كاتب الموضوع :
نسايم نجد
المنتدى :
القصص المكتمله من وحي قلم الاعضاء
اشكر الجميع على تواجدهم واشكرهم ردودهم الحلوه اسفه اني تاخرت بنزول البارت ( راحة علي نومه )
الليله متاخر بنزل اول بارتات النهايه وقبل بنزل جزء قصير مكمل للبارت هذا وبكذا بنختم المرحله الاولى وبنتقل معكم للمرحله الاخيره
واشكركم من اعمافي لمرعاة ظروفي وهذا خلاني استحي من نفسي ومن تاخري
تابع للبارت
عند جاسم
طلع من بيت نواف بعد صلاة الفجر طلع للمستشفى دخل الكفتيريا طلب له فطور افطر ورجع لمكتبه
جلس لين دخل عليه نواف
نواف / وش عندك منحاش حتى فطور مافطرت
جاسم تذكر الحلم كل ماتذكر الحلم يحس بحساس حلووو
جاسم بابتسامة / احلى نومه نمتها البارح لو ادري برتاح بنومتي مثل البارح كل ليله وانا نايم عندك
نواف / اليله بتنام عندنا
جاسم / حلى النومه عندكم يكفي انكم مخليني انام على الكنبه ظهري يوجعني
نواف / ماينعرف لك توك قايل نايم نومه حلوه
جاسم يابخت من زار وخفف
جاسم / بعد ساعة موعد عملية حمود
نواف / من حمود
جاسم / الرجال الكويتي
نواف / وش طلع فيه مو راضي احد يفحص عليه غيرك
جاسم / انسداد بالشرايين
نواف / الله يقومه بالسلام هانا طالع مكتبي
جاسم / الله معك
طلع نواف وهو طلع بيمر حمود يطمن عليه ويشوف نفسيته
دخل عليه شاف بيده جريده يقراها قرب منه
جاسم / السلام
نزل حمود الجريده / وعليكم السلام
جاسم / بشر ان شاء الله النفسيه تمام
حمود / الحمدلله
جاسم بابتسامه / وش الخبر الي تقراه على الصباح
حمود بجديه / خبر رجوع هند الفهد للحياة والله معاد تنتصدق الجرايد
جاسم فز قلبه حاول يكون طبيعي / شلون رجعت
حمود بجديه / يقول خالها انها كانت برحله سياحيه والمنافسين انشرو هالاشاعه
جاسم / عطني الجريده اشوف الخبر
جلس على الكرسي ومسك الجريده بنفس الصفحه المفتوحه الي كان يقرها حمود
شاف اسمها منور الجريده كان نفسه تكون صورتها مشتاق وبيموت من الشوق متعطش لتفاصيل وجهها
تمنى اخذ صورتها يوم كانت عنده تصبره على وجع الليالي
وقف ومد الجريده لحمود جاسم / عمليتك بعد ساعه وتطمن باذن الله سهله لا تخاف ولا تشيل هم
حمود اخذ الجريده وحطها على جنب / متوكل على الي ماتنام عينه
جاسم / يله ارتاح لوقت العمليه
طلع جاسم من عنده ورجع لمكتبه
في بريطانيا
قامت غاده وتوضت وصلت الفجر وطلعت لصاله شافتها فاضيه رجعت لغرفتها انسدحت على السرير حاول تنام مافي امل قامت دخلت الحمام اخذت شور وطلعت لبست لبس الجامعه شافت فهد بالمطبخ
غاده / فهودي وش بتفطرني
فهد بابتسامه / سندويشات جاهزه بسخنهم
غاده / زين
دخلت وصارت تساعده خلصو افطرو سوى وهي دخلت غرفتها تعدل حجابها
بعده طلع عليها فهد وطلعو للجامعه وصلت لقت ندى تنتظرهم
كان مستعجل محاضرته بدت تركهم ودخل المحاضره وانصدم بغياب صلاح تاكد ان الي قاله هو السبب
في قصر هند
كانت نوره متضايقه مقهوره في الصاله وعبدالرحمن من بعد الي صار طلع
سمعت صوت رفعت عيونها كانت ام بسام وبنتها داخلين نوره ماصدقت شافتها محتاجتها كثير وقفت واستقبلتها بالاحضان
ام بسام بابتسامه / السلام
نوره بحزن / وعليكم السلام
ام بسامه / كل هذا شوق لي
نوره انفجرت تبكي بوجع وقهر ام بسام مستغربه من حالة نوره البارح ملكة ولدها واليوم تصيح
جلست ام بسام وبخوف / وش صاير ليش تبكين
نوره تبكي / هند زعلها خالها وحالفه انها لتهاجر لبريطانيا وانا ماقدر على بعدها
ام بسام / قولي بتفصيل وش صار ماصدق ان هند تزعل من خالها وتقدر على بعده
نوره / قالت له السالفه
ام بسام / الله يهداه ابو خالد وش له يغصبها عليها وهند مو اول وحده تطلق
نوره وهي تبكي / رافض افتح معه الموضوع تكفين يام بسام قولي لابو بسام يحاول يلين راسه ويرضى على هند
ام بسام / بحاول الا ابو خالد وينه
نوره بحزن / من بعد الي صار بينه وبين هند طلع
ام بسام رفعت جوالها واتصلت على زوجها وقالت له كل شي وان عبدالرحمن طلع من البيت متضايق
ابو بسام
مقهور على حالة عبد الرحمن مو من حقه يغصب على هند ترجع لجاسم من البدايه كان رافض فكره زواجها منه وهي ماتدري ومتاكد بتكون هذي النهايه الطلاق
رفع جواله اتصل على عبدالرحمن رد عليه بصوت تعبان
ابو بسام / وينك فيه
عبدالرحمن بصوت كسير / بسيارتي
ابو بسام / انا في بيتكم تعال جالس بالحالي
عبدالرحمن / دقائق وانا عندك
عند هند
كانت حاطه يدها على خدها مقهور دخل عليها خالد واضح عليه الضيقه
قرب منها وجلس
هند بقوة / اذا بتتكلم بنفس موضوع اليوم ياليت تطلع من مكتبي
خالد بعصبيه / ايه بتكلم واتكلم
هند لفت الكرسي وعرضته ظهرها بمعنى مراح اسمع منك كلام
كمل خالد / لاتحسبين لسويتي هالحركة اطلع قبل لا قول الي الكلام الي جابني عندك
هند / ........
