الجــــ جروح من عبق الماضي ــزء آلــــــ,ـــثآمـ‘ــن وآلعشــ,ــــرون Kesat 3thab






//


\\







طلعت روحي قد ما احاول أرضيك
والقلب حاول فيك قدر استطاعة
والعين بأغلى دمع راحت تناديك
وتشكيك شكوى ميتين المجاعة
والله لو ادري ان هذه مواريك
وانك نويت تخون واثمن وداعه
ما كان صدقتك ولا جبت طاريك
يا واحد فرق بشملي وباعه
اخذت مني ما يهمك ويكفيك
اخذت كلي صدق ما هو اشاعه









/::\








قبل لا نبدأ البارت حبيت انوه عن شغله مهمه .. لأني حسيت البعض اختبص في الشخصيات ..
صالح ابو إياد هو نفسه ( بو بندر ) ابو ليان اخو ريما .. ما أدري إذا فهمتوا من وصفي ههه
والدكتــور صالح هذي شخصية مختلفة تماما .. ويطلع صديق تركي من أيام الطفولة



صالح ( ابو بندر ) تمتم بسخرية : إيه يا تركي إياد يصير ولدي .. وكل اللي جالس يصير هنا انا خطط له
تركي وهو يعقد حاجبية تمتم بخوف : إيش قصدك بخطط له ؟!!
صالح قاطعه بغضب : الحرقة اللي شفتها بعيون اختي يوم تركتها باسعد يوم حياتها راح تتكرر .. اليوم وبنفس الطريقة .. اختي صار لها 21 سنه من الصدمه مب قادرة تتكلم .. بنشوف إيش بتكون ردة فعل بنتك
تركي وشفتاه ترتعش تمتم بخوف : إيش قصدك من كل هذا يا صالح ..!! وبعدين إياد مستحيل يكون ولدك ؟! انا رحت بنفسي السعودية وشفت عمه بأم عيني .. وحتى المسمى كان مختلف ...........!!
صالح وهو يطلق ضحكة قوية : مسكين يا تركي لعبت عليك حتى الأشخاص اللي حواليك غدروا فيك .! في نفس اليوم اللي طلعت فيه من هنا وجيت السعودية عشان تعرف إياد ولد من يكون ! انا وصلني الخبر ودبرت كل شيء .. يعني عمه اللي التقيت فيه كان مجرد صديق لي وحب يخدمني .. آآآه يا تركي لو تعرف شكثر انتظرت هـ اليوم .. الحرقة اللي شفتها بعيون ابوي وامي رحمة الله عليهم للحين مخليه النار شابة في صدري .. وعشان انتقم من اللي سويته فيني وفي أهلي خليت ولدي يعيش غريب بين اخته وامه .. طول الوقت كان يدرس ويكون نفسه بس عشان يصير استاذ لبنتك ويحاول يوهمها بأنه يحبها .. وبنتك مسكينة طلعت بريئة نفس ريما بالضبط ..!! وحبته وتعلقت فيه . بس انا اسف يا تركي اني اقول لك انه ما في نصيب بينا .. والقدر راح يرجع يكرر نفس القصة .!
تركي كل ما سمعه كان كـ الصدمة بالنسبة إلية .. ارتسمت دمعة على خده وكاد ان يسقط لولا تدخل مالك
مالك قاطعه بخوف : عمي إنتي بخير ؟! حاس بتعب
تركي وهو يفك الأزرار عن رقبته تمتم بخوف : جود .. جود ما راح تتحمل هـ الشيء .. فرحتها بتنكسر
بو بندر قاطعة بسخرية : وأنا ودي انها ما تتحمل .. وتعيش طرشاء نفس ما عاشت اختي بالضبط
صالح قاطعه بغضب : إنت إيش جنسك من البشر ؟!! تركي غلط غلطة وندم عليها ! ليش ودك تكررها
بوبندر تمتم بحرقة : ندم عليها ؟!! ندم بعد إيش .. بعد ما فيه عوايل انهدمت وتشتت .. أي ندم هذا اللي جاي تتكلم عنه .. انا خسرت امي وابوي واختي بسبب هذا .. الندم حق اللي مثله صدقني ما يصلح
صالح توجه إلى إياد وتمتم بحرقة : تكفى يا إياد جود لا تضرها .. ما راح تتحمل .. هي مالها ذنب بكل هذا
إياد أكتفى بالسكوت ولم يعقب على ما قالة الدكتور صالح .. وكأنه راض عما يحدث
تركي سكوت إياد وترة فتمتم وهو منكسر : وش فيك ساكت يا إياد ؟! صحي ابوك من الجنون اللي عايش فيه
صالح ( ابوبندر ) : هههههه يصحيني من إيش ؟!! إذا هـ المسرحية اتفقنا عليها انا وهو من البداية ..!!
الدكتور صالح وهو ينظر إلى اياد تمتم بغصب : إياد انت الفاهم يطلع منك كل هذا .. مو حرام عليك تكسر فرحة بنت مـــريــــ ــ ــ ضــ ..............!!
فجأة شل لسانه وعجز عن تكملة الجملة تذكر جود وهي توصيه بأن هذا سر بينهما ومهما تأزمت الأمور وتعقدت عاهدها بان لا يفضحها .. وتموت هي في صمت دون ان تؤذي احدا .. ارتسمت دمعه على خده .. وعاد إلى أدراجه وهو يفكر بالمصير المجهول الذي تنتظره جود .. وكيف ستتحمل صدمه أخرى ؟!
صالح ( ابو بندر ) وهو يقطع حبل افكارهم جميعا : هههههه وش السالفة الكل سكت .. المسرحية توها في بدايتها وبعدكم ما عرفتوا الفصل الأخير منها ..
تركي لم يتحمل الموقف ونهض سريعا وتمتم بخوف : إنتوا إيش اللي ناويين عليه بالضبط ؟! وش تبون في بنتي ؟!
بو بندر وعيناه مركزة على تركي وكأنه يريد ان يتلذذ بكل لحظة انكسار يمر بها تمتم بثقة : إياد طلقها وبسرعة
الدكتور صالح لم يصدق ما سمعت أذناه وتمتم سريعا : يطلقها ؟! لا مستحيييل ما راح تتحمل هـ الشيء بيقظي عليها .
تركي وجسده بدأء يرتعش تمتم بانكسار : تكفى يا صالح ابوس يدك خذ مني اللي تباه .. بيتي حلالي صحتي لكن لا تكسر فرحة بنتي الوحيده .. مهمها صار في الماضي جود تضل بنت .....................................!!!
قاطعه بو بندر بغضب : لو سمحت انا مب فاضي حق كلامك هذا .. ودي اخلص .. ودي اشوفك تموت باليوم الف مره ... وبعد ما تشوف الموقف اللي راح تنحط فيه بنتك تذكر اختي ريما اللي كسرت قلبها .. العذاب اللي راح تشوفه بعيون بنتك هو نفس العذاب اللي مرت فيه اختي واللي للحين تعاني منه ... وبكذا تكون خذت جزاك اللي تستحقه
تركي وهو يبكي بحرقة : بس انا بشر معرض للغلط .. وربك هو الوحيد اللي من حقه يحاسبني مو إنت ..!!
بو بندر قاطعه بسخرية : عذابك بالأخرة بيكون اكبر .. هذا بس عذاب الدنيا .. وان شاء الله تقدر عليه
صالح قاطعه بغضب : إنت مو بشر .. حرام عليك تكسر فرحة بنت صغيره وقدام كل هـ الناس ؟!
بو بندر : ههههههه وانت وش اللي حارق اعصابك .. انا اقول خلك برا اللعبة افضل
صالح قاطعه بغضب : مشاعر الناس والتلاعب فيها بالنسبة لك لعبه ؟!! بس صدقني كل ظالم وله يوم .. وأي شيء تسويه عشان تضر فيه جود راح يرد لك اضعاف مضاعفة .. ليش انك حطيت نفسك فمكانة عظيمة ويحق لك تحاسب الناس على كيفك وعلى هواك .. وهذا اكبر غلط ..
تمتم بهذه الكلمات ثم توجه إلى إياد وتمتم بحرقة : ما سمعنا صوتك يا دكتورنا العظيم يا المثقف .. ممكن نفهم منك إيش نهاية هـ اللعبة والفصل زي ما يسميه ابوك ؟؟! معقولة تبيع بنت حبتك وصانتك وكانت مستعده تتغرب عشانك ؟!
إياد عيناه كانت مركزة على والده وعجز عن التفوه بأي كلمه ..
تركي قاطعه بحرقة : إياد خل عقلك اكبر من عقل ابوي ولا تتهور وتسوي في بنتي شيء وتكسر قلبها
بو بندر قاطعه بحرقة : يتهور ؟!! واللي سويته أنت إيش ؟!! خليتها تتخلى عن اهلها عشانك وبعدها شو كانت ردت فعلك بدل لا تصونها وتحافظ عليها تخليت عنها .. لحد ما ماتت محترقة هي وعيالها الثلاثة .. انت تتكلم عن الغدر
انا صار لي سنين مخلي الناس تناديني ابو بندر .. مع إني المفروض أكون ابو إياد .. بس عشان احقق اللي في بالي واكسر قلبك مثل ما كسرت قلب اختي قلت اتحمل .. غربت ولدي وحطيت جمره بصدري وما تبيه يتهور ..!!
تركي وعيناه مركزة على إياد : إياد اللي صار كان ماضي وجود مالها دخل فيه .. وش له تحملوها اخطاء ابوها ؟!
بو بندر تمتم بثقة : لأنها بنتك ؟!! وإذا تألمت ولو شوي إنت راح تموت اكثر كل ما حسيت أنك سبب عذابها
تركي ودمعه رسمت على خده : تكفى يا إياد لا تضر بنتي .. هي ما تستاهل كل هذا
بو بندر قاطعه بشموخ : طلقها يا إياد طلقها وبدون ما ترمش لك عين .. اللي مثل هذا يستاهل تحرقه وهو حي
إياد وعيناه أنتقلت \إلى تركي تمتم بثقة : بنتك طااااااااااااااااااااااااااااالق يا عمي تمتم بهذه الكلمه ثم توجه للخارج
تركي شعر وكأن رصاصة اخترقت جسده .. لم يتحمل وسقط مغشيا عليه






