البارت الواحد والثلاثين,,,


//////////////////////////////////////
مشعل/سلامات جدي امي تقول انك تعبان؟
الجد ة/توك تجي تساْل صباح الليل من متى وانت راد من مدرستك؟
الجد/اللحين هو جاي يسال عني ولاعنك مالك شغل فيه؟
مشعل/اذا مشغولين امركم بعدين؟
الجد/لالالالا تعال اقعد؟
الجدة/اسمع بعد مشيعل من متى نازلة الذرابة عليك ياحظي؟
الجد بدفاع/طول عمره مشعل ذرب مو مثل اللي في بالي؟انتي شفيك عليه ياحرمة؟
الجدة/انت اللي شعندك معه..ليه متفقين مع بعض؟
مشعل/يعني اذا ولد وابوه اتفقوا تصير السالفة غريبة؟
الجد بتاْءيد/أي نعم...
الجدة/اه ياقلبي محد ر افع الضغط والسكر غيرك؟
مشعل/وانا شكو؟انتي اللي تزطين بها الاكل ولاانا؟
الجد/اذكري الله يامرة ها الفقير مشعل شياْكل عاد؟
مشعل/قول لها ياجدي ماتصلي على النبي اذا طرتني تبي تموتني من عيونها؟
////////////////////////////////////////////////////////
ابو تركي/حصة هني؟
حصة/شلونك يبى؟
ابو تركي/الحمد الله..انتي شلونك وشلون عيالك؟
حصة/نساْل عنك يبى...الله يطول لنا بعمرك..
عبدالله/يالله يبى متنا من الجوع؟
ابو تركي/ماعليه اخرناكم شوي اليوم عن الاكل....
حصة/يبى..
ابو تركي/نعم...
حصة/شصار على خطبة مشاعل؟
ابو تركي/......
تركي/انت ماكلمت فواز ولاعمي ابو سالم؟
ابو تركي/في ها اليومين بتسمعون خبر؟
حصة/يبى عطنا خبر قبل مو يوم الملكة تفاْجاءنا؟
ابو تركي/وخير ان شاءالله وش عندكم؟
عبدالله/يعني شعندهم غير ها الاسواق والثياب ..وشنو بيلبسون؟
ابو تركي/يبى السوق قريبة وفيها كل شي لاتحاتون...الا على طاري السوق وين البنات مااشوفهم؟
ام تركي/معاهم نورة وياسمين؟
ابو تركي/ماباركنا لياسمين بالملكة؟
تركي/انتظر ليلة الخميس وبارك لها..
ام تركي/ليه؟
تركي/خواته يبون يسوون له حفلة بسيطة قال ليلة الخميس بيسوي لكم عشى بالمزرعة وبتتجمعون؟
ام تركي/غريبة اختي ماقالت لي انا مكلمتها الصباح؟
تركي/لانها مابعد عرفت الليلة نواف بيمرها يقول لها؟
//////////////////////////////////////////////////////////////
نوف/احنا شلون نسينا سالفة ها البزر؟
نورة/وش بنسوي يعني؟
مشاعل/مو احنا اللي بنسوي ..هي شبتسوي معه؟
ياسمين/منو؟
نوف/انتي ياحظي؟
ياسمين/انا؟؟؟
نورة/لاانا..طبعا انتي؟
نوف/شبتسوين مع احمد ولد نواف علامك مخك رايح بعيد؟
ياسمين بخوف/تصدقون ماقد خطر في بالي ابدا احمد ولا شلون بنكون مع بعض؟
نوف/لاحبيبتي لازم يخطر في بالك لانه واقع...
نورة/وصار واقع حتمي امك تبيه يجي عندك البيت يتعود عليك؟
ياسمين/وانا شكو ان شاءالله مفكريني امه صدق؟
مشاعل/علامك تضايقتي؟
ياسمين/لاني مااعرف اتصرف مع بزارين صغار مثله؟ افهموني مو كفاية هم نواف بعد يجي فوقه ولده ياربي انا شسويت بدنيتي علشان تغضب عليّ كذا!!
نوف/اذكري الله ماله داعي ها الحكي؟؟؟
مشاعل/بنات..
نورة/هلا..
مشاعل/هذا فواز داز لي مسج؟
ياسمين/شيبي؟
مشاعل/يقول حددي موعد الملكة لاني بكلم ابوك اليوم وبتفق معاه؟
نورة وهي تضحك/جاك الموت ياتارك الصلاة..
مشاعل بخوف/ببكي ..ياربي ساعدوني ماابيه؟
///////////////////////////////////////////////////////
وضحى/السلام عليكم...
وعليكم السلام والرحمة؟
لؤلؤة/شلونك؟
وضحى/بخير انتوا شلونكم..
لؤلؤة/عايشين...
وضحى/احمد وينه؟نايم؟
لؤلؤة/مابغى ينام طول الليل يبكي؟
نواف/خله يبكي وش عليك منه انتي؟
لؤلؤة/ياسلااام؟
نواف/سمعي لؤلؤة انا ماابي ادلعه خله يصير رجال؟
وضحى/شوي شوي عليه يانواف توه ولد اربع سنين ....
نواف/اربع ولاعشر..اذا من البداية بياْخذها دلع بيكبر عليه؟
لؤلؤة/مدامكم ثنينكم هني والسالفة فيها احمد بقولكم عن شي؟
وضحى/خير..
لؤلؤة/بنت عمي ام مشعل دقت لي وقالت تبي تاْخذ احمد عندهم كم يوم؟
نواف/دقت لك انتي بعد؟
وضحى/ليه هي داقة لك انت بعد!
نواف/أي..
وضحى/وانت شرايك؟
////////////////////////////////////////////////////////////
مشاعل/اوووف راحوا البنات ورجع الملل؟
نوف/..........
مشاعل/يابابا احاكيك انا ؟
نوف/........
مشاعل/نوفوا دبريني؟
نوف/لشنو؟
مشاعل/ماابيه؟
نوف/مشاعل خلصنا من ها السالفة خلاص,,,,,عمي مو ماْخذ برايك هو عاجبه فواز؟
مشاعل/أي بس انا صدق ماابيه؟يمكن كلامه حسسني باشياء حلوة وعيشني بحلم وردي بس انا فعلا ماابيه شسوي؟
نوف/مدام الرجال شاريك ومكبر بواجبك ويبيك تحددين موعد الملكة بنفسك حدديه وردي عليه وانسي سالفة ماابيه؟
مشاعل بخوف/أي بس انا فعلا ماابيه يانوف احس ان ارتباطي فيه بيغير حياتي؟
نوف/اكيد اذا ارتبطتي بتتغير حياتك سواء معه ولامع غيره؟
مشاعل/لاانتي مو فاهمة عليّ يانوف احس ان حياتي مع فواز تحديدا بيصير فيها شي مدري شنو؟
نوف/هذا من كثر ماانتي تفكيرين ياعمري...هدي شوي وابعدي سالفة الخوف منك ترى الزواج مايخوف مرة؟
مشاعل/وانتي وش عرفك؟
نوف/هههه محد قال لي بس صدق انتي متخوفة كثير...شوفي المسكينة اللي بتاْخذ دراكولا وهي ماقاعدة تسوي ربعك يامشاعل؟انتي اقلا عارفة ان فواز يبادلك الاحترام وعنده مشاعر تميل ناحيتك مو مثل نواف اللي حياته حروب معها والله اعلم اذا صارت في بيته شبيكون بينهم؟
///////////////////////////////////////////////////////////
بعد صلاة العشاء,,,في بيت بو خالد,,,
ام مشعل/هلا وغلا بنواف؟
نواف/هلا بنت عمي شلونك؟
ام مشعل/نساْل عنك..
نواف/عايشين الحمد الله...شلونك عمي؟
ابو خالد/اسكت ياولد اخوي بغيت اروح فيها اليوم؟
نواف/لا...
ابو خالد/أي والله...
نواف/سلامات سلامات ماتشوف شر ان شاءالله...
ابو خالد/الشر مايجيك وانا عمك...
نواف/مشعل شلونك؟
ام خالد/مشيعل يالثور انت ماسلمت على ولد عمك للحين؟قوم فز سلم عليه يللي ماتستحي؟
نواف/شفيك ياام خالد هو اللي فاتح لي الباب ومدخلني انا بس كنت اساْل عن اخباره؟
الجدة مسوية شخصية/على بالي انه ماسلم عليك قلت مايصير بعد؟
مشعل/الا تبين تمسكين عليّ اقل شي؟
ابتسم نواف بدون مايعلق,,,
/////////////////////////////////////////////////////////
نورة/سعد..
سعد/نعم
نورة/قوم خل نروح السوبر ماركت..
سعد/بنات تموتون على الطلعة توك رادة من بيت خالتي قبل ساعتين؟
نورة/يبى محتاجة اغراض وبيني وبينك متمللة؟
سعد/لالالالا البنات مكانهم البيت فقط؟
نورة/سعيدان؟
انا موجدتي تهبل فيني!!
