يلست حذالها وانا متوتر وزايغ...... مب عارف بشو ارمس ....

جاسم: آحم ان شاء الله ماتلعوزتي بالحوسه الليله
روضه منكسه راسها: شويه
جاسم: اها
........ فتره صمت........
تنهدت: امممم رووضه طالعيني
رفعت راسها بهدوء وعلى ويها ابتسامه توتر

جاسم: فديت هالويه ..... آحم رووضه انا خبرتج ان عندي لج مفاجئه بليله عرسنا صح
روضه: صح
جاسم: اممممم حبيبتي انا سجلتج بالمدرسه عسب تكملي دراستج هنا بدبي
ناظرتني بنظرات غريبه وجنها مب مصدقه: صدق جاااسم؟؟؟؟
ابتسمت لها: هيه صدق .....وبتكملي دراستج حتى لو تبي الدكتوراه انا ماعنديه مانع
ابتسمت لي ابتسامه خجوله: مشكوور واااايد
جاسم: العفوو فديتج
... فتره صمت ثانيه.....
جاسم:آآآحم تراني متلعوز بهالسفره والعقال ... اروم اعقهم؟؟؟
روضه: ههههه هيه شو فيها يعني

عقيت السفره وانا اتبسم لها.... فديتها والله توقعت اني بكون متوتر اكثر عن جيه يوم بيلس وياها ... بس احس التوتر كل شويه يخوز جزء منه عني

جاسم: منو يتسبح قبل انا لو انتي؟
روضه: انت لاني انا بيلس وقت اطول
ابتسمت لها وانا انش: اوكيي

خذيت الوازم الاحتاجها وسرت للحمام......
مليون فكره وفكره براسي..... مادري انا اروم على هالحياه ولالا
بكون قد مسؤوليه الزواج !؟
.... بعدت هالمخاوف عني لان رووضه احسها انسانه حنونه ومرنه يعني مب صعبه بطبايعها عسب ازيغ جيه .... طلعت من الحمام وانا عليي روب السباحه المطقم مع روب روضتي...
حصلتها واقفه حذال الباب وميوده لوازمها

قلت لها وانا احج راسي: اممم تأخرت وايد؟؟؟
ابتسمت لي: لأ عادي

خوزت عن الباب ... ودخلت بعدي...

.........................

............................

ياربي انا الحينه شو يطلعني من الحمام بهاي المنظر؟.......... اللله يسامحج ياعموه ....
ياليتني ماطعت حد منكم .... انا بعمري حتى بنطلونات مالبست والحينه البس كل هاي!!!!... ومشاء الله بعد هاااي استر شي من جيه خبروني اني البسه الليله
سرت صوب الباب بالمحاوله العاشره للخروج .... لعنه الشيطان وسميت بالرحمن وجني بطلع لمعركه ......
توكلت على الله وطلعت وانا زااااايغه ..... حصلته يالس على الشبريه يلعب بفونه بملل... بس يوم سمع حس الباب رفع راسه بسرعه هالشي خلاني اقفط زود

جاسم بملل: طـــــولتي وايـــد
سرت صوب المرايه وانا اجفف شعر: سوري بس شعري لعوزني شوي
جاسم: امممم فيج رقاد؟
روضه: واااااايد
ابتسم لي: وانا بعد.... يعني ياحلوه خلصي عسب اطفي النور ههههههه
روضه: بتطفي النور؟!!!
جاسم : هيه
روضه: امممممممم
جاسم: شو؟؟بلاج
نكست راسي: اخاف من الظلمه مابا كل الانوار مسكره
جاسم: اوكي خااااطرج طيب

سرت صوب الشبريه بتردد ولحفت عمري..... اما جسوم فديته طاعني وسكر كل الانوار الا الصفرا .. تلحف وابتسم لي بويهي وقال تصبحي على خير... بادلته الابتسامه وفريت ويهي الصوب الثاني عسب ارقد.....
.....الليله كان عندي امل اني بشوف ابويه ولا اخويه هزاع ولا امايه ولا أي حد منهم ياي يبارك لي .... كنت احلم قبل ان زفتي تكوون فيها فطييم اختيه لابسه ثوب ابيض وتدخل قبلي ..... كنت احلم ان ابويه ييودني من ايدي ويدخلني .... كنت احلم ان اخويه هزاع يرقص بعرسيه,,,
.... كنت احلم بأشيااااااء وايد..... بس ماشي شي منها تحقق.... تجمع كل شي ......هم قلبي وولهي على اهلي وووالتوتر والضغطوات الليله على شكل دموع خرست الشبريه.....
حسيت بأيده تلمس كتفي...

