كاتب الموضوع :
توري
المنتدى :
القصص المكتمله
البارت الثالث والثلاثين
بيت جد كادي ..
لف محمد بقوة وفك يد خاله ..:سلمممان ..
سلمان : احترم الكل ولاتمسك كادي بهالشكل ..
خافت كادي منهم :خالي محمد خلاص هدو ..
سلمان : آقسسم بالله أنك حراام فيه هالانسان ..
دفهم ونزل بسرعة من الدرج وطلع من البيت ..
كادي تناظر محمد المعصب :حمودي ..
محمد : خلينا ننزل بس هالانسان يرفع الضغط ..
أول مره تشوفه معصب : قلبي محمد ..
: طيب وش دخله بالسالفه زوجتي ولك حرية مسكك بالطريقة اللي تناسبني ..!
سكتت ..
تعوذ من الشيطان ومسك كفها وهو يحاول يبتسم لاجلها كفايه ضيقتها من طاري السفر ..
نزلوا لجدانهم وسوت كادي القهوة ورجعت لاجل تجلس مع جدانها إلين تخلص ..
محمد : ترى قدمت شغاله ..
كادي : ماكان له داعي بس أنا وأنت وجداني وخوالي كبار ..
محمد : لاجل ترتاحين ..
دق جواله وكانت خالته سحر ..وقف : بروح آجيب خالتي وعيالها ..
ابتسمت : طيب جيب حلا ..
ابتسم : من عيوني .. وش تبين من أنواع ؟
: ممم أبي تشيز كيك .. وعيون المها وكيك جلاكسي ..ممم وجيب لسحوره اللي تحبه .. صصح جيب ورق عنب ومعجنات
ضحك وعرف بأن هالطلبات من الوحام ..
طلع يجيب المفاتيح وطلع من البيت ..
جدتها : ياخوفي عليك من السكر ..
ضحكت : لاتخافين جدتي ..
جدها: كلي ماعليك من جدتك ..
ضحكت على جدانها ونقاشهم كالعادة ..
.
.
.
بيت البندري ..
ضحكت: مابغيتي يالجوري تجين ..
ابتسمت لها الجوري : اعذريني ياعمه بس مشاغل الدنيا ..
البندري وهي تعطيها من الحلا وتصب لها القهوة وبعيونها لمعه: تو مانور البيت ..
ابتسمت بحيا : تسلمين عمتي بنوركم ..
أم سطام كانت مبتسمه وقلبها محترق على حال البندري ..!
الجوري : بس عمتي الله يسعدك ..
البندري: كلي حبيبتي ناحفه وراك منتي مثل قبل ابداً ..
أم سطام : ملاحظه عليها ..
البندري وهي تلمس شعرها بحنان : خذي راحتك حتى ماعزمت أحد لاجل تأخذين راحتك ..
انحرجت كثير ..
ابتسمت أم سطام : تراها تستحي يالبندري ..
:واضح عليها ..
دخل أبو سطام وجلس لاجل يسولف مع أخته ولافيه غريب بينهم ..
: حيي الله الغالي ..
أبوسطام : الله يحيك .. أعذرينا ياخوك مقصرين بالزيارة لكن آشغلتنا هالدنيا الله لايشغلنا الا بطاعته ..
.
.
.
بيت سلطانه ..
الليل ..
نومت عيالهم وهي تجلس على السرير : سعود أبي أتكلم معاك ..
نزل الايباد : هلا ..
دانية : عن اللي صار اليوم الصباح ..
عدل جلسته ب اهتمام : آييه ..
دانية : مالك حق لما قلت لسلطانه حركات مسترجلات .. مهما كانتــ.....
قطع حكيها وبوجهه صدمة مابعدها صدمه : قلت لاختي كذا ..!
دانية بضيق: آيييه قلت لها ..
حط كفه على وجهه للحظات: أكيد ماسمعتي مستحيل أقول لاختي كذا ..!
سلطانة نظر عين أخوها كيف قلت لها هالكلمة بس ..!
دانية : سعود ماقلت كذا لاجل تتأزم أصعب الكلمات هي اللي تقال لحظات الغضب لان تظل بذهن الشخص ..حاول تتنبه للشي ذا بالمرات الجاية أذا تبي أختك ترجع لك مثل قبل ..
