(المرسل :حميد

حمدان عطاك عمره اليوم .... حاول تيي دبي بسرعه عسب الدفن ننتظرك!)

هذا كان المسج الفاتحه سيف!!!......... حمدان توفا واليوم!!!!!

لويت على سيف ....وانا احاول اهديه .... صحيح سيف ربشه بس انسان وااااايد حساس
.....وخايف لاوفاه حمدان تأثر بنفسيته

راشد: استهدي بالله وادعي له بالرحمه
سيف وصوته مب مفهوم : والله شي علاج شقايل مات
راشد: سيف!!!! شو هالرمسه حراااام استغفر الله وحط الرحمن بصدرك
سيف: استعفر الله
راشد: يالله نش يهز عمرك عسب نسير دبي

نش سيف بدون مقاومه .... غسل ويهه وتلبس .... ويوم حدرنا لتحت

خالتيه تشهق: بسم الله ولديه ششقااايل ويهك جيه
سيف يطلع من الباب: ماشي
التفت عليها قبل لا اطلع وراه: خالتيه ربيعه متوفي
خالتي: ووولد منووو؟؟
راشد: حمدان الـ ـ....
خالتي: الساكن دبي؟
راشد: هيه
خالتي: واحليله وحيد امه هاي
راشد: هاي امر الله .... المهم خالتيه خبري شمه اني مارمت اخذها لان كنت مستعيل ... فأمان الله

سرت عنها لسيارتي الينتظرني حذالها سيف.... توكلنا لدبي وسيف طوول الوقت ساكت وماله حس .. الي يطالعه يقول مستحيييل هاي سيف الي نعرفه ونعرف روحه المرحه ... احترمت وضعه وسكت انا الثاني لين ماوصلنا
كلمت حميد عسب اتأكد انهم ماخلصو دفن وسرنا صوبهم ......

...................................

....................................

,,الصلاه على الميت يرحمكم الله,,,

دمعت عيني عليها.... يالله شكثر قاااااااسيه هالجمله.......
احس بوحشه تمشي حولي..... منظر ابو حمدان يكفي الوحشه كلها بويهه.... الي يطالعه يحس ان هالريال فاقد روحه ووواقف حذالنا بجسمه بس رووحه خلاص تعتبر ويا عالم الاموات
بعالم حمدان .....

بلحظه وحده.... مر كل شريط الذكريات قبال عيني

.................
المدرس: ووووين كتابك ياحمدان؟؟؟؟
حمدان والتعب على ويهه وبصوته المزجوم: مادري استاذ شكلي نسيته
المدرس: يالله وقف على ريلك اشووف
سيف يقاطعه ويحط كتابه حذال حمدان: لالا استاذ انا كنت ماخذ كتابه ونسيته عنديه
المدرس: وانت وين كتابك عيل؟
سيف يجذب: احم نسيته
المدرس: يالله وقف عيل
سيف يطالع حمدان ويبتسم : ان شاء الله
.
.
.
............

سيف: والله ماحب الدراجات
حمدان: انت اركب ويايه وبتحبهم ان شاء الله
سيف: وااابويه علييييك
حمدان يسحب ايده: تعااااااااااال

يركب سيف... وحمدان يسرررع عسب ينقع بسيف الزاااايغ

.
.
.
.............

سيف: ههههههههههه عنلاتك تتوقع اصلح مطوع؟
حمدان : ههههههههه اي مطوع بدون لحيه خخخخخخخ
سيف: خسسسسك الله قوم بس قوم خلنا نحووط شووي بهالشوارع نشوف لنا جم غرشوبه نغازلها
حمدان منكس راسه ومبتسم بخجل: والله ياسيف بدقيقتين قلبت خوفي امل والله احبك ياريااال
نعس سيف عيونه اونه متأثر : تزوجني؟؟؟؟
حمدان ناقع ضحك ويضربه على راسه: هههههههههههههههههه الله يخسسسسك ياخي يااالس اعبر عن مشاعري وانت تطنز
.............
.
.
.
( سيف مابتحمل الجنازه وياهم؟)

