وهاأنتِ ثانية تجبرينني على الترجل من مقعدي حيث المتابعين بصمت و الاقتراب من ضجيج معجباتك وتصفيقهن المسموع..والذي تنالينه بجدارة كل مرة.. اعود لأكتب ماضاق به صمتي.. سواء قرأتيه او تسرب بعيدا عن اهتمامك.كالمرة السابقة..
. عزيزتي طين عُجن بماء من موهبة لافتة بالكتابة،، الناثرة التي توارت خلف ستار رواية..
ماكتبتِه هنا،، بقدر بساطته كان معجزا ،، تكورت مفرداتك وقبضت على قلبي .
ولم تتركني الا حين قررت ان اكتب ردي هذا
.((
حين يموت قريب لك , تشعر بـ أن ذاكرتك تتقلص , فتصبح محصور في ماضيك معه
تتذكر التفاصيل التي لم تتحدث عنها قط , تنمو الأسئلة حوله كما لم تفعل من قبل
, تشدك الأحاديث التي تدور حوله و أنت الذي في السابق
جهلت صوته أو نسيت كيف تطرق بابه منزله ,
حين يموت قريب لك , يُغريك أن تعرف كيف كانت صحته و إلى أي قدر دنى الموت منه و نزعه ,
وتتمنى لو أنك كُنت بجواره حين ترك الحياة
و أنت الذي منحته قطعك حين وصلك ولم تكترث لأمر حضوره !
الحق حين يموت الناس يصبحوا مرئيين أكثر من قبل .. !
والأن أنا أراها في كُل حين , تلك الطفلة الصغيرة التي تزحف إلى رأسي كـ فكرة
و التي تتمدد على أوعية عيني كـ دمعة !
أشمها في هواء الذي يضرب أنفي و يستقر في رئتي ..
حين يموت قريب لك تُدرك أن الحياة صغيرة جداً وعاقر لا تنجب إلا الفراآق ...))
رائعة حتى التعب يا آنستي..

لم يعد الكتاب المطبوع شئ بعيد المنال حتى اتمناه لكِ .. انتِ تستحقين اكثر..

،،


همسة اخيرة
وربما علامة تعجب باتت تتشكل فوق رأسي بشكل كبير كلما امعنت في القراءة سواء هنا او في معظم الروايات الرائجة،، م
هناك دلالات خطيرة ومؤشر لقبول العنف ..لو غلُف بوسامة الشخصية وثراءها،،!!
وهذا امر غير مقبول ومرفوض تماما،،
ان يستخدم الضرب والعنف بين اي شخصين فمابالك بين رجل وامرأة!
وكأن العنف هو مظهر لقوة الشخصية وكبرياءها،، حتي باتت كل الروايات تستمد دماءها من سلسة افلام The God Father العراب..
عزيزتي انا لااخصك بهذه الملاحظة ولكنها كلمة حق اريد كل الكاتبات ان يتوقفن قليلا و يفكرن ،،
فلاتقللن من اهمية ماتكتبن في تشكيل بدأ او قناعة قد لاتكون ظاهرة حاليا ولكنها تقع في روح وفكر ابيض،، هي قلوب قارئاتكن الصغيرات...


شكرا لك عزيزتي قد اخرجني جمال كتابتك من صمتي،، وثرثرت طويلا

دمتِ بهذا الجمال

السلام عليك ورحمه الله وبركاته

طينووووووووه وشذا لالالالالالا انا احتج لييييه تسوين كذاااااااااا اهيء اهيء فرحتي
العذااااااااال بالنوفي >> فيس يطالع زار <<وخليتيهاااااا تتشمت بهاااااااا


شوفي ياقلبي انتي انا هذا البااارت ماااااااحبيته بالمره احسه يعور القلب
وكل الي فيه ماسي يكفي ان سيء الذكر دحيييييم الدبي بكى النووفي حسبي الله علييه الله ياخذه
قليل الادب الي مايستحي على وجهه لو انه رجاااااااااالب ما غصبهااااا على نفسه بس وش اقوول
الضرب بالميت حراااااااااام وه اصلا قلبه ومشااااعره كلهاااااااا ميته
النوفي يابعد دحيم واهلها كلهم لاتبكين قدامه خلك قويه هالحقير مايستاهل انه تبكين قدامه اذا طلع
اطلعت رووووحه ابكي لين تقولين بس

فيصل تراااااااك انت الثاني بااااط كبدي اقول تلايط لا اجي لك انت وادبك بعد وش تبي من البنت ما يكفي
الي مسويه فيهااااا ومخبلهاااااا المفروض تنطم ولا تفتح فمك بحرف مااااااااالت عليك

حنين ياعمري عليك والله تكسرين الخاطر حسبي الله على الي كاااااان السبب

حمد لالالا تضعف وتاخذ احلاموه تراها ما تستاهلك الله يعينك كانك حبيتها وا هي وش فيها
ينحب عوبه وام لسانين وقليله ادب ولا تحترم مدري هلى ايش حبيتهاااااا

نووره وعلي الله يعينك الي انتو فيييييه مواشوي فقد الضنا يذبح الله لايراويه لاحد
والمفرووض انك توقف مع نوره وتحاول انك تطلعهاااا من الحزن الي مغرقه نفسهااااا فيه

طيييييين ومااااااااء تسلم يدينك جعلها تحرم على النار ابدعتي يالغلا

طيون تسلم ايدك ياقلبي على البارت الحلو .......... اتتصورين شكثر الرواية صارت هاجس لي ومااصدق متى ينزل بارت وحدث جديد ........نجي للبارت واحداثه


