خبر عقلك انك متربع وسط القلب >

البارت الأول
جوري : يالله نوارهـ الساعة ست
نورهـ :اووهـ جوجو شوي بس شوي
جوري : بصحي ليالي وراجعة لك
ليالي :آنا قاعدهـ
جوري : لبى قلبك توأمي، يالله يانوارهـ ترى بنروح عنك
نورهـ : خلاص هذاني قمت
جوري " احلاهم فيها غمازات تخقق طويلة شوي ضعيفة بيضا شعرها لآخر ظهرها "
نورهـ " حلوهـ قصيرهـ شوي شعرها لنص ضهرها انفها سل السيف"
ليالي"اقل حلاوهـ منهم سمرا شعرها اقصر من شعر نورهـ بشوي "
في الجامعة
جوري وهي تمشي تصادمت مع واحد , طاحت وطاحوا كتبها على الأرض
فيصل : مرهـ ثانية ناظري عـ ... > فهى في جهها
جوري وهي منزلة راسها : ماكان قصدي
ليالي : توأمي صار لك شي ؟
جوري : لا يالله نمشي لا نتأخر
نورهـ وهي تناظر ساعتها : باقي نصف ساعة على المحاظره
ليالي : طيب يالله
فيصل : والله انها حلوهـ
عبدالله : والي معها احلى
سعود : امشي احنا بعد باقي علينا نصف ساعة
فيصل " اسمر بس حلو نص بنات الجامعة خاقين معه "
سعود " ولد خالة فيصل و ولد عمه ابيض شعره ناعم "
عبدالله "ولد خالتهم يشبه سعود كثير بس شعر سعود انعم "
دخل فيصل مع اصحابه القاعة وتفاجئ بوجود جوري معه
جوري : اوف فششلة
ليالي : ليه ؟
جوري : شوفوا هدا الولد الا قبل شوي
نورهـ تقاطعها : وين ؟ خليه عك انتِ ماكنتِ تدري
ليالي: وهي صادقة
دخل الدكتور وسلم وشرح المحاظرهـ
شاف فيصل مو معه اببد
ملاحظة الكلام بالأنجليزي بس انا بترجمه لكم عربي
الدكتور : فيصل وقف ..... > سأله سؤال
فيصل : ........
جوري : انا اعرف
الدكتور : نعم جوري
جاوبت عليه وفيصل توعد فيها لأنه ماتعود احد يجاوب عنه
بعد ماخلصت المحاظره
ليالي : بنات انا جوعانة خل نروح الكفتيريا
جوري : وانا بعد , الله يهديها نوارهـ طول الوقت نصحيها ماخلتنا نفطر
نورهـ : احمم احمم انا هنا
جوري : ههههههه , طيب يالله نروح ناكل
فيصل بصوت عالي شوي : سم الهاري
جوري طنشته
فيصل مسكها مع يدها ولفها له
فيصل : ياحلو ليه ساحبة علينا ؟
جوري : اختار الفاظك لو سمحت
فيصل : يعني مصدقة نفسج ؟
نورهـ بدلع : يحق لها
هنا عبدالله خلاص ذاااب
سعود : فيصل خلاص اقصر الشر وامشي
فيصل : انا مع العذراء وتبوني امشي ؟
جوري لاشعوريا عطته كف ومشت لدوراة المياه
نوره : جوجو انتي وش سويتي ؟
جوري : ماسمعتيه وش قال !
