الجــــــــــــ 16 ـــــــــزء
............................................
..........................................
.........................................................
........................................................
ياحلات الصبح وياحلات كل نفحه هوى فيه ............... احب الصبح واحب هدوووئه
يلست على حواف مسبح بيت خالتيه وانا اشرب بالكافي ....ماشاء الله وايد كبير واحلى عن مسبحنا بالعين بواااايد.....
فريت ويهي اطالع بيتنا اليديد لان حذال بيت خالتيه اليدار باليدار يعني اقدر اشوفه بسهوله..... البيت ومشاء الله خلص شعنه مانيي ونفك اعمارنا عن الحواطه بين دبي والعين
( صباحج صباح الورد)
بهالحظه
كل شي توقف من حولي ..... وانصمت اذني عن كل شي .... وما اسمع الا هالحس الغاوي
فديت رووووحه ..
سلطان: ههههه خرعتج؟
قلت وانا مقفطه : ههه شويه.... صباحك النور
سلطان ياخذ الكافي من ايدي ويشرب منه: شو اسوي بج اذا انتي دومج سرحانه .......... يالسه تطالعي ببيتكم شو؟
عفرا: هيه ماشاء الله ماتوقعت بيطلع جيه
سلطان : شو رايج قبل لاتسيرو العين اخذج تشوفينه من داخل تراه وايد غااااوي
قلت وانا فرحانه بالاقتراح: يااااليييت ...........خاطريه اشوفه من داخل والله
سلطان: انتي تظمني نفسج تسكني بهالبيت؟
شهقت: بسم الله عليي هيه اسكن شعنه ما اسكن؟
سلطان: امممم لاسباب شخصيه مثلا
عفرا: مثل شو يعني؟
سلطان: امممممم مثلا.......
(عموووووووووووه)
اهئ اهئ اللله ياخذج وياخذني يوم انضرب على راسي وصرت عمتج دوووم جيه تخرب علي اللحضات الحلوه
عبير وهي واقفه حذال باب الصاله وتزاعج لي وانا بالحوش وجنها ببيتهم: عموووووه
التفت على سلطان: اترخص فشلتني هالبقره تتحسب عمرها ببيتهم
مشيت عنه بس استوقفني : آآآآ عفرا
طالعته: هلا
سلطان وهو يناولني كوب الكافي حقي: قولي للبنات ييهزو اعمارهم عسب المول ........... واذا ماعليج كلافه ابا كافي شرات حقج
ابتسمت له : ماطلبت اوكي
سرت عنه لصوب البقررره عبير وانا نافخه ويهي عليها
عفرا: بلالالاج تباقمين شرات البقر
عبير: عموه تخبلتي شو .... يالسه ويا سلطان برع انتي ماتدري ان عمومي بالميلس؟
خزيتها بنص عين وانا يالسه ابعد التوتر عني: هيييييه يالبقره اولا انا مب يالسه انا كنت واقفه وبعدين هو شافني واقفه وبس حب اخبركم ان تيهزو اعماركم هو مادق سوالف ويايه
<<اويلي جان انفضحت صحيح لو طلع حد منهم شو راح اسوي هههههه اسميني خبله من اشوفه اتيبس ........سمعنا حس صوت باب ... طلعت خالوه والعم بو سلطان >>
خالتيه : هلا ببناتي هلا صباحكم صباح الخير
سرنا صوبها وحبينا راسها: صباح النور خالتيه شحالج اليوم؟
خالتيه : والله لو يخوز الم هالقلب جان اصير بخير
ابتسمت لها: ماتشوفي شر الغاليه .... شحالك عمي
ابو سلطان يبتسم لي: الحال يسرج فديتج
عفرا: امممم شو تشربو حليب لو شاي ؟
خالتيه: يلسي بنتيه ماله لزوم تعابلي
عفرا: لالاخالوه شو هالرمسه.......... شو تشربو ؟
ابو سلطان: شاي وحليب
خالتيه : حليب فديتج
سرت صوب الدليل وصبيت لهم .... كنت حابه ايلس اسولف وياهم زود لان وايد احب سوالف عمي بو سلطان ... الي يطالعه من بعيد يقول هاي واحد متكبر ومغرور بسبه الهيبه الي فيه... بس الي ييلس وياه يقول هاي انسان ثااااني
فديييته وفديييت روحه وايد يشابه ابوه
قلت هاي الجمله بنفسي وانا اطالع سلطان الي مره ييلس يشرب كافي من الي سويته له وومره يعدل سفرته من جامه السياره ومرره يضارب وياشمه الي يالسه تعابل بالمسجله
...... وصلنا المول وطالع وايد روعه بهالوقت لان ماشي زحمه
يلسنا نتحواط ولأول مره سلطان يالس يتحوط معنا ... لان بالعاده ييلس ينتظرنا بأي كافي
وشمه متونسه ويالسه تاخذ ذوقه بالفستاين الي تختارها ..دومها جيه تحب تاخذ ذوق اخوانها وابوها ... اما انا ماتخيل نفسي اخذ ذوق سهيل لان حليله اخويه ذوقه بالملابس وايد مب حلو ههههه...
