/
/

عند أيمان اللي قامت تصيح وخواتها يهدونهاا ....
أيمان : ماااااااااأبيــــــه ...يعني ماأبيه مو غصيبه
هديل تأيدها وشوي تطير من الفرحه من رفض أيمان ...
قالت تدافع : يمه أنتم وشفيييكم عليها خلااااص البنت شافت الولد
وكرهته
أم مشاري : ياملا الجنون اللي يجننكم كانكم شيبتوبي
..سماهر : يمه خلاص .. البنت هاذا رأيها اللحين لاجاء
أبوي قولي له ... وخلص الموضوع
أم مشاري نعنبوكم شايفيننا بزارين عندكم متى مابغيتوا قلتوا
أيه ومتى ماطقت بروسكم قلتوا لا ...
لاكن تدرون أنا ماعلي منكم ... اللحين ألرجال يطلع
وأبوكي يجي وأنتي تفاهمي معاه
...دخل أبو مشاري بعد ماسمع آخر الكلام .... وشفيكم ؟!
ألكل سكت .....وأم مشاري تكلمت .... مافينا الا العافيه
أبو مشاري قال قاصد أيمان ونتي يابوي وشفيكي تبكين ؟!
أيمان وقاعده تمسح دموعها : مافيني شيئ
أبو مشاري وحس أنه زعل بنته بالطريقه اللي طلبها فيها
وخلى الرجال يشوفها عليها لذا توقعها تبكي لها السبب
قال بعد ماجلس ماعليه يابوي أنا أستقصدت يشوفك بها الطريقه
حتى أبري ذمتي عند الله وأخليه يشوفك طبيعيه أحسن لك وله
أيمان .........................
أبو مشاري قال بحنيته المعتاده مع بناته : تعالي جنبي
بحكيكي
أيمان ملبيه طلب أبوها جلست جنبه ... حتى مسح على شعرها
وهو يقول ..عسى مازعلتي ياعيني ؟
أيمان واللي كانت أدنى كلمه تطيب خاطرها أبتسمت من بين دموعها وكأنها تبين رضيانها
أبو مشاري بعد ماشاف أبتسامتها تطمن ثم سألها
هااه ... تبينه وراضيه .. ولا تبيني أعطي الرجال خبر بأنك رافضه
أيمــان وكأن كلمه توديها وكلمه تجيبها : سكتت وقالت
اللي تبيه
أبو مشاري : لاأنا أبي أسمع الرد منك
أيمان ردت أبتسمت .... كلمتي هي كلمتك
أبوها بعد ما حس بالراحه أخيراً ...حتى صار يتمتم الله يكتب لكم اللي فيه الخير
هديل وجالسه تسمع وتناظر بأيمان بحقد وكأنها تنتظرها تقول لا
وصدمتها بالعكس !



/
/

أبتدى الدوام ....... وأبتدى معه نظام الروتين الممل
مع فرط الأيام اللي تبعثر أعمارنا .. ... .. ... .....
أنا ومن جنبي آخواني اللي ملتفين حولي ... عبد الرزاق
وحمد .. ورقيه وأنا بوسطهم أنتقل فيهم من واحد لواحد
والكتب مرميه على الأرض .......
أنا وماسكه كتاب الجغرافيا حق عبد الرزاق
أللي يعتبر غير أخته رقيه لأنه هو منضم للمدرسه من زمان
رغم رسوبه كذا مره الا أنه على الأقل هو وأخوه حمد
أحسن من رقيه اللي كان نصيبها تكون فراشه
وكأني مو مصدومه من هالشيئ لأني عارفه أنها حكمة أبوي
حياة البنت موت مؤقت لها ! .
أنا وعروق راسي بدت تتشحن من أخواني : ... ها ياعبد الرزاق ماهي عاصمة الصين ؟
عبد الرزاق وقاعد يستهبل عليها حتى يطفشها.... اليابان !
أنا وماسكه أعاصبي :خطأ
عبد الرزاق :أجل أكيد كوريا؟!
