البارت العاشر,,,,,,,



,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
مشاعل/انا متاْكدة ان فيك شي....احسك منتي بطبيعية؟
نوف بشرود/ولاشي,,,
مشاعل باصرار/اكيد من جية سعود؟
نوف/...............
مشاعل/غثك بشي؟ضايقك بشي؟قال لك شي ينرفزك؟
نوف بتنهيدة/لا....بس ساعات احس.....مدري شلون اقولك؟
مشاعل/نوف...مهما صار تاْكدي اني جنبك وانك اغلى عندي من خواتي؟
نوف/عارفة يامشاعل عارفة وهذا اللي مصبرني وجودك جنبي اللي يخفف عني,,,,
ابو تركي دق باب الغرفة ودخل بعد ماسمع اصواتهم قاعدين ويوم شافوه ثنتينهم وقفوا..
ابو تركي/السلام عليكم..
وعليكم السلام والرحمة...
ابو تركي/اشوف البنات اليوم ماورونا وجوههم لاعلى سفرة الغذى ولا اللحين؟
مشاعل/نسوي رجيم يبى...
ابو تركي وهو يمسك يد نوف ويمشيها معه لباب الغرفة/سوي رجيمك بروحك بنيتي نوف ماهي بحاجته مشاء الله حولها وحواليها....
مشاعل بقهر/يبى؟
نوف/هههههه
ابو تركي/يالله طلعنا عنك احنا....
وصلوا للباب وتركت نوف يد عمها..
ابو تركي/انا مو نازل الا معك يالله مافي اعذار؟
نوف بابتسامة/بلبس عبايتي وحجابي وبجيك انتظرني....
**************************************
كانت عيونه تدور بالشارع يمين وشمال على سواد يمشي بين ها البيوت,,,,
معقولة وصلت؟؟؟؟؟؟؟
ولايمكن انها ماهي جاية لعند اهلها؟؟
صار يروح ويرجع بالسيارة في الجهة اللي فيها بيت عمه وبعد دقايق طويلة مرت لمحها جاية تمشي..
وعلى ما لف لها كانت دخلت البيت..وقف سيارته بسرعة ونزل يركض يدق جرس بيتهم....
وفتحت له وضحى الباب وهي بعدها مارفعت حتى نقابها وتفاجاْت يوم شافته واقف قبالها..
ماخفى على خالد عيونها اللي كانت تدمع ..
خالد بلهفة/وضحى..
قاطعته بسرعة وصوتها كان باكي /بغيت شي ياولد عمي؟
خالد برجاء/وضحى...تعالي...
وضحى وهي تعطيه ضهرها وتدخل البيت/اسفة....هذا بيتي ياخالد ومالي غيره؟
**************************************
كان سعد ومشعل فالينها في الرقص وهم مشغلين لهم اغنية عبد المجيد القوس قوسك وسعد طبعا بعباية امه الراس اللي رافعها لين النص ومبين بنطلونه الجينز من تحت والبرقع اللي على قولته كاتم نفسه...والجد يناظرهم من بعيد يقال انه ثقيل يعني ولارومنسي وهم في داخلهم فاطسين ضحك عليه,,,,
سمعوا صوت الجدة وهي تناديه وبسرعة البرق قام سعد يركض وطلع من الغرفة ومشعل طفى المسجل ولحقه وعيون الجد بغت تطلع وهو يشوف سعد يركض وازداد اعجابه مرات ومرات وش ها العجوز اللي عندها ها الصحة والرشاقة,,؟؟؟
جت الجدة والجد بعده عيونه على المكان اللي طلعوا منه سعد ومشعل وهي تكلمه وهو حاقرنها واخر شي لف لها وهو معصب..
الجد بعصبية/خير ان شاءالله في شي؟
الجدة/علامك انت تناظر في الباب وكنك مسبه؟
الجد وهو يمشي عنها/انتي شيفهمك في الحب؟
**************************************
نورة/ياسمينوا...في راسي شي..
ياسمين/اللي هو؟
نورة/فارس...
ياسمين/هههه فارس بكبره في راسك عاد!!
نورة بنرفزة/هيه انتي اعقلي عني اشوف...
ياسمين/انتي اللي قلتي مو انا؟
نورة/انا قصدي اقول شي بخصوص ها الفارس..
ياسمين/شنو؟
نورة/اني اكلمه؟
ياسمين/تكلمينه؟؟
نورة بتحدي/أي اكلمه واقوله اني ماابيه ومو موافقة عليه وهم غاصبيني!!!
ياسمين/وجبتي رقمه بعد!!والله منتي سهلة يانوير؟
نورة/ماعندي رقمه...اليوم سرقت ايميله من عند اخته بدون ماتحس؟ها وش رايك؟
ياسمين/امممممم....طيب لو قال لك انه هو بعد مايبيك وش بتسوين؟
نورة/..............
ياسمين/يالله قولي...
نورة بضيق/بقوله خلاص كلم اهلك ترى اهم زاعجيني بها السالفة؟
ياسمين/أي......بس على فكرة انا مااْيد انك تكلمينه وانتي ماتعرفين أي شي عن صفاته..الخوف انه يقلب السالفة ضدك يانورة؟
نورة/طيب اكلمه بدون مااعرفه بنفسي؟
ياسمين/شلون يعني؟
**************************************
كانت عيون حصة بعيون نوف وهي مولعة قهر,,,كيف ماراحت وهي شايفتها بنفسها تحط اغراضها وتطلعهم برى البيت؟؟؟
بس لو ماراحت مع امها لجارتهم كان شافت وش اللي صار ولو الرفض كان جاي من ناحية سعود كانت بتكلمه بنفسها وبتقوله خذها معك مانبيها!!بس ماهي دارية وش اللي صار بالضبط؟
عيون تركي بعد كانت عليها وتناظرها بحقد...كيف ممكن تسوي في نوف كذا وتحطها بها الموقف المحرج ؟؟بس لو ماتفدتها نوف كان علمها السنع زين؟بس لا ياحصة لا...لاتفكرين انك بتفلتين مني..والله لاادور لك على زلة اصغر منها ولااكبر واطلع حرتي فيك؟؟؟
مرام/وش فيكم كلكم ساكتين؟
ابو تركي/ولازم نحكي ولايصير فينا شي؟
نوف/لا مو كذا قصدت بس سكوتك انت وخالتي يعطي جو بالاكتئاب؟
تركي/بس هو وخالتك اللي يعطون جو بالاكتئاب اذا سكتوا؟
نوف/لا طبعا....مشاعل خوفا انها تطردني الليلة وعبدالله علشانه طيوب ومايستاهل وبس انت موت بحرتك؟
ضحكوا كلهم وهو ابتسم لها...اشكثر مشتاق ان نوف تتعامل معه طبيعي بدون حواجز؟امنية من زمان يبيها وان شاءالله تدوم له علطول؟
تركي بتهديد/زين لكن اوريك انا...
ابو تركي وهو يضحك/ها..وش عندك مع بنيتي قايم تهدد؟
نوف/أي ترى انا وراي اقوى ظهر...
حصة/الله يخليه ...ان شاءالله بس تدعين له في كل صلاة؟
نوف/عندك شك بها الشي...
