كاتب الموضوع :
نسايم نجد
المنتدى :
القصص المكتمله من وحي قلم الاعضاء
اشكر الجميع على تواجدهم واشكركم ردودهم الحلوه اسفه اني تاخرت بنزول البارت بارت اليوم بارت دسم المفروض يكون بكره اول بارتات النهايه لكن هذا البارت له جزئية صغيره بكملها بكره اذا جاء وقت عندي بكره نزلت 2 بارت ( ماوعدتكم قلت اذا جت فرصه على حسب ظروفي )
قراءه ممتعه مع بارت اليوم
البارت الثاني والستون
عند جاسم
من بعد مطلع من عنده عبد الرحمن بنفس جلسته ماتحرك مهموم متضايق حاط يده على خده موجوع
كان يتمنى عبد الرحمن جاي بدري قبل لا يطلقها ومبارك له زواجه منها تمنى وتمنى
جاسم في نفسه بوجع / لكن وش عقبه جاي ياعبدالرحمن جاي بعد مانوجعت وجع عمري كله بعد مانقهرت بعد مانكسرت يامرارتها قهر الرجال
وينك يوم تذلني وتخدعني وانت مبسوط بزواجي من خدامتكم وينها كانت كرامتي دستوها برجولكم دموع الرجال غاليه وانت سبب نزولها
مافكرت فيني وانت كاشف عشقي ومقربها مني باسم زواج محرم وماخذ علي حلوف ومواثيق اني ماتجاوزها
شلون طاوعك قلبك تحلفني بالقران على دفن رجولتي قدام بنتكم اجرمت بحقي ياعبدالرحمن اجرمت
دخل عليه نواف منصدم من شكل جاسم واضح انه متضايق ودموع متحجره بعيونه
نواف بخوف قرب منه
نواف / جاسم
جاسم مستمر بسرحانه وتفكيره الموجع عاش بعالم الوجع والقهر والمراره
كل شريط اوجاعه بسبتها وسبب خالها يمر قدام عينه
قرب منه نواف وهزه / جاسم وش فيك وش قالب حالك
جاسم صحى / من متى انت هنا
نواف بجديه / اكلمك منت معي وش الي مضايقك وتفكر فيه
جاسم بوجع / عبدالرحمن زارني لمكتبي وياليته مازارني زيارته جايه متاخره بوقت غلط
نواف مستغرب / وش جابه وملكة ولده الليلة
جاسم بابتسامه وجع / جاي مقهور وندمان من الي سواه فيني
نواف مستغرب / عمي عبدالرحمن
جاسم بحزن / ايه قلب علي مواجعي وفتح اجروحي وطلع
نواف / ترى الدوام انتهى تعال معي
جاسم بتعب / والله مالي خلق لنفسي حتى كرسيي مالي خلق اقوم منه
نواف سحبه بيده / مو على كيفك تبين اشوفك كذا واتركك بتجي معي وبتنام بعد عندي
في بريطانيا
عند غاده
اليوم اجازه بابريطانيا
من الصباح وهي تحاول تتصل بمحمد تبارك له ملكته لكن الاتصال يفشل مقهوره ان الخط ماشبك معها طلعت بتسال فهد اتصل بمحمد او لا
طلعت لصاله شافته جالس سرحان
عند فهد
صورة رفيق عمره قدامه وهو يشكي وجع حبه لاخته وهو مابيده حيله ماينجبر قلب على قلب
خايف تتاثر دراسة صلاح بسبب اخته
جلست واخوها بسرحان
غاده بحب / فهووووود وش فيك شايل الدنيا على راسك
فهد طالع فيها بنظره احرقتها ورجع طالع قدامه وهو مقهور منها بايعه الي شاريها وشاريه الي بايعها
استغربت نظرته اكيد ورى هنظره شي
غاده بعصبيه / ممكن تقولي سبب نظرتك هذي
فهد حاول يمسك اعصابه / خليني ساكت اذا تكلمت مو من صالحك
غاده بنفس العصبيه / تكلم ليه تسكت
فهد انفجر فيها / ابي افهم ياغاده لمتى تعيشين حياتك مسببه الاوجاع لناس مالهم ذنب الا انهم حبوك وبسبب تصرفاتك اكرهوك وبعدها عضيتي يدك ندم وجلستي تتبكبكين اختصريها من البدايه وحبي الي يحبك قبل لا يضيع منك
غاده منصدومه فمها وعيونها مفتوحه على الاخر منصدمه من انفجار فهد الي ماله مبرر ردت على اخوها بدموع وجع احرقت خدودها انقلبت الدموك لبكاء يوجع
فهد انتبه على نفسه وطالع فيها ونصدم من شكلها ودموعها مغرقتها عرف انه جرحها ووجعها بجروحها لكن من قهره الي قاله
سحبها وضمها بقوه بحزن / غاده والله من خوفي عليك قلت هالكلام
ياروح فهد موجوع من حالك وانتي موجوعه كل ليله اسمع شهقاتك الي توجعني على حب مافيه امل من رجوعه
صارت تشاهق بصدر اخوها الي صار يضمها بقووووه
كمل بحنان / ابكي وابكي يمكن دموعك تعالج جروحك وتبترين حبه من قلبك
رفعت راسها من صدره وصارت تضربه على صدره
عند صلاح
من الصباح ماطلع من شقته ماله وجه يقابل فيه فهد بعد مافضح مشاعره قدامه
قرر يطلع من الشقه يغير جو وتفاجئ يسمع الصراخ غصب عنه وقف وهو يسمع الكلام بوضوح انصدم من صراخ غاده الي واضح انها تبكي بوجع
عند غاده وفهد
غاده بوجع بصراخ / ليه توجعني بكلامك ليه اذا انت ياخوي تقول هالكلام اجل غيرك وش يقول
انا عايشه علشان اسبب اوجاع للي يحبوني وصارت تشاهق انا موجوعه فووووووق ما تتصور هو دخل حياتي بينتقم من ماماتي هو قالها لي وش ذنبي قولي وش ذنبي
