.................................

الجــــــــــ 51 ـــــــــزء
................................


روضه وهي حايسه بوزها: بنات بدون مجاملات خبرونيه صدق انتفخت انا؟
شمه: بصراحه؟
روضه: هيه
عفرا: اكيد ماتزعلي؟
روضه: هيه خلصووووو عليه
شمه: ههههههه هيه وايد انتفختي خصوصا خشمج
مدت بوزها: جسوم قال ليه تحسبته بس يبا ينقع بي
عفرا:هههههه فديتج كلنا على هالمصير بعد شو نسوي يوووم تربي ان شاء الله بيخوز كل هالانتفاخات عادي
شمه : هيه والله لشو متعبه نفسيتج بعد الولاده يالله ابديها رياضه وووصنفرات وحميات وووالخ
روضه: هيه صدقكم لشو ايلس اتعب نفسيه من الحينه
عفرا: وبعدين مو جسوم كان يباج تنتفخي؟
روضه: هيه للحينه يقول ليه انتفخي اكثر بس انا مابا ماااحب
شمه: ماااااالت عليج هاي الي اقوله ...شوفي الريال يوم يشوف حرمته عايبها جسمها وواثقه من نفسها
هو الثاني دايركت لا ارادي يعيبه جسمها
عفرا: درر ما شاء الله عليج ياشميم
شمه: تطنزي شو
عفرا: ههههه لا والله ماطنز بس صدقي عليج ثقافه تعيبني مطيحه راس اخوويه من كم سنه
دقت صدرها: افا عليكم اعيبكم تربيه
روضه: هههههه الله يخسج خبرينا شمشم ماتناقرتي للحينه ويا الغالي سهيل؟
شمه: فال الله ولا فاااالج شو هااااا غصب نتناقر؟
روضه: لا بس بالعاده بدايه الزواج جيه يعني بعد شهر تكثر المشاكل
شمه: عادي مشاكل بسيطه ووبعدين سهيل وااااايد حنون فديته عليج مني انا مسكين ياكثر مايعاني منيه هههههه
روضه: هاا موصيج ببببه لاتنقعي به هاي الغالي
شمه: هو صدق عصبي بس يعيبني اروووم عليه بسرعه هههههه
روضه: هههههه حمدي ربج انا جسوم ان عصب خلالالاص طول اليوم اعرف ان يوم نكد
عفرا: جسوم ماكان جيه بس الحينه لان حمل مسؤوليه من صغره ياحليله

كملو رمستهم وانا بروحي بعالم ثاني متكدر خاطريه يوم ان راشد محد
..... ماعرف شو مستوي بي
دووم احس نفسيه ولهانه على راشد... على طول الخط ابا اشوووفه
ياخوفي عديت مرتبه الحب !!!!!! وبلانيه ربي بالي اعظم منه!

............................................

...................................

( ياحليلها عفور رقدت شكلها ارتاحت على غرفتك ابويه)

وقفت على الدري يوم سمعت هالرمسه من شميم قبل لاتطلع
عفرا!!!.... يات!؟؟؟؟؟

ابويه: هيه يات
طفتهم ساير للغرفه الي يالسه فيها بس ايد سحبتنيه عن الباب: ان دخلت عليها لا انا ابوك ولا اعرفك
زميت ضروسي: ابووويه هاي حرررررمتيه منعتنيييه بما فيه الكفايه
ابويه: هاي الي ربيييتك عليه؟؟؟؟ تضاااارب الحريم؟؟؟؟
سلطان: هالحرررمه الي داسنها عنييييه تكون حرمتيييه وهاي انا اقول لك انت الي بتأثثثم فيني
ابويه: الحين ياااات على الاثم؟؟؟ اما الي سويته مايطلع شي؟؟؟
سلطان: المفروووض ممممممحد يتدخللل من بييييينا ولا تكبرو الموضوع نحن من بيناااا نتفاهم
ابويه: كل يوم تصدمني فيك.... البارح متضارب ويا حرمتك..... واليوم ترفع حسك علي؟مالي حششيمه شووووو؟؟؟

انتبهت لنفسي ونزلت راسيه...... رفعت صوتي!!!..... شو بلاني انا؟

قربت صوبه وحبيت راسه: لا حشى حاشاك السموحه منك يالغالي
ابويه: مسموح يوم ماتقرب هالباب

ييت برمس من يديد بس سحبتنيه شمه لفوق

طالعتها وانا مفول: شقاييل ماخبرتوونيه؟؟؟ شوووو اطرررش بزفه
شمه: محشوم الغالي بس شو يعرفني انا هاي ابويه هو الي يابها
زميت عضروسي: هاي ابوووج يباااا اييب لييي السكته
شمه: اخويه بعد انت لاتنسى الي استوى ووغير جيه يمكن مب بس ابويه الي مايباك تدخل
سلطان: شو قصدج؟؟؟؟؟
شمه: قصديه واضح اقصد عفرا
سلطان: عفرا!!!!!!!!!!!!
شمه: هيه انت ماحاط بحسابك هالشي؟
سلطان: هيه بسس لدرجه انها ماتبا تشوفنيه؟!!!!
شمه: سلطان ريح نفسك وريحها ... خلكم هالفتره بعاد عن بعض انت فكر بالي استوى ووتراجعو حساباتكم
سلطان: نبعد؟؟؟
شمه: هيه
سندت راسيه على الكنب وغمضت عيني: شمه طلعي برع
شمه: ان شاء الله


مااااااروم ماااااايعرفوووو اني ماااااااارووووم
عفررررااا مب شي عادييي انيييي ابعددد عنه
غييررري لو شااااف الرسااااايل كاااان طلللق .... اما اناااااا احتفظت بها وكنت انكر هالشي بحجه خالتيه
وعلى كل هاي كنت اباها حذالي ... اباها غريبه منيييه ...عنديييه اناااا
والحينه بعد ماعرفت الموضوع يبعدوووها؟؟!!!!

