المنتدى :
الارشيف
تحت رحمة القدر ، للكاتبة : سائلة الفردوس ..
بسم الله الرحمن الرحيم
السلام عليكم
اخترت انزل {{تحت رحمة القدر }} في هذا المنتدى الراقي
لاني ادركت ان الموجوديين يقدررون قلم الكاتب وموهبته
طبعاا هذي رواية خيتووو انا من جنبهاا ماعندي مخ هع
تفضلووو اول البارتاات
--------------------------------------------------------------------------------
بسم الله الرحمن الرحيم
بدأت اكتب هذه الروايه في 1429/6ه وانتهيت من كتابتها في تاريخ 1431/1/5
ستكون البدايه كتعريف فقط بأبطال الروايه
تحت رحمة القدر
عندما تقف الدموع حائرة في منتصف الزمن الجميل
لا ندري هل ستعود لزحمة الماضي حزينة
أم تبقى حائرة في المنتصف
أم تكمل طريقها نحو نهاية الزمن الجميل الذي انتظرت طويلاً على عتباته ..
لا أريد الرحيل…
أصبحتُ أرى الانتظار يشدو ألحاناً تحمل في طياتها معاني الصدفة الرائعة...
كم أتمنى أن يستمرذلــك
أهيم في زحمة الماضي
فأبكي وأرى الأمل أمامي فابتسم ابتسامة خجولة
تبعث على تجمد الجليد الذي هو مكان إقامتي
لا أريد أن أرى الأمور بوضوحها التام...
ما أجمل السراب وما أجمل الضباب...
فدائماً كانا هما معي دائماً أينما كنت ...
أيها القدر دموعي باتت مرهونة بك
وموعد نزولها مرتبط برحمتك
فدعني ابتسم يوماً وأبكي أياماً
فدعني ابتسم يوماًوأبكي أياما
ولكن لا تجعلني أبكي دوماً...
ولكن لا تجعلني أبكي دوماً...
في بيت ابو متعب
دلع:الله يخليك تركي بس شوي
تركي:ياربي على زنك قلت لك مابي
دلع تطير عيونها:طيب تجي مره ثانيه تبي شي ياويلك وهي تغمز له
تركي: اقول ذليتينا بنت الأمريكيه
متعب كان نازل وسمعهم
قامت دلع وتبي تطلع لغرفتها ودمعه تغرق عينها تركي عمره ماقالها وهي طالعه ناظرت لمتعب وابتسمت
دلع:صباح الخير وطلعت
متعب:صباح النور
بعد ماراحت دلع
متعب:تركي
تركي وبنفسه"جانا هادم اللذات"هلا
متعب:صدق ماتستحي فيه احد يقول هالكلام لبنت عمه
تركي:امزح معها وهي مرهفة الأحساس
متعب:قم اعتذر لها حرام البنات حساسات
تركي فتح فمه مستغرب:ان شاء الله وقام
:::::::::::::::::::::::::::::::::::::::
كانت هاذي عائلة ابو متعب
متعب:28سنه ظابط غامض كتوم بعض الشيء عصبي وماله خلق شغل الشركات
بدر:26سنه يدرس بكندا
نواف:23 سنه يدرس بالجامعه ويتدرب عند ابوه بالشركه
شوق:20سنه تدرس بالجامعه
تركي"19سنه اول سنه طب
دلع:بنت عمهم وساكنه عندهم وتدرس بالجامعه 19سنه
::::::::::::::::::::::::::::::::
في بيت ابو بندر وهو اخو ابو متعب
بندر:نور خلاص قلت مابوديك
نور:نفسي مره مره وحده احد يرد علي
طارق:اسف حياتي ماأقدر ويناظرها اقصر الكلام
ابو بندر وهو نازل:ولي ماتقدرون لو واحد من اصدقائكم على طول الخدمات موجوده واختكم الوحيده لا انا بوديك
حبيبتي
جلس ابو بندر ونور باست راسه
طارق زبندر يناظرون بعض:الله لنا
ابو بندر:بلاكم ماخذين راحتكم على الأخر وهي المسكينه 24ساعه بالبيت
طارق:لو سمحت حضرتها الصبح كله بالجامعه وعندها في غرفتها آلات رياضيه قصدي نادي رياضي
ولاب توب وتلفزيون ومسجل ولا بعد مكتبه
نور تسوي حركه بيدها يعني تقهره:هههه
ابو بندر:حتى انتم
طارق:بس هي بنت"كان يبي يقهرها بس"
بندر قام:طارق لاتزعل ابوي يالله مع السلامه انا طالع الشركه
ابو بندر:طارق قوم ودي اختك
طارق:حاضر يبه
نور:مشكور
طارق وهو يمشي ومقهور منها:مشكور ويناظرها العفو
