الممــــــــلكة العربيـــة السعـــوديــــــــــــــــــــــة




//


\\




خرجت عائشة برفقة العنود و كان كل جسدها يرتعش من شدة الخوف ..
العنود وهي تشد يد عائشة تمتمت بحرقة : عائشة تكفين خلينا نرجع
عائشة تمتمت بغضب :لا العنود ما راح ترجعين إلا لما تشوفين بنتك ..انتي ما راح ترتاحي إلا إذا قريتي عينك بشوفتها
العنود وهي تستند على حجر قريب وضعت يدها على رأسها وتمتمت بألم : انا من يوم تخليت عنها خسرتها .. خسرتها
عائشة قاطعتها بثقة : لا ما خسرتي شيء ؟!! اللي صار كنتي مجبورة تسوية .. وبنتك أكيد راح تتفهم وتقدر وضعك
العنود وهي ترفع يديها أمام عائشة تمتمت بحرقة : شوفي أيديني كيف ترجف .. ماضي صرت أتهرب من 21 سنة !! وفجأة أجي بكل أرادتي عشان أعيد فتح الصفحــة هذي اللي طويتها من زمان .. الموضوع صعب علي كثير
عائشة جلست بقربها مسحت على راسها وتمتمت بألم : متى راح تفهمين انك ما بتقدري تعيشي إلا إذا واجهتي ماضيك
العنود قاطعتها سريعا وهي تنفجر باكية : ومن قال لك اني ودي أواجه الماضي .. طول عمري عشت مع دموعي ولا اشتكيت .. ولا احد حس فيني غير جدران الغرفة اللي لمتني .. عائشة اللي ودك تغيرية صعب يتغير ..
عائشة تمتمت بحزن : ما فيه شيء صعب .. العنود نحن قطعنا نص الطريق تكفين خلينا نكمل .. ثم سكتت قليلا .. بعدها تمتمت وهي تصدر ضحكة خفيفة بقصد مداعبتها والتخفيف عنها : ترى على فكرة انا مو مضايقة على شانك انتي لا لا !! بس بصراحة فيني فضول وودي اشوف بنتك جود اللي ضحيتي بكل هذا عشانها .. يا ترى حلوة ولا شينة
العنود قاطعتها سريعا ودمعة رسمت على خدها : إلا فلقت قمر .. للحين صورتها في بالي ولا راح تفارقني أبد
عائشة وهي تشدها من يدها : أجــل بطلي دلع وخلينا نتوكل .. واللي كاتبة الله بيصير
العنود نهضت بصعوبة كانت تجر قدميها بخطوات متثاقلة إلى الأمام ولكن تفكيرها بماضيها القاسي ضل يعيدها للوراء
قاطعها صوت عائشة وهي تسال امرأه مرت من أمامهم : لو سمحتي ندور بيت أم جود ........
قاطعتها المراءة بابتسامه : قصدك بيت أم نجود .. هذاك هو البيت .. عن إذنكم
عائشة وهي تبتسم : مسكينة الظاهر الحرمة هذي ما تسمع .. العنود شوفي البيت نفسه صح
العنود وهي تسترق النظر من خلف ذلك الحائط تمتمت وغصة في قلبها : إيه نفسة .. بس الظاهر غيروا فيه شوي
عائشة قاطعتها ": العنود شوفي هناك في بنت طلعت .. اكيد بنتك جود .. ما شاء الله تبارك الله وش زينها
العنود بمجرد ان رأتها شعرت أن قوها قد خارت استندت على عائشة وتمتمت بألم : عائشة هذي بنتي .. كبرت وصارت قد حالها ..!! ليتني بس اقدر اقرب منها وأحضنها .. ليتني اضمها وأشم ريحتها .. ريحتها من لما كانت صغيره ما فارقتني .. يا ترى هي بعدها نفس الريحة ولا تغيرت وتغير كل شيء معاها
عائشة وهي تضمها إلى صدرها : هونيها وتهون يا الغالية ..!! أهم شيء تشبعي من شوفة بنتك
العنود وهي تمعن النظر فيها جيدا تمتمت بألم : لو اجلس اشوفها العمر كله ما راح اشبع منها .. مو كافي 21 سنة حرموني منها .. وش باقي من العمر أكثر من اللي راح .. آآآآه يا جود لو ما صار اللي صار كنتي الحين بحضني