فتحت معاقم قميص الدوام بضيج.... كتمتي اكبر من انها تندس....
نزلت من جناحي وكملت طريجيي لسيارتيه على حس شمه الي تزقرني

............................


.................................

ناولتني الخبزه وهي تبتسم: ها سلمتهم المخطط؟؟
رديت عليها وانا اكل: هيه وعيبهم بس قال ليه ان يبا الحمام الي خبرتج عنه برع يقول احسن عسب الريايل
ابتسمت لي: الله يعطيك العافيه يالغالي
سهيل: الله يعافيج ... شحالها عفور؟
شمه: بخير الحمدلله شو مابتسير لها؟
سهيل: بسير بس ابا اتسبح اول
شمه: طيب الغالي ترانيه ميهزه لك الحمام من مساع
سهيل: شو كل هاي خياسي مب رايمه تستحمليه
شمه: هههههههههههههه هيه شميتها من نزلت من سيارتك
يودت ويها وعضيت لها خدها: آآآآآآآآآآآآي يالخاااااايس آآآآآآي
فجيت عنها وانا اضحك: ههههه سويت لج ساعه حائط بويهج
ردت عليه وهي شويه واصيح: ياللللدببببب مااااااباااا مايخصنييييه شوهتنييييه
نشيت وانا اشل الفوطه ويايه: شوهناها مسكيييينه حراااام
فلعتني بالمخده: يالدببببببببب

دخلت عنها اتسبح واضحك على خبالها..... تتغايض يوم اعضها وياكثر الساعات الي استوت لها ههههههه
طلعت من تسبوحتي وحصلتها عند المرايه تكمد عضتي بثلجه

شمه: شوف شو استوى لونهاااااااا وهاي بس من دقايق
رديت عليها وانا انشف شعريه المخرس ماي وايلس على الكرسي: يالله جب وابدي شغلج
خذت الاستشوار وهي حايسه بوزها: هين انا بعرف بشو ايازيك
سهيل: هههههههههه خلاص مايرزا عليي شو فيها ريال يعض حرمته عادي
يلست تستشور وهي تتحلطم: انا شقايل بتحملج يوم تستوي عيوز ياااكثر تحلطمج

خلصت تجفيف شعري ... وتلبسنا نسير لعفور اتحمد لها السلامه...
دخلنا البيت على زعيج سلطان على راشد!

( ان مابلعت لسانك بيييك طراااااااااق)

سهيل: السلام عليكم
عميه: وعليكم السلام قربوو
سهيل: لا الغالي تو خالصين فطور شوو وين عفرا راقده؟
عميه: هيه راقده ايلس بس

يلسنا بالصاله انا وشميم ويوم خلصو فطور يلسو حذالنا

راشد: آآآحم اقول شمه
شمه : هلا
راشد: بسمعج اغنيه طررررررررررررر
شمه: سمعنا
راشد: اهداااء لـناس حارمينهم
شغل فونه وهو يحط ايده ورى ظهر سلطان:

ماروم يارايح عن العين يامسافر على وين؟ ماااروم
اذا ماشفتك اليوم تقعد الدنيا وتقوم ماروم
ماروم انا ماروم انا ماروم انا فرقاكم ماروم انا
وش صار عني ليه بتروح تملي قلبي جروح وش صار
تبي تقطع بالاخبار عيني وقلبي لك دار وش صار
ماروم انا ماروم انا ماروم انا فرقاكم ماروم انا
اهواك خلي ايديني بأيديك وبروحي انا افديك اهواك
لاتحرمني لقياك عمري خلني وياك اهواك

نش سلطان من مكانه وهو صاخ.....

فريت ويهي عراشد: شو بلاه؟
راشد: ههههههههههه ماشي بس شوي تعبان
شمه: هههههه بصراحه راشد اغنيتك شرات ويهك يالخايس
راشد: خخخخخخخخخ بالعكسسس يايه بوقتها
فريت ويهي لعمي: شو متى تيلس عفرا
راشد: بعد تعرف حامل مانروم نيلسها باي وقت
سهيل: ههههههه اونك
راشد وهو ينش من مكانه: اخليكم انا ساير
سهيل: الله معاك
شمه: انا بنش اشوف ان عفرا يلست لو لا

نشت عنيه وبدقايق ردت مره ثانيه تزقرني
دخلت على عفرا اليالسه عشبريتها وهي تمشط شعرها

