( عـــــفرا)
ربعت بسرعه لمصدر الصوت
فدييييييييييته وفديت طلته اناااااا ... شكليه شرات ماقالت شمه بتوحم على سلطان وعلى شوفته
تبسمت بويهه:هلا هلا بالغالي
يا صوبي وهو يبادلني الابتسامه: شحالج غناتيه؟
نزلت راسيه وبست ايده ..حركتيه المعتاده ويا ابويه لما يرد من دوامه ولا ارادي اطبقها على سلطان: الحال يسرك من يداك
حط ايده ورا ظهريه وهو يمشي ويايه للصاله: الجو بارررد وايد تلبسي زين
عفرا: لا وابويه انا دومي حرانه
يلس بتعب: بخبرج لبسي الثاني مال الدوام نظيف؟ لو لا
عفرا: هيه
سلطان : طيب يهزيه لان شي دوام عندي على الساعه 12
يلست حذاله وانا اشهق : لالالا صصصدق عاده شو هالدوام على هالوقت بنص الليل
سلطان: هيه لان الي يداوم بهالوقت عنده اجازه
حست بوزي: طيب ماوحت الساعه 8 وبتسير 12 شو هاي حتى ماشفت ويهك عدل
لزق ويهه بويهي: يالله ها شوفي ويهي عدل
كفخته كتفه: صدقي تراني ماسولف جان قلت لهم حرمتيه بتربي
سلطان: هههههههههههههه شو تربي بالثاني؟
تنهدت بضيق: سلطـــــان
سلطان: هلا
عفرا: دخيلك لاتسير
سلطان: حبيبتيه والله ماروم لو اروم كان تصرفت بس لزوم اداوم عسب يوم باخذ اجازه عسب رباج يوافقو
عفرا: اففففففففففف
تبسم بخبث: لهاي الدرجه تبيني حذالج
عفرا: وهل تشك بهذا الامر؟
سلطان: هههههههه هيه بنسبه 10 بالمئه
تمسكنت عليه: يعني انا الليله برقد روحي؟
سلطان: لا غناتيه مرخوصه سيري رقدي ويا الريم ولا ويا روضه بس ياويلج ان شليتي شي ولا اشتغلتي عسب تجهيزات الملجه
عفرا: ماروم اشوف شغل ولا اتحرك
سلطان: خلاص عيل رقدي روحج وبغفل عليج الباب بعد
عفرا: لالالالا خلالاص مابسوي شي
تبسم: هيه جيه اباج تسمعي الرمسه
يودت ايده: طيب متى بترد؟
سلطان: الساعه 8 الصبح ابا ايي واشوفج هنا زين؟
عفرا: ان شاء الله
باسني عخدي وهو ينش: انا بسير اتسبح
عفرا: طيب وانا بيهز لك العشا
نشيت انا الثانيه ويهزت له العشا... و الدنيا ضايجه بي.... ماباه يسير
ماصدقت ان يستوي حذاليه والحينه بياخذوه بكل برود
افففف حتى مالي بارض على ملجه رشود الله يهداه سبرايز مب ملجه
... يا سلطان وكلينا جم لقمه ونش عسب ياخذ له غفوه صغيره ...قبل دوامه الخايس...