التفت على راشد النبهني من شريط الذكريات : اكيد

سرت صوب الجنازه وحملت صوب منها على كتفي والصوب الثاني على كتف حميد
..... شو شعور الواحد يوم يحمل جنازه ربيعه على كتفه؟؟؟....
شعوره مثل ان يحمل روحه نفسها.... لحفره صغيره!!!
.... قبل كم يوم كان الأمل بعينه مرسوم.... مادريت ان امل للموت!!!مب امل للحياه

(بسم الله وعلى سنه رسول الله....... بسم الله وعلى سنه رسول الله)

كلمات رددناها ونحن ننزله لقبره...... قبلت جبينه قبله وداع .... ودموعي تغسل ويهي
... ماتحملت اكثر عن جيه ..... وبعدت عنهم يوم حصلتهم ينثرو التراب عليه

...................................

شمه: خالوه شقايل سااار!!!!
امايه: حمدان ربيع سيف توفا وسارو لدفن

الريم شرقت بأكلها ... التفت عليها بسرعه ويودتها الماي....حليلها اكيد تذكرت وفاه عمي وامها
ابتسمت لي من ورى قلبها ونشت من على الاكل... الله يعين كل مابنذكر وفاه حد بتيلس تتأثر جيه ... متى تنسي يالريم؟!!!!

التفت على امايه: حليله سيف اكيد تأثر
امايه: ... ذاج اليوم توفى يارنا ويلس يبجي عليه والحينه ربيعه المتوفي شقايل مايتأثر
شمه: حليله الله يصبره والله ماروم اشوف سواف بحاله شرات جيه فوادي يويعني عليه
عفرا: الله يصبره

غمضني اخويه اكثر عن الميت.... لان الميت راح لرب العالمين... بس اخويه من النوع
,,اضحك بسرعه بس ابجي اسرع,,, طالعتو شقا يضحكنا وينقعنا ضحك؟.؟؟ .... شرات مايويع قلوبنا يوم يتوفا حد او يزعل على حد
.... نشيت وانا اشل الاكل عن الطاوله .... التفت على شمه اليالسه تساعدني!!!!!!!!

عفرا: سبحان الله بتكتب بالتاريخ
برطمت: حتى لو بتسنع تحطموني
عفرا: هههه امزح معاج نغير جووو بعد هالخبر الكئيب
شمه وهي تدخل المطبخ قبلي: تدري مابسير دبي مابا اشوف سيف
عفرا: بعدج تذكريه يوم توفا عمي؟
شمه: وذاج اليوم ينسا؟؟... كل ماتذكر دخلته للبيت وقلبي يويعني
حطيت الصحون بالمطبخ: يارب يصبرك يا اخويه
شمه : آمين