سعود : كيف جرحتها وأنا اللي ودي آنسيها اللي سويته قبل والحين شاللي بيدمل هالجرح ..
يالله ..يالله جرحتها ثاني ..!
دانيه مثل كل مره تحتويه وتضمه لصدرها حاله حال صغارها صار طفلها كل ماضاقت فيه الدنيا لمته لحجرها ..
.
.
.
بريطاينا ..
فيلاً عساف ..
عصبت على السواق وهو رافض يطلعها للمطار ..طلعت لـ عساف وماشافته ماتعرف رقمه نزلت لاجل تطلع للمطار وهي حافظه لندن كلها بشوراعها بمبانيها بحضارتها اللي تعشقها بذكرياتها الطويلة فيها ويكفي آخر كم شهر كانت معاه بكل لحظاتهم ..
كل البوابات مسكرة كلمت الحرس : آفتح الباب ..
: طويل العمر رافض أي بوابة تنفح الا بأمره .. والحين هو باجتماع مهم ..
: افتح البوابة بالطيب ..
بنظرات تروع : قلت لك طويل العمر مانع هالشي رجاء تفضلي لداخل ..
حست بدوخه وإلم براسها :عطني رقم عساف ..
طلع الجوال وهو يعطيها دقت ومارد ..
أخذت الرقم ودخلت لداخل الفيلا ..دقت لفترة ولارد ..
بكت لقلة حيلتها للحظات ومسحت دموعها ي كم أكرهك وأنت حاط حولي هالحرس والسياج لاجل تمعني من الطلعه ..
قامت غسلت وجهها وهي تنادي الخدم وتطلب شي بارد وطازج لاجل تهدى وتتماسك أعصابها لانها دايخه .. لحظات وطلبها عندها شربت شوي ونزلته..
رجعت تدق على عساف ومايرد ..من قلبها: الله يوريني فيك ..
.
.
.
الطياره ..
وهو يعطيها العصير: شوي ونهبط ..
تناظر ساعتها : اخيراً بشوف رتيل ..
ابتسم : قلتي لها عن موعد وصولنا ..
وهي مبتسمه: أكييد ..
: الحين الوقت عندهم تو ببداية الليل ..
سلطانه : آييه ..
شربت من العصير وهو يعطيها فطاير : كلي ورجاء خاص ناموا الليلة لاتسولفون خلوها لبكره ..
ابتسمت وهي تأكل نزلت الفطيرة : تتوقع زوجها يوافق لها تنام معاي..
: وين ؟
سلطانه: أكيد راح نأجر بأحد الفنادق ..
مصعب : وأبوك ؟
:ممم بشوفه بس منيب ساكنة عنده لان جيتي للندن لعيون رتيل ..
عطته عصير وفطاير: ليه ماتأكل ؟
حب بادرتها له كثير : ششكراً..
ابتسمت على أخلاقه وعدلت حجابها ..دقائق وربطوا الاحزمه ..
لحظات ونزلوا وهو ماسك كفها ..أول مادخلوا للصالات خلص كل الاجراءت..
ماشافتها ..آستغربت ودقت عليها ..
رتيل :وصلتي ؟
سلطانه تتلفت : آيييه وينك ؟
بكت بقلة حيله : مسكر كل البوابات ..
بصدمه: ليه ؟
بدموع: مددري .. آدق عليه مايرد ..!
سلطانه: طيب قلبي لاتبكين عطيني عنوان البيت
بدموع : ماعررفه ..
ضاقت بعيون سلطانه: لاتبكين فديتك .. نامي الحين وبكره الصباح بكلمك المهم جوالك خبيه لاجل مايأخذه بعد منك ..الله حسبيه الظالم ..
رتيل: آبييك الليلة ..سوس والله تعبانة تعبانة ..
ضاقت فيها الدنيا : طيب اسألي الخدم عندك عن عنوان الفيلا ..
بسرعة نادات الخدم صرخت من قلبها : ليييه ممنوع ؟!
ليييه ؟
انسحبوا من آمامها وهي تبكي: سوس رفضوا الحقير رافض يتكلمون معاي بأي شي ..
سلطانه وهي تطلع من المطار وتتكلم معها : قلبي أنتي الحين اطلعي ارتاحي وخبي جوالك والصبح بكلمك وبطلع عنوانك بس لاتزعلين ولاتضيقين ..
