( الجزء الرابع عشر )



وقفت السياره عند البيت 00 وبدريه تساعدها على نزول
نوف – عمه بقولك شي
بدريه – آمري ياعيون عمتك
نوف – تقولين لمشعل اني ابي جوازي لانه عنده
بدريه – إن شاءالله ياروح عمتك ,, هالحين خلينا ندخل الحر ذبحنا
دخلوا البيت 00 وعبدالكريم ينزل الاغراض00 ويعطيهم الخدم يدخلونها
نوف – لحظه
وقفوا الخدم وناظروها
نوف ناظرة عمتها – ابي مفتاح غرفتي القديمه ياعمه
بدريه بحزن ومنزله رأسها على الحاله اللي وصلت لها نوف – طيب خلينا نجلس شوي ونتغداء وبعطيك المفتاح
نوف تجلس في الصاله – طيب
نزلت عليهم دنيا 00 وأول ماشافتهم ماتدري وش تسوي ودها تنحاش وارتاعت من منظر وجه نوف
بدريه شافتها – تعالي سلمي
دنيا تقرب من أمها وتسلم عليها
بدريه – قربي من نوف وسلمي عليها
دنيا طنشتها وجلست على الكنبه وحطت رجل على رجل وهي تسرح في وجهه دنيا
بدريه – ليش ماتسلمين
دنيا تبي ترقع سالفتها لانها حست ان امها كاشفتها – انا مااسلم على ناس يخونون
نوف انصدمت منها وناظرتها 00 ودنيا شتت نظرها
بدريه بعصبيه – عيب عليــــك ( وهي توقف ) الشرهه موعليك ولاعلى اخوك على تربيتي لكم اللي ماعرفت اربيكم قومي يمه نوف تعالي بنطلع فوق
وقفت نوف 00 وطلعت معها فوق 00 ودنيا مكشره موعاجبها إهتمام امها بنوف
ريم دخلت عليهم جناح نوف القديم – لالالالا من صدق خلاص طلعتي ( تتقرب منها وتبوسها ) تو مانور البيت
نوف بتعب – البيت منور بأهله
بدريه – خلاص ريم خلينا نطلع عشان نوف ترتاح
ريم – زين بقول للخدم يحضرون لها الغداء
نوف – بس ريم ماأشتهي الحمدالله
بدريه تناظرها بحنان – ليش يمه مااكلتي شي
نوف – الله يخليك ياعمه لاتغصبيني
بدريه – على راحتك بس من تصحين تنزلين تتغدين وهذاني قلت لك
نوف – إن شاءالله
طلعوا من عندها 00 عشان دموعها تنزل وتمسحهم بقوه 00
حرام عليها انا بنت عمها كيف سوت فيني كذا 00 هذا وانا اللي ساتره عليها حسبي الله الذي لا إله إلا هو عليه توكلت وهو رب العرش العظيم
يااااااااااااااارب خذلي حقي يارب 00 انت تعلم جاهر الامر وسره 00 وتعلم بواطنه
اكشف عني ضرهم ياااااااااااارب يااااااااااااااارب
مسحت دموعها وهي تقول بنفسها من اليوم انا نوف غير ماابصيح ولاابكي لين اطلع من هالبيت اللي كاتمني 00 دخلت الحمام تتحمم وتتوضأ






على العصر \ مشعل وصل البيت
جلس في الصاله – نعم يمه ازعجتيني تعال تعال تعال هذاني جيت شاتبغين
بدريه وهي توقف – امش مكتب ابوك ابيك هناك
مشعل – لازم
بدريه وهي بنص الطريق – ايه لازم
دخلوا المكتب
بدريه وهي تجلس على مكتب سالم – صكر الباب معك موحنا صار في بيتنا جواسيس
مشعل يصكر الباب ويمشي لين جلس – نعم يمه
بدريه – ايش اللي سويته في نوف
مشعل – انتي بنفسك تعرفين السالفه
بدريه – ومتأكده من برآة السالفه
مشعل – هه وش دراك
بدريه – ملعوب مسوينه بنات إبليس
مشعل بسخريه – الله يايمه قمنا نرقع لها ,, ومن هالمهمه عشان يسون فيها ملعوب
بدريه – اللي يكونون 00 اسمعني مشيعل هالبنت بالذات ماابي يصير لها شي والله ان تعرضت لها مايحصلك خير صدقني
مشعل – أصلا انا موطايق شوفتها
بدريه – يكون احسن حتى هي ماتبي تشوفك بس عطني الجواز
مشعل – أي جواز
بدريه – أي جواز يعني جوازها
مشعل عصب ووقف – هذا اللي ناقص والله لوتحب السماء ماعطيتها الجواز انتي مصدقه لايسمعك ابوي بس لايقلب عاليها واطيها هذي بتهرب لخالها عشان البيت
بدريه بعصبيه – لا اكفخني احسن
مشعل – اعوذ بالله منك ياإبليس ( ويهدئ نفسه ) يمه مااقدر افهميني
بدريه – وش عليك من ابوك انا اللي بتصرف معه بس هات الجواز
مشعل وهو يلف ظهره – لا ماابي
بدريه – ليش تعطيني ظهرك وانا اكلمك كم مره اقول بطل هالعاده 00 وهات الجواز يامشعل لاتدخل عنادك في السالفه
مشعل بعصبيه – تخسي ثم تخسي هاذي وطت راسي بالقاع تعرف شباب وتبيني اعطيها الجواز والله ماتسافر لخالها هاه شوفيني حلفت يايمه بتكفرون بحلفي
بدريه بهدوء – مشعل حرام عليك البنت يتيمه وكارهه العيشه هنا
مشعل – ايه ماكرهت العيشه غير يوم عرفنا بسواد وجهها قوليلها يمه والله ماتشم ريحة الامارات.. ولاليش تقوليلها انا اقولها ( عطى بدريه ظهره وطلع بسرعه )
بدريه تركض وراه – يامشعل يامشعل حرام عليك حرام
مشعل وقف في نص الدرج وبعصبيه وصراخ – انا كارهه شوفتها يايمه قوليلها والله ثم والله سفره للامارات ماتسافر وتجلس وتنثبر ليكون مواعده الكلب الواطي هناك
بدريه – اششششششش صك فمك صكه خلاص اذلف اذلف ولاتشوفك عيني انقلع
وانا اللي بوريك يامشعلوه
طلع من البيت وخلاها






في بيت المرحوم تركي \ جده
كلهم جالسين في الصاله وفي حالة ترقب تام لدخول نايف عندهم 00 بينما خلود جالسه في الصاله الثانيه لان المرأه في العده لاتخرج للرجال إلا للضروره 00 خلت الباب مفتوح بحيث انها تقدر تسمع ويسمعونها وام نايف اللي جلست بعد السلام والسؤال عن الحال
نايف يتحنح 00 عشان يفز زياد ويزيد يركضون له يسلمون عليه 00 متعودين كثير عليه لانه يلعبهم ويطلع معهم يحبهم 00 وكان يقول لتركي 00 يمكن ربي مااراد اني اتزوج للان ولااخلف بس عيالك ياتركي هم عيالي
نايف يمسح دمعته يوم شافهم وسلم عليهم وضمهم وشم ريحة تركي فيهم وهو أكثر حد مشتاق له وفاقده هذا غير عقدة الذنب اللي يحس فيها
فك نفسه من ضمهم ووقف 00 عشان بدورهم كلهم يمسحون دموعهم
نايف – السلام عليكم
كلهم ردوا السلام
نايف وهو منزل رأسه – كلكم موجودين مافيه حد ناقص
سمر 0 ومشاعل 0 وام مشاعل 0 وام تركي 0 وام نايف
ام تركي – ايه يايمه كلنا
نايف – وحرم المرحوم موجوده
ام تركي – ايه يمه في الصاله الثانيه
نايف بصوت جهوري – ياخاله ابيكم تعرفون اني انا المفروض اكون في مكان المرحوم انا اللي عرضته للخطر وتكفون سامحوني وارضوا عني
ام تركي والجميع يبكي – وش هالكلام يايمه حرام عليك لااتعب اميمتك مالها غيرك
نايف ومنزل عيونه – ويشهد الله انكم عندي اهلي واعز واهل تركي اهلي وعياله عيالي واللي وصاني فيه المرحوم دين على رقبتي لين انفذه يايمه
ام تركي – قول يمه نسمعك
نايف – قبل لايموت هو كاتب رساله فيه حكي ماتجرأ من خمس سنين يقوله لزوجته ولا حتى يقدر يقوله لك ياخاله انتي وخالتي ام مشاعل
ام تركي – وش هي يمه
نايف – يايمه يشهد الله ان أرملة تركي مظلومه وانكم ظلمتوها كثير 00 وهالشي بيعذب تركي لواستمر مخبئ إلى الان محد درى عنه
ام تركي – طرحت قلبي يايمه ليش مايرتاح
نايف – انتم اتهمتوا أرملة تركي ان..........
خلود وهي بصوت جهوري – بس لاتكمل لاتحطم زود صورة تركي الله يخليك اسكت
اسكت انا فاهمه كل شي بس موزين تكشف سره
نايف بصوت جهوري – ياام زياد الله يطولي عمرك هاذي وصيته ولازم يرتاح اني بخبر الكل عنها
خلود وهي تمسح دموعها – ماظنتي هالشي بيريحه ماظنتي حتى يريحهم ( بس كل هذا قالته في نفسها وسمعت نايف يتكلم )
نايف – المرحوم قبل خمس سنين جته رصاصه في ظهره والحمدالله هالرصاصه ماأثرت عليه 00بس آثرت على الانجاب عنده وصار عنده ضعف ومستحيل يقدر ينجب
ام تركي انتحبت بصمت على ظلمها لخلود
نايف – ويبيك تسامحينه ياام زياد لانه ماقدر يتكلم
خلود بسرعه طلعت لغرفتها وهي تبكي 00 هي كانت شاكه واتاكدت ظنونها
نايف مادرى انها طلعت ولا بتسمع باقي الوصيه
نايف – ياخاله ام تركي
ام تركي – انا تركت شغلي وتوظفت في شركه الحمدالله زينه حرمت اني اكون في مكان جمعني فيه تركي بس وصية تركي عذبتني ياخاله عذبتني وبتعذبني
ام تركي – تكلم يايمه
نايف – تركي طلب اني اربي عياله واهتم فيهم قالي قبل لايموت ( انت مديون لي ولابوي وهالدين بترده لعيالي انك تهتم فيهم وتربيهم وا ا ااا )
نايف – يمه خذي هالرساله وعطوها زوجة تركي لاتفتحها هالحين غير لين تتنتهي من العده
ام نايف تقترب منه وتاخذ الرساله
نايف – تركي الله يرحمه عطاني هالظرف اوصله لها وماينفتح غير عقب ماتنتهي من العده
نايف – انا استئذنكم واشوفكم على خير ( وطلع وخلاهم 00 وهم يبكون بصمت )







بعد مرور اسبوع كامل
مشعل رفض يعطي نوف الجواز 00 ونوف ظلت حبيسة الغرفه حتى الجامعه مشعل رفض انها تكمل 00 اعتذروا لها عن هالكورس لان نوف حالتها حاله لاتأكل ولاشي اللهم بس تشرب 00 وصارت وحيده ومحبوسه في الدار كم مره ترجتها بدريه تطلع معها وريم 00 بس كانت تقابلهم بالرفض 00 ولحد الان ماشافت مشعل ولاشافها اصلا مشعل ينام في الاستراحه
دخلت بدريه عليها الغرفه وهي تبكي من حالتها حامل وهالشي بيضرها ويضر الجنين00 شافتها بدريه سرحانه وماهي حاسه باللي حولها
بدريه تجلس جنبها على السرير وتدمع – حرام عليك يايمه يانوف في اللي تسوينه في نفسك
نوف – انا انسانه ميته ميته ياعمه قلت لكم اتركوني في حالي ولاتتعبون نفسكم فيني
بدريه بتفكير – طيب بسافر انا وانتي شرأيك
نوف – ماابي
بدريه – اشششششششش بنسافر انتي في مراحل حملك الاولى يمدينا نروح ونرد وهالشي مابيأثر عليك إن شااءلله
نوف سكتت وهي تسرح لبعيد
قامت من عندها بدريه وهي طالعه تكلم عبدالكريم يحجزلهم تذكرتين سفر على أسبانيا تبي تغير حياة هالبنت اللي موعاجبتها 00 واليوم عندها موعد مع الدكتور
بدريه ردت لها – ايه تذكرت يالله قومي بنروح للطبيب عندك موعد
نوف تناظرها – مولازم
بدريه – إلا لازم وبنساله إذا نقدر نسافر انا وانتي ولا لا يالله بسرعه
نوف بإستسلام قامت مع بدريه






في الفيصليه \ في مطعم الآبجوره بالتحديد
سرحان وهي تناديه معصبه
ساره – مشعل مشعــــــــــــــل
مشعل – هاإآه
ساره – لوين رحت
مشعل – لا معك معك ايه وين وصلنا
ساره – الفله اللي شفناها موذاك الزود
مشعل – لا حلوه يوم بتأثث بتصير حلوه انتي بس تتدلعين
ساره عصبت – شنو ادلع لاحظ اني بنت وزير وهالشي مايلوق لي
مشعل هدئ اعصابه – ياساره ياحبيبتي بتصير حلوه مع لمساتك بتطلع خيال مانبي نستعجل هذا وحنا نبي الزواج الشهر الجاي يعني يالله يمدينا
ساره – طيب مومشكله بعد سنه بخطط مع مهندس بابا قصر إن شاءالله
مشعل – طيب
ساره – طيب شهر العسل نبي نروح ثلاث دول على الاقل
مشعل عصب وعاد كلامها – ثلاث دول على الاقل !
ساره – ايه شرأيك صديقاتي يتكلمون علي ساره ماراحت غير لدوله وحده
مشعل بعصبيه – وحنا وش علينا من الناس إلى متى نسمعهم ,, ساره ياقلبي انا ماعندي إجازه وعندي شغل إلى رأسي
ساره عصبت – شنهو تصرف موشركة ابوك تراك تقدر تروح وتجي على كيفك
مشعل – إن لله ياساره اسمعيـ .........
قطعت كلامه وبدموع – ايه اللي ماتتسمى شهر كامل شهر وانا بتحسدني على هالشهر
مشعل عصب – وش جاب سيرتها هاذيك يكون في معلومك ترانا كنا في إجازه
ساره – ولو خذلك إجازه وخلنا نسافر بليز ميشو حبيبي بليز
مشعل هدئ وابتسم لها – ايه عيدي شقلتي اجل طلعت ميشو
ساره – واحلى ميشو في الكون كله
مشعل ناظر اللي حوله وهو يتلفت – آآآآآآآه بس لوماكنا هنا
ساره وتسوي نفسها مستحيه وتحمر – ايه وش بتسوي
مشعل – تسأليني وش بسوي يعني تعالي اساسرك
ساره حمرت خدودها – ايييييييييه ميشو خلاص استح ههههههه

في مستتشفى المملكه \ العياده
الدكتور – الحمدالله الجنين صحته زينه وحتى المريضه بدأت تتحسن
بدريه – الحمدالله يارب ,, طيب والسفر يادكتور
الدكتور – تقدر تسافر لانها في مراحل الحمل الاولى وهالشي إن شاءالله
مابيأثر على الجنين
بدريه – الحمدالله ,, زين يعطيك العافيه يادكتور
الدكتور – الله يعافيكم وتقوم بالسلامه بس لاتجهد نفسها كثير
بدريه – لا من هالناحيه مطمنه كثير 00 شكرن يادكتور
الدكتور – العفو
طلعوا من العياده ونوف كانت صامته اغلب الوقت
بدريه وهي متوجهين للسياره – شرايك نتغداء برى
نوف – لا ياعمتي راسي احسه يعورني ابي انام
بدريه – لا عشان تردين تحكرين نفسك 00 لا بنتغداء وبنرد مابنطول
نوف – زين اللي تشوفينه
بدريه – طيب ياعبدالكريم رح للفيصليه
عبدالكريم – إن شاءالله عمتي







مي تشهق – ليش اعتذرت
منال – آآآآآآآآآآآه يامي تخيلي مشعل الحيوان تملك على ساره وهي للأن ماتدري
مي انصدمت – بذمتك ولاتكذبين
منال – يعني في هاذي بكذب حرام عليك ( وقامت تدمع ) المسكينه طاحت في المستشفى وحنا مادرينا عنها
مي دمعت وصوتها حزن وتغير – ياقلبي عليك يانوف
منال – مقهورررررررررره وبغيت اسطر حمود كف على وجهه
مي – ليش طيب
منال – الكلب شهد في عقد الزواج تخيلي شهد ضد نوف ( وتغير صوتها )
مي – خلاص يامنال الله يخليك لاتبكين
منال – مقهوره والله مقهوره يامي مسكينه نوف تخيلي ماتدري انه بيتزوج عليها لسه
مي – آآآآآه حسبي الله ونعم الوكيل
منال – شرأيك نروح لها العصر
مي – ايوالله إذا ماوقفنا معها في هالإزمه متى بنوقف
منال – على خير فمان الله
مي – فمان الله





في الفيصليه \ في المطعم
وصلت والله وأنا تعبانه بس جاملت عشان عمتي المبسوطه اني حامل 00 وكل شوي تتغير معاملتها معي للاحسن 00 ماني مشتهيه شي نفسي مسدوده وتقلب علي بس متحمله عشان عمتي
بدريه – تعالي بنجلس هنا
جيت وجلست قدامها ونادت الشيف يجيب المنيو 00 يارب حاسه ودي ارجع بس ماسكه نفسي غصب





في نفس المكان
نضحك ونسولف وماسكين يدين بعض
شفت نص من وجهه امي 00 اسغربت صحيح مو غريبه ان امي تجي هالاماكن لانها دائم مرتبطه في غداء العمل 00 بس اللي اعرفه ان امي دوم مرابطه عند العله
معقوله تكون معها 00 طنشت وانا اكمل غداي





ياااااااااااي اليوم بضرب عصفورين بحجر واحد 00 تتبعت نظرات عيون مشعل إلى وين يناظر 00 شفته يناظر امه 00 وشكله ماعرف اللي معها 00 ياوناستي ياعالم
معقوله ماعرف مين اللي معها 00 اللي حرقتلي قلبي 00لاني عارفه انها لسه ماعرفت بالسالفه 00 فصبركم علي
ساره – يووووه ميشو دنو وعموه هون يالله قوم قوم نروح نسلم عليهم
مشعل – صدق دنو اجل يالله تعالي
ومسك يدي وتوجهنا لهم 00 وانا بتتشقق من الوناسه




بدريه – هاه اعجبك المطعم اتوقع مادخلتيه من قبل
ساره وهي تقترب منهم – وين تدخله وهي ماتعرف هالاماكن
رفعت عيني 00 وليتني مارفعتها انصدمت حسيت في كهرباء مشت في أطراف جسمي كله 00ماقدرت ارمش 00 ولا اصكر عيني 00 ريقي جف وعيوني تحرقني
وش جابها معه 00 ليش هم مع بعض 00 وماسكه يده





ماكنت اتوقع ان اللي بتكون مع امي هي 00 وش جابها 00 انا سمعت انها مريضه
وماتطلع من غرفتها 00 خوفتني نظرة عيونها
بدريه بحلقت وانصدمت بوجودهم
ساره بصدمه – ليش ماتعزمونا
ونوف شتت نظرها
بدريه ماتدري وش تقول
ومشعل واقف ولا يعرف وش يسوي 00اللهم واقف جنب ساره
ساره – اوووووه نسيت الحمدالله على السلامه يانوف سمعت انك تعبانه بس زعلانه منك
رفعت نوف نظرها 00 وحطت عينها بعين ساره
ساره بإبتسامه – ليش ماباركتيلي انا ومشعل تملكنا
بسرعه رفعت عيونها لمشعل بصدمه 00 وبدوره ركز نظره فيها بيعرف وش ردة فعلها 00 حطت عينها في عين بدريه 00 اللي بدورها بدريه نزلت نظرها في الارض
نوف ناظرتهم مطولا ونظراتها تنتقل بين ساره ومشعل – الف مبروك
ساره بوناسه – الله يبارك فيك
مشعل نزل عينه من بعد كلمتها هاذي
نوف ودها تقوم للحمام 00 خلاص نفسها ضاقت عليها 00 وحاسه انها تبي ترجع
بس إذا بتقوم بيقولون اتأثرت 00 وهي ماتبي هالشي يصير
ساره – اجلس ميشو وش فيك واقف
مشعل جلس وعينه في نوف وأمه
بدريه – احم تأخر الغداء
نوف – ايه ,, اسمحولي بطلع للحمام اغسل على مايجي الاكل
بدريه – أذنك معك يايمه






