( لالالالالالالا)

قالتها يوم حملتها على ايديني وانا اصعد الدري .. والريم تسبقنا بصوت ضحكها ووتفتح لنا باب الجناح

نزلتها على الارض: نورتي بيتج ياعروس
ردت عليي وهي تعدل فستانها: تسلم
فريت ويهي على الريم: يالله ريوم خذي لي وياها جم صوره جيه حلوين ( وغمزت لها عسب تفهم قصدي)
الريم : ابتسمت وهي تمد يدها لشمه وتخليها توقف حذال القلب الكبير الي حاطه بالصاله
.. اشرت لي وسرت وياها لصوب شمه...
يلست اسوي لها جم حركه غفطت منهم ويلست تكافخني

سهيل: لحووول شو اسوي هاي طلب الريم
شمه: لا والله ماشفتها طلبت منك تسوي جيه
يودتها وسحبتها لحظني: يالله الريم صوري بس ولا عليج منها
مديت ايدني على كتوفها وانا الفهم وراها: فديت هالويه انا
نزلت راسها: سهيل عاده اصطلب اشوي

خلصت الريم تصويرها ورغتها برع ... هيه بعد معرس يحق ليه اروغ الي ابا

شمه: سهيل عاده مابا
مديت ايدي الي تحمل خبزه وقطعه لحمه: طيب لجمه وحده عسب خاطري
فتحت لي حلجها بدلع : هاااا
لقمتها : فديييييييييتج والله
شمه: سهيل
طالعتها: عيونه
شمه: سير ازقر لي الريم
سهيل: لشو؟؟
شمه: اباها تساعدني على الفستان ابا ابدله
ابتسمت لها بخبث: لشو تعابلي على البنت ... انا اساعدج فديتج
ردت بدلع: سهييييييل عاده
نشيت: اانا ماشي يخشعني غير دلعج هاي ... دقايق

سرت عنها وزقرت الريم... ساعدتها وردت طلعت عنا... بس يوم رديت حصلتها بالحممام شكلها تتسبح
سرت انا الثاني خذيت ملابسي وتوكلت للحمام الثاني الي بالمليلس ... تسبحت لان احس نفسيه خست من بعد المغرب
رديت للغرفه والحبيبه للحينه ماخلصت!!! ... حشى شو يالسه تسوي
توكلت لشبريه انتظرها وانا اتمدد عليها براحه ..... دقيقه... دقيقتين ... حشىىى

بصوت عالي وانا بمكاني: ششششششششششششششششمه
ياني صوتها من ورى الباب: ها الحينه بطلع

دقايق وطلعت وكانت صدق مغفطه من قلب.... اول مره اطالع ويها محمر لهاي الدرجه!!!!!
لالا ماروم انا جيه عليج .... غير البس الي لابسته شعرها المبلول وخدودها المحمرات عاطيها شكل اغرائي!!
عدلت يلستي وانا اطالعها تيي صوب الشبريه: فدييييت هالطول انا
دفنت عمرها لتحت الحاف وردت بكلمتها المعتاده: اصطلب
دفنت عمري وياها وقربت ويهي من ويها: في ذمتيه ان محد يروم يصطلب يوم يطالعج
فرت ويها الصوب الثاني: سهييييل تراني صدق اغفط
مسحت عشعرها المبلول: ماروم انا على الي تغفط
شمه: سهيل
سهيل: عيونه
شمه: خلني ارقد
سهيل: مابا
شمه: تتوقع شحالها عفوور الحينه؟؟ احسها زايغه زياده
رديت عليها وانا اسحبها لحظني واوسدها عأيدي: شو تبا زايغه ....الحينه هي اخر فتره خذت عليه وايد
شمه: لأ ليله العرس غير... لزوم الزيغه
سهيل: هاي انتي ماشوفج زايغه
شمه: تبا الصراحه ... كنت زايغه واااااااايد بس يوم استويت اانا وانت روحننا خازت الزيغه
سهيل: ليش؟
ردت وعينها لتحت وهي تلعب بشعرها: امممم لانك تحسسني بالأمان
سهيل: شو سوبر مان عغفله
كفختني عكتفي: ويييعه حد يرد على عروسته جيه ليله عرسها..... خلك رومانسي
سهيل: ان شااااااء الله عمتيه
حاست بوزها: ماني عمتك قول ان شاء الله حبيبتيه
قربت ويهي من ويها عسب ابوسها: عمتيه واميه وحبيبتيه وروحيه وحياتـ ـ ـ
كفختني عكتفي وهي تخوزني: سـ ـ ـهيييييل
سهيل: لحووول ريال يبوس حرمته حرام؟
حاست بوزها وهي تفر ويها: مب حرام بس ثاني مره بوس بالخد
سهيل: ههههههههههه اونه
شمه: انا رقدت ماسمعك
سهيل: ععععععع اثاري شمه تلوع الجبد
فرت ويها وهي مفوله: لالالالالالا والله
شهقت شهقه مصطنعه: اففف حسبتج ماتسمعيني
مدت يدها وكفختني: يالخايس
يودت ايدها: اشوووف ايدج طاااالت هاااااااااااه
سحبتها: سهييييل عاده ابا ارقد وايد تعبانه حرام عليك ورنا سفره
تبسمت لها وانا اتذكر هديه العم سفره لاي مكان نختارها: عمررررريه التعبان والله... خلاص رقدي فديتج... تصبحي على خير

