(الفصل الثامن والثلاثين )




اتأخرت علي 00 وقمت من مكاني وانا اتحرقص ابي اشوف معذبتي وش تسوي لين هالحين مقفله عليها باب الغرفه 00 فتحت الباب بهدؤ بدون ماطقه 00 ودخلت راسي بشكل مضحك 00 بس انصدمت بريحة المكان اللي تذوب 00 لفيت يمين ويسار ادور عليها بعيوني 00 بس ماحصلتها 00 دخلت نصف جسمي وسمعت صوت المويه في الحمام معناته انها تتروش 00 ابتسمت بخبث ودخلت 00 وانا اغلق الباب وراي بطريقه مضحكه بعد 00 وسكرته بهدؤ بدون صوت 00 اتسللت بخفه ومشيت على اصابع رجولي 00 مابي يصدر مني أي حركه 00 او تدري اني موجود 00 ودخلت البلكونه وسكرت على عمري 00 قايلكم والله ان فيني شي انا مستخف ياعالم والله يكون بعوني يارب






وصلنا المطار 00 وانا ألتفت واناظر عبدالعزيز اللي مسك يدي 00 وهو يناظرني ويبتسم 00 وقفنا مده طويله شوي 00 لين وصل لنا عبدالله اللي كان وجهه شاحب ولونه مخطوف 00 وحتى ان عبدالعزيز انتبه عليه 00 وقرب منه وسأله – وش فيك
عبدالله وهو يطلع نظارته من جيبه ويلبسهم – مافيني شي خلونا نمشي
حسيت ان عبدالعزيز مستهم 00 ياربي دخيلك وش فيه 00 تبون الجد صرت ارتجف لما شفت نظرات عبدالعزيز الخايفه 00 ياربي صرت مرعوبه واي شي يصير صرت اتشائم 00 استغفرك ياربي 00 تبعتهم وانا خلاص كلي شوق لأرض السعوديه فديتها ياربي






صرخ حمود 00 وفزعله ناس كثير لما طلبوا طوارئ الفندق 00 شالوه بالسرير المتحرك وركضوا فيه 00 وبهالاثناء أحمد انفتح معه باب الأصانصير 00 واقترب من الضجه اللي قريب جناحها هو ونوف وسأل احد الموجودين – شو صاير
الشخص – واحد مسكين طاح على خويه الله يكون بعونهم يارب
هز راسه احمد – لاحول ولاقوة إلا بالله الله يصبر هله
ترك الرجل ودخل الجناح 00 صوت على نوف بس ماسمعلها حس 00 فتح باب غرفتها اللي كان يفصل بينه وبين جناحها ممر بتصميم رائع 00 طل براسه ومالقاها
وسمع صوت المويه 00 اغلق الباب وراه وتوجهه على جناحه
بينما نوف اللي كانت ماسكه شهقتها لاتطلع 00 انفجرت لما سمعت صوت الباب اتسكر 00 وهي تندب حظها اللي رماها وابتلاها في حب مشعل






طلعت وهي ترجف وخايفه 00 لفت راسها يمين ويسار 00 وبسرعه توجهت على شنطتها طلعت لها بجامتها اللي نست لاتأخذها معها الحمام 00 بينما هناك عيون تحدق فيها 00 وهو يبتسم 00 رجعت ادراجها للحمام ولبست ملابسها وبسرعه طلعت 00 واول شي اتوجهت للباب تتأكد هو مقفول ولا لا 00 بس انصدمت انه كان فاتح 00 وبسرعه قفلته بدون ماتعرف ان اللي قفلت الباب عنه معها موجود بالغرفه وهو يبتسم بخبث 00 قاري أفكارها وعارف انها بتلطعه برى الغرفه 00 وبتحرمه اليوم من شوفتها 00 اتوجهت لين التسريحه ومشطت شعرها 00 ودهنت جسمها باللوشن 00 وهي مرتاحه 00 ومستغربه بنفس الوقت انه مادق الباب عليها 00 انفضت شعرها وهي تفره يمين ويسار 00 وماتدري انها بهالحركه تفر قلب خالد معه اللي رافع حواجبه ومستمتع بمنظرها 00 بعدها توجهت لين السرير وهي تتمدد براحه لين سمعت الصوت اللي ارعبها





وصلوا لين المستشفى والدكاتره ألتموا عليه 00 ودموع حمود تسابق خطواته 00 لين الحين مو مصدق طيحة مشعل اللي كانت قدام عيونه 00 واللي خايف انها تكون أخر لحظاته مع مشعل 00 بسرعه دخلوه غرفة الطوارئ 00 ومنعوا حمود يدخل معهم نزل جسمه واتسند برجلينه وهو ثانيها 00 وحاظن وجهه في ذراعينه ويشهج في البكا بقوه 00 اللي يشوفه يتألم لحالته 00 واللي يعرف أفضال مشعل لحمود مابيستنكر اللي قاعد يسويه 00 الابواب اللي اتقفلت في وجهه حمود يوم كان يدور على حد يستقبله ويدخله الجامعه والعالم ماتمشي إلا بالواسطات 00 كان مشعل هو السباق في أنه دخله أفضل جامعه في الشرق الأوسط مش السعوديه بس اللي هي جامعة الملك سعود 00 ولما اتخرج والشركات والوظايف رفضت دخوله غير بخبره كان مشعل هو اللي مسكه بيده ودخله شركة ابوه 00 لا وعينه بعد المدير التنفيذي للمشاريع 00 ولما صارت عليه زنقات كان مشعل هو السباق عشان يعينه 00 ولما تتقفل الدنيا في وجهه يلقى مشعل هو الحضن الدافي اللي يحتويه 00 كان هو أخوه وصديقه ورفيق دربه وكل شي بالنسبه له 00 حتى انه عنده أغلى من خالد اللي هو نسيبه 00 مشعل بالنسبه لحمود إنسان يصعب وجوده 00 ليش ماينتحب وليش مايبكي 00 واللي يبكيه إنسان غالي عليه بالحيل






سمعت الصوت وخافت 00 رفعت عيونها وشافت حد يتألم 00 وبسرعه قامت ترجف ووقفت على حيلها 00 وبخطوات بطيئه وصلت للبلكونه عشان تنصدم من المنظر المضحك 00 خالد يتألم وماسك رجله اللي ضربت في الكرسي 00 ومنال كتمت ضحكتها من شكله 00 رفع عينه لها لما شاف ظلها – آ آآآي أ أأ نـ
وهو مقطب حواجبه ويتألم بشده 00 جلست جنبه وهي تناظر في رجله – وش اللي يعورك
ذاب من ريحة اللوشن اللي حاطتها 00 ونسى الألم – هآآه
عادت سؤالها – وش اللي يعورك
مسك رجله وتذكر الألم – ايه رجلي ضربت في الكرسي
هي بذكاء وخبث – أها ,, وطيب وش جايبك لهالمكان بهالوقت
بلع ريقه وهو متفشل – هاه ايه ابي أشم هواء حاس اني مخنوق
منال بحياء وقفت – سلامتك يالله ادخل قبل هالبرد اللي تبي تشمه ليمرضك
عطته ظهرها ومشت داخل 00 بينما هو نقز بطريقه مضحكه 00 ورافع يدينه بشكل مضحك ايضا 00 تبعها وهو يسكر باب البلكونه 00 وبعدها اتطفت الأنوار






على خيوط الصباح \ في مستشفى المملكه
لين هالحين مافيه حد عطاه علم مؤكد 00 كل واحد حاط إستنتاج من عنده 00 وفي هاللحظات بتطلع نتيجة الأشعه وبيتأكدون 00 وحمود من الليل وهو واقف على رجله وعيونه حمراء 00 وماحب يخبر حد من أهله ليما يتأكد من سلامته
ناداه الدكتور 00 وطلب منه يتوجهون للغرفه 00 جلسوا 00 وعرف الدكتور
بنفسه – انا الدكتور أحمد أخصائي أعصاب وجراحه بس قبل كل شي ابي اعرف المريض وش يقربلك
حمود – صديقي وكل شي بدنياي قولي يادكتور طمني مشعل وش فيه
الدكتور – قبل كذا جاه شي مرض شي إذا كنت تعرفه يعني من زمان
حمود – ايه قبل ست سنين جاه ورم بس حميد
الدكتور – في راسه
حمود وقلبه بدأ يرجف – ايه
الدكتور – ووين سافر المريض
حمود – بكل صراحه يادكتور أهله ودوه لمشايخ وقالوا اللي في ولدكم عين تعرف مشاءالله جسمه ووسامته وأن اللي فيه بس عين وبعدين فحصوا عليه في المستشفيات هنا في السعوديه بعد مكان ماينام من الألأم في راسه وقالوله انه حميد بس مايقدرون يشيلونه لانه في منطقه حساسه في الراس وسافر إلى ألمانيا وسووا له عمليه وبعد كذا الحمدالله معاد يشكي من شي
الدكتور – انزين ياخوي أكيد انكم مؤمنين بقضاء الله وقدره
لما قال الدكتور هالكلام شي هز حمود في جسمه 00 وعيونه انجحظت وبدأ يرعش بقوه
الدكتور يتابع كلامه – وللأسف المريض اللي فيه هالحين ورم خبيث بس الجميل في هالموضوع انه ولله الحمد في بداية هالمرض وبإذن الله نسبه شفائه قويه بس إن شاءالله انا نقدر نسيطر عليه ولازم يسوي العمليه في أسرع وقت ممكن وافضل تسونها له في نفس المستشفى اللي سويتوها له أول مره
حمود اللي لين هالحين مو قادر يتقبل الأمر 00 وقف من دون ولا كلمه 00 وعيونه جاحظه وشكله مريب 00 ووجهه مسود بقوه 00 طلع من عند الدكتور وسط إستغراب من الدكتور انه ماتكلم أو قال حرف 00 مشى لين وقف عند عند الغرفه اللي دخلوا مشعل فيه 00 وطاح على ركبه 00 رفع تلفونه ودق على رقم معين – آلو ألحقني ألحقني انا في مصيبه
ودموعه بدت تنزل بقوه 00 ولين هالحين مصدوم ومو قادر يستوعب






في الطياره اللي وقفت في أراض السعوديه 00 نزل عبدالله منها وهو متألم بقوه لمغادرته أمريكا بدون مايعرف أي حبل او خيط يوصله لريهام 00 اللي سافرت بوداع موجع له 00 وقف عبدالعزيز جنبه وربت على كتفه وهم في أرض المطار – وش فيك مو على بعضك
عبدالله وهو يخفي دموعه اللي تذبحه حسره وقهر – هاه لا مافيني شي
عبدالعزيز – مو أنت عبدالله اللي اعرفك
عبدالله بألم – لا بس يمكن عشان مهان علي أودع الناس اللي عرفتهم في المركز
عبدالعزيز اللي شك بكلامه – اها الله يعين يالله مشينا بنروح لبيت اهلي وإن شاءالله نلقى المعرس الخاين عندهم
ابتسم عبدالله بمجامله – اوكيه
مسك عبدالعزيز يد عبير اللي انتعشت بهالمسكه 00 واللي تحس لين هالحين ثقتها بنفسها مهزوزه شوي من بعد مناداته لها بأمل






ركض باأسرع ماعنده وهو يرجف للقسم اللي قاله حمود عليه 00 هو كيف مافقد مشعل أمس في العرس كيف مافقده 00 ركض بسرعه لما الأصانصير وصل للدور المطلوب 00 وركض لين وصل لحمود اللي متخذ الجلسه السابقه ودموعه تجري على خدوده – حمود وش صاير
حمود رفع رأسه 00 ووقف بسرعه وضمه – آآآآآآه ياراشد آآآآآآه مشعل مريض مريض
راشد اللي نزلت دموعه – وش فيه
حمود فك نفسه من راشد وهو يشهق خايف يقوله – الله يشفيه
في هاللحظات طلعت لهم السستر 00 وهي تنادي على حمود 00 حمود اللي كأن هالسستر أنقذته مشى وراها داخل على مشعل






كل اللي نامته ساعتين 00 وهي تسحب حقيبتها خلفها 00 وتمشي ورى خالها اللي يمشي قبلها 00 ودعوا الفندق واتجهوا لين المطار 00 اللي اعلنت عن الرحله القادمه إلى أرض ابو ظبي 00 بعد لحظات قصيره 00 اعلنوا عن الرحله 00 اللي ألتفتت فيها نوف وهي تودع بعيونها أرض السعوديه وهي تبكي 00 اليوم اهي في بلد وهوه في بلد 00 روح واتفرقت 00 للأسف حبته 00 وللأسف متأكدت بحبه لها غير لما شافت دمعته 00 تمنت تعرف محبتها عنده لما كانت عنده وبين يده 00 بس هالحين خلاص يامشعل انت غدرتني وانا قررت اتركك 00 ركبت الطياره ودموعها فوق خدودها 00 تودع فيها السعوديه دارها ودار أحبابها







دخل حمود وهو يخبي دموعه 00 لين وقف على راس مشعل اللي فتح عيونه وهو متألم 00 وتحت عيونه أسود 00 رفع يده ومسك يد حمود – علمت احد عن اللي صارلي
حمود وهو يلف راسه عنه يخبي دموعه – لا بس راشد هنا موجود
مشعل بألم – ليش علمته
حمود – مابي اخبي عنه هلك لازم يعرفون يامشعل ولازم نتلحق عليك ولازم تسافر
مشعل اللي سرح لبعيد وهو يبتسم بألم – ليش اتعالج واللي تودها عيوني تركتني
انصدم حمود من أعتراف مشعل الصريح – ايششششش
مشعل – طول الفتره اللي مضت كنت مخبي على الجميع سالفة ألم راسي وكنت متأكد اني قريب أموت وكانت أخر لحظاتي أتمنى اشوف فيها طفلي وأحضنه طفلي اللي شككت فيه
حمود بدأ يشاهق وصوت انتحابته بدأ واضح 00 ناظره مشعل وهو
مبتسم بألم – لاتبكيني ياحمود أخوك مودع مودع الحياه مابتدوم لحد
كتم شهقته وهو حساس درجه أولى – لاتقول كذا الله يخليك
مشعل وهو يغمض عيونه بتعب – ناد لي راشد ابيه في كلام الله يخليك ياحمود
حمود وهو يهز رأسه 00 ودموعه على خدوده 00 طلع ووقف عند الباب 00 وسط نظرات راشد المستغربه واللي بدأ فيها يهز حمود وبعصبيه – حمود قلي مشعل وش فيه
حمود رفع عينه بألم – أدخل له هو يبيك وهو بنفسه اللي بيعلمك
دخل راشد بسرعه لمشعل 00 اللي كان مغمض عيونه لين هالحين ويستنشق بقوه
راشد مسك يده – مشعل
فتح مشعل عيونه وابتسم لراشد – هاه ياأخوي حمود خوفك
راشد بنظرات مبهمه ومترقبه – انت وش فيك يامشعل
مشعل بألم – ورم في الراس
حط راشد يده على فمه – من متى
مشعل وهو يطبطب على كتف راشد – انت عارف اني من وانا صغير فيني ورم في الراس
راشد – بس الحميد مايسوي كذا فيك
حمود ابتسم – لاتخاف اخوك ذيب وإن شاءالله بطلع منها
ماحب يخبره انه الورم الخبيث وينصدم 00 وهو في راسه مخططات وخايف راشد يمنعه منها – راشد لو صار فيني شي وانا اخوك انت اللي ربي ولدي نوف أكيد بتتزوج مابي ولدي يتربى عند رجال غريب
راشد اللي دمعته نزلت – وش هالكلام وانا اخوك إن شاءالله بتعيش وتربي اخوك
مشعل بألم – إن شاءالله ,, راشد انا ابي اطلع من المستشفى وانا اخوك المستشفى يزيد مرضي اكثر
راشد وهو يترجاه – لا وانا اخوك مو بزين
مشعل – بطلع على مسؤوليتي بس نادولي الدكتور
راشد أصر على مشعل بس أصرار مشعل كان أقوى وقدر يطلع من المستشفى

