بسم الله الرحمن الرحيم
هذا البارت الرابع واسفه على التأخير



بعد رحلتهم للقصيم في اليوم التالي في الرياض
نور عند اخر الدرج:يالله دلع اخلصي انتظرك برا
دلع من غرفتها:دقايق ونازله
نوف:وانا بعد رايحه
دلع تمشي بشويش وثقه على الدرج وهي مسويه شعرها الرمادي فير ولابسه فستان ابيض
ينربط عند الرقبه طويل وشيفون عند الصدر وماسك من عند الخصر بلولو وطايح عليه شيفون ابيض من تحت
كان عليها كلمة روعه قليل مع مكياجها الناعم بفخامه وعيونها الرمادي وعباتها على يدها
متعب جا بسرعه بيرقى الدرج ووقف يوم شافها نازله تجمد وبلع ريقه واول مانتبهت له احتاست تنزل ولا تطلع
وهو منزل راسه دلع بسرعه نزلت وبسرعه للسياره
ام متعب:ليه تأخرت
دلع:ياخاله خفت اطيح وانا اركض
بالحفله"حفلة تخرج رائد صديق ابو متعب"
دلع:نور تدورين منو
نور:وحده من صديقاتي ايام الثانوي تقول جايه
شوق:دلع قريتي على نفسك
دلع ببرائه:لا ليش
شوق:سم الله عليك ماتشوفين العيون الي تخزك
نور:ههههه من عذرهم وقدامهم ام عيون رمادي
هيفاء:الله ياخذها ماخذه الجو كله
ندى:ياويلي هذي تقول للقمر قم واقعد مكانك
نور:اهلين هيفاء
هيفاء:هلا نور وناظرت بشوق ودلع بغرور اهلا نور راحت مع هيفاء
هيفاء:نور تعرفين الي معك دلع
نور:ههههههههه بنت عمي لاتقولين بنخطب ترا مانطلع برا العيله
هيفاء بقهر:ايش بنت عمك وبقلبها"جعلها العمى"
ندى:معقول
نور:ايه
هيفاء استنتجت بسرعه:نور للحين عندك رسومات تصميم ازياء
نور:يعجبك تبين اسويلك؟
هيفاء:لالا بس وحده اعرفها تتعامل مع مصانع تبيع التصاميم لهم
نور:ياليت عندي تصاميم كثيره
هيفاء بتصنع:صدق والله اجل حلو هي تبي وحده تساعدها تبيني اكلمها لك
نور بفرحه:والله تسوين خير
رن جوال نور شافت الرقم يوه هذا الرقم مزعجها صار له فتره لازم توقفه عند حده:نعم خير
:اعوذ بالله وش هاللسان
نور تبعد عن الحريم:نعم خير مزعجنا
:هذا مو جوال خالد
نور:استغفر الله لا مو جوال ولا عاد تتصل وسكرت الخط



نايف قاعد جنب رائد وباله بعيد
نايف:رائد وش فيك مارد عليك خالد
رائد بابتسامه:لا ردت علي وحده وعصبت علي
نايف:ههههههههههه ليه
رائد:تصدق عجبتني ولاتتأمر تقولي ويقلد صوتها الناعم مع انها معصبه"لاعاد تتصل"
نايف نقع ضحك
دخل خالد وبابتسامه جذابه هوو وابوه سلم على ابو متعب وبعض الي يعرفهم وجا لرائد ونايف وسلم عليهم
خالد:اف نايف عندنا من وين طالعه الشمس
الكل:هههههههه
نايف:هههه يابن الحلال ماعندنا وقت
رائد:ادق على جوالك ترد علي بنت
خالد:اكيد غلطان اشوف
نايف:زوروني بكندا
خالد:لالا انا اعذرني
رائد:عن قريب يالحبيب
خالد:نايف تراه صاير مبزوط"يخربط"انتبه منه
نايف:رائد تغير وانا حاس بالهشي



***********
هيفاء:خلاص اذا رضت تقابلك اتصل فيك وامر اخذك وخليه سر بينا لين تكمل السالفه اوكي
نور:والله انك غريبه ههههههههه اوكي
هيفاء:يالله باي
جت دلع بعصبيه:نور هذي صديقتك هذي وحده وسكتت استغفر الله
نور حست ان هيفاء قالت كلمه عن دلع يمكن تكون صحيحه تقول انها حقوده
نور:لا حرام هي مو كذا
***********************

شادن جالسه على الكنب وسرحانه بضحكته وصوته الغريب له هيبه
فجر:شادن وصمخ اناديك صارلي ساعه
شادن على غير المعتاد وبهدوء تام:يوه وش تبين
فجر فتحت فمها:هاه شادن حبيبتي فيك شي وتمسك جبينها انت مسخنه
شادن قامت وهي تطلع على الدرج نزلت نوف:وش فيها اختك
فجر:لا اليوم اختك مو طبيعيه


******************************
ام سعد:ايش تبي تتزوج؟
نايف:ايه يمه
ام سعد:ليكون وحده من
قطع كلامها:لا يمه انا ولدك تربيتك وانا ابي بنت عمي دلع
سعد:ايش مالقيت الا دلع
نايف بعصبيه:ليه وش فيها دلع تكلم
سعد بهدوء:مااقصد بس خالي مايطلعها الا لواحد من عياله لانها
نايف بخوف:لانها ايش؟
*****************

متعب:الشريك السري
ابو متعب:ايه ياولدي علشان كذا مابيها تطلع عن عيالي
متعب:لا يبه لاتفكر كذا انا ابيها بغض النظر انها الشريك السري بالشركه
ابو متعب:من خوفي عليها وانا ابوك مثل عمتك الله يسامحه ابو سعد ضيع فلوسها
متعب:يبه انا كنت بكلمك بهذا الموضوع من قبل بس لازم ناخذ رايها الحين


**************
نايف:بس انا ابيها وبمعنى ادق انا احبها
ام سعد:روح ياسعد يايمه واطلبها من خالك ونشوف وش يقول
سعد:الي تامرين فيه يمه
نايف قام بضيقه وهو طالع على الدرج
سعاد:شفيك ليه كذا زعلان
نايف بنظرة حزن:الحظياختي معترني
سعاد بفكاهه:لا صار حظك صاحي باعلك واشترالك وان كان نايم انخمد وانسدح جنبه
نايف:ههههههه الله يقطع سواليفك محد غيرك يقدر يطلعني من الي انا فيه الا انتي
سعاد:ماكل من يضحك مع الناس مبسوط
نايف:ياكثر من يضحك مع الناس ونفسه حزينه

*******************
ابو متعب طق الباب
دلع:شوق وش هالادب ادخلي
ابو متعب دخل:حتى لو كان ابوها
دلع:عمي "وعدلت جلستها"هلا عمي فيه شي خافت
ابو متعب:لالا مافيه شي قعد جنبها وناظر بعيونها:يابنت انا مثل ابوك الله يرحمه وخايف عليك
دلع:تسلم ياعمي
ابتسم ابو متعب بحنان:انا جاي لك وطالبك طلب
دلع بسرعه:لا ياعمي انت تامر ماتطلب
ابو متعب بفرحه:هذا عشمي فيك والله وناظرها انا ابيك لمتعب ابيك تتزوجين متعب
دلع حمرت خدودها:عمي وكملت وراسها بالارض هو الي طلب والا انت الي
ابو متعب:ههههههههه لاانا وهو بعد يبيك من زمان
دلع:عمي انا
ابو متعب:الي يريحيك اذا كنت
دلع:لا ياعمي انت طلبك امر بس انت ادرى بمصلحتي نزلت راسها انا موافقه
ابو متعب:اكيد ولا تبين تفكرين
دلع:لا وسكتت اكيد"تدري حتى لو فكرت بتوافق"
طلع عمها وهو فرحان اما هي نزلت دمعتها المفروض تفرح ليه قلبها ناغزها
حطت راسها على المخده وهي تحاول تمسح دموعها
**************
شوق:الو السلام عليكم
سعد عرفها:وعليكم السلام
شوق:ممكن سمر
سعد:مين شوق
شوق"اف لقافه":ايه
سعد:طيب لحضه وهو ينادي سمر سميران سمور شواقه على التلفون
شوق بنفسها"ههههه يازين اسمي"
سعد:شواقه
شوق ماتدري منين طلع الصوت:هلا
سعد تبلد:هاه ايه لحضه على ماتجي الهبله سمور
سمر جت:مين الهبله
سعد وهو يعطيها التلفون:مالك دخل
ظل واقف قريب منهم خلصت المكالمه وسكرت التلفون هي مانتبهت انها ماسكرته زين وكانت شوق تسمعهم
سمر:سعد شعندك تدلع شوق اعرفك ماتدلع اي احد
سعد بتنهيده:الواحد حسره عليه يقول كلمه
راحت سمر
سعد يغني:شوق ياشوق الشوق ههههههههه صرت مثل المبي وشكلي بصير شاعر والسبب انت وعيونك الي بتجنني
انصدمت شوق بالي سمعته اختفى الصوت وشكله طلع سكرت التلفون وراحت لغرفتها وسكرت الباب وراحت قبال المرايه
وناظرت بعيونها مو اول مره احد يمدح عيونها بس سعد غير صوته الحالم غير تذكرت كل كلام خواته عنه معقوله سعد يحبني
بس انا اصغر منه بكثير هههههه حلوه بس ما عاد اعيدها لالا ماراح اتعلق به لا يعني مو اكيد بس يوووووه
**********
نور:سعاد يالهبله انطمي
سعاد:لا والله احلفي انت انطمي
نور:ترا بكفخك
سعاد:ههههههه لاه خوفتيني
نور ضربتها بالخداديه وسعاد نزلت راسها وصابت تحف بالصاله وانكسرت لنصفين
سعاد تبي تخوف نور وشهقت:تحفة امي المفضله يالله صلحيها وتراها غاليه على قلبها
نور: يوه ياخايسه تبين تحكين لي حكاية التحفه روحي جيبي شي اصمغ فيه
راحت سعاد تدور صمغ وكان اصلي وقوي واعطته لنور
سعاد:صلحيه قبل امي تشوفه وانا بروح اجيب لنا شي ناكله وراحت
نور بحياتها ماستعملت هالصمغ ومصدق هي ياحول ومستحيه وحطت كميه كبيره وتحط وتحط
نايف دخل شاف سعاد الهبله اكيد عامله مصيبه وجا من وراها ومسك يدينها
نايف:وش تسوين يالسوسه
نور تجمدت بمكانها ماقدرت تتكلم ولا تتحرك
نور:يمااا لصقت يدي ابعد
انصدم نايف انها مو سعاد واختفت ابتسامته وهو يحاول يجر يده
جت سعاد تركض ويوم شافتهم بدل ماتفكهم نقعت ضحك وسمر نزلت شافتهم ورجعت تركض
نور قلبها يرقع اول مره تكون بهالقرب من رجال غير محارمها صدرها ينزل ويطلع وخدودها حمرا سمعت صوت الكمره سمر صورتهم
ياويلها ان طاحت الصوره بيد اخوانها
نور بانفعال:ياحماره
وبنفس الوقت نايف:ياحماره
بتلقائيه ناظروا بعض وبعدو نظرتهم بسرعه
يدها بيده نايف ناظرها وبنفسه يسمي ويقول ماشاء الله وش هالجمال والنعومه يانور عليك عيون سبحان الي خلقهم ناعسه وعسلي
مثل اخوها طارق بس بالنسبه له ولا شي عند دلع يحاول مايناظرها هي جذابه جدا استغرب انه لاحظ كل هذا بنظره واثنين
نور بدت تبكي وخدودها حمرا :تعالي فكينا
ام سعد جت وانصدمت بهالموقف المحرج فعلا
نايف يغمز لسعاد:عن جد هذي تبكي ترا مااكل واستغل نظرتها السارحه بوو
نور نزت ونايف نقع ضحك مو بس نايف كلهم
ام سعد وهي تحاول تفك:ياعمري نور حلاص لا تبكين بفكك
سمر بخوف:يمه ودوهم المستشفى
نور تعبت وجت بتقعد بس تألمت لآنهم متلاصقين ويدها انعوجت صرخت بالم:اااخ ودمعت عينها
ام سعد اتصلت بسعد علشان يجي
سعاد:نايف اقعد نور تعبت واول ماجلسوا كانو بالحيل قراب نقزوا واقفين
نور قعدت تبكي ونايف مستغرب
نايف:انت عن جد تبكين
نور بحيا نزلت راسها ودموعها سيل
نايف حس بقلبه ينبض بس هو يحب دلع حرام كان وده لو يقدر يمسح دموعها بس ايده بايديها توه يحس برجفه بكل جسمه ماسك
ايدها ايه هو ليتها كانت دلع ياربي رجع لدلع لو كان كلام سعد صحيح تنهد
جا سعد واخذهم المستشفى وبالسياره اظروا يجلسون وبمجرد محاوله منهم يبعدون تألمت نور بصوت يوجع القلب
كانوا قراب جالسين جنب بعض ومعهم جزء من التحفه ناظر نايف لها بجعه حاضنه بجعه في وسط بحيره واشجار مكسور نصها عجبته حيل
معقوله تعني لهم شي هو ومنور معقوله بيجي يوم يكونون مره ثانيه بهالقرب قطع تفكيره او بالاصح تفكير نور بعد
بعد محاولات بشتى الطرق وتعرضهم لبعض الجروح انفك الصمغ والكل مستغرب من هالموقف ويضحك
الدكتور:ياخي وش هالقافه انت ومرتك وبابتسامه شكلكم مثل الكناري الله يسعدكم وراح
نايف جا بيتكلم بس ضحكة سعد سكتته
سعد:يعني تبي تقوله قصت حياتك
نايف ناظر لنور الي منزله راسها من الحيا
سعد بسخريه:والله لايقين على بعض
نور لاشعوريا طلعت عيونها وسعد ونايف نقعوا ضحك اما نور لاتسألون عن حالها
نايف مستغرب من نفسه يحب دلع وقلبه الحين بيطلع من مكانه
*************************
دلع:سعاد وش تقولين انت؟
سعاد:ايه دلع سمعتهم يتكلمون ياحظك يادلع بنايف
دلع:سعاد بس انا
سعاد:لادلع حرام عليك نايف يحبك
دلع دمعتها على ولد عمتها المسكين
سعاد:وينك
دلع:انا مخطوبه
****************
في مركز الشرطه
فايز يتطاول على يوسف:ياحقير انت وش لك دخل
يوسف:بغيت تذبحها وتقول وشلي دخل
متعب بصرخه:انت وين عايش اسكت لاالحين وسكت خذوه من وجهي ناظر ليوسف على محياه الهدوء والثقه والنور
الي على وجهه تزينه لحيته الي شوي طويله
متعب:تفضل اخ يوسف
ناظر متعب الملف وناظر يوسف انت ولد عم مهند
يوسف:ايه
متعب سمع كل الحكايه من يوسف
متعب:طيب ابي اسألك سؤال مو من حقي اسأله ممكن
يوسف:تفضل
متعب:تحب اخته
يوسف:لالا وش انا خاطب بنت عمي واليوم الملكه
متعب:ليه ماتتزوج عفاف وتستر عليها لين يجي نصيبها وانت تزوج بنت عمك زواج طبيعي وهي بس خليها عندك لمن تروح هالبلوه عنها
يوسف:ايش؟
******************
سعاد بوجه حزين جت لآمها بالمطبخ وهي تسوي العشا
ام سعد:خير وش فيك قالبه الخشه
سعاد:يمه لاتخطبون دلع
ام سعد:وليه بكيفك؟
قامت سعاد وبعيونها دموع:يمه دلع ومسحت دموعها خلاص سوت حتى التحاليل
ام سعد قعدت على الكرسي:صادقه ولا
سعاد:لا يمه دلع الي قالت لي بتتزوج متعب
ام سعد حطت يدها على راسها:ياويلي على حظك ياوليدي الحين وش اقوله
*******************
على طاولة العشى
ابو متعب بابتسامه: متعب ودلع راحوا سوو التحاليل
الكل فتح فمه ماعدا ام متعب
نواف:وش تحاليله
متعب:اذا الله راد بكره ملكتنا
دلع وجهها حمر ونزلت راسها وهي تعمل حالها تاكل
شوق بشهقه:يالخايسه ماقلتيلي
دلع قامت وخدودها شابه:وجع شوق وراحت بسرعه
الكل يضحك بس ضحكة متعب غير
متعب ناظرهم:خير اضحك فيه شي
تركي قام:صراحه ايه انت واحد مو طبيعي
متعب:وجع صدق ماتنعطون وجه
بدر:هيه استاذ متعب ترا مو جنود عندك حنا
ابو متعب:ياربي قايلين خبر يفرح ويتهاوشون
الكل:هههههههههههه



