كاتب الموضوع :
romantico triste
المنتدى :
قهوة ليلاس
الحلقة الثانية :
( زارا ) تجتمع مل كل البنات جالسة فى هدوء ...... والبنات يبدو عليهم الارتباك الممزوج بالفضول .......
زارا بهدوء : ( شجونة ) ....... كل البنات حضروا النهاردة ؟
شجونة بهدوئها المعتاد : لا يا ميس فيه تلاتة لسه لغاية دلوقتى محضروش .
زارا بضيق : مين هم ؟
شجونة تنظر لبعض الاوراق : ( حنو ) و ( سوسو ) و( نودى ) .
زارا بغضب : وليه مجوش لغاية دلوقتى ......... ( شجونة ) و ( هتونة ) و ( لطوف ) روحوا شوفوهم فين ......... اما انتوا يابنات فركزوا معايا عشان تعرفوا مهمتكم الاولى ايه بالظبط .
********************************************************
( حنو ) مقيدة بالحبال فى شقتها وبعض الرجال ينتشرون فى المكان باحثين عن بعض الاوراق .......... واحد الشرطيين يقترب منها وتبدو اصابات كبيرة فى وجهه .........
الشرطى يمسك شعر ( حنو ) بقوة : برضه مش هتنطقى الورق اللى خدته اللى اسمها ( شوشو ) راح فين ؟
حنو مدعية الخوف : مين ( شوشو ) دى ياباشا ........ وغلاوتك انا ما اعرف حد اسمه ( شوشو ) فى الدنيا دى كلها غير بت فى شارعنا عندها خمس سنين ........ لو هى اللى سيادتك قصدك عليها اجيبهالك من شعرها .
الشرطى يشير لوجهه بغضب : بت عندها خمس سنين هتعمل كده فى وشى .
حنو تكتم ضحكتها وتقول بسخرية : يوضع سره فى اضعف خلقه ياباشا .
الشرطى بغضب : انا هعرفك معنى التريقة لما تشرفى معانا ....... هاتوهااااااااا .
رجال الشرطة يمسكون بـ ( حنو ) ويركبون سيارة كبيرة كانت تنتظرهم اسفل شقة ( حنو ) ....... ومن بعيد تظهر ( شجونة ) و ( لطوف ) و ( هتونه ) وهن جالسات فى سيارة رياضية صغيرة يتابعن الموقف ..........
********************************************************
( شوشو ) تجلس فى سيارة مجهزة كبيرة امام احدى الشركات ويبدو عليها الارتباك وهى تضغط على ازرار الحاسب الشخصى الخاص بها وبجانبها تجلس ( نوفا ) وتضع قدمها فوق الاخرى فوق عجلة القيادة وتشرب بعض العصير ..........
شوشو بخوف : بقولك ايه يادكتورة ( نوفا ) .
نوفا بملل : خير .
شوشو بتوتر : متعرفيش ميس ( زارا ) دى بتشتغل ايه ولا عاوزانا فى ايه .
نوفا بملل اكبر: الحاجة الوحيدة اللى مش عارفاها ومش عارفة استوعبها ( زارا ) استعانت بواحدة جبانة زيك ليه .
شوشو بغضب : لو سمحتى يادكتورة انا بحترمك من الصبح متخلنيش اقلبعالوش التانى ........ جايز اكون بخاف شوية لكن دا ميمنعش انى بستخدم الكمبيوتراحسنمن اى واحدة فيكم وكمان بلعب كونغفو ....... جايز اكون مش بلعب بقالى خمستاشر سنة بس دا ميمنعش انى فاكرة منه حاجات .
مون تظهر من الخلف مبتسمة : ( شوشو ) ياحبيبتى انا قريت ملفك اللى عند ( زارا ) ....... اللعبة اللى كنتى بتلعبيها من خمستاشر سنة اسمها ( كاراتيه ) ........ مش كونغفو .
( مون ) تقهقه هى ( نوفا ) ........ و( شوشو ) تشعر بالاستياء .......
صبوحه بقلق : ياجماعة مش ملاحظين ان الاشارة اللى المفروض تعملها ( فيوليف ) اتأخرت ..... بصراحة انا خايفــــ.......... .
فجأة يسمع الجميع صوت انفجار محدود من امام الشركة مباشرة .........
قمورة تظهر بجانب السيارة : ( نوفا ) ( مون ) ( صبوحة ) يالا بسرعة .
ينزل الثلاثة من السيارة ......... ( مون ) تتجه ثانية الى السيارة ....
مون بجدية : ( شوشو ) احنا كنا بنهزر معاكى احنا واثقين فى قدراتك كويس اوى ........ اتعاملى مع الاجهزة الامنية فى الوقت المناسب ارجوكى والا كلناهنموت ....... ( سوسو ) و ( نودى ) اتصلوا دلوقتى وجايين فى الطريق ........ لو اتأخرنا عن عشر دقايق خدى العربية وامشى من هنا فورا ......... توعدينى .
شوشو بتوتر : اوعدك ..... اوعدك يا ( مون ) .
تبتسم لها ( مون ) ثم تلحق برفيقاتها .........
شوشو متحدثة لنفسها فى خفوت : اوعدك انى مش هسمح ان اى حاجة تحصلكم ........ ابدا .
******************************************************
الشرطى ينظر للمرآة فى السيارة قائلا بهدوء : اسمعوا يارجالة ........ محدش يبص وراه ......... فيه عربية سودا صغيرة ماشية ورانا من ساعتها ........ انا همشى على اقصى سرعة وبعدين تلاتة منكم هينطوا من العربية ومعاهم البت دى وانا هكمل انا وبقيت الرجالة ونتقابل فى مكاننا ........ خدوا بالكم محدش لغاية دلوقتى يعرف اننا مش بوليس ........ مفهوم ؟
الرجل الاول : مفهوم ياريس .
ينطلق بالسيارة بأقصى سرعة ........ وفى السيارة الصغيرة ( شجونة ) تزوى ما بين حاجبيها وتنطلق هى الاخرى بأقصى سرعة ..............
********************************************************
( شوشو ) تدق بأصابعها على عجلة القيادة وتنظر فى ساعتها .........
شوشو بقلق : ياترى اتأخرتوا كده ليه ياجماعة بس ........... فات اكتر من 11 دقيقة ولسه مظهرتوش ......... اعمل ايه بس ياربى ...........
( شوشو ) تفكر قليلا ثم تشد فرامل اليد ...... وتفتح تابلوه السيارة وتلتقط مسدس كبير وتخرج من السيارة وهى تهتف بشجاعة وثبات لم يكن من عادتها : سامحينى يا ( مون ) ......... مش هستحمل موت واحدة منكم ابدا .
قالتها وانطلقت بحذر راكضة ناحية مبنى الشركة ..............
يتبع
|
08-11-10, 06:42 AM
جديد مواضيع قسم قهوة ليلاس
العرض العادي
