---البارت السادس والسبعين---

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
بدلت فستانها ولبست ثوب نوم مغري نوعا ما وكان لونه توتي على عنابي وقماشه ستاني,,,وسيوره مطرزة على شكلx وشبه شفاف بمنطقة الصدر,,وفتحت شعرها اللي كانت مسويته شينون خفيف ورفعته من فوق وجابت الباقي على جنب علشان تبان حركة الفستان اللي بضهرها وشالت مكياجها كله على رواق وكانها متعمدة تخليه يحترق بناره اكثر واكثر ,,وغسلت وجهها وحطت لها كريم خفيف وكحلة ومرطب شفايف بس,,وبختين عطر تحت اذنها وتسندت على الكرسي لثواني..وهي تفكر هل تشغل الشموع اللي حوالين السرير اللحين ولابعدين ومدام انها فاضية ماعندها شي قامت شغلتهم كلهم وشغلت الفواحة الصغيرة بعد اللي قبال السريرواللي عطت الجو روعة باضاءتها وبريحتها,,
ارتاحت نسبيا من الجو بعد ماطفت الانوار كلها ورجعت تقعد على الفراش تنتظر فهد,,,,
قامت ورجعت قعدت من جديد وصارت هاذي حالتها كل شوي تغير مكانها على السرير مرة تقعد بوسطه ومرة تقعد بطرفه ومرة تقعد بالمقدمة لين استقرت بمقدمته واول ماسندت ضهرها جاها صوت فهد وهو متسند على الباب,,
فهد/يعني اللي مخليك تطولين بالسالفة الشموع ولاالمكان اللي بتقعدين فيه؟
رفعت راسها وهي محاولة تتذكر هل قفلت الباب ولالا؟بس اكيد لا مدام انه دخل...
نجود بثقة/لاهذا ولاذاك...
فهد تقدم منها وقعد قبالها/وليش تاركتني ماناديتيني يوم انك بدلتي وخلصتي؟
نجود بنفس الثقة/وليش اناديك؟
فهد/.........ماتحسينه سؤال غريب لاني بظل انتظرك برى ويمكن انعس وانام وانتي ماناديتيني؟
نجود/وهذا انت لانعست ولانمت!!وفوق هذا جيت بنفسك بدون عزومة؟
فهد/ليش ماتبيني؟
نجود/انا ماقلت شي انت سالت وانا جاوبتك؟
تقرب منها بهدوء ومسك يدينها بين يديه وقال لها بهمس/متاْكدة انك بتكملين حياتك معي,,,منتي مترددة على ها القرار يانجود؟
نجود بسرعة/طبعا لا..هذا اختياري انا....
فهد/تحبيني؟؟؟؟
نجود/ممكن اهديك اغنية..
فهد/بس على شرط انها تكون بصوتك انتي؟
نجود/لا الليلة صوتي لك عليه شوي خليها لمرة ثانية..
فهد تقرب وحط راسه بحضنها وقال لها وهو يقرب يدينها من صدره/فهد يقولك يبيها بصوتك تقولين لا؟؟وش ها الحكي عاد!!يالله انا اسمعك اطربيني...
نجود/........ابي حبك معي يكبر...وابي اهواك انا اكثر..

وابي اهديك انا دنياي...كل اللي عليه اقدر..

حبيبي انت احساسي...ونبض القلب وانفاسي..

ولو صار الزمن قاسي...علشان عيونك اتصبر..

غرامك كل يوم يزود .....ولايعرف مدى وحدود..

عيوني في هواك شهود.... يارب مايوم نتغير..///////////////////////////////////////////////////////////////////////////////////////////////////
ام بندر/هنوف قبل لاتبدلين ثيابك روحي بيت عمك شوفي لبنى هناك انا ماشفتها بالعرس وكل الناس سالتني عنها وماعرفت شقول لهم؟
هنوف/انا بعد دورتها ومالقيتها رغم المفروض تكون معنا بالكوافيرة وكل ماادق لها جوالها مغلق؟
ابو بندر اللي كان قاعد بالصالة/روحي غرفتك ياهنوف ماله داعي تروحين تسالين عنها..
هنوف انصاعت لااوامر ابوها وركبت...
ام بندر/انا ماقلت لك اني بخليها تجي وانت مو طايقها بس خلني اتطمن عليها انا اليوم ماشافتها ومو معقولة ماتحضر عرس بنت عمها بدون أي اسباب؟
ابو بندر/ومن قال لك ان ماعندها اسباب؟
ام بندر/ياسلاااام وش اسبابه اللي بتخليها ماتحضر ان شاءالله؟
ابو بندر/نجود وينها اللحين؟
ام بندر/يعني وين بتكون وهي الليلة عرسها؟؟؟في بيت زوجها اكيد؟
ابو بندر قام بيركب/خلصنا..لبنى بعد في بيت زوجها لاتخافين عليها؟؟؟؟؟؟؟؟؟
////////////////////////////////////////////////////////////////////////////////////////////////
جواهر بنعس/خلاص ودي انام اللي معي ناموا ماابي ازعجهم؟
بندر/وانا وشعلي بالله من اللي معك قومي خل نتمشى شوي؟
جواهر/حبيبي عن الجنون اللي انت فيه ؟؟تعرف كم الساعة اللحين؟
بندر/وكم يعني؟
جواهر/داخلة على الاربع وربع...نتمشى ووين نروح؟
بندر/حبيبي احنا مو جايين الرياض علشان نقعد بالفندق انا بغرفة وانتي بغرفة وحتى بالتلفون تقولين لي مدري شنو؟
جواهر/والله اللي اعرفه ان احنا جايين الرياض علشان نجود وبكرة بنوصلها المطار وبنرجع الشرقية,,,,الا اقول بندر وش تتوقعن قاعدين يسووا اللحين ناموا؟
بندر/لا وين ناموا ..محد نام الا نويصر؟
ناصر وهو على السرير الثاني/مانمت قاعد اسمعك..
لف له بندر/لا..وليش حاقرني يوم انك قاعد ان شاءالله؟
ناصر/انت من جيت الفندق وانت تلفونات مع بنت الهاجري تبيني اقول اني قاعد ليش بالله علشان اصير حشري؟
جواهر/ههههه
بندر/ول ول ول...نام زين فكنا..
ناصر بصوت عالي/جواهر خطبيلي واللي يسلمك؟
جواهر/قوله من عيوني..
بندر/يالله قالت من عيونها ماتنعطينا وجه...
جواهر/ياسلاااام هذا اخو الغالية عسى ربي يوفقها...
بندر/أي زين درينا.....
جواهر/خلاص ماباقي غير اسبوعين ونلحقم احنا بعد على نفس الدرب...
بندر/يااني ناطر ها الاسبوعين على نار ياقلبي....مشتاق لك حييل فوق ماتتصورين...
ناصر/لابالله انا اختربت الليلة منك يابنيدر....
بندر/انت ماتبلع حلقك وتسكت؟
ناصر/وانت بعد لاتقول قدامي كلام يثيرني؟
بندر/اسمع..اللحين اذا قلت لمرتي اني مشتاق لك حيل يصير كلام يثير؟
ناصر/لاتنسى اني ماافهم بها السوالف واي كلمة ممكن تاْثر فيني..
بندر/اسكت واللي يعافيك تراك ماعرفت الكلام الزين بعدك ولاسمعته!!!
//////////////////////////////////////////////////////////////////////////////////////////////////
الله يجازي هلي..باعوني من تالي.

الجسد للمشتري..والروح للغالي..

والله مالي ذنب...بس دروا بيا احب..

وقلوبهم لو من صخر...ونت على حالي..

هذا كان لسان حال لبنى ودموعها فوق خدودها وهي ضامة عبايتها عليها وتناظر بجسمه المدد على الفراش وهو بسابع نومة,,,
كل شي فيه يخوف وينرفز..جسمه..ريحته..اسلوبه..طبايعه..كلامه...حست انها بتموت اذا ماطلعت تتنفس برى ها الغرفة بس المشكلة الغرفة ومقفلة...
وين تروح هاذي بيعة العمر اللي انباعتها لانها قالت احب..هذا جزاءها انها اعترفت بالحب قدام ابوها..لو كانت ساكتة ماكانت هنا الللية وبها القرف اللي هي عايشة فيه,,,
بس شتقول..سكوت ابوها عنها طول المدة اللي فاتت كان كله بتخطيط..من زمان كلمها عنه ويوم قالت له مدمن قال لها عالجيه انتي...هذا يشرب ومدمن وحالته لله...وش اعالج فيه...والله اني بموت ان قعدت يوم ثاني هنا...لاجوال لاتلفون ثابت..ابي بس اسمع صوت امي واقول لها اني قاعدة احتضر واموت وانها بعيدة عني..
ابي اشوف نجود بيوم عرسها وشلون صارت...ابي اشوف فرحتهم كلهم معها الليلة شلون صارت وهل افتقدوني ولالا؟
ابي اقعد بسجنك يبى والله انه احرم من ها الهم اللي انا مقابلته,,,,
مع السلامة ياذكريات عبد العزيز...مع السلامة...حتى شوية الامل اللي بقلبي انمحوا خلاص...ماباقي شي...
كل شي ضاع مني وماعدت انفع لك خلاص!!!!!!!!!!!!
/////////////////////////////////////////////////////////////////////////////////////////////////
فهد بهمس/نجود...نجود...يالله قومي..
نجود بنوم/اممم..كم الساعة اللحين..
فهد/الساعة عشر ونص...
نجود رفعت الغطاء عليها لفوق/بعدها وقت ليش مصحيني بدري..
فهد/شوف الكسلانة...شكلي تورطت فيك وبراجع حساباتي من جديد..
نجود/طيب راجعهم بعيد..
فهد بترجي/يالله عاد قومي مايصير تاركتني بروحي من متى؟
نجود/انت متى صحيت؟
فهد برومنسية/ليش انا قدرت انام اصلا!!!
نجود فتحت عيونها/مانمت من..
فهد/ابدا,,,
نجود/ليش..
فهد/ماقدرت انام...حسيت اني ابي اظل اناظرك طول الوقت واحفظ ملامحك كلها علشان اذا غمضت عيوني الاقيك في بالي ومايغيب عني أي شي..
نجود ابتسمت له ومدت يدينها واخذهم وباسهم...
فهد/يالله قومي...
نجود/وين فطوري انا جوعانة...
فهد/فطورك...ومين بيسوي لك فطورك؟
نجود بثقة/انت...
فهد/اها....
نجود/طيب..بروح اجهز لك فطورك بس قومي لحقيني لاتكملين نوم..
نجود/وليش الحقك بعد...جيبه هنا لعندي مافيني اقوم امشي ولاخطوة تعبانة...
فهد/بعد!!!!وكم يوم بيستمر ها الحال ان شاءالله؟
نجود/والله مدري بس ليش تسال؟
فهد/اشوف كم يوم بجيب لك فطورك لفراشك سندريلا هانم؟
نجود/والله اذا ودك كل يوم عادي ماعندي مانع ولايهمك ماراح اردك...
فهد/يالله يالله خلصينا باقي ساعتين على المطار ها..
نجود/اغراضي كلها بالشنطة ماطلعت منها شي..يعني انا جاهزة ماعندي شي...
فهد/يالله لااروح اجهز لك الفطور....
نجود/ولاتنسى تنسقه بشكل يفتح نفسي؟؟
/////////////////////////////////////////////////////////////////////////////////////////////////////
ام علي/حسبي الله ونعم الوكيل؟
ام بندر/والله ماغفت عيني طول البارح ومن اصبح الصبح قلت بجيك يابو علي اسالك اذا انت تعرف شي عن السالفة؟
ابو علي بدهشة/لا والله ماقال لي!!!بس هو معقولة زوجها صدق؟
ام بندر/أي...وقال لي لاتكثرين اسئلة...
ام علي/لاحول ولاقوة الا بالله..متى مداه يزوجها ...
ابو علي/اخذ زواج نجود فرصة واحنا مشغولين كلنا....
ام بندر/طيب ابي اعرف هي وينها فيه..من اخذت...وين قاعدة..شلونها,,مايصير يطلعها كذا على عماها وهي مو فاهمة وش اللي بيجيها يابو علي...انت ماترضاها..
ابو علي/لاوالله ماارضاها لاللبنى ولالغيرها...وينه اللحين؟
ام بندر/والله مدري ماشفته...مدري هو طالع ولاوينه فيه...انا بقلبي نار عليها..مو كفاية اختها تجيني هي بعدها....
ابو علي/اذكري الله ياام بندر اذكري الله....انا بكلمه وبشوف وش السالفة,,,,
////////////////////////////////////////////////////////////////////////////////////////////////
في المطار,,
جواهر/دير بالك عليها....
فهد/بعيوني..
ناصر/مااوصيك عاد هاذي الغالية....
فهد/تاْكد ان غلاتها عندكم مثل غلاتها عندي ماتقل ياناصر...
نجود/سلموا على امي حييل انا بس اوصل بكلمهم...هيا ديري بالك على نفسك وبلا ها البكي انا رايحة ومستانسة وسلموا على عبير بعد ولبى وقولوا لها ترى انا عتابنة عليها لانها ماحضرت مهما كان ظرفها على الاقل ترفع لي سماعة تلفون..
بندر/هذا وبتسافرين وشره وعتب..مشاءالله؟
نجود باحتقار/انت ليش جاي اصلا!!
بندر/مااترك خطيبتي تجي بروحها....
فهد/يالله نجود مشينا....
هيا/انتبهي على نفسك...وخلينا على اتصال...
ناصر/يالله خلاص بلا ها الدموع اخت هيا وين رايحة البنت كلها اسبوعين ورادة؟
بندر/بس اسبوعين بتسافر؟
جواهر/طبعا ولا ماتبيها تحضر عرسنا؟؟
بندر/وانا فرحان اقول نجود مابتحضر عرسنا وبينور بدونها...
ضربته جواهر بشنطتها على كتفه ومشت قدام مع هيا..
ناصر بشماتة/تستاهل علشان تعرف منهي نجود؟؟؟
/////////////////////////////////////////////////////////////////////////////////////////
لبنى /ابي اكلم تلفون؟
مسفر/انتي بشهر عسل؟
لبنى بزعل/قصدك بسجن عسل؟
مسفر/والله محد ساجن نفسه غيرك؟يومين من تزوجنا وانتي ماغير ها الدموع ماتقولين لي شسالفتك؟
لبنى بانهيار/ابي اكلم اهلي....
مسفر/ماعندي تلفون؟
لبنى بانفعال/فيلا طول بعرض مافيها تلفون؟؟؟؟
مسفر/أي مافيها...عاجبك ولا....
لبنى/انا ابي افهم انا هنا شنو؟
مسفر/تعالي غيري مزاج معي وانتي تفهمين؟
لبنى/ابي اكلم امي....
مسفر/شرايك تقومين تكشخين علشان اعرفك الليلة على الربع...ترى سهرتهم الليلة هنا؟
لبنى بشماتة/ليش وين كانت سهرتهم البارحة مو هنا بعد!!!
مسفر/تراهم زعلوا يوم ماتنزلين تسلمين عليهم هاذي مو اصول عليك يالبنى؟
لبنى باحتقار/وانت عادي عندك اجي اقعد بوسط اصحابك...
مسفر/يمكن يكون وجهك عليّ خير وافوز الليلة؟
لبنى/تفوز بشنو؟
مسفر/..........
لبنى/كملت...خمر ومخدرات وقمار؟ياربي انا شسويت بدنيتي علشان يصير هذا حظي؟
مسفر بنرفزة/انتي ماتتكلمين الا مثل العجايز؟
لبنى طنشته/طيب افتح باب الفلا ابي اتمشى شوي برى؟
مسفرتمشي داخل مو لازم برى؟
لبنى بصراخ/مايصر كذا قافل عليذ كل الابواب ولاتلفون ولاغيره انا حاسة نفسي بختنق..يااخي انت ماتحس..ماعندك اهل تشتاق لهم؟
مسفر/لاانا اشتاق لهم ولاهم يشتاقون لي؟ارتحتي...يالله سدي حلقك وقومي لبسي الجماعة جايين بالطريق خلنا نجهز لزوميات السهرة...
لبنى بانهيار/يارب...يارب خذ روحي وفكني من ها العيشة يارب....ياربي والله مو قاوية....
//////////////////////////////////////////////////////////////////////////////////////////////
في النمسا وتحديدا بالفندق اللي نازلينه نجود وفهد...
فهد/نكابة مثلك مافيه؟
نجود/هذا بس علشان اني غيرت لك شنطة ثيابك؟
فهد/يبى قايل لك حياتي كلها قاضيها بالثوب والشماغ تروحين وتشيلين ثيابي وتحطين لي ها الاشياء...
نجود/تحطين لي ها الاشياء؟؟؟يبى كلها قمصان وبناطلين وبرمودات وتي شرتات...وش فيها بالله!!ولاناوي تقعد لي النمسا بثوبك؟
فهد/وليش مااقعد فيه....
نجود/هو حبيبي انت صدق تهبل فيه وتاخذ عقلي بس ابيه للسعودية بس..هنا ابي شي ثاني....ويالله خلص خلنا نطلع نتعشى...
فهد مسكها من خصرها وقربها وهمس لها/وش رايك نتعشى هنا؟
نجود بدلع/لا..
فهد/ليش؟
نجود/علشانك مجنون وجايبنا النمسا علشان نقعد بها الغرفة بس!!
فهد/ماابي عيون تشوفك غيري!!!
نجود/أي بس انا عيوني ماتشوف غيرك ولامنت متاْكد وواثق من ها الشي؟
فهد برجاء/طيب الليلة بس..
نجود/فهودي حبيبي راحت ثلاثة ايام لنا هنا ولاانت ناسي ان بعد عشرة ايام بننزل...
فهد/مو لازم نحضر زواج جواهر...
نجود/ياسلااام....ابيع عمري ولاافوت ها الحدث....طول عمري وانا انتظر اشوفها عروس.....
فهدضمها له اكثر علشان ينسيها سالفة الطلعة...
نجود/كلمت عيالك؟
فهد/أي.....
نجود/اكيد ينتظرونك على نار...
فهد/قصدك ينتظرون الهدايا..
نجود/هههه هذا اكيد فيصل....المشكلة المحبة كلها له؟
فهد بهمس/من قال عاد!!
نجود/متاْكد في احد ينافس فيصل بقلبك؟
فهد/طبعا....
نجود بدلع/منو؟
فهد/وحدة اذا بتخلينا نقعد هنا بقولها....
نجود/خلاص عرفت ماله داعي تقولي ولانقعد يالله مشينا,,,,,
////////////////////////////////////////////////////////////////////////////////////////

واخيرا وصلت جدة.....
من زمان وهي تخطط انها تجي هنا وتشوف بندر وحياته وكل اللي يدور له هنا وزادت الرغبة عندها بعد زواج مضاوي وبعد ماشافت مديرته بالعمل....وبعد ماحست ان العلاقة بينهم فيها شي ماهي فاهمته...
يمكن زواج نجود وسفرها وقرب عرسهم هو اللي دفعها تجي بها الوقت بالذات,,,,
وجابت معها ثوب العرس كنوع من الترضية لبندر في حالة انها كانت حاطة في بالها مجموعة اوهام وهذا الشي اللي كان مرجحه عقلها علشان اذا سالها عن سبب الزيارة تقوله انها جايبة له الثوب يشوفه لانه كسر بخاطرها كل مرة يسال عنه...
طلعت المفتاح وفتحت الشقة بهدوء......
هذا المفتاح اللي نسخته منه ذاك اليوم....
دخلت وسكرت وراها الباب وشغلت الاضاءة كلها....
كل شي مثل الصور تماما حتى الشارع اللي مرت فيه كان مثل الصور اللي جابها لهم ابتسمت في نفسها ليش ماتدري...
كانت الشقة كلها مفتوحة على بعض...
حطت ثوب العرس وعبايتها فوق الفراش وراحت للصالة يمكن خيرة انها ماانتبهت لصورة دلع اللي جنب السرير,,,
تاْملت بالشقة وهي مستغربة كل شي فيها مرتب ومعطر وكانها شقة معاريس مو شقة عزابي ماعنده احد وساكن بروحه!!!
قعدت على الكنبة وطلعت جوالها تدق عليه
جواهر/هلا حبيبي..
بندر/هلا فيك...
جواهر/وينك انت؟
بندر/يعني وين بكون بالشقة ياقلبي؟
قالت بنفسها(ياشين كذبك ..اذا انت بالشقة انا ويني فيه؟)
بندر/بغيتي شي ياقلبي؟
جواهر/ها...لا ..ليش ممنوع اكلمك واتطمن عليك؟
بندر/لاانا ماقلت كذا!!
جواهر/على العموم انا تاركة لك مفاجاْة اليوم بتجيك بالطريق؟
بندر/اليوم؟
جواهر/أي اليوم ..يالله باي...
ياترى ليش كذب عليّ وقال بالشقة!!معقولة عنده شقة ثانية غيرها بجدة؟
مستحيل كل الصور اللي عطاني اياهم هنا بها الشقة وعلى ها الشارع وحتى المفتاح حقه فتح لي!!!!
ليش ياجواهر ليش؟؟؟؟
وهي بتفكيرها بكذب بندر عليا سمعت صوت صفير وشماتة عالي...رفعت راسها وكانت الصدمة اللي جمدتها بمكانها وجمدت عيونها!!
دلع/هلا وغلا.....يعني هاذي المفاجاْة,,,تعالي مو باقي اسبوع وشوي بس على العرس وراك جاية برجلك لقبرك!!!
جواهر بذهول وحدة/انتي وش تسوين هنا؟
دلع قعدت بعد ماشالت عبايتها وحطت رجل على رجل/هاذي شقتي!!!يعني سؤالك غريب مرة؟
ماقوت تقول شي وسكتت مرة وحدة بعد ها الكلمة ...
دلع بحدة/خلينا نختصر الموضوع مع بعضنا يابنت الهاجري....
رفعت راسها وقالت بذهول/بنت الهاجري؟؟؟؟؟
دلع بتطنيش/اسمعي من النهاية...بندر زوجي...ولاتفكرين ان الواقع بيتغير لمجرد انك جيتي وعرفتي....اصلا ليلة زواجك بتكون هي نفسها ليلة زواجي !!شفتي شلون...صحيح احنا متزوجين بجدة بس اهل الشرقية مايدرون عنا..انا رتبت كل شي علشان ننزف لبندر مع بعض بنفس الليلة وانتي وشطارتك عاد!!!!الا الاحلى هي اللي بتجيبه صوبها,,,ولاتفكرين قاعة الجواهر بتنصفك لانها لي وبفلوسي...يمكن تعطفت وخليته يسميها باسمك ومثل مابغيتي تفصيلها بس ترى القاعة لي وبندر مجرد ديكور بالسالفة؟؟؟؟
///////////////////////////////////////////////////////////////////////////////////////
هاذي حالته من عرفته كم ليلة بعد مايطلعون وينتهي من لعب القمار وشرب ها السم ينسى نفسه وينسى العالم ويعيش بدنيا ثانية,,,,,
حتى نوم مثل العالم والناس تخاف تنام الا اذا لبست عبايتها وراحت تحت الستارة تتخبى تحتها وتنام!!!!
بس الليلة بكروا وجاها الغرفة قبل لاتلبس حتى عبايتها,,,,
لبنى بخوف من شكله/خير وش تبي؟؟؟
كان مسفر جسمه ضخم وجثته كبيرة وفيه غلظة بملامحه تكرهه زيادة مع تصرفاته القاسية واذا صار كذا تخاف منه ستين مرة,,,
مسفر/انتي علامك قاعدة هنا...
لبنى/ووين تبيني اروح؟؟
سدح نفسه على السرير واشمئزت من ريحته اللي طالعة,,,
مسفر/ليش ماتلبسين مثل اللبنانين ترى جسمك حلو؟
لبنى/.لاتعليق؟
مسفر/احاكيك انا وين رحتي؟
لبنى/وينك ياسجن ابوي صدق كنت ارحم من كذا!!!!
مسفر/الا هو صدق ابوك كان فاتح له سجن يالبنى؟؟؟
لبنى باحتقار ومن بين دموعها/وينك يمه..تعالي شوفيني وشوفي وش اللي قاعد يجرى لي!!!
مسفر/تعالي خلينا نروق تو الليل باوله؟
لبنى/أي ليل الساعة ست ونص الصبح ولاماتعرف حتى الاوقات؟
مسفر/منهم ذولا؟
لبنى/ياشينك اذا صارت علومك كذا ومنت داري عن شي بللي حواليك؟
مسفر/لبنى ماودك تجربين شي يخليك تطيرين فوق السحاب ويغير لك دنيتك؟
لبنى/انت شقاعد تقول؟
مسفر/انتي ماعندك هموم ودك تنسيها...
لبنى باحتقار/انت اولها؟
طلع من جيبه كيس صغير/تعالي انسي وبتشكريني يالبنى؟
ناظرت بالكيس بخوف وهي تردد في بالها معقولة بيخليني ادمن مثله!!!!!!!!!!!
/////////////////////////////////////////////////////////////////////////////////////////////////
دخل الشقة وهو يغني ويصافر واستغرب من هدوئها الشديد...
بندر/ها...لهدرجة تاْخرت انا علشان تقلبين وجهك عليّ!!
قاطعته بحدة/بندر..تعرف المفاجاْة اللي قالت عنها اليوم؟
وقف مكانه وهو يناظرها وقال بتردد/شنو؟
دلع/كانت هنا..جواهر كانت هنا..وعرفت كل شي يابندر؟
طاح حوض السمك الصغير من يده وتكسر....وقال بذهول/وين كانت!!!
بحدة قالت له/هنا,,,,
بندر/وش عرفت انتي وش قلتي لها؟
بلا اهتمام قالت له/انت ماصادفتها على الدرج وانت راكب توها نازلة روح شوفها اكيد بتلحق عليها؟
طلع مثل المجنون وانفاسه تتسارع/هاذي المصيبة اللي ماحسب لها حساب..نزل بسرعة لعند البوابة.حقت العمارة وسال البواب اذا كان شاف وحدة طالعة قبل شوي,,
البواب/أي..اللي كانت شايلة معها ثوب عرس وتمشي فيه,,,؟؟كاهي هناك بذاك الشارع قاعدة على الرصيف؟؟
///////////////////////////////////////////////////////////////////////////////////////
عند احلى شلالات كانوا واقفين,,,
واياديهم شابكة ببعض...ونصهم واقف تحت الشلال وغرقان بمايه بس كان شي بعيونهم اكبر من كل شي...
نجود/فهد ابيك توعدني بها المكان الحلو انك تظل معي لااخر يوم بحياتك وان قلبك مايحب غيري؟؟؟
سحبها من يدها اكثر لعنده وصارت كلها تحت الشلال والماي يطيح عليها وهو يهمس لها/ابيك انتي توعديني انك تضلين كذا ومايتغير فيك أي شي ياعمري,,,
نجود/وعد يافهد وعد....بظل معك احلى من كذا وبتشوف...
فهد/وبس نرجع من اسبوعين العسل؟
نجود/بتلاقي ايم عسل ماتنعد ولاتنحصى من كثرتها!!!اصلا كل يوم بيمر علينا بيصير شهر عسل....صدقني...كل لحظة من لحظات حياتنا بنعيشها بحب اكبر من ها الحب اللي احنا عايشينه؟
فهد/بس يانجود تراك ماشفتي نجلاء بعدك واكيد انها بتضيق خلقك بكم كلمة
نجود/لانجلاء ولاسارة ولاام مصعب ولااي احد بيغير اللي بقلوبنا صح ولاانا غلطانة؟
فهد/اكيد..
نجود/خلاص..طالما انت معي وواقف جنبي وانا معك وجنبك ليش بعد تحاول تخوفني؟
فهد/لا انا مااخوفك انا بس اعطيك الحقيقة وابينها لك..
نجود بدلع/لاخلاص خوفتني وعلشان ارضى لازم تبوسني وتصالحني ,,,
//////////////////////////////////////////////////////////////////////////////////////////////
شافها جالسة بروحها بزاوية الشارع وثوب عرسها قدامها وكل اللي يمر يفكرها مجنونة!!..
ماقدر يتحرك من مكانه ولاحتى طاعته رجله يتقرب منها...كان عارف الخبر بيصدمها وماتمنى تعرفه..بس كاهي عرفت...وانتهى الموضوع,,,
لازم يتحرك ويكلمها ويطلب السماح ويحاول ويحاول,,,
ظل يناظرها وبينه وبينها شارع ...وكاْن قلبها حس بنظراته لها...رفعت راسها ولقته يناظرها...وماتحملت تشوف عيونه الكذابة...وماتحمل هو يشوف عيونها اللي ملايانة كلام عتب ولوم...نزل راسه راسه للارض وهو يتنهد ويحاول يكون قوي علشان يعتذر منها ويراضيها,,,
رفع راسه بشويش بعد مااخذ له نفس كبير وانصدم انه مالقاها مكانها؟؟؟ تحركت عيونه يمين وشمال تدور عليها وماشاف أي شي؟؟؟
معقولى اختفت بها السرعة ؟وين راحت وين؟ثواني بس اللي فصلتنا عن بعض وين راحت فيهم ياترى؟؟؟
//////////////////////////////////////////////////////////////////////////////////
---البارت السادس والسبعين---
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
بدلت فستانها ولبست ثوب نوم مغري نوعا ما وكان لونه توتي على عنابي وقماشه ستاني,,,وسيوره مطرزة على شكلx وشبه شفاف بمنطقة الصدر,,وفتحت شعرها اللي كانت مسويته شينون خفيف ورفعته من فوق وجابت الباقي على جنب علشان تبان حركة الفستان اللي بضهرها وشالت مكياجها كله على رواق وكانها متعمدة تخليه يحترق بناره اكثر واكثر ,,وغسلت وجهها وحطت لها كريم خفيف وكحلة ومرطب شفايف بس,,وبختين عطر تحت اذنها وتسندت على الكرسي لثواني..وهي تفكر هل تشغل الشموع اللي حوالين السرير اللحين ولابعدين ومدام انها فاضية ماعندها شي قامت شغلتهم كلهم وشغلت الفواحة الصغيرة بعد اللي قبال السريرواللي عطت الجو روعة باضاءتها وبريحتها,,
ارتاحت نسبيا من الجو بعد ماطفت الانوار كلها ورجعت تقعد على الفراش تنتظر فهد,,,,
قامت ورجعت قعدت من جديد وصارت هاذي حالتها كل شوي تغير مكانها على السرير مرة تقعد بوسطه ومرة تقعد بطرفه ومرة تقعد بالمقدمة لين استقرت بمقدمته واول ماسندت ضهرها جاها صوت فهد وهو متسند على الباب,,
فهد/يعني اللي مخليك تطولين بالسالفة الشموع ولاالمكان اللي بتقعدين فيه؟
رفعت راسها وهي محاولة تتذكر هل قفلت الباب ولالا؟بس اكيد لا مدام انه دخل...
نجود بثقة/لاهذا ولاذاك...
فهد تقدم منها وقعد قبالها/وليش تاركتني ماناديتيني يوم انك بدلتي وخلصتي؟
نجود بنفس الثقة/وليش اناديك؟
فهد/.........ماتحسينه سؤال غريب لاني بظل انتظرك برى ويمكن انعس وانام وانتي ماناديتيني؟
نجود/وهذا انت لانعست ولانمت!!وفوق هذا جيت بنفسك بدون عزومة؟
فهد/ليش ماتبيني؟
نجود/انا ماقلت شي انت سالت وانا جاوبتك؟
تقرب منها بهدوء ومسك يدينها بين يديه وقال لها بهمس/متاْكدة انك بتكملين حياتك معي,,,منتي مترددة على ها القرار يانجود؟
نجود بسرعة/طبعا لا..هذا اختياري انا....
فهد/تحبيني؟؟؟؟
نجود/ممكن اهديك اغنية..
فهد/بس على شرط انها تكون بصوتك انتي؟
نجود/لا الليلة صوتي لك عليه شوي خليها لمرة ثانية..
فهد تقرب وحط راسه بحضنها وقال لها وهو يقرب يدينها من صدره/فهد يقولك يبيها بصوتك تقولين لا؟؟وش ها الحكي عاد!!يالله انا اسمعك اطربيني...
نجود/........ابي حبك معي يكبر...وابي اهواك انا اكثر..

وابي اهديك انا دنياي...كل اللي عليه اقدر..

حبيبي انت احساسي...ونبض القلب وانفاسي..

ولو صار الزمن قاسي...علشان عيونك اتصبر..

غرامك كل يوم يزود .....ولايعرف مدى وحدود..

عيوني في هواك شهود.... يارب مايوم نتغير..///////////////////////////////////////////////////////////////////////////////////////////////////
ام بندر/هنوف قبل لاتبدلين ثيابك روحي بيت عمك شوفي لبنى هناك انا ماشفتها بالعرس وكل الناس سالتني عنها وماعرفت شقول لهم؟
هنوف/انا بعد دورتها ومالقيتها رغم المفروض تكون معنا بالكوافيرة وكل ماادق لها جوالها مغلق؟
ابو بندر اللي كان قاعد بالصالة/روحي غرفتك ياهنوف ماله داعي تروحين تسالين عنها..
هنوف انصاعت لااوامر ابوها وركبت...
ام بندر/انا ماقلت لك اني بخليها تجي وانت مو طايقها بس خلني اتطمن عليها انا اليوم ماشافتها ومو معقولة ماتحضر عرس بنت عمها بدون أي اسباب؟
ابو بندر/ومن قال لك ان ماعندها اسباب؟
ام بندر/ياسلاااام وش اسبابه اللي بتخليها ماتحضر ان شاءالله؟
ابو بندر/نجود وينها اللحين؟
ام بندر/يعني وين بتكون وهي الليلة عرسها؟؟؟في بيت زوجها اكيد؟
ابو بندر قام بيركب/خلصنا..لبنى بعد في بيت زوجها لاتخافين عليها؟؟؟؟؟؟؟؟؟
////////////////////////////////////////////////////////////////////////////////////////////////
جواهر بنعس/خلاص ودي انام اللي معي ناموا ماابي ازعجهم؟
بندر/وانا وشعلي بالله من اللي معك قومي خل نتمشى شوي؟
جواهر/حبيبي عن الجنون اللي انت فيه ؟؟تعرف كم الساعة اللحين؟
بندر/وكم يعني؟
جواهر/داخلة على الاربع وربع...نتمشى ووين نروح؟
بندر/حبيبي احنا مو جايين الرياض علشان نقعد بالفندق انا بغرفة وانتي بغرفة وحتى بالتلفون تقولين لي مدري شنو؟
جواهر/والله اللي اعرفه ان احنا جايين الرياض علشان نجود وبكرة بنوصلها المطار وبنرجع الشرقية,,,,الا اقول بندر وش تتوقعن قاعدين يسووا اللحين ناموا؟
بندر/لا وين ناموا ..محد نام الا نويصر؟
ناصر وهو على السرير الثاني/مانمت قاعد اسمعك..
لف له بندر/لا..وليش حاقرني يوم انك قاعد ان شاءالله؟
ناصر/انت من جيت الفندق وانت تلفونات مع بنت الهاجري تبيني اقول اني قاعد ليش بالله علشان اصير حشري؟
جواهر/ههههه
بندر/ول ول ول...نام زين فكنا..
ناصر بصوت عالي/جواهر خطبيلي واللي يسلمك؟
جواهر/قوله من عيوني..
بندر/يالله قالت من عيونها ماتنعطينا وجه...
جواهر/ياسلاااام هذا اخو الغالية عسى ربي يوفقها...
بندر/أي زين درينا.....
جواهر/خلاص ماباقي غير اسبوعين ونلحقم احنا بعد على نفس الدرب...
بندر/يااني ناطر ها الاسبوعين على نار ياقلبي....مشتاق لك حييل فوق ماتتصورين...
ناصر/لابالله انا اختربت الليلة منك يابنيدر....
بندر/انت ماتبلع حلقك وتسكت؟
ناصر/وانت بعد لاتقول قدامي كلام يثيرني؟
بندر/اسمع..اللحين اذا قلت لمرتي اني مشتاق لك حيل يصير كلام يثير؟
ناصر/لاتنسى اني ماافهم بها السوالف واي كلمة ممكن تاْثر فيني..
بندر/اسكت واللي يعافيك تراك ماعرفت الكلام الزين بعدك ولاسمعته!!!
//////////////////////////////////////////////////////////////////////////////////////////////////
الله يجازي هلي..باعوني من تالي.

الجسد للمشتري..والروح للغالي..

والله مالي ذنب...بس دروا بيا احب..

وقلوبهم لو من صخر...ونت على حالي..

هذا كان لسان حال لبنى ودموعها فوق خدودها وهي ضامة عبايتها عليها وتناظر بجسمه المدد على الفراش وهو بسابع نومة,,,
كل شي فيه يخوف وينرفز..جسمه..ريحته..اسلوبه..طبايعه..كلامه...حست انها بتموت اذا ماطلعت تتنفس برى ها الغرفة بس المشكلة الغرفة ومقفلة...
وين تروح هاذي بيعة العمر اللي انباعتها لانها قالت احب..هذا جزاءها انها اعترفت بالحب قدام ابوها..لو كانت ساكتة ماكانت هنا الللية وبها القرف اللي هي عايشة فيه,,,
بس شتقول..سكوت ابوها عنها طول المدة اللي فاتت كان كله بتخطيط..من زمان كلمها عنه ويوم قالت له مدمن قال لها عالجيه انتي...هذا يشرب ومدمن وحالته لله...وش اعالج فيه...والله اني بموت ان قعدت يوم ثاني هنا...لاجوال لاتلفون ثابت..ابي بس اسمع صوت امي واقول لها اني قاعدة احتضر واموت وانها بعيدة عني..
ابي اشوف نجود بيوم عرسها وشلون صارت...ابي اشوف فرحتهم كلهم معها الليلة شلون صارت وهل افتقدوني ولالا؟
ابي اقعد بسجنك يبى والله انه احرم من ها الهم اللي انا مقابلته,,,,
مع السلامة ياذكريات عبد العزيز...مع السلامة...حتى شوية الامل اللي بقلبي انمحوا خلاص...ماباقي شي...
كل شي ضاع مني وماعدت انفع لك خلاص!!!!!!!!!!!!
/////////////////////////////////////////////////////////////////////////////////////////////////

فهد بهمس/نجود...نجود...يالله قومي..
نجود بنوم/اممم..كم الساعة اللحين..
فهد/الساعة عشر ونص...
نجود رفعت الغطاء عليها لفوق/بعدها وقت ليش مصحيني بدري..
فهد/شوف الكسلانة...شكلي تورطت فيك وبراجع حساباتي من جديد..
نجود/طيب راجعهم بعيد..
فهد بترجي/يالله عاد قومي مايصير تاركتني بروحي من متى؟
نجود/انت متى صحيت؟
فهد برومنسية/ليش انا قدرت انام اصلا!!!
نجود فتحت عيونها/مانمت من..
فهد/ابدا,,,
نجود/ليش..
فهد/ماقدرت انام...حسيت اني ابي اظل اناظرك طول الوقت واحفظ ملامحك كلها علشان اذا غمضت عيوني الاقيك في بالي ومايغيب عني أي شي..
نجود ابتسمت له ومدت يدينها واخذهم وباسهم...
فهد/يالله قومي...
نجود/وين فطوري انا جوعانة...
فهد/فطورك...ومين بيسوي لك فطورك؟
نجود بثقة/انت...
فهد/اها....
نجود/طيب..بروح اجهز لك فطورك بس قومي لحقيني لاتكملين نوم..
نجود/وليش الحقك بعد...جيبه هنا لعندي مافيني اقوم امشي ولاخطوة تعبانة...
فهد/بعد!!!!وكم يوم بيستمر ها الحال ان شاءالله؟
نجود/والله مدري بس ليش تسال؟
فهد/اشوف كم يوم بجيب لك فطورك لفراشك سندريلا هانم؟
نجود/والله اذا ودك كل يوم عادي ماعندي مانع ولايهمك ماراح اردك...
فهد/يالله يالله خلصينا باقي ساعتين على المطار ها..
نجود/اغراضي كلها بالشنطة ماطلعت منها شي..يعني انا جاهزة ماعندي شي...
فهد/يالله لااروح اجهز لك الفطور....
نجود/ولاتنسى تنسقه بشكل يفتح نفسي؟؟
/////////////////////////////////////////////////////////////////////////////////////////////////////
ام علي/حسبي الله ونعم الوكيل؟
ام بندر/والله ماغفت عيني طول البارح ومن اصبح الصبح قلت بجيك يابو علي اسالك اذا انت تعرف شي عن السالفة؟
ابو علي بدهشة/لا والله ماقال لي!!!بس هو معقولة زوجها صدق؟
ام بندر/أي...وقال لي لاتكثرين اسئلة...
ام علي/لاحول ولاقوة الا بالله..متى مداه يزوجها ...
ابو علي/اخذ زواج نجود فرصة واحنا مشغولين كلنا....
ام بندر/طيب ابي اعرف هي وينها فيه..من اخذت...وين قاعدة..شلونها,,مايصير يطلعها كذا على عماها وهي مو فاهمة وش اللي بيجيها يابو علي...انت ماترضاها..
ابو علي/لاوالله ماارضاها لاللبنى ولالغيرها...وينه اللحين؟
ام بندر/والله مدري ماشفته...مدري هو طالع ولاوينه فيه...انا بقلبي نار عليها..مو كفاية اختها تجيني هي بعدها....
ابو علي/اذكري الله ياام بندر اذكري الله....انا بكلمه وبشوف وش السالفة,,,,
////////////////////////////////////////////////////////////////////////////////////////////////
في المطار,,
جواهر/دير بالك عليها....
فهد/بعيوني..
ناصر/مااوصيك عاد هاذي الغالية....
فهد/تاْكد ان غلاتها عندكم مثل غلاتها عندي ماتقل ياناصر...
نجود/سلموا على امي حييل انا بس اوصل بكلمهم...هيا ديري بالك على نفسك وبلا ها البكي انا رايحة ومستانسة وسلموا على عبير بعد ولبى وقولوا لها ترى انا عتابنة عليها لانها ماحضرت مهما كان ظرفها على الاقل ترفع لي سماعة تلفون..
بندر/هذا وبتسافرين وشره وعتب..مشاءالله؟
نجود باحتقار/انت ليش جاي اصلا!!
بندر/مااترك خطيبتي تجي بروحها....
فهد/يالله نجود مشينا....
هيا/انتبهي على نفسك...وخلينا على اتصال...
ناصر/يالله خلاص بلا ها الدموع اخت هيا وين رايحة البنت كلها اسبوعين ورادة؟
بندر/بس اسبوعين بتسافر؟
جواهر/طبعا ولا ماتبيها تحضر عرسنا؟؟
بندر/وانا فرحان اقول نجود مابتحضر عرسنا وبينور بدونها...
ضربته جواهر بشنطتها على كتفه ومشت قدام مع هيا..
ناصر بشماتة/تستاهل علشان تعرف منهي نجود؟؟؟
/////////////////////////////////////////////////////////////////////////////////////////
لبنى /ابي اكلم تلفون؟
مسفر/انتي بشهر عسل؟
لبنى بزعل/قصدك بسجن عسل؟
مسفر/والله محد ساجن نفسه غيرك؟يومين من تزوجنا وانتي ماغير ها الدموع ماتقولين لي شسالفتك؟
لبنى بانهيار/ابي اكلم اهلي....
مسفر/ماعندي تلفون؟
لبنى بانفعال/فيلا طول بعرض مافيها تلفون؟؟؟؟
مسفر/أي مافيها...عاجبك ولا....
لبنى/انا ابي افهم انا هنا شنو؟
مسفر/تعالي غيري مزاج معي وانتي تفهمين؟
لبنى/ابي اكلم امي....
مسفر/شرايك تقومين تكشخين علشان اعرفك الليلة على الربع...ترى سهرتهم الليلة هنا؟
لبنى بشماتة/ليش وين كانت سهرتهم البارحة مو هنا بعد!!!
مسفر/تراهم زعلوا يوم ماتنزلين تسلمين عليهم هاذي مو اصول عليك يالبنى؟
لبنى باحتقار/وانت عادي عندك اجي اقعد بوسط اصحابك...
مسفر/يمكن يكون وجهك عليّ خير وافوز الليلة؟
لبنى/تفوز بشنو؟
مسفر/..........
لبنى/كملت...خمر ومخدرات وقمار؟ياربي انا شسويت بدنيتي علشان يصير هذا حظي؟
مسفر بنرفزة/انتي ماتتكلمين الا مثل العجايز؟
لبنى طنشته/طيب افتح باب الفلا ابي اتمشى شوي برى؟
مسفرتمشي داخل مو لازم برى؟
لبنى بصراخ/مايصر كذا قافل عليذ كل الابواب ولاتلفون ولاغيره انا حاسة نفسي بختنق..يااخي انت ماتحس..ماعندك اهل تشتاق لهم؟
مسفر/لاانا اشتاق لهم ولاهم يشتاقون لي؟ارتحتي...يالله سدي حلقك وقومي لبسي الجماعة جايين بالطريق خلنا نجهز لزوميات السهرة...
لبنى بانهيار/يارب...يارب خذ روحي وفكني من ها العيشة يارب....ياربي والله مو قاوية....
//////////////////////////////////////////////////////////////////////////////////////////////
في النمسا وتحديدا بالفندق اللي نازلينه نجود وفهد...
فهد/نكابة مثلك مافيه؟
نجود/هذا بس علشان اني غيرت لك شنطة ثيابك؟
فهد/يبى قايل لك حياتي كلها قاضيها بالثوب والشماغ تروحين وتشيلين ثيابي وتحطين لي ها الاشياء...
نجود/تحطين لي ها الاشياء؟؟؟يبى كلها قمصان وبناطلين وبرمودات وتي شرتات...وش فيها بالله!!ولاناوي تقعد لي النمسا بثوبك؟
فهد/وليش مااقعد فيه....
نجود/هو حبيبي انت صدق تهبل فيه وتاخذ عقلي بس ابيه للسعودية بس..هنا ابي شي ثاني....ويالله خلص خلنا نطلع نتعشى...
فهد مسكها من خصرها وقربها وهمس لها/وش رايك نتعشى هنا؟
نجود بدلع/لا..
فهد/ليش؟
نجود/علشانك مجنون وجايبنا النمسا علشان نقعد بها الغرفة بس!!
فهد/ماابي عيون تشوفك غيري!!!
نجود/أي بس انا عيوني ماتشوف غيرك ولامنت متاْكد وواثق من ها الشي؟
فهد برجاء/طيب الليلة بس..
نجود/فهودي حبيبي راحت ثلاثة ايام لنا هنا ولاانت ناسي ان بعد عشرة ايام بننزل...
فهد/مو لازم نحضر زواج جواهر...
نجود/ياسلااام....ابيع عمري ولاافوت ها الحدث....طول عمري وانا انتظر اشوفها عروس.....
فهدضمها له اكثر علشان ينسيها سالفة الطلعة...
نجود/كلمت عيالك؟
فهد/أي.....
نجود/اكيد ينتظرونك على نار...
فهد/قصدك ينتظرون الهدايا..
نجود/هههه هذا اكيد فيصل....المشكلة المحبة كلها له؟
فهد بهمس/من قال عاد!!
نجود/متاْكد في احد ينافس فيصل بقلبك؟
فهد/طبعا....
نجود بدلع/منو؟
فهد/وحدة اذا بتخلينا نقعد هنا بقولها....
نجود/خلاص عرفت ماله داعي تقولي ولانقعد يالله مشينا,,,,,
////////////////////////////////////////////////////////////////////////////////////////
واخيرا وصلت جدة.....
من زمان وهي تخطط انها تجي هنا وتشوف بندر وحياته وكل اللي يدور له هنا وزادت الرغبة عندها بعد زواج مضاوي وبعد ماشافت مديرته بالعمل....وبعد ماحست ان العلاقة بينهم فيها شي ماهي فاهمته...
يمكن زواج نجود وسفرها وقرب عرسهم هو اللي دفعها تجي بها الوقت بالذات,,,,
وجابت معها ثوب العرس كنوع من الترضية لبندر في حالة انها كانت حاطة في بالها مجموعة اوهام وهذا الشي اللي كان مرجحه عقلها علشان اذا سالها عن سبب الزيارة تقوله انها جايبة له الثوب يشوفه لانه كسر بخاطرها كل مرة يسال عنه...
طلعت المفتاح وفتحت الشقة بهدوء......
هذا المفتاح اللي نسخته منه ذاك اليوم....
دخلت وسكرت وراها الباب وشغلت الاضاءة كلها....
كل شي مثل الصور تماما حتى الشارع اللي مرت فيه كان مثل الصور اللي جابها لهم ابتسمت في نفسها ليش ماتدري...
كانت الشقة كلها مفتوحة على بعض...
حطت ثوب العرس وعبايتها فوق الفراش وراحت للصالة يمكن خيرة انها ماانتبهت لصورة دلع اللي جنب السرير,,,
تاْملت بالشقة وهي مستغربة كل شي فيها مرتب ومعطر وكانها شقة معاريس مو شقة عزابي ماعنده احد وساكن بروحه!!!
قعدت على الكنبة وطلعت جوالها تدق عليه
جواهر/هلا حبيبي..
بندر/هلا فيك...
جواهر/وينك انت؟
بندر/يعني وين بكون بالشقة ياقلبي؟
قالت بنفسها(ياشين كذبك ..اذا انت بالشقة انا ويني فيه؟)
بندر/بغيتي شي ياقلبي؟
جواهر/ها...لا ..ليش ممنوع اكلمك واتطمن عليك؟
بندر/لاانا ماقلت كذا!!
جواهر/على العموم انا تاركة لك مفاجاْة اليوم بتجيك بالطريق؟
بندر/اليوم؟
جواهر/أي اليوم ..يالله باي...
ياترى ليش كذب عليّ وقال بالشقة!!معقولة عنده شقة ثانية غيرها بجدة؟
مستحيل كل الصور اللي عطاني اياهم هنا بها الشقة وعلى ها الشارع وحتى المفتاح حقه فتح لي!!!!
ليش ياجواهر ليش؟؟؟؟
وهي بتفكيرها بكذب بندر عليا سمعت صوت صفير وشماتة عالي...رفعت راسها وكانت الصدمة اللي جمدتها بمكانها وجمدت عيونها!!
دلع/هلا وغلا.....يعني هاذي المفاجاْة,,,تعالي مو باقي اسبوع وشوي بس على العرس وراك جاية برجلك لقبرك!!!
جواهر بذهول وحدة/انتي وش تسوين هنا؟
دلع قعدت بعد ماشالت عبايتها وحطت رجل على رجل/هاذي شقتي!!!يعني سؤالك غريب مرة؟
ماقوت تقول شي وسكتت مرة وحدة بعد ها الكلمة ...
دلع بحدة/خلينا نختصر الموضوع مع بعضنا يابنت الهاجري....
رفعت راسها وقالت بذهول/بنت الهاجري؟؟؟؟؟
دلع بتطنيش/اسمعي من النهاية...بندر زوجي...ولاتفكرين ان الواقع بيتغير لمجرد انك جيتي وعرفتي....اصلا ليلة زواجك بتكون هي نفسها ليلة زواجي !!شفتي شلون...صحيح احنا متزوجين بجدة بس اهل الشرقية مايدرون عنا..انا رتبت كل شي علشان ننزف لبندر مع بعض بنفس الليلة وانتي وشطارتك عاد!!!!الا الاحلى هي اللي بتجيبه صوبها,,,ولاتفكرين قاعة الجواهر بتنصفك لانها لي وبفلوسي...يمكن تعطفت وخليته يسميها باسمك ومثل مابغيتي تفصيلها بس ترى القاعة لي وبندر مجرد ديكور بالسالفة؟؟؟؟
///////////////////////////////////////////////////////////////////////////////////////
هاذي حالته من عرفته كم ليلة بعد مايطلعون وينتهي من لعب القمار وشرب ها السم ينسى نفسه وينسى العالم ويعيش بدنيا ثانية,,,,,
حتى نوم مثل العالم والناس تخاف تنام الا اذا لبست عبايتها وراحت تحت الستارة تتخبى تحتها وتنام!!!!
بس الليلة بكروا وجاها الغرفة قبل لاتلبس حتى عبايتها,,,,
لبنى بخوف من شكله/خير وش تبي؟؟؟
كان مسفر جسمه ضخم وجثته كبيرة وفيه غلظة بملامحه تكرهه زيادة مع تصرفاته القاسية واذا صار كذا تخاف منه ستين مرة,,,
مسفر/انتي علامك قاعدة هنا...
لبنى/ووين تبيني اروح؟؟
سدح نفسه على السرير واشمئزت من ريحته اللي طالعة,,,
مسفر/ليش ماتلبسين مثل اللبنانين ترى جسمك حلو؟
لبنى/.لاتعليق؟
مسفر/احاكيك انا وين رحتي؟
لبنى/وينك ياسجن ابوي صدق كنت ارحم من كذا!!!!
مسفر/الا هو صدق ابوك كان فاتح له سجن يالبنى؟؟؟
لبنى باحتقار ومن بين دموعها/وينك يمه..تعالي شوفيني وشوفي وش اللي قاعد يجرى لي!!!
مسفر/تعالي خلينا نروق تو الليل باوله؟
لبنى/أي ليل الساعة ست ونص الصبح ولاماتعرف حتى الاوقات؟
مسفر/منهم ذولا؟
لبنى/ياشينك اذا صارت علومك كذا ومنت داري عن شي بللي حواليك؟
مسفر/لبنى ماودك تجربين شي يخليك تطيرين فوق السحاب ويغير لك دنيتك؟
لبنى/انت شقاعد تقول؟
مسفر/انتي ماعندك هموم ودك تنسيها...
لبنى باحتقار/انت اولها؟
طلع من جيبه كيس صغير/تعالي انسي وبتشكريني يالبنى؟
ناظرت بالكيس بخوف وهي تردد في بالها معقولة بيخليني ادمن مثله!!!!!!!!!!!
/////////////////////////////////////////////////////////////////////////////////////////////////
دخل الشقة وهو يغني ويصافر واستغرب من هدوئها الشديد...
بندر/ها...لهدرجة تاْخرت انا علشان تقلبين وجهك عليّ!!
قاطعته بحدة/بندر..تعرف المفاجاْة اللي قالت عنها اليوم؟
وقف مكانه وهو يناظرها وقال بتردد/شنو؟
دلع/كانت هنا..جواهر كانت هنا..وعرفت كل شي يابندر؟
طاح حوض السمك الصغير من يده وتكسر....وقال بذهول/وين كانت!!!
بحدة قالت له/هنا,,,,
بندر/وش عرفت انتي وش قلتي لها؟
بلا اهتمام قالت له/انت ماصادفتها على الدرج وانت راكب توها نازلة روح شوفها اكيد بتلحق عليها؟
طلع مثل المجنون وانفاسه تتسارع/هاذي المصيبة اللي ماحسب لها حساب..نزل بسرعة لعند البوابة.حقت العمارة وسال البواب اذا كان شاف وحدة طالعة قبل شوي,,
البواب/أي..اللي كانت شايلة معها ثوب عرس وتمشي فيه,,,؟؟كاهي هناك بذاك الشارع قاعدة على الرصيف؟؟
///////////////////////////////////////////////////////////////////////////////////////
عند احلى شلالات كانوا واقفين,,,
واياديهم شابكة ببعض...ونصهم واقف تحت الشلال وغرقان بمايه بس كان شي بعيونهم اكبر من كل شي...
نجود/فهد ابيك توعدني بها المكان الحلو انك تظل معي لااخر يوم بحياتك وان قلبك مايحب غيري؟؟؟
سحبها من يدها اكثر لعنده وصارت كلها تحت الشلال والماي يطيح عليها وهو يهمس لها/ابيك انتي توعديني انك تضلين كذا ومايتغير فيك أي شي ياعمري,,,
نجود/وعد يافهد وعد....بظل معك احلى من كذا وبتشوف...
فهد/وبس نرجع من اسبوعين العسل؟
نجود/بتلاقي ايم عسل ماتنعد ولاتنحصى من كثرتها!!!اصلا كل يوم بيمر علينا بيصير شهر عسل....صدقني...كل لحظة من لحظات حياتنا بنعيشها بحب اكبر من ها الحب اللي احنا عايشينه؟
فهد/بس يانجود تراك ماشفتي نجلاء بعدك واكيد انها بتضيق خلقك بكم كلمة
نجود/لانجلاء ولاسارة ولاام مصعب ولااي احد بيغير اللي بقلوبنا صح ولاانا غلطانة؟
فهد/اكيد..
نجود/خلاص..طالما انت معي وواقف جنبي وانا معك وجنبك ليش بعد تحاول تخوفني؟
فهد/لا انا مااخوفك انا بس اعطيك الحقيقة وابينها لك..
نجود بدلع/لاخلاص خوفتني وعلشان ارضى لازم تبوسني وتصالحني ,,,
//////////////////////////////////////////////////////////////////////////////////////////////
شافها جالسة بروحها بزاوية الشارع وثوب عرسها قدامها وكل اللي يمر يفكرها مجنونة!!..
ماقدر يتحرك من مكانه ولاحتى طاعته رجله يتقرب منها...كان عارف الخبر بيصدمها وماتمنى تعرفه..بس كاهي عرفت...وانتهى الموضوع,,,
لازم يتحرك ويكلمها ويطلب السماح ويحاول ويحاول,,,
ظل يناظرها وبينه وبينها شارع ...وكاْن قلبها حس بنظراته لها...رفعت راسها ولقته يناظرها...وماتحملت تشوف عيونه الكذابة...وماتحمل هو يشوف عيونها اللي ملايانة كلام عتب ولوم...نزل راسه راسه للارض وهو يتنهد ويحاول يكون قوي علشان يعتذر منها ويراضيها,,,
رفع راسه بشويش بعد مااخذ له نفس كبير وانصدم انه مالقاها مكانها؟؟؟ تحركت عيونه يمين وشمال تدور عليها وماشاف أي شي؟؟؟
معقولى اختفت بها السرعة ؟وين راحت وين؟ثواني بس اللي فصلتنا عن بعض وين راحت فيهم ياترى؟؟؟
//////////////////////////////////////////////////////////////////////////////////

