كاتب الموضوع :
نسايم نجد
المنتدى :
القصص المكتمله من وحي قلم الاعضاء
اشكر الجميع على تواجدهم واشكرهم على ردودهم الحلوه
البارت الستون
في بيت مطلق
بعد ماطلعت هند طلع لغرفته يرتاح من السفر والبنات جالسات عند امهن يسولفن عن عزيمة هند
كان بغرفته نايم سمع صوت اذان المغرب قام دخل الحمام توضى نزل تحت لقى خواته جالسات مع امه
مطلق بحب / انا طالع اصلي اجي القاكم لابسات وجاهزات
فاطمه / ان شاء الله
طلع للمسجد بعده رجع لقى خواته بعبايتهن وامه جالسه
مطلق / يمه امشي معنا
ام مطلق / يوم ثاني تعبانه من السفر والليله عزيمه بريح شوي قبل لا اروح العشاء
مطلق بحب / اهم شي راحتك
ام مطلق / الله يريحك دنيا واخره ويسعدك وينور طريقك
الكل / امين
طلعو ركبن سيارة مطلق بطريقهم لسوق
عند هند
بعد ماطلعت من بيت مطلق رجعت لقصرها دخلت لقت غاده جالسه مع خالد بالصاله يسولفون
قربت منهم بابتسامه مصطنعه / العصافير جالسين ومستغلين الفرصه بغيابي
خالد بابتسامه / اللهم لا حسد
هند بحنان / غدويه حبيبتي طمنيني ان شاء الله علاج الدكتوره نفع
غاده بابتسامه / الحمد لله احسها خفت شوي
هند / غدويه ابيك بموضوع خالد ياليت تهوينا وتشوف اغراض العزيمه
خالد وقف بابتسامه / طرده عيني عينك مافيه مراعاة لمشاعري اجلسي بعدين اطردي
هند بابتسامه / مرعاة المشاعر مسئولية زوجتك
خالد طالع بغاده بحب / فديتها زوجتي بطلع
طلع من الصاله
قربت هند وجلست جنب غاده
غاده بحب / قولي وش عندك
هند بحب / غدويه حبيبتي بطلب منك تطلعين السوق الحين وتشترين ملابس وشغلات خاصه للخوات مطلق تعرفيني ماعرف بسوالف البنات
غاده بستغراب / اشتري عمياني لازم مقاسات
غاده / اخوهم طالع معهم بعد المغرب لسوق اضبطي وقتك مع طلعتهم وكانك مقابلتهم بالصدفه وساعديهن بالاختيار اهم شي يكون اللبس ساتر
وياليت تمرين مشغل قبل العشاء وتضبطينهن
ابي اشوفهن فرحانات
غاده / المشغل خليه يوم ثاني مافي وقت
هند / اهم شي السوق تشترين لهن شغلات مناسبه ولا تنسي ابيهن قمه بالحفله وخاصه فاطمه ابيك تهتمين فيها اكثر
غاده مستغربه اهتمام هند بفاطمه / وش معنى فاطمه
هند بحنان / فاطمه بعمر زواج و اهلها فاقدين الامل بزواجها مع اني ماشوفها تاخرت عن الزواج لكن مدري شلون تفكير اهل الديره
غاده / تدرين هنوده ميته اشوف وجيهن فيني فضول
هند بابتسامه / بتحقق امنيتك وبتشوفينهن الليلة
غاده / تتوقعين حلوات ولا جياكر
هند / مدري مثلك متشوقه اشوف وجيهن
غاده / الا شلون اقنعتيهن يتركن البرقع
هند بابتسامه / بطريقتي تعرفيني لاحطيت شي براسي يصير
غاده بحب / تعلميني فيك اعرفك اكثر منك
هند / بلاها كثرة السوالف وطلعي مع الشغاله والسواق لسوق اكيد تلقينهم سبقوك
غاده / الا وش يدريني أي سوق بيروحون
هند / مايبي لها شطارة بتصل على خالد يسال مطلق ويقول لنا أي سوق رايحين له
ارفعت جوالها واتصلت على خالد وبعد دقايق اتصل فيها خالد يقولها السوق الي بيرحون له
في بريطانيا
طلعت غاده وندى من الجامعه بسيارة فهد ابو ندى مشغول
وصلو ندى لبيتهم راجعين لشقتهم دخلو الشقه ادخلت غاده غرفتها وهي تعبانه دخلت الحمام توضت وصلت العصر ورمت نفسها على سريرها ونامت
عند فهد
مستغرب غياب صلاح عن المحاضرات الاخيره خاف صار له شي
طلع من شقته دق جرس شقة صلاح طلع له
دخل وسكر الباب وشاف صديقه شكله متضايق
فهد / سلامتك ليكون تاثرت من الضرب الي جاك اليوم
صلاح بتعب / لا جت سليمه كلها سطحيه
فهد / اجل وش فيك ماحضرت المحاضرات الاخيره
