كل يوم لك حال جديد .. مرة قريب ومرة بعيد ، للكاتبة : ملح الحياة وسكرها ..

خلف تلك الزوايا وفي ركن بعيد جدا تتناثر الشموع هنا وهناك....
ومع كل موجة هواء تهب تضيئ تلك الشموع او ينطفى نورها....
تلك الشموع التي تفرح وتتالم وتحزن وتضحك وتعاني هي التي نعيش معها لفترة طويلة جدا بكل المشاعر الممتزجة فيها .....
حكاياهم واقعية ولكنها تتجسد في شخصيات خيالية نتابعها بكل مافينا سواء احببناهم او كرهناهم....
من جديد انا معكم ولااجلكم ايها الاعزاء....
اعذروني من الان اذا ماقصرت بحقكم او ازعجتكم بقلمي في لحظة ما...
ها انا اعود لكم مجددا مع مولودة جديدة....اختكم ملح الحياة.
************************************************** ************************************************** *********************************
البارت الاول,,,,
ياسمين/وين وصلنا؟
مشاعل/والله مدري...وش كنتي تقولين انتي اصلا؟
ياسمين مسوية معصبة/يا سلااااام يعني ماكنتي معي!!!
مشاعل وهي تنسدح على السرير/لاوالله ماكنت معك كنت اقولب فكرة براسي...
ياسمين/سمعتي يانوير وش تقول الاخت؟
مشاعل وهي تناظر بنورة اللي واقفة قبال النافذة/اسمع هاذي بعد وش عندك هناك...
ياسمين بغمز/تتطمن حبيب القلب رجع ولالسه؟
لفت لهم نورة وقالت بحدة/ياسمينوا ووجع!!!
مشاعل/هههههه
ياسمين/قولي الصدق يالله...
نورة بنرفزة وهي تجلس معهم على حافة السرير/الله ياخذه ويفكني من سيرته زين...
مشاعل/علامك انتي من تجي سيرته انقلبتي فوق تحت؟؟؟
***********************************
خالد/اليوم مقدر....
وضحى بنرفزة/طبعا ماتقدر..
خالد بهدوء/انتي عارفة ان اليوم خواتي يتجمعون وانا ماابي اتخلف عن ها الجمعة؟
وضحى وهي تعدل كحلها/تتهنوا...
ساد الصمت لثواني بينهم.....
خالد بحنان/وضحى...
وضحى/..........
خالد بنفس الحنان/تعالي...
وضحى رمت الفرشة من يدها بقوة وتنهدت....
قام خالد من مكانه وجاها بسرعة وحوط كتوفها بيدينه وهمس باذنها/علامك يالغلا...
وضحى وهي مغمضة عيونها/ولاشي....
خالد باصرار/مايصير شوفي ها الكشرة اللي بوجهك وانتي تعرفين ان فيك شي...
وضحى بصرامة وهي تبي تقوم/قلت لك ولاشي اتركني خلاص...وبعدين انت مو عندك جمعة في بيت اهلك خلاص روح لاتتاْخر؟
خالد بهدوء/وضحى شفيك اذا على السوق تراه مابيطير لاتزعلين نفسك؟
وضحى بانفعال/ومن قال اني زعلانة اصلا!!
تنهد خالد وابتعد عنها وراح يلبس شماغه علشان يطلع...
وضحى بلا مبالاة/يمديك توصلني بيت اهلي ولابتتاْخر عن موعدك؟
ناظرها بدون مايتكلم..
وضحى بنفس الاسلوب/خلاص وصل الجواب لاتقعد تناظرني كذا بدق على اخوي يمرني...
خالد/وانتي ليش ماتجين معي بيت اهلي؟
وضحى/اليوم بالذات مالي خلق...
***********************************
سعد/اقول جدتي...
قاطعته الجدة بصراخ/ووجعه ..قول يمه ليش تكبرني؟؟
مشعل/ليش انتي بعدك صغيرة ياجدتي؟
الجدة ام خالد/أي بعدني صغيرة وماحد له عندي شي...قول شبغيت؟
سعد/سلامتك.....كنت بسالك عن حياتك انتي والباشمهندس....
الجدة ام خالد/ومنو هذا بعد؟انا غير جدك ماعرفت بحياتي!!!
مشعل/قولي الصدق جدتي...
سعد وعجبته السالفة انهم يلعبون في الجدة مثل كل اسبوع/يالله تكلمي ولا بنعلم جدي عن الباشمهندس...
الجد ابو خالد من وراهم/منو هذا بعد اللي ماغسل وجهه؟
الجدة ام خالد بهمس/يويل حالي...
مشعل بهمس/يدك على ميتين ريال ونسحب السالفة؟
الجدة ام خالد/وين عصاي؟
سعد بنفس الهمس/يالله تكلمي بسرعة يا أي يا لا...
الجد ابو خالد/شفيكم.....
سعد/ولاشي نقول لجدتي تبي شي احنا قايمين..
مشعل بتهديد/احنا قايمين ياجدتي وش قلتي؟
***********************************
نواف حط بيالة الشاي بقوة وقال بذهول/منهي...