جاسم: رووضه
روضه: همممم
حاول يسحبني: روضه طالعيني
فريت ويهي المليان دموع له: جاسم انا تعبانه
مسح على شعري وهو يرفعني لحضنه: عسى هالتعب فيني ولا فيج
دفنت ويهي بصدره: ابويه مايا ولا هزاع
باسني على راسي: هزاع دق عليي وكان يبا يكلمج بس ماكان شي وقت ... ان شاء الله باجر بكلمج....... انتي لاتكدري عمرج جيه
روضه: ليش جيه يستوي لي؟
لوى عليي زود: خلاص حبيبتي والله ماروم على دموعج انا حالف ان دموعج ماتنزل من اخذج ... جيه يعني حلفاني تخليه يبطل؟؟؟ وبعدين خلاص ترى خيستيني بدموعج ههههه
بعدت ويهي عنه وانا ابتسم له من وسط دموعي: محد قالك احلف
جاسم يضربني على راسي بالخفيف: لا والله اون محد قالك
روضه: جاسم انا ما أستاهلك بلعوزك ويايه وايد
طالعني بعتاب: نحن شو قلنا؟؟ بلاها هالرمسه روضه
نزلت عيوني: جاسم بتستحملني؟
رفع راسي بأيده وطالع بعيني: روضه انتي نصيبي تعرفي يعني شو نصيبي؟

امتلت عيني دموع مره ثانيه بس هالمره دموع فرح .... رميت نفسي بحضنه وماطعت افج عنه لين مارقدت وانا بنفس الوضع!!!... ماشي مكان يحسسني بالامان غير هالمكان

......................................

...........................................

ياصباح الله خير .... جلست من رقادي على زعيج سيف وراشد اليتضاربو
خذيت المخده الحذالي وفريتها عليهم مقهووور منهم يوم قطعو عليي حلمييي الجميل عن شمه

سهيل: شو هااااي خلالالالالالاص بسسسسكم
سيف يطالعني بويهه المحمر: اقول نش بس بنسير العين
راشد وعروقه الناطه من كثر المضارب: والله والله ياسيفوه ان سرت بزاولك
سيف يزاعج عليه كالعاده: اللهم طولج ياروح .... انت شوووووو ماتفهم؟؟؟ اسبووع وبنسكن حذالكم شقااايل الحينه مشتط
راشد: انا ما افهم!!!!!!!!!!!!
سيف: هيه

نشيت عنهم اطلع من هالغرفه ...انا شو ضربني على راسي ورقدت وياهم اسميني ثوول
..... نزلت تحت حصلت امايه وخالوه يالسين يشربن قهوه وياكلن رطب وحذالهن شمه فاجه الشعر وحاطه لها جحال عربي ومتلبسه مخور ... ياحي الززي الاماراتي عليج

خالتيه: ياصباحك خير
سهيل: صباحج صباح النوور فديتج
خالتيه: شميم قهوي ولد خالتج يالله

يات صوبي وهي تصب لي القهوه ..... خذيت نفس عميق يوم شميت ريحه العود منها
فدييييييييت هالريحه انا ......اويلي ماروم انا جيه متحلم بها من شوي والحينه قبالي بهالريحه الحلوه

قلت لها بصوت واطي: اباج بالمطبخ ضروري

طالعتني بتفحص ومدت لي القهوه .... خذيتها وتبسمت بويها.....