سعد/كلكم من نفس الصنف حريم...الا على فكرة جدتي حرمة ولارجال؟
نورة/قول قسم؟؟؟
سعد/انا بصراحة مااحسها حرمة يعني مافيها شي بشكلها يدل على انها حرمة؟
نورة/شكلك تبي تجيب العيد لنا قوم يبى وبعطيك عشرين ريال؟
سعد شهق/عشرين ريال بها الزمن شتسوي عاد؟
نورة/ياسلاام؟
سعد/اقل من خمسين موقايم؟
نورة/اوووف انا كل اللي معي اللحين مية وسبعين...اذا عطيتك خمسين كم ظل معي؟
سعد/وانتي بتمولين البيت ياحظي!!كل اغراضك معروفة..سنكرس ,,جالكسي,,,شبس ليز...حليب جالكسي....ومجلة زهرة الخليج,,,عطيني بس عطيني الفلوس كلهم وانا اخذ لك اللي تبينه؟
نورة/لاتحلم؟
سعد بنفخة/ان شاءالله تبين تحاسبين انتي وانا اوقف مثل جدي مو داري عن الدنيا؟لايابابا انا رجال واذا بطلع مع احد امسك انا الحسابات ولامااطلع؟
////////////////////////////////////////////////////////////
نوف/انا بروح اشوف كنتاكي وصل ولالسه؟وشوفي لك حل انتي بالهم اللي عايشة ومعيشتنا فيه؟
مشاعل/مفكرة ماارسل له شي واطنش؟
نوف/يابابا اذا مارسلتي بيرجع يتصل؟
مشاعل/اوووف طيب...
طلعت نوف من الغرفة ونزلت وماكان في احد موجود طلعت من باب الصالة للباب الخارجي...
وتوها بتفتحه الاتركي داخل...ظل يناظرها ونسى انه يسلم وهي ظلت تشوفه وكل تفكيرها بالعباية وبريحة عطره اللي فيها بس ماقالت شي....
انتبه على نفسه وانها قاعدة تناظره..
تركي/احم احم....هلا نوف...
بشرود وبرود قالت/هلاتركي..
سلامها وردها صدموه بس ماحب يبين هاالشي
تركي/طالعة؟
بنفس البرود/لا...
تركي/لا؟وش تسوين هنا اجل؟
نوف/طالبين من كنتاكي وكنت بشوفه وصل ولالسه لان الظاهر مافي احد بالبيت وانا ومشاعل فوق؟
تركي/يوم انكم مشتهين كان دقيتوا علي اجيب لكم وانا جاي؟
غريبة؟؟؟قالتها وكتفت يدينها...
تركي/وش الغريب؟
بحدة قالت له/خبري فيك ماتحب ها المطعم بالذات يعني بتتعنى له برجلك وتاْخذ لنا لو دقينا عليك قلنا نبيه!!!!انت كل ماتشوفنا ناكله هذرت فوق راسنا؟
///////////////////////////////////////////////
البس عباية ولااخليها؟البسها ولااخليها؟اووووف الله يهداك يمه انا مالي وماله ليه لازم اروح اضيفه واقهويه واسلم عليه؟؟؟؟يلعن الساعة اللي ملكنا فيها ؟؟
اخاف اترك العباية ويفشلني قدامهم واخاف اشيلها ويقول هاذي ماصدقت على الله,,,هو بروحه ماءخذ مني موقف من يوم الراشد..لالالالا بشيلها علشان يعرف انه مايهمني ومايخوفني بعد؟ولو يمديني اركب فوق واحط لي روج احمر غامق حطيت بعد بس ماني متعبة نفسي علشانه!!!
شالت الصينية اللي فيها الشاي ودخلت المجلس كان نواف جالس بالزاوية يعني اللي جاي من برى يقدر يشوفه قبل لايدخل وبس لمحها مقبلة لف لاام مشعل وقال لها/اقول يابنت عمي؟
ام مشعل/هلا يمه...
كانت ياسمين دخلت وسلمت بها اللحظات بس هو كان لاف وجهه لعند ام مشعل يعني مسوي انه ماشافها ولاسمع سلامها..رغم ان صوت كعبها مزلزل المكان...
نواف/ ليلة الخميس ان شاءالله بنلبس الدبل يعني بعد ليلتين...
المسافة الفاصلة بين المكان اللي واقفة فيه ياسمين واللي جالس فيه نواف قبالها مايتعدى المتر وهو المكان اللي طاحت فيه صينية الشاي بللي عليها من يد ياسمين وهي تسمع كلامه؟
///////////////////////////////////////////////////
لؤلؤة/وضحى...
وضحى/هلا..
لؤلؤة/تهقين نواف يحب ياسمين؟
وضحى/ليه تساْلين؟
لؤلؤة/مدري بس احسه مستعجل حيل علشان يجيبها البيت؟
وضحى/نواف دايما تتوقعين منه الغير متوقع..
لؤلؤة/الا الحب ياوضحى....احس انه اكتفى من تجربته مع ريم وعمم التجربة على الكل؟
وضحى/يجوز.....بس ترى مشاعر الانسان مو بيده؟
لؤلؤة/طيب وهي؟
وضحى/انتي ادرى فيها مني؟
لؤلؤة/لاانا ماشوف منها شي غير عن اللي تشوفينه؟ويمكن بحكم علاقتها القوية بخالد انتي تعرفين شي عن ها السالفة؟
وضحى/هي عارفة ان خالد يقول لي كل شي ويعطيني كل اللي بخاطره فعلاقتها بنواف يالؤلؤة تركتها بعيد عن خالد وماجابت له سيرتها ولامرة بحياتها يالؤلؤة...
////////////////////////////////////////////////////////
عبدالله/عبير
عبير/قول ياقلبي
عبداللله/ابي منك شي..
عبير/شنو
عبدالله/ابيك تتعرفين على مشاعل ونوف؟
عبير/ليه؟؟؟
عبدالله/علشان...
عبير/علشان شنو؟
عبدالله/يعني يكون بينا طرف ثالث وناْخذ اخبار بعض منه؟
عبير/وليه هذا كله انت عندك جوالك وانا عندي جوالي ونقدر نكلم بعض ناخذ اخبار بعض؟
عبدالله/طيب وش فيها لو تعرفتي عليهم؟
عبير/لانهم هم اللي لازم يتعرفون عليّ!
عبدالله/انتي ليه تصعبينها ياعبير؟
عبير/انا فاهمتك وفاهمة وش تبي ؟
عبدالله/.........
عبير/تبي اتعرف عليهم علشان يسهلون عليك سالفة الخطبة؟
عبدالله/وشنو فيها هاذي بالله؟
عبير/فيها انهم اذا يبون هم يجون يتعرفون عليّ لاني مابتعرف عليهم؟
عبدالله/علامك يابنت الناس ليه مكبرتها وهي صغيرة؟
عبير/انا هذا تفكيري عاجبك عاجبك مو عاجبك بكيفك؟
عبدالله بعصبية/شنو يعني بكيفك؟
//////////////////////////////////////////////////////////
كان واقف مكانه ماتحرك منه...
عطت السايق الفلوس واخذت طلبهم وركبت فوق بسرعة...
كان متسند على باب الشارع وواقف ومكتف يدينه وتفكيره شارد لبعيد ...لها ولكلامها اللي حس انه اربكه في شنو مايدري بس حس نفسه مجروح منها ..ومنحرج من نبرة صوتها الحادة معه؟
ظل يراجع تفكيره بمواقفه معها ولاوراها ويشوف ان كان جرحها بدون مايقصد ماتذكر أي شي لاقاله ولاسواه؟طب ليه كلمته بها الطريقة وماكانت مرتاحة بوقفتها هنا معه اليوم؟معقولة انها حست بشي ولااحد قايل لها شي؟
هي كانت معي طبيعية وتاْخذ وتعطي ماعندي معها أي مشكلة تغيرها اليوم اليوم وبس؟
معقولة حصة؟؟؟معقولة كلمتها ولا نرفزتها؟تنهد بقوة وهو في باله الشر عليها اذا كانت فعلا هي اللي مزعلتها ومخليتها تتعامل معه كذا...
تنهد بقوة اكبر وهو حاس انه فعلا متضايق بتعاملها معاه ودخل البيت,,,
/////////////////////////////////////////////////
على اساس انه بيشيل معاها الزجاج المتناثر بينهم وهم راكعين يشيلونه جنب بعض ..
همس لها باْذنها بحدة/روحي بدلي ها البنطلون الضيق؟
رفعت راْسها بصدمة ولقته يناظرها بغيظ...وارتبكت زيادة...
اصلا هي بموقف تنحسد عليه فوق انها مصدومة انها بعد ليلتين بتلبس دبلته وانها كسرت الصينية قدامه جاي يقول لها بدلي وين عقله هذا!!!
قالت بغباء/نعم...
نواف بحدة/انا شي اسمه بنطلون ماادانيه بحياتي فاانسي انك تلبسينه لا وضيق بعد!!!