لحقته للغرفه وتسدحت فياه مب عسب ارقد... لالا عسب اطالع فيه وهو بيرقد
ههههههه اسميها حالتيه مستعصيه
( الووو شو بلاج تطالعينيه جيه)
عفرا: ماشي
سلطان وهو متلحف: للحينه ضايجه لانيه بسير؟؟؟ خلاص عيل بيلس وعساهم يفصلوني جم عفاري عندي انا
نقزت: صددددق فديتك تروم؟
نقع ضحك: ههههههههههه من صدقج؟ اسميج ياعفور سوالف ..بس الليله غناتيه تحملي
حست بوزي وانا اتلحف فياه: جيه تتلعب بمشاعري بعدين البيبي بيطلع ملخبط المشاعر
سلطان: اونه ملخبط المشاعر رقدي بس رقدي
يلست العب بشعره: انت فديتك ارقد انا مابرقد الحينه
غمض عينه بتعب: عفور
عفرا: عيونها
سلطان: شي مره قلت لج اني احبج؟
عفرا: لاااء
فتح عينه بسرعه وهو يخزني: احسن
كفخته: ويعه
يود ايدي وضربها: اشوف ايدج هاي طالت عليي
سحبتها: .. سلطان
رد غمض عينه: هلا
عفرا:بتخبرك راشد يهز نفسه للملجه باجر
سلطان: هيه
عفرا: حليله والله
سلطان: هـ ـ
غاص بنومه وهو مب حاس على عمره.... فديييته تعبان وايد وانا لعوزته
يلست امسح عراسه وانا اطالع بويهه الاسمر
لو ماداومه ولا كان الحينه لونه شرات راشد وشمه بياض مشاء الله عليهن
بس هو فديته صالخته الشمس لين ماقال بس
فديت الاسمر انا<<< حاله مستعصيه
..........................................
.........................................
( خذ الدفتر للعروس توقع)
قالها ابو ناصر لسهيل وهو يناوله الدفتر
فريت ويهي لسيف وانا اهمس له: مالقيت الا هالملاج مالت على ويهك
سيف: شو رايك ايب لك نانسي عجرم هي الي تكتب كتابك
راشد: ويعه لاتطير الملائكه بليله ملجتي
سيف: شو يعرفني يالس تدلع اون مالقيت الا هالملاج... هاي بدل ماتتحمد ربك انيه انا التطوعت ويايب لك بس صدق من قال
سو خير وقطه بحر.... بس هاااي انا ..اصفيييي سكسوكتي ان سويت لك شي ثاني مره
راشد: اصصص خلاص صخ حشى كليتني بقشوري
يابو الدفتر وتبسمت وانا ميود عمريه لا انش وارقص ممن فرحتيه ... يعنيه الحينه خلاص بستوووي
زوج الريم
طلع الملاج .. ونشيت انا على طوووول اباهم يدخلونيه خلاص عاده مصخووها
سيف: اثثثثثثقل حششششششى
راشد: الله يبليك يااااااربيييه ببببببحب يخليك تعرف حالتيه
سيف: ههههههههه جريب ان شاء الله تصدق عاده تحمست يوم شفتهم يملجو عليك
يات خالتيه لي وهي تزغرط وووتصفق بأدينها وتخربط بأغاني قديمه
... للحظات شفت امايه فيها... هاي هي نفسها ... الطول نفسه والعرض نفسه
حتى صوتهاوهي تغني نفسه... ياني شعور غريب اقرب للحنين لحضن امايه الي دومي كنت فيه...