( الفصل التاسع والثلاثين )




في مجلس الرجال
جالس وهو يزفر بقهر على الوضع المحطوط فيه 00 وجالس جنبه ابوه اللي يتكلم مع سالم – هاذا المهر ياأبو طلال واعذرونا هاذا مو حق بنتنا دنيا ابد والعرس خلاص حددناه بعد شهرين تعرف نبيه في بداية العطله أحسن الناس بتسافر وماحد بقاعد في الديره
بينما عيون سالم تجول على محمد اللي قاعد هادئ 00 ومخبي في صدره غيض مكتوم 00 مقهور لانه مجبور يكون في الوضع اللي هو فيه 00 متأكد ان ربي عاقبه بأقوى عقاب 00 يبدأ حياته مع شريكته ونصفه الأخر وهو شاك فيها وكارهها 00 كيف بيعيش وإياه 00 كيف بيناظر فيها 00 أصلا كيف عيونه بتجي في عيونها 00 كيف بيتفاهم معها 00 ابتسم في قلبه بسخريه على القدر00 البنت اللي ياما سهر الليالي والأيام والشهور بعد يكلمها ويكلم عشر مثلها تصير زوجته لا وياما قال دواوين غزل وحب وأشعار تطلع بضحكه على عقلها الغبي انها تصدق ذئب 00 لا ومن هالذئب أطلع انا اللي صار زوجها 00 شوفوا السذاجه وين تصير وكيف تستوي 00 سبحان الله
فجأه سالم يوم قال – ماسمعنا رأي محمد
محمد اللي انتبهه لما سمع أسمه – هاه شنو
سالم اللي شاك بموافقته – ماسمعنا رأيك على اللي قاله ابوك
محمد – ابوي يخيط وأنا اللبس وتأكد ياعمي ماجيت هاليوم مع ابوي إلا حنا متفقين حنا نشري الطيب ياعمي نشريه ( يحس وهو يقولها بسكاكين تقطع قلبه الله ياسخفك يهالقدر )







انطق عليها الباب 00 مسحت دموعها 00 واتخبت في فراشها – اتفضل
انفتح الباب وطلت عليها ريم 00 واستغربت نومتها – دنيا ليش نايمه لين هالحين اللي يشوفك مايقول هاذي بتتزوج قريب لاجهزتي ولا سويتي شي
دنيا من تحت الفراش اللي مخبيه وجهها فيه – ماابي ( وبدأ صوتها يتغير ) كيف تبغيني اجهز وان ربي بيوفقني وانا وانا ( وأجهشت بالدموع )
جلست جنبها ريم 00 ومسحت على كتفها 00 ورفعت الفراش من وجهها 00 وقامت دنيا وحضنت ريم – قوليلي ريم وش أسوي وغير كذا ابوي واخواني موراضين علي
ريم وهي تمسح على شعرها – كل هاذي وساويس شيطان وبعدين لك عندي بشاره نوف خلاص راحت مع خالها مشعل خبر خالتي امس قال انها مع خالها في فندق الفيصليه
دنيا اللي رفعت راسها وهي مبسوطه – صدق
ريم – ايه وعلى هالبشاره يالله خلينا نطلع للسوق وترى هلا تبي تطلع معنا
دنيا اللي اتحمست للطلعه معهم – طيب بس بصلي وبجيكم
ريم – يالله حنا بنجلس في الصاله لين تجينا
طلعت ريم للصاله 00 وشافت الجو متوتر 00 نوره راكبها ميت عفريت تموت وتتهاوش مع هلا اللي كانت جالسه وماسكه عبايتها 00 اقتربت ريم منها وجلست جنبها وهمست لها – هالحين بتجي ,, فكرتك كانت تمام مسكينه لازم نطلعها من اللي فيه
نوره وهي تنفخ قهر – وش تقولين انتي وإياها
ناظرت فيها ريم بطرف عينها 00 ولفت وجهها 00 وهلا كانت تبي تبتعد عن المشاكل 00 مسكين طلال كل اليوم يشتكي من المشاكل اللي تصير بينها هي ونوره
نوره – وش فيه ست ريم انتي واللي جنبك موعاجبكم كلامي
ريم – نوره خلينا هاديين احسن انا إنسانه ماحب المشاكل
نوره اللي وقفت وهي فيها غيض الدنيا – اش قصدك انا راعية المشاكل
هلا اللي تناظر في نوره وكاتمه ضحكتها 00 في نظرها هالأنسانه ماعندها ثقه في نفسها وكله تشك في عمرها
انتبهت نوره لابتسامتها 00 وقربت منها 00 ومسكتها بعضدها ووقفتها – ان ماتربيتي انا نوره بنت الوزير اربيك
هلا بلا مبالأه وبنبره تقهرها – ياذا الوزير اللي ذبحتينا فيه يكون بعلمك ابوي كان له منصب مهم في الدوله ولا اتفشخرت فيه مثلك
نوره اتهزها – لان فيه فرق بين ابوي وابوك
هلا مطت عيونها – وش قصدك تسبين ابوي
نوره بنبرة سخريه – الحمدالله فهمتي ( ودزتها على الكنبه ) انا بنت وزير وابوك حيالله كان مدير مدري وين وش جاب لي جاب ابوي ولد اصل وفصل وابوك مزور حتى الجنسيه
دمعت هلا على مسبتها اللي كلها كذب في كذب 00 واقتربت منها وصفعتها كف وهي وجهها محمر – انطمي ولا تجيبين سيرة ابوي على لسانك فاهمه
نوره اللي اتفاجئت بالكف 00 وريم اللي ماسكه فمها 00 طلعت لهم دنيا على الأصوات 00 وهي تركض يوم شافت ان نوره تبي تهجم عليها – بس بس خلاااااااااص وش فيكم انهبلتوا وقدام الأطفال تتضاربون ( عيال نوره جالسين ويبكون 00 وهم خايفين من امهم اللي بدت تضرب 00 ودنيا وريم يفصلون بينهم لين ماسمعوا صوت طلال اللي صرخ فيهم – بسسسسسسسسسسس
انهبلت نوره اللي سوت ان هلا هي اللي ضربتها وفكتها 00 وهلا مازالت ماسكه في يدها تبي تقاوم ضربها
طلال – وش هاذا وين حنا عايشين فيه
نوره وهي تبكي بدموع التماسيح – طلال شوفها شوفها تسب ابوي وهلي وتبي تضربني
هلا اللي مسكت فمها وهي منهبله من كذبها 00 وطلال اللي قرب وطلب ان كل وحده تروح لجناحها 00 ونوره تضحك بخبث 00 وانسحبت 00 طلال اللي جلس ريم قالت – طلال ترى
طلال اللي قاطعها – ياريم انا عارف ان هالمشاكل من فتره تصير بينهم وعارف بمشاكل نوره بس وش اسوي هاذي تصير بنت عمتي
هلا اللي سمعت كلمته 00 وزعلت منه 00 ليه عشان بنت عمته يسكت عن مشاكلها وبلاويها 00 دخلت جناحها وصفقت بالباب با أقوى ماعندها
طلال اللي مسك راسه من عقب ماسمع الصفقه 00 عرف انها زعلت منه وهو مايتحمل زعلها كيف هالحين بيرضيها





من بعد ماعرف ان نوف سافرت مع خالها اليوم الظهر 00 وانهم اتوجهوا على الأمارات 00 عقب ماخبره سلطان صديقه 00 رفض يتوجه للبيت مع راشد 00 وهو له وجهه ثانيه 00 وجهه وخطوه كانت مؤجله من زمان 00 وكان مأجلها وحان وقت التنفيذ 00 ومابيهمه حد ابد
راشد – يعني كيف ماتبي تروح معي للبيت
مشعل – لا انت روح انا بروح مع حمود
ركب مع حمود اللي كان خاطره شين بالحيل – مشعل متى بتتعالج
مشعل اللي يصرفه وهو متأخذ أمام عينه خطوه محدده – بعدين بعدين هالحين ودني لـ ...................







من وصلت لبيت خالها 00 وهي قابضه الجناح ومقفله عليها 00 حاولت معها زوجة خالها وهي رافضه 00 تبي تتطمن على مشعل وماتعرف وشلون 00 تبي تشوفه 00 وتكحل عينها فيه 00 بس خلاص لازم تنسى مشعل لازم 00 بس في أخر لحظه شافت فيها مشعل مكان مشعل اللي تعرفه اللي كان ظالم معها ومتسلط لا هاذا مشعل غير كانت عينه منكسره وخاطره حزين 00 وباين التعب فيه 00 سمعت صوت رساله على جوالها 00 ركضت لها وشافت رساله من عمتها بدريه تعاتبها فيها 00 قرت الرساله وبكت بقوه تحبهم والله تحبهم بس خلاص مشعل ماترك لها كرامه خلاص لازم تنساهم وبتطالب في ورقتها منه







وصل وبسرعه ركض يدورها 00 شافها حاطه رجل على رجل 00 وتقرأ في الجريده 00 ابتسمت أول مشافته 00 ووقفت ومشت باتجاهه 00 ناظر فيها وهو ماسك رأسه 00 ناظر فيها بحمق – وش كان قصدك في الحركه
هي باإبتسامه خبيثه – صدق عجبتك كنت متوقعه تعجبك خصوصا ان شي يجمعني انا وياك
هو بنبره تعب وبحزن – عشان تفرقيني انا وإياها
رفعت رأسها وشمقت فيه – ليش ممنوع الزوجه تهدي لزوجها
بعصبيه وسخريه – يعني في هالوقت وفي هالفتره بالضبط عشان تهديني ساره قصدك وصلني
ساره اقتربت منه وحطت يدينها على كتوفه وحطت خشمها في خشمه – اممممم يعني عجبتك وفهمت قصدي اني احبك ومالي غنى عنك
دزها بقرف – قصدك انك تبغين تفرقيني عن نوف .. ارسلتي سايقك علي في الأستراحه وقلتي له يقول هاذي من عمتي ساره هه ( بسخريه ) وبتزعل ان ماحطيتها في جيبك 00 لانك بتأكد لها ان ماحطيتها انك زعلان منها 00لانها راسله لك صحفي بيصورك وتبي هديتها مرتزه في جيبك عشان تبي تراضيك وندمانه على اللي سوته00 وفي رسالتك فهمتيني ان كل اللي سويتيه عشان تقدرين تجتمعين فيني وللأسف انا قلبي طيب حطيت الهديه وياغافلين لكم الله 00وكنتي عارفه اني قبل كل شي بمر على نوف ولفقتي كل هاذي الفكره والمخطط بس عشان تخلين نوف تتركني بصدق بصدق اهنيك قدرتي تنجحين إلا بسألك وينه هالصفحي لين هالحين ماشفته
ساه تلعثمت – اا اا إلا خلنا من هاذي السالفه حبيبي أعجبتك حركة الرساله والقلم كنت متأكده انها بتعجبك
مشعل بسخريه وهو يتكتف ويتسند على الجدار – ذكيه اهنيك بذكائك عرفتي اني في الأستراحه وفي الصباح بروح أشوف نوف اللي كانت قافله على نفسها ورافضه انها تقابلني وأختك مشاءالله snn ووكالة رويتز بعد
ساره اقتربت منه – مشعل انا احبك
مشعل – بسسسسسس لاتقولين اسمي على لسانك بسسسسسسسس وانتي تراك طالق وبنت عمي ماتساوي كنوز الأرض عندي
ساره اللي صرخت بهستريا – لاااااااااااااااااا مشعل لاااااااااااااااااااا تكفى لااااااااااا انا احبك احبك
مشعل – وش فائدة الحب بخداع وش فائدة الحب بأنانيه ,, ساره مستحيل تكونين انتي أم عيالي وشريكة حياتي انتي مريضه مريضه ولازم تتعالجين
ساره وهي طايحه على ركبها وتضرب رأسها وتشد شعرها – مريضه في حبك في حبك يامشعل
مشعل عطاها ظهره – روحي ولاعاد توريني رقعة وجهك روحي روحي
وطلع من عندها 00 وهي تندب حظها وتبكي 00 وتشد في شعرها 00 وتسب في مشعل وتدعي
بعد ماطلع من عندها مشعل 00 دق على خالد وخبره انه طلقها 00 وأعتذر انه داق عليه في ذا الوقت 00 وخالد تفهم السالفه 00 العائق الوحيد الحين قدامه هي عمته دلال اللي بتقوم الدنيا وتقعدها






جالسه وحاطه يدها على خدها 00 اقتربت منها بخطوات ثابته وهادئه – ليش جالسه كذا
ناظرت فيها بدريه – هاه لا بس افكر في نوف
ريم – الله يوفقها راشد قالي انها سافرت مع خاله للأمارات بس عمي سالم درى
يدريه – ايه قبل شوي وهو زعلان عشانها راح لجناحه يرتاح ويقول هالبنت انظلمت كثير ومستحيل يدخل فيها مره ثانيه
ريم زفرت بضيق – الله يوفقها يارب والله اشتقت إلها الشينه ماتدق ولا شي نستنا مره وحده
بدريه تغير السالفه – إلا وش هي الأصوات اللي قبل شوي
ريم – هاذي نوره تهاوشت مع هلا مسكينه سبت ابوها وهلها مو صاحيه نوره
بدريه – هاذولي بنات دلال لازم يتفشخرون باأبوهم ومنصبه استغفر الله العظيم مدري كيف خلود طلعت منهم
ريم تبتسم – والله اني اقول كذا
بدريه – انا بطلع ارتاح فوق وتراني شوي معزومه انا وسالم
ريم – طيب






سكر منه 00 وهو يزفر 00 وفي داخله 00 فضحتنا الله يفضحها 00 اندق عليه الجوال مره ثانيه 00 وكان عبدالعزيز – هلا خويلد انت وينك توقعت انك في بيت هلي
خالد اللي ابتسم – انتم جيتوا
عبدالعزيز – من الصبح الله يصلحك ( وبخبث ) والله مو هينه منال
خالد اللي ضحك بقوه وهو يحاول يتناسى الألم من طلاق اخته – خلاص عاد
عبدالعزيز – يالله تعالوا ترى ما صارت نبي نشوفكم ونسلم عليكم ونشوف هاذي اللي سرقت قلب خويلد
خالد – اها عن الطنازه ,, وشوي ونجيكم
عبدالعزيز – يالله ننطركم لاتتأخرون .. سكر منه
لف خالد رأسه 00 وشافها نايمه 00 وإبتسم وهو يتذكر إحداث الأمس 00 ناظر كتفه اللي مزرق من كثر ماعضته 00 وإبتسم بخبث عقب ماسيطر عليها 00 وكيف انها بكت خوف وحياء منه 00 قام على حيله ودخل الحمام يتحمم وبيطلب لهم غداء 00 ويصلي الصلوات اللي فاتتهم