خذيتني وأسرفت../ فيني وصديـت..=خليتنـي وأقـف بـعـز أنهـيـاري
ذبحتني ,,/ وأعلنت ذبحي وناديـت..=صوت العزا واضح وعنـدك قـراري
أثنيتلك (( نفسي وروحي )) ومديت..=باقة سنين العمر وكنت أختيـاري..!
أجزمت في حبك تماديـت وخطيـت..=غلطة عمر والحيـن هذا../أعتبـاري
أهديتلك ,, قلبي ,, وشوقي ,, وخليت..=ذيك المعانـي تحتظر بـ إحْتظاري"
ماكان له داعي "حبيبي" تخلّيت..=تركتني (شمعة حزن) وانت داري..
اني لغيرك../ لا حشا ما تدانيـت..=باقي على عهدي صدوق(ن) وجاري"
مع السلامة .. ياعشيري .. وياليت=تذكر هوانا .. كل ماجاك .. طاري !








/::\








وفي مكان اخر كانت عيناها تتقلب بين الحضور .. فرحتها جعلتها تتناسى المرض الذي ينهش بجسدها .. ظلت تنظر إلى كل من حولها بحب وكأنها ولدت اليوم .. شعرت ان ما ينتظرها اجمل .. ربما الايام التي ستقضيها مع إياد ستكون قليله .. ولكن ما سيغتالها من مشاعر فرح وحب سيجعلها اطول .. وستبقى ذكرى تحملها معها تحت الثرى
وصل الخبر إلى العمه نورة .. هي الأخرى فجعت مما سمعت .. لم تتحمل وأخذت تبكي بحرقة ..
جود بمجرد ان شاهدت العمة نورة تبكي شعرت بالخوف .. خشيت ان يكون أحدا اصابه مكروة .. فظلت متوترة
خلود توجهت إلى العمه نورة وتمتمت بخوف : خالوه وش فيك تبكين عسى ما شر ؟!!
اماني قاطعتها بابتسامه : شوفي إذا كنت تبكي عشان جود بتروح عنك ترى كلنا حواليك وما راح نخليك
نور وهي تنظر إليهم تمتمت بألم : علموني كيف راح ازف لها هـ الخبر .. هي منتظرة كلمة مبروك مو إنتي طالق
خلود وعيناها تتسع تمتمت بذهول : إيـــــــــــــــــــش ؟!!!!
اماني والخوف يسري بجسدها : عمتي انتي إيش جالسة تقولي ؟!! اصلا إياد يموت في جود ومستحيل يسوي كذا
نورة : خلود إنتي حاولي تلهي الحضور وانا لازم اخذ جود وافهمها باللي صار .. إياد طلق جود عشان ثار قديم
خلود لم تصدق ما سمعت وتمتمت بحرقة : لا مستحييييييل ..!! جود ما تستاهل أحد يغدر فيها وبالطريقة المبتذلة هذي
نورة بألم : هذا اللي صار .... جود عيونها معنا واكيد حست على شيء .. تركي للحين مغشي عليه ولا داري باللي حوالية .. فما فيه احد غيري راح ينقل لها هـ الخبر القاسي .. عن إذنكم
جود كانت تفرك يديها بطريقة غريبة وهي تتأمل ساعتها تمتمت بخوف : يا ربي وش اللي صاير ..! إياد المفروض يكون دخل من زمان .. خايفة الدوار يرجع لي وساعتها ما اقدر اتحمل وكل شيء خبيته راح ينكشف
نورة وهي تقطع حبل افكارها تمتمت بصوت منخفض : جود تسريحة شعرك اختربت وش رايك تروحي تضبطيها
جود وهي تتحسس شعرها تمتمت بابتسامه : ههههه الله يهديك ماما نورة .. لا تحاتين انا واثقة انه شكلي ميه ميه
نورة وهي تحاول جاهده ان تخفي عبرتها تمتمت بألم : جود حبيبتي قومي بغيتك في كلمه .. خلينا نروح داخل
جود وهي تنظر إلى ما حولها تمتمت باستغراب : طيب الناس إيش راح نقول لهم .! لا ما يصير فشيله .!
نورة بألم : جود تكفيييييييييييين لا تصعبيها علي وتعالي معاي
جود احست فعلا بأن هناك شيء سيء يحدث فتمتمت بخوف : ماما نورة بابا فيه شيء ...... لا تخبي علي
نورة : إنتي تعالي معاي وانا راح افهمك بكل شيء طيب
جود قاطعتها بخوف : تكفين ماما نورة اقلها طمنيني بابا فيه شي ؟!
نورة شدت جود من يدها واخذتها للداخل .. خلود تناولت الميكروفون وتمتمت بحزن وهي تحاول جاهده ان تتدارك
الموقف : حبايبي نفس ما انتوا شايفين جود راحت خلاص .. كان ودنا الحفل ينتهي بشيء احلى من كذا . بس العم تركي تعب كثير واسعفوه للمستشفى .. وجود ما ضنتي بحالة ابوها هذي راح تقدر تكمل معكم عشان كذا اعذرونا
جود بعد ان سمعت ما تفوهت به خلود تمتمت بغضب : هذي إيش فيها ..!! حتى اليوم ودها تخرب فرحتي علي .. لا بصراحه هذي مصختها وانا لازم اوقفها عند حدها .. سمعتيها كيف تتبلى على بابا وتقول أنه مريض ..!!
نورة وهي تضغط على يد جود بقوة تمتم بحزن : جود اللي سوته خلود صح وراح يخفف من وطئه الموقف
جود والقهر يتأكلها تمتمت بحرقة : وش اللي تخفف ..!! إنتي ما سمعتيها إيش جالسة تقول
نورة قاطعتها بألم : جود خلاص كبري عقلك .. ابوك فعلا تعبان .. إياد طلقك قبل لا يدخل عليك
تخيلوا معي كيف كانت ردة فعلها وهي تتلقى خبرا مثل هذا .. كم هناك مواقف قاسية تجبرك ان تعيش بين طياتها .. بالرغم من مرارتها .. إلا انا مجبورين ان نتحمل كل صفعه وغدر نتلاقها من اشخاص اعزاء على قلوبنا .. شعرت ان الكون اصبح صغيرا .. هي بنفسها احست وكأنها خفيفه .. كل ما ينبض بداخلها توقف .. وقف شعر جسدها من هول ما سمعت .. كانت ترسم وتخطط كيف ستكون حياتها مع إياد غدا .. لم يتبقى لها سوى أياما بسيطه وها هي الحياه لا ترحمها وتتلقى منها صفعة اخرى
عندها فقط عادت إلى واقعها المرير واكتشفت ان ما تعيشه حقيقة مره ... المها كان يكبر .. كل ما بداخلها اصبح يفور
لم تساعدها قدامها فسقطت على ركبتيها وتمتمت وهي تصرخ : مستحيييييييييييييييييييييييييييييييييييييل .............
من شدة حزنها جعلت تلك الصرخة تنحفر في كل الزوايا المحيطة بها .. وكأنها بدأت تبكي حزنا معها .. تحس بالمها



