..كلي وفـآ ~ فـي زمـآن الجفـآ
تبعد مسآحآ آ آ ت الرخآ | وتقرب صدمآ آ آ ت الشقآ .
• صرخه , مزعجه , صيحه , مؤلمه *
• هذي النآس تمشي و خآطري مسكوٍ وٍ وٍ ر
• وهذآ الفرح مستمر وجرحي محفوٍ وٍ وٍ ر
.
آلفصل آلحآدي عشر
بـآرت 1
لآ إله إلا الله.
.
آلديـره
مع شروق الشمس.. تزم شنطه لِ أمهآ صغيره وكيس كبير شآيلة فيهم ملآبسهآ وملآبس ابوهآ .
حطتهآ عند البآب , ورجعت لِ المطبخ وخذت كيس متوسط فيه أغرآض ثلآجتهم .
بعد مآحست أنهآ أنجزت بالنسبه لهآ طبعاً , طوت عبآيتهآ على جنب .
وهي تتذكر شعرهآ اللي كآنت في عنآء طويل بعد مآرآحت عنهآ سآره , لدرجة إن مره مشطت لهآ ام سعد .
فتحته وهي تحآول تلحق آخره , تآففت ثم رجعت لفته بشده وسوت كعكه كآلعآده .
سمعت صوت البآب الحديدي المزعج , ولفت ورآهآ شآفت أبوهآ وهو مبين عليه انه مسرح .
فرح : صبحك الله بآلخير يآلغآلي
رفع رآسه وكآنه صحى من سرحآنه , أبتسم وبآنت تجآعيد وجهه : صبحتس الله بالنور
فرح : هآه بغيت فطورك ولا تبى تريح
أبو خآلد جلس : لآ هآتي الفطور , نبى نستعجل كود نوصل قبل الظلام
أسرعت فرح بخطآهآ وسحبت صحنهآ الكبير صحن فيه سمن وعسل والخبز جنبه .
حطت قدآم ابوهآ : بآ’لعآفيه
أبو خآلد وهو يشوفهآ وآقفه وكآن مآلهآ نية تجلس : أقعدي وأنا أبوتس
فرح : لآ يبه مآلي شهوه , وانا بغسل لي كم قدح لين نمشي .
أبو خآلد : مير فكي ريقتس
فرح : ابد لآتوصي مآتركت فذآت التمر والقهوه اللي تحبهآ .
أبو خآلد : الله يصلحتس مير
رجعت فرح لِ المطبخ , ومثل مآقآلت ل أبوهآ .
بآلهآ مشغول بعيد بعيد , حآسه انهآ متوتره وكآن دوآمهآ بآكر , شعور حلو وحزين بنفس الوقت .
دقآيق إلا وهي وابوهـآ مآسكين خط الريآض وفرح قـدآم شي بدآخلهآ يحكي "أنتي مكآن صيته , أنتي مكآن إمك "
هزت رآسهآ وهي حآسه بغصه كبيره , لآهي قآدره تبعلهآ ولا قآدره تبكي وتنزلهآ .
سمعت صوت ابوهآ وهو يقول : أقري الدعآء يآنوره وشنهو ؟
أبتسمت وهي تحآول تمسك الورقه اللي عند المرآيه ومبين عليهآ القدم ..
لونهآ الأصفر من الشمس اللي مفترض ان يكون ابيض والنقشآت الخضرآء صآيره تفآحيه كثير .
فرح : ردد معي يآبوي .
ابو خآلد : هآتي اللي عندتس وشنهو
فرح : قل التكبيرآت الثلآث
لف عليهآ وهو يقول : أجل مآيقولون بسم الله
فرح : لآ تكبير يابوي مافيه بسمله
أبو خالد : اعوذ بالله من الجهل
فرح : ههههه , مآعليه مآجور إن شاء الله , يآلله قل الله اكبر ثلاث مرات
أبو خآلد : الله اكبر الله اكبر الله اكبر
فرح : سبحان الذي سخر لنا هذا وما كنا له مقرنين وأنا إلى ربنا لمنقلبون
ردد ورآهآ ابوهآ لين أنهو الدعآء .. سكتت وهي تسمع ابوهآ يقول أخر شي بعد النقطه .
أبو خآلد : الله يفتح لتس بآب رزقن من عنده
فرح إبتسمت لِ أبوهآ اكثر وهي تحس برآحه بعد هالدعآء على إنه ذكرهآ ب أمهآ إلا انها فرحت .