أنا بصبر بعد خطأ
عبد الرزاق أخر كلام ماليزيا
أنا بعد ماضربت الكتاب بالأرض ..خطا ... بكين
عبد الرزاق ... يوووه ليش تخانقيني عاد ... أنا وش دراني
كلهم مالهم عيون ويشبهون بعض
أنا مطنشه عبد الرزاق .. وموجه عيوني لحمد وأنت وش عليك
بكرا
حمد .. هاا ..أي تقويم علوم
أنا ومآخذه كتاب العلوم وفاتحه على الصفحه اللي معهم
سألته وأنا لازلت أحاول أمسك أعصابي لاتتلف
طيب أذكر لي حيوان واحد من الزواحف .. ؟
حمد .... خاروف
أنا بعد مارفعت حاجبي : اللحين الخروف يزحف ؟!
حمد أي أذا صار تعبان يزحف على بطنه
سكتت بصبر ثم قلت طيب أذكر لي حيوان له أربع أرجل ؟
حمد : حمامه
أنا بعد ماغمضت عيوني وأنا أستغفر بيني وبين نفسي
اللحين .. الحمامه لها أربع ارجل ؟
حمد :أي حمامه معاقه
شديت على أسناني وأنا أقول أخر سؤال ... قولي حيوان يطير
...لاتقولي بعد حمار ؟!
حمد لاخطأ .... فيل
أنا بعد مارميت الكتاب بالأرض ... اللحين الفيل يطير ؟
حمد بملامح برود وكأنه مو قاصد يطفشها : أي الفيل لو شد حيله يطير ...
أنا وقاعده أناظره بنص عين قلت له ... زين ممكن تطير أنت وأخوك من وجهي
ولأسبوع قدام مابي أشوفكم .. سااامعييييين ؟
تركتهم ورحت رميت نفسي على الكنب وأيديني على راسي
أللي ماعدت أحس فيه من التعب
حمد وعبد الرزاق وكأنهم ماصدقوا يسمعون طاري الأفراج
كل واحد منهم لمى شافني رميت نفسي على الكنب
وغطيت عيوني شال نفسه وقام يركض للحوش يكملون لعبهم
شفت رقيه توقف فوق راسي ومعها دفتر وتناظرني ببراءه وأنا ؟
اأنا وخلاص ماعدت مستحمله ...وماودي أردها
ناصر واللي طلع من الغرفه أول ماسمعنا .....أنا فاضي
تبيني أدرسها
ومابين صداعي رفعت حاجبي مستغربه من كرم ناصر !
قلت ..... بتكسب فيني أجر والله ...
فوراً ناصر جلس بالصاله متحمس .... وقام يناديها تعالي
حتى صار يسوي عليها دور ألأستاذ المؤدب ....!
واللي كمل علي الناقص وزادني توتر حتى قمت متجهه لغرفتي
تاركه كل المكاااان لهم ......
من كثر ماكان فيني تعب رميت نفسي على السرير من دون حتى
ماأنتبه لبوابة غرفتي المفتوحه ...
غمضت عيوني وأرخيت جسمي وأنا أحاول أطرد كل تفكير
وماعاد أبي غير آرتاااح ......
دقيقه ... دقيقتين .... ربع ساعه وبديت أحس راسي بدى
يتفرغ وبدت عروق راسي ترتاح ........
ولاكنها ماكملت فرحتي بنفسي ...لأني شفت طلال واقف عند باب
غرفتي يناديني وعيونه فيها تسائل من الطريقه الي راميه
فيها نفسي بتعب
طلال ... وشفيك
فتحت عيوني بصعوبه ... ولمى شفته طلال عدلت نفسي حتى جلست
بتثاقل .... مافيني شيئ ... مجرد أني تأكدت أن نفسي ضيقه
وماأستحمل لاأدرس أحد ولا يحزنون
ثم تكلمت وكأنها مو مصدقه أحد يسألها
حسبي الله شياطين أثنينهم طفشوني ألين رميت الكتب
وقلت عمركم مادرستوا ...لأن عروق رااسي
خلاااااص تشحنت
طلال بحنيه : سلامتك
حسنا وكأنها للحظه ندمت أنها أشتكت له ... قالت تداري تسرعها
بالكلام
الله يسلمك ..
طلال بجديه ... حابه أجيب لك بندول ؟
حسنا : لامايحتاج عندي
طلال ...أوكي زين أتركك ترتاحين ...أنا طالع
أنا بفضول : لوين ؟!
طلال .... لأهلي ..ليه ؟!
حسنــا .... بسؤال مفاجئ .... هديل متى زواجها ؟!