غسلت وجهي فوق الالف مره عقب مارجعت 00 والمشكله ليش دموعي تنزل ليش ليش 00 مقهوره من نفسي00 ليش ليش ليش وانا ألطم خدودي بقهر 00 هالدموع ليش تنزل 00 معقوله اني ضعيفه إلى هالدرجه 00 طمنت نفسي ان اللي احس فيه ألم الحمل فقط لاغير
بس عيوني توجعني بالحيل 00 رتبت طرحتي والنقاب 00 وشديت عبايتي الكتف
وأنا امسك دموعي اللي غصب عني تنزل
طلعت لقيتهم راحوا 00 وعمتي بس هي اللي موجوده 00 والأكل موجود
جلست على الكرسي 00 وعمتي تكلم في الجوال 00 بعد فتره صكرت الجوال وناظرتني 00 ناظرتها وإبتسمت اطمنها
بدريه – اممم نوف يمه سامحيني 00 كنا مخبين عليك الخبر
هالحين بس نزلت دموعي والله موحب فيه بس الآهانه وصدمة الخبر وقعه علي 00 وماأبي عمتي تشوفهم 00 شتت عيوني عنها
نوف – ليش ياعمه خبيتوا علي
حست في صوتي اني جالسه أبكي
بدريه – تبكين يانوف
انا وامسح دموعي بألم –عمتي جرح الآهانه قوي قوي بالحيل 00 احيانا حتى لوكرهنا الشريك الآخر 00بس بمجرد خيانته لنا 00 نبكي ونزعل فما بالك انه بيتزوج عليك 00 صحيح مع مشعل ماشفت يوم حلو 00 ولاحبني ولاحبيته 00 بس يظل والد اللي في بطني ياعمه وصعب اللي يسويه فيني انا ماهمني ياخذ الف غيري انا اللي يقهرني نظرة الشماته في عيون اللي يكرهوني
بدريه مسكت يد نوف – يشهد الله علي يايمه اني مااني راضيه على اللي سواه وكنت معارضه بس غصب عني الامر طلع من يدي
نوف – على العموم هي كلها سنه وتنتهي حياتي فيه للآبد هو بطريق وانا بطريق بس المهم ان ولدي مايبعد عن حضني
شفت عمتي تمسح دموعها 00 ابتسمت إبتسامة ألم على دموعها الغاليه علي







افففففف مومعقوله بكره ارتباطي مع ذاك الانسان المتعجرف 00 يارب صبرني حاسه اني مخنوقه
دق الباب علي – مين
مي تفتح الباب – انا طالعه لنوف تطلعين معي
عبير – لا ,, يعني عاجبك وضعي اطلع
مي تضحك – تراك مكبره السالفه
انا بحرقة قلب – اذلفي احسن لك
مي – إن شاءالله إن شاءالله عمتي بس لاتزعلين
آآآآآآآآآآه يابخت الناس يضحكون ومبسوطين وأنا هنا محبوسه 00 افففففف ميته قهر ميته






مريت بيت منال وشفت حمود اخوها 00 يآآآآآآآآآآآه يهبل مشاءالله عليه 00 من شاف سواقي سلم عليه بإشاره 00 صراحه إنسان خيالي 00 مت قهر لما شفت الحيوان اللي في سيارته ويتكلم معه
طلعت منال وهي تتمخطر 00 يويلي وش جايبه هالمهبوله 00 فتحت الباب والسواق نزل يساعدها
مي – هيه انتي وش جايبه
منال – وش جايبه قهوه وشاهي ونوعين حلا ونوعين معجنات وحافظة قرصان
انا مسكت فمي واحس الضحكه بتنفرط مني 00 انا اعرف بدريه ستايل ولايعجبها شي كيف بتفشل منال 00 بس صكت عنها مسكينه ماتعرف وخليها حرام اكسر في خاطرها 00 تعبت وكرفت ياحبيلك يامنال دبرة زمان اول
مي – انا جبت باقة ورد وشوكلاته
منال – وراتس مخبزتي بيدتس وشهوله البذخ
ضحكت من إسلوبها التمثيلي – ياحبيلك لاصرتي عجوز
منال – هههههههههههههههه هههههههههههههههه
مي – شفتي الواطي
منال – ايه شفته وبغيت اخمه بشبشب صباح على الراس
مت ضحك – ياليتك خميتيه
منال – ودي مير عارفة حمود بياخذها وبيخمني ابها كفوف
ياربي تهبل هالانسانه – تدرين منو يابخت اللي بيأخذك
منال – ايه والدليل عانيه مطيح ينتظرني اصكتي بس انا بحب على كفوفي ان فكر احد فيني غير عايض
تذكرت عايض وانا ميته ضحك 00 منال تكرهه كره الموت ياعمري عليها






وصلنا لبيت نوف
جلسنا اول شي في الصاله وبعد المدح في قرصان منال وشغل يدها اللي انبسطت ان مافيه حد علق ابد 00 ودنيا ماشفنا وجهها انبسطنا
في النهايه خذتنا نوف عندها في الغرفه
نوف – تدرون ان مشعل تزوج علي
منال بإندفاع – خليه عنتس وش عليتس منه الله مير يعرفه قيمتس
نوف – انا ماعلي منه قلعتهم يارب بس مقهوره ان الناس تناظرني كذا
تقربت منها – نوف حبيبتي صدقيني بيموت قهر ومتأكده بيعرف قيمتك بس فيه شي بقوله لك ولاتزعلين
نوف بإستفسار هي ومنال – شنهو
مي – لازم تغيرين من شكلك ولبسك وحياتك وطريقة تفكيرك لاتصيرين ضعيفه وسهلة الكسر ترى الرجال مايحبون كذا خلك قويه ولا حد يقدر عليك
منال – صادقه انا سمعت من عمتس قبل شوي بتسافرون ليش ماتغيرين شعرك وتشترين من هناك اغراض لك
نوف بعدم اقتناع – ياحسره ولمين بتغير
مي – لمين يعني لنفسك قبل كل شي ترى بتقابلين ناس وبشر وبيقارنون بينك وبين الحصنيه
منال ونوف ضحكوا وانبسطت لما قلدتهم وقدرت اغير مود نوف الحمدالله لاول مره في حياتي أسوي شي زين
نوف – يعني كذا ظنكم
انا بسرعه قبل لاتغير رأيها – ايه اكيد
منال – والله اني مقهوره آآآآآآآآه لواسطرها كففففففف يعرفها قيمتها يابشر ياناس
مي – لاتقصرين وتراني معك
ابتسمت نوف وانا اشوفها تسرح 00 مسكينه يانوف الله ياخذلك حقك منهم



بعد فتره
راحوا وتمنيت من قلبي اني اخبرهم عن حملي بس ماابي حد يدري ابد 00 استغفرالله اتمنى يطيح 00 احيانا اقمز من سريري واسوي نفسي ماانتبهه 00 يمكن يطيح وافتك 00 بس ارد استغفر واقول اللي في بطني وش ذنبه






اليوم الثاني \ في المطار
راشد وريم يودعوني انا وعمتي 00 ومشعل اللي زعلت منه عمتي عقب ماتهاوشوا يبي يحبسني عنده 00 هذا اللي ناقص 00 مدري ليه من طبت رجلي المطار استانست بها لرحله خصوصا اني بروح رحله اسبوعين اسبوع في اسبانيا ويومين في فرنسا 00 وخمسه ايام بالندن 00 ياااااااااااااااااي يعني باانبسط كثير 00 وآهم شي برد وروحي متقبله اللي صار لي 00 وبرد نوف غير 00 لاني بهالمطار ودعت الكآبه والخوف من مشعل 00 وبنشوف يامشعل أول ماارد وش بسوي فيك








في الليل \ في بيت سعيد
في قسم الرجال والمملك والحضور
المملك – على بركة الله ( وقام يكتب العقد )
وقع الجميع 00عبدالعزيز والشهود 00 والآهم عبير00 والكل بارك لعبدالعزيز وهناه
في قسم النساء
الكل مجتمع يهنؤن يباركون ودلال وساره ونوره نافخين خشومهم ويالله يتكلمون مع الناس
عبير مرتبكه وخايفه 00 مع انها مابتدخل لعبدالعزيز ولاهو اصلا طلب يشوفها بس هي مرتبكه لان هالاحساس يتعب أي بنت مقبله على حياه جديده







محمد – الف مبروك
مشعل – جعله سعيد ومبارك
عبدالعزيز يبتسم لهم بغصب ومجبور – الله يبارك فيكم
كمل – انا استاذنكم وراي شغل وإجتماع
مشعل بذهول – اجتماع بليلة ملكتك
عبدالعزيز بإعتذار – شفت كيف شغلي صعب
مشعل – طيب خل طلال يروح عنك موانتم شركاء
عبدالعزيز عصب من تبريرمشعل قدام محمد – لا موكل شغلي طلال شريك لي فيه
محمد ومشعل استشفوا من كلامه العصبيه
مشعل – براحتك اجل
محمد – الله معك ياابو نسب ( وهو يبتسم )
عبدالعزيز طلع بعصبيه ولارد على كلام محمد 00 اصلا من طلع فتح ازارير ثوبه
ذا القماش الفاخر 00 وطلع شماغه من رأسه 00 وهو يمسد رأسه بعصبيه
زفر بضيق 00 وإستحقار من نفسه 00وهو يرد رأسه على المرتبه00كيف قدر يخون أمل 00 كيف له قلب يعيش حياه طبيعيه مثل حياته مع أمل 00 مكان بيوم يتوقع أن فيه حد بيحتل حياته وبيكون له دور فيها 00 حتى لوكان اللي بيعيش معها إنسانه مهمشه 00 بيكون وجودها مثل وجود ساره في بيتهم 00 صحيح بيعيشون في بيت غير عن قصر أهله بس يفضل هذا لانه متأكد انه مثل ماهو طايقها 00 هي أكيد موطايقته 00 ونسى اوتناسى الحياه الطبيعيه اللي لازم يعيشونها بوجودهم في مكان واحد 00 و تسأولتها اللي بتكون حتى لوشافت النفور منه
زفر بضيق وهو يشوف بمرآية سيارته 00 حراسه الشخصيين على سياره خلفه
ويحس نفسه مكتوم منهم 00 يكره حبس الحريه 00 بس التهديدات اللي توصله تقريبا يوميا تغصبه يحط هالحراس حوله






كل شوي تتأفف
ناظرتها بنص عين 00 ومالقت لها بال ابد
وقفت وهي تتأفف
ريم – ايه خلاص عورتي راسك قري في مكانك
دنيا – اففففففففففف مقهورررررررررررره من امي كثير ( جلست جنب ريم وتناظرها بحزن ) تخيلي ياريم امي اللي ماتروح مكان من دوني تسافر بهالقرويه وتتركني انا عشانها تخيلي ( ودموعها تسقط على عيونها )
ريم وترد تقرأ المجله – انتي اللي جبتيه لنفسك تستاهلين
دنيا بعصبيه – ليه وش سويت انا
ريم وهي تتصفح وغير مباليه بها – مدري عنك انتي وخالتي تنجازون انتي ادرى بنفسك
دنيا بعصبيه – اصلا من دخلت هالبيت هال ***** وانتم مطنشيني 00واولهم انتي ياريم
ريم تركت اللي بيدها وناظرتها – شوفي اللي يمشي عكس التيار يادنيا يتعب وانتي من دخلت بنت عمك البيت وانتي كارهتها وانا اشوفها طيبه وبالعكس مااذتني تلعب عيالي وتشتريلهم حلاو ومن تطلع مكان اتشبطوا عيالي فيها
دنيا وقفت بعصبيه وهي تدمع – اصلا كلكم مخدوعين فيها كلكم واولكم امي امي
( وهي تضغط زر اللفت وهي تضغط على الزر بعصبيه عشان يتسكر )
لفت راسها يمين ويسار رأفه بحال بنت خالتها المسكينه 00 وحقد على ساره اللي غيرت جميع اطباعها الحلوه





طلعت كل اغراضها على الكمودينه وهي تزفر بضيق
دمعت 00 وانقهرت ان اهلها في خط حياتها المصيري اتدخلوا فيها 00 عمرهم ماادخلوا في جميع اختياراتها يوم جاء الاهم غصبوها على اللي ماتبيه
مسحت دموعها بقهر 00 وهي كارهه اهله وشوفتهم لحالهم 00 كيف بتعيش مع ناس كذا كيف !! 00 خلاص اليوم انكتبت في الاوراق الرسميه والثبوتيه انها صارت ملك لها لانسان المتغطرف والمتعجرف
كرهت نفسها وضعفها امام دمعات امها 00 ورجاوي والدها 00 وي كان عقلها وين وين !
اتوجهت للحمام تحمم 00 عشان تحت المروش 00 تنهار وتسب غباءها 00 لما اتأكدت ان هالانسان مصيرها اتعلق في مصيرها






بعد اسبوع \ في الاستراحه
حمود – ولحد الحين ماردوا
مشعل وهو يسند ظهره ويزفر – ايه
حمود بحذر لردات فعل مشعل – مكانهم طولوا
مشعل زفر وبعصبيه – الا طولوا وانا ميت من القهر شلون امي تكسر كلامي قدامها امي قاعده تشجعها على التمرد علي
حمود – مشعل ماتحس ان سالفة الجوال ماتخش العقل ابد خصوصا من بعد ماقعدت مع منال اختي اللي هي صديقة نوف تحلف انها ماتكلم كثير وانها من محاضرتها للكافتريا للباب للرجعه فقط
مشعل بسخريه – يعني هي بتسوي شي قدامهم إذا بتكلم تستأذنهم للحمام منا مناك
حمود – طيب انت مالحظت هي تخرج مثلا كثير من البيت
مشعل بعد مبألاه – لا
حمود – يعني ظالمها
مشعل عصب – يااخوي انت شفيك 00مو شرط انها تطلع 00 يمكن يوم دريت بسواياها في بداية علاقتها فيه بس
حمود – ابسألك جوالها معك صح
مشعل – ايه
حمود – الشخص إياه يدق
مشعل بإستغراب – تصدق ولا مره دق من عقب المكالمه إياها
حمود بتعجب – معقول






افففففففف من يوم دريت عن حالة نوف لاليلي ليل ولانهاري نهآر 00 معقوله فيه قلوب قاسيه كذا 00 معقوله وصلنا إلى درجة الطمع والجشع 00 ان عم يزوج ولده غصب عنه لبنت عمها المغلوب على امرها عشان ياخذون منها شي ورثته من جدتها
آآآآآآآآه قويه يانوف والله قويه 00 وحده وفي مثل حالتك كان زمانها في مستشفى المجانين تصيح وتولول
صحآني من سرحاني الشي اللي انرمى بقوه على وجهي 00 شهقت من الصدمه والآلم اللي احس فيه 00
سمعت صوتها – هاذي المكنسه روحي خمي الحوش ام سطام بتجيني
ابي ابكي ياناس اكره هالعجوز – طيب ليش تكبين المكنسه على وجهي كذا
صباح بعصبيه – اعقبي واخسي واذلفي كنسي الحوش
قلت بتمرد وآلم ولإسلوبها الاستفزازي وتكتفت – ماراح اخمه خميه انتي
شهقت ومطت عيونها – هيييييييييييه هيه هيه وش تحسبين نفسك انتي ( وهي تأشر بيدها بإستحقار ) مابقى غير تضربيني بعد
قويت قلبي واول مره بحياتي اتمرد عليها – إذا لازم الامر ليش لا تراني سكت لك ياعجوز قريح كثير إذا ماصطلبتي وكلمتيني زين والله ( وانا امد اصبعي بخوف ) لتشوفين شي ماقد شفتيه لان لاطولك ولاجسمك ولا عجزك بيساعدك على مجاراتي اقضبي ارضك وفكيني من شرك وخليك في حالك وخليني في حالي
دخلت غرفتي وانا ارقع بابي بقوه 00 وقلبي يرجف رجف 00 وانا اللي منصدمه من إسلوبي مو هي 00 كتمت ضحكتي بيدي لما تذكرت شكل عيونها وهي ماطتهم 00 الضحكه بتنفلت فاركضت لفراشي المبسوط والممدد على الارض وانا انخش فيه وافلت الضحكه 00 ومن الضحك قامت دموعي تنزل






مي – ابي اعرف انتي متى بتجهزين
ام محمد – ايه متى بتجهزين
طفشت 00 ورأسي عورني 00 كل ماأجلس معهم فتحوا الموال علي 00 صرت اكره اجلس معهم
مي – ياعبير ترى عرسك مابقى عليه شي تبغونه على العيد حق الفطر ورمضان المفروض مانطلع فيه كثير يعني تلحلحي وجهزي ترى ذولي ناس مايملى عينهم شي هين
انا بزفره – اوفففففففففف ميوه قسم بالله ان ماصكتي لااكون تاركه لك الصاله بكبرها فاهمه
ام محمد بحنان – يايمه ياعبير انتي شصابك ووش جاك ماكنتي كذا ابد
قربت منها وحطيت راسي في حضنها 00 وانا ابكي 00 وابوس يدها 00 لوقلت اني عمري مابكيت قدام اهلي ابد ولا يعرفون شكل دمعي من كبرت 00 بس من طلع هالانسان في حياتي صار يبكيني وشي في داخلي مااحد حاس فيه غيري مخوفني من الحياه معه
مسحت على رأسي وهي تمسح دموعها بطرف جلالها – يويلي عنك يايمه ليكون عين وصابتك
ماابي اتكلم ماابي 00 فيه شي بيصيرلي مع هالانسان أنا متأكده 00 المشكله ماأني عارفه شنو هالشي 00 بس اللي متأكده منه ان قلبي من هالحين قابضني
قربت مي وباستني – سامحيني يالغاليه وحقك على راسي من فوق بس لاني شايله همك كثير والله ياعبير
غمضت عيوني من سمعت صوت امي وهي ترتل وتنفث علي آيات من القران






سالم بعصبيه – ومتى بتلحلح إن شاءالله
مشعل بنفس العصبيه – وش اسوي وصية امك موأنا وانا وش دخلني
سالم – اللي قاهرني ان السنه عيت لاتتحرك ابد مطاف منها إلا ثلاث شهور بس
والتجار كل شوي يستعجلوني شكلهم بيملون
مشعل – يايبه افهمني يعني شااسوي مثلا ادبغها في الارض واقول ماتت ورثونياها
سالم بعصبيه – تتطنز انت هآآآآآآه
مشعل – مدري عنك كل اللي في يدي سويته وهاه بعد صابر عليها وعلى غثاها
سالم وهو يجلس ويزفر بضيق – هه اصلا ماعليك مأمن مستقبلك انت مع بنت الوزير
مشعل يضحك ويجلس – احلا شي طلعت فيه من زواجاتي وبستفيد منه
سالم قرب الكرسي من المكتب وهو يشهق – ليه كم متزوج انت
مشعل تلعثم – هأآإه ... اا ايه لالا
سالم – وش هو اللي ايه ولا
مشعل وهو يرمي قنبلته – بكل صراحه كنت متزوج ثلاث في النمسا
سالم مط عيونه – يالظالم ثلاث ثلاااااااااااااث
مشعل – ايه ثلاث بس موبفتره وحده يعني كذا اسبوع شهر على حسب المزاج واطلق واتعرف على وحده غيرها
سالم بعصبيه – ووينهم هالثلاث
مشعل – كلهم طلقتهم بح ولا وحده
سالم ويرجع ظهره على الكرسي – افففففففف اشوى عسى بس مايكون فيه ولد ولابنت مخبيهم علي
مشعل – لالالالا وش هالكلام اعوذ بالله اصلا لاانا ولاهم نبي اطفال
سالم بنص عين – الله يستر
مشعل وهو يوقف – تبي شي قبل مااطلع
سالم – ايه لاتعبّط مع بنت صويلح وتطفش منك وتفر لخالها ثم رقعها خله لين نأخذ البيت ثم قلعتها
مشعل – إن شاءالله
مشعل يعطيه ظهره طالع
سالم – الا اقول امك ماكلمتك
مشعل وقف ولف ظهره – ليه انت ماكلمتها
سالم – لا انا زعلان عليها ماابي اكلمها
مشعل بمزح وهو يضحك بخبث – سلوم لاتكثر زعل ثم تشوتك بنت الضاحي عاد ساعتها رقعها
سالم مط عيونه وهو يبحث عن شي يضرب مشعل فيه 00 شاف علبة الاقلام ثم حذفها عليه 00 اللي للاسف ضربت في الباب 00 عقب مارقع به مشعل وهو يضحك
ابتسم سالم وهز رأسه عمره مايتغير مشعل 00 وهذا اللي مخليه يعتمد عليه لانه اكثر واحد فاهم ابوه






لاشخصيه 00 ولاإسلوب 00 ولاشكل 00 ولامظهر 00 ولا حتى نوف القديمه اللي ودعتها في المطار 00 تكون نفسها هي الان 00 وهي تناظر صآلة مطار الملك خالد متوجهه لها عقب مرور اسبوعين من ذهابها من هذا المكان 00 وهي تحمل كورس في فن التعآمل 00 وفي بناء النفس والشخصيه 00 وعقب ماوضع وجهها وشعرها تحت ايدي خبيرات عآلميات 00 ووضع جسمها تحت ايدي امهر المصممات والمصممين العآلميين 00 وهي مخلفه خلفها بقايا من نوف 00 صحيح نفس الشكل 00 ولو أن من رأها وهي تودع المطار وعلى وجهها كدمات وندوب وجروح 00 يحلف انها ليست هي الان ابدآ
ابتسمت إبتسامة تشفي وهي تضع رجلها في صالة المطار 00 وساتبدأ الان في فصول خطتها التي ستقلب مشعل رأسا على عقب 00 ابتسمت بإبتسامة تشفي وهي تراه يقترب منهم للسلام على امه