خالد بعصبيه وبقوه / حرام عليك الي سويته في ابوي اذا انتي غاليه فابوي اغلى منك كسرتيه ياهند
هند ودموعها تنزل لكن مستمره بتعريض ظهرها لخالد
هند / ............
خالد بقوه وقسوه / ياهند زعلي من زعل ابوي ماني براضي عليك لين يرضى ابوي عليك
هند بعصبيه بصراخ فجر المكان وقفت / بطقاااااااااااااق والكلام الي بينا انتهى ياليت تطلع من مكتبي ومن اليوم ورايح مالك شغل فيني ولا لي شغل فيك من اليوم صرت يتيمه وحيده بدون اهل وعزوه
روحو لجاسم الي بعتو بنتكم بسبته يمكن ينفعكم اكثر مني
خالد اوجعه كلامها وقسوتها معقوله تقسى عليهم هالكثر مالهم خاطر عندها
وقف وطلع من مكتبها بدون لا يتكلم
هند رجعت ورمت نفسها على الكرسي تحس الدنيا سوداء بعيونها تعاند نفسها قبل لا تعاندهم
رفعت جواله واتصلت على سميره وقالت لها تتجهز بتسافرمعها ورحلتها الفجر
طالعت بساعه 11 لبست عبايتها بتطلع مالها خلق لشغل والنفسيه دمار طلعت من غير لا تمر اخوها ركبت سيارة السواق
وصلت للبيت تقابلت مع خالها تبادلو النظرات الحارقه الي كلها حزن ولوم وعتب صد عنها ودخل عند ابو بسام بالمجلس
دخلت داخل مالها خلق احد مرت من الصاله متضايقه مقهور ووجها شاحب بسبب صدود خالها طلعت لغرفتها من غير لا تسلم عليهم
ام نوره وقفت بتلحقها وجه هند ماعجبها مسكت يدها ام بسام
ام بسام / اتركيها يانوره
نوره بخوف / ماتشوفين وجهها اخاف يصير فيها شي
ام بسام / هي محتاجه تجلس الحالها وتراجع حساباتها يمكن تندم وتجيكم تعتذر
نوره بحزن / هذي هند تربية عبدالرحمن ماتلين الا اذا الحصى لان
عند هند
دخلت غرفتها رمت كل شي بيدها بقسوه تحس ان روحها فارقت جسمها قويه كانت حركة خالها الي دايم اذا شافها وجهه ينور ويرحب فيها بحراره اليوم شافت غير صدوده قتلها ماتستحمل
رمت نفسها بقسوه على السرير وضربت جبهتا بحافة السرير تعورت وصارت تفركها شافت الدم بيدها قامت وفتحت باب غرفتها ونزل تحت بتحط عليها ثلجه تخفف من نزول الدم
نزلت كانت نوره بوجه الدرج شافتها وافرحت انها انزلت وانصدمت بالضربه على جبهتها ويدها الي فيها دم ركضت لها
نوره بخوف / وش فيك هند وش فيها جبهتك
هند بوجع / الي بقلبي اكبر من الي تشوفينه بجبهتي
مشت وتركت نوره ادخلت المطبخ لقت غاده تسوي لها كافي
غاده بحزن / هنوده لا تزعلين من عمي ابو خالد والله لو شفتيه يوم طلعتي متضايق ماقدر يجلس بالبيت طلع
مالها خلق تسولف بالموضوع حارق قلبها نحد راضي يفهمها
هند بنفسها / مايدرون قدر خالي عندي لكن انا كذا انخلقت راسي يابس مستحيل الين ونفذ شي مجبوره عليه وخاصه اذا بيمس كرامتي ليه يزعلون وهم عارفين ان هذي الصفه مستحيل اتنازل عنها
هند للحين زعلانه من غاده بسبب الي صار الصباح
طالعتها بنظرات زعل افهمتها غاده
هند بزعل / العصر اطلعي لخوات مطلق
وياليت ما دخلين عصك بشي مايخصك وياليت تلتهين بنفسك عني
طلع وتركت غاده الي انجرحت من هند مع انها مستحيل تزعل منها لانها متاكده ان هند تتصرف بغرابه والسبب الي صار بينها وبين خالها
عند عبد الرحمن
دخل وهو متضايق وقف ابو بسام وسلمو على بعض
عبدالرحمن / متى جيت من مكه
ابو بسام / من ساعه
جلس عبد الرحمن بحزن / الحمدلله على سلامتك
ابو بسام / جاني خبر عن الي صار بينك وبين بنتك
عبدالرحمن بوجع / شفت شلون ثمرة فيها تربيتي ورفضت شي اتمناه وبخاطري
ابو بسام بجديه / هذا جاسم ولا نسيته
عبدالرحمن / جاسم خيب ضنوني فيه طلع رجال
