول ببتسامه : تعاليلنا لا تنسين
شموخ ببتسامه بسيطه : ان شاءالله معقول انسى
ام منذر بقرف " هه" وناظرت مها وهي تلفها : يلا امشي تأخرتي على منصور ترى وراكم طريق وبكرى دوام
مها التفتت: ان شاءالله يمى ... يلا مع السلامه بوسولي ميار
ام مهند ببتسامه : ان شاءالله حبيبتي يلا طريق السلامه
مها : الله يسلمك
مها اطلعت وام منذر اطلعت وراها وام مهند اوقفت عند الباب
شموخ التفتت وكملت طريقها لفوق
ام مهند حست بخطواتها وناظرتها بس مالحقت عليها لأنها اطلعت والدرج كان دوار شدت على ايدها والنار تشتعل بعيونها " على يدي موتك يابنت ناصر "











منصور : يلا مهند مااوصيك على شغلك
مهند : ولو هذا شي توصيني عليه
منصور بصوت اخفت وبغمزه : وعلى مرتك
مهند حس انه كبر 10 سنوات يوم قاله مرتك كلمه مو متعود عليها لاكن كانت حلوه وشعورها احلى ابتسم ورد عليه وهو يحط ايده على كتفه : لاتوصي يلا طريق السلامه ان شاءالله
منصور : الله يسلمك والتفت بعدها رجع ناظره : انتبه من ابو محمد مهند
مهند مارد
منصور : لا صار أي شي جديد خبرني لا تنسى
مهند : ان شاءالله انت بس توكل يلا
منصور ابتسم له والتفت ركب السيارة
مهند بعد عن السيارة ورفع ايده سلام
منصور رفع يده يودعه ومشى
مهند تم يناظر بالسيارة لين اختفت من الشارع وقعد مكانه ماتحرك وعقله عند ابو محمد وسبب هذيك النظرات
" وش سرك ياابو محمد لازم تنكشف لازم اعرف وش وراك انت وامي "












شموخ تنهدت بعدها اسمعت صوت الباب
كانت بالتواليت تغسل يدينها ويوم اسمعت صوت الباب يتسكر سكرت الحنفيه وابلعت ريقها بخوف لأنها كانت متأكده انها ام مهند
افتحت الباب واطلعت وشافتها واقفه عند الباب
ام مهند : وش كنتي تسويين ؟
شموخ عقدت حواجبها ماافهمت : شلون ؟ وسكرت الباب
ام مهند : وش اتسويين عندك انا من اليوم واقفه هنا
شموخ تسحب مناديل تجفف ايدها : بس انا توني سامعه صوت الباب
ام مهند : المفروض اول ماادخل القاك بوجهي مو اقعد انتظرك ياالست
شموخ انقهرت وبعدت نظراتها عنها
ام مهند تناظرها من فوق لتحت بعدها مشت لها
شموخ بعدت من عند باب التواليت وتناظرها
ام مهند اوقفت قدامها مباشره ماكان بينهم مسافه كبيره
شموخ ضامه كفينها لبعض
ام مهند ببتسامه استحقار : أكيد اللي انسمع ذاك اليوم حفظتيه مثل اسمك
شموخ افهمت عليها تقصد بالنسبه لزواج
ام مهند بحده : ردي
شموخ ناظرتها عدساتها ثابته فيها وبجرأه : اذا يهمك الموضوع لهالدرجه ليش ماتخبرينه انتي يمكن يسمع من امه لأني مثل ماقلتلك قايلتله من قبل وأنا الحين ماراح أقوله شي
ام مهند امسكت فكها بأقوى ماعندها وصار وجها فيها : سمعي يابنت الـ الا أنا محد يعصيني ولا تندمين والعماره لا تتوقعين نسيت أمرها بكرى بفتح الموضوع واسمع
اللي تقولينه
شموخ ارفعت ايدها وبعدت ايد ام مهند عنها بحده : أبوي أشرف منك
ام مهند تفاجئت من هالجرأه وتمت تناظرها بتفاجئ
شموخ : الا أبوي وأمي ماتجيبين سيرتهم على لسانك وتقعدين تقذفين بكيفك
ام مهند تحرك راسها : ياسلااام
شموخ تحولت نظراتها لحقد مع خوفها الا انها مااقدرت تتحمل تسمع ام مهند وهي تسب بأهلها
ام مهند بثقه : جبتيها لنفسك ياالـ ... هذا وهو تو أول يوم صايره مرت اولي أجل شنو الأيام الجايه حلو والله
السان طولان زياده ويبيله قص
شموخ لفت وجها عنها
ام مهند رايحه وببتسامه : ابد مو من صالحك ومع الأيام بتفهمين كانت ابتسامتها مليانه حقد وثقه واطلعت من الغرفه
شموخ كانت خايف منها حيل لاكنها مثلت الجراءه حتى مع نفسها وراحت لدولاب خذت لها بجامه علشان تنام متناسيه امر بكرى
زيارتهم لرآما












.
.









صلت الفجر والنور طالع استغفرت ربها لأنها ماوقت على الساعه لأنها كانت تناظر بالخاتم وتذكر أم مهند وكلامها وتذكر كلامها لمهند انها راح تقوله كل شي
كان عقلها مشوش ونامت من دون ماتحس
حمدت ربها انها قامت قبل وقت الجامعه بنص ساعه
طلعت لها تنوره سودا وبلوزه صفرآ وقبل لا تاخذ شاور امسكت جوالها شافت رسالتين افتحت الصندوق أول وحده من المها افتحتها
" صباح الخير ياسكرة الصبح "
ابتسمت وردت على طول بعدها سكرت وافتحت الرساله الثانيه كانت من رقم غريب
" مبروك عليك تبين الصراحه أقولها بكل سخريه لأن مهند مو الرجال اللي يناسبك
ماعرفتيني أكيد أنا ماجد وهذا رقمي الجديد وأتشرف تحطينه بالقائمه
أو نسيت .. عرفت أمس شي طير مخيي أسير طلع عاشق وانا مدري مب هينه ياشموخ
والله غصبا ً عن الواحد لا شافك اعجب فيك وعشق التربه اللي تمشين عليها أثريه طلعتي انتي وأسير تتبادلون المشاعر
ههههههه والله أكتبه وأنا أضحك من قلبي يلا عن أذنك أنا رايح صلاة الفجر ولا أقولك أحسن أصلي مكان ماأنا قاعد "
شموخ دق قلبها ومعقده حواجبها اشوي " ماجد وش يبي وليش يتكلم بهالطريقه "
اسمعت صوت رساله وسكرت رسالة ماجد وهي تروح لرسالة المها اللي انرسلت لها افتحتها
" ها أخبارك اليوم ياقشطه عاد اليوم رايقه حدي مدري ليش وقلت أصبح عليك
شموخ عقلها كان عند ماجد وسكرت الرساله من دون ماترد بعدها تنهدت تبعد الخوف والقلق عنها
راحت تاخذ شاور












الهنوف : صباح النور وش عندها الحلوه رايقه
العنود : ابد بس الألم خف اشوي وحبيت أدردش معك
الهنوف : شايفه قلتلك انه دلع
العنود : حرام عليك والله كنت حدي تعبانه شوي واصيح
الهنوف : ياقلبي وانتبهت للمها تطلع من جناحها وصد عنها : أوف يالا صباح خير
العنود : هه وش فيك
الهنوف : وش فيني يعني في غير هالـ
العنود : اها
الهنوف: عاد أمس وقبله حارقه قلبي ونفسي أسوي لها شي يحرق قلبها
العنود : لا وش مسويه
الهنوف : ابد شي مو مهم
العنود : يلا ا شاءالله يجي يوم ونتصالح حنا الثلاثه
الهنوف عقدت حواجبها بتغراب : عنو تي من جدك نتصصالح ويا هالشيفه
العنود : اذا كانت هي شيفه فأنتي شيفه بفد
الهنوف : هه وش فيك تتكلمين كذا
العنود : ابد بس أمس حلمت فيها حلم حلو
الهنوف : مالت عليه سكتي بس لا تجيني الجلطه













أسير قام صلى الفجر بعد ماقومه أبوه لأن الصلاه فاتته يوم صلى
لبس ثوبه يستعد حق الجامعه طلع من غرفته رايح يصبح على أمه وانتبه لها بالصاله وماكانت لحالها معها
أبو ماجد وشخص ثالث تفاجئ واستغرب حيل من وجوده الا وهو ماجد
ماجد انتبه له ورسم ابتسامه بوجهه وبعد نظراته عنه
أسير انصدم من ابتسامته لاكن حس ان ورى هالإبتسامه سر لأنها كانت ممزوجه بشي ماعرف يحدده ماحب يزعج أمه وأبوه وراح رجع غرفته وهو للحين مستغرب وجود ماجد وسبب
الابتسامه
بالصاله
ماجد كانو امه وأبوه يتكلمون معه وهو مسوي روحه معهم لأن أبو ماجد طلعه من الفندق اللي نام فيه وجابه للبيت غصبا ً عنه
وهو ماسوى أي ردة فعل للحين مصدوم من حب أخوه لنفس البنت اللي يحبها
شد على ايده بعد ماسمع صوت غرفة أسير تتسكر وقال بقلبه " تشوف ماجد اللي يحتاج لدكتور صدق ...
أسير موتك على يدي ياالحقير "











شموخ البست عبايتها وشالت شنطتها ونسيت أخبركم ان سلمى يوم جات أمس جابنت معها شنطة شموخ اللي كانت في بيت خالتها سديم
شالت شنطتها بعد مارتبت نفسها واكتفت بقلوس أحمر خفيف
اطلعت من غرفتها وهي تتمنى ماتقابل مهند كانت خايفه حيل وايدها على قلبها
أول مااطلعت شافت ام مهند وام منذر بالصاله قاعدين على التفزيون وحاطين لهم فطور
ام منذر : ياالله صباح خير بدال ماأصبح على عيالي جيت وصبحت على أعوذ بالله
ام مهند كانت تشرب الشاي بصمت
ام منذر تناظرها من فوق لتحت متنرفزه
شموخ سلمت وانزلت لتحت ماانتظرت حتى تسمع الرد لأنها متأكده انها ماراح تسمعه
حطت أغراضها على الكرسي وراحت تشرب ماي وهي تفكر بكلامها أمس انها راح تقول لمهند كل شي
زين شلون تقوله ووشلون تبدا هذا كل اللي كان يدور براسها











مهند قام من النوم على صوت المنبه قام وهو حاس بروحه مب فاهم شي حوله
ناظر الساعه 6 عقد حواجبه وهو يفر عيونه يتأكد 6
فز من السرير وراح التواليت شلون ماقوموه الفجر أو هو ماحس
توضا وصلى بعدها قعد بطرف سريره بكسل وضعف
قعد ثواني مايفكر بشي اطلاقا ً بعدها حس بالجوع وقام طلع من الغرفه











لورآ شافت امها شلون نايمه بتعب بالصاله احزنت عليها وراحت تجيب لها غطا وغطتها
بعدها راحت لغرفة رآما وشافتها نايمه تأملت فيها ثواني بعدها اطلعت ودقت على أفنان












شموخ اطلعت من المطبخ وشالت أغراضها طالعه برآ بس وقفها صوت جمدها ماتمنت تشوفه هالوقت ابد
مهند وهو نازل انتبه لها لأنه قبل لا ينزل سأل عنها راحت أو لا بس مالقى اجابه من خالته وامه المحترمات : السلام
شموخ التفتت شافته وبعدت نظراتها عنه بسرعه : وعليكم السلام
مهند وصل لتحت وقال وهو جاي لها : مافكرتي اتمرين واتسلمين قبل تروحين
شموخ شبكت يدينها في بعض
مهند وصل لها : يلا هالمره سماح بس المره الثانيه ماراح أعديها
شموخ ترسم ابتسامه متردده
ثواني واسمعت صوت الباص
التفتت طالعه ومهند حط ايده على كتفه وقربها له اشوي وهم يمشون وقال وهو راسم ابتسامته: خلنا نتعرف على السواق
شموخ برد جسمها ونفسها تسارع
اطلعو برآ وقال : يمكن مايعجبني
شموخ نفس حالها الا انها ارفعت حاجبها اشوي وش معنى هالكلام مافكرت اكثير
لأنها حست فيه لفها له
شموخ بدقات متسسارعه تناظره بخرعه من هالحركه ولا شعوريا قالت : وش فيك ؟
مهند وهو منزل راسه مستواها وابتسامته جانبيه يوم سمع اللي قالته شموخ زادت ابتسامته الجانبيه أكثر وهو يبعد نظراته عنها : هه
بعدها ناظرها : يعني معقوله أخليك اتروحي الجامعه بدون ذكرى
شموخ افتحت عيونها بخوف












ام مهند : هالبنت ماتسمع بيب بيب بيب بيب يييه
ام منذر : الشرهه مب عليها عليك انتي اللي ماسمعتيها كلام سنع أول ماشفتيها
ام مهند : مب وقتك قومي شوفيها وين لا تكون بالمطبخ قاعده تبلع ولا اسمعت بعدين يروح عنها وتقعد بحلوقنا مب رايقه لها الصبح أبد أخلاقي بأنفي
ام منذر تقوم
ام مهند تمد رجلها على الكنب : أووف واسمعت نغمة جوالها
مدت ايدها واسحبته لها " رقم أبو محمد " اقعدت وهي مستغربه اتصاله بهالوقت
بس بالنهايه ردت بصوت خافت : هلا يبو محمد