---البارت السابع والسبعين---
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
شافها جالسة بروحها بزاوية الشارع وثوب عرسها قدامها وكل اللي يمر يفكرها مجنونة!!..
ماقدر يتحرك من مكانه ولاحتى طاعته رجله يتقرب منها...كان عارف الخبر بيصدمها وماتمنى تعرفه..بس كاهي عرفت...وانتهى الموضوع,,,
لازم يتحرك ويكلمها ويطلب السماح ويحاول ويحاول,,,
ظل يناظرها وبينه وبينها شارع ...وكاْن قلبها حس بنظراته لها...رفعت راسها ولقته يناظرها...وماتحملت تشوف عيونه الكذابة...وماتحمل هو يشوف عيونها اللي ملايانة كلام عتب ولوم...نزل راسه راسه للارض وهو يتنهد ويحاول يكون قوي علشان يعتذر منها ويراضيها,,,
رفع راسه بشويش بعد مااخذ له نفس كبير وانصدم انه مالقاها مكانها؟؟؟ تحركت عيونه يمين وشمال تدور عليها وماشاف أي شي؟؟؟
معقولى اختفت بها السرعة ؟وين راحت وين؟ثواني بس اللي فصلتنا عن بعض وين راحت فيهم ياترى؟؟؟

هي الصدفة وحدها ممكن تجمع اثنين بدون مايحسبون أي حساب ,,
هي الصدفة وحدها ممكن تغير لك افكارك بلحظة من اللحظات وممكن تخليك تطلب المساعدة من ناس ماعمرك فكرت فيهم,,,
الصدفة والظروف السيئة هم اللي جمعوا مصعب بجواهر ذيك اللحظة,,,,
بعد ماطاحت عينها على بندر وهو يدورها بعيونه او بمعنى اخر بعد ماكان يناظرها شالت نفسها ودخلت باول نافذ صادفها بالشارع وتسندت على الجدار وهي مشتتة وافكارها ضايعة وماهي قاوية حتى تتحرك من مكانها,,,
بنفس اللحظات كان مصعب طالع من الشركة اللي قبالها ومبين انه مخلص شغله وبيمشي ماتدري ليش حسته امل وحيد بها اللحظة ,,قامت تناديه بس مالتفت لها..صارت تصرخ باسمه بكل مافيها بس بعد مالتفت معقولة ماسمعها؟؟؟لا في شي غلط بالموضوع...نادته لااخر مرة قبل لايركب سيارته وبعد مالف لها...اللي تاكدت منه ان صوتها ماطاعها وطلع مثل ماعيونها جمدت ولاقدرت تدمع!!!!
مشت قدامه وهي تجر ثوبها وراها مثل المجنونة وشكلها بحالة ضياع صحيح ان وجهها مافي ولادمعة بس معالمها كانت غير..كانت خايفة ومهمومة والضيق بكل شبر فيها,,,
تقدمت لين وصلت لعنده ومسكت كتفه بيدها المرتبكة والمرتجفة,,,
لف وهو مستغرب واول ماشافها استغرب بالاول ماعرفها بس يوم دقق بعيونها تفاجاْ انها جواهر..
صرخ باسمه بدون وعي/جواهر!!!!وش تسوين هنا!!!
انتبه على شكلها وعبايتها المفتوحة وشيلتها اللي طايحة من شعرها...والاهم فستان العرس اللي قاعدة تجره وراها,,,
صار يناظرها بنظرات غريبة وكانه يطلب تفسير..
حاولت تحرك شفايفها وتقول شي وانتبه عليها بس بالنهاية ماطلع منها شي غير ان يدها انفلتت من كتفه وطاحت على الارض وسط صرخته باسمها,,,,
//////////////////////////////////////////////////////////////////////////////////////////
عبير وهي قاعدة تلعب مع حمود كان فكرها شارد بعلي اللي صاير ماهو طبيعي ها اليويمن وماهو موقف اتصالات لها ورسايل...
يبي يتفاهم معها..طيب على شنو ياعلي؟؟؟؟
قولي على شنو تبي تتفاهم حضرتك وشنو الشي المهم اللي تبيني اسمعه؟؟؟
انك بتتزوجها ,,الف مبروك ماني زعلانة ولاني متضايقة بس اكيد غصبا عنها لانها قالت تحب زوجها ومابتتركه علشانك!!!
مو علشان زواجدك علشان شنو ياترى؟
وش اللي يربط بينا انا وانت علشان نتفاهم عليه,,,,,,ولاشي ياعلي ولاشي ,,اذا بعدك ذاكر ترى مايربطنا شي ولاانت نسيت,,,تظل بس ولد عمي البعيد عني حيييل وغير كذا مااعرفك ولاتربطني فيك أي علاقة كانت,,
وحتى السنتين اللي عشتهم وانا حاملة اسمك فيهم وقاعدة بوسط بيتك,,,نسيتهم ياعلي نسيتهم,,,
نزلت منها دمعتين وهي تتذكر حياتها مع علي...نسيتي حياتك مع علي ياعبير معقولة؟؟
سنتين مرت عليك ببساطة ونسيتي كل الهم اللي صار لك فيها؟؟؟
قطع عليها صوت حمود الخايف/ابير لاتبكي انا معك؟
ضمته بقوة لصدره وتفجرت باقي دموعها وقالت له بحنان/عارفة انك معي وهذا اللي مريحني صدقني,,,
حمود/وين بابا؟
عبير تنهدت بقوة/بابا سافر....بس عبير معك..عبير بابا وماما وكل شي زين...
حمود/بس بابا يروح بقالة مع حمود...
عبير/خلاص اذا رجع ناصر اخليه يروح معك البقالة ولاتزعل,,,,
حمود/متى بيرجع بابا؟
عبير تنهدت بقوة اكبر وقالت له/حمود بابا سفره طويل واذا كبرت بعدين بيرجع طيب...
حمود/ومنو بيصير بابا لين يرجع؟
عبير/انا...
حمود/انتي ابير مو بابا...
عبير/مايصير اكون عبير وبابا بنفس الوقت؟
حمود وهو يفكر/مدري...
/////////////////////////////////////////////////////////////////////////////////////////////
ام ناصر/لاحول ولاقوة الا بالله العلي العظيم.....يعني الخبر صدق؟
ابو علي/شلون مو صدق بعد....والله ماعرفت شقول لاامها..كانت قاعدة في بيتي وماقدرت احميها واحافظ عليها..
ام ناصر/اذكر الله يابو علي انت مالك شغل....البنت بنته والمفروض يكون خايف عليها...
ابو علي/انتي فاهمة شنو يعني مزوجها مدمن مخدرات؟؟؟وعارف انه مدمن ولاهو شايل هم....يقولي تعالجه هي واذا ماعالجته تستاهل اللي بيجيها سودة الوجه...
ام ناصر/هذا بس لانها قالت له احب!!!طيب وهي ماطلعت من بيتك يابو بندر كل اللي سوته اعترفت وصارحتك بللي يدور في بالها...لااله الا الله عليه من رجال....الله يكون بعونك ياام بندر والله ماتستاهلين اللي قاعد يصير في يتك...
ابو علي/الله يعوضها خير بزواج بندر هالا سبوع ويخفف عنها شوي...خلها تفرح وتنسى شوي من ها الهم,,,,,
ام ناصر/على قولتك مافي غير زواج بندر بيخفف شوي من الضيق اللي هي عايشة فيه ياعسى الله يحفظه هو وجواهر ويعطي وليدي وحدة تحبه مثلها..
ابو علي/الا على طاري ولدك اذا وصل قوليله يسال عن ها المسفر واذا كان يدل وين ساكن يمكن نقدر نوصل معه لتفاهم ويتركها بالطيب,,,
ابو ناصر/على امرك...وترى نجود كلمت تسلم عليك...
ابو علي/الله يسلمها,,,
//////////////////////////////////////////////////////////////////////////////////
ليش ماتبين تردين ياعبير ليش؟؟؟
عطيني فرصة اشرح لك اني تعبان ومحتاجك جنبي,,,,
كنت اعمى ومااشوف اني قاعد اضيعك من بين يديني بس تراني فتحت وشفتك عدل,,,
وشفت اني كنت معلق بافكاري وهم اسمه لمياء واني بالاساس ماابيها بس يمكن ابي اعرف ليش تركتني ووينها فيه...بس يوم شفتها عدل تاْكدت اني ابيك انتي واني فعلا ماقدرت احافظ عليك,,,
عبير الله يخليك يابنت عمي عطيني فرصة اثبت لك اني قد كلامي واني تغيرت واني فعلا ابيك تكونين جنبي,,,
عبير انا وحيد مامعي احد بحياتي اصلا!!!!!!!!
احس اني بموت من الهم والضيق تكفين بس عطيني شوية فرصة اتكلم واشرح لك وش ابي وبعدها انتي قرري,,,
بس لاتطنشين عطيني ها الفرصة,,,
كان يكلم نفسه وهو يرتب كلماته اللي بيقولها اذا اتصل فيها...وهو عارف مسبقا انه بس يسمع صوته بيضيع منه كل الكلام,,,,
//////////////////////////////////////////////////////////////////////////////////////////////
اللي هو متاْكد منه ان عينه شافت عينها,,
بس وينها قلب المكان كله مالقاها؟
وين بتكون راحت ياربي بس وهي بها الحالة..جوالها دق عليه ستين الف مرة ماحد يجاوب وهذا اللي خوفه زيادة,,,
بس لو كان صابها شي وهي بها المنطقة اكيد بيشوف لانها مو معقولة ابتعدت كثير..ولامعقولة ركبت تاكسي وهو مااخذ باله؟؟
وين رحتي بس ياجواهر وين...كان يمسح دموعه بشماغه وخوفه عليها اكبر من كل شي بها اللحظة وهو قاعد يستعرض كل ايامهم الحلوة مع بعض,,,,سبع سنين وهي تحبه وهو يموت فيها,,,من وايام هي بالثانوية كانت صادقة معه بكل شي وبكل حرف,,,
كان يتنهد بقوة وهو يتذكر شوفاتهم بالسرقة لبعض وكيف كان يتجراْ يمسك يدها وهم بعيدين عن عيون الكل وكيف كانت ابتسامتها عنده تملكه العالم ومافيه,,
حس انه منهار قعد على الرصيف يمسح دموعه مثل الاطفال وذكرياته معها معذبته وهو مو عارف هي وش قاعدة تواجه اللحين,,,
جاه اتصال من دلع تساله اذا شافها ولالا وقال لها لا وسكره بوجهها..
هاذي وجه النحس اللي خربت حياتي وفرقت بيني وبينك ياحبيبتي,,
لايابندر انت اللي اختارت حياتك معها ونسيت وتناسيت جواهر لفترة ما,,ركضت ورى المركز والفلوس من ورى دلع واخذتها علشان تكسب ثقتها بعد مااوهمتك بالحب وانت عارف انها ماتحبك وقاعدة تتسلى فيك ,,
حياتك مع جواهر ضاعت وهي السبب..
لا حياتي مع جواهر ماضاعت ومالازم تضيع انا احبها ياعالم احبها...والله لو تشوفون قلبي ماتشوفون غيرها ساكنة فيه,,,
يمكن اني ركضت ورى دلع وفلوسها بس حب جواهر بقلبي,,
يمكن لو جواهر بها اللحظات مرت من ها الشارع مرة ثانية شافته واقف يبكي مثل المجانين وهو يناديها باعلى صوته وياْكد لها بانه يحبها ويموت فيها,,,
////////////////////////////////////////////////////////////////////////////////////////////
مصعب اللي توهق فعلا بطيحة جواهر على الارض ماعرف شيسوي,,,
صحيح انه يحبها ويومت فيها بس انه يشيلها من على الارض كانت مربكته وكان مفكر يتصل بالاسعاف بس خاف ان الاسعاف يتاْخر وانها تتاْزم وهو مو عارف شفيها,,,ها الطاري بس خلاه يغض الطرف عن الموضوع ويتكل على ربه ويشيلها وهو يستغفر ويركبها السيارة,,كانت نيته شريفة وربه عالم بها الشي قصده يوديها المستشفى ولاغير,,,,
حطها وراه ورجع يسوق بسرعة لااقرب مستشفى ممكن يصادفه,,وهو كل شوي يلتفت لها,,,
ياترى ليش هي جاية هنا وشتسوي؟وليش حالتها كذا!!!!وليش فستان عرسها بها الطريقة صاير وهي تجره وراها؟؟؟وليش ماهي قادرة تنطق بكلمة وحدة وتقول شفيها؟؟؟
وليش انا بالذات اختارتني معقولة هي بروحها ومامعها احد؟؟؟
كل الاسئلة مرت في باله ذيك اللحظات ومالقى لها أي اجابة لان كل الاجابات كانت عند جواهر وبس!!!!!
وصلوا للمستشفى وهو بعده بحالة الارتباك ووصل قسم الاسعاف وكلمهم يدخلونها ويشيلونها من سيارته,,,
شالوها قدامه وعيونه بتبكي بدل الدمع دم على شكلها اللي متصور بيكون بها الكاْبة والهم وهو اللي عرف من صوتها القوة والهيبة دايما والاهم..الثقة,,,
الحمد الله انهم شالوها من سيارته خلاه ها الشي يهداْ شوي عن ارتباكه بس حس بالحسرة وهو يناظر ثوب عرسها المرمي باهمال واللي كان نصه رايح فيها من كثر ماجرت وراها بالشارع وقلب لونه من البيج للاسود؟؟؟
مايدري وش اللي خلاه يتقرب من ثوبها ويشيله بيده وهو يتاملها..ياترى وش سالفتك ياثوب جواهر,,,مو المفروض انها تلبسك بعد اسبوع؟؟؟ياترى بتلبسينه ياجواهر وبيشوفه بندر ولا ليش راميته كذا بدون اهتمام وكنتي تجرينه وراك ياقلبي!!!
جواهر شللي صاير فهميني,,,
قطع عليه اتصال من امه,,
مصعب/هلا يمه...اي ها..لاوالله شكله الاجتماع بيتمدد مدري لمتى بس يصير عندي خبر بعطيك ..والله يمكن يوم ويمكن يومين مدري لانهم اليوم الغوه....يالله الله يسلمك,,,
انت مو كنت مخلص اجتماعك وبترجع الرياض يامصعب,,ليش بعد كذبت علىامك وقلت الاجتماع بيتمدد؟؟؟معقولة ارجع الرياض وانا مدري وش اللي بيصير لجواهر,,,
رفع راسه بقوة ودخل المستشفى بعد ماتذكر انها هناك وانه لازم يتطمن عليها,,,
************************************************** ********نورة/خلاص هوفوا بطلي زعل؟
هنوف/مابقيت الا انا بالبيت يانورة....كلهم راحوا؟
نورة/كل واحد بالدنيا ياخذ نصيبه انتي ليش تضايقين عمرك؟
هنوف/امي صايرة مهي طبيعية ابدا وماتكلم ابوي.....
نورة/امك مصدومة وها الشي متوقع منها,,,
هنوف/احسها قاعدة تخطط لشي بعد زواج بندر لانها تقول بس افرح فيك يابندر كل شي بيتغير..
نورة/شي مثل شنو؟
هنوف/والله مدري....بس انا قاعدة انتظر دوري؟
نورة/دورك بشنو؟
هنوف/مدري ..يزوجوني ولايطلقوني أي شي...
نورة/هنوفوا انا عمري ماشفتك بالكاءبة هاذي ولا بها الحزن والزعل تعودت عليك دايما صاحبة مواقف ومقالب والضحكة ماتفارقك,,,
هنوف تنهدت/واللي قاعدة تمر بظروف مثل ظروف بيتنا لها نفس تضحك عاد يانورة؟
نورة/يالله عاد هونيها ابوي قال ماهو ساكت وان شاءالله يلاقي حل للبنى..ولاتنسين مضاوي جاية ها الاسبوع علشان عرس بندر وعبير بعد بتحضر,,ونجود بتجي,,,وان شاءالله لبنى تكون قبلنا موجودة..
هنوف/تعرفين اني اكره ابوي؟
نورة/............
هنوف/اخر شخص ممكن احبه هو ابوي,,,,,
نورة/هنوف ترى مثل ابوك واااجد بمجتمعنا ولانحاول نداري وفي اللي اردى منه بعد...يبى هي الدنيا كذا مو كلها خير فيها الشر دايما,,,
هنوف/على قولتك فيها الشر دايما...
نورة/وبعدين عمي ترى اهون من غيره...احنا بالدرسة نسمع سوالف فلانة وفلانة وفلانة..ابوك نعمة تحتهم ياهنوف...
هنوف /معك حق...اقلها كنا عايشين الدنيا معه وماهو مقصر علينا بشي..
نورة/هذا بحد ذاته نعمة ولاتنكرين,,,
هنوف/الحمد الله على كل شي.....
////////////////////////////////////////////////////////////////////////////////////////////
كانوا حاضنين بعض وهو يلعب بشعرها...
فهد بهمس/مضى الوقت معك بسرعة؟
نجود/احسن علشان ماتمل مني؟
فهد/ومن قال اني راح امل منك بلحظة من اللحظات...
نجود/اقول يمكن.....
فهد/نجود...انتي مرتاحة وسعيدة معي!!!
نجود/بدون أي تفكير بقولك طبعا....
فهد/ومتي..
حطت يدها على فمه علشان لايتكلم/فهد قلت لك الحب اللي بينا اختياري واحنا اللي بغيناه..ليش صاير متردد ودايم تسالني اذا كنت تسرعت بها القرار ليش؟
فهد/لاني ماابي اكون ظلمتك يانجود؟
نجود بدلع/أي بلى ظلمتني..
فهد قربها منه اكثر وهو فاهم عليها وعلى دلعها وقال لها بهمس/احبك..
نجود بنفس الهمس بس بشغف كبير/وليش ماتقولها الا اذا طلبتها منك!
فهد/علشان تكون لها نكهة خاصة,,,
نجود/أي بس انا ابي اسمعها علطول يصير,,,,
فهد/يمكن,,
نجود/فهودي....
فهد/في حالة ان احنا مانطلع الليلة وتظلين كذا نايمة على صدري بقولها لك لين تنامين...ها وش اخترتي ؟
نجود بخبث/طيب موافقة..
فهد/وش تحت راسك..
نجود بضحكة/ولاشي...
فهد/بلى ها الضحكة وراها شي...
نجود حطت راسها على صدره/يالله نيمني وخلني اسمعها منك,,,,
////////////////////////////////////////////////////////////////////////////////////
كانت واقفة قبال شقته تتاملها صحيح كان بابها من برى بس فهد كان حاط لها باب ثاني على الصالة علشان يدخل ويطلع لعياله براحته,,,,
قمت تهددني يافهد ان قلت أي شي مايعجبك بتطلقني!!!!هذا مو منك ولاهو كلامك...هذا كلام العقربة اللي انت متزوجها...اه بس لو اعرفها منهي....
قطع عليها صوت سارة وهي تكلمها...
سارة/ماما شقة ابوي مفتوحة ولامسكرة؟
نجلاء بدون نفس/طبعا مقفلة مجانين يتركوها مفتوحة؟
سارة/كان ودي اشوفها...
نجلاء/وش تبين تشوفين فيها؟
سارة/مدري بس كذا فضول....ابي اشوف ذوق مرته كيف صاير,,,
نجلاء/................
سارة/ماما...مين ممكن تكون زوجة ابوي؟
نجلاء/كلها اسبوع وبتعرفين لاتشغلين بالك...
سارة/طيب كيف بتصير علاقتنا فيها...
نجلاء/مالكم شغل فيها ولاتقربون بابها حتى...هاذي مثل ماسحرت ابوكم وخلته يتزوجها اكيد بتسحركم وبتوديكم صوبها..
سارة/ليش ابوي مسحور يمه....
نجلاء/وشلون تزوجها يالغبية وهي مطلقة ومرمية,,,,مالها احد...
سارة/مطلقة!!!طيب عندها عيال؟
نجلاء/والله مدري بس اعتقد لا ابوك مابيشغل باله فيها وفي عيالها هو انتوا ماله خلقكم بعد يجيب عيال غيركم ويربيهم...بس تدرين يوم انها ساحرته عادي يكون عندها عيال ويحبهم اكثر منكم ويخاف عليهم مو غريبة على بنت ابليس,,,,
سارة/يمه تعرفين نجود السبيعي...
نجلاء/منهي ذي بعد!!!
سارة/الابلة اللي تدرس مع منال,,,اللي سرقت سواري؟
نجلاء/أي... شفيها,,,, (مشتها طبعا انها سرقت الاسوار عادي نجلاء ماعندها مانع)
سارة بضيق/تزوجت قبل اسبوعين......وملاك طايرة ماهي بالدنيا....اصلا راحت عرسها بالشرقية لانها عزمتها...لايقولون بعد ان زوجها ثبتها بها المدرسة يعني لامفر اني اشوفها دايما وانا اللي قلت خلصت السنة وارتحت منها,,,,
نجلاء/لاتشغلين بالك فيها مدام منال مو هنا مابتشوفينها غير بالمدرسة واذا صار ودرستك بجي انقلك بالصف اللي هي ماتدرسه,,
سارة/ملاك بتقعد هنا بالمدرسة ماهي رايحة مدرسة اهلية خلاص علشان نجود هنا,,,مدري شعليه حابتها وجه الفقر...انا اشوف الموت ولااشوفها ثقيلة الدم؟
نجلاء/انا بزواج ابوك ياسارة ولا ببنت السبيعي؟؟؟باللي مايحفظها ماهو وقتها اللحين خلني اتفرغ للمصيبة الي بتدخل بيتي,,,,كل الرياض بيعرفون ان فهد تزوج ؟؟وين اودي وجهي من الناس ؟؟؟شقولهم؟؟ليش تزوج؟؟؟اه يالقهر اه...لو بيدي ذبحته وذبحتها قبل لايوصل خبر زواجه لااحد؟؟؟
سارة/طيب خوالي وش يقولون؟
نجلاء/يقولون تقبلي الواقع زوجك وماهو متنازل وانتي قصرتي بحقه؟؟؟شفتي ياسارة صرت انا اللي مقصرة بحقه نسى كل العشرة اللي بينا واني شلته على كفوفي...بس وين رجال مالهم امان ابدا!!!!
////////////////////////////////////////////////////////////////////////////////////////////////////////////لبنى/غريبة يدق الباب مو من عوايده....تفضل...
دخلت الشغالة/مدام وين بيتغذى؟
لبنى/واخيرا شفتك.....تعالي...
الشغالة/نعم...
لبنى/وين بابا....
الشغالة/نايم...
لبنى/طيب انتي كيف دخلتي الفيلا؟
الشغالة/بابا يفتح الفيلا الصباح علشان انا والطباخ يدخل بعدين يقفل,,,,
لبنى/اووووووووف طيب المطبخ الخارجي ماله مفتاح...
الشغالة/بابا بس يجي انتي يشيل كل مفتاح بيت ويشيل تلفون بعد علشان انتي مايطلع؟
لبنى بضيق/طيب.....
الشغالة/اللحين...وين يبي يتغذى؟
لبنى/ماابي شكرا,,,,,,,,
كانت افكارها كلها بليلة البارح او بالاحرى بالفجر يوم يجيها.....شعرة بينها وبين انها تكون مدمنة مثله...ماتدري اي قدرة الهية حمتها وطلعتها من الموقف باعجوبة,,,,
يمكن لانه من كثر ماشرب كان فاقد التركيز وقدرت تنزل تحت وتتخبى..بس مو كل يوم بيمر يالبنى بيكون كذا وبتطلعين منه...بيجيك يوم بتطيحن بيده وساعتها ,,,,,,,,بتكونين مثله والعن منه؟؟؟؟
لاياربي لا...وينك يمه..وينك ياعمي,,,بموت والله بموت,,,,تعال شوف ياعبد العزيز وش قاعد يصير فيني,,,بس لاني كنت احبك قاعدة اتحمل ها العذاب كله؟
يارب ارحمني يارب,,,,,
هاذي حالته طول النهار نايم وطول الليل سكر وعربدة وفاقد حواسه مايدري بللي يدور حواليه ...لا ويبني بعد اشاركه يقولي انسي همومك....معقولة يالبنى معقولة,,,,,,لهنا وصلتي؟؟؟؟
/////////////////////////////////////////////////////////////////////////////////////////////
محمد/زواج منال وخلصنا منه؟
ام مشاري/أي والمعنى؟
محمد/متى بنروح بيت عمتي؟
ابو مشاري/ماعليه ياولدي اسوبع واسبوعين ماراح تضرك بشي...
محمد /ليش بعد يبى...قلتوا نخلص من زواج منال ومنال تزوجت وسافرت وكاهي راقدة بالعسل وانا ياحسرة عليّ!!!
ابو مشاري/يايبى افهم..عمك توه متزوج والاوضاع ماهي مريحة يعني عمتك وزوجها مشغولين بزواج عمك فهد,,,خله يجي ويستقر وتمضي كم يوم بعدين يتناسون سالفته واروح اخطبها لك..
ام مشاري/كلام ابوك عين العقل يمه....اللحين عقلهم مشوش بعك فهد...
محمد/يعني الله يرضاها عمي فهد يتزوج مرتين وانا ولامرة؟
ابو مشاري/ولد..استحي على دمك وش ها الكلام؟
محمد بحلطمة/اخذها منكم ولامنها اللي موراضية تكلمني الا بعد مانرتبط؟اوووف من كل عيال الفارس زين؟؟
ام مشاري/انت تكلم نفسك شتقول؟
محمد/اقول شكلي بعنس ؟
ام مشاري/لاتخاف الرجال مايعنسون ياخلاف؟؟؟
///////////////////////////////////////////////////////////////////////////////////////////////
اسم المريضة؟؟؟؟؟؟؟؟؟
ردد الكلمة بذهول وكانه سؤال عجيب ولااول مرة يسمعه...
الممرضة/أي اسم المريضة وبيانتها؟
مصعب بارتباك/والله انا مااعرفها كل اللي اعرفه اني شفتها طايحة بالارض وجبتها هنا وبس؟؟
شكان بيقول,,اسمها جواهر الهاجري وهي من الشرقية؟؟؟خطيبها اسمه بندر السبيعي,,,
هذا اللي بيقوله طيب وانت وش علاقتك فيها؟؟؟؟
مايدري ليش فكر بها اللحظات يتصل بناصر ويقوله تعال بس خاف ان جواهر تنفهم غلط وهو مابعد عرف وش فيها ولاليش هي هنا؟؟؟
مصعب بتردد/هي وش فيها؟
الممرضة/صدمة عصبية؟
مصعب بذهول/صدمة عصبية؟من شنو؟
الممرضة/مو اذا عرفنا أي شي عنها بنقدر نجاوبك...
مصعب/طيب ممكن اشوفها يمكن تقولي شي...
الممرضة/بتقدر تتحاور معها عن طريق الكتابة لانها حاليا فاقدة السيطرة على الكلام ومافيها تتكلم بشي,,,
مصعب بذهول/ماتتكلم؟؟؟؟ليش؟؟؟
الممرضة/فترة مؤقتة لين تخف عندها حالة الانهيار العصبي ..
مصعب كان بعالم ثاني ذيك اللحظة جواهر في جدة وبحالة انهيار عصبي وفاقدة القدرة على الكلام من الصدمة وهو مو عارف شيسوي,,,,ماعنده غير خاله فهد يكلمه..مافي غير نجود تجيها ولااي حل ثاني مايقدر يسويه؟؟؟؟؟؟
دخل لها الغرفة باصابع مرتعشة وهومتردد يدخل ولالا...
مصعب بارتباك بعد مادق الباب/احم احم...انا مصعب...
قالها وانتظر شوي وبعدها دخل وسلم عليها كان شكلها مثل ماشافها ماتغير كل شي فيها كئيب وجامد,,,أي جامد,,هذا الشي اللي لاحظه على عيونها..معقولة بعد من الصدمة ماهي قادرة تبكي وتدمع عيونها؟؟؟؟
شكلها يقول أي...لان الماسي اللي مرتسمة على وجهها تقول انها لو بكت بتنفجر لامحالة بس يمكن انها نعمة انها مو قادرة تدمع,,,,
مسك ورقة وقلم وحطهم على طاولة الاكل وقربهم منها وهي تناظر فيه باستغراب..
مصعب/جواهر شفيك؟
مسكت الفلم لثواني وبعدين تركته....
مصعب/طيب تبين اكلم احد يجيك؟
مسكت القلم ها المرة وكتبت /لا..انا جاية بروحي وبظل بروحي بها العالم..
مصعب كان يتكلم بانفعال وبارتباك,,,
مصعب/طيب اكلم خالي فهد علشان نجود تجيك؟
كتبت له/لا...خليها باقي اسبوع وتنزل خلها تعيش السعادة معه يمكن انها ماتقدر تعوض ها الايام اذا راحت معه الرياض؟
مصعب/طيب وانتي؟
اكتفت بانها تناظره...
مصعب/طيب اكلم بندر؟
رفعت راسها وكان يبصم انها بتنفجر بالبكي بس ماهي قاوية مسكت القلم وكتبت بعصبية/خاين..كذاب..غشاش..عطيته عمري وباعني....
طاح القلم من يدها ولايمكن هي تعمدت ترميه..
وحطت راسها تحت المخدة علشان لايشوفها وكانها تقوله خلاص.......
كان يناظر بخطها ..خاين..كذاب..غشاش...عطيتع عمري وباعني...
معناته بندر له قضية بللي فيها؟
مصعب/اجيب لك شي تاكلينه؟
ماتحركت من مكانها..
مصعب بحنان/طيب في شي بيريحك تبين اسويه؟
رفعت المخدة من عليها واثار القهر باينة..بس لو تقدر تبكي وتفجر اللي بداخلها من بندر كانت ارتاحت..
كانت تدور القلم ونزل بسرعة وجابه لها وعطاها اياها..
كتبت له/ابي اطلع من هنا وبرجع بيتنا...بكون شاكرة لك؟
مصعب/متاْكدة انك قاوية؟
هزت راسها بمعنى أي....
مصعب/طيب بشوف الطبيب ...
مسكت كتفه قبل لايمشي..ولف لها بسرعة كانت تناظره وماهي عارفة شتقول ومواقفه معها بذاكرتها ..بداية من غسلة الشراع اللي بجرير...يوم يجون الجبيل ويلتقون نظراتهم مع بعض...
يوم تروح الرياض مع نجود والورد اللي جابه لها بالمطعم...
جيته كل اسبوع ووقفته قبال بيتهم بالساعات....الورد اللي كان يحطه لها...يوم تنزل تهاوشه لوقفته قبال بيتهم واعترافه لها بان مشاعره ماهي بيده وانه بيظل يحبها لااخر يوم بحياته حتى لو ماكانت له وكانت بعيدة عنه...واخر شي الثوب اللي جابه لها ولبسته وهي ماتدري انه منه,,,,,
نزلت عيونها وهي تتذكر كل شي وظل يناظرها بصمت وكانه يحاول يستجمع كلماته اللي طارت منه..
مسكت الورقة وكتبت له /مصعب..شكرا..بظل شايلة جميلك على راسي...
عطته الورقة وناظرت بالارض....
كان يقراْ كلماتها وهو يتخيل صوتها الواثق وهي تبهدله قدام بيتهم بكل عصبية وخوف ان احد يسمعها...
قال لها بثقة وهو يناظر فيها/جواهر انا حبيتك بدون مااشوفك ولاحتى اعرف عنك أي شي... حبيتك من عيونك ومن ثقتك ومن كل شي كان يجذبني ناحيتك....
حتى يوم عرفت انك مرتبطة ولسه عارف ان عرسك بعد اسبوع بس هذا مو مغير شي من مشاعري ناحيتك...انا احبك ومشاعري وعواطفي لك فوق كل شي وفوقي انا نفسي..كم مرة منعت نفسي من التفكير فيك ومنعوني اللي عارفين عن حبي لك..بس صدقيني اللي انا احس فيه ناحيتك ماممكن يتغير بيوم وليلة وبلحظة من اللحظات..تعرفين ليش....لان عاطفتي ناحيتك صادقة وطالعة من قلبي ,,,
قال كلماته بحرقة وطلع ومادرى انها مااثر فيها غير كلمة وحدة بس...(عارف ان عرسك بعد اسبوع)أي عرس يامصعب أي عرس؟؟؟
مابقى فيها عرس بعد خيانة بندر اللي جرحتني...بندر اللي حبيته من كل قلبي واللي كنت احطه بوسط عيني واداريه يطلع متزوج !!!ليش؟؟؟ليش كذب عليّ ليش؟؟
والقاعة اللي كان واهمني انه مسويها باسمي وعلشاني طلعت ماهي له وهو مجرد ديكور بالسالفة؟؟؟؟والمصيبة ان انا وهي بننزف بنفس الليلة؟؟؟أي صدمة بعد انتظر منك ياحبيب قلبي أي صدمة؟؟؟؟
//////////////////////////////////////////////////////////////////////////////////////////////////
بندر بروحه كان حاير ودموعه فوق خدوده وماهو عارف وين يروح ولمن يلجاْ؟
جواهر....وينك فيه ياقلبي...وين ممكن تكونين رحتي؟
لاهي راضية ترد على اتصالاتي ولا على مسجاتي وتطمني عليها.,,,لكن استاهل انا النذل اللي تركتها تغيب عن عيوني ومالحقت عليها قبل تضيع...
وينك ياجواهر وينك...معقولة تكون راحت المطار؟؟
أي ليش لا...خلني اتصل في بيتهم واشوف هي وينها فيه....
مسح دموعه وحاول يكون طبيعي بقد مافيه واتصل في بيتهم ويمكن رحمة الهية ان محمد اللي جاوبه,,,,
بندر وهو مرتبك وتعبان/محمد..ادق لجواهر جوالها ماترد لي...
محمد/يمكن راحت المطار..خبرك رايحة ترتب اغراض نجود بالرياض وبترد المطار..يمكن اللحين راجعة؟
بندر/............
محمد/بندر وش فيه صوتك؟
بندر/ها..لاولاشي...بس ماخذ لي برد وتعبان شوي..
محمد/مادورت تاخذ برد الا قبل عرسك باسبوع؟؟؟شوف ياتطيب يا ماتاخذ اختي وتعديها وتمرضها؟
بندر مايدري اذا رد على محمد ولاسكره بوجهه كل تفكيره بللي راجعة الشرقية...
اكيد انها رجعت اللحين....
ياربي شنو ممكن يصير وعرسنا باقي له اسبوع بس؟؟؟دق قلبه وهو يفكر بها الشي...معقولة جواهر تكنسل العرس؟؟؟؟لالالالالا مستحيل...هذا الموت بعينه..والله لو تتركني اموت....لاياربي لالالالا انا احبك ياجواهر احبك صدقيني احبك....
قام يركض لسيارته علشان يوصل المطار وينزل على اول رحلة لجدة,,ويلحق عليها قبل لاتتخذ أي قرار ويشرح لها الموضوع ويتاْسف لها عن اللي صار...
/////////////////////////////////////////////////////////////////////////////////////////////////////
وحدها دلع كانت قاعدة بقهرها.......
من جت جواهر وطلع بندر وراها مثل المجنون مارجع,,ولاحتى قاعد يرد على تلفوناتي له وسافطني؟
شعليه عاد يابندر من زينك لو من زينك..نسيت اللي اكلتك وشربتك وخلتك تصير فوق؟؟؟
بس على مين على دلع...طيب بعدك انا حرقت قلبها مرة وحدة باقي بعد اذا ماصدق اكنسل عرسكم من الاساس مااطلع انا دلع..
وبدل البطايق اللي باسم بندر وجواهر بتصير باسم بندر ودلع وبتشوف؟؟
ههههههه زين يابندر...رايح تراكض ورى جواهر..يامسكين..ناسي انك انت اللي خدعتها وخنتها..يالله قول وش بتعتذر لها اللحين وكيف....
ورينا شطارتك ياولد السبيعي...
وبتجيك مني مفاجاْة ولايهمك...تقدر تقول هدية العرس,,,,
//////////////////////////////////////////////////////////////////////////////////////
عبير بصرامة/خير تراك ازعجتني بكثر اتصالاتك ياعلي؟
علي بارتباك/..اسف بس كنت ابي اتكلم معك؟
عبير بهدوء/قول وش عندك؟
علي/ممكن نلتقي بمكان ونتكلم على راحتنا بالتلفون ماينفع؟
عبير بصرامة ولااول مرة/طبعا لا..اذا تبي تقول شي قوله بالتلفون ولاعندك البيت تعال قوله...

علي بتعب/عبير الله يخليك ابي اقولك شي وابيك تسمعيني؟
عبير/قول انا اسمعك..مو لازم نلتقي علشان اسمعك انا قادرة اسمعك من خلال التلفون,,,
كان صوت حمود ارتفع بها اللحظات وهو يبيها تسكر التلفون وتجيه..
علي/معك احد؟
تنفست الصعداء وبعدها قالت له/ولدي.....
علي/..................
عبير/...................
علي/................
عبير/اذا ماعندك شي تقوله تراني مشغولة وماعندي وقت مع السلامة...
سكرت السماعة بوجهه وهو بعده يردد كلمتها..ولدي..ولدي...سمعت كيف طالعة الكلمة بحرقة من قلبها ياعلي,,,,,,فهمت انك انت اللي حرمتها تكون ام وتعطي ها المشاعر لعيالها,,,,تبيها تسامحك وترد لك؟؟؟لشنو..وش اللي سويته لها اصلا علشان ترجع لك وتحبك وتنسى كل اللي صار بينكم قبل؟؟؟
///////////////////////////////////////////////////////////////////////////////////////////////////
على الساعة سبع ونص كان بندر بالدمام وواقف قبال بيت الهاجري...
مايدري يدخل ولا ينتظر..
طيب واذا انتظر بينتظر منو..يمكن انها وصلت البيت من زمان وهو ينتظر سراب...
نزل من السيارة بخطى ثقيلة وهو يقدم رجل وياْخر ثانية ويمسح دموعه اللي مافارقوه..
مستعد يقسم لكل الناس انها يحبها بس لاتتركه,,تعاقبه باي شي,,تاْجل العرس سنة وسنتين بس تظل معه ..تقعد جنبه بدون ماتكلمه وتطنشه وتصد بس لاتفارقه..الا فراقها مايقواه,,,,
ضغط على جرس البيت باصابع مرتعشة وهو يتمنى مايلاقي ابوها ولاحتى امها بيتحمل محمد بكل اللي يقوله بس يعرف عنها خبر,,,,
وفتح له محمد الباب....
محمد/بعدها اختي ماوصلت؟
بندر وقف مكانه وماعرف ينتظرها برى البيت ولا يدخل ولا شيسوي....
محمد بتعجب/بندر شفيك..ليه تبكي؟صاير لجواهر شي واحنا ماندري؟؟؟
بندر رفع راسه ومسح دموعه/لا بس كنت انتظرها قلت لي ماوصلت صح.....
محمد بذهول من شكل بندر اللي غرقان بدموعه/أي...
بندر/خلاص انا بنتظرها لين تجي..
محمد/بندر ادخل حياك..
طلع بندر وركب سيارته وهو يناظر في بيتهم علشان اذا جت يلحق عليها يكلمها,,,
/////////////////////////////////////////////////////////////////////////////////////////////
هنوف ونورة كانوا منسدحين قبال التلفزيون ويشاهدون فلم كوميدي..
ودخل ناصر وعدلت هنوف قعدتها...
ناصر/ياشين البنات دايم متسدحين قبال التلفزيون لاشغلة ولامشغلة؟
نورة/وش تبينا نسوي بالله؟
ناصر/شي يفيد منكم العائلة؟
هنوف تكلم نورة/معناته ادخلي المطبخ سوي شي يناكل؟
ناصر/هههههه مشاءالله عليك فاهمتني زين يابنت عمي...
نورة/لاتحلم انا مالي لابالبيض ولابالعجين؟
ناصر/انتي اصلا خايبة وكسلانة واللي بياخذك بيلعن اليوم اللي تعرف فيه عليك...الله يرحم ايام ام السيزلنج راحت النمسا وتركتنا نقابلكم هذا والف وعد بينا خلصت موضوعها واخذت المعرس وطارت ونسيت اللي المفروض تسويه لي..
نورة/ليش وش كنت تبي منها؟
ناصر/شي هي عارفته....وبعدين تعالي وش حاطين...تعرفون وش يرفع ضغطي في البنات غير تسدحهم الزايد؟
هنوف/شنو بعد!!!
ناصر/دايم يحطون افلام اجنبية وعلى بالهم اللحين من زود اللغة والثقافة وانهم اذا حطوهم صاروا كشخة ..يبى جيبي بس الريموت احط لك محطة زوينة....
سحب الريموت منها وسط قهرها وحط محطة فتافيت...
ناصر/أي هاذي الله يرحم امه وابوه اللي فكر يفتحها قناة الطبخ الوحيدة والاولى بالعالم شي غريب وخيال...
نورة/بس هذا اللي تفكر فيه؟
ناصر/ابي اناقش زوجتي مستقبلا بالطبخات مو تلعب عليّ برياني ومكبوس وانتهينا..لا في اشياء مو طبيعية هنا يسوونها...
هنوف/لا,,
ناصر باندماج/أي والله في برنامج يسمونه ولافي الاحلام اللي تقدمه بتموت على عمرها وثقيلة دم ويادوب تسمعين صوتها لانها ضبعة ومسوية روحها شباب لكن خطيرين الاشياء اللي تسويهم صدق ولابالاحلام كله حلى بحلى وكيك ومدري شنو اشياء تذوب بالفم...
نورة قامت بتروح المطبخ/والله محد بيذوب غيرك؟
هنوف/هههههههه
ناصر/ضحكي ضحكي شعليه اصغر عيالك....الا ناوية اقامة عندنا ماتبين تروحين بيتكم؟
هنوف/بيتنا مافيه احد؟
ناصر/حتى بيتنا مافيه احد؟
هنوف/فيه نورة..
ناصر/ماهي حجة خذيها معك وانقلعوا هناك...
هنوف/وليش ماتنقلع انت هناك البيت فاضي...
ناصر/ياسلاااام بتطرديني من بيتي؟
هنوف/بصراحة ماودي اضيق على نورة بغرفتها ومثلك عارف نجود ماتنازلت عن غرفتها ياانها مغثة صدق وهيا لو اموت مادخلتني معها فما عندي غير غرفتك....ياليت لو تتكرم وتتنازل لي عنها وبكون شاكرة لك ....
ناصر/اممم والمقابل...
هنوف بهمس/بحبك طول عمري وبظل احبك...
ناصر/رفعي صوتك مااسمع..
هنوف/تبي تاْجرني اياها....
ناصر/والله مو بطالة الفكرة ابدا....
هنوف/خلاص كل راس شهر بعطيك عشرة ريال؟
ناصر رمى عليها علبة النشاف وتعورت رجلها شوي...
هنوف بصراخ/ابي افهم لازم تاْكدون انكم جنس خشن وين مارحتوا؟
ناصر/هههه حلوة ذي.....يعني بالعقل غرفة الشيخ ناصر توم كروز السبيعي ولد الشيخ بو علي تبين تتاْجرينها بعشرة ريال بالشهر هاذي الله يرضاها....
هنوف/بكيفك ماتبي العشرة مالك غيرها,,,,
//////////////////////////////////////////////////////////////////////////////////////
لمياء بس كانت تعيش بفرح وهدوء نسبي بعد ماانتهت من سالفة علي نهائيا او كذا كانت تظن,,,
لمياء/حبيبي يالله قوم نمت العصر بطوله,,,
مشاري/أي بس بعدني نعسان...
لمياء/اذا ظليت نايم معناته بكرة بتروح الشركة مواصل...
مشاري/عادي..
لمياء سحبت من المفرش..
مشاري/ياربي ابشع طرق التعذيب تسونها اذا الواحد نايم...جيبه واللي يسلم عمرك....
لمياء قعدت جنبه/ماني جايبته....
مشاري/أي بس الحلم كان لذيذ وودي اكمله...
لمياء/وانا اقول اقعد معي لاني اسوى احلامك كلها..
مشاري/وين بنتك؟لاتقولين نات هاذي بتكون معجزة العصر انها نايمة من ثمان؟
لمياء/لا ماهي نايمة مرها محمد اخوك وطلع معها مع احمد وبعدين بتنام في بيتكم امك تبيها..
مشاري بخبث/ياسلااام يعني الليلة ليلتنا...طيب تعالي نكمل حلمتي الذيذة انا وانتي سوا..
لمياء/لا مشاري قوم خل نسهر مانبي ننام اللحين تكفى...
مشاري/لالالا تحاولين بنتك مو هنا وهذا من اسعد ايام حياتي ...تبين نقوم وش نسوي بالله..هنا احسن طيعيني,,,
/////////////////////////////////////////////////////////////////////////////////////////////////