يوجعني قلبي يابو بسام وهو بيطير من ايدينها هو الي بيحفظها وبيصونها لو صار لي شي هو يحبها ويعشقها حب مانوجد بهالزمن يكفيني ظلمته ابي اكفر عن ظلمي ليش ماتدور على راحتي وراحتي برجوعها لجاسم
ابو بسام بجديه / هذا زوج لازم برضاها انا كنت ضد سواتكم فيها وانكم زوجتوها جاسم وحطيتوا امام الامر الواقع مارعيت شعورها وصدمتها لافاقت من المنوم تشوف نفسها باحضان رجال غريب وفوق كل هذا تكرهه قويه يابو خالد زين بنتكم ماستخفت ولا صار بعقلها شي
لا تضغط على بنتك يابو خالد وتهج من بين ايدينك انت بحاجتها وهي بحاجتك اتركو المكابر عنكم انا اعرفك يا عبدالرحمن روحك هند يوم غابت لديره انقلبت حالتك
عبدالرحمن بعصبيه / الي ما تطيعني وتسمع كلامي ماله داعي وجودها عندي
ابو بسام بعصبيه / وش هالكلام اعرف من ورى قلبك اترك عنك يباس الراس هند لو تموت ما تنجبر تبين اقولك عن بنتك تنازل انت انت الكبير الفاهم العاقل كلمها بالطيب يمكن ترضى بالي تبي مو بالغصب مايجي من وراه خير
عبدالرحمن / لو لي خاطر عندك قفل الموضوع مراح يتغير شي لا تقلب موجعي
ابو بسام بياس / بكيفك الي عقله براسه يعرف خلاصه
العصر
في بيت مطلق
بعد ماطلع من شغله مسك امه على جنب وتكلم معها بخصوص خواته وقال لها ان خواته يبن يعدلن شعرهن ومن حقهن بالبدايه رفضت لكن مطلق حاول فيها لين اقتنعت لكن شرطت عليه مايقصنه وحاول يقنعها انه بيقصن منه شوي وبسبب الحاح مطلق
قالت / بكيفكم زينة البنت بشعرها
وصلت غاده لبيت مطلق طقت الباب لقتهن جاهزات والي فتح لها مطلق
طلعن لها وركبو بالسياره وغاده كانت ساكته نكدت عليها هند وبتصرفها معها ومع خالد الي جاء من الشركه وجهه اسود ومتضايق دخل غرفته من غير لا يتغدى وبعد الحاح من غاده قال لها الي صار مع هند بالمكتب
تفاجئت من تصرفات هند الغير طبيعيه ليش كله هذا وهي متاكد وتحلف انها تحب وتعشق جاسم ليش مارضت وسوت كل الي سوته صارت تصرفاتها لا تطاق
وصلت للمشغل وهي بسرحانها قطع عليها صوت السواق وهو يقولها انه موصلو
دخلن وحاولت تكون طبيعيه قدام البنات ماتبي تكسر فرحتهن
اتفقت مع الكوفيره انها تقص شعر فاطمه مدرج وتقص له قصه طويله من قدام
وتصبغه بني فاتح وتخصله بخصل هايلات وتستشوره لها
ومنيره تصبغه بني على طلبها وتقص الشعر المتقصف وتستشوره
حصه ماتبيها تحورف بشعرها كثير طلبت من لكوفيره تقص لها شعرها من قدام ويبقى على طوله
عند جاسم
بعد ماخلص عمليته وطمن اهل المريض بنجاحها دخل مكتبه تعبان جلس على مكتبه وهو يفكر بهند فرحان اكيد امورها زانت تذكر حلمة وابتسم
دخل عليه نواف وشاف ابتسامته
نواف بحب / جعلها دوم مو يوم
جاسم بابتسامه / اذا نومتي مثل البارح بتصير دوم
نواف / والله ورى هالابتسامه سر
جاسم بتعب / لا سر ولا شي امش نطلع ذابحني الجوع والنوم
نواف / انا جايك باخذك معي بسيارتي والعصر نرجع سوى
استجاب له جاسم وطلعو من المستشفى
عند هند
بغرفتها منسدحه على السرير تفكر كيف بتقابل الناس والنفسيه دمار قررت تضغط على نفسها وتكمل مشوارها للاخر مع وليد هذي اخر ليلة بتكون وسط اهلها حتى لو مايبونها هي تموت فيهم
نزلت دموعها بحرقه على خدها موجوعه من عنادها الي بيفقدها خالها لكن فيه شي اقوى منها يمنعها تستجيب له
قامت دخلت الحمام توضت وصلت المغرب ورجعت اخذت شور ولبست فستان شيفون اسود منقط بالابيض