فرح : اللهم امين يآبوي .
أبو خالد: مآتبينآ نولع لنا قصيد نتلهى فيه
فرح : ههههه السيآره سيآرتك والبنت بنتك , والبآب مفتوح
آبو خالد يمد يده للمسجل : أجل انا من زمان عن شآعرن لي نبى نسمع لنا قصيد .
فرح هزت رآسهآ : أجل تـم
حآسه ان أبوهآ فآقد أمهآ وكثير بعد وأكبر دليل انه يصر على شي يكسر الهدوء , بالعآده يكونون يبون يسولفون وفرح بنفسهآ تشغل القصيد لهم .
×××××××××××××××××××××××××××××××××××××××××
بالإستـرآحـه
حمود بصوت يخوف : يآمعووووق
صطآم : أكل هـوآ , صوتك زلزآل يآ كلب
ضربه زيآد على رآسه : اسمعني آللحين أسآمه البقره مقآطع إيآد
حمود : شوف انت تبي تطلع اخوك من السآلفه صح ؟
زيآد :صحين أجل , بس شوف أسآمه لآزم ينكب لآزم
صطآم : خل اسآمه على جنب موضوعه سهل بس اللحين عصآبة حمزه ؟
حمود صفق إيدينه بحمآس : إيوه جبتهآآآآآآآآآآآ ... شوف مآقلت اسامه انطرد ؟
يعني حمزه خلآص مضبوطه امورهم
زيآد ينآظر حمود بإستحقآر : أكل تبـن وظف وجهك لِ أدوووسك
صطآم : يآ أثول , نبي نبلغ عليهم ويوم يطيحون عليهم يصير المووضوع واضح عيني عينك
حمود : مآهوب لآزم يعني على بالك اشكآلهم ماهيب وآضحه
زيآد : أسكت اسكت بالله وخلك مجنب بحضني هههههعع
صطآم : هههههههههههههههع لاتعيدهآ
حمود : لعن الله أبوكم وأبو اللي يفكر يجلس معكم وأبـو آلـ ...
ضربه زيآد بقآرورة المويه وبقوه , وصرخ حمود وبدت هوششه إعتيآديه .
بس نهآيتهآ دآئماً الضحك . مهمآً تضآربوآ او غلطوآ على بعض بآلكلآم ..
إلا إنهم بالنهآيه يحبون بعض شي وآحد يخلي في نآس يبغضهم طريقة تعآملهم .
أسآليبهم الجآفـه , لكن الجلسـه معآهم مآتنمل والكـل يشهد بهذآ الشـي .
×××××××××××××××××××××××××××××××××××××××××
كآنت متآكدهـ إن رآئد مع أخوه ولا رآح يجيهآ خصوصاً أنه من جآء مشآري وهو مرآفقه بس النووم اللي يبتعدون .
أنسدحت على الإرض وتحتها سفره كبيره , وعلى وجههآ مآسك "شوكلآت" وعلى جسمهآ آلعآري مجموعه خلطآت .
نآظرت السآعه وكآنت 4 ونص العصر , خذت نفس عميق ثم غمضت عيونهآ وحطت قطع الخيآر .
مآطولت ثوآني معدودهـ وهي تحآول تسترخي , أخترقت مسآمعهآ فتحة البآب.
بسرعه رفعت قطعة الخيآر عن عينهآ وهي تشوف ظل أحد على طول وقفت وسحبت سفرتهآ واتجهت للحمآم .
رآئد بعد مآسمع صوت غريب ورآهـ تسكيرة بآب : ملوووك
قفلت البآب عليهآ , وهي تتنفس بتعب "الحمدلله يآرب مآشآفني الحمدلله" .
رآئد يتأمل الغرفه بإستغرآب : ملووووك
ملوك تحنحنت ثم نطقت : أنآ بالحمآم
رآئد لوى فمه , وهو شآيل بين إيدينه لآبه ويحطه على السرير , أنبطح وركب السمآعآت بإذنه وكمل تصفح .
ونسى ملوك , اللي فرشت سفرتهآ على الآرضيه ورجعت كملت إسترآخآءه ..
مرت سآعه ونص , ورآئد منشغل , وملوك شآلت اللي عليهآ وخلصت شآورهآ وهي حآسيه بنفسهآ.
