كاتب الموضوع :
بياض الصبح
المنتدى :
القصص المكتمله
البارت السابع عشـر
بعد مرور 8 ساعات السـاعه 10 الليل
في المطـار
هنادي:انا بروح الكوفي تجين؟!
نجود:آوك
محمد:لا وين اللحين بيجون
هنادي:يووهـ لنا نص ساعه هنا وهي للحين ما بعد نزلت
نجود:كلها دقايق ما نتأخر
محمد:جيبوا لي معكم
نجود وهنادي:آوكِ
..
بعد 5 دقايق رجعوا نجود و هنادي و معهم الكوفي
هنادي:تفضل
محمد:Thank-you
هنادي:العفو
نجود:آفف للحين ما جو
محمد: وش ورانا بعرف عشان مستعجله
هنادي:بنـام
نجود:أي بنام عاد انت اسم الله عليك ماخذها نوومـه
محمد وهو يشرب من الكوفي:وشذا مـر
نجود:آوبـس سوري هذا حقي .. ومدت له الكوفـي الي معها
محمد:مرهـ ثانيه تنتبهين
نجود:هنادي الي معطيتك اياه
محمد:هنادي عطتني الي معها وانتي جايه بالي معك يعني الذنب ذنبك
نجود:آووف .. اقول خذ وانت ساكت
هنادي بهدوء:اذا ما سكتوا اللحين وقسسم لخليكم تأكلون من المطعم
نجود ومحمد:لالالا بنسكت
هنادي:أي كذا حبايبي
بعد دقايق اعلنوا وصول طـائرة من امريكـا
بعد دقايق من الانتظار شـاف محمد اخوهـ و وراهـ بنتين
هنادي:يااااي وصلوا
نجود وهي تفرك عيونها الي كلها نوم:صدق وين؟!
محمد:يا دبشه قدامك
زياد:هلا بوحميد
محمد:هلا فيك شخبارك؟!
زياد:بحير
محمد"الحمدلله ع السلامه
زياد:الله يسلمك
هنادي وهي ضامه ريما:ريوووووم وحشتيني وين رموسـه؟!
ريما:انتي اكثر .. مع شوق
شوق:مرحبااا
نجود وهنادي :مرحبتين
محمد:يالله خلونـا نمشي
الكل:يالله
..
ركبوآ السياره و اتجهوآ للقصـر
ريمـا:يووهـ من زمـان عن الرياض
زيـاد:آخر مـره كنـت هنا آيـام ما خطبتك لين تزوجنـا
ريمـا:ههههههههه ومن بعدهـا انا ودعت الرياض
شوق:الحمدلله متعودهـ عليها انتوا الي الله يعينكم ما راح تتعودون ع الجو هنا
هنادي:انا عن نفسي متعودهـ كلها 3 سنوات الي قضيتها هناك وهنا عشت حياتي كلها فديتها الرياض مـافيه مثلها
محمد:والله الي يسمعكم يقول تتكلمون عن باريس
نجود:صادق
هنادي:هههههه بـاريس ماتجي ربع ربع شفت الربع ما تجي ربع الرياض
محمد:أي هين .. اقول نزلوا . ونجود قولي لهم ينزلون الشناط
نجود:ان شاء الله
..
في يوزلاندآ
مشعل:يا اخي افهم ما ابي خلآص
عزآم:طيب ليه؟! عطله وجـت خلنـا نروح لكندآ
مشعل:قلت لك ما ابي اروح انا بروح لـ إيطاليا
عزآم:شعندك هناك؟!
مشعل: مو من اختصاصك
عزآم رفع حاجبه:آهـا اسف ,, وطلع
انسدح مشعل الكنب وهو يلعن نفسسه شلون يقول كذا لعزآم صديق عمرهـ .. مسك مفاتيح الشقه وطلع يدور عزآم
مشعل:عزآم وقف .. عزآآم
عزآم: what?