قلتها وانا اطفي الابجوارت الي حذاليه....

......................................................

....................................................

احس ريولي مب شايلتني ... فلذالك فضلت الجلوس على الكنب
كان جالس جبالي بالضبط بس بعيد عني وايد..... وصوت انفاسه اسمعها توصلني لأذني

مقهور ... هيه وومعصب بعد..... هالشي اعرفه يوم اشوف اهتزاز رجله ... ورجفه ايدينه.... وويهه المحمر
كلها علامات تدل على عصبيته المكبوته
يمكن الحينه يذبحنيه بهاي الحظه وهااي الوقت
احس الاكسجين الي حولي خلص وانتهى .... مب رايييمه اتنفس
حسيت بخطواته تيي صوبي..... رفعت راسي بتردد وانا ابلع ريجي

عفرا: سلطان أنـ ـ

انقطعت رمستي بكف ياني عويهي.... مسكني من شعريه وقرب من ويهيه.... حسيت بأنفاسه الحاره يالسه تحرقني

سلطان: انتي شوووووه؟؟؟؟؟ جبببببببببب يالجلبه انتي لج عين ترمسي؟؟؟؟ خبريني لج عين؟؟؟

حسيت دموعي تنزل بلايا شعور.... صدمممه يوم احصل هاي المعامله من انسان ماكان يعاملني الا بالطيب!!!!!

عفرا: والله والله اني هونت مارمسه

شد بأيده شعرري زووود : تعترفي انج ترمسيه!!!!!!!!!!!......

صفع براسي على خشبه الكنبه.....
حسيت بحراره الدم وهي تطلع من خشمي واذني .....مد ايده ورفع راسي من يديد
..... كان يتعامل ويايه بوحشيه ماعمري شفتها!!.... كأني مسجونه وهو سجاني وويمارس عليي انواع التعذيب

زم عضروسه: خبرينييييييه الحييينه منو هالجلللللللب هااااااه منوووو هاي ووووجيف عرفتيه الحيينه ترمسي
عفرا: وآآاللـ ـ ه هاي ممــ
سلطان: رمسسسسسسسي وبلالالالا هالبجييييي
عفرا: دخيلـ ـ مـا
سلطان : هيييين يا انا يا أنتي

مارمت ارمس لاني حسيت بالدنيا يالس تدور فيني .... يودت راسي بأيدي وانا احس بروحيه يالس ارتجف
غمضت عينيه ..... مب رايمه الكلمات تطلع من عنديه .... اخبره ان هاي كنت ارمسه؟؟!!!! ان هاي يطلع ربيع اخويه.....
... فتحت عيني بس ماحصلته؟؟!!!... وين سار.....
سار اييب سجينه؟؟!!... ولا مسدس يفرغه براسيه
دقايق دخل عليي وتروعت وانا يالسه مكانيه.... بس كانت وجهتته لدولاب الملابس .. خذا ملابسه وطلع عنيه للغرفه الثانيه!!!..