على الساعة وحدة الاربع كانت جواهر توها واصلة الدمام مع مصعب اللي كان ذابح حاله عليها وراكض معها من المستشفى للمطار ومن مطارجدة لمطار الدمام واخذ لها سيارة لين يتاكد من وصولها بيتهم بالسلامة,,,
كل اللي كان يهمه بذيك اللحظات ان جواهر تطيب وترجع لطبيعتها ويسمع صوتها تهاوشه وتذله وتقوله اكرهم...بس تختفي منها علامات الضيق والقهر والهم ...
يوم قربوا من بيتهم مسكته من كتفه واشرت له يرجع السيارة ورى ومافهم عليها..
طلعت جوالها وكتبت له (سيارة بندر قبال بيتنا وماابيه يشوفك)
تنهد ورجع مثل ماطلبت بس خلى المسافة معقولة علشان يقدر يشوفها وهي ماشية لين توصل بيتهم,,,
لف لها /جواهر ممكن اتواصل معك بالمسجات ابي اتطمن عليك...وعلى انك صرتي احسن...
كتبت له بالجوال وهي حاسة انها مو هي وانها قاعدة تسوي شي ماتعودت عليه وينك بس ياصوتي وينك؟
(لاتكلم نجود تكفى...انا بخير وبكون اقوى من اللي لازم اصير عليه بس اوعدني ماتكلمهم وتخبرهم اذا عرفت انهم دروا ونزلوا قبل وقتهم بيضيق خلقي وبزعل منك)
اخذ منها الجوال وهو متمني تكون ردت على اجابته بس تغيرت ملامحه يوم انها غيرت الموضوع...
تنهد وقال لها/مدام انط طلبتي ها الشي بسويه علشانك ولو اني حاط في بالي انزلك وادق على خالي فهد(وصدقتك انا بعد فهد بيركض يرجع ههههه)
انتبهي على نفسك وتاْكدي دايما ان في ناس تموت على الارض اللي تمشين عليها ومادوها غير ابتسامتك وراحتك,,,,,,
قالها ولف لقدام..........
تنهدت بقوة وهي عيونه بالسيارة اللي قدام البيت وتفكيرها يقول ياترى أي كذبة مجهزها يابندر علشان تراضيني فيها؟؟؟؟
نزلت وقامت تمشي بخطى ثقيلة وكل ماتقربت من سيارة بندر كل ماكان كلام مصعب يتردد في بالها(في ناس تموت على الارض اللي تمشين عليها وماودها غير ابتسامتك وراحتك)
غمضت عيونها بقوة وشدت على مفتاح البيت وهي تتمنى تدخل بسرعة ومايلحق عليها..حاسة بالاشمئزاز منه ومن مجرد ذكراه...
سرعت خطواتها وكانها تتحداه يلحقها وهو اول ماشافها فاتحة باب بيتهم نزل من السيارة بسرعة وهو يناديها,,,
بندر من بين دموعه/جواهر..جواهر...اسمعيني حبيبتي...
كانت دخلت وماردت عليه وهو يركض وراها.مثل المجنون,,,..
وصلت للصالة ووصل وراها ومسك كتفها بيلفها له..تمنى يشوفها تبكي ومنهارة علشان ياخذها بحضنه ويهديها يمكن تهداْ بس لا..ماشاف بوجهها غير علامات القهر والهم والضيق,,,
مايدري ليش حس بالاحراج وزادت دموعه..وهي ملامحها كانت توحي بالاحتقار له..فكت نفسها منه بسرعة وركبت الدرج وهو واقف يترجاها بس تسمعه...
وصلت لااخر درجة ووقفت قباله وبينهم الدرج.
بندر بدموع وحزن وبكي /حبيبتي خليني اشرح لك..انتي مو فاهمة شي...جواهر انا احبك انا مااعيش بدونك وانتي تعرفين ها الشي,,,,,
اشرت له بيدها انه يوقف لايكمل وهي مغمضة عيونه لانها حاسة فعلا بالاشمئزاز منه ومن كذبه...
ماتدري لحظتها وش اللي كانت تفكر فيه كل اللي فهمته انها شالت دبلتها من اصبعها ورمتها من فوق الدرج لين تحدرجت وصارت عند رجل بندر وهو يناظرها بفزع وصوته كل ماله ويعلى اكثر من البكي
بندر/لا تكفين الا ها الشي ياجواهر....انا مااقدر اكمل حياتي بدونك صدقيني...اسمعيني وسامحيني بس لاتتركيني تكفين والله مااعيش بدونك...
ماهمها وش قاعد يقول يهمها تحتفظ لنفسها بجزء من كرامتها الباقية قدامه...اخذت نفسها وراحت غرفتها وقفلت وراها الباب وتسندت عليه وطاحت على الارض..
حاسة بانفجارات قوية قاعدة تصير داخلها بس ماهي قادرة تصرخ وتسمع صوتها ولاهي قادرة تبكي...عصرت نفسها بقد مافيها تبي دمعة وحدة بس تطيح منها علشان تتاْكد انها عايشة وان المصيبة اللي صارت لها حقيقة موحلم ..بس ولاشي طلع معها,,,,
ام جواهر من ورى بندر/بندر..وش اللي صاير...
كان راكع على الارض وهو شايل دبلتها ويبكي....
ام جواهر بخوف/قولي وش اللي صاير اسم الله عليك....
بندر وهو يبكي مثل الاطفال/احبها ياخالتي صدقيني احبها..قولي لها ,,فهميها,,قولي لها بندر مايعيش بدونك وانك كل حياته,,,,لاتخليها تتركني لاني ماقوى اعيش بلاها,,
الحياة بدونها ماتسوى ياخالتي..
ام جواهر وهي تناظر بالدبلة بفزع/وش اللي صاير بينكم فهمني؟؟؟اعوذ بالله من الشيطان وش له ها البكي والدموع وليش دبلة جواهر عندك وعرسكم بعد اسبوع!!!!
مارد عليها وانفجر يبكي على الارض مثل الاطفال,,,,
//////////////////////////////////////////////////////////////////////////////////////////////////////
اليوم الثاني كانت كل العيلة عرفت عن فسخ الخطوبة والف علامة استفهام على وجه الكل
ام جواهر ببكي/ماتكلمت كلمة وحدة من رجعت امس ياام علي انا خايفة عليها...لاهي قاعدة تبكي ولاراضية تتكلم...ابي افهم بس ليش ماتبيه وماباقي على عرسهم شي..
ام بندر بصدمة/جواهر وبندر؟؟؟؟مستحيل هي تحبه وهو يحبها وكلا شايفين الحب بعيونهم وسامعينا...وش اللي ممكن يكون صار؟؟
ام ناصر بتعوذ/عين ماصلت على النبي..عين ماصلت على النبي..
ام جواهر/ياربي مو قادرة اشوفها قلبي بيتقطع عليها احسها بتنفجر باي لحطة...خايفة يصير لها شي...
ام بندر وقفت /وينها ابي اشوفها,,
ام جواهر/روحي شوفيها يمكن ترضى تقولك شي...ماطاعتني من البارح ولاقالت لي أي شي,,,ياربي على ها البنية وين الفرح وين وانتي وين ياجواهر؟
************************************************** **
هيا بصدمة/فسخت الخطوبة؟
عبير بالم/هو ماصار شي رسمي لسه..بس هي رمت عليه الدبلة البارحة ويقولون انها ماتبيه؟
هنوف ببكي/مستحيل جواهر تحبه ماممكن تتخلى عنه بها السهولة,,,انتوا ماتشوفونها اذا كانوا في البيت قدامنا وورانا..كلنا نعرف حبهم,,
هيا/لاحول ولاقوة الا بالله..طيب ليه.؟
عبير بنفس الالم/ياليت احد فينا يعرف......كنا قدرنا نجاوبك؟
هنوف/انتوا ماشفتوا شكل بندر..جان جنونه بشكل مو طبيعي....ترى ماهي غريبة انه يموت....ماهو بوعيه طول وقته يبكي ويناديها,,,,,
عبير/انا خايفة على امي....بروحها تعبانة منا ومن سوالفنا...وماصدقنا يجي عرس بندر علشان تغير جو...ليش كذا يصير فينا ليش؟
************************************************** *******ام بندر دقت باب غرفة جواهر ودخلت..
كانت واقفة قبال نافذتها اللي تطل على غرفة بندر وكانها تودع ها الذكريات الاليمة,,,
ام بندر بصوت متقطع/جواهر...
لفت لها وهي ماودها تشوفها..ماتبي تشوف اللوم بعيونها وتخليها تغير رايها لانها اتخذت ها القرار ومابيثنيها عنه احد,,,
تقدمت منها ام بندر وهي تكلمها بحنان/يمه انتي شفتي منا أي قصور,,,,بتتركينه علشانا...بنطلع من حياتك اذا هذا هو السبب,,,
تمنت بس دمعة وحدة تطلع ويرجع لها صوتها اللحين بالذات علشان تقول لها لا...انا احبكم وحبيتكم لاني حبيته,,
ماقدرت تقول شي ولاحتى تتنهد حضنتها بالقوة وكانها تقول لها لا,,,بس لسانها مو طايعها تقول أي شي...
ام بندر بتاءثر/بندر زعلك بشي؟
لفت وجهه لصوب النافذة وهي كلها هم بهم,,,
ام بندر/روحي شوفيه يمه..قاعد يناديك..بينه وبين الجنون شعرة....انتي عارفة انه يحبك..اذا غلط يمه سامحيه علشاني بس لاتتركينه يتعذب؟
ولدك ماغلط ياخالتي..ولدك كان معيشني بكذب وغش وخداع,,,ولدك كان متزوج وانا كنت اخر من يعلم,,,
نسى السبع السنين اللي كانت من عمري علشانه..نسى كل لحظات الحب اللي بينا ,,
نسى ان زواجنا بعد اسبوع واحد وهو عايش حياته بالطول بالعرض,,,
شسامحه ياخالتي شسامحه,,,انتي ماترضينها لي وانا اللي حبيت بندر بكل جوارحي...حبيته من سبع سنين,,,
تعرفين شقد انصدمت في ولدك ياخالتي...لاماتعرفين لو اظل اوصف لك واتكلم مابتقدرين توصلين للي ابي اقوله,,
كانت ها الكلمات مختزنة بذاكرتها وودها تقولها بس ماهي قاوية ..بس اول ماتقدر تتكلم بتصرخ وبتقولها..وبتبكي بكل قهر العالم خيانته,,,
//////////////////////////////////////////////////////////////////////////////////////////////////
في بيت بو بندر....
ابو بندر/روحي نادي اخوك؟
هنوف/طيب....
كان ابو علي وناصر قاعدين وكانهم قاعدين بعزاء...
ابو علي انتبه على البطاقات اللي على الطاولة,,,
ابو علي/مو يفترض ان كل البطاقات توزعت؟
ابو بندر/القديمة بس الجديدة ماتوزعت؟
ناصر بذهول/جديدة ؟؟ليش في قديمة وفي جديدة ياعمي؟
ابو بندر/أي...
ناصر سحب بطاقة من البطاقات وتفاجاء بللي فيها...
ابو علي/شفيك؟
ناصر وهو يناظر بعمه/زواج بندر ودلع؟أي دلع ياعمي؟
ابو بندر/بنت الخير والنعمة؟
ابو علي بذهول/شلون يعني؟
ابو بندر/هذا بندر كان متزوجها بجدة واللحين هي ناوية تفتح شركتها الجديدة هنا بالشرقية وبتخلي بندر المدير العام فيها طبعا هي اللي موظفته بجدة ومغرقته بالنعمة,,,,كلمتني وقال لي انها بتبعث البطاقات وبيكون زواجهم بنفس اليوم يعني مافرقت اللهم الزوجة بس تبدلت؟
ابو علي وهو يناظر باخوه/تبيع بنت بو محمد..بنت الهاجري..بنت الاصول...بوحدة ماتعرفها ولاتعرف منهي علشان فلوسها؟
ابو بندر/هو متزوجها متزوجها يعني بيكون زواجهم ديكور وبس...
ناصر وقف/علشان كذا فسخت الخطوبة اكيد انها عرفت....الله يسامحك يابندر....
ابو علي/انت بدل ماتعقله تشجعه..
ابو بندر/غصبا عنه ياخذها ولا ناوي يضيعها من يدينه....هاذي بنت عز وفلوس مو بنت الهاجري منتفة ماعندها شي يالله ومعاش التدريس؟؟؟
ابو علي وقف وهو يناظر بناصر اللي طلع/تدري ليش سوا ولدك كذا....لانه تربيتك ياخوي...لانه ولدك,,,,,
///////////////////////////////////////////////////////////////////////////////////////////////
واخيرا حطت طائرتهم مطار الرياض رغم اعتراض نجود لانها تبي تروح الدمام بس فهد اقنعها بماانهم وصلوا قبل العرس بليلتين يبقون بالرياض الليلة وبكرة الليلة يروحون الدمام ووافقت,,,
كانت الساعة داخلة على الاثنعشر ونص الليل والكل نايم يوم يوصلون,,,,
وماغير نجلاء اللي تنتظرهم على نار علشان تشوفها...واللي ماقدرت ترقد قبل لاتشوفها,,,,
نجلاء من وراهم وهم بيفتحون الباب/حمد الله على السلامة...نورت الرياض يابو فيصل؟
لف لها فهد وهو مستغرب قعدتها لها الوقت رغم انهم مادخلوا من باب الصالة ودخلوا من باب اللي برى ,,
فهد بدون نفس/الله يسلمك...شلون العيال؟
نجلاء بثقة/مدامهم مع امهم اكيد بيكونون بخير...
نجود بس ضحكت لانها عارفة نجلاء جاية وتبي تشوفها هي تحديدا مو جاية علشان فهد...ماحبت تحرق دمها زيادة وتخليهاتنتظر لين تشوفها بكرة قالت بصوت عالي وواثق وهي كاتمة ضحكتها/وانا مالي سلاام ياام فيصل؟
في البداية نجلاء مااستوعبت لاالصوت ولاالشكل..بس بعد التروي والتدقيق قدرت تستجمع ذاكرتها....
قالت بصدمة وهي تناظر بنجود اللي ماحطتها ابدا ضمن الخيارات/انتي!!!!
فهد/يالله نجود انتي تعبانة ولازم ترتاحين؟
نجود وهي تناظر بنجلاء/أي بس نجلاء تنتظرنا يمكن انها تبي تسولف ولاشي...
فهد بصرامة/ماهو وقت سوالف الناس نايمن؟
نجود بدلع/على امرك حبيبي..قالتها وهي تناظر بعيون نجلاء اللي كانت للحين مصدومة وماتحركت من مكانها...
بنت السبيعي,,,,هاذي اخر وحدة حطيتها في بالي...ماخذ لك وحدة صغير يافهد؟وانا اللي قاعدة اوهم نفسي بانها مطلقة ويمكن عندها عيال؟؟؟؟
انتي يانجود انتي!!!!مستحيل.....مستحيل لا...في شي غلط بالموضوع....
كانت تناظر بطيفهم اللي دخل وهي بعدها واقفة عند بابهم وصوت نجود واصل لااخر الشارع من الضحك والوناسة واللي اكيد انها تبي تقهرها وبس,,,,
هذا زوجك اللي ثبتك بالمدرسة علشان تكونين قريبة منه,,,,بس مو انتي السبب السبب اللي اختارتك عساها ماتتوفق..هي اللي دخلتك في باله.....
راحت بسرعة قسم بو مشاري وهي تصارخ وتناديهم...
ورغم ان معظمهم كانوا نايمين بها الوقت بس ام مشاري نزلت لها بسرعة
ام مشاري بخوف/نجلاء..علامك...صاير شي للعيال؟فيكم شي؟ليه تصارخين؟
نجلاء بصراخ من قمة راسها/كله من بنتك ها السوسة....حطتها في بالها وحلتها بعينه وعرفتهم على بعض ..هي راحت جعلها ماترجع الا وشيلين جنازتها وراها وبلشتني انا؟؟قلت له من زمان بيت اخوك مايحبوني ويكرهوني بس ماصدقني,,في وحدة عاقلة تخطب لعمها علشان تقهر مرته..ومنو وحدة ...استغفر الله..لكن كله من بنتك عساها ماترد قولي امين,,سوت سواياها وذلفت؟
ابو مشاري من فوق الدرج بصرامة/ام فيصل طلعي برى؟؟؟؟
نجلاء/مو دمك اللي محروق..
قاطعها بنفس الصرامة/قلت لك طلعي برى...ياتحكين مثل العالم والناس ولاتجين اخر الليل تتهجمين وتدعين على بناتي.....
روحي داري زوجك وعيالك ابرك لك..ترى فهد راح لاتخلينه يطير بالمرة؟
/////////////////////////////////////////////////////////////////////////////////////////////في غرفة نومهم بعد مابدلوا ..
نجود وهي بحضنه/تصدق طارت النومة,,
فهد وهو يلعب بشعرها /ابيك قوية مثل مااعرفك دايما مهما يجيك من حكي..
نجود/فهد تراني مو شاغلة بالي بنجلاء اصلا ولاشايلة همها,,,انا قاعدة افكر بعرس الغالية وشنو بسوي فيه؟
فهد بجدية/نجود تاْكدي انها باقية بالبيت علشانك انتي ووقت اللي تضايقك باي كلمة واي حركة بتطلع من البيت بعد علشانك لاني نهيتها من حياتي من زمان..
نجود/فهد...نجلاء سهرانة اليوم ماهو علشان تتحمد لك بالسلامة وانت عارف ها الشي...هي سهرانة علشان تشوفني وتعرفني من اكون اللي اخذت منها فهد..وانا ماحبيت اخليها تنتظر كثير عرفت بنفسي...لاتشغل بالك بقولها لك للمرة المليون,,,بس تدري يمكن قلتها لك قبل وبعيدها مليون مرة اذا تبي تسمعها..نجلاء مجنونة انها فرطت فيك يافهد.....
تقربت منه وحضنته بقوة وقالت له بهمس/انت كنزي اللي ماممكن اتنازل عنه بلحظة من لحظات حياتي ابدا ومهما صار؟
حضنها هو بعده بقوته وهو يدعي ربه انها ماتتغير ولايفترقون...
نجود بمرح/طيب ماقلت لي اللحين وش اسوي بعرس جواهر والله محتاسة بعمري ودي اسوي كل شي وماني عارفة شسوي؟
فهد/لاتدوخين راسك ولاتحضرين وارتاحي...
نجود/علشان اذبحك اذا ماحضرت.....
فهد/بتذبحيني بس علشانك ماحضرتي عرس جواهر؟مين الاغلى فينا انا ولاهي؟
نجود بثقة/طبعا هي....
فهد وهو يناظرها/متاْكدة؟
نجود بثبات/طبعا؟؟
بعدها عن حضنه وهي تضحك وسوى روحه زعلان وابتعد عنها..
نجود ضحكت بقوة//قوم روح نام عند نجلاء شكلك حنيت لها ومليت مني...يالله قوم ماعندي مانع ابدا!!!
مسكها من يدها بقوة وطيحها عليه وهي غرقانة ضحك وهو معصب/عيديها مرة ثانية تراني ماسمعتها؟؟؟
نجود/من عيوني ليش لا..
فهد/انتي الظاهر ناوية على ذبحتك الليلة..بس زين الليلة علشان لاتحضرين عرس الغالية؟
نجود/لااذا نيتك كذا شينة بطلنا...عاطية نفسي وعود اروح وارقص لها طول العرس..
فهد/ياسلاااام وان شاءالله بتشتغلين رقاصة حضرتك علشانها؟
نجود/وليش لا..ماسمعت لاجل عين تكرم مدينة؟
فهد/وعلشان ها المدينة ترقصين طول العرس والناس تناظرك علشان يرقص عليك عقالي اخر الليل؟
نجود/ياسلاااام !!هذا حكي جديد والله تونا نسمعه اخ فهد وينه من زمان...اشوف حلال ارقص لك حرام ارقص بعرس صاحبتي....
فهد/نامي بلاطوالة لسان نامي..
فزت من مكانها/طارت النومة قوم نتهاوش؟
فهد/هههههه نقوم نقوم ليش لا؟
/////////////////////////////////////////////////////////////////////////////////////////
لبنى وحدها كانت عايشة بفيلا طول عرض بس مافيها حياة بمجرد يجي الليل تطلع الشغالة والطباخ ويقفل باب الملحق عليهم مع السايق ويقفل عليها باب الفيلا وتبتدي سهرته مع اصحاب الونس,,,
هذا حالها من تزوجت,,,
لاهي قادرة تنام ولاهي قادرة تقعد ولاهي قادرة تسوي أي شي ممكن يخفف عنها وحدتها,,
شكثر اشتاقت لاامها وحنيتها وطبيتها,,,,
لعبير وطيبتها وهدوءها,,
مضاوي وروحها البيضة اللي مثلها...
هنوف ومقالبها وحبها ...
نجود وعقلها وحكمتها...
هيا وقعدة الكلية كل يوم ومقابل بعض,,
شما والاسرار اللي محد يعرفها غيرها,,,
جواهر ورومنسيتها وحبها لبندر وخوفها عليه من الهوا الطاير,,,
عمها وزوجاته وطيبتهم وحنانهم وتسامحهم,,
ناصر ورايته البيضة اللي مرفوعة قدام الكل..وشيمته ونخوته اللي ماينسون ابدا..ياترى ياولد عمي لو كنت عارف اني عايشة بوسط ها الحياة كنت بتسكت وبترضى!!!!
تنهدت بقوة وهي تذكر اكثر انسان اشتاقت له بحياتها...عبد العزيز حبيبيها....الانسان البسيط بحياته..المكافح...الطموح,,,اللي يحبها ويغار عليها...
كل لحظة عاشتها معه كانت تمر بخيالها كل ليلة وتنزل كل دموعها,,,
كل كلمة كانوا يهمسونها لبعض كانت تمر بمخيلتها وكانها تسمعها لااول مرة وتتاْثر لها..
ياترى وينك اللحين..وش مسوي بحياتك بعد ما طردك ابوي...
ليش طلعت من المحل بدون ماتعطيني خبر ولاحتى وداع...ماتدري انك ذبحتني وموتني موتة لاقبلها ولابعدها....
ماتدري ان حبك جريمة تعاقبت عليها وانرميت ها الرمية,,بس لاني صرحت بحبك ,,,
ابي بس اسمع صوت أي احد ان شاءالله لو اتصال بالغلط..ابي اسمع انفاس الناس..ابي اعيش ..ابي احس اني قاعدة اعيش ولو اني قاعدة اختنق واموت,,,,
وها العلة جواله دايم بمخباه والمشكلة شكله يرعب وماقدر اتقرب منه حتى وهو نايم من خوفي,,,
لهدرجة عقله مريض مثله شايل كل تلفونات البيت والمفاتيح علشان يسجني ها السجن؟؟؟؟
تنهدت بقوة وهي تدخل بالغرف تكتشف وش فيهم مدامه لاهي مع اصحاب السوء تحت
وهي بغرفته وتناظر باغراضه لقت كيس على الطاولة صغير فتحته وشافت فيه السم الهاري اللي ياخذه واللي للحين مامات منه بجرعة زايدة وريحها,,,
اخذت الكيس بكبره ودخلت الحمام تفتح الاكياس وترميهم بعد مافتحت عليهم الماي,,,,
بس لبنى دايم حظها مجافيها وماهو معها...
كل ليلة سهرتهم لوجه الفجر الليلة وعنادا بحظ لبنى انتهت السهرة بدري...
ماحست الا ببركان جارها من شعرها وهو يصارخ عليها/انتي عارفة وش تسوين يالغبية؟
لبنة بترجي/اتركني واللي يرحم والديك..انا ماابيك تضر نفسك اكثر,,,
مسفر وهو يضرب فيها بعد ماطاحت على رجله/انتي وش دخلك اصلا يالغبية؟عارفة هذا كم قيمته وكم يساوي وشلون يجي اللي قاعدة ترمينه كذا وكانه غبار طاير؟؟
الا اطلعه من عينك ياغبية ياحثالة,,,
لبنى/تكفى اتركني...الله يخليك..
مسفر/تدرين وش مشكلتك انك ماجرتيه لكن اذا عرفتي هو شنو ولوين يوصلك بتحسن فيه؟
دوت صرختها عالية بالبيت كله/لالالالالالالالالالالا
//////////////////////////////////////////////////////////////////////////////////////////////////اليوم الثاني بقسم ابو مشاري...
ام مصعب/وماعرفتوها منهي؟
ام مشاري/دخلت بشرها لااله الاالله اخر الليل وهي تصارخ وتدعي على بنتي بس ماقالت اسم وحدة بعينها؟
ام مصعب/والله ماودي اروح ضايق حتى صدري من مشاكلها....
ام مشاري/صار ماصار سواء بنتي كانت تعرفها ولالا..اكيد فهد ماعرفها عن طريق بنتي وانا واثقة من تربية بناتي؟
ام مصعب/ام مشاري علامك,,ماتعرفين نجلاء يعني؟هاذي اذا انعمى قلبها ماتدري وش تقول؟
ام مشاري بتاءثر/لا ياام مصعب..مو زين عليها دعواتها على بنتي وهي مسافرة باخر الليل كذا...ليش مامسكت بيتها وزوجها من البداية بدل ماهي قاعدة تلف علينا تدعي وتسب وتشتم...
ام مصعب/ماعليك لاتشيلين بخاطرك انا بقول لفهد وخله يسنعها هو يبي الزلة عليها اصلا!!!
ام مشاري/لالا تقولينه...كفاية هي شايلة علينا شيلة بعد اذا كلمها بتنفجر فينا..
ام مصعب/بللي مايردها...مو هي هدمت حياتها بيدها خلاص لازم تاْخذ باقي الحياة ركادة شوي,,,,
/////////////////////////////////////////////////////////////////////////////////////////////////
فهد/وجبت لك هدايا لاتخاف؟
سارة/وانا بابا؟
فهد/انتي خالتك شرت لك انتي ولمى اغراض حلوة بتعجبكم,,,
لمى/صحيح..
فهد/يالله تعالوا سلموا عليها وخليكم عاقلين علشان تعرف انكم حلوين ومؤدبين,,
لمى/بابا انا استحي,,,,
سارة/بابا هي حلوة وانيقة ولاخرطي؟
فهد/وش ها الحكي؟
سارة/مجدر سؤال؟
فيصل/بتعطينا الهدايا اللحين؟
فهد/بابا مافتحنا الاغراض يافيصل الليلة بننزل الشرقية علشان عرس صاحبتها واول مانرجع...
ماكمل الا وفيصل فاتح اذاعته وهم عند بابا نجود اللي كان فتحه فهد ودخلو المى وسارة..
فيصل بصراخ/مافي..اللحين تعطيني اياهم اللحين...ولاماتروح الشرقية؟
فهد/فيصل..اعقل يابابا,,,
فيصل بصراخ/لالالالالالالالالالا
سارة/ووجعة وش بتقول البنت عنك اللحين ,,,,
نجود وهي قبالهم/مايحتاج اقول شي عارفته ...تعال فيصل ترى انا هديتك مجهزتها لك من الصبح لاني اعرفك شطور وتسمع الحكي؟
فيصل عرفها اكيد ومافيها شك وهو يناظرها ويضحك ولمى ماكانت متذكرتها عدل بس سارة..سارة يوم سمعت ها الصوت وها اللهجة لفت بسرعة علشان تكذب عيونها بس يوم وقعت عينها بعين نجود اللي مسوية انها تبتسم لهم قدام ابوهم حسب راي سارة جتها بالفعل صدمة؟؟؟؟؟؟؟؟؟
نجود السبيعي هي اللي تزوجها ابوي؟؟؟؟؟؟؟؟
مستحيل ولايمكن بعد!!!!!
علشان كذا ها الاسبوع ملاك من تمر جنبي تضحك...لانها عارفة ان ابوي تزوجها؟؟؟؟؟
رجعها للواقع صوت ابوها..
فهد/سارة تعالي سلمي على خالتك نجود....
كانت سارة تناظر بين نجود وبين ابوها بلا تصديق....وهي حاسة ان في شي غلط بالموضوع,,,
نجود/ماله داعي يقولون خالتي اذا موحابينها وبعدين يافهد احسها تكبرني خلني على نجود وبس اريح لهم ولي!!!!سارة شلونك....
كانت تناظرها وهي على اعصابها...عارفة ان نجود ماْخذة منها موقف من اللي صار وقالت لها ماراح اسامحك ابدا...اصلا هي كل ماشافتها بالمدرسة غسلت شراعها حتى لو ماسوت شي كيف اللحين يوم صارت بوسط بيتنا؟
فيصل/ووجعة وش بتقول نجود عنك ماتعرفين تسلمين؟
سارة بهدوء وبدون ماتتقدم/السلام..
نجودوهي تناظر بفهد اللي كان بيقول شي بس نظراتها كانت تقول خلها على راحتها/وعليكم السلام,,,
فيصل/وين هديتي؟
نجود/ماتبون تفطرون؟
لمى/فطرنا بالبيت,,,,شكرا,,
نجود/انتي شلونك لمى...
لمى/بخير...
فيصل/انا بعد بخير..
نجود/أي انت اكيد بخير....
فيصل/نجود عادي العب بحوض السمك..
نجود/أي عادي بس مو تموت سمكاتي ترى من زمان وانا اربيهم,,,
سارة/بابا انا بروح اذاكر عندي امتحان..
نجود/خذي راحتك البيت بيتك وقت ماتبين تعالي...واذا حابة اشرح لك منتي فاهمته ترى ماعندي مانع؟
سارة طلعت بدون أي كلمة وهي حاسة بالمهانة..كيف ابوها يتزوج نجود؟؟؟؟؟؟؟
وحده بس فيصل الي اخذ على الجو وقام يلعب بعزومة وبدون ويدخل ويطلع ومو هامه شي..
ولمى استاْذنت وقامت علشان تسلم على عمتها ام مصعب اللي بتجي تسلم بعد شوي على نجود,,
فهد/نجود...يمكن سارة ..
نجود/وبتاخذ لها وقت طويل على ماتتقبل عارفة ها الشي...قلت لك لاتشغل بالك يافهد...هي ماتوقعتني ولاحطتني اصلا في بالها...واكيد انها عرفت اني تزوجت من البنات بس ماتصورت انك انت زوجي ويمكن عرفت من ملاك وحاسة ان ملاك تتشمت فيها...ولايهمك..اصلا قبل كل التغيرات اللي لازم تصير سارة هي اللي لازم نغيرها ونغير تفكيرها وحياتها,,,,,المهم اختك مطولة ترى ماباقي لنا شي على روحة المطار,,,,
///////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////////نجود بصدمة/شنو؟
هيا/اللي سمعتيه؟
نجود بنفس الصدمة/شنو يعني اللي سمعته؟من متى؟
هيا/من اسبوع...
نجود/وانا ليش محد قال لي...
هيا/انتي عروس وماحبوا يشغلون بالك..
نجود/هيا لو كل الناس ماخبرتني بموضوع مثل كذا انتي مالازم تخشين عني؟انتي عارفة شنو يعني جواهر عندي؟
هيا/نجود كلنا عارفين ان وجودك جنبها بيخفف عنها الشي الكثير بس رغبة الكل كانت بانك تتهنين
هيا بضعف/صدقيني يانجود كلنا حزنانين عليها بس شنسوي...
نجود/وهي اكيد منهارة اللحين؟
هيا بنفس الضعف/اسبوع كامل ماتكلمت ولاكلمة مع أي احد يانجود...امها بتموت نفسها من الحسرة عليها,,,
نجود/طيب ليش..ماعرفتوا؟
هيا/ناصر يقول الليلة عرسه؟
نجود بنفس الصدمة/عرسه؟؟؟أي عرس؟
هيا/هو متزوج وحدة جداوية والليلة بيكون العرس هنا كديكور بس..وبنفس القاعة.....ناصر شاف كروت فرحهم ببيت عمي,,,
نجود/شوف النذل..شوف الحقير...كذا يسوي بجواهر..
هيا/عمي اللي مصر على العرس....اصلا,,,بندر بيموت لو تشوفينه واقف عند باب بيتهم ليل نهار وينادي باسمها مثل المجنون حتى الكل اكدوا انه جن فعلا؟
نجود/ماني قادرة اتصور.....ليش ماقلتوا لي ليش؟؟؟حسبي الله على بليسك يابنيدر كان انك جرحتها وهي اللي حبتك؟
هيا/نجود وين رايحة قعدي ارتاحي شوي بعدين روحي لها؟
نجود/انا عندي خيارين ياامر على جواهر اول ولاعلى بنيدر الحقير...بس جواهر اذا رحت لها مابطلع من عندها خلني امره اول....
هيا/بجي معك...
نجود بقهر/لاماله داعي مايسوى بندر تكلفين على حالك وتعطينا اكبر من اهميته؟
///////////////////////////////////////////////////////////////////////////////////////////////////////
ام مصعب/................
نجلاء/شفتي كله منها سوسة القايلة ربطتهم ببعض وذلفت عسى ربي مايجيبها سالمة؟
ام مصعب/وبعدين يانجلاء مع ها الدعاوي ترى منال بنت اخوي وماارضى عليها؟
نجلاء بانفعال/وترضين لي المذلة؟ترضين لي انه ياخذها عليّ ويحرق قلبي؟؟
ام مصعب بصرامة/نجلاء....تذكرين موقف فيصل يوم يضيع ومنولقاه؟هي....ومنو اللي راح شكرها...طبعا مو انتي هو....تذكرين موقف بنتك سويرة الغبي واللي سوته مع البنت بوسط بيتنا.....وش كانت ردة فعلك..مالي وجه اقابلها روح انت يافهد كلمها واعتذر منها انت تعرف تتكلم افضل مني!!!
بذمتك من اللي قرب بينها وبين زوجك ياحظي غيرك؟
انتي...انتي فتحتي الباب له يشوفها ويتكلم معها....
بنت...ومثقفة وتاخذ وتعطي معه..والجمال ماهو قاصرها..وقاعدة بروحها هنا...
ورايح لها يعتذر والاعتذار يجر وراه كلمة وكلمتين وثلاث...وانتي عارفتها اسلوبها مثل العسل مع الكل...جابته وجابت راسه بسبك انتي يانجلاىء؟
نجلاء/انا!!!!
ام مصعب/أي انتي...وش كان بيصير لو رحتي انتي وشكرتيها بدل مايروح هو لها....وش كان بيصير لو اعتذرتي لها بنفسك بدل مايتعنى لها فهد بنفسه ويشتري رضاها.....انتي قربتي الزيت من النار ومابغيتيهم يولعون!!!
انا اقول نجود انتي جبتيها صحيح يمكن كانت بتكون غيرها لو ماكانت هي...بس هو عمره ماجاه طاري العرس وحياتكم ماتغيرتمن زمان..
ماجاه الطاري الا يوم انتي قربتيه منها ودخلت باله وافكاره....انتي بروحك تحملي نتيجة اهمالك وتصرفاتك الامبالية واتكاليتك..انا ماعندي شي اقوله ابدا!!!
///////////////////////////////////////////////////////////////////////////////////////////////
بندر رفع راسه وقال بذهول وصوت متقطع/نجود....
نجود بحقد/ماكنت متوقع اني اجيك ولا شالسالفة؟
بندر بدموع/نجود انا احبها؟
نجود/انطم بس انطم قال احبها؟وين انت ووين الحب ياغدار....كذا تحرق قلبها...هذا جزا اللي حبتك ..
بندر قاطعها وهو يمسح دموعه/والله احبها يانجود والله..
نجود/ماله داعي تحلف لاني اخر انسانة بالعالم ناوية تصدقك؟
بندر بترجي/الله يخليك خليها ترد عليّ تكفين يانجود تكفين..
نجود/اذا لها نية واحد بالمية ترد عليك فتاْكد اني الوحيدة اللي بمنعها....هذي الامانة اللي كان المفروض انك تصونها يابنيدر؟؟؟هذي حياتي اللي امنتك عليها تقوم تجرحها وتكدرها...مالي معك كلام..لانك مو رجال وكل شي بقوله ضايع معك..بس تاْكد اني لي كلام ثاني معك بس مو اللحين....ولعلمك غيرك وسيد سيدك يبيها تاج على راسه وماهي بميتة على فراقك؟
تركت بندر بدموعه بدون مايهز فيها ولاشعرة وراحت بيت جواهر....
سلمت عليهم وركبت غرفتها....
فتحت الباب وسكرته وراها وجواهر كانت قبال النافذة ومالفت لها كانت فاتحة الستاير وحتى النافذة وعيونها على غرفة بندر......
نجود/جواهر..
لفت لها وماقدرت تتحرك من مكانها رجعت تناظر بالنافذة من جديد وعيونها تحكي عنها اللي مو قادر ينطقه لسانها,,,,
تمنيتك علي تقبل....اشوفك مبتسم فرحان.,,

واشوف اهلك يغنوا لك...ولدروبي يزفونك,,

وتزيد بقلبي نبضاته.. ويحمر وجهي الخجلان,,

ويرعش جسمي بقدومك..واقول امشي على هونك,,

واملاك السما تحفك..بنور الرازق المنان,,

عليك اسم الله يالغالي...وعمت عين اللي يحسدونك,,

تسابق لجلي خطواتك..تجيني محترق لهفان,,

واحط يدي على قلبي.. واقوله جاك مفتونك,,,

وتفتح طرحتي بيدك ..واتوه بسحرك الفتان,,

ياعمري والله خجلانة ..وميتة بنظرة عيونك,,

يريحني كلامك لي.. يامحلا ليلة العرسان,,

وتعاهدني بتوفي لي.. واعاهدك اني مااخونك,,

مضى عمري وانا احلم.. واضم طيوفك بالاحضان,,

واسال ليلى ياليلى.. وش سويتي بمجنونك,,,

تحقق نصف حلمي بك.. وشفتك مقبل وفرحان,,,

وشفت اهلك يغنوا لك.. وللحلوة يزفونك ,,

خنقت بنفسي عبراتي.. وخنقني قلبي الغيران,,

وحبست دموعي في عيني ..وقلت امشي على هونك,,

فضحني صوت شهقاتي.. ورجيت الواحد الديان,,

يخليها ويقدرني ..اضمد جرحي من دونك,,

اشوف شلون تضحك لك.. وقلبي يشتعل نيران,,

دعيت الله يهنيها.. معاك وتجلي شجونك,,

وانا منهو يهنيني.. ويداوي قلبي الوجعان,,

انا ونيت يوم اني.. سمعت اخواني يطرونك,,

غديت بغبنتي.. ووصفت احساسي للجدارن,,

رحلت وربي ماظنيت.. مصيري غيري تصونك,,

وناديتك ولالبيت.. وتخالط شوقي بالهجران,,

بتنهيدة انا ترجيت لي ..ربعي يجيبونك,,

يقولون ادفني ذكراه.. وانسي اللي خان,,

قسم بالله ماانساك ..ولوها الكون ينسونك,,

تروف بحالتي نجود.. وتحلف والله هو خسران,,

يواسوني رفيقاتي.. يقولواكلنا عونك,,

كبيرة بعين كل اهلي.. وعند ربعي عزي ماينهان,,

كذا تخليني اصغرهم.. مع فلانة يلاقونك!!!

انا ماابي مهر منك.. ولاشبكة ولافستان,,

طموحي احتضن حزنك .. وازين بالهوى كونك,,

ابيك تكون لي وحدي.. بديرة مابها سكان,,

تنومني بوسط عينك.. وتلحف جسمي بجفونك,,

غناتي ليه تاْخذها ..وتشمت فيني العدوان !!

وش اللي ساومك فيها.. وصغر شخصي بعيونك!!,,

وش اللي موحلو فيني.. كسرت بخاطري يافلان!!

خبر عرسك قضى فيني.. هلكت قلبي بطعونك,,

مزن ضميتها.. وبليت شعرها بمدمعي الهتان,,

يهون عليك ترخص بي ..وتجازي طيبتي بنكران!!

عشقت اهلك على شانك.. ولمت اللي يلومونك,,

اسفة.. والله اسفة..مكتوب اهيم بسكة احزان,,

ومكتوب تلقى بنت ناس.. تعيش بدالي بكونك,,

ياشين اللحظة ذي.. والله تمنيت البس الاكفان,,

واشوف الظلمة في قبري.. ولابغيري يهنونك,,

ارجوك خذ روحي.. ونادوا ياهلي الدفان,,

ابيك تحس بجروحي.. وبتابوتي يمرونك,,

ابيك تشيل تابوتي ..على كتفك ياغصن البان,,

وتعرف قدري بموتي.. وتدمع لجلي عيونك,,,

بذاك الوقت ابي امسح.. دموع الغالي باكفاني,,

دموعك اغلى ماعندي.. يامالك كل وجداني,,


فراقنا موت.. ودمعك موتي الثاني,,

خلاص ارحمني لاتبكي.. دخيل الله علشاني,,

زماني مارحم ضعفي.. هزم حسي وتحداني,,

عهد في قبري ماانساك.. تعال زورني وعاني,,

تعال خلني بحس.. انك عليّ ولهان,,
وبفرح وانا وسط ترابني,,************************************************** ********************
لاتقولون ماطولت البارت تراني طولته علشانكم حبتين بس علشان تعرفون ان قدركم عندي غالي...
وبصراحة شديدة وبيني وبينكم هذا البارت الوحيد اللي كتبته وانا نفسي كنت ابكي فيه..يمكن صارت احداث بالرواية وبتصير اثرتني بس مو مثل ها البارت اللي فعلا كنت اكتب كلمتين وتنزل مني دمعتين,,,
وكان المفروض اني اكمل لكم للنهاية بس فعلا يوم قريته من جديد تعاطفت مع جواهر وماقدرت اكمل,,,,,اشوفكم على خير بكرة ان شاءالله,,


تشكراتي حبايب قلبيي على ها التواصل الرائع والرهيب عساكم دوم على القوة يالغلا ولايحرمني منكم ابدا,,
//////////////////////////////////////////////////////////////////////////////////////////////////////////////////


---البارت الثامن والسبعين---
,,,,,,,,,,,,,,,,,,,,,,,,,,,
بروحه مصعب بس كانت افكار توديه وافكار تجيبه وهو يناظر بفستان عرسها اللي شاله معه,,
ليش ياترى ماراح تلبسك الليلة ؟؟وليش يوم سالتها عن بندر قالت لي خاين وحقير وكذاب؟؟وليش الليلة عرسها وفهد ونجود راحوا؟؟
وش سالفتك ياجواهر ياعمري..
وش اللي جرى لك وضعفك كذا...انا مااعرفك غير قوية وواثقة من حالك ومايهمك شي,,,وش ها الشي اللي صار لك وخلاك تنهارين وتفقدين حتى صوتك من الصدمة,,,
ودي بس اعرف من اللي زعلك وضايقك وخلاك مهمومة كذا..صدقيني لااذبحه واخذ فيه اعدام بس اهم شي راحتك ورضاك يالغالية..
ليش منتي راضية تردين على مسج من مسجاتي..ابي بس اتطمن عليك وعلى صحتك ..عارف الليلة عرسك وادعي الله يهنيك باختيارك..بس تاْكدي انتي بقلبي وبتظلين طول عمرك بقلبي وشرايني..متى بس بقدر اشيل حبك من بالي وفكري متى؟؟؟الوكاد اني مقدر انتي اغلى من انك تنسين بيوم وليلة يابعد كل البنات...
كان يشيل ثوبها بيدينه ويسمح لدموعه تطيح على الفستان وهو كل قهر العالم فيه لان الليلة عرسها وضاعت منه للابد...
البارحه والهواجيس اشغلت بالـي

ما غير اهوجس وحلو النوم جافيته

يالله يالواحـد المعبـود يالوالـي
ياعالم بكل ما جهر به وما خفيتـه

تفرج لعين(ن) جداها الدمع همالي

قامت تسوق العباير يـوم طريتـه

الصاحب اللي بقلبي منزله عالـي

اللي من الناس ما غيـره تمنيتـه

الصاحب اللي ملكنـي اول وتالـي

لا حل طاريه دمـع العيـن هليتـه

أحاول أنساه لكـن ايتهيـااا لـي

اني ابنسـاه وانـا مـا تناســيتـه

خزنت اســمـه وعنوانـه بجوالـي

وفي وسط قلبي وشرياني بناء بيته ////////////////////////////////////////////////////////////////
نرجع لنجودوجواهر......
نجود تقربت منها بهدوء..
جواهر كانت تناظرها وبعيونها الف دمعة ودمعة ماهم راضيين ينزلون
نجود /خسارتك ببندر ماتعني انك خسرتي العالم ياجواهر....حرام عليك اللي تسوينه بنفسك والله حرام...
جواهر كانت تاْشر بيدها على نفسها بس ماهي قاوية تقول أي شي...
نجود بزعل/جواهر قولي شي لاتظلين ساكتة وقاهرة حالك,,,,
جواهر كانت تدور على جوالها او أي شي تكتب لنجود فيه...بس ماشافت شي قدامها حست بالانفجار مسكت يدها الجدار اللي كانت واقفة عليه وطاحت مرة وحدة ,,
نجود بفزع بعد ماتقربت منها/جواهر..اسم الله عليك لاتسوين كذا والله والله بنيدر مايستاهلك...صدقيني خيرة انك تركتيه هذا مايستاهلك ابدا..
جواهر بصراخ ماتدري وشلون طلع منها بعد ها المدة كلها وحست بنفسها تزلزل البيت كله من صوتها/انا احبه فاهمة وش يعني احبه؟؟؟يعني انا انخدعت ..بندر كان يتلاعب فيني...سبع سنين حب وغرام كللناها بالارتباط جازاني فيها بالخيانة؟؟؟؟فاهمة وش معنى خيانة؟؟معناته انه كان بحضن زوجته طول الاسبوع ويجيني بنار زايفة ويقعد بحضني..كل الكلام اللي كان يقوله لي ماكان طالع من قلبه ويمكن انه مايقصدني فيه...كان معها طول الوقت وانا كنت مجرد تسلية له هنا بالدمام...عارفة وش معنى خيانة يانجود ...معناته تموتين ,,عارفة وش معنى اني حبيته ونساني وخذعني وتركني...معناته اني مو قادرة حتى اوقف قبال نفسي قبال المرايا واناظر بشكلي....
بس ابي افهم منه شي واحد...ليش خدعني؟ليش تزوجها..وظل معي؟؟؟وليش....وليش..وليش اختار ليلة زواجنا مع بعض...علشان يكمل ذلي ومهانتي؟
كانت تصارخ وتصارخ وتصارخ واخر عباراتها قالتها بمرارة,,,
كانت نجود تسمع وتسمع وتسمع وهي ساكتة وتناظر..ماهي عارفة وش تقول لها وهي اكثر وحدة عارفة اللي بقلب جواهر لبندر,,ماهي قادرة تعزيها بحب انجبر على الفراق باخر لحظات واصعبها واحرجها..ماهي قادرة تقولها أي شي وسط انفعالاتها ودموعها اللي حارقتها....
كل تفكيرها كان ذيك اللحظة في بندر....لو تذبحه يمكن ماتقدر تشفي غليلها منه على الحالة اللي وصل لها صديقة عمرها....
رفعت جواهر راسها لنجود وهي بقمة انفجاراتها ودموعها اللي مغرقة وجهها وقالت بمرارة لنجود/قولي شي ليش ساكتة؟
نجود وهي تفكيرها ببندر/ابكي...صارخي..اذا هذا الشي بيريحك وبتحسين بعده انك بتهدئين وبترجعين جواهر اللي اعرفها...بس يكون بعلمك بندر مايستاهل ولانص دمعة منك...
جواهر بمرارة/انا ابكي على نفسي ..ابكي على المذلة اللي حطني فيها بندر والاهانة اللي وجهها لي قدام كل الناس....ابكي كرامتي اللي انهدرت ...ابكي لان الناس بتفكر باشياء ماهي صحيحة ولايدرون وش اللي صار؟
نجود/مين الاهم انتي ولاالناس وتفكيرهم....وبعدين ليش تبكين على نفسك بالله!!انتي وش مسوية....جواهر...انتي الف الف من يتمناك ويتمنى اشارة من اصبعك...بتظلين على بندر المصفوق اللي ماصانك,,,لاياجواهر انتي اذا قعدتي كذا بتتعبين وبتبينن له انك زعلانة علشانه وما المفروض انه يفهم ها الشي منك..
جواهر/طيب ليش يجي يبكي يبي يكلمني...مو هو غش وخان وغدر..وش يبي بعد يانجود؟
نجود بقهر/يبي يكذب كذبة جديدة ويخليك تصدقينه..بس لاياجواهر انتي عرفتيه خلاص ماله داعي تسمعينه بحياتك مرة ثانية....
//////////////////////////////////////////////////////////////////////////////////
فتحت عينها ببطء علشان تستوعب اللي حوالينها....
كانت راقدة بنفس مكانها اللي ذبحها فيه من الضرب البارحة
تلفتت حوالينها ولقت مطهر وشاش جنبها وتحسست جبينها لقت عليها كم ضمادة...
معقولة هو سعفها بعد مانزفت..طيب ليش ماكمل جميله وردها لغرفتها وفراشها بدل ماهو مخليها مرمية بنفس مكانها؟
حاولت تقوم بس نومتها الطويلة من البرحة بعد مااغمي عليها كسرتها وشلتها وماقدرت تقوم تنهدت بقوة وبدت تبكي..هو من الالم وهو من الخوف من اللي بيجي وهو من كل شي بها البيت وهو من مسفر نفسه...
بعد ثواني بس دخلت عليها الشغالة...
الشغالة/انتي كويس اللحين؟
لبنى/انا ليش هنا؟ليش مو بغرفتي؟
الشغالة/انا مايدري انا يجي صباح يشوف انتي هنا وينزف دم...بس..
لبنى/يعني انتي مو هو اللي كلف على عمره؟
الشغالة/سنو يقول ماما..
لبنى/وينه؟
الشغالة/بابا مسفر....
لبنى/عساه مايسمع ها الكلمة اصلا..اي...
الشغالة/تحت مع صديق هو يلعب قمار سوا سوا...
لبنى/ليش كم الساعة اللحين؟
الشغالة/اللحين سبع ونص؟
الشغالة/وليش مبكرين بالسهرة الليلة على غير العادة؟
الشغالة/لا هذا صديق مايجي مع الباقي يجي بدري وبعدين يتعشى ويطلع...
لبنى/اممم..انتي من زمان هنا؟
الشغالة/من اربع سنة..
لبنى/ومارحتي ولامرة..
الشغالة/بابا مسفر يعطي فلوس كويس؟
لبنى/أي....هو ماعنده اهل...محد يزوره هنا؟
الشغالة/لا..هذا بابا يموت وماما يتزوج واحد تاني...وهو ياخذ فلوس كتير حق بابا...
لبنى/أي...انتي وش عرفك..مو تقولين محد يجي هنا وماعنده اهل؟
الشغالة/انا صديق سوا سوا بابا مسفر قبل لايجي انتي؟
لبنى ماتدري تحس بالاحتقار لنفسها ولا تمشي ولا شتسزي فضلت انها تكمل طبيعي خوب مافي الا ها البشر تتكلم معه قبل لاتجن رسمي..
لبنى/اذا انا يعطيك فلوس كتير يطلع من هنا؟
الشغالة/لا انا مايقدر..
لبنى بترجي/طيب بس جيب جوال انا يكلم ويرجع الى انت وبعدين يعطيك فلوس كتير اذا يجي عمي....
الشغالة قامت/لا مايقدر.....
طلعت وتركتها....
الله ياخذك ان شاءالله وليش بالله ماتقدرين...اكسبي فيني اجر وثواب يابنت الاوادم
شكلك بتموتين يالبنى هنا ومحد داري عنك....بس لا..انا مالازم ايئس...باقي عندي الطباخ مدام هاذي رفيقته ماهي بايعته...ان شاءالله هو بعد مايقوله صديقه واروح فيها؟؟؟
////////////////////////////////////////////////////////////////////////////////////////
كانت قاعدة بالسيارة مع امها وهي تفكر بحياتهم اللي انقلبت بين يوم وليلة
طلاق عبير كان البداية...بعدها زواج مضاوي وروحتها مكة واشتياقهم لها ..زواج لبنى اللي مايعرفون عنه أي شي ولايدرون وش اللي جرى عليها..وبالاخير كملها بندر بزواجه من وحدة مايعرفونها وبنفس الليلة اللي كانت المفروض تشهد على حبه لجواهر...الله يصبرك ياجواهر صدقيني كلنا معك بس امي تعبانة ومي قاوية تشوفك ولاتكلمك....
قرار اتخذته بعد ماابوي تصرفاته زادت عن الحد الماْلوف وماظل احد بالبيت..كان لازم انها تروح عند خالي بالاحساء علشان تبتعد عن جو البيت المشحون ولازم اني اكون معها ...
كانت كل شوي تناظر بامها اللي الهم كبرها سبعين سنة قدام وهي اللي ماظل لها من العيال غير هنوف جنبها...كانت بتعرض على عبير تجي معهم بس هي ماهي عارفة الوضع شلون بيكون هناك فما استعجلت...
يمه..حبيبتي انا معك وبظل معك....
لفت للنافذة وهي تمسح دموعها وتناظر بالطريق الطويل اللي ابتعدوا فيه عن الدمام...مع السلامة يااهل الدمام..ماهو فراق اكيد بس اني بشتاق لكم..انتوا جنبي وانا مقدر على بعدكم كيف وانا بمكان وانتوا بمكان عاد!!!
حبيبي ناصر...بيجيك يوم وبتعرف اني حبيتك من كل قلبي...ادعي حبيبي انها تنفرج وان حياتنا ترجع مثل ماكانت وازين...احبك صدقني احبك....وحبك بيظل يمشي بعروقي ودمي....
مهما ابتعدت ورحت وجيت قلبي ماله غيرك...اول ماارد من الاحساء باعترفلك ويصير اللي يصير وش بيصير عاد!!
لازم تعرف اني احبك.....

يمّه عليه إن زعـل ... واذا رضـى يمـــّه

يمّـه ذبحنـي غـلاه ... وشـــــلّ وجـدانـــي

يمّـه غرامـه طريـقـي ... ولازم اتــــمّـــه

شيٍ مـن الله علـى غفلـة تغَّشَـــانـي ...!!

اشهق على ضحكته واشفـق علـى ضمّـه

واموت منه إن جفى ... وإن جاني احيانـي

إن كان درب الشقـى يمــــر مـن يمّـه ...!!

والله لكـمّـل شـقـاه " إن الله احـيــــــانـي "

اقـول ياســـــــيـدي ... ويقـول ياعمّــــة ...!

اشتـاق طعـم الغديـر اللـي وســـــــــط فـمّـه

قمـت اشتكـي للغـلا ... واصيــــــح واخمّـه

ياشيـن بلـــــــوى الهـوى ... الله لا يبلا ني

يقـول لـي بالهـوى مذهـب ولــــــــــــي ذمّـة

واقـول بصـرك ... ولـكـن لا تعـــــــــــدانـي

ابـي طريـقـك يصـيـر لوجهـتـــــــــــي يِـمَّـة

ومنيـن يممـت وجهـك غـصـب تلقـــــــانـي

يزمنـي بالهـوى ... زمـّـة ورى زمـّـــــــة

قطّـع وريـدة وخاطـه وسـط شريــــــــــانـي

مبطي اذا خفـت صحـت وقلـت " يايمّــــه "

والحين اذا خفت صحت وقلت " ياحصانـي "

لا واهني من قـرب منـه ... ومـن ـشمّـــــه

ماكـن ربـي خلقـه الا علـى شـــــــانـي ...!!

جيتـه وكلـي مــن الاشــواق ملتـــــــــــــمّـة

امشي من الصبح ليـن ان عشقـه امسانـي

ياحلو لوعـة شقـاه ... ويـا حلـــــــو سمّـه

والله ياهـو بالهـوى " مـن جـد ورانــــي "

ادمـى عيونـي ... وحنـى يدينــــــــي بدمّـه

وعلـى طريـق الولـه اقـفــــــــى وخـلانـي

يمّه احبّه ... فديـت ابـوه قبــــــل امّـه ...!