مو ذني انه تزوجني بلوي ذراع كاني انسانه على الهامش مالي حق اختيار زوجي
هو تحداني واوجعني كثير انا مالي شغل بنتقام مامتي فيهم انا ماكنت ادري من البدايه عن فعايل راشد ولا كنت ادري ان عندي عيال عم بينتقمون من امي فيني
ولد عمي ظهر بحياتي علشان ينهي لي حياتي
حصل الي يبه الحين عايشه ميته بلا روح
وصارت تبكي بوجع / حبيته بعد ماتركته وانحشت
ربي انتقم مني انه سكن روحي وامتلكها وهو ولا هو داري كل خليه فيني تصرح بحبه
اقولها بصوتي كله احب فيصل واموت فيه لكن وش الفايده حبه سم يمشي بدمي بيموتني
عند صلاح
سمع الكلام بوجع نزل مثل الصاعقه عليه لعن الساعه الي طلع فيها من شقته ولعن وقفته وسماعه للكلام مع كل كلمه واعتراف منها بحبها المجنون لفيصل خناجر مسمومه تنغرس بقلبه مووووووجع مقهووور خلاص انذبح
حس بثقل برجوله من قو الكلام الي سمعه سحب نفسه بالغصب ودخل شقته ورمى نفس بوجع على الكنبه وكانه منسدح على شوك
عند فهد وغاده
طول الوقت ساكت ينتظرها تفضي الي بقلبها يبيها ترتاح
وهو يستمع لها موجوع ذبحته دموع الوجع والقهر الي يشوفها
فهد بصوت مبحوح وندم / خلاص انا اسف اني اوجعتك بكلام وهذاني اوعدك ماجيب لك سيره بالموضوع
غاده مسحت دموعه بيدها تحس حلقها يوجعها من الصرخ وعيونها تحرقها من كثرة دموعها
غاده وقفت بحزن / بدخل غرفتي انام
فهد بحب / والله ماتركك تنامين وهذي حالتك
غاده بابتسامه قهر / عادي تعودت
فهد سحبها وجلسها جنبه / انا الحين سبب الي فيك اذا لي خاطر البسي بنطلع نغير جو انا مخنوق واكيد انتي اكثر
استجابت لكلام اخوها ودخلت غرفتها ولبست بنطلون وبلوه طويله وفوفه بالطو ولبست حجابها وطلعت مع اخوها
عند صلاح
منسدح على الكنبه مووووجوع لاقصى درجات الوجع سمع صوت باب الشقه وسمع بعض الهمس بينهم وهو بحالته نام على الكنبه
في الرياض
بيت نواف
دخل نواف مع جاسم واستقبلتهم الجوهره بيدها بنتها قربت من جاسم وباسته على راسه وهو اخذ منها فرح
جاسم بحب / شلونك وشلونها حبيبة خالها
الجوهره / كلنا بخير بشر عنك وعن امي وجداتي
جاسم بحب / كلنا بخير
جاسم مستمر يبوس بفرح بحب وحنان ويلاعبها
نواف / جهزتي العشاء وغرفة الضيوف
الجوهره / ايه
اطلعت من عندهم دخلت المطبخ
جاسم بجديه / بطلع لبيتنا وش ينومني عندكم
نواف باصرار / غصب عنك بتنام عندنا
جاسم باصرار / ان شاء الله مانام الا بسريري
نادتهم الجوهره للعشاء
قام جاسم وهو شايل فرح رفض لا يعطيها ابوها جلس على الطاوله ياكل وهي بحضنه
الجوهره مدت يدها بتاخذ بنتها منه تبيه ياكل براحته لكنه رفض مشتاق لها ويحبها بيعوض فيها ابوته الي مستحيل تصير مايبيهم اذا هند مو امهم
اكل كم لقمه وقام منسده نفسه من بعد مقابلة عبدالرحمن
نواف مايبه يرجع لبيتهم مايبه يختلي بنفسه ويقلب عليه المواجع
لحقه نواف / حلفت عليك تنام عندي
جاسم فاهم صديقه وكاشفه لكنه ماحب يبين له / بس الليله لكن من الحين اقوله باذن ربك بكره نومي بسريري
نواف بابتسامه / يها السرير الي غاثني فيه لو تبي جبته عندنا
جاسم دخل الصاله وجلس فيها ونواف رجع يكمل عشاه
انسدح على الكنبه ومن التعب نام بمكانه
طلعت الجوهره بتدخل المطبخ شافته نايم على الكنبه و غاط بنومته ماحبت تنكد دخلت غرفة الضيوف جابت له مخده وشرشف
قربت منه وبهدوء رفعت راسه وحطت المخده تحته وغطته بالشرشف وقفلت نور الصاله
ورجعت لنواف الي جالس ياكل
الجوهره بحب/ ياقلبي عليه شكله منهد نام بالصاله
نواف / طفيتي عليه النور
الجوهره / ايه ولحفته ولا حس فيني
نواف بابتسامه / من الفجر صاحي وسفر زين مانام واقف
في الطائف
عند غاده
خوات مطلق عندها غاده غصبت على ام مطلق ترتاح دخلتها غرفها واتركتها ترتاح
وهي رجعت وانسدحت على الكنبه وحولينها البنات سوالف وضحك
تقربت غاده من البنات كثير وتقربن منها اكثر
غاده بحب / فطوم وش رايك بكره نطلع مشغل نحورف باشكالنا قبل الحفله
فاطمه باستغراب / وش بنسو
غاده / مدري شكلي بقصه ماقدر اصبغ اخاف يضر بحملي
منيره بحماس / انا طول عمري احلم اصبغ شعري بني
فاطمه / انا احب طول شعري
غاده تتامل بفاطمه شعرها طويل لتحت ظهرها طول واحد
غاده / وش رايك تقصين شعرك مدرج وتقصين لك قذلة من قدام وتصبغينه بني فاتح بخصل بلاتيني
فاطمه وهي تفكر / مدري اخاف مايطلع علي حلو واول مره اصبغ اخاف اطلع كاني عجوز مشهبه