طلال بأبتســامه قصدك أيمان وهديل متى زواجهم
لأن الأثنين أصبحوا مملكين ... وبعد كم شهر زواجهم
حسنا بفرحه خفيه ... الله يوفقهم
طلال بظيق ممتلي داخل عينه ... لو بتنعزمين ..بتحظرين
زواج خوات طليقك
حسنا وكأن ماناقصها الا طلال حتى يزيدها هوالثاني ظيق
حاولت تبتسم ... وهي تناظر بعيونه صدقني ماراح يكون طليقي
... راح يكون أخوي وقتها !
طلال ... بعد تفكير يعني لو أخطب بتحظرين عرسي
حسنا بعد مابلعت ريقها اللي نشف زود ..... يمكن بس ماأأكد لك
سكت كل منهم ... وسكتت ملامحهم عن الحديث
لأن طلال أستأذنها وطلع للمشوار اللي قاصده .....


/
/

/
/
وقفت الأيام أخيراً على نهاية ) ضفاف شهر 11.,’~
أللي سرى هادي ..
حاولت تتكيف مع وضعها .... وصوت أبوها لازال
يتردد عليها ..أنتي بالذات لو بأيدي حطيت عرسك قبل أختك
لأني لازالت مو ناسي اللي سويتيه وماراح أرتاح ألين ماأشوفك ببيت رجلك
حست للحظه أن أبوها صار يكلمها بلهجة خلتها تحس أنها عاله عليه
لكذا حاولت تتصالح مع نفسها وتنهي هالمشكله بأي طريقه
حتى وأن كان حل هالمشكله بزواجها ..........
بثينه ...وغزلان جنب هديل .... اللي كانت على عكس حيويتها
المعتاده متملله ...ومو طايقه تكلم أحد من أسبوع
.,’~ بعكس أيمان اللي كانت مبسوطه ومستعده للتغير
اللي راح يصير لها قريب ........
أيمان وداخله على المكان اللي العاده يجتمعون فيه هي وآخواتهـا
بلحالهم بالدور العلووي ..... جااات وهي تركض .... ووجهها
يضحك أكثر من صوتهااا ...حتى طبت وجلست جنب هديل
أيمان وكاتمه ضحكتهاا .... هدييييل حزري أيش
هديل وقاعده تحوس بصندوق أبيض مرسوم عليه ورود ورديه فيه أوراق قديمه مع ذكرياتها أيام المدارس
...وكأنها تبي أي سبب حتى تلقى لها عذر وتسكت وماتعود تحتك بأحد من البيت ...
سمعت أيمان تناديها ....حتى وجهت عيونها ببرود .... خير ؟!
أيمـــان : أقولك أتحدااكي تتوقعين مين اللي زايرنا تحت
وأمي مصرفتنا فوق عشانهم
هديل من دون أهتمام .... طيب؟
أيمااان : ففففففف .. ياثقل دمك لاسويتي فيها ثقيله ماهمك
وأنا لو أبي أحلف أنك تقولين بقلبك ياربي متى تقول أيمان
...ألمهم ... ضربت على كتف أختها هديل وهي تغمز وتقول
أهل المعرس يالله الجنه مسيرين عليناا
هديل وتوسعت عيونها بعد ماكانت تناظر ببرود ... نعم نعم مييين ؟!
أيمان : تكرر ...أقووولك أهل المععرررس ... زوجك ياحظي !
هديل بحماس ونشاااط فزت : وييينهم ... بروح أنزل
أيمان مصدومه ... هاا ! وين بتروحين قلتي ؟!
هديييل ... مطنششه أختها ...وأخواتها كلهم .. وبخطوات سريعه دخلت غرفتها بدلت ملابسها ولبست حاجه أقل من عاديه .
.وبسيطه
كدت شعرها ..وكالعاده سوت تسريحتها المعتاده ذيل حصان مربوط بأرتخاء مع غرتها اللي رفعتها عن وجهها بمشبك صغير
.... نزلت الأدراج بخفه ...... حتى وصلت للمكـــان خذت نفس عميق ودخلت من دون ماأحد يطلب منها ...
حتى أمها وأخواتها المتزوجات اللي كانوا حاظرين توسعت
عيونهم مصدومين من دخولهـا من دون مايطلبون منهاا ...
هديل وقاعده تناظر لأمها وأخواتها بأبتســامه عريضه ...