يهزنـي هـز ريـح ... وزلـزل اركــــــــــانـي

وش فيه اذا البنت تعشق...؟! .. الهوى قمّة

خلينـي اعشـق قبـل مـا تابـس اغــــــصانـي

يهمنـي حيـل ... وادري فيـنـي اهـــــــــــــمّـه

حتى اسألي روجـي الـوردي ... وفــــستانـي
/////////////////////////////////////////////////////////////////////////////////////////////////////////////////////////////////////////////////////////////////////////////
سارة كانت حابسة نفسها بغرفتها وهي بعدها مصدومة,,,
نجود السبيعي..اخر انسانة توقعتها تكون هي زوجة ابوها,,,,
طيب ليش يبى تزوجتها؟
معقولة من سالفتي معها ابوي تعرف عليها وتقربوا من بعض؟اذا كذا معناته انا السبب اللي جمعتهم؟
بس اللحين كيف نتخلص منها كيف؟هاذي باسها قوي ومايهزها شي...
الله ياملاك..كنت تدرين ها الاسبوع وتناظريني وتضحكين..كنتي تتشمتين فيني...
بس ليش انا تفكيري اتخلص منها...ليش مااتقرب منها علشان اضمن ترجع علاقتي من جديد مع ملاك الفايز؟؟؟
أي..ليش لا....ملاك قطعت علاقتها فيني بسبب نجود واذا اللحين تقربت من نجود اكيد بتقرب من ملاك من جديد...
أي والله فكرة مش بطالة ..لازم اكون قدامها عاقلة ورزينة واسمع كلامها ودايم الدوم الزق بابوي علشان اضمن رضى نجود عني وكل ماقالت لي شي اقولها ان شاءالله ونبديها برجعتها نجهز كتاب القواعد كبداية اني مو فاهمة بالمنهج أي شي؟
ياسلاااااام عليك ياسارونة وعلى افكارك واخيرا برجع علاقتي مع ملاك الفايز والفضل طبعا بيعود لك يانجود,,,,,(امك لو تدري عنك ذبحتك قبل نجود)
///////////////////////////////////////////////////////////////////////////////////////
هيا/يبى...شفيك واقف بها الليل قبال النافذة؟
كان ابو علي واقف قبال النافذة وساكت....
ابو علي/وينها نجود ماشفتها من وصلت؟
هيا/مع جواهر من الصبح.....
ابو علي بحنان/وجواهر بعدها تعبانة؟
هيا/انت وش رايك...الليلة المفروضة تكون ليلة عرسها؟
ابو علي رجع يناظر بالنافذة من جديد/شفتي بعمرك قاعة عرس مافيها غير المعرس وابوه....ولا معزوم واحد ؟؟؟؟ام بندر اخذت هنوف وراحت الاحساء عند اخوها ..
وسمعي ضحكة القدر فيهم مدري هي حوبة جواهر ولا صفعة من الزمن لعمك وولده..العروس اتصلت وبكل شماتة قالت انها تنتظر الطلاق من بندر وهو عارف انه بيطلقها بالطيب وفصلته من الشركة وقالت ماعاد يلزمني وسحبت منه كل الصلاحيات اللي كانت عنده وسحبت الفلوس اللي كانت حاطتهم برصيده كمكافات من الشركة...
مين غيره خسر بالسالفة يابنتي؟
هيا/وعمي وش قال؟
ابو علي/عمك...عمك ظل يترجاها تغير رايها وسالها عن الاسباب؟شفتي الوقحة وش قالت...قالت مو راح يركض ورى بنت الهاجري ومااهتم فيني خلها تنفعه انا خلاص ماعدت ابيه نفسي عافته وشفت لي غيره ماعنده وحدة متعلقة من وراه يعني مابيتركني باي لحظة علشانها؟
هيا بقهر/يستاهل بندر ...بكلم نجود اقولها؟
ابو علي/قولي لها تروح بيت زوجها مايصير تاركته من الصبح وهي توها ماكملت شهر....وقولي لها ابوي يبي يشوفك؟
////////////////////////////////////////////////////////////////////////////////////
الليلة فرحك ياعبد العزيز...ياترى لو تدري لبنى ان الليلة زواجي وش راح يصير؟؟؟
اه ياحب لبنى...صدقيني انتي في بالي وقلبي وتفكيري ..بس حكم القدر يطالني ويطالك ومالنا الا ننفذه ,,
حبيتك...بكل صدق واحساس حبيتك...وبعدين احبك....وانتي عارفة ها الشي...ماابيك تعرفين عن زواجي وتزعلين مني,,,,انتي اغلى من انك تبقين مجرد ذكرى في بالي,,, بس ظروفي ماتسمح اني اظل انتظرك وانتظرك وانتظر الى مالانهاية..اهلي شافوا الاهانة من ابوك وماابي اكون انا والزمن عليهم...
ادري اني عمري ماراح اكون بالنسبة لااهلك الزوج المناسب علشان فقري وجيبي الفاضي بس ياليت لو ابوك يشوف ويسمع عن نظرية ان الرجال مخابر مو مناظر؟؟؟انا ماابي اتفلسف واقول واعيد..يكفي ان كل واحد مشى بطريق...وان حتى المحل انا طلعت منه بارداتي علشان اقطع كل شي....
ياربي يوفقك يابنت الناس باللي هو احسن مني وينسيك حتى اسمي...صدقيني يالغالية ماراح اقدر انسى حتى حروف اسمك لانها تحمل اغلى شي بالنسبة لي...صحيح ان الليلة زواجي بس ماني فرحان..ولاالفرحة شايفة طريقها لي,,
تدرين ليش...لانك الشي اللي تمنيته ودعيت ربي يكون من نصيبي,,,
بس حكمة ربي فوقك وفوقي وفوق كل البشر,,,
احبك يالبنى احبك....بس مقدر اقول أي شي..واللي بينا انتهى...يمكن نتصادف بيوم من الايام بس اعرفي اني بظل اشيل المحبة والمعزة لك بقلبي,,,,
////////////////////////////////////////////////////////////////////////////////////////

فوزية/نجود السبيعي ماغيرها؟
ام مصعب/أي....
فوزية بدون تصديق/ماني مصدقة...احسه حلم...
ام مصعب بغرور/مدري وش فيها عاد اللي بيموت اخوي فيها؟؟؟
/مصعب/زوجته اكيد بيحبها؟
ام مصعب/لا مو كذا انا عمري ماشفت فهد اخوي كذا...
الجازي بفرح/والله وصارت نجود مرة خالي..يارب تدرس ثاني ها السنة مو اول؟
مصعب/يعني كلا وتفكيره صحيح الناس سين وجيم وهي يارب تدرسين ها السنة؟عقول فاضية؟
الجازي بعصبية/مو كفاية ان ملاكوا حضرت عرسها وانا اللي خالي يصير زوجها ماحضرت؟هاذي بذمتك ماهي فشلة بحقي واهانة لي قدام بنت الفايز؟
فوزية/يمه منال عرفت...
ام مصعب/منال اليوم اتصلت في بيتهم تسالهم عن فهد وقالوا لها انه تزوج فقالت لهم انه كلمها وهو بالنمسا هو ونجود وشرحوا لها الموضوع..وعلى قولتها تفاْجات...بس بلنهاية هي مالها شغل؟
فوزية/ومن قال عاد انها لها شغل بالسالفة؟
ام مصعب/عمتك نجلاء؟
مصعب/عمتي مدري شبلاها....تبي تحط غلطها على أي واحد يقابلها بالطريق؟
فوزية/حلوة دي ومنال شيخصها بالسالفة بالله!!
ام مصعب/تقول هي اللي دخلتها البيت وعرفتها على عمها فهد وقربتهم من بعض؟
فوزية بعصبية/وش دعوى عاد نجلاء عمتي ماسوتها وقربت بين فهد ونجود يوم تصير سالفة سارة وتنسحب هي منها وتحطه هو بوجه المدفع؟
ام مصعب/تدرين يوم قلت لها نفس الحكي وش قالت؟
فوزية/؟؟؟؟؟؟؟؟؟؟
ام مصعب/ههه شوف المصيبة صدق شر البلية مايضحك..تقولي وعلشان يراضيها قام تزوجها؟اللحين تركت الموضوع كله وتركت انها هي من الاساس غلطانة بتقريب فهد من نجود قالت ان فهد ماعرف يعتذر لنجود وقام تزوجها؟
مصعب قام من مكانه وهو اصلا تفكيره بجواهر ووده يتصل بخاله يساله عن العرس/لاتعليق على عمتي نجلاء ابدا!!!
///////////////////////////////////////////////////////////////////////////////

نجود/شلونك يبى...
ابو علي/حيا الله العروس....توه الناس؟
نجود حبت راسه/يوم اجي الصباح ماكنت موجود...شلونك..
ابو علي/للحين عايش..
نجود/لك طولة العمر ان شاءالله وش فيك...
ابو علي/انتي شايفة اللي قاعد يصير حلو؟
نجود/يبى..يمكن جواهر تكون زعلانة ومتضايقة بس صدقني بتعدي ها المرحلة ان شاءالله وبتنسى ولد اخوك اللي مايتسمى,,,
ابو علي/وهي جاية على بندر...امه تعبانة حييل وراحت اليوم الاحساء عند اخوها....والله وبعد اربع بنات وولد فضى البيت عليك ياخوي؟
نجود/وهنوف راحت معها ولاقعدت هنا مع خواتها؟
هيا/أي خوات ماكو غير عبير؟
نجود/ولبنى؟؟؟
ناظروا هيا وابوها في بعض لانهم ماقالوا لنجود عنها...
نجود/وينها صدق....انا شايلة عليها لانها ماحضرت عرسي ولاكلفت على حالها تتصل تبارك لي!!
ابو علي/نجود الا لبنى ..صفي النية معها ترى محد اكلها غيرها؟
نجود بخوف/ليش شفيها؟
ابو علي/انتي وين زوجك؟
نجود/فهد نايم بالشقة وناصر ينتظرني بيوصلني....يبى شا السالفة؟
ابو علي/يبى روحي بيتك ولاتشغلين بالك بسوالفنا....لاتتاءخرين على ابو فيصل؟
نجود/ماعليك منه لاحقة عليه بس شسالفة لبنى بعد؟
ابو علي/تزوجت؟
نجود/شنو؟؟؟متى؟
هيا/بنفس ليلة عرسك؟
نجود/لاحول ولاقوة الا بالله العلي العظيم....وليش كذا عاد..طيب شخبارها؟
ابو علي/علومها عند ربها...محد يدري عنها شي؟
نجود بلوم/وانت ساكت ياابو النخوة؟والله ماهقيتها منك؟ماتدري حتى شعلومها من اسبوعين يابو علي؟
ابو علي/والله ماني عارف وين ادوره ووين اخليه اخاف بس مو هنا كل اللي سالتهم عنه قالوا مايعرفونه وعمك يقول مايدري هو وين ساكن؟
نجود/عمي مزوجها وموصلها بنفسه مايري هو وين ساكن ولا مايبي يتكلم؟
ابو علي/شتقصدين؟
نجود بنرفزة/مااصدق عاد يبى مايدري وين ساكن زوج بنته؟طيب كيف وصلها له ولاحضرة جنابه اخذها من بيت ابوها بنفسه؟عمي عارف بس مايبي يتكلم؟
/////////////////////////////////////////////////////////////////////////////////////////////////
طلعت من بيت اهلها وراحت بتركب سيارة ناصر وتوها فاتحة الباب شافت طيف واقف قبال بيت الهاجري..لفت لناصر وسالته..
نجود/ناصر منو هذا؟
ناصر وهو يناظر فيها وقال بزعل/بندر؟
نجود/شوف الحقير وش جايبه بعد؟
سكرت باب السيارة وراحت له وناصر يناديها وقام وراها...
وصلت لعنده وكان راكع عند بابهم ويبكي...وبين كل كلمة والثانية يطلع اسم جواهر ويطلب منها السماح..
نجود بحدة/خير ان شاءالله روميو زمانك؟
لف لها بندر اللي كان يبكي وماقال شي...
نجود/تبي تبشرها انك تزوجت...على فكرة ماهو هامها اصلا!!!
ناصر /نجود تعالي السيارة..
بندر وهو يبكي/نجود قولي لها تسامحني...قولي لها اني احبها وماابي اتنازل عنها..
نجود بشماتة/لاماني قايلة اصلا...
بندربتعب ودموع/نجود انا تعبان من فراقها..ودي تسمعني,,
نجود/عساك بها الحال وازيد ان شاءالله...عساك ماتتهنى طول عمرك مثل ماضيقت خلقها وكسرت بخاطرها بلحظة من اللحظات...
بندر وهو يبكي بقوة/انا ماكان قصدي صدقيني..
نجود/لاوالله...واذا قلت لك ماابي اصدقك..
ناصر/نجود امشي...خلاص..
نجود/مو ماشية الا اذا مشى هو..
بندر بدموع وعناد اطفال/مو ماشي ماتقدرين تحرمين اتنفس هواها يانجود؟
نجود بعصبية/انت اصلا واحد كذاب!!طول عمري ماني مقتنعة فيك بس شسوي لها هي اصرت عليك...اوووف..بندر اتركها بحالها ماكفاك الجرح اللي سببته لها وماصدقت على الله تهداْ شوي وتنام..لو سمحت اقلب وجهك وروح الله لايردك,,
بندر بنفعال/انتي فاهمة شنو يعني احبها....يعني محد بهالعالم بيردني عن حبها...بظل واقف هنا ليل نهار لين يلين قلبها وتكلمني..
نجود/لاتخاف قلبها ماهو لاين وماراح تكلمك....فتفضل امشي وبلا فضايح اخر الليل ياعريس؟؟؟
ناصر/نجود يالله امشي بتتاْخرين على فهد...
نجود/ماني متزحزة من مكاني وها العلة واقف....
جواهر وهي فاتحة باب بيتهم/ناصر معه حق بتتاْخرين على فهد وانا ماابيه يتضايق اذا طولتي عليه..روحي لفهد وبكرة بكون منتظرتك لاتشغلين بالك عليّ انا بخير؟
كان صوتها تعب بتعب وعيونها غرقانة دموع..
لفوا لها كلهم...
نجود/بندر/جواهر؟؟
نجود/انتي ماكنتي نايمة وقت اللي قمت؟
بندر بانفعال/حبيبتي سمعيني...
جواهر اشرت له بيدها بدون ماتناظر بوجهه,,,

حبيتك حب ماحبه بشر

مستحييل حبه احد

بس مع الاسف انت ماقدرت حبي الك

وجرحتني جرح مايداوى

ليه تسوي كذا انا شسويت لك

انا عطيتك الحب وانت عطيتني الخيانه

بس الغلط منك انت بالبدايه

انت اللي قلت لي احبك وعلقتني في هواك

انا ذنبي اللي ارتكبته اني حبيتك

ولا حب مو طبيعي حب جنون

وانت جرحتني جرح مايداويه احد

بس عندي لك وصات

اني اذا مت لاتعتب قبري برجلك

ولاتجيني لاتزيد همومي هم

ارحمني خلاص انا تعبت

بس ابسالك وممكن تجاوب بصراحه؟

وين وفاتك وعهدك اللي قلته

وين كل هذا راح

ياليتني مت ولا يجي هاليوم

اللي انخنت فيه من اقرب القلوب لي

بس انا شنو بالنسبه لك الحين

اكييد حبك الماضي

لانك كل يوم مع وحده

اعتبرني واحد كان عايش بحبك ثم مات

ماني بلعبه تلعبها ثم تتركها

انا انسان عندي قلب عندي احساس

بس للاسف طلعو العذال ارحم منك

اعتبرني واحد اذنب وتاب

وماراح يرجع تجرحه ثاني

خلاص انتهينا ومايفيدك اعتذارك

الله معاك وكل واحد في طريقه/////////////////////////////////////////////////////////////////////////////////////////////////////////////
وصلت شقتها وهي بقمة العصبية وطول وقتها دعاوي على بندر..
مسكها فهد من كتفها ولفها له..وحضنها بهدوء وقال بهمس/درينا الموضوع ماتم على خير بس ليش مضايق عمره حبيبي...
نجود بقهر/لانه نذل؟؟حقير...كيف ممكن يبيع حبها بها السهولة يافهد كيف؟
فهد وهو يمسح على ضهرها/ماهي نصيبه...لو كانت نصيبه ماكانوا افترقوا يانجود..بعدين خيرة انهم ماتزوجوا,,,,يمكن ها الشي بصالحهم...اهم شي طمنيني هي بخير...
نجود ابتعدت عنه وشالت عبايتها وقعدت على الكنبة وقالت بضيق/مااظن...اسبوع كامل ماتكلمت ولاكلمة ولاذرفت دمعة وحدة علشانه ها الحقير...واليوم حسيتها بركان بينفجر باي لحظة...لكن احلى شي بالموضوع ان الجداوية ماجت وهي اللي تشمتت فيه عساه بها الحال وازود؟؟الا فهد ليش مارخصت لي انام معها الليلة؟
فهد ركع جنبها ومسك يدينها/لانها تعبانة..ومحتاجة تقعد بروحها..
نجود/مو صحيح هي محتاجتني اسمعها لو بغت تشتكي؟
فهد/لايانجود هي بصدد اختيار قرار حياتها ياتتركه ياتسامحه ووجودك جنبها بيضغط عليها بشي يمكن ماتكون راغبة فيه..خليها تفكر براحتها وبدون ماتضغطين عليها بقرارها,,,
وتْكدي انها بالنهاية بتختار الشي اللي يريحها؟
نجود بانفعال/الا جواهر لو تركتها تختار براحتها بترجع تختار بندر يافهد..
فهد/وبتنسى خيانته لها...لامااظن يمكن الانسان يسامح ويغفر كل الزلات الا الخيانة ماتنغفر يانجود ياعمري...وجواهر عارفة وفاهمة هاالشي,,,
نجود/فهد....تدري انها راحت له جدة وهناك اكتشفت المصيبة ذاك الاسبوع ,,
فهد/راحت لقبرها برجلها..
نجود/أي....تبي تشوف الدنيا كيف تلعب فينا..من تتوقع لاقاها هناك ووقف معها وساندها بعز انكاسرها وصدمتها؟
فهد/منو؟
نجود/اخر شخص تتمنى تشوفه لو تسمع طاريه بحياتها...
فهد بدون تصديق/مصعب,,,
نجود/أي مصعب....مصعب اللي كانت تكره طاريه صار بوجهها وماقدرت غير انها تتمسك فيه وتحتمي بظله ,,,,
فهد/غريبة انه ماقال لنا يوم يجيبنا من المطار امس مع انه عارف بسالفتها...
نجود/هو تقريبا مو عارف كل شي يعني يدري انها بصدمة وانهيار عصبي بس مايدري ليش يمكن فهم انها متخانقة مع بندر بس مااتوقع ان عرسهم يتكنسل,,,
فهد/هذا اكثر واحد بيفرحه خبر تركها لبندر..
نجود/غلطان ..انا بعد فرحني الخبر..صدق اني عارفة حبها الكبير له بس بندر مايعجبني ماحسه يتناسب مع تركيبتها وشخصيتها..في حلقة ضايعة بينهم,,,,
فهد/الله يوفقها بحياتها مع اللي بتختاره,,,,
نجود/ماقلت لي شسويت طول الوقت بروحك ..طلعت ولا شسويت؟
فهد/لا..ذكرتي اللحين تساليني ؟تفرغتي بعد ماخلصتي سوالفك؟
نجود/ههههه ومسوي روحك بعد زعلان؟
فهد/طبعا زعلان!!وهذا انت اولويات حياتي وانت مدري شنو...طلع كلام بس يابنت السبيعي؟

اخذت راسه وحطته بحضنها وقامت تلعب بشعره/اليوم سماح تدري خلقي ضايق...
فهد/والله اخاف الخلق الضايق ياْثر على كل شي؟
نجود بخبث/لاتطمن نقدر نفصل بين الدين والدنيا ههههه
فهد/والله قعدت اطالع التلفزيون شوي وبعدا دقوا العيال وسالوا عنك وسولفنا شوي...وبعدها نمت لي شويات وصحيت صلحت لي كوب قهوة وقعدت انتظرك؟
نجود/ومن في العيال بالضبط اللي سال؟
فهد/يهمك تعرفي؟
نجود/اممم احس لمى ,,
فهد/واذا قلت لك سارة....
نجود/غريبة...وش عندها..
نجود/غريبة...وش عندها..
فهد/تقول انها مو عارفة كيف تبدي علاقة جديدة معك وانتي شايلة بقلبك عليها؟
نجود/هي قالت كذا؟
فهد/أي..
نجود/وانت وش قلت لها؟
فهد/قلت لها هي تبدي تفتح الموضوع معك وتبداْ بتحسين العلاقة اذا تبي وانتي اكيد بتتفهمينها بس لازم الخطوة تجي من ناحيتها هي,,,
نجود/تفتكر امها لها شغل بالسالفة؟
فهد/مااظن لانها كلمتني من بيت عمها يعني ماتبي امها تسمعها ولو بالغلط؟
نجود/اصعب شي تصرفات المراهقين ساعات تحس مو فاهمها....
فهد/هاذي قضيتك انتي وانتي اللي بتتكفلين فيها المهم لاتشغلين بالنا فيها اللحين..
نجود/تقول نمت لك شويات..
فهد/أي والله..
نجود/معناته سهرتك صباحي؟
فهد/وليش لا...تكملة شهر العسل؟
نجود بدلع/أي بس انا نعسانة وتعبانة؟
فهد بتذمر/لو هو عرسها الليلة ماكنتي شرفتي للحين ومانمتي الا اذا دقيتي لها وتطمنتي انها نامت ويمكن بعد ماتنامين تسوين لها فطور بيدك وتروحين تودينه؟؟بس السالفة لي تتغير؟
جرته من خده وقالت له/انت تغار يابو فيصل؟؟والله ماتخيلت!!!!
//////////////////////////////////////////////////////////////////////////////////////////

طبعا مصعب ماقدر يقاوم اكثر ودق على خاله يساله عن العرس وكيف مشت اموره,,,
وفهدسال نجود قبل لايرد لانه عارف مصعب وش يبي ها الحزة اكيد يسال عنها وقالت له قوله انه تركها لاتخبي عليه,,
فهد/نعم..
مصعب باحراج/هلا خالي..
فهد/كم الساعة؟
مصعب بنفس الاحراج/بس لاتكون نايم؟
فهد/والله كنت بس اتصالك صحاني!
مصعب/ليش خلص العرس بدري؟
فهد/وانت وش يخصك بالسالفة؟
مصعب بترجي/خالي تكفى....
فهد/مصعب بندر ترك جواهر والعرس تكنسل واكيد انت عارف السالفة اكثر مني!!
مصعب بدون تصديق/تركها؟؟شنو يعني تركها؟
فهد/يعني طلع متزوج غيرها وماعادت تلزمه...
مصعب بانفعال/هذا ..هذا شلون يسوي كذا!!شلون يفرط فيها؟؟هذا اكيد مو بصاحي...ماعنده جوهرة وحدة عنده كل الجواهر..كيف ممكن يطيعها قلبه ويجرحها وهي اللي تحبه وتغليه وماتشوف بالدنيا غيره كيف!!!
معقولة وصلت فيه النذالة انه يسوي فيها كذا!!علشان كذا جاها انهيار عصبي..علشان كذا قالت لي بندر خاين وغشاش وحقير,,,علشان كذا تركت ثوب عرسها عندي ومااهتمت تسال فيه وينه؟؟؟
ليش سوا فيها كذا ليش؟
طيب هي شلونها بعدها زعلانة منه ومن جرحه؟خالي انا اذا شفته بذبحه..مايهمني انسجن ولاانعدم علشانه...هو زعلها وضيق خلقها وماله حق يعيش بدنيا هي فيها..علشان لايجرحها مرة ثانية....
فهد بصرامة/مصعب..
مصعب بدموع/خالي حرام عليه ..والله حرام عليه...هاذي ارق شي بالدنيا كيف جاه قلب يجرحها ويمشي ومايحس انه ذبحها...خالي ابي اجي اشوفها..لو من بعيد بس ابي اتطمن عليها....
///////////////////////////////////////////////////////////////////////////////////////////
طول الطريق من بعد ماوصل نجود شقتها وهو يفكر ببندر وجواهر وكيف صارت علاقتهم....
ليش ياترى يابندر سويت ها الشي وفرطت في الانسانة اللي حبتك..ياليت عندي وحدة تحبني ربع الحب اللي تشيله لك جواهر بقلبها كان حطيتها تاج على راسي..
بس ليش كذا الزمن ليش....
غريبة ها الدنيا نحب ناس ونعيش العمر قربهم وبلحظة من اللحظات نتخلى عنهم بسهولة...وبعد مانتركهم نحس بالحسرة والحسافة...
وش ها القهر بس...الله لايبلانا بها الشي ....
وقف سيارته جنب البيت ونزل...باقي نص ساعة على الاذان ان شاءالله يكون احد قاعد ويسولف معه لاينام لانه حاس بتعب كبير وها اليومين سوالفهم زايدة ومطيرة النوم من عينه,,
وقف عند الباب وتفاجاْ بان شخص واقف قبال بيتهم..
بالبداية خاف ..مين ياترى بيكون واقف بها الطريقة وبها الوقت وليش؟؟؟؟
جاه شك غريب..مو معقولة وحدة من خواتي تكون؟؟؟استغفر الله لاياناصر لا..خواتك مربين احسن تربية ولاتخلي الشيطان يلعب براسك...
كانت كل علامات الارتباك والاستفهام والخوف على وجه ناصر وهو يدعي ربه يعديها على خير وبدون مايمر احد من الجيران وتصير فضيحتهم ؟؟؟؟؟؟؟
////////////////////////////////////////////////////////////


---البارت الثامن والسبعين---
,,,,,,,,,,,,,,,,,,,,,,,,,,,,,,
كان يقدم خطوة ويرجع بخطوة ثانية وهو يتعوذ من ابليس لين تقرب منه ومسك كتفه بتردد,,
ناصرخير ان شاءالله في شي..ممكن يوقفك عند باب البيت بها الوقت ياالاخو؟
اول ماجت عيونهم بعيون بعض صرخ ناصر/مو معقولة؟؟؟؟
كان علي واقف وهو يمسح دموعه لايشوفها ناصر...
ناصرعلي..شلونك ياخوي...مضيع مفتاح البيت ولا شلون تعال ندخل..
علي بضعف/لا ماابي ادخل....
ناصر ظل يناظره...علي تغير كثير عن قبل ثلاثة شهور كاملة عاشنها بعيد عنهم وعن سعادتهم وحزنهم..ثلاثة شهور تغير فيها علي كثير ضعف حييل عن اول وفي هم واضح بوحهه ...
ناصرعلي...ادخل...
علي ظل يناظر بالباب لاماابي ادخل بس...
ناصر بتشجيع/لو ماكنت تبي تدخل ماكنت جيت بنفسك...
علي بنفس الضعف وعيونه كل ماجاها تنهمر دموع اكثر واكثر/لا شكرا..تصبح على خير...
مشى علي قدام ناصر ومسكه من كتفه...
ناصر بتاْثر/علي ..وش فيك ياخوي....
علي حس بالانفجار لحظتها من سؤال ناصر....
علي بضعف شديد/انا تعبان ياناصر تعبان....انا ضيعت كل شي بيدي.....
انا خسرت امي وابوي واهلي والبيت اللي كان محسسني بالامان واللمة ...خسرت الزوجة اللي يتمناها الف رجال بها العالم....تفهم شنو يعني انا خسرت ياناصر؟؟؟
يعني مابقى لي شي حتى اللي خسرت علشانهم ها الشي راحوا مني ولاانا ابيهم ولاهم يبوني.....انا حاس نفسي ضايع وتعبان ومدري وش اسوي....
ناصر/حل عنك كثر الحكي ياعلي هذا مو وقته....شوف نفسك شلون صاير...قوم روح توضاْ وصلي لك ركعتين بالمسجد قابل ربك وبعدها بنتكلم...يالله امشي معي ياخوك امشي...ترى ماعندك الا رب العالمين...روحه وتقرب منه وخلي الدنيا كلها ورى ضهرك اللحين وبعدين كل شي بيرجع مثل ماتبي ياخوي صدقني...
/////////////////////////////////////////////////////////
نجود/فهد..اذا كانت وحدة متزوجة مدمن مخدرات يصير تتطلق منه..يعني ترفع عليه دعوى بالمحكمة؟
فهد/ليش من الاساس تزوجته؟ماهي دارية انه مدمن ؟
نجود بجدية/يمكن انها مودارية ..او انها انغصبت عليه..
فهد/مافي شي اسمه انغصبت عليه..بيدها تقول لا للشيخ وقت الملكة مدامها ماتبيه..
نجود/لا موصحيح يافهد في ناس ظروفهم اللي عايشينها تحدهم ينجبرون وهم ساكتين..انت ماتري بشنو هي انجبرت ..يمكن انها لو ماوافقت لحق خواتها ولاامها ضرر فاضطرت توافق...
فهد/ناس متخلفة بجد؟
نجود/المصيبة مو فيها في اللي زوجها اياه اذا كان عارف...
فهد/معك حق..بنت لاناقصها جمال ولاعلم وعايشين ومستورين الحمد الله وضعهم ممتاز..بس التخلف اللي بها العقول مدري شفيه...
فهد/وانتي تتوقعين ليش بيجبرها ولي امرها عليه اذا كان عارف انه مدمن وحالتهم ميسورة مثل ماقلتي؟
نجود/لانها تحب واحد ثاني وضعه اقل من وضعهم بكثير....
فهد/بذمتك نجود هذا سبب؟؟
نجود/أي والله..
فهد بتعجب/انتي تتكلمين من جدك؟
نجود/أي ..
فهد/تعرفينها..
نجود/أي...
فهد/هو طبعا تقدر تكلم المحكمة ويسوون استدعاء للزوج وينقلونه لمستشفى الامل ويتاْكدون بس قب ..مايمكن تاْمنين ضرر ها النوعية يمكن انه غصبها على الادمان مثله؟
نجود فتحت عيونها على وسعها/انت تتكلم من جدك يافهد؟؟ممكن ها الشي يصير؟
راحت افكارها بعيد..بعيد حييل للمكان زالوضع اللي لبنى اللحين فيهم!!!!!!!!!!!!!!!!!!!!!!!!!
///////////////////////////////////////////////////////////ام بندر/هنوف علامك قاعدة هنا نزلي مع بنات خالك قعدي عيب..
هنوف بزعل/يمه...متى بنرجع هناك...
ام بندر بتنهيدة/وش تبين تسوين هناك؟
هنوف/بس هناك بيتنا..
ام بنر بتقطع/مابقيتي الا انتي ماابيك تروحين مني وتضيع حياتك ياهنوف..
هنوف/يمه..اذا رجعنا بنقعد عند امي مو رايحن البيت لاابوي..
ام بندربحسرة/ولبنى وين كانت بالله!!ماكانت في بيت عمك؟بس اذاابوك ناوي على الشر بيجيك في بيت عمك ماراح يعوق ابوك شي؟
هنوف/كلمت مضاوي وسالتني عنك؟
ام بندر/عسى ماقلتيلها بس ان احنا هنا...
هنوف/لاماقلت لها...وعبير بعد اتصلت فيك تسال عنك...
ام بندر بحسرة/اربع بنات ماحولي منهم غيرك..
هنوف/يمه....خلاص لاتضايقين نفسك..كل شي بينحل ان شاءالله..
ام بندر/الله كريم...بندر مااتصل؟
هنوف بتردد/لا...
ام بندر بحسرة/ولاراح يتصل بعد!!!!الله يسامحك يابندر كانك طلعت شبه ابوك ولااحد يعوف جواهر....شقول بس ..شرعك اللهم ولااعتراض!!!
هنوف باست راس امها/انتي جاية هنا تغيرين جو وترتاحين من تفكيرك فيهم شوي..لاتتعبين نفسك حتى وانتي هنا......يالله نزلي وهذا انا لاحقتك...
ام بندر وهي قايمة/مو تبطين....
بعد ماطلعت امها لفت للنافذة وصورة اهل الدمام في بالها ماهي مفارقتها وحاسة بنار الاشواق بتفيض فيها علشان تشوفهم,,,
دموع الشوق بعيوني واحزاني تخاويني

ثواني ليلتي غربه واعيش بعالم الحرمان

ادور بدنيتي تايه ولافيه من يسليني

سوى ذكرى قديمه في خواطر فكري السهران

انا جرح الفراق احرق بقايا لهفة سنيني

واماني عشتها كانت تجول بقلبي الولهان

غريبه..لحظتي صارت هموم ماتخليني

تبين لزمن حالي وترسم له شقى انسان

حبيبي..لهفتي زادت وشوقي لك سكن فيني

متى تجمع ليالينا اماني عمرنا الخسران

ترى طيفك معي دايم بليل الهم يضويني

ينورلي مسافاتي ويروي لهفة الضميان

غلاك بخافقي زايدوطيفك دايم بعيني

وصوتك بسمة ايامي وحبك يسكن الوجدان

اناجي دمعتي مره ومره هي تناجيني

واذا ضاقت بي الدنيا احاول اكتم الاحزان
//////////////////////////////////////////////////
ماصدقت يجي النهار علشان تنزل تشوف الطباخ اللي بتشوفه لااول مرة بحياتها ودعت ربها انه يكون سعوي ..عربي بس مو اجنبي وان الشغالة ماتكون موجودة لانها مابتساعدها ولابتسمح له يساعدها بعد....
تنفست الصعداء يوم كانت الشغالة راكبة فوق ترتب الغرف...
دخلت بشويش علشان لاتنتبه لها الشغالة....
وراحت له علطول لعند الطاولة اللي كان واقف يقطع فيها الفاكهة,,
لبنى بتردد/مرحبا..
رفع الطباخ راسه/اهلين وسهلين مدام ...بدك شي...
لبنى بارتباك/ها...اي...
الطباخ/شو مابدك بعمل لك...انتي بس تدللي..شو حابة تاكلي على الغذى اليوم؟
مسفر من وراها/وش عندك جاية هنا؟
وقف قلبها مرة وحدة ولفت لقته قاعد على الطاولة الثانية وهي ماانتبهت له دخلتها بس وش مصحيه المفروض يكون نايم هادج بس هذا حظها الاعثر..
قالت بترد وارتباك/كان جاي على بالي اكل شغلة وقلت بقوله يسويها لي..
مسفر/ووراك متعبة حالك وجاية بنفسك كان قلتي لميلين تبلغه بطلبك...روحي ارتاحي بس...تعالي معي بس تعالي..
مسكها من يدها وطلعها معه للصالة وقعد وخلاها بحضنه وسط قرفها منه,,,,
مسفر/وش جاي على بالك تاكلين؟
لبنى/ها....لامو شي معين,,,
مسفر/كيف مو شي معين..وانتي من ساعة جاية تكلمينه..يبى أي شي بخاطرك قولي لاتستحين..
لبنى وهي ماسكة نفسها/ابي امشي شوي برى...
مسفر/من زين الجو عاد تمشين..
لبنى بضيق/أي بس انا حاسة نفسي مخنوقة وطول وقتي محبوسة بين اربع جدران,,,,
مسفر/ومين قايل لك احبسي نفسك تعالي تونسي معي بالليل مع الشباب...
لبنى بزهق/انت من جدك تبيني اقعد بوسط الشباب؟؟؟عادي عندك؟
مسفر/الحياة مشاركة وهذولا ربعي مافيها شي ماهم غرب....
قامت من حضنه وهي تنتظرها من الله..
مسكها من يده وهو خلاص وصل يخلص غازه.....
مسفر/هي انتي..وين رايحة لسه بدري الوقت...
لبنى بعصبية/بدري من عمرك....
لفت بتمشي وتعثرت رجلها بالطاولة ورجعت طاحت بحضنه من جديد....
مسفر وهو منتهي/وين رايحة؟
بقمة عصبيتها/لجهنم الحمراء....
مسفر/ياسلاااام حمرة بعد وليش ماقلتيلي؟
لبنى/؟؟؟؟؟؟؟؟؟؟؟؟؟؟؟؟
مسفر/بس تعالي لسه بدري خلك معي ليش مستعجلة ولا هناك الجو احلى من هنا....
لبنى ببكي/ياربي ليش سويت فيني كذا ليش؟؟؟
مسفر/وش سوى فيك.....
لبنى باشمئزاز/انت صاحي!!!واعي لنفسك!!مدرك وش قاعد تقول؟
مسفر/اقول انتي صافة لي هذرة طويلة عريضة ياشسمك؟؟؟الا الصدق انتي وش اسمك؟
لبنى ببكي/وينك يايمه وينك تعالي شوفي وش صاير فيني؟
//////////////////////////////////////////////////////
علي/ناصر....
من بعد ماصلوا بالمسجد صلاة الفجر طلعوا وقعدوا قبال البحر وماحسوا بالوقت اللي مضى ولابالشمس اللي طلعت وحرقتهم..
كل واحد كان تفكيره رايح لشي معين...
لف له ناصر وكانه ينتظره يكلمه من بعد ماطلعوا من المسجد/هلا....
علي/,,,,,,,,,,,,,,,,,,,
ناصر/وش رايك نقوم نتريق وناكل لنا لقمة تعرفني اذا مااكلت شي اموت بعدين يجيني فقر دممااتحمل؟
ابتسم له علي لااول مرة من قعدوا بس بسمته ما كانت صافية كانت بعيون دموع حاول يخفيها...
ناصر بحنان/علي مهما صار ...تاْكد ان اهم شي لازم تسويه انك تبوس راس ابوي وتتسامح منه...لانه بعد رضا ابوي عنك بتنحل كل مشاكلك....ماابيك تعتبره تدخل بحياتك ياعلي لا...صدقني انت مو متعبك غير البعد عن اهلك وعيشتك بغربة وانت قريب منهم.....
علي/..................
ناصر/مااعتقد انه يبيلها تفكير كثير...ياعلي صارت ظروف بالعيلة لو تعرفها تبكي منها...وتتندم انكتركت البيت وزعلت ابوي...ترى ابوي انسانا روعة وعظيم قليل اللي بينه بها البشر؟
علي بتردد/وش صار؟
ناصر وقف وسحب علي من يده وقال/مو قايل لك الا بالمطعم انا كذا صدق اتعب...
//////////////////////////////////////////////////////////راحت له السرير وهي حاملة فطورهم بصينية...
حطتها على جنب....
وتقربت منه وقامت تلعب بشعره وتهمس باسمه لين فتح عيونه...
نجود/حبيبي صباح الخير...
صباحك ورد وقل ولوز..
ياعمري صباح النور..
يالله اصحى غنت نجود..
فتح عينه وهو يبتسم لها...
نجود/صباح الورد والحب والشوق والمسك والكادي.على احلى شي بدنيتي..
فهد ضمها لصدره/صباح الخير نجودي...
نجود/وراك صاير اليوم كسلان ومالك نية تقوم...
فهد/نقوم ليش بالله!!لاورانا هنا مكتب ولاعيال ولاشي..خلنا مرتاحين...
نجود بتاْثر/ونجود السبيعي ماهي وراك ولاماهي مهمة عندك؟
فهد/لا هاذي غير...هاذي علومها علوم...
نجود/أي قول كذا علشان تغير الموضوع وتسكتني...
فهد/تصدقين بالله يانجود اني من اخذتك رديت عشرين سنة قدام!!!
نجود بعدت عنه وقربت صينية الفطور ومدت له بكاس عصير البرتقال وقالت بثقة/وانت من كبرك علشان ترد عشرين سنة قدام!!!مشاءالله حولك وحواليك شباب عسى ربي يحفظك لي!!!
ناظرها للحظات وبعدين سالها/نجود انتي سعيدة معي!!
نجود/أي...
فهد ابتسم لها/طيب وش برنامجنا اليوم ياالسعيدة؟
نجود/ابد والله سلامتك...بنصلي وبنروح نتغذى عند اهلي لانهم عازمينا وبعدها بمر جواهر وبقعد معها لليل ومافي اعتراض على ها الشي لانك عارف الليلة بنمشي الرياض ولازم اتطمن عليها..
فهد/واقدر اعلق ولالا...
نجود رفعت عصيرها/لا...
فهد/خلاص بعد امري لله...
/////////////////////////////////////////////////////////
محمد/جواهر ممكن اسالك سؤال ياجواهر؟
جواهر ارفعت راسها له..
محمد بتاْثر/انتي تركتي بندر لانه بيتزوج ياجواهر؟
تنهدت وماردت عليه..
محمد بدفاع/بس هو ماتزوج ياجواهر ماتزوج يااختي...صدقيني ماتزوج...
جواهر بحسرة/خلاص يامحمد خلاص..قرار واتخذته ..
محمد بانكسار/أي بس بندر يحبك ياجواهر وانتي تحبينه..لاتطالعين فيني كذا ولاتقولين اني صغير وماافهم بها السوالف انا عارف وش يعني لك بندر وشنو انتي تعنين له؟
دمعت عيونها وماقدرت تتكلم..
محمد بانفعال/روحي شوفيه ياجواهر شلون قاعد على باب البيت يترجى ابوي بالدخلة والطلعة..شوفي شلون ينادي باسمك مثل المجنون وهو يصارخ...معقولة انتي اللي تحبينه ماصعب حاله عليك....انتي مو قاسية ياجواهر..يمكن هو فكر بالزواج ويمكن تكون فكرة ابوه بس بالنهاية ماتزوج ويبيك ليش ماتبين تردين له؟
جواهر بحرقة/في اشياء يامحمد انت ماتعرفها ومالازم تعرفها بعد...انا وبندر انتهينا خلاص...
محمد بانفعال/يعني تبينه يجن؟؟؟اذا صار مجنون ذيك الساعة بترضين عنه؟قومي شوفيه وشلون قاعد يناديك يبيك تحنين عليه وتكلمينه...جواهر انا بدخله لازم تتكلمون وتراجعون بعض؟
جواهر بزعل/محمد انا مااعرف بندر من يوم وليلة...انا اعرفه من زمان....كان المفروض يكون اصدق معي....كان المفروض اني فعلا اعرفه زين وافهمه....بس انا ماعرفته....
قامت من عنده وطلعت الحوش ووقفت قبال الباب اللي وراه بندر...
ركعت عند الباب وفي خاطرها الف شي يدور ويدور...ودموعها تنزل بغزارة...
على كثر السنين اللي عرفتك ماعرفتك زين...
تمنيت اني ماشفتك ولالحظة ولاشوية
حسبت وانت نبقى حبايب نبقى احلى اثنين..
حسبتك تبقى لي طول العمر مخلص وفي نية..
واثاري حبنا كذبة نسيت العشرة في يومين..
زرعت الشوك انا بنفسي..غرست الهم بيديا..
انا ماكنت اظن اللي يحبني يحب له شخصين..
على بالي انا لحالي حبيبي يموت بس فيا..
على اللي مشيت وماعرفت امشي معاه لوين
اللين الوقت بين لي نوايا غدر مخفية..
تعال وشوف وش كثرالدموع اللي تخون العين..
كثر ماخانني حظي وعرفتك وانت موليا..
انا شلي يصبرني على همي معك للحين..
خلاص ابعد وانا ببعد ولاتسال ابد فيا..
واذا قصدك تبيع وتشتريقلبي انا حبي بحرفين ..
ابمحي الحب من قلبي واعيش بذكرى منسية,,
انا لي مثل مانت ولا يفرق معك البين..
وانا ماعاد تعنيليلي وخسارة فيك ماضيا..
///////////////////////////////////////////////////////
في المحل الجديد..
عبد العزيز.../شلون يعني؟
حامد/يعني انا ابيك تكون بدالي بالليل وانا اكون بدالك بالنهار؟
عبدالعزيز بتعجب/وليش بالله؟
حامد/ياخوك متعرف على جماعة جديدة وبيودوني معهم بيت مسفر نسهر هناك والسهرة يبيلها تفرغ..
عبدالعزيز/طيب واذا صاحب المحل سال عني النهار ولا سال عنك الليل وش بيصير؟
حامد/صاحب المحل مايعرف المحل الا بداية كل شهر ونهايته بس...
عبدالعزيز/وانت كل ليلة محتاج تسهر؟
حامد بهمس/هذا مسفر عزوامته وسهراته عجيبة غريبة كل شي فيها..
عبدالعزيز/شلون يعني؟
حامد/وش مابغيت موجود..وبعدين ها الشهر السهرة مفتوحة كلها على حساب زواجه...والله وتزوج مسفر ...
عبدالعزيز/مين مسفر هذا اللي نافخين ريشه؟
حامد/هذا ولد ال.....وقبل اسبوعين تزوج بنت السبيعي وسوى للشباب حفلة شي ماصارت ولااستوت,,,,بس ان شاءالله الحق على سهراتهم قبل لاتخربه لبنى السبيعي علينا؟
هني بس دق قلب عبد العزيز..لبنى السبيعي؟؟؟؟معقول...هذا قدرك يالبنى..اخذتي واحد مثل كذا...
عبدالعزيز/انت مو تخربط باسماء بنات الناس حرام مايجوز؟؟؟
حامد/الا لبنى بنت فايز السبيعي انا كنت حاضر عرسه ومتاْكد من اسمها وهو بنفسه قال لنا....
مايدري ليش حس بالضيقة والخنقة...لبنى تزوجت؟؟؟
أي وليش مستغرب هذا مصيرها...
بس مو معقولة تزوجت الشخص هذا اللي يتكلم عنه حامد...معقولة لبنى تعيش مع شخص مثله وهي عارفته...
مستحيل لبنى لي ولوحدي ومالازم تعيش مع ها الشخص الوسخ ابدا ومهما صار؟؟
بس الذنب ذنبي انا..قطعتها وماسالت وماعطيتها مجال تسال وتعرف اخباري...
لا ياعبد العزيز لا...هذا اللي لازم يصير علاقتكم ماكان لازم تدوم...
ادري مقصر معاك وفي محبتنا
وادري ما تدرين ليه اسباب تقصيري


لو دام حبك ولو دامت علاقتنا
انا لغيرك وانتي ياقلبي لغيري


لازم نقوي على الفرقا عزيمتنا
لو كان بعدك سبب همي وتدميري


عجزت لا ادبر ظروف تحدتنا
ما قام حظي ولا فادت تدابيري


المجتمع والعوايل غصب حدتنا
ولا انتي اصلن زيادة خير في خيري


ولو ان قربك خطاء يابيض رايتنا
يزيد قدرك غلا من زود تقديري


مادنسك كذب حاسدنا وشامتنا
تبقين ورد العفاف ان زان تفسيري


لكن عزانا على الذكرى و ضيقتنا

هذي حقيقه ولا داعي لتبريري

يا غايتي يوم تنهينا نهايتنا

تعالي اخذي من اوجاعي تعبيري

انا وشعري وصلنا فوق طاقتنا

احزن وحزني يحبونه جماهيري

وفيت وانتي وفيتي مير خانتنا

كل التفاكير واولها تفاكيري

واليوم لدفن بقايا حي ميتنا

ما عاد تحيي معاذيرك معاذيري

بعيش في سكت الذكرى بدايتنا

واسير لاحلامنا وانتي بعد سيري

تذكريني بياض ساد نيتنا

تذكريني ولا يألمك تأثيري

تذكريني وعيشي في محبتنا

تذكريني ولا تطرين ابد غيري

مع السلامه خلص واقع حكايتنا

انا لغيرك وانتي ياقلبي لغيري

وصلت لاخر محطه في سيرتنا

تطول مشاويرك او تقصر مشاويري


كانت افكاره متلخبطة داخله من عرف انها تزوجت..ساعات يقول الذنب مني انا..وساعات يقول مو معقولة فراقنا خلاها تختار ذا الطريق..وساعات يقول كان المفروض اوقف بوجه ابوها واقنعه بحبي لها واني بحافظ عليها...
وظلت مشاعره متلخبطة وماهو عارف وش يقول....
//////////////////////////////////////////////////////
ناصر/جرب ها الفول بيعجبك..
علي/انا شبعت..الحمد الله..
ناصر /وش اللي شبعت تسوي رجيم مثل البنات!!!
علي بتنهيدة/ناصر..وش وضع البيت؟
ناصر تنهد/مقلوب فوق تحت...
علي بخوف/ليش...
ناصر/اساس القضية بيت عمي..
علي بخوف/من طلاقنا انا وعبير؟
ناصر/كانت هاذي بداية الشرارة...بعدهاتزوجت مضاوي وراحت مع زوجها مكة عسى ربي يهنيهم...
علي/مين تزوجت؟
ناصر/محمد اخو فهد صاحبي..
علي/اممم..
ناصر/بنفس الليلة طلعوا ابو رياض ومرته وعياله للقصيم ومارضوا يبيتون هنا وبنفس الليلة رياض طلب عبير من ابوي؟
علي بصدمة/خطب عبير زوجتي؟
ناصر/وعبير متعلقة بولد حييل؟
علي بنفس الصدمة/وتزوجته علشان ولده؟
ناصر/علي انت كم طلقة طلقتها؟
سكت علي وكمل ناصر كلامه.../اصرت عبير ان رياض يترك حمود معها يسليها.... رغم انه مارضى يتركه بس عبير اصرت وتمسكت فيه وهو متعلق فيها وابوي طلب منه علشان عبير وتركه...
علي/.................
ناصر نزل راسه وتنهد...
علي/وبعدين وش صار؟
ناصر/الله يرحمهم ان شاءالله انقلبت فيهم السيارة وماعاش منهم احد؟
علي بصدمة/يعني كانت وفاتهم كلهم مع بعض وانا كنت مفكر بس ابو رياض....الله يرحمهم...وولد رياض؟
ناصر/مع عبير هي شايلته ومتحملته تقول انها عطت اهله كلمة وماهي مفرطة فيه رغم ان خالتي ام بندر اصرت تاخذه عندها بس هي ماتنازلت عنه ابدا ...
علي/..................
نجود/نجود تزوجت..
علي/أي عطتني خبر..
ناصر بلؤم/وليش ماحضرت عرسها؟
علي/ماكنت اقدر...هي شلونها مرتاحة مع زوجها...
ناصر/حاليا أي الله يتمم لهم بخير ان شاءالله....
علي/................
ناصر بزعل/لبنى بعد تزوجت بنفس الليلة اللي تزوجت فيها نجود بس لبنى مصيبتها مصيبة ياعلي عسى الله يحميها ويكون بعونها ان شاءالله.....علي ودي انك تروح تعتذر لاابوي ترى المسكين يحاتيك وماينام الليل من كثر مايفكر فيك والله انه بس يشوفك قباله بيفز لك من الفرح..
علي بربكة/ناصر انا ابي عبير بس هي ماتبيني؟
ناصر/؟؟؟؟؟؟؟؟؟؟؟
علي تنهد بقوة/والله اني ندمت اني تركتها بلحظة من اللحظات اللي قص عليّ الشيطان فيها..
ناصر/اول رضا ابوك ياعلي وبعده كل شي بيتسهل ان شاءالله....
//////////////////////////////////////////////////////////
نجود/يبى عمي وينه؟
ابو علي/اكيد في بيتهم..
نجود/معناته يالله قوم...
ابو علي/لوين؟
نجود/بنروح نساله عن مكان لبنى؟
ابو علي/انا عجزت وانا اساله وبعدين انا بعد سالفة بندر مع بنت الهاجري وموافقة عمك ماعاد لي كلام معه؟
نجو/ومن قال انك بتكلمه بعد اليوم..لا بس مجرد بنساله عن مكان لبنى وبس...]بى اذا لبنى صار فيها شي ولا ادمنت بنكون احنا المسؤلين؟
ابو علي بخوف/تدمن؟؟وش ها الحكي يانجود؟
نجود/يبى قوم علشان لبنى...
ابو علي/أي بس فهد هنا ومو حلوة يقعد بروحه...
نجود/ناصر كلمني وقال انه جاي بعد قايق يعني ماتفرق وبعدين فهد ماهو غريب وانا الليلة ماشية الرياض يبى..ابي اتطمن على خبر عنها....
راحوا بيت ابو بندر اللي كان فعلا كئيب وكل الانوار مطفية ومافي احد حتى ابو بندر ماكان موجود هناك....
نجود/اووووف وين راح هذا بعد؟
ابو علي/انا بروح لفهد وبعدين يصير خير....
سبقها وطلع ويوم جت تطلع انتبهت لعمها اللي كان قاعد بالحديقة بروحه....
تقربت منه وشكله كان متغير ..صاير اشعث وكانه مو عايش معهم بها الزمن....
شافها تناظر فيه بعد مارفع راسه...
قال بحسرة/البيت فاضي وماينطاق....ماظل فيه احد منهم ابد..واللي ظل قاعد عند بيت صاحبتك بيجنن حاله لين ترد عليه...كلهم راحوا ماظل احد يانجود...
ماتدري تبكي على حاله ولاتاْنبه ولا شتقول...حتى التاْنيب اللحين مايفيد لان كل شي صار وانتهى....
نجو بحدة وكانها ماتبي ترحمه/ومن اللي ضيعهم وفرقهم وترك البيت خالي بدونهم؟
ابو بندر/؟؟؟؟؟؟؟؟؟؟؟؟؟
نجود/مو وقت لوم ياعمي.....
ابو بندر/ظلت صامدة معي اكثر من سبع وعشرين سنة وماعمرها تركت البيت ولازعلت وكاهي طلعت وماترد عليّ....وين عبير اللي كانت متسامحة معي دايم...وين لبنى اللي كانت تراددني بكل شي ولو مايجيها كف كفين ماتغير رايها..وين مضاوي اللي ناشرة طيبتها بالبيت..وين هنوف اللي ماتترك احد يسلم من مقالبها واللي كانت ترسم على وجهنا الابتسامة..وين بندر اللي دوره اللحين انه يشيلني ويشيل البيت..
نجود/عمي..سؤالي هو وين لبنى..لبنى وبس؟
ابو بندر/مدري...
نجود بحدة/شلون يعني ماتدري...
ابو بندر بصدق/زوجها كذب عليّ الفلا اللي كان ساكن فيها باعها وارقامه كلهم غيرهم..على بالك اني ماحاولت اتصل فيه علشان اخليه يسمح لها تكلم امها وتتطمن عليها...بس انا مدري وينه فيه اللحين...
نجود بصدمة/شلون يعني ماتدري....يعين راح اخر امل في ان احنا نعرف وينها ياعمي ..كذا نخليها تضيع بيدينا ومنا بدون ما نتحرك ولانسوي شي....
/////////////////////////////////////////////////////////