غاده / ههههههههههه حلوة عجوز مشهبه
عندي احساس بتطلعين صاروخ
حصة / صاااروخ وشو
غاده / هههههههههه ياحبي لك حصيص هذي الكلمة تنقال رمز للجمال الصاااارخ
منيره بزعل / كانكم ناسيني وش اسوي بشوشتي
غاده تاملت شعرها طويل ومن تحت متقصف كثيرر
غاده بابتسامه / انتي شكلك بنحلقك على هالشعر الخربان
حصة / ههههههههههه متخيله شكلك منيره محلقته عزاله ماحط بمطالعك
منيره بعصبيه / اقول انثبري وسكتي
غاده بحب / ههههههه منور زعلت يالخبله مو حلاقه اقصد بنشيل الشعر المتكسر
علشان لصبغتيه الصبغه الي تبينها مينتفش زود فهمتي يحلو
حصه / ما شاء الله مخططين يمكن امي ماترضى
غاده / أي والله فاتتنا ام مطلق شلون بنقنعها
منيره بحزن / ماضنتي بترضى نحوس بشعرنا
غاده بابتسامه / لها حلالة المشاكل المستعصيه
البنات مستغربات واضح على وجيهم الاستفاهم
فاطمه بستغراب / من الي بتقنع امي وبتسمع منها
غاده بحب / هنوده فديتها اذا حطت شي ببالها يصير وهذي سهله عليها
منيره / اجل هند عليك
غاده بحب / ازهلوها
فاطمه بتسال/ الي ودي اعرفه ليش هند مطوله شعرها بهالطول
غاده / شعرها سالفته سالفه حزينه مابي نضيق صدورنا
منيره بحماس / طالبتك تقولين
غاده باستسلاام حبت تختصر السالفه من غير لاتفضح هند عندهم
كملت غاده / ام هند كانت تحب الشعر الطويل مهتمه كثير بشعرها كان طويل بزياده لكن اقصر من شعر بنتها
مره راحت لمشغل واحرقوه لها وقصته لين اكتوفها ومن بعده وقف ماطال تقول الي قصته يدها مسمومه
حاولت انه يطول لكن مافي امل وقبل لا تموت كاتبة وصيتها بورقه امنتها على اختها غاده وامنتها اذا تحبها تطول شعرها
وهند متعلقه بامها كثيرر وتحبها بجنون علشان كذا مطوله شعرها تقصقص فيه على خفيف لكن على طوله
فاطمه بحزن / كم كان عمرها يوم ماتت امها
غاده بحزن / يوم كانت عمرها سبع انجلطت امها وانشلت وماتت وعمره هند 10 سنوات
منيره بجديه / احس بعيونها حزن
غاده بحزن / كانت متعلقه كثير بامها يوم ماتت انهارت وتعبت وصارت تتعلق بشغلات امها صارت لتضايفت حطت راسها على كرسي امها كانها بحضنها واذا نامت شمت ثوب امها الي منزلته قبل لا تموت رفضت احد يغسله اذا فيه حفلة امهات تحط ثوب امها بشنطتها كانها حاضره معها يوم تستلم شهادات التخرج الثوب بيد والشهاده بيد للحين موجود باغراضها
وكملت عليها مسئولية غاده لانها تحملت تربيه غاده وهي عمرها سبع سنوات يوم امها انجلطت رفضت احد يمسكها كانت تطلب من غاده ما تناديها الا بماما سافرت برى واخذتها معها
البنات موجوعات على هند معقوله ورى هالقوة معاناة
كانو يحسدونها على قوتها وغناها مادرو انها محرومه من اهم شي ومستحيل يتعوض فقدانها لامها
البنات مندمجات مع غاده محد حس بوجود ام مطلق الي واقفه سمعت كلام غاده وصارت دموعها تنزل اوجعها قلبها على هند وعلى معناتها هي سمعت مره من ام راشد ان ولدها ماقال لهم ان عنده بنات الا متاخر وانه طلق امهم وعايشات عند خالهم
ارجعت للغرفه الي كانت فيها ماتبي احد يشوف دموعها
وهم يسولفن دخلت عليهم هند وخالتها سمعن الخطوات التفتن
قربت منهم هند وخالتها وراها
هند / السلام
البنات / وعليكم السلام
قربت نوره وقفن لها البنات وباسن راسهن مستغربات من تكون هذي
هند حطت يدها ورى ظهر خالتي / هذي خالتي نوره الي صدعت روسكم عنها
انصدمن من شكل نوره الي يشوفها يقول اخت لهند
نوره/ وش اخباركم يابنات وينها امكم
فاطمه / الحمدلله
وقفت غاده وباست راس خالتها
غاده / من اليوم جالسه وقلت لها ترتاح
هند مبتسمه / انتي يالبطه ماشوفك الا منسدحه
غاده بابتسامه / خالتي سكتيها ولا بسكتها بطريقتي
نوره بابتسامه / بكفيكم لو تذابحن ماتدخلت
غاده بحب / مبروك ملكة محمد
نوره بفرح / الله يبارك فيك
هند بابتسامه / طلعتي قديمه وانحرقت كرتك
نوره / ههههههههه خفي على غاده لا تولد علينا الليله
غاده سحبت خالتها وجلستها جنبها بابتسامه / خالتي هلي الشريط كله مابي اختصار
هند بابتسامه / مووووتي محد بقايل لك خالتي تعبانه
غاده تستضعف لخالتها / خالتي يرضيك يطلع بولد اولدك وحمه على وجهه بسبب ان امه تبيكم تقول لها الي صار
هند / هههههههههه ليكون نشوف صورة الطقاقة بوجه ولدك
نوره / هههههههههههههههه كله ولا ولد خالد بكره اقولك
غاده بغيره / خالتي حنان حلوة وش كانت لابسه
