كاتب الموضوع :
ساعه بلا عقارب
المنتدى :
القصص المكتملة (بدون ردود)
بسم الله الرحمن الرحيم
السلام عليكم ورحمة الله وبركاته
اطيب تحيه للجميع
الله يوفق الجميع و يكلل مجهودهم بالنجاح يارب
هذا البارت
اهديه الي انسانه تميزت بروحها العذبه واحساسها المرهف برشاقة كلماتها...وردودها ..ولا يسعني الا أقدمه لها عربون محبه لمواظبتها معي على ردودها بكل بارت
(بنوته ..بنت الكويت .. BENT EL-Q8 )
الف شكر لكي ..اتمنى يحوز على رضاك الهديه المتواضعه
اعذروني البارت قصير لم يسعفني الوقت للكتابه اكثر
قراءة ممتعه
الفصل الســـــــ 16 ــــــادس عشر
هناك جراح نعتقد ان الماضي يمحيها ولكن في كثير من الاحيان نجد انها لم تمحى بل هي بركام الذكريات تنتظر انبثاقة نور لها لتخرج مندفعه بكل قوتها لتعود ونتخبط بداخلها وبصراع مرير مع انفسنا...نحاول محوها من حياتنا واعادتها الى نومها العميق ...لكي نستطيع ان نسير ما بقي لنا من ايام بهذه الحياه...ولكن ليس كل شي نستطيع محوه وتجاهله ...اذا لم نتخلص منه بشكل صحصيح
بيت ابو ملاك
تطاوله على اشيائها و بنظرها تشوفه يبي يتملك كل شي لهذى الدرجه الغرور الي فيه لا يراعي مشاعرها حست انها بختنق لو ما واجهته وصرخت بوجهه اندفعت مثل الاعصار فتحت باب غرفته باقوى ما عندها..وهي الي عمرها ما دخلت على احد بدون استاذان لكن معه خلاص راح العقل يغير رقم ابوها ويسجل رقمه هذى عندها غلطه مستحيل تسامحه عليها ابد دخلت وهي ما تشوف قدامها غير غروره الي بيذبحها به ...وتصرخ بكل صوتها الي تشعر ان الصرخه مهو من حبالها الصوتيه بل من اوردتها المقطوعه بخنجر : مغــــــرور... شوووو انت ....وصل فيك الغرور تحتل اسم غيـــــرك ....و ما شافت احد بالغرفه وقفت مكانها وهي تغلى من قهرها وبس لمحته جاي ووهو يلبس غمضت عيونها ....رجع لها الخوف منه بشك مهو طبيعي
محمد : كان بغرفة التبديل يلبس بنطلون البيت برموده رمادي و التشيرت بعده ما دخله بيدينه ويسمع صرختها ويخرج بسرعه وهو يلبس ويعدله و بهدوء وضحكه عارف وش الي معصب فيها : خير وش صاير زلزال بالبيت ...و يشوف لبسها و يتاملها بسرعه من تحت لفوق ..ويصفر و يتغزل فيها ...لااااااا حرام عليك ارحميني تبين تذبحيني انتي ..و يسحبها له وش هـالزين وش هالحلا كله.... ارحميني ترانا بعدنا على البر يا بنت الحلال لا تخليني اجن هاااه حذرتك
ملاك : بغمضة عين لقيت نفسها بين يدينه ..وهي خلاص معد هي بوعيها صارت تصرخ وتضرب فيه بشكل هستيري بدون تركيز و تصرخ ...: لااااااااااااا بعد ماااااااااااااااااما ...حقيررررررررررر
محمد : ارعبته بتصرفها هو ما سوى شي الي تتصرف كذا وثبتها بكل قوته وحضنها بقوه يبيها تهدى شوي وهي تقاومه ...ويرفع صوته : خلاااااااااااااااااص بلا جنااااااان ...ورجع يخفظ صوته ويحاول انها ما تفلت من بين ايدينه ...خلاااص ما صار شي الي تكونين منفعله كذا وبعدين هذا الاسم لزوجك مهو لي احد ثاني
ملاك : نسيت الاسم ونسيت كل شي جات عشانه وصار كل خوفها منه هو وتبكي وتنادي امها
محمد: متفاجي منها اول مره يسمعها تنادي امها كل مره تبكي تصرخ لأبوها تبيه ..خالجه شعور غريب ان فيها شي ثاني وهي تحاول تبعد عنه...و بعدها شوي عنه وهو يحاول يمسكها ما تفلت من يده و صوته يوضح توتره ...وش فيك علميني ؟؟؟
ملاك : بعدت عنه و قدرت تفك يدينها منه وهي تتنفس بصعوبه و عيونها عليه بخوف : ما دخلك فيني ابعد عني ...اطلع براااا ما بدي شوفك هون خلاااااص ...ولفت بتخر حست بالي رجع طوقها بيدينه و ظهرها صار ملامس لصدره
محمد: وهو حاس تفكيره بينشل من شكلها الي كانه بيقتلها لف عليها بسرعه قبل ما تخرج وهو ما يبيها تبعد خوف تملكه مهو عارف سببه هل هو من شكلها ولا من شدة حبه لها يبيها تظل بين يدينه لين تهدئ ويفهم وش فيها ويكلمها بصوت هامس عند اذنها : حبيبتي تعوذى من الشيطان وش صاير فيك ليه خايفه مني..وهي ترجف بين يدينه
ملاك : مهي قادره تسيطر على كل خوفها بس تبيه يبعد عنها وبكيت : بعد خليني روح خلاص ...ومقهوره من نفسها الي بس تبكي قدامه
محمد: طلعت تنهيده من بين ضلوعه يحس بقفصه الصدري انتفظ معها وبكل خوف : ماراح اتركك لين تقولين وش صاير معك ليه خايفه من لمستي لهذا الحد ولفها تواجهه
ملاك : بس شافته وهي تناظر عيونه و من خلال دموعها بصوت غلفه الخوف اكثر من الصلابه : قرفانه منك ابعد عني لا تلمسني اكرهكم
محمد : بلع ريقه مهو معقول قرفانه مني الا فيها بلا و مهي راضيه تتكلم ولا كل هذا الخوف الي ظاهر من عيونه تقول قرفانه ويقرب منها :شفتي كل ما بعدتي عني بعاقبك كذا و يبوسها...