---البارت التاسع والسبعين---
,,,,,,,,,,,,,,,,,,,,,,,,,,,,,,,,,,,و
نجود بصدمة/شلون يعني ماتدري....يعين راح اخر امل في ان احنا نعرف وينها ياعمي ..كذا نخليها تضيع بيدينا ومنا بدون ما نتحرك ولانسوي شي....
//////////////////////////////////////////////////////////فوزية/شتبين مني؟
سارة/ممكن اطلب منك طلب..
فوزية/خير...
سارة/ابي اطلع معك للسوق..
فوزية/طيب..
سارة/ابغي اشتري هدية ل....لخالتي نجود..
فوزية بتعجب/لمنو؟
سارة/لخالتي نجود..وابي ذوقك...
فوزية/والمناسبة...
سارة/ابي ابتدي معها بداية جديدة....
فوزية/وهاذي فكرة منو بالضبط؟
سارة/فكرتي انا................فوزية فكرك انها ممكن تسامحني وتنسى اللي صار؟
فوزية/يعتمد عليك انتي وعلى معاملتك معها ..
سارة/انا ابي ابدي معها بداية جيدة يافوزية...وابي تكون علاقتي معها حلوة,,,,,
/////////////////////////////////////////////////////////جواهر/خلاص قلت لك روحي وتطمني اني بخير مافيني شي..
نجود/شكلك مايطمني ابدا انك بخير...
جواهر/نجود هي صدمة بس صدقيني بتجاوزها وبرجع مثل قبل بس يبيلي شوية وقت..بس ابيك تتاْكدين اني بخير..
نجود/جواهر انتي اغلى من انك تتعبين علشان واحد ماصانك....
جواهر/نجود لاتطرينه..خلاص ماابي اسمع اسمه ابي انساه...
نجود باصرار/اكيد بتنسينه ياعمري....وبتلتقين بسيد سيده اللي يعيشك بجنة نعيم....
جواهر اكتفت بانها تتنهد..
نجود/جواهر ابي اطلب منك طلب حبيبتي...
جواهر/شنو؟
نجود/لا ماراح اقولك الا اذا وافقتي عليه..
جواهر/طيب اعتبريني موافقة عليه...
نجود بفرح/تجين لي الرياض....
جواهر/لايانجود صعبة...بالاول أي بس اللحين انتي عندك مملكتك مع فهد ومقدر اكون بالنص..
نجود/فهد هو اللي طلب مني ها الشي وقال لي اقولك...
وبعدين عندنا بالبيت غرفة فاضية لاتخافين ..وفهد مايرجع من الدوام الا الظهر وبعدها يرجع العصر من جديد ومايردالا الليل..
جواهر /نجود....مصعب...
نجود/شفيه؟
جواهر/يراسلني من رجعنا من جدة...
نجود/أي....
جواهر/ابيك تسالينه عن تكاليف المستشفى وبعض الاغراض اللي جابهم ..
نجود/مو مشكلة..بس قولي تم...
جواهر/باخذ لي كم يوم هنا بقدم اجازة استثنائية ها السنة مااعتقد اني بقدر اكمل وبعدها بعطيك خبر وقت اللي بجيك...
/////////////////////////////////////////////////////////
ناصر/يبى..
ابو علي/شبغيت..وبعدين وينك فيه انت من البارح؟
ناصر/يبى انا بروح المجلس اقعد مع فهد بس في واحد جاي يشوفك ويسلم عليك.....
ابوعلي/منو؟
طلع ناصر وهو ينادي علي انه يدخل وكانت عيون ابو علي متركزة على الباب ينتظر اللي جاي...
واول ماشاف علي واقف عند الباب ومنزل راسه وهو يبكي قام واقف على طوله..
قال بحنان وبدون تصديق/علي....وينك يبى؟شلونك؟
ماكان علي قادر يرفع راسه بوجه ابوه وهو اللي ظل عاقه لفترة طويلة بدون أي اسباب...كان ونعم الاب بها الزمن.. ...حب وحنية وعطاء بلا حدود وبدون أي مقابل وديمقراطية بكل شي...بس مسالة الزواج اللي اعتبرها علي تصغير له ولكلمته...
طول عمره ابوه يراكض وراه..من وظيفة لوظيفة ومن منصب لمنصب...ماكان ينتظر حتى كلمة شكر المفروض انها تجي....بس علي والشيطان كانوا اصحاب وماعاد اهتم باي شي...
كل اللي كان يهمه سعادته وبس ...ولو كان لقى لمياء بذيك الفترة كان تزوجها وطلع وماهمه شي بس لان اخبارها انقطعت عنه اضطر يقعد معزز مكرم لين تنفرج عنده..
كانت دموعه تنزل اكثر واكثر وهو يتذكر ها الاشياء وها التفكير اللي كان يفكر فيه...
وماانتبه على ابوه اللي كان واقف قباله بذيك اللحظة...وكيف تقرب منه بدون مايحس..
رفع راسه بيده وقال بحنان/خلك رجال ياعلي...الرجال مايبكي ولو شنو يصيبه؟
علي وهو يمسح دموعه ويقول بصوت متقطع/يبى...يبى انا ..انا اسف...سامحني ..انا غلطت كثير.....
وطاح على يد ابوه يبوسها وهو يبكي..
ابو علي/قوم يبى قوم الله يرضى عنك....قوم انا مو زعلان منك...محد يزعل من عياله...الله يوفقك ويهديك ...
علي بحسرة/بتسامحني يبى؟
ابو علي/قلت لك قلبي مايقدر يزعل منك ياولدي...قوم يبى غسل وجهك وادخل سلم على امك وخالتك وخواتك والحقنا المجلس هناك زوج اختك تعال اقعد معه....وبعدين بنتكلم ياولدي...
/////////////////////////////////////////////////////////
بندر وحده كان غرقان ببحر دموعه...لاهو عارف طريق نوم ولاراحة ولااي شي...
كل اللي يعرفه بيت جواهر وبس!!!
كل اللي هامه انه يكون واقف هنا يمكن تطلع لو بالغلط..راضي تطلع وتسمعه كلام مثل السم بس المهم تطلع ويشوفها ويسمع صوتها اللي يملي قلبه فرح وشوق وتفاؤل...
اه لو تدرين يابنت الهاجري شكثر انا تعبان وندمان ..
معقول قلبك اللي ظل يحبني طول سبع سنين لو عرف بحالتي مابتراْف ويحن عليّ!!!
لامو معقولة يابنت الناس....انا اعرفك..اعرف قلبك وش قد يغليني ويحبني...واعرف اني كنت حقير يوم فرطت فيه بيوم من الايام وبلجظة من اللحظات...
جواهر ياعمري اعتبريها نزوة...خلي قلبك كبير ويسامحني تراني مو قاوي اعيش من بعدك,,حاس اني بجن واني مو عايش بالدنيا...
عمري ..حياتي انتي ووجودي وكل شي فيني...
صدقيني حياتي في بعدك ماتسوى شي,,صدقيني انا عايش بنااااار نار كاوية ...حني عليّ الله يخليك...حني وشوفي حالي وشلون صاير...
//////////////////////////////////////////////////////
ابو مشاري/انا كلمت عمتك وزوجها..
محمد بحماس/ومتى الملكة؟
ابو مشاري/اثقل بس اثقل...انا مكلمها ان احنا بنزورهم ها الاسبوع يعني مافتحت الموضوع..
محمد/يبى ليش بعد ها الرسميات يعني ماتقدر تقول لااختك بالتلفون ولدي يبي بنتك؟
ابو مشاري/يبى لازم نخطبها من ابوها وبعدين انت مانت حاط لها قيمة وقدر...
محمد/بلى يبى..
ابو مشاري/خلاص اجل نروح نخطبها مثل باقي الناس والعالم....
محمد/على بركة الله....
////////////////////////////////////////////////////////
بعد ماصلوا المغرب في المسجد رجعوا علي وناصر وابوهم الى البيت ودخلوا قبله لانهم شافوه يناظر بعبير اللي كانت تمرجح حمود بالحديقة,,,,
تقرب منها بهدوء وهومرتبك,,,,,يوم دخل يسلم عليهم اليوم كانت بغرفتها تنيم حمود وماشافها ...
بس اللحين صاروا وجها لوجه,,
طبعا عبير تلبس عبايتها وشيلتها وتتحجب بس عن ناصر....
علي بارتباك/عبير...
رفعت راسها له بكل هدوء..يعني مثل ماتعود عليها دايما....بس ماقالت شي...
حمود/ابير من هذا؟
عبير وهي تناظر بعلي/هذا علي...ولد عمي...
حمود/اخو ناصر..
عبير وهي بعدها تناظر بعلي اللي ماشال عيونه عنها وهو يتفحص كل شي فيها../أي اخو ناصر...
علي/ممكن اتكلم معك..
عبير/بشنو...
علي/انا......انا اسف..
عبير وهي تداري دمعتها اللي عاندتها وطاحت وقالت بغصة/على أي جرح فيهم ياعلي ؟
صار يناظرها بخوف وهو حاس ان قلبه بيوقع بين يدينه...
علي بحنان غريب تعودت عليه عبير في بعض الاحيان/على اللي صار بينا...عبير انا ..احبك....انا اكتشفت في بعدك اني احبك.....
عبير وهي تشيل حمود من المرجيحة علشان يدخلون...وكم دمعة باينة بوسط عينها ..
خل الغرور اللي بك اليوم ينفعك..
دامك اناني يارفيقي ومغرور..
بسبة غرورك صرت منبوذ اهلك..
والا الانانية بها صرت مشهور..
مثلت لي حبك وصدقت دمعك..
ماقد تصدق تمساح في دمعه الزور..
تقول الوفا والحب من ساس شرعك..
عرفت تخدعني لك سنين وشهور..
لاالصدق لك عادة ولاالحب طبعك..
بتمثيلك اصبحت البطل تلعب الدور..
البس غرورك خله اليوم ينفعك...
مايجتمع عادي مع شخص مغرور...
/////////////////////////////////////////////////////////
في الرياض....
وتحديدا عند شقة نجود وفهد كان مصعب واقف ينتظرهم على ناااااار....
فهد بذهول/انت وش موقفك هنا...
نجود/شلونك مصعب...
مصعب بارتباك/خالي...انا بس بغيت.....
نجود ناظرت بفهد وقالت لمصعب/بخير...ان شاءالله تكون بخير وتتغلب على ضعفها..
مصعب بنفس الارتباك/ها...
نجود/اللي سمعته؟
مصعب/شنو...
نجود/اللي انت واقف تنتظر تسمع عنها خبر ...
مصعب تنهد بقوة وهو يكلم نجود بحزن/كيف صار ها الشي؟كيف سمح لنفسه انه ياْذيها ويجرحها وبها الوقت الحساس؟
نجود بلا مبالاة/لانه حقير ونذل واللي امثاله مايفرق عندهم التوقيت مدامهم ناويين على شر....
فهد/مصعب...على هذا لاتحطها في بالك اكثر لانها ..
قاطعها مصعب بدفاع/وليش لا ياخالي!!!!العقبة اللي بوجهي وكانت واقفة بطريقي انزاحت..لازم مااضيع أي فرصة تقربني منها....
نجود/...................
فهد/بس هي تحبه...وماهو سهل تنساه؟
مصعب بانفعال،انا بحبي لها بنسيها اياه؟
فهد/مصعب لاتحطها في بالك وبعدين ماتتقبلك...فكر زين يمكن لو تقبلتك بالبداية فلانها مصدومة اللحين منه بس انها تحبك هذا شي مو مضمون ...
مصعب/ماهو مهم تحبني المهم اني احبها وبظل احبها لااخر عمري..
فهد/قولي شي يانجود...
نجود/لاتعليق...انا مقدر اتكلم بمثل ها الموضوع لانه يمسني كثير وهي اغلى شي عندي....مصعب حياك تعشى معنا..
مصعب بزعل/بالعافية..بس كنت جاي اتطمن عليها....مع السلامة.....
ناظروا بسرابه اللي طلع من البيت....
فهد/جواهر ممكن تتقبله بيوم من الايام؟
نجود/مقدر اوعده بشي يافهد وانا عارفة ان حب بندر بقلبها مو شي صغير حب بندر صار له سبع سنين ....بس ماتدري وش اللي مخبى لهم اثنينهم...
لفوا بيدخلون وكانوا سارة وفيصل واقفين بعيد عنهم بس قبالهم....
فهد/هلا...
فيصل/وش جبتوا لي من الشرقية؟
نجود/سلامتنا....
فيصل/وشسوي فيها؟
نجود/بالله!!!معناته مو عاطينك شي ابدا مدامك ماتبي سلامتنا..
فهد/سارونة شلونك بابا..
سارة بارتباك/بخير...
فهد/تعشيتوا ولالسه...
سارة/لسه بدري توها سبع ونص....
فهد/ودوام بكرة....ولا ناسيين المدارس....
نجود/اوووف فهد لاتذكرني اني وراي دوام بكرة بعد,,,
فهد/قلت لك مددي الاجازة بس انتي ماطعتي....
نجود فتحت باب الشقة علشان تدخل.....ولحقها فيصل ودخل معها وهم يسولفون مع بعض....
سارة/بابا..
فهد/نعم...
سارة مدت لاابوها بكيس/عطيه نجود...
فهد/شنو هذا....
سارة/هدية بسيطة مني,,,,
فهد/ومدامها منك ليش ماعطيتيها ايها بنفسك؟
سارة/يمكن ماتاخذها مني؟
فهد/وليش لحتى ماتاْخذها منك عاد!!جربي منتي خسرانة؟
سارة/لابابا انت عطيها اياها انا بروح..
فهد/سارة...
بعد ماعطته الكيس ومشت خطوتين وقفت يوم ناداها....
فهد/اذا انتي فعلا ناوية تبدين علاقة جدية وصادقة معها انتي ابدئيها ولاتخلين بينك وبينها وسيط حتى لو كنت انا,,,,خذي اذا ودك تهدينها اهديها بنفسك....
/////////////////////////////////////////////////////////
بعد ماقامت من سفرة العشى واللي كانت إذا بالاساس لانهم ينتظرون تشريفها معهم واللي ماطال اكثر من ثواني وكان يتفحص بالاكل بدون ماتلمس ولاشي....
دخلت غرفتها من جديد وقفلت وراها الباب وقعدت على فراشها,,,
طلعت البوم صورهم مع بعض....
وكانت تتفحص بصورة صورة على حدة..
كل صورة لها معه لها بقلبها معزة ومكانة عزيزة عليها,,,
صور خطوبتهم...صورهم وهم بالشاليه مع بعض وكيف اللقطات بريئة وعفوية وكلها حب...صورهم بزواج مضاوي,,,صورهم في بيتهم وبغرفة بندر وبكل مكان كانوا فيه مع بعض,,,,
سؤال واحد بس كان يدور في بالها ها اللحظات...هل كان حب بندر لها صادق وطالع من القلب مثل ماهو باين بعينه بوضوح بها الصور؟ولا كان مجرد تزييف وخداع وماقدرت تفهمه,,,,
اه منك يابندر....كيف قدرت تخدعني طول ها الفترة وانا مصدقتك كيف؟؟؟
ماتوقعت الغدر منك يصير ..
وانت حبك ساري وسط الضلوع..
ومادريت اني من احلامي ضرير..
لين خفاقي كشف زيف الدموع..
كم تعتبت وكم طولت المسير...
في غرامك ماشكيت من الوجوع..
للاسف كل الاسف خنت الضمير...
خنت عهدك ..خنت ودك ياقطوع...
لاتحاول ترتجي جرحي خطير..
ماقبل الاعذار منك والخضوع...
واندفن حبي لمثواه الاخير...
واندفن تحت الثرى لا للرجوع...
/////////////////////////////////////////////////////////

وش اسوي يالبنى بحالي....
ماني قادر افكر بشي...وجودك بخيالي مغلبني...ماني قادر اتاْقلم مع بنت الناس المسكينة من كثر مافكري مشغول فيك...ليتني ماسمعت اسمك الامس ولاطاريك,,
معقولة يالبنى انتي ماغيرك,,,يمكن يكون تشابه بالاسماء بس....
ليش لازم تكونين انتي...عمك مو معقولة يرضى لك ها الزواجة ومسفر ماوراه قبيلة تمدح فيه يعني مو انتي عمك مابيرضاه ولاحتى ابوك لو يعرف انه مدمن مابيرضاه لك اكيد وانتي بنته,,
شسوي يالبنى شسوي....افكار تجيبني وافكار توديني من سمعت اسمك,,,اذا كنت انتي وش ممكن يصير,,,
حبيبي...حبيبي وش فيك سرحان..
رفع راسه لزوجته الطيوبة اللي اختارتها له امها من بين معارفهم وهي تبتسم له علشان يقومون ينامون لان الوقت تاْخر,,,,
مقدر اشيلك من افكاري يالبنى...بكرة بروح بيتكم وبسال عنك واللي فيها فيها؟
مابيهمني شي..اهم شي تكونين انتي بخير وعايشة بخير وماتكونين انتي المقصودة في ها السالفة,,,,
////////////////////////////////////////////////////////
فهد/نجود...
لفت له وهي واقفة مع فيصل بالمطبخ يقطعون التوست اللي مسخنينه...
نجود/هلا...
فهد يكلم فيصل/وش عندك انت قاعد فوق الطاولة تبي تطيح وتتكسر..
نجود/لاتخاف عليه ماهو صغير يطيح ويتكسر...(وقصدها تقول بسك دلال لفيصل وخلك لي)
فهد/افرض ماانتبهت وطحت ...
فيصل/انا اسوي لي توست مع نجود ...
فهد/ليش الطباخ وينه؟
نجود/هي تقول بترقد خفيفة وانا برقد خفيف مثلها...
فهد/أي وبعد..
نجود/انت ليش واقف تعال اقعد معنا...
فهد/سارة تبيك بالصالة..
.نجود/ تبيني انا...
فهد/أي..
نجود/طيب ناديها تجي تقعد معنا هنا...
فهد/لاروحي شوفيها يمكن بينكم سوالف ماتبون فيصل يسمعها..
فيصل/انت ليش ماتطيقني؟
نجود وهي جنب فهد بصوت واطي/اذا انت مايطيقك رحنا فيها..
فهد/خففي خففي بعدين بتحترقين بنارك...
نجود/بنشوف من اللي يحترق بناره بالنهاية؟
فهد بثقة/ومن غيرك!!
نجود بنفس الثقة/معك حق لاني بكرة وراي دوام وبنام بدري ماعليّ من احد!!!لو يتحايل عليّ بمليون!!!
فيصل/مافهمت شي..
نجود ضحكت وطلعت لسارة الصالة وكانت واقفة مكانها جنب الباب ماتحركت..
نجود/ليش واقفة تعالي اقعدي...
قعدت نجود على الكنبة وسارة بعدها بمكانها وحاسة بالاحراج يمن هي تصورت ان الموقف بيمر ببساطة بس فوزية قالت لها انها لازم تبين غلطها وتعتذر منه اذا فعلا تبي تبدي صفحة جديدة وتضغط على نفسها وهي اللحين متوهقة..كان كل مايمر عليها موقف تعتبره تافه وامها ماتشدد معها واذا عرف ابوها ولامها توعده انها بتعتذر وماتسوي الشي وتعتبره انتهى,,
اللحين حاسة بصعوبة الموقف خصوصا ان نظرات نجود صارمة وقاسية لها,,,,
رفعت راسها ولقتها تناظرها...وماعرفت شتسوي..
نجود بتشجيع/قربي....مااعتقد اني اخوف....
تقربت وهي مو عارفة شتقول..اول موقف اعتذار يمر عليها...
وقفت قبالها....وظلت ساكنة,,,
نجود /اقعدي محنا بمدرسة..احنا بالبيت...
سارة بتردد وبصوت واطي وكانها انسانة ثانية/انا اسفة...
نجود/ماسمعتك..
سارة ها اللحظة راح تفكيرها ان نجود تتشمت فيها وانها سمعتها بس تتعير علشان تذلها وحست بالقهر...
سكتت مرة ثانية ودموعها قربت تنزل..
نجود/وش قلتي ماسمعتك...
سارة رفعت راسها وقالت بخوف وتردد/اسفة...
نجود/على شنو....
سارة/على.....
نجود/لاتقولين لي على الموقف اللي صار قبل سبعة شهور....معقول توك تنتبهين انك غلطانة !!!ولاكنتي حاسة ان الوقت بدري,,,,
سارة سكتت,,,
نجود/مانبي نتكلم بماضي انتهى الا اذا انتي مصرة,,,
سارة بارتباك/انا ابي افتح معك صفحة جديدة...وماابي تكون بينا عداوات,,
نجود/علشان منو؟
سارة ودموعها خلاص نزلوا/علشان بابا فهد...
نجود تقربت منها وهي تتفحصها/تحبين ابوك....ماكنت متصورة ها الشي ..ياما حكى لي عن علاقتكم وكيف انك كنتي تنقضين كل الوعود اللي كنتي تقولينها له,,,,معقولة اللي يحب مايهمه رضى حبيبه عنه ابدا ياسارة!!!بالذمة انتي كنتي تحبينه ولابس تلفقين له الحب,,,,تعرفين فهد دايم كان يتحسر انك كنتي تكذبين عليه في كل شي وهو عارف انك تكذبين عليه...بطلعاتك ودخلاتك واتصالاتك وروحاتك وهواشاتك,,,بس كان يتمنى صراحتك معه..كان يتمنى انك تكونين قريبة منه مثل ماهو كان يتقرب منك ويدللك ,,,كان يعتبرك الكبيرة والعاقلة بس كنتي تسمعين من ابوك بجهة وتسمعين من امك بجهة ثانية,,,انا مو بصدد الكلام عن امك اللحين ولا عن اللي كانت تقوله لك بس بسالك سؤال ياسارة....هو الغلط احلى من رضا الاهل عندك..ولا لان موافقة امك على اغلاطك كانت تسهل عليك ارتكابه,,,,,
كانت سارة تسمع وتبكي...ماتوقعت نجود تاْنبها بس مو هذا المهم المهم الكلام اللي كانت تقوله نجود,,,
قطع عليهم كلامهم فيصل..
فيصل/وش تقولون؟
نجود/سلامتك بس كانت تبيني اشرح لها شي ماهي فاهمته..
فيصل/أي بس ماعندها كتاب بيدها...
نجود وهي تناظر بسارة اللي كانت تبكي بجد/لانه درس من حياتها هي ..
فيصل وهو يناظر سارة تبكي/وليش تبكي...
نجود/يمكن لانها مافكرت فيه من قبل واعتقد انها بدت تستوعبه وان شاءالله تكون بداية استيعابه لانها اكثر وحدة عارفة وش معزتها عند ها الشخص وش كثر هو يتضايق عليها..سارة خلاص انفجرت بالبكي وطلعت من الصالة رغم ان فهد كان بيلحقها بس نجود مااعطته أي اشارة انه يروح وراها...
فيصل/بروح اقول لاامي انك زعلتي سارة وبكيتيها,,
نجود/وليش واقف,,,,يالله روح وانا بخاف من امك عاد!بس فيصل لاتجيني مرة ثانية ...لاني بزعلك ووببكيك بعد..
ماانتظر يكمل يسمع كلامها فتنته عنده اهم وها الخبر حلو وبيسمح له بروحة بيت عمه بحرية لان امهم موصيتهم مايروحون لنجود ولايسلمون عليها...
نجود/قسيت عليها بكلامي؟
فهد بهدوء/لا..
نجود/وليش تناظرني كذا...
فهد/ليش تتوقعين انها بكت سارة ماتبكي لااي شي..
نجود/لانها تحبك حبيبي ويمكن توها انتبهت انك زعلان ومتضايق من تصرفاتها....خليها تهداْوسوي روحك ماتدري عن الموضوع وابصم لك بالعشرة بكرة الضهر سارة هنا وبتقول بتغذى معكم وبتوعدك انها انسانة ثانية...
فهد/.......................
نجود/كان لازم ابين لها زعلك يافهد..هي سهلت الموضوع كثير يوم قالت انها تبي تفتح صفحة جديدة علشانك انت....يمكن لو ماقالتها كنت بدور يوم ثاني احاكيها فيه بس قالتها سارة ناقصها تفهم اشياء كثيرة يافهد اولها انها تحس انها قاعدة تغلط والكل عارف غلطها...حبيبي هي بفترة حرجة ومالازم تترك كل شي على امها وانت اخبر مني بامها وبللي تحشيه بعقلها...
فهد/نجود انتي قلتي بغير كل شي بحياتك وانا انتظر ها التغير....
نجود تقربت منه بدلع /وليش يعني معقولة ماحسيت باي تغير..
اخذها وقعدها بحضنه/لا بلى انا حاس اني انولدت من جيد بحياة ثانية وبجو ثاني بس يهومني العيال وتهمني حياتهم وانتي وعدتيني تكونين اخت كبيرة لهم وتفهمينهم وتغيرينهم...انا حياتي متوقفة كلها عليك...
نجود/بغيرهم صبرك عليّلا تستعجل وبكرة بيجي دور ها الفتان الصغير حبيب ابوه مدري شعليه تحبه اكثر مني !!على فتنته؟
فهد بهمس/مين قال احبه اكثر منك....منتي عارفة قدرك شنو يابنت السبيعي ...طيب تعالي اعلمك واوريك انتي شنو..
نجود قامت عنه وهي تغمز له/مو قلت لي قبل شوي اني بحترق بناري!!خلاص ماابي محايلك واتركني ..تصبح على خير...
/////////////////////////////////////////////////////////
طلع ناصر يدور على علي علشان يناديه ان العشى جهز..
لقاه قاعد قبال المرجيحة وهو يبكي...
قعد جنبه وحط يده على كتفه ...
ناصر/ماهو سهل انها تتقبل رجوعك ياخوي؟؟
علي وهو يمسح دموعه/عارف اني غلطت بس صدقني ياناصر حاس اني ابيها وبقوة ..بحطها بعيني ها المرة مااراح اسمح للهواء الطاير يجرحها...
ناصر/عبير شايلة هم حمود ياعلي وصعب تتخذ أي قرار ممكن ماينصف ها الولد....
هي اخذت على نفسها وعد وعهد انها تكون له ام واب وكل شي بها الحياة..تبي تعوضه عن كل شي فقده بحياته...
علي/وانا ماراح امانع ياناصر بربيه معها وماني مفرق بينه وبين عيالنا ابدا..
ناصر/علي السالفة محتاجة وقت وتفكير ومو أي كلمة ممكن تحدد وش اللي بيصير...
انتظر لاتستعجل عليها خليها تفكر بهدوء وبصفاء..
علي بحسرة/بس هي تكرهني اليوم اكدت لي ها الشي واكدت لي ان رجعتنا مستحيلة؟
ناصر/مافي شي اسمه مستحيل ياعلي..كل شي بالدنيا له حل...
علي/...............
ناصر/قوم ياخوي صلي لك ركعتين وقابل ربك فيهم...لاتبتعد عن ربك ترى بعدك عنه هو اللي بيضيعك قوم بس ياعلي قوم صلي لك ركعتين وبعدها بنقعد نتكلم..يالله ترانا كلنا مشتاقين لك ولقعدتك بوسطنا..
ناصر شال يده وقام بيمشي ومسكه علي..لف ولقاه يبكي...
علي/ناصر...شكرا ياخوك..شكرا على اهتمامك فيني..وسماعك لي..عمري ماتخيلت انك بتسامحني وبتنسى وتعجبت ان قلبك ماهو شايل علي! ياناصر..
ناصر اخذه بحضنه/لاتقول كذا يابو عليوي..ترى انت اخوي الكبير وتاج راسي ومالي غناة عنك ابدا...
////////////////////////////////////////////
كانت سارة بها اللحظات غاطسة بغرفتها تبكي...
ليش ماتدري؟؟؟
كلام نجود لها بكاها وهذا اللي هي عارفته..
ماكانت عارفة وش تقول ولا شتسوي..
كل كلام نجود عن ابوها اثر فيها بجد...هي تحب ابوها بجنون وعارفة انه يحبها هي واخوانها وانهم اغلى شي عنده بالدنيا بس انه يشكي لنجود هذي ماتوقعتها ابدا!!
حست ان شي داخلها ثاير...ابوها مايتكلم لااحد بس كلامه لنجود معناته ضيقه الشديد منها ومن تصرفاتها,,
لا يايبى..انا احبك ..انا فعلا احبك وماابي اضايقك وازعلك باي شي...
قطع عليها تفكيرها صوت امها اللي واقفة والشر بعيونها..
نجلاء بحدة/سويرة صدق اللي ماتتسمى بكتك وزعلتك؟
سارة بخوف/لا...
نجلاء/وليش تبكين اجل؟
سارة/لاني متضايقة..
فيصل/لاتكذبين انتي كنتي معي عند نجود وبعدين قعدتي معها بالصالة تشرح لك وبكيتي لانها صارخت عليك اكيد؟
سارة بحدة/لاتقعد تاْلف قصص من بالك وراسك...ماصار شي..
نجلاء/شنو اللي ماصار شي...هذي من مفكرة نفسها بتدخل بيتي وبتتحرش بعيالي عيني عينك,,وطبعا ابوك ماحرك ساكن ولاقال شي..
فيصل/لا..
نجلاء/ياسلااااااام..زين لكن..هذا علشان تسمعون كلامي اذا قلت لكم لاتروحون عندها هاذي شرانية وماتحبكم...
سارة /يمه..هي ماقلت لي شي....
فيصل/سمعي كلام امي ولاتروحين لها واذا رحتي بعلم امي عليك....
سارة بحدة/وانت بعد ليش دايم لازق حالك فيها وكل ماشفتها داخلة وطالعة شبكت فيها؟؟
نجلاء/انا مو ساكتة لها لاتحلم ..بروح لها علشان تعرف مقدارها زين بها البيت وماتتمادى اكثر,,,,
سارة/يمه..
طلعت نجلاء بشرها وهي الف شي وشي يجول في بالها...
//////////////////////////////////////////////////
كانت قاعدة بغرفتها ومترددة تتصل فيه ولالا...
اشتاقت انها تسمع صوته...
حانة له بقوة..
لازم تكلمه خلاص مافيها تكابر اكثر من كذا..
دقت على رقمه باصابع مرتجفة واول ماقال الو ردت روحها عليها....
ناصر/الو..وين رحتي؟
هنوف/هلا...ان شاءالله مو نايم وازعجتك؟
ناصر/لا والله قاعد..كيفكم...
هنوف بزعل/مو بخير...
ناصر/ماعليه ياهنوف انتي قوية وتتحملين ولازم تنتبهين على امك تراها بذمتك...
هنوف/شلونك انت؟
ناصر بفرح/فرحان موووت اليوم..
هنوف بانكسار/فرحان!!!غيابنا صار يفرحك ياناصر؟
ناصر باعتذار/لاياهنوف لاتفهمين غلط..والله ان غيابك له تاْثير كبير علينا بس انا اليوم فرحان علشان علي اخوي رد البيت ياهنوف..
هنوف/اممممم
ناصر/ماتتصورين شقد احنا بالبيت فرحانين له ولردته لنا...
هنوف/وعبير شافته؟
ناصر/أي.....قولي الله يجمعهم بخير..
هنوف/لاان شاءالله الله فك اختي منه ها ال..
قاطعها ناصر/هنوف.............علي يحبها ويبي يردها...قولي امين انهم يردون اذا لهم خير في بعض...علي تغير..تغير كثير عن اول ياهنوف....
هنوف/ان شاءالله يكون تغير بس اختي مالازم ترجع له ياناصر هي تعذبت معه كثير....
ناصر/ماعلينا انتي شمسوية هناك؟
هنوف بفرح انه مهتم فيها وفي اخبارها/زعلانة ومتضايقة ومهمومة وابي ارد الدمام بسرعة..
ناصر/هانت ياهوف هانت...شلونها خالتي اللحين؟
هنوف/بعدها متضايقة؟
ناصر/بيتكم مو حلو ابدا ياهنوف لو تشوفينه ماتقولين هذا البيت اللي كنتوا عايشين فيه..
هنوف/ومافي أي خبر عن لبنى ماعرفتوا شي...
ناصر/ترانا مو ساكتين يا هنوف واكيد بنعرف عنها أي شي....
هنوف/بس تعرفون طمنونا ترى امي ماتحاتي احد غيرها..
ناصر/ان شاءالله ياهنوف ان شاءالله....
///////////////////////////////////////////////////////
على كثر الاتصالات والرسايل اللي وصلها لها بس هي ماترد عليه ابدا...
وها الشي اللي كبرها في عينه اكثر واكثر..حتى يوم اصر انه يكلمها يبي يتطمن عليها ولاتراه بينزل الشرقية علشانها دزت له مسج انها بخير ومالازم يضيق خلقه لانها بخير بس انها ماتقدر تكلمه...
جواهر صدقيني مهما حاولوا يبعدون قلبي عنك ماراح يبتعد ..بيظل يحبك ويحبك ويحبك لااخر يوم بالعمر...ياكل العمر انتي ...
ياقلبي ونبضه...ياروحي انتي وكياني..
عسى ربي يحفظك ويحرسك ويهنيك ويخليك دايم الدوم مرتاحة ومتهنية وسعيدة وماتلاقين الا كل خير بوجهك....يااغلى شي بدنيتي...
/////////////////////////////////////////////////////////فهد فتح الباب لنجلاء اللي كانت ثايرة..
فهد وهو يناظرها من فوقها لتحتها/خير ان شاءالله في شي؟
نجلاء بعصبية/وينها؟
فهد/نايمة,,,
نجلاء/مو مشكلتي انها نايمة بدي مشكلتها,,صحيها ابي اعلمها حدودها بها البيت؟
فهد طلع شوي عن الباب وسكره وراه بس ماتسكر كله ظل مفتوح شوي.....
فهد بصرامة/البيت هذا بيتها وتقول وتسوي فيه اللي تبيه وهي الداخلة وغيرها الطالع..
نجلاء/شيعني كلامك يافهد؟
فهد/اذا فهمتيه زين...واذا مافهمتيه موذنبي...
نجلاء/وعادي انها تصارخ على بنتك وتبكيها؟
فهد/اسف بس عليهم.. علمتيهم يكذبون طول الوقت ومايقولون الحق...هذا مني انا اللي توقعت انك بتكونين قدهم وبتربيهم خير تربية بس مع الاسف يانجلاء ضيعتيهم بقوة...
فهد/هذا مو وقت الكلام اللي دخلته براسك بنت السبيعي انا ابي اكلمها وخلها تحط في بالها عيالي مالها شغل فيهم ابدا...
فهد/وانا مو مناديها علشان تسمع لك حضرةة جنابك..بعدين الناس ماتجي كذا بشرها وماهي شايفة الدنيا قدمها...
قطع عليهم صوت نجود من وراهم وهي متسندة عند البا ب بثوب نومها القصير مرة والعاري وشعرها اللي كان طايح عليها بترتب واهتمام وقبل كل شي عطرها اللي وصل قبلها..
لفوا ثنينهم لها..
نجود بنعومة/حبيبي علامك معصب..لمتى بظل اقولك لاتقهر روحك وتعصب قبل لاتنام علشان ترتاح بنومتك..
كان عند نجلاء كلام طويل عريض لنجود وساعة اللي شافتها واقفة كذا قدامها كل شي ضاع وتبخر...وماقدرت غير تسكت وهي تناظرها....
نجود تقربت من فهد وسحبته من يده علشان تدخله ولفت لنجلاء وهي قصدها تقهرها /ماعليه ام فيصل عن اذنك ورانا بكرة دوامات ولازم ننام بدري ونرتاح اذا الشي اللي عندك وتبين تحاكي فيه فهد خليه لبكرة,,,,تصبحين على خير....
ظلت تناظر بالفراغ اللي تركوه ومشوه لداخل....
وهي تستعرض صورة نجو بثوب نومها القصير الجري,,,
هاذي ماتستحي..كيف تطلع كذا وقدامي علشان بس تقهرني!!
لاوحضرة جنابه بيموت عليها ومسوي نفسه ماعمره شاف خير وهو اللي مروا عليه من كل بلد وماهزوه؟؟؟
وش اللي قاعد يصير في بيتك يانجلاء....خلاص فهد راح...
اخذته نجود منك بها الطريق,,لبست له كم ثوب قصير وقالت له حبيبي وفهودي وملكته ولعبت بعقله؟؟
زين يانجود بكرة بوريك اذا مارديته لي وبنشوف منهي تكسبه بالنهاية؟؟؟؟
////////////////////////////////////////////////////
اليوم الثاني,,,,,
ملاك/مابغت تنور المدرسة بنورك يالغلا...
نجود/تسلمين ..
ملاك/مبروك يااحلى عروسة شافتها عيني...
نجود/خوب اخبار العرس صارت عند اهل الرياض كلهم؟
ملاك/حرام عليك.....ياعيني على الاحمر وربي انه يجنن عليك....
نجود/ملاك....متى حابة امرك....
ملاك/لمشوار اليوم اللي قلتيلي عنه؟
نجود/أي....
ملاك/ماعليه انا امرك....ودي اقعد معك شوي..
نجود/خلاص بنتظرك....
ملاك/طبعا بنفس بيت سارة؟
نجود/أي....بس توصلين عطيني خبر...
ملاك/ماقلتيلي وين بنروح؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,