عفرا: هاي حلو عليج ريووومه بتطلعين عذاب
تبسمت الريم بس هزت راسها بالرفض معترضه على لونه الاصفر ههههه شكله مب بس سهيل ماعنده ذوق حتى انا
يا سلطان صوبنا انا وريوم: ها عفرا ماشريتي هاي ثالث محل ندخله وانتي ماشلتي شي اوديج مول ثاني؟
تبسمت له: ههه لالا شو مول ثاني نحن البنات جيه لازم ناخذ جوله على كل المحلات بعدين نتشرى
سلطان : ههههه انتو طالعو شمه شلت المحل كله
عفرا: عليها بالعافيه ان شاء الله
سلطان: طيب عفور اباج بخدمه
عفرا: آمر
سلطان: ما يآمر عليج عدو بس اباج تسيري ويايه صوب ذاج المحل عسب اشتري هديه لـ( ويأشر على شمه بعينه عسب لاتنتبه)
عفرا: هيييه فهمت اوكيك
سلطان يسير صوب شمه: شميم نحن بنسير ذاج الصوب انا وعفرا عسب اخذ ذوقها بهديه لسهيل زين؟
شمه: اوكي بتشوفنا بهاي المحلات الي بهالصوب
طلعنا عنهم وكانت عبير تبي تيي فيانا بس شمه سحبتها وياها المحل الثاني ...
سلطان : ابا اخذ ذوقج بهديه لشميم عسب عيد ميلادها
ابتسمت له من ورى غطوتي الشفافه: حتى انا حبيت اشتري لها بدون ماتشوف الهديه
سلطان : تدري شو؟
عفرا: شو؟
سلطان: ابتسامتج
نكست راسي: شو بلاها؟
سلطان وهو يمد كلمته: حــــــــــلوه
لاتسألوني عن حالتي .... احس كل حراره المول تيمعو بخدودي ...... واحس الدم مايتحرك الا بعروق ويهي اويل حالي عليك ياسلطان حتما بيغمي عليي الحينه .....
يلسنا نتحاوط بكذا محل لان سلطان مامحدد نوع الهديه بس اخر شي قرر يشتري لها خاتم الماس ... دخلنا المحل وطلع لنا كذا نوع
سلطان: هذا حلو صح؟
ذوقه وايد حلوه شعنه يايبني معاه: هيه وايد روعه يصلح لادينها لانهم شويات كبيرات
سلطان : اوكي وانتي شو بتشتري لها
يلست افكر شو اشتري ساعه وشريت لها السنه الي طافت امممم طقم ملابس لالالا بمناسبه تخرجها شريت ملابس
سلطان: الووو وين سارو
عفرا: ها ههه لا ما سرت محل بس متحيره شو اشتري
سلطان: اممم شو رايج تشتري هاي السلسال عسب يطلع طقم
قلت وانا خايفه يطلع مبلغها اكثر عن الي عندي واقفط يدامه: اممم اوكي
يلست اخذ لي جوله بالمحل نفسه لان ماشاء الله اشياء وايييد جميله عنده بس ماتوقع عندي بيزات تكفي اني اشتري لي شي من هايلا ...
مديت ايدي اطلع البيزات بس في ايد اقوى عني مسكتها حسيت بكل جسمي انتفظ من مسكته ...
طالعته بعين زايغه: بسم الله شو بلاك؟
سلطان انتبه لحركته وشل ايده: ابد بس ماشي تدفعي خلاص دفعت عنج
عفرا: مايستوي هاي الهديه بأسمي ولا غيرت رايك شو؟
سلطان وهو يسحبني برع المحل: لا ماغيرت رايي بس ماشي كيفي انا الي بدفع
عفرا: وابويه عليك
سلطان: شو رايج قبل لانسير لهم نحط الهديه بالسياره عن لاتشوفها شمه
عفرا: اوكي
سرنا صوب السياره وركب جدام .. اما انا انتظرته برع
سطان يطلع راسه من جامه السياره: شو بلاج واقفه شرات عواميد علبك تعالي ركبي تعالي
عفرا: لا شو مالي حايه
ناظرني بجد : شو بلاج تعالي
سرت صوبه بس فتح لي الباب الجدامي .. هاي صحيح تخبل يباني اركب حذاله
يعني لو سهيل ولا سيف يشوفوني بيذبحوووني
سلطان يطالعني وهو داخل السياره: شو تبيني انزل اشلج؟
ركبت وانا زايغه منه : لالا خلاص ركبت
سلطان شاق الحلج: شحالج؟
والله متفيج انا شويه واصيح وهو شحالج.... مسك الجيس وطلع منه علبه .......هاي خاتم شمامي !!!! ... قايله لكم والله متفيج هالريال
سلطان : تتوقعي حلو على ايدج صح؟
رديت وانا منكسه راسي: احلى على ايد شمه
سلطان: شمه لها خاتمها خلينا بخاتمج انتي
كنت منكسه راسي وماشوف غير ايدي وايده يوم انمدت تلبسني الخاتم ... الي دقايق وايدي تزينت به ... مد ايده ورفع راسي
سلطان: عـــفرا انا اباج لي تتزوجيني؟
.
.
.
..............................................
..................................................