خلي عنك يانواف؟
رفعوا راسهم لاام مشعل اللي جاية تشيل الزجاج وتكنسه وهي قامت بهدوء مو علشان تبدل ولاتفكر انها تبدل اصلا بس علشان تقنع نفسها انها بعد يومين بتلبس دبلته؟؟؟

البارت الثاني والثلاثين,,,


////////////////////////////////////
نوف/هذا هو؟
مشاعل/أي..
نوف/طيب ردي عليه...
مشاعل/ماابي..
نوف/ليه؟
مشاعل/لاني ماابيه يانوف...
نوف/مابنعيد ونزيد بها السالفة كسبيه بصفك مدامه شاريك؟
مشاعل/لا..
نوف/خذي بس وقولي له انك تبين الملكة بعد عرس ياسمين..
مشاعل/واذا سئلني متى عرس ياسمين؟
نوف بنفاذ صبر/انتي اللحين ردي عليه تراه قطع نفسه من الاتصال؟
مشاعل بعناد/ماابي...
ضغطت نوف على زر الرد وحطت الجوال بااءذن مشاعل اللي ارتبكت وماعرفت شتقول...
فواز/الو..
مشاعل/...الو..
فواز/هلا وغلا..
مشاعل/ها...هلا..
فواز/كل هذا تغلي تغلي علينا ماتبين تردين؟
مشاعل/ها...
فوازبمرح/علامك...منو متحلف فيك تركي ولاعبدالله؟
مشاعل/محد..
فواز/وليه كذا مو قاوية تقولين كلمتين على بعض؟
مشاعل/عادي...
فواز/مااشوفك رديتي على رسالتي..يعني انا منحرج من ابوك اني للحين ماعطيته خبر...
مشاعل/ماابي..
دزتها نوف بكتفها..
فواز/شنو اللي ماتبينه؟
مشاعل/ها...ماابي اقررانا..قرر انت وشوف وش اللي يناسبك؟
فواز/متاْكدة؟
مشاعل/أي..
فوازبجدية/يعني اجي اللحين املك؟
مشاعل/لالالالا
فواز/ههههه توك تقولين قرر انت؟
مشاعل/أي بس مو بها السرعة؟
فواز/يعني نهاية هذا الاسبوع؟
مشاعل/لا..
فواز/حيرتيني معك ..ورى ماتختارين انتي علشان اعرف وش اللي يناسبك؟
مشاعل/مدري؟
فواز/تراها ملكة بس يامشاعل ماهي زواج يعني ماله داعي خوفك الزايد هذا كله؟
//////////////////////////////////////////
خالد/انت ماتقول لي وش عندك؟
عبدالله بحزن/ولاشي...
خالد/الا في شي ها اللف والدوران اكيد وراه سالفة؟
تنهدعبدالله...
خالد/وشكلها عويصة بعد؟
عبدالله/خالد...
خالد/قول وش مهبب ياالاغبر؟
عبدالله/انت جربت الحب؟
خالد/وغيره؟
عبدالله/انا اتكلم من جدي ياخالد؟
خالد/وانا امزح يعني؟اختصر وش بعد سالفة التجربة؟
عبدالله/مدري شقول لك؟
خالد/طبعا بكون غبي لو ساْلتك تحب ولالا وانت ساْلني ها السؤال؟
عبدالله/................
خالد/منت مرتاح؟
عبدالله/كيف عرفت؟
خالد/مافي غير ها الشي اللي بيخلي الواحد يكون كذا؟
عبدالله/انا تعبان وهاذي مشكلتي؟
خالد/وليه ان شاءالله؟
عبدالله/لاني ساعات احسها غير مبالية بمشاعري ناحيتها ومايهمها حبي وخوفي ..مدري كيف اوصف لك؟..يعني كاْني مااهمها؟
خالد/وليه باقي عليها ماخلت الديرة من البنات ليش متمسك فيها ها الكثر.
عبدالله بحزن وتعب/لانها وجعي ياخالد,,,,لاني احبها ومقدر اكذب بمشاعري؟
/////////////////////////////////////////////
توها بتقوم المطبخ تاْكل لها شي لان الجوع حرقها واكلتها من الضهر في بيت خالتها وعلى اساس انها بتنزل تتعشى معهم الا بجية نواف ومن ركبت غرفتها بعد الموقف اللي صار لها معه حبست روحها في غرفتها وماطلعت منها رغم انها عارفة ان نواف مشى من زمان واهل البيت كلهم ناموا لان الوقت متاْخر....
دق باب غرفتها خلاها تناظر بالباب...
ياسمين/تفضل...
دخلت ام مشعل/نايمة يمه..
ياسمين/لايمه تعالي حياك....
ام مشعل اللي جلست جنبها حطت بجانب ياسمين صينية عليها سندويشات وعصير..
ام مشعل/سويت لك سندويش قلت اكيد جوعانة..
ياسمين بكبرياء/لايمه انا شبعانة شكرا ماابيهم..
ام مشعل/ماعليه تركيهم جنبك لو جعتي بعدين اكليهم..
ياسمين/........
ام مشعل/انا انتظرت الكل ينام علشان اجي اتكلم معك؟
ياسمين/في شي...
ام مشعل/ياسمين....,,ويمكن امها قالتها بحنانها المعتاد واللي حست انها بتفقده بس تطلع من ها البيت علشان كذا دمعت عينها وقالت بسرعة/يمه ماابيه؟
ام مشعل/ليه يايمه؟
ياسمين/لاني اكرهه...
ام مشعل/ياسمين يايمه هذا زوجك عيب تقولين ها الحكي بحقه..
ياسمين/يمه انتوا جبرتوني عليه وماشاورتوني..
ام مشعل/في بنت عاقلة تنساْل بنواف عاد؟
ياسمين/.........
ام مشعل/هو يبيك ومن زمان قايل يبيك انتي بس معصبة ومسوية سالفة ورابكة نفسك على الفاضي ولد عمي واعرفه ماتطلع منه العيبة...لاتضايقين نفسك انا عارفة انه بيصونك ياياسمينتي,,,
//////////////////////////////////////////////////////////////
ظلت تناظر بجوالها على اسم تركي اللي كان داق عليها ..ناظرت بمشاعل اللي نامت بعد مابكت وتعبت من البكي يوم كلمت فواز رجعت تناظر باسمه وفي بالها العباية وليه سوا كذا؟؟؟
ردت بجفاء/نعم؟
تركي/اسف على الازعاج..
نوف بنفس الجفاف/لاعادي....
تركي/عسى مو نايمة بس؟
نوف/لالسه....
تركي/طيب ممكن تنزلين الصالة شوي؟
نوف/ليه؟
تركي/ابي اتكلم معك؟
نوف/في شنو؟
تركي/انزلي وبتعرفين؟
نوف/اللحين؟
تركي/أي..
نوف/ماتقدر تاْجل موضوعك؟
تركي باصرار/لا...الموضوع ضروري يانوف؟
نوف/طيب انا نازلة..
قامت لبست عبايتها وهي مترددة حييل وبنفس الوقت متخوفة من اللي بيقوله تركي لها,,,,
نزلت الصالة ولقته جالس بروحه ومبين انه متضايق....
سلمت وقعدت ورفع راسه يناظرها...
نوف/في شي...
تركي بحزن/نوف علامك؟
نوف بجفاف/انت اللي داق وقايل ان عندك سالفة؟
تركي/ساءلتك علامك وش اللي مغيرك عليّ كذا!!
نوف/..........
تركي بنفس الحزن/انا ضايقتك بشي؟زعلتك بشي؟جرحتك بشي يانوف؟
نوف/.......
تركي/مو معقول اسلوبك معي في الكلام نوف صارحيني وش اللي صاير علشان تتعاملين معي كذا!!
ماكانت معه ابدا ولاتدري وش قال اصلا تفكيرها كله في اسلوبه المنفعل واللي حست انه ممكن ينفجر باي لحظة....رفعت راسها تناظر ه..ملامحه غلط فيها شي متوتر ومرتبك لان هذا ماهو تركي الثقيل اللي يهز الجبال ويزلزل الارض....
نوف/خلصت كلامك؟
تركي/..........
نوف/تصدق ماعندك سالفة تعالي وضروري واخرتها تقولي ها الحكي؟
بحدة وعصبية قال لها/نوف انا اتكلم جد؟
نوف/تبيها من الاخر؟
تركي بتردد/أي...
نوف باصرار/وتتحملها؟
وقف قلبه مكانه وحس بخوف يسري فيه بس اضطر يقول لها أي..
//////////////////////////////////////////////////////////////
بعد ماقامت امها من غرفتها وسوت روحها مقتنعة بنواف...ناظرت بالغرفة اللي هي فيها وهي تبتسم بالم..ماتدري بأي وقت بتفارقها وهل بترجع لها من جديد ؟ها الغرفة اللي ضمتها بين جدرانها وتاْلمت لأاالمها وفرحت لفرحها..حست انها قاعدة تتذكر كل الايام اللي قضتها هنا وفجاْة قطع عليها الجوال تفكيرها ..توقعت نورة ولامشاعل ولانوف بس تفاْجات انه نواف..حست بشي يكتم عليها انفاسها بس عنادا فيه ردت..