صلاح بحزن / حاسني مخنوق وبنفجر ماني لاقي احد افتح له قلبي
فهد قرب وجلس على الكنب / افا ياخوي تتضايق وانا موجود قول الي بقلبك
صلاح / مصيبتي اخاف لو قلته لك بتزعل وافقدك صديق
فهد / قول تطمن انا متفهم
صلاح بوجع / وش تبيني اقول لك احب اختك وابي اتزوجها وهي مو معطيتني وجه وحبي محكوم عليه بالاعدام سوى منها او من اهلي قولي شلون اشيلها من قلبي
فهد اوجعه قلبه على صديقه متاكد مليون بالميه ان غاده ماتشوفه بسبب عشقها المجنون لفيصل
فهد يطبطب على كتف صلاح / ماقدر اغشك واعشمك بغاده ياليت ياخوي تشيلها من قلبك ومن فكرك غاده مو لك ومستحيل تكون لك
صلاح بوجع وحزن / والله داري ثم والله داري بالكلام الي تقوله لكن قلبي معاندني وحبها غصب عني
فهد / والله ماني بلاقي لغاده احسن منك لكن القلوب بيد الله مااقدر ازرع حبك بقلبها الي يعشق ويموت بغيرك
صلاح بوجع / كل الي تقوله ادري فيه ماجبت شي جديد انا سامعها وهي مريضه تهذي باسمه بتقول عني خبل مهبول قول الي تقوله كل الي فيني غصب عني
فهد حاس بحزن موجع على صديقه واخته الي كلن متعذب بحبه الي من طرف واحد
فهد / وش رايك نطلع برى نتمشى شوي
صلاح / لا تتعب نفسك مراح تنشال من قلبي
فهد / اجل الله يكون بعونك ويعوضك خير عن غاده
صلاح من قلب / امين
فهد وقف / اجل انا طالع برتاح شوي احس جسمي مكسر من بعد الطق الي اليوم
صلاح بتعب / الله معك
طلع من عند صلاح وهو موجوع على حال صديقه
في الديره
جاسم وفيصل جالسين يتقهون مع الجدات جاسم سمع صوت جواله اخذه من جنبه شاف رقم نواف استغرب وش يبي فيه وهو عارف انه بايجازه رد
جاسم / الو هلا نواف
نواف / هلا فيك شخبارك بشرني عنك وعن عمتي وجداتك وفيصل
جاسم / كلنا بخير بشر عنك وعن الجوهره وعن بنتكم
نواف / الحمد لله بخير والصغيره تعبانه من تغير الجو
جاسم / الله يخليها لكم غريبه وش مذكرك فيني
نواف بجديه / ترى اجازتك خلصت بكره اداوم ضروري
جاسم مستغرب / قول الي عندك
نواف / فيه واحد مريض جاي من الكويت طالبك بالاسم وهو الحين مرقد بالمستشفى وعدته انك بكره بتكون موجود
جاسم / ولا يهمك بكره الفجر بسافر على الظهر بكون عندكم
نواف / ماتقصر واسف اني قطعت اجازتك
جاسم / يله مع السلامه
قفل من نواف وحط الجوال جنبه
فيصل / وش عند نواف متصل
جاسم / يطلبني ارجع بكره للمستشفى
ام جاسم / وش عنده
جاسم / واحد مريض جاي من الكويت طالبني بالاسم وجاي مستشفى نواف علشاني ونواف واعده اني بجي بكره
ام جاسم / الله يستر عليكم ويوفقكم ويبرد على قلوبكم
جاسم وفيصل من قلب / امين
محتاجين تبرد قلوبهم من العشق والغيره المشتعله بقلوبهم
في الطائف
عند غاده
وصلت لسوق وصارت تلتفت ادور على خوات مطلق شافتهم من بعيد عرفتهم من اخوهن الي قد شافته
وصلت لعندهم وبحيا تكلم مطلق / السلام
طالعها مطلق مستغرب من الحرمه الي تكلمه
غاده بادب / انا زوجة خالد كنت هنا وشفتكم ممكن تريح نفسك واطلع مع خواتك نتسوق سوى
مطلق / ادخلي شوفيهن بالمحل وانا بطلع للكوفي اذا خلصن انا موجوده هناك
مشى قدام غاده وجلس بكوفي قريب من المحل الي فيه خواته دخلت على البنات وتفاجئن من وجو البنت
غاده قربت من فاطمه / وش الصدفه الحلوة
فاطمه الصوت مو غريب / من معي
غاده / انا غاده
فاطمه / ياهلا فيك
غاده بحب / ابي اشتري وبساعدكم وتساعدوني بالاختيارات
طلعت قطعه وصارت تشاورهن تبي تختبر ذوقهن وتفاجئت ان ذوقهن خيال كل شي اعجبهن اعجبها كانت ماخذه فكرة سيئة عن ذوق بنات الديره