سهيل: ماتشووووووووفي شرررر يام ماااايد
عفرا: ههههههه اسكت لايسمعك عميه قووول ام اليازي
سهيل: هيه بعد نسينا ان بنت
شمه: حليله ابويه واااااثق
يلست حذال عفرا: وااااااااايد
عفرا: شحالك ان شاء الله بخير؟
سهيل: بخير بجوفتج يالغاليه
عفرا: احم احم لو دريت انكم بتغلوني جيه جان من زمان طحت
سهيل: هههههه حماااره مايبين بعينج
عفرا: اافااااا لزوم يعني جيه تخربها بالنهايه؟
سهيل: هههههه هيه بعد شو اسوي بج... المهم يسلم عليج سيف ويقول لج هالله هالله بالبيبي
عفرا: فدييييييييييييييته متى برد؟
سهيل: والله مادري عنه بس شكله مطول
عفرا: اهم حايه شحال نفسيته؟
سهيل: والله واضح انها عالي العال بعد منو يسير لبيت الله ومايرتاح
عفرا: الحمدلله

.................................

..............................................

( الحمدلله)
قلتها وانا امسح فمي عن الاكل .... مشاء الله فطوري ويابوه لعندي ووبعد الغدا والحينه العشا
حشىىىى مايبو حتى اتحرك من مكانيه
ياتني فكره جهنميه اني اسير بيتنا شويه اغير جوو احس مليييت من اليلسه
نشيت من مكانيه وانا اراقب البيت جن فيه حده
الهدوء وااااضح وييين سارو على هالصخه!!!!
كملت طريجي لبيتنا ودخلت الصاله....... حصلت الريم واقفه حذال باب غرفه الجلوس وهي عاطتني ظهرها
سرت صوبها وانا ايود كتفها
عفرا: تجسسين شــ ــ

تقطع كلامي يوم شفت دموعها وايدها المرتجفه على فمها تحبس فيها صوت صياحها

هزيتها: ريوم شو بلاج؟,....... ريووووم شو مستوي
خرت من بين اديني وهي تصيح بصوتها: رأأ
يلست حذالها وانا مشدوهه : شووو؟؟؟؟؟
سحبت نفس وعيونها المحمره تصب دموع
ردت علي من بين شفايفها الزرقا الترتجف وبحروف ثجيله: رآشـ ـ د حـ ـا

...................................

الجــــــــ 53 ـــــــــــزء
......................................

( دخييييلج رمسسسسسسي مره ثانيه يالله عاااااده)

قالتها شمه وهي محتشره على الريم
الريم : لا اله الا الله شو بلاج يابنت الناس
شمه تحط ايدها عقلبها وتسوي عمرها بيغمي عليها: الشيمه حد ينقذنيه
عفرا: هههههههههه هاي انتي واستوى بج جيه ....خوج شو بيستوي به عيل
شمه: ابصصصصم للللكم انه بيذوب وبيتصرنخ في مكانه نعاااااااااااااام هذا ان مامات
الريم: لا وابويه عيل لاتخبرونه الا يوم يطلع
عفرا: مالت عليييج نحن نخبره الحينه احسن عسب يسمع هالحس الغاوووي ويفزززز من مكانه
شمه: بسسسسسسس صدق فللللم هنددددي ورومانسي يوم سمعت ان حبيبها سوى حادث
رممممست من يديد واطلقت صوتها يلعلع بسماء الوطن
عيشي بلادي عاش اتحاااادووو اماراتنا عشتي لشعب دينهوو الاسلمو
عفرا: ههههههههههههه خلاصصصص شميم دخيييلج سكتي اسميج تخبلتي
شمه وهي تنش: يالله نشن تلبسن مابقى شي وايي ابويه ... انا بسير لبيتي اتلبس هع هع هع
عفرا: اووووونه هههههههه

طلعت عنا شمه ... وصدقت ماهي الا دقايق ويا عميه بو سلطان ... طالعنيه وطالع الريم وابتسم بخبث

بو سلطان: شحالكن بنات
عفرا: بخير الغالي شو امسيت ان شاء الله بخير
بو سلطان: الحمدلله ... ها شو جهزتو؟
عفرا: هيه ياهزين بس نتريا شمه
عميه: هيه عيل فديتج يلسي مكانج عن لاتتعبي
عفرا: هههههههه لا شو اتعب عادي الغالي
عميه: الريم بنتينه سيري الغاليه يهزي قشار راشد ... يبا معجونه وفرشاته ويبا بعد الكريم ماله وعطره
وان ماعليج تعب حطي له فوطه بعد ...بس ماا ابا عفرا تنش لفوق تعرفي بعد تعبانه وحليلها

ظلت الريم واقفه مكانها تستوعب الي انقال لها هههههههههه اسميه عمييييييي راااااعي حركات
ولي يطييييييح بايده مايسلم اونه بريء وجيه يعني مب قاصد الحركه..... حليلها ريوم تحركت وهي منزله راسها من الحيا
وصعدت لفوق تنفذ الاوامر

فر ويهه لي بسرعه وعلى ويهه ابتسامه: بخبرج الريم من شو رمست؟
كتمت ضحكتي: حليلها تروعت يوم سمعت خبر الحادث
عميه: بس جيه يعني روعه؟
عفرا: ههههههههههههههههه عميه تراها خبرتني عن الي استوى
عميه: هي صدق تحبه؟
عفرا: وهو يموت فيها
عميه: يا انيه بلعب بهالاثنينه لعب
عفرا: تعرف شو؟
عميه: شو؟
عفرا: الحينه عرفت على منو راشد نذل ههههههههههههههه
عميه: افاااا وهاي انا بحسبه ابوج
عفرا: ههههههه اسولف وياك يالغالي مصخره بس
عميه وهو يعدل سفرته: تموني بنتيه