( الجزء الخامس عشر )



ابتسمت إبتسامة تشفي وهي تضع رجلها في صالة المطار 00 وساتبدأ الان في فصول خطتها التي ستقلب مشعل رأسا على عقب 00 ابتسمت بسخريه وهي تراه يقترب منهم للسلام على امه
مشعل يضم امه – الحمدالله على السلامه يالغاليه
بدريه بجفاء – الله يسلمك ,, ليش جاي وينه عبدالكريم
مشعل وعينه في نوف – افا افا وش هالكلام ياام مشعل ماتبيني استقبلك
بدريه – لا بس مانبي نتعبك نعرف انك مشغول في عرسك القريب
مشعل يبتسم – لاتعب ولاشي انا يوم اخدمك يوم السعد عندي
ناظرته بطرف عيني 00 وهو ماسك يدين امه 00 ويسولف معها
هين يامشعل والله لاادفعك ثمن دموعي غالي 00وإهانتي اصبر علي
وصلوا السياره وركبوا 00 وبدريه بجانب مشعل 00 ونوف خلفها مباشره
مشعل – ايه يايمه هناك حرب في البيت ولا حرب البسوس
بدريه بإستغراب – ليه شصاير
مشعل ويناظر نوف مع المرايه الاماميه بنص عين – دنيا زعلانه كثير ليش انك مااخذتيها تقول تاخذ الغريب ( عشان نوف تحط عينها في عينه مع المرآيه وتنتبهه له ) وانا بنتها مااخذتني
نوف بقوه وتحط رجل على رجل وتناظرالشباك – والله عاد انا موغريبه انا حساب بنتها
مشعل ابتسم بسخريه وهو يناظرها مع المرآيه ولانزل عينه – يازينك صاكته
نوف – ويازينك بالع حلقك
مط عيونه ووقف السياره بقوه – نعم عيدي ماسمعت
بدريه – بسم الله علينا هيه شفيك شصاير
مشعل – ماتشوفينها وش قالت
بدريه – وهي صادقه ماقالت شي غلط
مشعل بعصبيه – تخسي وتعقب وتحط لسانها في فمها وتعض عليه وتنثبر وتحمد ربي اني لين الحين صاكت عنها
نوف بعدم مبالآه – ايه واضح لين الحين صاكت حضرتك ماقصرت شبعتني طق بس اقسم بالله مااسكتلك زياده وشوفني حلفت
مشعل بعصبيه – بعـــــــــــــــد تهدد انا اوريك بس اصبري كيف لين نرد البيت
بدريه – بــــــــــــس هيه انتم ماتحشمون الواحد خلاص اسكتوا راسي يعورني
مشعل عظ شفاته من القهر وهو يدعس على السياره بقوه






يطق الباب 00 ولحد يرد عليه 00 والسبب ان عبير محرصه على الخدم مااحد يفتحله الباب ابد وهي تبتسم بإنتصار 00وتشوفه كيف مطنقر وينفخ ويسب في الشاشه الصغيره التي تنظر إليه منها
امها ومي يزورون خالتها وابوها في المزرعه هالوقت ومحمد كالعاده طالع
زفر بضيق – هذا اللي ناقص على آخر عمري اتمرمط الله يسامحك يايمه
ركبت سيارتي وانا معصب 00 هاذا حال اللي يتسمع في كلام الحريم 00 آون إيش رح ياعبدالعزيز وود المهر انت بنفسك 00 تنطق عسى مجاها مهر 00 تحمد النعمه اني باخذها لسان طويل ووش كبره 00 آآآآآآآه ميت قهر على آخر عمري اتزوجلي بزره عمرها 23 سنه 00 وش لي فيها ابي وحده اكبر شوي قريبه من عمري 00 مو هاذي المجرمه السفاحه 00 مالت لواني متزوج اختها ذيك 00 الحلوه مو العقربه هاذي ياشينها وياشين منطوقها قسم بالله تقهر 00 آآآآخ بس آآآخ






لحد الآن منصدمه 00 وفي وقع الصدمه 00 صباحوه علمت علي ابوي ولا سوى لي شي 00ولاطقني 00 هاذا يكتب في التاريخ شو التاريخ إلا موسوعة جينس
طول عمرها تشكي عند ابوي 00 واستلم لضربات 00 هالحين يطنشها ويقول سوي قهوه بيجيني رجال هههههههههههههه تستاهلين يالصبوحه 00 هالحين كرفي كرف وعاد هالحين بنفخ ريشي 00 ولو انك احيان تكسرين خاطري 00 عجوز مكسره لاطفل ولا هم يحزنون 00 بس تستاهلين عشان تتوبين من العآده السيئه اللي تسوينها فيني
دخل حمود وهو يبتسم 00 ناظرته وش فيه يناظرني كذا ويبتسم
انا – هيه الاخو مضيع شي وجاي في وجهي تدور فيه
حمود – لا بس ابتسم ليه قالولك البسمه حرام
انا بقهر منه – لا موحرام بس عيونك ذي فيها شي قول قول حموده وش عندك
( وانا احط رجل على رجل واجلس على كمودينة امي الله يرحمها ) قرب مني ومسك اذني بمزح – والله وكبرتي يامنالوه وطلع لك لسان كم مره قلت حموده ذي مااحبها
انا بتمثيل – آي آي حموده فكني عورتني
حمود فكني وهو يضحك – كم عمرك منال
انا بإستغراب من سؤاله – ليه وش لك بعمري
حمود – بس ناس يسألوني عن عمرك قلت مااعرف
انا بتعجب – انت وش قاعد تقول مافهمت عليك
ذبها في وجهي – بإختصار واحد بيخطبك ويبي يعرف عمرك كم
استحيت إلا قولوا ذبت في ثوبي 00 وشوي وعيوني تحمر 00 سبحان الله قبل ثلاثه اسابيع بس نضحك انا ومي على سالفة خطيب المستقبل اون ولا حد بيخطبني غير عايض 00 مطيت عيوني ليكون حمود مل مني وبيزوجني له
سألته بإستغراب – ليكون عايض
طاح على بطنه ضحك 00 إلا قولوا جلس من الضحك وهو يرافس برجلينه وصدى ضحكه طلع للشارع 00 من هبالتي قمت اشاركه واضحك من ضحكه





وقف السياره بعصبيه 00 فتحت الباب وانا كارهه هالانسان كرهه موطبيعي
سمعت صوته – وين رايحه
التفت له بقهر – خير شاتبي مني
مشعل – هاتي الجواز
انا بعصبيه – هالحين موقفني عشان اعطيك الجوآز ليه شايفني سيلانيه ولاسيلانيه عشان اهرب
فتح عيونه بقوه وهو يقرب مني 00 وانا بكل بروده اواجهه
نوف – خير بتطق يالله طق اضرب كوفن هاذا شغلك في الحياه إنسان بليد ومتعجرف وشايف نفسك وإذا على الضرب جسمي تعود
جاء بيرفع يده 00 مسكته بدريه وبعصبيه – والله العظيم يامشعل ان عدت هالحركه مره ثانيه لاانت ولدي ولااعرفك
شفته وهو مقهور وماط عيونه بسرعه لف وجهه لي وهو يصغر عيوونه بقهر 00 ناظرته بنص عين وانا احره وارفع ضغط دمه 00 انبسط من اشوف هالانسان معصب ويكرهه نفسه إن شاءالله تطيح طيحه مافيه قومه منه يارب
ناظرته بإستحقار وانا الف وجههي وادخل البيت 00 ماشفت حد يستحق اسلم عليه غير الثنتين المرتزات في الصاله ويناظروني بإستحقار 00 طلعت سيده لغرفتي ومسكت السماعه 00 وضغطت على الزر وانا اوجهه الخدم يجيبون شناطي واغراضي لين عندي في الغرفه 00 وانا امدد رجلي على السرير 00 يبيلي حمام دافي وانام نومه حلوه 00 قربت من المرآيه وانا ابتسم 00 حلو لما الانسان يغير شي فيه يحس في داخله ان مو هو نفسه 00 قصة شعر محليه وجههي الدائري
وبشرتي صايره تلمع 00 وكل جسمي اشتغلوا عليه شغل 00 اما الحين لما اطلع كل اغراضي وتمتلي غرفتي ملابس فرنسيه واسبانيه على عطوراتهم اللي تجنن 00 ناظرت شعري مره ثانيه 00 خساره كان نفسي اصبغ يالله قهر 00 لولا هالحمل اللي قاهرني كان استمتعت اكثر واكثر 00 شفت الخدم وهم يدخلون الشنط حقتي اللي وش كثرها 00 خليتهم يحطونها على جنب 00 إن شاء الله اتفضى لها من اصحى من النوم






شفته هدئ من الموجه اللي اجتاحته 00 ناظرته بنص عين وانا مقهوره
منال – ليش تضحك مني
ضحك بس اخف من ضحكه المجنون – هههههههههههه ههههههههههههههه ياحبيلك يامنوله لهدرجه خايفه من عايض
منال – ايه شدراني عنك يمكن مليت مني وتبي تفتك وتزوجني له
اقترب مني وضمني 00 فديتك ياحمود طول عمرك حنون فكيته – تصدق احسد اللي بتأخذها
ضربني على راسي – ليه يافالحه
مسكت راسي وحكيته – آآه عورتني ,, لانك احن مخلوق في هالدنيا بس لوانك موصاحب العسره ذاك
ضحك وهو يضربني على راسي – كل ذا حب لصديقتك
منال بعصبيه – ايه عاد لاتضرب راسي عورني ,, ايه احبها وصديقك سخيف ومليغ وكريهه بعد
حمود – ليه يافيلسوفة زمانك
منال – لانه متزوج عليها
حمود ضحك – ههههههههههههههه الحين ليش قاعده تلفين وتدورين ماتبين تعلميني عمرك كم عشان اعلم خطيبك
انصدمت يعني من صدقه يتكلم – انت من صدقك تتكلم
حمود – ايه من صدقي
منال – انا حسبتك تمزح
حمود – لا ماامزح قوليلي عمرك كم مين اكبر انتي ولا ساره
استغربت – مين ساره
حمود بصدمه – اخت خالد صديقي
منال – ايييييييييه لاتقول ان سويروه ماغيرها اخت خالد
حمود – ايه اخوها
مطيت عيني ووووووووع طلع اخوها 00 وانا اللي حبيته حظي نحس ياعالم
حمود – ليش تسألين
منال – لاني مستغربه بس
حمود – بصراحه خالد بيخطبك ويبي يعرف عمرك كم
مطيت عيوني على آخرهم 00 وقمت ارجف 00 ولد وزير بيخطبني انا انا قمت
آشر على نفسي – يخطبني انا
حمود بإبتسامه – ايه من قدك من بياع خمور لولد وزيره مره وحده
كل اللي سويته اني ركضت للحمام 00 وقفلت على نفسي 00 سمعت ضحك حمود من ورى الباب – لحد الآن ماقلتيلي عمرك كم
ضحك وطلع 00 وانا جلست على بلاط الحمام البارد 00 وبرودته ماتهمني كثر مالحراره اللي تلسعني معقوله خالد خالد ماغيره يخطبني







صحيت من نومي وراسي دايخ ويعورني 00 اففففففففففف تعبانه هالنوم ماريحني إلا زادني صداع 00 ناظرت الساعه 00 تقترب من 10 ليلا 00 شهقت بقوه 00 رقدت هالكثر وصلاتي 00 قمت اركض للحمام اتوضى واصلي واستغفر يارب تسامحني لاني اجلت هالصلوات هالكثر
بعد ماصليت وخلصت تمددت على سريري وراسي بيذبحه الصداع ياناس 00 والله بموت من العوآر 00 وحاسه ودي ارجع 00 اففففففف ركضت الحمام ورجعت
غسلت وجههي كذا مره
طلعت من الحمام 00 وانا امسح وجهي بفوطه 00 سمعت الباب يطق
انا – مين
سمعت صوت ريم بتودد – انا افتحيلي
فتحت الباب وابتسمت عشان اسمع شهقتها – اهييييييييييييييه نويف تغيرتي هالكثر قالت لي خالتي بس متوقعت هالكثر ( وتقترب مني تضمني ) مشاءالله تهبلييييييييين
ضحكت لها رهيبه هالريم ياناس – مشكوره ريم رفعتي المعنويات
ريم وتدخل الغرفه00 وتصك الباب معها 00 مسكتني مع يدي ونجلس انا وهي على السرير – تعالي قوليلي كل اخبارك والرحله اللي غيرتك هالكثر
نوف – ابد سافرنا لإسبانيا وهناك عمتي التقت مع صديقات لها وشفناهم ياخذون كورسات لتعلم الآتيكيت وكيفية بناء الشخصيه ودخلنا نفسنا غصب انا وهي وانبسطنا من جلستين صرنا مره إتيكيت عاد عمتي ماتحتاج بس عاد انا حسيت نفسي من جوى شي ثاني
رحنا بعدها على فرنسا وجلسنا يومين هناك اتشرينا جميع مايخطر ابالك من عطور وغيرت شعري ورحت مصممين وخلصنا بهاليومين
عقبها سيده على بريطانيا هناك هو الآستجمام صدق نسينا كل شي حنا تحت ايدي المدلكات وااااااااااااااو شي ثاني رحله ولا بالاحلام
ريم بوناسه – يالله اللهم لك الحمد اللي تغيرت نفسيتك
انا بوناسه – ايه حمدالله
ريم بحذر – نوف خالتي خبرتني انك حامل
ضربت على صدري وشهقت – ليش انا محذرتها
ريم باقناع - نوف لاسمح الله صارلك شي اعرف نتلحق روحنا وغير اني اللي بسير وارد وياك للعياده خالتي ماتقدر تترك شغلها واطمني خالتي ماخبرت غيري لانها تعرف اني وياك شي واحد صح
ابتسمت لها ولطيبة قلبها – ايه صح
ريم – ولو اني زعلت منك ليه ماتبغيني اعرف
نوف بحياء – وش اسوي ماابي ذاك الهمجي يعرف
ضحكت ريم – هههههههه ههههههههههههههههههه ياحبيلك يانوف
تعرفين يانوف والله العظيم مشعل طيب وشخص غير غير غير عن كل عيال خالتي لوماكنت احب راشد كان بااتحسر اني ماتزوجت مشعل 00 لانه عن جد جنتل مان بكل ماتحمله هالمعنى من كلمه
انا بعصبيه – ايه عاد قلعته لاتجيبين سيرته .. اففففففف استغفرالله العظيم ريم لاتزعلين مني عارفه ان ولد خالتك
ريم – لا عادي خذي راحتك في السب كلنا مقهورين منه عشانه اخذ هالسحليه
نوف – عمره ماهمني لاهي ولاهو ياريم ,, تدرين نفسي اطلع من هالبيت ابيك تقنعين عمتي ترضى
سمعت شهقتها – من جدك تتكلمين
نوف – ايه من جدي ياريم والله غاصبه نفسي على الحياه هنا
ريم – وين بتروحين مثلا
نوف – موشرط انا عارفه انه لاهو ولاعمي راضيين اسير الامارات بس ابي شقه على قدي
ريم – نوف ابلعي لسانك لااكفر فيك والله من تدري خالتي لاتذبحك
ضحكت منها 00 وهالقرار صممت عليه كثير بس يجي الوقت المناسب


اليوم الثاني \ جده
مصحيني بدري اطفالي الله يسامحهم 00 اون ايش نايف ماغيره بيجي ياخذهم في رحله 00 مقهوره ان عيالي تعلقوا فيه هالكثر 00 وحابينه كثير 00 إذا اخوي خالد اللي يموتون عليه 00 ماحبوه كثر هالانسان اللي تعلقوا فيه مع انه غريب 00 لامنهم ولا يقربلهم 00 افففففففففف
زياد – ماما باالبس هاذي البدله حلوه صح
انا بقهر – ايه حلوه ,, انتم ليه مصممين على ذا الرحله مولازم تروحون لها
يزيد بإندفاع – لا ياماما عمو نايف بياخذنا البحر
زفرت بضيق وخوف – بعد البحر ,, الله يحفظكم يارب
زياد – ماما انتي زعلانه
ابتسمت لزياد اللي يداريني كثير وحبه لي واضح اكثر عن اخوه – لا ياقلب ماما مااني زعلانه بس خايفه عليكم كثير ولازم احصنكم لايصير لكم شي
يزيد يقرب مني – يالله ياماما حصنيني انا خلصت
زياد قرب مني وباسني – وانا بعد ياماما
شفت يزيد اغتار من بوسة اخوه قرب مني وطبع بوسه قويه على راسي ويدي
ضميتهم لي وانا ادمع واشم ريحة تركي فيهم – يالله يارب يحفظكم لي






من تعرفت على حسام وانا مااني مطمن 00 بس غصب عني امشي مع ربعه وخوياتهم هاللي اشكالهم تروع 00 ومن دريت عن ابر المخدر اللي ياخذونه 00 خفت اكثر واكثر
حسام – انت شفيك خايف
انا بإرتعاب – لا عادي
حسام – يالله عاد عبدالله كم مره بتجي امريكا استانس يااخي
عبدالله – ها 00 لا خلني كذا اريح
حسام – كيفك بغيتلك الوناسه وانت ماودك فيها






كل اللي نمته ساعتين 00 ابغي اطلع 00 وبفرفر في الرياض اليوم 00 مااني مخليه شي في بالي ابد 00 لبست لي فستان هادئ وناعم كثير بس ألوانه جميله فيه ابيض واحمر واصفر ووردي يااااااااااه قد ايش مريح للعين 00 حطيت شعري ذيل حصان 00 بخيت عطري اللي خلاص بيصير المفضل من شميت ريحته ذبت
طلعت بعد مااخذت جلال احتياط يمكن اشوف حد من العيال 00 شفت الوحش يحك راسه طالع من غرفته ولابس بجامة نومه 00 زين اصبر يامشعل 00 والله اخليك تهلوس فيني 00 وتحلم في قربي 00 بس بعدك 00 ان ماحرقت قلبك 00 مااكون نوف اللي تعايرها القرويه 00 بقصد مني طرحت الجلال عن راسي 00 استغفرالله لايطلع حد من عيال عمي يخرب علي خطتي 00 وقمت امشي بدلع 00 شفت بطرف عيني انه انتبه لي وفتح فمه 00 ياشماتي فيك 00 بس اصبر 00 قمت اناقز على الدرج بخفه وشعري يفر يمين ويسار 00 ايه عاد انا عارفه هالانسان 00 نقطة ضعفه المرأه
سمعت صوت حد يمشي مع الدرج 00 لفيت راسي 00 شفته يمشي خلفي 00 وعينه علي 00 ناظرته بإستحقار وانا اتوجه للصاله الجانبيه 00 شفت عمتي تتصفح الجريده 00 وآثار حد اكل وطلع 00 بست راسها ويدها
نوف – صباح الخير عموه
بدريه – صباح النور ياقلب عمتك
سمعت صوته الخشن – صباح الخير يمه
بدريه تناظرني وتناظره نص عين 00 هه تحسبه نايم عندي
باس راس امه وجلس مقابل لي 00 من حلاة خشتك اتصبح فيها
بدريه – مشعل انت نايم هنا
مشعل – ايه يمه ,, الاستراحه معفوسه فيه حد قريب جايب دققات بيبني شكله استراحه 00 ماخلاني انام ابد ورجعت على وجه الفجر اكمل نوم في حجرتي
بدريه – اها
صبيتلي كأس حليب 00 مااحبه بس غصب من حملت صرت لازم اشربه 00 لمحته يناظرني وحط عينه علي 00 رفعت عيني له
هو – خلي عندك ذوق وصبيلي كوب حليب
انا بعناد – عاد والله لك يد صب لنفسك
شفته طنقر وملامحه تغيرت ناظر امه – من يوم شلتيها معك استقوت حفيدة الباكستانيه
شفت عمتي مطت عيونها 00 تلومت فيني
انا حطيت الكوب بعصبيه 00وانكب نصه 00 مايهم اهم شي النار اللي في قلبي اطفيها رفعت اصبعي بتهديد وانا عاظه على سنوني – ايه عاد قسم بالله لوعدت هالكلمه انك ويا ابوك ماتشمون ريحة البيت وساعتها تبوس مطأي ولا محصل شبر واحد من بيتي
اخذت كوب الماي القريب 00 وفريت الماي على وجهه – صحصح ياولد الاكابر ترى الباكستانين آوادم يمكن هالمويه تصحيك من حلم الغفله اللي معيش نفسك فيها
طلعت بعصبيه وانا تاركه المكان معفوس وراي 00 سمعت صوته يسب ويرعن 00 واسمع صوت عمتي تهديه 00 وتمسكه 00 هه الاخ ناوي يطلعلي فوق يضربني 00 حامض على بوزك مو انا نوف المسكينه والضعيفه