في الحقيقة لم تكن نجود هي الواقفة أمام الباب ولكن كانت صديقتها ميس التي كانت تنتظر شقيقها رائد
ميس وهي تنظر إلى ساعتها : يا ربي وينه هذا .. مو قال نص شوي وجاي .. صار لي خمس دقايق واقفة هنا
أدارت برأسها قليلا ثم لمحت العنود وعائشة وتمتمت بذهول : من هذولا !! وش فيهم يشوفوني كذا .. أحسن شيء اروح واشوف إيش عندهم .. من أشكالهم باين عليهم أنهم غرب عن المنطقة واكيد يبون مساعدة


/::\



عائشة وهي تشد العنود من يديها :العنود خلينا نروح الظاهر أنه بنتك شافتنا ..
العنود وهي تحاول أن تحرك قدميها تمتمت ودمعة رسمت على خدها : ما قادرة امشي يا عائشة رجولي خانتني
عائشة وهي تشدها بشكل أقوى : العنود تكفين سوي شيء .. حاولي .. بنتك بدت تقرب منا أكثر
العنود وهي تجلس على تلك الصخرة تمتمت بحزن : وش فيك ما تفهمين اقولك ما قادرة امشي ..!!
وصلت ميس أخيرا .. ابتسمت عندما شاهدتهم وتمتمت بحب : الظاهر انكم غرب عن المنطقة .. ودكم أي مساعدة
عائشة ويداها ترجف : مشكورة يا بنيتي ما تقصرين .. بس ننتظر السيارة ... روحي انتي ولا تشغلي بالك
ميس : لا ما يصير اروح واخليكم هنا .. اقلها خلوني اضيفكم ... اكرام الضيف من طبايعنا وعاداتنا
العنود كانت تتأملها بتمعن .. ووجهت اذناها لصوتها حتى تترنم بذلك الصوت الذي حرمت منه سنوات طويلة
ميس وهي تقترب من العنود وتطبع قبلة على راسها تمتمت بخوف : وش فيه خالتي الظاهر عليك انك تعبانة
العنود شعرت برغبة كبيرة للمس وجه ابنتها كما كانت تعتقد .. فرفعت يديها ثم مسحت على خدها وظلت تبكي بحرقة
ميس استغربت من تصرفاتها ولكن ما كان منها إلا أن تجاريها شفقة على حالها
عائشة وهي تمسك يد العنود تمتمت بابتسامة : السيارة جت روحي يا بنيتي ولا تشغلي بالك
ميس وهي متعجبة من حالهم تمتمت بذهول : طيب اللي يريحكم .. اسـتاذن انا
العنود مسكت يد ميس فجأة وتمتمت بحزن : إيــــــــــــــش إسمــــــــــــــك يا بنيتي
ميس ابتسمت ثم تمتمت بحب : اسمــــــــــــي وقاطعها صوت من بعيد ..كان صوت شقيقها رائد
ميس بابتسامه : أخليكم انا مضطرة أروح خويتي كثير تعبانة وضروري تشرب الدواء في وقته عن إذنكم
بمجرد ان غادرت شعرت العنود أن السنوات التي حاولت أن تتناسها عادت إليها من جديد .. بالماضي هي من تخلت عن يدي ابنتها بعد أن كانت جود محكمة القبضة جيدا .. اما اليوم جود هي من ابعدت يدها عن يد والدتها
العنود تمتمت بحرقة : خذيني من هنا .. خذيني من هنا يا عائشة .!
عائشة : طيب وش رايك نمشي .. الظاهر فلوسنا ما راح تكفي عشان ناخذ سيارة
العنود لم تستمع إلى ما قالته عائشة .. فلم يكن يشغل بالها إلا صورة ابنتها التي كانت قريبة منها بشكل كبير
وما هي إلا لحظات بسيطة حتى تمتمت بحزن عميق : عائشة ودي اشوف المستشفى إذا بعدها موجوده !! ودي اشوف حالتها بعد سنوات من العذاب اللي عشت فيهم بسببها .. المستشفى القديمة هذي هي اكبر سبب خلاني ابتعد عن بنتي
عائشة وهي تمسح على رأسها بحب : طيب يا العنود ما يصير خاطرك إلا طيب .. راح نسأل عنها واكيد بنحصلها
العنود قاطعتها سريعا : حتى لو غيروا الشوارع وصارت اجدد .. أحساسي والالم اللي بداخلي راح يخليني أوصل لها