أنت اللي اخترت البعد وعني صديـت وجرحتني وجرحك الين الحين يبكينـي
ومن جرحك بكيت وأنت ماحسيـت ومن كثر البكا دمـوع عيني تشكينـي
وصلت للمووت وأنت عني مادريـت ولا حتى فكرت ياظالم تسأل عني وينـي
خلاص أنا من جروحك والله انتهيـت ومن جروحك كرهت أيامي و سنينـي
اخترتك و أنا أعترف اني والله خطيـت وندمان بس وايش يفيد الندم ياعينـي
يا للأسف قتلت حلمـي اللي تمنيـت وما صرت الحبيب اللي تمنيته يخاوينـي
والله ماني مصدق كأني بحلم وصحيـت معقولـه تجرحني ومن جرحك تدمينـي
بس ربنا موجود وأنـا والله ما نسيـت انـه من مرض جرحك راح يشفينـي








/::\










الممـــــــــــــــــــــــلكة العربيـــــــــــــة السعــــــــــــــــــــــــودية .




//




\\







لمياء شعرت ببعض الأرهاق تركت مهند يخلد للنوم .. فغدا تنتظرة سفرة طويلة .. وتوجهت إلى غرفة الجلوس
أروى بسعادة كبيره : يا هلا بعروستنا الحلوه
لمياء بخجل : هلا فيك حبيبتي .. وش اللي مصحيك ؟!
أروى : المفروض انا اللي اسئل هـ السؤال ..!! انتي وحده متزوجة المفروض تكوني جنب زوجك مو هنا
لمياء : هههه وإنتي ما تجوزين عن سوالفك .. المهم مهند بكره عنده سفرة طويلة وقلت اخليه يرتاح
أروى : زين ما سويتي .. ااااه يا لمياء ما تعرفي قد إيش انا فرحانة لانك قدرتي تغيريه من انسان متهور لانسان عاقل
لمياء : عاد لا تبالغي كثير .. بس الحياه اوقات تعلم .. يلا شدي حيلك وخلينا نفرح فيك
أروى بمجرد ان تمتمت لمياء بهذه الكلمات ارتسمت دمعه على خدها .. ولكنها مسحتها سريعا ..
لمياء وهي تقترب منها تمتمت بألم : للحين تفكري فيه ؟!!
أروى تمتمت باستغراب : ومن هذا ؟!!!
لمياء بابتسامه : أروى يمكن نظرات الحب اخوي سعد الله يغمد روحة الجنه ما قدر يقراها بس انا قريتها .. ليش اني كنت امر بنفس اللي إنتي جالسة تمري فيه .. شفت الحب بعيونك .. شفت خوفك واهتمامك فيه
أروى قاطعتها بألم : بس حبي كان ناقص ولا اكتمل .. حبي كان من طرف واحد .. وهذا اللي كان ذابحني
لمياء بابتسامه : ليت سعد حس باللي في قلبك يمكن ساعتها كان عاش مرتاح .. ولا تجرع كل هـ المرارة في حياته
أروى وهي تعتدل في جلستها تمتمت بحيرة : يعني افهم من كلامك يا لمياء انه سعد كان يعاني مع نور
لمياء بألم : صار لهم ثلاث سنين من تزوجوا بس ولا مره حسسته بالأمان والحب ..طول الوقت هو قلبه مكسور ويفكر
أروى قاطعتها سريعا : بس سعد قلبه طيب واي بنت تشوفه طبيعي تحبه وغصبا عليها .. مشاعرها هي اللي تجبرها
لمياء بحزن : وإذا مشاعر نور عند واحد ثاني إيش تتوقعي منها راح تقدر تعطي ..
أروى وعيناها تتسع : لمياء إنتي إيش تقولي ؟؟!!! معقولة نور كانت تخون سعد ؟؟!!
لمياء وهي تبكي بحرقة : سمعتها سمعتها بأذني وهي تدور على حبيبها وفي نفس الليلة اللي توفى فيها سعد .. ما خلت ترابة يبرد وعلى طول استغلت الفرصة وراحت له .. ما اتخيل كيف كان سعد راح يتصرف وهو يشوف زوجته كذا
اروى قاطعتها بحرقه : كل شيء توقعيه من نورهذي وحده حقيرة .. رغم انها كانت تعرف بحبي له بس غدرت فيني
لمياء : نور كانت صديقتك ؟!!
اروى : كنت احكي لها عن كل شيء امر فيه .. وكل مشاعري اتجاهها .. بس مره سعد شافها هنا في البيت وحبها وعلى طول راح وطلب إيدها .. وهي بعد ما سمعت بالخير اللي عندكم ما صدقت خبر و على طول وافقت
لمياء :ك معقولة في ناس عايشة بس عشان المال
أروى : وفي ناس اشد واقسى من نور .. ومستعده تقتل
لمياء والخوف يسري بجسدها : الله يكفينا شرهم ..
قاطعهم صوت الباب وهو يفتح كانت ميساء قادمة من منزل إحدى الجيران
لمياء وهي تنظر إليها تمتمت باستغراب : ميساء إنتي كنتي برا .؟!
ميساء بابتسامه : حسيت بملل .. وقلت اطلع أغير جو .. واتونس عند صديقتي الجديدة
لمياء وهي تنظر إلى ساعتها تمتمت بغضب : إنتي ملاحظة كم ساعة الحين ..
ميساء : يا الله لمياء لا تفتحين لي تحقيق .. وترى باب الجيران مقابل باب بيت خالتي من إيش خايفة
لمياء : ومن صديقتك هذي اللي طلعتي لنا فيها فجأة
ميساء : اسمها نرجس .. وبصراحه ارتحت لها كثييييييييييييييييييييييييير .. وإنتي تعرفيني افتقدت ريا كثير وهي اسلوبها قريب من اسلوب ريا .. فقلت أتسلى معها شوي
لمياء : يلا المهم تديري بالك على نفسك وتعرفي تختاري صحباتك صح ..
أروى : إذا تبين رائي لمياء .. انا اقول لو تبتعد عن نرجس أحسن .. البنت تصرفاتها تحير اللي حولها
ميساء قاطعتها بغضب : ليش يعني ..!! بس لانها إذا طلعت سوت قصت الأيمو ولبست كله أسود ؟!
لمياء قاطعتها بخوف : إيش ...!! قلتي قصة الأيمو ؟!!
ميساء : إيه وش فيها يعني ...!! انا سالتها ليش تسوي كذا .. قالت بس امشي ع الموضة ما قصدي شيء ثاني
لمياء : سمعيني يا ميساء دام انها تسوي هـ القصة وتلبس هـ الملابس أكيد في بحياتها شيء غلط
ميساء : لمياء هذي مو إنتي ؟!! صرتي تاخذين من طبايعهم نسيتي بابا إيش علمنا ؟!! ما نحكم ع الناس من مظهرهم
لمياء : بس نحن في بلد غريب عنا ولا نعرف شيء عن طبيعتهم .. عشان كذا يا ميساء إذا تعزيني إبعدي عن هـ البنت
راكان سمع جزءا بسيطا من الحوار واحب ان يضيف تعليقا وتمتم بابتسامه : ميساء عاقل وأكيد راح تبتعد عنها
ميساء شعرت بالغضب من تدخل راكان فقاطعته وهي تصرخ : لا انا مو عاقل انا وحده غبية.. وما بسوي اللي قلتوا عليه .. راح امشي بقناعاتي اللي رباني عليها ابوي وما راح اغير منها ولا شيء .. تسمعون ولا شيء .. عن إذنكم
لمياء تمتمت بألم : يا ربي أنا أيش راح اسوي مع هـ البنت ..!! كل ما اقول انها عقلت رجعت تخبص مره ثانية
راكان : لا تخافي يا لمياء .. ميساء عاقل وتقدر تتصرف .. إنتي لا تشغلي بالك
لمياء :تكفى راكان حط عينك عليها هي صايرة تعاند وبسبب عنادها مب قادرة تميز الصح من الغلط وهذا اللي مخوفني
راكان : إنتي اكثر وحده تعرفين إنها بعيوني .. يلا روحي نامي ولا تشغلين بالك