ملاك : مسحت فمها بقرف و من ارتباكها رجعت على الخلف وهو ماسكها وطاحت على السرير وهو معها ودفته عنها بكل قوه وقامت وهي مافي خليه بجسمها تمدها بعقل : حقيررررر..و تمسك جواله الي على السرير وحاولت تظربه به على راسه وبعد عنها رمته عليه بكل قوتها وضرب في الجدار
محمد: شفها بترميه قام بسرعه و بعد و ناظر جواله وهو محطم و لف يدينه عليها ومسكها مع وسطها وهو يصرخ فيها : ليه تسوين كذا هااااااااااه كله عشان الا سم قلت لك هذا الاسم لزوجك مهو لأبوك ..ويلفها له
ملاك : حاسه بيغمي عليها وهي حاسه بلمسة يده على جلدها...تحاول تتنفس مهي قادره مكتومه وبصعوبه تتكلم : بابا غير مالي اب غيره ..انت ما تفهم.. ابعد يدك عني
محمد : حس بنعومه بشرتها بين ايدينه: أعفا لك هذى المره مارح اعاقبك خلاص روحي ....باس جبينها
ملاك بس بعد عنها راحت بسرعه على غرفتها ....
محمد جلس على السرير وهو حاس ان فيها مشكله ومهي صغيره ...و سمع ضربتها للباب بقوه وهي تسكره
ملاك : دخلت غرفتها وصارت مهي قادره تبكي فاتحه فمها تحاول تصرخ معد هي قادره حطت يدها على حلقها يالمها و عيونها تدمع بالم وخوف راحت لدولاب سحبت منه (شرشف )جلال و دفنت وجها فيه و تشمه و تبي تصرخ مهي مستوعبه الي يصير معها ...و خذته وراحت على السرير و مسكه جوالها وترجف وهي تحت المفرش .. فتحت اقرب درج لها و اخذت منه حبتين مسكن قوي كل حبه مفعولها 500 وبلعتها بصعوبه بدون ما تشرب ..اي سائل معها
::::: ! ؛ ! :::::
بيت ابو محمد
غرفة ام احمد
الغرفه أضاءتها خافته و ابو محمد نايم
وهي على سجدتها تصلي الوتر بعد ما نهت صلاتها كانت تسبح .....دق جوالها لفت تشوف الساعه قاربت على وحده وخافت ما تحب اتصال اخر الليل دايم يرعبها ...قامت بسرعه عشان ما يصحي ابو محمد واخذته من على الكمدينو بسرعه و ارتاحت يوم اشفته وردت وهي خارجه من الغرفه : يا هلا بغلاي وعيوني و شلونك حبيبتي...ما سمعت رد ...وبخوف وهي تسكر باب غرفتها ...يمه وش فيك ردي علي وش صاير معك ..ما تسمع غير بكاء مكتوم ..عرفت ان فيها شي و خايفه و بصوت هادي وهي مرتبكه بداخلها : ملاك يمه حبيبتي وش فيك خايفه من شي ...بدت تسمع صوتها وهي تبكي تكلمها وهي متجهه لغرفة مي و تحاول ما تبين خوفها عليها عشان ما تزيد اكثر .. يانظر عيني لا تبكين وقولي وش صاير عليك اهدي يمه وكلميني لا ترعبيني عليك
ملاك : وهي تسمعها وجسمها كله يرتعش .: ماااما تعـ..بانه..
ام احمد : وقفت ويدها على اكرة الباب لغرفة مي مهي قادره تدخل ..ملاك ما قالت لها تعبانه وخايفه غير مره وحده بحياتها من بعد ما سافرت مستحيل يكون صار معها شي و هي تحاول تتماسك : وش فيك يمه لا توقفين لي قلبي قولي وش متعبك محمد وينه عنك الحين ...وتدخل على مي الي بعدها صاحيه
ملاك : صوتها يادوب يتسمع وهي تبكي وحاسه بدوخه من الدواء : ماااما ..تعالي خايفه ..اقرئي علي.. خليك معي لاتروحين عني
ام احمد :وهي بتموت عليها من الخوف : طيب يا قلبي خلاص اهدي واسمعيني لا تخافين انتي في البيت ...يوم سمعت ردها ايه طمأنت عليها ...وتقرب من مي الي جالسه على الكرسي وعندها اوراقها وهي وجها مخطوف وتمسك قلم الرصاص وتكتب لمي..... كلمي محمد شوفي هو فين خليه يشوف ملاك وش فيها
مي: تاشر لها خير وش صاير
ام احمد : بسرعه ..وتجلس على السرير وهي تقرا قران و تسمي على بنتها ...
مي قامت اتصلت على محمد ما يرد و عادة الاتصال اكثر من مره الجوال مغلق وخافت انه يكون صاير شي له ولا ليه ملاك خايفه وتبكي هذا الي حسته من كلام خالتها ..وخافت تعلم خالتها فتحت ادراجها تدور على النوته ورقم البيت بسرعه لانها شايفه عيون خالتها عليها بس ما تبي تقطع قرأ تها للقران ..و خذتها بسرعه ودخلت غرفة الملابس و ضغطة الارقام على السريع وهي خايفه ومع كل رنه محد يدر فيها يزيد خوفها شوي الا سمعت احد رفع السماعه وبسرعه وبخوف : الووو ..السلام عليكم روز ..مستر محمد وين ..اوكي بسرعه خليه يكلمني قولي له بسرعه مي تنتظرك (مي تعرف خبرها بس طلب منها خالته ما تعرف انهم في البيت عشان ما تخاف على بنتها )تناظر الوقت وتحس الثواني كنها ساعات ...
محمد: رفع السماعه من الدور الثاني وهو متوتر ليه متصله بهذا الوقت : الو خير عسى ماشر فيكم شي
مي : تنهدت وتتكلم بسرعه : الحمدلله انت بخير اقول ملاك وينها عنك..