ركب مع حمود وكأنه هم وأنزاح 00 ناظر فيه حمود – انت ليش ماخليتني اروح وش كنت تبي جوه
مشعل وهو يزفر بإرتياح – خلاص طلقتها طلقتها ياحمود وارتحت
حمود مط عيونه – طلقت من !!
مشعل – يعني من ساره
حمود بتعجب – ساره !! ليه وش سوت عشان تطلقها
مشعل – سالفه طويله هالحين خلنا نروح للأستراحه بس
حمود – والبيت ماتبي تروح له
مشعل – لا مكان كان يجمعني بنوف وراحت عنه مستحيل يجمعني عقبها
حمود رفع حاجب ويعاتبه – يوم انك تحبها كل هالحب ورى تسوي فيها اللي سويته
مشعل بتعب وهو يمسح على رأسه – صدقني كل اللي صار كان من ورى قلبي كنت ناوي أرفض العرس مابي هلي يتدخلون فيني بالطريقه اللي تعرفها وكنت اسب واشعن ومتوقع اني بسيطر على نفسي ومستحيل أحبها بس من يوم عيني لمحت عينها ياحمود وانا لا ليلي ليل ولا نهاري نهار هاذي غير غير غير آآآه من بنت العم آآآآآآه منها
حمود ويحاول يغير السالفه – والعلاج متى تبينا نسافر
مشعل ناظر فيه وكأنه مستغرب سؤاله – العلاج !!
حمود – ايه الدكتور خبرني ان العمليه لازم تسويها في ألمانيا ( ويحاول يطمنه ) وصدقني يامشعل نسبة نجاحها كبيره الدكتور متفائل خير ولازم نستعجل
مشعل – بعدين بعدين هالحين روح للأستراحه ابي انام من عقب اللي صار خلاص الهم اللي كنت شايله وأنزاح عني ابي ارتاح ولازم أشوف نوف بإي طريقه
حمود بتعجب – مره ثانيه بعد
لف مشعل رأسه بتعب – ايه لازم تفهم القصه المجنونه عيت تفهم عيت ماعطتني فرصه أبد
حمود – آمنت بالله بس الله يعينك على نفسك



كسرت الفازه الثمينه بقوه 00 والكل خايف من ثورتها – الكلب وشلون طلقها
خالد وهو يبلع ريقه من عصبية امه – يعني كيف يعني طلقها وخلصنا ترى بنتك هي اللي جابته لنفسها يكلمني مشعل بالقصه وتمنيت الأرض تنشق وتبلعني من اللي سوته
ساره اللي من جات مع السواق 00 ركضت لجناحها 00 وهي تكسر كل اللي تقابله يدينها 00 وماتبي تشوف حد ابد 00 ولا تسمع لحد ابد 00 حتى دلال اللي حاولات فيها لين قالت بس 00 كل اللي تسمعه من ورا الباب صوت تكسير وشهيق 00 لين جاها خالد وبلغها السالفه اللي ماتت قهر منها
في مجمع الصالات
عبير اللي وقفت ومسكت يد منال ووقفتها معها 00 بما معنى هاذي مشاكل عائليه مالنا شغل فيها 00 وقامت معهم خلود 00 وهي عارفه ان بيصير اليوم إنفجار بس تحمد ربها ان عبدالعزيز موجود 00 هو الوحيد اللي يقدر على امها
دلال – ماسوت شي عشان أهدتله الكلب تكون هاذي جزاتها
خالد مط عيونه منصدم – يعني تعرفين القصه وداريه انها ناويه تحر بنت أخوك
دلال بعصبيه – قلت لكم هاذي مو بنت أخوي ليش ماتفهمون
منال اللي سمعت كلامها 00 تمنت تقوم وتسدحها وتضرب فيها 00 لو ما خاطر خالد كان شربت من دمها
خالد بسخريه – صراحه لعبتك انتي وبنتك حلوه هاذي بنت خالي صالح ومن صلبه بعد ترى مشعل يقول الأوراق معي
دلال لفت رأسها وبلهت وانصدمت – بنته
خالد وهو رافع حاجب – ايه بنته بنت صالح بنت خالي صالح اللي أنتي رافضتها اللي ياما يايمه وريتيها وذوقتيها الويل 00 كنت اعرف ان عند جدتي بنت لخالي وكنتي تحاولين تدسينها عنا ورافضه تعترفين فيها 00 كنت أتمنى اشوف منهي هاذي البنت اللي اقلقت امي وورتها الويل في منامها واللي حوبات امي ماتعدتها كنت اتمنى اشوفها 00 وياليتني عرفتها عشان اعوضها عن قطاعة الأهل وللأسف المسكينه مطاحت إلا بيد مشعل أطمني يمه البنت سافرت وتركت لك المكان تركت لك السعوديه بكبرها
دلال اللي جلست لانها معاد تحس رجلينها تحملها – تطلع بنت صالح صالح أخوي
خالد – ايه بنت صالح أخوك
نزلت دموعها 00 وهي حزينه ومهمومه 00 كيف تطلع بنت أخوها 00 والدكتور مأكد لها أن صالح مستحيل يقدر ينجب كيف
وقفت على حيلها – وليش الكلب مطلق بنتي هي وش دراها نحسب هاذي تخدعنا
طلعت ضفعه مثل أمها كان تكلمت مو تشيل شمايلها وتمشي
خالد هز رأسه 00 هاذي أمه مستحيل تتغير 00 الأهم عنده بس هالحين 00 تترك نوف في حالها 00 وتتقبل طلاق ساره اللي دق عليها الباب والجوال ورافضه ترد عليه ابد
عبدالعزيز وهو عبدالله ساكتين 00 ونظرات دلال تأكلهم أكل – وانتم ليش مالكم حس ولا رأي
عبدالله بهجوم – والله أنتي مأخذتي شورنا بزواجها بتأخذينه هالحين بطلاقها
ومشى تاركهم 00 دلال اللي عصبت منه
وناظرت في عبدالعزيز – وأنت ياكبيرهم ياعودهم
عبدالعزيز اللي وقف – والله الكبير والعود يايمه ماحسبتي حسابه ولا شوارتيه في زواج بنتك وهاذي هي أكلتيها أنتي وبنتك ( وراح وخلاها ) وخالد لما شاف الكل أنسحب أنسحب وراهم 00 عشان دلال تصرخ وتنابح بعصبيه وهي تهاوش وتدعي على مشعل اللي بين الحياه والموت يادلال







فتح الباب 00 ناظر فيها 00 شافها جالسه وحاضنه نفسها 00 ويدها على خدها وتناظر لتحت 00 وهادئه نوعا مآ
ابتسم بحب وقرب منها مسك كتفها 00 فزت وناظرت فيه 00 وهي معصبه – نعم خير وش تبي
طلال – زعلانه عاد على طلولي
ناظرت فيه بملامح جامده – طلال طلقني







مسكوا خط الأمارات 00 متوجهين لابو ظبي تحديدآ 00 وحمود اللي يسوق وجنبه مشعل اللي من وقفوا في الأستراحه وفيه ميت عفريت يبي يمسك خط الأمارات يشوف نوف 00 في البدايه رفض مشعل ان حمود يروح معه 00 بس حمود رفض يتركه بروحه 00 واقنعه بالزور يروح وإياه
حمود – وهالحين بسألك قد سرت لبيت هاذا أحمد
مشعل اللي ترك الجوال من يده وناظر فيه – تصدق لا
حمود – ياسلام سلم يعني قابض هالكلمه بروح بروح وفي النهايه ماتدل وين ساكن
مشعل – بس اعرف وين عايش
حمود – اها ووين عايش عاد
مشعل – بأبو ظبي
حمود بسخريه – تصدق ذكي مشاءالله عليك هب ياللي مافي بو ظبي غير بيت احمد
مشعل اللي سرح – انا اعرف المنطقه اللي ساكن فيها وقريبه من شركته ومن سأل متاه
حمود – إن شاءالله وعلى فكره هالحين الساعه ثمان الليل ويمكن مانوصل لهم إلا الفجر وانا إنسان أحب النوم فلا تقعد تزعجني وتقول نروح سيده لبيته
مشعل ويخفي رغبته لين يوصلون – لالا إن شاءالله
حمود – اوكيه خلنا نصفط على جنب ونصلي العشاء
مشعل – اوكيه اللي تشوفه







طلال اللي أنهز من اللي سمعه – ايش وش قلتي
هلا بحزن واضح – اظني سمعت وش قلت حنا الثنتين مانصلح لك ياطلال انت مو قد حرمتين مهما كان هاذي بنت عمتك وأم عيالك وهي اللي أحق تعيش وإياها أما انا وحده غريبه عنكم 00 وهم أنا الوحيده اللي بتطلع معاي بأقل الخساير لاطفل يجمعنا ولا صلة قرابه تفضحنا
طلال اللي مسك كتوفها وهزها بقوه – انتي تعرفين وش تقولين لالا أنتي مو بوعيك هلا أبد
هلا اللي فكت يده منها – بالعكس ياطلال أنا عمري ماتكلمت بواقعيه أكثر من كلامي هالحين قبل كنت معتقده ان وأنا بعيده عن هنا بتقدر تنصف بيننا وبتعدل وأنك بتسيطر على الأمور وانا من السهوله أي رجل يقدر يجمع بين اربع بعد موثنتين 00 بس أكتشفت أن هالشي صعب لما جيت وعشت مع زوجتك وهلك
طلال أنا مااصلح لك الله يوفقك ويا نوره وعيالك
طلال اللي منصدم من كلامها 00 رفعت عيونها له بعد مكانت منزلتها طول الوقت وهي تتكلم 00 وأبتسمت له 00 وخبت صدمتها لما شافت نظرات عيونها لها
طلال وهو يزفر بقوه – مشكلتك مو فاهمه شي مشكلتك تتكلمين في شي ماتفهمينه تثبتيلي هالحين أنك ماتحبيني لا ياهلا أنتي تموتين فيني مثل ماأنا ميت فيك أنتي تعشقيني وتهويني كثر مااعشقك وأهواك طلال لهلا وهلا لطلال وهالشي مابختلف عليه طول ماراسي يشم الهواء ياهلا طول ماراسي يشم الهواء انتي لي وانا لك فاهمه ( وبصراخ ) فـــــــــــــــــــاهمه والكلام اللي قلتيه مابي اسمعه ثاني
طلع وصفق الباب بقوه وراه






في الصبح \ الأمارات بالتحديد بوظبي
في أحدى شوارعها الجميله والرائعه 00 كانت سيارة مشعل تجول فيها على الخط ممتده من أول الطريق حتى نهايته 00 وتعود بالعكس تماما 00 وحمود يسوق وهو يزفر – افففففففففففف تراني حفظت كم متر بالضبط هالشارع اللي أمترني فيه رايح راد راسي افتر وداخ
مشعل – اصبر خلني أتذكر بالضبط وش أسم الشارع
حمود – اخخخخ ياراسي ألحقوني ياناس فيني نوووووووم أرحمني ياولد الناس عيوني هاه هاه طالع ( ويمط عيونه بطريقه مضحكه )
مشعل اللي مو منتبهه عليه ابد 00 وهو يحاول يتذكر أسم الشارع اللي قاله عليه أحمد يوم يخبره عن شركته وقصره الموجود في ذيك الحاره 00 وكأنه حصل على كنز يوم تذكر أسم الحي بالضبط – بس بس عرفته
حمود اللي زفر – قسم بالله يامشعل ان طلع هالمره خرطي اني لاقضبك السكه واروح أرقد تراه عاشر مره تقول اسم لحي ونمتر هالحي رايح راد ندور شركة هالزفت احمد ان مالقيناه هالمره برتكب فيك جريمه
مشعل يهز رأسه يحاول يسكته – روح روح لأي مواطن ولا مقيم نسأله وين نلقى الحي
وقفوا عند أحد الماره 00 سألوه عن المكان اللي قاله مشعل خبرهم وين بالضبط وتوجهوله 00 واللي ولله الحمد صادوا شركة أحمد فيها ومكتوبه عليها شركة
( الضويحان ) 00 من لما قرأ أسم عائلة أحمد صاح في حمود 00 اللي نقز متخوف – وش صار
مشعل – هاذي شركة أحمد
حمود اللي تمنى مايلقونها 00 مو لشي بس يبي يرقد 00 مسكين طول اليوم اللي راح منام زين بسبب مناسبة زواج أخته 00 وهالحين مشعل هد حيله
حمود ويمسك قلبه – حسبي الله على العدو طرحت قلبي
مشعل اللي أبتسم بإنتصار – روح روح بسرعه
حمود اللي رفع حواجبه – وين نروح وش تتوقع تلاقي نوف في شركة خالها
مشعل اللي عصب – احلف ياشيخ وقت تستخف دمك لا بس بنسأل وين بيت أحمد وهناك بحصل نوف
حمود- أمنت بالله ومحمد رسول الله هالحين انا بس بعرف وش فيك متصرقع الأدميه صارلها عندك شهور توك تذكرتها وعرفت قيمتها يارجل
مشعل بعصبيه موقت كلام ياحمود رح رح خلنا نروح بسرعه عشان نرد نرقد
حمود اللي حلم بالنوم اليوم 00 اتوكل على الله ومشى للشركه بس علشان في النهايه يحصل فراش جميل ويرقد فيه – اوكيه






رفعت وجهها تناظر 00 لما حط يده على كتفها 00 ابتسم في وجهها – ممكن أبيك في كلمة رأس في المكتب
خلود بطاعه – اوكيه ( ووقفت ومشت وراه تتبعه )
دخلوا غرفة المكتب وسكر الباب 00 وقفله بالمفتاح 00 جلسوا وناظر فيها وأبتسم بحب – خلود خالد خبرني بالسالفه وعرفت عن وصية المرحوم تركي كنت قوليلي رأيك في الوصيه
خلود اللي نزلت عيونها وتحرك يدينها بتوتر – انا مابيدي شي ياعبدالعزيز أنا تفاجئت بالوصيه اللي سواها تركي مدري ليه وصى اني اكون زوجه لصاحبه ( دمعت عيونها ) مايعرف اني ماابي أكون زوجه لحد من بعده 00 مايعرف أني ابي اعيش على ذكراه له وبس
عبدالعزيز بإعتراض – بس هاذا وأنا اخوك غلط تبين تدفنين روحك وهي حيه ترى حرام اللي تبين تسوينه عيالك وأنا اخوك بكره بيكبرون وكل واحد بينشغل مع زوجته وبيته وأنتي مافيه حد معك يرد عليك بس الصوت يسمعك وتسمعينه تشتكين له وإليه نايف ونعم الرجل واعزه من معزتي للمرحوم 00 وهو أجودي وشاريك 00 وهو مكلمني قبل أسبوع ووعدته بخير 00 الرجل يحلف ويقول مو هاين علي أترك وصية أخوي تركي معلقه ماتنفذت ريحيه ياأم زياد
خلود – وانا ماعارضت ياعبدالعزيز انا موافقه بس عشان تركي بس أمي رافضه اني أخذ نايف
عبدالعزيز – اتركي أمي علي أهم شي انتي موافقه
خلود اللي وقفت وهي متوتره – اللي تشوفه ياأخوي