/::\













وفـــــي مكان آخــــر .. كـــانت ام هيثم تخطط للنيل من ليـــان




ام هيثم : يلا يا هيثم قوم وروح شوف اختك من البارحة وهي زعلانه اتصل عليها وما ترد
هيثم : طيب يمه انتظر ليان راحت تتحمم أكيد مشتاقه لرغد ودها تسولف معها ..
ام هيثم قاطعته بثقة : وش ليان هذا الموضوع بيني وبين بنتي وما ودي أي احد يدخل فيه حتى لو كانت ليان
هيثم باستغراب : يمه الله يهديك ليان صارت زوجتي .. يعني منا وفينا ,,!!
ام هيثم : إيه ادري بس انتوا ما صار لكم إلا كم يوم من تزوجتوا وما يصير اعطيها الأمان على طول
هيثم وهو يطلق زفرة طويله : طيب يمه لا طلعت ليان علميها أني عند رغد ..
ام هيثم : طيب حبيبي ويوم ترجع لا تنسى تجيب راما معاك . من العصر وهي عند رغد
هيثم : ان شاء الله يمه .. يلا عن إذنك .............!!
ام هيثم ونظراتها تتبع هيثم وهو يبتعد تمتمت بحرقة : وجاء اليوم اللي راح اكسر فيه راسك يا بو بندر
ليان انهت حمامها الساخن سريعا ثم توجهت إلى غرفة الجلوس فشاهدت ام هيثم فتمتمت بابتسامه : هلا خالتي
ام هيثم وهي تنظر إلى ساعتها تمتمت بداخلها : هذا وينه وش فيه تأخر كذا ؟!!!!!!!!
ليان وهي تطبع قبلة على رأسها تمتمت بخوف : خالتي فيه شيء يشغل بالك ؟!!
ام هيثم وهي تنتبه لها تمتمت بابتسامة ذابلة : هلا هلا ليان .. نعيما
ليان : ههههههه الله ينعم عليك خالتي لو أني حاسة انك مو معاي .. المهم هيثم وينه على أساس نروح مع رغد
ام هيثم وهي تحاول جاهدة ان تخفي توترها : إيه يا بنيتي زين ذكرتيني هيثم جاه اتصال مهم وطلع
ليان وهي تعقد حاجبيها تمتمت باستغراب : إتصال مهم ؟!!! طيب ما قالك من هـ الشخص
ام هيثم : والله ما أدري بس حسب ما سمعت مبين انه صوت مره ..
ليان تمتمت بداخلها : صوت مره .. معقولة تكون حور .! إيه اكيد هي هذي من يوم ما تزوجنا وهي تطلع في كل مكان
ام هيثم قاطعتها بسخرية : وش فيك ليان اشووووفك سرحتي
ليان شدت شعرها للوراء وتمتمت بثقة وهي تحاول ان تخفي دمعه تؤول للسقوط : انا بروح غرفتي عن إذنك خالتي
ام هيثم : ههههه والله ومشت عليك يا بنت صالح .. زعلك هذا راح يسهل علي عشان اقضي على ابوك
قاطعها صوت هاتفها وبمجرد ان شاهدت من المتصل تمتمت بغضب : إنت وينك صار لي ساعة انتظرك
..............: انا عند البيت .. يلا تعالي بطلي الباب .. قبل لا يشوفني أحد
ام هيثم : كيف تباني ابطل لك الباب نسيت اني عاجزة وما اقدر أتحرك
..... قاطعها بسخرية : اقول بلا هرج زايد وقومي بطلي الباب .. انا وأنتي بس نعرف هـ الحقيقة واليوم راح تعرفها ليان ..لكن مسكينه بعد ما تعرف إيش اللي سواه ابوها في زوجك بو عيالك راح تنصدم ويمكن هذا يخفف عليها موتها
ام هيثم : خلاص ثواني وافتح لك ...
لم يكن أحد يعلم ان ام هيثم استطاعت المشي مجددا بعد سنوات من العجز .. وحتى تكمل مخططها ابقت الموضوع سرا
ابعدت كرسيها المتحرك ثم نهضت منه بهدوء وتوجهت إلى البوابة الرئيسية لفتحها
......... بخبث : هــا علميني الطعم وينه ..
ام هيثم وهي تقلب عينيها يمنه ويسرى : ليان داخل خلنا نسوي المهمه بسرعه قبل لا يرجع هيثم ويسوي لنا سالفة
...........: يلا دليني بس عن مكان غرفتها وين
ليان كانت تفكر وبعض من الخوف تملك قلبها البريء فتمتمت بألم : وينك يا ترى .. معقولة تكون عند حور ؟!! لا انا إيش جالسة اقول اصلا هيثم لو كانت حور في باله للحين كان ما أتخذ خطوة وحده وتزوجني. . يمكن اللي يكلمها رغد ..!! إيه رغد ؟!! ليش انا ما فكرت فيها ..أكيد هيثم عند رغد احسن شيء اسويه احط غطاء على راسي واروح اشوفه
ارتدت ليان غطاء شعرها رغبة منها في التوجه إلى منزل رغد ولكن بمجرد ان فتحت الباب انصدمت مما تراه عينيها
ام هيثم بخبث : ها ليان وش فيك بطلتي عيونك كذا ..!!
ليان والسعادة ارتسمت على ملاحها . توجهت سريعا وضمت ام هيثم إلى صدرها وهي تردد بحب : خالتي انتي مشيتي
ام هيثم وهي تبعدها عن صدرها تمتمت بغضب : إيه راح امشي وغصبا عليك وعلى ابوك الغبي
ليان لم تصدق ما تفوهت به أم هيثم وتمتمت باستغراب : ابوي الغبي ؟!! خالتي إنتي فيك شيء .!! زعلانه مني ؟!!
ام هيثم وهي تقترب منها تمتمت بسخرية : انا أزعل ؟! ليش يا حلوه ؟! المفروض إنتي اللي تزعلي
ليان والحيره تتملكها اكثر : أزعل على إيش ؟!!!
ام هيثم : راح اقولك على كل شيء ليان .. وراح تعرفين ابوك على حقيقته ..
ليان قاطعتها بخوف : خالتي إيش صاير انا مو فاهمة شيء ؟!!
ام هيثم : كنا عائلة صغيره مكونة من اربع افراد .. انا وزوجي وولدي وبنتي .. الفقر ذبحنا وهذا اللي أجبر زوجي أنه يتصل بابوك .. طبعا جدك كان عنده شركات لا تحصى ولا تعد .. وابوك صالح كان شخص مغرور ومغتر بالخير اللي معيشة فيه جدك .. جدك خل ابوك يمسك وحده من الشركات وزوجي المسكين بعد ما سمع الخبر فرح كثير .. ليش انه كان صديق ابوك الروح بالروح .. وانا أكثر وحده شجعته .. وراح وقابله وليته ما راح .. ابوك المحترم يا ليان استفز زوجي .. وخلاه يبوس رجلة عشان يشتغل معاه .. وزوجي عشان الحاجة سوى هـ الشيء بدون أي تردد .. ما هان عليه يشوف عياله ما عندهم شيء ياكلوة .. وليت الموضوع وقف على كذا .. زوجي تعرض لأقسى انواع الاستبداد بس الرزقة وما تسوي .. وفي يوم ابوك طلب منه شغله الأغلبية كانوا متخوفين منها .. بس ليش انه زوجي مهندس وافق وبدون أي تردد .. كان في بناية من 16 طابق وكان في مشكله فالطابق السابع وزوجي ليش انه يحب ابوك نفذ المهمة بدون أي اعتراض .. زوجي كان يواجه اصعب موقف بحياته وابوك جالس في مكتب والتكييف يضرب في وجهه ولا داري باللي حواليه .. طبعا بعد ما ريح طلع هو وشوية عمال يشوف إيش سوى زوجي مع المشكلة .. ابوك ضغط على شيء كان بسببه راح يطيح بس عشان يحمي نفسه تمسك بزوجي .. زوجي اللي تفاجأ من ردة فعل ابوك وما قدر يتصرف وكلها ثواني وما لقى نفسه غير متناثر على الأرض قطعه قطعه .. تعرفين إيش يعني هذا يا ليان انا ترملت بسبب دلع وغباء ابوك .. واليوم راح اخليه يعيش نفس الشعور .. وأحرمه من أغلى ما يملك
ليان وهي تضع يدها على أذنيها تمتمت وهي تصرخ : لا مستحيل ..!! بابا مو كذا .. أكيد فيه شيء غلط
ام هيثم تمتمت بحرقة : واللي يقهر اكثر لما توفى زوجي قالوا حادث ويصير فأغلب العماير اللي تنبني .. مع أنه ابوك هو سبب موته .. لكن قدر يطلع منها بعد ما خلى كل اللي شغالين عنده يلملمون السالفة ..ويقولون نفس كلامه بالضبط
ليان قاطعتها وهي تبكي : صدقيني يا خالتي فيه شيء غلط .!! بابا مستحيل يسوي كذا مستحيل
قاطعها بصوته الأجش : لا مو غلط .. هذا اللي صار يا ليان .. وانا كنت شاهد على كل شيء
ليان وعيناها تتسع اكثر فأكثر تمتمت بخوف : أنـــــــــــــــــت .................................!!