انتشر الخبر بالبيت..... وبعد كم ثانيه تيهز ابويه وتوكل على دبي.... هم سهيل حب يسير بس ابويه ماطاع لان ماشي ريال بالبيت.......
روضه: خلاص الغالي باجر انت سير
سهيل ييلس على الارض وهو يطالع بشمه التقطع ويايه سلطه خفيفه!!!!: اممم ان شاء الله يكون في وقت باجر
روضه: شي وقت لاتخاف
سهيل : لمنو هاي السلطه؟
شمه: حقنا
عفرا: قالت حقنا يعني ماشي لك
سهيل: حلفن بس
شمه: والله
عفرا: بس هاي الي ماتصدق على الله تسمع طاري الحلفان مايوووز
شمه: اقووول عفراااا عقوله اهل السعوديه لالالالايكثر هرجك بس
كملت وياها بالرمسه السعوديه: اقوول انتي بس الي لايكثر هالهرج قطعي لا اقطع لك ذا الوجه
سهيل يمشي ويانا على الموجه: اقول انطمي انتي وياها بس انطمي ....لا اجي وادوس بذا البطن حقكم
التفت عليه: ليه ترااك مصختها بالمرررره<<< غصب ابا ادخل كلمت بالمره عسب تثبت رمستي انها سعوديه ههههههه>>>
سهيل: بالحيييييييل مصختها
روضه: هههههههههههههههه جني يالسه بمسلسل سعودي
شمه : فديت رمستهم وااايد احبها
عفرا: انا احب رمسه هاي اهل جده اووويل حالي يوم يقولو .... ايوا يابويه.....( وحولت عيوني )
شمه: ههههههههههه ذكرتيني بفؤاد البطاش مطاش
عفرا: هههههههه مادري شقا هالكلمه احسها مرتبطه بفؤاد
سهيل: لانج ماحفظتيها الا منه
روضه: انا احب رمسه هل الكويت يوم يقولو امبــــــــــــــيه
سهيل: هههههه خلاص بخبر جسوم مايرمسج الا كويتي
عفرا: انا عيل خبر سلطان يرمسني بحريني
سهيل: ههههههههههههه اتخيل سلطان يرمس بحريني( ويثقل لسانه شراتهم) اني من المحرق شخبارش عاذاري
عفرا: هههههههههههههههه اببببد مااينااسب على سلطان الرمسه البحرينيه
روضه: ماتلاحضن ان اسم عذاري مشهور عندهم احسه وايد يسموه
سهيل: هيه يمكن من الاسماء المفضله عندهم
عفرا: وهل السعوديه احس اسم منيره اكثر اسم عندهم
شمه المعروف ميولها لاهل السعوديه مسبقا: خلاص عيل بسمي بنتي منيره
سهيل: ومنو قالج اني بسمي بنتي منيره؟
شمه: مايخصني ابا اسمي منيره والبنات الباقي سمهم على كيفك
سهيل: ليش شما نحن بنيب كم واحد
شمه: بس 10
الكل: حشــــــــــــــــــــى
شمه تتفل: بسم الله منكم لالالا شكلي بستوي عقيم
امي :بسم الله عليج امايه لاتفاولي على عمرج بهالرمسه...

........................................

........................................

هذا اليوم الثاني من وفاه حمدان... وسيف ولا لقمه دخلت بحجله
تعبني وياه وااايد ... مايرمس الا بكلمه ولا كلمتين
... والي أثر بنفسيته زود يوم عرف ان حمدان ماكان بأبو ظبي اصلا.... اخر يومين كان منوم بالمستشفى لان المرض سيطر على جسمه ... وبذاج الوقت عرف بو حمدان بموضوع مرض ولده ... بس ماشي فايده لان يومين وراح حمدان لرب العالمين .....

اليوم سيف حالته لله مزجوم وتعبان ..... ومافيني ايلسه من رقاده
خله راقد احسن لان اعرف ان نش بسير بيت بو حمدان..... وهاي اخر يوم للعزا يعني ماشي ناس وايد خله يرتاح احسن له.... لان باليومين الي قبلهم ماكان ييلس دقيقه وحده على بعضها يا واقف حذال بو حمدان يستقبل العزا او ايي يساعدنا انا وحميد ربيعه بتضيف المعزين

( عمر سار اليوم عنا)

التفت عليه وحصلته يحاول يعدل يلسته بس التعب اقوى منه وخلاه يرد يتمدد على الشبريه.... سرت صوبه ويلست حذاله .... مديت ايدي وحطيتها على يبينه وحصلته حااااااار....
الريال يالس يهلوس وويخربط بكلامه .... نزلت لامايه بسرعه وهي من جهتها يات للغرفه بكمادات بارده .... فصخته ملابسه بدوون مقاومه من سيف لان اصلا مب ويانا ابد
... يلست تكمد جسمه وهي تسمي عليه...

امايه: بسم الله عليك بالرحمن الرحيم
راشد: امايه اشله المستشفى؟
امي: ان مانزلت حرارته بتشله
راشد: امايه تراه من مساع يخربط بالرمسه
امي: هيه يهذي بمرسته من زود الحراره .... الولد متروع

التفت على سيف وناظرته بعيني الزايغه.... ماروم اطالع سيف بهالمنظر.... وين حيويته بالدقيقه الوحده ماييلس بمكان واحد.... والحينه ممدد ولا حاس بعمره
.. بعد كم ساعه دخل علينا سلطان بلبس دوامه ...

