كاتب الموضوع :
مشاعر العتيبي
المنتدى :
الارشيف
الفصل الثـآنيْ~
بـآرت 1
.
.
الساعه5 ونص الصبـآح . .
شبـآك فرح مفتوح وهي واقفه قدأم المرآيه وتسمع صوت العصـآفر عند شباكها . .
شكثر حلو الصبـآح و وقت الشروق دايم تعطي داخل القلب أمل . .
خذت فرح مشطها وهي طالعه من غرفتها سحب رجولها سحب من كثر الكسل . .
راحت فرح ل امها عشان تمشط شعرهآ . .
فرح بصوت كله نوم : ها يمه خلصت . .
جلست قدام امها وفكت شعرها الطويل يوصل ل اخررر ظهرها لونه بني على حمار الحنا يلمع وحرير وكثيف معتنيه فيه حيل . .
مدت تمشط امها وكالعاده تقرى عليه لين ماتخلص
[بعزيمه كبيره وفرح وامها حاظرين وكان فيها اهل ناس من الديره وفيها رقص و جمعه بنات كثير شعورهم طويل وكثير شعورهم ناعمه بس مثل كثأفة شعر فرح ونعومته مافيه. .
للأسف من العجله نست فرح تحصن نفسها. .
تدرين ان هالبنت ناويه اخذها ل ولدي أن شاء الله:
بطنازه:ايه بس تخبرين انتي البنت مزيونه بالحيل تهول العقل ولدتس والله مامنه ذره من الحلا
بدفاع:هوو؟ وانتي يعني من زين عياتس كل واحد أقبح من الثاني
بضحكه: وانتي ورآتس قلبتي على عيألي . . ؟
اللحين انا اقولتس خلي ولدتس يخلص ثنويه ثم فكري تنزوجينه
سكتت وهي مقهوره من كلامها بس اللي قالته صدق . .
لفت عليها مره ثـآنيه وهي تشوف فرح تقرب منهم
ناظري انت بس الشعر والله لو علي اخذتها بس ماربك كتب:
:استغفري ربك يامره الولد يقال انه لبنت عمه وتمت الأمور وراتس تندبين حضتس هذا النصيب . .
يحسره:يالله بس مير احد يشوف ه الزين ولا يتكلم
بنرفزه: لحول قلي ماشاء الله
ماشاء الله تراني منيب عيانه
تخزها:ايه بالحييل
ومن بكره قامت فرح الصبح وراأحت تغسل شعرهـآ وراحت ل امها تشمط شعرها . .
أمها بصدمه: فرح ؟
فرح:هلا يمه
امها: شعرتس وش فيه اليوم؟
فرح وهي تلف: وش فـ
سكتت وهي تناظر حظن امها سحب الشعرها من فوق وحطته قدام . .
فرح بصددمه:وش ذا يمه؟
أمها: والله مدري كل ما مشطت نزل معي واجد
فرح شوي وتصيح: يمه شعري وش فيه ؟ ليه نزل كذا وربي كأنك قاصته جد يمه ماقصيتيه؟ وناظرت مكينة
امها: لا والله ماحطيت المقص فيه
تمت فرح ع هالحـآل 3 شهور وبعدهـآ رجع شعرها على طبيعته بعد ما اشترت لها زيوت تغذيه ]
قطع تفكيرها صوت فرح : يمـه
أمها تنفض الأفكـآر من راسها :هلا يمي
فرح : يمه وش فيتس لي ساعة وأنا اسألك ..
امها وهي تلويه : ماعليه يمي كنت افكر وش تبين ؟
فرح :امس تقولين لي فوزيه ماهيب جايه المدرسه رواها؟
امها: والله مدري عنها تقول مانيب رايحه وهي تسال عنتس وقلت هيه تعبانه وماقدرت تجي . .
هزت فرح راسها وهي تقوم : اها يمكن عشان عربهم والبيت زحمة ماتقدر تترك امها كذا لحالها
[فرح شعرها طويل ولاتعودت تمشطه ومن عرفت الحياه وهي تشوف امها تشمط شعر ساره اختها, حتى بعد ماتزوجت وكانت تجي كثير عندهم]
.
.
الساعه 6
قرية تبعد عن الريـآض ب 40 كيلو
ساره :عبيد قوم يالله كل يوم وانت غايب خلاص ماعاد فيه غايب اليوم ولا ناديت أبوك عليك
فز وقف عبدالله وهو يسمع امه وش تقول: خلاص يمه قمت قمت
ساره ضحكت من كلمة ولدهـآ وخوفه من طاري ابوه
تركي وهو داخل الغرفه يضحك وهو يسكر ياقت ثوبه. .
ساره ب ابتسامه: دوم ان شاء الله بس من وشو ؟
تركي: ابد شفت الموقف اللي تو وضحكني
ساره تضحك: قابلته ؟
تركي وهو يضحك: ايه وهو طـآلع يقول قمت وقسم بالله قمت
ضحكت ساره وهي تتخيل شكل عبدالله. .
طلعت ساره وراحت تشوف عيالها الباقين إذا خلصوا ولا لاء
خالد فاتح شنطته ويدور بالبيت . .
