| المعلومات |
| الكاتب: |
|
| اللقب: |
ملكة جمال ليلاس وملكة سحر الخواطر   |
|
| مدونتي |
|
 |
| الإتصالات |
| الحالة: |
|
| وسائل الإتصال: |
|
|
كاتب الموضوع :
بياض الصبح
المنتدى :
القصص المكتمله
( الجزء الحادي عشر )
تذكرته هو ماغيره الواقف بهيبته 00 تكرهه كره العمى 00 وتكره عآئلته
المشكله يناظرها وكأنه عارفها00 اقترب منها
عبدالعزيز وهولاف رأسه ويناظر الفراغ – السلام عليكم .. هلآ فيك معك عبدالعزيز ابو محمد وصاني عليكم وش رأيك تروحين للوالده وخواتي ولا تروحين للفندق
في نفسها ( وعععع مولايق عليك اللباقه 00 مصدق روحه 00 وتقلد صوته معك عبدالعزيز وتراب 00 من حلاتك انت وامك )
شافها صاكته وحس انها مستحيه – تفضلي معي ( وهو يمشي وكأنه يقول امشي وراي ,, كرهت هالحركه 00 عشانه ولد وزير يستقوي على العآلم 00 مصدق نفسه بمشي وراه .. اتجهت عند مديرة قسمها ووقفت عشان تفأجاها – اها ماقلتي لنا انك تعرفين عبدالعزيز والله ونفعتينا ياعبير ليه ماخبرتينا
عشان تنصدم – وانا شعرفني فيه هذا اللي ناقص اعرف ناس بهالشكل مغرور ومتكبر
عشان يفاجأها صوته – لوسمحتي اختي بتتفضلين ولا اروح تراني مشغول موفاضي لحضرتك
انصدمت الا انصقعت اكيد لامحاله سمعها لفت رأسها عشان تشوف نظرات ناريه موجهه صوبها 00 وشكله المرعب
عبير تسيطر على رجفتها – أسفه اخوي انا بطلع مع البعثه عطلتك ماتشوف شر
عشان تصدمها المديره الواقفه معهم وتستغل معرفة عبير بامدير الشركه اللي يحلمون يوقعون معها – آسفه استاذه عبير ماحجزنا لك
عشان ترد عليها بعصبيه – وليه ماحجزتوا لي
المديره – لان والدك كنسل إقامتك معنا
عبير تبلع ريقها وميته حياء كيف تركب معه عقب مافشلته – خلاص انا ادبر نفسي
شكرن لك وآسفه عطلتك
عبدالعزيز وهو مستحقرها – براحتك
عشان توقفه المديره – اخوي كيف تدبر نفسها ترانا مانعرف حد هنا انت لك معارف وتقدر تدبر لها إقامه
عبير بقهر – لوسمحتي اسكتي انا ادبر نفسي
عبدالعزيز وهو يتكتف – يالله امشي قدامي العم سعيد وصاني عليك تفضلي ياأخت قدامي
بلعت ريقها مره ثانيه – هآآآآه ,, طيب
ومشى وهو تاركها تحآول تلحقه وتجآري العآصفه اللي ثارت من كلآمها
نزلت تحت على الغداء وشافت الكل متجمعين 00 بدريه ابتسمت لما شافتها
بدريه – هلآ نوف حيآك
نوف اللي بدورها ابتسمت – الله يحيك عمتي
سالم وطلال وراشد ,, ريم ودنيا وساره وبدريه اللي ملتمين على الغداء
سالم – وين مشعل
نوف وهي تجلس في اخر الطآوله جنب ريم – بينزل الحين عمي
عشان يفأجاهم بشعره اللي ماليه جل ولبسه التي شيرت الاخضر اللي مبرز عضلآته 00 والبرموده الرصاصيه وهو يبتسم – مساؤ على آحلى حلوين
عشان تذوب ساره في مكانها وتتنهد بصوت مسموع مادرت انه طلع 00 وعشان تبلع نوف غصه مكبوته قهر من هالانسان المعقد
الجميع – هلآ حيآك
بدريه وهي تحط رجل على رجل وتتكتف وتسند ظهرها – انت وينك ماتنشاف متى رديت
مشعل وهو يجلس مقابل لدنيا وساره وجنب راشد وهو يبتسم