وايد فرحانه هاي شعوري من اشتري لي ملابس هههههه ....اهم حايه اني شريت لي فستان لحفله عيد ميلادي بس تعالو ماتلاحظو شي ... هاي شو سالفتها عفير انطرمت مره وحده من ردو................. امممم شو قال لها سلطان مثلا
احبج ؟ ولالا امممم عطاها رقم موبايله ولا ولاشو ماعندي سالفه يوم نوصل بسحب الكلام من عفير وبسوي فياها تحقيق............ طالع هذا الثاني بعد مويم اسميه بنفذنا هههههههه
روضه: بسم الله شو بلاج شميم تضحكين بروحج
التفت لها: ههههه ماشي بس تذكرت نكته
عبير : تعالي صح ماقلتي متى بيوج ربيعاتج الي واعدتيهم؟
اختفت الضحكه من ويهي اسميني بقره !!!!!! انا شلون نسيت موعد ربيعاتي اويييلي الحينه هم اكيييد بالبيت
التفت على سلطان: اووويلي سلطوووون بليييييز اسسسرع
سلطان : اسف
شمه: سلطااااااااااااان دخيلك
طالعني بنص عين: الحينه رزقي على هالناس الي امسكهم من مخلافاتهم ايي الحينه انا اخالف لا وابويه مايصير
روضه: هيه لاتسرع انا ورايه عرس
سلطان : هيه وانا ورايه عرس
شقيت حلجي : شوووو قلت!!!!!!!!!!!!!!!!!!
سلطان: الله يلوع جبدج انا كم مره اقول لج هالحلج لاتشقينه جبالي ويا هالتقويم حقج
عناد به فتحته زود :آآآآآآآآآآآآآآآ
سلطان: الحمدلله والشكر على نعمه العقل يالله بس نزززلن بسرعه بسير لراشد
دخلت البيت وعلى السريع يهزت عمري وعفور ماقصرت قالت لي تركي الفواله عليي وانتي سيري يهزي عمرج ووريومه فديتها هم ماقصرت يلست ترتب جناحي على السريع وبشكارتنا فديتها ههههه بخرتني
والحمدلله وصلن ربيعاتي بالوقت المناسب ....
........................................................
.......................................................
(موافق بس بعد شهر)
قالها لي حمدان وانا مفوول
سيف: انت وعدتني هالشهر جيف الحين تغير رايك لشهر الياي؟؟!!!
حمدان : سيييف انا قلت لك انا مامعارض على السيره انا معارض على الوقت ....ابويه يحتايني هالشهر مايستوي اسافر بهالوقت واتركه بهاي الحاله
قلت له وانا اطالع ويهيه الذبلالالان وعينه المورمه من التعب: ابوك يحتايك طول العمرررر مب بس هالشهر ياااحمدان
حمدان : ابويه يحتايني هالمره اكثر عن كل مره لشركه لان حالها مدهور وايد
سيف: مب مشكله افهم زوج خالتيه الموضوع ويساعدنا بجم واحد من عنده لين مانرد من برع
حمدان: وابويه شو عذري عنده؟
سيف: خبره بالموضوع خلاص بس اهم شي تتعالج
حمدان: تباني اخبره وهو بهاي الضرووف !!!! اناني انا شووو؟؟
سيف: حشى مب اناني بسس ياحمدان والله خايف عليك انت طالعت شكلك ؟؟ بذمتك بهالاسبوع بس قولي كم نزل وزنك؟ انت ياحمدان تبا تموت بس تبا تموت موته بطيئه
نكس راسه حمدان لان عارف ان كلامي صح .... جسمه طالع ضعيف وواضح ان نازل وزنه نزول غير صحي وغير طبيعي وويهه المصافر والسواد الي تحت عينه . .. راح حمدان ايام زمان لما يمازحني بس يويعني لدرجه مره انكسرت ايدي بسبته ... والحينه يدامي واحد بدون روح
قلت له وانا انش: انا مابضغط عليك وانت براحتك
يود حمدان ايدي: دخيلك صحيح لاتضغط عليه سيف انت سمعت بضروفي والله ما اروم انت تدري اني اقتنعت من البدايه بس لو ما الضروف جان ماصار هالي صار
سيف: والشهر الياي بيطلع لك ضروف بعد وبتقول لي مابسير
حمدان:لالالا لو شو يصير بنسافر
طالعته بنص عين: شو الضمان؟ ماوثق فيك
حمدان: كــــلام ريايل ووعد مني والله حتى لو انت تموت الشهر الياي بسافر هههههههه
سيف: متأكد؟
حمدان : هيه
سيف: والمواعيد الي عندك بمالمستشفيات هنا
حمدان: أي مواعيد؟؟!!
سيف: مايحتاي اذكرك ان الي فيك مب زجام يعني اكيد عندك مواعيد
حمدان : ولا يهمك بسير
سيف: اكيد؟
حمدان: اكيييدين
ابتسمت له: ناس ماتيي الا بالعين الحمرا
حمدان يرد يمسك ايدي: طيب ايلس
سيف: لا شو ايلس تأخرت وايد على راشد بالمستشفى
حمدان : شوو بالمستشفى عسى ماشر؟
سيف: ماشر بس حليله يايه فقر دم حاد
حمدان: افاااااا مايشوف شر الغالي
سيف: شو رايك تيي ويايه؟
حمدان: طيب تنتظرني على ما ابدل كندورتي؟
سيف: هيه يالله
توكلنا انا وحمدان للمستشفى ويوم دخلنا على راشد ...