دقايق ونزلت الريم وهي شاله القشار ... توكلنا بطريجنا للمستشفى بعد ماياتنا شمه تربع
طلبنا من عميه يوقف عسب نشتري باقه ورد ...طبعن تعمدنا ان تكون كلها جوري احممممر
الباقه كانت صدق عذااااااااب بالعلم انها اببببد ماشي شي فيها غير الشريطه الحمرا الماسكه الورد بشكل دائري
.... كملنا طريجنا لغرفه ررشود ... دخلنا وهدووووء وصخه ماليه المكان بستثناء صوت الاجهزه .....وحليله كان راقد بس لما حس بدخلتنا فتح عينه على الخفيف

عميه: ارقد ارقد ماعليك منا

سرنا صوبه وهو يحاول يعدل من يلسته... تقدمت له شمه وساعدته ... وطول هالوقت كان يطالع بالريم بتفحص
ههههههههههه بلاك ماتدري شو استوى !!!

شمه: شحالك الغالي
راشد وصوته المتروس نوم: بخير
عفرا: الحمدلله عسلامه
راشد وهو يطالع بالريم: الله يسلمج

نقزت الريم بأيدي عسب ترمس وتتحمد له السلامه بس الثانيه كانت مفهيه وومنزله راسها من نظارات عميه الهم ههههههههههه
غمزت لعميه عسب يفهم قصديه ... والحمدلله فهم ونش

عميه: يالله اخليكن دقايق وراد
شمه: حياك الله ابويه كل يوم تعال

طلع من صوب وفرينا انا وشمه ويهنا على ريم من صوب

شمه: هيييي شو بلاج انطرمتي
عفرا: هيه والله يالله اشوووف خليه يطالع المفاجأه الي يايبنها له
راشد: باقه ورد اون مفاجأه صدق زطيه
عفرا: ان ماسكت ترى صدق مابنسمعك المفاجأه
شمه وهي تقرص الريم: ريووووم يالله عاده
الريم وهي منزله راسها وزيييييييين يوم طلع صوتها: الحمدلله عسلامتك

كانت ملامحه مثل ماهي... ماتغير فيها شي.... وكأنه مب مصدق او كأنه مره وحده ماسمع شي
بس كان مسمت عينه عليها وصاخ .....

شمه وهي تضحك وتحرك ايدها جدام ويهه: حووووووووووووه

بس الولد ابببببببببد بقى مست ولا منتبه لشي

شهقت شمه وهي تطالعه: اويلي اخويه اخاف بس وقف قللبك

مانطق ولا بحرف وعينه مازالت على الريم .... دخلت الممرضه وهي تطالعنا وتطالع براشد المسمت ...
كملت شغلها وهي تضربه ابره .... وهو مازال على حاله ههههههههههههه مارد لطبيعته الا يوم ضغطت على مكان يويعه
وصررررخ وهو يفز من مكانه

شمه وهي تخوزها عنه: حوووووو يالبقررررره الرياااال مسكر شوي شوي عليه
راشد وهو يتويع: آآآآآه انا مخبرهم لايدخلوها علييييييه آآآآخ
الممرضه: سووووري

طلعت عنا بسرعه لايفلعها راشد ... وبطلعتها كانت دخلت سهيل ووو
سييييف!!!!!!!! سييييف
فزيييينا من مكانا نرابع لسيف حتى شمه لو مايودها سهيل ولا كان عادي لوت على سيف هههههه

لويت عليه:فدييييييييييييتك ياعمرييييييييه
سيف بابتسامته الناعمه: ههههه شحالج
عفرا: بخيررر
شمه وهي تسحب عمرها من سهيل: شحاااااااااااااااالك سواااااااف يالدببببببب ولهانا كلنا عليك
سهيل: شو دب خاس ازود عن قبل تقول دب
شمه: دب يعني حلو بمصطلحي
سهيل: بتسكتي لا اذبحج الحينه
راشد يزاعج علينا: يالثووووووول فكووووه خلوه اييييني ووييييعه
سار له سيف بخطوات واسعه: مرحبا الساع بالغالي
راشد وهو يمد ايده يسحب بها سيف عسب يحب خده: يامرحبا بك شحالللللك شو الاخبار ؟
يلس سيف حذاله عشبريه: بخير اهم حايه انت شحالك اشوفك مكسر تكسر
راشد: انت طالع بس ايدي اليسار وريلي اليمين يعني شلل فوقي وسفلي
عفرا: هههههههههه اون فوقي
شمه: حرام سيف شقايل جيه خسيت وايد
سيف: الي يسمعكن مره زاد وزني عسب يخس
شمه: بس ماشاء الله ماجامل ولا اجذب صدق ويهك منووووور
عفرا: هيه والله فدييييتك والله منوووور
راشد : ابا ارقص
التفتنا عليه: شو!!!!!!!!!!!!
راشد: هيه ابا ارقص فرحان وابا ارقص ضربتين على الراس تووويع
شمه وهي تغمز له: هههههههههههه هيه والله ضربتين
سهيل: صدق ريوم الاشاعه الي سمعناها؟
التفت على الريم: وابويه هاي رمست ولا مارمست دوم صاخه ياخي رمسي خليهم يسمعو حسج
كفختني عكتفي: جب
شمه: يا ان صددددددق ان فللللللم هندي فااااااتكم
سهيل: شو؟
شمه: يقولك شي فلم هندي جيه وحده كانت طرمه شرات الريم ويوم عرفت ان حبيبها استوى به حادث جيه شرات راشد
نطقت واول شي نطقته يوم رمست أسم حبيبها
الكل وبأبتسامه خبث: اهاااااااااااااااااااااااااااا
شمه: سبحاااااااان الله