---البارت الثمانين---
,,,,,,,,,,,,,,,,,,,
ملاك/حرام عليك.....ياعيني على الاحمر وربي انه يجنن عليك....
نجود/ملاك....متى حابة امرك....
ملاك/لمشوار اليوم اللي قلتيلي عنه؟
نجود/أي....
ملاك/ماعليه انا امرك....ودي اقعد معك شوي..
نجود/خلاص بنتظرك....
ملاك/طبعا بنفس بيت سارة؟
نجود/أي....بس توصلين عطيني خبر...
ملاك/ماقلتيلي وين بنروح؟
نجود/مشوار معي كان ودي اخذك له من زمان بس انتظرت تتوثق علاقتنا ببعض اكثر...واللحين يالله روحي فصلك؟
ملاك/ماني رايحة فصلي كيف بعدك مصرة تمسكين اول وماتمسكين ثاني..
نجود/وش اسوي فيكم انا ارجع امسكم من جديد ومالي شغل بمنهجكم خليني على منهج اول واجد ابرك..
ملاك/حرام بموت بحسرتي اني نجحت وبخليهم يرجعوني اول؟
نجود/أي سوي اللي تبينه......يالله تيسري....
مشت ملاك كم خطوة ونادتها نجود ولفت لها..
نجود/ملاك تاكدي ان أي شي بسويه لك لصالحك لانك تهميني كثير واعتبرك مثل اختي الصغيرة,,,
قالت لها ها الكلمات ودخلت غرفة المعلمات وظلت ملاك واقفة مكانها بحيرة من اللي ممكن تكون نجود بتسويه وخوفها يزيد لحظة ورى الثانية,,,,
///////////////////////////////////////////////////////
عبير قعدت بغرفتها وسكرت على نفسها واعتزلت اهل البيت كلهم,,
رجوع علي شي ماتوقعته يصير بسرعة كذا..ماتحس انها قدرت تتنفس كثير في بعده,,,
حب علي وقراره المفاجىْ بالرجوع لها حيرها ..شتتها..ماهي قادرة تتقبله ولاهي قادرة تفكر كيف ممكن ترجع له من جديد بعد ها الحياة اللي عاشوها مع بعض وبعد سالفة لمياء؟؟؟
تنهدت بقوة وغمضت عيونها علشان لاتفكر في أي شي وحضنت حمود بكل مافيها..ماراح اتخلى عنك ابدا يامحمد صدقني ..بظل لك لااخر العمر وبشلك وبكبرك وبربيك احسن تربية..وعد يامحمد وعد صدقني....
لاعلي ولاغيره ممكن يبعدوني عنك او يغيرون قراري....
بس انا مقدر اقعد علة على عمي انا وانت..عارفته نشمي ومابيقصر عليّ وعليك بس والله اني انحرجت من نفسي....
تنهدت ومسكت جوالها ورسلت لنجود رسالة تسالها فيها عن اللي كانت تقصده ذاك اليوم وبعدها ردت عليها نجود انها لاقية لها وظيفة واذا زبطت بترد عليها...
حمدت ربها ...يارب سالتك التوفيق يارب..وفقني وخلني اكون قد ها اليتيم واقوم فيه على اكمل وجه واعوضه عن اللي فقده بغياب امه وابوه وحنانهم يارب.....
/////////////////////////////////////////////////////////
بندر بروحه كان قاعد على البحر ..
اول مرة يروح مكان ثاني غير بيت جواهر من اسبوعين مضت,,,
ماكان عارف شنو جاي يسوي هنا ولاليش,,
كل اللي يعرفه انه يحب ها المكان وصار يحبه لان حبيبة قلبه دايم تجي هنا وتحب تقعد قبال البحر,,,
كانت عيونه كل ماذكرت لها طاري دمعت بدون أي شعور,,,
اه ياجواهر وياحب جواهر ..والله مااتخيل حياتي لحظة وحدة بعيدة عنك اعيشها...
كان يناظر بها المكان اللي دايم يقعدون فيه...وهو يتنهد بقوة...
صارت مخيلته ترجع فيه ليوم من احلى ايام حياته,,,
يوم كانوا جايين هنا والمطر غزير..
كان هبال منهم يجون بها الجو بس لاالمطر ولاغيره يغير راي العشاق المجانين مثلهم,,,,
قعدوا تحت المطر ولاهمهم,,,,
بندر بحب/ياعمري بتمرضين من المطر؟
جواهر بلا اهتمام/حبيبي خلنا قاعدين واذا مرضنا بنمرض سوا...هاذي بحد ذاتها مؤاساة..
بندرباعتراض/أي بس ياقلبي انا ابي اكون جنبك لامرضتي واقوم فيك واذا انا مرضت تسهرين جنبي..
جواهر سندت راسها على صدره/خلاص نمرض سوا ونداري بعض سوا وش رايك....
بندر/يابنت الهاجري حرام عليك الجو بارد موووت..
جواهر/ترى بتهور وبشل عبايتي واعطيك اياها تدفيك...
بندربجنون/وليش عبايتك تعالي بكبرك وقعدي بحضني علشان ادفى ..
جواهر/حبيبي قوم نمشي شوي تحت المطر...
بندر/يعني مو كافيتك اشكالنا التحفة واحنا قاعدين بعد تبينا نمشي؟
جواهر وقفت ومسكته من يده ومشته جنبها واياديهم شابكة ببعض تحت المطر وهم يمشون,,,,
بندر/تحبيني؟؟؟
جواهر/سؤال غريب....وكاْنك ماتعرف اجابته..
بندر شد على يدها/بس ودي اتاْكد..
جواهر/بظل احبك لااخر العمر ولو شصار بها العالم...تاْكد يابندر مافي شي بقلبي غير حبك انت وبس!!!
بندر رفع يدها لشفايفه وباسها وقال لها بكل حب/جواهر..عيوني انتي يابنت الهاجري صدقيني ماسكنت بقلبي غيرك بيوم من الايام ولاراح تسكن بعد...
زادت دمعات بندر وهو يذكرها....
كبف مضت الايام بسرعة كذا كيف...كيف انتهت حياتنا مع بعض ياقلبي,,,
اه يابندر اه..ناظر بجواله اللي صار شبه صامت ومحد يدق عليه...
وين اللي كانوا حواليك يابندر وطول الوقت يدقون عليك...
وين امك يابندر..اللي مافكرت تاخذ بخاطرها يوم زعلت وراحت بيت خالك وانت مااهتميت؟؟؟
وين عبير اختك الكبيرة يابندر اللي مافكرت مرة تتدخل وتصلح بينها وبين علي وتحل مشاكلهم وحتى يوم تطلقت سماعة تلفون مارفعت لها واخذت بخاطرها؟؟؟
وين لبنى..اي وين اختك لبنى اللي دريت ان ابوك زوجها ولاعمرك فكرت تشوف وش اللي صار لها ؟؟وين مضاوي اللي حتى مسج تبارك لها بالعرس ماقدرت ترسل لها وكل اللي كان هامك انك تدخل ترقص مع مرتك ولااختك كانت على الشمال؟؟؟؟
وين هنوف..اي اللي كانت دايم تسوي فيك وفي مرتك وفي كل البيت مقالب وترسم الضحكة على وجوهكم..وينها من راحت مع امك مادريت عنها ولاحتى كلمتها؟؟
وين علي يابندر..اللي كنت انت ويه دايم مع بعض تشكيه ويشكيك..ويوم طلق اختك وطلع من البيت واحتاجك مالقاك جنبه؟؟؟؟
كلهم تخلوا عنك يابندر بسببك انت..لانك انت تخليت عنهم بعز حاجتهم وتركتهم ماسالت فيهم..تساتهل يابندر تستاهل...
//////////////////////////////////////////////////////////////في مكتب فهد..
وقف مرة وحدة بعد ماكان قاعد على كرسيه وقال بعصبية/بو مصعب انت شتقول؟
ابو مصعب اللي كان قاعد بهدوء على كرسيه/اعتقد هذا حقها ياخوي يافهد؟
فهد رجع قعد مكانه وضحك بشماتة/بو مصعب..انا واختك خلاص...جاي تقولي لازم تعدل بينهم وتنام كل ليلة مع وحدة؟
بو مصعب/مو معناة انك تزوجت غيرها تلهي بحياتك وتترك اختي هذا مو عدل ..حقها انك تعدل بينها وبين مرتك الجديدة..
فهد بشماتة/هي قالت لك؟
ابو مصعب/أي الصباح جتني البيت وطلبت مني اكلمك بها الموضوع...
فهد/وماقالت لك بعد ان احنا من خمس سنين انفصلنا عن بعض وكل واحد فينا نايم بغرفة بروحه؟؟؟
ابو مصعب/؟؟؟؟؟؟؟؟؟؟؟؟؟؟
فهد/يابو مصعب اختك تبي الزلة وتسوي سالفة بس....تحمد ربها باليوم مليون مرة اني ادخل قسمها واسلم مثل العالم ومني مطنشهم ابدا ولا وحدة ثانية ارفسها وارميها ولااردها عن اهلها..
ابو مصعب/ماعليه ياخوي يافهد هي حرمة مهما كان والغيرة تاكلها اذا شافت ان وحدة ثانية ماخذتك طول الوقت...
فهد/لاوستين الف لا..نومة عندها مو نايم واذا فيها خير تجي تكلمني هي بنفسها ولاشاطرة تدق بابنا اخر الليل وبس!!!!!
///////////////////////////////////////////////////////////
ام علي/يمه..
رفع راسه وشافها واقفة...
ام علي تقربت منه وقعدت جنبه/علامك قاعد هنا بروحك بالحوش؟
علي/ولاشي...
ام علي/ شلون ولاشي يمه..وش اللي مضايقك ياوليدي يمه قولي...
علي/...............
ام علي/ماتبي تصارح امك ياعلي؟
علي/مافي شي يستاهل اني اقولك عنه ياالغالية..حاس بشوية ضيقة وشوية تعب وبس...
ام علي/ها الضيقة والتعب من قعدتك طول الوقت بروحك قوم اقعد معنا داخل يايمه وسولف معنا انا وخالتك وخواتك وبتروح عنك الضيقة..
ام علي/لايمه روحي انتي انا بقعد شوي بروحي..
ام علي باعتراض/لا..قعدة بروحك ماني مخليتك تقعد ولاتحاول..بسك من ها القعدة بروحك مرضتك وجابت لك الهم والغم..قوم اقعد معنا وتخالط ويانا علشان نرد لك الونس....
علي/طيب سبقيني انتي..
ام علي/مو داخلة الا معك..عارفة لو دخلت بروحي ماراح تجي بعدي...يالله يمه طيعني وقوم...
علي بتردد/يمه..خليها تاْخذ راحتها ماابي اضايقها واحرجها بقعدتي...
ام علي/تقصد عبير...لا هذا وقت نومة حمود وماهي معنا دخلت تنيمه وبعدين هي من تسك على روحها غرفتها ماتلاقيها حالتها اردى من حالتك....قوم يمه عسى الله يفرج همك وهمها ان شاءالله...
/////////////////////////////////////////////////////////
عبد العزيز بروحه كان محتار وواقع بتفكير عمييق مو قادر يطلع ..ها اللبنى مسيطرة على تفكيره ليل نهار ..لاهي قريبة ارتاح ولاهي بعيدة ارتاح,,,
بس مو معقولة يظل ساكت كذا....
لازم يتحرك ويسال لاتروح فيها.....
لازم الليلة يروح بيتها ويسال اهلها....لازم أي لازم ياعبد العزيز هاذي لو كانت وحدة من بنات جيرانكم ولابنات ها المؤمنين مارضيتها لها وانت تعرف اخلاقها وقيمها ..مابالك لو هي لبنى صق؟؟؟
معقولة بتوقف مكتف يدينك وساكت وماتحرك أي شعرة؟؟؟
لا ياعبدالعزيز لا...
انت اشرف من انك تترك حبيبتك بها الموقف وماتسال حتى لو من بعيد وتظل شايلها بقلبك وبس....
الليلة....اي الليلة لازم تكون الحكم,,,,ولازم ارتاح اذا عرفت؟
/////////////////////////////////////////////////////
نجود رفعت راسها وهي تاكل وقالت بشماتة/تعدل بينا؟
فهد/رايحة لااخوها تشتكي...على بالها اني بتاْثر بكلامها,,,
نجود وهي تضحك بسخرية/طيب ومالوا ياقلبي..اعدل بينا وروح نام معها الليلة..ماعندي مانع...
فهد/اقول ياتقولين كلام زين ياتسكتين؟
نجود/ههههههه
فهد/كيف كان دوامك اليوم؟
نجود/اللحين وش تبغي بدوامي خلنا بنجلاء وسوالفها والله اني ماتوقعتها منها ابدا تصدق...لايكون حبتك؟
فهد/نجود بلا ها التريقة واللي يعافيك....
نجود/اه ياقلبي والله مو قادرة......انا شبعت بقوم ارتاح شوي...
فهد/وين ماكلتي شي...
نجود/شايلة هم مشوار ملاك..ادري ان اليوم مابيعدي على خير يافهد...
فهد/وانتي ليش مصرة تسوينه...
نجود/لانها متعلقة فيني وتسوي اللي بقولها عليه لانها تسمع لي..وبعدين انا عطيت امها من البداية كلمة,,,
/////////////////////////////////////////////////////////
مسفر/وش فيك؟
لبنى بتعب/بطني يعورني وراسي...
مسفر/اللحين بطنك ولاراسك حددي؟
لبنى في بالها/اذا تبي الصدق انا من اشوفك كل شي يعورني)
لبنى/بطني..
مسفر/ومصحيتني من النوم علشان بطنك؟؟خذي لك بندول وبتخفين؟
لبنى/ياولد الناس حاسة بمغص شديد ماني قادرة اتحمل شي...
وبعدين بذمتك بندول وش يسوي عاد!!على بالك كل شي يعالجونه بالبندول؟
مسفر/نامي وبتطيبين؟
لبنى/علامك انت اقولك العوار كل ماله ويزيد...
مسفر/هذا من قل اكلك لو انك تاكلين مثل العالم والناس ماجاك عوار بس تاكلين لي مثل العصافير اكيد بيجيك عوار..
لبنى/قوم ودني المستشفى واللي يعافيك...
مسفر/مافي روحة مستشفيات....
لبنى/يارجال حرام عليك ليش تعاملني مثل المساجين انا زوجتك؟
مسفر/انتهينا روحة مستشفيات مافي واللي تبينه سويه؟
/////////////////////////////////////////////////////
اروح لها ولامااروح؟؟
قاعدة ولانايمة؟
ابوي راح المكتب ولالسه,,,,
والله محتارة من البارح مانمت ولاجاني نوم...كلامها حسسني بذنب فظيع..طول الليل وانا افكر بحبيب قلبي ابوي...
اروح لها شقول لها....طيب ولو رحت وش ممكن تسمعني بعد ها النجود؟
بس انا حاسة اني ابي اروح ليش ماادري...
بالبداية كنت مفكرة اني ابي اتقرب منها علشان ارجع علاقتي بملاك....بس بعد اللي صار البارحة حسيت اني ابيها هي...ابيها لشخصها..ابي اتكلم واخذ واعطي معها..ليش ماادري؟
لفت بعيونها وشالت الاطار اللي جنب سريرها واللي فيه صورتها هي وابوها يوم كانت صغيرة بنت خمس سنين...
شكثر احبك يالغالي....ولاراح ارضى بيوم انك تزعل ولاتشيل بخاطرك عني....
خلاص بتغير يايبى..بتغير علشانك يالغالي وبصير مثل ماانت تبي مو مثل ماشهواتي وجنوني يحدوني...
صدقني يالغالي...
كل شي ولازعلك وضيقتك مني,,,
/////////////////////////////////////////////////////////
بعد ماقعدت معها بشقتها شوي وتفرجت على صور عرسها قاموا لمشوارهم....
ملاك/ركبي معي سيارتي..
نجود/وليه ماتركبين انتي معي..
ملاك/طيب بس بخلي السايق يجي ورانا يمكن ان وحدة تطلع قبل الثانية...
نجود في بالها(عارفة ان قلبك حاس وين بنروح ياملاك)
ركبت جنبها وهي بقمة سعادتها...وكانها مالكة الدنيا ومافيها
ملاك بفرح يشوبه شوية توتر/تصدقين اني اسعد انسانة بها العالم وانا جنبك..احس اني بطير...
نجود هزت راسها وكاْنها تقول جنون...
ملاك/تدرين اين احبك وامووت فيك ومااحب أي اح باالعالم غيرك و..
قاطعتها نجود/ملاك...انا اعتبرك اختي الصغيرة...بس الفاهمة العاقلة..واللي تحل كل المشاكل اللي تواجهها وماتكدسها لااجل غير مسمى,,,
دق قلب ملاك بقوة وسكتت..هي حاسة ان ها المشوار اللي نجود من زمان تبي تجيه معها في ان...ماهو مار على بالها والسلام,,,بس ماهي قادرة تاْكد ها الشي لنفسها...
ملاك/................
نجود/تاكدي ان كثر ماتحبيني انتي انا احبك وكثر ماتغليني انا اغليك وكثر ماتهمك سعادتي انا تهمني سعادتك...واني خابرة الدنيا اكثر منك بحكم عمري اللي عشته فيها وانك صغيرة على اشياء كثيرة يمكن ماتعلمتيها من احد ولافهمتيها ويمكن يوم كان احد بيفهمك انتي رفضتي...ملاك انا اعتبر نفسي مسؤلة عنك..من فتحتي لي قلبك وانا اعتبرك اختي الصغيرة اللي لازم اوجهها لكل شي واعلمها الصح من الغلط...
اتمنى انتي تتقبلين دايما مني أي شي اقوله مثل ماترددين على سمعي دايما..
ملاك/................
نجود/....................
ملاك/.............
نجود/................
ظلوا ساكتين فترة طويلة لين وقفت السيارة وفتحت نجود بابها ونزلت ونزلت ملاك بترد بدون ماتناظر واول ماشافت المبنى اللي هي تعرفه زين انصدمت انها واقفة قدامه وقامت تناظر فيه بذهول,,,
نجود/يالله وصلنا...
ملاك ودموعها مالية عينها/وين جايبتنا؟؟؟؟انتي ليه جايبتني هنا؟
نجود /جاية علشانك لانك من زمان كان المفروض تجين هنا..في ناس تساْل عنك وودها تشوفك..
ملاك بصراخ وهستيرية/انتي تعرفين؟؟؟هي قالت لك صح؟؟هي فضحتني قدامك؟؟؟حتى انتي عرفتي؟؟؟من زمان وانتي تدرين؟
نجود/ملاك علامك...ليش تبكين....وش العيب في ان
قاطعتها ملاك بصراخ/روحي عن وجهي...انتي اصلا اخر انسانة توقعتها تخدعني...كنتي تعرفين من زمان وتتشمتين فيني بدون مااحس فيك واليوم جايبتني معك علشان تذليني..كنت عارفة انك ماراح تحبيني وانك بيوم من الايام بتقهريني وتتشمتين فيني وتعايريني فيها..روحي من وجهي انا اكرهك اكرهك اكرهك...
نجود بصرامة/ملاك....اعقلي وتعالي ندخل..
ملاك زادت نوبة البكي عندها وراحت لسيارتهم ركبتها بسرعة ومشى سايقها....
وقفت نجود تناظر بالسيارة اللي مشت وهي تستغفر ربها وتحس ان السالفة بتتقعد وبتطول عليها اكثر وهي ماهي عارفة من وين تبتدي فيها...
//////////////////////////////////////////////////
ابو علي/مشاءالله طالعين..
كانت عبير حاملة حمود ومعه شنطة ثيابه الصغيرة واغراضه...
ابو علي/ماعزمتونا نجي معكم...
كان قاعد مع ناصر وعلي يسولفون بالمجلس وهي دخلت عليهم...
تقربت منه وباست رايها....
ابوعلي/عبير وش فيك يابنيتي..
عبير بهدوءها المعتاد/عمي...شكرا...شكرا على كل شي..ولو ان شكرا ماتوفيك حقك يالغالي...بس ماعندي غيرها اقولها..
ابو علي وهو مو فاهم/شكرا على شنو...
عبير/صار لازم امشي من هنا؟
علي وناصر بصوت واحد قبل ابوهم/لا..تمشين وين تروحين؟
عبير وهي تناظر في عمها.....
ابو علي/عبير وش ها الكلام يبى..تمشين وين تروحين....هذا بيتك...وقولي لي اذا احد زعلك ولاضايقك..
عبير/حشى لله محد زعلني ولااحد ضايقني...بس وجودي هنا غلط....
ابو علي/عبير..وش ها الحكي يابنتي...هذا بيتك شلون وجودك فيه غلط...
علي بزعل/عبير اذا قعدتي مضايقتك انا بطلع من البيت واخذي راحتك انتي فيه...
عبير/لاياولد عمي...البيت بيتك انت مو بيتي..وبعدين مو وجودك اللي خلاني اعزم امشي...انا برد بيتنا؟
ابو علي/..............
علي/............
ناصر/.............
عبير/مو معقولة اترك ابوي بروحه بها الظروف ..البيت مافيه احد...ملزومة اروح واقابله واشوف طلباته هذا جنتي وناري..
نزل علي راسه بعد كلامها لانه اكثر واحد عارف عمه شلون يعاملها ويعتبرها دايم غلطانة بحق علي وماهي عارفة تكسبه ويهاوشها...
ابو علي/بعد اذا بتروحين لاابوك انا مقدر امنعك يابنتي...بس تاكدي ها البيت مفتوح لك بكل وقت ...
عبير/عساك ذخر ياعمي....عسى الله لايحرمنا منك ويخليك لعيالك ويخلي عيالك لك....وتفرح فيهم قول امين...
ابو علي/امين يابنتي..وافرح فيك وفي خواتك ان شاءالله وتكمل فرحتي با اخبار عن لبنى....
//////////////////////////////////////////////////////
ياترى وش قاعد تسوي يابندر ها اللحين..
بعدك واقف على باب بيتنا مثل مايقولون ومعلن حداد على فراقنا..
ولامشيت بعد مامليت وحسيت اني ماراح ارد لك..
حبيبي...يالغالي...يااحلى شي بدنيتي...
وين وعودك ...وين كلامك...وين كل حرف نطقته وكل كلمة قلتها..
وين ووين ووين....وين كل شي...
ليش كذا يابندر ليش..
هم حساد اللي حسدونا...ولا العذال هم اللي ابعدونا..ولاانت اصلا مليت وقلت تتسلى وتسلي نفسك في الغربة...
لو كل واحد مثلك بيوعد وحدة ويعلقها معك وبيتغرب وبيتزوج شكان بيصير؟؟
معقولة كلهم بيكونون بنفس ردة فعلي وبيثاْرون لكرامتهم ولجرحهم وبيفضلون الفراق والبعد...
ولا بيتنازلون بعد مرة ومرتين وبيسامحون وبترد الامور لمجاريها..
بس فكرك لو اسامحك وترد المياه لمجاريها هل ممكن اضمنك بعدها انك تكون لي وحدي وماتتساهل بخيانتي مرة ثانية طالما اني سامحتك قبلها؟؟؟؟
والله راسي بينفجر يابندر من كثر ماالتفكير تعبني...
موقف ماعمري ولاحتى بالحلم فكرت فيه ولاطرى على بالي!!
شلون انا للحين عايشة وانا قاعدة اعانيه وارتوي منه ومن جورك وظلمك لي!!
ياربي ساعدني وخفف عني...
/////////////////////////////////////////////////////
لحقتها لبيتهم وفعلا كانت سيارة السايق موجودة..
دقت الباب وقالت لها الخدامة انها بغرفتها وبتشوفها بس نجود اصرت تركب لها بنفسها..
كان صوتها باين من اول ماتركب الدرج انها قالبة غرفتها عزا وبكي ونياح...
تقطع قلبها ووقفت وماقدرت تكمل بس الموقف حساس ومالازم تهمله لازم تعالجه اول باول....
دقت على باب غرفتها اللي توقعتها مقفلة بس الظاهر ملاك بعز بكيها ماقفلتها ودخلت...
ذيك كانت عايشة بعالم ثاني من البكي والهسترة وتكسير الاغراض والسب والشتم وماهي مع نجود اللي وقفت تناظرها عند الباب بدون ماتتحرك....
كانت ملاك تكسر كل شي قبالها....
كل التحفيات والابجوارات والعرايس اللي تصادفها والاطارات اللي بطريقها وهي تتمتم بكلمات ماهي مفهومة...
لين وصلت لااطار وشالته بيدها ووقفت يدها وهي ناوية ترميه غمضت عيونها بالقوة استعداد لرميه بس مارمته كانت تبكي بحرارة عليه وهي تناظره...
كان اطار داخلها شهادة تقدير من نجود وزعتهم عليهم بااخر يوم للطالبات المتوفقات بحصتها وطبعا ملاك كانت ضمنهم..
كان عزيز عليها وماودها بها الشي ولاحظت نجود ها الشي وتردد ملاك بكسره فقالت لها بسرعة/اكسريه ليش واقفة..كملي شغل المراهقين اللي مايناسبك وقاعدة تخفين فيه شخصيتك؟
لفت لها بسرعة وماتوقعت وجودها بغرفتها...
كانت غير..ماهي ملاك البنت الناعمة اللي لسانها طايل بكل شي وسمعتها بالشر قدامها..
كانت بحالة انكسار وهسترة وبكي بدون توقف...
نجود/ماتبين نتكلم بالموضوع.؟ولاتبين نحله؟ولاكنتي تبين تقولين لي عنه أي شي؟زعلانة منك لانك خبيتي عليه واني اكتشفت بالصدفة؟
ملاك بعصبية/أي صدفة هي قالت لك..انا عارفة..
نجود/محد قال لي...
ملاك بنفس العصبية/لاتكذبين....وبعدين انتي وش يخصك بها السالفة اصلا!!!!
نجود/قلت لك انا اعتبرك اختي الصغيرة...ويهمين حياتك تكون هادية وبعيدا عن الاضطرابات النفسية اللي تجيك...ملاك انتي قلتيلي مرة انك تعانين من مشاكل صحية تذكرين وانا كان يهمني الموضوع ولفين ولفيت ولقيتك تعانين من مشاكل نفسية مو صحية..انتي تبين تتكلمين بها الموضوع..طيب انا عندك..انا جنبك مستعدة اسمعك صدقيني...انا قد خذلتك ياملاك..
ملاك بنرفزة/طلعي برى...ماابي اشوفك بحياتي....
نجود/طيب ياملاك..بطلع...من بيتك ومن حياتك ومن مدرستك ولاراح تشوفيني بعدها..بس تاكدي اني زعلانة عليك وعلى ها الطردة؟ولاراح اقبل منك أي اعتذار؟؟؟
//////////////////////////////////////////////////////
سكرت سماعة التلفون وهي تغلي...
طيب يافهد...
ها الشي ورفضته..بس لاتتوقع اني بتنازل بظل احوس واحوس لين الاقي لك شي...بس اعطيني شوية وقت وفرصة...
كله منك يابنت ابليس ماكو غيرك اللي تفرين حياته وعقله وتمشينه وراك مثل البزر...
ولا هذا اللي اذا دخل علينا مايدخل الا بكشرته قدام يصير مثل المسحور قدامه..مسكت يده وقالت له حبيبي وانسحر وراها؟؟؟
اه ياقلبي المحترق بنارك...وش اسوي انا مو قادرة اطلع واواجه العالم اخاف ان احد عرف ويتشمتون فيني...
شسوي بس شسوي..لازم تطلعين من البيت يانجود يعني لازم..بس شلون شلون....
طلعت تتمشى وهي اللي من قبل ماتطيق الحديقة بس لانها سمعت صوت سيارة السايق معناته ان نجود كانت طالعة وردت...
طلعت بسرعة علشان تلحق عليها وتعطيها كم كلمة....
شافتها نجود واقفة وسفهتها بروحها مالها خلق شي...
نجلاء/أي شعليه...الزوج بالمكتب مايدري عن شي والزوجة تطلع وراه ولامن حس ولامن خبر؟
نجود/ماني رادة عليك لانك صغيرة عقل؟
نجلاء دقت على صدرها/نعم؟؟؟شقلتي؟؟؟
نجود/اللي سمعتيه؟؟؟ولو ان اللي بعمرك ما المفروض تصير كذا يعني اركدي وبلا ها الحركات يااام فيصل خل تصرفاتك قد عمرك...
نجلاء بعصبية/انتي هي..هي...وش قاعدة تقولين...
نجود/مو ذنبي اذا ماكنتي تسمعين من اول مرة؟بدل عمليات ها التجميل كان سويتي اذنك علشان تسمعين عدل؟
نجلاء/تعرفين انك وحدة قليلة ادب ومنتي مربية...
نجود/ماتنقصني شهادتك ابدا لاني عارفة نفسي...
نجلاء/انتي ماتقولين لي ليش تزوجك ها الشايب؟؟؟
نجود/اولا هذا تاج راسي وراسك وغصبا عنك وملافظ ثانية بها الوقاحة لاتلومين الا نفسك تراني ماارضى على حبيب قلبي..وليش تزوجني انتي عارفة وانا عارفة ومو حابة اجرحك ياام فيصل؟بس السؤال الذكي هو ليش انا تزوجته؟
نجلاء/وهاذي يبيلها اجابة يالعقربة؟؟؟وحدة مثلك وش تبي بواحد كبر ابوها....غير فلوسه؟
نجود/ههههه مو قلت لك من البداية عقلك صغير ومفهوميتك على قدك...
نجلاء بحدة/ادري ان لسانك طويل وانك تراد دين ياا السبيعية بس وش اقول ماخذة خبرة من الوالدة خوب وراثة امكم ماخذة ابوكم على شريكة قمتي انتي ورثتيها..
نجود بحدة وانفعال/هي انتي حدودك عاد..كل شي ولاامي ياويله ياويله اللي يقربها بكلمة سامعتني ولالا...لو انك فالحة كان قلبتي بيتك وزوجك وعيالك ..بس وين انتي تبينها حرب يانجلاء مو مشكلة...
بكرة نسوي عزيمة بالمزرعة انا وفهد ونعزم قرايبينك بمناسبة زواجنا خوب فهد ماسوى له هنا استقبال علشان تعرفين تقربين صوب امي ي الغالية..انتي مافي شي يهمك غير ها السالفة وهذا انا ياخالتي ام فيصل بسويها لك ياالله بخاطرك بروح ارتب لها...
//////////////////////////////////////////////////////////وقفت عند عتبة الباب بتردد...
ماتدري أي خوف متملكها من مقابل ابوها وهو اللي من ثلاثة شهور مضت ماكلمها ولاكلمة غير بالتلفون وكان ثاير عليها ومعتبرها السبب بالطلاق وطردها من البيت ومن حياته ومن مقابل امها وخواتها مثل العالم,,,,
تنهدت بقوة ..وش ماصار بتظل ابوي وماراح اتخلى عنك واتركك بها البيت بروحك بعد مافضى البيت من اهله...
خلت ترددها على جنب وتقدمت بخطوات اوثق من اللي قبلها ومشت لين وصلت للباب الداخلي وفتحته..
ياكثر ماوحشها ها البيت....
بس اليوم البيت غير عن باقي الايام...اليوم مظلم وكل الانوار فيه طافية ومافيه أي حياة..
اليوم البيت ماهو بيتها اللي عاشت وتربت فيه...
شغلت انوار الصالة وانتبهت لاابوها اللي كان قاعد بروحه وسط الظلام....
اول ماشغلت النور رفع راسه يشوف اللي داخل عليه...وتفاجاْ من جيتها وهي اخر وحدة توقعها تكون موجودة...
تقربت منه عبير بهدوء بعد ناتركت محمد ينزل من كتفها ويمشي براحته في البيت وباسته على راسه..
ابو بندر بحزن/عبير...
عبير/نعم يبى...
ماكان عارف وش يقول ولا شنو يسالها..حس بغصة بحلقه..
عبير بحنان/اكيد ماكلت شي وقاعد على لحم بطنك من الصبح خلني اروح اسوي لك شي تاكله....
ابو بندر نزل راسه وهو يحاول يخبي ويداري احساسه بالخجل والفشيلة منها...
عبير نزلت لمستواه وقالت بحنية/يبى علامك..كل شي بيكون بخير ان شاءالله وكلها كم يوم وترد امي البيت....
ابو بندر بحزن/وانتي ياعبير وحياتك واللي سويته لك؟
عبير/لايبى لاتقول شي....هذا شرع الله وانا مالي عليه أي اعتراض...
ابو بندر/واختك لبنى...انا مو قادر انام الليل مدري وش اللي صاير لها....
عبير بتنهيدة كبيرة/الله كريم ان شاءالله عمي يلاقي أي خبر عنها....لاتشغل بالك وخلني اسوي لك شي تاكله....
////////////////////////////////////////////////////////
علي/شفت ياناصر كاهي راحت بيتهم علشان تبعد عني اكثر واكثر..
ناصر/علي لاتحط بذمتك كلنا عارفين عبير وعارفين طيبتها واللي سوته شي متوقع منها
علي/أي بس عمي..
ناصر/مهما كان عمي معذبها هي ماراح تتخلى عنه بالنهاية...
علي تنهد..
ناصر/ياخوك لاتشغل بالك واترك الامور تركد شوي وبعدين ارجع حاكيها بالموضوع..
علي/بس ياناصر كل يوم يمر ممكن يحسسها اني قاعد ابعد وماني مبالي بردتنا لبعض؟
ناصر/خلاص اذا انت تحس كذا روح كلمها من جديد ولاتقطع الامل كل يوم رز وجهك عند عمك..
علي/لاياناصر انا اذا برد لعبير ابيها تجيني بارادتها وقناعتها ماتجيني مجبورة من احد...
ناصر/طيب لاتكلم عمي روح كلمها هي مباشرة....
//////////////////////////////////////////////////////////حبست روحها بغرفتها وهي بعدها بحالة الاكتئاب اللي فيها...
نجود الانسانة الوحيدة اللي حبتها بها العالم باخلاص وبصدق بعد اللي صار لها..
كانت عندها كل شي وبمثابة الاخت والصديقة والحبيبة ..كل شي كانت تقوله لها بدون أي خجل او فاصل او حد انهم ابلة وطالبتها....
كانت تناظر بالاطار اللي ماسكته وهي متسندة على الباب وحاسة ان روحها بتطلع ..
ليش ياابلة نجود ليش..
كنتي اعز شي بالنسبة لي..ليش خدعتيني ونبشتي بماضييّ...
ليش بعدتيني عنك وانتي كنتي الامل الوحيد بتغيري بها العالم..انا فعلا بديت اتغير وتغيرت في بعض الاشياء علشانك وبتاْثيرك...
انا حبيتك ووثقت فيك بكل مافيني ليش انتي مابادلتيني ها الشعور....
غمضت عيونها بقوة ورجعت فيها ذاكرتها لبعيد لقبل ثلاث سنين مضت بحياتها يوم كانت بالمتوسط وعمرها 12 سنة...
كانت امها قبل خمس سنين توها والد وجابت بنت متخلفة عقليا...
ابوها جن جنونه ورفضها ورفض انه يستلمها او حتى يضيفها له وتبرى منها ومن انها تدخل بيتها...
بس امها اصرت واصرت واصرت انها ماتتخلى عنها....
كان ابوها بكل مافيه يحاول يموتها يوم عن طريق الشغالة ويوم عن طريق المربية ويوم من هنا ومن هنا بس الله كان كاتب لها عمر....
لين كان ذاك اليوم اقبل عليهم وكانوا بمزرعتهم اللي قريبة من القصيم ...
ولان ملاك المدللة واللي ماينرفض لها طلب وهي توها صغيرة طلبت من ابوها تسوق سيارته بالمزرعة وهي اللي متعودة دايما تسوق..
ظل ابوها يفكر فترة طويلة وماكانت لحظتها عارفة ليش يفكر بالعادة تجيها الموافقة قبل لاتطلب الشي...
قال لها بحنان زايف وهو اللي دايم يكرهها بها الاخت المعاقة انها اذا قدرت تسوق وتصدم اختها وتموتها بيعطيها أي شي تتمناه وتطلبه منه حتى لو بالشي الفلاني..
ولانها تعودت الكراهية لها المخلوق العجيب الغريب وافقت بدون أي تردد وبحماس مراهقة ركبت السيارة بسرعة وعيونها على الهدف...
كانت تبكي بقوة وهي تتذكر ذاك اليوم الكريه اللي قلب لها حياتها....
تقربت بالسيارة منها وصار التصادم فعلا بس رب العالمين كان كاتب لها عمر بالحياة وماماتت..بس انها انعاقت جسديا فوق التخلف اللي كان فيها...
كانت تشوف نظرات اللوم والكره بعيون كل الموجودين من العيلة محد تكلم بس كل العيون كانت تقول وتحكي كلام كثير..كلهم عارفين ان ملاك تكره اختها بسبب تخلفها بس ماتوقع الحقد فيها يوصلها لهنا...
كانت تبي تتكلم وتدافع عن نفسها وتقول انها ماخطر لها أي شي من اللي يفكرون فيه وان ابوها هو السبب بس ماكانت قادرة تنطق وماكان احد يبي يسمعها....
وصارت منبوذة بعيون الكل واولهم امها اللي انصدمت وماكلمتها بالبداية بس يوم تقربت منها وكانها تحاول تنسى وتخفف من الشي اللي فيها كان الوقت تاخر..
كانت مشاعر اللوم كلها اثرت بنفسية ملاك الصغيرة وتعرضت لاايام عصيبة محد يدري عنها بسبب بعد الكل عنها....
واستغل ابوها بعد الكل عنها وسواها اميرة لاسيما انها جازفت وسوت الشي اللي يبيه بدون ماتفتح فمها بكلمة وحدة...
صار ينفذ كل شي تطلبه وحط في بالها انها اميرة ولازم ماتعيش مثل ماالباقيين عايشين.. ولازم تحط حدود بينهم وبينها وياويله اللي يخالفها لانه بيلاقي شي ماهو قده..
وكل اللي يحاول يوقف بطريقها فعلا يتعرض لااشياء ممكن تخطر على باله وعلى فكره....
///////////////////////////////////////////////////////
كانوا قاعدين بطاولة الطعام بالمطبخ وهي تنتظر منه أي كلمة او أي تعليق او أي شي يقوله..
حسته مكسور ومتضايق..
طول عمرهم مابينهم وبين ابوهم أي حوار مفتوح ياخذون الاوامر عن طرق امهم واذا كان الشي فيه تعارض بالافكار تجيهم هوشة طويلة عريضة..
عمره ماقعد معهم مثل الابو اذا قعد بوسط عياله وتكلموا..
كانوا عارفين ها الشي بس مايقدرون يسوون أي شي حياله...
وحدها امهم كانت تتكلم مع ابوهم وتاخذ وتعطي معه بالبيت واللحين هو يفتقدها ويفتقد وجودها...
عبير/يبى....ماعجبك اسوي لك غيره..
ابوبندر /ها....
وانتبه انه مامد يده لصحنه ..تنهد وقال لها...
ابو بندر/يبى عبير روحي شوفي بندر خله ينزل معنا ياكل له شي بدل ماهو حابس نفسه بداره..
عبير/ليش بندر هنا..مادريت والله...اللحين اقوم له انت كل لاتشغل بالك انا بناديه وينزل معه....
تنهدت وهي تركب الدرج..من متى ماشافت بندر..من زمان...لاشافته ولاسمعت صوته....
دقت باب غرفته مرة ومرتين وثلاث ومحد فتحه ولاسمعت أي صوت,,
فتحت الباب بعد مانادته ولقته واقف قبال نافذته وهي مفتوحة....
عبير/بندر..
مالف لها..
عبير/ابوي يبيك تقعد معه على السفرة....
ماهي عارفة ليش قالت كذا وكانها تبي تطلع بسرعة لانها زعلانة منه ومي قادرة تقوله..صحيح انها زعلانة عليه وعلى حاله بس هو اللي سوى بنفسه كذا ...وهو اللي باعد نفسه عنهم
بدون مايلف لها قال بصوت ضعيف مايناسبه/عبير...رحتي زرتيها.....روحي شوفي شلونها..ابي احد ينقل لي اخبارها...
حتى يوم انك تكلمت يابندر ماتكلمت مثل العالم والناس واعتذرت عن اخطاءك وبعدك..تكلمت بانانية وكان يهمك تعرف اخبارها وبس....؟؟؟
يمكن تكون فعلا متشوفق انك تسمع خبر عنها ومنت واعي للي حواليك ومااقدر الومك يابندر بس بعد فكر بغيرها فكر بامك وخواتك اللي منت داري عن ولاوحدة فيهم,,,,
كان ودها تقول له ها الشي بس طيبتها غلبتها وقالت له بحنان/ان شاءالله اليوم بزورها وبتطمن عليها....
بندر بلهفة لف لها/صدق....قولي لها اني متعذب ياعبير..قولي لها ترحمني انا مو قاوي اعيش بدونها....
كانت تتمنى انه يقراْ اللوم والعتب بعيونها واللي ماهي قاوية تقولهم له صراحة بس اسكتت,,,
//////////////////////////////////////////////////////
هاذي التحدي وياها كبير ويبيلها طولة باس...\ملسونة وماتسكت تعطيك بدل الكلمة عشر؟؟؟
وهو يحظي ماشي وراها بدون أي احساس....
شسوي اللحين انا شسوي.....
اذا صدق صارت نذلة وسوت حفلة استقبال بالمزرعة وعزمت عليه معارفنا رحت فيها وطي وكل شي بسويه ماله أي داعي!!!
هي بس وش عرفها اني ماابيهم يعرفون...
اكيد هو قايل لها ...لكن زين يانجود زين....
بنجاريك ها اليويمن لين تنسين سالفة العزومة وبنشوف وش اخرتها معك.....
/////////////////////////////////////////////////////////
كانوا قاعدين علي وناصر عن باب بيتهم ويسولفون مع بعض يوم توقف سيارة قريبة منهم وتحديدا عند باب بيت عمهم...
كانت السيارة قديمة....يعني انها مو لشخص جاي يزور عمي...
واللي نزل منها شاب عشريني كبرهم واصغر بعد..
يمكن انه يبي بندر هذا اللي مر في بالهم بها اللحظات...وظلوا يناظروا فيه ثنينهم....
كانت خطواته مترددة وهو مرتبك...
كان يقدم خطوة ويوقف بعدها ثواني وكانه يفكر وبعدها يقدم الخطوة الثانية...
قاموا له ناصر وعلي بعد ما حسوا انه حركته ماهي بطبيعية...
علي/خير ياالحبيب بغيت شي؟
لف لهم عبدالعزيز وهو مرتبك....
ناصر/انت تبي احد من بيت عمي؟
عبدالعزيز/انت ناصر..
ناصر/أي نعم....
عبدالعزيز بارتباك/بغيت اسالك سؤال وتجاوبني عليه بصراحة وبدون ماتحط في بالك أي شي ولااي فكرة غلط عني وعن اللي ابي اقصده؟
علي/خير ان شاءالله..
سكت عبدالعزيز بعد كلام علي....
ناصر/ترى هذا علي اخوي....قول ياخوك ولاتشيل هم..
عبدالعزيز/اسمي عبدالعزيز الحمود مدري سمعت عني ولالا...انا خطبت بنت عمكم لبنى مرتين وابوها ماوافق....
ناصر/لابلى عرفتك لبنى قالت لنا عنك.....انا اسف ياخوي عارف انها كانت تبيك وانت تبيها بس شنسوي احنا مادرينا الامتاخرين....
عبدالعزيز بزعل/مو هذا المهم.....هي وينها؟
ناصر ناظر بعلي.....
عبدالعزيز/لبنى وينها اللحين؟
علي بحدة/وانت ليش تسال؟
عبدالعزيز تنهد/تزوجت؟؟؟
ناصر /ياخوك ماانكتبتوا لبعض قول الله يسعدها وان شاءالله الله بيوفقك بغيرها..
عبدالعزيز/لاتفهمني غلط انا فعلا متندم اني مااصريت اكثر واكثر عليها بس شكنت بسوي وابوها رفضني واهان اهلي....معه حق يمكن مابقدر اعيشها مثل ماهو عيشها بس انا فعلا كنت بسعدها وبشقى ليل نهار علشانها....
ناصر/.................
عبدالعزيز/انا قصدي اقول هي تزوجت؟الخبر صحيح؟
علي/أي صحيح...
عبدالعزيز/طيب ممكن اعرف منهو زوجها؟
علي/هذا من خصوصيات العائلة يااخوك...
عبدالعزيز/أي بس انا وصلتني خبرية تقول ان زوجها.......ياربي انا ماابي اخذ ذنب احد واتبلى بالحكي بس اذا كانت هي فعلا لبنى مستحيل اتركها تعيش بكذا مكان ومع مثل ها الاشخاص لو تكلفني المسالة حياتي....
ناصر بحذر/شتقصد؟
عبدالعزيز/ناصر كون صريح معي..هي تزوجت مسفر ال.............
ناصر وعلي ناظروا في بعض..
ناصر بفزع/انت تعرفه؟
عبد العزيز بخوف/يعني صدقّ!!! لبنى عايشة بذاك المكان الوسخ؟؟؟؟مستحيل كيف رضى ابوك لها بها العيشة وهو اللي يحبها وكيف رضيت انت يا العاقل الفاهم.....كيف ترضى انها تعيش مثل ها الشخص اللي سمعته واصلة اخر العالم؟؟؟كيف تعطونها مدمن كيف؟؟ماهي غالية عليكم؟؟ماخفتوا عليها؟؟؟مالها قدر عندكم؟؟
ناصر وعلي ناظروا بالارض من الاحراج من الشخص اللي قاعد يتكلم عن بنت عمهم بكل شهامة ونبل وكانها شي يملكه وهم مالهم شغل فيه ماكانهم عيال عمها والاولى هم اللي يثورون..
هم صحيح ثاروا وثاروا بس ماوصلوا لشي...والذنب مو ذنبهم ماهم عارفين وش اللي صار ولااي شي عن ها الرجال,,,,,
//////////////////////////////////////////////////////////يوم دخل فهد كانت نجود بالصالة تكلم جواهر وماانتبهت عليه..
نجود/والله تعبانة ..احس اني باي لحظة بنفجر فيها اذا كلمتني مرة ثانية...مدري اخذها من تعبك انتي ياجواهر..ولامن ملاك وسالفتها اللي صارت اسوا من قبل...ولا من لبنى...اللي محنا عارفين عنها شي..ولا من شنو بالضبط...هذا اللي قاصر تقولي السالفة وراثة امك اخذت ابوك وهو متزوج وانتي لحقتيها ومشيتي على طريقها؟؟تدرين وقسم بالله كان ودي اعطيها كف علشان تتربى بس ماحبيت اسوي شي ممكن يضايق فهد....بس والله ملسونة ها النجلاء...يبى زوجك وتزوج بعد قاعدة لي بالطلعة والدخلة وتقولين لي بمجر يطلع هو طلعتي وراه وهو لامن حس ولامن خبر..تكون يعني تبي تفتن بينا....اي ماعلينا صار شي جديد عندك تعبت وانا اسولف.......اي...اي...اي...
جا وجلس قبالها....وناظرت فيه وانها المكالمة بسرعة مع جواهر..
نجود/هلا وغلا...مقدم جيتك اليوم...ماكان المفروض تجي بعد ساعة؟
فهد/وش تفرق اذا تقدمت ساعة ولاتاخرت؟
نجود/ماتفرق شي...
قامت من مكانها وجلست جنبه وشالت شماغه/بس مو يمكن كنت استقبلتك انا بنفسي من عند الباب بدل ماتدخل وتلاقيني مشغولة عنك..
فهد/وش صار مع ملاك؟
نجود/السالفة انعفست فوق تحت وماني عارفة شسوي..
فهد/واحساسك وش يقول؟
نجود/ها المرة احساسي صايرعدم ومو قادر يفكر بشي....
فهد/طيب...ومع نجلاء؟
نجود/مريت هناك؟
فهد/شفت العيال....
نجود/وهي....
فهد/انا سالتك انتي....
نجود/شوف فهد انا مدري وش اللي وصل لك عن طريقها...بس اللي اعرفه انك واثق فيني واني مااكذب عليك....صارت بينا مشادة كلامية بعد جيتي من بيت ملاك.... صار ماصار هي رفعت ضغطي ويمكن اكون استفزيتها..يعني لاتشغل بالك..
فهد/نجود...
نجود/حبيبي....
فهد/متضايقة,,,
نجود تنهدت وسندت راسها على صدر فهد/حبيبي لاتشغل بالك ماهي نجلاء اللي مضايقتني.....حاسة اني مخنوقة بكل الاشياء اللي قاعدة افكر فيها ..جواهر..ملاك..لبنى...وخطوبة ناصر اللي قاعدة ااْجلها مدري لمتى...والاهم اني تعودت عليك كل يوم جنبي واليوم غبت عني فترة طويلة....وحاسة انك وحشتني موت.....
فهد بهمس/هاذي عيارة ولاشنو بالضبط؟
نجود/هاذي علشان تحس وتقولي شي يهديني ويبرد خاطري....
فهد تقرب منها وباسها على رقبتها وقال لها احبك وهي تعلقت فيه اكثر......
///////////////////////////////////////////////////////
عبير/منو...
علي/انا علي..
فتحت عبير الباب شوي ووقفت وراه وكان حمود بالواجهة ....
عبير/ابوي نايم تبي اقول له شي اذا قعد..
علي وهو يدخل الاغراض/لاانا جايب لكم شوية اغراض بس..
عبير/وليش مكلف على عمرك ترى البيت ماناقصه شي ياعلي...
علي/اشياء خفيفة لاتشيلين هم......تسالي لحمود.....
عبير/شكرا....
علي/عبير...........
عبير/نعم......
علي/انا مقدر اعيش بدونك يالغالية...انا احبك ياعبير....
عبير بدموع من ورى الباب/علي...لو سمحت لاتقولها..
علي بنفس المذلة/عبير انا احبك والله احبك..
عبير بانفعال/وليش جاي تقولها وتحسسني اني انا الغلطانة.....ليش ماتقول ان انت اللي تركتني وتركت كل شي وراك ورحت تركض ورى لمياء وهي متزوجة وماتبيك؟
علي/..........
عبير بانفعال/علي انا شفتها..التقيت انا ولمياء سوا....وهي حكت لي عن كل شي..قالت لي انها ماتحبك وانك انت اللي ملاحقها...ليش تبيني االلحين اصدقك عاد ليش؟؟؟
//////////////////////////////////////////////////////
وحدها كانت بالمستشفى مرمية بعد حالة العصبية والهيجان اللي جتها...
فضيحتها تمت ونجود صارت تنظر لها مثل ماكل العيلة نظرت لها.....
ها الشي كانت تصلي له ليل ونهار ان نجود ماتعرفه علشان تظل جنبها وتحبها بس هي حظها بالدنيا قليل,,,,
بس كيف يجيها قلب تروح ذاك المكان اللي فتحته امي وتشوف ها الاشكال ...؟؟؟
انا احس اني بمجرد افكر بها الشي يضيق خلقي واتنرفز هي عادي تدخل بقلب ثابت مثل امي وماتخاف؟؟؟
نجود.....كيف رحتي ياالغالية مني...كيف ماقدرتي حبي لك واني ماعندي غيرك بها النيا....
اه لو تدرين بمدى تعبي وزعلي ...صدقيني ماكان ودي اقولك ها الكلام القاسي اللي قلته ولااني اطردك من البيت ومن حياتي وطلع ها الشي غصبا عني ...
معقولة تصدقيني بيوم من الايام ....
خلاص يانجود خلاص...انا قررت اطلع من ها المكان واعيش بمكان ثاني....وببتدي حياة جديدة مع ناس ماتدري عني أي شي ولاعن ها السالفة.....
وقبل كل شي بعتذر لك وبتظلين عزيزة وغالية عليّ مهما كنتي تبين تذليني وتهينيني....
///////////////////////////////////////////////////////
ناصر/ها شقلت؟
عبدالعزيز/مثل ماقلت لك...انا بكلمه انه ياخذني اروح اسهر معه وبس يصير عندي خبر بتواصل معك..
ناصر/طيب انت وين تشتغل خلني اعرف وين؟
عبدالعزيز/بسوق الحب....بمحل .....
ناصر/خلاص انا بكون متواجد هناك دايم علشان اشوف تحركاته في حالة مارضى بس انت اعطيني مواصفاته وسيارته...
عبدالعزيز/خلاص مو مشكلة....انا بظل متواصل معك.....
,,,,,,في المحل,,,
عبدالعزيز/اقول حامد..
حامد/نعم...
عبدالعزيز/علامك قالب الخلقة عليّ كذا؟؟
حامد/ولاشي....بس اللي مايبي يتعاون شنسوي له بعد!!!
عبدالعزيز/ياخوك والله صعبة.....بس بحاول فيها ويصير مايصير تتحملها انت؟
حامد/أي بتحملها انا لاني عارف صاحب المحل خلاص اتفقنا...
عبدالعزيز/أي اتفقنا.....
حامد/خوش ....اللحين تعجبني...
عبدالعزيز/اقول..مدامي اللحين اعجبك ورى ماتودوني اسهر معكم الليلة واغير جوي انا بعد؟
حامد/.............
عبدالعزيز/شقلت؟
حامد/يعني لاتحرجني ياالنسيب يالحبيب بس يعني هم مايدخلون بينهم مين ماكان لان مسفر مايبي احد يعرف مكانه تعرف مباحث وشرطة وها السوالف وانا لو ماولد عمي يسهر معهم من ثلاث سنين ماكانوا دخلوني....
عبدالعزيز/شلون يعني..
حامد/انا الليلة بكلمهم وبعطيهم خبر علشان لااحرج نفسي ولااحرجك....
عبدالعزيز بنرفزة حاول يخفيها/حلاص اجل انا ناطرك وقول لهم اني بخدمهم بعيوني بس ودي اجرب يعني....
/////////////////////////////////////////////////////////بكرة بيكون من احلى ايام حياته...
بيروح يخطبها رسمي واخيرا....
بتصير خطيبته وحبيبته وجنبه....
بيرجعون لعلاقتهم اللي انقطعت من شهرين وماهو قادر يصبر نفسه...كل اللي مصبره انها راضية عنه وتبيه وتنتظره....
واخيرا جا اليوم اللي تنتظره يامحمد.....
واخيرا بتعرس وبتصير مسؤل وبتكون عندك عيلة وزوجة تحبها وتغليها وتكملون دربكم مع بعض....
اه يافوز ..اهي الغالية....ماني مصدق ان بكرة بيجي....ودي انام علشان اقطع على نفسي كل ساعات التفكير فيك اللي بتجي...
ودي اطير واطير واطير لين يجي بكرة...
واتنفس بقوة واقول للعالم كله اني احبك....
واني بحطك بعيوني....واني بخليك تكونين اميرة محمد بكونه....
//////////////////////////////////////////////////////
كذا يا لمياء كذا...
كذا تروحين لعبير وتقلبينها عليّ وتشوشينها ضدي؟؟
كذا تخلينها تكرهني....
ليش ياليماء ليش..انا ماضريتك ...ليش ضريتيني...
يمكن كنت فعلا ناوي اتركها بس صحيت فجاْة ولقيت اني ابيها هي مو انتي يالمياء...
بس انتي اللي دخلتي اللعبة من جديد وحرمتيني من عبير علشان كذا انا بعد بحرمك من زوجك مشاري وخلنا نكون متعادلين...
خليتيني اخسر زوجتي وبخليك تخسرين زوجك؟؟
ماكنت ناوي لك على الشر ابدا بس انتي بديتي؟
/////////////////////////////////////////////////////
ناصر/ها...
عبدالعزيز/مايبي يوديني معهم الليلة يقول لازم يعطيهم خبر...خاف اني اكون مباحث ولالي علاقة بها الاشياء؟
ناصر/اوووف....
عبدالعزيز/والحل؟
ناصر/هو وينه؟
عبدالعزيز/طلع....
ناصر/طيب ليش مانلحقه؟
عبدالعزيز/اخاف ينتبه علينا وبعدين يغير رايه ومايروح ويكلمهم يحذرهم اني فعلا مباجث ومتقصدهم ولبنى اللي تتضرر,,,
هو على كلامه كل ماحس بخطر باع فيلا وراح لغيرها....
ناصر/يابنت عمي.يالمسكينة...يارب كون معها ولاتتركها...
عبدالعزيز/ماني قادر افكر شلون عمك رماها..
ناصر/كلنا متضايقين حتى ابوها..
عبدالعزيز بعصبية/ابوها لو هو مثل العالم والناس مارماها وبعدين تندم وهو عارف بحالته؟بس شقول....شرعك اللهم ولااعتراض؟
/////////////////////////////////////////////////////////
اليوم الثاني مر سريع جدا على الناس اللي يبونه يجي.....
كانوا ابو مشاري وام مشاري ومشاري ومحمد في بيت ابو مصعب ..
ابو مصعب/حيا الله الاهل..
ابو مشاري/الله يسلمك....
ام مصعب/ورى ماجبتوا البنات معكم..
ام مشاري/تعرفيني مااطلع معهم ايام المدارس واليوم رحاب واعدتهم تطلعهم تعشيهم هم وبنات عمهم لو خلصوا بدري...
ام مصعب/وماتشوفين بنت السبيعي؟
ام مشاري/مرت علي مرة وحدة...تدرين ماتجي من الدوام الا الضهر وبعدها ينامون يريحون....
ام مصعب/حتى هو بعد صار ينام وراها...عشنا والله!!!
ليش ماجبتوه معكم..
ابو مشاري/والله كلمته بس مارد لي خبر؟؟؟
محمد بنفاذ صبر/يالله يبى ادخل بالسالفة بعد بتقعدون تسالون عن كل شي....
مصعب/أي سالفة؟
ابو مشاري/الله يسلمك ياخوي يابو مصعب انا جاي اطلب يد بنتك فوزية لمحمد ولي واللي الشرف انك توافق....
ام مصعب/شنو؟؟؟؟
لفت الانظار كلها لاام مصعب اللي كانت متضايقة من الكلمة اللي سمعتها وسكتوا كلهم....
ابو مشاري كرر كلامه/انا جاي اخطب فوزية حق محمد يااختي...
ام مصعب وقفت وقالت بعصبية/لا....
محمد ق قلبه وماعرف شيقول وكلهم يناظرونها..
قالت بكبرياء وتعالي/انا مااعطي بنتي لواحد مثل ولدك يااخوي؟؟؟؟
بعد مافكرت تعطيني مشاري وعطيته بنت مدري من وين طالعة وبتعطيها محمد؟؟؟لااسفة والله اسفة..محمد طايش حييل ومايناسب بنتي العاقلة والرزينة..وبعدين محمد انت بكل وقاحة جاي تخطبها..نسيت انت شنو ولاتناسيت علاقاتك كلها ولامفكر ان احنا بنغض النظر عنك.....انا مو موافقة على ها الزواج.....
وحده جمد بمكانه من الكلام اللي سمعه..وماعرف يتحرك...
كلام عمته كان قاسي حييل عليه....
مادرى هو يوم طلع من بيتهم استاْذن قبل ولالا ..
كل اللي يعرفه انه طلع بسرعة وركب سيارته يبي يستوعب الرفض واول ماشاف مصعب واقف قدامه حرك بسرعة..
كان حاس بالمهانة والمذلة منهم ومايبي يشوف ايا كان .....
ام مشاري لملمت الموضوع بعد سكوت الكل/كلا ياخذ نصيبه..ماصار شي....يالله يابو مشاري لاتتاْخرون عن الشركة....
//////////////////////////////////////////////////////
نجود/بالمستشفى....
ام رائد بحزن/أي....امس جتها حالة عصبية ونقلناها المستشفى؟
نجود/وشلونها اللحين..
ام رائد/ان شاءالله تكون بخير...
نجود/انا اسفة الظاهر اني ماقدرت افتح لها الموضوع عدل..
ام رائد/ولايهمك....هي تتقبل منك أي شي بس انا عارفتها ماتبي تتذكر ها السالفة ابدا.....انتي ماقصرتي...
نجود/كان ودي اروح اتطمن عليها بس ادري انها ماراح تتقبلني....
ام رائد/ولايهمك ببلغها سلامك...
نجود/لو استجد أي شي عطيني خبر انا بظل منتظرة اسمع منك أي شي....
ام رائد/نجود شكرا يابنتي ماقصرتي..
نجود/لا ياام رائد انا ماسويت شي..انا عفست السالفة كلها.....كان بودي اسوي لها شي لاني عارفة ان اللي داخلها غير عن اللي تحاول تخفيه عنا...على كلا...الله يشافيها ويردها لعقلها وتفهم كل شي بنفسها وتفهم ان السالفة هي مالها شغل فيها وان اختها دايم تسال عنها وتبي تشوفها.....
هي الدنيا كذا ياخالتي كلا عنده شي حارقه...
///////////////////////////////////////////////////
مثل ماقلتي يانجود كلا عنده شي حارقه وهامه ومضيق خلقه...
كانت جواهر قاعدة بغرفتها بعد ماكلمت ابوها انها تبي تزور نجود بالرياض وتغير جو واللي طبعا وافق بدون تردد بعد حالتها النفسية السيئة واللي كان كل شي حولها يتعبها...
جاها مسج من بندر وماهو اول مسج يجيها من اول ماافترقوا بس اليوم غير..
اليوم قررت ترد عليه,,,
كان جايب لها ها القصيدة,,
كفاية زعلنا طول حبيبي حن لي شوي..
تراني من بعد زعلك انا دنياي مابيها..
تراها دنيتي ظلمه بدونك لاسنا لاضي..
بدونك منهو ياعمري حياتي منهو يضويها...
حبيبي كل ماتطري احس بقلبي يصيبه شي..
واشوف طيوفك بعيني تجيني قبل مااطريها..
حياتي كلها لااجلك وحبك يالغلا لي فيّ...
وروحي بالرضا جاتك لانك اغلى غاليها...
كفاية يابعد عمري كواني ها المفارق كي..
جروحي زادت بقلبي وقربك بس يشفيها..
كاني روضة عطشى وحبك نبعها والري..
زهرها جفت اوراقه متى ترجع وترويها..
تعال نعيد ذكرانا ونطوي ها المفارق طيّ...
تعال نجدد الذكرى باسم الحب نحييها..
كفاية يابعد قلبي طلبتك حن لي شوي..
تراني عفت هالدنيا لانك انت موفيها؟؟؟كانت فعلا مترددة ترد عليه ولالا..
بس في شي داخلها كان يبيها ترد عليه وتقفل الجوال بعدها,,,
ردت عليه وقالت له,,,
جرحتني والقلب منك تعذب
وخليتني مخدوعة..ارجي حنانك
عشمتني بالحب وظنيتك تحب
واهديتك زهوري ..تزيين مكانك
اوهمتني انك الشخص الاقرب
وحسستني اني وحيدة زمانك
لكن خسارة بان في عيونك الكذب
خنت العهود اللي نطقها لسانك
ماجيتك اتقرب..ولاجيتك اطلب منك الوفا
يللي مضيع امانك..
خيانتك..ماكانت الشي الاصعب
الاصعب اني بعت ناس علشانك؟؟؟
///////////////////////////////////////////////////////
مصعب بعصبية/يمه شها الكلام اللي قلتيه عاد!!!
ام مصعب/و ش قلت يامصعب ماقلت شي...هذا زواج يعني مسؤلية ومحمد مو قدها وانا مقدر ارمي بنتي عليه؟
مصعب/بس كان المفروض انك تاخذين رايها هي وماتقولين رايك كذا بدون مراعاة لمشاعره...كنتي تجرحينه بون مبالاة؟
ام مصعب/وان شاءالله تبيني اداري خاطره واقوله معليش سامحني بس تراك ماتستاهل بنيتي؟؟؟مصعب هاذي امور مايتساهلون فيها..
مصعب/قول شي يبى...
ابو مصعب/شتبيني اقول يعني...
مصعب/انت ماقلت شي وهم موجودين؟
ابو مصعب/تبيني ادخل بين امك واخوها.....انتوا عايشين هنا اكثر مني وانتوا عارفين الشي الاكثر...
مصعب/بس هذا مايعني انك تقول ها الكلام اكيد عندك وجهة نظر..
ابو مصعب تنهد/المفروض ان احنا انتظرنا فوزية وعطيناها خبر بالسالفة يمكن يكون لها راي ثاني..
ام مصعب/وش يعني لها راي ثاني..واذا قالت ابيه بركض انا اوافق وابارك زواجهم!!ابو مصعب انت ماتعرف محمد ولد اخوي كثري هذا مايصلح للزواج...وبعد اعطيه منو بنتي فوزية....
نجلاء/منهو هذا اللي يبي فوزية؟
لفوا كلهم لنجلاء الللي توها داخلة..وسكتوا...
نجلاء..منهو؟
مصعب بقهر/الناس تسلم ياعمتي؟؟
نجلاء باحتقار/زين ياولد خالك فهد وياتربيته....السلام عليكم..
وعليكم السلام....
نجلاء قعدت/منهو اللي جاي يخطب فوزية؟
ام مصعب بقهر/محمد ولد اخوي؟
نجلاء/وانتي شقلتي؟
ام مصعب/يعني وش تبيني اقول؟؟؟ان شاءالله انتي بعد تبيني اوافق؟؟؟لاياعيوني انا بنتي ماتاخذ محمد لو شيصير....
نجلاء بشماتة/أي هذا الكلام الصح...اجل وش يجيب محمد لفوزية...وش الفرق الكبير اللي بينهم...هذولا اكيد عميان...مالقوا لمحمد الا فوزية يبون يرمون بلاء ولدهم على بنتك علشان تتحمله...زين انك عارفته ولااذا على اخوي يمكن يوافق.....
مصعب وقف على كوله وقال بقهر/حريم عقولكم دايم ناقصة ولاتفكرون وتحسبونها صح؟؟؟ يالله جاك من يعاونك ياام مصعب كملت السالفة اللحين؟
ام مصعب بعصبية/انت ماتقولي وش علامك؟؟قوم كفخني بعد وانسى اني انا امك؟
مصعب/حاشاك يمه ماكنت اقصد بس كلامك مو معقول ابدا!!!انتي ترضينها اني اروح اتقدم ويردوني كذا بها الطريقة؟
نجلاء/مجنونة هاذي اللي بتردك ..انت علم وسمعتك مثل الشمس نظيفة واضحة مافيها شي مثله..
ام مصعب/انت اصلا يمه الف وحدة تتمناك وتتمنى تاخذك علشان ترضيني..وانا لاقية لك عروس مثل القمر...بنت ناس وعيلة محترمة وبتناسب وضعنا....
مصعب/هاذي زوجيها اللي تبين بس مو انا...انا بروح ادور لي أي وحدة ان شاءالله مطلقة واتزوجها علشان تعرفون ان الله حق ؟؟؟
/////////////////////////////////////////////////////////
ابو علي/ها ماسويت شي ياوليدي..
ناصر/يبى لسه ماصار شي..
ابو علي/يايبى انا موكل اموري لله سبحانه ومعتمدعليك لاتخذلني ي اناصر,,,
ناصر/يبى...ان شاءالله ادعي لنا بالتوفيق...
ابو علي/يارب...يارب ماننام الليلة او وعندنا خبر عنها...
ناصر/هو مايبي يتخذ أي قرار يخاف تتضرر منها....
ابو علي/والله انه رجال اجودي وعن عشرة رجال ..ليتك ياخوي ماردتيه ولاحرمت بنتك منه
ناصر/أي والله يايبى ليته ماحرمهم من بعض...ساعات اخجل من كثر خوفه عليها ..احسها قطعة منه وعايشة بوسطه وماهو قادر خايف عليها لايكون أي ضرر يلحقها..يبي يدرس كل شي مرة ومرتين علشان ما يندم ولايكون اتخذ قرار ياْثر عليها,,,
ابو علي/عسى الله يوفقه ان شاءالله ..
ناصر بحسرة/خسارة انه تزوج...والله ان لبنى فعلا خسرته!!!
/////////////////////////////////////////////////////////
قفلت عليها باب غرفتها بعد اللي سمعته...
قعدت على فراشها وهي تردد كلمات امها بدون تصديق...
محمد!!!ماتدرين انه مثل النسمة يايمه...الله يسامحك بس الله يسامحك...ليش ماقلتيلي وخذيتي رايي وشفتيني اذا كنت ابيه ولالا؟؟
مسكت جوالها ودقت عليه مرة ومرتين وعشرين بس مارد عليها...
رسلت له رسالة,,
لاتستمع للعواذل ولايهمونك..
محد ترى غيرك من الناس في بالي
خليت انا الكون كله لخاطر عيونك
خليت انا الكون..وجيت اسابق ظلالي
جيتك وانا اشوفهم عني يردونك
ماهمني قولهم ..حاسد وعذالي
اغليك ومن كثر شوقي صرت مجنونك...
ومهما ذبحني الغلا ماغيرك ..الغالي..
والله احبك ..واحب اللي..يحبونك...
وشلون ابنساك وطيفك دايم قبالي ...
والله لو صار موتي اليوم من دونك...
انا من سنين متعب حالي بحالي...
اباتعنى واجي واكذب ظنونك...
سود الليالي لعينك مرها حالي..
يكفي اني انا اللي ..اكبر بس ف..عيونك
مدامك الحب الاول لايهمونك..
وشلون لاصرت الاول انت والتالي..//////////////////////////////////////////////////////
خلنا نروح للعشاق اللي عايشيين دنيا الحب والغرام,,,
كانوا عياله طالعين مع بيت عمهم ونجلاء رايحة بيت اخوها تكمل شكاية عن فهد واهماله لها وللبيت والعيال,,,القضية اللي ماتنتهي من جت نجود البيت,,
وجت معها ام مصعب البيت علشان تشوفه لان على قولتها من جت بنت السبيعي ماصار ينشاف,,وعلشان لاتاخذ منها نجلاء موقف انها راضية عن اللي يسويه فهد وعلشان تطلع من قهرها من كلام مصعب اللي ضايقها حيييل...
وهم داخلين قريب من باب اللي يوصل لبيت نجلاء استوقفهم صوت غنى وطرب عند البركة ولفوا يناظرون .. با البيت كان خالي من بيت بو مشاري كلهم وماكو غير نجود وفهد(ياحبي لهم واللي مايحبهم بكيفه)
كانت جود لابسة ثوب اسود قصير حييل مرة ويوصل لنص الفخذ وبدون اكمام..وينزم عند الصدربخيوط ولابسة سلسلال حاطة فيه صورة فهد وكانت واضحة,,,وتاركة شعرها على جنب وموسدة راس فهد على فخذها وهي تلعب بشعره وهو مغمض عيونه يسمع صوتها تغنيله/
ان حكى غصبا عليهم يسكتون...وان سكت تسكت معه كل الرياض..
نجلاء بقهر لاام مصعب/شفتي!!!ماعاد شاف غيرها بها البيت..
ام مصعب وهي تناظر باخوها مو مصدقة انه كان متوسد بحضن نجود وفاتح زراير قميصه واللي نادرا او شبه مستحيل يلبس اقمصة...
ام مصعب/قربي قربي..خل نروح جنبهم..
نجلاء/ماابي احط لساني في لسانها بنت ابليس هاذي انا ماشفت مثلها...
ام مصعب بقوة/بروح لهم يعني بروح لهم....
تقربت منهم ونجلاء وراها وفي عيونها الف نظرة ونظرة معناها بتشوفين يانجود؟؟
ام مصعب/بقطع عليكم جوكم اذا قلت السلام؟
لفوا لها ثنينهم وفهد شال راسه من حضن نجود اللي تكلمت قبله وقالت بثقة/لا....
ام مصعب وهي تناظرها..../من زمان ها الغيبة يافهد ياخوي ..وينك محد صاير يشوفك؟
فهد/موجود ...
ام مصعب/اللي ماخذ عقلك؟
نجود/وي فديته وش اللي بياخذ عقله غير عياله وشغله يعني!!
نجلاء/مو باين؟؟
ناظرها فهد بمعنى اسكتي....وسكتت...
نجود وقفت وبان ثوبها القصير وهم يناظرونها../حبيبي بقوم اكلم رحاب بشوف متى بترد العيال مالازم يتاْخرون اكثر من كذا بكرة وراهم مدارس...وبالمرة بدق على مصعب علشان المزرعة لاينسى؟
دق قلب نجلاء من طاري المزرعة وام مصعب انقهرت منس الفة العيال وكانها هي المسؤلة وقالت بسرعة اول مامشت نجود ودخلت شقتها/كانها صايرة مسؤلة عن كل شي؟!!!
لفت ام مصعب لنجلاء اللي كانت سرحانة بسالفة المزرعة وهي حاسة ان سالفة فضيحتها قربت خلاص...
فهد/قولي شي ي ام فيصل ليش ساكتة؟
نجلاء بدون انتباه/وليش بعد المزرعة وش تبون فيها يافهد؟
فهد يكلم اخته اللي كانت مستغربة من نجلاء/شفتي كيف الاهتمام؟؟وين الناس وهي وين؟
ام مصعب/..............
نجلاء/ها....وشو يعني؟
ام مصعب بحدة/ولاشي...
حست نجلاء بالاحراج لانها حطت نفسها بموقف سخيف قدامه وقدام اخته ....
ام مصعب/اليوم بيت اخوك جوني..
فهد/أي كلمني وانا كنت باجتماع الضهر ماقدرت ارد عليه ويوم كلمته المغرب قال لي ماله لزوم السالفة ماهي مهمة....
ام مصعب/يعني ماقال لك وش يبي؟
فهد/لا...
ام مصعب/شكلهم طالعين....
فهد/أي ماهم هنا....
ام مصعب/طيب انا ماشية...
فهد/قعدي تعشي معنا..
ام مصعب/لاماعليه بروح اكلم مصعب...سالفته اليوم سالفة.....؟
فهد/مصعب..شفيه’؟
ام مصعب تنهدت/سالفة طويلة عريضة بعدين اقولك عنها....لاتشغل بالك...بعدين اقولك عنها..
فهد/مصعب رجال عاقل يمكن تجيه لحظات يمشي ورى مشاعره بس هو عاقل ولو تزوجينه يكون ابرك..كم مرة بقولك خلاص كبر وصار لازم يتزوج...
ام مصعب مشت/ان شاءالله...الله كريم ياخوي الله كريم...يالله تصبحون على خير.....
///////////////////////////////////////////////////////
كان بروحه حاير ومو عارف وين يروح..يوقف بسيارته بمكان ويقعد له ساعات يفكر وبعدها يغير مكانه ويرجع يوقفها بمكان ثاني ويرجع يفكر...
وهاذي حالته...
كانت كل اماله معلقة على ها اليوم اللي بيجي وبيخطبها وبتعم السعادة قلبه وقلبها....
بس عمته اخر شخص توقع توقف بوجه سعادتهم... يمكن عارف انها مابتكون راضية عن حياته القديمة بس انها ترفضه بها الطريقة وبها الاحراج وبها الكلام قدام اهله حسها كبيرة,,,
هو عارف ان فوز تبيه ويمكن توقف بوجه عمته علشان تاخذه بس معقول ياخذها وامها ماتبيه...
الا الكرامة يامحمد الا الكرامة...الكرامة مثل الصورة اذا تمزقت ورجعت لزقتها ماتطلع مثل اول؟؟؟؟؟
كان يناظر بجواله وهو فاتح على رسالتها اللي ارسلتها له وهو حاط الوضعية على عدم اتصال الشبكة...
هي تبيه وهو متاكد من ها الشي ورفض امها صار بدون علمها....
بس ليش يامحمد ليش....ليش وقف ماضيك بوجه سعادتك وحاضرك,,,,
ليش خسرت الانسانة اللي حبيتها واخترت تعيش معها وتكملون حياتكم مع بعض,,,,
بعد تفكير عميق وصل لقرار وحس انه لازم يسويه..
حرك سيارته علشان يبدي يسوي اللي في باله طرى,,,
////////////////////////////////////////////////////
لمياء/حبيبي علامك متضايق...
مشاري بتعب وهو اللي توه راد من الشركة/اليوم رحنا بيت عمتي مثل ماقلت لك؟
لمياء/طيب...
مشاري بزعل/عمتي ماوافقت وقالت له كلام يجرحه وطلع من بيت عمتي زعلان..
لمياء/ووينه اللحين؟
مشاري/ماندري عنه والله يالمياء من طلع واحنا كل ماندق عليه مايرد وبالاخير قفل جواله وهذا اللي مضيق خلق امي عليه....
لمياء/لاحول الله..هذا بعد ولد اخوها...
مشاري/هذا اللي صار..
لمياء/طيب وعمتي شقالت وعمي شقال مارد على اخته؟
مشاري/امي حكيمة ماحبت تكبرها بين ابوي وعمتي وقفلت السالفة وقالت كلا ياخذ نصيبه بالدنيا وقمنا طلعنا بدون أي كلمة زيادة..
لمياء/طيب وابو مصعب ماقال شي..
مشاري/يوم استلمت عمتي الكلام الكل سكت ...
لمياء/عمتك غريبة..فعلا غريبة..هاذي منو يعجبها بالله..بس تدري بيجيها يوم وبتعرف ان الله حق....
مشاري/قومي بس حطيلي لقمة اكلها بقوم اطلع ادور محمد اشوفه وين؟
مريم/بابا عمي محمد بالتلفون..
قام مشاري ومسك السماعة بسرعة من يد مريم/هلا محمد وينك انت؟
//////////////////////////////////////////////////////
فتحت عينها ببطء شديد تستعرض الدنيا حولها..
ماكانت غير امها جنبها وتقرا لها قران ويوم اتبهت انها فتحت عيونها تلفتت لها..
ام رائد/ملاك...
ملاك:.................
ام رائد/يمه احط لك شي تاكلينه؟
ملاك بضعف/ماابي..
ام رائد/مايصير يمه...انتي ماكلتي شي من امس...
ملاك وهي تناظر بالورد اللي زاد/من منو؟أي واحد من اخواني تذكر يزورني...
ام رائد/هذا مو من اخوانك....
ملاك/منو...
ام رائد/من انسانة تغليك وتعتبرك اختها الصغيرة....
قامت ملاك من سريرها بتردد ومدت يدها لسلة الورد اللي كانت تناظر فيها امها وسحبتها عندها وهي تشيل الكرت علشان تتاكد ..
كانت تقرا كلمات نجود وهي تتمنى لها السلامة وتحس انها واقفة على راسها تكلمها...غمضت عيونها بقوة وقامت تبكي...كان بكيها بهدوء وشيئا فشيئا زاد ..
تقربت منها امها وحظنتها وقامت تهديها...
ام رائد/خلاص يمه خلاص..
ملاك/يمه...يمه نجود....
ام رائد/خلاص حبيبتي خلاص لاتتعبين نفسك...
///////////////////////////////////////////////////////
ام مشاري/فتحي الباب يا تينا..
ابو مشاري/معقول محمد..
ام مشاري/لا مشاري توه مكلم ويقول انه بيروح له....
وقفت نظراتهم على الشخص اللي جاي لهم وهم يناظرون فيه بدون مايكونوا توقعوه زيارته لهم....
فوزية بخجل/السلام عليكم...
ابو مشاري/وعليكم السلام.....هلا يبى تعالي..
كانت واقفة ومستحية من نفسها انها تجي برجلها لبيت خالها بس حقران محمد لها اليوم بطوله اجبره تجي وتشوف وتسمع أي خبر عنه....
ام مشاري/تعالي يمه قعدي ليش واقفة..
تقدمت بخطوات ثقيلة وهي حاسة بنظراتهم لها ومع هذا ماقدرت ترفع راسها وتناظرهم ظلت قاعدة وهي منزلة راسها....
ابو مشاري/فوزية....وش فيك يابنتي؟
فوزية بتردد/خالي....
ام مشاري/علامك يمه في شي....
فوزية/اللي صار اليوم؟
ام مشاري/اللي صار اليوم انتهى وعدى وتصافينا خلاص؟
فوزية باصرار يشبه اصرار امها بس يشوبه انكسار/بس انا ماادري عنه ولاسمعت الا قبل شوي....يعني كله صار بدون علمي..
ابو مشاري/وش تبين تقولين يافوزية؟
فوزية تنهدت/خالي يمكن من الغباء اني اجي هنا..ويمكن تحسبها قلة ادب وقلة تربية...بس انا فعلا كنت ابيه وهو يبيني ومتفقين على ها الشي وتفاجات اليوم بللي صار..
ام مشاري/خلاص يمه اللي صار صار..ومافي شي يصير الا قسمة ونصيب للبني ادم...
فوزية/شنو يعني ياخالتي؟
ام مشاري/خلاص امك قالت كلمة الفصل؟
حست بان الباب تسكر بوجهها..وتنهدت وقامت...بس قبل لاتروح جهة الباب سالت عنه..
فوزية بتردد/طيب وينه محمد اللحين ليش قافل جواله؟
ابو مشاري/مع اخوه مشاري...
فوزية/سلموا عليه...
طلعت وهي تجر اذيال الخيبة وراها....
/////////////////////////////////////////////////////
فهد/ها سارونة فيك شي...
سارة/جايبة لكم عشى لاتقول تعشيتوا...
فهد/لالسه ماتعشينا...تفضلي...
سارة/خالتي نجود هنا..
فهد/أي هنا....
سارة/مابيكون عندها مانع اني اتعشى معكم..
فهد/لاطبعا..دخلي بابا دخلي....
دخلت وكانت نجود قاعدة تتفرج على التلفزيون.....ولفت يوم سمعت صوت سارة يسلم عليها....\
نجود/وعليكم السلام..
فهد/هاذي سارة جايبة لنا عشى من المطعم اللي راحوه ..
نجود/ماتقصرين.....
فهد/اخوانك تعشوا؟
سارة/أي......
فهد/خلاص يالله مدام انك انتي اللي جبتيه قومي جهزيه لنا بالمطبخ..
سارة/أي بس...
فهد/شنو؟
سارة/عادي....
فهد/طبعا عادي.....
دخلت سارة المطبخ تحوس بعمرها...
فهد/اقول حياتي مو الثوب شوي قصير..
نجود بلا مبالاة/وان شاءالله تبيني ابدل علشانها؟لاحبيبي احنا بنات وفاهمين لبس بعض؟
فهد/عليك عناد صدق يشيب....
نجود/وش فيها الشيب وقار.....وهيبة ووسامة؟شفت شلون اني بالنهاية احقق لك كل شي تطلبه....
سارة/بابا يالله جهزته......خالتي نجود تفضلي...
/////////////////////////////////////////////////////////
ام مصعب/انتي وين كنتي؟
لفت لهم فوزية ولقتهم ينتظرونها بالصالة وكانهم مستغربين غيابها....
ماقالت شي بس وقفت تناظرهم....
ابو مصعب/فوز يبى وين كنتي؟
فوزية بلا اهتمام/كنت في بيت خالي...
ام مصعب/أي خال فيهم....
فوزية/كنت رايحة لخالي فهد بس غيرت راي ورحت بيت خالي بو مشاري؟
ام مصعب/وليش رايحة بيت خالك بو مشاري والله؟
مصعب/يعني سؤال غريب يمه بيت خالها بعد ليش بتكون رايحة له؟
ام مصعب بعصبية/لو سمحت لاتتدخل يامصعب...
وقفي مكانك....
فوزية/نعم...
ام مصعب/وش موديك بيت خالك؟
فوزية/يعني هي اول مرة اروح بيت خالي فيها؟؟؟انا طول حياتي اروح بيت خالي وين المشكلة؟
ام مصعب/المشكلة بالتوقيت احظي؟
ابو مصعب/فوزية تعالي يابنتي ابيك...
راحت وقعدت جنب ابوها وهي حاسة بان في شي بيخنقها وتبي تبكي....
ابو مصعب/علامك يايبى..
فوزية بنرفزة/يبى شلون كذا...
ام مصعب/وش اللي شلون؟
فوزية/يبى...محمد تقدم لي انا مو المفروض يكون رايي هو الماشي بالنهاية؟
ام مصعب/وش كنتي تبين تقولين ان شاءالله..
فوزية بحدة ماتناسبها وهي الهادية باغلب الاحيان/ابيه...
ام مصعب/ياسلاااام!!!ونعم التربية والله؟؟ماتستحين تقولين ابيه؟
فوزية/يمه هذا ولد خالي....ورابي معي من الصغر وعارفني وعارفته...
ابو مصعب/أي بس امك تقول عنه طايش وماهو متحمل للمسؤلية يايمه وكانت عنده علاقات سابقة..كيف ترضين تاخذينه وانتي العاقلة الفاهمة....انا ماارضى ارميك على واحد مثله بعد ماشرحت لي امك وضعه..
مصعب/يبى محمد,,
ابو مصعب قاطعه/مصعب....
فوزية/بس القرار بالنهاية لي...وانا ابيه وهذا هو المهم...
ام مصعب/وانا قلت لا.....
فوزية قامت وهي مي قادرة تخش دموعها اكثر واول ماركبت الدرج فضحتها صوت شهقاتها والتفتوا لها بس كملت لين وصلت لغرفتها وراحت تبكي هناك.....
مصعب وقف وهو معصب../مدري أي منظار هذا اللي تفكرون فيه..
ام مصعب/انت تراك بتجنني....علامك صاير عدو ماكانك ولد؟
مصعب/يمه...لاتتسرعين ترى محمد ماينعاب وماهو مثل ماانتي قاعدة تقولين...واذا اختي تبيه انا ماراح اسكت وبعطيها ايه حتى لو كان الثمن اعرضها عليه بنفسي؟سامعتني يمه....
/////////////////////////////////////////////////////////
اليوم كان عند عبد العزيز غير...
كان لازم يلحق حامد مهما كلفه ها الشي لازم مايسكت اكثر ويروح يشوف وضعها...
خايف عليها من كل قلبه لايكون جرى لها شي...
اتفق هو وناصر انهم يروحون بسيارة ناصر علشان لايتعرف عليها حامد...
وكان الاتفاق مثل مارسموه.....والليلة بتكون الحكم,,
////////////////////////////////////////////////////////////فهد/ها وين؟
نجود/بدخل انام....
فهد/ونومة الظهر ان شاءالله؟
نجود/شفيها؟
فهد/تنومينا الظهر علشان تسهرينا الليل بس الليلة ماشكلها سهرة؟
نجود/انا مانومت احد...انت نمت بارادتك؟
فهد/ياسلاااام اذا انتي نايمة انا شبسوي بالله اكيد بنام وراك....
نجود/ياسلاااام..
فهد/يعني اجاملك....
نجود/اول مرة اشوف ناس تنام مجاملة لغيرها....!!!!
فهد/قومي بس كملي اللي بديتيه اليوم قبل لايقاطعونا..
نجود/وش تبي يعني؟
فهد بحالمية/غني لي....
نجود/أي بس انا اغني بفلوس....
فهد/حاضرين لو تبين العمر كله يفداك..
نجود/كلام بس...
فهد/افا..جربتي تطلبين ورديناك....
نجود/مو بعد..
فهد/وراك تقولين ها الحكي اجل...
نجود/فهد سارة ماقالت شي.....مالاحظت انها كانت بمعظم الوقت ساكتة...احسها قاعدة ترتب كلام تقوله وماهي قادرة..
فهد/طيب..
نجود/خليها على راحتها هي لين وصلت لقرار ولكلام تبي تقوله بتقوله وبتسويه بدون تردد....
فهد/نجود..
نجود/لبيه حبيبي...
فهد بهمس/نجود...انا سعيد اني معك....
/////////////////////////////////////////////////////////
مشوا وراه لين وصل لفيلا كبيرة باخر الضهران ونزلوا منها هو وولد عمه وظلوا عند باب البيت فترة قصيرة وبعدها ركبوا سيارتهم ومشوا...
ناصر/ليش مشوا؟
عبدالعزيز/مدري...
ناصر/معقولة كل ها المشوار واخر شي ماتكون هي....
عبدالعزيز بخيبة امل/تتوقع!!
ناصر/شنو يعني..بيكون غيرها..
عبدالعزيز/مدري...بس يمكن يكون شاك فينا....لانه اليوم ماعطاني وجه ابدا....ومسفر مايبي يستقبله لاهو ولاغيره علشان لايجيب له الشبهة؟
ناصر/رايك كذا..
عبدالعزيز/انا اقول يمكن....
ناصر/طيب وش رايك نسال هذا الرجال اللي يمشي هنا....
نزل النافذة وناداه..
ناصر/السلام عليكم..
الرجال/وعليكم السلام....
ناصر/لو سمحت يالاخو..ها الفلا معروضة للبيع...
الرجال/والله ياخيو ماصار لها شهرين من شراها صاحبها مدري...جرب اساله يمكن يكون ببيعها..
ناصر/طيب هي لمنو؟
الرجال/والله مدري..بس الظاهر الرجال توه متزوج وجاي وهو ومرته مابعد شفناهم...
ناصر/اممم طيب مشكور يالاخو ماقصرت....
ظل يناظر بعبد العزيز وعبد العزيز يناظر فيه....
/////////////////////////////////////////////////////////
بندر/عبير...
عبير/نعم...
بنر/زرتيها؟
عبير وهي حاملة محمد اللي كان نايم/أي..
بندر بلهفة/شلونها؟
عبير/ان شاءالله تتجاوز محنتها بسرعة جواهر قوية وكلنا عارفين انها بترجع مثل قبل..
ماعجبه ردها ابدا...تمنى انها توقف بصفه مو بصفها وهي اخته ومابقى غيرها ممكن ياخذ اخبار جواهر منها....
بندر/شلون نفسيتها؟
عبير/والله بتروح ها اليويمن لنجود بتغير جو عندها اول ماتلقى فرصة وتلقى احد تروح معه....نجود عازمتها تقعد عندها شوي ..تعرفهم يرتاحون مع بعض واكيد اذا راحت الرياض بتتغير شوي....
بندر بنرفزة/أي بس نجود تكرهني وبتكرهها فيني زود؟ياليتها لو ماتروح...
عبير/نجود حقانية وماتكره احد..بس لانها حقانية صارت عندك ماتكرهك..
بندر بعصبية/انتي وش عرفك فيها..هاذي انا اعرفها زين محد خرب جواهر وشيل قلبها غيرها؟
عبير بحدة/انا مااسمح لك تتكلم عنها بها الطريقة؟هاذي بنت عمك اولا...ثانيا ماتقولي ليش تبيها تنصفك وتزينك بعيونها وانت الغلطان اصلا!!!كانت عندك جواهر والكل حاسدكم على ها الحب بس انت اللي رفست النعمة برجلك حالك حال غيرك ويوم راحت منك جيت تزحف تبيها ترد....!!رجال انانين ...وقت حاجتكم تدلون الناس اللي تخليتوا عنها بعد مابعتوها بوقت وناستكم وراحتكم!!!
كانت تتكلم وهي تقصهم ثنينهم هو وعلي.....وكان هو بوجهها علشان يسمع ها الكلام وكان لازم يسمعه,,,,
///////////////////////////////////////////////////////
بفيلا مسفر...
مسفربعصبية/وينها الحقيرة وين راحت..
الشغالة/انا مايدري يوم يجي يدورها ماشفتها لاهي ولاالطباخ؟
مسفر/شلون يعني؟
الشغالة/هي كله يقول يمبى يروح بيت عمها ويمبى تلفون يكلم يمكن هي يعطي فلوس كتير ويخليه يكلم ويروح معه علشان في خوف من انت..
مسفر/شوف النذلة السالفلة الحقيرة.....وانتي ياحظي وينك غايبة عنهم..
الشغالة بتاءنيب/مسفر انا مع انتين...
مسفر كان يغلي طلعت لبنى من البيت شي ماحسب له حساب...يعني راح فيها.....
جاه اتصال من ولد عم حامد اللي كان يسهر عنده كل ليلة وقال له انه شاك ان المباحث لاحقتهم وانهم واقفين جنب الفيلا ومعهم واحد من الجيران..
ذيك اللحظة جن جنونه صحيح وماعرف شيسوي اذا المباحث برى ماراح يمديه يتحرك وينقل ها الممنوعات برى الفيلا....
ماله غير انه يحرق الفيلا بللي فيها بدون مايفكر حتى يدور فيها...
ولو كان سواها كان شاف لبنى متخبية برى بالحديقة مع الطباخ اليل ساعدها بالوقت اللي كان غاطس فيه مع شغالته جعله البلى هو وياها بيوم واحد ان شاءالله..
كانت خطتهم انهم يخلون الابواب مفتوحة ويوهوهم انهم طلعوا وهم عارفين ان مسفر بيسوي مسح كامل للمنطقة لين يلاقيهم علشان كذا قرروا اول ماتبدي السهرة ويلهون بسمومهم يهربون..بس القدر كان بوجههم ماحسوا الا بالنيران بكل مكان بالفيلا...
مسفر من الخبال اللي فيه حرق الفيلا وحرق نفسه وحرق الشغالة اللي ماقدرت تطلع بس السايق طبعا اول الهاربين....
عبدالعزيز بفزع/نار..نار ياناصر نار..الفيلا تحترق؟
ناصر وهو يناظر مو مصدق/شلونظ
طلعوا اثنينهم من السايرة يركضون للفيلا اللي طلع منها الطباخ وهو بحالة افضل من حالة لبنى اليل كانت نص عبايتها محترقة ومبين انه مغمى عليها,,,
عبدالعزيز بفزع/لبنى..........لبنى....لبنى وش فيك ياعمري.....
///////////////////////////////////////////////////////
اليوم الثاني...
في المدرسة..
سارة/ابلة نجود....
لفت لها نجود اللي كانت بتدخل غرفة المعلمات وتقربت منها..
نجود/خير ياسارة وش فيك؟
سارة بارتباك/انا نسيت مصروفي بالبيت وابي اروح افطر.....
نجود/طيب انتظريني هنا....
سارة لانست مصروفها ولاشي..بس كانت تبي تتكلم مع نجود باي شي وتفتح معها أي موضوع علشان ترجع تتكلم معها وتتناقش بس ماهي عارفة كيف..حتى الحجج اللي صايرة تتحجج فيهم مثل وجهها..
يوم طلعت لها نجود وجابت لها الفلوس كانت الفسحة انتهت ودق الجرس وسوت سارة انها خايب املها رغم انها متعمدة تجي بالوقت الضايع..
سارة/خلاص شكرا برجع فصلي..
نجود بصرامة/تعالي المقصف افطري بعدين انا اردك فصلك...منو عليكم اللحين؟