راشد: والله مايلس ولا دقيقه ها انا حلفت حشى احس نفسي خاست
سهيل : صل على النبي
سلطان: هاي يباله راشدي على ظهره عسب يصلبه
تحمحمت عسب ينتبهو ان ويايه حد ... طالعني راشد وتحول ويهه المنفوخ الى ابتسامه يستقبل بها حمدان
راشد: يامرحبا الساع يامرحبا يعني لو ماييبك سيف كان ماتيي
سار حمدان يسلم عليه: هههه لا والله ياريال تو ادري شحالك ان شاء الله بخير؟
راشد: مانشتكي باس ها انا ابا اطلع مافيني شي
سلطان: شحالك حمدان ؟
حمدان يسلم عسلطان: الحال يسرك الشيخ
سهيل: شقايل غادي جيه عنبو مسوي رجيم؟
حمدان: هههههههه هيه ياريال خلاص لاعت جبدي قلت لازم اضعف
التفت على راشد: شو بلاك محتشر قبل لا ادخل؟
راشد رد نفخ ويهه: لاعت جبدي من المستشفى وقررت اطلع ووقعت على مسؤليتي
طالعته هاي تخبل واضح ان للحينه تعبان !!: شقايل تطلع ويهك للحينه غادي اصفر شرات الليمونه
راشد: لاتبالغ عاده
سيف: والله ماجذب عليك ولا شتقول حمدان
حمدان: هيه والله التعب واضح عليك شقايل تطلع
راشد: بس مابي يالله انت وياه لمو قشاري اشوف
سلطان: وايد ماخذ جو انك طالع
سهيل: ايلس بس ايلس
حمدان: هههههههه حليله ارحمو حاله مسكين
طالعته: نبيك عون تطلع لنا فرعون تشجعه على الطلعه
سهيل يحط ريل على ريل: والله اليلسه بهالمستشفى مش بطاله ولا شو تقول سلطان
سلطان يتمدد على كرسيه: هيه والله مادري شعنه ناس محتشرين عليه
كملت انا وياهم مغايض وانا اخوز براشد: خوز لي شوي بنام وياك على الشبريه
شافنا راشد ان نحن مب ناوين نقوم فاقام بروحه وهو طفرااان ..... واضطريت ايوده لان اصلا مايروم يمشي بس هالولد شرات عناده مابحصل
سلطان: طالع طالع حتى ماتروم تمشي شقايل تطلع
راشد: والله ماخلي هالاسبوع يطوف وانا منقع بهالمستشفى هالاسبوع مب كل مره بيتكرر
طالعته بنص عين: شو عندك ؟
راشد: ماشي بس ابا اطلع يالله لمو قشاري
سلطان: والله لأخبر ابويه عليك
سهيل : والله لأخبر خالتيه عليك
سيف: اممممم وانا اخبر منو
خوزني راشد عنه : خوووز خووز بعد يبو يفتنو
يودته: هههههههه امزح وياك
كل واحد منهم خذا شي حتى حمدان حليله عبلنا عليه ... وطبعا انا ساندت راشد عليي لان ماطايع يتوسد على غيري ... طالع شكلنا مضحك لاني وايد قصير وهو وايد طويل
........................................................
............................................................ ..
( منو هالرحييييييييم)
قالتها فطيم ربيعه شمه وهي توايج من نافذه الغرفه ... سرت صوبها هاي سواف وسهيل طالع رشود متى طلع من المستشفى !!!!
قلت لها وانا اطالع على الشخص الي تأشر عليه : هههههه هاي سيف اخويه
فطيم: اويييل حالي عندج اخو جيه ... بس تصدقي يشابهج وااايد نفس الملامح ماشاء الله
نوال تيي هي الثانيه تطالع: منو أي واحد؟
فطيم : هاي طالعي الي بسير صوب الميلس
نوال : خوووزي طيب شويه ماشوف .......... هييييه والله رحيييم ومنو هاي الثاني اويل حالي عليه ( قالتها وهي تأشر على سهيل)
عفرا: هههههههههه لا هاي محجوز اقصد حاجز
فطيم: والله؟ لمنو؟
عفرا: هههه بعدين بتعرفن لان للحين ماصار شي رسمي
روضه: من يومه شيخي سهيل رحيييم
نوال: ربي يحفظه لكن ان شاء الله وايد يشابه سلطان اخو شمامي
فطيم: بس سلطان حليله شو بلاه ضعف زود عن قبل طالعتيه يوم لقانا على الباب؟
حسيت بشي يالس يحترق بداخلي ماشاء الله حافظه شكل سلطان ويعه تويعها فاصخه الحيا
روضه: هههه حتى هاي حاجز بس الله العالم من هي
فطيم: والله!!!!!!!!!!!!!!
روضه: هيه تو اليوم يقول ان بعرس
فطيم: الي سمعته من شمه انه ضارب عن الزواج
روضه: ههههه هاي كان ايام قبل الحينه قرشوبه خذت قلبه
فطيم: خسااااره يعني ما بقى لنا الا راشد بس ههههههههههه
دخلت علينا شمامي وبأيدها الفواله ... وورها البشكاره
شمه: شو تسوو عند النافذه بسسرعه اعترفن
روضه: جاري البحث عن معرس هههههههههه
عفرا: شمامي شفتي راشد؟
شمه: راشد!!!!!