خالتيه: ها سهيل ان شاء الله خلصت مكتبك؟
سهيل: هيه الحمدلله بس باقي ابتدي الدوام
خالتيه: ترى عمك بو سلطان يباك تهندس له شركه
سهيل: هههههههه اهندس له ان شاء الله

حطيت فنيان القهوه ونشيت وانا اتحمحم لشمه عسب تلحقني .....
يلست بالمطبخ اتريها ..حشىى ساعه على مايت

سهيل: طالب وزير مب شمه
رفعت خشمها: الشيخه شمه لو سمحت
ابتسمت بويها: تعالي يلسي
شمه: وايد ماخذ مقلب بعمرك شو يلسي...... تبا ابويه ايي ويعطيك هزاب معتبر
سهيل: وشقايل يعطيني انا ومايعطيج انتي
يلست تحرك شعرها بدلع: لاني بنته حبيبته دلوعته
سهيل: ياربيه خقاااااقه واحد
شمه: شو يايبني للمطبخ عسب تسبني
طالعت بعيونها حركتي التربكها: شميم انا ابا املج
طالعتني بعينها الزايغه: شو هالقرار المفاجئ يعني!!!
سرت حذالها: شمه ماروم استحمل اكثر عن جيه ابا املج
بعدت عني: آآآآ يعني سلطان حمسك للملجه
سهيل: امممم تقدري تقولي جيه ..... شميم والله لاعت جبدي أي حركه او أي نظره الكل يقعد يطالعنا .......طالعي سلطان لان مالج محد يروم يقوله شي
شمه: ويعني انت شو تبا تسوي؟
ابتسمت لها بخبث: يوم نملج بتعرفي
شمه:لأ اعرف اول بعدين نملج
سهيل: عطيتج وييييه ....... تراني اروم اسير لعمي واقوله ابا املج بدون ماخذ رايج شرات ماسوى سلطان لعفير... بس انا احترم رايج وقرارتج لاتخليني اغير هالصفه فيني
شمه: واااابويييه عليك بسرعه تحتشر وتعصب الله يساعدني عليك ااففف
ضربتها على راسها بالخفيف: وتنافخ بعد
شمه: هع هع
سهيل: ها شو قلتي
اونها تفكر: اممممممم موااااافقه

( عشو موافقه ان شاء الله؟؟؟؟؟؟؟؟؟؟؟؟)

فريت ويهي لراشد اليطالعنا بنظرات خبث: بعد اسبوع بتعرف
يا صوبنا وايده على خصره اونه معترض: لا والله احلف بس ..... بسسسرعه تخبروني شو سالفه موافقه لا افاتن عليكم
شمه محتشره عليه: اوووووه بنملج شو يخصك
راشد: هاي البذبحها الحينه .... ابد مااااشي حياااااا وبكل قواه عين يالسه تقولي لي بنملج
شو هالقله الادب فيكم
سهيل: رشووود عن الحشره...... ياي تطلع حرت سواف فينا .... ابا املج وياي اخذ شورها ....شو فيها يعني ارتكبت منكر مثلا؟
راشد حاس بوزه: اخوووك هاي بيب لي الجلطه
سهيل: والله محد اييب الجلطه غيرك انت .... يا اخي شو سالفتك كل مابسير سيف العين احتشرت وسويت سالفه
حط ايده عقلبه بحركه مسرحيه: احبه احبه ماروم عفرقاه
سهيل: ههههه ماروم يا قيس
شمه: سمعت ان رويض بتسافر؟
سهيل: هيه بتيي بعد شوي تسلم علينا وبتتوكل
راشد: على وين العزم ان شاء الله؟
سهيل: ماليزيا
شمه: ياحليلها والله..... ان شاء الله تتونس هناك
راشد يرفع حياته فوق تحت : اكيد تتونس يوم بتسافر ويا الحبيب
سهيل : اقول عن التفكير الوصخ ووين سيف عنك؟
راشد: سار لابو حمدان اون بودعه قبل لايسير العين
سهيل: شحاله بو حمدان الحينه؟
راشد: والله احسه للحينه متأثر .... يوم يطالع سيف يسرح لبعيد
سهيل: الله يصبره
راشد: تخيل امه في ايام العزا يوم شافت سواف لوت عليه
شمه: حليلها حرااام اكيد ذكرها بحمدان
سهيل: الله يكون بعونهم ان شاء الله

دخل علينا سلطان بلبس دوامه .... وفتح الثلاجه بسرعه

سهيل: وعليكم السلام شو بلاك مستعيل جيه
سلطان يشرب الماي: متأأأأأأأخر..... محد يلسني يالوووووث