دخلت ساره الصاله وهي تشوف خالد يضرب عبدالعزيز وحاشره بالزاويه :قلي وين وديها ل ادوس على فمك
عبدالعزيز بخوف: وقسم بالله مدري عبيد اخذها مني
خالد لف بقوم وهو يصقع ب امه : بسم الله وش هاللوحه؟
ساره تمسك يده توقفه: وش لوحته؟
خالد : ابد كني اشوف لوحه واخفت مدر
قطع صوته ابوه بحده: وش لوحته ياخويلد؟
رفع عينه على ابوه: خلاص ياناس قلت اتخيل لحول ولا قوه
تركي قرت من خالد: خويلد تعوذ من بليس وامك واجب عليك تحترمها لوحه بعد ؟ اللحين لوحه اجل بكرا وش؟
خالد يفك يده من امه بصوت واطي: انت اللي تعوذ مـ
ساره اللي سمعته وقرت فمها عند اذنه: خالد لاتطول لسانك على ابوك تسمع ولا لاء؟
خالد: خلاص ابروح ادور اغراضي فكيني طيب
شيء طبيعي هذا الخناق بين خالد واخوانه وامه وابوه كل صبح . . .
[تركي حبوب بين ربعه واهله لاهو الجدي اللي يرعب ولا هو المزوح بزود
خالد اول متوسط أكبر عيال متعب زاحف ومايهمه احد ابد
عبدالله خامس ابتدائي يخاف من ابوه حيل وخصوصاً وقت الصبح عنده عقده من المدرسة ويكرها كره مو طبيعي
عبدالعزيز ثاني ابتدائي
ريا 5 سنوات]
.
.
الظهر الساعه 1
منسدح على سريره إلى الآن وهو زهقـآن يكره المستشفيات وجوهـآ ع أن جنـآحه مايدل انه ب مسمى [مستشفى] أو شي مثل كذأ
بس هو تعود يكون حُّـر . .
له 3 أيـآم وهذا بداء الرأبع ملل حتى ولو الن رفع جواله اللي بجنبه
e36 وأتصل على رقم حـآفضه عن ظهر قلب . .
بصوت واضح ان فيه ضحكه:هلا وغلا
ابتسم وهو يسمع صوته يريحه حيل: هلابك فيك
:شخبـار خروفنا اليوم؟
:خروف بعينك
:شسوي عاد اجل واحد يعصب ويسوي حادث عشان بنت لا راحت ولا جت
بنرفزه:قسسم بالله لو ماعقلت ل اطلع من مكاني واجيك طيران
بضحكه: اقول اركد بس امزح معك تدري عشان تتووب دايم عاقل وخربتها ورحت ب خبر كـآن
:المهم وينك اللحين؟
ب اهتمام:ليه؟ تبي شيء مهم؟
:يوه اللحين أسالك وينك فيه؟
بالشركه باقي لي كم شغله بخلصها واطلع ليه؟:
اها طيب لا خلصت تعال لي:
بتفهم: ابشر ولا يمهك
يلا انتظرك فمان الله:
:فمان الله
.
.
عند فرحّ
توها طالعه من المدرسه متجهه ل بيتهم مشي المدرسه لاقريبه ولا بعيد بالوسط هالمره ابوها يحسب فوزيه بتداوم وماجاه وامها ما اكددت له . .
فرح: اوف ترى التبن سيعد واقف هناك الله يستر منه
مشت بهروله تبي توصل على الاقل إي بيت عشان مايعرف انها فرح . .
بس للـأسسف
.
.
فأطمه وهي تقوم من فراشها تشوف الضربات متأثره بشكل قوي عليها
موف و أخضر كتفها واخر دقنها أثر لوية العقأل . .
طبعاً فاطمه لها اكثر من نص ساعه صاحيه بس تنتظر خالد ينام وتقوم وتعدل من شكلها . .
البندري بالصاله عند ابوها: يبه ليه تطق امي امس تدر
خالد قاطعها وهو يوقف: البندري هذا شي بيني وبين امتس مالتس دخل فيه انتي ناظري بدروتس وانتبهي ل خواتتس
راح والبندري دموعها على خدها . .
العنود ببرأئه :بندري ليه تصيحين ؟ وش سوالك ابوي؟
البندري تمسح دموعها وتركت طفله حـآيره وراهاااا . .
أطفال أبرياء مو فاهمين شي بالحياه للحين كل ببن فتره وفتره هذا حالهم تنزل دموعهم ولهم من يضمهم اب موجود وبكامل قواه النفسيه والعقليه وام موجوزده ولا فكروا فيهم ولا ألقوا لهم نظره. .؟
.
.
نازله بدلع كعادتها وبلوزه صفراء فيها صوره من الوسط لها برمودا اصفر وطرفها اخضر
وشعرها اطرافه موف ذيل الحصـان
تناظر يمين ويسار : مااااااااااامي
هلا حبيبتي مساء الخير:امها وهي تتصفح المجله
مساء الورد, ايش تسوين؟:حبت خدودها
جلست على الصوفـآ الذهبيه الكبيره : مثل منتي شايفه ادور لي مديل حلوو
:اهاا اوكي مامي انا مرا زهقانه اتصلت على بنت عموو وقلت لها بتغدى برى
ممكن؟
امها:ياحياتي طيب ذحين بابا جاي خليه يوم ثاني
:لآ لآ انا ابغى اليوم اوو صح ابغى اخذ ريان معاي . .
دخل بصوته الطفولي:وين اروح؟
امه: ماراح تروح ماكان
لييه ماما خليه يغير جو من زمان ماطلعتيه انتِ :
لا اخوك تعبان ومايصير يطلع خليه لين يتشافا بعدين تطلعيه على كيفك:
دخل عليهم بصوته العالي والخشن :سلاااااااااااام يالربع
الكل:وعليكم السلام
يدف اخته: تقلعي هناك بجلس جنب امي
: يووه بشويش لاتدف
وقفت : اوكي ماما خلاص أروح؟
بلقافته:وين رأيحه؟
:خلاص روحي ياماما
:وين وين؟ بروح معاك؟
:وعع انا اروح معاك انت؟
:ليه وش فيني و وع بعد لعنبو ذا لوجه مانيب عاجبك؟
أقولك وين تؤمي بس؟:
توأمك؟ وريح نفسه ببرود ..اهاا مدري عنه والله:حرك يده فوق وتحت
وهو يفتح الباب : هااااااي
بخشونه:وتراب
حول نظره ل امه :ههه ايش فيه ماما؟
: والله ما ادري عنه هو قدامك واساله
:ايش فيك حبيبي ؟
يناظره من فوق ل تحت ومحتقره . .