مشاعل وهي تلم الموضوع/اقول يااقوى ظهر..منت ناوي تطلعنا يومين نغير جو؟
ام تركي بتاْيد/أي والله يابو تركي ودي انا والبنات نطلع مع خواتي وبناتهم يومين نغير جو وش رايك؟
عبدالله/يعني يمه احنا مالنا بالسالفة بس البنات؟
مشاعل بمرح/انتوا نترككم مع ابو خالد وام خالد هههههه
ابو تركي/حق قصر الاعمار
هههههههههههههههههههههههههههههه
ام تركي/يالله عاد كل شي الا امي وابوي ماارضى عليهم...
**************************************
بعد مامرت فترة طويلة وهو قاعد بسيارته نزل منها ودق باب بيت عمه وطلعت له لؤلؤة فتحت الباب..
لؤلؤة/هلا وغلا بولد عمي؟
خالد/هلا لؤلؤة شلونك؟شخبار الجامعة؟
لؤلؤة/بخير.....
خالد/سويلي طريق بدخل..
لؤلؤة/شوي بس بلبس عبايتي...وبعدها اجيك؟
خالد/اووووف..مشوار والله يابنت عمي...انتوا معكم احد بالبيت؟
لؤلؤة/لا والله انا ووضحى بغرفتها..ونواف ماهو هنا؟
خالد/اقول لؤلؤة ولاعليك كلافة طسي المطبخ الخارجي وانا بركب لمرتي غرفتها....
لؤلؤة/ههه ماعليّ كلافة واطس بعد!!زين يابو وليد..مردودة لك ان شاءالله في مرتك...
خالد/يالله عاد عطيناك وجه قالت بتردها لي في مرتي...خليها على بالك هاذي وضيحي محد يقربها وانا راسي يشم الهوا..
لؤلؤة/عساك دايم ياخالد ..الله لايفرقكم....
خالد بعجلة/يالله بلا معلقات ....
لؤلؤة/ههههههه...................
جاه صوت لؤلؤة بعد ثواني/ خلاص خالد ادخل...
دخل وسكر وراه الباب ودخل الباب الرئيسي وركب فوق لغرفة مرته(طبعا خالد من كثر هواشه مع وضحى حافظ البيت)
وقف عند بابها ثواني يحاول يستجمع افكاره واللي بيقوله وبعدهادق باب الغرفة وفتحها ودخل..
كانت وضحى قاعدة على الفراش وعاطية الباب ظهرها ومبين عليها توها ماخذة لها دوش سريع لان شعرها كان مبلل وهو طايح عليها..
وضحى/مين اللي جاي يالؤلؤة؟
خالد/انا ياوضحى...
لفت له بسرعة والتقت عيونهم في عيون بعض...
**************************************
اليوم الثاني,,,,,
نواف/جدي كلمني البارح ياتركي؟
تركي/أي....وليه متكدر كذا؟
نواف بتنهيدة طويلة/ماابي اتزوجها...علشان لااظلمها..
تركي ترك اللي بيده ورفع راسه وقال بهيبة/انت في شي في بالك ومنت قادر تتكلم...قول وش سالفتك؟ليش رافض الزواج يانواف؟لان سالفة انك تظلمها مو داخلة تفكيري ابدا!!!
نواف تنهد..
تركي/نواف انا اسمعك؟
نواف/هي اذا عرفت بترفضني وانا مااسمح لااي وحدة ترفضني فخليني ارفضها قبل لاهي ترفضني...
تركي/اقول ..اختصر وعطني الزبدة يانواف...
نواف بعد تنهيدة طويلة/انا عندي ولد ياتركي...
طاح القلم من يد تركي وبانت عليه الصدمة..
تركي/قول غيرها يانواف؟؟
نواف باصرار/ياتركي صدقني ماعندي مزاج امزح اللحين...انا يوم طلقت ريم كانت حامل....
تركي بنفس الصدمة/وكنت عارف؟
نواف/لا...ماقالت لي الا بعد الطلاق.....وكان من المستحيل اني اردها علشان الولد اللي بيكون بينا....
تركي/يعني اللحين عمره قرابة الاربع سنين...
نواف/أي....
تركي/وقاعد عند امه؟ترضاها يانواف؟
نواف بحدة/وش فايدة الام بالله اذا مااخذت عيالها عندها..خلها علشان يعوقها اذا بغت تعرس مرة ثانية؟
سكت تركي لانه عرف ان نواف متنرفز من ها السيرة....
نواف/............
تركي/تشوفه؟
نواف/مو كثير....
تركي/وليش ماقلت لي عنه؟
**************************************
الجدة بصدمة/شنو؟
الجد بثقة/قلت لك بعرس....
قامت الجدة تدور حول ابو خالد اللي لابس بنطلون من سنين جدتي وقميص مشعل وصاير نكتة زمانه..
الجدة/انت اكيد مو صاحي!!
الجد وهو يمسح الجل اللي يقال ان مشعل حطه بشعره ونصه على جبهته/الا صاحي ونص؟وش فيها يعني انا ابي اشوف الدنيا مع غيرك يا بنت الناس؟
الجدة بصراخ/لحقونييييييييييييييييييييييييييييييييي الرجااااااااااااااااااال تجننننننننننننننننن يممممممممممممممه لحقينننننننننننننننننننننننننننننننننني..
دخلوا مشعل وياسمين وامهم بسرعة..
ام مشعل بخوف/يمه شصاير؟
ياسمين ناظرت بشكل جدها ولفت على مشعل وشافت ضحكته وفهمت السالفة بس سكتت...
ام خالد/بيذبحني وانا توني شباب يابنيتي؟
مشعل/أي شباب ياجدتي ؟؟؟خرفتي وانتي تقولين شباب؟
ام مشعل بعصبية/انت اطلع برى؟
الجد/وش قال هو عاد علشان يطلع برى؟ولاانتوا ماتبون رجال بها البيت يحكمكم....
الجدة بمسكنة/يمممممممه لحقي عليّ
ياسمين/ليش ياجدتي امك للحين عايشة؟
مشعل/هههههه
الجد/ههههههههههههه أي والله ضحكتيني يابنيتي الله يعطيك العافية اذا هي رجل بالدنيا ورجل بالقبر معقولة امها بتكون عايشة؟هههههههه جدتكم خرفت من زمان ضحكوا عليها ياعيال؟
ام مشعل بتاْنيب/يبى شها الحكي؟
الجدة/شفتي شفتي ابوك.....بيجنني بسواد وجهه؟
الجد بتحدي/اللي بيضحك على جدتكم اكثر بعطيه فلوس....وطلع بوكه من جيبه...
مشعل/هههههههههههههههههههههههههههههههههههههه
الجدة رفعت عصاها/اللي بيضحك بطرده من بيتي؟؟
مشت ياسمين وطلعت من عندهم وام مشعل هزت راسها وهي مو عاجبهاوجت بتطلع وناداها الجد..