بدريه وهي تضرب على صدرها 00 وسالم زفر بعصبيه – أيش طلقها !!
نوره اللي تصارخ – ايه طلقها ياجعله الماحي ساره ساره شيخات المزايين تتطلق
بدريه بصراخ – لاتدعين عليه
نوره وهي تناظر فيها ابجاحه – لوالله يطلقها الأخو وتبغيني ماأدعي عليه إلا بدعي وأدعي وأدعي
بدريه اللي عصبت منه وصرخت عليها – أجل أنقلعي من قدام وجهي ولسانك هاذا احفظيه
سالم اللي سحب كرسيه ومشى داخل 00 وهو يهز رأسه يمين ويسار 00 بنات أخته مايعرفون يتكلمون زين أبد 00 مايلوم مشعل ابد اللي طلقها 00 وطلال اللي تزوج على نوره



من طلع من عندها وهو جالس في الحديقه اللي مقابله بيتهم 00 ويناظر في السيارات الماره 00 واللي الحركات كل مالها تزيد 00 بسبب الدوامات 00 وهو لحد الحين مو مستوعب كلمتها ( .. طلقني .. !! 00 هاذي وش تتوقع عقب ماخذت قلبه وعقله وشاف الراحه والحياه معها تبي تتطلق منه 00 تبيه تفصله من السعاده والحياه اللي مستمتع فيها 00 آآآآآآآه ياهلا وألفين آآآآآآآآآآه 00 وقف على حيله وهو يفرك عيونه اللي ماتعودت على السهر 00 كلمة هلا طرحته من أعلى برج كان عايش فيه 00 ومشى متوجه لشغله 00 في محاوله يائسه منه لنسيان كلمتها 00 وكل الخوف انه يرد للبيت ومايلاقيها فيه 00 الله يستر






من بعد ماعرفوا القصر حق أحمد 00 وهم مرابطين عند القصر 00 وواقفين عنده
.
.
بينما في داخل القصر 00 جالسه معهم وهي مومعهم أبد 00 وخالها يتكلم وهي مو في عالمهم أبد 00 مفتقده اللمه اللي كانت مستمتعه فيها بالرياض آآآآآآآه يامشعل وينك وينك
أحمد – هيه سيرن للمول اتشرن حق البيبي الجاي خلاص نوف على وجه ولاده مش جيه يابنتي
وناظروا في نوف اللي سرحانه
روضه – نوف وين سرتي خالج يرمسج
نوف اللي قمزت – هاه
أحمد – اقول لخالتج روضه سيرن للمول اتشرن يابنتي البيبي خلاص جاي في الطريق وأنتي ماجهزتي له
نوف هزت رأسها 00 وهي ماتبي تعارض خالها 00 او تحزنه عليها عشان مايشيل همها 00 مستعده تسمعه ولاتزعله مثل مازعلته 00 وهو مايستاهل يحبها ويراعيها هو وخالتها روضه زوجة أحمد
أحمد اللي وقف – عيل بتركجن انا بسير للشركه تريدن شي
روضه – ابد سلامتك ياحبيبي
أحمد اللي ناظر في نوف اللي وقفت وناظرت في خالها وهي مرتبكه من نظراته – تبين شي يابنتي
نوف – ابد سلامتك ياخالي
أحمد – عيل مع السلامه
طلع وتركهن 00 وبرى قابل مشعل اللي من شافه ركض له
مشعل أعترض سيارته اللي خارجه من المواقف – أحمد أحمد
احمد اللي نزل من السياره وهو متفأجا – مشعل شو يايبنك
مشعل اللي يزفر بتعب – احمد دخيلك خلني أشوف نوف
أحمد اللي عصب – تخسي تشوفها شو يايبنك من بلادك سير رد لها وبنتي غنيه عنك وعن دوسك عليها سير ولاعيني تشوفك
مشعل بترجي مميت – دخيلك أحمد هاذي زوجتي وخلني أتفاهم وإياها
أحمد بعصبيه – تخسي وبعدين وين ورقتها ترى محيرنها مني واحد ولد اصل وفصل من تولد بنحذف ولك عليك ولالنا شغل فيكم ونوف بتعيش معززه مكرمه عندي
مشعل اللي عصب وثارت ثائرته ومسك احمد من ياقة ثوبه – تخسي ثم تخسي هاذي زوجتي وبتعيش وإياي وبجيب أمر من المحكمه انك خاطفها
احمد اللي ضحك بسخريه ويدزه عنه 00 وحمود اللي تلقاه وهو جاء ووقف قريب عقب مشاف الأمر أحتد – سير سير أبوي وقول هالكلمتين في بلادك موعندي هني
يالله أذلف ( وركب سيارته ) وهو يسب فيه ويشعن ويتمنى يمحيه من الدنيا عقب اللي سواه في محبوبته نوف وبنت الغاليه اخته
تذكر 00 ومسك جواله بسرعه 00 ودق على روضه – بتخبرج ترى الجلب عند البوابه اصحن يشوفكن
روضه الللي طلعت بالسياره ونوف جنبها – من قصدك
أحمد – مشعلوه
روضه ووجهه أسود – احمد خلاص نحن مسكنا الطريق معاد أقدر ارد ( وناظرت مع المرايه ) اكوه ورانا
احمد اللي نفخ بقوه – الجلب بدعسه بدعس هالجلب
روضه – هد هد أحمد بضيعه لاتخاف انت تعرف روضه أتوه بلد صبر ان ماخليته مايد طريقنا
أحمد – اوكيه شوفي شغلج عليج فيه
نوف اللي ألتفتت وهي شكت في السالفه 00 وشافت سيارة مشعل 00 واللوحه السعوديه تتبعهم 00 حست بقشعريره وخوف 00 وهي تحس بمشاعر تخوف احاسيس مبسوطه على اللي قاعد يصير
.
.
في الجانب الثاني
مشعل بصراخ – انتبه تضيع منك حمود انتبه
حمود الحريف في هالأمور – لاتخاف مشعل والله اني لاقبضك إياهم ( وهو يحس بالحماس وان النوم بدأ شوي شوي يطير منه )

حاولت وحاولت تضيع منه بس ماقدرت 00 انهبلت من حرفنت السواق 00 هاذا مش طبيعي أبد 00 خذت دوارات كثير وكباري 00 ويمين ويسار ولا ضاع 00 صراحه خطير 00 دقت على أحمد وخبرته أنهم ماقدروا يضيعونه 00 وانهم بينزلون في المول اللي صاروا منه قريب 00 وااللي عصب 00 بس هي طمنته 00 مستحيل تخليه يقرب منهم أبد 00 تطمن نوعآ ما انها مع روضه 00 ووافق آخيرآ
في المول
مشعل وحمود وراهم وراهم 00 ومشعل اللي ورى نوف وينادي عليها – نوف نوف
نوف اللي طنشته كثير 00 وأنزاعجت منه ووقفت وبصراخ – نعم وش تبي كل العالم عرفت أسمي
روضه بخوف – نوف أمشي
نوف – صبر روضه بشوف وش يبي أذاني
مشعل – اطمني هي كلها كلمتين ابيك تسمعينها
نوف تكتفت – نعم قول أسمع
مشعل اللي ناظر في روضه وفي المكان الموجودين فيه - أظني زوجك مو غريب أمشي ( ومسكها مع يدها بقوه وجرها وراه ) وروضه تصارخ وراهم 00 وحمود تكتف يشوف نهاية الأمر مع مشعل 00 ونوف منقهره من وقاحته 00 مو كأنه مسوي شي ياناس 00 قربت روضه منهم وهي تصارخ عليه 00 وقفها مشعل بحركه من يده – رجاء أمر بين رجل وزوجته أبعدي شوي بخلص من سالفه وبردها لك مو أكلها
روضه اللي ناظرت فيه وفي نوف وهي خايفه
نوف طمنتها – بشوف وش يبي روضه وبرد لج انتي سيري أتسوقي دقايق وجايتك
مشعل اللي جرها وماخلاها تكمل حكي 00 وتوجهه فيها لكوفي شوب في المول
وصلوا الكوفي شوب
وجلسها غصب عنها وناظر فيها
ناظرت فيه – نعم وش تبي
مشعل – اسمعيني
نوف اللي قاطعته – اسمعني انت هي كلمه ومابثنيها طلقني يامشعل طلقني ترى النفس عافتك ولو تقول وماتقول مابي أسمعك لاني عفتك
مشعل اللي أنصدم واللي تهور من كلمتها وهو يقول لها – نوف انتي طـ ...........

( الفصل التاسع والثلاثون )



شعرها متبعثر حوالين وجهها 00 ووجهها معرق من المجهود اللي بذلته 00 واللي فيها قلبت الجناح فوق تحت 00 بكت وبكت بقوه 00 فقدت حضنه 00 فقدت طيفه وزوله 00 فقدت لمساته اللي تذوبها 00 فقدت حبه لها 00 فقدت حنانه 00 يعني خلاص فقدته للأبد للأبد 00 وقفت من مكانها وانسدحت على السرير حقها وطاحت في نوبة ضحك عارمه 00 وهي تقول ان كل اللي صار خرابيط من عقلها 00 مشعل لاطلقها ولا شي ولا شي
عند دلال 00 اللي ترجف وخايفه على بنتها 00 اللي من اصبح الصبح 00 تسمع تكسير وبعثره وصريخ وصياح وبكأ وهم ضحك قوي 00 وحاطه يدها على قلبها خايفه ان في بنتها شي 00 ولو صار فيها شي مابترحم مشعل أبد ابد







من رجع من القصر حق هله 00 ورد وإياها 00 نامت هي قبله 00 وللأسف قبل مايتكلم معها ويسألها عن اللي شاغل باله 00 شافها واقفه وهي ترتب الطاوله اللي عليها صحون الفطور 00 وقف وراها بالضبط – صباح الخير
فزت بخوف 00 ابتسم – آسف خوفتك
هي وتعدل نظرات عيونها له – لا حصل خير
جلس على الكرسي اللي عند الطاوله ومقابلها – ليش واقفه اجلسي
هي بإرتباك 00 من ردوا من أمريكا 00 أوبالضبط من صار اللي صار له 00 ويجمعهم فتور قوي 00 وبرود 00 اجلست بتوتر – اصبلك حليب
عبدالعزيز وهو مركز عيونه عليها – لا بس تسلمين
هي وتحاول تشتت نظراتها – تسمحلي اروح اليوم لأهلي من جيت مازرتهم
عبدالعزيز وهو يتكتف ويرد ظهره للكرسي مستمتع في إرتباكها – أكيد وانا بعد بروح معك أسلم عليهم
عبير وهي منزله نظراتها – خلاص بنتظرك
وقف 00 ومو هو اللي وقف 00 لا شعوره وأحاسيسه وقفته 00 لين قرب منها 00 ومسك يدها ووقفها معه 00 ونظرات عيونه في عيونها اللي مهلكته 00 باس يدها بقوه 00 ورفع عيونه إلها – لأخر مره بسألك عشان ما أبي أجبرك بالعيشه معي يابنت الناس مازالتي على رائك ولا تغير
عبير اللي أنصعقت من سؤاله 00 وهي اللي كانت مبسوطه بيعترف لها بحب مثلآ بشي حلو 00 يرد ويفتح هالسيره معها






نوف اللي قاطعته – اسمعني انت هي كلمه ومابثنيها طلقني يامشعل طلقني ترى النفس عافتك ولو تقول وماتقول مابي أسمعك لاني عفتك
مشعل اللي أنصدم واللي تهور من كلمتها وهو يقول لها -
نوف انتي طـ ... ( أنلجم وأنصفع وجهه 00 ومسك نفسه عن التهور 00 كان بينطق الكلمه والحمدالله تراجع 00 ولسانه رحمه
حط يدها بين يدينه وعصرها – تبين الطلاق أنتي تبينه علشان تتزوجين قالي خالك والله والله يانوف ( ويعصر يدها بقوه وكأنه يطلع اللي في قلبه ) أنتي لي وانا لك ولو تموتين ويقولون لي نوف تنازع ماني مطلقك أبد فاهمه
نوف وتحاول تفك يدها من يده – قلت لك أنا كرهتك أنت ماتفهم
مشعل اللي عصب ويدينه مازالت تحتضن يدها – انتي اللي موفاهمه شي أبد أنتي كرهتيني وأنتي ماعرفتي الحقيقه
نوف بعصبيه – انا كارهتك يامشعل من فعايلك وهاللي صار صحاني من غبائي غبائي ياولد عمي ( وبصراخ وهي تفك يدها من يده ) روح روح لها اللي شريتها وماثمنت اني يتيمه ومالي أهل وسويت فيني كل اللي سويته (ووقفت ) بعكس هي اللي عشان أهلها فيه ماتقدر حتى ترفع عينك في عينها صبرت عليك بدال المره ألف لا وكل يوم تجرح وتجرح وانا أسكت وأعدي ( وصرخت فيه وعشان تقهره ) وبتطلق غصب عنك لان المعرس اللي بيجيني لقطه مايتفوت
صكتها بصفعه 00 هو يتألم وهي تكرهه 00 هو مريض وهي تقهره 00 هو عاجز عن كرهها وهي تبغضه وماتدانيه 00 هو يتعذب عشانها وهي مبسوطه في عذابه 00 كره نفسه وهو يترجاها وهي ماتبيه ماتبيه 00 عطاها ظهره ومشى 00 وهي ماسكه خدها بقوه 00 راح ولا حتى ناظر فيها ربع نظره 00 الامتها نظرته الحزينه كيف قالت اللي قالته كيف

تدريے وڜ الليے يڤهر غير انيـے عڜت فيے ظلمڪـ سنيڼ ..!؟


اني ڪنت ڪل يوم انچرڂ منڳــ الف چرڂ وماڪرهتڳـ..