وتبان غمازاته – امممم ليه الغآليه تسأل
بدريه – مدري عنك انا سألت ليه تلف وتدور
مشعل وهو يمسح على رقبته – ممكن استفهم بالضبط ام طلول وش تبي من هالسؤال
طلال – اصغر عيالك طلول
الكل ضحك غير نوف اللي منزله رأسها وتاكل بصمت بالملعقه اللي ماتعودت عليها بس بتجاريهم عشان مافيه حد يضحك عليها خصوصا دنيا وساره
مشعل وهو يرفع حاجب – مو بالصيغه اللي انت فهمتها سلك سلك نبي ندلع الماما
بدريه بصوت قوي – مشعـــــل
مشعل بإبتسامه تذوب – ياعيون مشعل
ساره تناظره وهي غاصه فيه
بدريه – انت موتوك عريس وعروستك تخليها في أول ليله لكم بالرياض
عشان يلف عينه بعصبيه لنوف ويخلي ساره تتضايق من كلام بدريه وعينه اللي راحت لنوف – ليه فيه حد شكى لك
بدريه بعصبيه – لااااا بس مو من الذوق اللي علمتك إياه والمدارس العآلميه اللي دخلتك فيها تطلع تسهر إلى هالوقت
مشعل بعصبيه – يمه اجلي هالكلام موقدام حد تبين تكلميني على راحتك بس موعند ناس ماابيهم تحاسبيني بهالصوره قدامهم
سالم – ابي اعرف لإيش يرمز كلامك يابدريه
بدريه بعصبيه – مدري عن ولدك
مشعل بعصبيه وهو يوقف – الحمدالله انسدت نفسي مشكوره يمه ( وهو يطلع بعصبيه من المكان )
نوف اللي وقفت وبتلحق مشعل – الحمدالله
ساره اللي انقهرت من بدريه 00 ونوف اللي طلعت وراه
فتح السواق السعودي له الباب – تفضل طآل عمرك
وقف جنب الباب وهو ينتظرها تطلع له 00 وهو ميت قهر من هالآنسانه اللي شايفه نفسها عليه من تكون لولا ابوها وغلآه عنده ولامكان عبرها
وآخيرا طلعت من البوآبه وهي تناظره وعينها فيه 00 ركب السياره عقب مااطمن انها عرفت مكانه 00 وهو مقهور من شوفة نفسها بهالشكل
بيده أشر لواحد من البادي كاردات اللي واقفين حول السياره انه يفتح لها باب السياره وعبير منصدمه من إشكالهم 00 فتح لها باب السياره وهو مركز بنظراته على عمه اللي خايف يصير فيه شي من الاعداء
ركبت خلف مرتبة عبدالعزيز اللي يملئ ريحة السيآره عطره 00 أمر السايق يتوجه على بيت اخته خلود 00 مهما كان في نظره تظل مثل اخته وبنت عآئله ونآس وصعب يتركها في فندق لوحدها 00 توجهوا على الفله التابعه لخلود وقفوا فيها عشان تنصدم عبير وتموت غيظ منه 00 وفي قرارة نفسها اطمنت انها بتشوف خلود افضل انسانه في هالعائله
آخيرا وصلوا لبيت ابوهم اللي انبسط في شوفتهم
منال بحزن من منظر ابوها – كيفك يبه
غازي بضعف – الحمدالله ياابوك
حمود عشان يخفي الحزن الطآغي على المكان – وينهي الصبوحه
غازي – طالعه مع ولد اخوها
منال بقهر – وكيف تطلع وتترك بهالحآله
غازي وهو يسند رأسه على المركى بتعب – إذا اقرب ناس لي تركوني كيف ماتبينها تتركني راحت ترزق الله
حمود بقهر – يبه حنا مستعدين نرجع بس اترك الشرب عنك
غازي ويرفع رأسه – والله ياابوك تركته واسأل صباح
حمود واللي اشرحت اساريره ووجهه استبشر – صدق يبه
غازي – صدق يايبه
منال اللي باست راسه بفرح – احلى خبر سمعته وآخيرا يايبه وآخيرا بس
غازي وكأنه مايبي شي يكدرهم – بس شنهو يايبه