تركي بهدوء/نوف بنت عمي..
نواف/تصدق ماتوقعتها ابدا....
تركي وهو سرحان/اذوب فيها يانواف صدقني...
نواف/؟؟؟؟؟؟؟؟؟؟
تركي تنهد/يحمدون ربهم ان البنت لسه بخير وماماتت من نظراتي لها...
نواف/وش ها الحكي بعد؟
تركي/في قلبي نار تشب كل مايمر طاريها ..
نواف/أي...
تركي/شقولك بس يانواف خلها على الله..
نواف/من متى..لاتقولي من سكنت عندكم بالبيت كانت بعدها صغيرة ياتركي ماراح اصدقك؟
تركي/تصدق مدري من متى كل الي اعرفه ان كل يوم يزيد اللي بقلبي لها...
نواف/ومتى بتصارحها؟
تركي/والله مدري ياخوك خايف مووت...
نواف/من شنو؟
تركي/من اني اصارحها وتكون متعلقة بغيري...
نواف/واذا كانت متعلقة بغيرك وتفكر فيه المفروض انك تعرف ها الشي بدري علشان لاتتعلق اكثر واكثر..
تركي بزعل/واقطع قلبي اكثر اكثر.....
***********************************
عبدالله/وحشتني سواليفك....
مشاعل من وراه/منو هذا اللي وحشتك سواليفه..؟
لف لها بسرعة ولقاها تضحك وابتسم لها..
عبدالله/وانتي دايم كذا تجين بدون محد يحس فيك؟
مشاعل بنفخة/هذا لاني ريشة..
عبدالله/عدال بس لاتطيرين...
مشاعل/لاتلف وتدور قول مني هاذي بنت الحلال اللي وحشتك؟
عبدالله بجدية/وليش ماهو ولد حلال؟
شهقت بقوة وفتحت عيونها على وسعها وضحك عليها...
عبدالله/شفيك انتي...كل شي تصدقينه...
مشاعل/انا ادري عنك...انت بعد...يااخي الدنيا خربانة خربانة...
عبدالله/شوف اللي ماتستحي انا اخوك ولد امك وابوك
غمزت له وقالت بتهديد/وبتقولي ياولد امي وابويمن تكون ها الحلوة اللي واحشتك؟
تنهد عبدالله وهو يناظر بجواله
مشاعل/يعني بتقولي منهي ها الغزالة اللي تناظر فيها وقلبك متشوق يبيها...
***********************************
هذا كان البارت الاول لمولودتي الجديدة(كل يوم لك حال جديد..يوم قريب ويوم بعيد)
واتمنى انها تنال على اعجابكم ورضاكم...
وتعالوا نشوف الشخصيات...
الجد ابو خالد والجدة ام خالد...وبناتهم
1/ام تركي...(تركي/عبدالله/مرام/حصة/مشاعل)
2/ام سعد/(نورة/سعد/ريم)
3/(ام مشعل(مشعل/ياسمين)
4/خالد وزوجته وضحى بنت عمه...
بيت عمهم(نواف/وضحى/لؤلؤة)
بيت ام فارس(فارس/محمد/ريان/روان)
وكل شخصية بيجي عنها الكلام بالتفصيل من خلال البارتات والف شكر لمتابعتكم يالغلا...

البارت الثاني....
,,,,,,,,,,,,
سعد/ها جدتي بتعطيني الميتين ريال ولاشلون؟
الجدة بحلطمة/ماعندي...
مشعل/اقول جدي ماتعرف منهو الباشمهندس اللي كنا نتكلم فيه..
قاطعته الجدة/اقول يابوحالد مافي بجيبك ميتين ريال..
سعد ومشعل كتموا ضحكاتهم...
الجد بوخالد/لمنو؟
الجدة/موصية العيال يجيبون لي غرض...
الجد/وش غرضه اللي ماعرفه...
الجدة بتلعثم/غرض..غرض وبس..
الجد/انتي يوم شيبتي خرفتي وقمتي تخبين علي!!!
سعد بهمس للجدة/يالله تكلمي ودافعي عن نفسك...
الجدة بقهر/قوم اقلب خشتك ولاتوريني شكلك الا بعد شهر كامل!!!
مشعل بتهديد/مو بكيفك اول تجيبين الفلوس ياجدتي ولابتروحين في علوم مع ها الشيبة المزيون..
الجدة بعصبية/استح هذا جدك...
الجد/انتوا شفيكم تتكلمون كذا ماتبوني اسمع...
سعد/اسال جدتي...
الجد/جدتك خلاص خرفت وقضت...
الجدة/ها..ها وش تقول يابو خالد؟؟؟
مشعل يهمس لسعد/شكلها راحت علينا وبتتفرغ له..
مشعل/لاوانا مشعل ماتروح,,,
(سعد ومشعل....اول ابطال المغامرات في روايتنا...بزارين متوسط على قولة اختي ههههه
عيال خالة وتلاقيهم نفس الهبال والتصرفات واللبس ومايختلفون الا بالشكل....همهم وشاغلهم الوحيد انهم يسوون مقالب في جدهم وجدتهم...)