محمد: خير وش فيه بغرفتها ليه تسالين ..وعينه على غرفتها
ام احمد : معد سمعت لها صوت ..وبكل خوف جات عندها وهي خلاص بتجن ودموعها على خدها معد هي قادره تقاومها : مي وينه اخوك معد ترد علي يا حسرتي على بنتي وش صاير فيها
محمد بس سمع صوت خالته رمي السماعه من يدها وراح يركض لغرفتها
::::: ! ؛ ! :::::
بيت ابو عامر
غرفة مها
مها مهي مصدقه على قد الي تسمع عنه وشافته من الشباب ما قد شافت دنائه منهم لهذا الحد لاعبين على البنات بشكل فوق ما كانت تتخيله كل هذا عشان ايه ...وحزنت على صور البنات الي ملعوب فيها بشكل كبير الي يشوفها يضن انها واقع مهو تدخيل هي نفسها لو ما شافت صورهم قبل الدمج ما كان صدقت وغير الي بعضهم معلقين تعليقات سخيفه عند كل بنت وفيه كذا وحده شاكه انها تعرفهم ملامحهم مهي غيربه عليها ...وغير التسجيل الي محتفظين فيه ...والي صدمها اكثر شي وصارت تحاول تتبع وش يدور بينهم من حوار بنت شكت فيها حوارها غريب و حاولت تخترق جهاز البنت جلست بذهول وصدمه مهي قادره تستوعب مهي بنت ولد و كثير من البنات معه من نفس الشات وبعدين يبدأ تهديدهم وهو عارف كل شي عنهم
وكانت تنتظر واحد من الي تكلمهم تبي تشوف هم مين وش مخبين هم بعد ...وكل مره تحس بمدي غباء هذا العالم الي الكثير منجرف خلفه
::::: ! ؛ ! :::::
بيت ابو ملاك
محمد دخل الغرفه بسرعه وحمد ربه انها مهي مقفوله قرب منها وشافها مغطيه وجها بجلال الصلاه رفعه عنها بشويش وحصلها نايمه والجوال طايح عندها يهزها مع كتفها وينادي عليها ما ترد و نايمه و ينتبه للحبوب المرميه قريب منها و يحس راح يطيح من طوله بسبتها وهي نايمه ياخذ الجوال ويسمع صوت خالته وهي تبكي و تكلم مي ويكلم خالته الي بتموت من الرعب عليها : خالتي تسمعيني ملاك نايمه ..ويجلس عندها ويده على رقبتها يشوف نبضها عارف انها بتنام بعد الحبوب الي ماخذتها
ام احمد: وهي كلها خوف وشك : وش فيها ..؟ ! وش صار معها ...؟!!..انت وينك عنها..؟؟؟؟؟
محمد: خالتي الله يطول بعمرك اهدي ما صار فيها شي بس اكيد مشتاقه لك شوي ورعبتك الله يهديها بس
ام احمد: تمسح دموعها وبصوت كله نبره منه تقطر خوف : لا تكذب علي بنتي فيها شي ما تقول تعبانه الا فيها شي ...هي وين كانت اليوم عنك
محمد: خالتي ما فيها شي وهدي عمرك هي اخذه من دواها ونايمه شوفيها قدامي متغطيه بجلالها
ام احمد: وبرعب اكبر : جلالها.. قديم ازرق ومورد بعودي..
محمد: يحاول يهديها وهو مهو داري وش الي مخوفها لهذى الدرجه ليكون ملاك شكت لها الي صار بس هي ما جابت سيرته : ايه...اهدي انتي بس وريحي عمرك
ام احمد : لا اله الا الله وتقلي ما فيها شي..الا فيها وش كايد بعد ..بنتي وانا حاسه فيه ..
محمد: الله يطول بعمرك والله ما راح اتركها لا تخافين عليها وريحي بالك و هي اول ما تقوك بخليها تكلمك بس ارتاحي انتي الحين
ام احمد: وهي تتعوذ من الشيطان بداخلها وتحاول تهدي عمرها شوي بس صوتها ظهر مخنوق : دير بالك عليها وخلها تكلمني اول ما تصحي سامعني
محمد: نقلت كل توترها له وهو صاير يهوجس وش الي مخوف خالته عليها كذا بس حاول انه يكون صوته طبيعي : ابشري بس انتي لا تشلين همها ابد بحطها بعيوني واقفل عليها اذا تبين يالغاليه
ام احمد: غمضت عيونها تهدي من توترها : يايمه لا تبعد عنها ودير بالك عليها وعلى عمرك بعد..الله يحفظكم لي
محمد: امين ....بعد ما قفل الجوال يمسح على شعرها والف فكره وفكره تنهش براسه..وجلس جنبها تقريبا طول الليل لين ما جاه النوم ونام مكانه عندها
::::: ! ؛ ! :::::
بيت ابو محمد
الصباح
ام احمد نامت متاخر بعد ما حاولت تهدي روحها شوي وتصلي وتدعي لعيالها و تقرأ قران ...وطمن مي الي سببت لها خوف على ملاك .. صحيت الصبح وهي مرتاحه بس تنتظر اتاصال من ملاك عشان يرتاح بالها عليها وماتبي تتصل وهم بعده الوقت بدري عندهم ..
على الفطور
ام حمد خبرة ابو محمد عن نية الجده انها تبي منى لواحد من عيالهم و ما تبيها تخرج برا العائله وانها تبيها لطلال ولا بدر
ابو محمد: وهو يرشف من فنجان القهوه : ليه ما تكلوا قبل الحين ما يجوز تجين تقوولين هذا الكلام والبنت ما بعد ردة خبر
ام احمد: ترجع تصب له بفنجانه قهوه وتمده عليه : هو عشان انت ما تعطي البنات وهم صغار ما ضنوا ان احد بيتقدم لها وتعطيه
ابو محمد : ما يحب يا أخذ ويعطي بالمواضيع الي الاسلام وضحها وحط لها حدود : خلاص الموضوع منتهي وبعدين عمتي الله يهديها كيف تجي تتكلم ما يجوز تخطب على خطبه هي ناسيه
لا يحل للمسلم أن يخطب على خطبة أخيه... النبي صلى الله عليه وسلم قال {لا يخطب الرجل على خطبة أخيه؛ حتى يترك الخاطب أو يأذن له} او برواية أخرى ((لا يخطب أحدكم على خطبة أخيه حتى يترك الخاطب قبله أو يأذن له)) رواه البخاري،
ام احمد: صلى الله عليه وسلم داريه يا بو محمد الله يطولي بعمرك ... بس قلت ابلغك بالي خبرتني عنه
ابو محمد: كلمي منى و شوفي عنها خلينا نرد لناس خبر ما ابي الموضوع يطول ...يالله ما تبيني اوصلك ولا تبين تروحين مع السواق
ام احمد: زين بشوفها اليوم وش تقول ..انت ما عندك شي الحين
ابو محمد: لا
ام احمد: زين بس خليني اشوف حماده لبس ولا بعده..وراحت تشوفه (احمد عنده موعد عند دكتور الاسنان )
وقوله صلى الله عليه وسلم {المسلم أخو المسلم( لا يحل لمسلم أن يبيع على بيع أخيه أو يخطب على خطبة أخيه) رواه مسلم
بعد الظهر
بيت ابو محمد
غرفة مي :
منى دخلت وشافت مي نايمه وجلست عندها : مي قومي بيك ليه رجعتي نمتي
مي : توها منسدحه تبي تنام..وتنقلب : منى وش عندك خليني انام ما نمت زين البارح
منى: وهي متوتره: قومي شوفي خالتي وش مرسله..