ليالي :خلاص هدي ياقلبي الوضع مايستدعي
-----
فيصل : عمري ماحد هانني بهذه الطريقة
سعود : انت بعد يافيصل ماقصرت مع البنت
فيصل ويده على خده : لكني خقيت معها
رجعوا جوري ونوره وليالي الشقة
الشقة عباره عن "صالة بمطبخ وغرفة نوم بثلاث اسره منفصلة ودورتين مياه "
ليالي : بنات انا عازمتكم على كنتاكي
نورهـ : لولو احنا مو بالبلد , كل وحده تدفع
جوري : وانا اقول كدا بعد
ليالي : تكفووون خلونا نروح
جوري وهي مبسوطة : افاا عليك يالغالية ماطلبتي شي
نورهـ : لو صاحب كنتاكي يدري عنك ياجوجو عطاك جائزهـ على حبك له

البارت الثاني
مر اسبوع ومافي تغيرات
مر الثلاثي المرح (( جوري - نورهـ - ليالي )) على بنتين اماراتيتين
الأولى : ماشاء الله عليهم هدول الثلاث دائما لبسهم مثل بعض في الجامعة
اثانية : شفتهم مره برا الجامعة نفس بعض حتى جوالاتهم نفسها
سعود : لو سمحتوا ممكن سؤال
الأولى : تفضل
سعود وهو يأشر على جوري : هديك شو اسمها ؟
الأولى اعتقد ليالي
الثانية : لالا هدي اسمها جوري
سعود : اكييد ؟
الثانية : ايوهـ
داخل القاعة كانوا قاعدين سوالف
نورهـ : الا تذكروا ابلة شريفة ههههه لما كنا في ثنوي ههههه لما دارت للسبوره وقعدنا تحت الطاولات هههه
جوري : صراحة خطيره ابلة عايشة
ليالي ضحكت بس بصوت نزيل
ابلة شريفة " معلمة فيزياء عقلها ضارب شوي تحب جوري وشلتها "
دخل فيصل القاعة وطالع جوري بنظرات مافهمتها واكتفت بابتسامة دوبت فيصل
خلصت المحاضره وطلع كل الي بالقاعة بس فيصل وشلته
عبدالله : فيصل تحبها ؟
فيصل : مدري والله بس لما اشوفها احس بشي غريب
سعود : باين عليك حبيتها , مو مخليها بحالها حتى بالمحاضرات
فيصل : لا مين قال ؟
عبدالله : انت ماتحس لنفسك دايم تطالعها وهي كلا منزلة راسها من الخجل
سعود : الدكتور حاس عليك وانت مب حاس ؟ الا شيلنا من هالموضوع عني لك خبر
فيصل : هات فرحنا
سعود : عرفت لك اسمها
فيصل بلهفة : شووو !
سعود : جوري
فيصل : كفووو , الا اقول شباب انا ما بكمل اليوم برجع البيت
عبدالله : عسسى ماشر
فيصل : ابد بس تعبان شوي
سعود : سلامات
فيصل : الله يسلمك , يالله مع السلامة
سعود + فيصل : الله وياك
---
تررن تررن
..... : ميري افتحي الباب
فيصل : السلام عليكم
ام فيصل : وعليكم السلام , وش فيك مبكر اليوم ؟
فيصل : مافيني شي بس بنام وصعد دارهـ
فيصل في نفسه : معقولة اني صرت احبها ؟ وش فيني كلا افكر فيها ؟ بس هي حلوهـ , لكني مابعدي لها الكف , اوف ياربي
ودخل في سابع نومة

العصر
نزل فيصل لقى امه واخته يتقوون
فيصل : يما انا قررت اخطب
بدرية : انا بخطب لك
ام فيصل : انت بس اشر وانا جاهزه
فيصل : يما في وحدة معي بالجامعة ابيها
ام فيصل : من هي ؟ ومن اهلها ؟
فيصل : من السعودية , بس انا ابيها ومابي غيرها
ام فيصل : وماتفهمني كيف بنخطبها لك ؟
فيصل : الاجازه يعني بعد اسبوع اهلها بجوا هنا
ام فيصل : بس لزوم نسال عن البنت
فيصل : خدي راحتك يماا
ام فيصل وهي تقوم : اشاور ابوك ويصير خير
بدرية : هذي هي الا كلا سرحان فيها
فيصل : تقدري تقولي كدا
-------
جوري : خواتي من بجي من اهلكم ؟
ليالي : بس امي وابوي
نوره : وانا بعد , وانتي توأمي ؟
جوري : بيتنا مع بيت عمي يقولون بيقضوا الأجازه هنا
ليالي : طيب متى بنروح نقص شعرنا ؟
جوري : صحيح ذكرتيني الله يذكرك بالشهاده
نوره : خل نروح قبل يجوا اهلي , اكيد بابا مابيرضى اقصه
جوري : طيب قوموا نروح الحين
ليالي : الساعة 3 ونص الظهر وين نروح
نوره : طيب نلبس ونخلص على ماتصير 4
لبسوا سكيني اسود مع بدي فوشي وجاكيت لربع الفخد ابيض وبوت قصير ابيض
قصوا شعرهم لين الكتف
جوري : هئ هئ ابي شعري
نوره : وانا بعد هئ هئ
ليالي : يؤؤ يعني بس انا الي مقتنعة بشعري !!