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
ام تركي/ماتقولي انت من متى ماشفتك؟
خالد بضحكة/من الخميس اللي فات...
ياسمين/هههههه
خالد/انتي انطقي انا واختي انتي شكوا...
ياسمين/وانا شقلت عاد؟
ام سعد/الا وين وضحى ماجت معك ياخوي...
خالد/صاحبتها بتمرها تبي منها كم ثوب مدري وش قالت...
نورة/حدد ياخالي منهي اللي تبي من الثانية كم ثوب؟
خالد/افا..انا مرتي ماتلبس من عند احد اكيد صاحبتها اللي تبيهم...
مشاعل/أي عاد احنا صدقناك...
خالد مسوي معصب/ها..منهي ذي اللي تتكلم عن مرتي..حرم الاستاذ خالد العتيبي؟
مشاعل/وحدة...
خالد/ادري فيها وحدة ماهم ثنتين واشوف جنبها دلة ياترى وش فيها...
نورة/لاتستظرف عاد ياخالي اكيد مو بيبسي بالدلة؟
مشاعل/ههههههه
ياسمين/حليب بالشوكلاته..
خالد/وليش ماتعزمون..
ام سعد/مابغيت الا اكرم الخلق يعزمونك هذولا لو تنقلب انت قدامهم شي يناكل اكلوك من زمان...
خالد/ههه...امي وابوي وينهم؟
ام مشعل/مع مشعل وسعد...
ام تركي/الله يهداهم بس..احنا جايين لهم وهم مقابلين ها البزارين..
خالد/خل اقوم الحق عليهم قبل لاتقوم داحس والغبراء...لان ها الاربعة مايجتمعون....
(خالد...الولد الوحيد بعد ثلاث بنات وها الشي مانقص منه بالعكس زاده شهامة ومرجلة وخلاه رجال ينشد فيه الضهر...
عمره واحد وثلاثين سنة...متزوج من وضحى بنت عمه حسب رغبة ابوه وحبوا بعض بعد زواجهم بس حياتهم يوم روقان وعشرة هواااش....
اسمراني وحبوب وفيه شبه كبير بعبدالله ولد اخته..حبوب مع الكل وخصوصا البنات اللي شغلتهم بس يناقرون في بعض).
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
لؤلؤة/وضيحي تراك مصختيها....
وضحى/انتي ماتوقفين معي ابدا دايم الدوم معاه..
لؤلؤة/لاني مو شايفته غلطان
وضحى/لامو غلطان ياقلبي بس اقوله ابي اروح السوق يقولي جمعة اهلي!!
لؤلؤة/ووين الغلط؟
وضحى بعصبية/سكتي واللي يعافيك...
لؤلؤة/مشكلتي عارفة انك على علاقة حلوة ببيت عمي ولابقول ان هم السبب؟
وضحى/لامو هم السبب انا احبهم وهم يحبوني ..
لؤلؤة/طيب وين المشكلة؟
وضحى/مافي مشكلة...
لؤلؤة/تراك بتجنين الرجال معك....
وضحى/ياسلااام....
لؤلؤة/انتي عارفة ان اليوم جمعة بيت عمي وكل اسبوع تروحين معه وانا اكون هناك بعد في معظم الاحيان ليش ها الاسبوع غيرتي وتبين السوق؟
وضحى/والله مدري بس طقت فيني روحة السوق من قعدت من النوم شسوي بالله؟
لؤلؤة/اه منك انتي وزوجك معك بجد مافي مثلكم ابدا!!يوم حبايب وتنحسدون على علاقتكم ويوم عدوان وتدورون المشاكل من تحت الارض؟؟؟
(وضحى/البنت الكبيرة بعد نواف وتجي بعدها لؤلؤة..بس بالتفكير والعقل لؤلؤة متقدمة على وضحى بمراحل....ماهي بذاك الجمال الاسطوري اللي يمتلكونه الكثيرين بس جمالها واضح بعيونها ورقتها وطيبتها مع الكل ومع خالد في بعض الاحيان..مشكلتها دايم متعقدة من شي اسمه زواج ودايم تحس بان علاقتها بخالد بتنتهي باي لحظة فتخرب على نفسها وسعادتها بهواشها الدايم معاه وهذا يرجع لاامها واخوها نواف ..
لؤلؤة/البنت الاعقل والاركد مافي بينها وبين اختها أي تشابه لابالتفكير ولابالشكل....تدرس مع نورة بنفس الجامعة)
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
بعد الساعة عشر ونص دخلت مشاعل غرفتها بالبيت مسوية نفسها زعلانة على نوف اللي من شافتها تركت الابتوب وابتسمت ومشاعل ماهي عاطية وجه..
نوف بتشاؤم/افا ليه الكشرة الكبيرة هاذي...
مشاعل/وراك مادة البوز علينا ياحلوة...