شموخ ونفس حالها : ابعد عني مو وقتك أبد
مهند حط ايده خلف رقبتها يقربها منه بس قطع عليهم صوت الباب
مهند بعد عنها بسرعه وشموخ وكأنها مسويه جريمه على طول نظرها صار بأم منذر
ام منذر تفاجئت وانحرجت من هالموقف تمت ساكنه ثواني بعدها تغيرت ملامحها تخفي حرجها : يمكن ماسمعتم صوت الباص يلا على دوامتكم
شموخ ارتبكت خلاص كذا راح يعدي الموقف بسلام ارفعت شيلتها تلفها وايدها كانت ترجف والبست لثمتها واطلعت
مهند بعدسه تايه محرج ورفع ايده لشعره
ام منذر يوم سكرت شموخ الباب ناظرته من فوق لتحت وبعصبيه مكتومه : فاضي من صباح رب العالمين وادخلت
مهند يوم ادخلت غمض عيونه وتنهد وهو ينزل ايده من راسه











ام مهند قامت من مكانها ادخلت غرفتها قفلت الباب وفاتحه عيونها بصدمه : متى صار هالشي
ابو محمد : لا تخافين اللي عرف عن البضاعه مسكناه وهو الحين عندنا
ام مهند وقلبها يدق : الموضوع بدا يكبر لدرجه مانقدر نسيطر على الوضع
ابو محمد : ماعليك وهذا اللي عرف عنا بكرى تلقين بالجريده مكتوب عن فقدانه بالمطقه
ام مهند قلبها يرقع بقوه
ابو محمد : وين رحتي ماتوقعت كل هالخوف يطلع منك
ام مهند : مو خوف انا افكر لا اكثر
ابو محمد : اها .. زين انا اترك الحين
ام مهند سكرت اقعدت بطرف السرير وهي تحط جوالها على ذقنها بقلق











بالجامعه سلمو البنات على لورآ واقعدو
المها : أخبار نفسيتها
لورآ: والله سيئه ان شاءالله يوم تجون تتحسن اشوي
: ان شاءالله
المها تناظر شموخ : هارضو
شموخ نست امر الطلعه بس قررت تروح معهم كلها كم دقيقه وترجع
اتفقو انهم يطلعون مع سواق لورآ










ام منذر تلبس عبيتها : شي مقرف
ام مهند تشد على ايدها : لا ماراح يعدي هالموقف مثل شربة الماي
ام منذر : سكتي مهند بالبيت
ام مهند : زين يعني خايفه منه
ام منذر :ـ
ام مهند : الشرهه مب عليه على الـ ... لاكن أنا أوريها ان ماخليتها تعرف ان الله حق
ام منذر بملل : مللت من السماع والسماع أبي الفعل











نوف بالكليه كانت ادور على لميس بس مالقتها يوم ماتبيها كل شوم اتشوفها
والحين ولا أثره










االساعات تمشي
اطلعو البنات من الجامعه الظهر قريب العصر
شموخ كانت متوتره حيل : بليز بنات مانتأخر
أفنان : لا ان شاءالله
المها : ترجعين معي
شموخ : لا مقدر
المها : براحتك
لورآ : يلا وصلنا
أفنان : بنات ماانطول عندها بالغرفه زين
شموخ : ان شاءالله
لورآ : أي أمي قالت نفس الشي
المها : أي هي صادقه








رآما بضيق : يمى طلعيني الصاله
ام رياض : ليش مو هنا اريح لك
رآما بحده اشوي : ابي الصاله
ام رياض : ولا يهمك حبيبتي
وشالتها بكل قوتها طلعتها الصاله










لورآ افتحت الباب : ياهلا والله حياكم نور بيتنا
المها : النور نور أهله
شموخ ايدها على قلبها أول مره تدخل بيت ناس من دون أذن
المها تناظرها : وش فيك شموخ
شموخ ببتسامه : لا ابد
المها تناظره بشكك بس ماحاولت تتلقف
}للمعلوميه شموخ شالت خاتم الخطبه حطته بالشنطه {
لورآ تطلع لفوق : تفضلو




ام رياض ابتسمت : هذي لورآ اوصلت
رآما :ـ
ام رياض تناظر فيها
رآما تشد على ايدها ووجها لونه قالب
حطت يدينها ادفنت انفها وفمها تاخذ نفس بعدها افتحتها .. أول من شافت قدامها شموخ
شموخ ارفعت ايدها لشعرها تصلحه ويوم اوصلت لصاله جات عيونها على الرجل الممدوده فوق الكنب وصارت تمشي بنظرها لين توصل للوجه
ام رياض أول ماشافت لورآ قامت ببتسامه وهي تناظر بالبنات : ياهلا والله نور البيت
المها : منور بأهله
ام رياض وهي رايحه لهم اتسلم طاحت عينها على شموخ وتنحت اختفت ابتسامتها بتدريج من دون استيعاب
المها نفس الشي أول ماشافت رآما عقدت حواجبها ولفت وجها لشموخ











جلال: يمى انتظر ولا أروح
ام مرعي : لا انتظر ماراح أطول بسلم واطلع
جلال : خذي راحتك ياالغاليه









منصور وهو بدوام حالته كانت حاله حده نعسان وحس انه بدا يزكم شال مناديل
وجا شي في باله مااعطاه أهميه بعدها فتح عيونه وهو يرجع اللي مر على باله
" أم مرعي "
اتسعت عدساته ومشى بعدساته بتذكر " ام مرعي"


انتهى البارت
آرآئكم وانتقاداتكم

تحياتي :/















البارت الثامن والعشرون


.
.
.


ام رياض ابتسمت : هذي لورآ اوصلت
رآما :ـ
ام رياض تناظر فيها
رآما تشد على ايدها ووجها لونه قالب
حطت يدينها ادفنت انفها وفمها تاخذ نفس بعدها افتحتها .. أول من شافت قدامها شموخ
شموخ ارفعت ايدها لشعرها تصلحه ويوم اوصلت لصاله جات عيونها على الرجل الممدوده فوق الكنب وصارت تمشي بنظرها لين توصل للوجه
ام رياض أول ماشافت لورآ قامت ببتسامه وهي تناظر بالبنات : ياهلا والله نور البيت
المها : منور بأهله
ام رياض وهي رايحه لهم اتسلم طاحت عينها على شموخ وتنحت اختفت ابتسامتها بتدريج من دون استيعاب
المها نفس الشي أول ماشافت رآما عقدت حواجبها ولفت وجها لشموخ











جلال: يمى انتظر ولا أروح
ام مرعي : لا انتظر ماراح أطول بسلم واطلع
جلال : خذي راحتك ياالغاليه









منصور وهو بدوام حالته كانت حاله حده نعسان وحس انه بدا يزكم شال مناديل
وجا شي في باله مااعطاه أهميه بعدها فتح عيونه وهو يرجع اللي مر على باله
" أم مرعي "
اتسعت عدساته ومشى بعدساته بتذكر " ام مرعي"
صار يعصر مخه هالإسم مب غريب وهو يتصارع مع نفسه جاله صوت واحد من الموظفين : منصور قالها بتردد
منصور لف وجهه ناظره بعدها نزل ورفع نظراته فيه
: انت منصور الـ
منصور التفت له بكامل جسمه : أي نعم
ابتسم وهو يتقدم له : مابغيت القاك ارسلوني لك ولا لقيتك مع الشباب
منصور :ـ
مد يده يصافحه : أنا معاشي مهندس معماري
منصور صافحه وهو يرسم ابتسامته : تشرفت
معاشي سحب ايده : الشرف لي








شموخ عقدت حواجبها حيل وتناظر بوجه رآما وهي تدقق بكل تفاصيل وجها
المها تاهت عدساتها شوي برآما بعدها ناظرت شموخ " سبحان الله وش كثر يتشابهون"
ام رياض نظرها للحين بشموخ دققت بتفاصيل وجها بعدها تاهت عدساتها ولفت نظرها لرآما وقلبها دق ارجعت لورى 15 سنه


ام رياض افتحت عيونها بتعب
: صباه الخير مدام
ام رياض رفعت نظرها للممرضه اللي كانت واقفه وتكتب
الممرضه كانت فلبينيه : كيف الهال مدام ؟
ام رياض بصوت رايح :وين بنتي
الممرضه مبتسمه ونزلت اللي بإيدها رايحه : الهين مدام سويه
ام رياض هزت راسها زين
الممرضه اطلعت
ام رياض تنهدت بتعب لأنها مسويه عمليه ونامت يوم كامل ماشافت بنتها ابد للحين
بعد دقايق جات الممرضه وهي ادف سرير رآما
ام رياض يوم شافت السرير ابتسمت وحاولت تقعد
الممرضه مشت بسرعه لين وصلت لها واضغطت على الزر ترفع السرير لوضع مريح
ام رياض تناظر برآما من بعيد واتسعت ابتسامتها وآثار التعب واضحه على وجها
" كان وجه رآما مثل الطماط بصغره ووجها حيل أبيض مثل كل طفل ونايمه بسلام "
الممرضه شالت رآما ببتسامه وحطتها بحضن ام رياض
ام رياض مبتسمه وصارت تتأمل وجها وتتحسس وجها بحنان
الممرضه : ماشاءالله هلو مره
ام رياض تبوس خدها وجبينها وبصوتها الرايح قالت : تسلمين ونظرها كله برآما
الممرضه مشت طالعه
ام رياض يوم اسمعت صوت الباب تسكر قامت بترضعها
رآما حركت يدينها ولفت وجها
ام رياض حاولت ترضعها لاكن ماشافت أي استجابه منها وبعد محاولات ارضعت لاكنها ماطولت
بهالفتره وهي ترضعها ام رياض كانت مبتسمه لاكنها ماحست بالقرب حيل مثل عيالها الباقين
ويوم تركت رآما صدرها حاولت تعطيها لاكن رآما نايمه ولا افتحت فمها
ام رياض ماحاولت اكثر وصارت تناظرها مثل أي ام وتتحسس خدها بحنان لاكن للحين ماحست بالقرب حيل
مر اسبوع وهي بالمستشفى وكل وماجات ترضع رآما نفس الحاله ماترضع الا اشوي وخلاص
بهالإسبوع اطلعت ام رياض للبيت استمرت رآما كم يوم على نفس حالها بعدها صارت ترضع مثل أي طفل وام رياض حستها اقرب لها من المستشفى لاكن مو مثل عيالها الباقين
وكل مااكبرت صارت قريبه منها أكثر لين صارت مثل عيالها وخاصه انها آخر العنقود فهي دلوعة امها


قطع عليها صوت لورآ وهي تقول :يمى وين رحتي
ام رياض تناظرها ببتسامه بعدها ناظرت شموخ : والله يخلق من الشبه 40
شموخ بعدت نظرها عن رآما حست انها مصدومه حيل من هالشبه ماكانت تحس انها تشبها لآكن شافت فيها من أمها وأبوها كثير
من انفها لتحت كأنها أبوها ومن فوق أمها ناظرت بأم رياض يوم اسمعتها تقول عن الشبه وابتسمت لها بعدم استوعاب للحين
سلم الكل على بعض بعدها راحو يسلمون على رآما
رآما تشد على ايدها أكثر ووجها قالب وردي ومبعده عدساتها عنهم
المها جات لها بعد أفنان وحطت ايدها على رجلها وباست خدها : أخبارك ميمي
رآما خذت نفس بسيط وناظرتها بعدها بعدت عدساتها عنها بسرعه : بخير
المها ببتسامه نزلت نظرها لإيدها ارفعتها وحطت الكيس تحتها : هذي مني ومن شموخ ان شاءالله تعجبك
شموخ ناظرت باالمها بتفاجئ وحرج


شموخ : ياالله نسيت اشتري هديه
المها : لا صدق
شموخ تضم كفينها لبعض " الا ناسيه السالفه كلها "
المها : الله يصلحك
شموخ بحرج اشوي : المشكله مانقدر نمر على سوق لأن لورآ معنا
المها : خلاص ولا يهمك
شموخ كانت محرجه من انها رايحه بدون هديه والشي الثاني من المها


شموخ نظراتها باالمها حيل انحرجت منها ومااعرفت وين تودي وجها
رآما : مشكوره
فاقت من تجمدها يوم اسمعت رآما توجه الشكر لها بعد ماوجهته للمها
شموخ وين تخبي وجها مااعرفت تقدمت لرآما وصارت تناظر بوجها وابتسمت وهي تقول بتردد كبير: ولو
رآما نزلت نظراتها عنها
شموخ انربط لسانها حتى تحمدلسلامه ماقالت من الموقف المحرج اللي هي فيه
مارلينا اطلعت فوق : مدام
ام رياض ناظرتها ولورآ بعد
مارلينا : مدام ام مرعي
ام رياض ابتسمت وبصوت عالي اشوي علشان تسمعها ام مرعي اللي كانت تحت : ياهلا والله تفضلي ومشت تقابلها بالدرج
شموخ اقعدت جمب المها حتى شكر مااقدرت تشكر جامده وبدون حركه
المها تناظرها : سبحان الله ترى أختها تشبهك بقوه
شموخ ونفس قعدتها ماتحركت : ايه يمكن
لورآ : شفتي شبيهتك ميمي
رآما ناظرت بلورآ بعدها شموخ وتنهدت بعدم مبالاه بعدها ناظرت لورآ من جديد : أبي أروح غرفتي
لورآ اختفت ابتسامتها بالتدريج : ليش
رآما تبعد الغطا عنها
لورآ راحت لها وسوت روحها تساعدها وهي تهمس لها : لايكون أزعجناك
رآما : لا بس ابي أنام
لورآ : زين اشوي لأن خوياتي يبون يتكلمون معك اشوي من زمان ودهم يشوفونك
رآما :ـ
لورآ ابتسمت لها وتحسست خدها : يلا بس ربع ساعه
رآما : ـ
لورآ : ها وش قلتي
رآما : زين
لورآ باست خدها واقعدت عندها
شموخ رفعت نظرها لرآما " ماأقدر أقول أي شي غير سبحان الله شي مو معقول ابد "








