كاتب الموضوع :
♫ معزوفة حنين ♫
المنتدى :
القصص المكتمله
لبنه وهي داخله عليهم والي اسمعت بس كلام ريناد: لا والله
غاليه: وينك الله يهديك بنزفهم وانت ندور عليك
لبنه وشكلها مو عاجبها الكلام: ليش تزفونهم الحين بدري
أثير: ومتي ياعيني تبينا نزفهم بعد الفجر إن شاءالله
لبنه: ليش شايفه بنتي مثل امك اخرجها بدري
أثير وهي معصبه: وينك يا ماما تسمعين الي كانوا يحرضونك على الزواج اول الشامتين فيك
غاليه: صلو على النبي ياجماعه انتن شفيكن هذا وقته الهواش الحين
أثير وهي معصبه: شوفي اختك الي ما عرفت بنتها غير الحين.. الله خلقها بنت ليش تكرها هذه عطيه من رب العالمين المفروض تحمد ربها غيرها يتمنى الضنى .. انزين قالو لها الجنين ولد بس بالأخير طلعت بنت هذا الله وهذه حكمته .. عمرها ما حسستها انها امها حتى صدرها ما اعطتها اياه
لبنه وهي معصبه: انت مالك خص كافي اني متحملتك انتي وامك في بيتي..مطيحات على قلبي ..مملكتي وشاركتوني فيها والحين جايه تتحكمين فيني وفي بنتي
أثير وهي تروح لعباتها المرميه على السرير وتلبسها وهي معصبه وترتعش من العصبيه وودها تكسر لبنه
البراء: يمه وين عبات رغد
غاليه: ليش
البراء: بوصل عمتي وبنروح الفندق
لبنه وهي متفاجئه: والزفه
البراء وهو زعلان: خليتها لك انت وعمي
ريناد: ياناااس حرام عليكم والله حرام قتلتو فرحتهم والله حرام ماما عمه ارحموهم ليش تخربون فرحتهم في ليلتهم
رمت أثير عباتها على السرير وجلست وهي تحرك رجولها بعصبيه
غاليه: لبنه أثير الله يهديكن خلونا نفرح ونزفهم الحين مانبي مشاكل وبعدين ..ناظرت ساعتها وكملت.. الساعه وحده ونص متى نزفهم ومتى نخلص ومتى يتصورون.
البراء وهو معصب: يا تزفونا الحين يا بنروح اختاروا
لبنه: سو الي تبونه انا مالي خص
قالتها وظهرت من الحجرة
أثير وقفت وراحت لرغد وهمست لرغد: يالله اعقلي وامسكي ذراع زوجك
رغد بهمس: اصلا بمسكه اخاف اطيح والله رجليني خلاص تعبت من الخوف
أثير وهي تكلم البراء: امسكها زين عند الدرج وعقبها اتركها هي بتمسك ذراعك
حرك البراء راسه بانه فهم..وظهروا كلهم وما بقى غير البراء ورغد..
سمعوا صوت الأمواج واتبعه صوت فتح الباب[ تزامن معه فتح الباب] وتعالى صوت الموج وظهروا الإثنين لما بدأت الموسيقى تداخل مع الأمواج
فرشـت رمل البحر ونامت وتغطّت بالشمس
وصارت مثل النار اعصابي امتى الحلوة تحسّ***طيورك يابحر تغازلها وتشرب من ايديها
وامواجك تركض فرحانة وتبوّس رجليها
والرمل يذوب من الغيرة يحضنها يغطيها
وانا مثلك يابحر واكثر معجب جدا بيها
***
ياصاحبة الجسد الخمري .. رمل البحر ادفى او صدري؟!
من عمري لعمرك ياعمري انت اتمني وبس***ياشمس انتظري ولاتغيبي .. خليني استمتع بحبيبي
هي حياتي هي نصيبي هي حبيبتي وبس
***
خلصت الأغنيه وبدات اغنيه محمد عبده للزفه
البراء: اشفيك يالله امشي
رغد: والله خايفه
ريناد الي طلعت لهم تقولهم ينزلون: يالخبله ترى ماما اليوم راح تعشيك حيييييل معصبه
ناظرت رغد البراء بخوف
البراء: عاااادي اعتبري عمرك في تكريم بالمدرسه إلا انه عمرك ما تكرمتي دوم التورته موجوده على شهايدك
ريناد سمعتهم ونزلت وهي ميته ضحك
شهد: شفيك
ريناد: الخبلان الي فوق يتخيلون انه تكريم في مدرسه
ماتوا من الضحك الثنتين وكانهم في مسرح الطفل
رغد تمسكت بالبراء زين.. الفستان ثقيل والكعب عالي ودرج والقلب يرقع من الفشله والخوف..