وموبس مشعل ضربها وعطاها كف على كلمتها 00 لا حتى طفله في بطنها يرافس يضربها 00 مسكت صرختها من الألم 00 وهي تشوف مشعل يعطيها ظهره مبتعد كتمت صرختها وهي ملتويه لين أبتعد مشعل عن عيونها 00 صرخت بقوه من الألم ودقت على روضه تستنجد فيها






ماتدري وش تقول 00 ياهو عبيط ولا يستعبط أحرجته – انت وش رأيك
رفع حاجبه بتساؤل – رأيي
عبير وهي تفك يدها عنه - يعني وش ودك أقعد عندك ولا أروح
استغرب سؤالها – عبير تراني أتكلم جد
عبير – حتى أنا أتكلم جد
عبدالعزيز سكت فتره بعدين قال – لايكون خايفه بس من الطلاق وكلام الناس
انصعقت من كلمته ولفت رأسها له بسرعه وهي مصدومه قالت – ماأبي أجبرك علي ياعبدالعزيز إذا ماتبيني فاتسريح بمعروف ( وراحت وخلته )
وهو منصدم من كلمتها 00 هاذي وين راح تفكيرها ووقفها – عبيـــــــــــر
وقفت وهي معطيته ظهرها 00 قرب منها ولف لها لين حط وجهه بوجهها – ليش تفكيرك سيئ فيني أنا كنت أقصد ياعبير انتي تبيني ولا بس عشان ذيك المره كنا في غربه وقلتي ايه ابيك لاني قبل لانسافر وعدتك إذا ردينا وانتي في نفسك تبين الطلاق طلقتك وسؤالي مفهوم هل لحد هالحين عندك الرغبه فيني بس
ناظرت فيه وهي مستحيه من تفكيرها اللي راح بعيد - صدقني ياعبدالعزيز لو كنت ماأبيك ماأخترت اني أعيش معك انا يوم قلت ذيك المره أبيك فاأنا أعني كلمتي
عبدالعزيز اللي ضمها بقوه – ريحتيني الله يريحك يارب






ضغطت الزر الأحمر بعصبيه 00 وخالد اللي يرفع عينه لها وكاتم ضحكته من زفراتها وهي معصبه – قلت لك تعالي نرقد وخلي حمود يولي
ناظرت فيه بعصبيه وأعطته ذيك النظره 00 وردت تدق ثاني مره 00 خالد ماأكتفى بهالقدر من تعصيبها عليه وقال - آآآآآآخ ياحمود لو بس تطيح في يدي خربت علي ليله ولا ألف ليله وغمز لها 00 صرخت عليه بقوه – خااااااااااااااااالد
ضحك بخبث بقوه وهو محرجها 00 وحاب إحراجها اللي يجذبها له 00 أغلقت الزر الأحمر عقب مانعادت عليها هالكلمه ( أن الهاتف المطلوب لايمكن الأتصال به الأن ) جلست على الكرسي وقعدت تبكي 00 أنذهل من دموعها 00 وركض لها وجلس على ركبه في الأرض ورفع وجهها له – تبكين يامنال
منال اللي رفعت رأسها وألمته دمعتها 00 وعيونها اللي مغرورقه بالدموع ومسكت يده بترجي – تكفى تكفى ياخالد دور لي على حمود والله حيلتي في هالدنيا هالأخو
وقف على رجله ووقفها معه وضمها بقوه ويمسح على شعرها – أمسحي دموعك ياروح خالد وأوعدك أني أقلب الدنيا عليه ( فكها 00 وأبتسم في وجهها ) هآه أعجبك هالحين
فهمت تفكيره وضربته ابوكس على بطنه وهي تبتسم بإحراج – وقح






عبدالله اللي سرحان لبعيد 00 وهو جالس بتعب في سيارته البورش البيضاء آآآآآه وين دارك ياريهام 00 وينك وين الأقيك فيه 00 معقوله بلتقي فيك ولا خلاص انتهينا
كان فاتح السياره من فوق 00 والهواء يطير شعره 00 عيونه من تحت يلفها السواد ووجهه ذبلان 00 أنا لازم اسافر لها 00 ايه مشعل عنده خلفيه عن ألمانيا 00 لازم اسأله عن الجامعات اللي هناك 00 وعاش فيها فتره طويله 00 ابتسم بتحمس وهو يلوح له بريق أمل ضعيف في وجود ريهام 00 سكر السياره من فوق وشغل سيارته متجه للأستراحه حقت مشعل






ركضت لها روضه 00 وعرفت ان نوف تولد 00 بسرعه طلبت سيارة الأسعاف اللي وقفت عند البوابه 00 ومشعل وحمود طالعين من السوق 00 ووجهه مسود ومنلفع وحمود اللي ساكت ويناظره بين طرف عينه بين فتره والثانيه 00 ركبوا السياره وانصعق حمود يوم قال – خلنا نرجع للرياض
لف رأسه بقوه – مجنون انت ولا صاحي انت تحسب الرياض حذفة حصى وجيناها على فكره عشان أذكرك ترانا مواصلين لنا يومين أنا إنسان طاقتي خلصت خلنا نرقد هالحين وإذا صار العصر مشينا وحتى حرارة الشمس تخف
ألتزم السكوت مشعل 00 عشان خاطر حمود لان باين في وجهه تعبان بالحيل 00 ولا لو بيده ماجلس في أبو ظبي اللي خنقته دقيقه وحده
...
ركضوا المسعفين لنوف 00 ونوف تصيح وتصارخ 00 فوق جرحها لمشعل وألمها في اللي سوته له يجيها تعب أضعاف أضعاف 00 صرخت بألم وهي تبكي من مشعل وولده 00 وفي داخلها 00 ماراح ترحمني أبد يامشعل أبد حتى ولدك مارحمني يارب أطلب منك أنت الرحمه أرحمني يارب أرحمني
ركبت سيارة الأسعاف وروضه تبكي مع نوف لبكاها 00 وطارت فيهم سيارة الأسعاف اللي وقفت بالضبط جنب سيارة حمود ومشعل يوم وقفتهم الأشاره بحرفنه وسرعه قدرت سيارة الأسعاف تتعداهم
حمود – لاحول ولاقوة إلا بالله تتوقع حادث
مشعل وفي عالم ثاني وسرحان
حمود ناظر فيه – مشعل مشعل
مشعل أنتبه ولف رأسه لحمود – هاه
حمود – وين رحت
مشعل بحزن وهو سرحان في شي بعيد – بغيت أطلقها
حمود اللي أنذهل – تطلقها بغيت تطلق نوف !!
مشعل بزفره – ايه تصدق
حمود بغباء ومو مصدق – وهاه طلقتها
مشعل ألتفت له – تصدق انك غبي أقولك بغيت أطلقها وتقول طلقتها
حمود يزفر براحه – أشوى
وصلوا الفندق وناموا 00 ومن صارت الساعه أربع بتوقيت الأمارات أتوكلوا للرياض


بينما نوف اللي تصارع الألأم في غرفة الولاده 00 وروضه وأحمد جالسين بتوتر خايفين على نوف اللي صارلها فتره طويله وهي داخل 00 طلعت عليهم الدكتوره وهي تبتسم – مبروك صبي زي الئمر
أبتسم أحمد وروضه 00 وأحمد اللي انتبهه – وأمه أمه كيف الأم
الدكتوره – دي كمان بخير بس دلوئتي نايمه بسبب البنج
أحمد – الحمدالله لك يارب أبي اشوف الطفل
الدكتوره – هلاّ في الحضانه بيرضعوه بعد شويه حتشوفوه ماتخافوش دا ربي حارسه جميل أوي ربنا يخليه ليكو ( وراحت وخلتهم )
بعد ماراحت الدكتوره 00 قال أحمد بعصبيه – الجلب بغى يذبحها ويجني عليها جيف خليتنه يكلمها هاه ياروضه وانا محرصنج وايد ولدت قبل شهرها وبعمليه بعد
روضه بندم – صدقني ياأحمد جان غصب عنيه ولا هاي مينون وبغى ينني انا وهيه
أحمد – يصير خير خليها من تصحى براويج فيها هاي خلاص استوت ماتعرف مصلحتها
روضه بتردد – أحمد ا ا مو لازم نقوله عن ولده
أحمد اللي لف رأسه لها بسرعه 00 ناظر فيها فتره بعدين قال – صاجه مهما كان يستوي هالولد ولده بس ماأبيه يعتب المستشفى
روضه – بس مسكين يبي يشوف ولده
أحمد – إذا على ولده بجيفه بس نوف مابيشم حتى ريحتها
روضه اسكتت 00 وهي تشوفه يكتب رساله حق مشعل يخبره فيها بالمولود







رجع للقصر 00 وهو من فتره يبي يرد بس يمسك عمره 00 يخاف يرد مايلاقيها ويخاف يكون راحت عنه 00 ناظر في أنحاء القصر يدور عليها 00 شاف أمه جالسه حب رأسها – السلام عليكم يمه
بدريه تناظر فيه بنص عين 00 وهو شك في الأمر – وعليكم ( بزعل )
طلال – شفيها أم طلال شكلها مو راضية علي
بدريه بإنفجار – أنا بسألك انت كيف تقرب الغاز من النار وماتبي القصر يشتعل من زوجاتك هاه خبرني
طلال انصعق وتشككت ظنونه – يعني هلا راحت
ناظرت فيه بدريه بنص عين – نعم
طلال وقف وركض لجناحها هي وطلال وقف وركض لجناحها هي وإياه 00 فتح الباب وشافها جالسه تمشط شعرها 00 من شافها ابتسم 00 وركض لها وحضنها بقوه وقال وهو يهمس لها – أقسم بالله أحبك تفهمين ولا لا
فكته من حضنها وابتسمت في وجهه – اللي يحب ياطلال يتمنى الخير لحبيبه
طلال يهز رأسه مستمتع في صوتها الموسيقي لأذنه
كملت هلا – وأكيد يوم تتمنالي الخير انك اطلقني
رفع عينه بقوه لها – انتي صاحيه ولا مجنونه
هلا تكتفت – صدقني ياطلال هاذا الأنسب لي ولك انت تعرف أني عمري ماكنت أنانيه بس نوره هي الأحق بالبقاء عندك أم أولادك وبنت عمتك
عطته ظهرها ودمعتها نزلت – بس صدقني هالكلام قبل لأكتشف شي أنا ماأبي أخدعك ياطلال أنا أحبك ويشهد الله أني أتمناك وأبيك 00 وقبل لاطلقني بخبرك بشي واحد وعليه أنت بتقرر لاني بتركلك خيار طلاقي منك قبل كنت بخليك أطلق غصب بس كل هاذا قبل لاأعرف الصبح
طلال اللي منصدم ومبلم 00 وينتظرها اتكمل
هلا لفت رأسها له وشاف دمعتها – أنا حامل ياطلال





وصلت له الرساله وهم في المحطه 00 وباقيلهم تقريبآ على الرياض 300 كيلو
فتح الرساله أبرود 00 أكيد تهديد جديد من أحمد كالعاده يوم شاف أسم المرسل بس لما قرأها 00 انبلم وأنصدم وكل أحاسيس الدنيا وصلت له ( مابعدي اللي سويته في نوف بالساهل 00 الحمدالله وولدك ظهر وبنتخلص من أخر شي جمع نوف فيك
[ مبروك جالك ولد ] صرخ بقوه 00 وهالصرخه أفزعت حمود 00 وخلته يتمايل بالسياره 00 ويالله يالله لين قدر يسيطر عليها 00 نزل من السياره بعصبيه يوم وقفها وركض لين باب مشعل ونزله منها بقوه وهو يسحبه سحب – تدري لو منت مريض أقسم بالله أدفنك في مكانك
بينما مشعل ضمه بقوه وهو يبكي – حمود جالي ولد جالي ولد
حمود اللي فكه منه بغباء 00 وناظر فيه – احلف
مشعل ودموعه تنزل – والله العظيم والله العظيم
حمود ضمه بقوه – مبروك مبروك وأخيرا صرت أبو تستاهل هالفرحه يامشعل أقسم بالله تستاهلها
مشعل بفرح وضحك – ابي أشوفه دخيلك حمود ابي اشوفه
حمود – وين مشعل بعدنا كثير عن الأمارات قريب ونوصل الرياض 00 خلهم يرسلولك صورته
مشعل بوناسه – صح صح صادق
ركبوا السياره – ورسل مشعل لأحمد يطلب منه يصور الطفل ويرسل عليه صورته
وبسرعه دق على أمه وبشرها





بدريه بوناسه – قول والله متى ولد
مشعل – والله يمه مادري توه خالها مخبرني برساله
بدريه بوناسه – مشعل لازم نروح نشوفه لازم يمه خلاص هاذا ولدنا
مشعل – يمه انا كنت بالأمارات وتوني راد منها اصبري شوي وبنروح
بدريه – زين ابي أشوفه خلهم يدزون لنا صورته
مشعل بوناسه – إن شاءالله يمه أبشري مايصير خاطرك إلا طيب
سكرت منه وهي مستانسه بالحيل 00 أخيرا بتشوف خلف مشعل ولدها الغالي واللي دوم صغير في عينها معقوله كبر وصار له ولد
بشرت هل البيت كلهم 00 وانهالت الأتصالات على نوف اللي كان جوالها مغلق بأمر من خالها 00 بس على العموم توصلها الرسائل وهاذا أهم شي






من وصلت له الصوره 00 وهو بس يطالعها 00 ويشوف هو فيه من من أكثر شي منه أو من نوف اللي سلبت عقله 00 شاف ان عيون الطفل وخشمه عليه بس الفم واللحي على نوف 00 أنبسط وأستانس لما شاف الشبه اللي في الطفل أكثر لنوف منه آآآآآه عز الطلب 00 أحلى شي يشبه أمه 00 آآآآه بس لو كانت بنت وطبق الأصل من نوف
حمود بضحكه – بسك بسك عيونك لصقت في الشاشه من كثر ماتطالع
مشعل بوناسه وعينه مفارقت الجوال – خلني أتمعن في ولدي آآآآآه فديته حبيب أبوه وأمه
حمود يقاطعه – ههههههههههههه لازم تدخل أمه في السالفه
مشعل وعينه مازالت في الجوال - أمه كل البلاء في أمه
حس بألم 00 وطاح الجوال من يده 00 ومسك رأسه وهو يتعصر من الألم – آآآآآآه
آآآآآآآآآآه رأسي دخيلك حمود رأســـــــــــــــي







طلال بوناسه – صدق حامل
ضمها له بقوه – أحلى خبر سمعته آآآآآآه وأخيرا بيجمعني طفل فيك أنتي عارفه ياهلا مستحيل يفرقني عنك غير الموت أنتي لي لي وبس
سمعوا الضحك والوناسه والزغاريت في البيت 00 طلعوا من الجناح وشافوا الكل ملتم في الصاله
طلال – وش صاير
راشد بوناسه – اسكت أخوك البزر جاله بزر
ضحكوا بقوه وأتصافقوا باليدين
بدريه بعصبيه – تخسي أنت وإياه 00 تراه على فكره أطول منكم آآآه مساكين القهر باط كبودكم منه
راشد بضحكه – من ناحية طول فاأحلف أنه طول الباب ويمكن الباب بعد أقصر منه شوي انا ما أدري كيف عايش
ريم بمزحه – زوجي العزيز هل الطول مقطعك مثلأ
كلهم ضحكوا 00 وراشد تفشل – آها عن الفضايح ريم هانم ليجيك سطار حار لازم الفضايح عاد عند المعجبات
ريم بوناسه – انا مستانسه عشان المعجبات يعرفونك على حقيقتك
طلال بوناسه – ايه ومتى جاء الولد
على هالكلمه طلعت نوره 00 وانقهرت يوم عرفت ان نوف ولدت بولد
بدريه – اليوم العصر
دنيا – والله ماأني مصدقه ابي اشوف بيبي نوف وميشو
راشد طالعها بنص عين وسكتت
بدريه – باقي سالم ماعرف بروح أبشره
دنيا طبت في وجهه أمها – لايمه دخيلك ابي ابشره انا
وركضت له تبشره 00 اللي من عرف ماسعته الدنيا من الوناسه 00 وش أحلى أن خلفه وخلف أخوه صالح يكون منهم حفيد 00 سجد لله يشكره 00 وتأثرت دنيا بالحيل ودمعتها نزلت
سالم بفرح – دقيلي عليها يابوك
دنيا – والله طول الوقت نحاول يبه بس مقفل جوالها
سالم – أجل دقيلي على أخوك
بلعت ريقها 00 ومسكت السماعه وضغطت أتصال على مشعل اللي توه يوصل الأستراحه هو وحمود
مشعل بضحك – هلا ومرحبا
دنيا اللي لازم تكلمه على الأقل قدام ابوها أطمنه على علاقتها مع مشعل – السلام عليكم
مشعل بوناسه واللي أستغربت منه دنيا – وعليكم السلام هلا دنيا
( مشعل اللي قطعه الألم مع حمود 00 عطاه حمود المهدئ 00 وزاعق على مشعل ليش انه ما أخذها في وقته 00 وهدئ عليه الألم )
دنيا – مبروك مجاك
مشعل – الله يبارك فيك وعقبالك
دنيا اللي استحت وسكتت – ابوي يبي يكلمك ويباركلك
وعطت أبوها السماعه 00 وأنسحبت وهي متفأجاه أن مشعل تغير عليها 00 أكيد بس عشانه مبسوط بكره من يتعود على الطفل هه بيرد مايكلمني ولا يحط عينه بعيني )