دحيم الخروف ونوفي

صدق جبان وعديم رجولة يعني مابيكون قد كلمته ومايعرف يطلع مراجله الا بالقوة هذي مو مراجل ...........استعمال العنف مع من هم اضعف منه ماتسمى رجوله ابد خير ماعندك اسلوب مثل الاوادم علشان تاخذ حقوقك يااخي تنبل وثور وماتفرق عن اخوك اسامة بشي تموتون على حريمكم بس تكتبرون والله واحد عنده فتنة وحلاله ويقول انو ماهو ميت عليها فوق العذاب الجسدي عذاب نفسي

وياليت الي سواه على شي يستاهل بس شقول مااحد بيندم غيره لانو تربى على كذبة ولما يكتشف كذبة جده عليه مابيقدر يرفع عينه في نوفي وياليت هي ماترضخ ولا تضعف له خير يضرب ويهين ويستقوي عليها بدون وجه حق بس لانها بنت ماهي ند له وخير منعته يقرب لها مو هو السبب مو اجرامه وحقارته وفعايلة الشينة سبب كرهها له البنت حالتها النفسية في الحظيظ لساتها متأثرة بالي صار لاختها وعايلتها ماصدقت تشوف احد عارف حقيقة شعورها من الثور الي ماخذتها من غيارته منه سوى اكره مايمكن يسويه رجال لزوجته مالت عليه ماعليه شره ابوه سكير وجده اكبر مسيء للحريم وهم ماجابو الشي من برة كل حب يطلع على بذره


نوف مالها الا الصبر لانو اذا انكشفت الحقيقة وعرف دحيم كيف جده استغفله ساعتها تقدر تدوس عليه وتطلع الاولي والتالي وبنشوف مين الي بيكسر الثاني




فيصلوه هالعلة الثاني احتارت البنت معاه لامن اول عاجبته ولا يوم جننها عاجبته يااخي شوف لك حل حلك بطنك وجع يعني انت افهم من كلام الدكاترة قال تدلع قال اي هين بنشوف هالدلع هو الي بيجيب راسك المتحجر وبتاخذ قلبك ببراأتها بس ساعة ماانت بتتعلق فيها بترجع ذاكرتها فأذا كان هو تعامله زين بتذكره له وبتظل متعلقه فيه اما اذا ظل على خياسته اجل يحلم يعيش مثل الاوادم وبعدين ليه مقهور من بابا خالد لايكون غيران انو ماقالت له بابا فيصل



سعودوه وهذا بعد بيجلطني مرة يصير اخو لااسيل ومرة زوج واذا فعلا هي اخته ليه بغى يفطس من القهر لما سئلته عن زواجه هو منها بدل نواف .........اصلا هو محتار بعمره يبغي اسيل ويغار عليها ومو عارف شيسوي وشيهبب نفس اخوه يعني شمتوقع انو حنين زوجة اخوه بيوم بتكون له احلامه طويلة ولا بتتحقق

واسيل لازم يكون لها موقف قوي لو تطلقت قبل تتزوج هي الي بتضيع والناس بتاكلها واحد عافها وتزوج غيرها بعد خطوبة طويلة والثاني يطلقها بالملكة بالله الناس بتنهش في مين لازوم تثور من برودها وتصير مثل نوف تعبر عن الي داخلها لاتموت من القهر


نورة الي تسويه اعتراض على قضاء ربها دام عندها ولد مو من حقها تعامله هالمعاملة يعني تنتظره يموت هو الثاني علشان تحس فيه حرام عليها بنتها ارتاحت من عذاب العلاج وهي طفلة وماشافتها تتعذب ....... ياليت تصحى من الي هي فيه وربي يعوضها العمر قدامها وان شاء الله تجيها بنوته تبرد خاطرها وقلبها المحروق على ضناها




اما حمد وربي عال قلبي شدخله هو في احلاموه في حريقة هالصايعة مابتضيع بتدور على شايب ثاني وبتاخذه اهم شي يكون غني .......... وحدة ماتستاهل الرحمة يوم شمت ريحة الفلوس اهانت واحتقرت حرمة اكبر منها وغير كذا ماخافت ربها بعرض جمالها قدام كل الرجال مين الي ياخذ وحدة مثلها غير رجال عديم الغيرة

وحدة مثلها مايتأمن عليها تصير زوجة وام عيال لانها ماتبي الستر والاستقرار تبغي الفلوس وبس وبأي طريقة وحدة مغترة بجمالها الزايل .........

وهند الي فيها مو طيبة الا غباء شدخل حمد فيها تبلشه علشان يسكنها عنده اذا هي ماعندها احد يزوجوها اي واحد يسترها مهما كان مستواه ويشوفو لها شغلة وجودها في بيته اكبر غلط لانها اذا شافت فلته بتفرض حالها عليه كل ماشافته قدامها علشان الخير الي بترسم عليه وهو ثور اذا اخذها لانو شاف جمالها الخارجي وترك اهم شي الجوهر


اعتقد سبب تعامله مع حنين هو انها في نظره صايعة ونزلت راسه بالارض اجل كيف بأحلاموه الي لادين ولا اخلاق ولا خوف من الله وهمها وسخ الدنيا بس اذا اخذها بيكون اكبر نذل لانو نفى اخته من الوجود واعتبرها ميته وهي بريئة بسبب واحد نذل ومريض وغبي

بينما هو ياخذ وحدة رخيصة تعرض مفاتنها لرجال غريب مو محرم لها مثل اي بضاعة مكشوفة للرايح والجاي ومثل ماسوت معاه سوتها مع غيره وبنشوف حجته القوية ساعتها ووجه المقارنة الي بيخترعها


طيون في انتظار الاحداث والمفاجأت القادمة والاحداث الشيقة