البراء: رغد تراك تعوريني باظافرك
رغد: احسن
البراء: ترى بتركك وانزل بروحي
رغد: كذااب ماتقدر
البراء وهو يتنهد: هذه مشكلة الي ياخذ بزر
قالها وكمل نزول
،؛،ـــــ،؛،
عبير وهي تكلم أثير: شكلهم يهبل ماشاءالله عليهم
أثير: انت ماشفتي عند زاكي عبود كل الحريم تخبلوا على رغد حتى وحده سالتني اذا عندها خوات شكلها الحرمه بتخطب
عبير: شو قلتي لها
أثير: قلت هذه اصغر وحده وتزوجت لانه ولد عمها رايدها وحتى استغفر الله كذبت في عمرها وقلت عمرها 17 وتفاجئة الحرمه اننا مزوجينها بدري اجل لو درت عمرها الصدقي شكلها بتنهبل
عبير: الله يحفظها
،؛،ـــــ،؛،
ليلى وهي تأشر لأمها: ماما شوفي هذيك البنت شرايك فيها
أم مشعل: زينه بس بنت منو ..غالية ما عندها بنات
ليلى: روحي أسالي عمتي ام محمد أكيد وحده من بناتهم ولا ماكان تكشفت على المعرس كذا
ام مشعل وهي توقف: تعالي نروح لمزنه وتشوفينها من قريب
ليلى وهي توقف وتمشي جمب امها: تخيلي بالاخير تطلع مزوجه
ام مشعل: فاولي خير
وتقربوا من [الجده]
أم مشعل: مبروك لكم والله ييسر لهم وعقبال عيالكم كلهم
ام محمد: الله يبارك فيك وانتوا بعد عقبال مشعل وليلى
ام مشعل: في حياتك إلا صدق هذيك اخت المعرس
ام محمد: لا هذيك عمتهم بنت زوجي صالح الله يرحمه
ام مشعل: ااااه هذه بنت مها الإ صدق هي ماتزوجت
ام محمد: مها تزوجت الاسبوع الماضي
ام مشعل تفاجئة هي قصدت البنت مو الام: لا والله
ام محمد: انت تقصدين منو
ام مشعل: انا قصدت البنت وانت جابوتيني عن الام
ام محمد وهي تبتسم: مافيها شي الحرمه بعدها صغيره وبنتها ماعليها خلاف بيجيها رزقها
،؛،ـــــ،؛،
على الكوشه..عند التورته..رفع البراء الشوكه ولقم رغد قطعه صغيره [وصوروهم من كل الزوايا ضروري لزوم الجنون] والأخت رغد مستانس حييييييل ..وجاء دورها وخذت لقمه شكبرها
أثير: حبيبي رغد شفيك شلون ياكلها
رغد وهي تبتسم: عمتي هو نفسه ياكل التورته بكبرها خليه بكيفه يدلع تره معرس
البراء وهو يضحك: هههههه صدقها خليني ادلع عمري ..ورد يكلم رغد..وبعدين يالخبله شلون ادخل اللقمه في فمي
رغد: هذا جزاتي قلت اخليك تاكل لقمه كبيره وتستمتع بطعمها
أثير: هههههه رغوده اعطيه لقمه صغيره عيب الناس تطالع
نزلت رغد الشوكه وخذت بس الكريمه: عمتي اعطينا منها خلينا نتسلى عليها بالليل
اثير: ان شاءالله الغاليه تدلعي اليوم كله لك تدلعي شو ورانا
البراء: هييي هذه كلها كريمه
رغد: لازم تسوي مثلي وبعدين لا تفتح فمك على كبرها بس تذويقه هي
أثير: دام انك تعرفين ليش الحفل الي قبل
رغد: هههه اسولف وبعدين ياحرام يقول هو على عشى البارح
أثير: هذا وانت خجلانه هذا لسانك اجل لو الدعوه فري عندك بترقصين
رغد وهي تذكر: ماراح تشربون عصير
أثير: ههههه هذا مطلبك الوحيد في هذه الليله شلون ما نلبيه لك.. بس لما تجلسون شوفيه هناك
جلسوا وقدموا لهم العصير بكاسه طولها تقريا 60 سم بس بداخلها اسطوانه رفيعه بداخلها العصير وحولها ورد طبيعي على لون مسكتها
البراء: شكله حلو
رغد وهي تكلم عمتها: عمتي انا بشرب الأول اخاف يخلصه مثل البطاطس
ريناد وشهد وأثير: هههههههههههههه