/::\




رائد تمتم بابتسامة : ميسوا من هذولا حبيبتي ..!! أول مره اشوفهم
ميس : لا هذيلا ناس غرب .. الظاهر يدورون على احد ؟! بس فيه وحده تكسر الخاطر وحيرتني كثير ؟!
رائد وهو يعقد حاجبية تمتم بحيرة : حيرتك من أي ناحية
ميس : كانت لا بسة نقاب .!! بس مطلعه شعر ومغطية فيه وحده من عيونها .. كانت تشوفني بنظرات غريبة!! نظرات كلها حب وحنان ..حسيت كأنها ما ودها تفارقني لحظة..مسكت ايدي بقوة ..حاسة يا رائد أن ورا الحرمة هذي سر كبير
رائد تمتم بحب : ما عليه يا ميس .. يمكن شافت فيك بنتها أو ذكرتيها بأنسان غالي .. تصير اشياء مثل هذي
ميس وهي تطلق زفرة طويلة تمتمت بحزن : هاه جبت اللي وصيتك عليه
رائد وهو يمد لها بكيس الادوية تمتم بحب : تفضلي ..!! كيفها الحين ؟!!
ميس قاطعته سريعا : لا تشغل بالك ؟!! هي الحمد لله أحسن . الحين راح اخليها تاخذ أدويتها وارجع البيت على طول
رائد بحزن عميق : امانه يا ميس ديري بالك عليها .!! انا عندي شغل ولازم ارجع المستشفى واخلصة
ميس بابتسامة حزينة : لا تشغل بالك يا اخوي .. راح اكون معاها خطوة بخطوة .. سير وشوف شغلك
قاطعهم صوت قهقهات من بعيد يبدو على صاحبها وكأنها يسخر منهم : ما شاء الله الحبايب هنا
رائد بصوت منخفض وهو يضغط على يديه بقوة : ميس روحي داخل
ميس كانت تنظر لتصرفات مصعب الغريبة بتعجب .. حاولت فهم هذا الشخص كثيرا ولم تستطع فتوجهت للداخل بهدوء
رائد تمتم بغضب : خير يا مصعب عندك شيء وودك تقوله ؟!!
مصعب : لا بس المفروض تكون واقف على الباب هذا فاشر بأصبعه على باب منزله مش هنا !! ولا أنا غلطان
رائد والغضب يكاد يتآكلة : اسمعني يا مصعب خلك بعيد عني احسن لك !! ما ودي تصير مشاكل بسبب طيشك
مصعب ابتسم ابتسامة ثم تمتم بسخرية : لا تخاف ما راح تصير مشاكل بسببي لأني عن قريب راح اتزوج
رائد بمجرد ان تفوه مصعب بهذه الكلمات بلع ريقة بصعوبة ثم تمتم والكثير من الخوف يتملكه : ومن هذي
مصعب نظر إليه باستخفاف ثم تمتم بسخرية : وأنت وش له مدخل نفسك فأمور ما تخصك .. عليك بسندس وبس
رائد وهو يضغط على يده بقوة تمتم بلا مبالاة : الله يكون بعون اللي راح تبتلي فيك ؟!!
مصعب قاطعه بغضب : والله يعين أختي اللي راح تتزوج انسان قلبة مع أنسانة غيرها .. مسكينة سندس
رائد : اعتقد الشي هذا ما يخصك .. فالتهي بامورك افضل لك .. عن إذنك يا فالح
مصعب تمتم بسخرية : رائد بكرة لا صارت نجود زوجتي يا ويلك لو قربت صوب باب بيتهم وربي لاكسر رجولك
رائد توجه نحوه ثم شد قميصه وتمتم بغضب : أسمعني يا مصعب نجود ما تهمني واللي تبي تسويه سوه
مصعب تمتم بسخرية : هههههههههههه أجل وش له معصب
رائد قاطعه بغضب : مصعب ............!!
مصعب قاطعه بسخرية : رائد أنته اللي التهي فأمورك وخلني اشوف اشغالي .. وايدك هذي ما تمدها علي فاهم
رائد ابعد يده عن قميصة ثم تمتم بغضب : المره الثانية ثمن كلامك وساعتها ما راح تشوف إلا اللي يسرك
مصعب تمتم بسخرية : راح نشوف وبيوصلك كرت الدعوة طبعا أنته راح تكون اول شخص !! ليش انه وجودك يهمني
رائد تمتم بسخرية : هههههههههه هذا إذا نجود وافقت .!! عن إذنك يا شاطر
مصعب وهو يضغط على يديه بقوة تمتم بحقد : طيب يا رائد بالأول ما كنت ابي اتزوجها !! بس الحين بسوي المستحيل عشان تكون نجود زوجة لي .. وساعتها بس راح اذلك واذلها معاك .. بعدك ما عرفت مصعب على حقيقته .. ما باقي الا كم يوم وتبدا الاختبارات وساعتها راح أتخرج وأتوظف بوحده من شركات اخوي خالد ..ونجود ما راح يكون لها عذر عشان ترفضني .. ههه وش تبا أكثر من كذا .. جمال ودلال وفوق كل هذا مال ومكانة في المجتــمع