تمدتت بفستاني الابيض الي احتاس من دمي....
في حد بيوم عرسها تنعطى طراق!!!!...
في حد بيوم عرسها دمها ينزل من ويهها بهاي الطريقه...؟؟؟؟

......................................

.............................
عبدالله محمد الـ؟؟؟؟؟؟؟

رديت عليه بالغرفه الخاصه بالشات: هاي اسمه؟؟؟؟؟
غرشوب دبي: هيه بس الموضوع مب هنا الموضوع انه ربيع سيف اليديد!!!!!!!
هدوء انثى: راشد انا شاكه بشي بس ابا اتأكد منه
غرشوب: بشو شاكه؟؟؟؟؟؟
هدوء: ماعرف بسسس ابا اتأكد من شكله.... تروم تييب صورته؟؟؟؟
غرشوب: والله ما ادري بفتش بغرفه سيف يمكن احصل صوره له
هدوء: راشد دخيييلك حاووول بأسرع وقققت ... الي شاكه به شي مب بسيط بس المشكله ماروم اخبرك الا يوم اتأكد
غرشوب: ليش؟
هدوء: لان مايتعلق بس بهالشخص يتعلق بشخص ثاني بعد وهاي فيها سمعه يعني حرام اظن.... بس دخيلك بأسرع وقت ييب له صوره
غرشوب: اوكي غناتيه
هدوء: ويعه
غرشوب: شوو؟؟؟
هدوء: انا كم مره اقول لك لاتقول ليه هاي الكلمات
غرشوب: هههههههههههههههه والله طلعت ويايه بالغلط
هدوء: لاتغلط مره ثانيه
غرشوب: اون لاتغلط بخبرج يالخقاقه الرسايل الي يرسلهم لج خلج شرات قبل لاتردي عليهم زييين؟؟
هدوء: اوكي
غرشوب: بخبرج يامب غناتيه
هدوء: ههههههههههه يعني يا غناتيه يامره وحده مب غناتك
غرشوب: بخاطريه اقولها شو اسويبج
هدوء: انا حذرتك هااااه
غرشوب: طيب بخبرج
هدوء: شوو خبرني
غرشوب: ربيع الورد مادري ربيع الزهور مادري ربيع الخريف

زميت على ضروسي وانا ارد عليه: شووووو بلاها هاي بعد
غرشوب: سلامتج بس راسله لي رساله خاصه^__^
رديت عليه وانا شوي واكسر الكيبورد: شوو تبااا بعد
غرشوب: تقول ليه انا للحينه مب مصدقه ان هاي عيونك ... تروم يالغااااااالي ترسل ليه جم صوره بعد عسب اتأكد
وومدت الغاااالي جيه شرات مامديتها هههههههه

هاي شو تبا اطلع لها من الشاشه واحرققققها؟؟؟؟ هييين دواها عنديه ان ماوقفت عضويتها

هدوء: وووشوو انت يعني الحينه فرحان على رسالتها لو شو
غرشوب: على الاقل تقول ليه يالغالي وووومنى عينها اني اقول لها ياغناتيه
انا هنا خلالالالاص اعصابي صارت صفر: خلالالالاص عيييييل سسسير لها الحماااره احسسن لك

سكرت الشات وسكرت الاب وووفريته الصوب الثاني وانا اتمدد عشبريتيه بقهر..... الحمااااار يباااااااا يقهرنيه يعني؟؟؟؟
ااااون تقوول له الغااالي...... يعني يباني استوي له صاااايعه ؟؟؟؟ خلالالاص يسير لصايعه الي تباه وتقول له الغالي
اوووون الغالي هالززززفته الخااايسه

( حشششششى مايرزى عليي امزح وياج ... شو هاااااي كبرررريت مب بنت
اقول يالخبله ردي الشات لا ايي اصافعج)