مشعل:سوري ما كان قصدي والله
عزآم:تصدق ما توقعت توصل لهذا الحد .. لا تحسبني ما ادري عن شيء شفت الاوراق .. بس حبيت اسكت .. حبيت اصبر لين انت تجي تقولي .. ما توقعت في يوم بتخبي عني شيء ولا وشو مثل هذا.. انت تدري ان عمك مستحيل بيسامحك ع الغلط الي سويته
مشعل: بس انا حبيت اساعد .. ما دريت انب يصير كذا
عزآم:احد يساعد بهذي الطريقه تروح تعطي نص الحلال لشركة خـالك
مشعل:خـالي كـان محتاج وهو وعدني ما يتقرب مننا لو عطيته الفلوس عشان شركته تستقر
عزآم:وقمت انت بكل غباء عطيته نص ورثكم صح ,., يعني بصراحه انصدمت فيك
مشعل:انا ما لمست فلوس هنادي ولا قربت منها كل الي سويته قسمت فلوسي وعطيته النص ومن قال النص واقل بكثير 100 مليون مو منقصه من حياتنا تراا
عزآم:انت النقاش معك ضايع شفت يا انك اللحين تروح لعمك وتقول له السالفه اذا رضى بها ولا اعتبر نفسك في القائمه الي تحت الخط الاحمر
مشعل:عمي يدري و نجود بعد و مرت عمي
عزآم يصفق بستهزآء:عاشوا بصراحه اهنييييك من قلبي انت مو بس تحت الخط الاحمر إلا براا القائمه انت ما تدري وش ساويت .. بـس بحاول اكلم ابوي ,, يمكن يقنع عمك بأنه يتراجع عن القرار الي براسه
مشعل:عمي راح لأيطاليا حـتىـآ يتحالف مع شركـة ابو فيصل رجل الاعمـال الكبير .. شركته هناك لو بنتحالف معها نقدر نضغط ع شركة خالي وعمي طبعاً ما قال شيء عن الي سويته
عزآم:طيب ليه بالذات الي في ايطاليا شركاته مـاليه الكرهـ الارضيه
مشعل:الي في ايطـاليا دعمها اقوىـآ
عزآم:اها .. طيب تعال نأكل شيء .. ونريح وانتظر قرار القصاص او الافراج
مشعل تنهد بحزن:يالله
..
في الرياض
في المستشفى
سلوى بفرح:يعني بطلع
نجلى:ايه .. بـس تعالي موت نسين تراا يوم الاربعاء بتجين عندي طيب
سلوى:آممم اشوف
نجلى:لا ما فيه تشوفين بتجين يعني بتجين
سلوى ابتسمت:آوك .. يالله بجهز اغراضي
رجياتا:في اشتاق لك كتير
سلوى:هههههههه وانا اكثر .. يالله عاد زيني شنطتي
نجلى:حبيبتي .. انتبهي ع عمرك مو ترهقين نفسك تذكري كل ساعه ان عندك القلب تبعدين عن المأكولات الي فيها سمـن .. حـاولي تقللين من الاكلات السريعه تحافظين ع الدواء
جـاسم وهو دآخل:وتراقبين دقات قلبك بنتظام .. فيه نصايح ثانيه ماقلتيها انسه نجلى .. انا اخبر انك دكتورة اطفال .. لو سمحتي ع قسمك
نجلى:آوووف عليه اوقات .. استغفر الله يحب ينرفز الواحد .. منيب قايمه شرايك بجلس البنت اليوم بتروح
جـاسم وهو يقلد صوتها/ياربيه مو ناقص من عمرك شيء اذا راحت ,, وقال بصوته .. اشوف روحي لقسمك
نجلى:آوف طيب
سلوى كانت ساكته لانها بتفارق اثنين تعودت عليهم اثنين غيـرو نفسيتها حبتهم من كل قلبها
جـاسم:انسه سلوى ياليت ما تنسين موعدك بعد اسبوعين طيب
سلوى هزت راسها بالايجاب طلعت و وراها رجياتا وقفوا تكسي و تجهوا لشقتها وصلوا دفعت لـ راعي التكسي و دخلت شقتها رمت حـالها ع السرير و رجياتا قامت تحط ملابسها في الدولاب
رجياتا:يالله ماما باي
سلوى:باي
..