هند / ههههههه بدت الغيره حنان بزر يالعجوز
غاده بعصبيه / عجوز تتوطا بطنك
نوره ماتقدر تمسك نفسها من الضحك
نوره / ههههههههههه تذابحن بعيد بغرفة لحالكم طيرتو قلوب البنات
غاده التفتت للبنات كاتمات ضحكتهن
غاده بمزح / انتبهن لا تشرقن بالضحكه طلعنها
البنات ضحكن بخجل
ام مطلق قامت غسلت وجهها من سمعت معاناة هند وهي مستمره بالبكي
طلعت لصاله الكل التفت لها وقفت هند وخالتها بحترام باسو راسها
نوره / منوره يام مطلق
ام مطلق / منور باهله مبروك زواج ولدك
نوره بابتسامه / الله يبارك فيك وعقبال مطلق
ام مطلق / الله يسمع منك
طالعت ام مطلق هند بحنان وقلبها منفطر عليها
ام مطلق بحنان / مبروك ملكة اخوك
هند بابتسامه / الله يبارك فيك ياخاله
ام مطلق طالعت ببناتها / يله يابنات مشينا
هند سبقت خالتها وتكلمت / وش دعوه ياخاله ندخل تطلعون بنجلس شوي
ام مطلق بصدق / والله يابنتي تعبانه ووقت نومي راح
نوره / ترى هذي مانعتبرها زياره توعيدني قبل لا تطلعين بكره تكونين موجده ونضيفك
ام مطلق / جعلك سالمه هند ماقصرت
نوره بجديه / انتي قلتيها هند ولك حق علي اضيفك واقدر جيراني قبل ضيوفي
ام مطلق بتعب / بكره ان شاء الله بنجيك
هند بجديه / زين على الاقل نعزم اهل وليد خاله لا تنسينهم ا كيد انهم الليله في بيتهم لان بكره دوامهم بالشركه
وقفن البنات ولحقتهن غاده عطتهن عبايتهن لبسنها وطلعن
في بيت مطلق
جالس بالصاله مستغرب من الظهر ماشاف امه وخواته
سمع صوت الباب يفتح فز من الكنبه
شاف امه وخواته داخلات
ام مطلق بتعب / وينه ابوك ليش جالس لحالك
مطلق بابتسامه / نسيتي ان ابوي ينام بدري
ام مطلق بحزن / تعشى
مطلق ملاحظ الحزن على امه / ايه مسك يد امه يمه حلفتك تقولين من مضايقك ومكدر خاطرك
ام مطلق انفرطت بالبكي البنات تفاجئن ماصار شي يضايق امهن وغاده طول يومها حاطتها على راسها وامهم مبسوطه تسولف معها وش صار يجهلنه
قربت فاطمه من امها ونزلت برقع امها ومسحت دموعها
فاطمه بحب وحنان / يمه ليش تبكين وانتي كنتي مبسوطه وش الي مكدرك اذا ماتبينا نروح لهند والله مانتحرك من بيتنا كله ولا تبكين
ام مطلق جلست على الكنبه ام مطلق / سمعت كلام غاده عن هند
البنات يعرفن امهن قلبها رهيف ودمعتها قريبه
مطلق من غير صبر وبعصبيه / وش كلامه الي يخلي ادموع ام مطلق تنزل
ام مطلق بحزن / الظلم يمك يهد جبال وشلون بنيه صغيره
مطلق مستغرب ينتظر امه تكلم / كملي يمه
هند / راشد تزوج موضي وطلق ام بناته ورماهن ورى ظهره ماخاف من ربه وصارت تبكي
مطلق / يمه والي يعافيك لاتحرقين قلبي بدموعك
كملت ام مطلق / الدنيا احرقتها هالضعيفه انحرمت من امها بموتها وانحرمت من ابوها وهو عايش يقسوة الدنيا لكن ربي سخر لها خالها وخالتها ولا كان ضاعت
مطلق على راسه علامة استفهام كبيره
فاطمه جلست جنب امها / والله ماتوقعنا انها تعاني هالكثر وقلت لمطلق معاناة هند من غير لا تقول اسمها
مطلق حنون اوجعه قلبها
مطلق بعدم صبر / منهي البنيه الي تتكلمون عنها
منيره / هند الفهد
انصعق مطلق معقوله الي بقوتها وشخصيتها تكون مرت بهالمعاناه هو المرتين الي شافهم فيها لحزن مرسوم بوجهها وبالشركه جديه
لو بكيفه ضمها لخواته وعوضها حرمانها من امها
تذكر وهي تصارخ لما قرت خبر وفاتها وهي تسب وتلعن بجاسم وانه طمعان فيها
حسها موجوعه من شي كبيررررررر اكبر من الي قرته
مطلق بحزن / الله يكون بعونها الام فقدانها صعب للكبير شلون لصغير
ام مطلق وهي تمسح دموعها / انا بدخل غرفتي ارتاح
مطلق بحنان / يالغاليه لا تنامين وانتي متضايقه
ام مطلق / ان شاء الله يمه انت نام وراك دوام بكره
تركتهم ودخلت غرفتها والبنات بالصاله جالسات
مطلق بابتسامه / وينكم من الظهر
منيره / عن غاده زوجة خالد
فاطمه / الادميه هذي ودك تاكلها من طيبتها واخلاقها وتوسع الصدر ماتنمل جلستها وسوالفها معنا كانها تعرفنا من زمان
مطلق تذكر خالد / الطيبون لطيبات نفس زوجها وربي شايل هم لرجع لرياض تعودت عليه وصاير اخو
وقفت فاطمه والبنات / بنطلع ننام وانت نام وراك شغل
وطلعن لغرفتهن وغيرن ملابسهن ونامن
عند غاده
دخلت غاده غرفتها بعد ماطلعن البنات تعبانه من كثر ماضغطت على نفسيها مع البنات بالعاده تنام الظهر
دخلت مالقت خالد بالغرفه بدلت لبسها وانسدحت على السرير ونامت
عند هند
تعبانه ومرهقه طلعت غرفتها ودخلت الحمام اخذت شور دافي طلعت لبست بجامتها ونامت