وقفت داخل المجلس الواسع اللي كانت تمليه الكنبات الملكيه
اللي تحوفها أطارات ذهبيه ويغلفها قماش الحرير الأزرق المايل للنيلي وهي تناظر لجهة الحريم
وواقفه على السجاده اللي من النوع التركي المحيوكه بالحرير والقطن والصوف بلون أندمج فيه بريق الذهبي مع أغمق آلوان الآزرق ...
وقفت ..عند اللي كانوا حاظرين وتتسائل ..... وينهاا خالتي ؟!
أحدهم بأبتسامه لطيفه ..أشرت بأصبعها لأم تميم
وكأنها لمى سمعت وين خالتي فهمت أن هاذي هي العروسه
هديل بأبتســامه أكبر وجهتهاا لأم تميم... وهي تمد يدينها
بتصرفات متهوره ... قالت بترحييب يااااااااهلااااا ويامرحبااا
وقامت تحب خدود خالتها الأثنين ثم راسهاا وكأنها تبي تآكلها
بالسلام حتى لمى أنتهت جلست جنبها
أم تميم وكأنها مبسوطه وبنفس الوقت مصدومه من بنت بدل
مايكون فيها شوي من الخجل ولو حتى كان تصنع
هديل وراسها يحبك جنون قرّب يوصلها للهاويه ......
تكلمت ..... أيه ياخالتي وشلونك ووشلون خالي عساه بخير
أم تميم وبدت تشك : أي خال ؟
هديل وتدعي الجديه : خاالي خاالي ... زوجك يعني شلونه ؟
أم تميم ... الله يهديك يابنتي ... أبو تميم ميت من زمان الله يرحمه
هديل بعد ماسمعت أبو تميم سكتت وكأن هالأسم قرع على بالها بشكل خلى مزاجيتها تتعكر( وكأنها تذكرت أسم ذاك الأنسان )
وهي تردد من داخلها الله لايوجه لك الخير كانك السبب باللي أنا فيه الآن
ثم ردت تستهبل وكأنها تحاول تصغر عقلها بقد ماتقدر أكثر
: ماشاء الله أسمك أم تميم .... صراحه مو حلو حتى أبتسمت بغباء ..
أم تميم تجاربها بالكلام .... والله هاذا ألأسم اللي كان يحبه المرحوم
لذا سماه ولده البِكّرْ .. تميم زوجك !
جمدت لمى عرفت أن أسم رجلها اللي أنقطعت سيرته لفتره طويله
وأنفتحت اليوم تميم .. حتى رددت داخلها الأسم !!
أم مشاري وقلبها ناغزها من الطريقه اللي دخلت فيها بنتها
ومن جرئتها بالسلام ومعها خوف من الشيئ اللي قاعده تفكر
فيه بنتها وبعدها ماشافته .....
لذا حاولت تستدرك الوضع وغمزت لهديل وهي تقول
: يمه هديل قومي جيبي كاسات ماء للجمـــاعه
هديل وفاهمه على أمها قالت بتشديد : مايحتاج ألخدم اللحين يجيبون
أما أنا فعندي كلام أبي أسمــــعه أم تميم الله يحفظها حتى توصله لولدها
كل من خواتهــــا مسك قلبه
حتى أم تميم بأستغراب تكلمت : أسمعك ؟!
هديل بعد ماحطت رجل على رجل وقالت قاصده تكرّه أهله فيها
... والله شوفي سالفة
أن ولدكم يآخذني من دون مهر هاذي ماأعجبتني لأني أنااااا وأعوذ
بالله من كلمة أناا ...