مي : وش فيك ..يشيخه روحي بس خليني انام
منى: قومي بلا نذاله شوفي وش كاتبه ..تبيني ارفض الي متقدم لي .. وتمد عليها الجوال
مي: تقوم تجلس وتسحب الجوال منها : ليه ..
منى: مدري حتى مهي كاتبه شي غير ارفضي الي متقدملك بعدين اكلمك
مي : انتي قلتي لحد على خطبتك
منى : برتباك : لا ما خبرت احد ..بس يمكن امي البارح مخبره جدتي
مي : تضحك : اجل تبيك لطلال ...وترجع تنسدح
منى : تضربها : وجع وش طلال هو الي باقي
مي : ايييييي وش فيك ياخبله اكيد تبيك ترفضين عشان ايه اذا ما كانت تبيك له ..انتي خبرتي خالتي عن المسج
منى : لا من اول ما وصلني جيتك ..و خبله انتي والله لو ايه ما أخذت طلال
مي : يووه منى بلا جنان ابي اعرف انتي ليه تكرهينه
منى : من قال اني اكرهه بس انتي خبله ولا كنك اكبر مني يعني ما تشوفين نظرات مشاعل اذا انذكر اسمه كيف عيونها تبرق
مي : تتعدل : وش فيها مشاعل ..
منى: يعني منتي ملاحظتها هذا وانتي تجلسين معها اكثر مني معقوله ماخبرتك انها تحبه او تميل له
مي : والله انك داهيه ومصيبه ..لا ما عمري لاحظت عليها انتي المفروض يوظفونك بالمباحث تكشفين لهم المجرمين بقوة ملاحظتك مشاءالله عليك ...
منى: ايه فكره بخبرهم خلاص حصلت لي وظيفه ههههههههههه
مي : هههههه قومي عني بلا خبال خليني انام
منى: وهي صدق متوتره : ..الحين وش رايك اخبر امي ولا لا
ام احمد : شافت الباب مفتوح وهي معديه وسمتها : وش تخبريني فيه وش عندك
منى: عيونها على مي : امي شوفي معرف اخبي عليك شي ...وتقوم و تعطيها جوالها ..شوفي بنفسك وش ريك
ام احمد: بعد ما قرت المسج ..خمنت وش تقصد بالمسج ام طلال بس ما حبت حركتها الي سوتها من وراهم وبدون ما يعرف ابو محمد وبهدوء : شوفوا ابوكم ما بيه يوصله خبر عن كلام خالتكم زين و انتي احذفي الرساله من عندك لا تسببين مشاكل احنا بغنى عنها و اذا خالتك كلمتك قوليلها شوري عند ابوي ...
منى: امي هي صدق مثل ما تقول مي يمكن تبيني لطلال
ام احمد: اسمعيني زين هذا الاكلام ابوك لا يسمعه ما يجوز تقولين كذا و انتي بعدك ما رديتي خبر لناس الي متقدمين لك اليوم ابوك متكلم بالموضوع ويبي ردك
مي : وهي جالسه على سريرها : ليه خالتي هي ما وافقت الي تقولون ما يجوز
ام احمد : تجلس عندها : لا يمه فيه حديث صرح بهذا الموضوع ما يحق لحد يخطب على خطبة احد
منى : وكيف الي نقراه بالقصص الي ولد عمها يجي و ياخذها من الي متقدم لها و حيان غصب عنها ..
ام احمد : وانا كم مره اخبركم ان القصص فيها اشياء كثير خطاء ..لا ولد عمها ولا غيره هذا خطا وكثير جاهلين له بحكم انه قريبها واحق من غيره فيها لا يمه ما يجوز وانتم تعرفون ابوكم وشلون عند هذى الامور الا الدين ما يبي فيه قيل وقال ..وتجلس منى الي واقفه عندها وانتي متى تبينا نرد خبر لناس ..انتي ستخرتي وش رايك
منى : وهي تتكلم كانه موضوع عادي : مدري
ام احمد: كيف ما تدرين..صليتي استاخره وش حسيتي مرتاحه ولا لا
منى : والله مدري انا صليت بس ما أحس بشي عادي ..مي انتي وش حسيتي لمن وافقتي على سعد
مي : عينها عليها وهي تثاوب : مرتاحه للموضوع
ام احمد : الراحه مهو حلم ولا شي تشوفينه بمنامك شعور ان الموضوع مريحك وانتي تتكلمين فيه...وش الي تشوفينه انتي
منى : امي انتي مرتاحه
ام احمد : انا صليت والحمد لله مرتاحه له ولهله ..بس اهم شي انتي موافقه ولا لا
منى : وهي تستهبل عليهم وتتكلم تضحك : شوفوا عقلي العزيز يقول وافقي وقلبي يقول لا لازم تحبينه عشان توافقين
مي : هههههههههههههه الله يعينه بس الي بياخذك ..و تحط راسها على المخده
ام احمد : بحزم وهي ودها تضحك على خبالها : بنت وبعدين معك متى بتعقلين
منى: تبوس راسها : شوفوا اذا بوافق بس عشان تقولون اني عاقله واحس وشلون شعور الوحده لمن تكون مخطوبه ههههههههههههه
ام احمد: لمعت عيونها وهي ماسكتها :يعني موافقه صدق
منى : وهي تضحك تحس انه لعبه : امرنا لله ...ايه خلاص موافقه
ام احمد : تحضنها : الله يوفقك يمه ويسهلك يارب حياتك...يالله لك الحمد يارب الله يستر عليكم و يفرحني فيكم كلكم
منى : امي يوه شوي وتبكين خلاص ببطل ترى...