في السياره 00 راد للقصر 00 حس بألم يجتاحه 00 والطريق فجأه بدأ يدور فيه وشاف السياره بدأت تلف يمين ويسار وهو مو قادر يسيطر عليها 00 لين وأخيرا قبعت في العمود مخلفه دماء وضجه

( الفصل الاربعين )



في السياره 00 راد للقصر 00 حس بألم يجتاحه 00 والطريق فجأه بدأ يدور فيه وشاف السياره بدأت تلف يمين ويسار وهو مو قادر يسيطر عليها 00 لين وأخيرا قبعت في العمود مخلفه دماء وضجه
ألتم عليه الجميع 00 والرعب مسيطر عليهم 00 من يكون هالشخص اللي صار غايب عن الوعي 00 ودمه ينزف من خشمه وفمه 00 ومتسند على المقود بشكل مؤلم جدآ 00 وفزع واحد فيهم بسرعه يحاول يفتح السياره قبل ماتنفجر 00 لانها بدأت تطلع دخان كثيف 00 واللي حوله كل حد يدق على الأسعاف من عنده 00 لان المنظر مروع جدآ
وصلت الأسعاف بأقصى سرعه 00 وفتحوا السياره بصعوبه 00 وبالصعوبه طلعوا رجله اللي كانت عالقه 00 وأحتمال كبير يكون فيها كسر 00 بسرعه ركبوه سيارة الأسعاف 00 والمسعفين طلعوا البطاقه الشخصيه وشافوا اسمه الرباعي 00 وأول ماوصلوا المستشفى كلموا أهله






من عرفت بالخبر 00 طاحت السماعه من يدها 00 وركضت تبلغ أبوها اللي كان نايم 00 بسرعه لبس ملابسه وركض طاير تحت صراخهم المؤلم
ركض للمستشفى 00 وقالوله في غرفة العمليات 00 وبسرعه اتصل على عبدالعزيز بما أن عنده واسطات 00 وأبوه مسؤول في الدوله 00 من سكر منه ركض طاير للمستشفى 00 بدون ماتحس عبير اللي كانت نايمه 00 تسلل خارج وهو يركض للسياره 00 وبأقصى سرعه شخط بالموتر






دخل للأستراحه 00 وشاف مشعل قدامه 00 سلم عليه وجلس معهم ويا الشباب وعين مشعل ماتفارق الجوال
حمود – يارجال أرحم عينك
مشعل بحزن وتعب – أنا بدخل انام
سعيد – تو الناس يارجال
مشعل – تعبان
عبدالله – مشعل ابيك في كلمة رأس
حمود وسعيد ونواف أستأذنوا ورحوا يشوفون التلفزيون
بينما عيون مشعل تناظر عبدالله اللي خايف انه يفتح سالفة طلاقه بساره أخته
عبدالله يناظر في مشعل – مشعل وش أحسن جامعه في ألمانيا
مشعل بإستغراب من سؤاله – ليش
عبدالله اللي بلع ريقه – يمكن اروح أدرس هناك
مشعل ببرود – كثير عد وأغلط أغلبية جامعات ألمانيا زينه ومش صعبه كثير مثل بريطانيا
بينما الأتصال اللي قطع عليهم 00 جوال مشعل
شاف المتصل ( الغاليه – يتصل بك )
رفع الخط – هلا يمه
بدريه – هلا يمه مشعل وينك
مشعل – في الأستراحه يمه تبين شي
بدريه – ايه ابيك في موضوع ,, وبعدين ليش تارك القصر وتنام في الأستراحه
مشعل اللي ناظر عبدالله 00 ومحترم شعوره 00 بما أنه أخو ساره 00 مايبي يقول ماأبي أدخل البيت عقب نوف طلعت منه 00 وما بدخله إلا انا وياها
سوى - مختنق من البيت يمه هنا مرتاح انام هنا انا وحمود
بدريه – زين من يصبح الصبح تعال ابيك في موضوع
مشعل – إن شاءالله يمه






وصل للمستشفى 00 وركض بسرعه للدور المطلوب 00 ولقى هناك أبو محمد منهار 00 وقف عنده ومسك كتفه – بشرني عنه ياعمي
ابو محمد بحزن وعيونه محمره – والله ياولدي توه الدكتور طلع من عنده يقول فيه كسر في رقبته وفي رجله وعنده بعض الفقرات يتوقعون ان فيها كسر هاذا إذا مكان بعد في الحوض وحاليا مايقدرون يسوون له شي لين ينجبر كسر رقبته وظهره ويقولون يحتاج بعد عمليه
عبدالعزيز – لاحول ولاقوة إلا بالله ياعمي لازم نسفره أمريكا هناك الطب أحسن من هنا
أبو محمد – تهقى ياولدي
عبدالعزيز – ايوه وأنا بكلم واحد من الدكاتره هناك أعرفه هو فلسطيني وبإذن الله بنستشيره وبكلمه عن محمد
أبو محمد – ياولدي مو هنا أحسن له
عبدالعزيز – بس هناك بإذن الله أضمن
أبو محمد – مادري ياولدي بنسأل الدكتور ونشوف
عبدالعزيز – إن شاءالله خلنا نروح له
أبو محمد – يالله







في الأمارات \ تحديدآ بو ظبي
صحت من النوم 00 وشافت ولدها جنبها 00 التفتت يمين ويسار 00 لقت روضه نايمه عندها 00 وجلست وشالت ولدها بحضنها 00 ناظرت فيه بوناسه 00 وهي تبتسم 00 فيه شبه من مشعل وهاذا اللي مونسها 00 بس لما طرى عليها مشعل حزنت على حالها وحال ولدها 00 بيحرم من شوفة أبوه 00 أكيد خالها مابيخليه يشوفه أكيد 00 سألت دمعتها على خدها 00 مشتاقه له كثير
آآآه يامشعل وينك 00 مشتاقه لك 00 ليش كل هالشوق عقب اللي سويته فيني
ضمت ولدها بقوه 00 وهي تشم ريحة مشعل بولدها






عبدالله طلع بوناسه عقب مقال مشعل أسم وحده من الجامعات 00 تذكر أن ريهام قد خبرته عن هالجامعه 00 يوم يسولفون عن أفضل جامعات العالم 00 وأكيد بلاقيها هناك فيها 00 أكيد 00 خلاص ماباقي غير أجهز شنطتي وأنحاش عن هالعالم وهالناس وقصرنا الكئيب 00 بس أوعدك يالرياض ماأرد وغير ريهام في يدي 00 مابضيعها عقب ماضيعتها أبد







في الصباح \ الأستراحه
تقلب حمود في سريره 00وهو شبه صاحي 00 فاتح عين ومسكر الثانيه 00 وشاف السرير الثاني فاضي 00 جلس على حيله ناظر في الساعه تشير إلى 7,30 تثاوب بنعاس 00 ومشى للحمام اتحمم ولبس ملابسه 00 وطلع لمشعل اللي جالس ويناظر في الجوال 00 لما قرب حمود منه 00 حس ان مشعل مسح دمعته 00 سكت حمود فتره بعدين قال – ليش مانمت أرحم نفسك يامشعل
مشعل رفع عينه للسماء – انا تعبان حمود
حمود خاف – فيك شي مشعل حاس بشي
مشعل حط عينه بحمود – التعب مو في الجسد التعب في القلب وأنا أخوك
حمود تنهد – خذيت علاجك ( يبي يغير السالفه 00 مايبي مشعل يفكر كثير )
مشعل بتصريفه – ايه ايه خذيته ( ووقف )
حمود – وين رايح ليش قمت
مشعل وهو معطيه ظهره – بروح لأمي تبيني مادري وش عندها
حمود – بتتغداء هناك
مشعل دخل للغرفه – لا برجع أنخنق هناك أول ماتخلص أمي سالفتها برد وبنتواعد في مطعم فنان أعرفه عازمك فيه
حمود اللي قام يشغل التلفزيون – اللي تشوفه
لبس مشعل وخلص 00 ووجهه شاحب ومن تحت عيونه سواد 00 عسى الله أمه ماتحس بشي أبد






من صحت عبير وهي متوتره 00 تدق على عبدالعزيز ولا يرد عليها 00 حاسه بخوف هي من صحت متوتره 00 أكيد صاير شي 00 أعرف قلبي مايخوني أكيد صاير شي 00 وأحساسها صار صحيح لما دق عليها عبدالعزيز وخبرها تتجهز بيطلع فيها عند أهلها 00 أنقبض قلبها وحست بشي يخوف 00
يمكن بيطلقني 00 ولا فيها شي 00 مو معقوله أمس يشاورني واليوم يطلقني 00 ياربي أستر ياكريم






دلال اللي تبكي 00 ساره مو راضيه تفتح الباب لها أبد 00 دقت على عبدالعزيز مارد عليها 00 ودقت على خالد ةخبرته اللي جاء بسرعه هو ومنال
خالد ومنال وخلود ودلال اللي يسمعون صوت بكأ 00 بعدين ضحك 00 طق الباب بقوه بس لاحياة لمن تنادي 00 يحسون أنها تكلم حد من هو الله العالم 00 كسر خالد الباب ودخلوا 00 عشان ينصدمون ودموعهم تنزل 00 ابتداء بدلال 00 وإنتهاء بمنال اللي نزلت دموعها

ركبت السياره جنبه – فيه شي صاير شي
بينما وجهه عبدالعزيز مقطب وجامد مايتكلم 00 ندمت مادقت على أمها تسأل صاير شي 00 بس هي خايفه عبدالعزيز يطلقها 00 ثم تنفضح عند أمها
وصلوا البيت حق أهلها 00 ولأول مره ينزل هو معها 00
وقفته بيدها وهي ترجف – قولي عبدالعزيز أستحلفك بالله أبوي أمي حد صاير فيه شي
عبدالعزيز اللي كان منزل عيونه رفع عينه لها – أدخلي وبتعرفين كل شي
عبير – ليه أنت بتدخل
عبدالعزيز – ايه عمتي تنتظرنا أنا مكلمها
دخلوا وهي قلبها مقبوض 00 دخلوا داخل لصالة الضيوف 00 اللي كانت جالسه فيها أم محمد وتبكي 00 ومي واقفه عند الدرج تشوفهم وهم مايشوفونها
عبير من شافت دموع أمها أغمى عليها







في السياره وهو رايح للقصر 00 دق جواله مره وهو مو فاضي له 00 دق ثاني مره ناظره بملل 00 بس تفأجا من شاف الأسم 00 وضرب فرامل بقوه 00 وحمد ربه أنه في حاره مو في طريق عام 00 وقف على جنب ورفع السماعه بلهفه وشوق – وآخيرا نوف
نوف – نعم
مشعل – وأخيرا حنيتي علي
نوف بصوت عصبي شوي – ومن قال أصلا ,, أسمع أبيك ترسل علي مصروف على بطاقتي والله مو ناقص غير أصرف على ولدك
أبتسم بحب لهالأنسانه اللي شلعت قلبه – مبروك عليك البيبي وصراحه انتي بخيله ماتبين تباركيلي يعني
نوف بسرعه – لا طبعا
مشعل تفهم غضبها – أوكيه ماطلبتي كم نوف عندي
نوف بغضب – ماتهمني
مشعل ضحك بقوه – صدق والله
نوف سكتت 00 وهي تسرح في ضحكته 00 اللي أشتاقت لها
قطع سرحانها – هاه وش قلتي
هي بانتباه – هاه
مشعل – أقول شرأيك نسميه سالم على أسم الوالد
نوف بعصبيه لانها فكرت فيه – بكيفك ولدك ومايخصني فيك وفيه ( وقفلت على وجهه ) 00 أستغرب عصبيتها 00 دق على الرقم اللي دقت منه 00 بس مقفل صرخ بقهر – طيب يانوف طيب
بينما هي من سكت منه 00 جلست تبكي 00 اتوقعت شوقها مو بهالصوره 00 خانها أحساسها 00 توقعت تسيطر على نفسها 00 بس هي لو ماسكت في وجهه كان طلبت يجيها 00 ماتقدر تعيش بدونه 00 يابختك ياساره ياحظك فيه ياحظك وخبت رأسها بين رجولها اللي كانت متسنده فيهم 00 وبكت بقوه







ركضت لهم وهي تضحك بقوه ومستانسه 00 وهي تمد لهم اللي كانت حاملته ولافه عليه – يمه خالد شوفوا هاذا ولدي من مشعل شوفوا شوفوا ( وجلست تضحك بقوه ) 00 وبعدين قامت تهزه وهي تقول – لاتبكي حبيبي خلاص خلاص لاتخاف
كلهم منصعقين 00 خلاص أنجنت 00 معقوله 00 قرب منها خالد – ساره
ساره بصوت منخفض - اششششش يبي ينام
هزته شوي وهم يناظرون فيها 00 حطته على سريره المبهدل 00 وقربت منهم
وهي تبتسم بحزن – مو بس نوف تجيب لمشعل طفل حتى أنا أصلا هي انقلعت الكلبه طلقها طلقها لان الولد مو ولدها اصلا هي مو حامل هي بس تلعب على مشعل
دلال بكت بقوه 00وخلود ماتحملت المنظر 00 وركضت لجناحها 00 ونظرات ساره فيها قطبت حواجبها – ليش تبكي أمي
خالد – ساره خلاص أصحي لاتلعبين علينا وتهبلين بعمرك 00 أوعدك أخلي مشعل يرجعك لاتخافين وأنا أخوك
ساره وهي تركض لطفلها وهي تضحك – أصلا هو بيرد يبي يشوف ولده وتناظر في العروسه اللي لافه عليها 00 مشعل مايقدر يتخلى عني وعن ولده أبد
خالد هز رأسه بأسى 00 وطلع 00 بينما منال قربت من دلال وضمتها وبكت معها وتحاول تهديها ودلال اتمتم – بنتي انجنت انجنت والله مابسامحك يامشعل لو تموت مابسامحك وبترد وبتحب الأرض اللي توطى عليها ساره
بينما ساره اللي صارت تبكي 00 من شافت أمها تبكي 00 تحسب أنها تتألم من شي 00 مادرت أن أقوى ألم للوالد أنه يشوف ضناه صاير فيه شي