شالت عبايتها وقعدت على سريرها وقامت نوف ومسكت كتفها وسندت راسها عليه وضحكت/ياقلبي فرفشي ترى بجد ماتنطاقين وانتي مكشرة..
مشاعل/قومي ذلفي عني!!
نوف/ ههههه
مشاعل/لاتحاولين تكلميني...
تنهدت نوف وقالت بزعل/ماعليه ميشو بجد ماكنت طايقة اروح ها الاسبوع وحسيت ا ني متضايقة...
مشاعل/الشلة زعلانين عليك...
نوف/براضيهم...
مشاعل وحتى خالاتي يوم شافوك ماجيتي زعلوا عليك...
نوف/الاسبوع الجاي باذن الله براضيهم اذا رحت بس انتي روقي...
مشاعل/بالله ماتقولين لي وش استفدتي انتي يوم قابلتي ابوي..
نوف/ياسلاام ترى ماارضى على عمي انا...
مشاعل/مقدر عليك ولاعلى عمك انا...
نوف بدلع/شيشو...
مشاعل/خلاص سكتنا انطمينا بس بجد بجد نورة وياسمين زعلانين عليك...
نوف/اللحين بقوم اراضيهم
مشاعل/هذا اللي انتي شاطرة فيه بتقومين تراضينهم مااخذنا منك حكي غير...
(مشاعل..ترتيبها بالعيلة البنت الثانية من ناحية البنات ومن ناحية الاولاد يكون ترتيبها الرابعة..سمارها عجيب وعيونها عسلية فاتحة بسنة اولى جامعة. ...
شخصيتها مزيج بين الحساسية والارهاف بالمشاعر وبين الانطواء والهدوء والكتمان ولكل شخصية ظروف بتمر فيها شلتها اقرب شي لها....
نوف/بنت اخو ابو تركي..انتقلت للسكن معهم بعد ماتوفى ابوها وامها بحادث وهي عمرها ثلاثة عشر سنة تبدلت مشاعرها من الحساسية والدلع الى الهيبة والشخصية الجادة بعد الفترة الصعبة اللي عاشتهاوبعد تخلي اخوها سعود عنها تدرس هي وياسمين بنفس الجامعة ثقلها وهيبتها اول شي يلفتون لها تحب عبدالله ولد عمها ومحد يدري عن ها الشي وتركي اخوه يحبها وهي ماتدري عنه علاقتها بكل عيال عمها حلوة وحتى خالاتهم ماعدا حصة الكبيرة واللي ماتواطنها ومرام اللي علاقتها معها نص ونص)
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
في سيارة خالد...
خالد/أي سوق تبين تروحين..
وضحة بسخرية/ صباح الليل تسوقت وشبعت في بيت اهلي!!!
بحنية قال لها/ياعمري تدرين ان جمعتنا بالنسبة لي مهمة ومقدر اتخلى عنها ..
وضحة/والمطلوب مني؟؟
خالد/هذا احنا رايحين السوق ماصار شي...
وضحى/خالد السوق سكرت اذا ماتدري؟؟
خالد/عمري ماعليه ما...
قاطعته بسرعة/راسي يعورني وابي انام؟؟؟
تنهد خالد وسكت ثواني بعدها قال بفرفشة مصحوبة برومنسية/تبين تنامين..اكيد وحشتك يالغلا؟؟؟
بصرامة قالت/الود ودي نمت عند اهلي,,,
خالد/افا بس افا...
وسوى روحه زعلان عليها وهي ماشالت همه ولفت عنه للنافذة وبعد فترة صمت قال لها بشوية زعل وهو يجر يدها ويمسكها/ولاتفكرين تراضيني بعد!!
وضحى بدون نفس/مازعلت احد علشان اراضيه؟
خالد/اه منك ومن ثقلك بس علشاني احبك تتغلين علي!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
الساعة وحدة ونص في غرفة عبدالله...
دق تلفونه وفز له بلهفة من سمع ها النغمة الخاصة بحبيبته وشاله والرنة الثانية حتى ماكملت وبلهفة وشوق قال/الو..
عبير برواق/مرحبا...
بشوق مصحوب بعتب كبير قال لها/وينك انتي؟
عبير/موجودة..
عبدالله وهو بعده زعلان/كم مكالمة وكم مسج وصلوك مني اليوم؟
عبير/ماعليش ياقلبي كنت مشغولة..
بلوم قال لها/طول اليوم عاد؟
عبير/كانوا اهلي حواليني ..
عبدالله بنفس العتب/وماقدرتي تنفردين بنفسك دقيقة وحدة وتقولين لي انا مشغولة؟
عبير بلامبالاة/ماتوقعت ان عدم ردي عليك بيضايقك؟
عبدالله/قولي قسم؟
بانفعال قالت/الظاهر منت رايق ..وقت اللي تروق دق لي انا مااحب اتكلم معك كذا..يالله باي...
تنهد بقوة بعد ماسكرت السماعة خوفه واهتمامه فيها دايما مايلاقون من حضرة جنابها أي قبول ولامبالاة ويطلع بالنهاية هو الغلطان..وش الصرفة معك ياعبير بس,,,,,
(عبدالله....الابن الثاني لعيلة بو تركي...