ياسمين/نعم..
نواف/ماشاءالله للحين سهرانة؟
ياسمين/مو من خصوصايتك؟
نواف//وين رحتي اليوم؟
ياسمين/بعد مو من خصوصايتك؟
نواف/طيب بعد ليلتين اعلمك؟
ياسمين/ماخوفتني؟
نواف/انا مو متصل اخوفك ولااضحكك ,,,سمعي يابابا انا البنطلون مااحبه بكل حالاته؟
ياسمين/أي...وغيره؟
نواف/لابس قلت اعطيك خبر علشان وانتي تجهزين ماتغلطين وتاْخذين لك واحد؟
ياسمين/اقول نواف لاتصدق حالك كثير؟
نواف/خير؟؟؟
ياسمين/سلامتك بنام تصبح على خير..ولااقولك على الف خير؟
نواف/شوفي يابنت الناس....وقسم بالله تسوين مثل الحركة اللي سويتيها الظهر وربي ماتلومين الا نفسك؟لاتفكيرني ممشيها لك ؟لايابابا انا باْدبك عليها بعدين اذا صرتي عندي,,,ووصلت لك على مااظن اياني واياك تعيدينها وماتردين عليّ ولاتقفلين الجوال لان ليلك بيصير نهار ساعتها؟
//////////////////////////////////////////////////////
وضحى/حبيبي..
خالد/قولي حياتي...
وضحى/تدري وش ابي؟
خالد/لا
وضحى/ابي...
خالد/شنو؟
وضحى بتفكير./ابي
خالد/اخذ لك شي تاْكلينه؟
وضحى/لا
خالد/اشتري لك شي حامض؟
وضحى/لا بس ليش يعني حامض؟
خالد/مدري طلعت معي اشوف بالمسلسلات دايم ياخذون لهم ليمونة ياكلونها قلت يمكن انتي مثلهم؟
وضحى/هههه لا ماابي
خالد/تبين تسافرين ولاتروحين مكان معين؟
وضحى/لا...خالد علامك نسيتني حتى الشي اللي بقوله لك؟
خالد بزعل/شنو يعني نسيتيه ,,قالها بخوف كبير..
وضحى/هههه وانت ليه خايف؟
خالد/ اللحين بيصير في نفسك؟
وضحى/لامابيصير اذا تذكرته بقوله لك؟تصبح على خير..
خالد باعتراض/لامافي نوم الا اذا قلتيه..
وضحى/اقول لك نسيته؟
خالد/مو شغلي تذكريه اللحين؟
وضحى/شلون اتذكره؟؟غصب هي؟
خالد/مافي نوم
وضحى/بكيفك هي مافي نوم؟
خالد/أي مافي نوم الا اذا تذكرتي وش كنتي تبين؟
وضحى/وانت ليه مضيق خلقك انا اللي ابيه مو انت!!!

البارت الثالث والثلاثين,,,,


////////////////////////////////////
نوف/شوف تركي خلينا صريحين مع بعض..
بهمس خايف قال/نوف..
نوف/اسمعني وبس!!!انا بغير تعاملي مع كل من في ها البيت؟
تركي بدهشة/مافهمت!!!
نوف بعد تنهيدة عميقة/ابي اخسركم كلكم..
تركي/تخسرينا!!!!!ليه يعني؟
نوف/لاني بطلع من هنا وماابي اكون نادمة لاني تركت ها البيت؟
مرت ثواني صمت ظل يناظر فيها مستغرب من كلامها وحست هي ان قلبها بيوقف شلون طلع منها ها الكلام ماتدري؟؟؟كانت ناوية تقول له عن دخلته الغرفة بس ماتدري ليش ماطلع معها ذاك الموضوع وجابت ها السالفة من راسهاوحست فعلا انها اغبى شي با العالم بس ليش ماتدري؟؟؟
تركي بجدية/نوف طلعة من ها البيت ماراح تطلعين لو شنو صار؟
قالت بتمثيل علشان لاتناقض سالفتها/مو بكيفك؟
تركي/طيب وش اللي حصل؟
نوف/ولاشي بس مكاني هنا غلط...
تركي رجع لجديته/باْي اساس قررتي ومع منو؟
نوف/بعد زواج مشاعل ب...
قاطعها بسرعة/مابنزوج مشاعل اذا هاذي مشكلتك؟
تنهدت وظلت ساكتة بس بعدها حبت تهدي الوضع لانها حسته معصب قالت بصوت رايق/تركي..
تركي/نعم,,قالها بلهفة,,,
نوف/انتوا مشكلتي..اهتمامكم ومثاليتكم معي وطيبتكم الزايدة محسستني اني فعلا ضيفة وان هذا مو بيتي؟
تنهد بقوة وبعدها قال/ماعندك سالفة يانوف ..بس هذا اللي مضيق خلقك؟وش تبين نتهاوش يعني؟؟خلاص من بكرة بتصبحين على هواش وبتتمسين على هواش اذا هذا فعلا اللي بيرضيك واذا تبين بعد من اللحين نتهاوش؟
قامت من مكانها علشان لاتطيح دموعها قدامه وقالت بتصنع/تصبح على خير ولاتشغل بالك وانسى السالفة من اساسها؟قالتها وركبت وماغابت عنها تنهيدة الارتياح اللي طلعت من تركي ساعتها وصورة عبايتها وريحته فيها راكزين في مخيلتها اكثر واكثر ودموعها شوشوا على الجو كله في راسها وماقدرت تركز باي شي....وهي تتمنى انها تكون مجرد ردة فعل واهتمام من تركي ليتمها لااكثر ولااقل؟؟
//////////////////////////////////////////////////////////
مروا يومين بهدوء والليلة هي الليلة الموعودة اللي حست فيها ياسمين ان روحها بتطلع وان الليلة هاذي ماراح تنتهي ابدا!!
رغم انهم مالكين من قبل اسبوع ومنتهية السالفة الا انها حاسة بخوف غير طبيعي يمكن لانها بتكون قريبة منه وهي تلبسه وهو يلبسها....ها الانسان اللي انحكم تعيش وتعاني منه,,,معقولة مايجي الليلة؟؟؟ويعيد سالفة اربع سنين مضت؟؟؟؟حست بالدمعة واقفة على طرف عينها بس كابرت علشان ماتنزل منها ومسكت الجوال بعصبية...
خالد/هلا وغلا.بالعروس...
ياسمين/خالي...
خالد/عيوني لك....
ياسمين/ماابيه؟؟؟
فتح عيونه على وسعها/شنو؟؟؟
ياسمين/.............
خالد/هذا مقلب من مقالبك ولاشسالفتك انتي الليلة؟
ياسمين/..............
خالد/ياسمين....علامك؟
ياسمين/خلاص انسى ولاشي..يالله باي؟
سكرت منه وقفلت الجوال بكبره يمكن احساسها انها تعجلت باتصالها بخالد اللحين ويمكن انها تاْخرت حييل وتوها تتكلم وتقول ماابيه ,,,تنهدت بقوة وخلت دموعها ينزلوا براحتهم بدون ماتمنعهم....
/////////////////////////////////////////////////////////
الجد/شها الكشخة يامشعل؟
مشعل/شقالوا لك بعد...بصور مع اختي؟
الجد/وانا مابصور معكم؟
سعد/اكيد بتصور؟
الجدة/بكيفك انت كل شي تقرره وكاْنها اختك؟
مشعل/ياربي..
سعد/اساْلك الدعاء من كل قلبي....
الجدة/انت جيب لي المكحلة علشان اتكحل....
سعد/وليش بالله؟
مشعل/تبين تفشلينا يعني؟
سعد/انتي كذا ماتنبلعين تبين تتكحلين بعد!!!
الجدة/مالكم شغل بصور مع العيال؟
سعد/علشان يحترق الفلم؟
الجدة/مالكم شغل...
مشعل/جدي قول شي ياكبيرنا؟
الجد/اصلا التصوير حرام علامك انتي؟؟
سعد ومشعل فطسوا عليها ضحك والجد ابتسم ابتسامة نصر على اساس انه شخصية وخوفها...
//////////////////////////////////////////////////////////
عبدالله/تراك جننتني انت بقومتك وقعدتك ماتسوى جاي تتغذى معي لين تتصل فيك مرتك اخر الليل؟
خالد/تصدق ياعبدالله ان الليلة بتشب بينا..
عبدالله/ليه؟؟
خالد/...........
عبدالله/انت مسوي شي؟
خالد/لا...
عبدالله/اكيد اجل لان خالتي ام نواف بتحضر
خالد/اكيد بتحضر مو ولدها اللي ملكته مدري شسالفته ؟اكيد بتكون موجودة..
عبدالله/رغم اني سمعت ان نواف ماكان يبيها تجي بس روحة وجية لين اقنعوه...
خالد/ووضحى اذا جت الشقة اليلة اكيد بتجي قالبة خلقتها ومتضايقة ومتكدرة...
عبدالله/طيب واذا...سايسها انت الليلة؟
خالد/مااعرف...
