السلام عليكم ورحمة الله وبركاته
صباحكم/مساكم..تفاؤل وسعاده
اخباركم حبايب قلبي؟؟
>>بخير دام نودي الله يحفظها معكم ^_^
*
اول حاجه الشكر لله ثم لأوركيد بعد قلبي
عذبتها لين ربي كتب لي انزل القطره
>>فيس مبتسم لآوركيد ببراءه
وبعد اشكر فجووره بعد قلبي>>فيس يحضنها ^^
*
بسم الله
*
بصراحه بالبدايه ماكنت عارفه وش اكتب
ولاّ عن إيش من موضوع أتكلم
وجلست افكر مع حنون>ام تركي
عن الموضوع لين اقترحت اتكلم عن التفاؤل
وطبعا ماقلت لآ >فيس يحب هالموضوع
لكن ماعرفت اجيبه بششكل رسمي ولاّ البساط احمدي
واخيرا قلت خله بدون تعقيدات وفصحى ومدري شو
لآن اللي يطلع من القلب يوصل سيدا للقلب^_^
*
اذكر بآيام المتوسط كان عندنا الخاله(عامله النظافه)
كبيييره في السن وبالقووه تمشي خطوتين لقدام لكن برضها كانت
تضطر تشتغل ولاهي قادره تاخذ تقاعد
والله عمممري بالثلاث سنين ماشفتها عابسه
ماشاء الله تبارك الله دوم مبتسمه ودوم تسولف مع هذي
وتمزح مع هذيك
على ان ظروفها بجد صعبه زوجها متوفي وتارك لها سبع بنات
ثلاث منهم ربي اراد انهم يموتو بحادث باقي اربع وحده تزوجت
وزوجها مات ورجعت لآمها بطفلين واحد معاق والثاني طبيعي
والباقيات يدرسو كلهن بالجامعه وانتساب يعني محتاجين مصروف
والولد محتاج مصروف علاج
وبيتهم شعبي وإيجار لييته ملك
وراتبها بحدود 2000 لكن والله دايم مبتسمه
تقول الانسان يتفاؤل ان بكره بيكون افضل من امس افضل من اليوم
وبإذن الله ربي مايخيب رجااه
والحين قابلت بنتها الصغيره ماشاء الله صايره معيده بالكليه عندنا
ونقلو في حي يعتبر راقي لآهل مكه وحياتهم مافي مثلها
مدري متى تعدل حالهم لكن المهم انه تعدل وصار احسسن من اول بكثير
وللأسف نلقى غيرها حياتهم مافي مثلها
رفاهيه..فلوس..صحه..عيال..جمال وكله لكن لا حمدا ولاشكورا
لو طلعت بقعه صغيره في وجهها نلقاها محبطه وربي مايحبها
ودايم يجيب لها المصايب وان البقعه هذي اكيد وراها مرض شين
وتجيب لك الف احتمال واحتمال وكلهم ويسببو لها حالة اكتئاب
ليييه كذا؟
ليه صرنا نشوف الامور اللي تصير لنا على انها مشاكل ومصايب
ونحزن ونندب حظنها وكن ربي خلاص قطع عننا الرحمه ؟
ليه ما نبتسم ونتفائل ان ربنا ما صابنا باللي صابنا فيه إلا
لآنه يختبرنا وبيعوضنا عن اللي نحن فيه
ليه ننسى وجود الله ورحمته ونشوف الجانب السيئ بالحياة
الحين الكل صاير يفكر بسوداويه>>إلا من رحم ربي
ليييه؟؟ وش وصلنا لكذا غير قلة الثقه بالله
المفرووض الانساس يثق ان الله إذا احب عبدا ابتلاه وإذا
زاد في حبه زاد في ابتلاءه
يعني جانب حلو ان ربي ماعطانا هالبلاء إلا من محبة
الله لنا وفي احسن وافضل من محبة الله
طيب ليه ماتكون مقابل هالمحبه إيمان قوي
وثقه ان ما اصابك لم يكن ليخطأك
خل نشوف الجانب الحلو ونتغاضى عن الجانب المتعب
والمؤلم بالموضوع وهو اننا بمصيبه او حتى بكااارثه من الكوارث
خل نبتسم نتفائل
ولا ننسى قول الرسول صلى الله عليه وسلم
(تفائلو بالخير تجدوه)
يعني هنا امر محتم اننا لو تفائلنا بالخير رح نلاقيه
ماقال تفائلو بالخير وان شاء الله تلقوه
او يمكن تلقوه
لاااا اجججزم على ان التفاؤل بالخير
رح يخلينا نلقى الخير بعون الله
وكمان الحديث القدسي
(انا عند ظن عبدي بي فليظن بي ماشاء)
يعني لو الانسان ظن بالله الظن الحسن
ربي رح يعطيه الأمر الزين والحسن
ولو ظن بالله الظن السيئ ربي رح يعطيه نفس ظنه
خل نحسن ظننا بالله ونطلب منه بكل ضيقه
الفرج ونقابل كل مكروب بابتسامه وضحكه
والله ثم والله الدنيا ماتسوى تطول مدة ضيقنا فيها
والله مهما عشنا بضيق احسن من غيرنا نحن ضيقتنا
معيشه طفش غيره
لكن فيه ناس ماتلقى لقمة يومها
فيه ناس تغسل كلى بالمستشفى ويالله قادرين يأنو
شاايفين حتى الانين يتعبهم
فيه ناس اهلهم مايدرو عن حالهم
بغيبوبه من حادث هل رح يقومو او لآ
وفيه وفيه وفيه
الانسان لو حاب يشوف نفسه مالك سعادة الدنيا
يدخل المستشفيات
جدتي ام ابوي الله يرحمها تقول
لو الواحد قدر يقضي حاجته بدون مساعده احد
وقدر ينسدح على سريره بدون مساعده احد
ملك الدنيا ومافيها
لآن اصصصعب شي انكم تحتاجو لأي شخص
بأبسط واحرج امر ممكن تسووه
*
26-02-11, 11:54 PM
جديد مواضيع قسم من كل بحر قطره
العرض العادي