قايم من صباح الله خير احجز ويا امي للفندق
انا بعصبيه – يمه وش هالفسق عاد دورين كامله والقاعه
دلال بعصبيه – الخير واجد وإذا باخل تدفع انا بدفع
انا بقهر – حرام عليك يمه والله مااني بخلان بس حرام رمي الفلوس كذا يعني بس اون صاحباتك ماتبين لهم الازعاج
دلال – ايه ابيهم ياخذون راحتهم ,, انت شفيك تراهم اميرات وشيخات وحريم وزراء وحريم سفراء يعني ناس عليهم القيمه وكلهم من برى السعوديه
انا زفرت بضيق – والله شكل هالعرس من آوله نحس استغفر الله العظيم
دلال – الله يصلحك بس ,, ترى عروسك حلوه وتستاهل مع ان ابوها كان سفير
عبدالعزيز – لا ماعليك اهم شي بتتفشخرين وتقولين بنت سفير
دلال – ايه حمدالله
انقهرت 00 وانبطت كبدي 00 ياربي العفو ياربي





ضحكت انا وياه من حركة منال
خالد – حرام عليك كذا عاد تحرجها
حمود – عاد وش اسويلك انت وياها هي بقره وانت ثور
خالد – ايه فديت بقرتي ياناس ,, ( انتبهت لعمري ) اوني ارقع – آ ىآآآ عيب تقول عنا بقره وثور
حمود – ايه حشم عمرك احسن لك منا لين يصير كل شي رسمي تفدى على كيفك
استحيت منه – ايه عاد اسولف
ناظرني بنص عين ونقعنا ضحك






في الليل
دنيا – حمودي تراني زعلت
محمد – لالا عاد كله ولا زعلك يالغلآ
دنيا – ايه انت صاير ذا الايام مليغ
محمد بزعل – مليغ عشاني بشوفك بس
دنيا بدلع – ايه ,, انا صراحه اول مره اعرف شاب بس انت تبي تحرجني قلت لك مااقدر ولا اتعودت اوري حد غريب وجههي
محمد – موانتي تسافرين للخارج وتكشفين
دنيا – ايه هنا غير وهناك غير
محمد – ليه الحجاب مو واحد
دنيا – امبلا بس
قاطعها – ايه عاد لاتبسبسين يالله قولي ماتبغين تشوفيني
دنيا - طيب أجله شوي عرس اخوي قريب
محمد – طيب بشوفك في المول زين
دنيا – اممممم طيب بس مو تطول وانت تشوفني
محمد بإبتسامه – طيب من عيوني






صكيت عنها وانا اضحك 00من غباء هالبنات 00 جلس مشعل قريب مني
مشعل – لحد الحين مابطلت هالحركات
محمد – يااخوي هالبنات مخفات والله
مشعل يشاركه الضحك – موكلهم
محمد – اغلبهم ,, تخيل سويت نفسي زعلان لانها رفضت تشوفني خافت وقالت خلاص
مشعل يضحك – والله انك حمار اثرك موهين
محمد – تلميذك يامعلم
مشعل – تخسي هاذا قبل اما الحين تحصنا
محمد – ههههههههههههههه ههههههههههههههههههههه ماانت هين خمس حريم
مشعل – طلقتهم عندي ثنتين , واسكت لاتصكني عين ترى وحده فيهم حاطها على بند الاجور 00 والثانيه تطييب خاطر
محمد – ايه افلقني ياشيخ ,, يمكن مااتم مع ثنينهم ,, انت تحب التغيير
مشعل – يمكن
حمود – السلام عليكم يالربع
ضحكوا على إسلوب حمود الجميل
مشعل – حيالله الشايب
حمود باستعجال – ايه الله يح ......
قطع كلامه وناظر مشعل بنص عين – هالحين انا شايب ياراعي الطباين ( يقصد حريمه الثنين )
مشعل – ايه وش عليك مني انا واحد يحب الستر
رص حمود ركبته على ركبة مشعل وهمس – نسى الدموع والبكي هآآآآآه
دزه مشعل – قم قم الا ليه تقوم ( نادى بصوت عالي لسعيد ونواف اللي يمشوون ) يانواف وين اللي خبري خبرك
ضحكوا الشباب لما عرفوا بالمقلب اللي بيسويه مشعل لحمود
حمود – لا تكفى دخيلك يامشعل التوبه التوبه
مشعل يضحك – لالا مافيه توبه انا مكثر من الطراطيع بس عشانك
حمود بخوف – تكفى مشيعل تكفى تكفى
مشعل وهو يمسك فيه – والله لاتأكل المقلب ياروح مشعل ( ويضحك )
والشباب ناقعين ضحك
مشعل – محمد اركض هاته
محمد يضحك ويفز – ابشر ابشر
وحمود بصياح – ابك ياااااااااااااو تكفى تكفى يامحمد لاتسمع كلامه
محمد – لالا ياشيخ نبي نضحك
حمود – ياخاااااااااااااااااااالد ياخويلد الحق علي الحق على نسيبك
الشباب نقعوا ضحك 00 من شافوا عيون خالد مرتاع والجوال في يده 00 هز رأسه
ودخل يكمل مكالمته 00 وهو متعود على إسلوب مشعل وحمود
اسحبه مشعل ومحمد لين عند الشجره 00 ربطوه وهو واقف 00 والطراطيع عند رجله
حمود – تكفى يامشعل تكفى والله لاازعل منك
مشعل وهو يبدأ يشغل الطراطيع ويضحك – ازعل حد مسكك
انحاشوا وهم يتلفتون عليه 00 ونواف وسعيد يصورون هالمشهد في جوالاتهم ويضحكون
بدأت الطراطيع في الاشتعال 00 وحمود يحاول يتسلق الشجره 00 ويفر يمين 00 ويفر يسار 00 وهو يصيح ويولول
( حمود مايحب الطراطيع ويخاف منها ,, عنده عقده من الصغر)





اففففففففف تأخر الوقت 00 وقلبي مأكلني 00 ليه تأخروا 00 حسبي الله عليه
وين خذ عيالي 00 ياربي دخيلك
سمعت صوت ضحكهم 00 مع الدرج وهم طالعين لي 00 ركضت لهم وناظرتهم واحد واحد 00 وهم منصدمين من دموعي – وين كنتوا
زياد – ليه تبكين ماما
خلود بخوف وهي تبكي – خايفه عليكم ليش تأخرتوا
قربوا مني وضموني 00 وهم يبكون من بكاي 00 شفت سمر تقترب مني
سمر – علامكم تبكون
خلود – تخيلي من الصباح اخذهم بغى مايردهم لي
سمر – الله يهديك ياخلود طيحتي قلبي 00 خفت فيه حد مات او صارله شي ,, معاليه نايف حساب عمهم وابوهم
خلود – لاااااااااا هذولي بس عيالي انا وتركي
اخذت عيالي بعصبيه وانا اطلع فيهم الغرفه 00 ومستنكره كلامها 00 هاذي وش تخرف وش تقول 00 هذولي عيالي انا وتركي وبس 00 آآآآآآآآآه الله يرحمك ياتركي
والله انك فقيده يالغالي






لحد الحين زعلان ابو دميعه
مشعل – انت من صدقك لحد الحين مابتكلمني
حمود جالس عند المسبح ويناظر فيه
مشعل – حمود دخيلك يالغالي شوف الساعه ست الفجر ومانمنا
حمود بعصبيه – ياشيخ روح زين
مشعل يطيب خاطره – يالله عاد ياكثر مقالبك فيني
حمود بزعل – انت يامشعل اكثر حد تعرف سبب خوفي من هالطراطيع وتمارسهم علي
المشكله اني صرت مطنزه لك ولغيرك
مشعل يضحك – ياحلوك ياابوغازي خلاص لاتزعلين ياحبيبتي براضيك وبطلق سويره ونويفه لعويناتك الحلوين
غصب عنه ضحك حمود – الله يقطع سوالفك
مشعل نقع معه ضحك – ياحلوكي ياقلبي لاضحكتي
حمود – وع الله يقرفك مابقى غيرك يحبني
مشعل – يالله عاد لاتصدقين وتراك طالق
حمود – دا يوم السعد عندي يامغوري
مشعل – يالله عاد حلالك الجو
حمود بضحكه – حلو التمثيل صراحه
مشعل – خل عنك تعال بسألك 00 صدق خويلد بياخذ اختك
حمود – ايه يقول جس نبضها مع اني اتوقع عمتك مابتوافق
مشعل – ليه لها الشرف وبعدين خلّود بيصر اعرفه إذا حب الشي اقتنع فيه
حمود – يمكن ,, تعال اسألك عمتي وزوجتك ردوا
مشعل – ايه وليت اللي معها ماردت
حمود – مين نوف
مشعل – آآآآآآه ياحمود طالع لها لسان بنت اللذين نتفتني بكلامها
حمود – قدرك وتستاهل بنت عمك تسوي فيها هالسواه
مشعل بقهر – المشكله تغير شكلها للأحسن بتنصدم اختك من تشوفها خساره ماتغيرت غير لين تفرقنا في الغرف
حمود طاح ضحك – يلعن شيطان تفكيرك يالتعبان
مشعل بقهر – اصكت من تشوفها ساره بتلعن جدي طلبات بيشتغل شغل الضراير عاد
حمود – الله يستر من حريمك يامشعل
مشعل – والله اني مااني راضي عن هالزوجتين كلهم بيني وبينك بس الزمن حدني
حمود يمسك كتفه – الله يعين امش خل نرقد
سمعوا صوت الدقاق 00 عصبوا 00 بعدين ضحكوا 00 كل واحد شل شاليله وبيرد يرقد في بيته






دخل البيت وهو حاس بإرهاق 00 شاف الساعه اللي صارت سبع ونص الصبح 00 شاف نوف في وجهه
نوف وتشرب النسكافيه وتناظر الجريده00 حطتهم من شافته 00 وهي لابسه تيور اسود 00 وبلوزه حمراء ستان بقصه صينيه حلوه 00 وحاطه روج سائل احمر 00 وبلاشر خفيف وردي
نوف وتحط رجل على رجل – زين اللي شرفت
مشعل رفع حاجبه – وخير وش عندك
نوف – اجلس مااحب حد يوقف على راسي
مشعل جلس وحط رجل على رجل يقلد حركتها – نعم جلسنا
نوف – ابي يمشيلي مصروف وماينزل عن الخمس الآف ريال
مشعل مط عيونه – خمس الآف مره وحده ليه وش تبين فيهم
نوف بنبرة إستهزاء واضحه – شوف لاحظ من انقردت وانحست وخذتك ماعطيتني ريال واحد
مشعل يكلمها بنفس الاسلوب – ولاحظي يالغير محترمه ياللي مااتهذبتي ان سلوب الآستهزاء والآستخفاف مايمشي عندي
مطت عيونها اللي مدعوجه بكحل اسود – اها اجل انا استخف طيب
ارتبك من نظرة عينها – ماعليه إن شاءالله شي غيره عمتي
نوف - ايه
مشعل ويمط الكلمه بإستهزاء – بعــــــــــــــد
نوف طنشت نبرته الواضحه – ابي لي بيت ومايهم حتى لو شقه بس مكان اشوفك فيه ماابي
وقف معصب وعينه محمره وينفخ غضب – لاحظي ياتبن اني ساكت عنك وعن اللي سويتيه وفضحتينا فيه قدام الجماعه كلهم كله يقولون بنت صويلح داشره
نزلت دمعته من وقع هالكلمه وهو يكمل 00 مااكتفى سكوت
- وتبي بيت بعد عشان تواعد فيه هاذا اللي ناقص والله
نوف بصراخ – بــــــــــــــــــــــــــــس ياكلب بس بس بس بس بس حسبي الله ونعم الوكيل 00 الله ينتقملي منك ومن كل اللي ظلموني 00 الله ينقملي منك ومنهم
ركضت بعصبيه على الدرج وهي تتحسب وتدعي






يوم زواج مشعل وساره
في غرفة نوف \ الظهر
انحذف شي على وجهها 00 رفعت عينها 00 عشان تنصدم وتموت قهر


.

( الفصل السادس عشر )



يوم زواج مشعل وساره
في غرفة نوف \ الظهر
انحذف شي على وجهها 00 رفعت عينها 00 عشان تنصدم وتموت قهر
دنيا – خذي هاذا مصروفك ارسله مشعل لك
وقفت بعصبيه وناظرت فيها 00 احسها خافت من اقتربت لها
نوف قربت منها – علم يوصلك ويتعداك لحد الحين ساكتتلك مولشي غير لاافضال امك علي ,, ولايخفى عليك تراني عارفه اللي مسويته انتي والهبله الثانيه خليها تاخذ اخوك وتشبع فيه وطزززززز فيك وفيها وانقلعي اطلعي برى انا ماادخل نجوس عندي في الغرفه
عصبت الا ماتت قهر 00 هي اصرت على امها انها هي اللي تجيب لها الفلوس عشان تشمت فيها 00 لان اليوم زواج مشعل وساره 00 بس تدخل وتلقاها بها القوه وتهينها 00 هاذا ماينصكت عنه
دنيا بعصبيه – ياحيوانه ياقليلة الادب والتربيه 00 والله لااتبلى عليك زود عند مشعل
نوف بعصبيه – عشان ساعتها يكون نهايتك على يدي ياحيوانه يادآشره انقلععععععععععععي عن غرفتي
فتحت الباب نوف وعطتها نظره تروع – يالله انقلعـــــي انقلعــــــــــــــــــي
دنيا طلعت بعصبيه وقهر 00 وشوي وتبكي






بدريه في جناحها ومشعل عندها
مشعل بحزن – حرام عليك يايمه
بدريه وحاطه رجل على رجل والفلبينيه المختصه فيها حولها تسوي لها بدكير بدريه - الحرام اني اروح لعرس مااني راضية عنه
مشعل بعصبيه – انا عارف من دخلت هالهمجيه البيت وانتي متغيره علي
بدريه وخرتها عن يدها – انت مصدق انك بهالكلمتين اللي تقولهم تهددني يكون في علمك الهمجي انت وقليل الذوق ولا حد يتزوج وهو ماكمل خمسه شهور مع مرته
مشعل – هه وتسمين ذي مره ,, ذي تتسمى بقره صخله
بدريه – بسسسسسسس واحسن لك اذلف عن وجههي يامشيعل لاارتكب فيك جريمه
مشعل – هالحين تطرديني يايمه علشانها
بدريه مسكت اعصابها 00 وعطته ظهرها 00 المشكله انها حاسه بالذنب في نوف وهي عارفه ومتأكده ان ذا ملعوب من بنتها وساره ونجحوا فيه 00 بس ماعندها دليل ماعندها
مشعل مشى لين وصل عند الباب – بسلامتك ياام طلال لتحضرين العرس وخلي اللي فضلتيها علي تنفعك
( راح وخلاها )







ياااااااااااااااه مااني مصدقه ان اليوم زواجي في مشعل 00 اللي لي سنين احلم انه زوجي 00 ياربي وش كثر احبه وش كثرررررر
تذكرت كيف تعبلت في اغراض العرس وكل اغراضي من برى 00 كله طلبيات من الانترنت 00كل اغراضي من اوربا 00 والفساتين من لبنان ومصر والكويت ودبي وجده 00 ماتعنيت كثير ابد
دخلت نوره – واااااااااااااااااو ياعروسه تهبلين مبروووووووووك
ساره تضحك – الله يبارك فيك جاء ناس كثير
نوره – ايه كثير ,, تخيلي عجوز قريح ماجات
ساره – قولي والله
نوره – والله وامي هناك مشتعله قهرمن اللي صافه مع السوسه اللي عندنا
ساره وتقرب من المرايه وتطالع شكلها المبهر – قلعتعها عسى عمرها ماجت كل اللي يهمني مشعل ولاهي في قلعة وادرين
نوره – خلاص اسكتي دنيا جايه
دنيا دخلت عليهم – الــــــــــــــــف مبروك تستاهلين صبرتي ونلتي 00 حرام عليك بتذوبين قلب اخوي ( وجت تتسلم عليها )
ساره اضحكت ابرود وسلمت عليها ابرد 00 استغربت دنيا 00 بس مادققت يمكن تكون مرتبكه
ساره – حد جاء من صديقاتي
دنيا – ايه كلهم ويبغون يجون يسلمون عليك ويصورون معك
ساره – خليهم يجوون اجلس معهم شوي قبل الزفه
دنيا – تحت امرك يالعروس






في الصاله
نوف جالسه معهم 00 ومتفشله من طيبة عمتها وريم اللي جلسوا معها 00 ومارحوا للزواج
نوف – والله عيب وش بيقولون الناس ياعمه
بدريه – انا عمر ماهمني كلام الناس يانوف ,, انا مااني راضيه على هالزواج ومستحيل اقبل فيه
نوف تفشلت – بس ياعمه .......
ريم – نوف خالتي ماهي مقتنعه وعارفه ان اللي يصيرلك ظلم وحنا مانسوي شي بس صدق هالعرس كلنا موراضين عنه حتى راشد بغى مايروح الين أقنعته ومتلوم منك يانوف
نوف – صدقوني مااني حزينه ولا بحزن لاني وقدامك ياعمه وقدامك ياريم عمري ماحبيت مشعل ولابحبه ابد إنسان ماشفت من وراه غير المشاكل وانا صاكته بس عشان خاطر عمتي ولااقسم بالله نفسي ارفع عليه قضية خلع ولا يجس مني شعره بس هه ( وسرحت بحزن ) عارفه عمي مستحيل يخليني اروح لخالي
بدريه – ماعليك منهم يانوف ومستحيل اخليهم ياخذون بيت جدتك منك ابد
نوف – ماتقصرين ياعمه






عند الرجال \ في الفندق
حمود – ياأن اخوك راشد زعلان منك
مشعل – خلك منه ذا بس يسمع كلام حرمته والحرمه صافه مع نوف ومع امي
حمود – والله لو تشوف اختي شوي وتبوس رجلي عشان مااحضر هههههههههه
مشعل – ايه عشان اكوفنك انت وإياها
نواف بخفة دم – وش شعورك اخ مشعل واليوم هو زواجك من المرأه الخامسه في حياتك
مشعل – ضف وجهك بس
سعيد طاح على بطنه ضحك 00 والكل يناظر فيهم ويقولون وش فيهم إنهبلوا
محمد – مشيعل شف عمك الوزير توه يحضر يآآآآآآآآآه شف شف اللي حوله له هيبه ويإهم
مشعل – وش قالولك تراه وزير
نواف – يآآآآآه مااصدق اني اشوف وزير قدام عيني
كلهم نقعوا ضحك منه






وابتدت الزفه 00 واعلن عن دخول ملكة الحفل ( ساره )
كانت زفتها مختلفه 00 عن أي زفه شافوها
كانوا يتوقعون انها بتدخل مع الدرج المخصوص للعرايس 00 بس خالفتهم التوقع ونزلت على كرسي من فوق الكوشه 00 مثل الآمبراطورات بالتمام 00 وملتف حولها الورد الابيض والاحمر00 الكل انذهل من شدة جمآل ساره وحلاها
قبل لاتلآمس الارض البخار ملئ المكان كله 00 وآصوات الزفه يرج المكان كله
والحمامتين البيضاء 00 تلف القصر00 وفي كل رجل مربوطه ( ساره & مشعل )
الجميع انذهل 00 وصفقوا كثير للزفه ولحضورها المذهل
بدأت الزغاريت 00 والفنانه يصدح صوتها في المكان كله 00 ابتداء الكل حولها للسلام عليها 00 وتهنيتها 00 وصديقاتها حولها






مي بقهر – تخيلي الزفت مشعل اليوم زواجه من الكريهه
عبير – والله مسكينه نوف ,, تصدقين ودي اشوفها من مدحك لها
مي بإستحباب – والله من تشوفينها تحبينها كثير ياعبير إنسانه ولامثل البشر ابد غير غير غير بس ابي اعرف ليه ماذاب فيها التعبان ,, تخيلي من نمشي مكان في الجامعه غصب تنلف أرقاب البنات يناظرونها ويسمؤن عليها يآآآآآآآآآه حوريه من جد
عبير – الله لهدرجه حلوه
مي – وأكثر ياعبير والله
عبير – اجل لازم نعزمها تجينا شرأيك
مي – ايه ايه لازم من تشوفينها بتدخل قلبك بسرعه






منال هناك مفرطعه كثير 00 تكلم نوف وتسب وتشتم 00 والمشكله نوف تقابلها في الضحك
منال – انا بس ابي اعرف اللي متزوج رجالي ولا رجالك
نوف تضحك – هههههههههههههههههههه لانك مكبره الموضوع اصلا ياشيخه احسن خليه يذلف ياكرهي له ولوجهه هاذا تسمينه إنسان هاذا يسمى حيوان حرام كلمة انسان فيه
منال – والله انك صادقه ,, يااني تهاوشت مع حمود على حسابه شوي وابكي ومااخليه يطلع للبيت ,, تخيلي يقول اكوي لي شماغي وانا رافضه واسب واشعن فيه عاد من وصلت غرفتي قلت بروح اكوي الشماغ واحرقه علشان مايروح بس لقيته كاوي شماغه مخلص بغيت صدق انقهر
نوف انقعت ضحك – حرام عليك بتحرقين شماغه على شي مايسوى
منال – يآآآآآآآآآه يابرودك يانوف ابرد ماعندك احر ماعندي انتي وش فيك وش فيك زوجك متزوج عليك اصحي اصحي انا اشك انك لسه مصدومه وماطلعتي قهرك ابد
نوف – ههههههههههههههه هههههههههههههههههه هههههههههههههههههه
ههههههههههههههههههههههههه ياشيخه ليه معصبه والله اني مبسوطه اكثر منهم بعد زين كذا
منال – والله مدري عنك بس الحقيقه اني ودي اذبحهم الثنين