" يآربي وش اسوي اللحين , أطلبه ؟ ولا اطلع له كذآ ضحكت بخبآثه , ثم تذكرت صدهآ عنه كم مره
وتذكرت جملتهآ اللي قآلهآ علناً وكآنهآ مو أنثـى ولهآ مشآعر .. هي تنهي أفكآرهآ فيه بكلمة [بننفصل وينتهي كل شي]"
تنفست وهي تطقت البآب .. مرتين ثلآآث , مآكآن احد موجود .
ملوك فتحت البآب وهي تنآدي بإسمه بصوت عآلي .. عقد حوآجبه وهو يحس بإنزعآج .
نزل سمآعته , ونآظر جهة البآب ..
ملوك : رآآآآآآآئد
رآئد بنفخ : ولعنـــه
ملوك غيرت صوتهآ وهي بدآخلهآ تقول "أخيراً": رآئد ابي روبي شوفه عنـ
رآئد قآطعهآ : مآلي شغل فيك , تزعجيني
كل علآمآت الإستفآهم أنرست فوق رآسهآ , وملآمحهآ وجههآ بردت .
وهو مآتغير فيه شي غير انه لبس السمآعآت ورفع في الصوت حتى مآتسوي له قلـق أكثر .
أنقهرت ملوك وهي مآتدري وش يسوي بآلضببط ..؟ تمنت لو أنهآ قآدره انهآ تطلع وتنرفزه .
وتتطلع قهرهآ فييييييه , نآظرت نفسهآ بالمرآيه وهي تفكير وتحس إنهآ بدت تعصب .
لانهآ موب عآرفه تتصرف , ثوآني وإلا وهي مبتسمه بخبث كبير طقت اصآبعهآ ببعض ..
ثم أتجهت للبآنيو وفتحت المويه عليه , ركبت وهي تغني بصوت عآلي.
ياليت مالي خفـوقٍ ينبض وليتها
إلا نعس رمشها ماعاد تسرف بنا
يغار قاميصها من لمس جاكيتها
لاهزت اكتوفها كبر ودلع ولدنا
ضغط على شفته وهو يحس أن ورآهآ جنآن كبير , خصوصاً مع صوتهآ العآلي .
نزل السمآعآت , ونقز من السرير بقهر .. رآح للحمآم . وطق عليهآ بقوه
سكتت وهي تلفت بخوف على طقة البآب .. خطر ببآلهآ رآئد معصب .
غطت وجههآ بالمويه , ثم رفعت رآسهآ وكملت بصوت شوي حليو نآعم .
يوم كشفت عن مفآتنهآ وضميتهآ
قآلت لي الحب وشهو قلت بيت الهنآ
أبتسم بإستهزآء وهو يهمس "على بآلهآ بتآثر فيني ههه ههه ".
طق البآب مره ثآنيه , ثم رفع صوته : ملوك أفتحي البآب
ملوك بجديه: لوسمحت رآئد فآرقني
رآئد رفع حوآجبه وقبض يده بقوه : أفتحي البآب لِ افضحك وأنفضك نفض
زمت شفآيفهآ ووفتحت البآب بهدوء , طلعت رآسهآ : نعـم ؟
رآئد نآظر عيونهآ : قلتي لي تبين روبك ..؟ مآقلتي بتسوين فيديو كليب هنآ ؟
ملوك بدلع يتخلله تحدي : والله عآد كيفي
دف البآب بقوه , وهي خآفت دفت عليه لكن كآن اقوى منهآ ودخل بسرعه .
ألتمت على نفسهآ بإحرآج , نآظرهآ بإبتسآمه جآنبيه مآفهمتهآ أبداً .
قرب منهآ وهو ينآظر عيونهآ , بسرعه حط يده على رقبتهآ وضغطهآ .
رآئد بإستحقآر : أجل تبين اضمك , يآشيخه اللي مثلك يخب عليهم نظره
سكر البآب وطلع من الجنآح بسرعه , وهو يتمآلك نفسه ويحآول يضبط تنفسه .
عقله يصرخ بِ "عآيفهآ عآيفهآ , وأشكآلهآ ماتنقرب "
×××××××××××××××××××××××××××××××××××××××××
يآسر
في غرفته وأورآق الشغل قدآمه منثوره , يعدل شغلآت بيسطه .. خلص بسرعه .
ونآظر العود المآيل بشكل رهيب ومحبب له , سحبه بهدوء وجلس محله وبدآ يدندن على
لحن يحبه حيل , حآس انه فرحآن شعور صآبه اليوم مآيدري وشو بس مستآنس .