فريت ويهي على شمه يوم طلع سلطان : شقايل ماتيلسي اخوج لدوام
شمه: والله من ملج على عفرا اهي التيلسه .......يا بلفون يا تسير وتدق عليه الباب
سهيل: عيل شو فيها عفير مايلسته
رفعت كتوفها: مااادري

سرت انا وراشد يلسنا حذال العيايز الي طفرربهم رشود لين مايودت امايه العصا تضربه بها وهي تضحك

امايه: تأدب يامضيع المذهب
راشد: خلاص بدور عنه زين هالمره
امايه: منو؟؟؟
راشد: المذهب ههههههههههااااااي
خالتيه: خلاص راشد اسميك زل عقلك
راشد: خالتيه خبري سواف لايسير العين
امايه: شقايل مايسير ومنو يشل قشاره من هناك..... شو يبا وشو مايبا
خالتيه: هاي بدل ماتسير فياه عسب تساعده تباه ييلس حذالك
راشد يحج راسه: من اسير العين تيني ضيجه
طالعته بنص عين: تصدق حتى العين من تسير لها تيها ضيجه
راشد: يعني شعور متبادل
سهيل: تقدر تقول جيه
راشد: اماااااااااااااايه مشتهي لقيمات
سهيل: بس بدااا الوحاااام
خالتيه: يستوي خير
راشد: يعني بتسوي لي.... لو شووو
امايه: لو شو ههههههههه

هههههههههههههه يوم قالت امايه جيه فر راشد ويهه لي وهو مستغرب

راشد رد يطالع امايه: لالالا جييه ماروم عليج ياخلوه اثاريج كول وانا ما ادري
امايه: هههههه الله يقطعك اوني كول
راشد: اسمحي لي خالوه خلاص انا برابعج بدل ولدج سوافوه مستوووي ثجيل دمم..... اما انتي فديتج.... خفيفه دم وعسسسسسل على القلب
امايه: وابويه على هالرمسه اسميك بايع رمسات
سار راشد حذالها يبوس خدها:امووووووواح ......... فدييييييييييت غرشوبتنا انا

.....نزلن البنات على هالقطه وهن يطالعن راشد بأستغراب.........

عفرا تيود الريم وتيلس حذالي: ماااشاء الله .....رشوود تراك مضيع هاي امايه مب السيلانيه حقتك
راشد: طالعي طالعي خالوه شقااايل بنتج مغتاااضه اني احبج
امايه الشكلها عيبها الوضع: ماعليك منها خلها تولي
راشد يبوس خدها الثاني:اموااااااااااااااح .... فدييييييييييييت رووووحج فديييييت عمرج انا ...... تصدقي عاده خالتيه...... خساااره ....حرااام..... مايبتي الا هالحماره هااااي ( يأشر على عفرا) كان يبتي لي وحده غرشوبه جييه شراتج
امايه: هههههههههه ياحلو رمستك يالخايس اسميها البتضويك امها داعيه لها
راشد: هيه وبليله القدر بعد .... تدري خالوه بمسيها ببوسه وووبصبحها ببوسه
شمه: هيه حليلك اخويه فاقد حنان
امايه: حنااان لو عبير ههههههههه
راشد يلوي عليها: واااااااااااااااااااابويه ولمووووووني بحبج
طالعت بعفير: لالالا اشك ان راشد مشرب امايه شي
عفرا: لو سيفوه بعد موجود جان كملت
راشد: خالووه لاتسيري.... لا ويا سهيل ولا سوافوه .....سيري فيايه انا بشلج للعين
امايه: هيه فدديتك احسن بعد
سهيل: طااااااااااااالع ترانا عيالج نسيتي شوووو
امايه: وابووويه تغييير
عفرا: تسمعو ويايه حس موتر؟
نطيت بسرعه لاني عارف انها رويض..... طلعت للحوش استقبلها .... فديييتها والله الي يشوف ويها يعرف انها مرتااااحه............. كل التوتر البويها البارح رااااااح وخاااز