مهند عقد حواجبه : غريبه مو من عوايده
واحد من الموظفين :هو داق عليك أمس كان يبيك بموضوع مهم بس ماقالي وش كان يبي
مهند عقد حواجبه أكثر بهتمام وناظره : شلون
الباب يندق ودخل ابو محمد : السلام
مهند ناظره من فوق لتحت بلامبالا وناظر بالموظف " غالب " وهو يرد السلام : زين
غالب : بس هذا اللي أعرفه كان واضح ان في شي بس ماخبرني
ابو محمد عقد حواجبه وهو جاي لهم : وش الموضوع
مهند نزل نظره بتفكير بعدها ناظر غالب : اتصل على بيته
غالب : ان شاءالله وراح
مهند يدق القلم بالمكتب بتفكير
ابو محمد ناظر غالب لين سكر الباب بعدها ناظر مهند وهو يقعد : صاير شي
مهند على حاله : هشام ماجا اليوم لشركه
ابو محمد تغيرت ملامحه
مهند ناظره : معك خبر
ابو محمد بوضع طبيعي : ابد .. بس ليش مهتم لهالدرجه
مهند : ابد بس كنت مستغرب من اتصال امس وطلع هو اللي داق علي تتوقع وش اللي عنده
ابو محمد : ابد مااتوقع شي لأن طبيعي يدق عليك يعني مافي شي مهم ولو في معقول مايكون عندي خبر بالأول
مهند يقوم : والله مدري بس مدري ليش قلبي مو مطمن ويمشي طالع
ابو محمد يناظره
مهند طلع وترك الباب مفتوح اشوي
ابو محمد " احلم تقابله مره ثانيه " : هه رسم ابتسامه خبث بوجهه وقام وهو يطلع جواله من جيبه وسكر الباب
مهند نازل تحت حط ايده بجيبه يطلع جواله لاكن مالقاه وجع للمكتب


أبو محمد بصوت خافت بس مسموع :اسمع هالأيام مابيكم اتبيعون أي شي
مهند فتح الباب اشوي داخل وسمع كلام أبو محمد وعقد حواجبه وقف مكانه
أبو محمد بعصبيه اشوي : لا حبوب ولا بودره ولا أي شي حنا يمكن انكون مراقبين هشام كشفنا ويمكن يكون مخبر أحد عنا
مهند انصدم وفتح الباب كله
ابو محمد كان واقف قدام الدريشه ولا انتبه لدخول مهند : حنا محتاجين بس هالايام مثل ماقلتلك يمكن انكون مراقبين أنا بحاول أخلي هشام يتكلم بس اذا ماشفنا منه أي جواب ماراح أتردد
بقطع راسه على طول
مهند الصدمات وراى بعضها كانت قويه وش اللي قاعد يقوله أبو محمد
أبو محمد : لا الاوضاع متوتره اشوي و مهند بدا يشك ويسأل اكثير أنا مقدر أتحمل ثرثرته
كمل كلمته الأخيره وهو يسمع صفع الباب بقوه هزت الأرض اللي واقف عليها
نزل أبو محمد الجوال عن اذنه وهويسكر بوجه اللي يكلمه والتفت وهو مصدوم









نوف " أحقر انسان مر بحياتي الله ينتقم منه " شدت على ايدها أقوى ماعندها ومشت وهي تلف شيلتها طالعه من الكليه
وانتبهت للي قاعده على الكرسي وبإيدها جالكسي تاب وتتكلم مع وحده جمبها
نوف : لميس
لميس مااسمعتها وتكمل كلام مع اللي جمبها
اللي جمبها انتبهت لنظرات نوف ودقت لميس : كنها تعرفك
لميس تلف بعدساتها : من وشافت نوف
ارفعت حاجبها وناظرتها من فوق لتحت
البنت : تعرفينها
لميس ناظرت خويتها وحطت اللي بإيدها عليها وتقوم وهي تقول بدلعها المعتاد لاكن ماكان مصطنع: امسكي اشوي الحين جايه
وراحت لنوف
نوف تشد على ايدها اكثر واكثر
لميس اوقفت قدامها وتكتفت ببتسامه سخريه : هه وتناظرها من فوق لتحت : أشوفك ادورين علي
نوف :ـ
لميس : وش عندك ؟
نوف بكره الوقفه معها : ياحبيبتي ايه أدور عليك لأني جيت أحط حلق بإذنك
لميس غيرت ملامحها لملل : كلي آذآن صاغيه
نوف : اذا أسير كان معترف لك بحبه فأنا أقولك لا تتعلقين فيه لأنه واحد كذاب
لميس تعقد حواجبها ونزلت يدينها بهتمام
نوف : أسير ماحبك ولا راح يحبك أو يحب غير شموخ هو واحد حقير ويلعب ببنات الناس
لميس انصدمت من كلامها وتغيرت ملامحها : انتي وش اتقولين
نوف : أنا داريه انك ماتحبينه وحبك كله لماجد بس الانسان مستحيل مايتغير خاصه وان ماجد ماعبرك
لميس بعصبيه اشوي : سكتي
نوف : أنا حبيت أحذرك منه لا أكثر وصدقيني راح يجي يوم وتدعين لي على هالوقفه لأنك أكيد راح تميلين له يوم
لميس : انتي جد مجنونه حد يتكلم بهالشي بهالمكان وانا ماهمني ماجد ولا أخوه لعد توريني وجهك مره ثانيه وصدت عنها بنظره
نوف مااهتمت اهم شي طفت جزء من النار اللي داخلها البست لثمتها واطلعت لسواق
لميس اقعدت
: وش كانت تبي منك تعرفينها
لميس ناظرتها : ابد وبعدت نظراتها عنها وهي تحط الشيله على راسها : وحده فاضيه بس
البنت : اها .. زين أنا بروح الحين بس وش قلتي عن الجهاز اعجبك
لميس بدون انتباه لها : ايه ايه
البنت : يعني بتشترينه خلاص
لميس بزهق منها ناظرتها : بشتريه ايه بس الحين روحي لا يروح عنك السواق
البنت : كنها طرده
لميس تنرفزت وناظرتها : ايه طرده سماهر يلا روحي
سماهر : زين زين وش فيك عصبتي فجأه
لميس اقعدت وهي تتنهد وتاهت عدساتها بتفكير بكلام نوف










مهند ماسك ابو محمد من ياقة ثوبه ويقربه له وبنفس الوقت يدفه لورى : وش هالحبوب اللي تتكلم عنها
ابو محمد يبعده : احترم نفسك واعرف من تكلم
مهند مافكه وصار يرجعه لورى وبحده أكثر : تكلم وش هالحبوب من تكلم انت وهشام وينه
ابو محمد ابتسم سخريه : هه حبوب أي حبوب .. تتكلم عن شنو انت
مهند من تحت سنونه ثبت ابو محمد بالجدار وقال : تكلم حبوب شنو وهشام وينه
ابو محمد بحده : انا ماأعرف عن شنو تتكلم وهشام مالي أي علاقه فيه
مهند : لا تخليني اندمك على الساعه اللي اولدتها فيك أمك ... ويشده أكثر وهو يصرخ : وش هالحبوب والخرابيط اللي كنت تتكلم عنها من اشوي
ابو محمد : لا تصارخ
مهند : لا يكون مخدرات
ابو محمد يحرر نفسه لين بعده عنه وقال : هذا اتهام خطير وانا ماأقبل بهالشي
مهند يمسكه من جديد بس ابو محمد يبعده : لا تستخف بعقلي أنا سامع كل شي
أبو محمد ماعرف وش يرد عليه وحس ان هذي النهايه
مهند ونظراته الحاده فيه سمع صوت جوال كان جوال أبو محمد اللي طاح على الأرض وراح له بسرعه وشاله
ابو محمد راح له بسرعه : عطني الجوال
مهند يناظر بالرقم كان رقم بدون اسم بس الرقم ماكان غريب فتح عيونه ورفع نظره لأبو محمد
أبو محمد شاف نظراته الحاده وناظر بالجوال مامداه يتكلم الا مهند هاجم عليه أقوى من هجومه قبل اشوي اصقعه بالجدار وراسه ضرب فيه
ابو محمد بألم : آآآه
مهند : ياالحقير أمي ليش ادق عليك وش علاقتك فيها ورفع الجوال له وهو يصرخ : ها
ابو محمد مغمض عيونه لأن راسه يألمه حيل
مهند ناظر بالجوال شوي وينكسر بإيده ورماه على الأرض وهو يبعد عن أبو محمد ورفع ايده السبابه بتهديد : أنا أعرف شلون تتكلم مالك الا الشرطه تتفاهم معك
ابو محمد نزل الغتره والعقال : مو من صالحك
مهند ناظره
ابو محمد يتقدم له : ماانصحك بهالشي
مهند واقف مكانه ولا تحرك نظرات الثقه بوجهه ابو محمد رجع خطوه لورى مو خوفا ً منه لاكن كردة فعل
ابو محمد وقف لين صار عنده وبهدوء رفع ايده وضرب خد مهند مرتين بخفه وهو راسم ابتسامه خبيثه ويقول بصوت خافت : ابد مو من صالحك ياولد
مهند بعد ايده عنه بنرفزه وكره
ابو محمد : كل الحوار اللي دار وسمعته هذا أمك لها علاقه فيه
مهند عقد حواجبه
ابو محمد اتسعت ابتسامته وهز راسه بتأكيد
مهند بعدم تصديق : حقير أمي مستحيل يكون لها علاقة بشي مثل كذا
ابو محمد : هه وكمل ضحكه بصوت أعلى استفز فيه مهند ودق قلبه بخوف بنفس الوقت
ابو محمد مسك مهند من معصمه وقال : أمك لها علاقه بهذا وبكل شي
مهند :ـ
ابو محمد بتلميح وهو يشد على كلامه : كل شي
مهند: حقير لا تقعد تتبلا والحين وين هشام
ابو محمد رسم ابتسامته الخبيثه : هه .. هشام ليش تسألني وش علاقتي فيه اسأل أمك اللي تعرف كل صغيره وكبيره
مهند وصلت حده ومسكه من ياقته من جديد بس أبو محمد بعده
مهند بتهديد : مو من صالحك تعيد اللي قلته
ابو محمد : لو افترضنا ان أمك مالها أي علاقه
مهند :ـ
ابو محمد بخبث : انت معقول تبلغ عن نفسك
مهند مااستوعب اللي يقوله أبو محمد لاكن كان يسمع بكل اهتمام
ابو محمد : في أوراق تثبت ان التهريب عن طريق الشركه والأوراق موقعه بإسمك انت
مهند اتسعت عدسته للحين مااستوعب وش اللي يقوله
ابو محمد : هه وترك ايده
مهند يحرك راسه بلا : أنا مالي أي علاقه بهذا كله لا تحاول انك
قاطعته أبو محمد : الأوراق موجوده بمكتبي
مهند تغيرت ملامحه
ابو محمد التفت ومهند جامد مكانه