عبدالله/بالناقص...شب على روحك النار ,,,يعني عارف اللي بتتهاوشون عليه وعلشانه وماتبي تهدي وتساير السالفة تستاهل اللي بيجيك؟؟؟
كان خالد سارح بافكاره بعيد ذيك اللحظات مو علشان وضحى بس.....علشان ياسمين واتصالها ...معقولة هي فعلا ماتبي نواف؟؟؟ولابحياتها قالت لي!!!طيب ليش قالت لي وبعدها سكرت وقالت انسى السالفة؟؟معقولة بس خوف من وجوده قربها الليلة ولاالسالفة فيها شي ماقالت لي؟
/////////////////////////////////////////////////////
في مزرعة نواف وتركي كان الكل متجمع ..ام مشعل وام سعد وم تركي وبناتهم ووضحى ولؤلؤة وخالتهم وبناتها وامهم بعد....
جلسوا يسولفون ويتعشون لين يجي نواف ..وياسمين كانت بالغرفة اللي داخل مع وضحى اللي ماكانت رايقة كثير لاامها وماهي مستعدة تتحمل منها أي كلمة بعد موقف صار لها معها من وصلت والبنات طبعا كانوا يتناوبون داخلين طالعين عليهم...
وصل نواف وسلموا عليه كلهم وجلس مع الحريم شوي وبعدها لبس ياسمين وسط تعليقات البنات والحريم ووسط جمودها وبرودها اللي ماتدري من وين نزلوا عليها وبعد ماانتهى استئذن من امها انهم يجلسون بالمجلس وانه عاطي جدها خبر ..وصاروا بروحهم والباب تسكر عليهم وظلت ياسمين واقفة بمكانها ماتحركت لاتقدمت ولاتاْخرت ووقف هو يرتب شماغه وبعدها تقرب منها وابتعدت عنه بسرعة....
نواف/عسى ماشر ,,احد قايل لك ان فيني مرض معدي؟
ياسمين/.................
ظل يتاءملها بالقوة وهي لابسة ثوب بنفسجي غامق مخصر حييل على جسمها وحاشيته مطرزة ذهبي وبدون سيور..
تقرب منها وهمس لها/ماشفتي اضيق من ها الثوب علشان تلبسينه؟
رفعت راسها بعناد وقالت/فيه...بس ماحبيت البسه وتشوفه عليّ!!
نواف وهو يناظرها من فوقها لتحتها/كذا السالفة يعني....طيب..
////////////////////////////////////////////////////////
في سيارة تركي كانوا البنات معه بس...
تركي/ان شاءالله انبسطتوا؟
نوف/طبعا واحد يشك في ها الشي؟
تركي/معناته عقبالكم..
مشاعل/وانت قبلنا ان شاءالله...
تركي/يصير خير...
مشاعل/انا ابي اعرف ليه الرجال مايقولون لا...ولا يارب ودايم يقولون يصير خير؟
تركي/احد قايل لك ان احنا خفيفين؟
مشاعل/الله عليك يالثقيل؟
نوف/عبدالله اذا احد قال له يقول ان شاءالله؟
تركي/ذاك مو عايش في الدنيا؟
مشاعل/وحضرتك اللي عايش؟
تركي/طبعا...
نوف/أي أي..خلاص..وعليكم السلام لانفتح على نفسنا النار اللحين...
مشاعل/هههه
تركي ببتسامة/هذا رايك يعني؟
///////////////////////////////////////////////////////////
خالد/وين صافن القمر؟
وضحى/...........
خالد بصوت عالي/الو..
وضحى/هلا...
خالد/وينك؟لوين وصلتي؟
وضحى/موجودة؟
خالد/صار لي ساعة اكلمك؟
وضحى/لابس كنت شاردة شوي؟
خالد/اكيد فيني؟
تنهدت بضيق وقالت وهي مقهورة/قلت لها اني حامل وراحت تكلم بجوالها ومافكرت ترجع تاْخذ مني أي تفصيل بعد ماسكرت واكتفت بكلمة مبروك اثناء مكالمتها..
خالد بدفاع/يمكن الاتصال اللي عندها كان ضروري...
وضحى/أي...
خالد/وشغل تفكيرها؟
وضحى/وليه ماشغل تفكيرها وهي تسولف مع خواتك؟ولاوهي تتعشى؟ولاوهي تسولف مع اختها وبنات اختها؟
خالد/انتي وش تبين توصلين له بالضبط؟
وضحى/ولاشي....موقف ضايقني وحبيت اقولك عنه؟
خالد/قومي نرتاح انتي تعبانة ولازم تنامين..
وضحى/ماابي انام ادخل انت اذا ودك تنام...
//////////////////////////////////////////////////////////////
ياترى رجعت ياسمين البيت ولالسه؟؟؟هي قايلة اول ماتوصل البيت بتدق تقول لنا شصار معقول للحين مارجعت!!!يمكن نواف جالس مع خالتي يتفق معها على الزواج وموعده وتنتظره يطلع وبعدها بتدق؟؟؟
خل اقوم اشبك شويات لين تدق حضرتها وناْخذ اخبارها فتحت جهازها وكان فارس شابك ذيك اللحظات ودق قلبها بقوة ..بس قالت فرصة مدامه موجود خل تكلمه من جديد....
نورة/مساء النور...
فارس/....
مرت ثواني بطيئة ومارد عليها ورجعت كتبت له من جديد وبدون مقدمات/انا صديقة نورة....
فارس بسرعة/خير...
نورة/اقولك انا صديقة نورة
فارس/أي
نورة/هي موصيتني ادز لك رسالة
فارس/لاتتعبين حالك عارفك منو انتي وشنو غرضك بللي بتقولينه بس ترى بتدور الدنيا وبتنطعنين في الظهر مثل ماقاعدة تجيبين في سيرة بنات خلق الله...عموما انا مابرد عليك ولابقولك أي شي....وهذا الايميل وكنسلناه علشان اقولك ان رسالتك وصلت؟
نورة بصدمة وهي تكلم نفسها/هذا شقاعد يقول؟؟؟علامه؟؟؟؟؟ليش حاط لي صورة حلوة في برواز مذهب ومايبي احد يجيب له سيرتي !!!
غمضت عيونها وافكارها كلها مشوشة؟؟؟

البارت الرابع والثلاثين,,,



//////////////////////////////////////
دخلت غرفتها وقفلت الباب وراها وشالت عبايتها والثوب ولبست لها بيجاما خفيفة وحست انها شايلة هم كبير من على قلبها,,,,
تنهدت بقوة وهي تناظر بالثوب وغمضت عيونها وهي تذكر نواف...,,,,جريْ,,,حقير,,,كريه,,,,هذا هو المختصر عن شخصيته وماتقدر تضيف عليهم أي شي عنه لانها لحد الليلة ماتتوقع انه يطلع منه شي زين ابدا؟ليه ماتدري؟
ماتدري ليه بالاساس حظها رماها على ها الانسان بالذات من دون جميع خلق الله,,ها الانسان اللي تركها قبل اربع سنين في يوم كان المفروض انها تكون زوجته بس طبعا هي ماتلومه لانه هو بعد مااختارها وفرضه جدها عليها مثل مافرضها عليه وماكانوا باختيار بعض؟؟؟
////////////////////////////////////////////////////////
خالد بعصبية/ياسلام والله وش عندك بالله تسهرين؟
وضحى/خالد شفيك؟انا مافيني نوم بقعد شوي واذا حسيت اني تعبت بدخل ارتاح,,,,
خالد بسخرية/ياسلاام على الارق اللي ماينزل عليك الا اذا شفتي امك؟
قالت بحدة/خالد لو سمحت لمها علشان لاتكبر بينا؟
خالد بنفس اللهجة المستهترة/لا ماراح المها وخليها تكبر بعد ماعندي مانع وبتقومين تنامين لان الشي مو على كيفك وليدي اللي عندك لازم يرتاح؟
وضحى بهدوء/يعني انت خايف على البيبي؟طيب مو مشكلة ولدك ننزله علشان ترتاح وماتحاسبني على نومتي وسهري؟غيره بعد؟
خالد/علامك انتي الا تقلبينها خناقة على اخر الليل؟
وضحى بذهول/انا ولاانت؟
خالد/تعالي نرتاح.
وضحى بنرفزة/ماابي ارتاح خلني على راحتي ماهو غصب؟
خالد بلهجة امر/الا غصب بكرة بيصيرون عندك عيال اذا شافوك كذا وسألوك شبتقولين لهم انا وامي مانتفق اذا التقينا وتقلب نفسيتي؟
وضحى بعصبية من استهتار خالد واصراره على ها الموضوع/خالد لو سمحت سكر السيرة؟
خالد بعناد/لامو مسكرها وضحى انتي مو صغيرة علشان..
قاطعته بعصبية/انت شتبي مني؟
خالد بعصبية اكبر/لاتصارخين بوجهي!!!
وضحى/الا بصارخ قول اللي تبي وخلصني؟
خالد/يعني اللي يبي راحتك كذا تردين عليه؟؟طيب ياوضحى ...