رتيل وهي تبكي وحاطه كفها على جبهتها : طيب .. بكلمك من الصبح ..
سلطانه: ريتو آفا وين قوتك حتام ماتفقنا من تنزل دمعتك لاي شي ..صح ريتو
: بس آشوفك وبنسى وبرجع مثل قبل قوية ماآهاب .. بس الحين أنا تعبانة ..
سلطانه: آفا مانعرف بأن هالمواقف تبان فيها شخصياتنا أكثر ..
مسحت دموعها وسايرت صديقتها : آوكي آوككي ..
ابتسمت وهي دامعه : حلو فديت هاللي تمسح دموعها .. يلا انتبهي لنفسك من آوصل للفندق بدق عليك ..
رتيل: آوككي ..
صكت منها وحطت الجوال بالشنطه ..
كفت دموعها وركبت سيارة الاجره مع مصعب ..
لحظات وهي تشوفهم يوقفون قبال أحد الفنادق .. نزل وشال الشنط وحاسب قبل مايحجز سألها : تبين جناح وحدك ؟
ناظرت فيه وهي مستغربه : أككيد ..
حجز جناحين وطلعوا عطاها الكرت دخلت رمت نفسها على السرير بوسط الجناح فكت الحجاب ولاجاها حيل لاجل تبدل غمضت عيونها ونامت بسرعه وهي متعبة جداً من السهر البارحة والسفر وطوله ..
جناحه ..
ابتسم وهي يشوف المفرق بينهم جدار واحد بس ..صبر نفسه وابتسم معها حق حبها وأعتز فيها أكثر ..حاله حالها من التعب والارهاق حط راسه ونام ..
.
.
.
فيلاً عساف ..
تدق عليه من تلفون الفيلاً وهي مخبيه جوالها لاجل مايأخذه منها ..بحجه عدم تواصلها من أحد دامه مسكر كل الابواب ومانع الخدم يتكلمون معها الا بشي ضروي جداً ..
دخل ..ابتسم : صاحية غريبه ..!
عيونها حمر من البكا وترجف من التعب والعصبيه : ليه مانعهم من فتح البوابات لي..
رفع حاجب : وين تبين تروحين ؟
: هالشي مهوب شغلك .. اعتقد منب صغيره لاجل تمنعني من الطلعه ..
وهو يطلع جواله ويشوفه كذا : آوه آشوف داقه علي .. مارفعته من دخلت الاجتماع..المهم رتيل تبين تطلعين بكرة نطلع سوى ..بس وحدك لا ..
: صديقتي بلندن أبي أشوفها جت من الرياض لاجلي لازم آشوفها ..
وهو يذكرها : قلت لك من قبل آنسي الصديقات وكل حياتك قبل ..
: لو تموت ماتركت صديقاتي لاجلك ياعساف ..
:راح تتركينهم .. لو مهوب بكيفك غصب عن خشمك ..
بنبره : وتبيني أحبببك ..!
سحبت نفسها عقب هالكلمة وطلعت للغرفه .. شافت البلكونه شدتها برودة الجو وعشقها للاجواء ذي ..
دخل للغرفه وشافها والجو بارد وقاتل وهي تعبانه بالحيل ,فسخ الجاكيت وهو يفتح آعلى أزارر القيمص وقف وراها وهو ماسك كتوفها وكلمتها للحين ترن بأذنه : يعني فيه آمل تحبيني ..
بعدت يدينه بيدنها الباردة جداً : وتسألني بعد .. أي قلب آملكه لاجل أحبك ..خلاص ماعاد بي قلب ولاحس وآحساس ..
بنظرات : أجل تحملي عساف واللي يجي منه مادفعت فيك كل اللي دفعته لاجل أخليك منظر قبالي ..
ماعلقت على كلامه ..
تركها ودخل لداخل الغرفه بدل وناداها : البرد قاسي آدخلي..
تساقطت دموعها وهي تشوف الثلوج تتساقط بهدوء وببالها مهيب آقسى منكم ي بنى آدم ..
كفت دموعها وهي تجلس على الصوفا ومتكتفه وحزنها وليل لندن البارد القاسي تشابه ..
بكل ضيقاتها تتذكره وهي تتمم بداخلها مشتاقتك وأبيك وميته فيك ياطارق..