دخل لها مشعل وهويرسم إبتسامه على شفايفه 00 قرب منها وطبع بوسته على راسها
مشعل – مبروك
ساره بحياء مصطنع وهي مومصدقه مشعل بالقرب منها وزوجها – الله يبارك فيك
جلسوا شوي وهو يحاول يدخل نفسه غصب في جو العرس
وفي باله ( ليه حاس ان هالعرس مو لي 00 واني قاعد أأدي واجب علي وبس 00 اففففف استغفرالله العظيم ( لف رأسه لساره وكأنه يقيمها ) معقوله بحبك كثر ماتحبيني ياساره )
اللي يناظرهم يقول مشعل يناظر لساره نظرة عشق وهيآم 00 مايدري ان مشعل لحد الآن مومتقبل الوضع اللي صار فيه
بعد فتره بدأت الصور 00 وغصب عنه راح خياله ليوم عرسه مع نوف 00 وابتسم على احراجه لها 00 وصعوبة اللي تطلبه منهم ذيك المصريه
المصوره انبسطت 00 ومشعل شاق الحلق 00 والحقيقه انه ضحك من موقفه من الصور في يوم عرسه مع نوف 00 وخياله يسرح غصب عنه في تلك الليله






طقه إبره وهو نايم 00 حس باألم ورفع رأسه وشاف في وجهه حسام والآبره بيده
خاف 00 الا ارتعب
عبدالله بعصبيه – انت وش سويت ياكللللللللللللب
حسام – عشان تعيش جونا وماتزعجنا
عبدالله وقف وبسرعه قرب منه 00 وتصارع معه 00 وأبدا يارفس وركل وضرب
وعقب ماانشقت ملابسهم والدم ملئ وجيههم
عبدالله بعصبيه – اطللللع اطلع برى بيتي ياكلب ياواطي اطلع اطلللللللللللللع
حسام بسخريه – طيب هد اعصابك بطلع بس هه مصيرك جاي تبوس يدي وتترجاني ارد لك 00 الي تحس فيه طبيعي هاذي بس الصدمه الآولى
للآسف موهاذي الصحبه اللي تمناها 00 ولا هالانسان اللي كل اللي حوله حذروه منه 00 بس ماسمع فيه شي 00 ورفض يصدقهم 00
هالحين الكلب طعني في ظهري 00 وانا مادريت 00 ناظر يده اللي آثر الابره مغروز فيها 00 عض شفاته 00 وحاول يسيطر على نفسه 00 وهو متأكد انه مستحيل يخضع له بيسيطر على نفسه لين يروح آثر المخدر منه






في فندق برج المملكه
مشعل – وش رايك في المفأجاه
ساره – حلوه ( قربت منه وطبعت بوسه على خده ) الله لايحرمني منك
مشعل سوى نفس الحركه – ولامنك يالله روحي بدلي وتعالي بنتعشى
ساره بضحك – ثواني واكون قدامك
راحت وخلته 00 وفصخ شماغه 00 اما البشت فهو مطلعه من قبل يوصل الفندق 00 عيب يقعد يسحبه معه لها لمكان 00 اسند ظهره على الكنبه 00 وزفر بتعب
صراحه ماكان يتوقع ان ساره تكون جريئه معه هالكثر 00 هو عارف تربيتها وتمردها 00 بس ماعجبه الاسلوب هاذا 00 نفس اسلوب الثلاثه اللي خذهم في الغرب 00 ماتفرق عنهم شي ابد 00 كلهم عكس نوف اللي اعجبه حياها 00 تمنى لوكانت اغمرته معها مشاعر خاصه 00 وانها ذابت فيه مثل كل حريمه اللي عرفهم وخذهم 00 ليه هي اللي عكسهم ليه 00 تذكر اللحظات اللي جمعته في نوف على سرير واحد 00 ونفسها اللي عانق انفاسه 00 وقربه منها اللي الحين يتمنى يعيد الزمن نفسه 00 عشان يعرف يربيها صح 00 بس هالحين مستحيل هو يقرب منها 00 او حتى هي تبي القرب منه 00 اصلا هو متأكد انها تبي موته اليوم قبل بكره
ابتسم من شاف زول ساره 00 بلع ريقه من شاف لبس النوم الفاضح اللي لابسته
قرب منها وضحك بخبث – مو لازم الحين نتعشى صح
بينما ساره بادلته الابتسامه المحرجه







منال – هاه وش سوى خويك الحمار
حمود ناظرها بعصبيه – انا ابي اعرف ليه متحامله عليه ليكون متزوج عليك انتي بس
منال – ياسلام تدري شلون الله لايوفقه معها يارب وجعلني اسمع طلاقهم او موت حد فيهم الليله
عطاها كف وبعصبيه – انقلعي لغرفتك ولااشوف وجههك صادقه صباح لسانك طويل وياللاسف مدلعك كثير
منال بدموع وبحزن – تضربني تضربني عشانه ياحمود
حمود – واقطع لسانك خافي الله انتي وراك زواج لايبلاك الله بحد يدعي عليك في ليلة عرسك
منال بقهر – اجل يالله يارب مايتهنون ولايوفقها لاهي ولاهو واعلى مافي خيلك اركبه ياحمود
ركضت لغرفتها قبل لايضربها 00 ابتسم على حركاتها حركات طفله عمرها مابتكبر ابد 00 منال إذا حبت اخلصت بمعنى الكلمه





منال تبكي – تخيلي ضربني عشانه
مي تهدي فيها في الجوال – خلاص عاد خلاص صراحه كلامك قوي
منال – وش اسوي يامي فيه جمره تحترق في جوفي
مي – موبس انتي والله حتى انا حابسه عمري بالغرفه وجالسه ابكي حتى ماتعشيت
منال – المشكله البهمه نوف مااهتمت اصلا تضحك
مي – لان نوف ماحبته يامنال لو حبته على الاقل بتهتم اوبيبن الآلم في عينها او نبرة صوتها انا بعد كلمتها وكانت تضحك وتقول والله مكبرين السالفه وهذا اللي طمني شوي عليها
منال – يآآآآآآآآآآآآه يابرودها المعفنات نجحوا في خطتهم وهي ولا مهتمه
مي – ايوالله صادقه



الصباح \ في برج المملكه
صكت الباب بقوه 00 ميته قهر 00 من النادل اللي كب القهوه عليها 00 قامت تسب - الحيوان الخايس القليل ادب ان مارفعت عليهم قضيه وفنشته مااكون انا ساره
مشعل رفع رأسه وفيه النوم ويتكلم بخشونه من آثر النوم اللي مبين بصوته – انتي ليه قاعده تسبين ازعجتينا من صباح الله خير
ساره بعصبيه – الوقح تخيل يامشعل الواطي كب القهوه علي والحمدالله اني طالبه قهوه بارده ولاكان احترقت ان مافنشته مااكون ساره
مشعل – حرام عليك يدور لقمة العيش
ساره – يخسي وينطم انا ساره بنت الوزير يلاسني قدام اللي يسوى واللي مايسوى
مشعل بعصبيه – وانتي كذا لازم تذلين العالم بمركز ابوك
مطت عيونها بقهر – ليش قاعد تكلمني كذا هآآآآآآآآآآه
مشعل جلس بعصبيه – يكون في معلومك انا مو الهندي هيه صحصحي انا مشعل بن سالم وحفيد سرور الضاحي
ساره بعصبيه – نفس الشي حتى انت شايف نفسك
مشعل قام وهو ينفخ ويزفر – آوووووووه الكلام معك ضايع اتجهزي بس بنروح لأهلي قبل نسافر
( دخل وصك الباب بعصبيه )
عصبت من سمعت تخطيطه 00 تروح للكلبه برجلها 00 آكيد مايصبر عنها آكيد الحيوانه 00 اقتربت من باب الحمام 00 ورفسته برجلها بقهر وهي تسب وتصارخ 00 وهو يسمعها وإذن من طين وإذن من عجين






في الصآله كلهم الصباح
بدريه – ريم – نوف 00 نزلت دنيا لهم
دنيا – صباح الخير مامي صباح الخير ريوم
بدريه تناظرها بنص عين 00 موعاجبها إسلوب بنتها 00 وتهميش نوف بهالشكل
بدريه – انا ابي اعرف متى تتعلمين الآصول 00 انا اذكر اني ماعلمتكم قلة الآدب والذوق وقلة الآحترام ولا من صاحبتي ساره غيرتك
دنيا – اييييييييييه مامي وش سالفة هالموآل على هالصبح
بدريه – إلى متى وانتي مهمشه نوف
دنيا – لاني مااعتبرها موجوده أصلآ
نوف – تصدقين عااااااااااااااد شعور متبادل بيني وبينك نفس الشعور سبحان الله
( وقامت وخلتهم ) ودنيا انقهرت من إسلوبها اللي بدأ يخوف 00 آكيد بيجي الوقت اللي تعلم مشعل فيه عليها 00 مالها غير تنطم 00 ومعاد تحارشها 00 كفايه انها لين الحين ساكته 00 وماخبرت حد 00 وهذا الشي مكبرها في عينها






بعد فتره \ في بيت سالم
نوره انزلت بونآسه – المعاريس بيجونا والحين في الطريق
دنيا عصبت – وليه ساره ماكلمتني ليه مخبرتك انتي مو انا صديقتها صدق اللي مافيها خاتمه
نوره – يووووه عاد دندون اكيد دقت عليك ولا مالقتك وبعدين وش فيها انا اختها
دنيا – لا أبد بس مدري ليه متغيره
نوره وتجلس – وي عاد لاتغيرت ولا شي
بدريه وحاطه رجل على رجل – وين بيسافرون
دنيا – واااااااااااااااي يمه سكتي مشيعل بياخذها ثلاث دول مره وحده
ريم – هه ثلاث دول مره وحده ماهقوتي والله
نوره وبعصبيه – ليه هو اختي بورا ولا بورا يامدام ريم
ريم – لاتقوليني شي ماقلته
نوره – مدري عنك كلامك اشم فيه ريحة مسخره
ريم – انا ماقلت شي عاد ان كان إذنك سمعت شي منا مناك ولقطته مو إذنك رادار فهذا شي ثاني
نوره عصبت وماتت قهر – الشرهه موعليك الشرهه والله على خالتك اللي لوقايله هالكلام انا كان قامت تلعلع علي ولا عند طلال
بدريه ناظرتها بنص عين وبعصبيه – لاحول إله ياربي ,, اسمعيني يانوره انك تجلسين معي وفي بيتي وماتحترميني فالبيت يتعذرك ضفي عفشك وإذلفي مركب اللي مودي إن شاءالله
نوره ماتت قهر وعضت على شفتها 00 قطع عليهم دخول مشعل & ساره
مشعل – السلام عليكم
بدريه وتلف وجهها عنه وتتكتف
الكل سلم عليهم 00 وباركلهم حتى ريم لانها انحرجت من مشعل لانها تحبه كأخ
مشعل اقترب وباس رأس امه ويدها – صباح الخير يالغاليه
بدريه ناظرت فيه وفي اللي جنبه – هلآ صباح النور
ساره وتسلم على رأسها ببرود 00 وهي منقهره منها – بصراحه زعلانه منك ياعمه 00 هّو عاد ماتحضرين زواجنا قويه صراحه
بدريه ناظرتها بنص عين وحاطه رجل على رجل وتبتسم بإستهزاء – تصدقين عاد انا وجههي وسيع ومااعرف الواجب ولامقدره حد أبد
مشعل بعصبيه – تكرمين يالغاليه ,, ساره ابلعي لسانك أحسن
بدريه قامت من عندهم بعصبيه 00 وطلعت فوق عنهم
مشعل ناظر ساره بعصبيه 00 وبنظرات شرار 00
نوره تلطف الآجواء – ماقلتولي وش تشربون
ساره – ياليت شي بارد
دنيا – صادقه الجو حار موت
رفعوا رؤسهم من سمعوا صوت كعب ( الله يكرمكم ) على الرخام وريحة عطر قويه تلفهم 00
ناظروها كلهم وانصدموا من حضورها 00 ناظرت فيها ساره بعصبيه 00 وهي تشوف قدامها وحده غير 00 شعر مسترسل على الآكتاف 00 وفستان قصير مورد
وروج أحمر فاقع يخطف الآنظار 00 ورموش كثيفه 00 وعيون سود ذابحه تقتل
انقهرت إذا هي عروسه وماسوت كذا 00 اكيد مشعل يناظرها 00 لفت رأسها تناظر مشعل 00 شافته مسبه فيها 00 وفاتح فمه 00 ماتت قهر 00 إذا صباحية عرسها حد بسهوله يخطف الآنظار عنها
نوف شهقت ومسكت فمها 00 وطلعت لباقي الدرجات 00 وهي تضحك بخبث
على نظرات عيونهم 00 ( سمعت نوره وهي تقول المعاريس جايين ) 00 راحت بسرعه تستحم 00 وإستشورت شعرها الآسود اللي مايحتاج إستشوار 00 بس عشان تزيد نعومه 00 وطلعت احلى فستان شاريته من باريس بالتحديد 00 واضحكت بخبث 00 وهي تطلع الجزمه ( آكرمكم الله ) ذات الكعب العآلي الدقيق جدآ في كعبه 00عشان تطلع صوت يوم تمشي 00 وقامت تمثل انها مادرت عنهم 00 عارفه المسكين اللي متخبل تحت 00 آكيد يبولع ريقه 00 طاحت على سريرها ضحك من خطتها اللي بتقلب بينهم المشاكل
مشعل من اختفت عن إنظاره 00 رد له الوعي 00 بسرعه قام يبي يلحقها
ساره بعصبيه – ويييييييييييييين
مشعل ناظرها بنص عين وراح وخلاها 00 بسرعه ركض الدرجات
وريم تحت ماسككه ضحكتها 00 من وجيه الثلاثه اللي اعتفست 00 طلعتي ذكيه يانوف مشاءالله من يقدر عليك






طق الباب عليها بعصبيه 00إبتسمت بخبث وهي متأكده ان هاذا هو 00 طيب يامشعل طيب يالوحش 00 ان ماوريتك 00 ان ماادبتك 00 ان ماوريتك 00 نجوم الظهر 00 فتحت الباب وهي راسمه في فمها إبتسامة خبث 00 عشان يدخل بعصبيه ويمسكها من عضدها 00 ويقربها منه وبفحيح كالآفعى – اسمعيني زين يالخايسه علم يوصلك ويتعداك لو أشوفك بها البس اني لاحش رجولك حش سامعتني زين
نوف وتفك يدينها منه بدلع – أها عاد خلك مني وش رأيك في شكلي مو حلو صح
( وصارت تسبل بعيونها ) 00 بلع ريقه 00 وهو ذايب في جمالها الموجع
مشعل بإرتباك – آ آ خليك حرمه عاقل وحشيم لو كان حد من اخواني موجود وش بيصير
نوف بخبث – عآدي مشعـــــــل ( وتمط الاسم بدلع ) مو أنت تقول لي قبل خليك إستايل وع الموضه شو اسوي ارد البس الجلابيه يعني
مشعل بلع ريقه 00 ومسح العرق اللي يتوهم انه في جبهته
مشعل – لا الجلابيه ذيك احرقيها وهالملابس لااشوفها عليك فاهمه
نوف سبلت عيونها وبدلع طبيعي – طيب بس شو البس يعني قمييييييييص
مشعل بإرتباك – آ ى آآ لبسي اللي تلبسينه بس اللي قبل شوي لااشوفه عليك
نوف بدلع – طيــــب ( وهي تمط الكلمه )
سمعوا طق على الباب
مشعل بعصبيه – مـــــــــــــــــــــــــن
دنيا – انا دنيا ,, ساره تنتظرك تحت تقول اتأخرتوا على الطياره
مشعل – قوليلها تنطق ( قرب من نوف .. ودزته ) يالله عاااااااااااد رووووووح
اهربت منه 00 وفتحت الباب 00 وشافت في وجهها دنيا اللي انقذتها منه 00 ونوف تسب غباءها لانها بغت تخرب الخطه مع الخسيس في نظرها 00
دنيا تناظرهم مستغربه
نوف ماعطتهم وجهه 00 وراحت قسم بدريه الخاص
مشعل مااااااااااااااات قهر وعصب وحط حرته في دنيا – هآآآآه استانستي اذلفففي عن وجهي ومره ثانيه مايخصك فيني فاااااااااااااااااهمه
دنيا – انت ليه قاعد تكلمني كذا
مشعل بعصبيه وهو يتوجهه قسم امه – كيفـــــــــــــي ( ويأشر على راسه )






افففففففففففف 00 انا عارف امي قاعده تلعب فيني وتسايسني 00 فاهم حركاتها العوجا 00 لين تخليني امل 00 ولا البنت تتزوج
خالد بعصبيه – يعني شو مابتخطبينها لييييييييييييييي
دلال بعصبيه – انت ليه قاعد تصارخ
خالد – من إسلوبك ياام عبدالعزيز اللي يهببببببببببببببببل في اللعب في عقولنا تحسبيني طفل ومااعرف حركاتك
دلال – يعني بلاهي مصدق بخليك تناسب عايله مثل هاذي
خالد رمقها بنظره – اجل علم يوصلك ويتعداك ملكتي الاسبوع الجآي من بنت غازي بتحضرين الله يحيك مو حاضره ماتشوفين شر
دلال عصبت ووقفت – مابقى الا هي يالكلب تهددني
خالد – سميها اللي تبين غير منال مو مأخذ واللي براسك سويه
دلال – انت ماتخاف الله تكلمني كذا
خالد – انتي ماخفتي الله في بنت اخوك اليتيمه اللي زوجتي بنتك عليها
دلال عصبت وانقهرت والضغط ارتقع معها – اطللللللللللللللع اطلـــــــــــــــع برررررررى بيتي ياعاق ياحيوان اطلع
خالد – من حلاة هالبيت يسد النفس والضيق 00 حسي يايمه هالقصر بيصير من عقبنا موحش وانتي بنفسك بتكرهين عيالك فيك واحد واحد
دلال – اصلا انت انسان مافيك خيـــــــــــــــــر وعآآآآآآآآآآق اخوك عبدالله اللي ارجل منك ومن المعقد الثاني
خالد – هاه قلتيها بنفسك جلستنا عندك مامنها فائده عاميك الطمع انتي واخوك وحوبة اليتيمه مابتتعداكم واللي مقهور منه اختي شاركتكم الذنب
دلال تبكي وخافت من كلامه – اطلللللللللللللع اطلع اطلع برى بيتي ماابي اشوفك ماابي
عزت عليه دموع امه 00 مسح دمعته 00 وراح وخلاها






دخل الجناح 00 شاف نوف تسمّع لامه القران 00 ناظر في امه وناظرها
مشعل – يمه
بدريه – صدق الله العظيم ,, نعم وش تبي انت لين الحين مارحت
مشعل – لا لين الحين وانا الحين رايح تأمريني شي
بدريه – سلامتك ماابي شي
مشعل ناظر نوف 00 فتره – وانتي نوف تبغين شي
نوف حطت عينها في عينه – ايه
مشعل – وش تبين
نوف – ورقة طلاقي
بدريه نزلت رأسها 00 ومشعل ناظرها بعصبيه فتره ثم طلع وخلاها
نزل تحت بعصبيه 00 عشان يقابله الانفجار تحت
ساره بعصبيه – وين كنت
مشعل ناظرها – انا مو رايق لك خلصينا ورانا طياره
ساره – ياسلام جالس مع الزفته اللي في فوق
نوره – صلوا على النبي ياجماعة الخير
كلهم صلوا عليه
دنيا – صراحه ساره معها حق يامشعل
مشعل رمق دنيا بنظره – ياليتك تبلعين لسانك احسن
ريم – شفيكم اذكروا الله
مشعل – انا طالع كان حابه العافيه الحقيني ,, فمان الله وسلمولي على ابوي واخواني
ريم – يوصل
طلع مشعل وساره من البيت 00 وكل واحد ماد البوز شبرين








بعد مرور اسبوع كامل \ في جده
نايف – طيب وتبغون شي قولولي
يزيد – ايه نبي ألعاب
زياد – عيب يزيد ,, لا عمو شكرن مانبغي شي
نايف – افا يازياد ليه تكلمني بها لنبره هاذي
زياد – بكل صراحه ياعم امي قالت لنا عيب تعبلون على الرجال
نايف – وانا يوم اخدم عيال تركي يوم السعد عندي ,, امكم ماعندها سالفه صراحه
يزيد – صح
زياد – يزيد عيب اسكت
نايف تلوم من زياد 00 سبحان الله ذكره في تركي كثير 00 نفس عزة النفس يمتلكها
نايف – خلاص عشان خاطر زياد وام زياد بعد بنسير الالعاب الاسبوع الجاي زين كذا
يزيد لوى فمه 00 وزياد – خلاص زين ومشكور وماتقصر