اكثر حايه متحسف عليه بهالوقت... ان هاليوم يااا و ماشفت هالفرحه بويها
... قربت لخالوه ولويت عليها: فدييييييييتك بالمبااااااااارك غناااااتيه بالمبااااااارك
راشد: يبارك بعمرج
خالتيه: فديييت روحك فديت عمرك انا.... يا اليوم وشفتك فيه معرس
سيف: وين معرس ماشي معرس هنا
راشد: تلاحظي ويايه خالوه ان شي ناس متقايضه بهالمكان؟
سيف: راشد تعال اودعك قبل لاتدخل
قربت منه ومسوي عمري بصيح: خلاص ياسيف انت طالق
حط ايده على عينه اونه ذابحه البجي: لالا دخيلك لالالا شو بسوي من دونك انا؟؟؟ خلاص يعني كل شي انتهى وراح
خلاص يعني مابقينا حبايب؟
حطيت ايدي عكتفه: هاي امر الله وكلنا على هالمصير
خالتيه وهي تسحبني لداخل: تعااال بسكن مصخره .. ادخل وشوف عروسك
راشد: اذا حذال الحرمات مابا
خالتيه: لالالا الغالي يلستها بالميلس داخل
سميت بالله ودخلت الميلس .... ياني مغض واضطربات معويه
اففففففف شو هاي وقته بعد
طالعتها يالسه بفستان بنفسجي محروق... اويييييييييييل حالي انا
وشعرها الكستنائي مرفوع بحركه جميله... اهم حايه انها مابطلته يم الحرمات
لايصكونها بعين
راشد: أحم ...اختيه شفتي عروستي الريم هنا ... وينها؟
رفعت راسها : اونه
يلست حذالها وانا محتاس بسبه ايدي: هههههه .........فديييييييت هالووووويه انااااااااا
تبسمت وهي مغفطه: آحم
يودت ايدها وبستها وحطيتها عقلبيه: سمعي شقا قلبي يرقع رقيع بروحه مسوي عرس
سحبتها: خلاص عاده راشد
عدلت يلستي: ريومه
رفعت راسها: هلا
راشد: اروم اطلبج؟
ابتسمت بنعومه: هيه
راشد: شلي العقال وعصميني بس لانيه ماروم من ايدي
مدت ايدها بتردد وشلت العقال.... انشغلت وهي تعصم السفره .... وبالنسبه لي انشغلت بمطالعها
فديتهم انا .... ميكاجها كان هاديء جدااااا يعني كحل وشي حايه بنفسجي فوق عينها ...
وخدود موردات... اووويل قلبي انا
وقفت شغلها وهي حايسه بوزها الوردي: لاطالعني جيه ماروم اسوي شي بمطالعك
غمضت عيني: طيب خلاص
كملت شغلها : احم خلاص خلصت بطل عينك
يودت ايدها وبستها: عسى هالايد محرمه عن النار
الريم: شكرا
مديت ايدي العب بشعرها: غناتيه
الريم: هلا
راشد: هللتي بمكه ان شاء الله.... اممم بجيتي يوم وقعتي؟ شرات مابجت شيوم؟
الريم: الصراحه؟ الصراحه؟
بديت ابطل بشعرها: هيه ابا الصراحه
الريم: لااااء
تبسمت وانا اطالع شعرها وهو يتبطل: يافؤاااااااااديه على الكستناااائي انااااااااا
شهقت وهي تحاول تلمه: يالخااااايس شقايل بطلته
قربت منها وانا ارفعه على ويهي: الخايسه انتي
حاولت تسحبه من ايدي: فجه
ضربتها على ايدها وسحبت باجي شعرها اغطي به ويهي ... واشمه بأستمتاع: جب
.
.
طيب هيه وبعدين؟؟.... انزين؟ ....
شاي وشربتو... وقهوه وقهويناكم.... وتمر اكلناكم
هيه بقا البيتفور......تفضلو
ها اكلتو؟؟؟ .......يالله انجلعو برع
..................
...............................
طالعت السياره بتعجب... سياره منو هاي ؟ياحليلها صغنونه
كملت طريجي لداخل البيت ووانا ادن دن
عزاه ياقلبي من الهــ ـ
توقفت الكلمات بحلجي يوم بقيت ادعم هالكائن النتيفون
تراجعت بسرعه لورى وانا اطالعها
اووووووووووه الحمدلله مادعمتها يوم طلعت فلبينو!!!
خزت عنها يمين عسب تطلع وهي واحليلها خازت يمين بعد عسب تطلع
اروح يسار تروح يسار... يمين وهي يمين
اخرتها وقفت: خلاص انا تنازلت ووقفت لج
نزلت عينها للارض وهي تبتسم بغفطه
سيف: آآحم شحالج شذى؟
ياني صوت ناعم اقرب للهمس: بـخير ومن صوبك؟
بعـــــد مب بس شكلها ناعم... حتى صوتها!!!....
احساس غريب يوم اطالع بهالبنت.... غصب تخلي الواحد يحس ان مب بس هي الناعمه
الا كل حايه حووولها تستوي ناعمه ورقيقه .....