:قول عاد ليه معصب كذا؟
:اللحين انت شفت شكلك اليوم قبل تطلع؟
ابتسم وهو يجلس مقابله: ايوه
نزلت من الاصنصير وتسكر عباتها الناعمه ماسكه عليها فيها شوي تطريز بالاطرأف والطرحه مثلها كله فوشي والشطنه الفوشي الكبيره ومحدده ب رمادي . .
:مامي تبغين شي وانا جايه؟
لا سلامتك حبيبتي انتبهي ل نفسك:
وهي متجهه للبـآب:اوكي
الله على اللي ناسيتنا ؟:وقف
لفت عليه وهي تشوف لبسه : وااااو لا والله ما انتبهت لك
من اخرر الصـآله بعد ماتكى: واو هاه , اجل عاجبك لبسه؟
جاها يمشي: ايش رايك بس خليك منه؟
تنـآظر التي شيرت ب اعجاب: كيوت يادبى طالع جنان مرا مرا
\
لابس تي شيرت فوشي وفي من قدام طبعات مالها معنى رمادي غامق وفاتح وبرمودا جينز سكني, وشعره سبايكي, اساور فوشي وسلسال رمادي جمجمة صغيره
/
فتحت عبايتها وقفت جنبه
تناظر امها: ماما موقلت لك توأمي بكل شي مطقمين
تسايرها: هههه توأمك واحد قال غير كذا
:وعاد من زين اللي مطقمين به فونشي فونشي
:ههههه ايش فونشي هذي؟
:ههههه يمكن من مصطلحاتهم
تناظر ساعتها الرماديه الكبيره : اووه تأخرت عليها
:مين؟
:بنت عموو جود وفي غيرهاا
راجع مكانه :اهاا يلا انتبهي ل نفسك حبيبتي
:اوكي باي
.
.
فرح بخوف تبلع ريقها:اللهم اجعل من بين ايديهم سدا ومن خلفهم سدا واغشهم ف إنهم لايبصرون
وعيونها على سعد اللي من القايله جالس والشمس يصقع فيه ولا عليه منها يتامل اللي راح واللي يجاي وركز عينه عليها وكأنه بتعرفها
سعد وقف وهو يشوفها تلف وشوي وتختفي عنه . .
مشىء ببطى وعيونها على الزأويه اللي لفت من عندها فرح . .
ك سرعة البرق لف مع الزأويه يشوف عباتها تطير مع الهواء
سعيد بهمس:فرح ؟ فرح
فرح استعجلت بخواتها اكثر واكثر . .
سعد وهو يقرب منها:فررررح فرررح تكفين وقفي بقولتس شي مهم واروح
فرح وهي تمشي:ارجع وااللي يرحم والدينك
سعد برجاء :تكفين فرح وربي بقولتس كلمتين وعد وعد ولاعاد انتي شايفتني
فرح وقف:طيب ابعد لاتقرب تكفى ما ابي احد يشوفني معك
سعد بفرحه غامره رسم ابتسامه عريضه على وجهه:ابشري اهم شي عندي رضاتس
فرح بخوف: سعد اخلص وش تبي؟
سعد بحزن من اسلوبها الجاف كالعاده ومن اللي بيقوله
.
.
وهو يشوف البـآب ينفتح وجالس على الصوفا بعد مانفخ على الممرضه وطلب منها تنقله ل الصاله . .
له تقريباً ساعه ونص وهو جالس وقدامه التفلزيون وينظر الباب ب أي لحضه ينفتح . .
لاآآآآآ بدري والله بدري:يصفق بخفيف
وهو يشوف ابوه بثوبه الأبيض وشماغه الابيض كالعاده كاشخ وكأنه ب 30
وقف وابتسم بحرج : هلا يبه حياك والله
ابتسم ابوه أكثر: الله يحيك , من جالس تنتظر؟
:انتظر ياسر له نص ساعة ونص لاطعني ولا جاء
ضحك : أي والله قالي بس انا رديته شفته تعبان وقلت له انا بروح عنك واشوف إذا يحتاج شي
:مشكور وماتقصر يبه بس ابي اسولف معه شوي مليت من القعده بروحي
:يلا كلها يومين وتطلع انت لاتعب نفسك كثير القومه والقعده ترى تعب
:لا مابه تعب ان شاء الله , شخبـآرك؟ وشخبـآر الشركه؟
:الحمد لله انا والله بخير , والشركه ماشيه
سألتوا فهد وينه فيه اللحين ؟:وهو يتذكر
:لا زين حصلناه الله يهدأه طلع مغير رقمه ودوروا عليه بس من يوم راح يقول كل مره ابي ارسل ولا عندي وقت وارسلها على عمك
:إلا هو يبه تم سالفته على جود ؟
:أيه ايه بس يقول لارجعت ضبطت اموري وجود ماهيب طايره والكل عارف انهم لبعض
:يبه عطني رقمه الدب وحتى ناسيني ولا سال عني
:هههه لا حرام يوه والله نسيت يسلم عليك بس لاني كلمته قبل الاجتماع وماطولت معاه . .