الجد/تعالي يابنيتي ماعليك منها البيت بيتي انا ومفتاحها اللي عندها قديم من زمان غيرت القفل
مشعل/هههههههههههههههههههههههه والله لااضحك لين الصبح ياجدي هههههههههههههههههههه
ضحك وحقر جدته اللي كانت تغلي وهي تناظره,,,

البارت الحادي عشر,,,



********************************
لفت ولقت خالد بوجهها وطاحت فرشة شعرها من يدها ولفت وجهها عنه وقالت بحدة/خير ان شاءالله وش جايبك؟
تقرب منها وبس حط يدينه على كتوفها بعدت عنه بقوة..
خالد/وضحى..
وضحى بحدة/بعد عني ولاتلمسني لو سمحت..
تنهد وقال بهدوء/حبيبتي انا جاي لك علشان اعتذر..
وضحى/مايحتاج وفر اعتذارك لنفسك ماابيه..
بهدوء قال /حبيبتي..
وضحى/ماابي اعتذارك وماابيك...
تقرب منها وركع لمستواها ولفت وجهها عنه بنرفزة وقالت/روح ماابيك وجودك مو مريحني ابدا...
خالد/انا احبك واسف على اللي سويته ولاقلته وضايقك..صدقيني انا احبك ومدري شلون طلعت مني اصلا ها الكلمة؟
وضحى/روح اضحك على غيري بها الكلمتين..
خالد/وضحى صدقيني..
وضحى/خالد لو سمحت لاتخلي اصواتنا تعلى ..انا هنا مرتاحة واعتقد وجودي قربك يتعبك علشان كذا بظل هنا علطول اريح لنا احنا الاثنين؟؟
***********************************
في بيت ابوتركي كانوا كلهم قاعدين بالحديقة يتقهون ماعدا ام تركي اللي لحقت ابو تركي يوم دخل ونوف اللي كانت موجودة معهم بس عقلها رايح لبعيد..
مشاعل/نف نف وين سرحتي؟
نوف/...........
عبد الله ابتسم وهو يشوف نوف سرحانة وصدق مو معهم.../ماهي معنا من جد مو تمزح؟
مرام/اكب عليها مويه ولااصارخ بوجهها علشان تنتبه..
تركي بحدة خفيفة/وسرحت وين المشكلة؟وش فيها يعني؟محد له حق يسرح شوي!!!
حصة بقهر/على الاقل تحترم الموجودين؟
تركي بحدة قوية/انثبري انتي احفظ لكرامتك ولاتخليني اغلط عليك...
سكتوا كلهم بعد ها الكلمة وبعد ثواني رفعت نوف راسها يوم انتهى شرودها وقامت تناظر فيهم وهم ساكتين وبهمس قالت لمشاعل/ميشو وش صاير؟
ثواني بس وانفجرت مشاعل تضحك وهي تقول لعبدالله/تساْلني الاخت وش اللي صاير؟
عبدالله وهو يبتسم/صباح الليل توك صحيتي من شرودك يابنت!!
نوف استحت من عبدالله وابتسمت تداري فشلتها وجتهم ام تركي وهي تضحك..
مشاعل/اشوف الضحكة مالية الوجه وش قايل لك الغالي؟
ام تركي وهي تجلس بينهم/عطيني البشارة واقولك؟
مشاعل بترجي/لاتكفين قولي بدون شي؟
ام تركي/ابوكم يقول كلمي خواتك واخذوا البنات طلعوا غيروا جو ولاتحاتون شي أي شي بيكون على حسابه...يمه نوف شفيك؟
نوف بارتباك/ها...ولاشي؟
ام تركي/بس منتي معنا يايمه؟
نوف/الا خالتي بس صفنت شوي...
حصة بضيق/كثرانه صفناتك يابنت العم؟
***********************************
الجد ابو خالد/اقول مشعل...
مشعل/نعم يبى...
الجد ابو خالد/انت اللحين كبرت وصرت بئر اسراري..
مشعل/بئر مرة وحدة عاد ياجدي؟
الجد ابو خالد/اوووف انت دايم تقاطعني ماتخليني اقول شي مثل الاوادم؟
مشعل وهو يشرب بيبسي/قول يبى قول ولاتزعل انا اسمعك..
الجد ويقال انه مستحي من مشعل/انا طلبتك قول تم..
مشعل/زين لشنو عاد؟
الجد بخجل/انا ابي اتزوج؟؟؟قالها ونزل راسه بسرعة مستحي من مشعل وظل مشعل ساكت فترة طويلة لين رفع الجد راسه وقال بسرعة/ها شقلت؟
مشعل بذهول/شقلت على شنو ياجدي؟
الجد/على موضوع زواجي؟
مشعل بلامبالاة/وانا شكو ؟؟؟
الجد/يعني موافق ولالا؟
مشعل/ليه ان شاءالله انا العروس وانا مدري؟
الجد/انت رايك يهمني؟
مشعل/ليش؟
الجد/لانك بئر اسراري؟
مشعل/اوووف ردينا على محيط الاسرار هذا؟
الجد/مشيعل لاتسخر مني يايبى..
مشعل/ياجدي انا مااسخر منك بس اذيتني كل شوي وقلت لي بحر مدري نهر مدري بئر اسرار واسرار..يعني من زينها من اسرار؟
***********************************
نورة/انتي جايتني مغثة يعني؟
ياسمين/شسوي فيك فرحانة لي بها الايميل اللي عندك؟
نورة/مدري بس حاسة ان في تغيير بيصير؟
ياسمين/بالله ماتقولين لي وش اللي بيصير؟
نورة/............
ياسمين/انتي اساسا فكرتي وش بتقولين ولاشبتسوين؟
نورة/بضيفه عندي..
ياسمين/واذا ماقبل الاضافة؟
نورة/غصبا عنه يقبلها؟
ياسمين/ليه هي السالفة بكيفك؟وش بتسوين ياحظي لو ماقبل..
نورة/بدز له مسجات ورسايل..
ياسمين/وش بتقولين فيهم؟
نورة/يكلمني ضروري...لاني اعرف نورة؟
ياسمين/طيب فيني اسالك سؤال؟
نورة/شنو؟
ياسمين/اذا قال انا مااعرف منهي نورة يعني بالعربي اهله يبونك ومو عاطينه خبر شبتسوين لحظتها؟؟
***********************************
بتنامين...
لفت نوف لتركي اللي كان وراها وهي رايحة لجناحها هي ومشاعل وقالت/لا..
تركي/شفيك..
نوف/ولاشي...
تركي/أي بس سرحانك زايد اليوم؟
ابتسمت ونزلت راسها وظل يتاْملها وهو ساكت...
نوف/تبي شي؟
تركي تنحنح../ها..لابس كنت ابي اعرف وين ودك تروحين؟
نوف/مدري أي مكان بعيدا عنكم..
تركي/افا..
نوف/ههههه هم قالوا كذا طلعة مافيها انتم..
تركي/لاخلاص انا زعلان منك...
نوف/اوووف زعلان مرة وحدة؟
تركي/أي ولاتحاولين تراضيني!!
نوف/ههه تريك لامااصدق انت تزعل مني!!
تعالي حضنيه بعد!!!!
لفوا اثنينهم لحصة اللي كانت متسندة على الجدار اللي وراهم...
***********************************
كان مشعل بيطلع من البيت وانتبه ان جده يلحقه وين ماراح..
مشعل/جدي في شي؟
الجد/أي..