/::\

/::\












نجود ظلت طوال النهار بجانب العنود التي لم تستفيق من سباتها حتى الأن
عائشة والخوف يتملكها : وش فيها ما صحت للحين .. انا فعلا بديت اخاف عليها
نجود تمتمت بغضب : لو كان رائد موجود هنا .. ما تعرضنا لهـ الموقف وفهمنا إيش جالس يصير بالضبط
رائد قاطعها بابتسامه : وهذا رائد وصل .. ثم اقترب منها وتمتم بصوت منخفض . إنتي لو تطلبين عيوني تجيك ع طول
نجود وشيء غريب يسري بجسدها تمتمت بتوتر : وش فيكم تأخرتوا كذا .!! المفروض من الصبح تكونوا معاي
ميس بابتسامه : نونو خفي عليه شوي حبيبتي .. كنا في شغله مهمه وتخصك ولا عرفتي وش هي راح تفرحي كثير
نجود وهي تعقد حاجبيها تمتمت بحيرة : تخصني ؟!! وراح افرح ..!! طيب وش هي فرحوني ..!!
عائشة تمتمت بصوت منخفض : رائد ما علمتني وش صار بس الظاهر من فرحة ميس كل اللي في بالي صح
رائد وهو يهز رأسه بالإيجاب تمتم بسعادة : إيه خالتي .. نجود هي البنت الشرعية للعنود
عائشة وهي تضع يدها على رأسها تمتمت بسعادة : يعني العنود أخيرا راح تلتقي بنتها .. والأغرب انه بنتها هي نجود
أبدا ما كانت تخطر في بال احد .. انا صار لي فتره ادور على تركي قلت يمكن عن طريقة بفهم وبقدر اوصل لشيء .. بس حسافة ما قدرت كل ما أتصل يعطيني التلفون مغلق .. يمكن الرجال ملاني الرقم غلط ... وأنا ما أعرف اقراء كثير
رائد قاطعها بحيرة : إنتي تعرفين تركي ؟!! انا عالجت رجال بنفسي وكان اسمه تركي والعلامة اللي في يد نجود كانت في إيده .. ولما سألته عن سبب وجودها قال هذي موجوده في عائلتهم وتنتقل لهم عن طريق الوراثة ..مصعب بعد فيه
عائشة والحيرة تتملكها : اي مصعب ؟!!!
رائد تمتم بابتسامه : الحين تفهمين كل شيء .. وصدقيني راح تتفاجئين نفس ما الكل تفاجأ ..
نجود وانظارها تتوجه إلى رائد تمتمت بخوف : رائد ميس تقول في خبر حلو .. لا يكون اللي في بالي
رائد قاطعها بحب : وإيش اللي في بالك
نجود ودمعه رسمت على خدها مع شعور غريب سرى بجسدها : أهلي يا رائد .. انت وعدتني ادور لي عليهم ..
رائد وهو يخرج الظرف تمتم بحب : نجود اعتقد الموجود في هـ الظرف راح يخليك تشوفي الصورة صح وع حقيقتها
نجود وهي تأخذ الظرف من يده تمتمت خوف : يعني إيش انا مو فاهمة شيء .. رائد لا تلعب باعصابي ارجوك
رائد : في هـ الظرف يا نجود موجوده حقيقة امك .. الظرف هذا كان موجود مع ام خالد امك تركته معها أمانة وعاهدتها انه محد يفتحه غيرك .. طبعا مصعب له حق فيه بس كل كلمة انكتبت هنا وجهوها لك .. افتحيه واقريها
نجود وهي تنظر إلى الظرف والخوف يتلألأ في عينيها اخذت نفسا عميقا وبدأت تفتحه ببطء وكأنها تخشى ما بداخله
رائد وهو يقترب منها : نجود المفروض ما تخافي .. اللي مكتوب هنا يثبت حقيقتك قدام الكل ..وانك مو لقيطة
نجود ودمعه رسمت على خدها : انا مو خايفة من اللي مكتوب فيه .. خايفه اعرف من هي امي واتعلق فيها وما الاقيها
رائد قاطعها بحب : ويمكن امك تطلع قريبة منك وإنتي مو حاسة
نجود وهي تنظر إليه قاطعته بألم : يمكن لما تعرف إيش الأحساس اللي بداخلي بتضحك علي .. الضعف اللي بداخلي خلاني اتعلق بأي خيط امل .. ولما شفت ذاك الرجال تولد بداخلي احساس غريب وبديت أصدق انه ابوي
رائد وعيناه تتسع قاطعها بذهول : أي رجال ؟!!! نجود لا تخبي علي أي معلومة ولو كانت بسيطة راح تفيدنا
نجود وهي تمسح دمعه كادت أن تسقط : لا ولا تشغل بالك .. بس من كم يوم فيه رجال شكله مو من هنا وناداني باسم جود .. والأغرب انه خالتي العنود نادتني بنفس الأسم لما شافتني أول مره .. وهذا اللي محيرني وخلاني اشك
رائد قاطعها سريعا : لحظة لحظة .. الرجال اللي شفتيه كان اسمه تركي
نجود قاطعته بحيرة : لا ما أدري إيش اسمه بالضبط بس كان مصر أنه اسمي جود .لا وزعل مني يقول لا بسه عدسات
رائد تمتم بداخلة : يعني فعلا العنود جابت بنتين وولد نفس ما سمعت مصعب ونجود هنا .. والبنت الثالثة اللي الظاهر اسمها جود عند تركي .بس يا ترى وش اللي ودى جود لهناك لا الموضوع فيه أن ولازم أعرف كل شيء صار بالضبط
نجود قاطعته بخوف : رائد وين سرحت .. لا يكون فيه شيء ومخبيه علي
رائد بابتسامه : ما فيه إلا كل خير .......
ميس قاطعتها بسعادة : يلا نجود بلاش حركاتك هذي وافتحي الظرف ودي أعرف من هي امك
نجود نظرت إلى المغلف وابتعدت عنهم قليلا .. حتى شاهدت زاوية هادئة فتوجهت إلى هناك .. أحست ان كل آلآمها ستتلاشى تمنت لو تضع والدتها عذرا يقنعها عن سبب التخلي عنها .. اخذت نفسا عميقا ثم فتحت المغلف وبدأت تقرا
ابنتي الغالية جود .. اكتب إليكِ وانا أحترق من داخلي ألما .. وما يزيدني حزنا اخشى ان أموت وإنتي لم تقرئي رسالتي بعد .. فانت لا تعلمين الألم الذي اشعر به بداخلي وانا افارق اليوم قطعة مني .. لم أترككِ برغبة مني فعلت ذلك وانا مجبرة لم اقواء ان اجعلكِ تعيشين مع ام مشوهه .. اجل تخليت عنكِ لاني تعرضت لحادث ما شوهه لي وجهي .. كنت أخشى ان ارى نظرات الخوف في عينيك فتلك النظرة ستقضي علي .. كنت الأمل الوحيد الذي جعلني اناضل كل هذه السنوات .. واحيا على أمل ان التقي بكِ يوما .. مهما طال عمري واصبح وجهي ذابلا سأعيش على امل لقائك .. حتى لو كان هذا الأمل كاذبا سأحيا به .. لتعلمي مدى تعلق والدتك بكِ .. لا استطيع ان اكتب أكثر فيداي ترتعش .. وقلبي ينقبض فكرة التخلي عنك تقتلني .. وتحولني إلى امرأة ضعيفة عاجزة .. أتمنى عندما تفتحين رسالتي وتقرئين محتواها تكوني قد تفهمت وضع والدتك ولم تحقدي عليها .. كوني دوما سعيدة .. والدتك العنود ..........
نجود لم تصدق ما قرأت .. بدأت الدموع تنهمر على خدها فجأة .. احست ان قصتها مشابهه لقصة العنود
وجدت شيء صلبا بداخل الظرف .. وكأنها قلادة .. تناولتها ووجدت بداخلها ورقة صغيره .. واخذت تقرا ما بداخلها
غاليتي جود هذه القلادة لم تفارق عنقي منذ أن تعرفت على والدك .. كانت عنوان محبتي له .. واليوم اتركها لكِ حتى إذا عجزت انا عن تمييزك تكوني إنتي قادرة على معرفتي ...
نجود اخذت القلادة كانت عبارة عن سلسال بنهايته شكل مثل القلب فتحته وجدت بداخله صورتين .. وبمجرد ان شاهدت تلك الصورة سقطت القلادة من يدها .. ثم أخذت بتكي بحرقة وبصوت مسموع