سارة/ابلة هيلة..
نجود وهي تمشي معها/وليش توك جاية يوم انك ناسية مصروفك كان جيتي من بداية الفسحة؟
سارة/كنت ادور الجازي ولامروة وماشفتهم ومي اليوم غايبة....واستحيت اني اجيك بس لاني مافطرت بالبيت وحسيت اني جوعانة....
نجود/وليش ماتفطرين الفطور اهم شي غلط نبتدي يومنا بدون وجبة الفطور....وبعدين انا هنا مثل البيت لو بغيتي شي تعالي انا ماراح اقصر معك...
سارة بامتنان/شكرا....
///////////////////////////////////////////////////////
كانت قاعدة بغرفتها وماراحت الدوام اليوم ..محمد من الامس مقفل جواله..
كانت مشغلة المسجل على اغنية ماجد المهندس ورافعة الصوت حده...
حبك قتلني محمد ياعيوني ياحمودي
لا اكل ولا اشرب ودموعي فوق خدودي
استاحشك كل لحظه ياقليبي انت ونبضه
ماجوز انا من حبك والناس كلها شهودي

ياناس اريد محمد من عنده لا تحرموني
خلوني اشوفه قبالي واخذو بعدها عيوني
استاحشك كل لحظه يابعد قلبي ونبضه
مااتوب انا من حبك والناس كلها شهودي

قلبي جرح يوجعني مايطيب الا بحضنك
سوتها بيا الدنيا يوم ابعدتني عنك
استاحشك كل لحظه ياقلبيبي انت ونبضه
ما اجوز انا من حبك والناس كلها شهودي ودخلت عليها امها....
ام مصعب/خير ان شااءالله وين قاعدين احنا؟
ماردت عليها فوزية اللي كانت سرحانة مع الاغنية
ام مصعب طفت المسجل وقعدت قبالها..
ام مصعب/فوزية...
فوزية رفعت راسها....
ام مصعب/يايمه بكرة بيجيك سيد سيده وبتقولين كان امي معها حق يوم رفضته ومارمتني عليه....
فوزية/يمه....لاتخلقين لنفسك أي عذر...انا ماابي غيره لو شيكون..انا قلبي ماتعلق الا بمحمد وماابي غيره سواء رفضتي ولارضيتي وغير ها الكلام ماعندي....
قالت اللي عندها وقامت من الغرفة طلعت وتركت امها بروحها...
ام مصعب بحرقة /يا انكم بتجننوني انتي واخوك؟مدري وش تبون ولا شنو ناويين عليه؟؟؟عسى قلبي يصبر عليكم وعلى بلاكم!!!
//////////////////////////////////////////////////////////

نجود/تصدق عاد...اليوم سارة جتني وقت الفسحة؟
فهد وهو ياكل معها/أي..وش كانت تبي...
نجود/سلامتك تقول ناسية مصروفها وتبي تفطر لانها مافطرت.....يعني تحس انها تبي تتحرش من بعيد لبعيد..
فهد كان بيقول شي بس دق جوالها اللي على الطاولة وسكت وهو يناظر فيها..
نجود/منو...
لان الجوال كان جنبه..
فهد/ملاك....
نجود شالت الجوال بسرعة وردت عليها..
نجود/حمد الله على سلامتك...
ملاك بضعف/شكرا...
نجود/شلونك اللحين....
ملاك/....ابلة نجود.....انا اسفة....
نجود/بعدك بالمستشفى؟
ملاك/أي..
نجود/طيب فيني ازورك....
ملاك/حياك...
نجود/معناته العصر بكون عندك...تبين شي ...
ملاك/شكرا....
/////////////////////////////////////////////////////////
فتحت عينها ببطء شديد وهي تناظر بالمكان اللي هي قاعدة فيه ومن ريحته وريحة المقمات القوية تاْكدت انها بمستشفى....

ابو علي وهو يبكي/حمد الله على سلامتك يابنتي تو مانورت العيلة؟
لبنى وهي تحس بالم في يدينها/عمي.....عمي وش اللي صار؟وينه مسفر؟وكيف انا هنا؟
ابو علي/ماعليه يابنتي ماعليه..قولي الحمد الله انك هنا.....وبعدين بتعرفين كل شي بس انتي قولي لي..انتي بخير..
لبنى بتعب/حس بالم فظيع بيديني....
كان يناظر يدينها الملفوفين واللي احترقوا امس وهو يمسح دموعه...
ابو علي/الحمد الله يابنتي الحمد الله انا الدنيا مو واسعتني يوم اني شفتك قدامي بخير...

,,,,,,,,,,,,,,,,,,,برى غرفتها كانوا اثنينهم يناظرون في بعض..وهم ينتظرون نتيجة التحاليل اللي بتبين اذا ماكانت ادمنت ولالا...ووصل ابو بندر بها اللحظة,,
ابو بندر بلهفة/ناصر وينها غرفة لبنى؟شلونها بنت عمك عساها بخير؟وانتبه على عبد العزيز اللي نزل راسه من شافه..
ناصر/الحمد الله بخير ياعمي..كاهي بها الغرفة مع ابوي تعال اوصلك....
//////////////////////////////////////////////////////////فوزية/مصعب ابي ا روح لخالي فهد...
مصعب/ليه..
فوزية/يهمني اعرف رايه بالموضوع....
مصعب/حتى لو كان من راي امي..
فوزية/خالي فهد مستحيل يقول ها الكلام؟؟وبعدين انا ابي اشوفه وابيه يسمعني قبل لااسمعه....صدق محتاجة اشوفه يامصعب..
مصعب/طيب المغرب نمره..
فوزية/وانا وش ينطرني ابي اشوفه اللحين؟
مصعب/أي بس ماباقي غير ربع ساعة ويروح المكتب مابيقعد معك كثير....
فوزية/تعرف وش معنى انا مخنوقة بها البيت وماني قادرة افكر بشي ابدا...
مصعب/ماكلمتي محمد؟
فوزية تنهدت/كل ماادق عليه من امس وهو قافل جواله ..
مصعب/حتى انا بعد دقيت عليه لقيته قافل جواله ..مو معقولة على سالفة مثل كذا تتغير علاقتنا احنا وبيت خالي..
فوزية/الله يسامحك يايمه....حرقتي قلبي عليه وحرقتي قلبه.....
/////////////////////////////////////////////////////////
كان يمشي لسيارته بعد ماتطمن عليها انها سليمة ومافيها شي وحمد ربه انها ماتورطت وحملت منه...
ركب سيارته وهو يغالب دموعه...
كان وده يشوفها ويتطمن عليها بس ماقدر...ويمكن انها خيرة انه ماقدر....
اهم شي انها بخير....مع السلامة يالبنى مع السلامة ان شاءالله ربي مايكتب لنا شوفة ثانية بها الدنيا الا وفيها خير لنا ...
لو تدرين شكثر كنت مشتاق اسمع صوتك يالبنى بالامس كان حسيتي فيني....
احبك والله احبك يمكن ماكانت فرصة مناسبة اشوفك بها الموقف بس صدقيني ان قلبي تقطع عليك....
ياربي احفظها واحميها..تراها انسانة غالية على قلبي...
//////////////////////////////////////////////////
فوزية/عارفة ان ماعندك وقت بس مضطرة اتكلم معك..
فهد/خير..
فوزية/ماشفت خالي بو مشاري امس ولاامي..
فهد/بلى شفت امك امس....
فوزية/وماقالت لك شي....
فهد/شي مثل شنو؟
فوزية/مدري...
فهد/كانت متضايقة من مصعب اخوك حيل وبس...
فوزية/لانه مارضى بللي صار..
فهد/ليش شنو اللي صار؟
فوزية تنهدت/خالي محمد ولد خالي بو مشاري تقدم لي بالامس وامي رفضته وغلطت عليه وجرحته قدامهم كلهم....بدون ماتشاورني ولاتاخذ رايي..
فهد/امممم وطبعا انتي موافقة عليه؟
فوزية/تبي الصراحة ياخالي أي....
فهد/كلمتيه من بعد ماطلع من بيتكم...
فوزية/انا ماعرفت بالسالفة غير يوم جيت من دوامي وكل ماادق عليه مايرد علي وبعدين قفله والى اليوم وهو مقفله وماني عارفة شسوي....
انا ابيه....اي ابيه..ومايهمني كلام أي احد عنه كل اللي يهمني اني مقتنعة فيه....
فهد/يعني مادريتي انه سافر اليوم؟
فوزية بصدمة/سافر؟؟؟؟وين راح؟
فهد/راح امريكا لمنال بيقعد هنا كم يوم وبعدين بيرد هو مرني وقال لي بس ماقال لي عن ها السالفة....
بانت الخيبة على وجهها يوم عرفت انه سافر...
فهد/على العموم انا بمر على امك وابوك الليلة وبشوف وش السالفة....
/////////////////////////////////////////////////////////
نجود/حمد الله على سلامتك...
ملاك كانت هادية ومبين عليها التعب وكل روح الفرفشة والغرور راحت منها وكانها انسانة ثانية...
نجود/وين امك ماهي معك..
ملاك بهدوء/انا قلت لها انك بتجين واني ابي اشوفك بروحي؟
نجود|/اممممم...
ملاك/اسفة.....
نجود/............
ملاك/ماكنت مدركة للشي اللي اقوله ذيك اللحظة...ماكنت مسيطرة على اعصابي...
نجود/ملاك..انا ماابي اسفك ابيك تراجعين نفسك..
ملاك/انا راجعت نفسي....
نجود/حلو..ولوين وصلتي...
ملاك/بسافر..ببتي حياة جديدة مع ناس جدد مااعرفهم ولايعرفوني وبظل هناك لين نهايتي....
نجود/مشاء الله هذا القرار اللي وصلتي له؟؟؟وبئس القرار ياملاك؟؟؟؟
ملاك/؟؟؟؟؟؟؟؟؟ماقدر اكمل حياتي هنا....
نجود/ليش..اللي اعرفه انك اقوى من الشي اللي تحاولين تخفينه عن الكل....
ملاك/لا..مو صحيح....انا اضعف من اني احاول اعترف لنفسي بوجودها بحياتي....طول عمري اكره ها الانسانة وبظل اكرهها..
نجود/بس انتي ماسالتيها اذا كانت تبادلك ها الشعور ولا شعورها مختلف؟
ملاك ضحكت لنفسها بشماتة /مختلف!!لامااظن....اللي بيني وبينها مايدعي لشي ثاني اذا بعدها صورتي في بالها....
نجود/ملاك..يمكن ماتصدقيني بس انا زرتها وحكيت لها كثير عنك وهي قالت لي انها مانستك ودايم تفكر فيك وودها تشوفك ودها تتعرف بيوم من الايام على اختها الكبيرة...ملاك هي ايامها بالدنيا معدودة ولحظات السعادة اللي تدخل قلبها بعد معدودة ليش ماتضغطين على نفسك مرة ومرتين وتروحين تزورينها....
تراها بريئة حييل وحبابة...
ملاك قامت تبكي..
نجود/حبيبتي انا عارفة انك حاسة بالذنب تجاهها بس هي ماهي شايلة بقلبها وانا ااكد لك انك مو السبب في اللي صار لها ومحد يقدر يحاسبك...لاتسجنين نفسك باقي عمرك على شي انتي عارفة انك مو مسؤلة عنه....
اذكري الله واذا تبين استخيري قبل لاتفكرين تروحي واذا بغيتي تروحي تشوفينها انا ماعندي مانع اروح معك وازورها معك..تراها تعرفني....
ملاك/,,,,,,,,,,,,,,,
//////////////////////////////////////////////////////
طلع من غرفة لبنى علشان يدور عبد العزيز اللي ماشافه قاعد بنفس مكانه..لف ولف ولف ومالقاه...طلع يدوره بمواقف السيارات ومالقى سيارته ..
طلع جواله ودق عليه ..
عبدالعزيز/هلا ناصر..
ناصر/وينك انت...
عبدالعزيز/في شي...
ناصر/يعني لازم يكون في شي علشان اشوفك؟
عبدالعزيز/لا مو القصد بس كنت تعبان ورجعت البيت اريح....
ناصر/لااذا كذا اجل معليش بس كنت ابي اتطمن طلعت ومالقيتك..
عبدالعزيز/تطمنت على نتيجتها وقلت ارد البيت...
ناصر/عبدالعزيز والله اني مو عارف شقولك ياخوي...
عبدالعزيز/اهم شي صحتها طمني عنها ياناصر؟
ناصر/والله انا مابع شفتها يعني سلام من بعيد يوم اوصل عمي لها بس شكل ابوي مايوحي انها مية بالمية ..
عبدالعزيز تنهد/اللي مرت فيه اكيد مو شوي...عسى ربي يريح بالها ان شاءالله...
ناصر/الله يسمع منك...عموما اذا ريحت وشبعت راحة دق لي بغيت اسولف معك....
/////////////////////////////////////////////////////////
مشاري دخل الشقة وهو ثاير بركان ويناديها باعلى صوته..
لمياء بخوف/عسى ماشر وش فيك؟
مشاري ماقال شي بس ظل يناظرها ينظرات قاسية مالقت لها أي تفسير....
مريم/بابا وش فيك تصارخ؟
مشاري بعصبية/روحي غرفتك يامريم..
مريم/مو رايحة لاتصارخ..
مشاري بصراخ/اقولك انقلعي غرفتك.....
راحت تركض غرفتها بعد ماانفجرت بالبكي..
وتقربت منه لمياء ..
لمياء/مشاري وش فيك علامك معصب كذا...
اول مرة بحياته يرفع يده على احد وها الاحد مو أي احد..ها الاحد زوجته وحبيبته وام بنته..
لمياء بذهول/جنيت انت!!!!
مشاري بقمة عصبيته/لك ساعة وحدة تلمين فيها زبالتك وحثالتك وترجعين لااهلك ماابي ارجع والاقيك هنا فاهمتني؟؟؟
لمياء/مشاري انت وش تقول؟
مشاري بعصبية/اللي سمعتيه؟؟؟روحي لعلي حبيبي القلب خله يتزوجك انا ماابيك ولاعدتي تعنين لي أي شي...وبنتي بتضل عندي حرام انها تتربى عندك فاهمتني...
مريم..يامريم....مريم..تعالي هنا بسرعة..
مريم وهي تبكي/وش تبي يالكسلان؟
مشاري/لبسي جزمتك بسرعة بنطلع انا وانتي...يالله....
كانت حاطة يدها على خدها وماهي عارفة شتقول حاسة ان الدنيا كلها تسكرت قامها..
لمياء من بين دموعها برجاء/مشاري اسمعني..اوقف اسمعني اللهي خليك..
مشاري وهو ماسك يد مريم بنته بقوة/اكثر من ساعة ماراح اعطيك يازبالة فاهمتني ولالا؟؟؟ياليت ماتتركين من اغراضك ولاشي......
طلع وتركاها مرمية على الارض تمسح دموعها...وش اللي صار ياربي..وش اللي جاب سالفة علي لمشاري....وشنو بيصير اللحين؟؟؟
/////////////////////////////////////////////////////////
اول ماشافت ابوها قدامها حست بنار ثايرة فيها...
هذا الانسان هو اللي عذبني ها الشهر اللي راح كله..اي هو سبب عذابي...
هو سبب قهري والمي وتعبي وحزني..
هو سبب كل اللي انا فيه ...
هو اللي خلاني اصير مثل السجينة في بيت ذاك السافل الحقير....
هو اللي برمشة عين كان ممكن يدمرني لو اني قعدت هناك اكثر واكثر..
مقدر اشوفه واقف قدامي بكل برود وماكانه باعني بكل رخص....
باعني وانا اترجاه ذاك اليوم يرحمني ومايرمين ها الرمية بس انه كان مصر ...
تعال شوف النتيجة بعينك....تعال شوف همي وغمي وتعبي وكدري..
تعال شوف يديني اللي مدري وش صار فيهم ولاابي ادري,,,
ابو بندر /لبنى..
لبنى بضعف/وين امي...ابي اشوفها؟
ابو بندر تنهد بتعب/حمد الله على سلامتك يابنتي....
ابو علي حس بتطنيش لبنى لاابوها وانها قاعدة تتصد بعينها... وراح يقعد جنبها,,
ابو علي/امك بخير بس لو تطيبين وتطلعين انتي لها بالسلامة مانبي نخوفها عليك...
لبنى/هي مسالت عني وين..
ابو علي/بلى بس اللحين احنا ماقلنا لها انك بالمستشفى يابنتي...
لبنى ببكي/بس انا مشتاقة لاامي...ابيها ..وحشتني حييل ياعمي...
ابو علي/وش فيك يالبنى يبى كلميني...
لبنى قامت تبكي بصوت عالي وهي تقول كلمات مو مفهومة/عمي تعبانة حييل...تعبانة مووت مو قادرة اتحمل حاسة نفسي بموت...هناك شفت الموت بعيوني ومحد حولي!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,