راشد والريم كانو يطالعو بشمه.... وكل واحد منهم بخاطره ينش ويدوس ببطنها

طالعت بهم ببرائه مصطنعه: اويلي ششقايل هايلا يطالعون فيني جيه
سهيل: معجبين فديتج
شمه: ذكرونيه بعد ما نطلع اوزع عليكم صور لي هههههههههههه
راشد: اختيه
شمه: هلا
راشد: انتي حماره
شمه: شكرا لزرع الثقه في نفوسنا

خليتهم بمضاربهم وفريت ويهي لنافذه ..... الكل موجود والكل متيمع... الا سلطان؟!...
ممكن ايي الحينه؟!!.... وان مايا وين سار؟.... احيد ماشي دوام عنده بهالوقت

................................

............................................

( هيه طويل العمر دخلته داخل)

قال ليه هالجمله وطفته مكمل طريجي لداخل المزرعه.... هين ياعبيد ان مانسيتك حليب امك
كان المكان هادي وصصخه بس الاخ من سمع حس حد داخل يلس يزاعج ويسب

عبدالله: انتووووو ماتعرفووو منووووه انااااا واللله انكم بتندمو يالجلالالالالالاب

سرت صوبه وانا اطالعه وهو مربط بالكرسي.... مديت ايدي اشل عنه القطعه المغطيه عينه
طالعني بسرعه وكأن يبا يعرف منو الي يابه لها المكان ومنو مسوي به جيه
نظراته كانت كلها تحدي وغضب وووصدمه!.....

قربت ويهي من ويهه وانا ابتسم: وياك سلطان اخو راشد المكسر وولد خاله سيف الي اعتديت عليه ... انت صدق ماتعرفنيه بس اكيد سمعت عنيه صح

تحولت نظراته الى خوف مكبوت .... يعرفنيه زين ووولعب لعبته .... يعني هو الي ياب هالشي لنفسه

سلطان: امممم انا ويهي الثاني هاي ماطالعه دايما الا للجلاب الي شراتك يعني شي مره جلب شراتك مارد لاهله الا
ادينه الثنتين وريوله مكسرين بغض النظرر طبعا عن رقبته.......... وشي مره جلب شراتك مـ ـ
قطع رمستي وهو يحاول يطالعني بتحدي: انا هب جلب
مديت ايدي لشعره وانا اسحبه: عيييل انت شووو اصلالالا الجلب يتكرم
رد وهو يتويع: لووو ولد خالتك مايابااا كان نش وطلع بسسس سوى عمره ضحيه واونه مارام علييه ...
هزيت راسي وانا ارفع اكمام ايدي: امممم صح كلام منطقي
كمل كلامه : يجذب عليييكم اووونه يعني الحينه مايباا... طلع ليه ريال مايروم يدافع عن نفسه هاي ان كان صدق اعتديت علـ
قطعت رمسته ببكس على ويهيه : جبببببب يالكلب
رد والدم يصب من خشمه: انت شوووو تبا منييييه يجذب عليكم يجذب فكنييييه
رفسته بريوليه لما طاح الكرسي... سرت صوبه وانا احط ريلي عراسه المخرس دم: ابا ابرد حرتيه فييييك على الي سويته وتسئل شووو تبااااا ... هاااي ضريبه للي يقرب من هليه سمعت؟
ياني صوته اليترجاني: سلطان فكنييييه ومابقرب
يلست اضغط بريولي عراسه وانا ارافسه: اون فكنيه تووونا ببدايه الحساب شو افكك
رد علي وهو يتويع: دخيلك سلطان دخيييلك خلاص فجنيه ووووعد ماقرب منهم
يودته من شعره: تبا تطلع؟؟؟
رد والدم ينزل من ويهه: هيه دخيلك والله مابقرب من حد
سلطان: طيب انت قربت وخلصت ولزوم تتحاسب يالله ياشاطر عن لا أأخرك ولا تأخرنيه خلك متعاون ويايه

عدلت الكرسي ... ومشيت عنه اييب الولاعه والغاز .... صبيت الغاز عريوله وهو يطالعني ومب فاهم شو ممكن بسوي
او بالاصح مب رايم يستوعب هالشي
..... رميت الولاعه على احمد الي يابه ... ويلست على الكرسي الي جباله وانا احط ريلي عريل