مشعل/شنو؟
الجد/مارديت عليّ؟
مشعل/ارد عليك بخصوص شنو ياجدي؟
الجد/ماقلت لي موافق ولالا؟
مشعل/موافق والف مبروك بعد..
الجد/يعني خلاص نروح نخطبها بكرة...
مشعل/منهي؟؟
الجدوهو منزل راسه من الحيا/جدة صاحبك اللي جتنا البيت؟
مشعل بصدمة/شنو؟؟
الجد/شفيك قايل شي انا؟
مشعل/بس ياجدي...
الجد/ولا بس ولاشي يابخت من وفق راسين بالحلال..
مشعل بارتباك/جدي انت مو فاهم شي...
الجد/اهبل انا مو فاهم الا فاهم ونص..
مشعل وهو يحاول يرقع السالفة/جدي انا قصدي اقول انها متزوجة يعني كيف بتتزوجها!!!
***********************************
غمضت عيونها بعد ماقالت اللي في خاطرها علشان تداري دموعها وهي متوقعة ان خالد مشى...وبس فتحتهم لقته متمدد على سريرها..
وضحى بذهول/انت شتسوي؟
خالد/قومة من هنا مو قايم..
وضحى/أي بس انا..
خالد/بتغذيني ولالا..
تنهدت وضحى...
خالد/حرام عليك تراني ميت من الجوع؟
قعدت على طرف السرير ونزلوا دموعها وفز لها بسرعة..
خالد بحنان/وضحى انا احبك..
وضحى من بين دموعها/وشهوا الحب ياخالد!!!ان احنا نجرح غيرنا بدون مانحس؟
خالد بتنهد/صدقيني انا ماكنت قاصد انتي بس لاتصيرين دلوعة ياام وليد؟
حطت يدها على بطنها وقالت بخوف/منو قال لك؟
خالد/قال لي عن شنو ياوضحى؟
ندمت انها تسرعت بتساؤلها بس هي سئلت بحسن نية وكرر خالد سؤاله لها
خالد/قال لي عن شنو ياوضحى؟؟؟؟
***********************************
في البارت الجاي...
*حصة وتركي ونوف وش راح يصير بينهم بعد الكلمة اللي قالتها حصة؟
*خالد ووضحى وهل هو فعلا جاي يصالحها وبترضى ولابينقلب حالهم؟
*مشعل وهل بيقدر يتهرب من طلب الجد وشنو بيكون موقف الجد ؟
*طلعة البنات وين بتكون وهل بتصير لهم مواقف فيها ولالا؟

البارت الثاني عشر,,,,,,,,,,




////////////////////////////////////////////
حصة/ماتحضنينه بعد!!!
نوف بلعثمة/انا...انا...
حصة بصوت عالي/انتي وحدة ماتستحين على وجهك ولافيك من الحيا أي لون؟؟؟واقفة مع ولد عمك وانتي قاطة الميانة بينكم...وش اللي يدور براسك وتخططين له يانوف؟
نوف وهي تبكي/حصة شها الكلام!!!
حصة/يالله بري نفسك اللحين انا قايلة اللي ماتربوا على السنع من البداية....سكتت يوم جاها كف من تركي اللي كان يغلي من العصبية وشهقت نوف بقوة وحطت يدها على فمها لانها اعتبرت حركة تركي بداية لمشاكل جديدة بتواجهها...
حصة بقهر/تضربني ياتركي علشان ها الزبالة؟
تركي بعصبية/اذا مابلعتي لسانك قسم بالله لااقطع العقال هذا عليك!!انتي ماتستحين انتي..عيالك بيصيرون طولك وانتي تفكرين كذا؟
حصة تكلم نوف بعصبية/كله منك انتي طلعي من بيتنا...
مسكها تركي من كتفها بقوة/مالك شي بها البيت سمعتي ولالا؟
تركها يوم شاف نوف نازلة الدرج تركض وراح يلحقها وهو يناديها/نوف نوف..نوف اوقفي وين رايحة...
**************************************
الجد/انا ابي افهم انت من شنو خايف؟
مشعل/انا مو خايف بس قلت لك الحرمة متزوجة؟
الجد/احلف انها متزوجة؟؟
مشعل/والله العظيم...
بانت الخيبة على وجه الجد وسكت وحس مشعل بالانكسار لان مهما كان جده اطيب من جدته ومايرفض لهم طلب حتى مع كلامه وحنته..
مشعل/بس ولايهمك ياجدي الحل عندي وانا ابو مشعل..
الجد باامل/وش بتسوي يعني؟
مشعل/نطلقها من زوجها..
الجد بغباء/شلون؟
مشعل/نشوف شكثر يبي علشان يطلقها ونعطيه؟
الجد/هذا رايك يعني؟
مشعل/أي..
الجد بارتباك/أي بس اخاف خالد مايرضى...
مشعل/خلاص اجل خلي خالد يدور لك جدة صاحبه وتزوجها..
الجد/اووف..
مشعل/انا ابي افهم منو اللي كلمته تمشي انت ولاخالد؟
الجد/انا طبعا..قالها بثقة مهزوزة
**************************************
طلعت الشارع تركض وهو وراها وكانت دموعها مغطية عيونها وهي ماتشوف شي ولاتسمع الا اسمها اللي كان يصارخ تركي فيه وماانتبهت الا وهي قدام سيارة تمشي بسرعة وتعرقلت وطاحت قدام السيارة..
لحظتها بس طاح قلب تركي وجاها مثل المجنون وهو يركض وصاحب السيارة طلع منها وهو خايف وقامت نوف بسرعة وهي تبكي
نوف وهي تكلم صاحب السيارة/تيسر انا مافيني شي..
الرجال بخوف/متاْكدة؟
نوف/أي انت ماصدمتني انا طحت قدام السيارة بس..
تركي بخوف وهو يهمس وراها/نوف...
نوف بدون ماتلف له/صدقني ياتركي مافيني شي خله يروح..
ركب الرجال سيارته ومشى وظلت واقفة وتركي وراها وهي عاطيته ظهرها
تركي بخوف/نوف..اعقلي وتعالي وين رايحة انتي؟
من بين دموعها قالت/اتركني ياتركي..اتركني اروح..
تركي باصرار/مستحيل..
نوف بعصببيية/لاتخليني اقسم ارمي نفسي على اول سيارة تجي ياولد عمي...
**************************************
خالد/سئلتك وماجاوبتيني؟
تنهدت وسكتت..
خالد/وضحى وش صاير؟
وضحى/شي كنت بقولك عنه اليوم بس انت ماعطيتني مجال..
خالد/شنو؟
وضحى/.........
خالد/طيحتي قلبي يابنت الحلال شصاير تكلمي؟
وضحى/خالد انا حامل...
خالد بذهول/شنو؟رفعت راسها تناظره وابتسمت وفي عيونها الف دمعة وقالت باسى/ليش مافرحت!!
خالد بنرفزة/لان مو وقته مااتفقنا نجيب اللحين؟
وضحى بهدوء/عارفة بس الموضوع صار شسوي..