سهيل: فدييييييييت هالويييه والله هيه جييييه الويه منور
تلوي عليي: فديتكم والله
سهيل: شحالك جسوووم
جاسم شاق الحلج: بخييييييييييييييييير وايد
سهيل: هههههههههه هيه الحينه بخير اما البارح شويه وبتموت
جاسم: بييك يوم
سهيل: قرييب ان شاء الله
جاسم: عمي الي يبا يسلم على روضه ايي بسرعه لان تأخرنا وايد على الطياره
سهيل: دقايق وبزقرهم

سرت لداخل وزقرت للي يبا يسلم عليهم ...... طلعن جيش بني عبس يودعو ويسلمو .....وليوصي رويض وليوصي جسوم وليعق علييهم رمسات تنقع .....لين طلع جاسم ورويض وتوكلو للمطار...

..............................

................................

يود ايدها وهو زايغ : اماااايه شو بلاج
خالتيه وايدها على قلبها: ماشي فديتك يلسني بس

يلسها راشد وعينه شوي وبتطلع من محلهم .... اول مره يشوف امه بهالحاله من بعد اخر مره يوم كانو صغار لما طاحت عليهم وهي يالسه تسولف وياهم ........

شمه وهي تصيح: امااااايه ..... شلوها المستشفى
سهيل طلع مفاتيحه: راشد خلنا نشلها
راشد وللحينه مب مستوعب الوضع: امايه انتي بخير؟؟؟

هزت راسها بالايجاب وهي مب رايمه تتنفس.... سار صوبها سهيل اخويه وحملها للسياره
لحقتهم شمه تبا تسير وياهم بس سهيل اشر لي اني ايودها...

شمه تصيح: ابا اسير وياهم مااااااباااا
عفرا: خلاص فديتج مايستوي تسيري فياهم
امايه تيي صوبها: استهدي بالله ان شاء الله مافيها الا كل خير
شمه: مب رااايمه تتنفس طالعتوها جيف؟؟؟؟
امايه: بنتيه حطي الرحمن بصدرج ....
شمه: والله لو يستوي بأمايه شي بمووووت
امايه: عفراا دخليها داخل

خذيتها لداخل وانا اهدي فيها ... شربتها ماي لين شوي شوي وهدت

شمه: عفور دقي على سهيل شوفي شو صار
عفرا: فديتج دقايق خليهم على الاقل يوصلو المستشفى

دخل علينا سيف وهو مستغرب الوضع والهدوء !!!

سيف: السلام عليكم!!!!
الكل: وعليكم السلام
سيف: شو مستوي؟
امايه: خالتك تعبت شوي وشلوها للمستشفى
سيف: افاااااا شو فيها تعبانه؟
امايه: يايها قلبها
سيف ييلس حذالنا: ان شاء الله خير .....متى شلوها؟
امايه: تو من دقايق بس
شمه: دخيلكم دقو عليهم زاااايغه عليها وايد

يودت فوني ودقيت على سهيل بس ماشي رد .....

شمه: دقي على رشووود
عفرا: طيب

دقيت على راشد وهم هو الثاني ماشي رد....

شمه ردت مره ثانيه تصيح: اكيييد استوى بمااااايه شي
خالتيه: صلي على النبي اكييد هم الحينه محتاسين شقايل بردو علينا
التفت سيف على شمه: لاتحاتي انا الحينه بسير لهم ووبتصل عليكم زين؟
شمه: احلللف انك تتصل علينا وماتنقعنا جيه شراتهم
سيف: وابويه بدون حلفان بتصل
شمه: دخيييلك
سيف: والله بتصل....

طلع عنا سيف للمستشفى....
اما نحن كل وحده تدعي بقلبها ان مايستوي شي بخالوه
هاااي القلب يعني مب شي سهل ولا عادي ... الله يقومها بالسلامه يارب
بعد جم ساعه نطت شمه على صوت فوني ... سحبته من ايدي وردت على سيف

شمه: احللللف انها بخير ..... طييب شو قالو شو استوى..... اكيييد ؟؟؟..... طيب اروم ارمسها الحينه؟ ...... لالالا متى ييتكم؟..... طيب

سكرت الفون وهي شاقه الحلج: اماااااااااايه بترد فياهم بعد شوي
امايه: الحمدللله رب العالمين شوو خبرهم الدختور؟
شمه: يقول مكثره زيوت مادري شو يوم برد بخبرونا ...بس اهم حايه انها بخير
امايه: الحمدلله

......................................