عمره 26 سنة...اسمر وعيونه سودة فيه وسامة وجاذبية بس مو كثر اخوه اللي هيبته تطغي عليه..فيه شبه قريب من خاله خالد...اللي يميزه اكثر شي رومنسيته وهدوئه...يحب عبير بنت جيرانهم اللي ماهي مقدرة حبه لها وتغب عنه بالايام ويظل هو يحاتيها ومايدري عن حب نوف له)
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
سعد/تصدقين الليلة هبلنا في جدتي انا ومشعل,,,
وهي مشغولة بكمبيوترها قالت له/ومن متى وانتوا تاركينها بحالها اصلا!!!انتوا دايم تهبلون فيها وفي ذاك الشيبة اللي معها؟
سعد/ههههههه حلوة كلمة شيبة عجبتني من قلب....
نورة بدون مترفع راسها/وش سويتوا فيها الليلة بعد؟
سعد/لك خلق تسمعي...
نورة/أي...
سعد/زين رفعي راسك شوي عن ها الكمبيوتر؟
نورة/لاتحاف انا معك.....قول وش سويتوا؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,
وهذا هو البارت الثاني واتمنى لكم قراْة ممتعة يالغلا...واشوفكم بكرة ان شاءالله

البارت الثالث,,,


,,,,,,,,,,,,,,,,,,,,,,,,,,,,,,,
سعد/سمعي السالفة يابنت الناس............................................. .................................................. ........
نورة رفعت راسها/وش سوت فيكم بعدين؟
سعد بفخر/طبعا اضطرت تعطينا الميتين ريال على بالها انها بتكون تهدي في الوضع شوي...
نورة/وانتوا طبعا ماهديتوا الوضع؟
سعد/طبعا لا...اخذنا الميتين ورحنا لجدي وقلنا له ان الباشمهندس هذا هو السباك اللي كان بالبيت قبل شهرين يصلح بالبيت
نورة/وصدقكم؟؟؟
سعد بفرح/طبعا واخذنا منه هو بعد ميتين ريال علشان نقل المعلومات اللي تصير من وراه...
نورة/لاياشيخ ماهو صاحي جدي يصدقكم...
سعد/هههههه
سعد/تركناه بعدين يتفاهم مع جدتي بروحهم وطلعنا ونظرات جدتي التهديدية ورانا..
نورة وهي تهز راسها وترجع لكمبيوترها/جيل صدق ينخاف منكم..
سعد/بس ربحنا 400 ريال في لحظات...
نورة/انا لومنها ذبحتكم...
سعد/اذا قدرت توصل لنا خل تورينا شطارتها...
نورة بجدية/اقول ياشيخ تراها جدتك فلا تنسى....(بنفس عمر الشلة وتدرس هي ولؤلؤة بنت عمهم بنفس الجامعة ونفس القسم...طويلة وبيضة..ملامحها حلوة بس تلاقيها دايم زعلانة ومتضايقة لانهم محيرينها لفارس ولد الجيران من الصغر وينتظرونه يرجع وياخذها وهي رافضة ها الطريقة بالزواج ومن تجي سيرة فارس تنقلب فوق تحت)
*************************************
ياسمين وهي تحط لها مناكير/وفيت وماتوقعت الخيانة...وقلت اللي يكفيني حنانه....
دق جنبها جوال وشاله مشعل بسرعة/الو...هلا نواف...
طاحت غرشة المناكير من يدها وتكسرت على السراميك وتلطخ المناكير بالارض...
ماسمعت الا صوت صراخ مشعل عليها بعد ماسكر/شفيك انتي؟
رفعت راسها وقالت بغباء/ها...ولاشي..
مشعل يقلدها/ها ولاشي...اجل وش ها الحوسة اللي سويتينها من ساعة...
طالعت بالمناكير اللي قبالها وقالت وهي سرحانة بنواف/ها...ولاشي...
قامت بسرعة تنظف الفوضى اللي سببتها بمجرد سمعت اسمه ينطري قدامها..بس يا ترى ليش نواف متصل؟؟؟وش يبي؟؟؟
مشعل/ياسمين....
رفعت راسها بهدوء بدون ماتقول/هذا تركي ناسي جواله هنا اليوم ونواف كان داق عليه....
**************************************
تركي/وراك مانمتي انتي؟
لفت له مرام اللي كانت تمشي بالصالة بدون هدف وشافته توه داخل وقالت له/لنفس السبب اللي اللي مخليك سهران..
تركي/لاوالله؟
بضحكة قالت له/أي والله...
تركي/روحي نامي ولايكثر...
مرام/مافيني نوم والله..
تركي/والحل؟
مرام بترجي/اقعد اسهر معي..
تركي/أي مو هذا اللي ناقصني...
مرام/شفيها..
تركي/البنات ناموا..
مرام/ماابي..
تركي/وش اللي ماتبينه..
مرام/ماابي اسهر معهم...