.
.
سعد وهو منزل راسها:فرح ابيك تسامحيني على كل شي سويته لتس تكفين يافرح واللي خلقني تعبان يافرح ما ابي اروح واحد شايل علي من هل الديره
قاطعته فرح وبصوتها المحبوح وزأدت بحته بحشرتها وتمنع دموعها تنزل: مساتحتك ياسعد مسامحتك روح والله ييسر دروبوك
سعد وهو مكسور: فرح تكفين برجع وابيتس مثل ما انتي فرح لاتغيرين وتذكري ترى سعد والله ماينساتس بلحضه برجع ولحد يقدر يمنعني عنتس
حزنت فرح حييل وهي تشوف حاله اليوم مسكور . .
رفعت راسها بسرعه : خلاص ياسعد طولت بالحيل وانا اتاخرت على امي ربي يحفظك وترجع سالم كلنا ننتظر سعد الاولي فمان الله
قفت وكملت طريقها بسرعه وهي تمنع دموعها تنزل اكثر تخاف امها تشوفها وتشيل همها ماتقدر تعلمها بالحقيقه ولا تقدر تخبي عنها . .
ناظرها سعد نظره اخيره وهو يمسح جبهته من العرق رجع مكانه يبي يهداء شوي ثم يروح ل اهله اكيد انهم ينتظرونه اللحين وخايفين عليه. .
.
.
وربي أشتقت له مووت :
ان شاء الله يرجع وبعدين أنتِ شفيك ترى مو أول مره يسافر:
أدري بس قهر يوووم تكلموا ب الموضوع جد سـآفر وكانه يبي يقهرني :
, جود احنا كلنا عارفين شلون تفكرين بس:تطقها بكتفها
ان أنتِ لفهد وفهد لك يعني لاتفكرين كثير كلها 3 شهور 2 ويجي ان شاء الله
تحرك شوكتها مالها خلق تاكل ولا تتكلم ولا شي مودها مو رايق كفـآيه للحين ماتدري عنه ولا جابوا طاريه صحيح عملي حيل بس إذا كان معاها ينسيها كل شي كل شيء ويرمي الأعمال وراه . .
رن جوألها وناظرت الرقم دولي . .
رفعت رأسها وهي بعدها تاكل: مين؟
:ما ادري رقم دولي
:يااااي أشوف اششوف
مدت لها الجوال: خذي
بعد مامسكت الجوال وخلصت اكلها: ارد؟
:بكيفك
بسرعه ردت وركبت السماعات
بصوتها النحيف :الوو؟
صوت رجولي: السلام عليكم
:وعليكم السلام مين؟
ب ابتسامه عرفها بس غريبه ماردت هي عليه:ممكن جود ؟
تأشر لها اسألي مين؟ ولا صرفي
:ايوه جود مشغولة مين انت؟
على ابتسامته :قولي لها يبيك ضروري
وكانها تعرف الصوت ذا: فهد؟
لفت بسرعه غدي وعيونها على الجوال . .
فهد: مين فهد لا اختي انا مو فهد بس ابي جود ضروري يهمها لو سمحتي هي جنبك؟
:أيـ
وهي تشوف عيون جود مدمعه
نزلت الجوال لتحت: جود شفيك حبيبتي؟
:فرحتيني على بـآلي فهد
وهي تمسح على شعرها القصير وترجع الجوال: ايوه هي جنبي مين انت لوسمحت
فهد حزن عليها يوم سمع صوتها : انا فهد
بفرح واضح بصوتها:جد جد انت فهد؟
:ايوه بسرعه اعطينيها بطمن عليها
سحبت الجوال من يدها وهي تمسح دموعها:فهد
:عيووونه كيفك حياتي ؟
:مو بخير
:أفاااا ليه بعدين ليه صوتك مغير انتِ تصيحين؟
سكتت وماردت عليه . .
فهد :حبيتي جود ليه تصيحين ايش اتفقنا عليه مو دموعك ذي تعذبني ؟
جود:بس انت مو عندي ولا اشوفك فهد مو حرام عليك رحت ولا اعطيتني خبر ليه؟
فهد وده لو يكون عندها: والله ماعندي جرئه اجيك واقولك بغيب عنك 3 شهور وقتها راح تصيحين مو؟ وتخربين ثوبي مثل كل مره
جود ابتسمت بحيـآء: بس برضوا لو بالموبايل بس
:خلاص أنا اسف وهذي بوسه اموآآآآآح
ضحكت جود وتتخيل شكله . .
سمع صوت ضحكهـآ : واقول طاح الحطب على قولهم
قول طاح الحطب :
فديتك وربي يـآآآآآآآآ اني اشتقت لك مووت :
جالسه تنـآظر بنت عمها وحبيبتها وصديقتهآ شلون تغير حألها من سمعت صوته . .
[فهدو جود
علاقة حب قديمه من هم صغـآر وهم يحبون بعض بس طبعاً محد يعرف غير البنـآت وآساساً هو يصير ولد عمها خطيبها مستقبلاً لانها محيره له مع انها مو عاداتهم ابدن بس فهد كلم عمه من زمان وانتشر الخبر..
فهد 25 يشتغل بالشركه وسفريـآته كثيره
و جود 18 ثـآلث ثـآنوي]
.
.
فرح بعدما دخلت البيت وحمدت ربها ان امها كانت بالصـآله ابد ولا ابوها يعني ماقابلت احد . .
بسرعه نزلت لبسها وتوضت وصلت بعدها جلست ترتب اغراضها وبالها مشغول مع .. سعد..