..........................................

هالانسان كل يوم اكتشف فيه صفه حلوه...... بالعاده الشباب الي شراته مايحبو يطلعو مشاعرهم لامهم ولا ابوهم ... بس راشد غير ... بعد مارد امه من المستشفى يلس بحضنها وهو يسمي عليها .... يآآآآآلله شكثر حنون هالانسان

سلطان وكاب الدوام بأيده: كم مره اقولج لاتاكلي شي متروس زيوت بس ماطيعيني ...جيه امايه جان استوى بج شي
راشد يمسح على راسها: بسم الله عليها
عفرا: حتى القهوه تراهن ثنتينهن ييلسن من صباح الله يشربن بهالقهوه وهن ماماكلات شي
فر سلطان ويهه على امه وخالته: حرااام خافو على اعماركم مايستوي.... انتن ممنوعات من القهوه
ام سلطان والتعب بويها: وابويه في حد هالايام مايشرب قهوه
سلطان بتهديد: اماااايه لاتخليني امنع القهوه عن البيت شرات مامنعت اشياء قبله
ام سلطان: لالا وابويه اذا يانا حد بشو نظيفه
سلطان: عيل لاتشربي عسب لاتقفطي يوم ماتشوفي قهوه بالبيت

عفرا تساسرني: فدييييته رجااااااال لك يأبرني رجاااااال

فريت ويهي عليها وانا اضحك .... صدق خبله عفوور هاي الأون زعلانه عليه

سيف يتثائب: آآآآآآآآآآآآآآآآآآآآ منو بسير ويايه العين ؟
عفرا: كلنا بنسير بعد شو هاي منو ؟
سيف: عيل الي يبا يسير ينش ييهز عمره
خالتي ام ناصر تطالع راشد: هاااا فديتك مابتوصلني العين؟
رفع راسه من على صدر امه: هههههه باجر بلحقكم ان شاء الله .... الحينه ابا ايلس حذال امايه
خالتيه: هيه زين تسوي .... انتبه لها لاتشرب قهوه عن يضربها سلطان
راشد: هههههههههههه
خالتيه: فديت هالضحكه هيه جيه فديتك مب مساع وويهك مخترع
راشد يطالعني ويرمسها: بولـــــــــــــه عليج قرشوبتي

بالعلم ان الكلمه اونها موجهه لخالتيه ام ناصر .... بس هم قفطت ونشيت ويا عفرا
.... شليت قشاري وتوكلت لسياره سيف ننتظر عفرا هانوووم تيي....

سيف: هالحماره وين سارت؟
خالتيه توايج من الجامه: يمكنها تودع الحبيب
سيف :لحووووووول
يات عفرا وفتحت باب السياره: سوري فديتكم تأخرت صح
سيف: لاغناتي سيري بعدي يلسي شوي ( ويقلب رمسته الى زعيج) هااااي اخرررر مررره انتظرج غييير جيييه بنننقعج ...وريلج هو اليوصلج

شغل سيارته... والجيش منطرمين شراتي.... لان تعودنا بالفتره الاخيره على عصبيه سيف ....
شويه ووقف سيارته ونزل يسلم على حد من الشباب ... ماعرفت منو الا لما عفرا يودت ايدي

همست لي بأذني: واااابويييه هاي حميدوه ... الله يلعنه من وين طلع لي بهالوقت
يودت ايدها عسب اهديها شوي بس ماشي البنت زايغه

عفرا: اكيييد الحينه تذكرني انااا قلت مع الايام بينساني وبفتك

يودت فوني وكتبت لها

( عفرا صلي على نبيج خلاص انسيه لشو زايغه اكيد نساج )

عفرا: والله لو يدري سلطان تدري شو بسوي فيني ....بيذبحني... اعرفه سلطان والله بيذبحني

يلست اهدي فيها بس ماشي ماهدت الا لما رد سيف للسياره وهو مبتسم ابتسامه هاديه.....كملنا طريجنا للعين والكل رقد بالسياره الا انا وسيف الياس يسوق وهو سرحان وبعالم ثاني..... تتوقعو بشو يفكر سيف؟؟؟...