بعصبية اكبر قال/مستحيل مو قبل ماتنفك عقدتك مع الامومة؟
وضحى بحدة/شتقصد؟
خالد/وضحى انتي مو بقد تجيبين عيال اللحين..
كل تفكيرها كان في انها تمسك دموعها لاتطيح قدامه..مو يقول انه يحبها طيب ليش يجرحها بها الكلام!!!
خالد/انتي لازم تنزلينه؟
بهدوء وبدون مقدمات قالت/خالد..اطلع برى...
خالد بذهول/نعم؟
مسحت دموعها اللي ماقدرت تخفيهم اكثر ورفعت راسها/اعتقد لي حرية الاختيار بينك وبين اللي في بطني...وانا اخترته هو وماابيك ياخالد..تفضل روح كمل حياتك وتجريحك لغيري!!!
***************************************
رجع البيت وهو بقمة ضيقته وعصبيته وكانت امه قاعدة ومعها حصة وعبدالله بس واول ماشاف حصة بوجهه صارخ فيها..
تركي بعصبية/طلعي برى ,,,تسمعيني برى ولاعاد اشوفك بها البيت؟
ام تركي بذهول/تركي وش ها الكلام ياولدي!!!
حصة قامت تبكي..
عبدالله/تركي شصاير؟
تركي بنفس العصبية/ماابي اشوفها بالبيت..
فوضى هي فوضى....
لفوا لاابو تركي اللي جاي وراهم يوم سمع صراخ تركي...وسكتوا كلهم يوم شافوه واقف وسطهم..
ابو تركي بحزم وهو يكلم تركي/انا بعدني عايش مامت..يعني محد ياْخذ مكاني..
تركي/لك طولة العمر يبى..
ابو تركي/ومني لين الله ياْخذ امانته بيتي مفتوح لكل عيالي ياتركي..
تركي/يبى انا ماطردتها الا لانها...
قاطعتهم مشاعل وهي جاية توها من فوق/وين نوف اجل انا مو شايفتها؟
التقت نظرات تركي بحصة وقال بقهر/سئليها هي تدري وينها نوف؟
سكتوا كلهم وناظروا في حصة اللي ارتبكت من نظراتهم كلهم...
ابو تركي/وين بنت عمك ياحصة؟
تركي تنهد وجلس على اول كرسي صادفه وقال/ماهي هنا؟
ام تركي/ماهي هنا؟وينها فيه اجل؟
عبدالله بلؤم/انتي مزعلتها ياحصة؟
مشاعل شهقت/لايكون سوت بنفسها شي؟نوفوا اعرفها تسكت تسكت وبعدين تسوي شي مايخطر على بال احد؟
ابو تركي بحزم/وينها بنت عمكم تكلموا؟
تركي بضيق/عند سعود عيت ياتروح عنده ولاماهي رادة..
حصة بقهر/احسن بالناقص هي ماسكنت معنا في البيت الا علشان تفرقنا؟
ابو تركي /كلمة وماني بعايدها ياحصيص انا ماابيك تقولين لي وش سويتي ولاقلتي لبنت عمك ياسودة الوجه بس ياتروحين اللحين لبيت سعود وتعتذرين منها على اللي هببتيه وتردينها معك وتدخل البيت قبلك ولابيتي يتعذرك طول العمر ومو اخوك اللي يطردك منه انا اللي ماابي اشوفك طول عمري؟
ام تركي /يايمه حرام عليك البنت يتيمة ومن صغرها عايشة معنا انتي ليش منتي عادتها وحدة من خواتك بس!!!ترى ذنبها برقبتنا لو صارفيها أي شي انتي شقايلة لها بس؟
**************************************
بعد يومين في مزرعة تركي ونواف(نواف وتركي عندهم مزرعة بالعزيزية ونادرا مايروحون لها الاهل )
ياسمين/وشلون ردت بعدين؟
مشاعل/راحت لها حصة طبعا لان ابوي مارضى يتحرك من مكانه الا اذا نامت نوف بفراشها..
نورة/واااي حصيص غريبة معقولة تفكر كذا!!
ياسمين/بنات نف نف جاية سكروا السيرة ..
نوف اللي توها جاية عندهم/وراكم قاعدين هنا؟
مشاعل/وين تبين نروح؟
نوف/وين نروح!!!نتمشى بها المكان الحلو؟
ياسمين/اول ننزل في بركة السباحة..
نورة باعتراض/لا حبايبي اول نشبك مع فارس..
نوف/قلبي وجهك انتي مع وجه العنز!!
مشاعل/ههههه
نورة/نوفوا اعقلي...
ياسمين/ها نوير اشوف غيرانة على الحبيب ومقهورة لانهم غلطوا عليه؟؟
نورة بضيق/أي حبيب انتي بعد!!!
ياسمين ونوف ومشاعل/ههههههههههه
**************************************
في مطبخ المزرعة...
ام سعد/وضحى يمه علامك وجهك مصوفر مالك بالعادة..مرضانة؟
وضحى بشرود/شوي..
ام مشعل/اكيد ماْخذة برد...
وضحى بنفس الشرود/يمكن..
ام مشعل بحنان/ديري بالك على حالك يمه...
ام سعد بغمز/اخاف في شي جاي لنا بالطريق؟
وضحى بضيق/لاابدا مافي شي...
ام سعد/وليش كذا واثقة؟
وضحى بلعثمة/لان خالد مايبي اللحين؟
ام مشعل/وش عليك من خالد انتي!!
وضحى/شلون شعلي منه؟
ام سعد/يايمه ياوضحى..هذا غشيم مايفتهم وش معنى عيال ..بكرة اذا شافهم قدامه وشال وحط فيهم بيدينه بيحس وش معنى الابوة؟
وضحى/أي بس انا ماابي..
ام مشعل/سمعيها مني ياام وليد انتي تقولينها اللحين وانتي بشبابك وطيشك بكرة يمشي فيك الزمن وتتحسرين انك مامليتي البيت عيال....ياام وليد بكرة تكبرين وماتقدرين على العيال وغربالهم ولاعلى الحمل....الا لؤلؤة وينها ماجت؟
وضحى/بتجي بعدين بيجيبها نواف رجعته من الدوام...ماكانت نايمة زين البارحة وقالت بتريح شوي قبل لاتجي...
**************************************
البنات وهم يتمشون بالمزرعة,,,,
نورة/وااو شي ها المزرعة صراحة...
نوف/والله ينطلع منهم تريك ونويف...
مشاعل/زين يسمعونك ثنينهم وانتي تتكلمين عنهم كذا!!وقسم بالله انك تصيرين تحت التراب...
البنات/ههههههههه
نورة/اقول بنات حلوات....
مشاعل/احم احم...لاتردين نوف الكلام لي لاني انا الحلوة....نعم تفضلي اخت نورة شبغيتي تقولي...
نورة وهي تناظر بياسمين/مالاحظتوا ان الاخت المصونة من انطرى نواف انطمت!!!
لفوا ثنتينهم يناظرون بياسمين اللي كانت سرحانة وهي واقفة عند باب المجلس وتناظر بصورة نواف اللي كانت معلقة والباب كان نص مفتوح....