سلطان: يالله احمد ابدا شغلك
عبدالله: لالالالالا سلطان لالالالا اسوووووي الي تبااااا بس لاتحرقنييييييه دخيييييلك دخيييلك سلطان ووالله دخيلك تاااايب
تااااايب والله تايب دخيلك
تبسمت: شو هاي توبه فرعون يوم شاف الموت قال لا اله الا الله
رد وهو يحاول يبعد ريوله عن الولاعه يوم اشتغلت: دخيييييلك والله مابسوووي لكم شييي
سلطان: شو تسوي ماتسوي اصلا ان فكرت مجرد تفكير.... مصيرك مب بس جيه اعرف ان انت وابوك الحمار بتندفنو بقبر واحد
وانت ادرى اني اروم عليها
نزلن دموعه واختلطن بدماااانه المخرس ويهه: سلطااااان اسوي لك الي تبا بس لاتحرقنيه
تمددت بيلستي وكملت كلامي : احمد كمل شغلك

مد الولاعه لريوله .... وماهي دقايق الا اشتعلت النار بريوله .....يلس يصارخ من حراره النار الي بدت تاكله بس ماتشفع له الي سواه
كنت اشوف بنطلونه وهو يذوب وتيطح قطعه على الارض .. والنار تكمل طريجها لجلده .... تلذذت بالمنظر وصوته ....
ابا ريوله تحترق ليما توصل للدرجه الثالثه.. اباه مايروووم يمشي ولا يتحرك
ابا النار تحرق فيها مستقببببله .....
هاي ولا شي من نار جهنم الي بتاكله.... كلب شراته يتلذذ بفاحشه الله اعلم كم واحد راح ضحيه لشهواته
ان كان سيف الريال وسوى به جيه عيل اليهالوه شو ممكن يسوي وياهم ....
هالنار الي يالسه تاكله اهداء لسيف الي تعذب... واهدء لاخويه المتكسر وليي لو مارحمت الله كان الحينه نقرا الفاتحه عقبره
واهداء لكل واحد راح ضحيه تحت ايد هالجلب......واهداء لكم ولظبوي .......

سامحونيه ان شي اخظاء وايد املائيه بالبارت لان كتبته وانا ضايجه

اهئ اهئ ماتأهل الخاصوني<<< مسويه مناحه
.....................................
الجـــــ 45ـــــزء
................................

حطيت الروج الاحمر وانا اطالع جاسم من المرايه....

روضه: انت مابتطلع؟
جاسم وعينه بالكتاب: اذاكر
سرت صوبه وانا حايسه بوزي: حشى من فجر الله تذاكر وللحينه ماخلصت
جاسم: انا ماحب اييب أي درجه
روضه: ماعليه بس ريح شويه سير لعميه سواف تراه رد من العمره
جاسم: هيه شفته اليوم بالمسيد
قلت وانا انش بثقل: طيب تبا شي الغالي قبل لا اطلع
جاسم: انتي ماقلتي ليه متى بتردي؟
روضه: والله ماعرف بس يمكن الحفله تطول
جاسم: اسميها شميم عليها حركات باجر بتسوي لعمرها حفله ان قصت شعرهـ

قطعت كلامه وانا اصررررخ.... كنت احس بشي يالس يفر ببطني ... الحركه كانت سريعه بس كانت مخيييييفه

طالعته واقف حذالي وميودني بعين زايغه: احس بحايه يالسسه تتحرك ببطنيه
تنهد براحه: زيغتينيه الله يهداج ... انتي ناسيه انج حامل
رروضه: لالالا بس ماعرف احس ان ماعرف شو اقول
تبسم وهو يحط ايده عبطني: هههههه ماعليه حبيبتي يمكن لان اول مره يتحرك فدييييييييته والله
تبسمت وانا احط ايدي عأيده: بتحبه؟
طالعني وهو مشدوه: في حد مايحب عياله!!!!!!
هزيت راسي: هيه ابويه
جاسم: ابوج يحبكم بس مايعرف يعبر عن مشاعره الا بالغلط ..... حبيبته تأخرتي عن حفلتج يالله سيري
حست بوزي: حشى يبا الفكه منيه
جاسم: ههههههههه اونه يالله سيري.... ولا تتأخري عسب نرقد من وقت مب زين السهر لج
كملت طريجي: ان شاء الله

توكلت لبيت يدوه للحفله المرتقبه هههههههههه اكيد تتسائلو شو سالفه هالحلفه
اون لان ريومه رمست شمه حبت تسوي جمعه بنات وجيه يعني

( هلا بأم دبه)

قالتها لي شميم وهي تستقبلني على باب جناحها

طالعت المتواجدات وهمست لها: حشى منو هاي الي يايبتنهم
شمه: هههههه هاي بنات عم شذوووي
شقيت حلجي: شذوي هنا؟؟؟
شمه: هيه بس بالمطخ ويا عفرا
روضه: عااااااااااشوووو
شمه: انا ابا اعرف انتي والريم شو وراكن جني شامه ريحه شي
روضه: هههههههههه بعدين نخبرج

كملت طريجي سايره لمطبخ شميم المتواضع ...طبعا متواضع لانها مب ناويه تدخل فيه ابدا من جيه حطو لها متواضع هع هع