نوره : انتي ياحياتي حلوه كل شي يناسبك
ليالي : وانتوا بعد اشكالكم رووعة , بس مدري ليه الدلع
بعد اسبوع
وصلوا العائلات الأربع " اهل نورهـ - اهل ليالي - اهل جوري مع بيت عمها "
استقبلوهم بالمطار
واخذوا شقق في فندق قريب منهم لأنا الفندق الي هم فيه يأجر بالسنة والأجازة 10 ايام
-----
ام ماجد : جوري وش مسوية في نفسك ؟
جوري بخوف : حلو صح يما
ام ماجد تضحك : ههههه حتى وانتي خايفة ماتتركي الهبال
جوري : انا ولولو ونوراهـ سوينا كدا , حلو صح ماما ؟
ام ماجد : لا مو حلو بس انتي خليتيه حلو
جوري تقوم تبوس راس امها : الله يخليك يا أحلى ام
ابو ماجد : شجعيها على تنتيف هالشعر
ام ماجد : الله يهديك يا أحمد البنت كم مره بتعيش
داليا > بنت اخو جوري : عمتي وحستيني (( وحشتيني ))
جوري : لبا قلببك احبك

البارت الثالث
أخذ فيصل عنوان أهل جوري واخد منهم موعد بس ما قال لهم السبب
ابو ماجد : تفضلوا , سامحونا مو مقامكم بس تعرفوا احنا مو ببلدنا
ابو فيصل : الله يسلمك , لا وش دعوى
ماجد : هدي القهوة وصلت
ابو فيصل : احنا سألنا عن بنتك الا تدرس هنا , وصراحة مالقينا عليها شي واسمح لي اخطب بنتنا الى ولدكم
ابو ماجد بـابتسامة : معليش بس نسأل عن الولد وناخد راي البنت
ابو فيصل: خدوا راحتكم , واتمنى نناسبكم لأنكم حيييل طيوبين
ابو ماجد : الا كيفك ياولدي ؟
فيصل : انا بخير عمي
ابو ماجد : انت تدرس معها بالجامعة ؟
فيصل : ايه
ابو ماجد : الله يتمم على خير
الجميع : آميين
------
ام فيصل : الا أي وحدهـ فيكم جوري ؟
جوري بخجل : انا
ام فيصل : ماشاءالله عليك , يحق لفيصل
جوري بس سمعت اسم فيصل جاها شعور خوف مع انها ما كانت تدري فيصل نفسه الا معها بالجامعة
دق دق دق
ام ماجد : ميين ؟
ماجد : يما هدا ابو فيصل يقول بيمشي خل ام فيصل تطلع
ام فيصل : مع السلامة وان شاءالله نلتقي قريب
ابو ماجد بصوت عالي : جووري يا جووري
جوري : هلا بابا
ابو ماجد بنفس الصوت : تعالي هنا
راحت له جوري
ابو ماجد : يابنتي انتي الحين كبرتي وصرتي عروس والمرآه مالها الا بيت زوجها
جوري شوي وتبكي : ........
ابو ماجد : جوك خطابين من الأمارات , بنسأل عنهم وان شاءالله خير
جوري : ......
ابو ماجد : الا انتِ وش رايك ؟
جوري : انا ما عرفه يعني الا تشوفه
ابو ماجد : بس الولد يدرس اسمه فيصل ويدرس معك بالجامعة
جوري على طول قامت لا تطيح دموعها قدام ابوها
ابو ماجد : وحليلها وهي مستحية
جوري : ماما انا بروح الشقة ابي انام
نوره + ليالي : احنا بعد بنروح معك
وصلوا الشقة
جوري بس تسكر باب الشقة على طووول قامت تبكي
ليالي : جوجو وش فيك ؟
جوري : هئ هئ هئ هئ هئ
نوره : جوري وش فيك طيحتي قلبي ؟
جوري :فيصل خطبني هئ هئ
نوره : نعم , فيصل الا معنا بالجامعة ماغيره ؟
جوري : ايوه
ليالي : هدا اكيد مو صاحي , طلع يحبك واحنا ماندري
جوري : هئ اكيد عشان الكف الا عطيته هئ
نوره: لا ياقلبي لاتفكرين كدا
ليالي : اذا خايفة ارفضي
جوري وهي تمسح دموعها : هذا الي بصير
---
ام ماجد : ها وش يبون ؟
ابو ماجد : خطبوا جوري
جمانة : وانا اقول ليه راحت
ام ماجد : ههه شكل البنت مستحية
ماجد : وانا بعد اقول كدا
جمانة " زوجة ماجد اخو جوري وبنت عمهم بنت مو حلوه كثير بس اخلاقها حلوه "
-----
بعد يومين
ابو ماجد : حصة , كلمي جوري خلها تجي
ام ماجد ان شاءالله
جوري : ههه وازيدك .....