ضحكت وهي تتذكر لعبهم بالثلج شده ضحكها وفز من السرير وهو يناظرها من نظرة عيونها وضح عليها تذكرته ..!
شد كفها بقوة : تذكريته صح ..!
ذكرتك لندن وأجوائها فيه ..!
وهي تحاول تفك يديها من قضبته القوية : ماااالك شغل ..
سحبها من شعرها وهو يصك باب البلكونه بقوة وهي على الجدار : الا تفكرين فيه الكلب وأنتي مثله يالخاينة قلبك مع رجل وجسدك مع رجل ثاني ..
خافت منه عمرها ماشافت يتكلم بمثل هالحرقة والعصبيه .. قطع من شعرها بيده وهو يشده بقوه : ذبحك بيدي يارتيل قلتها من قبل وأقولها الحين .. لعنبوا دراك أنتي للحين ماعرفتي مين عساف ..!
ظلمتي نفسك بهالضحكة وذكرياتك له وأنتي ببيتي ..
ابتسم وهو يشوفها تتهاوى من يده بفعل ضربه لراسها بالجدار ..رفعها للسرير : ماسويتي خير بنفسك ي الفاتنة .. دام الله جابنا بدروب بعضنا والله لاعذبك بكل لحظه تتذكرينه فيها ..
.
.
.
اليوم الثاني ..
الرياض ..
بيت أهل الجوهرة ..
رائد : جوهير قومي ريان تحت ..
جلست من سمعت آسمه : وش يبي جاي السخيف ؟
استغرب : زعلانين ؟!
وهي ترجع شعرها وتستدرك نفسها : لا ..
رائد يغمز : علينا ..
قامت لاجل تغسل وابتسمت: لا بس سافر للشرقية ورجع بسرعة أكيد آسرع..
ضحك : الله يالسرعه مخوفتك ..
ضحكت ودخلت لاجل تغسل .. جلس أخوها يلعب بالبي بي حقها إلين طلعت أخذت ملابس ودخلت بدلت وربطت شعرها ..:ابعرف الحين 8 الصبح وراه جاي ؟!
ضحك رائد : من شوقه لك ..يمكن يبي يأخذك ..
: منيب رايحه الحين .. المهم أنت ماوراك اختبار ؟
رائد وهو يوقف: الا آخر واحد عسسى خاتمها مسك ..
من قلبها: الله يوفقك حبيبي لاتتسرع بالاجابات واقرأ الاسئله بتركيز وافهم وش المطلوب قبل ماتجاوب ..
رائد : تساهيل إن شاء الله .. يلا انزلي له لايحوسنا يبي يشوفك ..
ابتسمت ونزلت مع أخوها ..اللي طلع للجامعة وكان الكل نايم لانه الصبح والباقين بمدراسهم دخلت للمجلس وشافته وحده : سلام
وقف :وعليكم السلام ..
تقدم لها : ريان رجاء لاتقرب ..
وهو يناظرها: لابقرب وبسلم هماك زوجتي ..!
وكنت مسافر ..
وهي ترص على أسنانها : مسافر لسواد وجهك وتبي آضمك على وشو.. خلاص ريان آقسم بالله بديت أكرهك واحتقر تصرفاتك ..
ضحك : والله ماسافرت برى السعودية والله .. شوفيني حلفت لك بالله .. حتى الشرقية بس مريت بحرها الصباح ولانمت فيها ورجعت ولما دقيتي علي كنت نايم بشقتنا ..
:لاتحلف بالله .. ترى آسم الله موب لعبه ..!
بنرة صدق : من حلف بالله فصدقوه ..
صدت بإلم : وليه تقول أنك مسافر برى السعودية ..ناقصصه جروح منك ..
وهو يضمها : قاهرتني والله تراك قلت آرجعها لك ..
ماقدرت تبعد عنه وتركت نفسها بأحضانه ولاتأثرت فيه وبلمته لها : ريان خلاص..
وهو محوطها بيدينه : وشو اللي خلاص ..!
مدري مين اللي فينا خلاص مفروض يستحي من هالصد ويرجع لخله ..
عيب يالجوهره اللي تسوينه فيني ..
بنظره : جد والله عيب .. والله تعرف العيب ريان ..
ويدينه بموضعها : مين منا منزه عن الخطأ ..!
: ومين مننا تعمد الخطأ وأصر عليه .. مانصحتك ياريان بس ماكنت من السامعين للنصيحة ..