دخل القصر 00 وشاف أمه حزينه وريم جنبها 00 وحاطين يدينهم على خدودهم وهلا اللي جابت مويه لأمه ومدته لها – اتفضلي خالتي
مشعل بإستغراب – فيكم شي وش صاير
بدريه – تعال أجلس يمه بقولك شي
مشعل جلس جنبها – لبيه يمه
بدريه – محمد زوج أختك صار عليه حادث
وقف بلا شعور – ايشششش
بدريه – اجلس يمه مابحالي والله تعبانه اليوم كله
مشعل جلس – متى صار هالكلام
بدريه – البارح أخر الليل تقريبا
مشعل – كان عندنا بعدين قال بروح انام تعبان
بدريه بحزن – هاذا قضاء الله وقدره
مشعل – طيب وشلونه هو صار له شي
بدريه – أم محمد مالها نص ساعه من سكرت مني وهي تبكي تقول في كسر في رقبته وفي ظهره وفي رجله ويمكن يحتاج لعمليه لتثبيت فقرات الظهر
مشعل بحزن – لاحول ولا قوة إلا بالله ,, دنيا عرفت
بدريه – لا ماخبرتها نايمه لين هالحين







تشم ريحة عطر 00 فتحت عيونها ببطئ 00 وشافت أمها وعبدالعزيز 00 ومي تبكي وراهم
عبدالعزيز زفر بخوف – وش فيك
عبير جلست وناظرت في أمها اللي عيونها محمره وبكت – يمه وش صاير
أم محمد – يايمه ياحبيبتي أخوك سوى حادث بسيط بس
عبير صرخت بقوه – ايشششششششش
عبدالعزيز ضمها بقوه – أهدي حبيبتي خلاص اششششش صدقيني هو بخير
رفعت رأسها – احلف
عبدالعزيز – والله العظيم حالته مستقره وهو إن شاءالله بيصير بخير
أم محمد اللي قامت تشاهق 00 ناظر فيها عبدالعزيز – عمتي ماصدقنا عبير تسكت تبكين أنتي
مي ركضت لفوق وهي تكتم شهقتها 00 بينما أم محمد كفكت دموعها – يايمه ياعبدالعزيز ودنا له نشوفه عمك مارد عشان ياخذني
عبدالعزيز أشر على خشمه – على هالخشم ماطلبتوا جهزوا نفسكم







روضه جلست جنبها – بس أرحمي عمرج لو بيرد خالج ويشوفج جيه ذبحني أنا وإياج
نوف كفكت دموعها – شكرن روضه
روضه برحمه لها – مابيني وبينج شكر 00 نحن شرات الخوات ( غيرت السالفه ) هاه شقالج شو بتسمونه البيبي
نوف وهي تمسح خشمها بالمنديل – يقول يبي يسميه سالم انزين انا ابي أسميه صالح مابي سالم
ضحكت روضه بقوه – هيه هيه ابتداء العناد عاد
نوف – ايه بسمي ولدي صالح على اسم أبوي فديته وبراويج فيه
ضحكت روضه – هيه الظاهر انه لسانج تعود ع الرمسه الأماراتيه
ضحكت نوف – اظاهر جيه





بدريه ومشعل في المكتب
بدريه – بس الظاهر يايمه مانقدر نروح لنوف وزوج أختك حالته كذا ,, اتصلت فيك ابي افهم سالفتك أنت ونوف ونبي نحجز على الأمارات بس طلع لنا هالخبر اللي صدمنا
مشعل وهو يحس بخنقه – الشكوى لله ( ووقف ) بروح له يمه هو بإي مستشفى
بدريه – بالمملكه ,, بس يمه بروح معك وبنخبر دنيا بعد مايصير هاذا زوجها
مشعل – يمه روحوا مع السايق انا بطلع ويا حمود
بدريه – زين اللي تشوفه
طلع وخلاها 00 وبيينه وبين نفسه زفر 00 كانت بتفتح عليه أبواب مسكره وتعرف أمه شصار وتلومه على زعله لنوف







عند المستشفى ألتقى حمود ومشعل 00 جلسوا شوي بعدين أنبسطوا أن محمد صحى ودخلت له أمه وخواته وأبوه 00 وجلسوا في الأنتظار
محمد بتعب – الحمدالله يمه بخير لاتخافين علي
أم محمد تبكي – بغيت تروح مني ياضناي
ابو محمد يمش دمعته بشماغه – الحمدالله يابوي أنك قمت بالسلامه
محمد اللي مجبره رقبته ورجله ولايقدر يحرك رأسه – أي سلامه يبه واللي في رقبتي خانقني
عبير ومي بكوا أكثر 00 ناظر فيهم بعيونه بدون مايلف رقبته – أها أم دميعات هنا
عبير – دخيلك يامحمد ليش مانتبهت للسياره
محمد بحزن – مقدر ومكتوب وأنا أخوك
أبو محمد – يامحمد يابوي الظاهر أنا بنسافر لأمريكا تسوي هناك العمليه
محمد بخوف – أي عمليه
أبو محمد بحزم وواقعيه – يامحمد أنت عندك بعض الفقرات في ظهرك تحتاج تعديل ومتوقعين ان فيك كسر لازم ينجبر وهي عمليه بسيطه
محمد سكت وهو متحامل على نفسه عشان أمه وأبوه – الله يقدم اللي فيه الخير
كلهم طلعوا 00 ودخل له حمود ومشعل وعبدالعزيز وخالد وعبدالله وسعيد ونواف اللي سلموا عليه وأطمنوا عليه أنه بخير 00 جلسوا عنده فتره بعدين كل حد سلك دربه 00وجلس عنده عبدالعزيز اللي أصر على ابو محمد يروح يرتاح ويأخذ الحريم معه






من عرفت بالخبر وهي بس تبكي وهي في السياره مع أمها 00 مابغت تشوفه بحالته الصعبه أكيد بتبكي عنده 00 أكيد بتقلقه وبتزعجه 00 بس أصرار أمها كان قوي تشوفه وتجلس عنده 00 لما وصلوا عنده سلمت عليه بدريه وطلبت تتكلم مع عبدالعزيز برى 00 عشان ياخذون راحتهم 00 ماتدري أن الجو بينهم متوتر وشوي وينفجر 00 رفع عينه لها 00 وشافها واقفه في مكانها 00 ناظر فيها بغضب أكيد تتشمت فيه 00 بينما نظراتها نظرات حد مكسور وواقع عليه مصيبه

( الفصل الواحد والأربعين )




رفع عينه لها 00 وشافها واقفه في مكانها 00 ناظر فيها بغضب أكيد تتشمت فيه 00 بينما نظراتها نظرات حد مكسور وواقع عليه مصيبه – انتي وش جايبك
ماستغربت 00 بلعكس كانت متوقعه يقول اللي يقوله - الحمدالله على السلامه
لف عينه عنها وسكت 00 قربت منه وجلست قريب منه 00 وهي تبتسم – الحمدالله ياربي تصدق كنت مابقدر أجتمع فيك يوم
ناظر فيها بسرعه وبصدمه من كلمتها – هاذا اللي تبينه من الله تبين أموت صح ولالا
وقفت بذهول من كلمته 00 وناظرت الأرض – معاذ الله يامحمد
محمد بعصبيه – ليش جايه تبين تتشمتين
مشت لين وصلت الدريشه 00 وعطته ظهرها – للأسف يامحمد أنت لين هالحين كارهني وحاس أني مفروضه عليك فرض 00 صدقني مافيه فرصه أحلى من هالفرصه تطلق وحده خاينه وكلمت رجل غريب عنها قبل تتزوج
غمض عيونه بقهر وألم من كلمتها
كملت وهي تدمع وتحاول تخفي البحه في صوتها - هي كلمه بقولها لك 00 صدقت كان بها 00 ماصدقت عمرك ماتصدق 00 والله وأقسم باللي رفع السماء والأرض بلا عمد 00 عمري ماعرفت رجل غيرك 00 ولاكلمت إنسان قبلك ( ولفت وجهها له ) ولا حبيت إنسان غيرك 00 بكيفك يامحمد أتهمني باللي تبيه 00 في الحب الكرامه ماتندس إلا مره بس 000 علمتك بحقيقتي والله والله عقب هاذي ماتشوف رقعة وجهي 00 وبساعدك تطلقني 00 بعلم كل هلي وخواني واللي يصير يصير 00 أنا أعفيك من هالزواج والله يعوض عليك باللي أحسن عن دنيا بمليون مره .. وركضت برى وهي تشهق عقب ماغطت وجهها 00 شافتها بدريه وقربت منها – وش فيك
هي – هاه لا بس تأثرت منه مسكين يالله يمه مشينا
بدريه – زين خليني أودعه
دنيا – مايحتاج يمه دخيلك خلينا نمشي






ماسك رأسه بيدينه وشاد عليها بقوه 00 ويحرك رأسه بتعب 00 وحمود جالس جنبه وتعبان من حالته – مشعل دخيلك خلنا نسافر نسوي العمليه
مشعل اللي ساكت ويضغط على رأسه بألم 00 والألم مايخليه يسمع حمود وش يقول
مشعل بصراخ – آآآآآآآآآآي الله يبلاء هالحبوب اللي ماتسوي شي
حمود – كله منك ناسيهم توك أكلهم وتبي الوجع يخف على طول
مشعل بعصبيه وهو يحذف الحبوب اللي جنبه – خسها الله آآآآآآخ ياحمود آآآآآآخ ألم ألم بيفجر رأسي ألم
حمود بحزن وجلس جنب مشعل – دخيلك مشعل خلنا نسافر نسوي العمليه ونرد
مشعل – حمود اسكت عني وقت نصايحك ( وماسك رأسه )






بعد مرور شهر كامل
من بعد مقالت دنيا اللي قالته لمحمد 00 مازارته أبد 00 أقنعوها كم مره تروح له وهي رافضه 00 وأجلت التجهيزات 00 وهي تفكر كيف تحل نفسها منه 00 إنسان كارهها ولا يبيها 00 صعب تعيش معه
...
مشعل الألم كل ماله ويزود عليه .. وبدال مايؤلمه رأسه كل يومين مره صار يؤلمه ثلاث مرات باليوم
وحمود معاد تحمل 00 خايف عليه 00 ودق على راشد يخبره بالسالفه – راشد ابيك بسالفه كيف أقدر أشوفك
راشد – أجيكم بالأستراحه
حمود بخوف – لالا برى الأستراحه مابي مشعل يعرف
راشد بإستفهام – ليه وش فيه ؟؟
حمود – لما أشوفك أخبرك
راشد – زين بنتقابل في المقهى
حمود – أوكيه






جلست جنبه وهي تبتسم 00 وهو يطقطق في جواله 00 مسكت الجوال بيدها ولفت بيدها الثانيه رأسه ناحيتها – أرحم عمرك
أبتسم لها بحب ومسك يدها وباسها – شلونك هالحين
عبير بحب – تمآم هالحين مرتاحه لان حالة محمد متحسنه والأسبوع الجاي بيسافر يسوي العمليه
عبدالعزيز همس في أذنها – وأخيرآ مابغيتي 00 أشتقتلك كثير
ردت رأسها بحياء منه وأبتسمت
عبدالعزيز مسك يدها بحب 00 وقادها معاه لين الجناح حقهم






منال بحزن – خالد والله راحمتها مسكينه
خالد بتعب – وش نسوي لها منال أمي رافضه تروح للمستشفى تتعالج وساره شوفة عينك كل مالها وتسوء حالتها والله لو أعرف أن شفاءها بعد الله سبحانه في مشعل لأترجاه يرد لها بس خلاص هاذي ضاعت أبراجها وهي هاللفه اللي تداري عليها
منال مسحت على كتفه – بس الرجال طلق ياخالد لو يبيها ماتركها بتغصبونه
خالد لف رأسه وناظرها بتعب – عارف والله عارف يامنال مشعل مو طايقها هاذي أختي وخبز يدي عارف طبايعها الكريهه بس إذا مشعل عنده رحمه بيرحمها
منال – ومشعل يعرف بمرضها
خالد – ايه عرف ويقول الله يشافيها ياخالد أختك تعبتني كثير وظلمت نوف وهاذي جزاة ظلمها
منال – وهو ماكذب هاذي اتهمت نوف في شرفها وربي جازاها
خالد وقف بعصبيه – ليش كلكم تقولون هالحكي عارف انها غلطت بس موتتمنين أنتي وهالمشعل هالمرض إلها انتم تتشمتون فيها راعوا ان هاذي أختي ياناس
منال استغربت عصبيته – انت ليش عصبت لما يقول الواحد الحق ينزعل منه
خالد بعصبيه – مو عشان هاذيك صديقتك تتمنين لها الخير وتكرهينه لأختي
منال قربت منه بقهر – حسافه والله حسافه ( وراحت وخلته )






مشعل اللي تحت عيونه سواد 00 ووجهه فيه شحوب وأصفرار 00 وبنيته الجسميه وعضلاته أختفت 00 المرض هده هد 00 أنسدح بتعب 00 بعد ماخلصت منه موجة العاصفه اللي أجتاحت رأسه 00 تذكر أخر مكالمه كلمته فيها
هو بوناسه من مكالمتها – انتي تختفين ثم تردين فجأه
نوف بصوت هادئ – وش صار على الأوراق
مشعل بتساؤل – أي أوراق !!
نوف – أوراق الطفل 00 ايه صح نسيت ترى غيرت رأيي ابي أسم ولدي صالح على أسم أبوي
ابتسم مشعل وهو يتذكر لما قال لها – انتي تبين بس تعانديني والسلام
نوف بعناد – وأنت شنو شو يخصك ترى هالولد أنا اللي تعبت فيه وشلته في بطني تسعه شهور
مشعل – بس انتي قلتي في المكالمه اللي راحت ( انا مالي خص في ولدك )
نوف بنفس العناد – والله غيرت رأيي وهالولد أنا تعبانه عليه أكثر منك
مشعل اللي حس بألم في رأسه أجتاحه قال بتعب – زين نوف تبين شي ثاني
نوف اللي فكرت أنه يصرفها أنقهرت منه – لا شكرن
وسكرت منه وهي معصبه
تذكر أنه عصب فيها 00 أبتسم لما تذكر أنه طلب منها شهادة ميلاد الطفل ودزته له على الفاكس 00 تذكر أنه بواسطه عشان يضيفه 00 لانهم لازم يطلبون شهادة الميلاد الأصليه 00 طلع بطاقة العايله الموجوده عنده 00 وناظر فيها بحب اسم نوف وولده اللي سماه صالح يتربع فيها 00 يآآآآآآآه شكثر يحبهم