أثير وهي تمسك ضحكتها: رغوده امسك المصاص واشربي شوي حبيبي المعاريس ما يشربون يذقون ياااربي ريناد ليش ما علمتيهم
ريناد: ههههههه خليهم براحتهم رغوده خذي راحتك والله لو منك لا اشفط العصير شفط طلع مخلص عليك صحن بطاطس ولا افتكرك
أثير: هههه بسكم ترى بنزل والله مافيني اضحك فكي صار يوجعني
شربوا الاثنين من العصير بادب وهدوء وكل واحد يناظر الثاني وافكاره تسرح وتضحك على الي جالس يصير لهم
رغد: تعرف احس اني جالسه العب عريس وعروسه بس دوم يخلوني العريس وشهد العروسه..حتى أسالهن
أثير وريناد وشهد وغاليه الي تقربت منهم..فطسوا من الضحك
،؛،ـــــ،؛،
دخلت عبير حجرتها وجمانه جلست على السرير
عبير وهي تبتسم: ما نمتي حبيبي
جمانه وهي توقف بشويش لاجل ما يصحى ابوها: لا ..ماما تعالي وصليني للبنات
عبير: دخلوا حجرتك
ظهرت جمانه بسرعه ودخلت حجرتها الي قبال حجرة ابوها ومها
ـ هااا خبروني شو صار
شهد وهي تنزل حلقها: روووعه الزواج ورغوده طلعت قمر بس يا فطسنا ضحك عليهم الله يهديهم
اثير وهي ترمي جسمها على السرير: جوجو مانمتي حبيبي
جمانه: نو اصلا احس الوقت مر بطئ وانا انتظركن
،؛،ـــــ،؛،
بعد شهرين من الأحداث.. قرر أحمد يسوي عشى ويعزم اهله كلهم بمناسبة شفاء جمانه.. بس وجهها في شويت اعوجاج وهي حاليا تروح للمستشفى لاجل الجلسات الطبيعية والكهربائية
العصر ..في بيت احمد .. البنات في حجرة جمانه
أثير وهي تحط العسل على وجه جمانه الي حاطه راسها على فخذ عمتها ومسدوحه على السرير: تصدقين ما يبين الاعوجاج كثير غير لما تتكلمين غير كذا ماشاءالله مو مبين
شهد وهي تفك وحده من اللفافات الحراريه الي بشعرها لاجل تتأكد لف ولا بعد: ايه الحمد لله صالح يقول واحد من خويانه الحين له اربع سنوات ووجهه ما تعدل زين
أثير: شكله الله يشفيه ما اهتم بعمره وبعدين العسل شفاء
جمانه: الحمدلله رب العالمين على كل حال والله احس اني اقطر عسل من كثر ما اشرب عسل وادهن وجهي
شهد وهي ترجع اللف مره ثاني لشعرها: ههههههههه الاخت تمدح عمرها
أثير: الغيره بدت تشتغل
جمانه: ويه شسوي بعمري الكل يحبني
أثير: سكتي خليني اخلص بسرعه وراي شغل
شهد: ويك ويك ويك سكتوها
جمانه: عاااااادي كل شي حلو من هـ القمر
أثير وهي تحط يدها على فم جمانه بالعسل لاجل تسكت: سكتي لا تسولفين خليني اخلص
جمانه: ممم ممممم مم
شهد: ههههههههه لا تسولفين ترى مانفهم صيني ثقافتنا حنا ياباني
أثير: شهد كاني سمعت ابوك عازم بيت عمي عبدالعزيز
شهد: ايه
اثير: غريبه شذكره فيهم
شهد: ترى عمي عادل شافه في الغرفه التجاريه وعزمه على الفرح واعطاه كروت وحضروا
أثير: والله
وفجئه انفتح الباب بقوه والبنات خافن
ـ السلام عليكم ههههههههههههههه
أثير وهي معصبه: انت وبعدين وياك الزواج ماعقلك ولا شو
رغد وهي تدخل وتسلم على شهد: هههههه افا الحين هذا استقبالكن لي
أثير: اعقلي تراك حرمه الحين مسواله عن تصرفاتك
رغد: لا لا مني حرمه ما احب هـ الاسم انا بنت مالي خص
شهد: ههههه بس تحبينها حياتك
رغد وهي ترمي جسمها على السرير: فلــه ورجه شلون مااحبها والله البراء طلع حبوب مثل ما قالت عمتي