رجعت رجياتا للبيت
ام راشد:وين شينة الحلايا
رجياتا:في استقيل
ام راشد رفعت حاجبه:بلعنه الله لا يرجعها
ابو راشد:منهي!!
ام راشد:من غيرها سليو
ابو راشد:احسسن فكه .. اقول انا رايح للشغل
ام راشد:اللحين هالحزه الساعه وحده الليل
ابو راشد:في اجتماع طـارئ
ام راشد:اهااا الله يحفظك
ابو راشد:مع السلامه
ام راشد:وانتي وش موقفك هنا يالله اشوف ع المطبخ
رجياتا:تيب
..
راشد وهو نـازل:ما رجعت؟!
ام راشد:احسن فكتنا وهـ استقالت
راشد:يمه خافي ربك .. بنتك من لحمك ودمك خافي ربك
ام راشد فتحت عيونها ع وسعها وقامت تطالع راشد بصدمه
ام راشد:وش قلت؟! مين قالك؟! وش قاعد تخربط؟!
راشد:يمه لا تحسبيني غبي عارف هي مين .. ليه شسوت شذمبها
ام راشد: زين عرفت من نفسك قصتها .. وحده راجعه بسياره مع واحد وش تبينا نسوي نرحب فيها
راشد:لا نطردها براا ولا كآنها من لحمنا ودمنا .. هي غلطت .. بـس يا تراا باعت شرفها
ام راشد:الي راجعه مع رجال وش تبي بعد
راشد/تأكدتو؟!
ام راشد:ما يحتاج
راشد: لا يحتاج
ام راشد:راشد صك الموضوع خلآص
راشد:بصكه لاني تعبان و بروح ارتاح .. لكن مو معناه صكيته نهائي لي جلسه معكم ثانيه
.. ورقى فوق
..
في طيـاره متجهه للرياض
....:آوف ذول ما يركدون في مكان واحد
.....:ليه مصـر انها للحين تحبك
......:لانها ارتبكت يوم سألتها .. للحين تحبني .. وبتساعدني
......:تحلم ,, بعدين انت مو ناقصك شيء فلوس .. فلوسك قد الدنيا .. شركه .. اربع شركات و محل بفروعه .. وش تبي بالملايين الي معها!!
.....:مو انا الي تتركني بنت .. انا الي اتركهم .. تجي هذي تتركني
.....:الحمدلله ع نعمة العقل .. صدق اهل العقول براحه
...
بعد مرور اسبوع
..
هنادي قررت انها راح تقول لعمها قرارها اذا رجع اخوها من يوزلاندا
نجود ع حالها تندم انها ما تكلمت إلا لما طاح الفاس بالراس
محمد ينتظر بحرقة قلب جوآب هنادي
زياد و ريما و ريماس الصغنونه عايشين حياتهم بهناء و ساعده
شوق رجعت لحياة الشركات و الشغل مره ثانيه
ام زياد رجعت من ايطاليا ومعها ابو زياد وهم مستانسين ع الي سووه
ابو زياد خلص صفقته مع شركة ابو فيصل و رجع للرياض
سلوى اشتغلت خياطـه .. وبدت مشوار شغلها بطريقه حلوهـ
جاسم ع حاله مع المريضات .. وينتظر الاسبوع الجاي حق الهوآش الي فتقده من راحت سلوى
نجلى كل يوم كانت تتصل بسلوى وتطمن عليها
مها و رينم ع حالهم روتين متكرر في البيت
راشد ع حاله يحاول يقنع امه انهم يرجعون سلوى
ابو و ام راشد ما يدرون شلون يخلون راشد ينسى سالفة سلوى
سامي للحين يحاول انه يعرف سالفة راشد لكن لا جدوآ
مشعل و عزآم بدت اختباراتهم والله يوفقهم و يرجعهم للوطـن
..
نهاية البارت السابع عشر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
|
31-08-10, 11:18 PM
جديد مواضيع قسم القصص المكتمله
العرض العادي