راشد اللي وقف بصدمه – وش تقول أنت متأكد حمود
حمود بحزن – أيه راشد وصار له أكثر من شهر تعبت منه وعدته ماأخبر حد بس خلاص صحته عندي أهم لازم يسافر راشد لازم
راشد جلس بحزن ودمعته على خده – آآآآآه الحمدالله على كل حال تغربل مشعل أخوي في حياته كثير أنا عارف مشعل هو خايف يسوي العمليه ويموت وينحرم من ولده خلاص ولده وشافه ودرى ان جاله ولد وش ينتظر
حمود – أنا بعد خابر ياراشد أنه خايف انا ما أنسى يوم جاه الورم اللي تتذكر نحسبه خبيث واللي حزن كثير وكان خايف كثير صدق العيون ماترحم حسبه الله ونعم الوكيل راشد ماتعرفون مين بالضبط اللي عطته عين
راشد بحزن – ماقصرنا ياحمود لما صار له اللي صار تحسب مافكرنا إلا وأمي عزمت كل اللي شافو مشعل في ذيك الليله وخذت غسالهم إلا ثنتين صعب نلاقيهم وحده بنت عمة خالة وحده من الحريم يقولون في الجنوب والثانيه في بلجيكا يشتغل زوجها هناك في السفاره كيف بنحصلهم
حمود بحزن – لاحول ولاقوة إلا بالله راشد عمتي لازم تعرف
راشد – اصبر شوي بغصبه مابي أمي تعرف وتستهم عليه
حمود – اللي تشوفه اللهم أني أبريت ذمتي من هالأنسان الصعب
راشد وقف ووقف معه حمود – أمش خلنا نروح له
حمود – الله يعيني عليه بيسب ويشعن فوق رأسي
راشد – ماعليك منه لق بإذنك لريح وخله يستريح
حمود اللي أبتسم – مافيه إلا كذا



دنيا بعصبيه وقهر – هاذا من صدقه ومن علمك
هلا تجلس جنبها – أمك كلمتها أم محمد وهي مستحيه تقول محمد غاصبهم بهالسالفه
دنيا بعصبيه – مو على كيفه هالأنسان معقد كثير
هلا مسكت يدها – دنيا صحيح معرفتنا في بعض ولا بد بس أعتبريني أختك مثل ماأنا معتبرتك أختي ترى ماعندي خوات وهم أنتي مثلي بينك وبين محمد شي
دنيا أرتبكت ووقفت – هاه لا بس هالأنسان متعب هلا متعب كثير ( ولفت لها ) تخيلي يوم زرته شقال ( وتقلد صوته بقهر ) أنتي جايه تتشمتين 00 وهه وهالحين الأخ صدق يبيني أسافر معه صدق أستخف
هلا بحب – دنيا حبيبتي كذا الحياه الزوجيه ملحها المشاكل أكيد أنه حس بخطاه ويبيك تسافرين معه
دنيا بذهول – هلا انتي بعقلك هاذا مريض كيف تبغيني أسافر معه ولا سوينا عرس ولا حد يعرف هالمره وهالدور أسافر معه
هلا بقتناع – بس لاتنسين لو مصار له اللي صار كان يمديكم في شهر العسل
دنيا – هاذا انتي قلتيها شهر عسل مو رحلة علاج
هلا – ايه بس خلاص مسكين الرجال معاد يقدر يصبر يادنيا الريجيل لهم متطلبات ماتعرفها الحرمه 00 على فكره يوم بتسافرين معه هناك أمور مايقدر حد يسويها له غيرك
حمر وجهه دنيا وجلست – اوهوه هلا وقتك عاد
هلا ابتسمت على إحراجها – يالله عاد خالتي طلبت مني أكلمك تقول لو بكلمها أنا بتقب في وجهي وريم شالت يدها وعمي مسكين مايبي يغصبك على شي يالله عاد حطوني في وجهه المدفع لاتخليهم يضحكون علي 00 تصدقين عاد طلال قالي أتحداك تقنعينها
دنيا بقهر – صبر صبر اثاري الجميع مخطط علي أستخفيتوا انتم وهو أستخف أكثر عنكم
هلا بضحكه – يالله عاد ثاري رجلك مو هين مخطط عقب العلاج يأخذك رحله في ربوع أوربا وناسه صراحه
دنيا رفعت حاجب وهي شبه مبتسمه – مليقه انقلعي هناك
هلا بوناسه – اعرف ان ورى هالأبتسامه موافقه
دنيا خذت المخده وحذفتها عليها 00 ضحكت هلا وهي تصدها – يامجنونه بطني تراني حامل 00 وفي هالكلمه دخلت عليهم نوره 00 وأنفجعت بكلمة حامل 00 مطت عيونها بغيض 00 وهي تناظر في هلا ودنيا بنظرات ناريه 00 بعدين راحت وخلتهم وسط ضحكات هلا ودنيا من حركاتها







جلس جنبه ومسك كتفه – وليش عاد مخبرتني
مشعل اللي يناظر في حمود بقهر - افففف
حمود بقهر – بس عاد لاتطالعني كذا لازم تسوي العمليه يامشعل
مشعل بعصبيه – ماتتعلم بسر خساره ياحمود خساره
حمود أنجرح من كلمته وطلع وخلاه
راشد بعصبيه – زين اللي سويته وش ذنبه عشان خايف على صحتك
مشعل ساكت ولا ينطق حرف
راشد هدئ نفسه – قولي ليش ماتبي تسوي العمليه
مشعل ناظر فيه 00 بعدين ناظر قدام
راشد – مشعل أنت خايف من العمليه صح
مشعل ومركز بنظراته على قدام وحركاته جامده
راشد – ولدك وشفته وش تنتظر
مشعل وقف بتعب – انت تبيني أموت
راشد – عوذ بالله من جاب طاري الموت هاذا وأنت إنسان فاهم ولفيت العالم كله ودرست بالخارج تقول هالكلام وش خليت للجاهل
مشعل – انا مابي ولدي يتيتم
راشد – وانا بعد عشان كذا لازم تسوي العمليه اللي قاعد تسويه خطر على حياتك مشعل أفهم
مشعل لف وجهه لراشد وقال بحزن – ونوف تروح مني
راشد بقهر من حركاته – كيف تروح منك وأنت بتتشافى بإذن الله سبحانه وتعالى
مشعل – بس قلبي مو مطمن راشد خلني أعيش الباقيلي وولدي في حضني
راشد أنصعق من كلمته – انت شفيك مشعل 00 تفائلوا بالخير تجدوه 00 والله سبحانه قال في محكم كتابه ( وعسى أن تكرهوا شيئا وهو خيرآ لكم )
مشعل – بس قلبي مو طمن راشد مو مطمن
راشد وقف وصار جنبه – قدم الخير وأنا أخوك ليش هالتشاؤم بإذن الله بتتعافى
مشعل سكت 00 وراشد بالع موس وغصه ميت لو يطلعها مشعل خوفه بكلامه







طلعت هلا عنها 00 جلست على سريرها تفكر 00 وش وراك يامحمد 00 وش وراك
معقوله رضى هه كلامك سم وتبيني أسافر معك
دق جوالها جنبها 00 ناظرت في الشاشه رقم محمد – ياربي هاذا وش يبي
فتحت الخط وسكتت
اسمعت صوته – دنيا تسمعيني
دنيا ساكته
محمد – دنيا تسمعيني
دنيا بعصبيه – نعم خير وش تبي
محمد سكت
دنيا – ليش داق تبي شي اها يمكن عشان تتطمن لاتخاف أنا أنتظر بس تهدئ الأوضاع في بيتنا وبكلم ابوي وأخواني
محمد بتردد – اا اسمعي ابيك تسافرين معي
دنيا – وبإي مناسبه تباني أسافر معك
محمد وهو شاد على شفايفه – زوجتي
دنيا بسخريه – لا عاد وأخيرا أعترفت أني زوجتك
محمد بنفس السخريه – تصدقين كنت أحلم في النوم وشفت أنّا أنخطبنا
دنيا بقهر – تخفف دمك
محمد يغير السالفه – بدال ماتسألين عن صحتي تهاجمين كنك عجوز مسروق خبزها
دنيا عصبت من كلامه – لاتتميلح ياأستاذ
محمد – خلاص مردود عليك وعشان أطمنك علي أنا بخير ورقبتي تمام خفت وشالوا الجبس عنها مابغوا وسفرنا بعد ثلاثه أيام كوني مستعده للسفره وجوازك شوفيه لايكون التاريخ حقه منتهي
ماسمع لها حس 00 لانه سكت بوجهه 00 انقهر انه تنازل عن برجه العالي عشان يكلمها المفروض تطير من الفرحه وتستانس 00 تقوم تسوي اللي تسويه وتسك بوجهي – طيب يادنيا مصير الحي يتلاقى وغصب طيب بتسافرين معي عقب هالعناد ياأخت مشعل ( لان مشعل مشهور بالعناد بين ربعه )






من سمعت اللي سمعته 00 وهي جالسه تأكل بنفسها رايحه راده 00 دخل عليها طلال 00 وناظر فيها ووقفت وناظرت فيه بعصبيه – شرفت
سكر الباب وراه وفصخ شماغه 00 عارف أن بتجيه عاصفه قويه هالحين 00 الله يصبره عليها 00 جلس على الكرسي وحط شماغه جنبه
نوره بعصبيه – ليش ماترد هاه
طلال رفع عينه لها بعصبيه – أمنت بالله وش تشوفين يعني ايه جيت يعني بلصق في باب الغرفه مثلا ومابدخل
نوره جلست في الكرسي اللي جنبه – الكلبه حامل من منه
رفع حاجبه بتساؤل – منهي الكلبه
وقفت وهي تهز رجلها بعصبيه وعطته ظهرها – منهي يعني المحروسه اللي مبتليني فيها الله يأخذها يارب
وقف وعرف من تقصد – انتي انهبلتي
نوره لفت وجهها له – لا ماانهبلت في كامل قواي العقليه طلقها طلال طلقها أنا أم عيالك وبنت عمتك
طلال بصراخ خوفها – لاااااااااا الظاهر أبراج مخك طارت مثل أختك وينا عايشين فيه أنا مأخذتها عشان أطلقها
نوره بعصبيه وخوف تخفيه منه – بس هي حامل حامل طلال
طلال ناظر فيها بعصبيه – أمرك عجيب نوره مو زوجتي كيف ماتبينها تحمل
نوره وهي تأكل أظافرها – طلال أنت لي أنا وبس طلقها طلقها
طلال خذى شماغه وطلع – افففففففف عيشه تقرف ( وقرع بالباب بقوه وراه ) خلى نوره تطيح على السرير تبكي 00 حالتها النفسيه زفت من تشوف هالأنسانه مشاركتها في طلال







جلست تدق رجلها بقهر منه 00 رجع ولا حتى قال لها كلمه 00 وهي ماتبي تحاكيه ولا تكلمه 00 ناظر فيها وأبتسم 00 بينما هي ولا عبرته 00 قرب منها عقب مالبس بجامته وحرك أصبعه في خدها – لين هالحين زعلان الحلو
فكت أصبعه من وجهها – روح ماأبي أكلمك
أبتسم على حركاتها - تصدقين حلو الزعل عليك ( باسها في خدها بحركه مفاجئه ) أتوقع هالحين رضيتي
ناظرت فيه بعصبيه وشمقت فيه – سخيف روح هناك
واتكتفت وجلست 00 لصق فيها 00 وهي سحبت نفسها عنه 00 ولصق فيها 00 سحبت ولصق 00 طفشت منه – خالد روح عنــــــــــي
خالد ضحك منها وحط رأسه بحضنها – أحبك أحبك ياخبله
وقفت عنه وهي تبعد رأسها – أعرف حركاتك خالد انت ماتراضيني إلا على وقت النوم ومن تصحى قبيت بوجهي
وقف وقرب منها – من عطاك هالأنطباع الشين عني
منال بسرعه – انته
خالد حضنها بيده – زين براحتك وعشان أثبتلك غير هالكلام بروح أنام عند مشعل وحمود بالأستراحه وأنتي خليك قالبه مودك كذا هاه ولاتصحين بنص الليل تبكين وتصرخين علي ترى الأستراحه بعيده مدة ساعه برى الرياض
منال بقهر – روح ماهمتيني
خالد – طيب يامنال بتندمين
خلاها وبدل ملابسه ورد لها وكاتم ضحكته – صح نسيت لأخبرك ترى في جناحي جني لو حد هز كتفك في الليل لاتصرخين تفضحينا ترى يهزني يوميا أنا قلت هزني ولاتهز حبيتي ياجني ياحلو أنته
بلعت ريقها بخوف وهي مصدقته 00 بينما هو مط الخشه وكاتم ضحكته 00 ومشى تاركها 00 لما وصل للباب سمع صوتها وضحك – وقف خالد
لف لها – نعم
منال بخوف – لاتروح أنا خايفه
خالد يستعبط عليها – لالا بروح أنتي ماتبغيني
هي ركضت له ومسكته – لالا دخيلك والله أبغيك خلاص خلاص رضيت ( وحضنته ) مسك ضحكته لاتخرب خطته 00 خطير ياخالد






شافه جالس عند المسبح 00 ومدخل رجوله بالمويه 00 قرب منه وجلس جنبه وهو ساكت ماتكلم 00 ناظر فيه بعدين قال – لوالله مد بعمري وجبت ولد ثاني سميته حمود بلا تردد
لف له حمود مبتسم – إن شاءالله إن شاءالله ربي بيمد في عمرك وبتخلف صبيان وبنات بعد
مشعل إبتسم بشرود وزفر – الله كريم 00 وحط يده بفخذ حمود – أنا أسف يا أخوي سامحني ياحمود
حمود لف رأسه له – عمري مازعلت منك يامشعل أنت أخوي اللي مجابه وأبوي وأمي 00 أنت اللي خذيتني بيدي ووريتني العالم 00 كيف أنسى فضلك وأنسى عيشك وملحك00 وأنا وإياك ياما كلينا سوى 00 وياما خذيتني على قصركم 00 وأعتبرتني حد من هل بيتك 00 وعمتي بدريه حساب أمي اللي خذها الموت عني أنا لو أعطيك عمري هديه مابوفي ربع اللي عطتينياه يامشعل
مشعل حط رأسه بكتف حمود وزفر – آآآآآآخ حمود أشتقت لها أشتقت الشوق يقتل ياخوك
أبتسم حمود – طحت يامشعل ومحد سمى عليك
مشعل – ماكنت أعرف قبل أنها بتأثر فيني بهالدرجه لو كنت لأعرف ماقلت لها كلمه شينه ولا مديت يدي عليها آآآآآآآه يانوف آآآآآه
حمود بحزن لحالة أخوه مرض وعشق شي يوجع – لاتسوي في نفسك كذا أنا متاكد أنها ندمانه أنها تركتك
مشعل زفر – موب هلهقوه ياحمود أنا أذيتها ماشافت معي يوم حلو أبد
حمود – بس أكيد تحتفظ لك بذكريات زينه أكيد يامشعل لاتعذب نفسك أحلف لك أنها تحبك والدليل نظرات عيونها يوم كنا في أبو ظبي تحبك يامشعل تحبك بس أنت ماتفهم في العيون
مشعل رفع رأسه من كتف حمود – صدق حمود
حمود أبتسم على تغير موده – صدق






الساعه ثنتين الليل 00 تسللت مع سايقها 00 هاذي تعاملات اللي بتروح له مايتعاملون غير الليل 00 اليوم اليوم بتحط النقط على الحروف وبتجيب عاليها واطيها وبتوريكم فيه 00 ركبت مع السايق والحرمه اللي تنتظرها 00 وأمرت السايق يتحرك فيهن





.