[يـآالله ياسعد ليه بتروح؟ وامك وابوك فوزيه و مطلق تتركهم كذا ؟ بتفقدك الحـآره وعيال الحاره والديره كللهـآ]
قامت فرح وتحاول تتناسى هالسالفه وتروح تحط الغداء كالعاده
طلعت من الغرفه وراحت غرفة ابوها . .
فرح تفتح الباب:سلا يبه
ابوها:وعليكم السلام يابنيتي
حبت راس ابوها ويدها بيده : شلونك اليوم ؟
ابوها:بخير طيب ماعلي
فرح: لا والله زوين يبيلي الدورلك عروس من ربع اهل ام فوزيه ولا امي انخطبت امس وخلصت
ضحك ابوها: ايه زين اجل امك انخطبت
تضحك فرح وهي تمسح على يده:ياجعلها دوم هالضحكات يارب
ابوها:امين
وقفت فرح:يالله يبه انا بروح احط الغداء
ابوها: الله يوجهلتس
طلعت فرح تشوف امها بالمطبخ . .
فررح: الله الله نشيطه ام خالد اليوم وش عندتس؟
امها وهي تذكر السالفه:هماتس تقولين انخطبت ؟
فرح: ههههههه وعاد انتي صدقتي على طوول
امها:هههههههه الله يقطع سوالفتس من بنت
.
.
3العصر
سعد وهو بالغرفه حقت أخوانه ويطلع الشنطه الوحيد مو من كثر طلعاتهم وسفريتاهم أساساً فكانت شنطه وحده عندهم. .
مطلق منسدح على فراشه ويطقطق ب العلبه اللي جنبه :راحت على البـآب الإيمن فوق مكسيما والشاص عيا حلال القوم يلحقها
يعشق هالشيله حيل . .
[في محطة عندهم واقف مع أخوياه
مطلق : اوف تشوفون اللي اشوفة ؟
حسين:يـآآآآآآآآآآآآلبيـه يـآالساق
مطلق يدفه: ياملعون
حسين يقزها : الله يلعنها ياعليها بياض
واحد منهم: متخلف تفكيره راايح وطي
حسين: لعنبو سواقها مايحس هذا؟
مطلق: وجعععع حسين اسستح على وجهك
[وحده نازله من مكسيما فضي ل المسجد وعبايتها بشت وطويله وظلوا يراقبونها لين ماطلعت وحسين يتغزل فيها وقلب مطلق ؟ ؟ ؟ ]
مطلق بشاعريه اكثر وهو يتذكرها : كتم لها السايق الملعون تكتيما ياليتني في محل الورع سايقها
سعدابتسم وهو يحس وقصايده كثاره ه الإيام: مطلق وش عندك ؟
مطلق رفع عينه ل فوق : ههه انت اللي وش عندك؟ مطلع الشنطه؟
سعد طنششه وصار يكمل شغله وباله مع ..فرح ..
فوزيه فتحت الباب وقفت عنده وتطقطق ب الباب:مطللللللللقووه
:هااااااااااااه ياعذاب مطلق منكم رح جب لبن رج جب خبز رح جـ
فوزيه: قم قم بس امي تقول رح جب لبن
مطلق: خلااااااص قسسم بالله عرفت ارحموني ياناس مع القايله احد يطلع؟
عطوني على الأقل بسكليته اقضي اغراضكم به
سعد قاطعه وهو يسكر الشنطه: ههههههه سيكل وين اللي طموحه يسوق مكسيما
مطلق: هههههههه امحق والله انه حلم ابليس بالجنه
فوزيه: مطلق بسرعه قم مالي شغل انا بروح يالله سلام
سعد: فوزيه فوزيه
فوزيه دخلت ناظرت سعد:هلا
حولت نظراتها ل اللي بيده : الشنطه؟ وين رايح سعد؟
سعد: فوزيه نادي امي وبعدين تعرفين
طاااارت فوزيه ونادت امها وهي ماسكه يدها وتجرها : يمه يمه لو تشوفين اللي بيد سعد تطقين لنلتس ميته
امها تسحب رجلها سحب: افاا وين , فوزيه بشويش تعرفين رجليني تعورني لاتزيدينها عوار . .
دخلتها بسرعه وهي متجاهله كلامها ..
فوزيه: شوفي يمه وتاشر على الشنطه . .
امه :هوو سعد وين انت رايح؟
عد تقدم وهو يشيل الشنطه وحب راسها: يمه واللي يرضالي عليتس مهوب تبين ولدتس يرفع راستس؟
امه وكانها فهمت: ايه ياويليي منى عيني
مسك يدها بحنان: هذا سعد يبي يروح ويرجع رافع راتس وانتي بس انتظر
قاطعته دموع امه: لا ياسعد تكفى لاتروح لاتطلع من الديره وانت تدري انك ابونا مالنا غيرك
مطلق وقف وتوه يستوعب: سعد انت من جدك؟
سعد ناظر مطلق : أيه ياطلق وانا بروح وادري لي شي يشغلني واصارف نفسي
امه : تكفى ياسعد طلبتك
سعد يمسح دموعها : ياوميتي ياحبيبتي انا منيب مطول أبرجع وتفتخرين فيني عند كل ريجيل و حريم الديره . . يمه تكفين لاتردين رغبتي بالروحه
امه تبكي وفوزيه تمسح على ظهرها ودموعها على خدها
مطلق واقف ويناظر الموقف ماعنده كلام يقول سعد اكبر وافهم بالحياه صحيح هم محتاجينه بس بعد هو رجال خلاص ماله داعي احد يخاف عليه ..