//////////////////////////////////////////////////////////////////
اول ماوصلت سيارة تركي عند الباب لمحوا سيارة غريبة عنهم واقفة عند باب بيتهم ونازل منه رجال ويوم نزلوا ووصلوا عند الباب لقوا الشخص اللي نزل منها تارك عند الباب بوكيه ورد ودق الجرس ولف بيمشي وصار قبالهم,,,
مشاعل من شافت فواز دق قلبها وتغطت بسرعة بس طبعا هو لمحها لانها كانت بوجهه جنب تركي على طول ونوف وراهم بشوي,,,
تركي/هلا فواز..
فواز/هلا والله...ترى مو جاي اسرق شي...
تركي/حياك تفضل...
فواز/لالا ماله داعي..
تركي/افا..ليه عاد؟
فواز/اولا ماهو وقت زيارة علشان..
قاطعه تركي بذوق/البيت بيتك يافواز ماتحتاج اذن ولاوقت يناسب علشان تدخل..
فواز/تسلم ياتركي ماتقصر بس انا بصراحة كنت جاي ابارك لمشاعل بملكة بنت خالتها وبس؟
تركي/معناته لازم تبارك لي انا لان نواف يكون صاحبي..
فواز/لا..والله مادرينا الف مبروك وعقبالك ان شاءاالله..
////////////////////////////////////////////////////////////////
قطع عليها تفكيرها صوت الجوال اللي يدق وراحت له تركض ..اكيد وحدة من البنات متصلة تاْخذ العلوم يامغثهم وثقل دمهم قايلة لهم انا اللي بدق عليكم بس اعرفهم مايصبرون,,,,
تفاجاْت يوم لقت المتصل خالد وارتبكت ,,رغم ان علاقتها فيه قوية مرة بس حست انها تسرعت باتصالها له اليوم,,,,
حاولت تكون طبيعية وردت عليه بمرح/هلا خالد...
خالد/هلا وغلا..
ياسمين/سهران,,
خالد/طبعا لازم انتظرك...
ياسمين/اوووف ليه؟
خالد/ياسمين...قالها بجدية,,
ياسمين/نعم خالي...
خالد/انا مو متصل علشان انا خالد خالك لايياسمين..انا متصل لاني خالد صديقك اللي جنبك دايما...
ياسمين/.............
خالد/ياسمين وش فيك صارحيني؟
ياسمين/ولاشي..
خالد/مو صحيح؟
ياسمين/صدقني مافي شي..
خالد/والكلمة اللي قلتيها اليوم لي يوم اتصلتي؟
ياسمين/انسى..
خالد/ليه؟
ياسمين/بس كنت مرتبكة ومو عارفة شسوي ولاشقول؟
خالد/واذا قلت لك اني مو مصدقك؟
ياسمين/مو بكيفك ماتصدقني...
خالد/قولي الحقيقة انتي لساتك متضايقة من نواف على موقفه قبل اربع سنين,,
ياسمين/خالد روح نام لاتسمعك وضحى؟
خالد/لاتخافين انا وهي متهاوشين وكل واحد بينام الليلة بمكان,,,,قولي انا اسمعك...
///////////////////////////////////////////////////////
مشعل/اقول جدي..
الجد/قول يبى...
الجدة/انت ماتروح تنام تراك اذيتنا؟
الجد/وانتي شعليك منه خل يقول اللي في خاطره لايتعقد ويسكت لنا مرة وحدة؟
الجدة/وشنو اللي في خاطره عاد ياحظي؟
مشعل/جدي ترى اذا بتنهان كرامتي وبنذل بقوم غرفتي؟
الجد باصرار/لالالالااقعد..
مشعل/صراحة جدي انت ماتغار على زوجتك الحبيبة ها المزيونة اللي عندك؟
الجد باستنكار/منهي؟
مشعل/جدتي القمر....الله يحفظ لنا شبابها من كل عيون حاسدة؟
الجدة بذهول/انا؟؟؟
مشعل/أي...وانتي طالعة اليوم بتركبين السيارة اشوف واحد يناظر في سيقانك يوم يرتفع ملفعك مدري عبايتك...جدي انت لازم تخليها تلبس شّراب علشان لاتسوي لنا فتنة بين الشباب...
سكت الجد وماتكلم ومشعل لكز جدته في كتفها بقوة وهمس لها/شفتي خليته يغار عليك وينتبه لك؟
الجدة بنفس الهمس/تسلم لي انت يالغالي,,,
//////////////////////////////////////////////////////////
شال بوكيه الورد من مكانه وتقرب من مشاعل اللي كانت واقفة كانها تمثال وماتحركت,,,,,وهمس لها وهو يحطه في حضنها/عقبالنا....
تقدمت نوف ودخلت مع تركي البيت وهي تهمس له/يقال انهم رومنسيين يعني لازم نتركهم بروحهم ونفارقهم ونترك لهم الجو يعيشونه؟
همس لها تركي/تبين نخرب عليهم الجو؟
نوف بتفكير/امممم انت وش رايك؟
تركي باندفاع وهو مو حاس على نفسه/اللي تبينه بسويه لك انتي بس تاْمرين وتتدللين؟
وقفت مكانها بعد كلمته وهو حس ان كلمته ضايقتها وتدارك نفسه بسرعة وقال من فوق قلبه/اقول لاتسرحين كثير مايسوى عليه الواحد يمزح معك تصدقين حالك,,امشي قدامي لابها العقال فوق راسك؟
***نرجع لعند فواز ومشاعل اللي كانوا واقفين برى....
مشاعل بهدوء/الله يبارك فيك...وشكرا ماكان له داعي تكلف على عمرك...
فواز وهو يناظرها/من قال ان الورد فيه كلافة...ولالانك ارق منه وانعم ماتحبين تنهدينه؟
مشاعل/...........
فواز بهمس اكثر/ليش غطيتي وجهك يوم شفتيني!!!
مشاعل/...........
فواز وهو يبتسم لشكلها اللي كان وجهها كل ماله ويطيح بالارض اكثر,,,,/خلاص رجعت لك حالة السكون مرة ثانية مابتتكلمين.....طيب انا اعرف دواك.....
مشاعل/...........
فواز/انا التقيت مع ابوك اليوم يامشاعل وتكلمنا وحددنا موعد الملكة؟
رفعت راسها وقالت بصدمة/متى؟
فواز بعناد/سولفي معي اكثر وبقولك؟
رجعت نزلت راسها من جديد بالارض...
فواز/طيب بتنامين ولا فيني احاكيك على الجوال؟
مشاعل/عطني ساعة اغسل وابدل وبعدها بدق لك..
///////////////////////////////////////////////////////////
كان جالس بروحه في الصالة وكل الانوار طافية وهو يفكر بياسمين على رواق...
كان المفروض انها تكون له ومعه من قبل اربع سنين,,ليه توها تجيه؟؟؟
غمض عيونه بقوة علشان يرجع يستعرض صورة ياسمين على راحته ومايشاركه فيها احد,,,ظلت ذاكرته تسترجع صورتها وهي معه الليلة بثوبها المخصر,,,,عطرها,,,,كحلها,,,انوثتها,,,كل شي فيها كان بقربه الليلة...صحيح شافها قبل اكثر من مرة بس الليلة غير,,,الليلة كانت غير حييييييييل..الليلة ضمها بالقوة لصدره وكاْنه يعوضها عن غيابه اللي صار قبل اربع سنين هو نفسه ماتوقع ها الحركة تطلع منه ويسوي معها ها الشي بس مايدري ليش صار معه كذا وماقدر يمسك نفسه عنها,,,,
تنهد بقوة وهو يحاول يبعد صورتها عن باله وفي ها اللحظات جت صورة ريم طليقته في باله وفتح عيونه بسرعة,,,

البارت الخامس والسادس والثلاثين,,,,



///////////////////////////////////////////
يوم ثاني الظهر...
مشاعل/خالتي شلونك؟
ام مشعل/هلا بالعروس ان شاءالله عقبالك..
مشاعل/ياربي لااحد يقول لي ها الكلمة احس بطني يعورني,,,
دخلت نوف/عاد ياخالتي احنا محد يعزمنا جينا بنفسنا نشوف ياسمينتنا,,,
ضحكت ام مشعل وهي تقول لهم/وش تبون في بنيتي وانتوا البارحة كنتوا معها وشايفينها؟
نورة وهي داخلة/شكلك فاهمة علينا ياخالتي؟
البنات وخالتهم/ههههههه
ام مشعل/ركبوا لها غرفتها صحوها لانها لسه نايمة ماقعدت وانا بروح اكمل الاكل....
نوف/عاد ها الله ها الله في الكبسة ياخالتي نبي ناكل اصابعنا وراها..
ام مشعل/على امرك ....