بنت أبو مشاري آلـ ..... ماأطلع من قصري ألا لحاجه تملا عيني
ولا ماأطلع .... لذا أسمعوا عاد أنا مااابي يجيب لي فلوس
أنا أبيـــه يجيب مهري فرس عربي أصيــــل .... حتى يعرف قيمتي
وأبيه يتبرع بكليته ...حتى يحس بأنه دفع فيني صحته
وفوقها آبيــــــه يبني ملجأ بكل من الصومال ودرافور وباكستان
لأني أنســانه أخاف الله ومابي أخسّر ولدكم على الفاضي
كل اللي أبيه يخسره لوجه الله .. وفوق هاذا كل طلباتي معقوله
أم تميم ومي مستوعبه اللي قاعده تسمعه وكأنها تمزح
ماقدرت ترد ....لأنها رفعت عيونها لأم مشاري تنتظر رد فعل منها
وأم مشــــــــاري من كثر ماكانت مغتاظه سكتت
هديل والشر داخلها ماأنتهى : وبقى طلب أخير ......... أنا أبي أشوفه وأتكلم معه وجهاً لوجه
أم تميم وكأنها ندمت على الساعه اللي شددت على عيالها
يصلحون أغلاطهم فيها حتى قالت بتمهل :والله ألولد موجود عند
أبوكي تقدرين تدخلين وتسمعينه الكلام اللي توك قلتيه
هديل لمى سمعت أنه موجود مغصها بطنهــــا ....قالتها فقط
حتى تستقوي وكأنه فقعة صابون بنفخه أنفقع حماسها
أم مشاري .... وحاط كفّها اليمنى على اليسرى بصبر
قومي أشووف وريني طولك وروحي لأبوكي أدخلي
هديل : هاا ... لاخلاص وقت ثاني .... وقفت وهي تحاول تصرف نفسها ...
قلتي لي يمه تبين كاسات ماء ها .. ثواني ....
طلعت هديل بخطوات سريعه وكأنها تحس روحها مسويه أنجاز
على الأقل قدرت تبتدي فقط تطفش أمه ... وهو لو كان فيه ذرة عقل
بعد مايسمع طلباتها ...راح يرميها طلاق ثاني وهاذا اللي تبيه
لأنها تعقدت بعد هشام
أخيراً وصلت للأدراج اللي تصعدها لفوق وكلها حماس
تسمع خواتها وش سوت .....
ولاكن صوت أبوها أستوقفها لمى صعدت ثاني درجه
هديل : سم ؟!
أبوها بأبتســامه .. ومو عارف عن اللي سوته بنته قال ..
وش هالزين ...لابسه ومتسنعه ....
هديل وجهها متلخبط ألوان وخوف من دون سبب
: ردت له الأبتســـامه ...أي تشوف الفضاوه وماتسوي
أبوها : تعالي أنزلي بسرعه .....
هديل ونزلت للأرض جنب ابوها .. ومسكها من أيدها تعالي يابوكي
حرام كل هالزين وماتطلعين لزوجك ....أمشي معييي
أنا وبعد وصل لعقلي معنى كلام أبوي جمدت وحاولت أستوقف أبوي معي اللي خذاني ودخلني من دون تفااهم لمجلس
حظن خطوات رجل بثوب أبيض ..طويل وأكتافه عريض
ببشرته الحنطيه وجمود ملامحه البارزه
وقفت بمنتصف المجلس ...اللي أبوي قدمني فيه له وراسي بالأرض
وكأن الشجاعه اللي مشوين ذابت زي الملح
شفت ابوي يتركني لحالي قدامه .........
ثواني حتى سمعت صوت جبلي قوي يسألني عن الحال
دق قلبي خوف من أنه يصيب الظن حتى رفعت عيوني أبي أتأكد
وأقطع الشك باليقين .... اليقين أللي شفته الآآآآن أمامي!
لاأراادياا توسعت عيونيي ... وكأن الدنيـــــا أنقلبت عندي سواد
من صورته !!!!!!!
وأنا أحاول أشبك كلام أبوي الماضي الآآن مع صورتة بالحاظر اليوم
وأنهر غبائي وقل أستيعابي بقد ماني أنهر وأسخط بحظي اللي رماني من جديد ...
من الفجعه ......
حسيت الحروف كلها صارت بلساني تبيني أنطقها وأسب
داخلي غضب ثار من صورته اللي رجعت أشوفهـــا لرابع مره
هاذي الغلطه اللي أبوي طلب مني أصلحها ؟!
غمضت عيوني وأنا أحس الصمت خذاني لعالم سريع حتى أفكر فيه
مابي أتهور وبنفس الوقت أبي أسوي اللي بالي
خطر على بالي فكره مجنونه قدرت أقنع فيها نفسي بمجرد
مافتحت عيوني وأبتســـمت
وأنا أرد : أنــا بخير ؟!





"
"
"

بمـــــكاان أقرب للهدوء وموت صوت البشر ... وحديث الطبيعه
اللي كان الهوى الناطق الرسمي لهــا ويتكلم .........
بســاطهم التراب ولحفافهم السمـاء ,’ وحوالينهم جمود الجبال
وكل منهم يمشي ......