منال – تخليني ادرس يايبه
غازي اللي سكت – شوفي صباح
حمود بقهر – وحنا شايخصنا في صباح مابقى غير هي تحكم اختي وانا وانت عايشين يبه
غازي – بكيفكم مااني معارض
منال اللي زغرتت بونآسه – كللللللللللللللللللللللوش ياربي مستانسه
وحمود وغازي يضحكون منها
وقفت خلفه مباشره 00 وهي تشوفه معطيها ظهره 00 خافت يهاوشها ويفضحها قدامهم 00 ولولا وصايا جدتها اللي حفظتها إياها 00ومنظرها قدامهم وغير انها ماتبي تبين عندهم شي00 كان ماطلعت وراه 00 ولافيه وحده عندها ذرة كرامه ويسوي فيها اللي سواه هو فيها 00 وتراضيه وهي مالها خص في زعله 00 غمضت عينها وهي تتذكر جدتها
( اسمعيني زين يانوف يابنت صالح يوم بكره تزوجين لاتعآندين رجلتس وتزعلينه 00 حآولي وانا امتس تحتوينه 00 ترى الرجل يبيله حرمة تحتويه 00 إذا هي تبي رضى ربي ثم رضاه 00 وبكره لزعل عليتس ولا حد زعله اقربي منه وكوني له ستر وغطاء 00 شوفي خاطره واستسمحي منه 00 تراه يمتس مثل طفل صغير )
ابلعت ريقها وهي تفتح عيونها وتجلس جنبه – عارفه انك اخر وحده تبي تشوفها هي انا بس ماحبيتك تزعل واكون مااني حولك يمكن تكون كارهني بس مومن شي فرضه ربي علي انك تكون زوج لي واكون بعيده عنك مثل لحظه مثل هاذي
هو ابتسم بسخريه – جايه تشمتين
لفت رأسها بسرعه له – معاذ الله بس
مشعل وهو يقاطعها – لابس ولاشي تبين شي
نوف بخوف منه ومن تأثير اللي بتقوله – مشعل غلط ترد على امك كذا
هو يوقف بعصبيه ويناظرها وهي تفرك يدينها من وقوفه بهالصوره وتنتظر الصاعقه اللي بيقولها
وهو شاد على شفايفه – اسمعيني زين وحطي اللي بقوله حلق في أذنك طال الزمن ولاقصر انتي بالذات بالـــــذات ماابيك تتدخلين في أموري
نوف وهي تبلع غصتها – طيب
راح وخلاها داخل وهو يسب ويهآوش ويصارخ
وهو يدخل داخل البيت ويسب ويصارخ – هاذي اللي زوجتوني إياها جايه هالحين هالقرويه بتعلمني الصح من الغلط كله منكم كله منكــــــــــــــــم
( وهو يطلع الدرج ويصارخ )
ابتسمن بشماته وهن مبسوطات 00 ومع نظرات بدريه المقهوره من تصرفاته الطائشه 00 وتربيته التعابنه 00 لوتدري انه بيصير غير مبآلي كذا كان مادلعته بس هاذي غلطتها
كفكفت دموعها 00 الجرح في الصميم يوجع 00 الكلام اللي سمعته اكبر من كل اهآنه تلقتها من هالآنسان 00 هالمره بالذات مابتسكت 00 وبتقلب عآليها وآطيها
بالطقاق فيهم 00 دخلت داخل وهي معصبه 00 مابتسكت ولو على قص رقبتها
نوف وفي قلبها – كافي اهآنه كاااااااااااااااااااافي
عبدالعزيز وهو ينزل وهي تفتح بابها وتنزل
عبدالعزيز – تفضلي انا خبرت امي وخواتي بوصولك تقدرين تدخلين لهم من ذيك البوآبه تراهم ينتظرونك
عبير باإرتباك جديد عليها واول مره تحس بفشيله قدام هالشخص – شكرن لك اخوي
كل اللي رد عليها فيه انه عطاها ظهره وأمر سايقه يطلع فيه ولا حتى عبرها باي كلمه
عشان تموت قهر وغيض من غروره وتكبر هالانسان 00 قادتها رجليها للبوآبه وهي متفشله كثير من موقفها بينهم 00 وتلعن وتسب في مديرتها البلشه اللي ورطتها في ذي الرحله وهالمؤتمر