نورة/الا الشبيبة وينهم؟
ام مشعل/تقصدين امي وابوي؟
مشاعل/ليش عندنا هنا ناس شباب اكثر منهم؟
ام مشعل/الله ياخذ مشيعل مدري وش مسوي بعد ومن الصبح مناقر هو معهم مدري وش عنه؟
/////////////////////////////////////////////////////////////////
كانت حاسة بالتعب من قعدتها على ها الكرسي من البارحة وهي تفكر باامها وخالد,,,
ماتدري ليش يتنرفز اذا انطرت امها قدامه!!!وليه دايم تطلع هي غلطانة وتكون امها هي الصح؟؟؟
تنهدت بقوة وقامت من مكانها وفي نيتها خير على خالد اللي تركها من البارحة ولاساْل فيها,,,
طلعت من الغرفة للصالة ولقته جالس يشاهد التلفزيون ..قالت بهدوء/صباح الخير,,,بس مارد عليها...
جلست جنبه وظلت ساكتة لانه ماكلف على حاله يلف ناحيتها اصلا وقالت بعد فترة/خالد.....
مارد عليها..
وضحى/وش تبي تاْكل على الغذى اليوم,,,,
رفع كوب قهوته يشرب منه بهدوء وقامت من الصالة وهي تتنهد لين وصلت لعند باب المطبخ وقال بدون مايلف لها/ام مشعل عازمتنا على الغذى جهزي بسرعة ماابي اتاْخر؟
////////////////////////////////////////////////////////////////
ام فارس/طب ليه؟
فارس/يمه علشاني...
ام فارس/موقبل مااعرف ليه...
فارس/ولاشي بس ...
ام فارس/يمه انت عندك شي منت خالي...
فارس/يمه...
ام فارس/يايمه مايصير كذا ..يعني...
فارس/خلاص يمه...السالفة ماهي صعبة حييل...
ام فارس/.........
فارس/حبيبتي انتي لاترفضين لي ها الطلب واللي يخليك؟
ام فارس/طيب واذا عرفوا؟وش بتكون ردة فعلنا؟؟؟وشنو بنقول لهم؟
فارس/محد بيدري يايمه...
ام فارس/أي يايمه بس...
فارس/علشاني ولاماله فارس خاطر يعني؟
ام فارس/مدري شقولك يمه...
فارس/افا!! يعني صدق مالي خاطر عندك...
ام فارس/مو كذا يمه لاتفهمني غلط بس ..
فارس/خلاص قولي تم..
ام فارس/بس مو قبل ماتقولي السالفة بالضبط؟
////////////////////////////////////////////////////////////
في غرفة ياسمين....
نورة/قولي بالتفصيل وش صار؟
مشاعل/شقلتوا ؟واي حروب قامت بينكم؟
نوف/ومتى رجعتي البيت؟
نورة/وليه مادقيتي لنا؟
كان شكل ياسمين تحفة بينهم وهم مصحينها من نومها ويساْلونها وهي مو دارية وش صاير في الدنيا اللي حوالينها..
اول وحدة ضحكت على شكلها نوف ووراها ضحكوا البنات..
ياسمين وهي النوم فيها/علامكم انتوا؟؟
مشاعل/والله شكلك تحفة؟
ياسمين وهي تحك في شعرها وعيونها نص مسكرة/وبعدين وش اللقافة اللي فيكم انا ونوافي انتوا طلعوا منها؟
ناظروا البنات في بعض وانتبهت هي على عمرها انها قالت نوافي وكملت بسرعة/يامسرع ماتاْخذكم الافكار لبعيد!!عنادا فيكم قلت نوافي بشوف ردود افعالكم..
نورة/أي لانك طيحتي قلوبنا؟
نوف/انا عن نفسي شكيت انه سحرك علشان كذا قلتي نوافي!!!
ياسمين وهي قايمة من فراشها/هذا نوافوه ويخب عليه بعد ادلعه واقوله نوافي؟الحمدلله والشكر بس!!!
مشاعل/احنا بصراحة خفنا انك خونتي وحبيتيه من ورانا؟
نورة/وين قايمة قولي شصار البارحة؟
ياسمين/بقوم اغسل واصلي واصحصح واكل لي لقمة بعدين اقولكم...
نوف/ياذا الليل؟؟؟؟
//////////////////////////////////////////////////////
بعد مابدلت ثيابها ولبست عبايتها ركبت مع خالد السيارة وظل مثل ماهو ماتغير ..لاتكلم ولاقال أي شي وكانها ارتكبت جريمة قاعد يعاقبها عليها بسكوته عنها رغم انها هي صاحبة القضية ولها كل الحق في انها تزعل من امها اللي مو مفكرة تعطيها شوية اهتمام ووقت وتساْلها عن احوالها...تنهدت بعد مالفت لخالد وقالت/شفيك؟ليه زعلان مني!!!
بكل برود قال لها/انتي عارفة؟
بدفاع قالت/انا ماقلت لك شي يزعلك ياخالد...ولااي شي؟
خالد باحتقار/مو لازم تقولين تفكيرك المتواضع قال عنك!!!!
غمضت عيونها بالقوة علشان تمنع دموعها يطيحون قدامه وتهين نفسها علشان لايزود السالفة عليها ولسان حالها يقول,,,,
ماهي غريبة اذا في خاطرك تجرح,,
قلبي تعود على النسيان وجراحه,,
سودت وجه الغلا ويحق لك تفرح,,,
والراحة,,,والله ابشرك ضاعت الراحة,,,
مليت اجمع طموحي وحضرتك تطرح,,,
والقلب يساْل دخيلك وين مفتاحه,,,
ان قلت تعبان قلبي جد ماامزح,,,
الهم دمر حصون القلب واجتاحه,,,
جيتك مثل ادم وفي جنتك امرح,,,
وانت وش انت اكيد تكون تفاحة,,,
ماكنك الا البحر وماعرفت اسبح,,,
غدار طبع البحر ومافيه سباحة,,
وماكنك الا طعوني وطعنتك تذبح,,,
في ذمتك شفت واحد حب ذباحه,,,
وشلون احبك وانسى غلطتك واسمح,,,
مو كل شي لاتكسر نقدر اصلاحه...
خسران ادري لاني ماعرفت اذبح,,,
ياخلف الله على قلبي وافراحه,,,
مافيه داعي لعذرك مابي تشرح ولااشرح,,
مادام قلبك خذا من جرحي ارباحه,,,
ابعد طلبتك وانا في خير راح اصبح,,,
ان رحت عني تكون اعصابي مرتاحة,,,
////////////////////////////////////////////////////////////////////
عبدالله/ماغيرتي رايك؟
عبير/في شنو؟
عبدالله/في انك تتعرفين عليهم؟
عبير/لا
عبدالله/ليه ياحياتي...
عبير/خليهم هم يتعرفون عليّ!!
عبدالله/انتي تعرفتي عليهم ولاهم تعرفوا عليك ماتفرق ياعمري..
عبير/لا تفرق!!!انت من البداية المفروض تحط لي قدر وقيمة مو انا اللي اجي واقحم نفسي وافرض وجودي عليهم!!!
عبدالله/..........
عبير/يعني اذا انا تعرفت عليهم شبيقولون ؟اني دخلت بيتهم علشان اخذ ولدهم وبس!!!لكن اذا هم تعرفوا عليّ فمعناهه انهم هم قاصديني....
عبدالله تنهد/خلاص ولايهمك لاتزعلين نفسك....بخليهم يمرونك في ها الايام.....يبى انا تعبت وارتباطنا لازم نقربه مايصير كذا!!
//////////////////////////////////////////////////////////////////////
نواف/لؤلؤة..
لؤلؤة/هلا اخوي...
نواف/وين احمد...
لؤلؤة/غريبة...اول مرة تساْل عنه؟
نواف/.........
لؤلؤة/خلاص مو قايلة شي وهاذي سكتة؟
نواف/جهزي اغراضه؟
لؤلؤة/ليه؟
نواف/بوديه عند ياسمين.....اقصد يعني عند ام مشعل..البارحة قالت لي اجيبه عندها من اليوم...
لؤلؤة/أي.....
نواف/تتوقعين يرتبط بياسمين؟
لؤلؤة/ليه لا...ياسمين حبوبة واللي يعرفها اكيد يحبها ويتعلق فيها...
نواف/..........
لؤلؤة/ولمتى بيظل هناك معهم؟
نواف/والله مدري...
لؤلؤة/شلون يعني ماتدري؟
نواف/ماتكلمنا بها السيرة هي قالت تبيه يجي عندها ويتعود عليهم وماقالت كم المدة ولاانا ساْلتها بس الاكيد انه بيرد قبل العرس مو بعده؟
لؤلؤة/ليه انتوا حددتوا موعد العرس؟
نواف بتنهيدة/لا.بس قريب ان شاءالله مو مطولين!!
///////////////////////////////////////////////////////////
ابو تركي بفرح/البارح فواز مرني وتفاهمنا...
ام تركي/الحمدلله..
ابو تركي/لو شفتيه كان يتاْسف انه مارد ولاقال شي من ذاك الاسبوع.....