عند فهد
بعد ماطلعو تحسنت كثير نفسيتهم من بعد شد الاعصاب الي صار دخلوا لشقه وبيدينهم اكياس شروى الي ناقص الشقه وشرو عشاء خفيف
جهزت العشاء غاده تعشت وبعده كلن دخل غرفته
غاده وهي منسدحه وكلام اخوها فهد يرن براسها موجوعه من نفسها وعلى نفسها وهي باوجاعها نامت
اليوم الثاني
هند لبسه فستان عروس وبيدها مسكه بيضاء من الفل شعرها مفتوح وماسكته بتاج الماس
طالعه حوريه واجمل كانت بقمة الانوثه وجمالها الي يذبح
جاسم واقف جنبها بالبشت الاسود وهو فرحان واخيرا تحقق حلمه طول الوقت والبسمه مافارقت وجهه ويده ماسكه يدها بتملك
طلع معها الفندق ودخلو جناحهم الي كله ورود من تنسيق جاسم كان جو الفندق رومنسي خيالي
نزلت هند عبايتها شاف الي اخذت روحه وتعذب بسبتها قدامه سحبها ضمها بعشق وحب دفن خشمه بشعرها اخذ شعرها الي يعشقه وتغطى فيه وهو ضامها
فجئة سمع صوت ازعاج
فتح عيونه على سقوط جواله وانصدم ان الي كان فيه حلم
مقهور موجع تمنى انه ماقام واستمر نايم مع حلمه الحلو ليش يصحى على واقعه المرير
ابتسم من بين اوجاعه وهو يحس للحين بقربها منه ويشم ريحتها الي دوخته دعى من قلبه ان يتحقق هالحلم
حط يده تحت راسه وهو يفكر فيها معقوله الحلم الي شافه يتحقق ولا من كثر مايفكر فيها صار يعوض باحلامه
انتبه على نفسه انه نايم على الكنبه رفع جواله الطايح على الارض الي خرب عليه حلمه ورفعه شاف الساعه 2
نفسه يكمل نومه ويكتمل معه الحلم لكن النوم طار من عيونه
عند هند
قامت من نومها ودخلت الحمام توضت وصلت ولبست لبس الشغل واخذت شنطتها ونزلت تحت لقت غاده جالسه استغربت من وجودها بالصاله من غير خالد
هند / السلام
غاده / وعليكم السلام
هند / بعلك المحترم وينه نسى ان اليوم دوام
غاده / بعلي بالمسجد
هند بحب / يوجعك شي ليه صاحية
غاده / تعرفيني اذا في بالي موضوع مارتاح بنومتي
هند / خير وش موضوعه
غاده / ابي فزعتك فيه
هند / اول قولي واذا قدرت ابشري
غاده / امس فاتحة خوات مطلق بالمشغل واني بنتعدل البنات امنيتهن يغيرن من اشكالهن
هند قاطعهتها / وش المشكله
غاده / امهن ماترضى انهم يحوسو بشعرهم وانا تعرفيني استحي ماقدر اواجه ام مطلق وهذي الفزعه الي ابيها منك
هند بابتسامه / خوفتيني احسب وراك سالفه اعتبري البنات بيسون الي يبنه برضى امهن
غاده بابتسامه / انا قايله مالها الا هند طيب اليوم عزيمة خالتي لهن واهل وليد
هند / العصر باذن الله بتروحين مع البنات المشغل
اذا طلعت من الشركه بمر بيت مطلق و كلم ام مطلق وضامنه انها بتوافق
غاده / مانبي نتاخر عندنا عشاء الليله
هند / ابيهن يتعدلن وخاصه فاطمه اليوم بالعشاء بدور فرصه لوليد يشوفها
ابيها بطبيعتها مانبي نغش الرجال اهم شي شعرها
غاده / بتزعل عليك لو اكتشفت هالشي
هند / تطمني انا احرص منك
غاده / اخاف ماتعجيه وكل هالتعب على الفاضي
هند بابتسامه / بينجن عليها وقولي هند قالت
غاده بحب / والله ان امه داعيه له الي بيتزوجها
هند بجديه / الديره طيحت حضوض بناتها
دخل عليهم خالد وقرب وجلس جنب غاده
خالد / غريبه الحلو صاحي بدري وش عنده
غاده بابتسامه / ابي هند بموضوع وخلصنا منه
هند / وليد واهله جو
خالد / كلمته البارح نايم ببيته
هند / انا بفطر بتفطرون معي
غاده / ايه من زمان مافطرنا سوى
هند وقفت وطلبت من الشغاله تجهز الفطور
ارجعت لصاله لقت خالد وغاده يتساسرون
هند / اقول ورى ماتعقولون وتتركون هالمساسر بغرفتكم
خالد بابتسامه / ورى ماتنكتمين
هند بابتسامه / اقول خلود عقاب لك الحين ادوام والله لو تتاخر ثانيه ماتلوم الا نفسك
خالد فتح عيونه بكبرها وطالع ساعه جواله
خالد / يالمجنونه الساعه 5 وش دوامه
هند بابتسامه / يكفيك الاسبوع اجازه
خالد / لا مايكفيني قول هالكلام لنفسك شكل امك مرضعتك حب الشغل
تغير مزاج هند وحزنت من ذكرى امها مشتاقه لها كثير وبالايام هذي اكثر نزلت دمعه حاره على خدها
فز خالد متروع من الدمعه الي نزلت
خالد بحنان / لا ولي يعافيك رجعيها مابي اشوفها اسف جعل هالسان الي زعلك للقص
هند بكت بوجع زاد عليها حنان خالد / مشتاقه لها خالد مشتاقه لها ابي امي ابيها
نوره كانت ماره بتدخل المطبخ سمعت هند ودخلت عليهم
نوره وهي تبكي / تعالي ياعيون امك وياروحها لا تبكين عليها ادعي لها
قربت منها وضمتها وهند تبكي بنحيب عليها ضغوطات وصراعات نفسيه