ام مرعي تناظر شموخ ببتسامه : سبحان اللي يخلق من الشبه 40
رآما تناظر بشموخ
أفنان وهي تتكلم : المشكله لا قرابه لا من قريب ولا من بعيد ولا من نفس الجماعه هذي ...... وهذي ...... > اسم العائله <
ام رياض : ونعم والله
شموخ : ماعليك زود
لورآ تقوم : عطوني عباياتكم بنات
شموخ تناظرها وهي تضم كفينها لبعض بخوف : ها
المها وأفنان قامو ينزلون عباياتهم
شموخ يدق قلبها بقوه وقامت بتردد تنزل عبايتها " ياالله أنا بتاخر حيل " وناظرت المها وهمست :مومو
المها تناظرها
شموخ : حنا بنتم هنا لمتى
المها : عادي أي وقت نمشي هو المفروض ماانطول بس شكلنا راح نبسط ولا انقوم الا الليل
شموخ تبتسم مجامله : ايه أكيد وتبعد نظرها عنها وهي تنزل عبايتها كلها وتناظر الساعه المعلقه على الجدار "5:00"
المها تناظر بالساعه بعدها ناظرتها : الباص حقكم مشى له ساعه صح
شموخ حست ان الكلام دخل بإذنها مثل السكين انصدمت لأنها نست أمره كان همها الرجوع من دون ماتفكر بالباص ناظرت المها بخوف واضح : أنا نسيت أمره
المها : ماعليه أرجعي معي
شموخ : بس
المها : مايرضون
شموخ تاهت عدساتها اشوي بعدها ناظرتها وقالت : أنا
قطع عليهم لورآ وهي تمد ايدها تاخذ العبايات : في شنو تتسرسرون
المها ببتسامه : لا ابد وتعطيها العبايه
شموخ رسمت ابتسامه مجامله وعطتها العبايه بعدها اقعدت وقلبها يروح ويرجع
ام رياض ماكان يجي في بالها شي بس كانت كل اشوي تناظر بشموخ
لورآ : يمى راح انروح غرفتي
ام رياض : خذو راحتكم وتقوم
ام مرعي : على وين ياام رياض
ام رياض : شوي جايه
ام مرعي تقوم : لا اذا بتسويين قهوه لا تكلفين على عمرك جلال عند الباب بس جايه اسلم
ام رياض : ولو ياام مرعي انتي بحسبة خواتي قعدي وخل جلال يتوكل
ام مرعي : يتوكل وين الله ايهداك مشوار
لورآ : اييي صح وتناظر المها وشموخ : خالتي ام مرعي ساكنه بالجبيل بعد
المها : صدق
ام مرعي ابتسمت : ايه بالحويلات
أفنان : وينها هالحويلات قريبه من أي وحده فيكم
المها : مب أنا أنا بسدير
شموخ : وأنا بالأندلس
أم مرعي بتفكير : اعرف ناس كثير بالاندلس
شموخ رسمت ابتسامه بسيطه
ام مرعي :من أي بيت انتي
شموخ : لا أنا ساكنه في بيت عمي بيتنا قبل كان بالفاروق الشماليه
ام مرعي : اها
أفنان : زين قوليلها اسمك يمكن تعرفكم
شموخ ناظرت أفنان يوم تكلمت بعدها ناظرت أم مرعي ببتسامه : مدري وجها مو مؤلوف بالنسبه لي .. أنا من بيت ناصر عبد العزيز الـ
ام مرعي كانت راسمه ابتسامتها ويوم اسمعت اسمها انصعقت واختفت ابتسامتها وهي تناظرها بعدسات مكبره
شموخ : آ بيت عمي اسمه معاذ الله يرحمه يمكن تعرفين مرته لأني ماأعرف خوياتها صراحه
ام مرعي جامده مكانها وقالت وهي بآثار الصعقه : ناصر عبد العزيز متعب الـ..... الـ...
شموخ تفاجئت : ايه .. وعقدت حواجبها : مين انتي ماأعرفك ؟
ام مرعي تاهت عدساتها وبدت تحس بالحر وقلبها يدق
شموخ :ـ
ام مرعي تناظرها : لا ابد مااعرفكم بس الاسم مب غريب علي يمكن سمعته من أحد أو جيران وترسم ابتسامه متوتره : يمكن تدرين الصناعيه صغيره سهل تعرفين الناس
شموخ : أي ليش لأ
ام مرعي تبعد نظرها عنها بعدها ترجع تناظرها وقلبها يدق أكثر


ام مرعي كانت مناوبه بالمستشفى وطول يومها تفكر بالخطر اللي راح تسويه اليوم
لاكن عرض ام مهند كان مغري وحتى لو قررت تتراجع مستحيل تسلم من أم مهند لأنها حست انها مره ماعندها لعب
مع انها ماتربطها فيها أي علاقه توها تعرفها وكانت تقدر تبلغ عنها لاكن شيطانها كان أقوى منها والفلوس عمت عيونها
مع ان حالتهم الماديه كانت عاديه جدا ً بس مثل مايقولون الانسان طماع
بعد ماتأكدت من خروج الممرضه من غرفة ناصر ودخولها عند الممرضات
راحت للغرفه من دون مايحس فيها أحد وصارت تناظر برقم الغرفه هو نفسه أو لا بعد ماتأكدت خذت نفس عميق وهي تتلفت حولها
وادخلت




قطع عليها صوت ام رياض وهي تحاول فيها تقعدها
ام مرعي ابتسمت لها بتوتر واضح وهي تسرق نظراتها لشموخ بعدها اقعدت ناسيه وجود جلال برى





البنات راحو لغرفة لورآ ومعهم رآما قاعده على كرسيها المتحرك وادفها لورآ









مهند رسم ابتسامه عدم استوعاب وصدمه كان ماسك الأوراق : هه قلب بالأوراق الموقعه كلها وكل مره ينصدم أكثر وهو يقرآ
ويشوف توقيعه
أبو محمد راسم ابتسامه خفيفه ومكتف يدينه
مهند : هالتوقيع مزور وناظره وهو يرمي الأوراق للأرض : أنا ماوقت شي مثل كذا
أبو محمد : والله التوقيع توقيعك ومستحيل يتزور والختم عليها دليل ثاني
مهند قلبه كان يرقع هو متأكد انه ماوقع هالأوراق وبنفس الوقت التوقيع توقيعه والختم ختمه دف الكرسي من قدامه بغضب وراح وقف قدام أبو محمد دفه لورآ : ياالحقير تهددني
أبو محمد ضحك بهستريا تنرفز فيها مهند حيل
مهند التفت مره ثانيه للأوراق وونزل لمستواها شال وحده وصار يناظرها بتمعن
التوقيع توقيعه بالضبط والتوقيع مب سهل لأنه مميز ومداخل في بعضه يعني تزويره صعب
أبو محمد تقدم له من دوون مايحس فيه مهند وسحب الورقه من ايده
مهند ممسكه من ياقته وصار يصارخ عليه : ياالحقير هالأوراق متى أوصلت لمكتبي
أبو محمد : مو ذنبي اذا كنت ماتقرا اللي يجيك تعتمد علي بكل شي خلاص صار اللي صار
مهند صرخ صرخه هزت المكتب ووشلون صرخها مايدري وشده لياقة أبو محمد كانت قويه لدرجة ان أبو محمد بدا يختنق : يالـ.....
أبو محمد فاتح عيونه وايده على ايد مهند يبعده
مهند : صدقني ماراح يمر هالشي على خير .. هالتهديد مب لي ياابن الـ....
أبو محمد قدر يبعد مهند عنه مسكه من شعره ونزل راسه للأوراق : نلعب حنا نلعب هالأوراق لو اوصلت لشرطه تعرف وش راح يصير
ولف راسه له وهو يشد على شعره أكثر : انت المتهم الأول انت صاحب الشركه ماراح تطلع منها بسهوله
مهند كان جامد ويسمع له الحين حس بالجد كان مصدوم حيل ومو مصدق كل هذا يطلع من اللي كان بمثابة عمه خوي أبوه شلون يغدر فيه




ام مهند تقط جوالها : وينك يبو محمد حطت اظافرها بين سنونها بقلق واضح وتهز رجلها " وش صار مع هشام ماخبرتني "
خذت نفس عميق تبعد خوفها وقامت تشغل نفسها " لو خبر أحد عنا ....... لا ان شاءالله بس اذا صار هالشي "
افتحت عيونها وحطت ايدها على صدرها " فأنتي انتهيتي ياهيا "
ميار جايه بزهق وتصرخ : يمىاااااااااا
ام مهند تناظرها من دون أي ردة فعل
ميار : طفش طفش أبي أطلع من هنا وين مهند وشموخ زهقت بروحي وتكتفت شوي وتصيح
ام مهند ماكانت يمها نظرها فيها بس تفكيرها بجها ثانيه












مهند كان تحت تأثير الصدمه ناظر أو محمد اللي ترك شعره وقام وهو تم قاعد على الأرض
نزل نظره عنه بعدسات تلف يمين يسار وبدت ايده ترجف
أبو محمد بنرفزه : الحين عرفت بشنو أتكلم انت صاحب الشركه يعني انت المتهم الأول والأخير
وكل تسليم انت موقع عليه من وفاة المرحوم لهاليوم انت موقعها من دون ماتعرف وش فيها وبسخريه : هه .. وش هالمهزله
مهند :ـ
ابو محمد يصلح نفسه : حط عقلك براسك وخطى خطوه بس وقفه صوت مهند
مهند : أمي
ابو محمد ناظره
مهند رفع عدساته له : وش علاقتها بكل هذا
ابو محمد رسم ابتسامته من جديد : هه .. أمك ..... وراح له نزل لمستواه : انت اتعرف ان أمك هذي مسويه بلاوي الدنيا
مهند:ـ
ابو محمد : في البدايه التهريب ماكان عن طريق شركتنا يعني المرحوم ماكان له أي علاقه بهالشي بس بعد وفاته طلبت أمك يصير هالشي
مهند تاهت عدساته
ابو محمد : أمك كل سنه لها نصيب من هالبضاعه 10 مليون
مهند اتسعت عيونه لأقصى حد تنح بأبو محمد مو مستوعب
أبو محمد : خاصه وانها سهلت علينا مهمة التهريب فهي تستاهل أكثر
مهند من الصدمه رسم ابتسامته بضحك : هه ... وناظر فيه لثواني بعدها كمل ضحكه
أبو محمد عرف ان هذي من آثار الصدمه وتم ساكت لين يسكت مهند
مهند بعد دقايق سكت وبآثار الضحك قال : انت مجنون أنا بحياتي ماشفت 10 مليون علشان اتصير عند الوالده
وراحت آثار ضحكه : واذا كانت تاخذ كل هذا وينه ابي دليل يثبت ان أمي تاخذ مليون10 ولا كل سنه وين تروح هذي .. ههههه .. حقير
أبو محمد : اها وين تروح .. زين .. أنا اليوم بقولك كل شي خلاص ماصار بينا أسرار وحط ايده على خده ضربه على خفيف مرتين
مهند بعد ايده عنه
ابو محمد : شكوكك كانت بمحلها
مهند :ـ
أبو محمد : وانا اهنيك صراحه ماعمره مر علي ولد مثلك اقسم بالله اني ارجف رجف مرات وانا اشوفك
مهند:ـ
ابو محمد : شكوكك بحول الرساله ماكانت خطأ لأن الرساله اللي كاتبها أبوك كانت أعتراف لكل شي
مهند فتح اذانيه زين
أبو محمد تنهد بعدها : اللي قريته بالرساله بالنسبه لعتراف أبوك عن تبديله للأطفال هذا كان شي حقيقي وماكان مزور
مهند يدق قلبه دق ونفسه صار سريع : مارآح أصدق شي من اللي تقوله
أبو محمد ماخلا له مجال يتكلم : أبوك فرق طفله عن أهلها وامك كان لها دور بالهالشي هي اللي حرضته
مهند من تحت سنونه : انت شلون تتجرأ تتكلم عنها وكأنك ساكن معها شلون تعرف كل صغيره وكبيره تصير ... أكيدلأنه مو حقيقه هذا كله من ألعابك القذره
أبو محمد : أنا ماراح أرد عليك أنا راح أخبرك كل شي وانت روح تأكد بنفسك من أمك
بنت عممك الحين عايشه وأنا وأمك نعرف وينها
مهند معد صار له شكل ينوصف من صدماته
أبو محمد :البنت عايشه و عمرها 15 سنه
مهند:ـ
أبو محمد : اتركنا من هالموضوع الحين خلنا انروح للموضوع الثاني وهو عمك
مهند لفت عدساته اشوي بعدها رجع يناظره