طلال وحاط أيده اليسرى بجيبه ..وأيده الثانيه قامت تفتح
أزارير القميص االأزرق بأبيض للي كان لابسه
بملامح مكتومه أمتلت ظيق وشحوب وصدر ضايق آلى حد أنكتام النفس حط أيده على رقبته وهو يكلم صاحبه بنفس العمل
اللي حضر من دبي وناوي يقعد كم يوم بالسعوديه ثم يرجع هو وطلال من جديد للمدينه
اللي عشقوهـا أكثر من السعوديه .,’~
طلال بصوت متلخبط ... مانيي عارف أن كان أللي قاعد أحس فيه مجرد تعلق وقتي يامازن ...
.مدري أن كنت حبيتها بالفعل وماعدت قادر أتخيل أني راح أتركها بها السرعه ...
مااااانيي عارف واللي خلقني موعارف كل اللي أعرفه ألآن أني مخنووق ... وضعيف أكثر
من أي وقت مر ... وداخل صدري حاجات متشابكه قاعده تقطع أنفاسي معهاا
مازن واللي كان عارف عن قصة طلال كامله
..حط أيده على كتف طلال وهو يقول : وسع صدرك يبن الحلال
صدقني سالفه وبتعدي ... وبعدين أنت ياخوك قلبك خضر
... وهالأحساس اللي قاعد تتكلم عنه سبق وحسيت فيه تجاه
البتـــول زوجتك ... يعني اللحين وش تغير ...ذيك حبيتها
وتزوجتها ... وهاذي من دون حب خذيتها ومع الأيام
شيئ طبيعي لو كان أحساسك تعلق فيها وبصورتها وبديت تحبها
أنت بس كل خل شيئ ورى ظهرك ورجع زوجتك المقروده
أللي طلقتها ورميتها بدبي ... البنت غثتني ماغير مدقدقه علي
تشتكي لي منك
طلال ومن دون ماينكر كلام مازن : اللي حكى له وجه واحد من الحقيقه ...
طلال ... ويناظر للتراب اللي قاعد يتبعثر بأيدين الهوى
قال صادق ...ألبتول حبيتهـا ... ودق قلبي لها .. بس اللي تفترق في أن البتول حبيتها لأنها قبل حبتني أكثر مما حبيتها ...
ولأنها المطيعه .. والوفيه .. والحنونه .. والبنت اللي لو أقول أن السماء خضراء قالت أي نعم .....
ولأنها البنت أللي هربت من أهلها عشاني
وعشان أتزوجها .....أما حسنا ماقدرت تحبني ...ولأني حبيتها من دون مايكون لي في ذلك أيد رغم أني كنت أتعمد أكرهها فيني
حتى أنا نفسي أكرهها ..ولاكن ماقدرت
ألبنت هاذي هي البنت اللي كسرتني ... كسرتني يامازن واللي خلقني
قالها ودمعه أجبرت صوته المبحوح يسكت لأنها ضيقت على صوته
مازن ومو مستوعب الصوره اللي يشوف فيها رفيقه
قال يشجعه على الرأي الأرجح بعيد عن العواطف ...
صدقني أنا حاس فيك ... بس لاتنسى أنها ماتبيك وبينكم وعد
تنفصل فيه عنها ... وغير هاذا أنا أنصحك تنسى الأحاسيس
اللي قاعد تعيشها لأنها صدقني وأنا أخوك هالمشاعر راح
تتلاشى بمجرد ماأنك تبتعد عنها وترجع لحياتك بدبي
وترجع لزوجتك .... هاذي تجربه وراح تنتهي !
طلال ومن كثر ماكان مشوش ماكان قادر يفكر بالرأي الصحيح
كلام مازن يأيده العقل ...ولاكن القلب ينفيه ...
سكت ......لأن ماعاد قادر على الرد بسوى أنه قال
أنا راجع البيت ! .....



/
/
/

بعد ساعه ونصف ..... اللي وصلت الساعه فيها ثلاث الفجر..’~!
فتح باب البيــــت وهو يتمنى مايشوفهـا ....لأن داخله من الضعف
اللي ماكان يتمنى يشوفه مخلوق فيه .......