عفرا: هيه تو داخل اهو وسهيل وسواف
شمه: حلللللللفي!!!!!!!
عفرا: هههههه هيه
قالت وهي تناقز: اترخصكن بناااات بسير لاخوويه
طبعن انا مايحتاي اترخص طلعت وراها على طول .... وشفنا المهرجان الي سوته شمه ووخالتيه ههههههه
شمه تسحب راشد من حضن امها: فديييييييييتك اخوويه ولهت علييك
راشد: ههههه توله عليج العافيه شحالج
شمه تبوسه على خده: بشوفتك انا بخيييير
سيف: بس الحينه لزقت بك شرات صمغ الفيران شوو يهدها
طول هالوقت واخويه سهيل حليله ساكت ومبين على ويهه العصبيه لان شمامي كان لبسها شوي فررري يعني برمودا ووقميص كات هههه حليله اخويه شويه وبينفجر ويهه الله يعينك
خالتيه تكلم راشد: تعال امايه تعال ولهت على يلستك بحضني فديتك
سلطان يتأفف: انا الحينه طاح كرتي....... لما كنت انت منوم بالمستشفى ياويه النحس امايه كل يوم تحضني وتبوسني خلاص راحت عليي الحينه
راشد: ياربي هالمتقايض سير سير دوامك احسن لك
سلطان: عناد بك باخذ لي اجازه واييلس على راسك
راشد ييلس على الارض: الله لايقول تاخذ اجازه خل عنك بعدين امن البلد بصير فوضى بدونك هههههههههههه
شمه: هههههههههههههههه عيبتني هاي فوضى
سلطان يطالعها بنص عين: انتي ماقلتي ان عندج ربيعاتج؟
شمه: هيه
سلطان: عيل يالله انجلعي فوق
خالتيه: يالبقره في حد يهد ضيوفه يالله سيري لهم
نفخت ويها ويات صوبي : يالله عفوور قومي ويايه
سلطان: مايخصج بعفرا خليها يالسه حذال اخوانها ماشافتهم من زمان
شمه: ياربي انت مايخصك اف
وانا اخيرا نطقت من بعد مانطرمت بشوفت سلطان : لا مابسير لا لهم ولا بيلس ......بسير لريومه حليلها يالسه بروحها بالغرفه
خالتيه تشهق: ويييعه شقايل تاركين البنت روحها مايستوي
شمه: امايه انتي تدري ان البنت ماتحب تيلس جنب حد غريب وماحبينا نضغط عليها وسارت تيلس بالغرفه الثانيه
خالتيه: ولو سيرو ازقروها لي تييلس حذالي حليلها البنت ماتروم ترمس وانتو تاركينها روحها يوم يستوي فيها شي محد بيسمعها
ترتكهم وسرت لريومه الي حصلتها يالسه على الاب توب ولا حاسه بشي ....
...................................................
............................................................ .
يلست حذالها وانا اوني مستحيه من ترحيبها ومن شي ثاني
( مرحبا هلا بنتيه الغاليه شقايل تيلسي بروحج يوم ماتحبي تيلسي وياهم تعالي يلسي عندي فديتج)
راشد: انزين يمكن ماتحب تيلس حذال عيايز
ام سلطان: والله لو ما انت مريض ولا كان رديت عليك
سيف: ههههههههههه والله حاله الا قولي ماترومي على لسان راشد
طالعني راشد الي يالس بحضن امه وبما اني يلست حذال ام سلطان كانت نظراته مسويه لي ربكه شوي لاني قريبه منه
راشد: شحالج الريم والله انا الحمدلله بخير الحال يسرج مانشتكي باس والله!!! ههههه ياحيج
سلطان:!!!!! ترمس منو!
سيف: بسم الله
ام سلطان: عنبو كليت البنت وهي ماقالت شي
راشد اون يتفلسف: انا ادري امايه........... اقرا الي داخل القلوب اهي الحينه تقول بقلبها الحمدلله عسلامتك ياراشد وماتشوف شر
ههههه ضحكني اسلوبه صحيح كان خاطري اتحمد له السلامه شيطان هالولد
ام سلطان: هيـــــه
سيف يسوي عمره متفاجأ: والله تعرف الي بداخل القلوب؟؟!!!!!
راشد: هيه افا عليك تباني اقول الي بقلب سلطان؟؟ الحينه بدقايق اخبرك
سيف: هيه والله قول خبرنا
راشد يطالع بصدر سلطان: اممممممم
سلطان يحرك كندورته وينزل راسه يطالع بنفس المحل: بسم الله كليت صدري بمناضرك
راشد يتأفف: حوووه لاتكلم عن لايختض قلبك
سيف: ههههههههههه هيه بعدين تداخل الكللمات ببعضها وماتروم تقرى الي بقلبه
راشد يعدل يلسته: هيــــه يقولك ياطويل العمر ان الي بقلب سلطان الحينه وبهاي الدقيقه خاطره يسير فوووق
سيف: فوق!!!