المها تشرب القهوه بعدها : عاد أنا قدمت على سكن بس قالو لازم أبوك يجي ومدري شنو ويوم قلتله رفض هو وأمي رفض تام انتي ماعند أهل يعني ومدري شنو
لورآ : لا هو صادق يعني عندكم سواق واي وقت انتهيتي رحتي ليش تقعدين بسكن
المها : المهم أنهم ارفضو
لورآ : أحسن أنا مع أبوك والله
أفنان : من جد
شموخ : بس هي صادقه والله تعب حتى لو كان عندك سواق خاص المشوار هذا يهلك قسم باالله
المها : فديت اللي تحس فيني
شموخ ببتسامه : طبعاً وضعنا واحد بس انتي أحسن مني أكيد وأنا أحسدك
المها : قلتلك تعالي معي بس انتي عييتي
شموخ اكتفت ببتسامه ماردت ولفت نظرها لرآما
رآما كانت على الآب تلعب بالياردو ومعقده حواجبها تركز
شموخ تذكرت شكل أمها يوم تكون مشغوله نفس تعقيدة الحواجب
رآما فازت وارسمت ابتسامتها وحطت ايدها على خصله من شعرها تلعب فيها ونظرها بالآب ادور أحد تلعب معه
شموخ تحس انها مو مستوعبه وتغمض عيونها وتلف عدساتها بعدها تناظرها ابتسامتها مثل أبوها حيل قلبها صار يدق ماتدري ليش
رآما حست بنظرات شخص خفت ابتسامتها بالتدريج وارفعت نظرها لها
شموخ انتبهت لها وابتسمت بعدها لفت نظراتها عنها
رآما شدت على ايدها لين اطلعت عروقها تحسب نظرات شموخ لها نظرات شفقه لأنها لاحظت كم مره تناظرها
اطلعت من القيمز وسكرت الآب
أفنان : سهى جايه
لورآ : امم ورياض بعد بس مدري متى على اساس يتغدون معنا بس حنا تغدينا وصار العصر قرب المغرب وهم ماجو
المها تناظر الساعه : مابقى على المغرب شي
شموخ تناظر الساعه وقلبها يدق حيل راح تتأخر وأكيد هالليله ماراح تعدي على خير
رآما تبي تحط الاب على السرير لاكن ماتوصل ايدها له ولا في أي شي تحطه عليه شموخ انتبهت لها وقامت اتساعدها
رآما شافتها جايه لها وبعدت نظراتها عنها وقلبها يولع قهر
حست بالاب انشال عنها ووصل لها صوت لورآ : تبين اتروحين
رآما تحرك كرسيها : امم
شموخ دفت الكرسي : وين تبين اتروحين
لورآ قامت : لا خلاص انا اوديها انتي ارتاحي
شموخ ببتسامه : لا عادي بالعكس مب تعب ولا شي
لورآ: زين مب تعب بس انتي قعدي
شموخ : يعني في احد بالبيت ابوك اخوانك
لورآ: لا اصلا ماعندي الا اخو واحد ومتزوج مدري عنه متى يجي وابوي بالدوام
شموخ : اها .. زين خلاص قعدي
رآما بحده اشوي : اتركوني اروح بروحي وتناظر لورآ
لورآ اعرفت انها عصبت وببتسامه بعدت عنها : خلاص ولا يهمك يلا شموخ روحي معها انا آسفه على الازعاج ميمي
رآما بعدت نظراتها عنها وشموخ دفت الكرسي واطلعو برآ
المها بمزح: انتم متأكدين انكم ماخذين البنت الصح ترى حيل يتشابهوون
لورآ ارفعت حاجبها وبمزح بعد وهي تقعد : وان شاءالله ليش حنا اللي ماخذين غلط ليش مب شموخ اللي رايحه البيت الغلط
أفنان بضحكه : اذا كانت شموخ رايحه البيت الغلط فأنتي بعد في البيت الغلط
لورآ: او بسم الله علي وليش ان شاءالله
أفنان : ياالذكيه لأنكم كبر بعض وحده منكم في المكان الغلط
لورآ: اقوول انتي وياها سكرو على هالموضوع السامج بسم الله علينا الله يحفظنا وانا الحمدلله نسخة امي وابوي ماخذه منا ومنا
المها : زين خلاص نسكر على الموضوع أصلا شموخ بالجبيل وانتم بالدمام













شموخ يوم اطلعو من غرفة لورآ مشت برآما لصاله
رآما : مابي اروح الصاله
شموخ بستوعاب : او .. اسفه نسيت اسألك وين تبين اتروحين
ام رياض كانت تسولف وام مرعي ماكانت يمها ابد ويوم شافت شموخ جايه هي ورآما بعدها وقفو دق قلبها حيل نظرها كان ثابت بشموخ

ام مرعي قللت نسبة الاكسجين بالغرفه ماأقدرت تسوي أي شي ثاني لأنها حيل توترت يوم شافت قدامها شخص وكنه جثه ملفف راسه كله ومغطينه بغطا ثقيل
ولا يتحرك اطلعت من الغرفه وهي بقمة الارتباك وناظرت يمينها ويسارها وهي تسرع بخطواتها لتواليت
رمت القفازات اللي اللي بإيدها واللي لبست فيها نعالها >> الله يكرمكم << بالكرسي واسحبت سيفون
بعدها اطلعت لغرفة الممرضات بشكلها المعتاد ادخلت محد لاحظ ولا نسبه من توترها لأن كل وحده كانت بعالمها اللي تاكل واللي تتثاوب واللي تشتغل
" شلون تسويين هالشي ياام مرعي .. انتي وش دراك انك بتطلعين منها .. هالمره يمكن تغدر فيك انتي شلون اتسوينها "
بعد دقايق قليله قامو الممرضات على صوت جرس الخطر في غرفه ناصر



قامت من ذكرياتها على صوت ام رياض
ام رياض تناظرها : وش فيك ياام مرعي مب عاجبتني اليوم
ام مرعي تناظرها : ها . ابد بس كنت أناظر في رآما وصديقة لورآ شكثر يتشابهوون
ام رياض : أمم سبحان الله شي غريب
ام مرعي اكتفت ببتسامه متوتره













شموخ راحت برآما لغرفتها افتحت الباب ودخلتها
شموخ : ماشاءالله غرفتك حلوه
رآما :ـ
شموخ يوم مااسمعت رد منها نزلت نظرها لها
رآما : خلاص اتركي أنا بتم قاعده فيه
شموخ اتركت الكرسي وتمت ساكته بعدها قالت : ليش أحسك ماحبيتيني وجات قدامها راسسمه ابتسامه بسيطه
رآما ناظرتها بعدها قالت بحده اشوي: لأني ماأحب الناس اللي ينظرون لي بشفقه أنا ماراح أتم كذا بعد كم أسبوع راح أمشي وبتشوفين بعيونك
أنا ماانولدت مشلوله
شموخ انزلت لمستواها وقالت بستغراب : زين أنا وش علاقتي بالموضوع
رآما : انتي تناظريني بهالنظرات
شموخ : أنا
رآما بحده أكثر: ايه كل اشوي أشوفك تناظرين فيني أكره هالنظرات أكرهااا
شموخ : بس أنا ماناظرت فيك بشفقه انتي فاهمه الموضوع غلط
رآما : زين ليش مهتمه لهالدرجه فيني خلاص اطلعي برآ ولفت الكرسي عنها
شموخ حست فيها وماتدري ليش ماتبي تطلع من الغرفه قامت وهي تقول : أنا أناظرك لأنك تذكريني بإثنين غالين علي
رآما :ـ
شموخ :آسفه اذا ضايقتك بس لا تزعلين مني أوكي
رآما لفت كرسيها اشوي ناظرتها
شموخ راسمه ابتسامتها
رآما تاهت عدساتها اشوي بعدها ناظرتها من جديد وارسمت ابتسامتها بتردد
شموخ اتسعت ابتسامتها أكثر ومشت طالعه
رآما بتردد : شموخ
شموخ التفتت
رآما : أنا آسفه
شموخ : لا عادي ولا يهمك
رآما :أنا راح أزعل منك اذا مازرتينا مره ثانيه
شموخ :ـ
رآما : أتمنى أقعد معكم واتعرف عليكم بس الحين ابد نفسيتي مو زينه ان شاءالله المره الثانيه أكون احسن واقعد معكم
شموخ ببتسامه : ان شاءالله ولا يهمك اذا قدرت ماراح أتردد بالجيه لأنك مثل ماتبين تتعرفين علينا حنا بعد نبي نتعرف عليك أكثر
رآما مبتسمه
شموخ : يلا باي
رآما : باي
شموخ اطلعت من الغرفه وسكرت الباب بعدها تسندت عليه وهي رافعه راسه اشوي تناظر السقف كانت ابتسامتها مرسومه حبتها حيل من أول لقاء لها حستها حيل قريبه منها
خاصه وانها تذكرها بأمها وأبوها ياسبحان الله
نزلت راسها وبعدت عن الباب رايحه للبنات














لميس قاعده بالصاله وعقلها بعيد

: أسير ماحبك ولا راح يحبك أو يحب غير شموخ هو واحد حقير ويلعب ببنات الناس
..
:أنا داريه انك ماتحبينه وحبك كله لماجد بس الانسان مستحيل مايتغير خاصه وان ماجد ماعبرك
..
أنا حبيت أحذرك منه لا أكثر وصدقيني راح يجي يوم وتدعين لي على هالوقفه لأنك أكيد راح تميلين له يوم

لميس تنهدت بضيق بعدها تذكرت أسير

أسير ابتسم سخريه : انتي لأنك تعرفين اني أحبك تتعاملين كذا
لميس : لا .. وناظرته : لأنك كل مره بالبيت زين وكل مارحت مكان انت بخلقتي أفف
أسير : أي أجل وشلون يكون الحب
لميس: اسمع انت أنا قلتلك اني مااحبك يلا روح عني واحد لزقه
أسير ضحك داخله وقام : مثل ماتآمرين
لميس : ولعد أشوفك لين انروح زين
أسير : سلام

لميس ابتسمت مع نفسها وقطع عليها صوت أمها
ام فيصل : بسم الله الرحمن تتبسمين للجنانوه
لميس تقوم : يمى واللي يرحم والديك اتركيني بروحي اتبسم مااتبسم براحتي
ام فيصل : وش فيك صايره تتأففين كثير
لميس : لأني متضايقه وابي اطلع
ام فيصل : لوين
لميس تشيل البيبي : بروح بيت عمي
ام فيصل : شنو
لميس تطلع فوق : لا تخافين رايحه لعنود وبقعد بغرفتها بعد
ام فيصل : آه بس منك وحطت رجل على رجل وعلت على الصوت كانت موجوده قناة وناسه












بسام : مبروك مابغيت
ماجد : ياخي مابي أرجع بس الوالد لزم علي لو ماطلعت معه شكله كان تبرى مني
بسام ضحك من مزح ماجد بعدها قام : يلا امش عازمك على قهوه
ماجد : كلش مالي خلق خلها مره ثانيه
بسام : براحتك .. اهم شي رجعت لنا ماجد القديم
ماجد بسخريه : ايه رجعت
بسام : يلا رايح أكمل شغلي وراح
ماجد ناظره وهو يبعد عنه " الا راح تكرهني وتكره اليوم اللي خاويتني فيه .. لأني مستحيل أرجع مثل أول "
وصار يلف بالكرسي نص لفه ويرجع ونص لفه ويرجع وعقله شغال تفكير












ميار حاطه راسها بحضن أمها حيل كانت طفشانه وتناظر بكراميش
كانت في أغنية شي بيزعل ^_^
التفتت ام مهند على صوت الباب يتسكر وميار قامت من حضن أمها شافت مهند وركض راحت له
ميار : مهند ليش تأخرت حيل طفشانه بروحي
مهند وجهه كان حيل مقلوب ورفع نظره من ميار لأمه
ام مهند حست انه مو طبيعي ماكان معصب ولا فرحان ماكان معبس ولا مبتسم كان حاله ماينوصف وواضح انه مو طبيعي ابد قامت
رايحه له ببتسامه : ها شكل الشغل هلكك روح خذ شاور
مهند : يمى تعالي أبيك بالمكتب ومشى وهو يبعد ميار عنه
ام مهند عقدت حواجبها بستغراب صوته مو عاجبها وشكله أكثر
ميار تكتفت بزعل وبدت دموعها تتجمع : لا تتركني أبي أروح معكم
ام مهند امسكتها : تعالي ولا تزعلين بس سمعينا سكوتك
مهند التفت : ابيك بروحك وناظر ميار : انتي روحي بيت ام مسفر
ميار بزعل : ماما قالت لا
مهند بحده بس ماكانت طالعه : بس انا ابيك اتروحين
ميار تناظر أمها
ام مهند اعرفت ان السالفه فيها انا ودق قلبها وهي تتذكر هشام
ميار : يمى أروح
ام مهند ونظرها مهند اللي التفتت رايح اللمكتب : ايه يمى روحي
ميار : يس واطلعت ركض من البيت
ام مهند حتى ولا راحت تطمن عليها الين توصل بيت ام مسفر اللي كان قبالهم مباشره
راحت بسرعه لجوالها ودقت على أبو محمد وايدها ترجف
" رد يبو محمد رد أنصدم منك بالأول ولا من مهند "
ماحست الا بإيد تسحب الجوال منها
ناظرت فيه وهو يقفل الخط ورمى الجوال على الكنب
ام مهند دقاتها صارت واضحه وقالت بتوتر وارتباك واضح : وووو شش صصاير
مهند يناظرها عدساته بعدساتها وهو يقول : كل هالشي يطلع منك يمى
ام مهند مب فاهمه أي شي دقاتها تضرب في بعض وقالت : وش فيك تكلم عدل
مهند بلع ريقه ودموعه بدت تتجمع بعيونه : ابوي مات بسببك انتي ويحرك راسه بلا : مااصدق كل هذا يطلع منك يمى ليش قال الكلمه الأخيره بصوت رايح
ودموعه انزلت علة خده
ام مهند حالتها ماكانت تنوصف عيونها مفتوحين للآخر : تكلم عدل وش اللي قاعد تقوله انت
مهند : أبوي سمع كلامك مع ابومحمد وانصدم أولا شلون اتخونينه مع رفيق عمره ثانيا ً بسبب التهريب
ام مهند ارفعت ايدها وضربته على خده : احترم نفسك أنا بحياتي ماخنت أبوك اعرف حدودك وانت تتكلم بعدين وش اللي قاعد تقوله انت تهريب وماتهريب شنو هذا
مهند :ـ
ام مهند ايدها ترجف حيل
مهند تم ساكت ثواني بعدها قال : خنتي أبوي وخنتينا كلنا وناظرها : انتي زورتي الرساله مع أبو محمد وحطيتي التهم كلها على أبوي
ام مهند ابلعت ريقها بصعوبه ولآخر حد انفتحت عيونها تاهت عدساتها اشوي بعدها قالت : أ
مهند قاطعها : أبو محمد قالي كل شي
ام مهند انصدمت ونظرت فيه
مهند: أنا أبي اعرف القصه منك انتي وصرخ : ليش كل هذا يمى ليش
ام مهند جامده تناظره
مهند : شلون تغدرين فيني أنا وبمنصور وبميار وشموخ وعمي وعمتي وأبوي
ام مهند بحده : ليش انا .. ليش ماتتهم أبوك بعد أبوك فرق طفله عن أهلها
مهند قاطعها : اعرف أعرف بكل شي بس المشكله ان لك يد بهالشي بعد
ام مهند:ـ
مهند :يمى أنا راح أموت بسببك تدرين ولا لأ
ام مهند حالها ماكان ينوصف خوف على توتر على ارتباك على كل شي
مهند : مو بسبب التهريب الا بسبب هاللي سامعه كله صدقيني ماراح أقوم بكرى
ام مهند ضربته على وجهه مره ثانيه : بسم الله عليك لا تقول هالكلام
مهند انزلت دموعه أكثر ورسم ابتسامة سخريه وهو يلف بعدساته
ام مهند : أنا كل سنه آخذ نصيبي من هالبضاعه
مهند ناظرها خلاص يعرف السالفه كلها بس ماقطع عليها لأنه يبي يسمع منها بعد
ام مهند : هالفلوس مب لي للي حرضتها علشان تقتل عمك
مهند يوم يسمع الكلام من امه غير كأنها نار تصب بإذنه
ام مهند : هالمره ارسل لها سنويا ً علشان تسكت
مهند:ـ
ام مهند : وأبو محمد له يد بالقصه
مهند:ـ
ام مهند : كان يعرف واحد من المراقبين على الغرف
طلب منه يسكر الكمره يوم تدخل ام مرعي ماكان موافق في البدايه بس عرضه كان مغري والحين هالرجال عنده قصر بالخبر بسبب هالعرض
مهند:ـ
ام مهند : ماكان هالرجال بالإتهام لأن كمرات المراقبه بعد 24 ساعه ينمسح الموجود فيها ومااقدرو يعرفون ان هالكمره بهالوقت توقفت لأن
اللي صار صار الساعه 12 و المسح كان 12 وربع
مهند:ـ
ام مهند : ام مرعي بعد ماكانت بالإتهام اتهمو الممرضه المشرفه على حال عمك بالإهمال والحين هي مسجونه سجن مؤبد
مهند حط ايده على راسه سامع هالشي من أبو محمد بس من أمه كان غير غير حيل مشى بإيده لشعره وشد عليه
ام مهند : ماتعرف شلون كانت سعادتي يوم سمعت هالخبر وأننا طلعنا منها سالمين محد كان يتوقع تنجح خطتها لهالدرجه
مهند : زين ليش
ام مهند:ـ
مهند : ليش سويتي كل هذا وش الشي اللي بينك وبين عمي علشان تسوين فيه سواتك وش ذنب شموخ الحين عايشه من دون أب
ام مهند بحده : عمك كان بين الحيا والموت يعني شموخ كانت راح تعيش من دونه حتى لو ماصار اللي صار
مهند شد على يدينه : وش دراك انتي وش دراك انه ماكان راح يعيش
ام مهند تصرخ : لا ترفع صوتك علي صار اللي صار
مهند ماقدر يكتم اكثر وبكى : انتي شلون تقدرين اتناظرين بوجها بعد كل هذا ومشى عنها
ام مهند : مهند والحقته : مهند وين رايح بهالحاله تعال
غمضت عيونها وهي تسمع صقعة الباب بعدها افتحتها وانهارت على الارض
" انا اوريك يبو محمد شلون تغدر فيني شلون "