/::\





كان يجلس في تلك السيارة الفخمة وهو ينظر إلى ما حولة بتمعن كبير .. وكان يحاول جاهدا أن يفهم ما حدث
مالك وهو يقاطعه : هاه عمي متأكد من المكان ولا تباني أنزل واتأكد لك ؟!!
تركي فتح باب السيارة ثم ترجل منها سريعا .. شاهد رجلا يمر ثم توجه إليه سريعا وتمتم بألم : لو سمحت ؟!
...: إيه نعم تفضل بغيت شيء
تركي تمتم بحزن : من متى صار لك ساكن هنا
....: تقريبا 40 سنــه .. أقدر اساعدك في شيء
تركي تمتم بتوتر : إيه بصراحة كنت أذكر أنه كان هنا مستشفى إذا ماني غلطان . بس ماني شايفها الحين ؟!!
أطلق زفرة نابعة عن حزن عميق ثم تمتم بألم : خلاص المستشفى راحت بأللي فيها .. وصار المكان هذا فاضي نفس ما أنت شايف .. ولانه الناس متشائمة منه .. محد فكر يشتري الأرض ويستثمر فيها بشي ينفع الناس
تركي قاطعه سريعا : إيش قصدك ؟!! ماني فاهم شيء .. يعني المستشفى تصكرت خلاص ؟!!
....تمتم بحزن : الحادث اللي صار من 21 سنـة خلى الناس تثور وتتكلم .. خسرنا ارواح كثيرة .. واضطروا يصكروها
تركي : طيب تعرف الاشخاص اللي ماتوا فيها .. يعني عددهم ؟!! اساميهم .!!
.... : اللي طلعوا من الحريق عدد جدا قليل والأغلبية توفوا
تركي : يقولوا في ذاك اليوم كانت فيه حالة ولادة ؟! عندك فكرة عن الموضوع هذا .. وكم كان عددهم
.... : وانته وش له تسأل كل هـ الأسئلة !! فيــه أحد يخصك من اللي ماتوا
تركي قاطعه بألم : أنتي قولي بالاول وساعتها راح أفهمك بكل اللي صار
...: في ذاك اليوم صارت بس حالة ولادة وحده .. كانت العملية صعبه حسب ما سمعت الحرمة اللي كانت جالسة تولد ما كانت واعية باللي حواليها .. يعني جابت بنتين وولد .!! بس ماتت قبل لا تعرفهم او تشوفهم
تركي قاطعه بألم : طيب التوائم الثلاثة وين راحوا ؟!! يعني ماتوا كلهم ؟!! أكيد في أحد قدر ينقذهم
... : بصراحة من قوة الحريق التحمت الأجساد فبعضها .. واي شخص من المفقودين اعتبروه ميت ؟!!
تركي قاطعه بألم : تكفى حاول تتذكر .. ما فيه طفل قدر واحد يخلصه او ينقذه
.... وهو يعيد ذاكرته إلى الوراء : إيه لحظة الولد !! فيه واحد خذه شفق على حالته وقال بيخلي زوجته تربية مع بنته
تركي وعيناه تتسع : طيب الرجال هذا أنته تعرفه ؟!!
....: لا والله ما أعرفـــه .........
تركي وهو يخرج كرت ويمده إليه : طيب هذا كرتي وفيه كل أرقام تلفوناتي لا تذكرت شيء يا ليت تتصل فيني
.... : طيب إبشر
تركي وهو يضغط على يديه بقوة ودمعه رسمت على خده : ابوس ايدك حاول تتذكر .. التوائم هذولا يصيروا اولادي
ولا عرفت مكان الولد وين .. أو الشخص اللي خذه .. حياتك كلها راح تتغير .. راح اخليك تعيش حياة ما حلمت فيها
....... تمتم بألم : نحن ما نبي غير الاجر من اللـه
تركي : ما قصدي شيء .. بس ما عرفت بالموضوع إلا من كم يوم .. وحالتي حاله ولا قادر أفكــر
.... : والله ودي اساعدك بس بعد العمر هذا صعب اني ادور على الرجال وأحصله بالسهولة اللي انت متصورها
تركي : المهم كرتي عندك ولا تذكرت شيء انا موجود اتصل في أي وقت