عند عبدالعزيز في الشركه \ مكتب رئيس مجلس الاداره
عبدالعزيز – خلاص فهمتوا العقود
الموظفين – ايه طال عمرك
عبدالعزيز – زين ماتشوفون شر 00 انتهى الاجتماع وكلن على مكتبه
كلهم طلعوا 00 غير طلال ظل جالس 00
ناظره عبدالعزيز – هات وش عندك
طلال – بكل صراحه عمتي ليش مهملينها هالشكل
عبدالعزيز – انت عارف اني راد من السفر البارح ماامداني ازعلها ليه شاكيه لك
طلال – لا لنوره ونوره خبرتني اخوك خالد تهاوش مع عمتي وطردته على سالفة خطبته من بنت غازي ابو حمود ماغيره
عبدالعزيز هز رأسه بعصبيه – إن لله ياهالخالد
طلال – نوره تقول انه مكلمها بيخطب اليوم بنت غازي
عبدالعزيز – وابوي عنده خبر
طلال – اتوقع ابوك في الرياض هنا له يومين واظاهر بيروح يخطب له تعرف ابوك مايفكر في هالآمور
عبدالعزيز – صادق وامي ليه مكبره السالفه ترى حمود طيب واجودي ومن عيله وناس ولهم اصل وفصل ليه مكبره السالفه والفقر مو عيب مو تقول ان حمود ماسك منصب مدير الموظفين في شركة ابوك
طلال – ايه مير عمتي من يقنعها
عبدالعزيز – خلها علي والله يعين
طلال – فعلآ ,, وانت وش سويت
عبدالعزيز – عقب النقع عند البيبان والحر كلمت ابوها وقلت عطني رقم حسابك بدخل المهر فيه عاد في النهايه طلع للمدام رقم حساب حطيته فيه
طلال – وخلاص عرسك عقب شهرين
عبدالعزيز بعصبيه من تذكر التاريخ – اقول رح قابل شغلك احسن
ضحك طلال 00 وهز رأسه وطلع وخلاه
بعد فتره 00 ماقدر يركز في اللي في يده 00 اخذ بعضه وطلع وتوجهه للقصر
ماينكر انه من رد ماراح لها 00 كان في فلته 00 رد على الطياره في الليل 00 وتوجهه للفيلآ 00 لان هناك كان عنده اجتماع 00 مع واحد تاجر من دوله خليجيه .....
وصل للقصر 00 فتحله الباب الحارس الشخصي له 00 دخل داخل 00 وسمع صوت امه في الصاله 00 تهاوش وتصارخ 00 دخل مذهول 00 شافها تصرخ على وحده من الخدم
عبدالعزيز – السلام عليكم ,, وش صاير وش فيكم ( ويقترب من امه يحب راسها )
دلال بعصبيه وصراخ – كاسره التحفه اللي طالبتها من البرازيل
عبدالعزيز أشر للخادمه تروح 00 اللي ماصدقت ان حد يامرها 00 عشان تركض من صراخ دلال 00 من اسبوع وهي تتهاوش مع كل خدم القصر
عبدالعزيز – وش اخبارك يمه
دلال – زفت
عبدالعزيز – لاحول علامك يمه ( جلس عقب ماجلست امه )
دلال – اخوك هالكلب شوف من بياخذ
عبدالعزيز – طيب يمه بياخذ وحده بنت عائله وناس ليه معصبه
دلال مطت عيونها – انت صاحي ولا مجنون
عبدالعزيز – يمه عمر الفقر مكان عيب ,, كم من فقير عفيف نفس وقلبه انظف من قلب هامور غني
دلال – لاتقنعني ياعبدالعزيز اخوك هاذا مااني راضيه عنه
عبدالعزيز - ليه يمه اخوي نفسه في هالبنت خليه ياخذها
دلال – يخسي ويعقب ياخذها 00 انت مصدق
عبدالعزيز – ايه مصدق وتراه كلمني في الطريق يبيني اروح لملكته اليوم وحتى ابوي بيجي
دلال وقفت بعصبيه – ايشششششششششششششش وابوك بعد
عبدالعزيز – ايه ليش وش فيه
دلال – ابوك انجن وانخبل بيروح لناس خمارين يناسبهم
عبدالعزيز – يمه اخوها زين ومن افضل الشباب اللي قابلتهم في حياتي وابوها تاب
وخالد ينفسه دخله المستشفى يتعالج
دلال بعصبيه – والناس والعالم اللي بنصير علك في حلوقهم
عبدالعزيز – ليه ونحن ماصرنا علك في حلوق الناس مو انتي نزلتي بنتك على بنت اخوك ,, هالحين بتجي على هاذي يايمه
دلال عصبت – انتم كذا انتم كذا تدورون الشي اللي يرفع ضغطي وتسوونه بكيفكم في حريقه هو واللي بياخذها قلعه تقلعهم
( وراحت وخلته )
عبدالعزيز وهو يبتسم – يعني راضيه اروح اشهد على ملكته
دلال – قلعه تقلعك وياها وابوكم فوقكم بعد
عبدالعزيز ضحك من عصبية امه



في الليل
نوف \ ومي \ وعبير متواجدات عند منال 00 اللي ترجف وخايفه
وصباح اللي مستانسه وتحوف وتكوف 00 انهم بيناسبون ولد وزير مره وحده
من درت وهي تفر العلم عند الحاره كلها 00 ماهي مصدقه 00 وتحس انها في حلم 00 وتعامل منال معامله زينه
منال – والله خايفه
نوف – لاتخافين هاذي فتره مرينا فيها كلنا
مي – وبعدين ليش ترتجفين
عبير تضحك – ييييييييه ياحلوك يامنول لاتخافين ولا شي
نوف – ومن قدكم بتصيرن عدايل وحموات
منال ابتسمت – صح
عبير كشرت وسكتت
بعد فتره \ طقت الباب صباح
منال - مين
صباح – انا يمه ,, عادي ادخل
منال وقفت وفتحت لها الباب – حيآك ياعمه
صباح – مبروك يايمه وضمتها ( ومنال عينها على الشي اللي معها )
منال – الله يبارك فيك
صباح – يالله وقعي ياعروسه ( اقتربت من القلم وهي ترجف ومسكته ووقعت )
فجأتهم نوف بالزغاريت وشاركتها مي 00 ذابت خجل منال 00 وضحكت عبير وصباح






في مجلس الرجال
الكل يهني ويبارك لخالد 00 وهو ماسايعته الفرحه والوناسه
خالد قرب من أذن حمود – هالحين بتفدى فيها على كيفي
نقع حمود ضحك
الوزير محمد – مبروك ياخالد ومبروك ياابو حمود
غازي اللي مومصدق ان الوزير اللي يطلع في كل القنوات 00 يشوفه جالس قدامه
لا ويخطب ولده لبنته – الله يبارك فيك ياطويل العمر
الوزير محمد – يالله ياجماعة الخير أستأذن والله اني جاي من شغلي مخصوص لعيون خالد
خالد يحب يد ابوه – ماتقصر ياطويل العمر
ربت على كتفه ابوه
الوزير – اترخص 00 وطلع والحرس وراه واللي قدامه يفسحله الطريق
بعد ماراح
استأذن عبدالعزيز وطلال وراشد
قرب خالد من اذن حمود – يالله متى اشوفها
فتح عيونها على وسعهن – تشوف من
خالد لملم وجهه – من اشوف حرمتي طبعا
حمود – بس نحن ممنوع الشوفه لين يوم العرس
انصدم خالد وبانت الصدمه عليه – من جدك تتلكم
ماقدر حمود ونقع ضحك 00 وخالد ضربه على كتفه
حمود – بس البنت مستحيه بكره بخليك تشوفها
خالد – يادب لاتستهبل
حمود – والله كل صديقاتها عندها وهي خايفه احسن لك بكره تطلعون
تتعشون ( وضحك بخبث ) وانا معزوم معكم
خالد كشر في وجهه – هذا للي ناقص بعد
حمود يضحك – ماعلي منك رايح رايح الله لايعوقني بشر اجل اخلي اختي لوحدها
خالد عصب – ليه مو هي زوجتي
حمود – ولو لين يوم العرس وسو اللي تبي
خالد – انا بروح قبل يجيني الضغط والسكر
حمود نقع ضحك 00 وخالد مستحي ومتفشل وحمود ماراعى شعور الخوف والحيا
خالد – عن اذنك ياعمي
غازي – وين ياولدي تو الناس
خالد – لا إن شاءالله لي جيه عندكم بكره بعد اذنك ياعمي
غازي – خلاص ياولدي البيت بيتك وانت الحين من آهله
خالد – آكيد ياعمي يالله فمان الله






في جزر الهملايا
ساره زهقانه من عصبية مشعل 00 وتشرطاته 00 البسي هاذا 00 لاتلبسين ذاك
ساره – وبعدين معك قولي تراني طفشت منك
مشعل فتح عيونه على وسعهن – انتي صاحيه ولا مجنونه تقولين هالكلام لي انا
ساره وهي تجلس على الكرسي بعصبيه – انت وش فيييييييييك تراك زهقتني
مشعل زفر بضيق وهدئ عمره – حنا لازم نرد السعوديه لاتصير مشاكل وكلام ماينقال
ساره بخوف وبصدمه – من صدقك تتكلم ماجلسنا غير اسبووووووع بسسس
مشعل – البركه فيك كلامك سممممم وقاسي وانا تارك شغلي
ساره عصبت – ايه انا عارفه ليش تبي ترد ,, انت كارهني وكارهه العيشه وياي
تبي تروح للداشره والصايعه والضايعه اللي ماتخاف الله انا ماادري ليه لين الحين ماطلقتها
مشعل ومتكتف – مايخصك انتي
ساره بصراخ – الا يخصني انسانه ضايعه وش لك فيها ,, المفروض مطلقها من اول ليله عرفت بخيانتها لك ( وتجلس تسايسه بخبث ومكر ) مشعل ياحبيبي هالانسانه لاهي من ثوبنا ولا منا صحيح بنت خالي وبنت عمك بس تظل غريبه تربيتها مو نفسنا
مشعل زفر بضيق – ومن قال لك ميت عليها تراك تتوهمين هاذي مجرد مصلحه اقضي منها بطلقها
ساره بحب – متأكد ياقلبي
مشعل يمشي ويخليها – ايه متأكد وترانا بنرد السعوديه بكره
ساره – بكيفك ياقلبي اهم شي نحن مع بعض
وراح وخلاها
زفرت بوناسه وفرحه 00 باقي شوي شوي وتتزحزح عن طريقها ودرب يسد ومايرد






في مارينا مول
محمد – يالله انا عند الباب الرئيسي وين الاقيك فيه
دنيا – لالالا مو هنا بنطلع كوفي احسن
محمد ضحك بخبث – يالله اطلعي اجل نروح للكوفي
دنيا – لا انا بروح مع سواقي وبنمشي وراك
محمد عصب – لييييييييييييه طيب
دنيا – محمد تخيل يصير شي ولا شي الدنيا مافيها أمان
محمد بقهر – طيب امري لله
دنيا – اوكيه







توها تصحصح من النوم 00 ناظرت الساعه استغربت 00 مافيه حد رافس الباب عليها ولا شي 00 ومخلينها تاخذ راحته في النوم
قامت من فراشها الممدد وهي تناظره بضحكه – من يصدق يافراشي اللي نايمه عليك 18 سنه وانت ممدد على الارض بتأخذ ولد وزير مرررررررره وحده 00 هاذي لازم تكتب في موسوعة جينس
دخلت الحمام 00 وانا اضحك من تفكيري 00 من فراش لسرير ومو أي سرير بعد آكيـــــــــد بيصير فخم 00 اكيد مو سرير ولد وزير 00 والله من يسمع كلامي هالحين بيقولون هاذي غبيه 00 وتفكيرها سطحي 00 كل تفكيرها السرير خخخخخخخخخخ 00 والله ان حمود اقنعني كم مره يشتريلي سرير 00 وانا ارفض عارفه حجم المسؤوليئات عليه 00 ديون ابوي تهلك الظهر 00 وغير انه يسدد اقساط سيارته 00 والبنك اللي اخذين منه سلفة البيت 00 وتتذكر انها قالت له احب النوم على الارض 00 تحسس ان الواحد ماتطير احلآمه لبعيد 00 ويصير قريب للآرض اللي هو ينتمي إلها
تحممت وطلعت 00 وسمعت دق على الباب
منال – لحظه ( بسرعه لبست ملابسها 00 وفتحت الباب )
حمود – حيالله العروسه
ذابت خجل ونزلت رأسها وسكتت
حمود – وين راح لسانك ,, اكله خالد ( ونقع ضحك )
ضربته على كتفه بعصبيه – انت وش تبي
حمود يضحك – مولايق عليك المستحى
منال – ياسلام ليه قالولك حمود مااستحي
حمود يضحك – بسم الله على حمود منك
منال عصبت – ياسلاآآآآآآآآآآآآآآآآم
حمود نقع ضحك – ايييييييييه خلي هالدلع لخلّود انا بدلعني حرمتي حبيبتي
منال – احللللللللللللللف ياشيخ
حمود – والله
منال – ماصخ
حمود وسوى نفسه معصب – اها الخلا بس تراني عطيتك وجهه لااسباب معروفه انك عروسه
ردت منال تستحي 00 وتنزل عيونها 00 كان ينقع حمود ضحك 00 ناظرته منال بنص عين وسكرت الباب بوجهه
عقب ماضحك منها 00 طق الباب وهو كاتم الضحكه – افتحي عاد بقولك شي
منال من ورى الباب بعصبيه – وش تبــــــــــــــي
حمود – افتحي منول لاتصيرين بايخه خلاص مابضحك
فتحت الباب – وش تبي
حمود مسك ضحكته – اليوم عازمك خالد على العشاء في مطعم ,, بس هآآآآه تراني بروح معكم ترى منكم خطر مابأمن عليك معه
منال ذابت خجل وخدودها ولعت 00 نقع ضحك مره ثانيه 00 ناظرته منال بقهر ورقعت الباب بوجهه بعصبيه







في مطار الملك خالد
وصلت طيارتهم واللي ينتظرهم خالد 00 توجهوا له يسلمون عليه ويضحكون
خالد يسلم عليهم – الحمدالله على السلامه
مشعل و ساره - الله يسلمك
مشعل – محد جاء معك من اخواني
خالد – لا طلال سافر ويا عبدالعزيز لرفع شركتهم في بيروت وراشد ماادري عنه يمكن مشغول
مشعل اخذ في خاطره وسكت
ساره – افففففففففف خلونا نمشي مت قهر ويا هالغطى
خالد – يالله مشينا






في الكوفي شوب \ في كبينه لحالهم
دنيا وهي فاتشه وجهها – هآه انبسطت
محمد وهو ماسك يدها – اكيد مبسوط
دنيا – طيب خلني اروح اخوي بيرد اليوم هو وزوجته
محمد – لالالالا تونا وش فيك مستعجله
دنيا – الله يخليك محمد اعذرني لازم اروح
محمد كشر بوجهه – بكيفك بس تراني زعلان منك
دنيا – اييييييييييه عاد نشوف بعض مره ثانيه
محمد – متى لين تحج البقره على قرونها
دنيا ضحكت – خلاص عاد ( وقامت وهي تسوي الطرحه على وجهها ) باااااااااااي
محمد وقف – صبر بنطلع سوى
دنيا – لالالالا كل حد بروحه
محمد عصب – زين روحي اففففففففففففففففف






ساره بعصبيه – تونا واصلين وين بتروح
مشعل بعصبيه – سااااااااااااااااره تراني ساكت لك شايفك متحكمه فيني وديني ودين حد يتحكم فيني
ساره بهدؤ – مشعل وش بيقول علينا الناس طالع ومخليني فشيلللللللللللله
مشعل – هاذي نوف طلعت اول ماردينا مافتحت فمها
ساره عصبت وبقهر – انا تقارني في ذيــــــــــــــــــــي
مشعل عصب – افففففففففففففففففففف اسمعيني زين وحطي كلمتي حلق في اذنك انا انسان حرررررر ومو حرمه تتحكم فيني سمعتي واروح متى مابغيت
ساره كشرت بفمها وجلست – زييييييييييييييييييين طيب لاتصارخ
طلع مشعل ورقع بالباب بااقوى ماعنده 00 وهو يسب ويصارخ 00 ومخلف وراه وحده شوي وتنفجر من القهر





دخل بيت آهله بسيارته في الحوش الواسع 00 وشاف انوآر النوآفير مشغله00وآنوار الحديقه00 وشاف حد 00راشد اخوه ونوف تضحك معه جالسين في الحديقه 00 خلاص شوي وينفجر وبسرعه نزل من سيارته وصك الباب بعصبيه 00 وهو يقترب ويزفر بقهررررررر وبعصبيه منهم

( الفصل السابع عشر )



قبل ذلك بساعتين \ بيت سالم
بدريه انبسطت من سمعت ان نوف اعلنت للجميع انها حامل 00 بانت الصدمه بوجهه
نوره ودنيا 00 وقفت معصبه نوره وراحت تمشي وهي تزفر وتنفخ 00 ماتمنت تسمع الخبر ابد 00 وفي هالوقت 00 عورها قلبها على ساره لو تدري عن هالخبر يمكن تروح فيها
دنيا – أيـــــــــــــــــــــش شكلك تكذبين
بينما نوف حطت رجل على رجل – والله صدقتي كان بها ماصدقتي شي راجعلك
راشد بوناسه وضحك – الف الف الف مبروووووووووك يانوف
نوف – الله يبارك فيك راشد
بدريه – لانك خبرتي الجميع بسوي حفله صغيره بهالمناسبه
دنيا – يمه مشعل عـــــــــــــرف
بدريه ناظرت نوف ونوف ناظرت بدريه وسكتت
راشد – بكلمه ابشره
نوف بصرخه – لاااااا
راشد ناظرها بخوف – ليه وش فيك
بينما دنيا ناظرتها بنص عين
نوف – انا بخبره بعدين خلوه عنكم
جهزت بدريه الحفله الصغيره 00في حديقة القصر 00
تكلم وحده من صديقاتها
بدريه - زين زين الحين جايه ( صكرت )
راشد – وش فيك يمه
بدريه – يقولون وحده من الآميرات بتزورني في الجمعيه انا طالعه وسامحيني يمه نوف
نوف – خذي راحتك ياعمه
دنيا وقفت بقهر – يمه ابيك في سالفه قبل تطلعين
راحت مع امها على جنب
ريم – وش تتوقع رشودي ان نوف بتجيب
راشد لف لجهتها ومسك يدها وابتسم – مدري وش تتوقعين انتي
نوف ابتسمت لهم 00 وهي شايله جميلهم لانهم يحاولون يطلعونها من مشاكلها 00 ويفرحون لها اللي المفروض هالفرحه تكون لاأب الطفل 00 وهم بيعوضونها هالفرحه الناقصه
ريم حطت راسها على كتفه – ابيها بنت وابي ازوجها طلال ولدي
نوف بضحكه – اممممممممم مدري بشوف طلال حبوب هالحين ماادري ان كبر وعلى حبابته زوجته
راشد ضحك
ريم – هي هي تطولين طلولي انتي وبنتك
نوف رفعت حاجب – يآآآآآآآآه يالثقه يووووووووووه انتم بطولون بنتي بسحبكم بخلي تخلي طلول متنقع عند رجلها
ريم بعصبيه – يآآآآآآآآآآآآآآآآآآه خبيثات انتي وبنتك
نوف نقعت ضحك هي وراشد
ريم – بروح اجيبه هالحين واقول لاتتزوج بنت نوف ( ووقفت )
نوف – ريوم لاتصدقين امزح
ريم – لالا لحظه اصبري
بينما راشد ناقع ضحك على صغر تفكير ريم اللي دنياها عيالها
نوف – هههههههههههههههههههههه مجنونه ريم صدقت
راشد – عقلها صغير جنتها ونارها هالعيال ههههههههههههههههههههه
نوف بضحكه – صراحه ياولد عمي الله يعينك هههههههههههههههههه ههههههههههههههه ههههههههههههههههههههههه
في هاللحظات دخل مشعل بسيارته 00شاف اللي شاف 00وتفكيره وعقله قاده لشي اكبر 00 على هالمشهد اللي يتكرر في كل بيت بين الحمو وزوجة الاخ 00 بس صغر تفكير مشعل وعصبيته السريعه 00 خلته يفكر في اللي يفكر فيه








منال – دبريني يامي وش اسوي
مي تضحك – مدري عنك
منال وترجف – ياااااااااااااه تضحكين علي يالخايسه
مي كتمت ضحكتها – موكذا يالهبله بس انتي مكبره السالفه
منال عصبت – ياسلام انا مااني وسيعة وجهه تراني ماعرفت في هالحياه بكبرها رجال غير حمود وابوي بس
مي – طيب وخلاص هاذا صار زوجك ومسؤول عنك بعد اكثر من ابوك وحمود
منال – ياشينك لاتفلسفتي انا بس بعرف هالماصخه نوف وينهي على الآقل هي مجربه وبتعلمني
مي كشرت – من حلاة التجربه عاد اللي خاضتها نوف
منال – ايوالله صادقه