شذى:هلالالا ريضاني الحلوه
توايهت وياها: ياهلالالا بببج حيا الله من يانا
ابتسمت بنعومه: الله ييحيج
روضه: فديت الناعمات انا شو يالسه تسوي بالمطبخ
شذى: ههههههه اساعد عفرا حليلها
طالعت عموه: اسميييه لو يدري بو سلطان على وقفتج هاي بيفنيج عن بكره ابيج
فرت ويها لي:اذا ماشي حد افتيني بفتن مابيعرف
دخلت علينا الريم بحيويتها وبصوتها النعومي : مرحبا بنات
روضه: فديييييييييت هالحس الغاوي
الريم: ههههههه شحالج ام دبه
حست بوزي: خلالالالالاص بسسسسسكن ام دبه وام دبه بيني نزيف نفسي
شمه: هعهعهع خلاص ارحمو البنت يامعشر بني قحافه

كل وحده خذت لها شي وطلعنا نرتب الطاوله .... كانت الحفله صغنونه يعني على أدنا
بس وناسه خصوصا سوالف شذووي عليها شطانه مب طبيعيه وخصوصا ان ريوم تساعدها على هاشي

شذى: اتحدااااااااااج
الريم: لاتتحدين
شذى: لا اتحداااااااااااااااج
الريم تضرب الرقم: وبتشوفي الحينه جيف العب عليه
شذى: هههههههه بيعرفج
الريم: مابيعرفنيه

كان سبيكر... ويانا صوت عميه سواف بالفون: يامرحبا
الريم تنعم صوتها اكثر عسب لايعرفها: مراااااااحب
سيف: نعم اختيه منو ويايه؟
الريم: دخيلك اسمعنيه لنهايه ولاتسكر انا مابا شي منك بس اباك تعرف انيه احبك
سيف: ان كنتي وحده فاضيه وماعندج شي فا غيرج مشغول ومب فايج لج
تقاطعه: لالالالا اسمعنيه سيف دخيلك
سيف: شو عرفج بأسميه بعد
الريم: لانيه احبك
سيف: يابنت الناس انا متزوج وعنديه عيال يعني فكي عنيه احسن لج ويالله عن الغوه الزايده وان اتصلتي على هالرقم
لا اطلع اسمج واسفل بج عند اهلج
نطت عفرا على الفون: سووووووووووووويف متى تزوجت ولالالا بعد يايب عيال
سيف: اثاري انتي يالحماره المتصله
عفرا: هههههههههههههه هاي الريم
نقعت الريم ضحك: هههههههههه اوووون عياااال بعد
يانا صوت عميه وهو يهدد: هين ياريموه هاي من طلع حسها يلست تسوي سوالف ان ماخبرت عليج راشد ماكون سيف
تحبينه هاااه
شهقت الريم وهي مقفطه لان شذى يلست تضحك بخبث عليها: سويف يالله باي
سكرت عنه وهي تطالع شذى: وييييييييييعه شقايل تناظريني جيه
شذى تطالعها بنص عين: عيل بخبر راشد
الريم: شويذ بلا هالنظرات رجائا يعني ربيعه اكيد بخبره
شذى: هههههههههه صصصدق من حفر حفره لأخيه وقع فيها كنتي تبي توقعي سيف فا وقعتي انتي وانفضحتي
عفرا: هههههه شذى خلاص عاده
شذى : اوكي بنوتات نحن تأخرنا لزوم نسير
الريم: لا شوووويذ شو وين تو الساعه 11 يالله عاده عن المصاخه
شذى: لا فديتج لزوم اسير يالله سوو لي درب


نشت وهي تلبس شنطتها الكبيره عكتفها.... يلست كل وحده منهن تسلم عليها
اما انا طفتهم اسبقهم لبرع اوني اطالع الدرب او بالاصح ادور عميه سواف وينه
تبسمت بخبث وانا اطالعه بالصاله يالس على الاب توب ... سرت صوبه ويلست حذاله بهدوء

طالعني: نعم؟
روضه: احم
سيف: شو؟
تبسمت ببرائه: طالع الحين الي بتنزل من الدري
سيف: منو؟ اذا الريم احسن لها ترد غرفتها لا اذبحها
حركت حياتي لفوق وتحت: فلبينوو يايتنا والحينه بتنزل
فر ويهه عنيه ورد يطالع الشاشه: وشو المطلوب منيه
طالعتهن وهن نازلات: احم
الريم بصوتها: ياحي الله من يانا والله زارتنا البركه عاده عيدوها فديتكن
فر سيف ويهه بسرعه لريم وهي من جهتها بسرعه تخبت ورى شذوي: الشيمه سيف مب الحينه
سيف: حسابج مب عنديه حسابج عند ناس
الريم وهي تسحب شذوي لبرع: بعدين نتفاهم

طلعن عنا وفريت ويهي له: شرايك؟
سيف: بشو؟
تبسمت: بشذى
سيف: اهااااااااااااااااااا قولي من البدايه
روضه: وشو فيها يعني؟
سيف: ريحي عمرج ولا تتعبي نفسج انا زواج مابتزوج الحينه
حست بوزي: باكر راشد بيخطب وانت بتظل جيه؟
سيف: يخطب محد ماسكه سبحان الله طنجره ولأت قطاها عقولتهم
روضه: عميه
سيف: هلا
بسته عخده: تجنن وانت جيه دخيلك لاتتغير

نشيت عنه قبل لايرمس..... مايعرف شكثر نغليه ونحبه وشقى روحنا ردت يوم طالعنا نفسيته مرتاحه نوعا ما
هو صحيح مايمزح ولا ينقع بحد شرات قبل بس يبقققى فرررق وااااايد بين سيف قبل اسبوعين وسيف الحينه

.........................................