: خلاص تركت كل شي لوجه الله ثم لاجلك ..
بإلم وهي تبعد يدينه : ريان باقي ب نبرة حكيك كل شي من الماضي ..
: آسف ..
: كلمة آسف ماتمحي كل شي .. ولاحتى الندم ياريان يمحي اللي سويته ..
بعضّ الحمَاقات لايَمحيھا الندَمّ
لذَلك لا تَعتقِد أنّ جَمِيع الشّوائب
يَستطيعّ الصّابونً إزالتھا ،
فَ أكثرهَا تَعجزّ جَميع المساحيقّ
أن تزيلھا
لذَلك ..
أحبَبتٌ إخبَارك ; أنّ كلمةّ [ اسِفّ ]
لا تَعنِيٌ لي الكَثِيرٌ دَائِما
: الجوهره تنازلي لو كذا بنطول ..شوفي كم لنا ..!
الجوهره : ماعلينا .. أنت ليه تدعي على نفسك ؟!
وهو يجلس : كذا ..
وهي تتكتف : بالله كيفك ..!
خير ريان ترى نفسك مهيب ملكك لاجل تدعي عليها .. ترى أنفسنا أمانه عندنا وبيوم بترجع لخالقها ..
***
لا يجوز الدعاء على النفس بالموت ونحوه
لحديث اَبُي هُرَيْرَةَ، أن رَسُولِ اللَّهِ صلى الله عليه وسلم قَالَ " لاَ يَتَمَنَّى اَحَدُكُمُ الْمَوْتَ وَلاَ يَدْعُ بِهِ مِنْ قَبْلِ اَنْ يَاْتِيَهُ ، اِنَّهُ اِذَا مَاتَ اَحَدُكُمُ انْقَطَعَ عَمَلُهُ وَاِنَّهُ لاَ يَزِيدُ الْمُؤْمِنَ عُمْرُهُ اِلاَّ خَيْرًا " رواه مسلم
وفي رواية :" لاَ يَتَمَنَّيَنَّ اَحَدُكُمُ الْمَوْتَ لِضُرٍّ نَزَلَ بِهِ فَاِنْ كَانَ لاَ بُدَّ مُتَمَنِّيًا فَلْيَقُلِ اللَّهُمَّ اَحْيِنِي مَا كَانَتِ الْحَيَاةُ خَيْرًا لِي وَتَوَفَّنِي اِذَا كَانَتِ الْوَفَاةُ خَيْرًا لِي ".
والواجب على المسلم أن يرضى بقضاء الله وقدره وأن يصبر على ما كتبه الله عليه من الابتلاء ويحتسب الأجر من الله سبحانه ، ويتذكر قول الله سبحانه :
( وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ ) البقرة/ 155–157
***
وهو يناظرها : بسألك ونبي الصراحة ..
تناظره ..
: خفتي علي من دعاي .. والا واجب ديني ..؟
وهي تأشر له بالثنتين ..
وقف وابتسم : والله عارف بأنك تحبيني خلاص جوهرتي الغالية ارجعي بجد ميت عليك ..
: ريان شرأيك تروح لاني بنام ..
وهو متملل : مهوب أبرك لو تجين معاي ..
: لا ..
وهو يناظرها : أجل ندخل كبار العايله ونخلص السالفة ..
: ريان لاتدخلهم لاجل ماتطيح نفسك من عيونهم وحتى منب ناقصة كلام آهلنا بليز ريان لاتزيد هالجروح جروح ..
بعصبيه مفأجاه : أنا أدري عنك .. أقولك تعالي تقولين لا ..!
أقولك براضيك باللي تبين قلتي لا ..!
رجا وترجيتك كل شي وسويته..
تغيير وأحاول اتغير وتغيرت ..
:ريان منب آعجز ارفع صوتي رجاء خلنا محترمين أنفسنا الظاهر كبرنا ..
بتهديد : منب صابر أكثر وبأخذك قريب وقريب حيييل ..
طلع من مجلسهم وهي بنفس زهقها طلعت لغرفتها ناظرت الساعة ودقت على الجوري : آهلن ..صباحك جوهير..
ابتسمت الجوري: أحلى صبح .. غريبه صاحيه ؟
الجوهره : اببداً عادي .. بنت شرأيك نطلع نفطر ونمر لمار وكادي ..
