كاتب الموضوع :
romantico triste
المنتدى :
قهوة ليلاس
الحلقة الأولى :
انطلقت ( شوشو ) راكضة ويبدو عليها الخوف والقلق حتى وجدت ساترا لجأت اليه لتختفى من الذين يطاردوها ....... ولم يمر سوى دقيقة واحدة حتى ظهر سبعة رجال يلبسون زى الشرطة الرسمى وهم يبحثون عنها فى كل مكان .........
شوشو بقلق : يادى المصيبة ....... كل دول يا ( شوشو ) ؟!!! ........ اعمل ايه بس ياربى .
الشرطى 1 : احنا عارفين انك هنا كويس يا ( شوشو ) ....... مفيش داعى تستخبى ...... احنا مش هنأذيكى ........ هاتى الاوراق اللى انتى سرقتيها وهنسيك .
فجأة تظهر ( نوفا ) ........
نوفا تعدل نظارتها : صباح الخير ياشباب ...... انا الدكتورة ( نوفا ) ...... ممكن نتكلم كلمتين مع بعض ؟
الشرطى بغضب : ايه ده ؟! ...... انتى دخلتى هنا ازاى ؟!!!
نوفا تتنحنح وتعدل نظارتها مرة اخرى : فى الحقيقة المكان ده ثبت انه مليان فيروسات وانا جايه عشان اعمل الابحاث بتاعتى ووجودكم هنا خطر .
الشرطى بغضب : ابعدوها عن هنا وارموها بعيد .
يقترب اربع شرطيين من ( نوفا ) بتحفز ........ ( نوفا ) تبتسم بسخرية وتخلع نظارتها ......... و ........ وتنقض فوق احدهم فتلكمه فى انفه ووتفادى ضربة من الثانى ثم تركل الثالث فى انفه وتدور حول عقبيها لتلكم الرابع فى اذنه فيسقط الثلاثة ارضا , ويتبعهم الرابع بعد ان تحطم نصف اسنانة بضربة كالصاعقة على فكه .........
وهنا يبدو على الشرطى الغضب الشديد فيصوب سلاحه هو والرجال الباقيين ناحية ( نوفا ) .........
الشرطى بكل غضب الدنيا : اقتلوا الملعونة دى .
" مش بالسرعة دى "
انتبه الشرطيون الثلاثة الى ذلك الصوت خلفهم ليجدوا لعنة اخرى تصب اللكمات على انحاء جسدهم ........ تلك اللعنة كانت تدعى ( مون ) ......
سقط الشرطيون السبعة فاقدون الوعى ......... وانتقلت كل من ( نوفا ) و ( مون ) للبحث عن ( شوشو ) ........
مون : انتى ياللى اسمك ( شوشو ) اخرجى متخافيش ....... احنا تبع ( زارا ) .
( شوشو ) تخرج بحذر وهى تقبض على الاوراق بقلق ........
شوشو بقلق : انتوا مين ؟ ...... وتعرفوا ( زارا ) منين ؟
نوفا بإبتسامة : دا انتى غالية اوى عند ( زارا ) ......... متقلقيش ....... هنخرج من هنااولا وبعدين نشرحلك كل حاجة .
تتردد ( شوشو ) قليلا ثم تنظر الى الاوراق التى بحوزتها ثم تنطلق معهما ..........
************************************************************ **********
( هتونة ) تمسك قطتها الصغيرة وتداعبها جالسة فى حديقة القصر الخاص بأبيها ..........
الاب : ( هتونة ) انا خارج ياحبيبتى ...... عاوزة حاجة ؟
هتونة بإبتسامة رومانسية : ميرسى يابابا ......... ياريت حضرتك متتأخرش عليا عشان انا هقعد لوحدى طول اليوم .
الاب بدهشة : وليه ياحبيبتى تقعدى لوحدك ...... اخرجى مع صحباتك .
هتونة بخبث : يعنى اخرج ساعتين كده ولا حاجة ؟
الاب مبتسما : اخرجى زى ماتحبى بس متتأخريش عشان انا بقلق عليكى .
هتونة : حاضر يابابا ....... ومتقلقش قطتى بوسى هتبقى معايا .
الاب بنفس الابتسامة : اوك يا( هتونة ) ياحبيبتى هروح شغلى بقى .
هتونة بهدوء : مع السلامة يابابا .
يخرج الاب فتقفز ( هتونة ) برشاقة وتمسك هاتفها الخلوى وتطلب رقما ..........
هتونة : ايوه يا ( فيوليف ) .......... هعدى عليكى كمان نص ساعة .......... ايوه هنروح عند ( زارا ) .
تستدير ( هتونة ) مبتسمة بثقة .......
هتونة مستطردة : شكل اللعب هيحلو ....... النهاردة ( زارا ) هتجمع كل البنات .
************************************************************ ********
( زارا ) تجلس مع ( شجونة ) و ( لطوف ) و ( قمورة ) و ( صبوحة ) ..........
زارا بحزم : كلمتى كل البنات يا ( شجونة ) ؟
شجونة بهدوء : ايوه ياميس ......... و ( نودى ) و ( سوسو ) هيجيبواالباقيين ومن غير ما يخوفوهم زى ماانتى امرتى .
زارا بإرتياح : عظيم .
لطوف بتعجب : هو ليه انتى مجمعة كل البنات دى ياميس ؟
زارا : عشان هم دول وانتوا معاهم اللى هتنفذوا كل اللى يخدم جزيرة ليلاس اللى اكتشفناها وقررنا انها تكون سر ولينا لوحدنا .
صبوحة بدهشة : ازاى ياميس .
زارا : انا نقيت اقوى بنات واذكى بنات و ارق بنات وهنعمل حاجات هتفيد الناس وهتفيدنا .
قمورة : ازاى بقى ياميس ومين هيساعدنا وايه اهدافنا .
( زارا ) تسمع صوت البنات يقتربون بالخارج ........
زارا مبتسمة : هتعرفوا كل حاجة حالا يابنات ....... بكرة الدنيا كلها تعرف ان البنات ممكن تعمل كل حاجة ........ واى حاجة .
يتبع
|
06-11-10, 06:09 PM
جديد مواضيع قسم قهوة ليلاس
العرض العادي