الي ماتدري عنه غاده ان مطلق يشتري لهن كتالوجات ازياء كل موسم بموسمه وعندهن ثقافه بالازياء بسبب متابعتهن لازياء الفنانات بالتلفزون
يعرفن كثير شغلات لكن لانهن بالديره مو متحمسات بالتطبيق
وعندهن ذكاء فوق الطبيعي كل شي يشوفنه او يسمعنه على طول يحفضنه وبسرعه ينفذنه بجداره
مو كل من سكن القرى او الديره يكون غبي او متخلف لكن الظروف تجبرهم على التاقلم والعيشه حسب الظروف الي محطوطين فيها
بعد ماخلصن اخر محل ادخلنه محل يبع المكياج اشترن منه الي يحتاجنه تحت نظر غاده الي تشوف انهن مايحتاج لذوقها فذوقهن تغلب على ذوقها بكثير
طلعن لاخوهن الي جالس ينتظرهم طلعو من السوق وغاده ركبت مع السواق والشغالها معها تشيل الاغراض
عند هند
بعد ماتركتها غاده طلعت فوق لغرفتها ترتاح لوقت العشاء وهي مستلقيها على سريرها طيف جاسم مر من قدامها تنهدت بوجع
هند في نفسها بوجع / يويل حالك ياهند وبعدين مع هالمشاعر المجنونه الي غزت قلبي باخر عمري ليش مو راضي يطلع من قلبي
وبعدين معك ياهند ليش طيف جاسم يمر قدامك بكل وقت معقوله عقاب من ربي بسبب الي سويته فيه والله ندمانه وش اسوي اكثر من الندم
اعتذري له ياهند يمكن الي فيك وجع الضمير بحياتك ماضريتي احد وجاسم ذوقتيه انواع العذاب
ااااااااااااااااااااه وبعدين مع حالتي المجنونه افهمي ياغبيه جاسم مو لك وانتي مو له لو انك اخر بنت مستحيل بيتزوجها وان فكر يتزوجك بينتقم منك ويرد كرامته الي ضيعتيها
طيب نسيتي يوم قالك بينتظرك طول العمر وانهياره بسبتك
ياقسوة قلبي وانتي تاركته وراك يتوجع تستاهلين جاء دورك تشربين من نفس الكاس
يالخبله كل الي سوه قدامك تمثيل انتبهي لنفسك ولشغلك وخلي الحب والخرابيط لغيرك انتي مستحيل تسلمين قلبك لرجال يلعب فيه مثل الكوره
جاسم غير قلبي يقولي انه غير انتي عشتي معه فتره شفتي حبك بعيونه معقوله العيون تعرف تمثل
اكيد الي تشوفينه بجاسم امك شافته براشد ولا ليش سلمته مالها وقلبها
صرخت صرخه قويه ودموعها بدت تنزل
/ اااااااااااااااااااااااه وش الصح قلبي ولا عقلي بنجن بنجننننننننننن
كانت غاده طالعه بتقول لهند الي صار لها بالسوق مع خوات مطلق وانصدمت وهي تسمع صراخ هند
فتحت الباب بقوتها خافت على هند صاير لها شي
ركضت لها وهند تفاجئت بفتحت الباب هذا الي كانت ماتبيه ان احد يشوف ضعفها وهي تتصارع مع افكارها المجنونه
قربت غاده وجلست على طرف السرير تفاجئت من دموع هند
غاده بحب / هنوده ليش اصراخ والدموع
هند تمسح ادموعها الي صارت تنزل لا ارادي
/ من قال اني ابكي يتهيئ لك
مدت غاده يدها ومسحت دموعها وحطت اصبعها الي فيه دموع قدام عيون هند
غاده بحنان / وهذا وش ياهند لا تقولين مويه من متى تخشين عني وجعك
هند بتغير الموضوع / وش عندك طالعه لغرفتي
غاده باصرار / لا تتهربين من سؤالي ماني بطالعه لين تقولين الي موجعك هذي دموع وجع وقهر
مستحيل اني اصدق ان لها سبب ثاني
هند بابتسامه رغم الدموع الي تنزل / خلي تحليلك النفسي لغيري
فاجئتها غاده بكلامها / موجوعه بسبت جاسم
مستحيل تبين ضعفها وتعترف بالخبال الي تحس فيه
مستحيل تسمع لاحد يلومها او يعاتبها مهما كان هي قويه وجروحها واوجعها ملكيه خاصه لها
هند تضحك بوجع / هههههههه وش هالخرابيط هند الفهد تبكي بسبب رجال
انتي عارفه رايي في جاسم ومستحيل بغيره
غاده بحنان / هند مو عيب انك تحبين ولاهو عيب تعترفين بالحب العيب انك تكذبين على نفسك هند مستحيل تطيب جروحك وانتي كاتمتها طلعي جروحك وعالجيها