أمي يا أول حب عشته بدنيــــــــــــــاي
يا أول اسم تنطق شفاي طاريــــــــــــه
انتي هوى روحي وبعروقي المـــــــاي
عمري بدونك عمر ما عشت أنا فيــــه
ياما لقيتك في شتا وقتي دفــــــــــــــاي
حضنك يدفيني بحنانه وأدفيـــــــــــــــه
وياما مسكتي في أعنى الوقت يمنــاي
خوفٍ علي من الزمان وبلاويــــــــــــه





ميس والخوف يتملكها : رائد نجود تبكي
رائد توجه سريعا نحوها وتمتم بخوف : نجود فيك شيء
نجود وهي تبكي بحرقة : ليش يا رائد يصير فيني كل هذا ... ماما وبابا كانوا جنبي بس كنت بينهم مثل الغريبة ولا قدرت اعرفهم .. امي اللي تمنيت اعرفها هي نفسها اللي مشغول بالي عليها الحين .. وبابا اللي كان يناديني باسم جود طلع نفس ما كنت متوقعة .. الشخص اللي شفته يا رائد نفس الرجال اللي موجوده صورته بالقلادة
ميس وهي تضمها إلى صدرها تمتمت بألم : نجود المهم لقيتي اهلك ومصيرك تلتقي بابوك
نجود وهي تبكي بحرقة : ماما ما كتبت لي بالرسالة انه التشوه اللي صار بوجها بسببي انا !! و انها حاولت تنقذني تخيلي قالت حادث ... قالت كذا عشان ما تبيني أعيش في تأنيب الضمير .. امي طلعت عظيمه يا ميس عظيمه
عائشة وهي تقترب منها : نجود إنتي فعلا المفروض تفتخري بأمك .. انا من عرفت هـ الأنسانة وحسيت بقيمتها .. وابوك يوم ضحى باهله عشانها صدقيني لانها تستاهل .. العنود درة بس هو للأسف ما عرف يحافظ عليها
قاطعهم صوت من بعيد كانت الممرضة : العنود صحت .. تقدروا تشوفوها
نجود وهي تستند على ميس تمتمت بخوف : خليك جنبي ,إذا خالتي ما رجعت نفس اول انا صدق بعيش فتأنيب الضمير
عائشة وهي تبكي بحرقة قاطعتها بحب : هذي من اليوم ورايح ما بتصير خالتك .. لازم تتعودي على كلمه امي












/::\












جــود كانت لا تزال تحت تأثير الصدمة .. ظلت تتأمل ما حولها بتمعن وكأنها تجهل كل شيء .. أحست انها فقدت الأمان
كانت تبكي ولم تتفوه بأي كلمه .. العمة نورة حاولت جاهدة ان تجعلها تتحدث ولكن دون جدوى ......
نورة وهي تبكي بحرقة : جود تكفين ردي على بس لا تمي ساكته .. قولي أي شيء
جود وهي تطلق تنهدات من شدة بكائها تمتمت بحزن : ليش سوى فيني كذا ..! وليش اليوم .! ليش حب يهيني قدام الكل .. فلنفرض انه ثار قديم نفس ما تقولي بس ليش اليوم بالذات ليش .. قوليلي ليش ودي افهم حرام عليكم
نورة وهي تضمها إلى صدرها : بس يا جود .. وربي أنه ما يستاهل دمعه من عينك .. إنسية وعيشي حياتك
جود قاطعتها بحرقة : انساه .! يـــاه مسهل هـ الكلمه وإنتي تنطقيها .. كنت دايما اشوف الناس من زاوية وحده .. كانوا في نظري كلهم طيبين .. بس انا ما عاد فيني حيل ليش دايما أنجرح من أقرب الناس لي .. ودي أفهم ليش
نورة : آآآآآآآآآه يا جود الموقف صعب وأي كلمة راح اقولها لك يمكن ما تخفف الألم اللي بداخلك ..
جود ظلت ذكرياتها مع إياد تدور في بالها وكأنه شريط سينمائي .. الدوار بدأ يزداد حتى أحست بأنها ستسقط
خلود وهي تقترب منها تمتمت بخوف : جود إنتي بخيـــــر
جود وهي تشخص بصرها للسماء تمتمت بداخلها : سبحان الله حتى في المرض حكمة .. يمكن يا رب انت بليتني بهـ المرض لأنك عارف كل اللي راح يصير فيني وأني ما بقدر استحمله .. عشان كذا موتي ارحم بكثير من هـ العذاب
خلود وهي تهزها من كتفها تمتمت بحرقة : جود تكفين ردي علي
جود شدت شعرها للوراء وتمتمت وهي تصرخ في وجه خلود : قوليلي إيش اللي استفدتيه لما طعنتيني في الظهر ها ..!! ليش بس ودكم تجرحوني قولوا لي انا بإيش ضريتكم .. ذنبي الوحيد أني حبيتكم ووثقت فيكم وانتوا غدرتو فيني
خلود وهي تبكي : جود سامحيني وربي انا ندمانة على كل اللي سويته فيك ,, ابوس ايدك ودي اوقف معاك فهـ المحنة
جود وهي تسحب يدها من يد خلود تمتمت بألم : خلاص انا ما بقى فيني حيل .. انتوا قضيتوا علي .. حتى فرحتي استكثرتوها علي .. كل ما أحس أني بقمة السعادة يجي أحد ويقتل فيني هـ الأحساس .. صرت اشوف الدنيا من زاوية وحده . سواد في سواد .. أنتوا قتلتو فيني كل لحظة فرح حسيتها تغتالني في لحظة من اللحظات .. دمرتوني
خلود وهي تضمها إلى صدرها : صدقيني يا جود كل شيء راح يتصلح .. وإنتي قوية وقادرة تواجهي إللي صار لك
جود والدموع تنهمر على خدها : لأول مره حسيت نفسي رخيصة .. إياد بتصرفه قتل كل شيء فيني