دخلت داخل وهي مثل جبل شامخ 00وهي ابعد من هالجبل بس امامهم بتمثل هالدور لازم ولازم ماتضعف 00 الضعف يذبحها ويمسخرها قدامهم 00 تسمع وشوشتهم وضحكهم 00 ونظرات بدريه المشفقه هي وريم
بس هي عمرها مكانت ضعيفه 00 ولابتكون ضعيفه توجهت مع الدرج وهي تسابق خطوآتها 00 عشان تدخل مثل عآصفه هايجه 00عليه الغرفه وهو يناظرها وماط عيونه ومنصعق من دخولها بهالشكل وبذا الصوره
هي وعينها النآريه معلقه في عينه وبعصبيه – عطني رقم خالي بدق عليه يجي ياخذني مثل منت عايف قلتلك انا هم عايفه ولو تكرمت طلق
دخلت عليهم وهي متوتره 00 وتغطي على توترها بإبتسامه باهته مالها شكل ولون
دلال وهي توقف – هلا حيآك ياعبير
عبير وهي تدخل تسلم عليها هي ونوره – الله يحيك
نوره – كيفك إن شاءالله تمآم
عبير- تمآم انتم وش اخباركم
هم – بخير
عبير تناظرهم – وين خلود
دلال بقهر – فوق معتكفه في غرفتها هي وأولادها
عبير معجبتها النبره اللي تحكي فيها – اها ايه احسن الله عزاكم
دلال ونوره – جزاك الله خير
عبير – آسفه جيت في ظروف شوي صعبه الله يعدي هالازمه
دلال اللي عجبها ستايلها ونبرة كلامها وأسلوبها الجخ المحترم – تسلمين يارب
( وهي تتمعن فيها زين وبنظرات تفحص )
كل اللي سواه عقب اللي سمعه منها انه طاح في موجة ضحك عارمه 00 عشان تناظره بعصبيه وبنظرات لوكانت تقتل قتلت
مشعل – ههههههههههههههههه هههههههههههههههههههههه يالله ياحليلك تصدقين تعرفين تنكتين
هي بقهر وهي تشد على شفايفها بقهر – انا ماقلت شي يضحك ولو سمحت ابي رقم خالي
جلس على الكرسي وهو يهدأ من هالموجه اللي صارتله – وانا شادخلني فيك وفي خالك
نوف بقهر – رقم خالي ضاع مني ابي رقمه ابي اسافر له
عشان يوقف ويناظرها بعصبيه – ومن سمحلك تسافريله
نوف – انا
مشعل وهو يقترب منها ويمسك عضدها ويشدها لين وصل باب الغرفه ودزها وهو يوقف على الباب – شكل صاير في عقلك شي انا كم مره اقول لك عقب سنه اخليك تنقلعين بطلق وسوي اللي تبين 00 وكم مره فهمت عقلك التعبان تراني عايف عايف تعرفين شامعنى عايف
هي بإنكسار وتلم روحها بيدينها وتنزل راسها في حضنها – ايه
هو كل اللي سواه قرع الباب بااقوى ماعنده 00 عشان ترفع راسها من صوت الهزه اللي استوت وفي عقلها ( انا مااقدر عليه مااقدر 00 كيف اتظاهر بالقوه قدام هالانسان اللي يخوفني 00 صعب صعب والله صعب )
منسدح فوق سيارته ومسند راسه على يده 00 ويناظر في السماء والنجوم والقمر
وهو يبتسم وحاله صعب 00 معقوله يكون حب 00 معقوله الحب عذاب 00 معقوله فيه حوريه في الارض 00 سرح فيها 00 وتخيلها قدامه 00 كل اللي سواه غمض عيونه وفتحهم 00وشافها قدامه تناظر فيه وتبتسم 00 غمض عيونه مره ثانيه 00يشوف هو حلم ولاعلم 00شافها وهي لسه ماتحركت من مكانها 00 وكأن اللي ازاحها الاتصال اللي جاه اللي خلاه يسب ويلعن 00 ضيع اجمل صوره رأها
طلع جواله من مخبأه وهو يشوف المتصل – هلا عبدالعزيز
عبدالعزيز – انت وينك