سكت شوي وشرد شوي بعدها قال/شلونك مع نوف يامرام
بدون نفس قالت/عادي...
تركي بهيبة/شلون يعني عادي؟
بضيق قالت/يعني عادي...
جلس على الكنبة اللي صادفته وقال/تعالي اجلسي ...
حست انها بتتوهق معه على سالفة نوف/مو قلت بتنام وماتبي تسهر معي؟
بصرامة قال لها/غيرت رايي ..تعالي اجلسي...
(تركي/الولد الكبير لعيلة العتيبي اسمر وطول بعرض وشعره اسود فاحم وناعم..وعيونه حادة..مشتهر بهيبته ومع الاقلية القليلة بطيبته..
عمره 30 سنة ماكمل جامعته واشتغل بعد الثانوية علطول..اقرب صديق له نواف وهو الوحيد اللي داري عن حبه لنوف)
مرام/البنت الصغيرة بعيلتهم بثاني ثانوي..وعلاقتها بنوف مشوشة بمعظم الاحيان وهذا راجع للاخت الكبيرة حصة اللي حاطة في بالها ان نوف دخيلة وانها تبي كل شي لها وبتاخذ امها وابوها منهم)
**************************************
لؤلؤة/مين كنت تكلم؟
نواف/داق على جوال تركي وطلع ناسيه في بيت جده...
لؤلؤة/امم..
نواف/اختك كانت هنا...
لؤلؤة/أي..
نواف/وشفيها ماراحت عند بيت عمي؟
لؤلؤة/كالعادة سوء تفاهم مع خالد..
نواف بضيق/هاذي شفيها؟
لؤلؤة/لاتسالني اسالها هي..
نواف/والله ان خالد ولد عمي ذهب ومافي مثله...
لؤلؤة/مشكلتها عارفة ها الشي,,,
نواف/وليش ها المرة بعد متزاعلين
لؤلؤة/مثل كل مرة حجة جديدة..
نواف/لؤلؤة كلميها ترى اللي تسويه يفشل...
لؤلؤة/تعبت منها يانواف....قلت لها بالاخير بيعوفك وبيروح لغيرك اذا ظل حالكم كذا....
تنهد نواف وسكت....
(نواف,,ولد اخو ابو خالد جدهم...وهو الاخو الكبير وبعده بنتين وشال مسؤليتهم من صغرهم بعد ماتوفى ابوه وتزوجت امه واحد ثاني وتزوج وطلق زوجته بعد اربعة شهور لانهم مااتفقوا ومحيرين له ياسمين وهو مايبيها لانه خايف من الارتباط من جديد ودايم ياجل بالموضوع وخايف يقول مايبيها لايزعل عليه عمه ابو خالد اللي هو جد ياسمين ودايم اذا التقى معها يسم بدنها بكم كلمة.بعمر تركي ومعه بنفس الشركة..)
**************************************
اول ماسكرت على نفسها باب الغرفة تنهدت بقوة وربطت اسمه باتصاله....
كذا صح نواف داق على جوال تركي اللي كان ناسيه ولاليش بيدق يعني!!!!!
اه منك يانواف...لو تدري انت وش مسوي بحياتي وكيف معذبني كان اكيد رق قلبك يالقاسي...!!!
دمعت عيونها منه ومن طاريه وكل مامسحت دمعة رجع ينزل لها شلال دموع بداله..
طاح ثقلها على الارض وضمت ركبها وقامت تشاهق من بين دموعها وذكرى نواف وجرحه يزيدون في عذابها لاسيما انه يعذبها على مراى من الكل والكل ساكت وراضي...الله يرحمك يايبى لو كنت عايش اكيد ماكنت بترضى بمذلتي؟؟؟(طبعا مع البنات بسنة اولى جامعة ابوها متوفي وساكنين عند جدها...همها بها العالم نواف اللي حيروهم لبعض وبيوم اللي المفروض تكون فيه ملكتهم اجل نواف الموضوع وفهمت منه انه مايبيها ...
جسمها حلو وشعرها قطعة وحدة سودة ولون بشرتها ابيض وعيونها ضيقة وصغيرة (عيون شرق اسيا يعني) حساسة مووت وكتومة ماتحب احد يتدخل بمشاكلها...
**************************************
اول مااصبح الصباح عند الجد والجدة نسوا هواشهم البارحة والمقلب اللي سووه فيهم عيالهم اللي هذا حالهم كل ماتجمعواوابتدوا يومهم بصباحية جديدة وهوشة جديدة بينهم بدون تدخلات من احد...
الجدة ام خالد برواق/تبي قهوة؟
الجدابو خالد بدون نفس/والله بكيفك؟؟؟
الجدة ام خالد/بسم الله وانا شقلت؟
الجد ابو خالد بصراخ/قد سمعتي احد ياكل ها الرطب بدون قهوة؟
الجدة ام خالد بعناد/أي سمعت...
لجد ابو خالد بتحدي/منو؟
الجدة ام خالد بعناد/سمعت وبس مو لازم تعرف؟
الجد ابو خالد/صبي وبس وانتي ساكتة..