البارت الثالث عشر,,,



////////////////////////////////////////
قامت وضحى من مكانها وغسلت وجهها,,لازم تغير نفسيتها شوي لانها قاعدة وسط جماعة والمفروض انهم مايلاحظون ضيقها وزعلها..بس لحظة ياوضحى لو يكون خالد قايل لهم شي عن البيبي اللي جاي وانك حامل وانتي توك نافية الخبر وش بيكون موقفك منهم؟؟؟؟؟لالالا ما اعتقد ابدا ان خالد يسويها..اسا ساً هو لسه ماوصل لحل بينكم كيف بيقول لهم..هو متضايق ومابعد حسم الموضوع معك ياوضحى لاتخلين الافكار تاْخذك وتوديك.....
وضحى....وضحى...وضحى...وين القهوة؟
انتبهت وضحى من سرحانها على صوت خالتها ام خالد تناديها....
وضحى/ها...
الجدة ام خالد/لا تو صحيتي يعني صباح الانوار..
وضحى باعتذار/اسفة خالتي كنت سرحانة معليش سّمي..
ام خالد/اقول وين القهوة؟
وضحى/ان شاءالله اللحين اروح اجيبها لك..
**************************************
نواف/ها شلون النفسيات اليوم؟
تركي/ماشي الحال..مارجعت نوف للبيت وانا مصدق!!
نواف/لو مارجعت ياتركي وش كنت بتسوي؟
تركي/تصدقني لو قلت لك...
نواف/وفيها شك اني مااصدقك عاد...
تركي/كنت بروح اخطبها من سعود ذيك الليلة...
نواف/اوووف مافيه تفاهم ابدا!!
تركي/انت مو متخيل شلون ان البيت مايضم نوف..معناته مافي حياة..
نواف/والله انا خايف ان ها النوف تصدمك ياتركي على الفاضي..
تركي بضيق/نواف خلني عايش على حلمي واللي يعافيك بلاكسر خواطر...
نواف/تدري وش اللي بخاطري اللحين؟
تركي/شنو؟
نواف/اروح المزرعة..
تركي/منة هين علشان البنات رايحين تبي تروح...؟
نواف/فهمتني غلط؟
تركي بحذر/شتقصد؟
نواف ببتسامة/ابي اروح اخرب جو ياسمين!!
**************************************
مشعل/خليلوه خليلوه ..خليلوه خليلوه..
سعد/وحبيبي وحبيبيوه..حبيبي وحبيبوه خليها على الله,,,
الجد وهو ماسك الكورة وحاط له كاب على راسه ومتسند على الباب/وياجعلك نصيبي.. واقولك حلالي
لفوا له اثننيهم/هههه
الجد مسوي ثقل/ها مشيعل وش صار على السر اللي بينا؟
مشعل وهو يغمز لسعد/مدفون ياجدي..
سعد وهو مسوي غبي/شا السالفة؟
الجد/ولاشي..
سعد/لاوالله انا حاس ان في شي...
مشعل/ابدا سلامتك...
الجد/شنو يعني مافي اسرار بين الابو وولده؟
سعد بتفلسف/أي بس ياجدي انت جد شايب ولست اب؟
مشعل بتمثيل/استح على وجهك يالتيس الاربد هذا جدك جنتك ونارك تقوله كذا!!تقوله انت جد؟
سعد/وش اقول اجل!!!هو جد انا ماتبليت عليه؟
الجد رمى الكورة على سعد /قليل الاداب اللي مايستحي اصلا يكون بعلمك اني اصغر من ابوك؟
مشعل لف للجهة الثانية علشان يكتم ضحكته اللي شوي وتطلع بقوة اما سعد مامسك نفسه قال بسرعة/هذا اقوى صاروخ طلع من الارض ياجدي؟
الجد يتهرب من الموقف/امشي بس ياولدي مشعل ماعليك منه هذا راعي مشاكل؟
**************************************
التموا البنات جنب بعض علشان يشوفون فارس اذا كان بيرد على نورة....
دزت له ايميل(ابيك تضيفني عندك)ومارد عليها....بعدها رسلت له(ابي اكلمك بموضوع ضروري وخاص)وبعد مارد عليها....
مشاعل بطفش/بنات اخاف اللحين مو وقت..
قاطعتها نورة بسرعة/لا بلى اللحين يكون بمكتبه ومايرد الا تسع الليل انا سمعت من اخته روان...
ياسمين/ياسلام سلم حتى مواعيد العمل حافظينها؟
مشاعل بغمز/ويقولون مانبيه؟
نورة بنرفزة/سكتوا واللي يعافيكم مالي خلق شي نهائيا!!
نوف/اكتبي شي قوي..
نورة/مثل شنو يعني؟
نوف/مدري..بس شي يخليه يكلمك ويرد عليك؟
**************************************
عبد الله/فيني اشوفك اليوم؟
عبير/مااعتقد..
عبدالله/أي بس انا من زمان ماشفتك؟
عبير/ماعليه حبيبي
عبدالله/طيب وراك مستعجلة كذا!!
عبير/بروح اتغذى...تعرف بيتنا مايتجمعون الا ساعة خمس مع رجعت عوض اخوي من دوامه..
عبدالله/يابختكم وانا الفقير مرمي بها البيت بروحي؟
عبير/أي صدق ليش مارحت معهم؟
عبدالله/مايبون احد وبعدين اروح اقعد مع منوبالله؟
عبير/يعني ماتغذيت لسه؟
عبدالله/لا ابوي مارجع من الشركة اليوم وتركي مايرجع بها الوقت وانا جالس بروحي..
عبير/ياحرام..
عبدالله/كني بكسر خاطرك وبتتنغصين لي من اكلكم اليوم وبتجيبينه لي البيت نقصة؟
عبير بذهول/جنيت انت اجيك البيت عاد؟
عبدالله/شفيها..
عبير/لامستحيل طبعا توك تقولي انا بروحي في البيت؟
عبدالله/ومن قال انك بتدخلين انتي بتعطيني صينية الاكل من على الباب وبتمشين...ها شقلتيّ
*************************************
ام سعد/وين العيال اجل؟
ام مشعل/مع ابوي..
الجدة ام خالد/اللحين بيجون مسوين مصيبة الله يستر منهم؟
ام تركي/حرام يمه هم صدق عليهم حركات بس دمهم عسل..
ام خالد/الا تبن!!هذولا مايجي من تحت راسهم الا المصايب اللهم ياكافي؟
ام تركي/لا عاد الاسعيدان وعليان انا ماارضى عليهم هذولا عيوني المركبة..
ام خالد بكره وحقد/لانك ماتشوفين حركاتهم اللي تغث القلب..جربي يوم عيشي معهم شوفي اذا ماشاب راسك؟
ام تركي بتمني/ودي والله ودي ومنى عيني يجون عندي البيت يونسوني..
ام سعد/اقول ام تركي..
ام تركي/هلا يااختي..
ام سعد/ليش حصة ماجت تتونس معنا اليوم؟
تنهدت ام تركي بحسرة../اه بس اه...شقول بس شقول..
ام مشعل بخوف/عسى ماشر..
ام تركي/الشيطان داخل بينا..
ام سعد/لالالالا وش ها الحكي يا وخيتي وش صاير...