غمض عيونه وتعمق بالدق , وقلبه بدآ ينبض لهآ .. حس أنه بدآء يميل لهآ .
شلون مآيدري كل شي جآ سريع بس حآس انهآ رآح تجبر بخآطره وتبرد قلبه .
في غضون ثوآني وخطرت ببآله شوق تغيرت حآلته بشكل مو طبيعي .
فتح عينه ثم بعد العود عنه , وكشر وبنفس الوقت حقد .
تطق صوت بدآخله [مآفي إنسآن يقدر يتعآيش مع هالعلآقآت]
هز رآسه بِ معنى "إيه" وبصوت هآمس : لآن كلهآ غلط في غلط .
لعبت وأكلتهآ بوجهي واتعلقت فيهآ , مآ أستفدت من تعذيب 8 سنين ولاآآآآآآآآآآ شي
صفق إيدينه في بعضهآ بقهر ..
يآسر : الله يعوضني خير بس هذى اللي أقدر اقوله .
×××××××××××××××××××××××××××××××××××××××××
بآلسيـآرة
فهد : تبي الصدق نآوي اسآفر فرنسآ
عبدالرحمن: يآ أخي أنت مآتتوب من لعبك ؟
فهد بنذآله : لا طبعا من متى تبت ولا ندمت عن شي سويته
عبدالرحمن نآظره بقهر : حس على دمك لو شوي يآ فهد
فهد ونظرآت الإستغرآب ملت وجهه : لآ يآشيخ ؟ من متى هآلكلآم يآدحوم
لف وجهه عبدالرجمن على جنب وهو مقهور منه : من بعد مآحسيت اني بتزوج
فهد : طيب وش تغير اللحين بيتزوج انا ولا أنت
عبدالرحمن: انـآ بس انت خويي ولآزم اني اتغير
فهد بصدمه : قصدك انك مخليك سآكت عني يآ أخي ترى ماسويت شي بحيآتك على اسلوبك ذا ومع جلستك مع بندر ويآسر لانهم ماعاشوا صح
عبدالرحمن : وش بنظرك اللي يعيش عشتك زوآجآت و مسفريآت
فهد وقف على جنب السكه وهو يقول بحده : أهآ فهمت قصدك اللحين انت تحآول تغيريني قصدي حآولت ومانفع معاك قلت خلني اجيه بالقوه يمكن ينفع يعني خآيف اني احرفك ولا خايف على مشاعر جود ؟
عبدالرحمن : والله لآ هذي ولا هذي لاني طول عمري معك ولا فكرت بتفكيرك ذا بس هي نصيحه ان اللي اليوم تسويه بخطيبتك وابوك واعمامك بيجي يوم وتندم عليه
فهد حرك يده بلآ مبآلآه : كلنا راح نندم عآدي بس ندهم اكبر وعذابهم اكثر وحزنهم اكبر
خلهم يذوقون شوي من اللي يسوونه للمسكين
عبدالرحمن أنقهر ورفع صوته : وانت كذا تبي تذبح المسكين بيدك
فهد ببرود : لا ياحبيبي انا اصحيه من حلمه اللي يعيشه وقبل كل شي ابري ذمتي عشان مايجي يوم وينكشف كل شي
عبدالرحمن: ماراح ينكشف شي دام هالسنين كلها ماطلع حتى ذرة وحده
فهد هز رآسه : طيب .. بس كل واحد ويمشي على هواه وانا ناويه اعدم اللي قاعدين يبنونه على كذب
ماعادت اضمن شي حتى انا ما عدت اضمن اني فهد الحقيقي ولا لا
عبدالرحمن: فهد تعوذ من ابليس ولا يلعب الشيطآن برآسك اكثر .
فهد : بس مآرآح اسكت واللي اسويه انا مآ رآح يغير من علآقتك مع عآيلتنآ ابداً
عبدالرحمن: إلا لان كلهم يشوفونا شخص واحد
ضحك فهد وخبط على كتفه : بكره رآح يعرفون انك عبدالرحمن مو فهد عبد الرحمن .
×××××××××××××××××××××××××××××××××××××××××
آلريآَض
بآلمجلس وقهوتهم قدآمهم , ينتظرون آلشآيب وبنته اللي كآنوا على وصول .