قربت من المرايه تمشط شعرها شافت الضربه متورمه ولونها ازرق كانت فوق الحاجب بتغطي الضربه بقصتها الطويلها
مشطت شعرها وانزلت تحت كان خالها بالصاله شافها وانعصر قلبه وجع عليها شكلها واضح عليها الحزن والهم والضيقه ووجها شاحب لكن مستحيل يتنازل
لازم ترجع لجاسم لازم لكن راسها شلون بيلين
وقف ومشى تاركها وراه وصل للباب الي يوصل لقسم الرجال وقفه صوت صراخها
هند بصراخ / احرق قلبي بصدودك ابشرك رحلتي الفجر بفكك مني
الحين بنتك صارت يتيمه صرت يتيمه مالي اهل ولا سند اهلي فضلو ولد الناس على بنتهم
عبدالرحمن كلامها سكاكين تقطع قلبه لكن مستحيل يضعف قدامها من حقه عليها تسمع كلامه جاء لازم تعرف ان يبي لها الصالح وجاسم هو الصالح الي ماينتعوض
طلع من غير لا يلتفت عليها
وهي طلعت للحوش وجلس على المرجيحه تحس انها وحيده بالدنيا لكبيره
عند غاده
بعد المغرب خلصو كانت مشغوله مع الكوفيره الي تقص لها شعرها طلعت وهي تشوف فاطمه ماعرفتها تفاجئت فيها صارت بالصبغه خيال صار جمالها جمال سوري وعلى شقار
غاده تبتسم وفي نفسها / لا والله بتنجلط الليله ياوليد
والباقيات ماتغيرن كثير
طلعت من المشغل ومعها البنات وعلى طول طلعن لقصر هند ورجع الحزن لغاده خايفه ان هند تضرب بغرفتها ولا تقابل احد
عند هند
سمعت صوت الباب تاكدت ان غاده والبنات جو حاولت تضغط على نفسها وتمثل الوناسه
قامت من المرجيحه واستقبلت غاده والبنات تحاول تتجاهل وجود غاده
هند بابتسامه بالصعوبه قدرت ترسمها / بشرو يابنات وش سويتو
كشفن البنات على شعرهن انبهرت كثيرررررر بفاطمه والحين رهانها فيها كسبان متاكد بتعجب وليد وبتخيب ضنونه فيها
هند بصدق / بسم الله عليك فطوم اقري على نفسك طالعه خيال
فاطمه وجهها حمر / تسلمين
منيره بغيره / شكل المدح اخذته كله فاطمه
غاده ساكته منقهره من تجاهل هند لها وموجوعه على هند الي ضاغطه على نفسها وبالعه وجعها وتبتسم
هند بابتسامه / تهبلون كلكم
اتفضلو داخل تعدلو قبل لا يجون الناس
دخلت غاده ولحقنها البنات
وهن رجعت جلست على المرجيحه مالها خلق تقابل خالتها وام بسام بتسكر الموضوع ماتبيهم يفتحون لها المواجع تبي تجلس معهم مع الكل
سمعت خطوات كان اخوها خالد طالعته بنص عين ولا كلمته
هند ببرود / ياليت تريح نفسك من الكلام الي بتقوله وتروح عند الرياجيل
خالد بعصبيه / شلون تقررين تسافرين من غير لا تقولين يمكن عندي ارتباطات ماقدر اروح معك
هند بعصبيه / مالك شغل فيني ومن قال ابيك تروح معي انا خلاص بعيش وحيده
خالد بعصبيه / شكلك انجنيتي رسمي
هند بقهر ووجع / ياليت تتركني وترجع محل ماجيت مالي خلقك ياخالد الي فيني كافيني وزود لا تكمل علي
خالد بحنان وحزن / ليه كل هالعذاب والله مايستاهل تسوين بعمرك هالشي
هند بسخريه / تبيني انبسط وخالي وخواني فضلو الغريب علي لا ويفرحتي فيكم بتذلوني وتعزمونه علي بتكسرون كرامتي مافكرتو فيني جاسم لو ابيه مازوجته هنديانا وتطلقت منها جاين ترخصوني له سلامتكم والله مايصير وانا حيه اذا مت سلموه جثتي يحنطها ببيته علشان يرضى خالي
خالد كلامها كبير عليها ماعنده رد لها تركها وهو موجع من حالها تاكد انها تحتاج لدكتور نفسي
رجعت للمرجيحه وانسدحت عليها وصارت اطالع بالسماء وتدعي ربي يمضي الليله على خير
جتها ريتا / هند اهل وليد فيه يجي
هند / ريتا جهزي اغراضي واغراضك وقولي لعمران يتجهز بنسافر الفجر
ريتا / حاضر
اخذت نفس عميق ودخلت وهي تبتسم ببراعه
قربت من ام وليد وحضنتها / ياهلا فيكم الساعه المباركه الي شفناكم فيها