وش تتوقعون راح يصير لابطالنا عندما يبدأ القدر يغير امالهم ويحطم احلامهم


ابي توقعاتكم بليييييييز
وان شاء الله البارت الجاي يوم الخميس

بسم الله الرحمن الرحيم
هذا البارت الخامس


نور قاعده ومنظرها مع نايف بين عيونها نضرة الحنان بعيونه اه السكسوكه ماشاء الله عليه جنان ضحكته
قطع تفكيرها رنة الجوال يوه من يوم الحفله وهالرقم مزعجها
نور بعصبيه:نعم خير
رائد:ههههههه ليه معصبه
نور:اسمع انا بنت ناس روح العب على وحده سافله مثلك زين وطراخ سكرت الجوال بوجهه
رائد بعصبيه:الحيوانه سكرت بوجهي مسويه فيها شريف مكه
خالد:هههههههههه تستاهل
نايف:اعقل رائد لاتلعب على بنات الناس
رائد:لا انا مايزين عندي الا بنات الناس وضل يدق ويدق بس نور ابدا ماردت ابعد عنهم شوي
هيفاء:هلا والله تو كنت باتصل عليك
رائد:المهم وحده يبيلها تأديب اعطيك رقمها وابيك تطيحينها ابيها عند رجولي
هيفاء:اوكي عطني الرقم
رائد:هذا هو 00000
هيفاء استغربت تعرف الرقم دورت لقته رقم نور:هههههههههه
رائد:انا ماقلت شي يضحك
هيفاء:لا قلت انا كنت بكلمك عن نفس البنت غرور هالعيله بيقتلني قالت له خطتها
رائد بضحكه شيطانيه:تعجبيني انت الشيطان بحد ذاته
هيفاء:ولو تلميزتك انا
سكر الجوال
نايف:شفيك انت الله يستر منك
خالد:ههههههههه
*******************
متعب دخل على تركي وانصدم بالدم الي على ملابسه
تركي طلع من الحمام وهو مبدل ملابسه وجا يلم ملابسه المتوسخه بسلة الغسيل انصدم بمتعب الي مطلع عيونه
متعب:تركي ايش هذا؟
تركي تلعثم:هاه لا مافيه شي جرح بسيط
متعب:بس ماتصير الا هنا"كان يقصد منطقه حساسه"
تركي:بصراحه انا سويت تحاليل واشعات وبعد كم يوم تطلع النتايج
متعب بصدر حنون:لا يضيق خلقك ياتركي القدر مكتوب علينا مانقدر نغيره الا بالدعاء
ابتسم تركي بتعب:خايف يامتعب الدكتور وجهه مايطمن
متعب:اذا بغيت تروح الدكتور قلي اروح معك
تركي:اكيد مااقدر اروح لحالي خايف
******************************
ابو مهند:انت وش تقول؟اكيد صار بعقلك شي؟
يوسف:ياعمي افهمني هي بس بالاسم زوجتي بس احميها من اخوها مالها احد لين يجي نصيبها
وروان هي زوجتي وكل شي لي
ابو مهند جلس بتعب:ااخ يايوسف لو انا رضيت هي مابترضى
يوسف:لا ياعمي انا احبها وشاريها
مهند كان معصب وساكت بس علشان ابوه
ابو مهند:اسألها هي انهارت من يوم عرفت الخبر وطلع
يوسف جلس وكان خايف من هالمواجهه وبنفسه"انا وش دخلني بهالمصيبه هي واخوها ياربي هي شدخلها
حكم القدر عليها اه لا عزوه ولا اهل ينشد بهم الظهر"
مهند:ابفهم انت وين عقلك
***************************
ام متعب:كلولولولوش الله يتمم عليكم بخير يارب دلع خدودها خمرا وساكته
شوق:عقبالي يارب
بدر:يابنت استحي
نواف:ياربي بنت تبي تشوف نصيبها شعليك
شوق:تبون الصدق الرجال مامنهم امان حتى لو كان يعشق مو بس يحب مرته الزمن هذا قاسي
الكل مذهول منها ليه قالت هالكلام
شوق:ناظروا حوالينا كل شي رياء وخدع ووو وما الى ذلك نادر الشي النقي الصادق
تركي وهو نازل يصفر لها:حكم شكسبير
الكل:ههههههههه
متعب:لا الحب الحقيقي يصنع المعجزات
الكل مذهول
نواف:لا اليوم فيكم شي مو طبيعي
**********************
رجع يوسف للبيت وهو حزين كئيب نزل شماغه الي على راسه بكل اهمال
ام يوسف:هاه بشر
بيان خافت من منظر اخوها
يوسف:روان زعلانه علي وقالت لاعاد تشوفني
ام يوسف:وانت لازم يعني
قاطعها يوسف وهو شاد على يده:خلاص راح وقت الندم يمه عمي وولد عمي يمه راحت روان خلاص
تنهد يمه عف وماقدر ينطق اسمها بكره تطلع صحوني نروح نجيبها
بيان:انت زوجها روح جيبها
يوسف:بيان ماني ناقصك انا راح لغرفته ينام وين ينام وهو بدل مايملك على بنت عمه وحبيبته ملك على وحده
اخوها ضاربها ويسكر بس علشان يحميها اف شسويت ضيعت بغبائي حب حياتي حب الطفوله والصبا
اه ياربي الله يعوضني لا مستحيل بخليها على ذمتي واقنع روان نتزوج مااقدر اعيش بدونها وبيان وش راح يصير لها
مهند ماراح يملك عليها
***********************
تسلم يالي على البال طاريه"
دخل نايف شاف امه قاعده على مصلاتها بالصاله قعد على الكرسي ينتظرها وهوفرحان بكره بيروح يطلب دلع حياته وكل حبه
تذكر نور ليه جت في باله حس بشي مميز ماحس فيه من قبل وهو ملتصق فيها
ام سعد:نايف شفيك تبتسم اناديك ليه ماترد؟
نايف ابتسم بزياده:شخبارك يمه
ام سعد:الحمد لله هذا احنا عايشين
نايف بفرحه ماتوسعه:يمه قلت لخالي بنطلب دلع لاتقولين ماقلتيله
ام سعد:النصيب ياولدي تعرف الزواج قسمه ونصيب
اختفت ابتسامة نايف:يمه ماتقصدين شي صح
ام سعد:ياولدي بدل الوحده عشر وش لك فيها
نايف:يمه وش فيه
ام سعد:بكره ملكت دلع على متعب
نايف بصدمه:يمه انت وش تقولين
******************
رائد:هههه قسم بالله انك مجنونه
:ليه كل هذا علشاني احبك
رائد بابتسامة سخريه:وانا اموت فيك ياحياتي
صوت الباب شوي وينكسر
رائد وهو قايم:حبيبتي شوي اكلمك اوكي وفتح الباب بصدمه:نايف شفيك
دخل نايف:لاتسألني الحين الي فيني مكفيني
رائد تنهد:خوفتني يابن الحلال عليك
نايف:فيه مكان لي انام الليله عندك
رائد بخيبه:افا عليك انت الداخل وانا الطالع
نايف:تسلم وانا اخوك ماني قادر ارجع البيت وتنهد وهو قايم للغرفه الي ينام فيها وين يجيه النوم وحبيبته دلع بكره ملكتها لواحد غيره ولاعز
الناس ولد خاله
*******************
رجع رائد اتصل ويوم ردت بدون ماتناظر المتصل جا الرد باغنيه"اسف ازعجتك" كملت نور نومتها ولادرت عنه كذا نذاله
ماسكرت الجوال علشان ينحسب عليه مكالمه
رائد:نور نور بكره ياحلوه
لامجيب
رائد:هههههههه نايمه ولاسكرت الخط بس انا اوريك ياشريف مكه
****************
سمر:يمه والله محتاجتهم ضروري
ام سعد:يابنت ماعندي ماتفهمين
سمر:اف ياربي طيب اتصلي بسعد
اتصلت ام سعد بولدها:هلا يمه
ام سعد بحيا:هذي سمر تبي فلوس بلشتني
سعد:هههههه عادي متعود على سموره خليها تجي للديوانيه مافيه احد
سمر:بعد شوي مو الحين اجي اوكي عندي شغل
سعد:ههه مجنونه انتظرك
******************
يحيى:السلام عليكم
متعب:هلا والله هلا بيحيى
يحيى:ياولد انا عمك
بدر:عمي يحيى اف وش هالمفاجأه
نواف:عمي انت بالحسره ترضى تجي الرياض وش الي جابك هاه اعترف
يحيى:هههههههه والله انا بنفسي ماادري ليه جاي بس مشتاق وسكت ناظرهم وانتم شلكم دخل وبعدين ماتستحون جايكم ضيف وتسألوني ليه جاي
تركي:حياك الله عمي وقام
يحيى:تركي فيك شي
متعب:خله شوي متضايق
************************
بندر:طارق قلت لك لاتحاول وبعدين انا مصرح لك تتزوج قبلي
طارق:اف منك افرح فيك انا وياك بيوم واحد
بندر:خلني حر طليق لين اشبع من العزوبيه
ام بندر:الله اكبر عليك ماتبي تفرحني بزواجك
ابو بندر:خلوه بكره بس يتزوج طارق يجيني يركض يبي يتزوج
بندر وهو قايم وبكل ثقه وغرور:انا الي بتزوجها غير غير عن كل بنات هالزمن
ام بندر:غيرك كان اشطر
بندر:بتشوفون
**************************
فجر منسدحه على السرير وبين عيونها نظرات نواف لها نظرة الحب والخجل نظرة الاهتمام
شادن فاتحه كتاب وباله بعيد مو عند الكتاب ماقرت الا بعض الكلمات بدون تركيز بالها مع القدر الي جمعها مع يحيى تحاول ماتفكر فيه بس هي
بلحضه كانت بين ايديه
منصور سهران ومحد داري عنه مقفل غرفته على انه نايم
*******************
سعد:هلا والله من زمان عنك يارجال
بدر:هلا فيك والله اشغال الا وين نايف اتصل عليه مغلق قلت اجي اشوفه
ضاق خلق سعد:لا حاجه بسيطه
بدر نزل بوكه وخاتمه وجواله وراح لدورة المياه شوي طول وسعد نسى ان بدر موجود
دخلت سمر:السلام
سعد رد السلام هلا سموره وش بغيتي امري
سمر بنظرة حيا:اسفه وربي اغراض مهمه
سعد:ههههههههه ياشيخه مطوله سالفتك تامرين امر يااختي الغاليه
سمر:تسلملي بس وصارت ترمش بعيونها200ريال
سعد وهو يمد يده لجيبه يطلع بوكه دوره مالقاه:اوه شكلي نسيته فوق رايح اجيبه
سمر ناظرت على الطاوله وشافت بوك راحت فتحته سعد يحسب ناسيه حست انه ثقيل مع ان المحتويات خفيفه
فتحت سحاب وانصدمت يوم لقت سلسالها ناظرتببطاقة الجامعه صورة من هذي وش جاب سلسالي وبشهقه بدر
دخل بدر:سعد تدري ان وسكت يوم شافها وبيدها السلسال
سمر ناظرته بحقد واول ماشافته طاح من يدها وراحت تركض وبين عيونها صوره بالبوك نزلت دمعتها من حضرته علشان
يحتفظ بسلسالي الصوره الصوره يوم انهم صغار ويدينهم على كتوف بعض ومبتسمين ليه محتفظ فيها
بدر تنهد وهو يلم اغراضه لداخل البوك
سعد دخل:اف نسيتك شفت سمر كانت هنا
بدر تنهد:ايه وراحت تركض تقول شايفه جني
سعد:هههههههه تدري سمر حساسه مره الحين تلقاها تلعن انها دخلت
بدر بابتسامه:بس انا مو غريب
سعد:الله يعين الي بياخذها وناظر بعيد وياحظه بها مجنونه وحكيمه بافقدها
بدر بعصبيه:لسا صغيره على الزواج
سعد استغرب:وانت ليه معصب
بدر بمجرد تفكير ان سمر لغيره يعصب:عن اذنك انا طالع
دخل سعد يعطي لسمر الفلوس ولقاها بحالة صدمه وسرحانه
**************
في اليوم التالي:
ام متعب:الف مبروك ياولدي
متعب بابتسامه:الله يبارك فيك
يحيى:عقبالي يارب
الكل يناظره بتعجب
يحيى:هههههههههه قلت شي انا
تركي:انا قايل لكم عمي يحيى غير وبصوت عالي غيييييييييير
يحيى نقع ضحك
بدر:تسلملي الضحكه ياشيخ
نواف:عقبالنا يارب
بدر تنهد وبوز:امين يارب
الكل:ههههههههههه
شوي طلع يحيى المزرعه واتصل بدلع
دلع هلا عمو
يحيى:ههه هلا فيك تصدقين مااحب احد يقولي عمو الا انت نطقك لها حلو
دلع:هههههه تسلم يااحلى عم
يحيى:اقول تراك طولتي علي بتدفعين الفاتوره
دلع:هههه ايه زين احلم
يحيى:اقول انزلي تحت مافيه احد ابغاك بسرعه جا بيقول بالمزرعه بس هي سكرت ههه يحليلها صدقت انها طولت علي
نزلت دلع وهي تقمز درجتين درجتين عمها يناظر التلفزيون وهو واقف معطيها ظهره قمزت عليه وحظنته من ورا
دلع:هاي عمو شو بذك مني ليكون عشأن
متعب تجمد بمكانه يحس بقلبه الي يخفق ورعشة ايدينه مسكها بدون مايرد وصد عليها دلع تصنمت بمكانها:حسبتك 00 حسبتك عمي
قطع كلامها وهو يقلدها:عشأن وغرقان لحد شوشتي
دلع بلعت ريقها:متعب اتركني الحين احد يشوفنا
متعب:عادي زوجتي
دلع جت تبي تتكلم:لا لسا وخدودها حمرا
قاطعهم صوت ضحك يحيى:قلتلك تحت بالمزرعه
متعب يغمز لعمه:يعني قاصده وتقولين تحسبيني عمو يحيى
يحيى مات ضحك عليهم
دلع قطبت حواجبها وزمت شفايفها وشوي وتبكي:لا والله انتم الرجال تفكيركم خطا تبي تتحرك ماتقدر متعب ماسكها قوه
يحيى جا وبفكاهه:اقول انت ابعد عن بنت اخوي
فكها متعب ضربت صدر يحيى وهربت وهي شوي ويوقف قلبها ومتعب ويحيى ميتين ضحك
نزلت شوق تركض:الله يقطع عدوينكم شمسوين بدلع وهم زادو ضحك
شوق:حرام عليكم روحوا شوفوا وجهها وقلبها شوي بيطلع وناظرتهم بعصبيه عديمين احساس
****************
شادن:خلونا نروح بيت خالتي
فجر:لالا استحي
نوف:اليوم ملكت متعب ودلع خلونا ننبسط مع بعض
ام منصور :خلوها بكره نروح كلنا
شادن:الحمد لله امي موجوده ولا كنت طقيت
دخل ابو منصور والكل سكت لانه معصب
ابو منصور:قومي جيبيلي مي"مع انه فيه خدم"
قامت نوف تجيب شربت بعدين جابت لابوها
ابو منصور بصراخ:ساعه علشان تجيبين مي
نوف مدت المي لابوها وهي ساكته
دخل منصور وسلم
ابو منصور بابتسامه:هلا بولدي
البنات قامو يبون يروحون لغرفتهم
منصور:اذا حضرت الملائكه هربت الشياطين
فجر:انطم انت قليل ادب
نوف تنغزها بمعنى اسكتي
ابو منصور:انت انطمي هذا رجال كلميه زين
راحت فجر تركض ووراها خواتها وقعدت بغرفتها تبكي
شادن:خلاص فجر يعني ماتعرفين ابوك
نوف تقفل الباب:عنصري متخلف
شادن:وجع نوف هذا ابوك
قعدت نوف ونزلت دموعها:ياربي ابوي متى يحس فينا
فجر:متى اتزوج وارتاح
شادن:قولي من الاول مشتاقه لنوافوه
ابتسمت رغم الدموع وضربت اختها خفيف:انقلعي يادبه
جلسن يضحكن رغم الام والدموع

دوما اصعب ابتسامه هي التي تكون في وسط الدموع



**************************
نور تبوس راس ابوها:يبه انا رايحه تبي شي
ابو بندر بابتسامه:وين رايحه
نور:نسيت قلت لك من امس بروح مع صديقتي بتوديني عند المصممه
ابو بندر:لو تبين انا افتح لك مشغلك الخاص وهذي تساعدك
نور بفرحه وهي تبوس راس ابوها:الله يخليك لي ومايحرمني منك
جت ام بندر:ايه ابوك وبس احنا الله لنا
ابتسمت نور وهي تبوس امها:تسلمين لي يالغاليه وناظرتهم يالله مع السلامه
طلعت كانت هيفاء واقفه عند الباب جايه بتاكسي ركبوا مع السواق ومشت السياره
نور:اكيد حلوه التصاميم
هيفاء:اوه ميه بالميه