مهند ركب سيارته ومشى وين مايدري بس كان يبكي وكنه طفل كل هذا يطلع من امه وابوه بعد شلون يسوون هالشي فيهم وابو محمد
وناس مالها أي علاقه فيهم شلون يرضون لنفسهم يصير هذا كله
شلون يرضون يفرقون بين طفله واهلها
وشلون يقدرون يقتلون انسان كان بين الحيا والموت
شلون امه وابو محمد يغدرون فيه شلون هو يكون هالقد رخيص عند امه وتتوقع اوراق تجارة تهريب مخدرات بيده
كل هالتساؤلات والكثير كان يدور براسه
تذكر هشام وهو بهالحاله وطلع جواله مثل المجنون او بالأصح جن
ودق على أبو محمد بس مارد عليه وزاد من سرعته متوجه لشركه













الجرس
عنود تنهدت بملل
أسير قام يفتح
عنود : يمى
ام ماجد تناظرها
عنود : ماجد خلاص رجع
سديم ببرود : رجع
عنود : زين يمى تأسف ممنك
سديم : مابيه يتأسف ولا أبي منه شي أهم شي انه قدام عيوني
عنود تضم يدينها لبعض
سديم : ـ
عنود : يمى أنا آسفه
سديم تناظرها
عنود : دايم يفلت لساني وأقول شي من دون ماأحس ماجد ماكان راح يسوي اللي صار لو ماتكلمت
سديم ابتسمت وحطت ايدها تمسح على راسها بحنان : هو كان راح يعرف راح يعرف وخلاص صار اللي صار سكري على الموضوع
عنود : ان شاءالله
سديم :ـ
عنود : ـ
سديم:ـ
عنود : اتصلتي بشموخ
سديم : لا والله بعد اللي صار ابد ماكان لي خلق اتصل ان شاءالله بدق عليها الليله الحين أكيد راجعه من الجامعه وتعبانه
عنود : أمم
سديم : وانتي
عنود تمت ساكته بعدها حطت ايدها على ايد أمها شبكت أصابعها فيها
سديم :ـ
عنود والعبره خانقتها : ماقدرت أتصل عليها ماراح أدق
سديم :ـ
عنود ابلعت غصتها وحطت راسها على صدر أمها








أسير يوم فتح الباب شاف بنت بعدها عرف انها لميس ورسم ابتسامه وهو يرد السلام ويبعد عن الباب رايح لفيصل يسلم عليه
لميس حطت ايدها على صدرها ولفت ناظرته بعدها ادخلت وكلام نوف يمر قدامها
أسير : ادخل ترى زمان ماشرفتنا
فيصل : مره ثانيه ان شاءالله والله عندي أختبار رياضيات وحدي مب فاهم شي
أسير : زين نشوفك ان شاءالله
فيصل ببتسامه دخل السياره ومشى
أسير ناظر السياره لين اطلعت من الشارع بعدها حط يدينه بجيبه وتنهد والتفت دخل










العنود تقرآ رسالة المها وتبتسم مع نفسها " معقوله حنا الخوات مانعرف بعض للحين "
تنهدت بعدها سكرت الرساله وهي تنقل نظرها لتلفزيون
" لازم نكسر هالحاجز اللي حاطينه حق بعضنا والهنوف لازم تسوي مثلي "














أفنان : بنات أذن المغرب خلنا انصلي ونمشي
شموخ تنتظر هالكلمه من زمان وقامت تتوضا : وين التواليت لو سمحتي
لورآ قامت: تعالي معي
أفنان : وحنا على شنو نصلي وين السجاجيد
لورآ : وييه فنو انتي بنت البيت ماتعرفين وينها
أفنان : نو ماعمري صليت عندك
لورآ : تمزحين
أفنان : قسم باالله توني الاحظ
المها تضحك وشموخ بعد
لورآ بضحك : سبحان الله من رابع ابتدائي ولا مره صليتي عندي أما كذب على أصوله
أفنان : والله جد ماأذكر اني صليت عندك
لورآ : زين زين قولي ماأعرف مكان السجاد وبس مب ماعمرك مصليه عندنا واطلعت مع شموخ
المها : أما عليك صاروخ
أفنان تضحك وبدلع عادي : والله ماأذكر
المها : ههه وشالت جوالها ادق على السواق
أفنان : ان شاءالله تشرفوني في بيتنا
المها ببتسامه : ان شاءالله بس المره الجايه العزيمه عندي
أفنان : ان شاءالله ولو اتشرف والله
المها تبي ترد عليها بس رد السواق : أي انت وصلت
السواق : لا مدام أنا في شغل واجد مع بابا
المها بتفاجئ تغيرت ملامحهاولا ارادياً صوتها علا اشوي : شلون
السواق : أنا مافي اجي
المها : انت أهبل ولا تستهبل أقولك تعال تقولي ماجيت ليش مادقيت علي زين
السواق : أنا نسيت
المها : الله مدري وش أقولك بس الحين أنا في بيت بنت كيف اجي
السواق:ـ
المها انقرت منه حيل ودها لو تدخل من السماعه تذبحه وسكرت بوجهه ودقت على أبوها وهي تطلع من الغرفه تتكلم براحتها
أفنان كانت اتصلي
لورآ ادخلت : أفا الحين اتقولين سجاده بعدها اتصلين وراحت افرشت سجاده قدامها





المها : أي يبى
حميدآن : هلا والله
المها : يبى شنو السواق مشغول معك مب قايله لكم أنا بروح بيت خويتي
حميدآن : أووه نسيت
المها : خله يجي يبى خويتي راجعه معي احراج أقولها مافي سياره الحين
حميدآن : ليش ماعندها سياره هي
المها : لا يبى لا
حميدآن : والله اني ناسي هو مشغول الحين حيل بس أول ماأشوف فرصه ارسله ولا أنا أجيك
المها : يبى حنى عند البنت من العصر وأنا أول مره أدخل بيتها ومابينا هذيك الميانه
حميدآن : زين زين يعني شلون تبيني أجيك والسواق الحين حده مشغول أنا والله ناسي كان ذكرتيني
المها : أوووف
والتفتت انتبهت لشموخ واقفه تجفف ايدها
المها توترت وبصوت خافت : يبى لا تتأخر بليز
حميدآن : ان شاءالله
المها : يلا سلام
حميدآن : مع السلامه
المها قفلت وابتسمت لشموخ : آآ
شموخ : أنا آسفه و
المها قاطعتها : انا اللي آسفه أبوي الله ايهداه نسى اني عند خويتي وشغل السواق بس ماعليه يمكن يجي هو او الوساق بعد اشوي
شموخ منحرجه منها والمها كانت بعد منحرجه لزمت عليها تجي معها آخرتها شنو
اما شموخ كانت محرجه من شيين الأول الهديه والثاني هالشي قالت : المها أنا والله محرجه منك وصراحه ماراح انسالك اللي سويتيه
المها : لا عادي بعدين أنا لزمت عليك مافيها شي
شموخ حمحمت : لااا ماأقصد هالشي أقصد يعني وبحرج من قولها : الهديه
المها بفهم : اها لا ولو عادي
شموخ : لا والله مدري وش أقول الله ايهداك
المها راحت لها وحطت ايدها على كتفها : خلاص مابينا هالكلام بعدين لا تناديني المها انبسطت يوم ناديتيني مومو
شموخ ارسمت ابتسامه : ههه زين ولا يهمك
المها ابتسمت
شموخ : اسمعي أبوك أكيد مشغول حده ولو مب كذا كان أرسله على طول أو جا هو
المها : لا عادي
شموخ : لا أنا راح أدق انتي قولي لأبوك خلاص ترجعين معي
المها : بدقين
شموخ بتردد : آ ايه وتاهت عدساتها
المها ماكانت تقصد شي من سؤالها بس لاحظت ارتباك شموخ بس ماحبت تتلقف
شموخ : بروح أجيب جوالي
المها : زين انا داخله أتوضا
شموخ التفتت والمها ادخلت التواليت












مهند بعد ماانتهى وقت الصلاه صلى لأنه كان يدور على أبو محمد ويدق عليه ولا يرد وكلن حده خايف انه يسوي شي بـ هشام
كان حده تعبان وهلكان لو مايمسك نفسه كان أغمى عليه بأي لحظه
تم بالمسجد يدعي ويبكي من قلبه كل ماجا يسكت مايقدر تزيد دموعه أكثر وكان يفكر شلون راح يقول لمنصور هالحقيقه وشموخ لو أعرفت بكل هذا
وعمه والكل
وبنت عمه عايشه بس الحين أبد مايبي يعرف وينها مايبي يزيد على الهموم هم
جات على راسهم اكثر من قضيه خطيره وشلون راح يطلعون منها مايدري








شموخ حطت على رقمه متردده بعدها دقت وهي تقول اللي يصير يصير
المها اطلعت من التواليت
شموخ بعدت الجوال عن أذنها
المها : ها شلون
شموخ : انتظري اشوي ودقت مره ثانيه بس بعد مارد وناظرت المها : يمكن بالمسجد
المها : عمك ولا خالك
شموخ تاهت عدساتها بعدها ناظرتها قالت : ولد عمي
المها افتحت عيونها : مجنونه
شموخ ناظرتها
المها : لالا شلون ادقين عليه خلنا ننتظر أبوي أو السواق
شموخ : لا هو بصراحه... وبصعوبه وهي تبلع ريقها : زوجي
المها حست انها مااستوعبت فتحت عيونها بصدمه
شموخ حست فيها وصار وجها طماط
المها مصدومه حيل حيل بس مابينت علشان لا تحرجها ابتسمت : انتي متزوجه
شموخ : أنا أمس كذبت عليك آسفه بس أمس كانت ملكتي
المها ابتسامتها كانت مضحكه لأنها حيل تفاجئت : هه .. ايه لا عادي ماعليه
شموخ نزلت نظرها للجوال ادق
المها : لالا
شموخ ناظرتها
المها : أنا بروح مع أبوي أو السواق
شموخ اعرفت انها منحرجه وقالت : عادي مافيها شي
المها : لالا خلاص
شموخ : أول خله يرد وتحط الجوال على اذنها وقالت : بعدين انتي قلتي مابينا صح ولا
المها : لا بس يعني زوجك وكذا أحس فشله
شموخ : مب عذر اذا رد راح تجين معي وبمزح : مثل مااحرجتيني معك لازم اردها
المها ارفعت حاجبها وبمزح : نذله
شموخ اكتفت ببتسامه وتنتظر مهند بس مالقت جواب وقالت ادق بعد ماتصلي