ام مشعل/تكلمي تراك طيحتي قلوبنا
ام تركي/قبل يومين كانت جاية البيت و...............عدلت الجدة نفسها علشان تسمع السالفة عدل,,,
**************************************
(ابي اقولك شي عن نورة يافارس)
تمعن فارس بالكلام اللي مكتوب قباله...بالاول طنش يوم لقى ابيك بموضوع ضروري وخاص بس هذا اكبر من الخصوصية كلها هذا فيه نورة؟بس منو ياترى هذا...
قبل الاضافة علشان يشوف وش السالفة..
((فارس/خير في شي؟
نورة/سلامتك..
فارس/قبل كل شي منو معي؟
نورة/ناس قريبة...
فارس/كثيرة هي الناس القريبة منو بالضبط انت منهم؟
نورة/ناس تعرف عن فارس ونورة؟
فارس/وبعدين؟
نورة/..................
فارس/اقول وبعدين؟
نورة/نورة تحب واحد غيرك يافارس وبيتزوجون ..انساها؟
طالعوا البنات في بعض يوم طول فارس في الرد ودقت قلوبهم من الترقب وانفتحت عيونهم على وسعها يوم شافوا رد فارس..
فارس/اللحين تاْكدت اني ضيعت وقتي سدى معك وانك وحدة غيرانة من شيخة البنات)
**************************************
الجد/مشينا..
مشعل يتعيزز/لاجدي السموحة..
الجد/ليه في شي؟
مشعل بتمثيل/لا سلامتك بجلس هنا..
سعد بتمثيل اكبر منه/بلى فيه...
مشعل/لاياخوك لاتقول...
سعد/الا بقول...
مشعل/ان قلت لااعرفك ولاتعرفني..
سعد يسوي نفسه يقنع مشعل/يبى عادي هذا حسبة ابوك والمفروض ماتستحي منه..
مشعل/أي بس جميله مغرقني ياخوك...
الجد وهو يناظر بينهم مثل الاطرش بالزفة.../شا السالفة؟
سعد/بقول..
مشعل/لا ماتقول..
الجد باصرار/قول ياسعد شصاير؟
لف مشعل وجهه يقال مستحي..
سعد بتمثيل اكبر/الاخ مفلس ومحتاج ثلاثمية لفاتورة الجوال والمدرسة يبون طلبات لاحصر لها ولاعد..
الجد/بس يبى مشعل تعال ولايصير شي بخاطرك لك كل اللي تبيه,,,اللحين الله يهداك احنا بينا كلافة امشي معي بس امشي..
مشى الجد قدامه ومشعل وسعد يتهامسون /اجل المدرسة يبون طلبات؟
سعد بنفس الهمس/على الاقل احسن من ان جدي يكون جنتي وناري لاني صدق مابدخل الجنة لو هي تحت رجله؟؟؟؟
**************************************
بعد صلاة المغرب,,,
خالد بترجي/عادي اجلس معكم..
ياسمين/لا..
خالد/أي بس انا واسطتي قوية..
مشاعل/لاتحاول..
خالد/كلكم محارمي مدري انا محرم بالنسبة لكم يعني عادي...
نوف/الا انا...
لؤلؤة/وانا؟
خالد/انتوا من وين طلعتوا ياحافظ؟
البنات/ههههههه
خالد/انتي يالؤلؤة بنت عمي واخت مرتي مافي أي اشكال..
نوف بثقة/وانا؟
خالد/انتي عاد انا مربيك مع مشاعل من الصغر..
نوف/يعني كل اللي بيني وبينك مايجي خمس سنين متى ربيتني؟؟بس ميخالف روح ربي مشاعل من جديد بعدين تعال وتدخل ان شاءالله؟
البنات/ههههه
مشاعل بهبال/ليه تحسون يبيلي تربية من جديد؟
ياسمين/تصدقين عاد شكلك صاير تحفة...هههه
مشاعل/اقول خالي ادخل وماعليك منهم بس ادخل برجلك اليمين وسمي وصلي على النبي لاتحسد مزرعة اخوي..
خالد/وانا اقول محد يفهمني غير شعلولة القمر..
مشاعل/فديتك انا بس قبل لاتدخل بوكك وجوالك طال عمرك..طبعا للضرورة الامنية

البارت الرابع عشر,,,


//////////////////////////////////
خالد/والله عاد غصبا عنكم بدخل,,,
نورة/ها خالي بدينا؟
خالد/نواف مابعد مشى وكاهو بيدخل المجلس..
ياسمين بقهر همست لنوف اللي جنبها/وش ها المنة ياربي ماتسوى علينا جينا مزرعته!!!
نوف/نزلي صوتك لايسمعونك الاوادم؟
ياسمين/اوووووف..
خالد/وش عندكم تتهامسون انتي واياها؟
ياسمين/سلامة عمرك مالك شغل,,
هههههههههه
خالد/انتوا بس شفتوني عاطيكم وجه خلاص ترى اللحين اوريكم العين الحمرة..
نورة/وش بتسوي يعني؟
خالد/ابدا..بس بقطع ها العقال عليكم..
نوف/أي صدقناك عاد...
هههههههههههههههه
مشت لؤلؤة عنهم وبعدها قالت مشاعل/الا...خويلد شسالفتك ماسالتنا اليوم عن شي وماهو من عوايدك؟
خالد فهم بس سوى روحه مضيع/انا..عن شنو؟
مشاعل/وضحى...
خالد/.........
ياسمين/شكلكم متهاوشين؟
خالد بدون اهتمام/لاعادي بس كلمتها وعرفت اخبارها ليش اسالكم عنها بعد؟
نوف/مو صحيح الكل ملاحظ ان مرتك مو طبيعية اليوم؟
مشاعل مسكت يده وقامت تغني/ياقلبي انت الفقير...صالحها يعني شيصير...مدام وضحى ياقلبي دلوعة لازم تصير...
**************************************
اما برى المزرعة كان نواف واقف عند الباب وهو يتحلطم بروحه.....
وبعدين يانواف بتظل واقف لين يطلع لك خالد اللي من دخل نسى عمره!!!
أي طبعا لازم انتظره فشلة ادخل واروح المجلس بروحي..بس دخلتي داخل هي بيت القصيد لجيتي هنا...لو ظليت بالمجلس ياسمين ماراح اشوفها ولا بوصل لها؟طيب اللحين اذا شفتها شقول لها؟هاذي مشكلة ثانية يانواف مافكرت فيها..
تدري شلون انا ليش حارق دمي عليها بشوفها وبكلمها خلها تولي بللي مايحفظها ان شاءالله,,
///////////////////////////////////////////////////////////////
مشعل بهمس/مو كاْنك فلست جدي اكثر مني على اساس اني انا المفلس واللي مستحي اقوله؟
سعد/ملزوم يدفع لي مو بصير زوجته على سنة الله ورسوله..
مشعل/هههههه قصر حسك لايسمعك..
سعد/تتوقع لو عرف مافي جدة صاحبك وشلون بتكون ردة فعله؟
مشعل/بيطيح علينا اكيد
سعد/ومتى بنقوله انها بح...
مشعل/مو اللحين طبا خلنا نتبحبح شوي...وبعدها يصير خير
سعد/اقول..
مشعل/قول...