*********************
"انا ماهمني حزني ولاني للفرح مشتاق ولاكن ليه هالدنيا اذا ابضحك تبكيني"
الكل جالس بالصاله يسولفون ويضحكون ولا يخلو من التعليقات على دلع ومتعب
ام متعب:والله يادلع شكلك ناويه على ولدي من زمان
دلع:انا ليه؟
ام متعب:من يومك صغيره وانت تقولي زوجي متعب
دلع وخدودها حمرت:والله مااذكر
الكل:هههههههه
شوق:يمه ولدك الي صدق ناويها كل صوره شايل دلع وشاق الابتسامه
الكل:هههههههههه
متعب:هههههههههه
بدر وهو طالع:اف متعب يضحك
نواف لحقه:يارب عأبالي
تركي:اشبع منها ترا الايام الجايه مابتشوف خشتها
والكل طلع ماعدا متعب وشوق ودلع وام متعب وابو متعب
متعب كان يناظر دلع من تحت لتحت
جات الشغاله واعطت ضرف لمتعب
متعب ابتسم يحسبه كالعاده من البنك او شي مثل كذا
وناظر لدلع نظره ماعرفت معناها فتح الضرف وطلع محتواه تراجعت الابتسامه وتشابكت حواجبه وبدا يغلي نار بلع ريقه وفتح ازارير
ثوبه وحمد ربه ان اخوانه مو موجودين نزل شماغه واعطى الظرف لابوه ووقف عند دلع وهو يوريها صوره من الضرف
دلع تجمدت وهي تشوف صورتها بوضع مخل ناظرت متعب وقبل تنطق كانت مرميه عند رجوله نزلت دموعها
ابو متعب بدا يضربها ضرب بالغصب متعب سحبها منه وجرها من شعرها بين صرخات ام متعب وشوق وشهقات دلع بالبكي
شوق بصراخ:متعب حرام عليك اتركها
متعب بصوت عالي مخيف:ياحيوانه000000انت وحده حقيره عطيناك الثقه وكذا تسوين فينا ودخلها لغرفته وسكر البابعليها
دلع طاحت على الارض ومتعب يسب ويشتم حاولت تفهمه بس هو منفعل وكل ماتكلمت زادت ثورته وغضبه وضربه طلع بعد ماقفل الباب
وخلاها داخل ونزل هو تحت
متعب:يبه الاسبوع الجاي العرس فضحتنا الحيوانه
ابو متعب ساكت
شوق:متعب والله دلع مظلومه مستحيل تسوي شي مثل كذا انت
متعب ضرب شوق من حر مافيه كف طيحها على الارض وقعدت تبكي اكثر
لم الصور وحطهم بالضرف:والله لو درى واحد من اخواني بشي ياويلكم زين راح المطبخ واحرق الصوروبنفسه"الحيوانه مسويه
فيها مستحيه وخجوله وتخون ثقتنا فيها"
******************
دخل يوسف للبيت وهو يفتح الباب لبيان تساعد عفاف بالمشي دخلتها وجلست على الكنب
يوسف ناظر نظره سريعه وابعد عيونه حتى مايبي يشوفها وش يشوف اخضر على احمر من الضرب
ام يوسف بكرسيها المتحرك:الحمد لله على سلامتك يابنت
عفاف بصوت مبحوح من البكي وهي موت مستحيه من يوسف منقذها:الله يسلمك كح كح كح ياخاله
بيان:تعالي عفاف هذي غرفتك واشرت على غرفه بجنب غرفتين ارتاحي فيها
انصدمت عفاف يعني مابتكون مع يوسف بغرفه وحده ماتدري تفرح لانهابتاخذ راحتهااو تزعل لانها متزوجه بس حمايه لها راحت وهي
تعرج لغرفتها باست بيان وهي تمسح دموعها دخلت معها بيان لغرفتها حطت كيس فيه ملابس ماعندها شي تحطه بالدرج
ابتسمت بيان:عفوفه ارتاحي انت هنا معانا
اغتصبت الابتسامه وطلعت بيان شافت اخوها واقف للحين وسرحان
يوسف بنفسه"يالله وتعرج بعد انا شسويت بحالي استغفر الله وتنهد لا يايوسف لا تتحسف انت انقذتها انت سويت خير"
بيان:يوسف شفيك؟
يوسف:مافيني شي تبين شي؟
بيان وهي تاخذ اخوها من يده وتسكر الباب:يوسف ماعندها ملابس حرام
يوسف:خلاص امشي نجيب لها ملابس وبعدين هي اذا صارت بخير تروح تشتري لنفسها
بيان:الله يجزاك خير صدقني مابتندم على الي سويته
*****************************
صحى نايف من النوم وفتح باب غرفته شاف رائد قاعد بالصاله وكانه ينتظر احد راح غسل وتوضا وصلى
نايف:شفيك
رائد:ههههههههه الغبيه بتجيني برجولها
نايف:حرام عليك
قاطعه رائد:ياشيخ خلني استمتع بشبابي ولو سمحت ماابي نصايحك حافضهم
نايف قام وراح لغرفته وفي باله"وين اهالي هالبنات"قبل يسكر باب غرفته سمع صوت الجرس سكر الباب
رائد تخبى بالمطبخ والشغاله فتحت الباب الي لابسه بدي كت وجنز وحاطهميك اب اخر كشخه
دخلت هيفاء ونور
هيفاء:روحي نادي ماما
نور:ايش هذا ولا راعية البيت
هيفاء:اقعدي الحين تجي
قعدت نور وهي مو مرتاحه ابدا
هيفاء:تطمني لاتتوترين
نور:هيفاء شكل الشغاله مايريح خلينا نمشي
بدون ماتنتبه طلع رائد وقفل الباب وصفق بسخريه:واو روعه تسلمين هيوفه
وقفت نور بخوف:مين انت؟ هيفا مين هذا؟
وقفت هيفاء متخوصره:هذا هههههههه الي بيكسر غرورك
نور وهي تتراجع لورا وتلتزق بالجدار وعلى نفسها:حرام عليك وش سويتلك انا اسألك بالله ماتلمسني
رائد بضحكه شيطانيه:قديمه ماتنفع
نور:ماعندك خوات ماتخاف عليهن انت
رائد:لا
نور ودموعها سيل:الله يخليك
رائد وهو يقرب منها:هالجمال كله وين متخبي
نور قعدت تصارخ وتبكي وهيفاء تضحك
رائد وهو يمسكها:تعالي حبيبتي ماراح اذيك بس نستمتع شوي بشبابنا
نور:حرام عليك وتصارخ بصوت عالي وهو يحاول يمسكها ويسكتها
طلع نايف على صوت الصراخ ويبعد رائد عنها :ابعد ماتبيك ناظرها وجن جنونه
رائد:نايف رجائا لاتدخل
نور مسكت بثوب نايف وهي تبكي
نايف:قلت لك خلاص وراح لعند الباب اخذ اغراضه وهي متمسكه فيه وهو وده يذبحها وش جايبها هنا اخذ من رائد المفتاح وطلع
ورماها بالسياره رمي وهي ماتقدر حتى تتكلم الي صار ماتتمناه حتى لعدوها
نايف بصراخ:وش جايبك هنا يا00ياحيوانه انت القبر مكانك خالي ماعرف يربيك وخربك بدلعه لك
نور:والله مالي دخل
نايف:لاتحلفين بالله اسكتي
وصلوا البيت نزل وفتح الباب وجرها من يدها جر صادف وجود طارق جا يركض
طارق:نايف وش تسوي
نايف رماها على الارض:اسأل اختك شموديها عند رجال بشقه قبل يكمل كلامه كان طارق يضربها هذا اخر شي يتوقعه
نايف:اكيد ماكانت اول مره
طارق:تكلمي وش موديك
نور من بين شهقاتها:والله والله ماادري صديقتي انقطع كلامها يوم طارق شالها من شعرها وهي تتأوه وتبكي
طارق:نايف"بنظره كسيره"استر علينا الله يسترك مابي احد يدري ابوي لو درىبيروح فيها تدري قلبه مايتحمل
نور شهقت
طارق:تتزوجها يانايف
نايف بصدمه بس سكت هذي بنت خاله وسمعتها من سمعته
طارق:ارجوك يانايف تتزوجها بكره زوجها بيفضحنا حتى لو طلقتها بعد كم شهر خذها معك لكندا ان شاء الله تذبحها
بس ابوي لا يدري ولا بندر لانه اكيد بيذبحها ويروح فيها
نايف:خلاص قول لخالي واقنعه بكره التاليل قوله مستعجل علشان سفرته لكندا
طارق يبوس راس نايف ونايف يبوس راس طارق
طارق:هذا عشمي فيك ولد عمتي
نايف راح وكل هموم ارض فوقه فقد حبيبته وراح يتزوج الخاينه الحقيره
دخل طارق نور لعند امه وهي ميته من الضرب والبكي
ام بندر:سم الله عليك ليه مسوي باختك كذا
طارق بصراخ:اسألي بنتك وشوفي اخرة الدلع
نور:والله العظيم ماادري وقعدت تقول لهم السالفه
طارق:انطمي ياحقيره ولك عين تتكلمين يمه نايف بكره لازم يحلل علشان يسافر وياخذها معه
ام بندر تبكي:انت وش تقول