وقف سعد يبي يتخلص من الوهقه مايبي يشوف دموع امه تعور قلبه حييل
سعد: ما ابي غير دعواتس يالغاليه
حول نظره ل فوزيه : تكفين انتبهي لها يافوزيه تفكين عطيها علاجها على وقته ولاتقهرينها وانا مانيب مطوول ..
رجع وسلم على راسها واشر ل مطلق يلحقه وطلع بسرعه ماقدر يقول اكثر من كذا ماعنده القدره ابد . .
بالشارع مطلق وسعد واقفين . .
سعد :تكفى يامطلق البيت امانه برقبتك انتبه ل امي وفوزيه ومالهم احد عقبك
مطلق: ااكيد ياسعد لاتخاف وانت بترجع ان شاء الله
سعد يهز راسه : ربي يكتب لي الخير ادع لي بس
مطلق يربت على كتفه: الله يوقفك ويسدد أمرك
سعد ركب السيآره ويلوح ل مطلق يروح ل امه . .
دخل مطلق وعيون سعد معاه لين سكر الباب ويلقي نظره اخيره على ويرست على شفاه ابتسامه . .
حول على على البيت اللي هواه من صغر [فرح] ..
أبتسم اكثر وفي دأخله أمل كبير
[برجع أن شاء ربي واكمل حلمي أنتظري لاتروحين وأذكريني عهدٍ على منسـآتس لو طالعت مدة رجوعي]
.
.
الساعة 6 المغرب
فرح وكتأبها بيدهاا بغرفة تحاول تختم لان مابقي غير أسبوعين على الأختبـآرات . .
طلعت من الغرفة وهي تسمع صوت امها هالمره عالي بس مغير حيل وكانها تصيح وصوت وحده ثانيه عندها . .
أتجهت للغرفة امها وهي خايفه من الاصوأت هذي صيـآح +وكلام ماهوب مفهوم ؟ . .
فرح دخلت الغرفة وشافت أم سعد تبكي بحضن امها ؟ ؟
يـآآآآآآآآآآالله شكثر هو شعور يعور القلب؟
على كثر ضروف ام سعد اللي تقهر إلا انها دايم تشوف وجهها تحس فيه آمل كبير وتحس برآحة كثيره. .
فرح تجمعت دموعها وعرفت أنه من سعد ..
شوف امها تأشر لها طلعت للمطبخ وجابت لها مويه ورجعت لها .
فرح بتلقائيه: بس ياخاله قطعتي قلبي وربي ان شاء الله بيرجع
وتفرحين بشوفته ويرفع رأستس أدعي ربي يحفظه ويرزقه من عنده
سكتت ام سعد شوي نفس الكلام اللي قالته أن خالد بس من فرح بحكم صغير سنها ؟ ؟
مسحت دموعها وشربت شوي من المويه : والله ماهوب ميدي اقطع رزقه هذا ولدي واتمنى له الخير بس هو يدري ان مالنا غير الله ثم هو
أم خالد تربت بظهرها بخفه: يبي يرجع ادعي له
وقفت ام سعد وهي منحرجه: سامحوني والله اربتكتكم وازعجتكم مع القايله
ام خالد : ابد حنا اهل ماله لزوم الكلام هذا يا ام سعد
طلعت من هنـآ ام سعد وكانت وراها فرح و وام خالد جلست بالصاله
سكرت البـآب وهي راجعه امك خالد تهوجس ..
ام خالد:اقول فرح
فرح: سمي يمه
ام خالد: اللي قالتس ان سعد رأيح منهوو؟
فرح أرتبكت : امم شسمه فوزيه من يعني
ام خالد لاحضت ارتباكها: وفوزيه داومت اليوم؟
فرح تذكرت: لا مادومت بس اتصلت علي وقالت لي
ام خالد: قلي الصدز؟ يافرح الكذب حبله قصير
فرح انحرجت ماعمرها كذبت على امها ويوم كذبت ع طول انكشفت . .
فرح : ههه لالا يمه لاتفهميني غلط بس سمعتهم وانا جايه من المدرسه
سعد ومطلق يتكلمون . .
ام خالد مشت عليها الكذبه : انتي ان شاء الله وقفتي معهم
فرح: ههه لايمه الله يهداك شفيك علي اليوم؟
ام خالد: هـآ رحي رحي جيبي القهوه بس وخلي التجسس عنتس
فرح راحت وهي تقول الحمد لله فهمتها كذا بس
.
.
.
داااااااااااااادي :
عيووونه :يسكر البـآب وابتسامته على وجهه
ريـآن اقبل على ابوه يركض ويبعد شعره الطويل عن وجهه
شاله ابوه ودأر به وريـآن يضحك
هلا والله بالشايب :نازل مع الدرج
هلا فيك :عرفه من صوته الخشن
اقول :رمي شماغه على كتفه وينكس الطاقيه
قول شتبي؟:يعدل طاقيته
ابي اسري الليله ل العزبه وابي الرنج ولا عليك أمر:
طيب بس ياليت ما تطول اوكي :
ابشر على هـ الخششم تامر امر أنت بس أشششر وأجيبها لك :
ضحك ابوه واعطاه المفتـآح وطلع . .
يحبه ابوه يعجبه ب تصرفاته صحيح فيه اشياء مو زينه يعني تعقيداته و طريقة كلامه اللي بعض الاحيان تنرفز امه بس يعزه حييل ويشك ان له تؤم
جلس يلاعب ريـآن . .