ام وليد / الله يبارك بعمرك
قربت من خالتها ام بسام وباستها على راسها ام بسام موجوعه على هند عارفه انه تمثل
هند بابتسامه / شلونك خالتي مابغيتو تجون
ام بسام / البركه بغلا
قربت من سمر وحضنتها / شلونك سموره
سمر بحب / بخير بشري عنك
هند / الحمدلله بخير
دخلو خوات مطلق مع غاده سلمو على بعض وجلسن
هند / هذي سمر اخت وليد وهذي خالتي ام وليد وتاشر على فاطمه هذي فاطمه والي جنبها منيره والصغيرهن حصه
دخلت نوره ومعها ام مطلق قربت هند وباست راس ام مطلق / وهذي خالتي ام مطلق
وياخاله هذي ام وليد وخته سمر
هند طالعت بام وليد / وينهم باقي البنات
ام وليد / تعبانات ويعتذرن منك
نوره عيونها مانزلت من على هند حزينه عليها متاكده انها موجوعه لكن ماتبي احد يكشف وجعها
جلست هند جنب ام مطلق
هند بصوت واطي / خاله شفتي البنت هذي الي اخترتها زوجه لمطلق
ام مطلق من دخلت والبنت عاجبتها وحبتها فيها شي طبيعي يخليك غصب عنك تحبها
ام مطلق بفرح / ونعم الاختيار والله انها عاجبتني من اول مادخلت
هند بابتسامه / الحمد لله ذوقي اعجبك
قامت هند وهي ناويه ادور طريقه لوليد يشوف فاطمه من غير لا تكشفها
طالعت بغاده واشرت بعيونها من غير لا حد ينتبه
غاده كلمت فاطمه بينها وبين نفسها
غاده / فطوم وش رايك نطلع بالحوش نسولف براحتنا
فاطمه / احسن مستحيه من الحريم
غاده / بسبقك وانتي الحقيني بطلع عند الحوش
طلعت هند ودقائق ولحقتها غاده
هند بجديه / بسرعه اطلعي معها ودوري أي حجه علشان تبقى الحالها
غاده / طيب
وهي تتكلم مع هند جتهم فاطمه
هند / فاطمه ترى المدرسات بيجون بكره من بدري ومعهم الكتب بتبداء الدرسه
فاطمه بفرح / الحمدلله بننتظرهم من الفجر
هند بابتسامه / بيجون على الساعه 10 الصباح
غاده /فطوم يله بنطلع برى
طلعت فاطمه مع غاده قريب من مجلس الرجال فيه مثل الزاويه تفصل بينهم وبين قسم الرجال
غاده / فطوم انتظرني بجيب لنا شي نشربه لا تتحركين ماصدقت اسحبك من البنات
فاطمه بابتسامه / بنتظرك وين بطير
مشت غاده وتركت فاطمه وراها واقفه متسنده على الجدار وجهها يم غاده تتبعها بنظرها
وصلت عند هن
غاده / يله تركتها واقفه بسرعه مابي اتاخر عليها وتشك بالموضوع
هند رفعت جوالها واتصلت على وليد
عند وليد
جالس مرتبك كل مادق جواله توقع انها هند خايف من الصدمه الي بيشوفها يتمنى تكون مملوحه مو لازم الجمال
سمع صوت جواله شاف رقم غريب شك انه هند طلع برى المجلس يكلم
وليد / الو
هند / وليد معك هند اطلع من المجلس لجهة الحريم ووقف ورى الزاويه البنت تنتظرك هناك لاطول كله شوفه وترجع
وليد / يله فمان الله
طلع مكان موصفت له هند شاف من بعيد بنت بنت شقرى قرب اكثر ووقف ورى الزاويه قريبه كثير من فاطمه يقدر يشوف تفاصيل ملامحها بوضوح
وليد في نفسه / لا يكون جاي بالجهه الغلط وتكون هذي وحده من ضيوفهم بس والله انها صاروخ ليكون زوجة خالد
غض النظر واستغفر الله مهما يكون
بعد من المكان واتصل على هند الي استغربت اتصاله
هند / شفتها وليد
وليد / لا يمكن جاي بمكان غلط
هند انت رحت جهة اليسار قدامك راويه بتلاقى بنت واقفه هناك
خاف يقول شاف بنت وتعصب عليه هند انه شاف زوجة اخوها
وليد / وقفت هناك ماشفت احد
هند / شلون ماشفت احد وحده شعرها اشقر
وليد ارمش بعيونه من المفاجئه / انتي متاكده انها اخت مطلق
هند بابتسامه / يعني شفتها ليش تنكر