***********************************
رعد:اجل انا وين اروح
عمه:انقلع وين ماتنقلع مالك شي عندنا اخوي رباك والحين مات
رعد:بعزا امي تطردني من البيت
عمه:هههههههههه امي قال امي روح دور على اهلك استغفر الله هذا اذا عندك اهل
رعد سكر الباب وخلاهم برا يصايحون عليه وبنفسه يغلي غلي كل هالسنين الشقا والمذله من عمامه عرف السبب هو مو ولدهم اجل ولد مين؟
الله ياخذك ياسعيد"عمه"الحين وين اروح يكفيني الديون الي على راتبه والسبب علاج ابوي اه يالقهر ويطلع مو ابوي طيب ليه يسوي فيني كذا
رعد منو رعد؟
"ابو رعد حزن على فقدان طفله الاول الذي انجبه بعد سنوات من العقم وعند ولادته توفىماصدق الي حصل فقرر انه يستولي على طفل
من الحضانه اخذ رعد ورباه بس حالته الصحيه والماديه كانت مره ضعيفه بطلاعة الروح تخرج وللحين بدون وظيفه ثانيه غير الي انطرد منها
بعدها مات وبكم سنه ثانيه ماتت امه"هو مو ولدهم وماله حق بالورث وش ورثه بيت مهدم وترك لرعد الديون واعمام ماترحم
*****************
في اليوم التالي
دخل متعبلغرفته شافها نايمه على الارض وشكلها كانت ميته من البكي واثار الضرب عليها كسرت خاطره وده يشيلها بس يتذكر الصور يثور ويقول
خلها تستاهل
قامت دلع ناظرت بتعب:متعب
متعب بعصبيه:انطمي لاتنطقين اسمي
دلع:اسمعني طيب لاتحكم علي لاتظلمني
متعب يدفها بعصبيه وطاحت:شفت بعيوني الصور وش تبيني اقول
دلع تبكي:وقسم بالله مظلومه انا مستحيل اسوي شي مثل كذا متعب ماتعرفني انا دلع انت الي مربيني
متعب:لاتحلفين بالله يال00000
دلع:وربي قبل ماتكمل كان متعب ماسكها من رقيتها ورماها على الارض بكل قسوه
دلع بكت وتكورت على نفسها"هذا مجنون يمكن يذبحني"
متعب:حقيره الاسبوع الجاي بيكون العرس فاهمه مابي فضايح
دلع:فضايح لا يامتعب انا ماجبت الفضيحه انتو مو واثقين من تربيتكم وبعدين شف وجهي انت الي بتسوي فضيحه
متعب:لا بعد تتكلم ومن بين اسنانه اسكتي ابرك لك طلع وسكر الباب وراه بقوه بس ماقفله ضل واقف ورا الباب وهو يسمع
صوت شهقاتها يتعذب ويعذبها يحس بصدقها بس منظرها بالصور يقتله
جت شوق ومعاها الاكل:متعب خلي دلع تروح غرفتها شوي بيجون بنات خالتي
متعب راح بدون مايرد وعلى ملامحه اقسى التعابير بعكس قلبه اللين والحنون
************************
رائد :نور اخ يانور عمري ماشفت بنت مثل جمالك وعنادك ههههه
عليها وجه سبحان رب خلقها بس وين تروحين مني بلقاك يابنت ابوك
************************
نايف قاعد بغرفته وتوه جاي من المستشفى سوو التحاليل وصديقه خالد بيطلعهم بعد شوي كره حاله وكره نور ليه يانور كنت
بعيني شي ثاني وش صارلك لاحول ولا قوة الا بالله
سمع نغمة جواله:الو
خالد:ايه علينا مسوي حالك ثقيل بالله شوي وانا جاي
نايف بدون نفس:حياك الله
دخل خالد من باب الرجال وهو داخل شاف بنت اكيد اخت نايف ماامداه الا لفت وبيدها هوز"طرطوش"المس تسقي الزرع الي
على الجوانب الممر ورشت خالد معها
سعاد شهقت:منو انت ورمت الهوز وهربت
طلعت سمر:سعاد امي تقول وسكتتها سعاد الطايره لعندها وجرتها معها لداخل
خالد بصدمه سكت شوي وبعدها نقع ضحك على البنت وعلى شكله المليان مي
نزل نايف وشاف خالد بهالحاله:ههههههههههه وش حايسك كذا
خالد بنفسه"صاحب الطرف الخجزل":هاه مدري كانت شغالتكم تسقي الزرع وحاستني
نايف:ادخل ادخل قبل تصكك مرضه تعلمك زين ادخل
دخل خالد وكل فكره بالبنت الي رشته بالمي
نايف:شفيك
خالد يضيع السالفه:خذ هذي التحاليل والف مبروك
نايف تمنى يكون شي بالتحاليل ابتسم غصب:الله يبارك فيك وعقبالك
خالد ابتسم وفي باله الي شافها قبل شوي:امين يارب
نايف ناضره:اووه في تطورات من ورانا تبي تعرس
************************
روان"ياربي ليه يعلقني فيه ليه حيروني له وهي مقطعها البكي انسيه خلاص ماراح اتزوجه لمن يطلقها ليه يايوسف تسوي فيني كذا انا
احبك وانت رحت تتزوج اخت السكير"سمعت صوت الباب راحت فتحته بعد مامسحت وجهها
مهند:اهلين خيتو اخبارك
ابتسمت روان:هلا فيك"سكتت وبعدين قالت بحزن"الله ثم انت ولا كان حالتي حاله الله يخليك لي يارب
مهند:لا تبكين يوسف يمكن مو من نصيبك الله يهديهم ابوي وعمي مافكروا وش يصير معنا حط يده على كتف اخته لاتزعلين حالك
الزواج قسمه ونصيب وان كان نصيبك بتاخذينه
ابتسمت روان بامتنان:مشكور يامهند وقفت معي
******************
بدر:مبروك فرحت لك من قلبي عقبالي
نايف بدون نفس:الله يبارك فيك
بندر بفرحه:والله انك مستعجل ليه ماتخليها والمره الجايه تتزوجون وقبل مايكمل قاطعه
طارق بعصبيه:لالا خليه ياخذها هو يبي احد معه بكندا
علامة تعجب كبيره عند الجميع من عصبيته
نايف عرف ان الجو توتر:ههههههه وش تبون مني رجال ومستعجل بالعرس
سعد بفرحه:حتى ماانتظر اخوه الكبير
نايف:انت مطول انا ابي احد يونسني بغربتي
بندر:وانت بدر ليه ماتتزوج قبل تسافر بعد
بنضرة اليأس وتنهيده معناها عميق بدر:الي يكتبه ربك بيصير
نواف حس بااخوه واستغرب معقوله بدر يحب احد شكله بعد السؤال غير 180درجه
خلى المجلس الا من الاقارب الي هم العمام وعيالهم وعيال العمه
ابو متعب:كانك ياولدي تبي وحده في بالك قلي وانا اخطبها لك لو تبيني الحين اقوم
استغرب بدر كلام ابوه وكنه داري ومايدري وش يقول
متعب:وش فيك تبلمت اخلص طيارتك الاسبوع الجاي الحين نايف مو فاضي لك معرس جديد
الكل:ههههههههههه
نايف بنفسه"تخسي تاخذ اهتمامي":ايه مو تزعجنا
بدر ناظرهم:واذا قلت لكم ابي اتزوج انا بعد
الكل:ههههههههههههه
ابو بندر:وش السالفه ياتعنسون ياتتزوجون مره وحده
الكل:هههههههه
بدر بصوت متوتر عالي يخفي شي من توتره:انا ابي اخطب اخت صديقي الغالي نايف
نايف فتح فمه:وش تقصد
طارق بنظره لبدر خوفته وحسسته ان طارق غار
طارق"ليكون يقصد سعاد"
بدر:انا ابي اخطب بعد اذن ابوي سمر
وهنا طارق تنفس براحه
سعد:والله هذي الساعه المباركه بس انت عارف مو انا الي بتزوج لازم اخذ راي البنت وامي وانت يابدر ماشاء الله
عليك ماعليك قاصر
بدر اقتضب وحس بشي داخله يقول انها بترفض ونايف فرح لانه يعرف بدر اكثر من نفسه
دخل سعد وناظر اهله امه وسمر وسعاد
جلس شوي وهو في نفسه موافق :يمه جونا خطاب
سمر وسعاد ناظروا بعض بحيا وجن يبن يقومن
سعد:لحضه لحضه لازم تسمعن
بعد ماجلسن البنات سعد:الصراحه بدر ولد خالي خطب وسكت وناظرهم"سمر خنقتها العبره وسعاد بصدمه ودها مو هي"خطب سمر
سمر راحت تركض ماتبيهم يشوفون دموعها
سعاد:ههههههه استحت
سعد:وليه انت لو مكانها ماستحيتي
سعاد وهي تتخيل قامت وخدودها حمرا وضربت اخوها مزح وراحت ورا اختها
سعد:ههههههههههههه
دخل نايف فرحان:سعد خبرتهم
ام سعد:الله يكتب الي فيه الخير