مي : تقوم وتسلم عليها : مبروك يادب
منى:وهي تضحك بدل الخوف قلبت ضحك : الله يبارك فيك بس عاد ما ينفع اقلك عقبالك يذبحني سعد ههههههههههههه
ام احمد : هههههههههههه ياربي منك انتي قوموا خلونا نروح نحط الغداء ..قومي مي لاتنامين وانتي ماتغديتي
مي : لا ما ابي غداء بس صحوني اذا اذن العصر ...خلتي كلمتي ملاك اليوم تصلت ماردة علي
ام احمد : تتكلم وهي مرتاحه تقوم واقفه: ايه الحمد لله كلمتها او ما صحيت الصبح الله يهديها بس ارعبتني البارح
::::: ! ؛ ! :::::
بيت ابو ملاك
محمد : صحي من النوم و مثل عادته لازم يضل شوي بفراشه وهو مغمض عيونه وبعد ما قال اذكار الصباح حس بالي جنبه فتح عينه و شافها بعدها نايمه ابتسم ويدرر بداخله يالله يارب تجعله صباح خير علينا و تسعدنا بحياتنا يا رب و باس جبينها قام بسرعه قبل ما تحس فيه وراح غرفته وتجهز لدوامه لانه ما نام غير بعد ما صلى الفجر ...رجع لها يحاول يصحيها الساعه كانت سته ونص وهي عندها محاضره الساعه ثمنيه يبيها تشوف وش عندها لانه شاف اوراقها ماكملتها البارح ونايمه ..: حبيبتي قومي وبطلي كسل
ملاك : مهي داريه وبسابع نومه مهي حاسه بشي من اثر الحبوب
محمد: راح جاب شويت مويه بمنديل ونقطها عليها لين ما فتحت عيونها بثقل : قومي ياعسل ..يوه كل هذا نوم
ملاك : روز خليني
محمد: ضغط على المنديل و صب كل الي فيه عليها وهو يضحك : انا روز قومي اشوف لا شيلك وادخلك تحت المويه تفوقك
ملاك : جلست وتمسح المويه عن وجها بالمفرش وتفتح عينها بثقل : شو جابك هون
محمد : مايبي مشاكل مع الصبح : قومي لاتفوتك محاضرتك و راح خارج من الغرفه ماكنه سوى شي
ملاك : تشوفه وهو خارج ومهي مستوعبه ليه كان بغرفتها ورجعت حطت راسها على المخده بثقل
محمد: من عند الباب : قومي بلا كسل شايفك تراني
ملاك : قامت بسرعه الي تسمعه مهو حلم حقيقه وهو واقف عند الباب و تروح على الحمام ...بعد ما ستحمت تخفف من صداعها ..ستوعبت كل الي صار معها البارح ..يوم شافت جلال الصلاه على السرير ..وكلمت امها طمنها عليها وتتاسف لها عن الي سببته لها من خوف البارح ..وبعد ما خلصت ونزلت محمد وصلها الجامعه وراح على المكتب ما عنده محاضره غير بعد 11 وارسل لها مسج
صباح الخير يا ماسه يا نبض القلب واحساسه صباح ينشر العنبر لروح الزين وانفاسه
يا صباح الاماني و الفجر الجميل على حلو المعاني و الشوق الاصيل
عندي لك وردتين ورده تبوسك وورده تداعب خدودك و تقول صباح الخير
صباح الحب والعهود صباح الفل ودهن العود صباح الورد لأحلى قلب بالوجود
صباح الخير لأحلى طير صباح الحب لأطيب قلب صباح الهنا لعمري أنا
صباح الورد والفل على الحلوين بس حبيت أقول لهم احنا مرره مرره مشتاقين
صباح الورد و العنبر يادهن عود إمبخر ليتني يمك ألحين اتمسح فيك و اتعطر
صباح خاص مو حق أي ناس ناس اغلى من الالماس ناس خذوا القلب و الاحساس
(منقول من ام لولو يا أجمل ام لولو... واحلي صباح تصبحينا به في المقلط )
ملاك : بعد ما وصلها المسج قررت انها تحاول تتحكم بعصابها معه وما تخليه يشوف دموعها الي صايره بس يكلمها تنزل و تتجنبه قد ماتقدر
::::: ! ؛ ! :::::
بعد شهر
مها حست بمصيبه طاحت على راسها يوم اكتشفت اكبر خطر صار يهدد حياتها و بخوف ورعب ماعرفت كيف تتخلص منها ومهي قادره تبلغ احد و اخر شي ستقرة انها تنسخ كل المستندات الي كتشفتها عن طريق الصدفه كانت تابع بنت شكت انها ولد وفعلا ضنها ما خاب فيها...و طلعت مثل ما توقعت ولد بس مهو أي ولد كان يدير مجموعه ويحركاها من الشات وهي مجموعه ارهابيه و قدرت تسحب كل المعلومات الي عنده ولا ماكن الي متواجدين فيها وخطتهم بتفجير ...وهمها الاكبر صار كيف تقدر توصل كل الي عندها للمخابرات بدون ما يكشفونها...وصارت ماتقدر تنام الليل من خوفها من المجموعه الي هي كشفتهم انهم يصلون لها ويسون شي باهلها
::::: ! ؛ ! :::::
بيت ابو ملاك
الساعه تسعه باليلل
محمد: دخل المكتب : وش عندك
ملاك: اراجع ايراد الصالون
محمد: باقيلك كثير
ملاك: لا خلصت شو بدك فيه شي
محمد: يجلس على الكرسي الي قدام المكتب ويتكي عليه بيده ويناظر بوجهها : حياتي ابوي اليوم كلمني يبينا نحدد يوم العرس ويبيه في اجازه عيد الاضحي ....وملكت مي بعد راح تكون ثاني يوم بالعيد
ملاك: توقف لا ما بدي قلت لك ما راح ارجع السعوديه واذا انت بدك تروح روح وتمشي بتخرج