خالد – في الرياض
عبدالعزيز بصدمه – كيف في الرياض متى رديت
خالد – قبل شوي طفشت من جلسة امك واختك
عبدالعزيز – ليه ماخبرتني طيب
خالد – دقيت عليك لقيت جوالك مع واحد من حراسك وقلت له يبلغك ليه مابلغك
عبدالعزيز – لاماحد خبرني زين اسمع اختك خلها ترد للبيت تراها في بيت خالي كفايه هاليومين اللي خذتها عندهم ترى حتى اختك موعندهم وعيب تطول اكثر من كذا
( عبدالعزيز مهما كان ضغط وحجم شغله بس عمره ماهمل أي شي يخص اخوانه ومن نظرة وجهته انه عيب جلوسها عندهم كل هالفتره 00 وهو مقهور منها00 تاركه امها وخواتها 00 وجالسه هناك )
خالد – إن شاءالله تأمرني شي بعد
عبدالعزيز – سلامتك يارب
خالد – الله يسلمك
منال اللي طلعت مع حمود السوق 00 تتشرى ملابس للجامعه المبسوطه كثير انها دخلتها 00 هذا حلم عمرها انها تدخل الجامعه
حمود – اسمعي انا بجلس في الكوفي خلصي اغراضك وتعالي لي بس خليك قريب من المحلات هاذي عشان اشوفك
منال – من عيوني يااغلى اخو في العآلم
حمود وهو يبتسم – الله الله منالوه تتنازل وتمدحني ,, لا صار شي في الدنيا
منال – ايه عاد حمودوه تراك مليغ تصدق
حمود وهو يضحك – ايه هاذي منالوه يالله ضفي وجهك قبل أهون واردك لصباح تكرفين
منال وبتمثيل وهي تعطيه ظهرها وتروح بسرعه – لادخيلك
هز رأسه وهو يبتسم مهما كبرت اخته تظل في عينه طفله 00 لحد الان يذكر يوم دخلت عليه امه الله يرحمها وهي راده من المستشفى وشايله في حضنها
منال 00 وتقول ناظر ياحمود هاذي اختك منال 00 ابيك تحبها وتكون عون وسند إلها 00 ومن ذاك اليوم هو يحاول يعمل بوصية المرحومه امه 00 اللي كانت عارفه انها بتودع الدنيا
قطعه من عالمه جلوس خالد ومشعل عنده – هييييييييه
هو رفع راسه وابتسم – متى جيتوا
مشعل – شفناك في احلامك اللي مدري وين وصلت فيها وقلنا خليه يكمل
خالد – ابي اعرف جوالك وينه
حمود يدور على جواله في مخابي ثوبه مال لجوآله أي اثر – تصدقون مدري
مشعل – تدري خلّود هالانسان اللي قدامنا حرام يحمله جوال
حمود – ياشينك لاطنزت علي اكيد ناسي جوالي في السياره
خالد وهو يناظر البلازا اللي هم فيه – ابي اعرف ليش مواعدنا في هالبلازا التعبان
حمود – وش اسوي اختي هنا تتسوق
خالد اللي سرح في اللي تتسوق 00 ومشعل ابتسم – ياحليلك انت واختك
خالد اللي ناظر مشعل بسرعه وهو مقهور من كلمته الاخيره
حمود يضحك – شكل السوق موعاجبكم معاليه هذا على قدنا
مشعل وخالد تفشلوا من كلمتهم
مشعل – هيه ( وهو يضرب راس حمود ) ترى ابوي معطاك راتب مدبل عشان تجيب اختك المسكينه هنا ابي اعرف وين يروح راتبك
حمود – ادفع فيه اقساط البنك حق البيت والسياره
خالد – الله يعين يارب
حمود يغير السالفه – ايه اش اخبار عمتي بدريه
(بعد فتره )
خلصت كل اغراضها شرتلها اللي على قد حاجتها من الفلوس 00 اهم شي ربي يباركلها باللي خذته من هالملابس 00 توجههت للمكان اللي خلت اخوها فيه 00 عشان تتفاجأ في اكثر اثنين مؤثرين في حياتها 00 استحت منهم 00 بس خالد لمح زولها 00 وكيف مايميزها بين ملايين من البشر وهاذي سالبة افكاره وعقله وكل تفكيره 00 أشر لحمود اللي وقف بسرعه وهو يتوجه لها