في غرفة البنات
سعاد:الحين انت ليه تبكين هاه
سمر قالت لها عن يوم المجلس
سعاد باستغراب:طيب ليه معقوله
سمر:حمار والله مستحيه من خالي ارفضه وهو عمره ماقصر معنا
سعاد:والله بدر طيب
سمر:طيب انا اكرهه وش اسوي بطيبته
سعاد:سمر حرام ليه تقولين كذا
سمر تبكي:يارب وش ارد عليهم
سعاد:شوفي الفرحه بعيون امي وسعد
سمر زاد بكاها
نايف طق الباب
شهقت سمر:مين
نايف:انا
سعاد :بسرعه امسحي دموعك لايشوفك كذا شوي قامت سعاد وفتحت الباب لنايف وهي طلعت
نايف ناظر اخته بفرحه:اوه خطيبة بدر وسكت يوم شاف عيونها اختفت ابتسامته:سمر انت تبكين
ابتسمت سمر غصب:لا مافيه شي بس متخانقه مع خويتي
نايف:يوه سمر خوفتيني احسبك رافضه والله بدر اخوي واكثر واكثر اعرفه زين صدقيني بيسعدك حتى وحنا في كندا حريم اشكال
الوان سبحان ربي خلقهن عمره ماناظر فيهن وبعدين "يتكلم بابتسامه"وسيم البنات يركضون وراه وهو حتى ابتسامه مايبتسم لهم

سمر ساكته وكان احساسها بالغيره يمكن حب التملك عند المراه
نايف:اخليك تفكرين براحتك وترا اذا وافقت بتسافرين معنا الاسبوع الجاي
سمر زاد همها يعني ماتبيه وباسبوع واحد تتزوج فجأه
نايف:ليه ساكته
ابتسمت رغم العبره المخنوقه وهي تبل ريقها:افكر
**********************
متعب :تركي متى نروح الدكتور
تركي تنهد:اليوم
متعب:يالله امشي انا بروح معك
بغرفة الدكتور
الدكتور باندهاش:حالة تركي حاله نادره طيب ياتركي انت ماظهرت عندك علامات البلوغ
متعب ناظر الدكتور بعصبيه:انت وش تخربط
تركي:متعب لاتعصب كذا توترني اكثر وناظر الدكتور مثل ماقلت لك ابدا
متعب بصدمه:كيف
الدكتور:الصراحه انت لازم تروح دكتور ثاني يفهم حالتك
متعب:ليه هو وش فيه؟



مالذي سيحدث لابطالنا
سمر هل بتوافق على بدر
نور ونايف وش راح يصير عليهم
دلع ومتعب
تركي وش فيه
طارق هل سيتزوج سعاد
طريق القدر طوييييييييل ومتعب جدا
انتظروا البارت القادم