غاده موجعتها هند متاكده انها تحتاج لطبيب نفسي لحالتها لكن هي رافضه خايفه تزود حالتها ويصير شي تخاف منه
لازم تنجبر مو على كيفها الطب النفسي مشكلته لازم اقتناع المريض
نوره / برضاي عليك اغسلي وجهك لا يشوفك خالك ويصير فيه شي من امس وهو مو عاجبني مسرح ومتضايق حتى بنومته كانه نايم على جمر زين منه نام ساعتين على بعض
هند كله ولا خالها تموت ولا يتوجع
هند بعصبيه / ليه ماقلتي لي عنه امس ليه ماقلتي انه متضايق وانا جالسه اضحك وانبسط
نوره بتسحب عصبيتها تعرف تعلق هند بخالها
نوره / عيني من الله خير
تركت هند صدر خالتها وخالد الي واقف جنبها ودخلت الحمام تغسل وجهها
نوره بعصبيه / من الي فيكم سبب ضيقتها وش الي خلها تذكر امها
خالد بحزن / انا لكن من غير قصد هند اليومين هذي مو عاجبتني كله سرحانه ومتضايقه
غاده وقفت وقربت من خالتها
غاده بحزن / خاله هند تحتاج دكتور نفسي يعالجها حرام نتركها تعاني وحنا نتفرج لازم احد يقنعها ولا بتضيع منكم
نوره / من بيقنعها هي راسها يابس مابيها تاخذ بخاطرها
غاده / الدكتور النفسي مثل غيره ليش الحساسيه
هند سمعتهم بعصبيه بصراخ / لا مو مثله غير يا دكتوره غاده لا تمشين شهادتك على حسابي دكتور نفسي لو اموت مارحت له
انا هند الفهد قويه وبابقى طول عمري قويه ماضعفت يا دكتوره غاده علشان احتاج غيري يعالج مشاكلي
واياني وياك وهذي للمره الثانيه اقولها لك لو سمعت هالطاري
والتفتت لاخوها / لا يكون حضرتك مساعدها وش رايكم تنومني وعالجوني من غير رضاي تعودتو على حركات الاستغفال الي ماتقدرون تسونه فيني وانا صاحيه نومتوني وسويتوه
عبدالرحمن سمع الصراخ ونزل على كلام هند وعصبيتها
عبالرحمن بعصبيه / اسكتي ولا كلمه مقهور منك ياهند مقهور
هند منصدمه / انا ياخالي اسكت وش سويت علشان تنقهر
عبدالرحمن بعصبيه / ابي افهم ليشت تطلقتي من جاسم قولي رجال والنعم فيه وش يعيبه
هند تضحك بوجع / ههههههههههه رجال الي يعيبه ان راشد عمه فهمت
عبدالرحمن بعصبيه / جاسم غير عمه وقفته ماتنسي صانك ووقف بمحنتك
هند بعصبيه / كله تمثيل
عبدالرحمن / انتي عشتي معه بالديره بعيد عنا وش شفتي عليه مقهور وبموت بسبب طلاقك من جاسم خسرتي واحد معدنه نادر بين الرياجيل
هند بعصبيه وصراخ / خالي بقلبي غصه ووجع منكم لا تفتح موضوع جاسم علشان مانفجر فيكم
عبدالرحمن بعصبيه اكبر / لا امنفجري يابنت ساره شكلي ماعرفت اربيك
اوجعها كلام خالها / انا ياخالي ماعرفت تربيني وش شايف علي
عبدالرحمن / شايف انك ماقدرتي زوجك وتطلقتي بدون سبب
هند تضحك بهستريا وعصبيه / هههههههههه زوجي ياخالي قول الي خاطفك قول أي شي ثاني الا انه زوجي
وجعتني ياخالي وجعتني وانت تتفق مع الغريب على بنتك من متى الزواج بالغصب والعروس اخر من يدري ههههههههههههه زوجها يعطيها ابرها منومه بليلة عرسها اكون بمكان اقوم القى نفسي بمكان غير مع ناس غير مع رجال اتمنى الموت ولا اشوفه وصرخت بصوتها كلها / هـــــــــــــــذ خطــــــف كذبني ياخالي لا تقول زوج ظلمتوني ياخالي وعذبتوني ببعدي عنكم
شلون طاوعك قلبك حتى حارامني اسمع صوتكم
عبدالرحمن بعصبيه / كل الي سويته خوفي عليك انتي بايعه الحياة لكن احنا نبيك انا معترف اني ظالم جاسم بسبتك
وتاليتها تلوميني اني وقفت معك جاسم والله انه يسواك عندي لو بكيفي جريتي بشعرك وديتك بيته
هند بعصبيه / ههههههههههه تجرني بشعري علشان منوعلشان جاسم والحين جاي تقولي يسواك وينك يوم نتفق عليه وانت مبسوط وزجته هنديانا مثل ماظلمتني ظلمته
خليتني اقسى عليه تدري هالجاسم الي عاجبك بليلة عرسه من هنديانا جاني بيغتصبني بغرفت نومي لكن انا هند الفهد خليت فيه علامات بيبقى طول عمره لا شافها يتذكر ذيك الليله
عبدالرحمن بعصبيه / ليش ماقلتي لي هالكلام عن جاسم ولا تهمه بترمينه فيها
هند بعصبيه / مو انا الي اتهم احد جاني منهار بليلة زواجه وقالي بغيتك بالحلال ورفضتيني مايمنع اني اجيك بالحرام وقذفني بشرفي
وانا قسيت عليه وجلدته بكل قوتي ثمانين جلده للحين علاماتها بظهره
عبدالرحمن موجوع على الي صار لجاسم بسبته وهو متاكد انه يعشقها واكثر لكن ماكشف هالشي الا بعد الي صار
قرب من الكنبه وحط وجهه بكفه مقهورررر موجوووووووووع لاقصى درجات الوجع
رفع راسه ووجه احمر من العصبيه / مابي اشوف وجهك قدامي ولساني مايخاطب لسانك اذا مارجعتي لجاسم