محمد: مسكها مع يدها ولفها عليه تواجه : حبيبتي ليه رافضه بس نسوي العرس ونرجع ما راح نطول هناك
ملاك: نزلت عينها على الارض: قلت لك ما بدي
محمد: رفع وجهها ملاك حطي عينك بعيني طالعت في ليه وش السبب طول الوقت وانا احاول اقرب منك و انتي تصديني وتتهربين من الجلسه معي ملاك فهميني وش فيك
ملاك: قلت الك ما بدي روح وخلص اتركني بدي روح نام
محمد: ما راح اتركك لين ما تقولين وش السبب وش تبيني اقول لابوي وعمك ما تبي عرس
ملاك: ايه ما بدي مش بكيفهم و ما بدي ارجع هناك ما عد بدي خلص تركني وتجمعت الدموع بعينها
محمد: عينه على عيونها : حبيبتي حتى لو اجلنا العرس ما تبين تحضرين ملكت مي راح تزعل عليك
ملاك: مي راح كلمها وخبرها ان عندي اختبار اوشغل مش مشكله
محمد: حبيبتي انتي خايفه انك اذا رحتي ما راح ترجعين مره ثانيه لا تخافين راح كون معك واذا كذا نحجز ذهاب وعوده هاه وش قلتي
ملاك : انت ما تفهمني ما بدي روح هناك وتركني خلص بليز ونزلت دمعتها على خدها ماقدرت تمنعها
محمد: عارف وش سبب خوفها : يمسح دموعها حبيبتي دموعك غاليه علي ما ابي اشوفها
ملاك: بهدوء وبدون ماتناظر عيونه : محمد ..اسفه بس انا ما بدي زواج
محمد: انتي تتكلمين بدون وعي منك كل هذا خوف واذا على العرس مهو بوقته الحين و انتي نفسيتك تعبانه بس وش تبيني اقول لعمك الي مهو مقدر حالتك الحين
ملاك: نزلت راسها ودمعتها على خدها ويدها ترتعش :بس انا ما بدى اتزوج ولا بدى روح هناك
محمد : عارف علتها وكاسره خاطره بس يحاول يجاريها : لا تشيلي هم شي ...ويبوسها على جبينها ....خلاص حبيبتي روحي نامي انا راح اتصرف مع ابوي
ملاك: خرجت وطلعت جري مع الدرج ودخلت غرفتها ورمت نفسها على السرير وفضلت تبكي لغايه ما غالبها النوم ونامت وثاني يوم تجنبته طول اليوم كانت برا البيت ما قابلته ورجعت لما كلمت روز وعرفت منها انه ما هو موجود خرج مع خالد و رجعت وكانت الساعه ثمنيه ونص وطلبت منها اذا سأل عنها تخبره انها نايمه دخلت غرفتها وقفلت الباب والساعه تسعه جاء دق عليها الباب بس ما ردت وراح
محمد: انقهر من تصرفاتها معه رجعت تتهرب مثل قبل و لبس لبس رياضه وخرج يركض في الشارع والحديقه القريبه من المنزل لغايه ما هدئت اعصابه ورجع استحم ونام
ملاك: صحيت الصباح بدرى ولبست ونزلت اسفل وطلبت من روز كوب كوفي وخرجت الساعه سبعه عندها محاضره الساعه ثمنيه
محمد: صحي الساعه سبعه وبعد ما اخذ شور وصلي الصبح ونزل الصاله ..روز
روز: صباح الخير استاذ
محمد: صباح الخير جيبي كوفي وحضري الفطور انجي صحت ولا بعدها نايمه
روز: الست انجي خرجت الساعه سبعه
محمد: يكلم نفسه ياربي وش اخرتها معها ..افطرت قبل ما تخرج
روز: لا يا استاذ حضرت الفطور ورفضت تاكل بس أخذت كوفي و خرجت
محمد: اوكي روحي هاتي الكوفي وشي خفيف معها وتصل عليها اول مره ما ردت وثاني مره ..الو السلام عليكم
ملاك:وعليكم السلام
محمد:اخذ نفس لا زم اطول بالي وما عتبها..حاول هذا الشهر انه يكون متسامح معها ويحاول يكسبها من او ماعرف من خالته وش صار معها :حبيبتي فينك فيه ابي اشوفك ضرورى
ملاك: خير شوفيه
محمد: فيه اوراق ابيك توقعين عليها اليوم لازم اسلمها
ملاك: بس هلأ ما بقدر انت امتى بدك اياها
محمد: مواعده على الساعه عشره انتي وش عندك خارجه بدري
ملاك: انا بالمكتبه بدي كتاب وعندي محاضره الساعه ثمنيه وتنتهي تسعه ونص
محمد: زين تعالي على المكتب
ملاك: ما بقدر عندى اختبار الساعه عشره ما في وقت روح و ارجع
محمد: اوكي راح كون عندك الساعه تسعه ونص ومعي الاوراق
ملاك: شكرا محمد
محمد: حبيبتي الساعه كم تخلصين اليوم
ملاك: الساعه 12
محمد : يووووه
ملاك: شو بيك فيه شي
محمد: لا ما في شي
ملاك: اوكي
محمد: ما شي ادق عليك اذا جيت مع السلامه
ملاك: مع السلامه
شذى: حرام عليك انتي وبعدين معك متى راح تتغيرين وتحنين عليه هو يحبك وشاريك انجي بهشكل راح اضيعينه من يدك راح يجيه يوم و يمل منك
ملاك: شذو خلاص ما بدي اسمع كل مره تحكين هيك انتى مش حاسه فيني
شذى: وش الي تحسينه انتي تحبينه شوفي نفسك لما يكلمك اول متشوفين رقمه احس الفرحه بعيونك بس منتي براضيه تعترفين
ملاك: انتي شو بتحكي انا ما بحبه ومعد بدي حب حدا قلبي مات خلص مات فهمتي قومي لا نتأخر وتروح تمشي
شذى: انجي لا تضحكين على نفسك اذا اعترفتي راح ترتاحين
ملاك: طنشتها وما ردت ..