ابيييييييييييييييييييييييييي توقعاتكم

السلام عليكم ورحمة الله وبركاته
هذا البارت السادس

في غرفة الدكتور الثاني
د-وليد:اخ متعب ارجوك تتفهم الموضوع
متعب:وش اتفهم تقولي اخوي بنت وش اتفهم
تركي:متعب خلني اركز شوي المفروض تساعدني
د-وليد:لازم يعمل العمليه لانه فيه خطر على شديد على نفسيته 19%من فاقدين الهويه الجنسيه ينتحرون بسبب الهرمونات
الي ياكلونها او حالتهم النفسيه السيئه وناظر تركي انت داخلك انثى كامله حتى اشعة الدماغ انثى كل شي حتى
000000
متعب حس بصدمه بداخله كيف ماانتبهوا ان تركي ماطلع له حتى شارب وجسمه الحلو وشعره الغزير حتى وهو صغير
ناعم جدا ويحب يجلس مع البنات وخاصه شوق ودلع
طلع تركي ومتعب يساعده على المشي لان صدمته كبيره توقع سالفة هرمونات وتنتهي السالفه
مشى ولا يدري عن الي حوله
خالد:محمد هذا مو تركي
محمد:الا وش فيه
المنظر هز خالد من داخله يوه الانسان قوي بس بين يوم وثاني تروح هالقوه
محمد:شفيك انت بعد
خالد:لاتتشمت حرام ممكن يصير لنا مثل هالشي تركي مريض رغم العداوه الي بينا من يوم دخل للكليه الا انه فيه شي مميز
محمد :الله يصبرني عليك وناضر مكان بعيد جت جت
خالد:استغفر الله انت واحد مجنون
محمد يناظؤ فجر:نفسي اكلمها بس هي ماتعطي احد وجه
خالد:ههههههههههه تدري انها بنت خالة تركي
محمد:لاتقولها رحت وطي انا اكيد حلوه مثله
خالد:الله يشفيه
********************
دخل متعب وهو تعبان ووقف كل تفكيره باخوه تركي الي دخل غرفته وقفلها عليه دخل شافها نايمه على سريرها وبغرفتها لابسه
بيجامه فوشي باابيض كانت علاق برمودا راميه نفسها رمي بدون حتى غطى كثير تمنى يمسك يدها والحين يوم صارت له وحلاله
مايقدر يمسك يدها ليه ليه يامتعب ناظرها وبعد نظره ورجع يناظرها اثار الضرب بوجهها وايدينها ورجولها ناظر بطنها الي طالع شوي
لانها وهي نايمه معتفسه شكلها الطفولي وعيونها الذباحه جايبي يغطيها وبنفسه لا يامتعب لاتقرب منها لا حرام خلني اغطيها
واطلع يوم قرب وغطاها لمس جلدها الي صاير ازرق سرح بعيد بدون مايناظر
حست دلع عليه غطاها نزلت دمعتها تذكرت متعب يوم كانت صغيره هو الي يغطيها شافته سرحان وفجأه ناظرها وهي مسحت دمعتها
متعب بسرعه قام:تغطي زين مو مطلعه رجولك وايدينك تحسبين نفسك بتغريني بهالشكل بالعكس انت ماتهزين شعره من راسي وطلع
دلع بكت ليه تبكي والله حتى الدموع ملت مني
*****************************
يوسف قاعد يتعشى هو وامه وبيان ولاحظ يوسف ان عفاف حتى ماتطلع من غرفتها
يوسف:وين عفاف
بيان بفرحه:تستحي تطلع للحين ماتعودت
ام يوسف:روح ياولدي ناديها
يوسف:يمه تدرين اني بس تلقى نصيبها بطلقها وباتزوج بنت عمي لاتعشمين البنت فيني بيان قومي ناديها ضروري تاكل
بعد طلب وغصب جت عفاف وهي منزله راسها ميته من الجوع بس تكابر مستحيه من يوسف "الفارس الشجاع"منقذها قعدت وتكورت على
نفسها صار مكانها يقول طفله مو بنت ب19
الكل ياكل وعفاف تاكل وهي تحاول تخفي جوعها
يوسف ياكل وكل شوي تطيح عينه عليها رحمها وجهها شي احمر وازرق وشفايفها وارمه وضعيف لدرجه كبيره لابسه شي على
شعرها ماشافه زين نزل عيونه قبل تطيب نفسه من الاكل
قام يوسف:الحمد لله
بيان:يوسف عفاف تقول لك مشكور وماقصرت على كل شي ومابتنسى معروفك معها
يوسف لاشعوريا ناظرها:العفو ماسويت شي
عفاف قلبت حمرا من الخجل
يوسف:يالله انا رايح تبون شي
ام يوسف:سلامتك
بيان حزنت على حال هالاثنين
***************
خالد قاعد زكل فكره عند البنت الي رشته مويه سمع اختها تناديها سعاد حياتي كامله ماشاء الله فلوس ودراسه كل شي وكامل الشي الناقص
وجهها الطفولي وحكيها ابتسم معقوله مااقدر انساها
رائد"خلاص اطلعي من راسي"هلا خالد اخبارك
خالد تنهد:بخير الحمد لله
محمد:انتم شفيكم احس انكم مو على بعضكم الا وين نايف؟
رائد:زعلان علي
خالد:ليه وش عندكم؟
رائد قالهم السالفه
خالد:انت الغلطان هذي اعراض ناس وبنات قبايل وحرام عليك ترا عذاب الزاني يوم القيامه شديد
رائد:يوه عاد انا خلصت من نايف جايني انت
****************
في نادي الكاراتيه كان تركي يطلع حرة قلبه بالتدريب
المدرب:ستوب وقفوا وناظر تركي وبعتب تركي شفيك ليه اليوم كذا اذيت زميلك
تركي وهو يتنفس بسرعه ويمسح جبينه:اسف
المدرب عرف ان تركي فيه شي:خلاص روح الحين ارتاح واذا شفت نفسك هادي تدرب
تركي شال شنطته وطلع وقعد يتمشى بالنادي مايبي يروح البيت مايبي يواجه احد شاف خالد وهو يجري على الة السير شاف جسمه
الرياضي كان يسولف مع الي جنبه محمد صديقه ويضحك وهو يمسح العرق عن جبينه حس ان فيه شي مميز يمكن علشان يعرف اخوانه
وعيال عمه وعمته بالاول كان يكرهه بس الحين عادي مافرقت عنده
***********************
رعد:يوسف قلي وانا اخوك وش اسوي
يوسف:تعال اجلس عندي الين الله يفرجها
رعد تنهد:والنعم بالله مشكور مااقدر
يوسف:طيب تاكد ان البيت باسمك اولا
رعد:صح عليك انا مافكرت بهالشي
يوسف:حتى لوكان بس تأكد وان صار شي عليك خبرني تراك مو غريب جا يبي يروح وبعدها ناظر لرعد
رعد:شفيك
يوسف:انت "تذكر انه مخطوف من الحضانه"ولاشي بس شفت واحد يشبهك يالله مع السلامه
دخل يوسف البيت سمع صوت صراخ دخل بسرعه وشاف فايز عند مدخل البيت ويجر اخته لبرا هذي المره غير هي زوجته حلاله يقدر يدافع
عنها جا يركض وابعده عنها ورماه برا ورجع لداخل وهو يناظرهم
بيان:ماقدرنا عليه الله وسكتت وهي تناظر اخته
عفاف تبهذلت :اسفه وراحت
يوسف:شفيها هذي ليه تتأسف
بيان:محمله حالها ذنب تقول تزوجتها وابتليت فيها
يوسف ناظر بعفويه وتنهد ودخل البيت وعفاف مو قادره تناظر بالكاد نطقت
عفاف:اسفه يوسف والله ماكان قصدي اغثكم بمشاكلي بس ونزلت دمعه من عينها انتم الناس الي بقولي
هزت هالكلمه يوسف:لا عادي عفاف لا تتضايقين
يوسف قال هالكلام بس ماتوقع وقعه على عفاف مثل الي يشيل سهوم من صدر جريح من ظهر شاب وهو شباب
بيان:يالله عفوف خلينا نسوي مع بعض حلى للقهوه
ابتسمت عفاف بشفايفها الوارمه وراحت مع بيان
ام يوسف:لاحول ولاقوة الا بالله
يوسف:الله يصبرها وحس بعطف وشفقه على هالبنت الي رماها القدر بايدين اخوها السكير
*******************
دخل غرفته بعد مافتحها بالمفتاح شافها تقرا قران ودموعها على خدها
متعب:تبكين على ذنوبك يادلع
دلع سكرت المصحف ووقفت"كانت لابسه بيجامه بيضا ساتان علاق لون خيوطها اسود وتحت الصدر شريطه سودا ونهايته على جنب على شكل
فيونكه وعلى رجل وحده كتابات بالصيني باللون الاسود":انت ماتحس قلبك من ايش من ايش يامتعب ياولد عمي من ايش؟
متعب:كان حسيتي باحساس الخيانه
قاطعته دلع:اولا لمن اكون مذنبه علشان احس ثانيا تاركني من متى بدون اكل مسكت راسها وكانت تبي تطيح من متى حتى ثلاجة غرفتك مافيها
حتى مويه
متعب"اف نسيتها"زين الحين اجيبلك
دلع بعصبيه:يعني مابتخليني اطلع ودفته بيدها ومن نفس اليد مسكها ورجعها
متعب:خير وين طالعه
دلع:اقولك بموت من الجوع اتركني
متعب:انطمي هنا انا اجيبلك
دلع ودموعها على خدها:انت وش اقول وبعصبيه هستيريه:مجنون حقير تافه ماسكتها الا كف من متعب طيحها على الارض وجات على خشمها
الي نزف شاف الدم على بيجامتها البيضاء وعلى ارض غرفته السيراميك قامت والدم ينزف خذت فاين وهي طالعه
متعب مامسكها لحقها:وين تبين تفضحينا
دلع:ابعد عني باانقلع لغرفتي
لحقها وسكر باب الغرفه وهو يناظرها فتحت ثلاجة غرفتها وخذت ثلج حطته على جبهتها وهي ترفع راسها ودموعها تنزل
متعب بنفسه"ليه خايف عليها ليه يامتعب لاتناظرها بخوف":علشان تعرفين تتكلمين مره ثانيه
دلع تمسح دموعها:يارب اموت يارب تاخذني وارتاح يارب اموت
متعب هالمره ماقدر يتحمل:انطمي اسكتي خلاص وطلع دلع قعدت وهي تبكي شوي جا متعب ومعه صينية اكل حطها عندها بدون مايتكلم
دلع كانت ميته من الجوع يوم شافت الاكل مسحت دموعها:مشكور ياولد عمي ماتوقعت يجي اليوم الي اشوفك السجان وانا المسجون
طلع متعب تنهد وهو يسكر الباب ليه يعذبها ويتعذب معها دخل غرفته شاف دمها على الارض شاف القران الي كانت تقرا به باسه وفتحه
يقرا فيه علشان يرتاح
*******************
شوق وشادن بالمطبخ
شوق:كتاب الطبخ وينه ساعه وانا ادوره هذي الخبله مدري وين موديته وهي تدحوس بالمخزن كانت شادن واقفه على شباك المطبخ
تناظر الحديقه تذكرت يحيى يوم فتحت باب مطبخ فلتهم بالمزرعه وتعثرت برجوله وطاحت ابتسمت
يحيى دخل :شوق وين حلاكم ماصارت وحط يده على كتفها بوو
شادن لفت وهي شوي ويوقف قلبها ويحيى يضحك بس اختفت يوم شافها سكت لحضه واستوعب وجا بيطلع بس صدم بشوق جرها معه
شوق:عمي وش مدخلك المطبخ
يحيى:مني هذي
شوق:وش سويت عمو
يحيى:اخلصي شوق مو وقته هذي شادن بنت خالتك
شوق تعجبت:ايه وش دراك
يحيى بصوت عالي:اسف ياشدونه"كان ينطق حروف اسمها بهزليه" كنت احسبك شوق
شادن قلبها يرقع"ويدلعني بعد
يحيى بصوت واطي لشوق:وش فيها صمخه
شوق:يوه عمو تستحي
يحيى بابتسامه:زين تقذلفي
شوق:طيب ترميك الايام علي وانشوف من الي يتقذلف وبسرعه هجت
ابتسم يحيى وهو يتذكر انها قبل شوي وللمره الثانيه جنبه وقريبه منه شسالفتهم صدق الدنيا صغيره
نواف:يحيى عمي شفيك اناديك تبتسم
يحيى ناظره وزادت ابتسامته وهو يبعد وجه نواف بيده
بدر:لا حالته صعبه الاخ
يحيى:نقع ضحك
نواف:الله يخلف على جدتي
*****************
منصور:اسمع لاذا كملت4 لفات العشى عليك الليله مع مفرداتها
عدنان:اوه تبشر بس خلنا نتحدى هذولا الوراعين ونعلمهم اصول التفحيط
منصور بعد مالف السياره كم لفه وطلع وهو يضحك ويجاكر :هاه ابو الشباب على مين العشى
*************
سمر:يمه انت وش رايك هو ولد اخوك وتعلافينه
ام سعد بفرحه:والله ماتمنى لك ولاختك الا واحد مثله يكفي ان نايف يحبه ويغليه وان ابوه خالك احمد
سعاد بصوت واطي:سمر مايبيلها توكلي على الله
ام سعد:استخيري يابنت والي كاتبه ربك يصير
قامت سمر وهي ماتبي تطلع دموعها ماتبي تطلع برا السعوديه ماتبي بدر كله على بعضه:يمه انا0000موافقه
ام سعد:كلولولولولش مبروك يابنت
**********************
ام متعب:انت وش تقول يامتعب
بدر:انت جامعنا علشان تقول هالحكي
نواف:معقوله يكون شي طبيعي وفيه ناس كذا
متعب:انا مثلكم تفاجأت بس انا شفت تحاليل ونتايج فاجأتني نسبة الانوثه طاغيه وغير هذا هو عنده اعضاء داخلي انثويه
تركي ساكت وقاعد
ابو متعب:لا مايسوي العمليه ان سواها ماهو ولدي
تركي قام:يبه انا قاعد اتعذب انا انزف انا مثل الضايع حاولت بس كل شي اسويه غلط وبيرجع على حساب صحتي
ابو متعب:قلت لا قدام الناس رجال لاتفضحنا ياتركي
تركي:ادفنوا تركي بالحيا علشان الناس الناس اهم من ولدك وطلع وهو يبكي
تركي الي دايم يحاول يمسك دموعه الحين نزلت وراح لغرفته
متعب:يبه فيه خطر على حياته ممكن ينتحر
نواف:متعب انت معاه بعد يتهالج ويخلصنا
متعب:علاجه يسوي العمليه انا فكرتكثير مافيه حل
سمعوا صوت صراخ وتكسير راحوا يركضون
شوق:تركي وش فيك تركي ليه تسوي بحالك كذا
متعب يمسك يد تركي ويرص على عروقه وعلى الدم
دلع تبكي:تركي
تركي اغمى عليه
ابو متعب شاف ولده كذا قعد على الكرسي وهو يفتح ازارير ثوبه
ام متعب:يمه وليدي وش فيك وتبكي وش صاير
بالمستشفى
طلع الدكتور:الحمد لله عدت على خير الجرح ماكان عميق كتبله ربه عمر جديد
اتصل متعب على دكتور تركي وبعدها اتصل على ابوه وطمنه
**********************
بعد مرور كم يوم يوم زواج متعب وبدر ونايف واليوم يسافرون بعد
طلع تركي من المستشفى ناظر ابوه وطلع على الدرج
ابو متعب:لاحول ولاقوة الا بالله
متعب:يبه
ابو متعب قاطعه:صعب يامتعب صعب
متعب:ادري مو سهله بس حياته اهم من كلام الناس بندفن تركي وبتنولد بنت جديده بعيلتنا
الكل مستغرب من متعب يعني هو اكيد معارض بس ليه يساعده كل البيت عرفواوام متعب على طول قاعده وتبكي الكل مصدوم
**********************************
دلع قاعده وشكلها تعبان مره لابسه ثوب خمري علاق من عند الصدر بلاسيه ومن تحته لولو مثل الحزام ومن تحت طايح مكياج
ناعم رايق على عدستها الرمادي


نور ابتسامه مقتضبه ضايعه لابسه فستان وردي ماسك من عند رقبتها ولعند خصرها وطايح طبقات وردي وابيض مع كرستال فضي


سمر ابسامه خجوله عذراء لابسه فستان بيذنجاني"موف غامق"كت كان عليها روعه

العرايس كلهن قاعدات جنب بعض على كراسي بعرس عائلي وعزوم عليه بعض المعارف والجيران ببيت ابو متعب

متعب مبتسم للضيوف وداخله هم كبير هو قال لابوه يسافر عن عيون الناس خلاص بيلغي السفره