هاي مسجه الي تو وصلني ... يودت فوني وكتبت له واشوي يطيرن حروف الفون

( ماااااااااااباااااا)
( الريم ترانيه ماحب اعصب عليج ... دخلي الشات احسن لج)
( قلت لك ماااااباااااا)
( لالالالاتبيييييي)
( سير ارمممس الغالي احسن على لااقل تقووول لك كلام حلو هب انا ماورايه الا المشاكل)
( ياحمااااره ردي الشااااات ماروم اتفاهم بفونات انا)

يودت اللاب ... وسجلت دخول لشات ... دقايق ورد يكلمني على الخاص

غرشوب: يابنت الناس امزح وياج لو عايبني رمستها ماكان رسلتها هزبه معتبره
هدوء: لا اقنعتني الحينه انت
غرشوب: يعني ماتصدقيني؟
هدوء: مادري
غرشوب: اوكي هاي الرقم السري لمستخدمي******* ودخلي ووتأكدي من الرسائل المرسله ووبتعرفي انج ظالمتني
هدوء: انا ماظلمتك انت الي ظلمت نفسك وطلعت على عمرك رمسه
غرشوب: يعني ماتبي امزح وياج؟
هدوء: بس مب جيه والله فواديه يويعني يوم تقول رمسه شرات جيه
غرشوب: ليش؟
هدوء: لاتسوي عمرك ماتعرف
غرشوب: لالا ماعررف ...
هدوء: اغاااااااااااااااااااااااااااار زين؟؟؟؟؟
غرشوب: ههههههههههههههههههههههههههه
هدوء: قلت شي يضحك؟
غرشوب: ههههههههههههههههههههههه
هدوء: استغفر الله ربي العظيم اللهم طولج ياروح
غرشوب: شوو تبي بعد اطول من جيه
هدوء: شقايل تضحك عرمستي
غرشوب:اول خبرينيه ليش تغاري عليا؟
هدوء: لأنك حمار
غرشوب: افااااااااااا
هدوء: لشو تسئل عيل
غرشوب: اباج تقوليها
هدوء: شو؟
غرشوب:قولي اغار لأنيه أ..... كملي
هدوء: لالا ريح عمرك ماني قايله شي يالله باي
غرشووب: طالع بنت الذينا وووين سايره
هدوء: بطلع ترانيه للحينه مارقدت وانا مابا اسهر شراتك
غرشوب: مابقى شي على صلاه الفير شقاااايل ترقدين هاااااااه؟؟؟؟؟؟
هدوء: راشد
غرشوب: هلا
هدوء: انجلع

طلعت عن الشات قبل لا اعيطه فرصه لرد ههههههههههه اعرفه يييحترق يووم اسوي به هالحركه
يستااهل عسب لايحرقنيه شرات كل مره
تمدتت عشبريه وانا اتذكر رمسته عن عبدالله... ياربيه ياواحد يا أحد ان ماتطلع شكوكيه بمحالها دخييييلك ياربيه
دخيييلك

...................................

................................

مديت ايدي على الخبز : اميه الساعه كم سافرو؟
امايه: من الساعه 7
سيف: حششششششششى مبكر
امايه: هيه بعد الطياره الساعه 8 شو تبا
شربت لي من الكافي: امايه يعني الحينه بس انا وانتي بالبيت؟؟؟ خلاص اميه يعني البيت فضى علينا ... خلاص يعني مابقينا حبايب
فلعتني بالملعقه الي حذالها: يعني ماتحبنيه يالحمار الا يوم اخوانك عندنا
سيف: والله اميه البيت بيطلع كئئئئيب موووحش بدون عفير... تدري عفير كانت لمسه خاصه بالبيت شرات الكنبات
امايه: والله انك مضيع المذهب
خذيت لي زيتونه: والدين بعد
امايه: ابا اعرف انت على منو طفس؟
سيف: على ابويه
امايه: لو انت شرات ابوك كان انت بخير
غممزت لها: احلللللللللى احلللللللللللى يالسه تتغزلي بابو نصووور هيييه شو علييييج
امايه: شو قلت انا الحينه!!!!!!!!!!!
ابتسمت لها بخبث:رامسينيه امايه عن حبكم
نشت من مكانها: والله محد ارتاح الا اخوك وعفرا.... محد بنقع بهن اما انا الله يكون بعوني