:لا لا اللحين جـآيه , اوكي لاتعصب والله محد راح يعرف , بـآي
:مين اللي معصب وليه ماراح تقولين ل احد؟
ضحكت بحرج شتقول ل ابوها اللحين : هاي بابا
:هلا حبيبتي وين رأيحه؟
: أمممم ل المستشفى طلب مني اجيب له شيء اللحين
عرف أبوه على طول منهو؟ وش يبي بعد: أهاا طيب وشوو اللي محد راح يعرفه ؟
:احمم بابا خلاص والله أمني محد يعرف
سكت أبوها بعدين رفع رأسه لها: فجر صح؟
أششرت ب راسها ايوه : لحد يعرف بلييييز بابا
:اوكي حبيتي انتبهي ل نفسك وانا انسي اني عرفت
:اوكي يلا باي
طلعت وهي حزنانه على حـآل اخوها اول مره يطلب منها ه الطلب واول مره تحسه مكسور كذا مع انه مابين لهم ابد وحاله مايحتـآج ان احد ينظر له نظرة شقفه . .
بس نفسيـاً نفسيـاً نفسيـاً
.
.
جـآلسين ب الأستراحه . .
كلهم بدل جنزأت قصـآت شعور غريبه صبغـآت . .
:إياد
عيوونه:إياد
تسسلم لي عيونك طبع بوسه على خده :أسامه
مو قدأمنا ياحيوانات :صوت بعيد يضحك
هههه خله على رأحته كلي فداه :يبي يقهره
تعلمووو تعلموو بس :يقرب منه أكثر
إياد يغيضهم ويحرك حوأجبه
قرب منه أسامه وبـآسسه بوسه قوويه قريبه من فمه
حمزة:يلللللللعن شكلك ياشيخ
:حمزة لاتناظر ترى أغااااار
حمزة:أحح بس قوم قوم غرفتنا احسن لنـآ
قاموا ماسكين يدين بعض و أسامه وإياد ما اعطو للموجودين بـآل جالسين جنب بعض وأكانهم [بنت ولد]
.
.
أسترأليا حألياً
شـارع
سمر بالقرآج ضايعه ولا تدري وينهي المكان كبير حيل و ظلام والمطر ينزل بغزأره السيارات حولها كبـار وصغـآر ولا فيها احد واهي تستنجد تبي تشوف شخص صأحي بوعيه وتكلمه
غدي بصوت عألي : مشاااااااااااري
helb meeeee: صأرت تركض يمين ويسأر
موب قادره تمشي رجولها تعورها بردانه لبسها مو ذاك الزود يديفيها ابد حطت يدها بجيب بنطلونها ورفعت عبايتها الجينز عن الماي اللي ب الأرض تعدت رجالها ..
سمر حست لحيها بينكسر من قو البرد عليه سكرت فمها بقوه بعد أسنانها تضرب ببعض
غديربدت تجمعت دموعها: مشاري وينك انا هناااااااا
/
بمكان ثـآني بعيد شوي
مشاري بخوف: يارب وينك ياسمر وينك ؟
طلع برى المول واهو ينأظر المطر والناس بدت تخف كلهم بدوء يدخلون بيوتهم
.
.
منسدح على سريره والصور بيده
:كم لي يـآفجر عنك 3 ايام لا أكثرر 5 وربي اشتقت لك فجر انا صار لي حادث مع ياسر ههههه تخيلي عند مواعد وحده تتوقعين العلاقه اللي معاها كم؟ ههه يومين ماعمري صرت خروف بس ذكرتني بصوتك ضحكتك بس اصير خروف دايم القا بنات يذكروني فيك على الطبيعه مو صوره . .
قطع سوألفه معاها جوألـه . .
:الو
:هلا وغلا يـآالله حي رأع الصووت وطـآريه سلامات ماتشوف شر والله
أبتسم: هلا فيك فهودي الله يسلمك والشر مايجيك
فهد: اخبـآرك اللحين؟
تمـآم, أنت أخبـآرك يالقـآطع ؟
فهد:بخير والله وبعدين انا مو رايح ادشرر أكمل شغلي
:هههه والله كـآنك تدق
فهد: امووت على اللي يفهمون بسرعه
:نذل لاتصير مثل الوقح ياسر يقول خروف
فهد بمزح: وهو صـآدق
:جـآك الثـأني اصلا غلطـآن اللي يعلمكم
فهد بضحكه: ان شاء الله يكون درس
:أوووه حررمت دام النتايج كذا
.
.
بـآالعزبـه
:تعال تعال يالشبهه .زيـآد
: ههع هع شبهه جاي ب الفكس أر هالمره ؟
سطأم: على تبن انت وياه
زيـآد: وش فيك الأخلاق اليوم تمشي 2000 ؟
سطام يجلس ويرمي المركى ع جنب عشان يتكي عليه: يا أخي فـآقله معي , تهـآوشت مع خكري وقسم بالله لو قمت ربيته على أسلوبه الوسسخ
زيـآد: منهو ؟ لايكون حمزة؟
سطام: لااااااااا ماهوب حمزة ليته بس لا واحد من شلتهم
أقول ي الأبيض وش عندك اليوم على الرنج؟
زيـآد تنزفز: مليون مره اقولك لاتقول الأبيض ثاني شي ابد تغيير البي أم اخذها إياد
سطام: سوووو سو الشاهي يادبششه
حمد: كل تراب , وعلى فكره وين ولدعمك هع الزأحف
سطام: هع هع أما انه زاحف أيه والله رجع اليوم
زيـآد يحوس بجواله
حمد: ايه صح قررت اروح ل الشرقيه الايم ذي بس مدري متى والله لاعزمت قلت بكم
سطام: يـآفااااااااغر وش تسسوي ؟
زيـآد رفع راسه: هاه
حمد:هع اششهد انك فاغر
زيـآد : هع هع شوفوا بس شوفوا ذا المقطع
شافوا مقطع تفحيط وكان متهور حيل
سطـآم : الله شكله
حمد: ملعووون خير ياولد
زياد : ابجمع الشله وابخذ سياره من حوشنا
حمدقاطعه: لاحرام يا والد سياراتكم جديده لاتعدمها
زياد : ياولد عادي أبفلها اليله بس
.