هند انا متاكده ان داخلك براكين من الالام والوجع الي تكابرين عنها
انتي تحتاجين دكتور نفسي مر بحياتك شغلات قويه لها رواسب للحين باقيه لازم تزول علشان تعيشين حياتك طبيعيه
هند بعصبيه / هند الفهد تروح لدكتور نفسي اكيد انجنيتي واثر فيك الحمل
غاده بقوة / اتركي غرورك المصطنع واقول واعيد تحتاجين دكتور نفسي قبل لا تتطور حالتك وتنجنين رسمي
هند بعصبيه / قومي اطلعي من غرفتي قبل لا تشوفين مني شي يزعلك
وقفت غاده مستحيل تزعل من هند
غاده بابتسامه / طالعه لا تتاخرين متشوقه اشوف وجه خوات مطلق
وهند مستحيل تشيل من غاده لانها اختها وصديقة عمرها يتهاوشن وبسرعه يرجعن مكان شي صار بينهن
هند بابتسامه / هذا اكبر همك
غاده باستغراب / تصدقين هنوده تفاجئت منهن في السوق ذوقهن مره راقي وكل شي يفهمن فيه
هند بحماس / قولي
غاده / انا صرت اشوفهن من بعيد قلت لا حتاجن تدخلاتي بالاختيار بتدخل وساعدهن الي تفاجئت فيه ان ذوقهن غطى على ذوقي
تصدقين هههههههه شريت لنفسي على ذوقهن استفدت منهن بدل مايستفيدن مني
هند انبسطت / هههههههههههه حلو الا وش سويتي بموضوع المدرسات
غاده / كل شي جاهز بيجن من الرياض ممتازات
هند / حلووووووو
غاده / هنود والكتب الدراسيه ماوفرتيها لهن
هند / بكره وانا طالعه لرياض بشوف الموضوع وقولي لمدرساتك بيجن معي
غاده / خذي جوالهن وتفاهمي معهن
هند طلعت جوالها وسجلت الارقام
هند / الا صحيح امك وابوك ماكلموك
غاده / الا مبسوطين بجده ينتظرون عمي ابو خالد يرجع علشان يرجعون
هند / يله انزلي مافي وقت بدخل البس وانزل تلقينهم على وصول
طلعت غاده وهند موجوعه من الحوار الي صار بينها وبين غاده لكن طبعها تضغط على نفسها وتكابر
هند بنفسها / معقوله باحتاج الدكتور النفسي يعالج ضعفي
قومي ياهند قومي لو بتسلمين لا فكارك كل الي بالبيت تجمعو عندك
دخلت الحمام اخذت شور بارد يطفي النار الي بداخلها لبست فستان كحلي وشعرها تركته على طبيعته
في بيت مطلق
البنات بعد ماوصلن ادخلن غرفتهن مبسوطات بالاغراض الي شارياتها
جلست حصه على السرير وفاطمه تفسخ عباتها ومنيره اطالع بالاغراض الي شاريتهم
منيره بحب / فاطمه البسي الفستان البنفسجي او الاحمر وانا بالبس تنوره وبلوزه
فاطمه بجدية / والله يامنيره مستحيه اطلع لهم كاشفه وجهي
منيره / وانا مثلك لكن خلينا نحاول علشان خاطر مطلق
فاطمه بحب / علشان مطلق ارمي نفسي بالنار وانا مبسوطه
منيره / ياربي يخليه لنا
حصه / بتحطين مكياج ولا بتطلعن كذا
منيره / بنصير بطبيعتنا هذي اول مره نكشف فيها يكفي الكحل
فاطمه / يله بسبح وبعده بلبس لا نتاخر على الناس
وطالعت بحصه
فاطمه بحب / حصه شوفي امي خذي لها كيستها وتطمني انها لابسه احسن ماعندها مو احنا نتزين ومي مطنشاتها
وقفت حصه / هذي ام مطلق لا توصين حريص
طلعت ونزلت عند امها الي كانت تحوس باغراضها
قربت من امها باست راسها
حصه بحب / يمه نبيك تطلعين الليله عروس وتغطين علينا
ام مطلق بابتسامه / زينكم زيني وانا راحت علي
فتحت دولاب امها وختارت جلابيه ناعمه هديه من مطلق وشيله شريتها فاطمه اليوم
حصه / يمه البسي وانا بنتظرك بشوف زينك قبل لا اطلع اتزين
ام مطلق دخلت الحمام الي بغرفتها والبست وطلعت لبنتها الي جالسه على السرير
حصه بابتسامه / ما شاء الله على ام مطلق حصني نفسك نخاف عليك
ام مطلق قربت من بنتها اخر العنقود وضمتها
ام مطلق / يله اطلعي تزيني مانبي نتاخر على الناس
حصه / باقي اخر شي