بندر:26سنه يشتغل مع ابوه بالشركه
طارق:24سنه مدرس
نور:19سنه بالجامعه
::::::::::::::::::::::::::::
ام سعد:نفسي مره وحده اقعد افطر بدون ماتتهاوشون
سعد:خلاص سعاد انت وسعود بسكم ازعجتوني
سعود:انا مالي دخل هي الي بدت
عبد العزيز وهو ياخذ اللقمه من سعود:شكرا وهو طالع لاتنتظروني اليوم
سعد قام:تعال تعال ليه خير وين تبي تروح
عبد العزيز:اليوم طالع مع خوياي للبر سعد لاتخرب علي
سعد قرب منه وبصوت واطي:احد قالك شي بس اقولك انتبه على نفسك عبد العزيز لاتخلي املي فيك يخيب ابيك تجيب نسبه
عبد العزيز يبوس راس اخوه:ابشر طول عمرك شايل همنا
"ابو سعد مات ومن ذاك اليوم وسعد شايل هم اخوانه لان ابوه ضيع فلوس امه بتجاره شايل مصروف ومسؤلية البيت كله
سمر:الله يخليك لنا ياابوي الصغير
الكل:ههههههههههه
عبد العزيز طلع
سعود:اف منه اخذ لقمتي
سعاد:انت همك بطنك وبس
الكل:هههههههههههههه
سعود:سعادون اعقلي احسنلك
سعاد:سعود الله يعين الي بتاخذك
سعد:الصراحه هذي المره معك حق
الكل:هههههههههههههه
:::::::::::::::::::::::
سعد:27سنه مدرس
نايف:24سنه يدرس بكندا
عبد العزيز:18سنه
سعاد:19سنه
سمر:20
سعود:15سنه
:::::::::::::::::::::::::::::::
عائلة ابو منصور"ام منصور اخت ام متعب الوحيده"
فجر وشادن ونوف قاعدات بالصاله يسولفن بصوت واطي ويضحكن
نزل منصور:شعندكن الله يستر بس
فجر:منصورون انثبر احسلك
منصور:فجر اسكتي احسلك تراي متحملك لاني محترمك عشانك اختي الكبيره
نوف:استغفر الله كلنا خواتك الكبار
منصور:لا هي غير تحترمني اكثر منكم
شادن:انت ماتخلينا نحترمك يالمغرور
منصور:تكلمت الفيلسوفه اقول روحي اقري وحده من رواياتك احسن لك وطلع
نوف:هههههههه زهقناه
شادن:كملي فجر وش 0000
فجر"اس وجع لا احد يسمعك وش بيقول
::::::::::::::::::::::
فجر:23سنه ممرضه
شادن:20 سنه بالجامعه
نوف:18سنه ثامويه عامه
منصور:16 سنه مسوي نفسه الكل بالكل
:::::::::::::::::::::::::::::::::::::::::::
على الغدا في بيت ابو متعب الكل قاعد
ابو متعب:وش فيك نواف مضمد يدك
نواف تلعثم:كنت العب كوره انا وطارق والعيال وطحت عليها رض بسيط
ام متعب:سلامتك يمه
شوق وتركي يبتسمون بس نظرة متعب ارعبتهم واسكتو
ابو متعب:وينها دلع
تركي وهو يحس بالذنب:مارضت تجي
متعب ناظره :قم ناديها
الكل مستغرب
وتركي قام وطلع لغرفة دلع اقنعها تنزل تتغدا وهو يتأسف منها
دلع"لا ماعليك ماني شايله بخاطري الحين نازله
::::::::::::::::::::::
في كندا
نايف:اقول بدر ماتحس من زمان عن الأهل
بدر:اي والله خلنا نروح لهم بهاالأجازه ونروح لجدي بالقصيم
نايف:نقله من كندا لمزرعة جدي بالقصيم ههههههههههههههه
بدر:ياني مشتاق لهم
نايف:انا كل ماكلمت امي تقعد تبكي
بدر:راح الكثير مابقى شي ونسكر على كندا وتصبح من الذكريات
نايف:من بؤك لباب السما
بدر:ونتزوج ونستقر وسرح شوي
نايف:هيه هيه وين رحت
بدر:الرياض
كلهم"ههههههه
نايف:بدر اسألك وبصراحه جاوب وناظره انت تحب
بدر انصدم:ههههههههه لا لا وش هالكلام لو احب خخخخخخخخ يقطع سواليفك شككتني بنفسي
:::::::::::::::::::::::::::::::::::
مهند"روان بالله سويلي فطور مستعجل
روان"ابشر من عيوني وقامت سوت فطور وقعدت تفطر مع اخوها
مهند:اليوم ماشفت ابوي وينه؟
روان للحين نايم بعد ماتقاعد ماعنده شي يسويه
مهند :تصدقين ودي ابوي يشوفله شغله يعني محل او ماشابه يتسلى