سآره : يقول دخلـوآ الريآذ خلآص
تركي: الحمدلله يآرب , إلا عمي يبي يصير جآلسن عندنآ ؟
سآره أبتسمت بِ فرح : إيه إن شاء الله
تركي : والله هذي السآعه المبآركه والبيت اللي يبى يتبآرك
سآره : إيو والله يبي يغير من جونآ ونفسيته المكسوره
تركي : لاآآآآ إن شاء الله يبي يتغير الوضع كلبوه , حولنآ شيآب كبره وحقين مجآلس أحسن له من الديره
سآره : مير هذآ حآل الكبآرين مآيحبون غير ديرهم وربعهم
آللتفتوآ , وهم يشوفون خآلد ويتبعونه أخوآنه .
تركي : يآهلآ والله بعييلي
خآلد بصوت مرآهق مضخم مثل مآهو معروف , وبطريقه عبيطه : هلآآآآآآآآآآبك يآ ابو خآلد
مآرفع يده تركي وهو يشوف يد خآلد ممدوده لـه
خآلد فهم على أبوه , وأنحرج .. لكن بسرعه تدآرك نفسه وهو يشوف نظرآت ابوه البآرده له .
تقدم وحب رآس ابوه ويده , وجلس على جنب .
عبدالله : يمه , فريح العبده تبي تجي ؟
سآره بحده : لآتقول عن خآلتك عبده , كلنآ عبيد الله
عبدالله ضحك وهو يطآلع في خآلد : يمه العبد لآزعل وش يصير في خشمه
تركي : عبيد خلك سآكت لآيجيك علم
عبدالعزيز بصوت عآلي : يمه خآلد يقول يصير كبـر بيتنآ
سآره : عزوز أصصصه لآتقول كذآ
نآظر تركي بخآلد وهو مقهور وتكلم مآبين أسنآنه : وشوله تقول لِ أخوانك كلآم مثل هذآ ؟
خآلد ينآظر أخوآنه شوي وينزل عيونه .
تركي : مآتجآوب يآ مهجد عيآل الحآره ؟
رفع رآسه بسرعه ونآظر في أبوه , كمل تركي وهو يطلع كل اللي عرفه وسمعه عنه .
تركي : وش تبى بكفر النآس تنسمهآ ؟
خآلد بتردد : يبه مآ سويت شي
تركي رفع صوته : مآسويت شي هآه ؟
وقف تركي وخآفوآ العيآل : بسرعه كلكم توقفوآن هنآ , سآره لآهنتي هآتي الخيزرآنه .
عبدالله دمع : يبه
تركي : وحطبه , أصص انتم يبآلكم تآديب أثرني اربي على عمآي اثرني
عبدالله وهو يشوف أمه متجهه للبآب : يمــه
طنشته سآره ورآحت دقآيق ورجعت وعيون تركي ترآقف آلعيآل بحده .
تركي : مد يدك أنت ويآه بسرعه
عبدالعزيز :يبه تبى تجلدنآ ؟
تركي رفع صوته بعصبيه : لآ تبى اصورك , أفتح يدك
كل وآحد مد يده وهو يرتجف من نبرة ابوهم , وعصبيته , بدآء يطقهم على إيدينهم .
وصرآخهم بدآ يعلى , وعبدالله عبدالعزيز صآحوآ وكل منهم يمسح دموعه ويرجع يصيح .
تركي : رووووووحوا ولا عآد تقولون كلآم مآتفهمونه
وقف عند خآلد وهو يشوفه ينفث في يده وينفضهآ بعوآر .
تركي رفع صوته : أفتـح يدك يآخآلد
خآلد مآسك عبرته : يبه تكفى خلآآص
تركي يضرب الخيزرآنه على الارض : أفتـح يدك لِ احطهآ بقفآك اللحين
خآلد : يبـه خلآص تكفى
تركي بسرعة البرق ضربه على يده وهو مقبضهآ على بعض .
صرخ خآلد .. ولف وهو يضم إيدنه أكثر وعيونه بدت تدمع من الألم .
لحقه تركي بوحده من ورى , وهو يحآول قد مآيقدر يتكم غيضه عنه .. وبسبب اخطأه لآزم يتعآقب .
اتجه تركي لِ اللضرب بعد مآحس أن كل السبل مآنفعت مع خآلد .
*
" ] | [ جبـر الخـوآطـر يآعآذلي يمدحـونه ~
25-11-10, 06:43 PM
جديد مواضيع قسم الارشيف
العرض العادي