عنود : زين جيتي والله كنت بنفجر بروحي
لميس ابتسمت
عنود : أخبار الكليه
لميس : الحمدلله
عنود : ـ
لميس : أخبارك واخبار شموخ مبروك سمعت أمس ملكتها
عنود ببتسامه صفرا : أمم
لميس تبي توصل للي تبيه : هي ماصارت تجي هنا صح
عنود : الا وش دعوى
لميس : صدق
عنود : أكيد وش فيك مستغربه صح انها ماتجي كثير بس تجي
لميس شدت على ايدها : اها
عنود لاحظت عليها وعقدت حواجبها












شموخ بعبايتها اقعدت على الكنب ودقت على مهند " الله يستر "
توقعت انه معصب منها حيل علشان كذا مارد عليها









عند مهند طلع من المسجد وطلع جواله من جيبه اللي حطه صامت يوم دقت شموخ المره الاولى
طلعه ودخل السياره وقعد بهلاك قطع عليه صوت الجوال ناظر فيه " شموخ "
بلع غصته ومافكر ليش دقت بس على آخر شي رد من دون ماينطق
شموخ يوم رد قامت من الكنب اطلعت برآ وبخوف :السلام عليكم
مهند : وعليكم السلام
شموخ حست بصوته فيه شي وكله توقعت بسببها توترت حيل وقالت : آآ
مهند :ـ
شموخ :ـ
مهند قطع الصمت : بالبيت انتي
شموخ : ل لا
مهند حمحم يطلع صوته : وينك ؟
شموخ : أنا عند خويتي
مهند عقد حواجبه :خويتك
شموخ : أنا آسفه ماعطيتك خبر بس
قطع عليها مهند ببرود : وينك ؟
شموخ عقدت حواجبها حيل استغربت بس كانت تتوقع هذا هدوء ماقبل العاصفه












ام مهند بصراخ : انت غدرت فيني شلون قلتله كل شي
ابو محمد : مهند ماينلعب عليه ياام مهند سمعني وانا بدوري خبرته كل شي
ام مهند : ماكان له داعي تقوله كل شي
ابو محمد : أنا ماكنت راح أخبره لاكن سأل عن 10 اللي تاخذينها وين تروح ان شاءالله
ام مهند انطرمت
ابو محمد : لا تخافين هذا مهند مايقدر يسوي أي شي
ام مهند تنزل دموعها
ابو محمد : الحين صرنا حنا يد وحده أنا وانتي ومهند كلنا يد وحده ومستحيل نخلي أحد يبلغ عنا
ام مهند : بس أنا مابي اولدي يصير معنا بالمخدرات
ابو محمد : ولا يهمك ياأم مهند اولدك برآ الموضوع كل اللي عليه يوقع راح يستمر الحال مثل ماكان
ام مهند : حنا ادمرنا انا أعرف مهند لو انها فيها حياته بس مستحيل يسكت عن هالشي مستحيل
ابو محمد : انتي أمه وتقدرين تسيطرين عليه خلك قويه وين أم مهند الاوليه
ام مهند : زين الحين وش صار بهالهشام
ابو محمد : مهند كان يدق علي أتوقع لهالخصوص بس أنا حلفت انه مايشوفه مره ثانيه
الرجال ماينوثق فيه وراح نقطع راسه الليله
ام مهند : ايه سوي اللي تسويه أهم شي لا تخلونه يروح
ابو محمد : أفا عليك أنا ابو محمد أسوي كذا
ام مهند : يلا بسكر الحين
ابو محمد : الله معك
ام مهند سكرت ورمت الجوال جمبها وظهرها سندته وهي تاخذ نفس بعدها تنهدت












لميس : عنود ممكن سؤال
عنودد : تفضلي
لميس اسكتت اشوي بعدها : ليش أسير وماجد يحبون شموخ
عنود عقدت حواجبها : أسير
لميس : ايه أسير
عنود : أسير مايحب شموخ
لميس : الا أنا متأكده
عنود : قلتلك مايحبها وقامت
لميس بحقد : ليش كلهم يحبونها
عنود تناظرها بستغراب
لميس قامت : أخوانك غريبين لدرجه ماتتصدق
عنود مو فاهمه شي
لميس شالت شنطتها : أنا حبيت ماجد حيل بس طلع مايستاهل حبي له بس اللي مستغربه منه أسير
عنود:ـ
لميس : انا ماأحبه ليش يقولي أنا أحبك وهو يكذب علي
عنود بدون فهم قالت : أسير يكذب عليك شلون ؟
لميس : مدري مدري يلا أنا بنزل عند أمك
عنود : انتظري
لميس وقفت
عنود : أنا سمعت ان أسير راح يخطبك أنا متأكده شلون تقولين يكذب عليك ويحب شموخ ومدري شنو
لميس ناظرتها بصدممه : يخطبني
عنود : ايه يخطبك
لميس تاهت عدساتها بعدها ناظرت عنود













ماجد دخل البيت
أسير كان قاعد بالصاله مع سديم ويوم اسمعو صوت الباب ناظرو
ماجد : السلام
أسير + سديم : وعليكم السلام
سديم بعدت نظراتها عنه لتلفزيون
واسير ناظر أمه بعدها رجع ناظر ماجد
ماجد طالع لفوق ونظره فيه
أسير عقد حواجبه اشوي من أمس وهو يناظره هالنظرات اللي مالها تفسير للحين
ماجد بعد عن أنظارهم ورسم ابتسامه سخريه ولف وجهه يناظر طريقه بس صدم
لأن الدرج دوار ومحد ينتبه لثاني مثل ماتذكرون حادثة شموخ واسير
ماجد بعد وعنود نفس الشي ماجد صدم بعنود وجمب العنود كانت لميس
ماجد ناظر لميس وبعد نظره عنها بسرعه وهو يدف عنود على جمب على خفيف وكمل طريقه
لميس شدت على ايدها بكره له وانزلت عنود تناظر بلميس بعدها ماجد آخر شي انزلت مع انها نفسها تتكلم مع ماجد
بس مايجي من ورى لسانها الا المشاكل ففضلت انها تنزل
لميس " حتى سلام ماسلم الله ياخذه " وشافت أسير بالصاله مع سديم
لميس : السلام عليكم
سديم + أسير : وعليكم السلام
لميس اقعدت جمب سديم
عنود سلمت واقعدت جمب سديم من الجها الثانيه
سديم : وش هالمحبه اللي انزلت عليكم
لميس بدلعها المعتاد : ابد خالتي حنا نحبك من زمان ولو
اسير تنهد وقام : أنا طالع تامرون على شي
سديم : مايامر عليك عدو
اسير حس بلميس تناظره وناظرها من فوق لتحت بسرعه وبدون ملامح محدده والتفت رايح
سديم انتبهت لهالشي صارت ادقق بكل صغيره وكبيره ناظر لميس وشافتها تناظره لين طلع
سديم " هالعاده اللي عندنا لازم تنتهي "
عنود : يمى علي على الصوت لو سمحتي
سديم تنهدتوعطتها الرموت بعدها التفتت للميس : لميس
لميس ناظرتها : هلا
سديم : حبيبتي البسي عبايتك
لميس عقدت حواجبها بعدها ابتسمت وناظرت ملابسها : ليش
كانت لابسه جنز وبلوزه لحد الفخذ سودا ساده
سديم : أنا معد أبيكم تقعدون كذا قدام بعض يعني ماشاءالله كلكم كبار فأحسن تقعدين بعباتك
لميس : أنا مابي أقعد بعبايتي
سديم : خلاص زين اقعدو بغرفة عنود
لميس : خالتي انتي جايك شي أنا لميس لميس
سديم تنهدت شلون تفهم هالبنت
عنود تناظر أمها افهمت عليها وحست ان فكرة أمها أحسن شي














شموخ والبنات اطلعو لصاله
ام مرعي تقوم : ياالله نسيت جلال
ام رياض : انتي للحين ماكلمتيه
ام مرعي : لا دق علي معاشي يسلم ونسيته
ام رياض : الله ايهداك أكيد راح يلف اشوي
ام مرعي : ان شاءالله كانت متوتره وطلعت جوالها
أفنان دق عليها قصي وودعو بعض وراحت
ام رياض تناظر بشموخ
شموخ انتبهت لنظراتها وناظرتها
ام رياض ابتسمت وشموخ ردتها لها
ام رياض : عندك خوات شموخ
شموخ : لا والله
ام مرعي : يلا أنا رايحه
ام رياض ناظرتها: وينه عند الباب
ام مرعي : يقول جا رياض والحين هم بالمجلس
ام رياض : اها زين خلهم اشوي للعشا يسولفون وانزلو تحت
شموخ اطلع جوالها من الشنطه علشان لا دق ماتحتاس وانتبهت للدبله
خافت تنساها وشالتها البستها وسكرت الشنطه












مر الوقت وأذن العشا ومهند ماوصل
قامت شموخ والمها يصلون بعدها اقعدت احراج للحين قاعدين بحلق الناس
البنات طاقينها سوالف بس بنفس الوقت منحرجات حيل
لورآ : حنا مره وحده طلعنا برآ رحنا دبي الصيف الماضي وحيل كان وناسه صراحه
شموخ : أنا أذكر زمان يمكن كنت بروضه أو أول رحنا البحرين لسنما ورجعنا بس حتى ولا نمنا هناك ولا شي
المها : أنا الحمدلله رحت بس من صرت بالثانوي معد طلعنا دايم أبوي مشغول مشغول وأدري ان هذا عذر خلاص صار مايحب يسفرنا برآ
لورآ : عاد تدرون خاطري أروح الريف
شموخ : من جد يالبيه الريف الاوروبي
المها : آه بس من جد يالبيه
رآما: مارحتم للحين
المها ببتسامه ناظرتها : ياهلا ياهلا نورتي
رآما ابتسمت لها وجات لهم : ايه شنو الريف الاوروبي ومدري شنو أشوفكم تحلمون
لورآ : ايه نحلم
شموخ : بس ان شاءالله يتحقق
رآما : ان شاءالله ... وجات عيونها على الدبله : حركات مخطوبه
لورآ : شفتك وانتي تلبسينه بس ساكته وأغلي غلي أبي اعرف ياالدبا ليش ماقلتيلنا
شموخ تغير لون وجها بخجل
المها : عيب عليكم خجلتو البنت
رآما : ليش عادي
لورآ : عاد تقولي فنو تبي تسمي شلتنا شلة العوانس أقولها حرام عليك كثر كذا فاقده الأمل فينا وقامت تصب قهوه
المها بضحك : من جد قالتلي نفس الكلام
شموخ : تو الناس شنو عوانس مره وحده
لورآ : أقولك فاقده الأمل الأخت بس ببشرها وحده مخطوبه فينا ومدت الفنجان للمها
المها : الله ايهداك والله انفجرت قهوه
شموخ : والله وانا واللي يعافيك لا تصبين
لورآ : أفا تردوني
المها : ماعاش من ردك وخذت الفنجان
لورآ تصب لشموخ : آخر واحد
شموخ : لعيونك
لورآ تعطيها : تسلم عيونك
شموخ خذته
رآما : خلاص لا تنسين تعزمينا عرسك
شموخ : ولا يهمك
رآما : عاد ان شاءالله أكون بديت أتحسن مقدر أحضر عرس من دون ماأرقص
: ان شاءالله
شموخ دق جوالها وحطت الفنجان " مهند " ردت
كان يبي العنوان بالضبط ووقالت لها لورآ بعدها سكرت
رآما : خساره يوم طلعت رحتم
شموخ : والله تمنيت اتكونين معنا صراحه طولنا وكان يمدينا نسولف ونبسط معك
رآما : خلاص ان شاءالله مره ثانيه
المها : عاد المره الثانيه هذي في بيتنا مابي أي عذر
شموخ : ولا يهمك دامه بالجبيل ان شاءالله أول الحاضرات
لورآ : ويييه يصير حنا علينا المشوار
شموخ بنذاله : ذوقو اللي نذوقه كل يوم
المها : من جد والله
لورآ : يلا ماعليه مب أول مره ننزل للجبيل
المها : من تعرفون بالجبيل غير هالمره اللي كانت هنا
رآما بضحك : اسمها ام مرعي
المها : المهم
لورآ : لا بس نعرفهم هم مانعرف غيرهم
المها : اها
رآما تناظر بشموخ وقلبها صار يدق فجأه
شموخ انتبهت لها وابتسمت
رآما
" بينك وبينهم 3 خطوات بس "
" أعوذ بالله من الشيطان الرجيم وشش فيني فجأه كذا "
لورآ : أول ماتوصلون البيت نوم أهل الكهف أكيد
شموخ : معك حق ... بس كانت تسرق نظراتها لرآما اللي صارت اتناظرها بشكل غريب
شموخ لفت شيلتها زين بعدها دق جوالها مهند وطلب منها تنزل