/::\\




العنود وصلت مع عائشة .. ظلت تتأمل ما حولها وهي تتذكر كل لحظة عاشتها في هذا المكان الذي سلبها كل شيء
ارتسمت دمعة على خدها وهي تدير عينيها حول المكان .. شعرت بأن رأسها أصبح ثقيلا وكادت أن تسقط
عائشة وهي تشدها من يدها : العنود إيش فيك ؟!!
العنود وهي لا زالت تنظر إلى ذلك المكان بتمعن كبير أشارت بأصبعها السبابة و التي كانت ترجف : هذا المكان يا عائشة .!! هذا المكان اللي حرمني من بنتي جود .. هذا المكان اللي بسببه أندفنت 21 سنه بغرفة من أربع جدران .. هالمكان هو اللي خلى حياتي مثل الكابوس .. آآآآآه يا عائشة ودي ارجع الزمن اللي ورى كنت ما جيت لهنا .. كنت ما خسرت بنتي ., كان رجعت لبيت اهلي وبست راس اخوي واستسمحته واعتذر من كل اللي تعذبوا عشاني
عائشة وهي تضمها إلى صدرها تمتمت بحزن : تكبري وتنسي يا العنود .. وبنتك اليوم أو بكرة راح ترجع
العنــود وهي تبكي بحرقة تمتمت وهي تصرخ : لا يا عائشة بنتي ما راح ترجع .. ما راح ترجع .. انا خسرت كل شيء .. خسرت بنتي .. شوفي وجهي .. وجهي اللي من 21 سنة ما شفته غير مره أو مرتين .. وش بقى بعد ؟!!
عائشة وهي تمسح على راسها بحب : كل شيء راح يتصلح .. والطب تطور..بكرة نسوي لك عميلة وترجعي نفس اول
العنود تمتمت وهي لا تزال تصرخ : آآآآآآآآآآآآآآآآه يا ويل حالي .. رجعوا لي بنتي .. بس هذا اللي اباه ..!!





/::\




تركي فتح باب سيارته .. ولكنة سمع صوت صراخ يصدر من بعيد .. صوت شبهه بصوت أحب ان يسمعه كثيرا
العنود بسبب النوبة التي حدثت لها ظلت تصرخ .. تركي أستطاع ان يميز الصوت جيدا .. ظل يبحث عنها بدقة ..
ظل يقلب عينيه ولكن دون جدوى .. اغلق باب السيارة بقوة ثم أخذ يتبع ذلك الصوت
العنود كانت تبكي بحرقة ولكنها شاهدت الشخص الذي لم تتوقع أن تراه بعد كل هذه السنوات .. فجأة خرس لسانها .. وشل جسدها عن الحركة .. وضعت يدها على شفتيها وظلت تبكي بصمت وهي غير مستوعبة .. أسئلة كثيرة دارت في بالها .. ما سبب وجود تركي في هذا المكان .!! كانت متأكدة أنها سمعت صوته ليلة ولادتها وها هي اليوم تراه مجددا .. شيء ما شدها للذهاب إليه وسؤاله عما حدث له وجعلة يتصرف معها هكذا .. وعن سبب وجوده في المستشفى ليلة ولادتها .. ولكن هناك شيء اقوى منها منعها .. تذكرت شكلها وضعف حالها بعد مرور هذه السنوات طويلة .. لقد عاهدت نفسها أن تنسى كل شيء يذكرها بالماضي .. ولكن الماضي ها هو يعود مجددا .. وكأنه يريد مواجهتها
عائشة تعجبت من سكوت العنود المفاجئ فتمتمت بخوف : العنود إيش فيك عسى ما شر
ولم تنتهي من كلامها حتى سمعت صوت من بعيد وهو ينادي بأسم العنود بصوت مرتفع .. تعجبت عائشة من هذا ثم ادارت برأسها .. ظلت تنظر إليه وتختلس النظر إلى العنود التي اصبحت واقفة مكانها دون أي حركة
عائشة لم تعرف كيف تتصرف .. أحست ان هذا الرجل قد يكون أحدا من أقربائها وسمع صوت صراخها .. نظرت إليه بتمعن فادركت بأن ملامحه وطريقة ملابسة ليست سعودية فتمتمت بذهول : العنود من هذا ..!! لا يكون
العنود كانت تنظر إلى تركي وكل جسدها أصبح يرتعش .. لم تستطع النطق باي كلمة .. شعرت أن تركي سيكتشف أنها لا زالت على قيد الحياه وهذا ما لا كانت ترغب فيه . ولكن تركي ضل يقترب أكثر فأكثر حتى اصبح قريبا منها ...!!