.................................

( حرقته)

طالعته: شو!!!!!!! من صدقك
تبسم: هيه وكان بخاطريه اقتله بس يتعذب بالدنيا احسن من انه يموت... واظمن لك من بعد الحروق مابيب عيال ولا بيروم حتى يسوي سواته ويا أي حد وغير جيه هاي ويهي ان رام يمشي بعد
راشد: ههههههههههه والله انك ششششنب صدق يعني مامر بباليه انك بتحرقه قلت ان بتسوي به شي بتكسره
سلطان: هاي مايفيد وياه تكسر هاي يباله شي اكبر مانفع وياه الا الحرق
راشد: اخاف بس مع الايام يسوي بك شي
سلطان: ههههههههههه هاي ان رام يفكر فينيه الي شافه مب شوي وهو عارف انيه اروم على الي اكثر عن جيه
راشد: يستاهل لزوم اوصل الخبر لسيف
سلطان وهو ينش: قول له بس انك سمعت ان احترق من ناس مجهولين
راشد: ههههههههه ان شاء الله

طلع عنيه ويودت فوني ادق على سيف ...

راشد: وينك
سيف: قريب

وسكر الخط.... دقايق ودخل عليه ....

سيف: السلام عليكم
راشد: وعليك السلام حياك
يلس على الكرسي الجريب منيه: شو امسيت
راشد: الحمدلله بخير
سيف: ها شو بلاك اشوفك متصل
راشد: هيه اتخبر وينك عنديه لك خبر نعممممممممممم
سيف: شو؟
راشد: سمعت ان عبدالله احترق
سيف: شو!!!!!!!!!
راشد: هيه
سيف : ومنو خبرك؟
راشد: سلطان تو مخبرني يقول سمع من ناس قراب له
تبسم براحه: يزاه
راشد: يقولك الحروق من ريله لبطنه ومن الدرجه الثالثه ان ماكان ازود بعد
سيف: يعني قويه؟
راشد: هيه
سيف: يزاه واقل من يزاه
راشد: ماعلينا بس خبرنيه شو سويت بالسعوديه كان بخاطريه جيه سرت وياك
سيف: صدق بيت الله ولا شي احسن عنه راااااحه ياراشد رااااحه مب طبيعيه شعووور ثاني تعرف انيه ايلس هناك اكثر عن الفندق
راشد: ياحيك والله
سيف: المهم ماعلينا بخبرك بحايه
راشد: شو؟
سيف: اباك تاخذ حقيه من ريومتك هاي
راشد: هاه
سيف: هيه البارح متصله علي حذال ربوعها برقم مادري من وين يابته ويلست تتلعب عليه وتقول ليه احبك ومدري شو
يوم عرفتها قلت لها بخبر راشد عليج ههههههه
راشد: حشى مامدى رمست ويلست تسوي سوالف
سيف: ماااااشفت شي ولا بعد تشووف.... هااااي بروووحها دماااار بلاك ماتعرف سوالفها ايام قبل
راشد: ههههههه المهم بخبرك ترانيه اليوم طالع ان شاء الله
سيف: متى؟ان شاء الله
راشد: ماعرف بس يقول الصباح
سيف: خلاص يعني كل الفحوصات اوكي؟
راشد: هيه
سيف: الحمدلله... امممم راشد اروم اسئلك
راشد: شو؟
سيف: انت جيف عرفت عبدالله ان جيه؟
راشد: هاه هيه عرفت ناس خبروني
سيف: ناس ولا الريم هي الخبرتك؟
راشد: شقايل الريم بالذات؟
سيف: لان اكيد هي الي خبرتك
راشد: وشو عرفك انت؟
سيف: عرفت وبس
راشد: كان يعرف خليفه صح
هز راسه: صح
راشد: وخليفه كان ربيعه الروح بالروح صح
طالعني: صح
راشد: ومن جيه الريم علاقتها باخوها على اخر ايامه مب عدله صح
سيف: هاي الي للحينه ماعرفته الريم اكيد تعرف شي غير جيه ومخليها ماتحب حتى طروا اخوها

هزيت راسيه.... يومين بس يالريم واسحب الرمسه منج....

............................................

............................................


كنت اطالعه وهو ينزل من سيارته.... سكر بابها بملل وكمل خطواته الواسعه
طالعت بطوله الي يفرررق عن طوووليه بوااااايد .... فديتك وفديت هالطول انا
وفديت هالعرض الي مايابه حد شراتك.....

شمه: شو هاي التنهيدات بعد
فريت ويهي عن نافذه الغرفه: شفته
يلست حذالي: سلطان؟
عفرا: هيه
تبسمت: . عفور ماولهتي عليه؟
طالعتها: وااااااااااااايد واااااااااااااايد بس كرامتيه ماتسمح انيه اسامحه الحينه
شمه: ماعليه فديتج هانت ومابقى شي لانيه بصراحه اشك ان سلطان بهاليومين بيخطفج ولا عليه من حد هههههههه
والله لو تطالعيه يذوب قلبج دوووم مويم ولا ويانه بعقله.... حليله اخويه ماعمري شفته جيه حتى على ايام البقر الثنتينه ماكان جيه
كان يكابر بس الحينه غييييير ياعفير اسميه ذاااايب بحبج