مهند بعد مادق على شموخ نزل من السيار يغير جو
جلال كان بسيارته من رجع من المسجد وامه للحين مااطلعت انتبه لمهند وعقد حواجبه بتفكير كنه يعرفه
مهند دق على أبو محمد المره المليون مايرد " الله يـ.."
قطع عليه صوت سلام
رفع راسه ورد السلام
جلال : وين شايفك قبل هاليوم وجهك مب غريب علي
مهند حده مب رايق ابتسم له مجامله وقال : مشبه علي
جلال يناظر بوجهه ويذكر


شال بطاقه من الأرض لحق مهند بس مالحق عليه وحط البطاقه بجيبه
اليوم الثاني كان رايح لغرفة أمه وانتبه لشاب اللي طاحت منه البطاقه اللي هو مهند وراح له بسرعه لأن مهند كان مسرع
: لو سمحت
مهند ناظر يمينه : تفضل
جلال دخل يده بجيبه
مهند يناظره
جلال: انت امس طاحت منك بطاقه
مهند عقد حواجبه يتذكر
جلال طلع البطاقه من جيبه ووراه
مهند : لا ياخوي مب لي
جلال: الا انا متأكد انه انت ... كانت معك باقة ورد
مهندبتذكر : ايه
جلال: هذي طاحت منها وانت تمشي وعطاه
مهند خذاها وابتسم له : تسلم
جلال:العفو ولو وراح

جلال : اها ايه تذكرتك
مهند عقد حواجبه
جلال : كنت أشوفك بمستشفى الفناتير
طاحت منك بطاقه مره
مهند بتذكر آخر شي تذكره بس مب حيل أهم شي يروح عنه الحين : اها ايه تذكرتك
جلال : أنا جلال فرصه سعيده وصافحه
مهند : وانا مهند تسلم
جلال : يلا ان شاءالله ماأكون عطلتك
مهند : لا ولو
جلال صد عنه ببتسامه وراح لسياره يوم شاف أمه اركبت
جلال : آسف ماانتبهتلك
ام مرعي عقلها كان عند شموخ : ولا يهمك
جلال يحرك السيارة : قابلت واحد ايام كنتي بالمستشفى وسبحان الله شفته هنا وقلت اسلم عليه
ام مرعي : اها
جلال : شكل أهله داخل
ام مرعي لفتتها الجمله وناظرته : أي أهل
جلال : أهله أشوفه واقف عند بيت رياض
ام مرعي : وش اسمه
جلال ناظرها لأنه استغرب سؤالها : ليش
ام مرعي بعدت نظراتها عنه : لا ابد بس كان في ضيوف داخل بعد
جلال : اها وسكت اشوي كان يناظر بالطريق وجاوب فجأه : اسمه مهند
ام مرعي ناظرته كانت لفتها ملفته وجلال ناظرها : صاير شي
ام مرعي : ابد .. ابد
جلال استغرب بس ماحط في باله
ام مرعي شبكت يدينها في بعض












مهند شاف شموخ اطلعت ووراها وحده ماتوقع تكون جايه معها ويوم شافها جايه معها عقد حواجبه
المها ابلعت ريقها بحرج
شموخ تناظر المها وبهمس : تفضلي
المها اركبت
مهند يناظر بشموخ
شموخ لف عدساتها يمين يسار بعدها قالت : هذي خويتي بيتهم بسدير
مهند مارد لأنه ماعصب أصلا
شموخ كانت متوقعه ان كل هذا هدوء ماقبل العاصفه مادرت بالهلاك اللي يحس فيه لفت يوم ركب هو السيارة وكانت حيل متوتره ومتردده من القعده قدام بس بالنهايه اطلعت
مهند حرك السيارة
شموخ قلبها يدق حيل مااقدرت تلف وجها لدريشه لأن قدام مو مثل ورا صارت مركزه نظرها قدام والتوتر ذبحها
المها كانت حدها منحرجه بس كانت تسرق نظراتها لمهند تبي تشوف شكله ماكانت تفكر بشي مب زين بس لقافة كل حريم وبنات
ماكانت تشوف منه الا جزء بسيط بعدها حاولت تبعد نظرها عنه وتترك عنها اللقافه
كان لابس ثوبه لأنه كان بالشركه مثل ماتعرفون بس ماكان على راسه لا شماغ ولا عقال ولا طاقيه




ام مهند نومت ميار بعدها اطلعت من الغرفه وهي تحاتي مهند
كانت حدها خايفه عليه ونست شي بالبيت أسمه شموخ ليش تأخرت وإلخ ماجا على بالها
شالت جوالها وصارت ادق على مهند











أسير كان قاعد بالسيارة وراسه على الدركسون

الدكتور : احتمال يكون عندها انهيار عصبي

تنهد وشال راسه من الدركسون















الجوهره : ابسطت المها شكلها مب ناويه تجي
الجوري : من جد
غزيل : هي بالطريق دقت علي واقعدت
حميدآن : والله أنا ناسي انها رايحه لخويتها وأشغلت السواق علشان كذا تأخرت
غزيل : أي قالتلي
ميرآل : يمى أنا بطني يعورني بروح انام مابي آكل
غزيل : يعورك من البطاطس والحلاو اللي قاعده تبلعيننهم من اليوم
ميرآل : أووف
الهنوف جات واقعدت
حميدآن : اليوم ماشفناك وين بوسة الراس على طول تقعدين
الهنوف : بليز يبى والله حدي مصدعه وماأشوف طريقي
حميدآن : أقول قومي حبي راسي وراس أمك
الهنوف تنهدت وقامت تبوس روسهم












مهند خرج عن الطريق بس انتبه ولف فجأه ارتعبت شموخ والمها
شموخ تناظره : بسم الله عليك اشفيك
مهند لف ناظرها بعدها رجع ناظر الطريق : آسف
المها " الله يصلحك ياشموخ الرجال تعبان ولا أنا لي وجه جايه معك ياالها وش هالإحراج "
شموخ ناظرت بمهند مره ثانيه تدقق بملامح وجهه واضح انه مرهق وتعبان
مهند حس بنظراتها ولف ناظرها ثواني
شموخ بعدت عدساتها عنه برتباك
مهند تنهد بضيق وبلغ غصته رجع ناظر الطريق
ثواني سمع صوت جواله ناظر فيه شافها أمه و حط سايلنت
شموخ ناظرت بالإسم شافته الوالده يعني ام مهند وناظرته " وش صاير "
المها حست الجو متوتر وتمنت مليون مره انها تنشق الأرض وتبلعها












لميس ادخلت غرفتها ورمت شنطتها " وش صاير لخالتي من جدها ألبس عبايتي قدام ماجد وأيسر لا جد مب صاحيه "


سديم : أنا من اليوم معد أبي تقعدون قدام بعض لا كذا ولا بالعباه والشيله واذا الوضع ماأعجبكم أحسن لنا مانتزاور
عنود : انتي تتكلمين بصفة الجمع
سديم تناظرها : ايه حتى انتي عند فيصل أو عيال خالتك وخاك مافيه
لميس : خالتي انتي وش صاير معك يعني تحرمينا من شوفة بعض بسبب شموخ
سديم بحده : من قال السبب شموخ وبعدين لا تجيبين سيرتها على لسانك شموخ مالها أي علاقها أصلا الوضع من زمان مب عاجبني والحين راح يتنفذ
ومثل ماقلت ماتبين خلاص لا نتزاور وهالكلام يوصل لأمك بعد
لميس : زين قبل اشوي قلتي البسي عبايتك والحين اتقولين ماراح تقابلون بعض لا كذا ولا بالحجاب ليش
سديم :: ماراح أتكلم أكثر من كذا ومثل ماقلتلك الكلام يوصل أمك



لميس : أكرهك .. أكرهكك واصرخت : أكرهك ياشموخ أكرهك حييل ونفسها صار سريع قهر











رآما الكل لاحظ هدوئها
لورآ : ميمي وش فيك تو كنتي تسولفين
رآما ناظرتها : ها .. لا أبد بس تعبت وبروح غرفتي
ام رياض تقوم : يلا تبين أساعدك
رآما بحده : لا ومشت
رياض :ـ
رآما راحت
ام رياض تقعد :ماتبي تفهم ان حنا ماننظر لها بشفقه
لورآ : لازم تمر بهالحاله يمى تو ماصار لها أسبوع أكيد متأزمه
رياض : صح كلام لورآ
ام رياض تنهدت بضيق




رآما ادخلت غرفتها وسكرت الباب بعدها خذت شهيق عميق بعدها زفير بهدوء تهدي أعصابها










اوصلت المها لبيتهم وانزلت بعد ماشكرتهم
أول ماادخلت سلمت وحبت راس أمها وابوها واقعدت معهم اشوي بعدها اطلعت لجناحها
رمت الشنطه والعباه على الكنب وراحت لغرفتها ارتمت بسريرها

: بسم الله عليك اشفيك
مهند لف ناظرها : آسف


المها شدت على ايدها " ليتني مكانها " زفرت بقوه والتفتت للجها الثانيه وهي تفتح مسكة شعرها وتداعب خصلاتها وعقلها عند شموخ ومهند
اعرفت انها حيل مفتقده شي وهو الحب تبي تجرب هالشعور تبي تحس برجال الآمر والناهي عنها شخص يحبها ويخاف عليها
تذكرت يوم طاحت شموخ بالجامعه وجا اللي ياخذها كانت تحسبه مهند هو نفسه أسير اللي خذاها من الجامعه لأنها طبعا ماتعرف شي
حتى اسمه ماكانت تعرفه طبعا ً كيف تعرفه وشموخ ماتتكلم بخصوصياتها ابد
ادمعت عيونها وخذت نفس وهي تتخيل نفسها مع شخص خيالي بس كان يجي في بالها سيف واذا اطردته من عقلها
جاتها نظرات مهند لشموخ تنهدت وهي تطرد هالشي من راسها شلون يجي في عقلها زوج خويتها ماكان اللي في بالها شي خبيث
بس ماتبي تتذكر شكله أو صوته علشان لا تغار ويولع نار الغيره فيها وتكره شموخ قامت وهي تستغفر ربها وراحت تاخذ شاور












اوصلو شموخ ومهند للبيت وطول الطريق الصمت التام
انزلت شموخ ومهند تم قاعد
شموخ اوقفت عند الباب تنتظره لأن ماعندها مفتاح نسته بالبيت دورت عليه بالشنطه ماشافته وانتظرت أكثر من 5 دقايق ولا شافت حركه منه
عقدت حواجبها بالستغراب واستغربت اكثر انه مادخل السياره بالقراج يعني وين رايح
مشت وعقلها يفكر فيه اوقفت عند الدريشه وشافته ممتسند ومفمض عيونه
تاهت عدساتها اشوي " وش اللي صاير له "
بتردد ارفعت ايدها ودقت الدريشه
مهند سمع الصوت وفتح عيونه لف ناظرها
تنهد وشال المفتاح من السيارة وفتح الباب نزل
شموخ تناظره
مهند مشى وهي وراه
يوم دخل المفتاح بالباب قالت شموخ : فيك شي شكلك تعبان حيل ؟
مهند تم ماتحرك وصارت أحداث اليوم تجي قدامه بشكل مزعج بعدها كمل فتح للباب وهو يرد : مافيني شي
ودخل وادخلت وراه وهي مو عاجبها حاله أبد










ام مهند كانت بالصاله من دون مكيف ولا شي يوم اسمعت صوت السياره قامت وراحت تفتح الباب عقلها كله عند مهند
افتحت الباب وشافته بوجها وابتسمت بطمئنان : خوفتني عليك ليش ماترد
مهند مبعد نظراته عنها
شموخ تناظرهم اثنينهم وهي تشيل لثمتها
ام مهند انتبهت لها وتسارعت دقاتها وبعدت عن الباب
شموخ ادخلت توها ماخطت خطوتين الا اسمعت صوت شي طاح بكل قوته على الأرض
ام مهند افتحت عيونها تناظر
شموخ التفتت وشافت مهند مثل الجثه على الأرض افتحت عيونها بخوف واصرخت
ام مهند راحت له وصارت تهزه : مهند مهند
شموخ قلبها يدق بسرعه وعيونها دممعت ماقربت منه تمت واقفه مكانها وتناظره وايدها وجسمها يرجفون حيل
ام مهند : اتصلي بالإسعاف بسرعه
شموخ جامده مكانها وتناظر فيه
ام مهند اصرخت بصوت عالي : اتصلي على الاسعاف ماتسمعين
شموخ ماتحملت شوفة جسم طايح قدامها وتشوف عيونه مغمضه ولا يتحرك ابد وطاحت قدامه



انتهى البارت
اتمنى ان ينال اعجابكم
وأنا ان شاءالله مستحيل أسحب عليكم أنا أكره الناس اللي ماتكمل رواياتها وشلون أنا أجي واسحب عليكم الله ايهداكم بس
أنا عندي ضغط حيل والله الأسبوع اللي راح واللي قبله والاسبوع الجاي واللي بعده كله ضغط حيل الأيام كلها اختبار ورى اختبار
مثل ماقلتلكم ماراح أحدد موعد للبارت
انتظروني بالبارت الـ 29 اللي قبل الأخير

تحياتي لكم :/