حمود – هاه خلصتي
منال بحياء – ايه الحمدالله
حمود – كفاك المبلغ اللي عطيتك إياه
منال – الحمدالله وزاد بعد ( وهي بتطلع له المتبقي ) ومسك يدها
حمود – خليه معك بتحتاجينه ,, يالله نمشي
منال – ايه
حمود أشر لهم بمعنى اني رايح ,, وبدورهم اشروله بمعنى مع السلامه
الساعه تشير إلى الثامنه صباحا 00 وهي تنتظر سواق البعثه المرسوله لها 00 وآخيرا وصلت 00 وهي تركب 00 تشوف عبدالعزيز مع الحرس وهم داخلين بوابة البيت معناته اكيد بيطول الاجتماع على ماهو يحضر 00
وهي في نفسها ( كيد بينطرنا ساعات 00 موهو ولد وزير 00 وهي تسب وتهاوش
فيه 00 وتتوجه للقاعه المذكوره للاجتماع 00 وهي ميته قهر )
ميته قهر 00 بدريه رفضت تعطيها امس المفتاح وتتذكر كلماتها
بدريه – اسمعيني يانوف إذا بهالوقت بالذات ماحليتي مشاكلك مع مشعل متى بتحلينها ,, بنتظرين لين ولدي يمل ويشوفله شوفه ثانيه ,, يانوف انا ابيك المرأه الوحيده في حياته ,, واعذريني ذيك الغرفه ماراح ترجعيلها ردي وشخصيتك قويه ووقفي بوجهه
تتذكر انها عادت خايبة الرجا من عند بدريه اللي رفضت رفض قاطع انها تعطيه مفتاح الغرفه ,, وعقب مارجعت كل اللي سوته انها نامت على كنبة الصاله ,, ولاتعرف هو وصل ولالا لحد الان
وقفت وهي تتسلل للغرفه 00 شافته نايم ومعطي ظهره للباب 00 يعني ماتعرف هو صاحي ولانايم 00 والحمام في الجهه الثانيه من الجناح 00 يعني غصب عنها لازم تمر على الغرفه 00 عشان تقدر تروح له
وفعلا مشت وهي تسمي بس اللي ارعبها وقوفه المفاجئ 00لما سمع صوت تسللها وهو يناظرها ووقفت تناظره
هو – خير
نوف تناظره – ابي الحمام ( وهي تكمل طريقها ولامعبرته وكل اللي سوته قرعت بالباب بقوه عشان يقمز ويتحلف فيها )
وآخيرا وصل الاجتماع 00 والحراس من حوله 00 وهي ميته قهر من هيبته اللي تفرض عليهم كلهم ابتداء من مدير الشركه حقتها انتهاء فيها انهم لازم يحترمونه
عبدالعزيز – اسف على التأخير
مدير شركتها – لاعادي مايهم
وهي بتفرقع من كلمته
عبدالعزيز وهو يناظر فيها – يالله نبدأ الاجتماع
المدير – تفضل طال عمرك
طلعت من الحمام وهي تمسح وجهها 00عشان يمسك يدها بشرر وهو يوجه سيل عباراته لها بعصبيه – ليه قارعه بالباب كذا
نوف وهي تفك يدها منه – شكلك تدور لك مشكله على هالصبح
عشان تزيد النار حطب 00 ويقوم يضرب فيها ضرب يوم بسنين وهو يحس بقهر يشتعل في صدره من وجودها بهالصوره في حياته
خلصوا الاجتماع وهو عينه فيها وياخذ مديرها على جنب ويكلمه ,, وهي ميته وتعرف ش يقول له
عشان يفأجاها مديرها بعد ذلك بعد خروجهم وهو يبلغها الخبر اللي صعقها وموتها قهر منه ومن عبدالعزيز
اعترضت طريقه 00 ووقفت في وجهه عند مواقف السيارات
عبير بقهر – انت شاتبي فيني
هو ويوقف الحرس بيده – هالحين عشان بغيتلك الراحه تقولين كذا
عبير بعصبيه – شكرن ماابي منك شي ولاتتدخل في شغلي