سلطان بهمس: السلام عليكم
راشد: وعليكم السلام
سلطان: شوو بلاه سيف جيه؟
راشد: مادري شكله بتييه الانفلونزا
سلطان: شو حال نفسيته الحينه؟
راشد: على حالها ماتغير شي
سلطان: شله المستشفى مب زينه الحراره
امايه يأست: حرارته شكلها مابتنزل خذه للمستشفى لايستوي بالولد شي

نشيت وتلبست وطلعت ويايه كندوره لسيف تلبسها له امايه ..... سرت اشغل السياره ...
وبكل سهوله وخفه حمل سلطان سيف ويابه لي لسياره

سلطان: يوم توصل المستشفى خلهم يشلوه بالكرسي مب تمشيه
راشد : ان شاء الله

توكلت للمستشفى ... وسوو الازم ... ابر .... مغذي .... ادويه
وسيف بطول هالوقت مب حاس بعمره .... شي عمر وشي محمد وشي عبدالله
.... وبعد جم ساعه تحسنت حالته يبطل عينه على الخفيف ويرد يرقد...
... طلعت عن الطوارئ يوم ياني اتصال من سهيل...

سهيل: افااااااااا يعني تعبان وايد؟
راشد: هيه على الاقل الحينه احسن عن قبل
سهيل: نحن اليوم بنيي دبي امايه تبا تطمن على سواف ومنها تتشرى لاثاث البيت ولعرس رويض
راشد: هيه انتبه لاتخبرها بشي لان امك يوم تتصل على امايه عسب تطمن على سيف دوم تخبرها ان بخير عسب لايزيغ قلبها
سهيل: هي بروحها تحاتيه.... ان شاء الله مانوصل دبي الا اهو بخير
راشد: ان شاء الله.... يالله سهيل ماروم اخلي سيف روحه يالله مع السلامه
سهيل: بحفظ الله سلم لي عليه
راشد: ان شاء الله

سكرت عنه ورديت لسيف وحصلته شرات ماكان راقد ومب حاس بشي...... اذن المغرب وسرت اصلي بالمسيد .... يوم رديت الحمدلله حصلته يالس بس كان سرحان ومويم

ابتسمت بويهه: الحمدلله على السلامه زيغتني عليك ياريال
سيف بصوته المزجوم: الله يسلمك
يلست حذاله على الشبريه: شحالك الحينه؟ ان شاء الله احسن
فر ويهه عليي: شقايل مايلستني عسب اسير العزا
راشد: الله يهداك شو تسير لووو كنت بتيلس كان حسيت يوم شلك سلطان لسياره ...كنت تعبان وايد
سيف: شلني سلطان؟؟!!!!
راشد: هيه كانت حرارتك وايد مرتفعه حطت لك امايه كمادات بس ماشي فايده
سيف يهمز جسمه: احس يسمي كله مكسر
راشد: اهمزك؟
سيف: لا ابا اطلع الحينه ......دخيلك مالي بارض للمستشفى
نشيت عنه: طيب انا بزقر الدكتور وهو يقرر

سرت عنه للدكتور .... ويا فحص على سيف والحمدلله طمني ان بخير ...
طلعنا من المستشفى وتركت سيف روحه بالسياره عسب اسير اخذ الادويه المطلوبه

سيف: شقااا اخذت ادويه تعرفني اني مابكل شي منهم
شغلت السياره اتوكل للبيت: ومنو قالك انك مابتاكل شي منهم

سكت عني وفر ويهه الصوب الثاني دلاله على انه مب رايم على المضارب...... وصلنا البيت واستقبلتنا خالوه الي يالسه على اعصابها ... يودت سيف ولوت عليه