طلعت العطر من الكيسه الي قدامها وصارت تبخ على امها
ام مطلق / الله يهديك ياحصه خنقتيني بالعطر
حصه بحب / يمه مطلق وينه نبيه يشوفنا قبل لا نطلع لهند
ام مطلق بابتسامه / هو قالي يبي يشوفكم وبيوصلكم بسيارته للعشاء
حصه / انا طالعه
طلعت لخواتها لقتهن لابسات وجاهزات
حصه / اكشششششخ ياخوات مطلق وربي طالعات احلى من الممثلات الي نشوفهن
فاطمه بشك / صدق حصه فستاني كانه ضيق علي
حصه بعصبيه / يالخبله هذا المطلوب تبين تلبسين مثل العجائز
منيره صارت ادور قدام حصه / وانا يحصوص وش رايك فيني
حصه بحب / قمرر
وغمزت بعيونها لاختها وينه الي خابرته لشافك بينجلط
منيره بعصبيه / انقلعي لغرفتك البسي
حصه / ههههههههه طيب
وطلعت ومنيره تغلي منها افتحت قلبها لحصة عن حبها الدفين لمشعل ماتبي تفتح قلبها لفاطمه ماتبي تحسسها بالذنب انها واقفه بوجه زواجها
فاطمه بزعل / منيره ماني بغيبه كنت انتظرك تقولين الي بقلبك فضلتي حصه البزر وامنتيها على سرك
منيره بحزن / فاطمه لا تعاتبيني انتي غاليه علي اموت ولا تزعلين علي الي احس فيه سوالف بزران
فاطمه / مابي اسولف بالموضوع الحين يبي له جلسه طويله وورنا عشاء لجينا تفاهمنا
منيره سلمت على راس اختها / دخيلك لا تزعلين علي ماقدر اتهنى بالطلعه وانتي شايله مني
فاطمه بحب / انا ماني بزعلانه انتي روحي يا منيرره ووجعني ان بقلبك شي خاشته عني وادري عن السبب الي بسببه ماقلتي له
منيره نزلت عيونها بالارض
كملت فاطمه / اذا فاتني الزواج مستحيل ارضى انه يفوتكم كلن يا منيره ياخذ نصيبه
دخل عليهن مطلع طالع خواته باعجاب
مطلق بحب / ما شاء الله وش هالزين
فاطمه / كل الي مسوياته علشان خاطرك
مطلق بحب / الله لا يحرمني منكم يخواتي
منيره بابتسامه / ولا منك وش رايك بشكلنا الحضري
مطلق بحب / واحلى من بنات الحضر
فاطمه باعجاب / كله ولا هند مانوصل لربعها بعمري ماشفتها بكحل ولا مكياج ومع هذا تسحر
مطلق يبتسم بنفسه / شافها مرتين وصورتها راسخه بمخه مستحيل الي يشوفها ينسى شكلها هذي كل شي حلو فيها وكاملة سبحان الي خلقها وصورها
مطلق بنفسه / والله شوفتها تذبح مو تسحر على كثر ماكنت مبسوط بشوفتها على كثر ندمي اني شفتها لاني عيني عافت الزين من بعدها زينها مدمر للي يشوفها
هذي الي ينخاف عليها من عيون الكل حتى من عيون البزران لو انها زوجتي والله ماخليها تكشف الا لي الله يهنيها ويردها لجاسم
مطلق / يله انا بنزل انتظركم لا تتاخرن
عند هند
نزلت لقت غاده لابسه وجاهزة ودخلت المطبخ تطمن ان كل شي مثل الي تبيه
طلعت لغاده
هند / غدويه وين بنجلسهم
غاده / مدري الجو برى خيال لكن بداية الجلسه بتكون بالمجلس لان اغراض الضيافه فيها والسهره بتكون برى
هند بجديه / غدويه لا تحرجين البنات بتعليقاتك لشفتيهن بدون برقع اول مره يتركنه
غاده بزعل / وش قالو لك عديمة الذوق تطمني
هند بجديه / ام الذوق لكن تعرفيني احب اتاكد من كل شي قبل لا يصير
سمعن صوت الجرس
وقفت هند وغاده عند مدخل القصر والشغاله فتحت الباب دخلت ام مطلق وبعده البنات الي بنقاباتهم
غاده قربت من ام مطلق وباستها على راسها وطالعت بالبنات الي واضح انهن مستحيات
غاده قربت منهن وباستهن
غاده بابتسامه / عطوني عباياتكم عندنا لازم تنشال العبايه والنقاب واذا طلعتن تستلمنها
فسخت فاطمه عباتها تحت نظر هند وشالت نقابها وكانت المفاجئة كبيره لهند اكثر من غاده تشوف قدامها جمال مو طبيعي جمال خرافي الجمال البدوي العيون الكحيله الي نظم الشعراء قصائد فيها والفم الكبير المنفوخ والسمار الي واضح انه بسبب شمس الديره جسمها منحوت وكله انوثه وقفت منبهره معقوله الي تملك هالجمال تغطيه تحت برقع معقوله الي بجمالها تنعت بانها عانس وينهم الرياجيل الي منعميه عيونهم