/::\





سلطنـــــــــــــــة عمــــــــــــان



//


\\


جود توجهت إلى المستشفى لتطمئن على حالة حمدان .. لأنها ستنشغل قريبا بامتحاناتها النهائية ..
جود وهي تطبع قبلة على رأسه : كيفه حبيبي اليـــوم ..!!
حمدان بابتسامة بريئة : انا بخير .. بس انتي مريضة صح
جود وعيناها تتسع متعجبة من قولة : حمدان ليش تقول كذا حبيبي .. انا بخير ما فيني شيء
مبارك تمتم بابتسامه : جود مبين من عيونك أنك مريضة وتعبانة
جود وهي تطلق زفرة طويلة تمتمت بألم : مو انا اللي مريضة .!! بس بابا تعبان شوي .. لا تشغلوا بالكم
قاطعهم الدكتور صالح بابتسامة : جود ابوك قد حالة .. فكري بصحتك .. وجهك صاير لونه اصفر من كذا يوم
جود تمتمت بحزن : لا تلومني يا عمي .. أنته أدرى بمشاكلي وهمومي ..!! بس راح تتسهل ان شاء الله .. المهم مو هذا موضوعنا كيف حمدان متحمس حق السفر ..
حمدان تمتم ببراءة : انا أخاف اركب الطيارة لحالي .. ليش ما تسافري معاي
جود وهي تمسح على وجهه بحب تمتمت بألم : ودي أسافر معاك بس انا عندي أختبارات وما يصير اخليهم وراي .. بس أوعدك لا شديت حالك ورجعت بصحة وسلامة راح أخليك تلف العالم معاي .. بس أنا وانت
حمدان وهو يرتمي في صدرها تمتم بابتسامة : ماما جود انا كثيــر آحبك .. احبك احبك احبك
وجود ودمعة رسمت على خدها تمتمت بابتسامة : وربي أنته سبب سعادتي .. أحمد الله ليل ونهار أنه حطك فطريقي
مبارك تمتم بحزن : نحن المفروض نحمد الله لأنه حطك في طريقنا يا بنيتي ..!!
جود وهي تتوجه نحو العم مبارك وتطبع قبلة على رأسه : لا يا عمي لا تقول كذا .. انتوا فيكم الخير والبركة
الدكتور صالح وهو يحاول أن يلطف الجو : أممممم الحين انتهت الزيارة جود تقدري تروحي
جود : لا عمي صالح حرام .. ما جلست عند حمدان .. وما شبعت منه بعدني
الدكتور صالح قاطعها بابتسامة : ما عليه الجايات اكثر أن شاء الله .. ويلا اشوف فارقي الحين
حمدان قاطعة ببراءة :دكتور لا تزعل ماما جود ولا راح اضربك بإبرة وأخليها تعورك
جود توجهت مباشرة نحو حمدان وضمته لصدرها : يا بعد عمري انت .. بس عيب ما يصير تقول كذا .. الدكتور بيزعل
حمدان بابتسامه : يعني الدكتور زعل من كلامي ..
الدكتور صالح وهو يتظاهر بالغضب : إيه زعلت
حمدان تمتم ببراءة : بس انته قلت راح تصير صديقي ..!! والصديق ما يزعل من صديقة صح ماما جود
جود تمتمت ضاحكة : إيه كلامك عين العقل
الدكتور صالح : آممممممم يعني هـ الفصعون فاز علي صح
جود تمتمت بحماس : آيــــه فاز عليك ..!! هذا تربية العم مبارك ومحد يقدر عليه
مبارك تمتم بابتسامه : لا عاد هذي ما صدقتي فيها .. الا قولي تربيتك
الدكتور صالح : خلاص ولا تزعلوا تربيتكم انتوا الاثنين والحين ممكن تخلوني أشوف شغلي عند صديقي حمدان
جود وهي تطبع قبلة على خده تمتمت بحب : حمدان اخليك الحين بس بكرة قبل لا تسافر أكيد راح اشوفك
حمدان : طيب ماما جود انتـظرك ..!!
جود : عمي مبارك يلا خلني أوصلك فطريقي ..
مبارك : لا يا بنيتي انا عند شغل قريب وودي اخلصه .. وبعدها راح أرجع المسشتفى واطمن على حمدان
جود بابتسامه : طيب عمي على راحتكم .. إذا انا أخليكم ..!! عمي صالح بينا اتصال