قطع عليها تلفونها
جوري : يس مامي
ام ماجد : وينك ؟
جوري : انا مع البنات بفرايديز
ام ماجد : طيب خلصي ومرينا
جوري : ان شاءالله , يالله خواتي نقوم ماما تبيني
ليالي : اوكي
---
بدرية : يما شفتي البنت ؟
ام فيصل: ايه شفتها , فيصل فييصل
فيصل في نفسه : هه والله وجبتك يا جوري , هين بس على الكف مامشيها لك
بدرية تدزه : وين وصلت ؟
فيصل وهو قايم : السعودية
بدرية : ههههه كل ذا حب ؟
فيصل : وش دخلك
----
ليالي : احنا بنسبقك ع البيت يمكن امك تبي تكلمك بموضوع وغمزت لها
جوري : اوووه لولو لا تعكري مزاجي , انتوا مو غريبين
---
طق طق طق طق
ماجد : ميين ؟
جوري : انا
ماجد : هلا
جوري : وين ماما ؟
ماجد : داخل ادخلي
ام ماجد : جوري انا بالغرفة
جوري : ها يما وش بغيتي ؟
ام ماجد :اجلسي
جوري : .....
ام ماجد : يابنتي احنا سألنا عن الرجال وماعليه كلام سمعته وسمعت اهله مسك بس انه كان خاطب وترك
جوري : ماما انا مابي اتزوج الحين
ام ماجد : بس انتي كبرتي و وصلتي سن الزواج والرجال ما ينعاف وبعدين لازم تفكري فينا , يعني احنا بنرجع السعودية وانتي بتضلي هنا لازم يكون معك احد واحنا مو بقيانيين لك
جوري تقاطعها بخوف ملحوظ : بعد عمر طويل ان شاءالله
ام ماجد : انتي فكري زين وخدي راحتك بالتفكير
جوري : ان شاءالله يما , انا بروح الجامعة بخد كتاب , الدكتور طالب منا بحث وهو قال اليوم بس بيفتحوا الجامعة عشان بسوا صيانة
داليا : عمتي بلوح معك
جوري :جمااااانة
جمانة : وش فيك صكيتي ادوني
جوري : ههه , بخد دلوي معي للجامعة مابطول
جمانة : اخاف تتعبك
داليا : ماما بلووح
جوري : خلاص يالله البسي
نوره : انا بروح الشقة تعباانة لاخلصتوا تعالوا
راحوا الجامعة
جوري بالمكتبة : توأمي وين انسب هذا والا هذا ؟
فيصل بهمس لها : هذي الصغيره تبعك ؟
جوري تلف له : دلوي حبيبتي وين رحتي ؟ وش فيك مبسوطة ؟
داليا : انا لحت بحد حواوه وسفت هدا سألني مع مين زاية قلت ليه مع عمتي زوري> انا رحت بخد حلاوه وشفت هدا سألني مع مين جاية قلت له مع عمتي جوري
جوري بابتسامة تعذب : طيب وبعدين
داليا : عتاني حواوه
جوري وهي تبوسها : طيب يالله قولي له شكرا عشان نروح اللبيت
داليا : سكرا
فيصل : العفوو
جوري : يالله لولو بخد هذا
ورجعت داليا الشقة وراحت هي وليالي شقتهم
نوره : طولتوا
ليالي : شفنا فيصل هناك
نوره : شي طبيعي كلاسنا كله يروح عشان البحث , الا وش صار معكم ؟
وقالوا لها السالفة




توقعاتكم وش بصير ؟
هل بتوافق جوري ؟
وادا وافقت فيصل وش بسوي لها ؟
اهل جوري وبيت عمها بيعرفوا بالكف الا خلا فيصل يخطب جوري ؟