خالتيه: فديييتك اماييييه ان شاء الله بخيررر خبرني شو قال الدختر؟
راشد: خالتيه شوي شوي على الريال ... هاي بدايه الانفلونزا يوم ياكل دواه ان شاء الله مابيه شي
خالتيه تلف ايدها حول سيف : عظم الله اجرك فديتك بربيعك
سيف دمعت عينه شرات كل مره يوم يعظم حد اجره ..... رد عليها بصوت مبحوح: اجرنا واجرج
خالتيه: فديتك هو سار للرحمن ادعيه له بالرحمه ترى الدموع ماتفيده قوي عمرك يالغالي
سيف: ان شاء الله

تركنا خالوه التراقب سيف وهو يصعد...... حصلنا الجيش كلهم متفيزرين فوق .... يوم حدر سيف انطرمو وسكتو وهم يطالعوه بنظرات غريبه؟!!! ومن صوب سيف تأفف ودخل غرفتي

فريت ويهي عليهم وانا كاتم ضحكتي على اشكالهم: مااااالت عليكم شقا تسكتو مره وحده جيه
سهيل: حشى حتى مايعطي فرصه نعظم اجره
راشد:لاتعظمو له الاجر بروحه مب طايج عمره وكل ماحد يعظم له دمعت عينه خلاص رحموه يكفي اليومين الي طافن
عفرا وشوي بتصيح: راشد شحال نفسيته؟
راشد: بخير بس هاي ربيعه لازم بيتأثر شويه

تركتهم وسرت لداخل غرفتيه .....وحصلته يالس يطلع له كندوره

راشد: بتتسبح شو؟؟؟
سيف: هيه ابا اتسبح بماي حاااار
راشد: لالالا سيف الدكتور قال بماي بارد
سيف مفوول: استغفر الله بروحي متكسر شقايل بارد
راشد: انت تسبح بماي بارد ويوم تطلع بهمز لك جسمك

دخل للحمام وهو يتأفف... الله يصبرني على عصبيه سيف بهاليومين ... ماروم اقول حرفين الا طب فيني الله يعين..

........................................

.....................................

فولت من خاطري من عفير الحماره القررت تسير الفندق ويا خالوه وريلها

عفرا تلف ورق العنب ويايه: احس الوضع غلط انام بنفس البيت الي ينام به سلطان
فريت الملعقه حذالها: يااحماااااااااااره قبل يوم سلطان بس ولد خالتج عادي تنامي ....ويوم استوى ريلج تقولي تحسي الوضع غلط
عفرا: حشىىىى خففي هالصوت عنبو طريتي اذني
شمه: بخبر سلطان عليج
عفرا: والله لو تخبريه قبل لاا اسير بشنقج
شمه: يعني ياحماره تبي تسيري قبل لايرد من دوامه
شقت حلجها: طبعااااااااان
شمه: مالت عليج يمكن ابوج وامج يبو ياخذو راحتهم ماحيدج لززززقه
عفرا: انطبي اوون ياخذو راحتهم
شمه: مالت عليج
عفرا: يالله بس عن الرمسه الزايده وطالعيني شقا الف الورق وسوي شراتي عن لايتفكك
شمه: سلطان وااااايد يحب هالاكله
عفرا: هيه من جيه سويتها عسب خاطره وخاطر سواف فديته
شمه: ياحماره انا السويته مب انتي
عفرا: وابووويه خلاص انتي

نيهاهاهاهاها طبعا مب انا بالضبط السويته .... عفرا كانت فوق راسي وحطي هاي وسوي هاي والحينه يالسه تعلمني شقا الفه