وليد بصدمه / من جدك هذي اخت مطلق الي جايه من الديره الي قلتي لي عنها
هند / وجد الجد شكلك ماشفتها عدل لك 5 دقائق شوفها ورجع كلمني ابي رايك
سكر من هند ورجع شافها واقفة بنفس مكانها
رجع لها شاف الي قدامه جمالها خرافي ولا بالاحلام يكان توقع يتزوج بربع جمالها مستحيل ماني بمصدق ان هذي الي قالت لي عنها هند من الديره
وليد / معقوله الي قدامي من الديره ماني بمصدق انها الي قالت عنها هند من الديره والله اذا صدق امي راضيه علي
بعد واتصل على هند / حلفتك بالله الي بالحوش هي اخت مطلق
هند بابتسمه شوي تنفجر من الضحك عرفت انها عجبته
/ والله وربي البيت انها اخت مطلق وش فيك لا يكون مو عاجبتك
وليد / انا انتفض من الي شفته تقولين مو عاجبتك
هند / اذا عاجبتك الحين تخطبها من ابوها
وليد / اكيد مافيها كلام
هند / يله ارجع لمجلس الرجال بيجونها البنات
قفل من هند ودخل المجلس وجلس جنب مطلق وبالجهه الثانيه مشعل
وليد بتسرع / مطلق ابي اناسبك واخطب اختك
وش رايك فيني اذا موافق علي كلمت الحين ابوي يخطبها لي
مطلق متفاجى ومنصدم وفرحان / الي مثلك ينشرى نسبه
كنت ناوي اخطب اختك ابي قربك وسبقتني وللحين عند طلبي ترضى فيني زوج لختك
وليد / الساعه المبارك
مطلق بابتسامه / وانا الساعه المباركه
مشعل ضرب مطلق كوع / وانا ابي منيره معاد عندك عذر
مطلق / ههههههههه يوم الخطبه العالمي
قام وليد وجلس جنب ابوه وكلمه باذنه وفرح ابو وليد وتكلم بصوت جهوري
ابو وليد / يابو مطلق تراني اخطب بنتك الكبيره لولدي وليد وبكره بنجيك رسمي
ابو مطلق بفرح / الي مثل وليد لحية غانمه مايرد موافق
مشعل فز من مكانه وقرب من ابو مطلق
مشعل بابتسامه / وانا ياخالي اخطب بنتك الثاني دخيلك لا تردني
ابو مطلق بابتسامه / منيره لك يامشعل
مطلق بابتسامه / يبه اخطب لي بنت عمي ابو وليد كلن خطب مابقى غيري
ابو مطلق مبسوط والارض مو شايلته من الفرح / وش رايك ابو وليد بولدي مطلق والله انه يخاف ربه وحنون وبار فيني
ابو وليد / موافقين احنا نشتري رجال ومثل مطلق مايرد
عند فاطمه
جتها غاده ومعها الشغاله تشيل بعض الفطائر والشاهي
جلست على الزرع ومعها فاطمه يسولفن وغداه متشوقه تعرف وش صار وش ردت فعل وليد يوم شافها لكن ماتبي تسال هند بعد الي صار بينهم
في مجلس الحريم
هند كانت جنب ام هنديانا سوالف وتسالها عن هنديانا وقالت بكره بتجي خلاص معاد تقدر تستمر بالجلسه
وقفت وبصوتها عالي / السموحه بطله اجهز نفسي بسافر بريطانيا وبستقر هناك بيحوني وحللوني اذا جاكم قصور مني
ام مطلق / مامنك يجي اقصور الله يبيض وجهك ويسهل دربك
نوره جالسه جنب ام بسام وطول وقتها تسرق النظرات لهند الي واضح انها مهمومه سرحانه متضايقه قلبها يوجعها على هند لكن عجزت فيهم كلن راكب راسه وكل واحد مستحيل يلين
يوم سمعت هند تعلن سفرها نزلت راسها ونزلت دموعها وام بسام ضغطت على يدها تبي تهديها ماتبي احد يشك ان صاير بينهم شي وهذا سبب سفرها
طلعت هند وهي مخنوقه وصلت لغرفتها قفلتها ورمت نفسها على السرير وصارت تبكي من قلب نامت بوجع
تحت
بعد مانسحبت هند من الجلسه جلس شوي نوره ماقدرت تصبر قامت طلعت فوق وصلت لغرفة هند شافت الباب مقفل
انزلت تحت ماتبي اطول على ضيوفها
جلست وهو ماتدري وش يقولون تعشو ورجعو سوالف وبعد كلهم راحو بيوتهم
طلعت ام بسام مع غلاء للملحلق ماتبي تضايق نوره غاده متضايقه من الصباح وهند حاقرتها ماتبيها تسافر وهي زعلانه منها