اقترب وهو يزفر بقهررررررر وبعصبيه منهم
مشعل اقترب منها ومسكها مع يدها 00 نوف تألمت من مسكته 00 وراشد ناظره بعصبيه – هيييييييييه وش تسوي انت
مشعل بعصبيه – مايخصك وحط لسانك في حلقك
راشد – شو مايخصني انت انهبلت
نوف تحاول تجر يدها منه بعصبيه وتصرخ
مشعل محكم القبضه ويصرخ – لا انت اللي انهبلت يالتعبان جالس تكركر مع هالهبله لاحياء ولا مستحى شقالولك عشانك عشت في الغرب عادي عندك ولا عشاني انا بعد كل حياتي هناك بنسى العآدات والتقاليد وبسمحلك تجلس معها هآآآآآآآآآآآآآه
راشد يهدي نفسه – يامشعل استهدئ بالله انت فاهم السالفه خطأ وبعدين وش فيك زوجتك حـ ...............
نوف قاطعت راشد وهي تصرخ – فكنــــــي فكننننننننننني يالحيوان فكني اكرهك اكرهك طلقني ماابيك
ريم ركضت للصراخ 00 ودنيا وراها بينما بدريه طلعت وماعرفت في اللي يصير
ريم – وش فيكم وش صاير ( تناظرهم هي ودنيا ) مشعل وش تسوي
مشعل معصب ويجر نوف معه – مااااااااااااااااايخصك 00 ونوف تقابله في الصراخ اللي يهز البيت هز
واتوجهه لجناحه فيها 00 حذفها فيه
نوف تصرخ وتبكي – يالكلب يالواطي قلت لك مايخصك فيني طلقني طلقنننننننننننننني
اكرهك اكرهك يااخي افهم ماابيك مااحبك
مشعل وهو يشمر عن اكمامه ويقترب منها – مولازم تحبيني ليه قالولك ميت على حبك ( ويقترب منها )
نوف عضت على يده وهو تألم واتوجع 00 وجاء بيدزها 00
وسمع ريم تصارخ هي وراشد – لاتسوي شي نوف حامل حااااااااااااامل
فكها منه بالغصب 00 ونووف في نوبة بكأ وصياح 00فتح الباب بعصبيه وناظرهم
ريم – الله يخليك يامشعل نوف حامل لاتسوي فيها شي
مشعل اتجهم وجهه 00 وانخطف لونه 00 ناظر فيهم ولف وجهه ناظر في اللي متغطيه باللحاف ومنسدحه على السرير وتبكي وتصرخ
كل اللي سواه مشعل قرع الباب في وجيهم بقوه 00 واقترب منها 00 رفع اللحاف عن وجهها 00 وناظر فيها 00 شدها من شعرها 00 وخلاها تجلس غصب عنها 00 ونوف تصرخ وتتألم 00 وتحاول تمسك يده اللي جاره شعرها
مشعل وعاظ على شفايفه ويتكلم من بين اسنونه – حامـــــــــل من من يالكلبه
وقفت نوف عن الصراخ والدموع 00 وتلف وجهها له ابطئ وتحط عينها في عينه
وتستحقره بنظرتها
مااهتم مشعل لهالنظره وعاد الجمله – قوليلي حامــــــــــل من من








عبير – افففففففففففففف طفش يمه خلاص برد للبيت
ام محمد – ياعيني والله بتردين للبيت انتي من متى طلعتي للسوق عشان تجهزين وتبين تردين بهالسرعه
عبير معصبه وطفشانه ومستحيه في نفس الوقت من امها – خلاص يمه اكمل بكره مع مي بس الله يخليك خلينا نرد
ام محمد ناظرتها بنص عين – نشــــــــوف ياعبير
ورجعوا للبيت






ساره بعصبيه – ايششششششششششش وش تقولين انتي حااااااااااااامل
نوره – ايه حامل حامل
ساره صكرت التلفون في وجهه اختها 00 وحذفت الجوال اللي تكسر إلى قطع صغيره وجلست تبكي وتندب حظها – وتشوفين يانوف ان ماخليته يتبرئ من هالطفل مااكون ساره ماااااااااااااااااااكون سااااااااااااااااره






نوف لحد الحين مصدومه لهدرجه يوصل فيه انه يصدق انها حامل من غيره
مشعل بعصبيه – انطقي انطقي يالكلبه اتكلمي
نوف لحد الحين عاجزه عن النطق
مشعل – إذا كل حريمي جيتهم اكثر منك ماحملوا بتجين انتي يالصايعه وتحملين في مرتين كنت عايفك ومغصوب عليك وعلى اني اجيك وشي مو براضي
نوف دزته عنها بعصبيه 00 وناظرت فيه بحزن 00 وقفت على رجلها 00 وابتعدت عنه 00 توجههت للحمام 00 وهي تمسك رأسها وتضربه وتبكي 00 ناظر فيها وإنذهل من حركتها 00 ولا قدر يفتح فمه بكلمه
دخلت الحمام وهي تخبط على رأسها وتصيح وتصرخ 00 كارهه ضعفها اللي رجعت له 00 كانت تمني نفسها انها قويه 00 وبتقدر ترد عليه وتواجهه 0 يعرف اخطائه وتخليه غصب عنه يعتذر منها 00 بس للآسف هي هالحين اللي تتمناه يسد فمه ويبلعه 00 ولايعيد عندها حرف من اللي قاله ابـــــــــــــــــــــــد





حمود يضحك – ههههههههههه هههههههههههههههههههه الله يقلع شيطانك
خالد مسكه مع وجهه وهو معصب – ورى ماتذلف بس وتنادي زوجتي
حمود يضحك ويوخر يد خالد من وجهه – طيب طيب النسيب لاتزعل هالحين بدخل اناديها لك بس لسه مصمم مااروح معكم
خالد بعصبيه – اييييييييييييييه
حمود – طيب وين المطعم اللي بتودي المدام له
ابتسم خالد وسرح في خياله وبحآلميه – مايخصــــــــــــك
طقه حمود على رأسه وهو يضحك 00 رفع خالد رأسه بعصبيه 00 وشاف غبار حمود يدخل البيت بسرعه وهو يضحك
اتوجهه حمود لغرفة اخته 00 وطق عليها الباب
فتحت الباب 00 وهي تناظر حمود ومنزله رأسها
حمود وماط الخشه – روميو اا ااا قصد عنتر ا ااااا اقصد خويلد عند الباب
بلعت منال ريقها بخوف 00 وقامت ترجف 00 وتعظ شفايفها
حمود طقها على رأسها – وش فيك سحتي من الحياء
منال ضمت حمود وبكت – انا خايفه ماابي اروح
وحمود نقع من الضحك 00 لما فكر في وجهه خالد لو قاله هالكلام







مشعل بعصبيه – ومن متى حامل
ريم – انا من فتره بسيطه بس عرفت
راشد وبعصبيه – والله انك جبان ورخمه ولو تدري امي عن سواتك لاتمرمط ابك الارض
مشعل ناظر فيه بنص عين – انت بالذات حط لسانك في حلقك ولاعاد اشوفك جالس معها تفهم ولالا
راشد بعصبيه – لا مافهمت ولا ابي افهم بنت عمي وبجلس معها متى مابغيت وان كان في راسك حب ماانطحن اذلف بعيد واطحنه وارحم المسكينه منك ومن تصرفاتك الشيطانيه
مشعل بعصبيه اقترب منه ومسكه مع ياقة ثوبه ووقفه غصب عنه 00 وراشد مصدوم من حركته ولكمه مشعل ابوكس على وجهه
بادله راشد بكس على وجهه 00 قاموا يضربون بعض 00 وريم تصرخ وتبكي
ودنيا ركضت تدق على بدريه وتخبرها 00 نزلت نوره على اثر هالصراخ وهي تناظر فيهم 00وطلعوا خدم البيت 00 وهم يشوفون هالمصارعه اللي صايره عندهم
وكل حد يرتجف من هالهوشه اللي اول مره تصير في بيت سالم 00 والتربيه اللي كلها إتيكيت 00 انقلبت إلى تربية شوارع ومصارعات






كانت تسمع الصراخ والهواش 00 بس قاعده تحرك رأسها 00 فوق تحت وهي تضربه 00 اللي سمعته منه هزها هز 00 كسرها كسر 00 كرهته كرهه لوقسم على أهل الآرض لشملهم 00 وقفت على حيلها وقامت تصرخ وتكسر كل شي يطيح يدها عليه 00 كسرت المرايا 00 التحف 00 الابجورات 00 ماخلت شي ماكسرته 00 قلبت جناحه فوق تحت 00 وهي تناظر هالجناح اللي شاركها الحزن 00 وشاركها الضرب 00 وشاركها الضعف اللي تحس فيه 00 ركضت لجناحها وهي تسد إذنها عن الصراخ والهواش اللي تسمعه تحت


اقترب حمود من سيارة خالد وهو يبتسم 00 وماسك منال في يد 00 واليد الثانيه ضامتها مع كتوفها
خالد ابتسم ونزل من سيارته 00 وهو لابس له لبس رياضي 00 مبرزه كتوفه وعضلاته – مابغيتوا آخيـــــــــــــــــرآ
ضحك حمود اللي يبادله نفس العضلات والجسم لانهم كلهم داخلين نادي رياضي
حمود – يااخوي شانسوي الساندريلا مستحيه
نقز من القرصه اللي تلقاها من منال وضحك هو وخالد
خالد وهو يطرد الارتباك – بعدي حرمتي ايه عوقه صكتيه
بينما منال نزلت راسها 00 وهي تسب إستعجالها وغبائها 00 وخالد وحمود ناقعين ضحك
منال من الفشيله نزلت دموعها وحمدت ربها ان الله فارض الغطا حق الوجه 00 ولا كان عرفوا بأمر دموعها وفشيلتها
حست بيد بارده مسكت يدها 00 لفت راسها شافت خالد يبتسم لها – يالله حمود هوينا
لف بمنال وهي للان منطرمه من حركته 00 ومن يده اللي ماسكه يدها 00 ماقدرت تفتح فمها 00 وهي تشوفه يفتح لها باب السياره – تفضلي
حمود يسوي عمره يبكي ويناظر السما – الله لنا
خالد اقترب منه عقب ماركبت منال وصكر بابها وضربه على كتفه – نشوفك على خير يالنسيب ( وفتح بابه وركب )
ومنال ذايبه من الخجل 00 والفشيله 00 والارتباك والخوف 00 وتمنت حمود معهم
بس اللي جنبها 00 ماط الخشه ويضحك 00 ناظرته بعين وحده 00 وسمت من جماله 00 بسرعه نزلت عينها 00 وهي لين الحين مومصدقه ان هاللي جالسه جنبه تنازل وخذها







بدريه وسالم – بسسسسسسسسسسسسسسسس
وهم للآن مستمرين في الضرب 00 بسرعه ركضت بينهم بدريه وهي تفرقهم 00 فكوا بعض غصب عنهم
بدريه – شنهو انتم همج ولاهمج
سالم – ماتستحون على وجيهكم هآآآآآآآآآآآآآآآآآآآآه
بدريه تصرخ – وش هالوقاحه ,, وش اللي خلاكم تتهاوشون
راشد – هالانسان همجي وغير حضاري كل همه يطق ويضرب ويرفس ومااستحى ولا قدر اني اكبر منه
مشعل – لك عين تتكلم اقطــــــــــــــــع واخس
جاه كف على وجهه 00 لف رأسه شافها بدريه
بدريه – ايا اللي ماتستحي على وجههك قدامي انا وابوك وترادد وتصارخ في وجهه اخوك اللي اكبر منك ,, وين التعليم مفادك وانا مدخلتك افضل جامعه في العالم وصارفه عليك دم قلبي علشان افتخر فيك تطلع نكسه وفضيحه وتفشلني قدام اللي يسوى واللي مايسوى
مشعل بتمرد - انا انضرب عشانه هآآآآآآآآآآه فضلتي الكل علي ليه وش سويت لك وش سويت كل اللي تبونه اسويه لكم برسم الخدمه عشان من تضربيني
بدريه بصراخ – عشان اخوك اللي ماقدّرت شيبته ومرته وعياله قاعد تضارب فيه قدام الخدم
مشعل بصراخ وهو يتوجهه للباب ويسب ويشتم ويهدد ويتوعد







في السياره ترجف 00 ولاتقدر تلف رأسها ابد 00 وتحس عمرها مخدره 00 كل الآيات لقرانيه قرأتهم
لف رأسه لها وتنحنح – احم كيفك
قامت ترجف ولا تقدر تتكلم
خالد – كيفك منال
آآآآآآآآآآآآه يااني ذبت على اسمي في صوته 00 معقوله اسمي حلو بهالشكل
خالد عاد السؤال مره ثانيه – منال كيفك
منال بعد مشاورات وقوه وعزيمه قالت برجفه - اا ا ا اا بـ بـخ ير
ابتسم خالد - وانا الحمدالله تمام
منال ابتسمت ونزلت راسها 00 حس في إبتسامتها وابتسم وهو يناظرها
وصلوا المطعم
خالد – تفضلي وصلنا
منال خافت واخجلت
فتح الباب وتوجه لها 00 فتح بابها 00 ومسك يدها – تفضلي ياغناتي
ذابت واخجلت 00 وماتدري شاتسوي 00 ناظرت المطعم من برى وشرقت وقامت تكح 00 هي تعرف الرياض 00 بس من وين طلع هالمطعم 00او بمعنى اصح هالشارع الفخم واللي بحياتها كلها 00 ماشافت مثل هالشي إلا في التلفزيون
خالد قدر خجلها – تفضلي منال
مشت معه مسيره وغصب عنها 00 وهي تحاول تخفي انبهارها في المطعم
استغربت ترحيب العاملين في المطعم 00 بل الآستقبال المبهر اللي يتحفونهم فيه
والمطعم الخآلي من أي حد من الناس
ابتسم لها خالد وقرب فمه من اذنها – وش رأيك
غصب عنها لفت له وناظرته مده – حلو كثير
ضحك خالد – الحلو وجودك فيه وانك نورتيه وزدتيه نور
اقترب منهم 3 نوآدل وكلهم يحاولون يحوزون على رضاء خالد 00 ومنال تناظرهم بإنبهار 00
طلب العشاء على ذوقه لان منال تركت له هالمهمه
خالد – إن شاءالله يعجبك هالمكان مااحد دخل فيه قبلك لانه اليوم هو الافتتاح وصاحب هالمطعم يتمنى يحوز مطعمه على رضاك لان رايك يهمه
استغربت منال – ليش انا
ابتسم خالد ومسك يدها بيده الثنتين وقرب وجهه لها – لان صاحب هالمطعم انا
من الصدمه مسكت فمها 00 وبسرعه نزلت يدها 00 ابتسم لها خالد لعفويتها اللي تجذبها كثير له 00 وتعيشه في عآلم ياما حلم فيه وتمناه








حاط رأسه على الدريكسون 00 وهو سافط السياره على جنب 00التفكير ذبحه ورأسه عوره من كثرة الهم والتفكير 00 لحد الآن مصدوم من خبر حملها 00 ولحد الآن مصدوم من نفسه في اللي سواه في أخوه راشد 00 اللي يعتبر قريب لقلبه من اخوانه 00 دائم راشد يفهمله 00 بس هم مقهور في نفس الوقت انه يخدعه مع نوف ليش يقترب لها 00 يكون حولها ويضحك معها 00 لهدرجه معميه نوف الجميع 00 بس النار تشلع في صدره 00 كل ماتذكر منظر ضحكهم 00 والفرح الشاع من عيونها 00 لهدرجه مبسوطه في غيابه 00 ماحست فيه ولا بتحس 00 كره الشعور اللي يحس فيه إذا شافها 00 وكره تمردها عليه 00وكاره انه من الصعب سيطرة الغيرة اللي يحس فيها لاصار حد حولها غيره 00 وان غيره يشبعه إهتمام 00 هو بنفسه صعب يهتم فيها 00 او يسوي اللي يسويه أي حد حولها 00 واللي قاهره ومنكد عيشته انها تعرف حد غيره 00 واللي شاب النار في صدره 00 انه خايف ان اللي في بطنه مومنه 00 مع انه متأكد انه منه 00 بس الشيطان شاطر 00 بس بيخليها لين تربي 00 ساعتها بيسوي تحليل الدي إي إن
( بس ياترى ساعتها بترضى عنك نوف يامشعل اولا 00 وهل بتقدر تسيطر عليها وبتكون بنفس ضعفها 00 وبيتركها اللي حولها تسيطر عليها مثل خالها 00 كل هالشي بنعرفه مع مرور الزمن او مع مرور البارتات الجايه )

( الجزء الثامن عشر )




بعد مرور شهر كامل \ في السوق
عبير – خلاص مي هلكت
مي – ماعلي منك وبتشترين إلى متى تماطليني انا وامي اللي يشوفني يقول اكبر منك
احسك غبيه في هالامور
عبير ناظرتها بنص عين – شوفي وش كثر خذينا الله يعافيك فكيني
مي – انطمي احسن انتي عارفه ان طول هالاسبوع بنكون رايحين رادين على المشغل يعني مابيكون فيه وقت
جلست على الكرسي بقهر وزفرت – المشكله مين اللي يستاهل كل هاذا انتي عارفه وش كثر احتقر هالعائله ووش كثر اكره هاللي بأخذه
مي – ماعلي منك هالاعذار تمشي عند امي مو عندي انا
وقفت بعصبيه – انا رايحه للسياره بتلحقيني كان بها مابتلحقيني اشبعي في السوق بلحالك انتي تعرفين شاكثر هالمكان يخنقني
( راحت وخلتها )
ركضت مي وراها وهي تسب غضب اختها وطيشها وعدم مبالأتها وهذا والعرس باقي له شهر كامل






في بيت سالم \ المغرب
طول الشهر كله من يجي مشعل مستحيل تطلع له نوف 00 او حتى يلمح زولها
كرهته كره موطبيعي 00 ولحد الآن مانست اخر مره يوم وجعها بالكلام اللي تتمنى انه ينحرق او يصير فيه شي او حتى يموت 00 ولا عاد تشوفه
في جناح نوف
ريم – يعني خلاص صملتي
نوف – ايه ابدأ ماعلي شهادتي باخذها يعني باخذها انا علمت منال ومي يفكون القيد عني بكره بداوم
ريم – مدري كيف بتقابلين العله هناك
نوف – ماعلي منها هاذا لوكان هامني الحيوان كان ذيك الساعه اهتميت وانقهرت بس وشلون وانا اكره إنسان اشوفه على الارض هو
ريم نزلت عيونها – ماعليك منه يانوف كلنا عارفين انك اطهر إنسانه
نوف ومسكت بطنها وابتسمت – قبل كنت كارهه هالمخلوق اللي يعيش في بطني بس هالحين اتأكدت ان احسن هديه تلقيتها من رب العآلمين ومن ذاك الانسان هي هاذي
ريم ابتسمت لها – كبر بطنك صح
نوف – ايه دخلت الشهر الرابع خلاص
ريم – الله يجعلها من الذريه الصالحه
نوف – انا بعرف ليه متأكده انها بنت
ريم – احساسي وغير اني ابيها لطلال ولدي
نوف ضحكت – يالله مناك مااني مزوجتكم بنتي وخلي ولدك يطيح في كبدك
ريم اكتمت غيضها وضربت على صدرها – آهـــــــــــــه هاذا اللي ناقص اصلا موطايح في كبدك غير بنتك وأكليها انتي وإياها
نوف نقعت ضحك – ههههههههههههههههههههه ماتتخيلين ياريم من غيرك وش كنت بسوي
ريم وبدلع – عشان تعرفين قدري ومره ثانيه لاتناقرين انتي وبنتك ولدي
نوف بقهر – تدرين شلون يااااااااااااااارب اجيب ولد عشان انتي وبنتك تطيحون على رجلي
ريم – هاذا اللي ناقص بعد
نوف – يالله مناك عااااااااااااااد تراني عصبت






في الآستراحه
متخذ له زوايه ويكلم ويضحك 00 ومو حاس في الدنيا 00 من شافها وجلس معها 00 وهي اخذه عقله وقلبه 00 تحمل سحر خاص يحببه فيها 00 اصلا ماتوقع ان الحب كذا الآ من عرفها 00 إنسانه الآ ملاك الآ حوريه موطبيعيه
حمود – آآآآآآآآآآه مومحسفني ومصكتني عنه غير ابوي
مشعل - هههههههههههههه وانت وش حارق بصلتك تراها زوجته
حمود – ياخي قاهرني واختي الحياويه اللي تستحي من ظلها كل يوم خالد سوى كذا وخالد فعل كذا انا وانا صديقه اكثر من 15 سنه ماعرفت علوم جديده عنه غير من اختي
مشعل نقع ضحك – لهدرجه
حمود – واكثر خخخخخخخخخخخخخخخخ
مشعل – الله يوفقهم ويسعدهم
حمود – آمين ,, الآ تعال بسألك وش صار على سالفتك
مشعل تعكر مزاجه – ابد معتكفه في جناحها المشكله امي محلفتني مااقرب الدور اللي فوق كله
حمود – مشعل انا متأكد انك ظالمها
مشعل – ياحمود إذا كل افعالها تشككني انا اعرف ان الشيطان شاطر بس هالانسانه تصرفاتها عجزت الاقي لها اسباب
حمود – كيف يعني
مشعل – ماادري خذيت جوالها ماطلبته مني لوكانت تبيه ومحرصه عليه ومو مظلومه كان سعت تأخذه المشكله ان رقم خالها فيه يعني اكيد ان عندها جوال ثاني مخزنه الرقم فيه وتكلم الكلب منه هاذا اول شي
ثاني شي انا عارف بيت اهلي كلن مومهتم في الثاني يعني لو بتطلع وتدخل مااحد فقدها تدري شلون عجزت افهمها عجزت
حمود – طيب انا سمعت انها تكمل الجامعه
مشعل بقهر – من قالك
حمود – اختي فكت القيد عنها خلاص الترم انتهى
مشعل بعصبيه – هاذا اللي قاهرني معاد لي سيطره عليها وامي واقفه في صفها
حمود بعصبيه – مشعل لاتصير ظالم يبلاك ربي حرام وبعدين زوجتك الثانيه تكمل الجامعه وهاذي لا قمة القهر والظلم
مشعل – في هاذا الشي فعلا ماابي اظلمها
حمود – طيب تعال بسألك غريبه ساره اليوم ماازعجتنا
مشعل بعصبيه – بلاها والله اليوم تسرمح في العرس مع امها
حمود نقع ضحك – والجامعه بكره
مشعل – لاتخاف بتروح بكره لها وكيلو المكياج في وجهها عادي عندها