دخل علينا راشد بالمطبخ وهو حايس بوزه: شو هالريحه الخايسه ؟؟؟؟؟
عفرا تكتم ضحكتها لانها تعرف راشد مايحبه: نسوي عشا
طالع راشد بالجدر: وييييييييييييييييييييييييييع دخيلكم جيس جيس بررررجع البطني
شمه: هههههههههههههههه
عفرا: الله يخسك ويلوع جبدك
راشد: الله يلوع جبودكم انتو على هالاكله .... انا اول مره اشوف ووورق وداخله رز .... باجر بيب لكم برسيم وسو به جيه
عفرا: ها لسواااف لان يحبه
راشد يفج الثلاجه: صدقتج عفوور
عفرا: واللله والله لسواف مب بس سلطان
شرب ماي: امممم لاتعبلي على عمرج ماتوقع سيف ياكل
عفرا: ان شاء الله من مات ربيعه وما اكل له شي؟
راشد ييلس على الكرسي: عايش على الماي
عفرا: والحينه هو وين؟
راشد: هههههه يلست اهمز جسمه ودقيقتين حصلته راقد
عفرا: حليله فديته شكله تعبان وايد
راشد: هيه امايه تقول متروع مادري شو لان صدق ماينام دقيقه على بعضها دوم ينقز من نومه
عفرا: متروع!!؟
راشد: هيه هاي سوالف العيياز تركتهن الحينه وهم يفكرو بدوا ومادري شو
شمه: لالالا عيل الله يعين سيف يوم خالوه وامايه يخططون عليه
عفرا: لالا حرام عليج تراهم مايسو الا دوا شعبي
شمه: ما أؤمن بالادويه الشعبيه
عفرا: دخيلج عاده يالمأؤمن .... تراه صدق الادويه الشعبيه تفيد ... الريم قبل حالها اززفت من جيه بس مع الادويه السوتها امايه لها تحسن حالها بواااااااايد
ضرب راشد على راسه وجنه متذكر شي: الا على طااااري الررريم شحالها؟؟؟ماشوفها
عفرا تبتسم بويهه: يالسه تسوي كيك بالمطبخ الثاني
راشد: أهاااااااا ..... المهم اخواتي الحلوات انا شوو عشايه؟
شقيت الحلج: برسييييم

ضربني على راسي وهو طالع.... التفت على عفرا وانا اضحك

شمه: حليله اخويه
عفرا: غمضني بسووي له عشا خاص
شمه: عسب يدفنج سلطان
عفرا: تتوقعي؟
شمه: ونص بعد
عفرا تبتسم بخبث: عيل بخلي ريومه تطبخ له ..... نيهاهاها مب يقلون اقرب طريق الى الرجل معدته؟
شمه: ههههههههههه انتي شو تبي بهالاثنينه؟
عفرا: امممممم خاطريه يطيحو بحب بعض
شمه: يمكنهم طايحين وانتي ماتدري
عفرا: لالالا حبيبتيه ان يحبو بعض كان حسيت اهم الحينه ممكن اعجاب بس حب مستتتحيل
ابتسمت بخبث انا الثانيه: نيههاهاها عيل ننفذ الخطه
عفرا : ريوووووووووووووووووووووووووووووم
شمه: ريمااااااااااااااااااااااااني
عفرا: رممم رممممم

ياتنا الريم وعلى ويها علامات التعجب والاستفهام ولدهشه وكل علمات الغه العربيه

عفرا شاقه الحلج: ريومه فديتج خلصتي شقلج؟
الريم :هزت راسها بالايجاب
عفرا: فديتج احنا الورق العنب بطول ويانا ارووم اطلب منج طلب؟
الريم: هم هزت راسها بالايجاب وعلى ويها ابتسامه
عفرا: اممممم رشود مايحب الورق العنب من جيه نبا نسوي له امممممم شميم شو يحب اخوج؟
شمه: باشميل
عفرا: هيه باشميل

ابتسمت اكثر وسارت عنا تبدأ الطبق..... فريت ويهي على عفير وانا كاتمه ضحكتي

قربت ويهي من ويها وهمست: احلى احلىىىىىى بسير اخبره
عفرا: لالا مب الحينه يوم تخلص احسن
شمه: هع هع هع

اما نحن بعد دقايق خلصنا شغل .... وسارت عفير الحماااااااره تيهز عمرها عسب تسير للفندق ويا قوم خالوه .... بالعلم ان ريوم ورويض بيرقدو فيايه بس عفير مستبقره هاليومين...

....................................

..................................