عبدالعزيز – تراني حجزت لك رحله وبلغت محمد اخوك يستقبلك في المطار الساعه ست المغرب
هي وتضرب الارض برجلها وترفع اصبعها في وجهه 00 عشان يتحركون الحرس
ووقفهم بحركة يده
عشان تكمل وعينها في عينه – احسن لك ابعد عن حياتي وشغلي ولااقسم بالله مايحصلك طيب
هو بإبتسامه – تدرين انتي تمثلين وتتدعين القوه وانتي موقدها ,, احسن لك لاتهددين لانه مابيحصلك طيب
عشان عبير تحاول ترفع يدها في وجهه ,, وبسرعه يمسك يدها – بتعرفين متى بدفعك ثمن اللي بتسوينه
عبير وهي تشد على شفايفها بقهر منه وهو يعطيها ظهره متوجهه لباب السياره حقته
بعد مرور شهر كامل بالضبط ومافيه اختلاف في الاحداث
إلى ان نوف لحد الان تنام في الصاله ,, وعبير استقالت من شغلها عقب اللي سواه فيها مديرها وعبدالعزيز ,, ودلال ونوره ردوا للرياض بعد ماعجزوا ان خلود رفضت تترك بيتها وتبي تنهي العده في البيت اللي ضمها هي وتركي ,, وام تركي اللي كسرها وهدها موت تركي وسمر اللي اتفقوا يكون زواجها بعد خمس شهور على الاقل
والان في الجامعه 00 نوف تعرفت على إنسانه طيبه وقلبها كبير 00 اللي هي مي
وهم تعرفت على منال اللي كلهم يتواجدون في قسم واحد
وهم يجلسون على الطاوله
منال وهي تزفر – افففففففف تعبتنا هالدكتوره حسبي الله على إبليسها
نوف – حرام عليك لاتدعين
مي تبتسم – تراه بس دعت على إبليسها يانوف شافيك
نوف – مدري بس مااحب حد يدعي قدامي
منال – ايه نوف بسألك هالحين انتي قلتي لنا انك متزوجه
نوف – ايه
منال – من متى
نوف – لي شهرين وشوي هالحين
منال – الله يعين
مي – امس اخوي محمد لما جاء ياخذني شاف سواقكم وعرف سيارتكم وقالي
هذي سيارة آل سالم
نوف بإبتسامه – ايه انا زوجة مشعل ولدهم
عشان تنصقع منال – انتي زوجة مشعل
نوف بنظرات استغراب – انتي تعرفينه
منال- ايه صديق حمود اخوي
مي بضحك – والله وطلعنا معرفه
نوف بإبتسامه – صحيح ( صدفه افضل من ألف ميعاد )
منال – والله ماتوقعت الدنيا صغيره واشوفك لا وندرس في قسم واحد انتي ماتدرين مشعل وش بالنسبه لنا
نوف – ليه شاسوى لكم
منال – وظف اخوي وخالد ولد عمتك عالج ابوي من الخمر على حسابه انتم شي كبير بالنسبه لنا ( وهي تخفي حبها السابق لمشعل )
في الجهه الثآنيه في الجامعه وتناظرها وهي ميته قهر وغبن وحسد ياكل في قلبها
اميره – وين راحت عيونك
ساره – اصكتي يااميره وحده قرويه تاخذ مني شي ابيه واحلم فيه من وعت عيوني على هالدنيا مشعل موبس لي حلم لامشعل لي حقيقه في كل آحلامي هو زوجي اللي ارسمه فيها ,, اميره انتي ماتعرفين مشعل وش بالنسبه لي
اميره – والله حبك له موطبيعي
ساره وهي تسرح في خيالها – لاتخافين هالحب بيتوج بزواج مااني بنت الوزير محمد ان خليته يطير من يدي
اميره وفي داخلها ( اكيد ,, والخوف كله منك لاحقدتي ياساره يويله من عداكي )
تجيهم دنيا عشان يغيرون السآلفه
ردت البيت وهي اليوم بالذات خاطرها سيئ اتوجهت سيده لجناح امها اللي لقت حولها 00 الفلبينيات يسوون لها تدليك في جسمها