ام تركي/طيب هو ليه تاْخر؟
ابو تركي/يقول كانت عنده صفقة تجارية وكان لازم يدرسها بهدوء والظاهر انه قايل لعمته بس هي مابلغت ابو سالم,,,يارجال الحمدلله مافيه الا الخير...بشر شااتفقتوا عليه؟
ابو تركي/الملكة يوم الخميس الجاي باْذن الله والعرس يقول من ثلاثة الى اربعة شهور لانه بيسافر بعدين وبيطول ويبي ياخذ مشاعل معه...
ام تركي/الله يوفقهم ان شاءالله...
ابو تركي/نخلص من مشاعل وبها الفترة تكونين دورتي لتركي على بنت حلال لاني بزوج مشاعل وبعدها هو وبلغيه ماابي اعتراضات!!مايشوف عبدالله لاجني كل يوم والثاني وابي اعرس وهو للحين ماتلحلح؟
ام تركي/الله يقدم اللي فيه الخير ان شاءالله...
ابو تركي/المهم لاتنسين تبلغين مشاعل ..
ام تركي/لا انت بلغها انا اذا قلت لها بتقعد تتحجج وتدلع انت قول لها بتسمع منك اكثر,,,
////////////////////////////////////////////////////////////
خالد/وين ابوي؟
ام مشعل/والله ماشكلهم بيطلعون من الحرب اللي بينهم؟
خالد/هههه ليه شعندهم بعد!!
مشعل اللي توه داخل/يعني ماتعرف امك وابوك ياخالي مايمر علينا يوم بدون مانسمع انهم مسويين لنا سالفة طول بعرض؟
خالد/هههه
ام مشعل/استحي يالله استحي.....انا ادري كله من تحت راسك؟
وضحى/البنات وينهم؟
مشعل بسرعة/كلهم ولافي ناس محددة تبين تسالين عنها؟
ابتسمت له وضحى/شاطر يافاهمني؟
مشعل بنفخة/أي وضحى خلنا صريحين انتي لازم توصين على اختي عند اخوك؟
وضحى/اخوي حاطها في عيونه بس ولايهمك اقوله ها الحكي؟
ام مشعل/انت ماتعقل؟
وضحى بدفاع/وانتي ليه مضيقة خلقك معه!!خله يعبر عن شعوره براحته...اي كمل وش بعد؟
مشعل جلس وحط رجل فوق الثانية/يعني بعد انا ماساْلته وين بيسكنها؟
خالد/وين يعني ياحظي في بيته؟
مشعل/اممممم ....
ام مشعل/انا قايلة له يجيب احمد اليوم ياوضحى مادقيتي له؟
وضحى/لا لسه..
ام مشعل/طيب اذا دقيتي عطيه خبر واكدي عليه يجيبه اليوم ضروري...
وضحى/طيب...
ام مشعل/انا بقوم اشوف الحرب اللي داخل..
مشعل بعد ماطلعت امه/شاغلة نفسها فيهم ام مشعل ؟
وضحى/وبمنو تبيها تشغل نفسها ان شاءالله؟
مشعل/فيني ؟؟
خالد/ومن قال انك مو شاغل بالها....
وضحى/اقول مشعل عندكم ميرندا فراولة؟
مشعل/ليش ان شاءالله فاكرتنا بندة على غفلة؟؟لاطبعا ماعندنا؟
وضحى بمحايل/طيب تقدر تروح تشتري لي؟
مشعل مسوي جدي/انا اسمع مايصلح للحوامل يجيب عيال حمران؟؟
خالد صدق علطول وقال لها بعصبية/مافي تشربينه؟
مشعل/هههههههههه
خل اقوم انفذ بجلدي واشوف جدي وجدتي؟
//////////////////////////////////////////////////////////
البنات شهقوا كلهم بصوت واحد وياسمين نزلت راسها بالارض من الفشلة,,,
نوف/عيدي عيدي ماسمعنا؟
مشاعل/ياربي انا يتراوالي لو فواز يحضني اموووت...
نورة بتشكيك/بس حضن مافي شي ثاني؟
ياسمين بدفاع/لاطبعا مافي شي ثاني؟ قالتها بسرعة ونزلت راسها وفي بالها تقول وين يصير في شي ثاني وهو من تقرب مني وحضني ماتركني وانا ذبت فيه وماقويت ابتعد!!!
نوف/لاتسرحين مو وقته اول كملي لنا ؟
مشاعل/طيب قلتوا شي بعدها؟
ياسمين/ها...عادي سولفنا عادي...
نورة/وش حسيتي فيه وهو يحضنك؟
نوف/صدق ماصخين بنات ها الايام كل شي يبون يعرفونه؟قولي بسرعة؟
نورة/ههه بتشوفين لكن..
مشاعل/مااحس نواف تناسب انه يكون كذا ويحضن ويصير رومنسي..
ياسمين /أي والله انا قلت اكيد بعد ها الحضن بيكسر العقال فوق راسي؟
نوف بغمز/يبى خلاص الحروب الصليبية انتهت اللحين مافي غير تحضن ومايندرى شنو؟
مشاعل/مادق لك اليوم؟
ياسمين/لا....
نورة/لسه بدري لاتفرحين شويات وبتشوفينه متصل؟
/////////////////////////////////////////////////
بعد ما طلع مشعل لفت له..
وضحى/يعني بس ميرندا الفراولة اللي خلاك تكلمني؟
خالد بلامبالاة/ومن قال اني ابي اكلمك؟انا بس كنت بنبه عليك لاتشربينه؟
وضحى بلعت قهرها وسكتت من اسلوبه...
خالد/...........
وضحى/خالد...
خالد/فينا مانتكلم لاني ماابي اضيق خلقي؟؟
وضحى بصدمة/كلامك معي يضيق خلقك؟؟؟
خالد باحتقار/وبيسد نفسي عن الاكل بعد!!!وانا ماابيها تنسد؟
وضحى ودموعها طاحوا بذيك اللحظات/طيب ليه جبتني معك يوم انك ماتبيني اكل قبالك ولااكون معك؟
خالد باستفزاز/غلطة وماقدرت اعتذر..بس ماراح اعيدها مرة ثانية؟
لهنا وبس وشالت شنطتها وهي تمسح باقي دموعها وخالد ارتبك لانه حس انه زودها معاها كثير وماكان لازم يقول اللي قاله,,,
بس ماحب يبين ضعفه وكمل بنفس الاسلوب/وين على الله؟
وضحى بالم/بترك الجو يصفى لك ,,,,ببعد عن وجهك علشان تاْخذ راحتك؟
///////////////////////////////////////////////////////////////////
تركي/أي ...
نواف/وبس...
تركي/فيك شي منت خالي؟
نواف بارتباك/ولاشي...
تركي ابتسم/صار بينكم شي امس؟
نواف بانكار/لاطبعا؟؟؟بخق عليها انا ها الفلبينية وانا مدري؟
تركي/مو مصدقك؟
نواف/انا بس اخاف من الايام اللي بتجيني ياتركي...
تركي/من شنو بالضبط؟
نواف/من ان ياسمين تكون نسخة مطابقة لريم؟
تركي/فيني اقولك اني مااسمح لك تقارن بنت خالتي بها الانسانة اللي ماتربت؟
نواف/تركي انا مو قصدي وانت عارف....
تركي/الا خالتي ام مشعل تراها مربية عيالها صح؟صدق مارباهم ابو بس هي ماقصرت...
نواف بتنهيدة/تركي افهمني انا صورة ريم ماتغيب عن بالي ومحسستني ان كل البنات اللي بالعالم بيكونون مثلها....ولامثل امي؟
تركي/غلط,,,ماهو صحيح,,,
تنهد نواف وماقال شي وثلاث صور مرت في باله وماهو قادر يقرر أي شي,,,
////////////////////////////////////////////////////////////
مشاعل/اشششششش بنات هذا فواز داق؟
نوف/صحيح ذكرونا نقولكم عن الاخ الرومنسي بعدين؟
نورة/يعني لو مادق ماكنتوا بتقولون؟
مشاعل/والله كانت ياسمين شاغلة فكرنا وماصار وقت نتكلم؟
ياسمين وهي تناظر بمشاعل/اقول بلامااشغل بالك وردي عليه؟
مشاعل بتردد/ارد شااقول؟
نوف/هاذي اللي بتجلطني!!ياعالم تراها تموت فيه وتبيه ...
مشاعل/أي....بس اذا رديت عليه بالتلفون ماادري شااقول له؟
نورة/اتركيه هو يتكلم وانتي ردي وبس...
مشاعل بعد تردد/الو..
فواز/هلا وغلا,,,,
مشاعل/هلا فيك...رفعت راسها وكانوا البنات يطالعونها ويضحكون وهي ماسكة نفسها لانها يابتضحك يابتبكي,,,
فواز/صباح الانوار..
مشاعل/لسه بدري؟
فواز/هههه كانها مو عاجبتك؟
مشاعل/شوف كم الساعة اللحين؟
فواز/من زمان صحيتي؟
مشاعل/طبعا..
فواز/مدري ليش حسيت انك بتكونين تعبانة من حفلة البارح وماراح تقومين بدري...
مشاعل/..........
فواز/تغذيتي؟
مشاعل/لالسه..
فواز/اجي اتغذى معك...