الكل: هههههههه
أثير: بدت الاخت تتغزل
رغد بخجل: عمـــه
شهد: تعالي رغوده لاترمين عمرك كذا يمكن يكون في شي في الطريق
رغد وهي تجلس متفاجئه: شلون يعني
شهد: يعني يمكن يكون في بيبي جاي بالطريق
رغد: قولي والله
أثير: هييي رغود يالخبله تقولك يمكن وانت البارح لما كلمتيني تقولين توك مخلصه ما مداك تحملين
رغد..فتحت عيونها على كبرها وهي متفاجئه حمل شو الي يقولون عليه بس قررت تسأل البراء.. الأخت صايره مطيعه واحسن بكثير من الي اكبر عنها .. البراء معلمها أي موضوع حساس ما تتكلم فيه ولا تدخل عمرها لاجل ما تجيب المشاكل لنفسها يكفي طريقة زواجهم الي عقدتهم
مها: السلام عليكم
وقفن شهد ورغد وراحن سلمن عليها ووقفت أثير وراحت غسلت يدها وتقربت من امها وباست راسها وتركتها تبا تظهر بس مها مسكتها وهي تقول: ممكن تتركونا شوي
جمانه وهي توقف: اغسل وجهي
أثير: لا بعد خليه نص ساعه
خامست جمانه مها وهي تقول: شلونك يمه عساك بخير
مها: بخير حبيبتي انت شلونك وشلون صحتك
جمانه: بخير وعافيه يالله بترككم تاخذون راحتكم
ظهرت جمانه وسكرت الباب
التفتت مها لبنتها وشافتها جالسه على السرير وتلعب بشعرها..تقربت منها وجلست جمبها
ـ أثير ما اشتقتي لأمك
ناظرت أثير امها وهي على وشك انها تبكي: أنت الي تركتيني
مها حضنت أثير وأثير ما لقت غير انها تحضن امها وتبكي: ليش تزوجتي والله حرام عليك ليش تركتيني
مها وهي تبكي: سامحيني يمه عصب عني
أثير وهي تبتعد: لا تضحكين علي انت برضاك وافقتي
مها ردت ضمت بنتها وهي تبكي ما عندها اجابه ترضي فيها بنتها
مها: سامحيني يابنتي الله يخليك سامحيني انا انثى مثلي مثل الكل اتمنى واحلم سامحيني الله يخليك
هدوء ثقيل خيم عليهن رغم جريان الدموع..باست أثير راس امها ووقفت: خلاص يا ماما الي صار صار وغصب عني ارضى فيه
راحت للتسريحه وخذت منديل تمسح دموعها وخشمها
مها: بس يا ماما قلبك قسى ما كنتي كذا
أثير وهي تناظر امها عبر القزاز [ آه يا ماما تساليني ليش وانت ادرى بظروفي]
وقفت مها وراحت لبنتها ولفتها لها: أثير يمه انا امك ليش تعامليني كاني غريبه عنك
اثير: انا ما عملتك مثل ماتقولين بس الوحده لم تزوج تحس نفسها غريبه بين اهلها.. زوجها الوحيد الي يكون اقرب الناس لها عرفتي ليش رفضت لانك راح تنسين انه عندك بنت ياماما لو كان الي خذيته عمي كان الوضع يفرق بس انت خذيتي واحد غريب عني
مها: اثير الي صار صار وانت بنتي ومنصور يباك عندنا
أثير: سوري ياماما انا ما اعيش عند غريب
،؛،ـــــ،؛،
بعد صلاة العشاء الكل كان موجود
ام صالح وهي تكلم غاليه: إلا شلونهم المعاريس
غاليه: ما اشوفهم غير وقت الأكل غير كذا كله مرابطين بحجرتهم
عبير: توهم معاريس خليهم براحتهم يستانسون
،؛،ـــــ،؛،
في مكان ثاني
أم مشعل وهي تكلم مها بصوت منخفض: إلا أثير مهي متزوجه
مها: كانت مملكه على مهند ولد خالد وتركها وراح للشيشان من حوالي عشر سنوات..وعادل فسخ عقدها من شهر تقريبا
ام مشعل: منو خالد ولد مزنه
|
09-05-11, 04:24 PM
جديد مواضيع قسم القصص المكتمله
العرض العادي