ساره بطفش – مساء الخير ماما
دلال وتصرف المدلكات عنها وتأشرلهم يطلعون – مساء الورد ياعيون ماما
ساره – يمه متى بتشوفين لي صرفه في العله اللي ملزقينها لمشعل
دلال – ياحبيبة ماما انا بتصرف
ساره بقهر – ومتى بتتصرفين لين اموت بحسرتي ومشعل حبها
دلال – ياعيون امك
ساره وتقاطعها – يمه مايصير تعشميني فيه من صغري بعدين فجأه اتركه يمه انا لفيت الدنيا كلها مافيه غير مشعل من ملئ عيني افهميني
دلال – يايمه
ساره بعصبيه وتقاطعها وهي تبكي – لاتقولين شي والله مااكون ساره ان ماخليته هالاسبوع يطلقها ,, وانتي مشكوره يمه خليك في طلعاتك وروحاتك
طلعت مثل الاعصار ودموعها ماليه خدودها ,, ودلال اللي تتحسر على حظ بنتها
رجعت للبيت وهي ميته تعب 00 اليوم شافت ساره ودنيا من بدت الدراسه ماشفاتهم
ريم – زين جيتي
نوف تبسم لها – شوفة عينك
ريم – زين روحي بدلي بسرعه ونادي على دنيا معاك قوليلها الغداء عمي وراشد ومشعل على وصول
نوف – إن شاءالله ( وهي تصعد الدرج )
منال وهي تتغداء مع ابوها وحمود وصباح
منال – تخيل حمود من طلعت صديقتي
حمود وهو يبلع اللقمه – من طلعت
منال – نوف زوجة مشعل تخيل
مشعل – بذمتك
منال – والله
غازي – مشعل ماغيره ولد سالم
منال – ايه يبه
حمود – ياحليلها والله
منال – ياربي تهببببببببببببببل واخلاقها روعه تصدق انها جاذبتني ومارتحت غير لين تعرفت عليها وصادقتها
حمود – تستاهل هي طيبه
تمسح يدينها 00 وهي متوجهه على جناح دنيا 00 عشان تسمع صوت اغاني يصدح في الجناح 00 طقت لما قالت التوبه 00 والباب محد يفتحه
فتحت الباب ومشت لين الصاله 00 عشان تسمع صوت ضحك وتسمع دنيا
وهي تقول – حمودي حيبي حرام عليك
محمد - ........................
دنيا- هههههههههههههههههههه هههههههههههه يقطع إبليسك
محمد - ........................
دنيا – خلاص بس
عشان بدورها ماتستحمل ان بنت عمها توصل هالمواصيل وتسكت عنها وهي تقتحم المكان 00 عشان دنيا ترتجف بدورها وتصك الجوال في وجه محمد
دنيا بعصبيه وهي ترجف – خيررررررررر انتي شجايبك في جناحي يالله برى
نوف بقهر – انتي ماتستحين على وجهك
دنيا بعصبيه وهي تنزل من السرير وتقترب منها – وليش استحي (وهي خايفه انها سمعت )
نوف بقهر – تكلمين ولد لودرى عنك مشعل ولاعمي ولاحتى اخوانك كيف بتكون وجيهم تبين تطرحين سمعتنا في القآع
دنيا وهي تصفقها كف – مابقى غيرك يعلمني العيب هيييييييييييه فوقي ياحيوانه على نفسك واعرفي من تكلمين
نوف وهي تمسك خدها وترد الصفعه لدنيا عشان دنيا بدورها تمسك خدها
نوف بقهر – اللي اعرفه ان اسم جدي وجدك واحد واللي يربطنا دم وعرق واحد وموانتي ياحيوانه تعايريني وعلم يوصلك ويتعداك لودريت بس دريت انك تكلمين شاب مايحصلك طيب
كل اللي سوته دنيا انها مطت عيونها وهي تشوف نوف تعطيها ظهرها
نوف وقفت ولفت وجهها لها – امشي الغداء
وردت وعطتها ظهرها
|
19-01-11, 07:00 AM
جديد مواضيع قسم القصص المكتمله
العرض العادي