سعد/وش رايك اتزوجه صحيح؟
مشعل فطس ضحك والجد لف لهم وقال بغباء/شفيكم؟
***************************************
في المطبخ كانت واقفة قبال الثلاجة وعاطية الباب ظهرها وماحست على دخلته الا يوم قال لها/شتسوين هنا بروحك؟
انتفض جسمها ومالفت له بس قالت بحدة/انتظرك تطلع؟
خالد/لهدرجة وصلت بينا..انك ماتبين تشوفيني؟
وضحى/اللي مايبيني ماابيه..
خالد/سمعي...
لفت له وقالت بحدة/ماابي اسمع منك ولاشي....
بهمس قال لها/اذا خلصنا العشى تلبسين عبايتك وترجعين معي البيت لازم نتفاهم!!
وضحى/تحلم يابابا...
خالد بعصبية/وضحى...
وضحى/مستحيل اني اروح معك...وعلى فكرة ورقتي بتوصلني؟
خالد بعصبية اكبر/ماهو بكيفك سامعتني انا اللي اقرر ها الشي وماهو لعبة كل يوم والثاني قلتي ابي ورقتي توصلني!!!الزواج مسؤلية يابنت الناس وطالما انك مو قدها تخلي عنها من اللحين؟
احم احم احم...
لفوا اثنينهم لمشاعل اللي عند الباب...
مشاعل/يقولك جدي اطلع تعشى معه هو ونواف في المجلس برى,,
////////////////////////////////////////////////////////////////
باخر الليل كان تركي جاي ياْخذ امه وخواته من المزرعو بعد مامشى الكل ..
تركي/عسى عجبتكم وانبسطتوا؟
مرام/حيييييل
ام تركي/يالله كل وحدة تشيل اغراضها معها ..
نوف/انا ومشاعل جهزنا كل اغراضنا...
مشاعل/نوفوا..
نوف/هلا..
تقربت منها مشاعل وهمست باْذنها وبعدها مشت يوم قالت نوف لها لا...
مرام/وش تبي؟
نوف/ولاشي بس تذكرت انها نست شي ماجابته وراحت تجيبه,,,
ام تركي/روحي جيبي عشى اخوك لاننساه وانا بروح اشيك على المسبح يمكن نسينا شي؟
بعد مامشوا...
تركي/انبسطتوا؟
نوف/نوعا ما...
تركي كرر كلمتها/نوعا ما...شنو يعني نوعا ما؟يعني ماانبسطتي؟
نوف/بيني وبينك كنت افكر بحصة...
تركي/حصة؟
تنهدت وقالت/ماتمنيت الامور بيني وبينها توصل لها الشي اساسا انا فكرت اني مااكلمك اصلا!!
تركي/واهون عليك ماتكلميني؟
نوف/تركي انا ماابي احد يغلط عليك ولاحتى يفكرمجرد تفكير سيء عن انك..
قاطعها باهتمام/انا اهمك يانوف؟
نوف/اكيد تهمني ياولد عمي..انت ماتدري غلاتك شنو بالنسبة لي؟
//////////////////////////////////////////////////////////
يوم ثاني بمجمع الراشد الصباح...
كان نواف عارف انها بتكون هنا لان سمع اخوها امس يقول انه بيجي معها من الصباح وماجت الساعة ثمان الا وهو يدور بالمجمع لين شافهم بعدين على حوالي العشر وانتظر فرصة ان مشعل يبتعد عنها وراح يكلمها...
نواف/وانتي طالعة كذا لاولي ولاهم يحزنون؟
ياسمين بقهرقالت/اخوي معي؟
نواف/امحق هذا اخو اللي معك؟وينه اشوفه؟
ياسمين/راح يتمشى؟
نواف/خوش والله..
ياسمين/وانت مفكر اني بسحبه و بدخله معي محل محل ادخله!!
نواف/انتي من منو ماْخذة اذن انك تطلعين من البيت ان شاءالله!!!
قامت تناظره بقهر وحست انها بتموت منه ومن تصرفاته لكن لا..لحد هنا وبس يانواف رفعت راسها وقالت بقهر/تصدق عرفت اللحين ليش بنت الناس ماقدرت تعيش معك لانك فعلا لاتطاق!!!
نواف بصوت عالي/انا اللي طلقتها مو هي اللي تركتني؟
بدون اهتمام قالت وهي تفك شيلتها من على راسها وتحطها فوق كتوفها وسط نظراته والذهول اللي فيهم/والله؟!!!تصدق عاد لو حلفت لي ماصدقتك؟
قالتها ومشت وهو واقف يناظر فيها كيف تجراْت تسوي كذا...هاذي لازم تتاْدب وتوقف عند حدها؟
/////////////////////////////////////////////
في بيت بو تركي...
عبدالله/صباح الروقان...
مرام/هلا وغلا..
عبدالله/هلا فيك...
مرام/يابعد عمري..
عبدالله/ياقلبي انتي...
مرام /مو كاْنك قلبتها مغازل من الصبح ولالان اليوم خميس يعني؟
عبدالله/ههههههه
مرام/اقول ماسمعت؟
عبدالله باهتمام/لا..وش صاير؟
مرام/في خبر صار وانا عرفته من البارح؟
عبدالله/عن منو؟
مرام/يود ردينا البارح سمعت ابوي يكلم امي فيه؟
عبدالله/طيب يخص منو؟
مرام/مشاعل....
سكت شوي وبعدها قال/احد متقدم لها وخاطبها؟
مرام/أي وابوي موافق عليه لانه يصير ولد اخت صاحب ابوي ...
/////////////////////////////////////////////
العصر في بيت الجد..
طبعا ياسمين رجعت من المول وهي بقمة ثورتها من الاخ نواف وسكرت عليها باب غرفتها ماتبي تشوف احد بس يوم حرقها الجوع طلعت من غرفتها رايحة المطبخ تاْكل شي ويوم دخلت شافت جدها هناك...
ياسمين/سلام...
الجد/كاءنه منة ها السلام؟
ياسمين/جدي؟شقلت انا عاد!!
الجد/مدري عنك قاهرة الرجال..
بضيق قالت/أي رجال؟
الجد/منو غيره بعد ولد اخوي نواف...
دق قلبها بقوة معقولة اتصل وقال لجدها عن موقفهم البايخ..
الجد/البارحة بالمزرعة يادوبه ياْكل؟
ياسمين خفت شوي من توترها وقالت الحمد الله البارح مو اليوم..بعدها قالت بصوت عالي لجدها/طيب وانا شكو اساسا انا ماابيه ياجدي؟
الجد/اسمعي عاد بلادلع بنات..وبتتزوجين نواف غصبا عنك؟
ياسمين/جدي مايصير انا نفسي عايفته كيف تغصوبني عليه!!
الجد/ووجع ان شاءالله اذا سمعتك تقولين ها الكلام كسرت عظامك...
بعناد قالت/ماابيه مو غصب؟
الجد بصراخ/لاتخليني اطردك من البيت ترى بيتي هذا واذا بتكسرين كلامي مالك قعدة فيه ومالك طلعة منه الا على بيت نواف ولا اذا ماتبينه طلعي من بيتي من اللحين ماابيك