راشد: وبالعلامه بعد خاطره يسير على الجناح الي على ايدك اليمين
يلست افكر الجناج الي على الايد اليمين هاي جناج شمامي ههههههه خسك الله ياراشد شكله يعرف بسالفه سلطان وعفرا
سيف: خيـــبه شوعنده بالجناح الي على ايدك اليمين؟ خبرني خبرني
راشد: خاطره عسب نااااس ( ويحرك حياته فوق تحت)
يخزه سلطان: وخاطريه ييك الحينه راشدي على ويهك يصلبك
راشد يتمسكن: طالعي امايه انا توني طالع من المستشفى وجسميه مكسر وهو شقا يقولي
ام سلطان: فديتك سلطان شقايل تقول جيه بسم الله عليه ولدي مصلوب
انتبهت لسهيل حليله مويم وحايس بوزه......... شو بلاه...... يمكن شمامي عطته كلام من كلامها الجارح بس اهو متعود حليله يعني مب اول مره!!!
سطان: طيب امايه انا اباج بكلمه راس
راشد: قول محد غريب
سيف: هيه محد غريب في حد غريب؟؟
سلطان نفذ صبره: ياربيييييييييييييه امايه انا اابا اعرف انت وخالتيه عشنو كنتوو تتوحمو قبل لاتيبو هالسبالين
سيف اون يتفلسف وينصح: بسم الله شقايل بسرعه تعصب جيه!! حذااري ياسلطان انصحك نصيحه لوجه الله ماريد منها لاجزا ولا شكورا............. يالغالي حذااااري مايستوي تعامل المواطنين جيه يوم يخالفو المرور ها حبيبي؟ لاتعصب عليهم شرات ماتعصب علينا
سلطان ينش: انا طالع الحوش احسن لي لا اسوي جريمه الحينه
ام سلطان: هههههههه تعال فديتك لاتعصب يمازحوك بس
سلطان حايس بوزه : بعدين يوم ماشوووف فيه حد بخبرج ..... سهيل تيي ويايه؟
سهيل وخلقه ضايج: طيب
طلعو من صوب ونقعو سيف وراشد ضحك من الصوب الثاني
ام سلطان: زين جيه زعلتو ولدي
سيف: ههههههه لا خالتيه مازعل اعرفه انا سلطان حليله
راشد: لالا امايه اهو بس يبا يسر للجناح الي على ايدي اليمين
سيف: ههههههههه خلاص رشود والله ماروم تعبت ضحك على طاري ايدك اليمين صحيح شقا خاطره يسير هناك؟
راشد: هههه بعدين بتعرف بروحك
سيف: اهااااااا كأني شاك
راشد يسكته: بعدين بعدين لاتفضحنا حذال امايه
ام سلطان: انا ادري يامسود الويه تقصد منووو
راشد: ههههههههه حليلي امايه بررريء
ام سلطان: بس مب جنه سهيل مويم ونافخ ويهه
راشد: هيه امايه
ام سلطان: سيف شو بلاه اخوك؟
سيف: عشقان خالتيه عشقان
قطعت رمستنا نزلت ربيعات شمامي وكانت وحده منهم تطالع سيف بقوه عين حتى حليله قفط والثانيه تطالع راشد فاااصخات حيه
وحده منهن وقفت: شحالك راشد ماتشوف شر والله
راشد يشق الحلج لها: هلا هلا نوالوه شحالج انتي وين عنج من زمان ماشفنا رقعه ويهج
نوال: هههههههههه وانت سافرت ورديت وماتيوز عن سوالفك
راشد: هاي حال الدنيا والله تعالي بخبرج هاي ربيعتج الي تو طالعه معجبه بسواف لو شو؟
نوال:!!!!!!!!!!
راشد يغمز لها: تراني شفتها وهي تطالع سيف بس خبريها ان هو خلاص باكر بعرس يعني ماشي امل فيه
نوال: والله!!
ام سلطان: هههههه ماعليج منه بنتيه
نوال: لا عادي الغاليه اعرفه واعرف سوالفه يالله اخليكم تأخرت على البنوتات تشااااااااااااو
راشد يسوي لها بأيده باي: تشاااااااوين
تلتفت له ام سلطان: ويعه انا كم مره اخبرك لاتاخذ راحتك بسوالف ويا البنات
راشد: امااااااايه هايلا شرات خواتي
ام سلطان: حتى لو صارو شرات اختك لاترمسهم جيه
راشد: لحووول حد منهن شكا لج عني؟
ام سلطان: والله ان لسانك طويل
راشد: انزين امايه عن هالحشره وقومي سوي لي قيمات
سيف: خيــــــبه قيمات هالحزه
راشد ايده على بطنه: والله خاطررريه فيه اريده الحينه
ضحكت على شكل راشد ههههه جنه حرمه تتوحم
سيف: قومي خالتيه بسرعه عن لاتصير شامه بالبيبي الببطنه
راشد: لو فيني حيل اقوم لك...... جان قمت لك من مساع
سيف: الحمدلله ان ماشي فيك قوه
قامت عنا ام سلطان تنفذ اوامر الشيخ راشد ومن قامت التفت عليه راشد يتغيلس علي
راشد: ها الشيخه الريم شحالج بعد الخبري خبرج ( ويغمز لي)
خيبه هاي الي بيفضحنا ... طالعته بعين زايغه
راشد: هههههههههه شقا تخافين خيبه عادي مابسوي بج شي سواف .....انتي في ايدي امينه
سيف: امينه لو احلام ههههههااااي
لالا اشك ان هايلا شاربين شي اقوم احسن لي عن لا يحوشني شي منهم
سيف: طالع طالع قامت
راشد: وووين ؟؟؟
سيف: على حمر عين هههههههاااي
سويت بأيدي حركه تعني الحمدلله والشكر....... وسرت عنهم....... هههههه صدق مخابيل هالاثنينه ولا هاي الثاني اونه بعد تعبان
.................................................