وبعد المحاضره
شذى: تعالي نروح عند البنات
ملاك : لا بدي انتظر محمد بده يجيب اوراق اوقع عليها
شذى: آآه منك وتقوليلي ما تحبينه
ملاك: شذووو وبعدين ودق جوالها ..هلا
محمد: حياتي انتي فين
ملاك: عند.....
محمد: اوكي باي
ملاك: باي
ثواني وهو عندها
محمد: السلام عليكم
..وعليكم السلام
محمد: وش اخبارك شذى وينك امس ما شفناك يتكلم وعينه على ملاك ويقول بنفسه الكلام لك يا حياتي ردي علي
شذى: الحمد لله وين تشوفني ومرتك بالشتني معها
محمد: وما شال عينه عنها : انتي تقولين فيصل جاء يذبحنى بسبتها وجلس جنبها ويقرب راسه منها و حشتيني حياتي
ملاك: حمرت خدودها و حست بشرقه :حمم.. شو فين الاوراق
محمد: آآآآه احبك
ملاك: محمد
محمد:وهو عارف تاثيره عليها : نعم يا قلب وعيون محمد انتي
ملاك: اوووووه شوبيك خلص فين الاوراق
محمد: هو انتي خليتي في عقل ويفتح الشنطه : خذى تأكدي من الشروط وقعي
ملاك: عينها على الاوراق : انت راجعتها
محمد: ايه مثل ما خبرتك عدلت بعض البنود فيها
ملاك: اخذت الورقه وحطت القلم
محمد: ملاك انتظري راجعي البنود بعدين وقعي
ملاك: تناظره ..: انت مش تقول راجعتها منشان شو راجعها وقعت
محمد: عصب ورفع صوته وسمعتهم شذى : اخر مره توقعين شي بدون ما ترجعينه حتي لو كنت انا مراجعه ممكن ينضحك عليك كذا
ملاك: شو بيك انته مراجعها على شو معصب هلأ
محمد: يمكن فيه شي ما بيعجبك تغيرينه قبل ما تتورطين بشي
شذى: جالسه على الطرف ومسويه نفسها مشغوله بالكتاب وهي سامعه كل حرف نقال : انجي محمد كلامه صح ويبي مصلحتك
ملاك: اوكي شو بيكم بتاكلوني خلاص وقعت
محمد: يقرب منها ياليت ولا بشبع منك ياعمري وياخذ الاوراق مع السلامه يا دوب الحق على الرجال وراح
..مع السلامه
شذى: يا ويلي منك حني عليه شوي شوفي كيف ما شال عينه عنك يا بنتي واضح حبك له وهو حاس فيه ولا ما يخاف عليك بهـ الشكل
ملاك: خدودها مورده وتصرخ : شذوو راجعى لاختبارك انفع الك
شذى: ايه خليك جنبي وافتحي الورقه احسن فصولي بهذلني البارح ما خلاني اذكر
ملاك: احد قال الك اعرسي الحين انتى منتي وجه دراسه وعرس تغزلي فيه وبعدين قولي بهذلني
شذى: كله منك مجلستني معك بالصالون من الساعه ثلاثه لغاية ثمنيه ونص ما شفته
ملاك: هههههههههه وشو عمل فيك
شذى: لا عيب لما تعرسين اعلمك
ملاك: وجع ما بدي اعرف ذاكرى
شذى: حطت يدها على خدها وسرحت
شذى: دخلت الشقه الساعه ثمنيه و نص
فيصل: وهو جالس في الصاله لا بدري ارجعي من ما كان ما جيتي
شذى: تروح له وتجلس جنبه وتبوسه حبيبي سوري
فيصل: وش تبين بعدي عني توك جايه
شذى: وتلف ايدينها على ارقبته حبيبي حياتي انته وتبوسه على جبينه وتغطي عيونه بيدها
فيصل : وش تسوين شيلي يدك
شذى: ههههههههههه لحظه شوي حبيبي وتفك الايشارب الي على راسها وتربطه على عيونه
فيصل: وش عندك
شذى : تبوسه على خده خليه شوي حبيبي وتفك شعرها وتناظر في المرآيه وتعدله
فيصل : وبعدين معك ما يكفي تاخيرك كمان تغطين عيوني
شذى: هههههه وتجلس غمض عيونك زين وتسحب الايشارب افتح عيونك حياتي
فيصل: فتح عيونه ومذهول ويصرخ :وش سويتي !!
شذى: وش رايك حبيبي حلو صح وتحرك شعرها
فيصل : زعل وعلا صوته: لا مهو بحلو وبعدين كيف تتصرفين كذا بدون ما تخذين رأي
شذى: تحط يدها على خده : حبيبي ليه ماهو بعاجبك
فيصل : ينزل يدها ايه ماهو بعاجبني من وين له حلا كذا
شذى: تجمعت الدموع بعيونها وخافت : حبيبي لا تزعل مني الله يخليك وتحط راسها على صدره وتبكي
فيصل: ههههههههههههههههههههههههههههههه ويرفعها وهو يضحك احبك يا لخبله ههههههه ينقص عليك بسهوله ويبوس انفها حياتي يجنن عليك الون (صابغه شعرها كستنائي مع خصل اشقر ثلجي وطالع عليها حلو )
شذى: تدفه وتضربه على كتفه وبجد ارعبها ضنته زعلان : بعد عني ارويك وشلون تقص علي وجع صدقتك وتقوم
فيصل:ههههههه ويسحبها ويجلسها جنبه ويلف ايدينه عليها ويصرخ احبـــــــــــــــــــــــــــك
والله العضيم احبــــــــــــــــــــــــــــك ويبوس اخدودها قمر يا ناس قمر
شذى: بعد عني زعلت منك خلاص
فيصل: يبوس انفها هههههه ناظريني وقولي انك زعلتي
شذى: تحط عينها بعينه
فيصل: يقرب من وجهها احبك ما تحركت ولا رمشت احبك احبك احبك احبك ويقرب من وجهها اكثر وبصوت واطي احبك ا..ح ..ب..ك
شذى: ههههههههههههههههههه وتلف يدينها على رقبته وانا اموت فيك
فيصل: هههههههه اقول هو احنا ناقصين من قل الشقارالي هنا تصبغيلي مثلهم نغثيت من كثر ما اشوفه
شذى: وتمسك خدوده ولك عين بعد تطالع فيهم
فيصل: ههههههههههههههههه هو انا اقدر وانا عندي الي تارسه عيني
شذى : تسلم لي عيونك ياعيوني وتبوسه عليها
فيصل: دخل اصابعه بشعرها وبعثره لها ياويلك تعيدينها مره ثانيه بدون ماتخبريني ....وقربها منه ......