يلست اتأملها لدقايق... وانا تيني افكار بعقليه ماعرف من وين مصدرها؟!!!!
تفكير اغرب للغرابه!!!
كان بخاطريه امد صبعي والمس بياض ويها الي من بياضه مستوي كأن شفاف!!
ولا المس به خدودها الموردات .. ولالا لااااء ارفع به قصتها الي طالعه من تحت الشيله
حووووووووووه شو بلاني اناااااا الله يييييخسج يارويض
والله يخسسسسسسسج ياريموووه يوووم خليتوني افكر بالبنت بهاي التفكير
وووانتو بعد الله يخسكم كل وحده منكن غصب تبا تدبسني بالبنت
قطعت الصمت: آآآ هاي سيارتج صح؟
شذى وهي تطوفني: هيه فلبينو هي الثانيه صح؟
رفعت ايدي احج راسي: ههههههه لالا بس صغنونه شراتج
تبسمت بنعومه وهي تفتح باب سيارتها: هيه بعد كل حد على قده
سيف: ههههه ياحيج
شذى: باااااايو تصبح على خير
ابتسمت لها وانا الوح بأيدي: بااااين وانتي من هله
كملت طريجي لداخل ... والله ياحليلها مازعلت ولا خذت بخاطرها انيه قلت عنها فلبينو
ماشاء الله عليها روح رياضيه جيده
( الووووووووووو ارامسك انا وويعه)
فريت ويهي لها الثلاث الي يطالعوني بفضول: خير شو مستوي؟
ابتسمت شمه بخبث: انت الي خبرنا شو مستوي؟
غمزت لي روضه وهي شاله ولدها بحضنها: هااا عميييه بدينا بالحركات
طالعتهم وانا مب فاهم شي: شو بلاكن يالبقرات
عفرا: شو كنت تسوي ويا شذوي برع؟ عن شو كنتو ترمسو ؟ شو بينكم يالله خبرنا ترى شفناكم ماتروم تنكر
سيف: حشى حشى حشى شوي شوي علي كليتوني
روضه: يالله عاده خبرنا
ابتسمت لهم: اممم اول بسألكن وبعدين اياوبكن
شمه: اول اوعدنا انك تياوبنا
سيف: وعد وابويه ووووعد
عفرا: طيب استرسل واسئل
سيف: امممم شذى مب مخطوبه؟
نقزت عفرا: كلوولولولوولولولوولولولولولووولولولولولوش الف الصلاه والسلام عليك ياحبيب الله محمد
شمه: وعريسنا زين الشباب زين الشباب عريسنا
روضه: ويامعريس عين الله ترى القمر والنجوم تمشي وراه
طالعتهن: حوووه شوو بلاكن يالمتخبلات
شمه: هاااي راشد ومابعد يطلع من عند الريم وحمسسسك جيه عيييل لو يطلع شو بيستوي؟
سيف: بقول لكن ابا املج هههههههههههه
عفرا: خلالالالاص بااااااااااجر نتقدم لها تراها البنت وايد مطلوبه
سيف: متخبلات الي يسمعكن انتن الي بتعرسن مب انا
عفرا: انت ماتعرف شقايل هالبنت عذاااااااااااب ونتمناها لك من قلب
نشيت: عيل حاولو وياها توافق علي
روضه: اصلالالالالالا ومنووو هااااااي الي يحصل لها تحصل شرات عميه وتروم ترفضه
فريت ويهي عليها: فديتج ياحماره عمج دووم ترفعي من معنوياتي المنحطه
روضه: ههههههههه بتيك الي ترفع فيها اكثر
خليتهن هالمتخبلات وصعدت عنهن لفوق....... والله ماشي حد متخبل غيري يوم فتحت وياهم الموضوع
على فلبينو
.............................
............................
04-10-10, 08:17 PM
جديد مواضيع قسم القصص المكتمله
العرض العادي