/:::\

جرح آخر آنطوى ومضى بسلآم ..

لآ نعلم ما آلذي ينتظرهم غدآ وماذا يخبئ لهم قدرهم ..

هل القادم سيكون آجمل

آم هنآك مجموعه من آلاسرار تخيم وتحيط بهم ..

اسئلة كثيرة وربما تجدون بعض آجوبتها في آلاسبوع آلمقبل

وإلى ذلك الوقت آترككم في حفظ آلله

لآ تنسوني من دعوآتكم وآلدعآء لوآلدي وكافة موتى آلمسلمين بالرحمه والمغفرة

وبخصوص نجود لحد يسألني ليش ما ذكرتها في هـ البارت
هي قالت تبا تريح .. عشان تظهر في البارتات الثانيه بصورة اقوى ههههه
عشآن كذآ لحد يحقد علي ..

كل الود .. قرأة ممتعه للجميــع

kesat 3thab

السلام عليك ورحمه الله

حلوومه تسلمين حبيبتي على النقل الراائع
ليييييه كذا اهئ اهئ حرااااام تسوين
فيني كذا لييييييه ماخليتي تركي يشوف العنوووووود ويعرفهاااااا
بس قلت انتي من قبل قلتي انهم رااح يشوفون بعض بس تركي ما راح يعرفها
ولا بيصير بينهم كلاااام

سبحااان الله دااااائم الصدااقه الي تنبني على مصااااالح تنتهي بسرعه وخااصه اذا احد
الطرفين غلك على الثاااااني وهذا الي صاااار بين اماني وخلوووووود
والي ماكان بالحسباااان ان شجوون وعبير يسمعووووون ال صاااار ويستغلوونه لصااالحهم
ويتفقوون مع اماااني ضد جوود الي قااطعة قلبهم

لياااااااان مدري لييييه مو مرتااااحه لخطبتك لهيثم مع اني من قبل كنت متحمسه لهالشيء
وخااصه من تصرف ام هيثم واصرارهاااااا انها ما تعلمهم من تبي تكلمه

لييييييه ياصالح تجي ترى وقتك كلش غلط حبكت يعني تجي يووم ما بغى اياااد يخربهااااا
ويعترف بحبه لجووود بس يالله خيرهااا بغيرهاااااا

نوووور انتي وش شيطاان على هيئة انساااااان الرجاااال وهو الرجاااااال الي بنظر المجتمع شاايل عيييبه
متندم وخااااااااااايف وانتي ولاهمك بالعكس جالسه تتحايلين علييه عشان يرضخ لك جعلك الفضيحه الي تصيرلك
وعقبهاااا تعافين حتى رووحك

ماهكذاااا الاتفااااق وش هالقفله الي تعوووور القلب خافي الله فيني ترى قلبي رهيف
ما يتحمل مثل كذاااااا
بس اتوقع ان راااكااان رااااح يوصل بالوقت المناسب وينقذهاااااا من هالاوغااااد

يسلمو بارت رائع

أعجني أن تركي لقى العنود بسها تعب وشقى خليه يداوي جروحها

أتوقع مصعب يكون ولد تركي المفقود