حسنا واللي كانت بغرفتها قايمه من سجـــاده كبّت فيها مقدار
من دموعها أللي أنذرفت خضوع ...حطت السجاده على الكرسي
وفتحت الباب وطلعت بعد ماسمعت أصوات مفاتيح طلال
اللي أستغربت أنه جاي بها الوقت المتأخر
فكت البـــاب ... باللحظه اللي كان طلال نفسه مستعد فيها يدخل غرفته
نادته بعــــد ماشافت أزارير قميصه ألأماميه مفتوحه وملامحه مظلمه
بصوره حسستها أنه مو بخير ....... قالت بملامح باهته أنرسم
فيه فزة الخوف .. وشفييك ؟!
طلال وكأنهـا مي ناويه تتركه الليله اللي كان هارب فيها منها
غمض عيونه وهو يحاول يستجمع قوته اللي تبعثرت بمجرد ماحط
عيونه الثنتين بأتجــــاه عيونهــــاا .... زادت ضيقته لمى شافها
تناظر فيه تنتظر أجابه .... لأن ماكان عنده أجابه لها ولأنه مو قادر
يجيب لذات نفسه حتى يجيب لأحد ثاني ..... قال بصوت أختنق
من زحمة أنفاسه ..... ياليتنــــي ماشفتك
توسعت عيونها من المعنى ... ومن الصوره اللي قالها فيها
حتى أنلجم صوتها وغاب الرد ..........
طلال ووقف قدامها بشخصيه ثانيه أنتصرت فيها العواطف
على كبريائه ..... حبيتك !
حسنا ولاتزال تناظر فيه وعقلها يسمع ........؟؟
طلال : ودمعه خانته ونزلت أي نعــــم حبيتك ..
مسك بأيدينه كتوفها بقوه خفيه وهو يقول ونظرته لاتزال مشدوده
والدمع راسمها .... ساعدتك المره ألأولى ونتي صغيره من حريق لأني كنت مشفق عليكي ....
تزوجتك ومقصدي أكسب أجر فيكي
.... أعطيتك حياة ....!!
خليتك تشوفين نفسك على حقيقتك ....؟
أنقذتك للمره الثانيه من موت ومن نار .....
أحترق جسمي بأسبابك
ولازالت أثاره وماراح تروح ألين الموت ....
قدمت لك أشياء مي من حقك لأني غبيي ورغم أنه كان في ناس أولى أعطيهم أياها
... شد أيدينه على كتوفها وهو يقوول
أنتي بالله عليكي أيش اللي أعطيتيني أياه ....!؟
هم ؟! ... ظيقة خلق ..... حياة بكبرها تركتها عشـــانك ...
قولي بالله عليكي وش أعطيتيني بس ؟
حسنا ... والحروف غابت .... كلام أكبر من تخيلها سمعته
وكلام ماقد فكرت فيه ....رغم أنه أكبر حقيقه وأكبر واقع !
نزلت عيونها للأرض...لأن مالها أجابه حتى قررت تدخل غرفتها
لأنها متأكده أنه مو طلال اللي قدامهــا ....
حاولت تحرر نفسها من يدينه .... وقدرت ولاكن أيده ردة مسكت
أيدها بترجي أنتظري...... ماأبي شيئ ....
ولاأبي منك تفكرين بالكلام اللي قلته لأني مو قاعد أحس فيه
...السؤال أللي أبيكي أنتي تحسين فيه وتجاوبين عنه هو سؤال واحد
أسأليه نفسك
حسنا ومن داخلها بدت تستظاق أكثر من اللي قاعده تسمعه
من صوت متلعثم .. الى صوره ضعيفه ... وأسلوب ترجى
ناظرت فيه تنتظره يسأل .......................؟؟
طلال ومن دون تفكير ولو حتى لثانيه تكلم .......... ... لو بقولك
بكرا راح أجي .....وأخطبك بتوافقين ؟!
حسنا وكأنه ماخاب ظنهـا .... صورته بها الشكل كانت تثبت
أنكشاف أحاسيس رجل فضحه صوته أخيراً
من بعد ماكانت عيونه فقط هي اللي تتكلم وتفضحه ...كل الشد
اللي كان بملامحهم راح بعد ماتكلم!
وبعد ماهي فهمت ...
بعد صمت دار بينهم أبتســــمت .. وفتحت ثغرها تبي تتكلم
وولاكنه منعها : مابي أسمع رد آلآن خليه بكرا بعد ماتفكرين
زين وتقتنعين برايك .... ثم قال بتشديد كوني أحسن مني
وفكري بأثنينهم ... عقلك ... وقلبك .............!


/
/