ارتاحت كثير تاكدت ان مهمتها بتنجح بسهوله مع وليد الي متاكده ان بيتفاجئ مثلها واكثر
انتبهت عل نفسها انها ماسلمت على البنات قربت منهن وسلمت ورحبت فيهن وجلسن بالمجلس
غاده منبهره كثير بفاطمه ماتوقعتها بالجمال الي تشوفه قدامها صدق البرقع ظلمها
منيره فيها شبه كبير من فاطمه لكنها دبدوبه شوي
وحصه جمالها غير تختلف عنهن فيها شبه من اخوها مطلق
البنات جلسن وهن مستحيات يحسن انه جالسات مفسخات كل تعابير وجيهن بتبان للكل
غاده بحب / وش هالجمال وربي تاخذن العقل
البنات يبتسمن بحياء
هند بابتسامه / اذكري ربك لا تنحتين البنات
غاده / ماشاء الله تبارك الله
ام مطلق / وينها خالتك وام غاده
هند بحب / خالتي بالرياض ملكة محمد بكره وخالتي ام بسام بجده
وقفت غاده وبدت تمد العصير لام مطلق بعده للبنات
هند تسرق النظرات لفاطمه وجها الواحد مايمل انه يطالعه فوق الجمال الطيبه والحنان مرسومين بوجهها
هند / مستعدات يبنات لدراسه ترى متفقه مع مدرسات بيجون للبيت يدرسونكم
فاطمه بابتسامه بينت صفت اللولو / اكيد
هند / قال لكم مطلق ان اذا تجاوزتو الاختبار بتتعدون كثير من المراحل الدراسيه
منيره بحيا / ايه قال لنا وان شاء لله ننجح
فاطمه بفرح / ما تتخيلين ياهند شلون كنا نحلم ونتمنى انا ندرس ونتعلم لكن ربي ماكتب
ام مطلق / بيجيكم احد
هند / اهل هنديانا اهل وليد ومشعل باقي ماجو
ام مطلق مستغربه / احنا جاين مع مشعل واهله
غاده لاحظت وجه هند الي تغير واضح انها معصبه
غاده بحياء / خالتي عطيني رقم ام مشعل بتصل عليها تجي مع بناتها والله توني ادري منك انها جايه
ام مطلق / اختي ماعندها الا مشعل الله يخليه لهم
هند بزعل / السموحه ياخالتي اني ماعزمتهم بنفسي توني ادري انهم جاين الله يهداه خالد ماقالي
ام مطلق / مشعل طالع مع ابو مطلق لنياقه وام مشعل بالبيت الحالها
فزت هند كانها مقروصه مقهوره من نفسها شلون تنسى ام مشعل وتنسى ضيوفها
هند بقهر / انا طالعه بنفسي لام مشعل بجيبها معي وشغل خالد معي بعدين
طلعت وام مطلق وزادت اعجاب فيها
وصلت لغرفتها واخذت عبايتها ونقابها وطلعت لبيت مشعل
طقت الباب وانقهرت اكثر وهي تشوف ام مشعل الي تفتح الباب
دخلت هند رفعت نقابها وباست راس ام مشعل باحترام
ام مشعل اعرفتها كانت تشوفها بعزايم الديره
ام مشعل / الله يحيك بنتي تفضلي
هند بحياء / انا جايه اخذك عندي فيه عشاء مسويته لاهل مطلق وسامحيني ياخالتي والله مادريت انك جايه الا الحين من خالتي ام مطلق وجيتك متعنيه ياليت ماترديني
ام مشعل / ماعاش من يردك يابنتي يابيني البس
هند بابتسامه / بنتظرك ماني بطالعه الا معك
ام مشعل / اجل يمك ادخلي بالصاله انتظريني البيت بيتك
هند بحب / الله يسلم للبيت اهله بنتظرك ياخالتي
دخلت وراء ام مطلق وجلست بالصاله البيت موحش وهو خالي شلون وحرمه كبيره بالحالها فيه لو صار لها شي من بيدري فيها
رفعت جواله وكلمت غاده ترسل لها شغاله وطباخه لبيت ام مشعل
دقائق وطق الجرس قامت وفتحته دخلتهن
على طلعت ام مشعل من غرفتها لا بسه عبايتها
ام مشعل مستغربه من الفلبينيات الي داخلات بيتها
ام مشعل / من ذولا وش يبون
هند بحب / لك ياخاله يساعدونك بالبيت الكبير وانتي ارتاحي
ام مشعل بحياء / ليش كلفتي على عمرك ماني بحاجتهن يابنتي