مشعل بصوت نايم/صباح الخير...
الجد/صباح النور...
الجدة ام خالد/غريبة صاحي بدري واليوم الخميس مو من عوايدك...
مشعل بدون نفس/غصبا عني مو بكيفي...
الجد /ليش ان شاءالله..
مشعل/بروح مع اختي المطعم بتتغذى مع صاحباتها وامي مستحيل تخليها تروح بروحها....
الجدة/أي بس الساعة توها عشر منو ياكل ها الحزة؟
مشعل/وعلى مااروق اول مااقعد يبي لي ثلاث ساعات..
الجد/حشى شيطان مو بشر؟؟؟
مشعل بنرفزة/ويبوني اروق بسرعة وانا مقابل ها الوجوه السمحة؟
الجدة/من تقصد...

بنرفزة قال/بدينا بالتحقيقي وكانهم مايدرون من اقصد!!!!
**************************************
خالد برقة/وضحى..وضحى..صباح النور...
فتحت عيونها اللي كانت مسوية فيها نايمةوقالت ببرود/صباح الخير...
خالد بنشاط/يالله حبي عندك نص ساعة تجهزين فيها...
وضحى /خير ان شاءالله...وش عندك؟
خالد/انتي مو قايلة امس تبين السوق..
وضحى/وبعدين؟
خالد/عاد انا قلت مدامك تبين السوق خل نطلع البحرين تتسوقين ونتمشى..ونطلع من بدري لايزدحم علينا الجسر...
وضحى وهي تعدل مخدتها/اولا.. البحرين اسواقهم مو حلوة!!ثانيا..مين قال اني بروح البحرين!!ثالثا..انا مااحب اطلع الصباح واخرب نومي!!رابعا..انت قررت وماعطيتني خبر..خامسا..انا ماابي اروح السوق خلاص؟

البارت الرابع,,,,



,,,,,,,,,,,,,,,,,,,,,,,,,,,,,,,,,,,
فتح خالد عيونه على وسعها وقال بسرعة فيها عتاب كبير/هذا وانا قاعد ادور رضاك ؟؟؟
رفعت الغطاء عليها وعطته ضهرها وقالت بلامبالاة/محد قال لك تدور رضاي؟؟؟
خالد بقهر/كذا يعني؟
وضحى/أيحىوا لك بغيره /ليش وقال
خالد/وهذا اخر كلام عندك؟
وضحى/ليش قالوا لك كل شوي بغيره؟
سكت شوي ينتظرها تغير رايها
خالد/وضحى....
بنام ياخالد/قالتها بدون نفس...
تنهد تنهيدة طويلة بعدها قام واخذ شماغه وقال لها وهو طالع طيب براحتك....انا رايح بروحي!!!
,,,,,,,,,,,,,,,,,,,,,,,,,,,,,,,,,,,,,,
في مطعم ابو نواس بالدمام....
نوف/والله ماتسوى علي اني ماجيتكم البارحة اغذيكم اليوم على حسابي؟؟
ياسمين ببرود وهي سرحانة/تستاهلين؟
مشاعل انتبهت/وانتي شفيك بعد؟
ياسمين بعد تنهيدة/ولاشي...
نوف/لا..باين انه في شي....
ياسمين/صدقوني مافي شي...
نوف/شوفوا يااخوات انتي معها شسالفتكم؟
نورة/انا بقولكم ليش الاخت داقة بوز..
مشاعل/ليه؟
نورة وهي تناظر بياسمين المتضايقة/اكيد السالفة فيها نواف؟
تنهدت ياسمين بقوة بعد مانطقت نورة باسمه..
نوف باهتمام/ليه شايفته امس؟
ياسمين/لا..بس كان داق على جوال تركي اللي كان ناسيه ببيتنا...
نوف/وكلمتيه؟
مشاعل/وخير يعني مااظن لهدرجة اسمه منرفز...
ياسمين/لا..واسمه منرفزونص بعد زين؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,
بعيدا عن صخب الشرقية وفي ذاك المجمع الكبير بدبي...
كان فارس جالس في الكوفي شوب...وهو يتصفح جريدة اليوم واخبارها ومن بين الاخبار كان خبر عن المنطقة الشرقية والخبر كان عن الدمام...وابتسم لاشعوريا وهو يتذكر الدمام واهلها..امه تقول ان نورة كبرت وحلوت كثير..اصلا كل اسبوع تشوفها فيه تكون احلى من اللي قبله...
ياليت بس لو عنده خوات كبار يشوفونها ويوصفونها له علشان يحلم فيها براحته كل ليلة بس حسافة كل اللي تقوله امه ان نورة كبرت وحلوت وشد حيلك وارجع علشان نفرح فيكم مع بعض....