طلعت نوره لصاله جلست مالها خلق تشوف عبدالرحمن ماتضمن نفسها لشافته وش تسوي تخاف تنفجر فيه
عند الرجال
طول العزيمه وعبدالرحمن متضايق يحاول يجبر نفسه على السوالف ومجاملة ضيوفه
ابو بسام احيا المجلس بسوالفه مايبي احد ينتبه او يشك ان عبدالرحمن فيه شي
خالد طول العزيمه ساكت وسرحان استغربو منه الشباب
وليد / خالد عسى ماشر اليوم من بطبيعي
خالد / تعبان شوي كانت فيني حراره واخذت خافض وشكلي بعده كسلت
مطلق / سلامتك ماتشوف شر
عند نوره
في الصاله سرحانه ودموعها على خدذا ماتقوى على بعد هند قررت اذا راحت بتروح معها يمكن سفرها يغير من رايه
دخل محمد وعدنان الصاله وعبد الرحمن طلع فوق من غير لا يتكلم وعدنان طلع لغرفته
محمد شاف امه توجع عليها يعرف انها متعلقه في هند كثير
قرب منها وجلس جنبها
محمد بحنان / يمه وسعي خاطرك مو اول مره هند تسافر
نوره بحزن / هذي السفره غير مسافره زعلانه وموجوعه ماضنتي بشوفها رجعه السعوديه والبركه بابوك
محمد بحنان / يمه ارحمي ابوي لا تضغطين عليه والله يالغاليه ابوي موجوع على سفرها اكثر منك لكن انتي تعرفين ابوي اكثر منا
نوره بقهر/ وهذا الي قاهرني ليش يعذب نفسه ويعذبنا
محمد بحب / يمه انتي تعبانه اطلعي فوق لغرفتك نامي
نوره بحزن / من يجيه النوم
محمد / بيجيك ان شاء الله
وقف امه معه وطلع معها على الدرج وصلت لغرفتها ودخلت انسدحت على طرف السرير وصارت تبكي بونين تخفيه عن عبدالرحمن الي كان يسمها وهو موجوع لكن تظاهر بنوم
عند خالد
خالد دخل عند غاده الي متسنده على السرير واضح عليه الهم والحزن متاكد ان السالفه وراها هند
قرب منها / وش فيك متضايقه
غاده بكت / هند من الصباح حاقرتني ولا تكلمني
خالد بحزن موجع / هند شانه حرب على الكل ماتكلم احد
صارت غاده تبكي / مابيها تسافر زعلانه مني
خالد بيطمنها / مصيرها بترضى لبعدت عنا بتفقدنا متاكد كلها يومين وراجعه عندنا تستسمح من ابوي
غاده / ياليت
خالد / نامي وارتاح لا تفكرين فيها
دخل بسريره ونام
في بيت ابو مطلق
مطلق وابوه كانو بالصاله فرحانين والارض مو شايلتهم من الساعده واخيرا فاطمه انخطبت خافو تبقى طول العمر بدون زواج وابو مطلق ماينام ليله شايل همها
دخلن البنات وامهن الصاله شافن مطلق وابو جالسين
البنات جلسن مقابل لابوهم مستغربات انه صاحي مو عوايده يسهر ينتظرهن اكيد وراه سالفه كبيره
وام مطلق دخلت غرفتها تنزل عبايتها ودقائق دخلت عليهم وجلست جنب شايبها
مطلق بحب وبابتسامه / ابوي ينتظركم بيقول لكم موضوع مهم
ابو مطلق / اليوم جاني خاطب لفاطمه وعطيته
فاطمه انعصر قلبها خافت ان ابوها بيزوجها لشايب بعد مافقد الامل ان يجيها شباب
نزلت عيونها وهي تحس ب نفسها حمل ثقل على ابوها
مطلق لاحظ الحزن الي ارسم فجئة على وجه اخته
كمل مطلق / الي جاء فاطمه لولا الحياء كان خطبته لها رجال كامل والكامل وجه الله
حست بغصه بحلقها
كمل / وليد رجال والنعم فيه مصلي خايف ربه ووظيف وراتب زين مايعيبه شي
اليوم كلم ابوي يخطبك منه لو رفضتي محد جابرك
تفاجئت فاطمه ماتوقعت صديق اخوها الي متعلم ودارس برى يفكر في وحده مثلها
ابو مطلق بحنان / طيعيني يابنتي والله لو شايف فيه شي يعيبه رفضته اول ماخطب
فاطمه / الي تشوفه يالغالي
ابو مطلق بفرح / جعله مبارك ان شاء الله
ام مطلق دمعت عيونها
مطلق بابتسامه / خلصنا من فاطمه باقي منيره
منيره خافت / انا مابي اتزوج الحين
مطلق بابتسامه / مشعل خطبك من ابوي يمكن ينجلط لرفضناه