.................................................
يلسنا على اطراف المسبح شرات اليهال رافعين الكندوره ومادين ريولنا بالماي
التفت له: سهيل شو بلاك مويم؟
انتبه له لي اني ناديته: هلا
لا هاي صحيح عقله مو وياه: امممم اقولك شو بلاك ؟
سهيل: ماشي والله بس شوي ضايج
سلطان: اللله شوي ضايج وكل هذا ........عيل لو واجد ضايج شقا بتطلع
ابتسم غصب عنه: والله مادري
........مستحيل بيتكلم ويايه انا عارف ان ماخذ بخاطره مني من يوم نازعته بذاج اليوم ........
( انت مالك حق توقف ويا اختيه بهاي المكان)
سهيل: سلطان هاي بحسبه خطيبتي وانا بس يالس اتفاهم وياها عن موضوع
سلطان يزاعج: سير وياها بعد بغرفه نومها وقول اتفاهم وياها بموضوع
سهيل: انت فاهم الموضوع غلط لشو كل هاي العصبيه
سلطان: اسمعني سهلوووه انت صحيح ولد خالتيه بس مايعني توقف وياها روحكم مفهووووم؟؟
سهيل والدموع بعينه ويطلع من الميلس: مفهوم ياربعي مفهوم
..... هاي اخر منازع كان بيني وبين سهيل سبب بيني وبينه فجوه كبيره بس الله يعلم بحالي ذاج اليوم شكان ووالله يعلم بنيتي شو كانت.....
رديت االتفت له من جديد: سهيل
سهيل: هلا الغالي
سلطان: انت معصب من لبس شمه وهاي المضايجك صح
سهيل مرتبك: لا شو انا بس ضايج بسبب عمال مكتبي ماسوو الي ابا
سلطان: يعني المطلوب مني اقتنع بهاي الكلام؟
سهيل فر ويهه الصوب الثاني: هيه
سلطان: اعتبرني اقتنعت بس ياوبني على سؤالي انت يعيبك لبس شمه؟
سهيل: انا مايحق لي انـ .....
قاطعته: يحق لك ياسهيل
طالعني بنظرات حايره : مايحق لي
سلطان: سهيل انا عارف انك للحينه ماخذ بخاطرك على منازعي الي كان بيني وبينك بذيج السنه بس ياسهيل
قاطعني: لاتقول شي انا ماماخذ خاطري بشي هاي اختك وكلامك صحيح انا شو يخصني يوم اعرس عليها بذاج الوقت ايلس ارمسها
حسيت نفسي بهاي الوقت اني انناي بالي سويته لهم نكست راسي وانا ارد بذاكرتي لورى: سهيل انت وشمه الوحيدين الي كنتو تدرو بسالفتي ويا بنت عمي وعن حبي الكبير لها .... يعلم الله ياسهيل بذاج الوقت كنت مابا يستوي لا لأختي ولا لربيعي نفس ماستوى بي .....خفت تتعلقو ببعض ومايستوي نصيب من بينكم شرات ماصار لي.. انا اعترف اني تصرفت بأنانيه بذاج الوقت ... بس انت تقول انك ماخذت بخاطرك...... وانا اشوفك تمسك وتضغط على مشاعرك يوم اكون موجود..... أي حد ييب طاريها تسكت وماترمس وكأن يايبين طاري لجماد وانا عارف ان بداخلك شي ثاني............... يحز بخاطري هالشي
سهيل يعدل يلسته: انا صحيح مثل ماقلت امسك مشاعري بس مايعني هذا اني ماخذ بخاطري بس انا ابا احقق رقبتك ومابا اتعداها قبال عينك
سلطان: من اليوم اعتبر هالرمسه كلام وراااح .... وشمه هاي عندك تفاهمو مع بعض قبل لاتعرسو ويطيح الفاس بالراس يا انت تقنعها برايك ياهي تقنعك ......اهي خطيبتك ويحق لكم ترمسو وتتفاهمو مع بعض
تبسم لي: الي يسمعك يقول ان بكلامك ولا بدون كلامك بتسمعني
سلطان: هههههههه هيه صحيح عنيده بس شمامي الي تحبه تسمع كلامه يوم يتفاهم وياها بس الي يعاندها تعانده الف مره
سهيل: ماعليه ياريال الحينه اهي وتسوي بي جيه وتنقع بي بدل ماتستحي مني..... شقايل بعد افاتحها بمواضيع جيه والله تسدحني وتدوس ببطني
سلطان: هههههههه اعرفها اختيه دفشه بالاسلوب بس انت وشطارتك
سهيل: هيه خلها على الله
سلطان: قوم نسير داخل حر وايد
سهيل: ههههههه حتى انت جلدك رهيف مايروم على الحر؟
سلطان: ههههههههههه دخيلك لايسمعك راشد نحن ماصدقنا نسى هالجمله
.........................................