(فارس...ولد الجيران ..محيرين له نورة من الصغر...عمره ثلاثين سنة,,دارس هندسة معمارية بدبي وفتح له مكتب استشارات هناك...الكبير بين ثلاث خوان وبنت صغيرة)
,,,,,,,,,,,,,,,,,,,,,,,,,,,,,,,,,,,,,,,,
بعد ماسكر خالد باب الغرفة وهو طالع جلست وضحى تتحلطم بينها وبين نفسها وهي مضايقة نفسها بنفسها..
وفي قمة ضيقها تذكرت كلام خالد وبالضبط اخر كلمة قالها (براحتك انا رايح بروحي)شنو يعني رايح بروحه؟؟؟يسويها خالد ويروح ماعنده مانع؟؟؟ياربي وش سويت انا بنفسي؟؟؟كله مني انا يعني لازم ازودها كم حبة معه علشان روحة سوق ماتسوى؟؟؟ اووف ياربي..
ناظرت بالساعة اللي جنبها..
يالله صار له قريب النص ساعة من طلع اكيد اللحين وصل...بس شلون اتاِكد..مالي غيرنواف..بس استحي اساله مالي غير اقول للؤلؤة وهي تعرف لي بطريقتها؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,
على جسر البحرين...
كان خالد شارد بذهنه وماانتبه على السيارة اللي كانت جنبه وتزمر له وهي في الخط الثاني لين دق جواله وشاله بدون مايقرا الاسم..
خالد بدون نفس/الو هلا..
عبد الله/هلاوغلا..
خالد/هلا..
عبدالله/ياشيخ انت لاتشوف ولاتسمع؟
خالد/كيف؟؟
عبدالله/ماتسمعني وانا ازمر لك صار لي ساعة؟
خالد/وين تزمر لي؟؟
عبدالله/لف على يمينك وشوف؟
لف خالد بسرعة ولقى عبدالله رافع يده يسلم عليه وباليد الثانية يكلمه بالجوال..
خالد/انت وش جايبك؟
عبدالله/وانت وش جايبك بدون المدام؟؟
خالد بضيق/كنا جايين مع بعض بس هي غيرت رايها باخر اللحظات وعيت تجي؟
عبدالله/وانتوا هاذي حالتكم يوم هواش ويوم مدري وشو؟
خالد بتنهيدة/خلها على الله...الا انت وش تسوي هنا بروحك يالعزابي؟
عبدالله/افا شنو شايفني بزر؟
خالد/اجل يالعاقل خلك وراي وخاويني...
عبدالله مسوي انه متضايق/اوووف وش ها الرقابة ياخالي..
خالد مسوي نفسه جاد/وراي وماابي اسمع لك همسة وحدة سمعتني!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
مشاعل/ابي لزانيا بعد؟
نورة/انتي ماتشبعين خلاص بنقوم خلصنا اكلنا..
ياسمين/مشاعل افة وجايبينها مطعم ماتقوم غير لمى تجرب جميع الانواع؟
نوف/والمشكلة مايبين عليها اللي تاكله؟
مشاعل/صلوا على محمد...وبعدين الاكل على حساب بنت عمي ربي يخليها هي اللي عازمتنا..
نوف تغمز بعيونها لنورة وياسمين/أي..الله يخلي عمي ابو تركي عساني منحرم منه..
مشاعل سوت نفسها بتغص وقامت تكحك من كذب/اجل العزيمة من فلوس ابوي يالنصابة.؟
نورة ونوف وياسمين/ههههههه
,,,,,,,,,,,,,,,,,,,,,,,,,,,,,,,,,,,,,,,,
ام خالد/اقول بو خالد شقاعد تسوي بروحك هنا؟
الجد بو خالد طفى التلفزيون بسرعة...
بتشكيك قالت/انت شقاعد تناظر؟
الجد/ولاشي....
الجدة ام خالد/وخر خل اشوف شنو هذا؟قولي يمكن شي يعجبني واشوفه معك؟
الجد ابو خالد/انتي ليش نحيسة ياحرمة..
الجدة ام خالد/اكيد تشاهد شي مو زين ولا ليش خايف كنك بزر؟
الجد ابو خالد/روحي من وجهي لاتفلت اعصابي مني,,,
الجدة ام خالد/وش بتسوي يعني اذا فلتت اعصابك منك..بتطلقني!!ماتقدر خالد والبنات بيوقفون في وجهك وبيقولون حرام عليك يايبى امنا يتيمة ومسكينة ولاتطلقها علشانا اذا طلقتها وين تروح؟
الجد ابو خالد/يعني دارية ماهو علشانك ؟
الجدة ام حالد/لاتضيع السالفة وخل اشوف وش تشاهد؟
الجد ابو خالد مسوي نفسه جاد/اعتقد لي خصوصياتي ياحرمة ولازم ماتدخلين فيها!!
الجدة بصراخ/لاياعيوني...مو يوم شيبت سويت لي فيها خصوصيات ومدري شنو؟
ام مشعل دخلت الغرفة/شفيكم؟شصاير؟صراخكم واصل للشارع؟
الجدة ام خالد/سئلي ابوك؟
الجد ابو خالد/اسئلي امك؟
ام مشعل/لاحول....وسالفتنا كل يوم كذا؟