منيره فرحت تاكدت انه مانساها من ايام الطفوله
منيره بحياء / الي تشوفونه
حصه بابتسامه / اكيد جاء دوري
ام مطلق / يالي ماتستحين متصربعه على الزواج لاحقه على الغثاء
مطلق / لا الحين دوري ابوي خطب لي اخت وليد
ام مطلق / وانا اشهد انك عرفت تختار شفتها اليوم وربي من نظره وحده حبيتها ودخلت قلبي وامها حرمتن اجوديه
مطلق بابتسامه / مزيونه
ام مطلق / كلها ملح وقبله
ابو مطلق وقف / ترى اهل وليد بيجون يخطبون فاطمه بكره خليكم مستعدات
ام مطلق وقفت / ان شاء الله
طلعو وتركو البنات مبسوطات
حصه / اخيرا بيجي عندنا زواجات
مطلق طالع بخواته
مطلق بحنا ن / فاطمه انتي ومنيره اذا ماتبن وليد ومشعل مراح نجبركم
جاوبته فاطمه بابتسامه خجوله ومنيره هزت راسها بالموافقه
عند هند
فتحت عيونها اخذت جوالها وطالعت بالساعه 2 بالليل قامت دخلت الحمام اخذت شور ولبست بنطلون جنز وبلوزه طويله
تاكدت ان اغراضها كلها بشناط وان ريتا مانست شي بعد ماتاكدت لبست عبايتها وطلعت من غرفتها
وصلت لغرفة خالها متردد تطق ولا ما تطق ماتقدر تسافر من غير لا تودعه
طقت طقات خفيفه
كانت نوره دخل صاحيه جافاها النو وعبدالرحمن يمثل النوم
قامت فتحت الباب شافت هند بعبايتها اوجعها قلبها
هند بحزن / خاله بدخل اودع خالي
فتحت لها نوره الباب بوسعه دخلت هند شافت خالها معرضها ظهره ونايم
ركبت على السرير وقربت منه وسلمت على راسه وشمت شعره بحب
هند بوجع / سامحني ياخالي ماقدر اسوي الي تبيه ماقدرت اسافر قبل ودعك
عبدالرحمن موجوع لكن تظاهر بالنوم مايبي يضعف عندها
سلمت على خده بعمق ودموعها خانتها ونزلت بغزاره غرقت خد خالها رفعت نفسها
خالي اشم فيك ريحة امي الي انحرمت منها وشكل الدنيا بتحكم علي بالحرمان تاكد ياخالي ان الفرحه والسعاده فارقتني من بعد امي والحين كملت بزعلك علي
رجعت مره ثانيه ودفنت وجهها بشعر خاله وصارت تشمه
عبدالرحمن دموعه خانته ونزلت وصار يعض يده بقوة مايبي يطلع صوت وتكشف هند انه يبكي ومتاثر انها بتتركه
موجوع من قسوة قلبه ليه مايلين لها ويرضخ للي تبيه ليه مصر يعذب نفسه ويعذبها والا السالفه تحدي من الي تمشي كلمته
مستمره دافنه وجهها بشعر خالها وهي تبكي بوجع وبصمت
رفعت نفسها ووقفت / خالي طالبتك ادع علي بالموت يمكن ربك يجيب دعوتك حياتي انتهت من بعد زعلك علي
نوره مقهوره من قسوة زوجها الي ماوجعه ضعف هند
قرت من خالتها الي تبكي بوجع / خالتي امانتك خالي لا تزعلينه تراه روح هند بين يدينك
حرمني منه ياخاله وصارت تبكي بشاهق موجع
نوره ضمتها بقوه وهند تنتفض بصدرها
رفعت نفسها من حضن خالتها والتفتت على خالها التفاته وداعيه
وطلعت ولحقتها نور سكرت الباب بقوة
عبدالرحمن عدل جلسته وصار يبكي وجع وقهر نفسه يقوم ويلحقها ويمنعها انها تسافر
لكن استمر بنحيبه الموجع
عند هند
وصلت لصاله سمعت صوت خالتها وراها
نوره وهي تبكي / هند لا تضيقين خاطرك لا تخليني احاتك وانتي طالعه من عندي موجوعه كلها كم يوم ولاحقتك
هند / لا والله ماتتركين خالي وتلحقيني اذا تحبيني لا تزعلين خالي متاكده انه مووجع اكثر مني
طلعت لقت السواق وريتا ينتظرونها وصلت لسياره والقت نظره ودعيه لقصرها وطلعت
ركبت السياره وصلو للمطار
ركبو طيارتهم وطارت طيارة هند الي بتوصل بعد 7 ساعات لبريطانيا سمحت لدموعها بنزول
توقعاتكم
نسايم نجد
|
07-01-11, 06:35 AM
جديد مواضيع قسم القصص المكتمله من وحي قلم الاعضاء
العرض العادي