الجوري : فكرة مهيب ببطاله ..بس خل نكلم سوس ونشوف رتيل مدري وينها ماترد..!
الجوهره : لا سلطانه مسافره لـ رتيل لندن ..
الجوري : متى ..!
الجوهره : آمس .. صارت سالفة لما أشوفك بقولها لك .. المهم بروح آخذ شاور لاجل اصحصح أكثر وبمرك نطلع مع سواقنا ..
الجوري: آوككي ..
سكرت من ودقت على كادي وصحتها : آول وين حموودي
كادي بصوت نايم : حمودي بعينك ي الدبه
ضحكت : وينننه ؟
كادي تجلس : راح من سبعه لشغله ..
الجوهره : حلو حلو يلا خلينا نطلع نفطر برى ..
كادي جلست : والله ..
الجوهره : يب .. يلا قومي ..
كادي : آوككي ..(تذكرت) جوووهره عندي موعد اليوم ؟
الجوهره : حق وشو ؟!
كادي: للبيبي ..تدرين بكلم محمد ونأجله ..
الجوهره : طيب متى هو ؟
كادي: 11
الجوهره : حلو يمدينا أججل ..لاتأجلينه
كادي : آوكككي أججل ..
سكرت من كادي ودقت على لمار صحتها نفسها الحاله ..
:قووومي خلي نطلع نفطر ..
لمار :كم الساعه ؟
الجوهره : شوي وتجي تسع .. قومي ..
لمار : طيب بقول لفهد ..
الجوهره : الله يخلي لك هالفهد يلا قولي له وبعد راح أمرك ..
لمار ابتسمت : آوككي ..
نزلت جوالها ودخلت لاجل تأخذ شاور وهي راميه همومها ورى ظهرها ..
.
.
.
بيت آهل سطام ..
غرفة الجوري ..
:علي الحرام أنك جممميلة وتسطلين المخ ..
فزت لما شافته ..
ضحك : فديت المتروعة عادي عادي زوجك مافيها شي ..
صكت آزارر القميص بسرعه من نظراته ..
ضحك : آحس معاي آدمان عليك ..قلت لازم آشوفك قبل مااطلع للشغل ..
ناظرته ب احتقار ..
رفع حاجب : آووه وتناظريني ب احتقار بس ماعليه على هالجمال ..
ملت منه وهي تبعد عنه : سطططام الله يخليك ..
ابتسم : طيب طيب طيب لعيونك للمره الالف .. آقولك آشوفك تجهزين وين إن شاء الله ؟
وهي متضايقه من وجودهم سوى : بطلع مع صديقاتي ..
: حلو واللوح اللي قبالك ماراح تستأذنين منه ؟
الجوري : حلو عرفت بأنك لوح .. كيف تبيني استأذن من جماد ..!
بقهر : وش هالوصف ..!
الجوري : انت قلت لوح وجبتها لنفسك ماشفت مثلك ب انعدام الاحساس ..
أخذت عبايتها والشطنه و زاحته عن طريقها وطلعت من الغرفه ..وهو يناظرها ويقول : معاك حق من ناظرت غيرك من الحريم منيب لوح الا أكبر لوح ..!
.
.
.
بريطانيا ..
فيلاً عساف ..
خلص صلاة الفجر وجلس على طرف السرير : على سبع الصبح بنطلع للمستشفى بشوف تعبك ذا ..
: منيب طالعه معاك لاي مكان ..
وقف وهو يتنهد : ي ليل الليل ماكفاك اللي صار البارح ..؟
بتبلد : لا .. لو تذبحني من الوريد للوريد ماعدت آحس ..
انغبن منها : لعنبوا دراك وش ذا العناد والمكابره اللي براسك ؟!!
: لاشكالك ..
:أشكالي راح يأدوبنك ..
وهي تحاول تقوم : عادي ..
خاف عليها لان لما شافها بتطيح ومسكها بسرعه ..ماتحملت قربه وهي ترفع كفها وتصفقه ..
.
.
.
عَنْ أَبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ : « مَنْ جَلَسَ مَجْلِساً كَثُرَ فِيهِ لَغَطُهُ ، فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ : سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ » .
|
10-08-11, 07:37 PM
جديد مواضيع قسم القصص المكتمله
العرض العادي