روان:ياليت
مهند:الحمد لله وقام انا طالع تبين شي اجيبلك شي وانا جاي
روان:سلامتك
طلع مهند وراح للشغل ودخل مكتب متعب:السلام
متعب انتبه:عليكم السلام
مهند:ياخي نفسي اشوفك مره بدون ماتعقد حواجبك
متعب:ونفسي مره وحده تدخل ماتعلق علي
مهند:صراحه متعب انا اكثر واحد اعرفك ومع هذا اجهل الكثير انت واحد غامض وبعدين تعال انت ليه ماتتزوج
متعب:عيب هذي سوالف كبار
مهند:ياخي ذليتنا الي بيني وبينك سنه وحده
متعب:ههههههه
مهند:انت المفروض تدخل قاموس جينيس للأرقام القياسيه ضحكاتك تنعد
متعب بأبتسامه:مهند بتسكت ولا اطلع لك شغل تلتهي في عني
مهند:اصلا انا شمقعدني عندك بيرتفع ظغطي"بغمزه" ولا انت تقولي بوشي كنت سرحان وشاق الأبتسامه قبل ادخل
قام متعب بضحكه ومهند هرب وسكر الباب رمى متعب نفسه بجسمه الرياضي على كرسيه وهو فرحان
"متعب طويل اسمر له عيون كبار ورموش طويله كثيفه عيونه عسلي غامض قليلا مايبتسم ونادرا مايضحك حتى تبان ضروسه
ظابط مع ان ابوه عنده خير بس هو بنضره العسكريه مدرسة الرجال"
:::::::::::::::::::::::::
عائلة ابو مهند
مهند:27 سنه ظابط وصديق متعب وهو
روان:20 سنه وتدرس بالجامعه
رزان:متزوجه
:::::::::::::::
يوسف ولد عم مهند
بيان:يوسف صلاة العصر ماتبي تقوم
يوسف:طيب طيب
بيان:تراك بتتأخر
يوسف:يوه بيان
بيان:قوم عاد تعبتني
يوسف مايرد
ام يوسف بكرسيها المتحرك:ياولدي قم الصلاة
يوسف سمع امه قام علشان مايتعبها
بيان تعمدت تحسسه بالذنب:شفت تعبت امي
يوسف يبوس راس امه:الله يخليك لنا يارب
بيان:يوسف بيقيمون الصلاه بدون الأمام
يوسف امام المسجد مع ان عمره صغير بس هو حافظ القرآن ويدرس العيال بالمسجد وعمره 26
بعد الصلاه رجع يوسف البيت وهو ماشي سمع امه واخته
ام يوسف:ماتدرين وش صارلها بعد ذاك اليوم
بيان:لا والله يمه من دخلت المستشفى اخر مره ماعاد عرفنا عنها شي الله ياخذه اخوها ماخلى مكان ماضاربها فيه
ام يوسف:قولي الله يهديه يابنت
يوسف:عن مين تتكلمون
ام يوسف:عن من بعد عن فايز واخته عفاف
يوسف:الله يهديه ليه بعد وش سوى
::::::::::::::::::::::::::
فجر كانت تلف شعرها بيرم وشادن تجعد شعرها ونوف تحط اللمسات الأخيره للميك اب على قولتها
فجر:شفت كله منك امي ماخلتنا نروح للسوق
نوف:والله اسراف حرام عليكم الاسبوع الي طاف ماخلينا شي بالسوق الا وقشيناه
شادن:هههههههههههههه تعبير ومصطلح جيد ياختي ياحبيبتي نتونس ونشوف الجديد
دخلت ام منصور:يالله تراابوكم بيوصلنا مانبي نتأخر
فجر:واذا تأخرنا وناظرت لخواتها وبشهقه زي المره الي فاتت عاقبنى وماخذهم للعزيمه وصارت بسرعه بسرعه يلبسن وتجهزن حتى قبل
ابو منصور
ابو منصور:ماشاء الله اليوم جاهزات قبل الموعد بعد
الكل:هههههههههههه
نوف:الأستفاده من الدروس
منصور بغرور يطلع:الخوف يعمي الشوف
طبعا البنات الثلاث يناظرن بعض وودهن يذبحنه بس قدام ابوهن مستحيل يتكلمن
بالسياره
ابو منصور:الاسبوع الجاي كلنا نروح للمزرعه تتجهزون قبل
البنات بفرحه:ياهووووووو
منصور:وجع اصواتكن ترانا بالسياره
فجر:وجع منصور خواتك اكبر منك
ابو منصور:هو صادق
ام منصور:بس مايقل ادبه
البنات من ورا يرمن بوسات لأمهن وهي تضحك
وش تتوقعون يكون احداث هذي العزيمه الي تصير كل يوم خميس عند ابو متعب
وش الاحداث في مزرعة جدهم
|
21-10-10, 12:08 AM
جديد مواضيع قسم الارشيف
العرض العادي