هند بعصبيه / اجل ماعرفتني ياخالي
والي خلق غلاك وحبك بقلبي هند الفهد ماتنتساوم واذا ماخذته برضاي مراح اخذه غصيبه تحملني اخلص اشغالي وبريحك
من وجودي بهاجر لبريطانيا
الكل ساكت مايقدرون يدخلون بين بركانين ثايرين
اذا عصبو يخوفون مستحيل احد يتجرى ويقرب منهم
هند التفتت لخالد / انا طالعه لشركه ولا انت ياخالد بتهجرني مثل خالي
سبقته وخالد لحقها خالد منغير لا يتكلم موجوع من كل النواحي على هند وعلى ابوه وعلى جاسم
طلعت هند وهي بقلبها وجع مستحيل ترضخ او تلين وتضغط على نفسها وتقبل شي مو مقتنعه فيه علشان خالها هو الي ربها ماتسوي شي مجبوره واهم شي كرامتها وهذي ثمرة تربيته
ركبت السياره وهي تحاول تكون طبيعيه مصير خالها يزعل ويرضى
عند عبدالرحمن
ركضت له نوره وهي تبكي / ليش ياعبدالرحمن قسيت عليها ليش اوجعتها ليش دخيلك ارضى عليها ولا تتركها تهاجر
عبدالرحمن بعصبيه / رايي ماراح اتنازل عنه ترجع لجاسم ولا بقلعتها
نوره وهي تبكي / نسيت انها بنت ساره حبيبتك تتوقع امها بترضى عليك وانت هاجر بنتها
عبدالرحمن بوجع / الظاهر غلا ساره خلاني ماعرف اربي بنتها وطلعت من شوري ولا قدرت اني خالها ووسمعت كلامي ورجعت لجاسم
نوره / هند تربيتك ربيتها ماتنجبر على شي ماتبيه مهما كان تجي بعد هالعمر تبيها تلين
عبدالرحمن بعصبيه / لا توجعين راسي الي قلته بيصير واذا بتمشي ورى رايها لساني مراح يخاطب لسانها ولا تشوفها عيني
نوره وهب تبكي / انا مابي بنتي تهاجر واذا بتستمر كذا معها بتسوي الي براسها
عبدالرحمن بقهر / ماعندي بنت اذا مشت الي براسها
نوره تعبت / وش ذنبي ماني بقاعده في بيت هند مو فيه بسافر معها
عبدالرحمن / كيفك
زعلت وقامت وتركته عبدالرحمن مقهور من هند وعليها
عبدالرحمن في نفسه بوجع / هذي ثمرة تربيتك ياعبدالرحمن وحصدت الثمره ( علمته الرمايه ولما اشتد ساعده رماني ) علمتها تقسو على ابوها والحين قست علي وينها بنتي هند الي ماترضى تشوف الحزن بعيوني الي كانت قدامي غير
سمح لدموعه بالنزول غلاتك من غلات الروح هند بنتي الي ربيتها نسخه مني تذكرني بشبابي عيالي ماخذو من قوتي هي كلها لي
ليه يابوك ترضين اني اتعذب طول عمري من تانيب الضمير ومن بعدك
طيعيني والله ما تندمين طيعي خالك وارجعي لجاسم هو الي بيعوضك
نفذي كلامي مستحيل اغير راي مابي افقدك وتبعدين كل الي قلته من ورى قلبي والله ماقدر على العقاب الي حطيته قبل لا اعاقبك اعاقب
نفسي
عند هند
وصلت الشركه افتحت باب السياره مانتظرت احد يفتح لها ادخلت بعصبيه وقهر واضح من مشيتها السريعه دخلت مكتبها وضربت الباب وراها بقوه السكرتية فزت مرعوبه من صوت الباب
دخلت ونزلت عبايتها بعصبيه معاد لي قعد الليله بسافر مستحيل ابقى مستحيل اتقبل عقاب خالي متاكده لو جلست برضخ واهين نفسي لجاسم حبي لجاسم مستحيل يخليني اتنازل عن كرامتي خالي بيسحبها مني
مسكت جواله واتصلت على السكرتيره تطلب وليد
لبست عبايتها تنتظر وليد بعد دقائق كلمتها السكرتيره وقالت لها عن حضور وليد
دخل وليد وهي تحاول تضبط اعصابها ماله ذنب هي بتسوي خير قبل لا تسافر يمكن يذكرونها فيه
دخل عليها وليد وجلس مقابلها
وليد / السلام يقولون طالبتني عسى خير
هند / الحمدلله على السلامه طالبتك بخصوص شوفتك لفاطمه
وليد بجديه / ابي اشوفها اول قبل لا اخطبها يمكن ماتجوز لي
هند بجديه / اذا على يتجوز لك متاكده مليون بالميه بتجلطك من جمالها
وليد بنفسه / قال تجلطني بنت من الديره وينه وين الزين شكلها طايحه بكبد اهلها وموصين هند تشغل لها خطابه لكن انا استخرت وارتحت واهل نفس الشي يمكن تعوضني باخلاقها عن زينها
هند شافته سرحان ويفكر / ترى منت بمجبور اذا ماجازت لك الوضع مثل ماهو البنت عند اهلها وانت عند اهلك
وليد / انتي وعدتيني اشوفها
هند بجديه / الليلة معزومين على العشاء انت واهلك وبتكون الشوفه
وليد باستغراب وارتباك / كيف وشلون
هند / عطني رقم جوالك بتصل عليك واقولك وين بتشوفها
هند اخذت ورقه من على مكتبها وسجلت رقم وليد
هند / يله اطلع شوف شغلك ونادي مطلق
وقف وليد وطلع
بعد دقائق جاء مطلق دخل بالكرسي مقابل هند
هند / اهلين استاذ مطلق
وهو جالس طول ليله ماغابت عن باله يفكر بمعاناتها الي كونت منها شخصيه قويه مدمره
مطلق / السكرتيره كلمت تقول انك طالبتني ضروري