هند / لا تردين الهديه ياخاله والرسول قبلها
ام مشعل بحب / الله يكثر خيرك ماقصرتي
هند بحرص / خاله قفلي غرفتك مع انهن امينات لكن المال السايب يعلم السرقه
ام مشعل قامت وسكرت غرفتها وطلعت مع هند الي فتحت لها الباب وساعدتها بركوب السياره
بدقائق وصلت للقصرها وفتحت الباب ودخلت ام مشعل قدامها رحبت فيها بحراره عطت غاده رنه علشان تستقبلها عند المدخل استقبلتهم غاده بحراره ودخلتها عند الحريم جلست بجنب اختها
ودخلت هند وراهم لقتهم متجمعين شافت ام هنديانا
قربت منها هند ونزلت نقابها و وضمتها بحب
هند بحب / الساعه المباركه انك جيتي ونورتي بيتي
ام هنديانا بحب / منور فيك يابنتي
هند وقفت / اسموحولي بطلع لغرفتي وبرجع
طلعت وكل الي بالمجلس منبهر فيها وفي اخلاقها وتوضعها انسانه بمعى الكلمه تجمع بين الطيبه والحنان والحب والاخلاق والشخصيه والتواضع والرزه والهيبه وفوقهم الجمال
دقائق ورجعت لهم وكملو سوالف لين جاء وقت العشاء نادتهم هند
بعد العشاء رجعو لمجلس الحريم
هند / وش رايكم نكمل الجلسه برى الجو خيال
ام مشعل / خلينا نطلع برى نفتك من برد هالمكيفات
ام مطلق / أي والله
هند بابتسامه / اجل يله حياكم برى
طلعن برى كانت غاده واقفه تجهز الطاولات للجلسه
والحريم جلسن على طاوله والبنات جلسن على طاوله وهند تقسم نفسها بين طاولة البنات والحريم
الساعه 12 الحريم الكبار بدن ينعسن ما تعودن يسهرن
ام مطلق / هند الله يعافيك كلمي اخوك يقول لمطلق بنطلع تعبانين
هند بحب / تو الناس خاله اسهرو عندنا
ام مطلق / مره ثانيه وراك بكره سفر لازم ترتاحين والبنات من جينا من السفر مارتاحن
كلمت خالد وقالت له وقال ان مطلق ينتظرهم بالسياره
وقفت ام مطلق ووقفن البنات جابت غاده عباياتهن
وام مشعل وقف / بروح معكم
هند بحب / والله ما يوصلك غيري لبيتك مثل ماجبتك ارجعك
ام مشعل حبت هند
ام مشعل / جعلك سالمه ارتاحي
هند / حلفت ياخاله
طلعت ام مطلق وبناتها وركبن بسيارة مطلق وام مطلق معجبه وطول الطريق مدح بهند وقالت الي سوته يوم درت ان محد عزم خالته وانها راحت تجيبها
ومطلق نفسه يسكت امه لان مع كلامها يتعلق قلبه فيها اكثر اول مانع نفسه انه يفكر فيها لانها متزوجه والحين مافيه شي يمنعه
عند ام مشعل
طلبت هند من الشغاله تجيب عبايتها دقائق وهي عندها
لبس العباتها وساعدت ام مشعل بركوب السياره
وصلتها للبيت وانزلت معها
هند بحب / امنتك خالتي ماتتعبين نفسك بشغل البيت عندك شغاله تنظف لك البيت وعندك الطباخه شاطره اطلبي منه الاكل الي تشتهينه
اذا ماعجبك شغلهم قولي لي واغيرهم لك
ام مشعل مستحيه من طيبة وكرم هند ماعندها كلام تقولها
ام مشعل / جعلك سالمه ويرحم بطن جابتك
هند / امين
دخلت مع ام مشعل تبي تطمن عليها
مايطاوعها قلبها تتركها بالحاله بالبيت دخلت وراها استحت وهي تشوف مشعل وابوه جالسين بالصاله
هند بحياء/ السلام
ابو مشعل ومشعل / وعليكم السلام
وقف مشعل لا ارادي لما تاكد انها هند
هند ماسكه ضحكتها من شكل مشعل الي يحسب نفسه بالشركه
هند بهيبتها / وينك عمي ما نورت بيتنا انت وولدك وتعشيتو عندنا
مشعل بارتباك / خالد كلمني وانا اعتذرت منه كنت مع ابوي وخالي ابو مطلق عند النياق
هند باصرار / حقك كبير عمي والسموحه اذا جاء منا قصور وبعد يومين خالي بيكون هنا وهو الي بيجيك بنفسه يعزمك
ابو مشعل / مايجي منكم قصور
هند بجديه / ياعمي احنا نكرم ضيوفنا وانتم ضيوفنا واهلنا وحقكم على راسنا وان شاءالله بهاليومين مسوين حفل كبير بمناسبة قدومكم وتنوريركم لطائف وانت اول المدعوين