زفر بتعب 00 هالاجتماعات أهلكته هلك 00 مسح على رأسه 00 وناظر في فلته اللي باقي له شهر كامل بالضبط وبتجي حرمه تشاركه في هالبيت 00 وليتها عاد أي حرمه الا نسره في عيونه 00 وقف وهو يناظر الصور الموضوعه بتنسيق في كل أنحاء لفيلا غير أقسام الرجال طبعا 00 ناظرها وأبتسم 00 لاتخافين ياأمل مااني مخليها تشيل صورك عن ناظر عيوني 00 هالفيلا لك وبتبقى لك 00 وهي الضيفه عندك 00 وياويلها ياسواد ليلها لو قربت من هالصور ولا اتعبثت فيها
توجهه لجناحه 00 ومنها اخذ الفوطه وتوجهه للحمام يتحمم ويحاول يغير مزاجه العصبي والمرهق كثير






اليوم الثاني الظهر \ في الجامعه
دنيا وساره يضحكون من الخطه اللي رسموها باإتقان
ساره – يعني امك اليوم اخذه السواق طول الوقت
دنيا بتمسخر – ايه وسواق البيت خليت ابوي ياخذه حرام يساعده
ساره نقعت ضحك ودنيا شاركتها الضحك


بنفس الجامعه \ في مكان ثاني
مي – يعني مو رايحه معي
نوف – لا روحي انتي ومنال انا بترسل علي عمتي السواق حقها
مي – اللي تشوفينه
كلهم لبسوا عبيهم وطلعوا
بعد فتره نوف طفشت بروحها وطلعت تنتظر السواق برى 00 بس مجاء
دقت على جوال بدريه
نوف – هلا عمتي السواق ماجاني
بدريه بإستعجال – يمه نوف انا مشغوله والسواق يجيب اغراض للجمعيه كلمي سواق البيت يجيك
نوف – طيب
دقت عليه وقال انه عند العم سالم يشترون بضايع للمخازن حقتهم
سكرت منه وهي ميته غيض وقهر 00 وفكرت يعني دنيا من بترجع معه 00 ناظرت الباص وبسرعه تحركت له يوديها وتعطيه اللي تبي 00 بس للاسف تحرك قبل توصله 00 اضطرت انها تدخل الجامعه وجلست على الكراسي اللي عند البوآبه
طلعت لها دنيا وساره يتضاحكون
دنيا اقتربت منها وهي تضحك ووراها ساره تضحك بخبث
دنيا – نوف انتي هنا مارحتي
نوف وهي تناظر فيها – لا مارحت مع مين بتروحين انتي
اقتربت منهم ساره – طبعا بتروح معي انا وميشو
لوت نوف شفايفها وصدت عنهم 00 ولبست عبايتها بتدق على مي ترسل سواقها عليها
وقفت عند البوابه واتصلت
مي – هلا نوف
نوف – مي انتم وصلتم البيت آكيد صح
مي – ايه قريب منه نزلت منال وهذاني عند الباب
نوف بحياء – مايقدر يجيني
مي – ليه لسه ماطلعتي
نوف – لا كل السواويق طلعوا مشغولين واحد مع عمتي وواحد مع عمي
مي – إن شاءالله بخلي محمد يروح يحيب عبير من المشغل وش عنده وبخلي السواق يجيك
نوف بلعت ريقها وخجلت كثير – اا ا ا ا مي خلاص خلاص مولازم
مي تنزل من السياره – شنهو اللي مو لازم
نوف – خلاص بكلم عمتي مره ثانيه وآكيد بترسل السواق
مي – على راحتك اجل لو مجاك كلميني اوكيه
نوف – آوكيه






وقف عند موآقف الجامعه 00 وناظر فيها 00 طنقر وانقهر لما بان بروز بطنها الواضح من ورى العبايه 00 وسأل نفسه معقوله تكون حامل من غيره 00 استغفر ربه وهو عارف ان الشيطان يأكل عقله وقاعد يوسوس له
ركبت جنبه ساره وهي تزفر – اففففففففففف حررر موت متى تجي الاجازه واطلع برى هالديره
ناظر فيها بنص عين دائم كل شي مايعجبها 00 ولاشي ابدآ
دنيا ركبت خلفه مباشره – وااااااااااااي مشعل ارفع على مكيف خلاص سحت من الحر
مشعل – اول شي ياهوآنم سلموا انا موطرطور عندكم كل من جت قامت تذب كلمه علي صحصحوا تراني مو سواق عندكم
ساره ناظرت فيه بتحبب وهي تناظر اللي خلفه من الدريشه وواقفه وباين عليها التعب والحر – يووووووه ميشو كم مره بتذلني على هالجيه تراني دوم في طريقك ومااحب اركب مع سواويق
مشعل ناظر فيها بنص عين وإبتسم – ياحبك حق تقليب الآمور بس
ساره بدله – آها عااااااااااااد ميشو وش بيضرك وانت جاي تأخذ حبيبة قلبك وعمرك
دنيا – آحم آحم نحن هنا ,, الا بسألك ليش موقف لين الحين كلنا ركبنا
مشعل – لا موكلكم ركبتوا روحي نادي هاذيك الواقفه تجي تركب
ساره خبطت على صدرها وشهقت – من صدقك انت تبيها تركب معي
مشعل وهو يتكتف – ايه من صدقي انزلي دنيا ناديها
ساره بعصبيه – لاتنزلين يادنيا خلييييييييييييييييك
مشعل بعصبيه – اقولك انزلي بسرعه انا مو فاضيلكم
نزلت دنيا بقهروهي تسب خطتها 00 ومتأكده ان ساره هناك تلعن فيها 00 اقتربت دنيا منها وزفرت – يالله آمشي خلصينا
نوف بنص عين – نعم ماسمعت
دنيا – لا سمعتي بس تستهبلين امشي مشعل وساره ينتظرونك ( قالت كذا تحرها)
نوف – قوليله مايشرفني اركب سيارته ويذلف لااقلب السياره على راسه
دنيا ابتسمت بخبث وهي رايحه تنقل هالكلام لمشعل
تغير وجهه وهو يسمع هالكلام وشخط في الموتر بسرعه 00 والثنتين مبسوطات على كلام نوف
في الطريق كلمت بدريه وقالت له يروح يجيبها 00 خبرها في اللي قالته عنه
بدريه – ماعليه يمه هي معصبه واللي سويته فيها مو هين
مشعل يهدي نفسه ويكتم غيضه – خلاص يمه بخلي سواق عمتي دلال يروح لها
بدريه – طيب يالله اهم شي حد يروح لها لاني طالعه من المؤسسه هالحين ورايحه للجمعيه
مشعل – طيب
سكر منها
مشعل – كلمي عمتي ترسل لها السواق ولا رحت انا لها
ساره – لالالالا خلاص خلاص بكلم امي اخبرها
نزلوا دنيا في القصر حق سالم 00 واتوجهوا لفيلتهم


الساعه اربعه العصر
دق جوآله وهو نايم 00 فتح عين وصكر الثانيه 00 ناظر شافه رقم امه
مشعل بصوت مبحوح – هلا يمه
بدريه بعصبيه وقهر – مشعل انت ماتخاف الله موقف زوجتك على باب الجامعه لين الحين
مشعل فز جالس مهما كان تظل بنت عمه قبل كل شي – ليه سواق عمتي مجاها
بدريه بقهر – لا من صدقك دلال بترسلها السواق
مشعل – طيب خلاص
صكر من امه 00 ولف للي نايمه جنبه في المكيف 00 وهاذيك اللي واقفه طول الوقت في الحر
رفع اللحاف عن وجهها – قـــــــــومي فزي
ساره وفيها نوم – نعم وش تبي
مشعل – ليه امك ماارسلت السواق
ساره – وانا شايخصني
مشعل بقهر – يخصك انك قلتي لامك ولالا
ساره جلست وهي تزفر – هالحين مسوي كل هالضجه عشان وحده صايعه لاراحت ولا جت
مشعل بعصبيه – مايخصك فيني دقي على امك وشوفيها ليه ماارسلت السواق
دقت على امها وكلمتها 00 اخذ الجوآل منها وحطه سبيكر
دلال – من صدقك انتي خليها تنطق هناك وتنقع حر
مشعل حذف الجوآل عليها 00 وقام يلبس ثوبه ويغسل
ساره وهي تصكر من امها – من صدقك انت وين رايح
مشعل معطيها طاف 00 طلع وخلاها ( وطبخ طبختيه يالرفلى اكليه 00 هاذا اللي قالته في نفسها لعنت دنيا وخططها وهو الحين رايح لها برجلينه 00 يعني بتكسبه في صفها هي وآكيد بيترجاها تصفح عنه 00 وهي اللي قعدت شهر كامل تزن في راسه وتحشي 00 ومبسوطه انها ماطلعت له ابد 00 هالحين بكل برود رايح لها 00 عضت شفتها بقهر وغيض 00 وطاحت على مخدتها وهي تدمع )





عبدالله اللي آدمن على الهيروين 00 وحسام صاير يوفر له الكميات بالهبل 00 بس تخلص بيدفع ولد الوزير دم قلبه 00 وهو يضحك 00 لانه بيدفع عنه قيمة هالابر الغاليه في ثمنها
عبدالله وهو يحك جلده وعيونه ناعسات لانه مكثر في الجرعه
حسام وهو طايح جنبه ويناظر فيه – انت كثرت ياعبدالله
عبدالله اخذه النوم ومارد عليه وهو كل شوي يحك جلده وخشمه




وقف السياره وشافها نفس ماهي واقفه في مكانها الظهر 00 بس هلحين باين انها تعبانه آكثر لانها منحنيه في وقفتها بتعب 00 لام نفسه مهما كان عقلها صغير المفروض مايجاريها 00 مهما كان حامل وهالشي متعبها آكيد
( مشعل في قرارة نفسه متأكد انها حامل منه والدليل زن ساره عليه تأكد ان هذا كيد حريم مهما كان اللي تربت عندها جدته اللي آكيد بحكم كبر سن جدته فاهمه وعاقله وبتفهمها ان هالامور شي حرام وعيب ,, كل هالشي مقتنع فيه في قرارة نفسه )
نزل لها 00 وهو شبه يركض لانه شافها تتمايل وآكيد دايخه
من شافته وهي تسبه في خاطرها 00 والدوخه ذبحتها 00 تعبانه وفيها النوم 00 والشمس مانفعتها غير ضرتها وهي واقفه تحتها لانها تخاف تجلس في الجامعه لان اللي قعد إلى هالوقت ياما بنات عندهم محاضرات ولا البنات الصايعات والمسترجلات
وهي تخاف من كذا
مسكها بيدها 00 مامانعت بل على العكس عطته يدها لانه بغت تطيح وتبي حد تتسند عليه
مشعل – امشي للسياره
نوف وهي تدمع بقهر – ماابي
مشعل – بلاها عزة نفسك هالحين امشي وفي السياره نتفاهم لاتفضحيني عند هالعالم
راحت معه وهي مضطره لذلك الشمس حرقتها والنوم ذابحها والجوع هلكها
فتح لها الباب الآمامي 00 سحبت يدها منه وتوجهت للمرتبه الخلفيه 00 ناظرها بنص عين – صحصحي تراني مو سواق عندك تركبين ورى
نوف وهي تركب – بركب في المكان اللي بريحني
مشعل – بس مو مريحني انا
نوف وهي تصكر الباب – شي راجعلك
طنقر ومات قهر كيف تتجرأ وتحقره كذا 00 توجهه للباب وفتحه – انزلي اركبي قدام
نوف – ماابي ورى قدام كله واحد
مشعل – لا موكله واحد اللي بيشوفني وش بيقول عني
نوف – يقول اللي يقوله خلك مثلي ماهمني كلام الناس عني ( وهي تناظره بنص عين )
مشعل بعصبيه – انتي متى بتوبين من هالعناد وتبطلينه
نوف بعصبيه اكبر – تراني تعبانه مو فاضيتلك وعناد مو راكبه معك قدام
مشعل – كذا اجل السالفه فيها عناد يعني ,, آها آجل يكون في علمك مو متحرك لين تشرفين قدام
مسحت دموعها من تحت الغطا بعصبيه 00 وعرفت لامفر لها غير تركب قدام عشان تطلع لجناحها سيده وتنام لان هاللي قدامها مستحيل يتركها في حالها
نزلت من السياره وركبت قدام تحت انظار مشعل وابتسامته ذات السخريه المبطنه
بدوره توجه لمكانه المخصص وركب 00 وسكر الباب وشغل السياره وتحرك
فجأته نوف – ابي جوالي ابي رقم خالي
مشعل ابتسم نص ابتسامه – اها ووش تبين فيه
نوف ناظرت فيه بقهر – بصور معه
مشعل ضحك بقوه
نوف بعصبيه – ابي رقم خالي والجوآل نقعه في ماي واشربه واشبع فيه
مشعل وقف عن الضحك – ماعوزك والله اعطيك الجوآل هاذا الناقص
نوف بقهر – ياابن الناس والله لويدري عنك خالي لايقلب عاليها واطيها عطني جوالي واسلم مني ومن شري
مشعل بنبره تقهر – اخس يااللي تهدد
نوف – تخسي انت
مشعل وقف السياره بعصبيه على جنب – تراني ساكت لك كثير واتقي شر الحليم إذا غضب
نوف تناظر من فوق لين تحت – هالحين بتفهمني انك حليم
كل اللي سواه انه نزل من السياره وجاء لين عندها 00 ومسكها مع رقبتها وخنقها
وجهها حمر 00 والدنيا قامت تلف فيها 00 والهواء قام ينقطع عنها 00 وعرفت ان الموت حولها قريب
بعد برهه فكها وهو يتعوذ من إبليس وقامت تكح وتدمع وتبكي وتصرخ وهو يركب جنبها وملتزم بالسكوت
نوف – انت شيطان في هيئة إنسان
مشعل – هاذا درس عشان ماتتطاولين على سيد سيدك مشعل
نوف بعصبيه وبقهر – تخسسسسسسسسسسسسسسي
كل اللي سواه انه ضحك وهو يشوفها تسوي طرحتها على وجهها زين وتمسح دموعها





بعد مرور الشهر الثاني
اليوم عرس عبدالعزيز 00 وكل اللي حوله مرتبش00 غيره هو 00 اللي مااهتم لاأي شي ابد 00 حتى خلود خلصت عدتها وحضرت الحفله بس كانت محترمه موت تركي ومتأخذه مكان صاد شوي وعبايتها عليها
اما عبدالعزيز اللي لا ارتبك او حتى قلق ابد 00 وعارف ان هالانسانه الدخيله عليه زيها زي أي جدار عنده في البيت 00 لابيحتك فيها 00 ولاحتى بيتكلم معها 00 اللي هامه في كل السالفه بس انه ياويلها ياسواد ليلها لو شالت صوره من الصور اللي معبيه المكان لاأمل




في الجهه الثانيه
مي تزفر بعصبيه وبقهر – انتي وش فيك ليش تبغين مكياجك خفيف وانتي بتطلعين على ناس لهم قيمتهم في البلاد
عبير بقهر – بس مااحب الثقيل اكرهه احس عمري غبيه فيه وانا احب لشي الناعم
الكوآفيره اللي معجبه في وجهة نظر عبير – لك تؤبريني إن شاءالله شو مزوئه وعندك نظر
مي بقهر – لااااااااااا لاتشجعينها كل من بيشوف مكياجها بيموت قهر ياساميه ترانا جايبينك من لبنان مخصوص لاتشجعينها على الخفيف
ساميه – لك شوبك مي روئي انتي مابتعرفي ان المرأه الاستقراطيه هي اللي بتحب
المكياج بيكون خفيف
مي انقهرت من فلسفتها – بكيفكم اهم شي يطلع شي مرضي في الاخير
ساميه – لك من هالعين ابل هالعين انا كم عندي مي بس وحده وبتأخز العئل
( طلعت وخلتهم ) وهي تشوف توافد الحضور اللي توهم يدخلون الساعه الحادئه عشر 00 كذا هم الناس ذات الطبقه الغنيه ماتبدأ زوجاتهم الا من 12 وورى






عند الرجال
خالد يساسر عبدالعزيز – اخوك عبدالله ليه مجاء
عبدالعزيز – عتذر يقول عنده اختبار مهم مايقدر ينزل البلاد عشانه
خالد – عذر اقبح من ذنب ترى عيد الكريسمس هالوقت عندهم يعني لايلف عليك ويدور
عبدالعزيز – براحته يمكن تأقلم هناك ومايبي ينزل خبرك هنا ماعنده شي
خالد – في هاذي صدقت مافيه غير نباح امي وهواشها
مشعل يقترب منهم هو وحمود ويسلمون عليهم ويباركون
مشعل – وآخيرا شفناك معرس
خالد يضحك – مابغى
عبدالعزيز ناظرهم بنص عين وانخرشوا وحمود ناظر وجيههم وضحك





في الجهه الثانيه
مرتبشه كثير 00 تسلم على هاذي وتوجب هاذي 00 وكل شخصيه آهم من الثانيه
عندها 00 والفنانات المعروفات في عالم الفن بتبدي فقرتهم 00 وآكثر الحضور مااكتمل 00 شافت بعينها بدريه وهي تضحك مع آهم شخصيه عازمتها ومتماسكين باليد 00 ماتت قهر منها 00 دائم تسرق الآضواء عنها هالبدريه 00 لان الكل يحبونها 00 وهي ماتدري وش شافوا فيها زود
اقتربت منهم – هلآ فيك ياسمو الآميره حياك اتفضلي تو مانور المكان
وتسلم عليها 00 والمشكله انبطت كبدها 00يوم هالاميره اخذت بدريه من يدها واخذتها تقعد عندها هنا 00 وصل الضغط عندها ألف






ساميه – اطلعّي وائوليلي شو رأيك
ناظرت في نفسها وإبتسمت برضا عن شكلها اللي تغير للآجمل 00 هي تعرف نفسها مايليق لها الآ الخفيف
عبير بإرتباك – الله يعطيك ألف عافيه
دخلت لهم مي وانذهلت – واااااااااااااااااو فضيييييييع شي مذهل بجد
ساميه – مائلتلك هن هيك اللي بيعملوا مكياج خفيف بيطلعوا متل البدر وآحلى
مي – يعطيك ألف عآفيه
ساميه – الله يعافيك
مي – عبير نوف ومنال يسلمون عليك ويباركون لك وماقدروا يحضرون وانتي عارفه الظروف
عبير – الله يسلمهم ويبارك فيهم
ناظرت مي الساعه اللي تشير إلى الواحده والنص ليلآ
مي – بعد نص ساعه زفتك
عبير ارتبكت – اففففففففففففففففف بس انا فيني نوم
مي – لاحقه على النوم وراك زفه طويله عريضه واليوم يومك ياحلوه
عبير – إلى يوم الشؤم استغفرالله العظيم احس احقر واكرهه يوم مر علي في حياتي هو هاليوم
مي ناظرتها بنص عين – ياليتك تنقطينا بسكوتك احسن وتبدين تلبسين الفستان ماعاد عندنا وقت ابد





عبدالعزيز كل شوي يناظر ساعته 00 تأخر الوقت كثير 00 المشكله ان عنده اجتماع بكره مهم 00 اخذ جواله ودق على نوره اخته
عبدالعزيز بعصبيه – هآه طلعت
نوره بإرتباك – لا لسه انت وش فيك مستعجل
عبدلعزيز – وراي اجتماع هآم بكره مو فاضيله روحيلها وقولي عبدالعزيز يقول اطلعي موفاضي لحضرة جنابك
نوره بقهر – عيب عليك عبدالعزيز ين عايشين فيه
عبدالعزيز – يعني وين بالله عليك نوره روحي قوليلها ولا دخلت لها وبلاها هالزفه
نوره – لالالالالالا خلاص خلاص بخبرها عشر دقايق وجهز حالك
عبدالعزيز – بسرعه فيني نووووووووووم ( وصكر في وجهها)