هند / ايه موضوع برى الشغل انا الليله بسافر بريطانيا وبي ارتاح قبل لا اسافر
كملت / الليله معزم للعشاء انت واهلك واهل وليد الليله بتشوف سمر اذا اعجبتك على بركة الله واذا ماعجبتك كلن بطريقه
مطلق بجديه / انا معزم اخطبها مناسب وليد ينشرى بالذهب
هند / على العموم هم بيطلبون منك تشوفها الشوفه الشرعيه
مطلق / الله يكتب الي فيه خيره
هند / وفيه موضوع مهم ياليت يامطلق تساعدني فيه علشان خواتك
مطلق / ابشري بلي اقدر عليه
هند بجديه / البنات يبني يكشخن مثل البنات الي بسنهم يصبغون ويقصون شعرهن
وصار بينا سوالف بهالموضوع امنيتهن بهالشي وخايفات من رفض امك وانا مابي تنكسر نفوسهن بالعزيمه وهن شايفات البنات مسويات الشي الي محرومات منه
مطلق بابتسامه / ابشري لو تبينهن الحين يروحن معك
هند بجديه / انا ابيه برضى امك
مطلق / اعتبريها راضيه
هند / اجل العصر غاده عندكم بتاخذهم
مطلق / وخواتي بينتظرنها
وقف مطلق / استاذن تارك شغل بين ايديني
هند / اذنك معي
طلع وهي نزلت عبايتها وسندت راسها على الكرسي وكل الي صار بينها وبين خالها ينعاد
اكره شي على نفسها وروحها زعل خالها عليها تتمنى الموت ولا يزعل عليها لكن الي يطلبه شي كبير ولا ان هند الفهد تهين نفسها وترجع لجاسم ذليله كسيره
مو هذا جاسم الي طول لليلك تونين وتتوجعين بسبته مو هذا الي قدر بقلبك القاسي ودخله هذا جاسم الي تموتين كل ليله مشتاقه لضمته
ليه صعبتيها على نفسك كان رضختي لامر خالك جتك على طبق من ذهب وبترجعين زوجه للي ملك الروح قبل القلب
مستحيل الرجع له ذليله مكسوره بيكسرني ويذلني ااااااااااااااااااااااه يوجع قلبي ببعدي عن جاسم والحين بنكوي وجع على بعدي عن خالي
نزلت الدموع على خدها دخل عليها محمد متفاجئ من هند مايدري عن الي صاير بينها وبين ابوه
دخل بيده جريده / محمد وش فيك
هند مسحت دمعتها / مافي شي غريبه وش طاري الزياره
محمد باصرار / وش فيك هند ليش تبكين
هند بحزن / مشتاقه لامي وهذا سبب دمعتي
محمد / احد مضايقك
هند لفت نظرها الجريه الي بيده
هند / وش في الجريده
محمد بابتسامه / خبر تكذيب وفاتك انتشر اليوم
وقفت وسحبت الجريده وفتحت على صفحة الخبر
خبر وفاة الامليارديره هند الفهد كان اشاعه من بعض المنافسين وكانت موجوده خارج المملكه لسياحه نشر خبر التكذيب خالها عبدالرحمن الفهد صاحب شركات
هند مسكت الجريده بقوة وتعفست اوراقها وسمحت لدموعها بالنزول
محمد قرب منها / هند وش فيك اخر ماشفتك مبسوطه
هند بوجع / خالي يامحمد ابوك موتني بعد مانشر وجودي حيه اليوم خالي وقع على شهادة وفاتي
محمد / اش قاعده تخربطين
هند ببكاء موجع / يبيني ارجع بالغصب لجاسم واذا رفضت لسانه مايجي على لسانه ولا يشوفني شفت عذاب اقوى من كذا
محمد بجديه / تبين الصراحه هند جاسم مافي مثله وحنا كلنا حبيناه ونتمناه زوج لك ليش معانده ابوي ابوي يبي مصلحتك ومصلحتك كلنا نشوفها مع جاسم
هند بعصبيه / تبيني انذل لجاسم بمساعدة اهلي لا مستحيل راسي طول عمري مرفوع اخرتها خالي يعزم عليه يرضى فيني ولا لا واذا مارضى فيني قولي وين اودي وجهي من جاسم ومن نفسي وهو رافضني بتضعفوني مستحيل اضعف لو حياتي الثمن
الليله بسافر لبريطانيا وحيده الحين محمد حسيت باليتم
محمد / اهدي ياهند ليتجمع الموظفين علينا مراح تنغصبين ماله داعي تنحاشين ابوي يومين وبيرضى ابوي مايقوى على زعلك
هند / الليله بسافر وبعد شهر برجع اخلص اشغالي المتعلقة وبرجع استقر هناك واذا خالي رضى علي جيت واذا مارضى نار الغربه اهون من صدود خالي عني
عند جاسم
طلع من بيت نواف بعد صلاة الفجر طلع للمستشفى دخل الكفتيريا طلب له فطور افطر ورجع لمكتبه
جلس لين دخل عليه نواف
نواف / وش عندك منحاش حتى فطور مافطرت
جاسم تذكر الحلم وهو كل ماتذكر الحلم يحس بحساس حلووو
جاسم بابتسامة / احلى نومه نمتها البارح لو ادري برتاح بنومتي مثل البارح كل ليله وانا نايم عندك
نواف / اليله بتنام عندنا
جاسم / حلى النومه عندكم يكفي انكم مخليني انام على الكنبه ظهري يوجعني
نواف / ماينعرف لك توك قايل نايم نومه حلوه
جاسم / يابخت من زار وخفف
توقعاتكم
نسايم نجد
|
05-01-11, 04:31 PM
..المهم نسوومة خدي راحتك إحنا خوات و لا بينا
عم إمزح مشكوورة يالغلا
جديد مواضيع قسم القصص المكتمله من وحي قلم الاعضاء
العرض العادي