.
سمر طلعت من القراج وأخيراً ودموعها على خدهـآ ورجفتها للحين فيها
شـآفت الأنوار والفنـآدق والمطـآعم زين حست بشوية راحه . .
أتجهت ل كرسي من كراسي المطعم الخـآرجيه و تضبط شكلها
/
مشـآري يركض دخل القرأج اللي قدأمه مافي أي مخرج غيره وكبيرر وفيه من السيـآرات . .
وصل ل النص وقف مايدري وين يروح بعدها ؟ ؟
أحتـآر وهو يبي يخفف من دقـآت قلبه السريعه[وين راحت بعد معقوله دخلت هنـآ؟ومن وين طلعت طيب؟] . .
كمل ركض بسرعه يبي يطلع من ه المكآن الكئيب حتى أكسجين زين مافيه
/
وقفت تبي تكمل طريقها ماتدري وين تروح بالضبط [المول يمكن ؟ حديقة قريبه منه يمكن؟ بس وين يلقـآني هو وين؟]
ناظرت عبأيتها تحت وتشوف المويه وتغير لونها الأزرق ل البيج, رفعت نـظرها قدام ثبتت نظرهـأ على رجل ومره يمشون بعجله وكان احد بلحقهم . .
/
شـآف الأنور وهو للحين مالقها وحس انه مارح يلقها أبد
مشاريبصوت عالي ويحط يده حول فمه: سمر
سمعت صوت ,ما تدري يتهيأء لهاا . .
ركزت أكثر وهي تحـآول تختفي ماتبيهم ينتبهون لها . .
طلع وشـآف النور أكثر وصـآر ينـآظر يمين ويسار وووده لو عيونه تشوفها تنفس بسرعه وهو يدط يده على صدره من كثرة التعب والخوف . .
وبنفس الطريقه :سمر
ألتفت بسرعه عرفت الصوت ووضح أكثر . .
.
.
فرح : خلاص فزفز وربي احس اني ابصيح معتس
فوزيه حست بحقد يتعريها ماتدري ليه يمكن لأنها حست ان روحة سعد عنهم وبعده عشان فرح . .
فوزيه بجفاف: خلاص فرح انا بروح اسوي اشياء لمي مع السلامه
فرح مااستغربت حيل : فمان الله
/
قامت فوزيه من عند التلفون وتمسح دموعها
[ليه ماحست ان روحة سعد عشانها؟ وش تقول تقول احس اني ابصيح . .؟ انحرمنا من سعد وانتي ولا حاسسه ؟ ليه يافرح وانتي عارفه وش كثر سعد يغليتس ويعزتس والله اني أحزن على حاله كل ليل الناس تنام وهو ماتغفى عينه]
تذكرت الموقف وهي متجهه للحوش عشان تعيشه صح وتتذكره زين
{الساعه 2 ونص
سعد جالس بالحوش ركبته على صدره ومحاوط يدينه فوقها متكي على الجدار وينـآظر السماء بهدوء مرات يهز نفسه ومرات يسكن, فوزيه مخلصه مذأكره ورايحه للمطبخ وشافت باب الحوش مفتوح خذت مويتها وطلعت
فوزيه: من هناا؟
وطلعت راسها وشافته جالس مثل كل مره . .
فوزيه طلعت وجلست جنبه ونفس جلسته :سعد وش تسوي هنا؟
سعد مارد عليها
فوزيه: وش مجلسك ورى مانمت للحين؟
سعد طنشها بعد ولا رد عليها تكمل ويه تناظر المساء
:لا الجو اليوم رهيب يستحق انك تجلس عشانه جد جد سعد انا اكلمك انا وبعذري يقال ان عندي اختبار وبذاكر بس انت؟
سعد ما من إلحاحها: ماجاني نوم قلت اطلع , خلصتي مذاكره؟
فزيه بلا مبالاه:ايه ماعليها تمشي الحال
سعد بحنان: شدي حيلك ترى الدجه ماتنفع كود تجيبين نسبه ودتخلين من هالمعهد شوفي انا عندتس مثال ديجت وما استفدت شي
فوزيه: ان شاء الله بس نروجع وش قصتك انت كل مره اشوفك جالس كذا
التفت سعد ب استغراب ماقد خطر على باله ان ممكن احد ينتبه له لانه يتظرهم لين ينامون وهوي يا ياطلع الحوش ولا الشارع
فوزيه: سعد تراني اختك وادري عنك بس احس وشسمه ذا يعني حالك زايد وش عندك؟
سعد: مافي شي بس الليل زين ه الايام ومايجيني نوم اطلع اشم هواء
فوزيه ما اقتنعت ابد لان في بالها شي قامت من عنده
فوزيه: طيب انا بروح اشخر تبي شي من هنا ولا من هنا؟
سعد ما رد عليها
فوزيه : طيب يالله سلام
فوزيه تأ كددت ضنونها وراحت تنـآم
وهو يسامر القمر والنجوم محصورة حالته بين أربع حروف [عـآشـق]}
.
.
[الخطوه الأولـى]
|
14-10-10, 09:02 PM
جديد مواضيع قسم الارشيف
العرض العادي