ابو مشعل منصدم من قوتها كان الي تكلم رجال
هند / استاذن
طلعت هند مشعل جلس جنب ابوه وجودها يربكه ويخوفه لها هيبه وشخصية مرعبه
ابو مشعل باعجاب / بنت رجال
ام مشعل قربت ونزلت عباتيتها وجلست / وانا اشهد انا الي مثلها قليل
مشعل بابتسامه / يالغاليه المزيونات الي بالمطبخ منهن
ام مشعل بعصبيه / يالي ماتستحي وش مدخلك للمطبح وتبحلق فيهن
مشعل / وش يدريني عنهن دخلت ابي اشرب ماء لقتهن قدامي الا ماقلتي منهن
ام مشعل بحب / جابتهن هند جعل عمرها طويل حالفه اني ماشتغل وجايبتهن يشتغلن ويطبخن ويرحني
مشعل منصدم / هند ماغيرها هي الي جايبتهم وتبي تريحك وحالفه عليك ماتشتغلين
ام مشعل / اجل من غيرها
مشعل / الله يجزاها كل خير ويرحها مثل ماريحتك
ابو مشعل / انا تعبان وين الغرفه الي برقد فيها
مشعل / الغرفه الكبيره الي تحت لكم وانا غرفتي فوق
ابو مشعل بعصبيه / طاير فوق ليش انزل تحت ولا بتنحاش فوق علشان ماقدر اطلع اصحيك لصلاه
مشعل بابتسامه / مايحتاج تطلع اصرخ بصوتك وانا اجيك ركض
ابو مشعل / اطلع نام الليل سرى وانت مارقدت بكره وش بيصحيك
مشعل / ان شاء الله
طلع فوق لغرفته ونام
وابو مشعل دخل الغرفه ونام وام مشعل دخلت عند الشغالات ودلتهن على غرفه صاده بعيد عنهم وطلبت منهن ينامن فيها وبعدها ادخلت غرفتها ونامت
عند هند
دخلت لقت الصاله فاضيه جلست بنتظر خالد بتبرد حرتها فيه حطها بموقف محرج مع اهل مشعل
نزلت شيلتها ونقابها وعباتها عليها دخل خالد
وشافها واضح انها معصبه
خالد قرب منها / السلام
هند بعصبيه / وعليكم السلام
خالد / خير وش فيك معصبه
هند بعصبيه / والي سويته يبي لك عليه تصفيق واوقف لك احترام
خالد مستغرب / خير وش سويت
هند / تدري اني بسبتك صرت صغيررررره وانا طول عمري كبيره اضيوفي وجنبي ساكنين ولا ادري انهم وصلو الا من ام مطلق ولا وفوق كله هذ العجوز جالسه ببيت كبير بالحالها الكل متجمع عندي وهي وحيده ببيتها
وربي يا خالد استحقرت نفسي والبركه فيك
خالد باستغراب / منهي العجوز
هند بعصبيه / ليش ماقلت لي ان مشعل جاي مع مطلق
خالد / انا كلمته وعزمته واعتذر وش مطلوب مني اكثر
هند بعصبيه / المطلوب تقولي ولا الموضوع مايهمك والله ياخالد لو عاد وتكرر هذا الشي ماتلوم الا نفسك مو ضيوف هند الفهد الي ينسون ضيوفي ينحطون على الراس
خالد بيمتص غضبها / السموحه ماكان قصدي وهذا راسك ابوسه
قرب منها وباس رسها
هند / روح نام ورنا سفر بكره
خالد بابتسامه / ان شاء الله اهم شي طلعت من بين ايدينك سليم متعافي
هند بابتسامه / انا طالعه بنام
طلعت لغرفتها وخالد دخل غرفته وارتاح وهو يشوف غاده غاطه بنومتها
عند هند
دخلت غرفتها دخلت الحمام اخذت شور وانسدحت على سريرها
حاولت تبعد افكارها عن الي لازم كل ليله يزورها طيفه قبل لا تنام ويوجعها بذكرياتها الموجعه
حاولت تفكر بغيره لكن غصب يخونها تفكيرها وتفكر فيه تحاول تجبر تفكيرها يبعده عنه
وهي بافكارها نامت
توقعاتكم
نسايم نجد
|
02-01-11, 04:33 PM
اخيرا هند تتعذب مثل جاسم وتكتوي بنار حبه تسلمين يااحلى نسومه
وعجبنى وايد نووووووع العلاقه بيناتهم الثنتين وشلون قوووويه حتى بعد ماتناقشوا رجعوا مثل اول واحسن الله لايغير عليهم ..
خايفه منو هالصلاح <<شعوووووله تقولك وخر للمرة الثانيه عن غادة ولا ترى فيصل ماراح يرحمك وقد اعذر من انذر <<تهدد شعووووووووله
..
جديد مواضيع قسم القصص المكتمله من وحي قلم الاعضاء
العرض العادي