نايف كان مبتسم على القدر يحب دلع واليوم زواجها وزواجه بس مو لبعض تذكر نور راحت ابتسامته كل علشان خاله واخوانه ولا هي ماتسوى

بدر وماادراك مافرحة بدر ماهو مصدق شاق الابتسامه وباين انه معرس بجد عكس الاثنين الي جنبه معقوله اليوم عرسه وعلى الي يحبها
ويعشقها ياه يازمن ميأست انها بيوم تكون لي الحمد لله
بعدها انزف كل معرس لعروسته يقعدون مع بعض شوي وبعدها ياخذون اغراضهم وعلى الطياره
متعب:يوه متى يخلص الوقت
دلع منقهره:صدق يامتعب اليوم الي بتعرف اني بريئه اخر يوم يكون بينا
متعب حس بثقتها الزايده بس مايقدر يشيل شكلها بالصور:على كيفك اصلا انا استمتع يوم اشوفك تبكين"ليه تبي تقهرها ليه"
دلع مسكت دموعها:انا قلت لك انت مريض نفسي
*****************
نايف ساكت ونور منزله راسها
نايف:ياربي وش هالبلوه اف
نور انصدمت وزادت جروح قلبها وسكين كلامه يطعن
نور تحكي لنايف بهدوء ونايف يسمع باهتمام غير واضح وكانه مايسمع
نايف:نور لاتحاولين انا شايلك من بين ايدينه وبشقته انت وحده0000 ولولا خالي وسمعته رميتك وطبعا هذي مو اول مره
نور نزلت دموعها:مهما قلت انت بنظري المنقذ وهي تمسح دموعها :انت ماقصرت
**************************
بدر مو مصدق سمر حبيبته قدامه يتأملها على كيفه:ياه واخيرا
سمر ماردت
بدر:سمر سموره
ناظرته سمر رافعه حواجبها:وع وش سموره
بدر:هههههههههه ادلعك
سمر:لا شكرا
سكت بدر:يحسبها متوتره مثله يخليها على راحتها احسن
سمر تحسفت:بدر "وهي تلمح الفرحه يوم نادته" كم ساعه نوصل لكندا
بدر ناظرها باعجاب:فيه احد يناظر عيونك ويعرف وش يقول
تلعثمت سمر واسكتت


نور دخلت غرفة دلع تتحمم وتبدل وتطلع لزوجها
وسمر بغرفة شوق ودلع بغرفة متعب
متعب دخل غرفته بيقولها انه كنسل سفرتهم طلعت دلع من الحمام عليها منشفه تغطي من عند صدرها لعند نص فخذها وشعرها المبلل
بالمي الطايح متعب كان يناظر وهو مايدري عن نفسه دلع استحت من نظراته تلعثم وش يقولها
متعب:اخلصي احنا تحت ننتظركم
دلع وخدودها حمرا:طيب اطلع بالبس
متعب قرب منها وقلبه يرقع وشكله بيخربها
دلع نزلت راسها:متعب اطلع برا
متعب:لاتنزلين وشعرك مبلل الجو بارد بالطياره وطلع"اف وش كنت بسوي لو مابنسافر كان ضعفت قدام هالجمال الرباني وتنهد وش هالحاله"
بالمطار

دلع ماكان معها احد تودعه بكت لانها اليتيمه المنبوذه جدها كان وده يجي معها المطار بس مايقد كبير بالسن

نور حضنت ابوها مثل الطفل تأملها نايف بعفويه كيف حاضنه ابوها خايفه من المجهول

سمر باست راس اخوها سعد ويده:مع السلامه ابونا الصغيرون
بدر:هههه وشو هههههههه
سمر تناظره وهو يضحك ابتسمت
سعد:مايحتاج اوصيك يابدر
بدر:توصيني على عيوني وصها هي علي

بالطياره
سمر قاعده ونبضها يزيد تخاف من الاقلاع ابدا ماتحب الطيارات
بدر يمسك يدها:حبيبتي لاتخافين انا معك سمر تستوعب انه خلاص صار زوجها ولازم تعامله كذا

نور كلش تموووت من الطيارات صدق كل سفرها بالطياره بس تكرهها وتخاف منها مسكت يد نايف
نايف:خير وبعدها عنه انت بيبي
نور:خايفه وربي وهي تبكي ان مامسكت يدك بقوم امسك يد اي احد
نايف بعصبيه :طبعا متعوده
نور:انت ماتحس وقعدت تبكي وهي مغمضه عيونها وماسكه يد المقعد

دلع كالمعتاد ساكته وهاديه وداخلها براكين خامده ومتعب مسك الجريده كالمعتاد
بعد مرور الكثير من الوقت الطياره ترتجف من المطبات الهوائيه
نايف كان نايم وحس بسرعه سكر حزامه ناظر بنور تبكي حس انها عن جد تخاف مسك يدها بس هي بعدته الجفا والخوف لهم عنوان
نايف يكلم بدر القريب منه:وش فيه
بدر:احنا على سما كندا ولا تقدر تنزل بسبب الرياح والامطار الله يستر

نور شهقت ومسكت نايف كان يبي يتنذل عليها ويتركها بس حضنها حرام كسرت خاطره
نور وهي تبكي:نايف يمكن نموت صح نايف
نايف:نور لاتخافين الي مكتوب بيصير
نور بهمس يسمعه:ماابي اموت وانت شاك فيني وربي مظلومه
نايف هزته من داخله :خلاص نور ان شاء الله نوصل بالسلامه
بعد مرور نصف ساعه حطت الطياره على ارض كندا
راحوا بتاكسي لحد شقتهم الجديده والي متقابلات ومتعب راح للفندق

في اليوم التالي
شوق:سعاد تدرين مشتاقه لدلع ماعمرها راحت مكان بدوني
سعاد:يوه الحين تعودي على فراقها
شوق:وليه هي بتسكن هي ومتعب معنا بالفله
سعاد:صادقه بس بيجي يوم تتزوجين
رن جوال ام سعد الي قاعده مع اخوها ومرته
ناظرتهم شوق
ام سعد:سعد يبي يسلم على خاله ومعه العيال
طلعت شوق وسعاد وضلوا جالسات على الدرج بدون مااحد يشوفهن وهن يشوفن كل الصاله
دخل سعد ونواف وتركي سلموا وقعدوا كلهم يسولفون
ابو متعب:وانت ياسعد متى بتعرس
الكل سمع صوت سوالف ناظروا وين مافيه احد سعد عرف ان فيه احد يسمعه
سعد:اه ياخال اذا ربي كتب لي
ام سعد:تعبت يااخوي وانا اقوله بس مايرد علي وقف سعد وناظر للدرج من بعيييد شاف شعر بنت طايح بين اعمدة السلم ابتسم هذي عادة خواته
واكيد مادام سعاد موجوده شوق معها"شوق متى ربي يجمعني فيها"وبصوت عالي:سعاد يالله مشينا
لفت شوق وطاحت عينها بعين سعد غمز لسعاد يعني لجارتها يالله حبيبتي مشينا
سعاد مانتبهت بس شوق
نواف:ياحض اختك صراحه
سعد:ههههههههه اجل انت ليه ماتسوي كذا مع اختك
نواف:ياحياتي شواقه وبصوت اعلى شواقه تعالي
سعاد نزلت:هلا سعد
شوق ودها تصرخ عليه وتهاوشه لبست ونزلت:هلا نواف
ادري ان دلع مو عندك وطفشانه انا عازمكم على العشى اليوم
سعد:لالا اعذرني انا
شوق:لا علشان سعاد ابيها معي
سعد فهى:هاه طيب ابشري
ام سعد وام متعب مارضوا يروحون
بالمطعم كانوا كلهم بطاوله وحده يسولفون وياكلون عادي متعودين ببيت جدهم
سعاد:الخايسه سمر ماتصلت علينا
شوق:حتى دلع لان السفر لساعات طويله بالطياره متعب وممل اكيد على طول ناموا
سعد بابتسامه:اكيد وناظر نواف انت ليه ساكت
نواف:قلقان شوي ماعلينا بالعطله هذي شكلنا بنستانس ابوي حاجز بشاليه بالمغرب ياي من زمان عنها

سعد ابتسم:ايه صح ناظر لشوق وبسرعه ابعد نظره وحط يده على كتف نواف وشدد على كلامه وخاصه لاصرت قريب من ناس تحبهم شرواك
نواف:والله صادق
شوق قلبها يرقع وش يقصد

********************
نايف دخل شقته شاف نور للحين نايمه على الكنب قعد عند الكنب على الارض صد عليها يبي يصحيها ناظرها بتأمل حس بشعور داخله لها يحس
بطفولتها ودلعها يشوف دموع تلمع وهي نايمه معقوله نايمه هزها :نور نور
نور ماترد بس تتمتم بكلمات مافهمها بعدين صرخت:يماااا جا يمااااا فتحت عيونها تكورت على نفسها وهي تبكي
نايف:سم الله عليك مين الي جا
نور ماترد بس تبكي
نايفعرف انه حلم:سمي بالله وتعوذي من ابليس
بعد شوي هدت نور وقامت وهي ترتب شعرها بعد ماتوضت وصلت دخلت المطبخ جوعانه ماتعرف تسوي شي طلعت للصاله شافت نايف
يناظر التلفزيون
نايف:انا اكلت جبت اغراض بالثلاجه كولي شي
نور بحيا:نايف
نايف ناظرها:خير
نور:هاه لا بس مااعرف اسوي شي
نايف:ايه وبعدين وش اسوي انا؟
نور:خلاص مابي شي جت وقعدت على الكنب كانت سرحانه
نايف ناظرها وبنفسه"معقوله ماتعرف تعمل لنفسها شي":نور قومي لفي سندويش وعصير توست صمون سوي بيض شاي اي شي
نور تنهدت:والله مااعرف اسوي شي
نايف قام وهي وراه:بلاه الدلع الي مخربك
نور:خلاص مشكور مابي شي وراحت للغرفه وسكرت الباب وقعدت تبكي يسمعها بس مستحيل يراضيها خلها تستاهل هو عنده
خوات عمره ماقسى على وحده منهن ليه ليه تقسى على نور لانها غلطانه ولازم تحفظ الدرس
طلعت نور فتحت الثلاجه خذت صامولي وكوب مي وقعدت تاكل لقمه وتطيح دمعه
نايف ناظرها خلاص مايتحمل قام واخذها من يدها وجلسها على كراسي المطبخ:هذي اول واخر مره فاهمه
سوى لها فطور بسيط جدا ومعه شاي
نور بخجل:مشكور
نايف طلع من المطبخ:كولي على راحتك
***********************
يوسف لبس بوت رياضه وتي شيرت رمادي وبنطلون ابيض وكان يكلم رعد بالجوال ويضحك طلعت بوجهه عفاف ناظرته باعجاب وبسرعه
نزلت عيونها وراحت للمطبخ عبت كوب مي من البراد دخل يوسف واخذه وشربه:شكرا وطلع ناظرت عفاف مستغربه
بيان:هههههههههههه مايترك حركاته
عفاف:هههه هو دايم كذا
بيان:ايه
يوسف دخل:حشيتو فيني هاه
عفاف:لالا بس كنا
بيان:الا حشينا عندك شي
يوسف:خلاص كنت بعشيكم بمطعم بس بطلت وراح
بيان راحت تركض وراه:يوسف لحضه
******************
سمر وبدر ياكلون
بدر:حبيبتي شفيك
سمر تتأفف:مافيني شي
بدر:تكلمي زين ترا ماني قاتلك احد علشان تتصرفين كذا
سمر:بدر وسكتت
بدر:هلا بغيتي شي
سمر سكتت
بدر:يووه رجعنا سمر انت موافقه علي
سمر طلعت عيونها وبتوتروحيا:انا وناظرته اكيد مابتزوج الا بموافقتي
بدر:احسك رافضه ووافقتي علشان امك او اني ولد خالك
سمر:لا بس انا رافضه فكرة كندا وو
بدر قام:انتي ياسمر رافضتني من البدايه سكر باب غرفته ناظر نفسه بالمرايه ضرب بيده على خشب الغرفه حس بالم تجاهله والم قلبه اكثر واكبر
دخلت سمر:بدر لا مااقصد قبل تكمل طلع بدر من البيت كله