ملاك: شذووو وجع شو بكي وترشها بشويه مويه حطتها بيدها
شذى: انتفضت : وجع وش فيك
ملاك: مقهوره منها : انتي شو بكي من امتى وانا كلمك منتي معي بدك تجيبي العيد اليوم بالاختبار اذا بظلي كذا
شذى: وش اسوي احبه
ملاك:ههههههه اعرف انك تحبيه بس ذاكري كلمه ما بقي الا عشر دقائق
شذى: خليك جنبي وفتحي الورقه
بعد الاختبار
الساعه 11ونص
ملاك : الحمد لله لك يارب كثير حلو
شذى: الحمدلله انا الي ما ذاكرت زين جاوبت و شلون انتي ما شاءالله عليك أكيد العلامه كامله
ملاك: بقهر وتناظرها ودها تعضها : شو عيوني انتي كتبتي شي بالاصل والله بموت يدي تكسرت من كثر الكتابه احمدي ربك انه زحمه و ما حدا انتبه ولا رحنا فيها
فيصل : شوفهم خرجوا
فيصل ومحمد : السلام عليكم
...وعليكم السلام
محمد: غريبه خرجتوا بدري وش سويتي ان شاء الله جاوبتي ..وجه سواله لملاك الي واقف جنبها
ملاك : الحمد لله كثير حلو وما اخذ وقت
فيصل:وهو حاس بالذنب : جاوبتي
شذى: مبتسمه عارفه انه خايف انها ما تحل صح : ايه وراح اخذ درجه عاليه بعد
ملاك : ولعت منها ومن ضحكها : ولك فرحانه بعد والله راح اذبحك لو عدتيها بعد اليوم
محمد: يطالع فيهم : ليه وش فيه؟
فيصل : وش سوت ؟
ملاك : باين عصبيتها وتوترها من صوتها وهي بعدها خايفه من الي صار : معليش فيصل بعد اليوم اذا عندها اختبار راح باخذها عندي من شان ما ضيعني وضيع حالها
فيصل: ههههههه وش سويتي فيها الي معصبه
شذى: ههههههههههههههه لو شفتها جات تموت
ملاك: وتمسكها مع يدها وتقرصها : شوووووو ولك عين بعد تضحكي
محمد: هههههههههههه اهدي وش سوت فيك الي عصبتي عليها
شذى: ههههههههههههههه
فيصل: ههههههههههه أكيد من مقالبها الي ماتخلص
شذى: هههههه هي ام المقالب مهو بانا
ملاك: وبعدين معك لا تضحكي والله يدي بعدها ترجف و خايفه
محمد: يمسك يدها بارده : سلامتك
ملاك: يده كانت دافيه حست برعشه اكثر وصارت تتكلم بتشغل عقلها عن التفكير فيه يربكها كل ما مسك يدها : حضرتها ما ذاكرت منيح واقلها راجعي تقلي افتحي الورقه
شذى:هههههههههههههههههههه
العيال: يناظرون بعض ويضحكون : هههههههههههه وبعدين
ملاك : وبعد ما دخلنا كان زحمه وهي جنبي جاوبت وخلصت وتركت لها الورقه مفتوحه حضرتها اشرت خلصتي قلتلها ايه سحبت ورقتي وعطتني ورقتها وتقول جاوبي
العيال : وشهووووووووووو
ملاك : وحليت لها الاسئله الي ما حلتها وجاء الملاحظ قرب مني ارتبكت وطاح القلم من يدي اعطاني هو وراح بس خلصت اخر سؤال اعطيتها ورقتها والله توبه معد بعيدها حاسه قلبي راح يوقف
محمد :عند اذنها سلامة قلبك يا قلبي.. ويلتفت على فيصل الي ميت ضحك ...فيصل احسلك ابعد مرتك عن مرتي و انت لحقت تعديها بحركاتك الي كنت تسويها في
فيصل: ههههههههههههههههههههه عفيه عليك عرفتي تخرجين نفسك وتعدينها والله كنت خايف انك ما تجاوبين
شذى: ههههههههه لاتخاف علي اعجبك انا
ملاك: اعجبيه وملي عينه بس دخيلك بعيد عني
محمد: امش انت ومرتك اخرتها بتودونا بمصيبه
فيصل:ههههههههههههههههه عرفنا نقي انا ومرتي نجلس مع مين ما شاءالله انت ومرتك دوافير خلونا نستفيد في وقت الحاجه
محمد: بعصبيه : قول لا اله الا الله عن الحسد نسبتك ما تفرق عني بشي كثير
ملاك: تسحب يدها :باي
شذى: خذيني معك باي
فيصل: بتروحين الشقه ولا معها
شذى: الشقه بروح انام
ملاك: ومن قال لك بدي اخذك معي البيت اليوم ما بدي اشوف وجهك بدي اعرف شي كف بتقدري تنامي بعد الي صار لو بنام بحلم فيه
شذى: تبوسها على خدها لا اختي حبيبتي ما تزعل على صح
ملاك: امشي قدامي مزعجه وتسحبها مع السلامه
محمد: انتبهي لنفسك مع السلامه
فيصل: بعد ما راحو محمد عمري ما تخيلت اشوفك تحب كذا
محمد: امش خلنا نلحق على المحاضره بس ..من الحين اذا ماتادبت انت ومرتك بلغ عنكم
فيصل : هههههههههههه
::::: ! ؛ ! :::::
ملاك : بعد ما وصلت شذى شقتها راحت على البيت و اول ما دخلت: سلام عليكم
روز: كانت عند الباب: وعليكم السلام ست انجي
ملاك: يس
روز: عمتك هون
ملاك: توترت وحاولت تمسك رجفت صوتها : شووو امتى أجت
روز: من شي خمسه دقائق
دمتم بحفظ من المولى
تحياتي؛؛
[/CENTER][/CENTER][/CENTER]
|
25-01-09, 09:41 PM
جديد مواضيع قسم القصص المكتملة (بدون ردود)
العرض العادي