/::\










ظل صالح يعتني بتركي الذي لا يزال فاقدا الوعي حتى الأن ..
صالح وهو يدور يمنه ويسرى تمتم بألم : آآآآه يا إياد ليش سويت كذا وحرمت جود من أروع لحظات حياتها .. هي ما كانت طمعانه بشيء كبير .. كان ودها تعيش هـ الايام القليلة بقربكم ..!! ليش استكثرت عليها هـ الشيء ليش
قاطعه صوت تركي وهو يأن : صالح بنتي جود وين ..
صالح وهو يتوجه نحوه تمتم بخوف : لا تخاف جود عند العمه نورة وهي أكيد بدير بالها عليها .. إنت كيف صرت
تركي وهو يضغط على يد صالح تمتم بحرقة : ودني عندها .. جود أكيد منهارة
صالح : طيب يا تركي استند علي ..
استند تركي على صالح حتى اوصله امام الغرفة التي توجد بداخلها جود ..
صالح : تركي جود موجوده هنا .. انت خلك معها .. وانا راح اشوف ابو بندر لوين وده يوصل بالضبط
تركي لم يستمع لما قالة صالح .. فكل ما كان يشغل فكرة ابنته جود .. توجه إلى الداخل والألم ينهش بجسده
جود كانت تبكي بحرقة في صدر صديقتها خلود .. وبمجرد ان شاهدت والدتها توجهت نحوه وغرست رأسها بصدرة
تركي وهو يمسح على رأسها بحب : لا تخافي حبيبتي بابا معاك ومستحيل يخليك
جود قاطعته بألم : بابا إياد ليش سوى فيني كذا ..!! ماما نوره تقول فيه ثار قديم بينكم
تركي وهو يبعدها عن صدره وينظر إليها بتمعن تمتم بألم :جود الظاهر جاء الوقت المناسب عشان تعرفين حقيقة ابوك
جود وعيناها تتسع قاطعته بخوف : أي حقيقة بابا ........!! إنت من لما كنت صغيرة ما خبيت عني شيء
تركي ودمعة رسمت على خده : إلا هـ الحقيقة ما قدرت اصارحك فيها .! خفت لا عرفتي حقيقة ابوك تكرهيني ..!!
نورة وهي تنظر إلى خلود تمتمت بصوت منخفض : خلود تعالي خلينا نطلع .. عشان ياخذون راحتهم أكثر
جود : بابا وش فيك ساكت قول انا اسمعك
تركي قاطعها بألم : اسمعي يا جود كل شيء صار ومن البداية .. وما راح اخبي عليك ادق التفاصيل
جود وهي تبكي تمتمت بحرقة : قول يا بابا انا خلاص كل المشاعر فيني تلبدت.. لأول مره أحس نفسي ضعيفه كذا
تركي قاطعها وهو يبكي بحرقة : سامحيني يا جود انا السبب في كل اللي جالس يصير فيك ..
جود قاطعته بحزن : بابا انا ما الومك مهما كان هـ الثار انا مالي ذنب فيه وإياد مو من حقه يقسى علي كذا ويجرحني
تركي : سمعي يا جود انا لما كنت بالسعودية التقيت بأمك وتعلقت فيها ............. وبدأ تركي يحكي لجود كل ما حدث












/::\













ليان كانت لا تزال مصدومة مما ترى .. وغير مقتنعة بهوية الشخص الواقف أمامها
...: وش فيك يا ليان متنحه كذا ..!! إنتي مستغربه سبب وجودي هنا ........!!
ليان : عمي ابو أمجد .. مستحيل إنت تصدق كلام مثل هذا ..!! أنت أكثر واحد تعرف بابا
ابو امجد قاطعها بسخرية : المشكلة أني شفت كل شيء صار بعيوني ..........!! فكيف ما تبيني اصدق ..
ليان والخوف يسري بجسدها : طيب إنتوا إيش اللي ناويين عليه بالضبط ؟!!
ام هيثم : ليان إنتي راح تدفعين ثمن اخطاء ابوك .. صار لي سنين اخطط يصير هـ الشيء .. ولما اكتشفت انه ابوك
عنده بنت .. ابو امجد جزاه الله الف خير ما قصر وعلمني أنه ما فيه افضل من هـ الطريقة عشان نربي ابوك .. خصوصا بعد ما عرفنا أنه متعلق فيك كثير ..
ليان قاطعتها بألم : بس انا زوجة هيثم .. وإذا ضريتيني أكيد راح تضرية ................!!
ام هيثم قاطعتها بسخرية : ههههههههههه تكفين لا تضحكيني إنتي مصدقة نفسك الحين انه هيثم يحبك .. هيثم عمرة ما نسى حور .. حور كانت حبه الأول والأخير .. بس انا عشان احقق كل اللي في بالي سويت سحر عشان افرق بينهم خليت هيثم ما يطيق يشوفها وسويت لها هي سحر عشان اكرهها في بنتها راما .. حور ما قدرت تتحمل هـ الضيم وانسحبت من حياة هيثم .. وبعدين جت في بالي الخطوة الثانية .. واللي هي إنتي يا ليان
ليان قاطعتها باستغراب : انـــا .................؟!!
ام هيثم : إيه إنتي قدرت اسيطر عليك واتوصل لك عن طريق راما .. وبلعتي السحر اللي سويته لك .. عشان كذا حبك لهيثم بداء يكبر يوم بعد يوم وكنتي مستعده تضحي بأهلك عشانه .. نسيتي يوم خفيتي عن ابوك موضوع راما
ليان قاطعتها باستغراب : بس بابا حتى بعد ما عرف في ليلة زواجنا ما قال شيء
ابو أمجد قاطعها بدهاء : أكيد كنا مجبورين نسوي سحر عشان نربط لسانه ونخليه ما يقدر يعترض على أي شيء
ليان قاطعته وهي تبكي : لعنبو إنتو شو ؟!! انتو ابدا مو بشر .. معقولة في ناس تتعامل بهـ الاشياء الحين
ابو أمجد : إنتي ناسية المقولة اللي تقول الغاية تبرر الوسيلة
ليان قاطعته بغضب : بس هذي مو غاية .. هذا دمار .. إنتو من اللي عطاكم الأذن عشان تتلاعبوا بمشاعرنا وتمشوها على كيفكم .. يعني الحب والكره صرتو تشكلوه على هواكم .. حرام عليكم ما خفتوا من عذاب ربكم
ام هيثم قاطعتها بغضب : وابوك يوم يتم طفلين ورمل إنسانة ضعيفة مثلي كان يخاف ربه ؟!!
ليان تمتمت باستغراب : إنتي ضعيفة ؟!! اللي يطلع منها كل هـ الشر ما ضنتي راح تكون ضعيفة
ابو امجد قاطعها بغضب : ليان احترمي اللي واقفة قدامك ؟!! لأنها تصير أختي
ليان وعيناها تتسع تمتمت بذهول : إيش .. ؟؟؟؟؟؟؟؟؟؟؟؟؟!!!
ام هيثم : إيه ابو أمجد يصير اخوي .. وشوفي الصدف اللي خلا خالتك تتزوجه ..
ليان وهي ترجع خطوتين للوراء تمتمت بألم : انتوا مستحيل تكونوا بشر .. ودي أفهم ليش كــل هـ الشر بقلوبكم
ابو امجد بداء يقترب منها اكثر وليان تبتعد عنه حتى اصبحت قدميها على اخر حدود البلكون ..
ابو امجد وهو يشدها من يدها تمتم بغضب : راح تموتين يا ليان وبكذا نكون أخذنا بثارنا
ليان وهي تبكي قاطعته بخوف : تكفى يا عمي لا تسوى فيني شيء ... صدقني فيه غلط بالموضوع
ام هيثم وهي تقترب منه تمتمت بغضب : روح داخل ابو أمجد وخلني انا أكمل ثاري بنفسي ...........
اقتربت ام هيثم ووضعت نفس المنديل على انف ليان حتى خدرتها .. ثم بدأت أحداث موت زوجها والدماء تسيل من كل جزء بجسده تدور في مخيلتها .. انتابتها نوبة غضب فتناولت ليان ورمتها بقوة حتى اصطدم رأسها بالأرض
ابو امجد : ام هيثم يلا تعالي .. خلينا ندخل قبل لا أحد يشوفنا
ام هيثم تمتمت باستهتار وهي لا تزال في نوبة الجنون التي تملكتها : عطلت كل السيارات اللي تحت .. ما ودي هيثم ينقذها .. ليان لازم تموت
راما كانت تقف امام باب المنزل وشاهدت كل ما حدث ولكنها لم تفهم شيئا ...........