**************************
هيفاء تاكل وقدامها رائد يسولفون وصوت ضحكهم لاخر المطعم
رائد:نور وش اخبارها
هيفاء توترت وعصبت من طاريها:الحيوانه تزوجت
صدمه كبيره بعد ماصار يبيها تتزوج:وش قلت تزوجت
هيفاء:ايه ليه تضايقت وسافرت كندا بعد
رائد:اف منك ليه ماقلتيلي انا كنت
هيفاء بغيره:كنت ايش
رائد قام بعد ماط الحساب على الطاوله:يالله مشينا
***************************
دخل بدر بمعالم ووجه البارده ناظرته سمر على طول هي ماتحبه عادي بس زوجها مهمن كان ماتبي تزعله ماقال ولا كلمه انسدح على السرير
بدر:ممكن تطلعين وتطفين معك اللمبات ابي انام
سمر:بدر
بدر:ممكن
سمر:طيب حتى انا فيني النوم بس كنت انتظرك
بدر وهو يعطيها ظهره :زين والله فيك خير
زفرت سمر وانسدحت وتغطت هو على طرف وهي على طرف
بدر عمل حاله نايم وسمر تقلبت لاكثير مو قادره تنام رغم تعبها حركتها وترت بدر الي مايقدر ينام بسبب حركتها انشل تفكيره واخيرا قدر
ينام صدق كان منسدح على بطنه وعيونه مفتوحه حتى وهو نايم شعره المعفوس
سمر اسندت ظهرها على راس السرير تفكر بحالتهم يقول مو توهم متزوجين ابتسمت وهي تشوف شكل بدر وهو نايم استغربت مفتح
عيونه حركت يدها عند وجهه بس ماتحرك لا نايم انسدحت جنبه تلعب بشعره وتتلمس وجهه هو نومه صاير خفيف
ناظرها وهي سرحانه فيه تأملها وهي تتأمله هي مانتبهت له بس هو حس بالوشم الي على قلبه ينبض باسمها
بدر:مطوله
نقزت سمر وخدودها حمرت:ان لا بس كنت
بدر جرها لعنده وضمها:نامي اقول نامي والله مافيني نعساااااااااان
سمر حست بحيا بين ايديه وحسته فعلا نام تروعت يوم سمعت صوته ضحكت بنفسها على نفسها
************************
دلع قاعده تناظر التلفزيون وهي منسدحه على الكنب مافيها نوم مالها خلق تنام بالاصح مع انها تعبانه
طلع متعب من غرفته عاقد حواجبه ناظر دلع:مانمتي
دلع:لا مالي خلق وتعدلت
جا متعب وجلس جنبها حس بمشاعر تسري بدمه سببتله برعشه حس انها غير
متعب:اه ياراسي خلاص بينفجر
دلع:متعب شفيك
متعب:ليه يعني مره هامك
قامت دلع بعصبيه:انت ماتفهم انت ولد عمي من دمي ولحمي ماتحس ماعندك قلب قالت اخر كلمه ودمعتها نزلت معها
متعب ناظرها وقلبه يهتز وبوجه بارد متبلد:الا عندي قلب وانت مسحتيه
دلع بجديه:وش ذنبي اذا كنت جميله والناس تغار مني وتحقد علي وتنصب لي فخوخ هاه وش ذنبي
متعب ضحك:ضحكتيني زانا مابي اضحك مسك راسه بين يدينه اه راسي
دلع خافت عليه راحت تدور بشنطتها بندول لانها كانت مصدعه يوم جو جابت مي وبندول لمتعب:تفضل
متعب اخذهم واكل البندول وشرب المي:الحمد لله
دلع قعدت جنبه على الكنب:ترى تقدر تقول شكرا
متعب وهو ينسدح ويحط راسه على فخذها:العفو
كتمت دلع ضحكتها"اف عليه غرور" مسك الريموت وطفى التلفزيون
متعب:دلع
دلع اشتاقت لاسمها على لسانه:هلا
متعب:ليه يادلع خنتينا؟
دلع قامت وطاح راس متعب على الكنب مع انه ماوجعه بس عصب
دلع:متعب وش اقول وش تبيني اقول تبيني اقول ايه صحيح انا خنت وانا بعمري ماناظرت بعيون غريب رافضه كل افكار
وكلام الحب والعشق ومخلصه لزوج المستقبل خفت احب واحد واتزوج ثاني خرابيط ماعندي حتى انتم عيال عمي البس عندكم لبس محتشم
لو كنت ارسم على احد ليه ابعد يامتعب ارسم على عيال عمي احسن صح يامتعب
متعب بكل برود:كل كلامك هذا مايعنيني
دلع:انت مريض نفسي انت مجنون
متعب مسكها من شعرها:ثمني كلامك زين بعدها تكلمي ولا والله تشوفين شي ماشفتيه ناظر بتوتر بعيونها الرمادي ورماها على الكنب ودخل غرفته
**********************
نايف واقف بالمطبخ ويعلم نور الطبخ كانت واقفه وراه وتناظر له وش يسوي
نايف:نور بكره اجي من الدوام ابي غدا هذا كتاب الطبخ عندك وتعلمي
نور:اف ياربي
نايف ناظرها باشمئزاز يجرح:عاد دلعتك خلاص فوق مااهلك راميينك بلوه علي تتأفف
نور تناظره:يجي يوم تعرف الحقيقه نزلت دموعها وتفتك مني
نايف:ان شاء الله وطلع من المطبخ خايف من ثقتها خايف انه ظلمها خايف يكون الي شافه حقيقي وصح
************************
في اليوم التالي
يوسف:السلام عليكم
الكل:وعليكم السلام
جلسوا على الغدا يوسف:وينها عفاف
كانت عفاف توها طالعه من غرفتها استانست يوم سأل عنها بس انصدمت بباقي الحكي
ام يوسف:تقول ماتبي تاكل تحس بتعب وتبي تنام
بيان:اوه صاير تفقدها
يوسف:لا افقدها ولا شي بس حرام هذي امانه وانا قلت لكم لاتحاولون يجي يوم واتزوج بنت عمي واسلم عفاف للي يصونها
يوسف:الله يهديك قصر حسك لاتسمعك البنت
بيان قامت وبعيونها دمع:هذولا هم الرجال عديمين احساس وراحت لقت عفاف واقفه وتبكي خذتها لغرفتها وصارن اثنينهن يبكن
ليه بيان تبكي؟
لانها تحب مهند ولد عمها وهو ولا سائل عنها بيان تذكرت يوم ملكت اخوها يوم سمعت مهند يقول لابوه انه مايبيني
مهند:يبه الله يخليك بس انا ماابيها
ابو مهند:لاتفضحنا مع الناس كلهم يدرون انكم لبعض ولا احد تقدم لبنت عمك علشانك
مهند:يوه عاد الناس انا ماابي بيان غصب وان كانت تبيني فيه مليون احسن مني

بالسوق
نواف مبتسم:فجر شوق تعالوا هذا المحل حلو
ابتسمت فجر من تحت الغطا:ايه والله وتناظر نواف وتناظر شوق ذوقك حلو
شوق:امشي ياعياره ذيك المره تقولين يحوم الكبد
فجر داست رجل شوق
شوق:اااي وجع دستي رجلي
فجر خدودها حمرت تحمدت ربها انها متغطيه
نواف:هههههههههه
دخلوا محل ثاني كانت فجر تدور على شنط ونواف واقف جنب شوق يختار لها سلاسل مانتبه للشاب الي جا ووقف جنب فجر بكل وقاحه
الشاب:واه عيونك تذبح
فجر بصدمه تروعت وهي تبعد والشاب يقري ماحست الا بيد تمسكها واليد الثانيه تضرب الشاب كف على وجهه ناظرته برعب
شافته نواف كان ماسك ايدها بقوه لانه منفعل
:راح تندم يابن وتشوف
نواف:اعلى مابخيلك اركبه
فجر:خلاص نواف وقعدت تبكي ابعد عنه
راح الشاب وهو يتوعد
نواف:الحين انت ليه تبكين
شوق:ماصار شي ليه خايفه
فجر:نواف تعرفه تكلم
نواف:معرفه من بعيد خاي يولي
فجر قعدت على المقاعد برا المحل:ياويلي كله مني الله ياخذه نواف انتبه منه شكله يخوف
نواف:ماعليك منه اسف فجر اذا عورت يدك
فجر تو تتذكر حست بالخجل وهي تمسكمعصمها الي المها
وهم طالعين انتبه نواف للسكرتي ضل يناظره سبحان الله يخلق من الشبه اربعين نسخه من اخوه متعب بس هذا غير شكله ينرحم نص شعره شيب
ابتسم رعد لنواف ونواف ردها له
رعد السكرتي:مشبه علي صح
نواف:هههههههههه شدراك
رعد:مو اول واحد
نواف مشى ولا اعطى لافكاره اهميه بالسياره نواف شغل راديو على قناة القران الكريم بعدها سكره علشان يسمع كلام شوق
شوق:نواف ابي اروح عند بيت عمتي انا وفجر ضايق خلقي البيت فاضي امي عند خالتي ودلع مسافره
نواف:طيب علشان وسكت وناظر المرايه ابشري
فجر شوي وتموت من الحيا هي ونواف يحبون بعض من زمان ويدرون بهالشي
نزلت شوق ونواف بسرعه قفل الابواب
فجر:نواف مو وقت سواليفك
نواف:ياقاسي حتى صوتك مانسمعه
فجر:نواف
نواف:يابعد نواف امووت فيك انا وظغط يفتح القفل
وفجر فتحت الباب وبسرعه لحقت شوق
نواف وهو يشوف فجر تركض ناقع ضحك
في بيت ام سعد
شوق تطق الباب على غرفة سعاد الهبله على قولة فجر
سعاد فتحت الباب وصرخت:ياهلا والله وحضنتهم
فجر:والله افرح لاجيت عندك احس غير
شوق تضرب فجر:وجع مومالين عينك
سعاد:هههههههههه وهي ترمش بعيونها اخجلتم تواضعي
دخلوا بغرفتها المتواضعه والمرتبه جدا صاروا يسولفون ويضحكون وتهاوشت شوق وسعاد على اخوانهم مين احلى ومين احسن نزلت
سعاد تركض على الدرج وهي تصارخ:وجع شواقه هههههههههه والله ان طحت ياويلك
شوق وهي تركض وراها:انقلعي ياخايسه كانت بيدها خداديه ضربت بها سعاد الي انحنت وهربت للحوش من باب المطبخ
اما الخداديه جت بوجه سعد الي تصنم بابتسامه
شوق وقفت وكنها تحرولت:اسفه
سعد"يازينها من ضربه"
شوق ركضت بسرعه راجعه لفوق ومن الفشله وسرعتها طاحت وزادت فشلتها جا سعد يركض:فيك شي تعورت
قامت شوق وخدودها حمرا وراحت وهي تعرج:لا مافيني شي
سعد:سم الله عليك ماتشوفين شر"يالغاليه"
جت سعاد تركض:سعد وتناظر وين شوق
سعد ناظرها وبعدها ناضر لمكان شوق ومشى وخلاها
سعاد راحت لفوق وشهقت يوم شافت شوق تتألم:وربي مااقصد وين طحتي
شوق:انقلعي خايسه كله منك
الكل:ههههههههههه


مستقبل ابطالنا مكتوب في قدرهم نواف وفجر هل سيجتمعان يوما ؟
متعب ودلع هل سيتفقان يوما
نايف ونور هل سيضلان اكثر معا؟
تركي هل سيولد من جديد ام ان هناك عائقا كبيرا ؟
رعد من هو ؟
يوسف هل سيتحقق حلمه
بيان هل ستتزوج من يهتم فيها ويحبها؟
عفاف هل سترتاح من كابوس اخوها وخوفها من مستقبلها المجهول؟

توقعاتكم للبارت الجاي