............................................
على اد ماعشت وشفت وايه
قربت اكتر من الي نفسي فيه
قيتي انتي بسرعه يابنت الايه
ببساطه كده البي ادرتي عليه
بحبك اه بحبك ودايب فيكي
وبحلف من الليله دى هعيش انا ليكي
ياحلاوه صدق جني داخل مرقص .. ولي يالس اشوفها جنها روبي ترقص بس على اغنيه تامر حسني... ههههه ياحليلج ياشمه اسميها رقاصه ... طالع طالع عفرا وهاي الي اتحسب اختي عاقل ولا بنات اخويه اسميهن البنات ناقصات عقل ودين
سلطان يطالعنا: خيبه!!! شمسويه بعمرها هالخبله هاي ... شو عندهن على هالرقص
سيف: ههههههه دخيلك اسكت عن يسمعونا خلنا نشوف من فيهن ترقص زين ( قلت هالجمله وانا اطالع فيهن)
سلطان يطالعني بنص عين: والله انك خربان وهاي الي اتخبرك عاقل
عاد لاتسئلوني عن حال سهيل لان كان مفووول حده لان شمه لابسه جيه شرات المصريات مادري شو يقولو عنه اهم شي شرات الرقاصات المصريات !!! والحلوات وين يالسات يرقصن؟!!!........... بصاله الدور الثاني ههههههه يعني أي حد يصعد ممكن يشوفهن
سلطان ايده على كتف سهيل: صل على النبي
سيف: هههههههه سهيل فرصتك خذ راحتك طالع زين ( واحرك حياتي فوق تحت)
سلطان: لالالا انت صحيح فيك شي اليوم .... انا قلت راشد بسبه المغذي حشش علينا بس انت بسبه شو؟
فجأه خلصت الاغنيه ... بصراحه مارمت ووقفت اصفق لهن
سيف: برااافوو بصراحه ابدااااااااع تستحقن ان تتوضفن بأكبر ملهى ليلي
شمه:!!!!!!!!!!!!!!!
عفرا:!!!!!!!!!!
روضه وعبير يشاهقن:!!!!
سلطان : احم شموه بسرعه على غرفتج
شمه: آآآآ نحن تحسبناكم طلعتو
سلطان: شمه على غرفتج
استوقفتها يوم شفتها بتسير: آآآآ شمه لحظه بسألج من وين شريــ.....
قطع علي رمستي سلطان وهو يسحبني لجناحه .....
يلست على الارض وانا نااااقع ضحك: ههههههههه والله ماروم ياسلطان خخخخخخ قلت اطفر بها شوي حليلها اول مره اشوف شمه تخاف وتستحي
سلطان يطالع سهيل: سهيل شو بلاه اخوك اليوم والله مب صاحي!!!!
سهيل يلس على الكرسي بعصبيه: ماخلصت ضحك؟؟؟؟؟
طالعته وانا اضحك: شو بلاك؟ بدل ماتفرح ان ضمنت بالمستقبل في حد بيرقص لك( ويلست اقلد شمه وهي ترقص)
سلطان: خسك الله وين راشد عنك
سيف: يالس ينتظر القيمات
سلطان: طيب سير له عندي كلمه راس ويا سهيل
سيف: يالله علينا ويا كلمه هالرس وين مانسير قال كلمه راس المهم تكلم عادي ماشي حد غريب
سلطان يمسكني من ملابسي ويروغني برع : يالله سير لربيعك
طالعته بنص عين وغمزت له بتهديد: تراني بسير للجناح الي على ايدي اليمين
عطاني كف على ويهي وغفل الباب ... خييييبه!!! الحين سلطان قد هالحركه هين هين!! ... ههههه بس اسميني اليوم ضارب عقلي مادري شو بلاني الله يهديني ان شاء الله
... اول يلست ارقص شرات البنات وبعدين ونزلت ههههه
طالع طالع هذا الثاني بعد..... يحق له يخق بعمره يووم ابو سلطان بكل هيبته يالس يقطع له فواكه وامه يالسه تلقمه لقيمات وانا اقول الولد شقا طالع دلوع
سيف: هيه من قدك بو سنيده جنك الامير والجواري من حولك
خالتيه: تعال القمك فديتك
يلست حذالهم: لالا وابويه انا ماني دلوع .. انا ريال اروم اكل بروحي
راشد بنص عين: يعني شو قصدك؟؟؟؟
وانا اكل لقيمات: حشى ماقصدي شي ... بو سلطان بذمتك قلت شي؟
بو سلطان: لاحشى عليك
سيف: هيه بس انت دوم تفهمني غلط
بو سلطان: شحال ابوك؟
قلت وانا مستغرب: بخير!!!!
هيه لازم استغرب من بعد سنين ولاول مره يالس بو سلطان يسأل عن اخبار ابويه ... هاي سالفتهم طويله ولازم اخبركم عنها يوم ان بو سلطان وخالتيه مشغولين مع هالدلوع خلني اخبركم ...
03-10-10, 10:24 AM
جديد مواضيع قسم القصص المكتمله
العرض العادي