/::\












نجود دخلت إلى غرفة العنود وبمجرد ان وقع نظرها على وجه والدتها المغطى بالشاش تملكتها رغبة جامحة بالبكاء
العنود وهي تنظر إلى نجود تملكها بعض الخوف فتمتمت سريعا : نجود وش فيك تبكي حبيبتي شيء يعورك
نجود اكتفت بابتسامه صغيره ثم طلبت من ميس بأن تدخل إلى الغرفة
العنود بمجرد ان شاهدت ميس لم تتحمل ذلك فاعتدلت سريعا في جلستها ووجهت أنظارها إلى عائشة
عائشة بابتسامه : العنود قبل لا تنفعلين أبيك تعرفين البنت هذي من تصير
ميس بابتسامه : خالتي انا اسمي ميس .. واصير أخت رائد ..
العنود ودمعه رسمت على خدها تمتمت بحرقة : يعني كل اللي عشت فيه طول هـ الاشهر كان كذبة .. مستحييييل
نجود وهي تقترب منها تمتمت بحزن : طيب وش فيك تبكين الحين .. يمكن بنتك تكون قريبة منك كثير
العنود : آآآآآآآآآه يا نجود إنتي مو حاسة بالألم اللي بداخلي .. للحظة ضنيت اني لقيت بنتي بس طلعت عايشة في كذبة
عائشة بابتسامه : بس الأمل بعده موجود .. لكن الغريب وش اللي خلانا نشك انه ميس بنتك وما فيه أي شبه بينكم
العنود : مو شرط الشبة ..!! اهم شيء الأحساس اللي تولد بداخلي
نجود بحب : طيب إنتي لما شفتيني عاملتيني كأني بنتك جود .. ممكن اعرف وش اللي خلاك تسوي كذا
العنود تمتمت بحيرة : نجود وش هـ السؤال الغريب ؟!!
نجود : إنتي جاوبي على سؤالي الحين .. لاني اتمنى من اعماق قلبي أني اكون بنتك
العنود وهي تمسح على خدها بحب تمتمت بألم :النظرة اللي شفتها بعيونك .. كنت اشوفها بعيون تركي
نجود ارتسمت دمعه على خدها ثم غرست رأسها في صدر العنود وظلت تبكي بحرقة ..
العنود والخوف يسري بجسدها تمتمت سريعا : نجود وش فيك حبيبتي ........!!
رائد : نجود اضن خالتي مشتاقة لكلمة انحرمت منها سنين طويلة .. لاحقة على الدموع .....
العنود قاطعته بحيرة : ممكن افهم إيش اللي صاير بالضبط ؟!!
نجود اخرجت القلادة ثم وضعتها على رقبتها ..
العنود بمجرد ان شاهدت تلك القلادة تمتمت سريعا : نجود من وين لك هذي ؟!!
نجود ودمعه رسمت على خدها تمتمت بألم : ماما تركتها لي ذكري
العنود لم تصدق ما تراه .. شعرت ان كل شيء توقف فجأة .. وكأن ما تعيشه حلما وقد تفيق منه في أي لحظة
نجود تمتمت وهي تبكي : انا حاسة بالشعور اللي جالسة تمري فيه .. لأنه تقريبا نفس الشعور اللي حسيت فيه لما عرفت انك امي .. رغم أني كنت مضايقة من الظروف الصعبة اللي مريت فيها ..بس الحين احمد ربي كثير لانها صارت
العنود فاقت من صدمتها ثم ضمت إبنتها إلى صدرها وبدأت تبكي بحرقة وهي غير مستوعبة لما يحدث
مسحت على شعر نجود وتمتمت بحزن : معقولة عقب كل هـ السنين اشوفك لا مستحيل ما اصدق .. انا في حلم ولا علم
عائشة قاطعتها وهي تبكي : لا العنود إنتي مو جالسة تحلمين نجود تصير بنتك..وأم خالد هي اللي عطتها الظرف اليوم
العنود قاطعتهم بألم : بس انا شرط على المرة اللي خذتك تسميك جود مو نجود
نجود تمتمت بحرقة : مو مهم الأسم ماما المهم اني التقيت فيك بعد كل هـ العمر
العنود وهي تقبلها في كل اجزاء جسدها : آآآآآآآآه يا نجود خليني اشبع من ريحتك يا ماما
نجود قاطعتها بحزن : ماما إنتي تعرفين انه عندي اخوان اثنينه
العنود وقد تغيرت ملامح وجهها تمتمت بحرقة : وإنتي وش دراك ؟!! لا يكون شفتي ابوك تركي
نجود ودمعه رسمت على خدها : إيه انا شفته بس لثواني بسيطه وناداني بنفس الأسم اللي ناديتيني فيه اول مره جود
العنود ودمعة رسمت على خدها تمتمت بألم : آآآآآآآآآآآه بس نسى اللي سواه فيني وراح وتزوج
نجود بألم : لا ماما جود مو بنت وحده ثانيه جود بنتك إنتي
العنود وعيناها تتسع تمتمت بذهول: إيــــــــــــــش ؟!! بس انا ما جبت غيرك
رائد قاطعها بابتسامه : لا يا خالتي القصة فيها شوية لخبطة بس اللي نحن عرفناه ومتأكدين منه أنك جبتي ثلاث توائم
العنود وعيناها تتسع تمتمت بذهول : مستحيل ..الممرضة أكدت لي وقالت جبتي بنوتة .. وما كان فالغرفة غير نجود ..
رائد : خالتي إنتي علمي نجود إيش صار بالضبط وساعتها راح نفهم كل اللي صار ..
العنود وهي تتذكر ما حدث ارتسمت دمعه على خدها وبدأت تسرد واقعها المرير ..












/::\