---البارت الاخير---
,,,,,,,,,,,,,,,,,,,,,,
ابو علي/بلى بس اللحين احنا ماقلنا لها انك بالمستشفى يابنتي...
لبنى ببكي/بس انا مشتاقة لاامي...ابيها ..وحشتني حييل ياعمي...
ابو علي/وش فيك يالبنى يبى كلميني...
لبنى قامت تبكي بصوت عالي وهي تقول كلمات مو مفهومة/عمي تعبانة حييل...تعبانة مووت مو قادرة اتحمل حاسة نفسي بموت...هناك شفت الموت بعيوني ومحد حولي!!!
ابو علي ضمها لصره وقال بحنان وهو يربت عليها/خلاص يابنيتي الايام اللي راحت ولت بدون رجعة والايام الجاية خير عليك ان شاءالله..
لبنى ببكي/عمي انت ماشفت اللي انا شفته بها الشهر....عساك ماتشوفه لاانت ولاالناس اللي تعزهم....عسى الله مايوفقه وين ماراح ووين ماجا....عمي انا مابرد له لو شيصير بموت نفسي قبل لاامشي معه...
ابو علي/اذكري الله يالبنى وطلبي له الرحمة والمغفرة وان الله يسامحه ويتوب عليه ويرحمه برحمته....وش ماكان مسوي فيك ماتجوز عليه الا الرحمة اللحين...
لبنى بذهول/مات!!!!!!!متى ماتّ!!!!!!
/////////////////////////////////////////////////////////
شبيصير بحياتي بدونك ياجواهر...ماني قادر اتخيل أي شي ابدا بدونك؟؟؟؟
معقولة بنكمل حياتنا وكل واحد بعيد عن الثاني,,,
طيب لمتى عاد!!!!
معقول قلبك مايرضى يسامح ويغفر لي..ولا على الاقل يسمع اللي ابي اقوله....
انتي تدرين مقدارك عندي زين وعارفة ان كل اللي يصير وبيصير مابيبعدني عندك وبيظل عندي امل معك لااخر يوم بحياتي.....
طلع من غرفته بعد ماااْيس انها تفتح نافذتها وراح وقف عند باب بيتهم ودق الجرس....
طلع له محمد....
محمد/بندر....
بندر/ابي اكلمها...
محمد بارتباك/مدري شقولك....بس مااعتقد ترضى...
بندر/لاتقول لها اني انا اللي عند الباب ..الله يخليك يامحمد انا محتاج اشوفها واسمع صوتها...
محمد براْفة/طيب بحاول فيها....بندر لو شفتها وكلمتها قول لها انك ماكنت تقصد تتزوج عليها حرام يضيع حبكم وتضيع ايامكم وعشرتكم على مجرد انك فكرت تعرس وماعرست..لاتخليها تظلمك.....
مايدري بندر ليش دمعت عيونه.....ويقول بنفسه (ياليت اللي جرى ماكان,,,ياليت اني مااتخذت ها الخطوة من الاساس ولا طعت نزواتي وشهواتي ,,,,اه ياليتني حافظت عليك ياجواهر وكنت صريح معك من البداية,,,,,وش فيها لو اني قايل لك اني انفصلت من شغلي وبديت حياة جديدة وصريحة معك ولاخسرتك ها الخسارة الكبيرة,,,,)
انتبه على صوت محمد يناديه وتلفت له,,
محمد بزعل/قلبها عارف ان انت اللي جاي وقالت لي لو نطبق السماء على الارض ماراح اطلع له..
بندر بحسرة/هي قالت كذا؟
محمد بزعل/بندر انا اسف بس هذا اللي صار...
/////////////////////////////////////////////////////////
كان يمشي بسيارته بسرعة متهورة وماهو عارف وين يروح..
كان يناظر بمريم بنته اللي جنبه واللي بكت بكت لين نامت,,,,
ماكان متوقع ها الشي ابدا ولامر على باله,,,,
كان طول عمره يحبها ومخلص لها ولايرضى عليها بكلمة وحدة تنقال قدامه,,,
كان يدافع عنها بكل ماانعطى من قوة لانه فعلا كان يحبها,,,,
ماتوقع خيانتها له وماتوقع انها ممكن تحب شخص ثاني وهي على ذمته,,,,
طلع جواله ورجع يناظر بمقطع الفيديو اللي عطاه اياه علي من الصبح يوم يلتقي فيه على قولة علي بمحض الصدفة!!!
حكى له عن لمياء وعن علاقته فيها وانها كانت تبي علي بس هو اللحين مايبيها وعطاه مقطع فيديو لهم يوم كانوا بالمقهى قاعدين يوم التقوا اخر مرة ..يوم يطلب علي من الهندي انه يصورهم هو ولمياء بالجوال مقابل مبلغ من المال بحيث انها ماتنتبه لهم....
رجع تنهد من جديد....معقولة تحبين ها الانسان وانتي على ذمتي!!!!
تخونين يالسافلة يالحقيرة؟؟؟؟
لفت انتباهه صوت مميز بالاذاعة يشدو بشي يحاكيه ورفع الصوت بقوة وحط راسه بين يدينه وقام يبكي....
كان صوت راشد الماجد طارب السيارة بحزن,,
قهر ماكنت انا ادري تعيش بقلبي كذابة,,
قهر توي عرفت انك على الحبلين لعابة,,
كذب كانت سواليفك,,,
وكل كلمة على كيفك,,,
وانا اللي كنت احسبك روحي,,,
ولقلبي اقرب احبابه,,,,
//////////////////////////////////////////////////////
الجازي/العشى جاهز مابتنزلين؟
فوزية/مالي نفس...
الجازي/بس ابوي قال لي لاتنزلين الا وهي معك....
فوزية قامت من مكانها ونزلت مع اختها وقعدت مع ابوها وامها ومصعب على الطاولة بدون ماتتكلم...
ابو مصعب/ليش مارحتي اليوم دوامك؟
فوزية بدون مبالاة/ماخذة اجازة...
مصعب/كم يوم....
فوزية بنفس اللهجة/مفتوحة.....
ام مصعب/ليش؟؟؟؟ماورانا سفرة ها الايام...ومو من زين جو الرياض بها الفترة علشان نتمشى ونروح ونجي...
فوزية بحدة/أي بس انا فيني قهر وماني قادرة اتواصل مع العالم الخارجي!!!!
ابو مصعب/فوز.......
سكتوا كلهم...........
فوزية وهي تناظر امها/دريتي ان محمد سافر اليوم.....راح لمنال امريكا...
ابو مصعب/وانتي من قال لك؟
فوزية/خالي فهد.........
ام مصعب/ماقال لي ابوه انا مكلمته اليوم ومافتح لي سيرة........
فوزية/وش يهمك تعرفي......مو محمد مايعني لك أي شي من الاساس!!!
ام مصعب بحدة/سمعي عاد.....ماهو اخر الناس بالعالم علشان تزعلين نفسك علشانه....بيجيك اللي احسن وافضل منه....
مصعب بتمتمة/مااظن...
ام مصعب/وانت شعندك بعد؟
مصعب/ولاشي....
ابو مصعب/امك تقول انها شايفة لك بنت حلال.....خلنا ناخذ منهم موعد ونروح نخطبها لك......
مصعب/ماله لزمة...ماتناسبني.....
ام مصعب/انت ماتعرفها كيف جزمت انها ماتناسبك.....
مصعب/قلت لك انا ذوقي صعب ومايرضيه أي شي....
بعدين انا بنفسي بدور لروحي زوجة لاتتعبون حالكم...
ام مصعب/شها الكلام.....
مصعب/يمه...ماابي وحة حسب مواصفاتك انتي واللي تبينه انتي فيها!!!ابي وحدة لي انا تعيش معي انا...حسب رغبتي ومواصفاتي انا!!!
////////////////////////////////////////////////////////
نجود/وبتتاْخر؟
فهد/شوفي وش يصير...مدري مقدر اوعدك بساعة محددة ارجع فيها..
نجود/طيب لاتطول حبيبي لاتنسى اني بنتظرك...
فهد/لاياعمري بحاول اني مااتاخر....
نجود/طيب وبومشاري يبي يروح معك..
فهد/لامارضى..يقول كافي اهانة امس وولده مو من شينه علشان يرفضونه في الف وحدة تتمناه...
نجود/وهم الصادقين الرجال مهما سوى ومهما قال ماينعاب!!وبعدين هذا ولدهم وعارفين ازين لهم من شي مايعرفونه...
فهد/المشكلة انهم يبون بعض....هي تبيه ورافضة تاخذ غيره وهو يبيها....
نجود/عموما اذا حسيت ان السالفة بتكبر وبتكبر بينك وبينهم اطلع منها انت مالك شغل....مو بالنهاية تطيح السالفة فوق راسك.....
فهد/وش بتسوين ..بتقعدين تجهزي لي سهرة حلوة ولا شلون؟
نجود/ياسلاااام انت تطلع وتتركني وانا اجهز لك سهرة حلوة....مو كفاية ان ام فيصل بتكون معك هاذي بروحها تكفيني انها تحرقني!!!
فهد/وش تحرققك فيه يابنت!!!!!انتي عارفة انتي منو وشنو ؟؟؟
نجود بثقة/عارفة بس ماابيها لاهي ولاغيرها ياخذونك مني....حتى لو بس مدة مشوار رايح جاي.... !!!
فهد/نجود ترى بنتظرك على نار...لاتسوين لي حركات من هنا وهنا وتنامين....
نجود/انت ناسي ان جواهر بكرة بتجي مع ناصر لازم اجهز نفسي..
فهد/حلوة ذي وش تجهزين فسك فيه؟؟
نجود/ههههههه...
فهد/كل شي تمام بالمزرعة....كلمت مصعب وقال اذا بغيتي شي دقي عليه وهو بيجيبه لك لاني باعث الحارس ياحذ اغراض لها...
نجود/طيب مو مشكلة...بس ترانا مابنروح المزرعة بدري لان ناصر مدري كيف نظامه بيقعد كثير ولا بس بيسلم وبيطلع..
فهد/لاابشري بياكل قلبك لين تقولين له وش بتسوين بسالفة خطوبته؟
/////////////////////////////////////////////////////////
علي/تبين شي يابنت عمي..
عبير/لاشكرا...
علي/..............
عبير/................
علي/طيب فيني اخذ حمود معي مشوار..
عبير/لاهو مايرضى يطلع مع احد...
علي/طيب خليني اجرب...تعال حمود بنروح البقالة؟
حمود/لا....
علي/ماتبي تشتري حلاوة وشيبس...
حمود ناظر بعبير..
علي/طيب تبي تروح الالعاب....
حمود/ابير تعالي معي...
عبير/لاحمود تعال خلاص..
علي/ليش ياعبير..خليه يتعود علينا ليش تبعدينا عنه...
عبير/.............
حمود/يالله ابير...
عبير/خلاص اذا شفنا ناصر بعدين خليناه يودينا...
علي بزعل/ليش ياعبير....ليش ناصر أي وعلي لا؟؟؟
عبير/...............
علي/ادري انك مو مصدقتني بس انا مشاعري صادقة معك...انا فعلا احبك وندمان اني فرطت فيك...لالمياء ولاستين الف منه ممكن يغيرون ها القناعة عندي...عبير انتي كنزي الوحيد والاثمن واللي ماابي افرط فيه طول ماانا عايش...الله يخليك عطيني فرصة اثبت لك ها الشي....
////////////////////////////////////////////////////////
ظلت تبكي وتبكي وتبكي بعد ماطلعوا بعد انتهاء الزيارة....
يوم عرفت ان مسفر ماااااات...اصرت على عمها تعرف وش اللي صار وكيف هي هنا....
اللي تعرفه انها تخبت مع الطباخ برى الحوش واتفقوا اول ماتبدي السهرة يطلعون بس اللي صار انهم تفاْجاوا بالنار الشابة بكل ارجاء البيت وبعدها ماتدري وش اللي صار قعدت اليوم ولقت نفسها في المستشفى,,,
كيف وصلت هنا ها الشي ماتدري عنه..كيف التقت في عمها ماتدري بعد...
سالت عمها وقال لها ان عبدالعزيز هو اللي جاهم البيت............................................. .................................................. .................................................. ................................قال لها السالفة من البداية لين ماوصولها المستشفى ناصر وعبدالعزيز هي مع الطباخ......
تجمعت الدموع بعيونها وماقدرت تمسك نفسها .....
عبدالعزيز...كيف ..كيف ها الشي صار؟؟؟
ماهي قادرة تتخيل انها كانت بذكراه وكان خايف عليها,,ماهي قادرة تتخيل كيف وصل لها هناك ماهي عارفة وشلون نظر لها بعد ها السالفة وش ممكن يكون قال عنها...
لاياعبد العزيز لاياحبيبي انا مااخذته عن قناعة وبرضى...
اخذته غصبا عني وتحت تهديد منه...
قال لي اذا مااخذته بيطلق امي وكان لازم اتنازل علشان حياتها ماتندم,,,,
حبيبي...الله يخليك سامحني على اللي صار وعلى فراقنا اللي ماكان محسوب ..بس انت طمني عنك شلونك,,شخبارك وشنهي علومك,,,
عايش ومرتاح ومتهني..ولابعدنا مضايقك بعده,,,
///////////////////////////////////////////////////////
ابو مصعب/فهد علامك متضايق كذا!!!
فهد بنرفزة وهو يناظر بااخته/كان لي عتب عليك وعلى اختي بس ماله داعي..
مصعب/شدعوة ياخالي....
فهد/يعني معقول اكون اخر واحد يعرف بموضوع الخطوبة؟؟؟؟
ام مصعب/ياخوي..
نجلاء/وليش ماقالوا لك بيت اخوك مو هم اللي جايين يخطبون؟
فهد بحدة/انا عارف السالفة من بو مشاري.....وعرفت بعد عن الرفض بس كنت انتظر اسمع الخبر منكم...معقول اسمعه من مصعب وفوزية ومااسمعه منك ياام مصعب؟؟؟اشوف فاضية بس تمسكين لي الزلة عن نجود وعن لبسها وعن علاقتها بالبيت و فيكم ومنتي فاضية تكلميني عن السوالف المهمة بالعائلة واللي تناخذ بجدية؟
ام مصعب/:كنت جاية بقولك ذيك الليلة و....
فهد/وشنو؟
نجلاء/وشوفة نجود سدت نفسها وماقدرت تقولك؟
فهد بتهديد/انتي ياتسكتي يابندخل المجلس نتكلم بروحنا محد طلب منك تقولين شي!!
ابو مصعب/فهد..شها الحكي؟
فهد/بذمتك اللحين السالفة وش يدخل نجود فيها؟؟؟؟
ام مصعب/فهد خلاص ياخوي السالفة صارت وانتهت وحقك عليّ!!
فهد/ومن قال عاد اني جاي علشانك....انا جاي علشان فوزية طلبت مني اجي واقول اللي عندي....
ام مصعب ناظرت في بنتها اللي كانت مستقوية بفهد...
فهد/اجل مايشرفكم ولد اخوي......لاقين لكم واحد احسن منه علشان كذا رافضينه؟
ام مصعب/فهد لاتاخذها بها الحساسية بس لاتنسى انها بنتي وتهمني مصلحتها وانت عارف محمد ولد اخوك وسوالفه.....
فهد/اللي اعرفه انه من زمان قال ابيها وكنا بالبيت دايم نقوله انتظر لين يجي الظرف المناسب...انتظر لين يرجع ابوها..انتظر وانتظر وانتظر....وانا واحد حاس بالاحراج ...لاني كنت من مؤيدين انتظاره لين رجعتك يابو مصعب واخر شي ماسويت لنا شي بها الانتظار؟؟
ابو مصعب/؟؟؟؟؟؟؟؟؟؟؟؟؟
فهد/عارفة ان بنتك تبيه وعارفة من زمان انه يبيها....
ام مصعب/بس انت ماترضاها لو كانت بنتك ياخوي...انت عارف محمد وعارف سوالفه وعلاقاته..
فهد/والكل يضل على نفس اطباعه مايتغير؟ولا تبين يجيك واحد راعي حسب ونسب من الناس اللي ترفعين راسك فيهم وبس تتعود عليه يوريها حقيقته؟هذا انتي عارفته وعارفة امه وابوه وتربيته ومعدنه..وعارفة أي حياة بتعيشها بنتك معهم والاهم من هذا كله عارفة ان بنتك تبيه وماهي متنازلة عنه....
عموما ياام مصعب القرار بالنهاية كان لكم وماشاورتوا بنتكم وانتوا اللي خسرتوا محمد مو هو اللي خسركم سهل انه يلاقي بدل فوزية الف وحدة بس بنتكم صعب تلاقي واحد مثله وبمثل مواصفاته ومواصفات اهله......
ابو مصعب/فهد........خلك وجه خير بينا وخلنا نرجع نتكلم بالسالفة من جديد..
ام مصعب/لا....
فهد/ومن قال لك ان السالفة عاد فيها حكي ..محمد سافر وبعد كم يوم بيرجع وامه قاعدة تدور له بنت حلال واخته بعد تدور وان شاءالله يلاقون ويتهنى معاها..
فوزية بحسرة/خالي..
فهد/فوزية انتي فاهمة ومقدرة ها الشي...[س اهلك رفضوه ولاتتخيلين ان محمد ممكن ينتظرك ولايرجع يطلبك مرة ثانية بعد اللي سمعه من امك!!!اكيد بيدور غيرك....ادري انك ماتوقعتي اجي واقول ها الكلام بس انا لازم اقوله لك اللحين وقدام اهلك...فوزية اذا انتي حاطة شوية امل ان محمد ممكن يرجع ويتصلح كل شي بينكم فاانتي غلطانة يابنت اختي.....
تظل كرامة الرجال اغلى ماعنده وتاْكدي لو انجرحت مرة بيظل طول عمره شاسلها بقلبه ولاراح يرضيه أي شي مهما سويتي ؟؟؟
فوزية وهي تبكي/بس انا مالي شغل ياخالي..الرفض ماكان عن طريقي ..هم رفضوا بدون مايعطوني أي خبر...ويوم دقيت له انقل له وجهة نظري وقراري مارضى يرد عليّ!!
فهد/تفاهمي مع اهلك......انا تاخرت ولازم امشي...تصبحون على خير......
ابو مصعب/تو الناس يافهد اقعد خل نتعشى سوي...
فهد/أي عشى يابو مصعب ؟؟من زمان تعشيت وجيتك؟؟الساعة داخلة على الاحدعشر اللحين...
مصعب/خالي ودي اسولف معك شوي ...
فهد/مرني بكرة المكتب..
مصعب/لامااقدر بكة انا مشغول ولانسيت ان بكرة.....
ام مصعب/شعندكم بكرة؟
مصعب.،/ولاشي يمه...سالفة بيني وبين خالي.....المهم ماقلت لي متى؟
فهد/مدري والله اشوف وبعدين اعطيك خبر.....
/////////////////////////////////////////////////////////
نجود/وانتي خلصتي مذاكرتك؟
لمى/أي...
نجود/وليش مانمتي وسهرانة للحين؟
لمى/لان بكرة المدرسة بيسوون يوم مفتوح وانا ماراح اروح...
نجود/ليه...خبري البنات ينتظرون اليوم المفتوح من بداية السنة ليش انتي بتغيبين.؟
لمى/ملل...مو حلو...احسه يوم صارم وكله انظمة وقوانين...مو مثل باقي المدارس...لا نقعد بالمسرح من الصبح لين وقت الفسحة واحنا بس نشوف افلام تعليمية وبعدين نروح نشتري من المقصف المفتوح اللي يسوون ونقعد بالساحة نفطر وبعدها نرجع المسرح من جديد نشوف الفقرات اللي هم معدينها بمشاركات بعض الطالبات...
نجود/اممممم...
لمى/عشان كذا قلت لاامي اني بغيب ماراح يفوتني شي.....
سارة بغتها فرصة/احنا اصلا يومنا المفتوح سخيف بعد نظل من الصبح ندرس للفسحة وبعد الفسحة نقوم الساحة اللي مافيها غير اشياء سخيفة للبيع ومافيه أي نوع من انواع الرفاهية...
كانت نجود تناظرها وهي عارفة انها تبي تتكلم معها..
نجود/انتي بعد عندكم يوم مفتوح بكرة وبتغيبين؟
سارة/لا...انا بكرة عندي موعد لااسناني وماراح اروح....
نجود/وليش ماخذة الموعد بيوم مدرسة عندك يوم الخميس ولا اخذيه بالعصر....حرام تضيعين عليك يوم وتغيبين,,
سارة/انا مالي شغل امي هي اللي سوت لي الموعد...
نجود/وفيصل وينه....
لمى/كان بالبيت يلعب مع مريم...
نجود/لمياء هنا..
لمى/لابس مشاري.....
نجود/ليش ماتقصين شعرك يالمى بتطلعين احلى وبتبان ملامحك الطفولية....ليش مخليته بها الطول؟
لمى/ابوي مايرضى نقص شعورنا....
نجود/قلتيلي.....
لمى/انتي ماحكيتي لنا عنك شي..
نجود/وش تبين اقولك,,,,,
لمى/أي شي.....
نجود/بكرة ناصر اخوي بيجي يزورني وبتجيني صديقة عمري جواهر.....
لمى/أي اتذكرها ...تشبهك صاحبتك...مدري احسكم نفس الشي...
نجود/طبيعي نكون نفس الشي احنا مع بعض من كنا اصغر منك ..من اولى ابتدائي واحنا مع بعض وظلينا مع بعض لين كبرنا ماعمرنا افترقنا ولامرة بالمرسة نفسها وبالفصل نفسه وبالكلية نفسها وبالقسم نفسه...بس يوم طلع لنا التوظيف هي كانت بالشرقية وانا كنت مرتين بالضهران والمرة الثالثة جيت بالرياض وتثبت اللحين هنا...
سارة/أي بس على كذا ماتعرفتوا على جماعات ثانية وظليتوا حاكرين علاقتكم في بعض؟
نجود/لاطبعا...عندنا زميلات كثار بعضهم مشترك وبعضهم لا..بس يظلوا زميلات مو صديقات؟
لمى/وش الفرق..الزميلة مثل الصديقة؟
نجود/في فرق ..الزميل يتعامل معك بالواجب وحسب الرسميات بس تظل بينكم خطوط ماتتجاوزوها..
بس الصديق هو اللي تتعاملين معه بكل شفافية وصراحة ووضوح ويعرف عنك كل شي واسراركم مع بعض ماتخشونها عن بعض....في فرق بين الصديق والزميل ولا مافي؟
لمى/في.....
سارة/خالتي....ممكن اتكلم معك..
نجود/خير...
سارة/خالتي انتي.....
نجود/شنو؟
سارة/انتي بتظلين زعلانة مني؟
نجود/وانتي يهمك هاالشي....
سارة/أي...
نجود/ليه؟
سارة/لاني ماابيك تظلين زعلانة مني....ابيك تكونين قريبة.,,,
نجود/.............سارة,,فكرتي بكلامي اللي قلته لك ذاك اليوم؟
سارة/أي,,
نجود/ولشنو وصلتي؟
سارة/انا عارفة اني كنت غلطانة....وودي اتغير والله...بس ابيك بالاول تسامحيني,,,,
نجود/سارة..انا مو شايلة بقلبي عليك علشان اسامحك بس انا يهمني رضا فهد وفهد ماهو راضي عنك مية بالمية,,,
سارة بترجي/قوليله سارة تغيرت ياخالتي واللي يسلمك,,
نجود/وش اللي يضمن لي؟اخاف اقوله وبعدين ترجعين مثل قبل واصير انا بالواجهة معه؟
سارة/لاياخالتي تكفين صدقيني انا تغيرت وابي اتقرب منك واكون صديقتك واتعلم منك كل شي يرضي ابوي ويهمني بحياتي,,,,لاتقولين لا تكفين,,,
/////////////////////////////////////////////////////////
نورة/عبد العزيز وش فيك؟
عبد العزيز رفع راسه وهو متضايق/ولاشي,,,,
نورة/حبيبي علامك,,,صاير لك يومين منت على بعضك عسى ماشر؟
عبد العزيز/ولاشي...بس في كم شغلة قالقتني وقاعد افكر فيها,,,,
نورة/شنو..اذا ماعندك مانع,,
عبد العزيز/لاتشغلين بالك,,,,سوالف بالشركة ..وماتسوى توجعين راسك فيها....
نورة/أي بس بعد مااحب اشوف وجهك متضايق ومهموم,,,
عبدالعزيز وهو في باله يزور لبنى بالمستشفى وقاعد يغالب نفسه/انتي..انتي سعيدة معي يانورة؟
نورة/طبعا......
عبد العزيز في نفسه(لاتحبيني تكفين..اكرهيني..انا مو قادر اشيل لبنى من بالي ومااقدر اتزوج ثنتين ومقدر اعدل بين اختياري لها واختياري لك,,,,ولو اني ماادري عن ردة فعلها ناحيتي شنهي بعد فراقي المفاجىْ لها)
/////////////////////////////////////////////////////////
مصعب/خلاص يافوز خلاص..
فوزية كانت تبكي بحرقة,,,وقاعدة على الكنبة اللي بالصالة وابوها موجود وساكت....
مصعب/انا برجع ادق عليه اول مايوصل لي خبر انه استقر عند منال..بكلم مشاري وباخذ منه رقمهم هناك,,,,
فوزية/شتبي مني خلاص اتركني بهمي,,,قلتوا رايكم ورفضتوه شتبوا مني بعد؟
مصعب/شها الكلام يافوزية عاد...انتي عارفة اني احب محمد وودي يكون نسيبي بس شسوي باهلك انا؟؟؟
ام مصعب/عدل لسانك وتكلم مثل العالم والناس؟؟
مصعب/قلت لك بكلم محمد اذا وصل هناك وبقوله؟
فوزية/شبتقوله يامصعب شبتقول؟؟؟تعال اخذ اختي تراها بتموت علشان تاخذها؟؟؟ترى الموضوع صار فيه سوء فهم؟؟؟تبي تبيعني برخيص وتذلني علشان يرضى ياخذني؟
مصعب/لايافوزية لا...مو كذا تفكيرك ولالايكون عدوك بعض الناس بكلامهم وتفكيرهم؟
ام مصعب/لا...من تقصد بكلامك؟
مصعب/فوز....انتي تبينه وهو يبيك...خلاص مالكم شغل بااحد...ياليت بس اللي في بالي تقول ...
ام مصعب/كمل شاالسالفة ؟؟؟منهي هاذي اللي تبيها تقولك أي شي؟
مصعب تنهد وناظر بفوز اللي وقفت عن بكيها....
ام مصعب/انا اسمع قول...
مصعب بثقة/وحدة...
ابو مصعب/مصعب..يبى تكلم باادب مع امك علامك صاير كذا...انت طول عمرك عاقل وفاهم علامك انقلب لسانك,,
مصعب بتاْثر/لان امي قاهرتني,,,,قالت كلام ماكان المفروض تقوله...هذا بحسبة ولدها وطول وقته معنا ورابي بينا...حتى خالي زعل ولاتقولين بيمشي الامر عادي لا...انتي عارفة اني احب خوالي من صغري..وانهم عوضو ني عن غياب ابوي كثير اكثر من عمامي..مااتخيل بيوم من الايام افقد احد فيهم علشان موضوع نسب وانا اللي لو بلف العالم ماراح الاقي افضل منهم,,,,يمه انتي تعجلتي كثير بكلامك,,,بذمتك منتي متحسفة انها ماراح تاخذ ولد اخوك؟
ام مصعب بثقة/لا...ماني متحسفة على محمد ابدا!!!لو مشاري يطلق مرته ويجي ياخذها اعطيه اياها بدون مهر حتى لاني شاريته؟
ناظروا فوزية ومصعب في بعض نظرات عميقة وكان معناها واحد فهموه هم بس وقاموا بعدها لغرفهم,,,
///////////////////////////////////////////////////
رحاب /هلا مشاري تفضل...
مشاري كان حامل مريم وهي تبكي/رحاب ممكن اطلب منك طلب
رحاب/وبتطلبه عند الباب ادخل بس..
مشاري بتردد/رحاب انا منحرج اني بطلب منك بس مالي غيرك..
رحاب بخوف/شا السالفة ياخوي فيك شي..
مشاري/ممكن تاخذين مريم تنام عندك الليلة..انا عارف ان عندك بسمة وبتتعبين بس والله مالي غيرك..
رحاب/شسالفتك انت..جيبها باخذها..بس شفيك كذا خلقتك معفوسة؟
مشاري بضيق/تعبان يارحاب تعبان...
رحاب/ادخل بس ادخل..
مشاري/لاماعليه مافيني اقولك شي اليوم بكرة بمرك وبقولك بس مني لبكرة لاتعطين امي خبر عن شي..
رحاب/مشاري متاكد ياخوي مافيك شي..
مشاري بتنهيدة/أي....
رحاب/مشاري اذا حاس انك موقادر تركب تكمل دربك اقعد ياخوي حياك نام الللية هنا وبكرة روح,,,,
مشاري/لا يارحاب شكرا لازم امشي....
مريم/وماما...
رحاب/أي لمياء وينها؟عسى مافيها شي؟انا نسيت ماسالت عنها ولهيت فيك؟
مشاري بضيق/مع السلامة يارحاب..بكرة موعدنا ان شاءالله....
رحاب وهي تدخل مريم وعلى وجهها الف علامة استفهام من سالفة مشاري...
//////////////////////////////////////////////////////
دخل غرفة النوم ولقاها بالفراش وشكلها نايمة....
شال شماغه وفتح الاباجورة اللي جنب السرير ولف عليها رفع غطاها ولقاها لسه مانامت....
فهد/بدت العيارة؟
نجود بدلع/روح نام معها انا ماابيك؟
فهد لصق وجه فيها وقال بشوية عصبية/عيديها مرة ثانية؟؟
نجود وهي تناظر بوجهه اللي مايفصله عنهم أي شي وقالت بنفس الدلع/وش بتسوي اذا قلتها؟؟
فهد بجدية/بروح عندها؟؟؟
نجود/يالله اذا تقدر روح..منو ماسكك...شكلك طلعت معها وحنيت لها يابو فيصل..ونسيت نجود وايامها.....مالت على حظي!!!!!
فهد/أي والله مالت عليك!!!اجل بذمتك هاذي السهرة اللي مجهزتها لي!!تقولين لي روح نام معها ماابيك!!
نجود بثقل/ومن قال لك تاْخر لها الوقت ياعيوني....
فهد/شسوي فيهم انا قعدت انتظر لين نوصل لحل وقلنا وعدنا وبعدها رجعت..
نجود/ووصلتوا لحل؟
فهد/مايبيلها حل ياعمري رفضوه تبينه يرجع ويقول ها وش رايكم اللحين ويقولون له أي غيرنا راينا وهي تبيك وتعال اخذها!!
نجود/شلون يعني ماراح تاخذه؟
فهد/نجود حبيبتي السالفة منتهية؟
نجود/لا ماهي منتهية اذا هي تبيه وهو يبيها ليش يظلون على كلام امها وبس!!!!حتى ابوها ماعنده ذيك القناعة انه يرفض بس سكت علشان اختك؟
فهد/محد شابها غير مصعب..
نجود/يعجبني ها الولد صراحة..احب الرجال الحقاني واللي مايوقف مع اهله ضد الحق!!
فهد/بس المشكلة انه واقف بشدة وبقوة ضد امه...
نجود بلا مبالاة/زين يسوي فيها علشان تدري ان الله حق...مو شاطرة بس على ولد اخوها....والله شزينه حمود لوجاني ماقلت له!!!
فهد وهو يناظرها/لا!!!عيديها بعد قدامي!!!
نجود/أي وانا الصادقة...عمر الماضي ماعاب الرجال يافهد ياحبيبي وبعدين هو وش كان يسوي كان يرقم ويغازل وبس!!ماوصلت فيه انه يطلع معهم ولااستغفر الله يستدرجهم ويسلي نفسه ويرميهم....وبعدين اذا هو تاب ويوم عرفها قطع ها الشي معناته هو مخلص لها..لعلمك الوحدة هي بيدها تخلي زوجها يمشي سيده ولاتخليه يمشي نص ونص,,,هي بدلالها له...بحبها وتقديرها وبتعاملها معه تكبره بعيون نفسه وتحببه لها...ولا....انت عارف باقي القصة؟
فهد ضحك بشماتة وكانه يقول لها عارف انك تقصدينها؟
نجود قعدت على الفراش/اليوم بناتك كانوا عندي....
فهد/أي...
نجود/وعقدنا صفقة صداقة جديدة؟
فهد/انتي ولمى وسارة؟لمى بصدقها بس سارة....
نجود/بلى......اسمع..................................... .................................................. .........
/////////////////////////////////////////////////////
منال/حمد الله على السلامة,,,
محمد بدون نفس/الله يسلمك.....
منال/كيف كانت الرحلة,,,,اكيد متعبة؟
محمد/ماحسيت فيها؟
منال/معليش شقتنا متواضعة شوي بس ترى فيها كل الخدمات.....
محمد/وين راح تركي؟
منال/اليوم عنده محاضرة وماراح يرجع قبل اربع ساعات؟
محمد/..................
منال/شلون الباقيين...اشتقت لكم,,,
محمد/هم بعد اشتاقوا لك,,,,
منال/ليش منت منهم ولامااشتقت لي!!
محمد بياْس/ماتوقعت ابدا ان عمتي تكون هاذي ردة فعلها وبها القساوة؟؟؟؟
منال/.................
محمد وهو يرد كلمة عمته/مافكرت ياخوي تعطي بنتي لمشاري وعطيته لوحدة مدري من وين وتبيه تعطيها محمد!!!!
منال/محمد...
محمد/انا شفيني يامنال؟لهدرجة انا سيء ومااتعاشر ابدا!!!
منال/ليش حاط في بالك ها الشي عاد!!!
محمد/منال انتي مو فاهمة احساسي...حاس نفسي بختنق ,,بموت,,,مو قادر,,,كنت انتظر ها اليوم بقد مافيني وتمنيته ماوصل؟
منال/محمد...
محمد/ياليتها ماعشمتني ولاقالت لي بنكون لبعض ولاخلت الفكرة تتعلق في بالي,,
منال/لايامحمد ..هي تبيك وانت عارف انها تبيك,,,,ليش بعد تحط اللوم عليها؟
محمد/مدري يامنال مدري...ياليت ابوها اللي قال لا كنت بقول ابوها بس اللي قالها عمتي ..فاهمة شلون جرحتني وانا اللي طول عمري رابي مع مصعب وهو معنا وانا عندهم,,,,
منال/مافي شي وماله حل يامحمد..
محمد/ومن قال لك اني قاعد ادور حل؟؟؟خلاص افترقنا؟
منال/تقولها بها السهولة وكانها كانت مذنبة بللي صار يامحمد؟
محمد/منال...لاتفكرين ان مشاعري بتقدر تقول لها مرة ثانية انا ابيك..مستحيل مااقدر في شي داخلي انكسر....
منال/ولو...انت بعد لازم تفكر بفوزية اللي خاطرها انكسر خصوصا انها ماعر فت باالسالفة بدري...قلت لي كلمتك ولالا؟
محمد/مارديت عليها؟
منال/لايامحمد انا مو معك..لازم ترد عليها....وتتواجهون لمتى بتظلون موقفين الموضوع بدون أي حل..
محمد/................
منال/فكر انها بعد هي تحبك وتبيك وان قلبها انكسر يوم قالوا لا بالنيابة عنها....انا بكلمها بكرة ولازم تكلمها معي..
محمد/لاماابي اكلمها....
منال/محمد...هي كانت تتمنى يجي ها اليوم مثلك..حرام...انا اعرف فوز,,تلاقيها ذابحة حالها اللحين ومحد لها.....
//////////////////////////////////////////////////////
اليوم الثاني,,,,,,
عبير/علامك انتي قولي الحمد الله على كل حال,,
لبنى/الحمد الله ياعبير الحمد الله...
عبير/حمود ماسلمت على خالتي لبنى,,,,
لبنى/وين يسلم عليّ!!شوفيه قالب لي علبة الشوكلاته وياكل فيها ذكرني بولد عمي مذكور بخير ناصر,,,انا ذابحة حالي امس اساله عنكم وهو يقولي أي الاحلى هاذي والا هاذي؟
عبير/هههههه حرام عليك ياحليله ولد عمي مامنه اثنين والله...
لبنى/أي والله عسى الله لايحرمنه منه ماني قادرة انسى فضله لولاه بعد رحمة الله انا كنت بكون تحت الثرى,,,,,
عبير/على قولتك,,,ناصر اخو دنيا عسى ربي يسعده؟
عبير/ابيكم تقولون لي وش صار بعرس بندر؟كيف صارت الامور هناك,,اكيد جواهر صارت تحفة ..شفتي ثوبها مو يجنن....متى بيرجعون من شهر العسل؟
عبير/ناصر بالرياض اليوم رايح يزور نجود؟ترى دايم تسال عنك...كانت عاتبة انك ماحضرتي..
لبنى باصرار/انا اتكلم عن زواج بندر وانتي تقولين زواج نجود وناصر رايح الرياض؟؟؟؟
عبير/متى بيرخصونك؟
لبنى/عبير شا السالفة؟
عبير/أي سالفة فيهم بالضبط؟
/////////////////////////////////////////////////////////
في شقة نجود,,,,,
ناصر/وين الاكل وين الحلويات وين الاشياء؟
نجود/مالها داعي بنقوم نروح المزرعة ماني حاطة شي؟
ناصر/يا انك بخيلة من جد؟
جواهر/وين احباب الله ؟
نجود/ماشفتهم اليوم.....
ناصر/انا ماني رايح معكم المزرعة؟بس بشوفها وبطلع..
نجود/وبنموت عليك تقعد ان شاءالله؟؟؟بكيفك..
ناصر/نجيد...
قاطعته نجود/انت بضيافتي ولاتنسى..ماله داعي تناديني باسم مااحبه؟
ناصر/وين الوعد على السالفة اللي اتفقنا عليها؟
جواهر/اكون يعني ماادري انك تبي تخطب ومسوي روحك تتكلم بالالغاز؟
ناصر/وانتي بخور الشرقية كل شي تقولينه؟
نجود/علشان تجيب لي بنات حلوات واختار منهم.....
ناصر،/أي مو قطعتي روحك انتي بعد بالاختيار...
شوي والا الباب يندق..
كانوا سارة ولمى وفيصل....
نجود/هلا...هذا اخوي ناصر تعالوا سلموا عليه,,,
سارة/انا مو لابسة عباية بروح البس عباية ابوي مايرضى,,
جواهر/امحق ابوك مايرضى؟؟تعالي اعلمك عن سوالف ابةك مع نجود..
ناصر/علميني انا تراني بعرس...
لمى/شلونك؟
ناصر/هلا... بوسي راسي يالله....ترى انا خالك اللحين,,,,
نجود/نويصر بلاثقالة دم عليها تراها تستحي واقل شي يبكيها..
ناصر/على منو صايرة حلوة اكيد زوجته الاولية احلى منك؟
نجود باعتراض/لاعيوني انا احلى...هاذي ماخذة جمال ابوها بعد عمري..
ناصر/لاهو حلو ولاهو حلو,,وش رايك جواهر..
جواهر/في هاذي انا اتفق معك بصراحة؟
نجود/يالله قلبوا وجوهكم اثنينكم انتوا شيفهمكم اصلا بالجمال الحمد الله والشكر؟؟؟
ناصر/وانت ماتفز تسلم عليّ!!!
فيصل اخذ على الجو وجا وقعد بحضن ناصر واخذ وعطى وسوالف وكانه يعرفه من زمان...
نجود/ناصر انت تحب الناس اللي يفتنون؟
ناصر/لا طبعا..
نجود/واللي قعد معك ويسولف وياخذ ويعطي وبعدين يروح ينقل حكي لغيرك هو مايعرفه ولايدري عنه صدق ولا كذب؟؟
فيصل بطولة لسان/بس ساعات صحيح؟؟
ناصر فهم انها تقصد فيصل....
ناصر/حتى لو كان صحيح اللي ينقل حكي بين الناس مايحبونه اللي حوالينه ابدا...ودايم يتضايقون منه,,
جواهر/ليش انتي تعرفين احد يسوي ها الحركات يانجود...لايكون انتي لمى اللي تنقلين الحكي بس...لالالا بزعل منك اذا انتي!!!
لمى/لامو انا....
نجود/ناس تعرف حالها حتى انا قايلة لها لاتجين شقتي ماابيك تجين ....
ناصر/يمكن انتي غلطانة نجود كل اللي قاعدين هنا مايسون ها الحركة لانهم عاقلين ومربين ....يالله انا بقوم اتمشى بالرياض شوي....وبعدين بجيكم...مين وده يطلع معي يدليني شوارع الرياض لاني ماادلها؟
فيصل/انا طبعا...بلبس جزمتي وبجي.....
/////////////////////////////////////////////////////////
رحاب/قول السالفة ياخوي ترى عجزت افكر في اللي ممكن يكون صار لك؟
مشاري بتعب/بنتطلق انا ولمياء؟
رحاب شهقت/شنو؟؟؟؟ليش ؟؟؟
مشاري/الظاهر يارحاب ماعدنا ننفع لبعض؟
رحاب/ليش؟؟؟لاتقول سالفة فيها عمتي وهي زعلانة ومو راضية وانت بتتابعها وبتطلقها...مشاري فكر حبيبي لو شنو اللي صاير مالازم تتخلى عنها بسهولة هاذي زوجتك وام بنتك وانت تحبها وهي تحبك..
مشاري بتعب/ومن قال لك اني مافكرت..طول الليل مانمت يارحاب.....
رحاب/الطلاق عمره ماكان حل ياخوي...لابتقدر تحرم البنت من امها ولابتقدر هي تحرمها منك..وبعدين لو صار وتركتوا بعض....مفكر انك بترتاح حتى لو اخذت غيرها انت ماتضمن تكون مثلها,,,,
مشاري/مو قادر افكر بشي يارحاب....
رحاب/هذا موضوع يبيله ناس فاهمة..مالك الا تكلم عمي فهد هو عارف بها السوالف واذا قلت له اكيد بيتساعد معك وبيعطيك الحل المناسب..
مشاري/عمي فهد....
رحاب/أي عمي فهد...روح له الليلة وكلمه,,منت خسران شي...على الاقل بيعيك راي حكيم بعد مايفهم السالفة منك...وعمي فهد تضمنه السالفة مابتطلع يمين ولاشمال,,,,
///////////////////////////////////////////////////
لبنى/وش هذا كله؟ليش صار فينا كذا؟
عبير/مدري يالبنى مدري...
لبنى/ليش يابندر ليش...هي تحبك وتموت فيك وكلنا ندري بها الشي....
عبير/هذا امر الله يالبنى شنقول....غير شرعك اللهم ولااعتراض...
لبنى/وامي شلونها...
عبير/الله يصبر قلب امي من بعد سالفة زواجط وهي مالها حال...
لبنى/يابعد عمري ياامي...طيب وهنوفوا شلونها...
عبير/مع امي ..الظاهر خافت عليها ان قعدت لاابوي يسوي لها شي...
لبنى/ابووي.....قامت تناظر باياديها...
عبير/هانت يالبنى هانت,,,بكرة ان شاءالله بتطلعين من المستشفى,,,
لبنى/والله القعدة هنا اريح لي من بيت عمي...
عبير/وليش بترجعين بيت عمي...تعالي معي البيت...انا رجعت البيت يالبنى..
لبنى وهي تناظر باياديها من جديد/لا ياعبير لايمكن..مستحيل اقدر ارجع البيت او اشوف ابوي..مانسيت اصلا اللي صار لي منه من طلعتي من بيته وانا شبه منذبحة لزواجي وللهم اللي عشت فيه شهر كامل وكاني عشت فيه العمر كله...عبير انا لو اقعد اوصف لك الشي اللي شفته هناك بتحسيني ابالغ ولا انقل لك قصة فلم,,,
عبير/ماعليه يالبنى يااختي....هذا كان قدرك..بس صدقيني ابوي تغير عن اول كثير..ابوي صار انسان ثاني ودايم ضايق خلقه عليك ويناديك,,,
لبنى/لانه شاف اللوم منكم ياعبير ....
/////////////////////////////////////////////////////
ناصر/ودك تاكل أي ايسكريم..
فيصل/امممم الفراولة...
ناصر/طيب انا باخذ لي مثلك...
فيصل/ولازم انت بعد تاخذ ؟؟؟
ناصر/من جيبي يااخي وانت وش قاهرك؟
فيصل/ليش انت عندك فلوس واااجد؟
ناصر/الحمد الله...
فيصل:كم يعطونك بالعمل؟
ناصر/سؤال محرج امي ماترضى اقول تقولي الناس يحسدون لاتعلم..قول الحمد الله وبس!!
فيصل/أي....
ناصر/فيصل...انت السنة هاذي بالمدرسة,,,
فيصل/انا ماابي اتعلم..
ناصر/غريبة مع اني احس انك شاطر وتبي تتعلم وذكي....
فيصل/انت ماتعرفني كيف تقول ها الحكي؟
ناصر/أي بس ابوك يسولف عنك دايم...
فيصل/يجيكم ابوي بالبيت كثير...
ناصر/يجي يتغذى معنا يوم الخميس...اقول فيصل..تتوقع منهو الفتان اللي كانت تتكلم عنه نجود اليوم؟
فيصل/...........................
ناصر/انا عن نفسي مااحب ها الفئة من الناس ابدا...لاني احب ان الكل يحبني ويتعامل معي باحترام ومايتكلمون عني من وراي ويوقولون هذا لاتحبونه لانه ينقل حكي بين الناس....
فيصل/ليش مايحبونه اللي ينقل حكي انا اشوفه عادي...
ناصر/من قال لك عادي...في ناس تقول حكي عن ناس من وراهم قصدهم يحلون قضية او مشكلة اذا انت رحت ونقلت الحكي اللي سمعته مو شرط ياخذون الحكي بالضبط يمكن يفهمونه شي ثاني وبكذا هو يخرب بينهم ويفسد العلاقات اكثر واكثر ومايصلحها يافيصل,,,,
فيصل/..............
ناصر/اقول يابو فهد..ليش ماتجي مع ابوك يوم الاربعاء اذا نززلوا الشرقية واعرفك على اصحابي واوريك بيتنا وسيارتي واوريك ولدنا محمد....
////////////////////////////////////////////////////////
في المزرعة..
كانت نجود داخل ترتب الاكل بالمطبخ وجت معها لمى هي وسارة...
وجواهر قاعدة عند البركة اللي برى,,,,,,بس كانت بعبايتها وشيلتها لانها عارفة ان فهد بيجيب لهم اغراض باي لحظة نجود كانت طالبتهم منه....
كانت منزلة رجلينها بالماي وصندلها جنبها ومغمضة عيونها وهي تتمتم بصوت عادي/
يامن تعب,,ويامن شقى,,ويامن على الحاضر لقى,,,انا اللي تعبت ,,وانا الليسهرت,,وغيري تجيني وتسرقه!!!
ليه يازمن يامفرق الناس تعطيني مر المر بالكاس,,,ولو جات من غيرك ترى كان هانت ,,اما تجي منك ياهي قوية,,كذبت فيك احساسي,,وناس قالت,,ماكنت اصدق ان حبك خطية ,,,
وقف وراها بمسافة,,,
ها الصوت يعرفه زين..صحيح انه كان عادي ..بس كان يشوبه شوية حزن ماينساها ومستحيل ينساها,,,

تنهد وهو يسمعها...الله ياخذك يابندر ,,كيف جاك قلب وتجرح وتعذب ها الملاك,,,
منت شايف رقتها وبراْتها,,,,منت شايف كيف انها ارق من الوردة واحاسيسها دوم ماتحتاج أي مترجم,,,
ياعسى ربي يحفظك ويخليك ان شاءالله...
رجع لعند البوابة ووقف ودق عليها...بس ماردت عليه..رسل لها مسج(جواهر ممكن اتكلم معك)ردت عليه(متى)رد عليها بعد ماملته الفرحة|(بالوقت اللي تبينه)
ردت عليه(مدري انا بالمزرعة مع نجود مدري متى ارجع ..متى بتكون قاعد)
رد عليها(انا منتظرك باي وقت ومن قال انه بيجيني نوم)
دق على نجود وقال لها انها بالمزرعة وجاب لها الاغراض اللي طلبتهم من فهد وانه جابه لهم,,,
///////////////////////////////////////////////////////
علي/عبير...
عبير/نعم...
علي/شلون لبنى...
عبير/الحمد الله بخير....
علي/متى بيرخصونها؟
عبير/ان شاءالله بكرة,,,
علي/..............
عبير/بغيت شي...
علي/أي..
عبير/خير..
علي تنهد/اللي اقوله لك كل يوم,,,,
عبير تنهدت/علي خلصنا,,,
علي/لاماخلصنا ياعبير,,,انا احبك وماراح اتنازل عنك بسهولة ولازم تفهمين ها الشي,,,انا احبك ياعبير احبك وانا وانتي بنربي حمود مع بعض ...هو يحتاجني اكثر من احتياجه لك انتي,,,عبير عطيني فرصة اثبت لك اني تغيرت واني بصونك وبحطك بعيوني صدقيني...
/////////////////////////////////////////////////
مشاري بتردد/عمي....
فهد/شفيك يامشاري...
مشاري تنهد..
فهد/مشاري...طول عمرك رجال..قول وش فيك..ليش كذا ضايق خلقك؟
مشاري/عمي....انا بطلق مرتي!!
فهد/تتطلقها؟؟ليش ان شاءالله سامع شي من عمتك ام مصعب انت ولاهي وكبرت بينكم؟؟؟
مشاري/ياليت..
فهد/انت عارف وش معنى طلاق يامشاري اللي قاع تتكلم عنه بسهولة؟
مشاري/............
فهد/مشاري انا واللي عايش مع نجلاء خمس عشرة سنة مالقيت فيها يوم حلو للحين مستبعد فكرة الطلاق لانه شي مو سهل ..تضل الحرمة تنجرح فيه مهما كان ...رغم ان كل اللي بينا اللحين الكره ومافي غيره..بس الطلاق شي كبير يامشاري,,,
انت اللي تحب مرتك وتعزها وتغليها وهي تبادلك نفس الشعور وتوكم باديين حياتكم تقول ها الحكي؟؟والله اني ماهقيتك كذا يامشاري ابدا!!
مشاري بضيق/بس ياخالي اللي بينا شي كبير..كبير حييل..
فهد/مهما كان كبير..في شي اسمه تفاهم,,لو عجزتوا عنه حطوا لكم وسيط من عندك ولامن عندها ولاوسيط لكم اثنينكم....لطلاق اخر شي تفكرون فيه...انت ناسي مريم ولالا؟
مشاري/بس اللي بينا مايتحمله رجال ياعمي..هي ماصانتني ...هي خاينة ياعمي خاينة؟
فهد بعصبية/مشاري لاتتكلم عن شرف البنت كذا وكانك تمثل فلم حرام؟؟تراك محاسب عند رب العالمين؟
مشاري/عمي هو بنفسه جاني وحكى لي عن العلاقة اللي بينهم ووراني مقطع لهم وهم بكافي بالدمام...
وطلع جواله ووراه لفهد اللي من شافه انصدم يوم لقاه علي!!!!!!
ظل يشوف ويسمع بانتباه..
فهد يوم خلص/وين الخيانة اللي فيه؟مرتك ماقالت خلاله غير كلمتين..لو سمحت ياعلي اتركني بحالي انا احب مشاري واحب بنتي ومو متخلية عنهم لو شيصير؟
مشاري/عمي هي كانت قاعدة معه؟
فهد بحدة/وين الخيانة؟؟؟مسكت عليها كلام حب تقوله ولاكلام عشق ولا شي فاضح لاسمح الله,,,حتى هو مو طايقها بعد...
مشاري/,,,,,,,,,,,,,,,,
فهد/طيب هي شرايها بالموضوع؟
مشاري/انا ماسمعت منها شي وخليتها ترد بيت اهلها البارحة,,,,
فهد/مشاري...انا هذا الشخص اعرفه,,وللامانة يقرب لي عن طريق نجود...اترك لي الليلة اعرف لك السالفة وبكرة اعطيك خبر بس اوعى تتصرف بغباء وتهور لاتندم,,,
/////////////////////////////////////////////////////////
الليل بالمطعم اللي اتفقوا فيه جواهر ومصعب....
جواهر/تاْخرت؟
مصعب وهو يناظرها بحب رغم انها كانت بنقابها وماشالته طول القعدة لين طلعت وقامت/اذا تبين الصراحة انا هنا من العصر من اتفقنا على المكان..
جواهر/مصعب...
مصعب/هلا....
جواهر/شكرا...شكرا على وقفتك معي ذاك اليوم انا من جد خجلانة منك كثير موقفك كان كثير شهم ونبيل,,,,
مصعب/هذا واجب ومافي شي غير مالوف طبيعي نكون جنب بعض ونقوم لبعض..احنا اهل ولانسيتي..
جواهر/.................
مصعب/فستانك..لسه معي!!
جواهر بحزن/اتبرع فيه ماعادت لي حاجة فيه...ماراح البسه خلاص..
مصعب بزعل/ليش تقولين ها الكلام يالغالية,,,,هي الدنيا وقفت عند بندر ولاماكو غيره؟
رفعت عيونها وناظرت الزعل اللي بعيونه..
مصعب بنفس الزعل/اذا هو ماصانك مو معناة ان غيره ماراح يحطك بعيونه...والله والله..اني اتمنى بس رضاك عني....
جواهر /مصعب...
مصعب/عيوني..قولي امريني...احبك وبظل احبك لااخر يوم بحياتي....
جواهر/مصعب انا ماحبيت اطولها معك لوقت اكبر....
مصعب/جواهر..انا احبك صدقيني..
جواهر/وانا حبيته يامصعب...وتركني...وماعندي أي استعداد ادخل بتجربة ثانية,,,,بندر كان الوحيد ولو فكرت اني احب برجع احبه هو من جديد لانه مابيفارق خيالي..مصعب انا اسفة بس انا عشت مع بندر وكنا شبه ...
مصعب/لاتحاكيني عن حبك لبندر وللفترة اللي راحت,,,تكلمي عن حياتنا اللي بتجي...
جواهر/بس هذا شي لازم مايننسى؟
مصعب/انا مايهمني أي شي قبل لانرتبط بعلاقة جدية انا وانتي يهمني نكون لبعض وتكون قلوبنا على بعض,,,
جواهر/ماراح يصير يامصعب صدقني انا حبيت بندر واللي يحب بجد مستحيل تتغير مشاعره بيوم وليلة لان الحب ماهو ثوب تبدله حسب الموسم؟؟الحب شي يظل ملازمك طول العمر....وانا اللي اتوقعه اني حتى لو كنت معك لو مع غيرك بيظل بندر في بالي وماراح يغيب عني وانت لو بتتحمل يوم ويومين ماراح تتحمل باقي العمر ان شريكتك تفكر بشخص غيرك وان قلبها بنتفض كل مايجي طاريه؟؟انا اسفة يابندر يمكن ماتكون توقعت مني أي كلام ولاحطيت في بالك شي..ويمكن كنت معزم تكسب قلبي باي طريقة,,بس انا لازم اكون صريحة معك بعد..مشاعري مو بيدي ومااقدر اتخلى عن تفكيري في بندر حتى لو كان بعيد عني وماكنا لبعض؟
مصعب بالم/بترجعين له بيوم من الايام؟
جواهر بصدق/مااتوقع يجي ها اليوم لانه خاني والخيانة شي انا عن نفسي ماممكن اسامحه....واغفره...
مصعب/يعني في امل...
جواهر/ماراح اسامح خيانته بس ماراح ابدل مشاعري واغيرها ..لانها صادقة يامصعب...الله يوفقك بحياتك..انت فعلا تستاهل كل خير,,,,
///////////////////////////////////////////////////
نجود شهقت/علي..
فهد/أي يانجود علي....انا ماعرفت شقوله؟
نجود بصدمة/لامو معقولة ابدا!!!!ليش ياعلي ليش..انت موقلت تحب عبير وتبي ترجع لها..مو قلت انك تغيرت,,,,
فهد/نجود تكفين مسكي جوالك وكلميه وشوفي وش السالفة انا عارف مشاري يحب مرته ولو تهور وطلقها بيكون متحسر على ها الشي,,,,
نجود/طيب بدق عليه وبفهم منه السالفة,,,,بس من اللحين اقولك هي مالها شغل..هي فعلا تحب مشاري وتوده وتكره علي ومن قبل شكت لي ان علي دايم يتحرش يها...ويبي يقعدون يتفاهمون وحاط في باله انها لازم تتطلق وتكون له.,,,بس اللي صار انه يوم شافها غير رايه ورجع لعبير اللي تركته وماعبرته,,,
فهد/وقولي له بعد يكلم مشاري ويقوله عن ها الشي.... لازم يفهم مشاري ان لمياء مالها شغل,,
نجود/طيب هي شقالت له وليش ماصدقها؟
فهد/هو كان متجنن وحتى ماسمعها؟
نجود/استغفر الله العظيم,,,,
دق الباب حق الصالة وهم كانوا بغرفة النوم بس بابهم مفتوح,,,
فهد/خير ان شاءالله....
راح فتح الباب وكان فيصل جاي ومعه شنطة صغيرة..
فهد/خير ان شاءالله...
فيصل بثقة/بنام معكم..
فهد/؟؟؟؟؟؟؟؟؟؟؟يشنو؟؟..يعني ليش؟؟
فيصل/علشان بروح معكم يوم الاربعاء عند خالي ناصر هو عزمني وانا وياه صرنا ربع,,,وجهزت اغراضي من اليوم علشان ماتروحون عني...
ودخل غرفة النوم وفهد شوي يوذبحه,,
نط على السرير وراح بحضن نجود,,,
نجود/،خير ان شاءالله...
فيصل/بنام عندك؟
نجود/أي بس..
فيصل/خلاص انا قلت لخالي ناصر ماراح انقل حكي بين اثنين أي حكي اسمعه حتى اذا كنتي بتموتين ماراح اقول لااحد ...وهو سامحني وقال لي خلاص صرت رجال اللحين,,,,
نجود/ايوه..يعني عرفت انك غلطان؟؟
فيصل /أي...وعلشان كذا جيت انام عندك علشان اقولك طاح الحطب؟
نجود/ههههه
فهد بضيق/أي مو انتي اللي كنت قاصرني بس!!!!
////////////////////////////////////////////////////////
اليوم الثاني,,,,
كان متردد يدخل غرفتها ولالا...
بس الشوق اللي فيه لها قاعد يكبر يوم عن يوم ويبي تطمن عليها ويستحي كل شوي ومتصل بناصر يسال,,,,
دق باب غرفتها مرتين وتحمحم ويوم سمع صوتها ياْذن له دخل,,,,
كانت قاعدة بفراشها ولابسة شيلتها على راسها بس كاشفة وجهها...
وشكلها كان غير عم لبنى اللي يعرفها..هو صدق ماشافها كثير بس حسها متغيرة,,
ظل واقف عند الباب ماتحرك ورفعت راسها وشافته....ظلت تناظره من بعيد وهو يناظرها بدون مايقولون لبعض أي شي...
بعد فترة سكوت مرت عليهم قالت له تفضل وعيونها كلها دموع,,,
عبدالعزيز/لاماعليه بظل واقف هنا افضل...
لبنى تنهدت....
عبدالعزيز/خطاك السوء...
لبنى /خطاك الشر....
عبدالعزيز/لبنى شلونك؟
لبنى بعتب/ليش غيرت مكان شغلك وتلفونك؟؟؟ليش كنت تبي تهرب مني باي طريقة وبعدها انت اليل جيتني؟
عبدالعزيز/لبنى..كنتي تبيني اعرف عنك بمكان مثل كذا منتي من رواده والعياذ بالله واسكت!!انا عارف منهي لبنى وشنو...وكل شي فيني يثور اذا تذكرت انك كنتي هناك بلحظة من اللحظات,,,,عموما الله يرحمه..
لبنى/المحامي كان هنا قبل شوي..
عبدالعزيز/أي محامي؟
لبنى/اللي جاي يعطيني ورثي منه....
عبدالعزيز/تدري كم ورثت منه؟
عبدالعزيز/مايهمني؟؟؟قالها بضيق..
لبنى/تصدق نفس ردي يوم سالني المحامي وحتى لو سالتني بقولك ماادري لاني وقعت على الاوراق بدون مااكلف على خاطري اقراهم...انا تبرعت بالمبلغ بالكامل لمشروع كفالة اليتيم,,,,يكفي انه فلوسه حرام خلها تروح بشي يشفع له باخرته..
عبدالعزيز/زين سويتي ...فلوسه حرام ومابتتهنين ونتي تصرفينهم لانك مابتحسين براحة ابدا...
لبنى،/تزوجت!!!
فاجاه سؤالها ولاماتوقعه بس قال لها بخجل/أي...
لبنى/توقعت....الكلام اللي سمعته امك من ابوي مو شوي...ولااعتقد انها كانت بترضى انك تحاول من جديد وانا مالومها,,,,
عبدالعزيز بجدية/لبنى...انتي بعدك تبيني؟
رفعت راسها وعيونها غرقانة دموع/ليش جاي تقولي ها الكلام وانا هنا وبها الموقف؟
عبدالعزيز بانفعال/لاني ابيك....على سنة الله ورسوله..اذا كنتي راضية تعيشين معي ومعي زوجة ثانية فاانا ابيك يالبنى..
لبنى رفعت يدينها وهي تبكي بحرقة وقالت/ليتك جيت قبلهم ياعبد العزيز كنت بقول لك أي بون تردد... بس بعدهم ..مااظن...انا ماانفع؟؟؟
/////////////////////////////////////////////////
وقفت السيارة من جديد عن نفس المبنى..بس ها المرة كانت سيارة وحدة بس..سيارة نجود,,
نزلوا منها ثنتينهم وهم يمشون خطوات بطيئة وخصوصا ملاك,,,اللي كانت خايفة من المواجهة وماجت الا باقناع من نجود اللي اصرت انها تجي وتتواجه معها واذا ماحبتها خلاص بس اذا حست انها تبي تشوفها مرة ثانية لازم تعرفها على نفسها وتقول لها انها ملاك اختها,,
دخلوا المكان ببرود عجيب يسري بملاك وخوف وترقب للي بتشوفه,,,,,
كانت نجود تدل المكان لانها دخلت قبل كذا مرة,,,,
وصلوا لغرفتها....
ووقفت نجود تناظر بملاك اللي كانت تمسح دموعها..
نجود/مالازم تشوفك تبكين...خليك قوية...يالله ولاترى مابدرسك السنة هاذي بعد بغير راي,,,
مسحت ملاك دموعها بارتجاف وتقربت من الباب ودخلت ورى نجود اللي سلمت وخلت الممرضة تطلع,,,,
نجود/مشاءالله اليوم حلايانة ماريا..
كانت البنت بنت تسع سنوات تقريبا بس حجمها ماتعطيه غير خمس سنين وها الشي اللي خلى ملاك ترتجف وتبدي تبكي من جديد بهدوء وهي مو قاوية ترفع راسها تشوفها,,,,
ماريا بصعوبة وبهدلة/جبتي شي لي معك,,نجود
نجود/أي جبت..هاذي وحدة من طالباتي اللي ادرسهم,,شطورة مرة..قربي سلمي على ماريا تراها حبابة,,,
تقربت ملاك امتثالا لااوامر نجود وسلمت وهي تمد يدها بارتجاف بدون ماتطالعها....
كانت حاسة بيد صغيرة تلامسها وبها الشكل اللي هي عارفته ...
يالله..ماتغيرت رغم مر السنين هي نفسها وبنفس الحجم,,,,
ماريا/انا..احب..نجود...انتي تحبينها لانها ابلتك هي قالت لي..
نجود بهمس/هاذي ورثتها عنك ياملاك وهو في احد يحبني غيرك؟؟؟
ملاك...تراها ماتخوف والله ماتخوف,,,,قربي منها لاتحسسينها انها شي مقرف ولا مو من مستواك...لايغرك التخلف العقلي اللي عندها بس قسم بالله هاذي اكثر ناس تحس!!!
ملاك تقربت منها وهي للحين تسمع كلام نجود ومغمضة عيونها...وطاحت على سريرها تبكي...
ملاك من بين دموعها/ماريا...انا ملاك..انا ملاك...ملاك اختك الكبيرة ياماريا...سامحيني...[س انا احبك وصدقيني وهذا انا اقولها قدام نجود اللي جمعتني فيك ماراح اتخلى عنك ابدا .,.وبظل اختك الكبيرة بس سامحيني؟؟
///////////////////////////////////////////////////////////
فوزية/مصعب..
لفلها وهو يشرب قهوته بهدوء وافكاره لبعيد,,
فوزية قعدت جنبه...
فوزية:/كلمتني منال قبل شوي,,,
مصعب/أي..
فوزية/وكلمت محمد,,,,
مصعب باهتمام اكبر/شصار؟
فوزية/خالي فهد كلمه وقال له ارجع ولك فوزية مني ومحد بيمنعك وهو مارضى...قال له طيب ارجع وانا بجيها اخطبها لك بنفسي وانا وافقت يامصعب...
مصعب/تقولين ماتبين تذلين نفسك مدري شنو؟
فوزية/خالي فهد اقنعني انه محمد انهان في بيتي واذا كنت انا ابيه ليش اعارض الموضوع مدام العرس بيتم على كل الاحوال وعلى سنة الله ورسوله وبيني وبينك الظاهر ابوي مكلمه وقايل له ان هو ماعنده مانع وبيقنع امي بعد,,,بس المهم سعادتي ومدام انا شايفة ان سعادتي معه ماراح يوقف بطريقي...
مصعب بفرح/صدق...تستاهلين...والله محمد حباب...
فوزية/عقبالك ان شااله ياخوي..
مصعب.........
فوزية/وش فيك يامصعب؟
مصعب بهدوء/ولاشي...
فوزية/بلى فيك شي...
مصعب/قعدت معها قبل يومين وتكلمنا....
فوزية/أي....
مصعب/قالت لي انها مراح تقدر تسامح بندر على خيانته وماراح ترجع له بيوم من الايام بس بيظل حبه الخالد بقلبها....
فوزية/هذا الحب الحقيقي يامصعب....
مصعب/امممم عرضت عليها حبي ورفضت بكل ذوق وقالت لي حتى لو كذبت عليك فلاني بكون بحالة تهيج مشاعر وثار لكرامتي بس انا مقدر اعيش مع واخونك بذكراه....بالمختصر انا ماراح انيى حبي لبندر ولاراح ابدله حتى لو مارجعت له مرة ثانية بحياتي...يكفيني اني حبيته فترة طويلة وكل مشاعري ناحيته كانت صادقة ....
فوزية/وهذا الشي اللي مزعلك طبعا!!
مصعب/لايافوزية انا مو زعلان...بالعكس انا فرحان لنبل مشاعرها وعواطفها...جواهر عندها قلب حقيقي وصادق ومستحيل يبدل الناس اللي عايشين جواته مهما كانت صعبة الظروف..وها الشي خلاها تكبر بعيني مرات ومرات...بظل اتمنى لها السعادة طول عمري حتى لو ماتزوجت لانها بالفعل انبل انسانة شفتها بعواطفها وبحبها الصادق...
//////////////////////////////////////////////////////////////كانت واقفة عند شباك غرفتها وهي تناظرهم من فوق كيف متجمعين وفرحانين...
نجود هالانسانة الغريبة اللي دخلت بيتي...
وش اللي فيها زود عاد؟؟؟
سحرت فهد وماهو شايف غيرهال ولو شسوي ماهو مهتم ولامعبرني!!
لدرجة اني ياست اسوي أي شي خلاص واستسلنت لقدري معها..تظل شريكة في بيتي ولاتخليه يطلقني!!
عيالي اللي سحبتهم وراها..ياترى وش عندها ها النجود علشان يحبونها كذا!!
كانت تناظر بعيالها وهم حوالين نجود يزينون الكيكة اللي مسوينها وفهد يصورهم بالجوال وصوت ضحكهم واصل لبيت الجيران,,,
ليش خذت عيالي وشنو اللي شافوه عندها؟؟
سارة...الوحيدة اللي توقعتها تتضايق وتكره نجود وتختلق لها المشاكل..اكثر وحدة صدمتني بتقربها الملحوظ من نجود,,ماصار عندها غير خالتي نجود وخالتي نجود وطول اليوم معها وتشاورها بكل شي ومن تجي تبدل ثيابها وحتى شنطتها معها هناك,,,
لمى..ها الحساسة واللي ماينسمع لها صوت بين اخوانها صارت تستنصر بخالتها نجود بين كل كلمة والثانية وهي واثقة ان النتيجة بتكون لصالحها طبعا..بس احلى شي سوته فيها نجود قصت لها شعرها صارت بريئة مرة ومبين سنها الصغير مو مثل اول,,,,
فيصل..ها العفريت الصغير ...ماصرت اشوفه بالبيت..كانت بالاول عقدتي من احمد..اللحين مايطب لااحمد الا الظهر وقت نومة نجود وصار يروح الروضة بس علشان تذاكر له نجود حاله حال خواته وطول وقته راقد عند ابوه وعندها حتى ماقام يفتن على خواته مثل قبل,,
ياترى وش سويتي باهل بيتي يانجود وغيرتيهم كذا مرة وحدة,,,,,,,,
اه يانجلاء اه...كل اللي سوته نجود انها عطتهم الاهتمام والصدق اللي انتي ماكنتي مقدمتها لهم ..عاطيتهم وقتها واذنها تسمع لهم وتلبي رغباتهم وكلهم صاروا تجت جناحها ومايتحركون الابشورها,,,,ةانتي يانجلاء خسرتي زوجك وعيالك بعد,,,,شقول بس شقول.....شرعك اللهم ولااعتراض...شرعك اللهم ولااعتراض,,
/////////////////////////////////////////////////
نجود بتعب/مابغت تخلص ها الحفلة؟
فهد/انتي اللي ابتكرتي الفكرة ..يالله تحملي نتيجتها,,,,
نجودمسكت يده/ماني تعبانة منه بس ابي اعطيك شي...
فهد/شنو..
نجود/تعال زين....
دخلوا غرفة النوم....وقعدوا على السرير ومدت له بعلبة مغلفة صغيرة على السرير,,,
نجود/افتحها....
فهد شال العلبة وقال بشماتة/بدينا لعب ومسخرة احد يهدي علبة فاضية؟؟
نجود/وقسم بالله ماهي فاضية فيها شي..
فهد/شوفيها شقد خفيفة..
نجود/علشان الشي اللي فيها صغيرون....
فتحها فهد وظل يناظر فيها فترة طويلة وهو يردد النظر مابينها وبين نجود اللي كانت تبتسم..
بدون مقدمات وبعصبية قال لها/شنو هذا؟
نجود بثقة/جزمة بيبي وش تعني لك؟
فهد بعصبية/لاتقولين,,,
نجود/أي..
فهد رمى عليها العلبة بعصبية/أي بس احنا مااتفقنا ابدا على ها الشي يانجود..
نجود بخوف/شنو يعني....
فهد/يعني ماله مكان...انا مو مجهز نفسي له ابدا....وياليت لو تنزليه؟
نجود بعصبية/شنو يعني؟
فهد/يعني اختاري ياانا بحياتك ياهو؟
نجود بعصبية/كذا يعني...طيب انا بختاره هو يافهد....وشكرا على الخيار لانك عرفتني قدري زين عندك؟؟؟
شالت العلبة بعصبية وطلعت من غرفته وصفقت وراها الباب ,,,,
ظل قاعد بالغرفة فترة طويلة وهو بقمة ثورته...ليش حملتي اللحين عاد يانجود عاد هذا وقته؟؟؟
انا مااتفقت معك على عيال ...ليش ,,والله ماني قادر اتخيل ان في شي بيجي وبيخرب علاقتنا,,,,,
تعوذ من ابليس وهو يناظر مكانها الخالي واللي مخلي المكان كئيب بس عناده اكبر من انه يقوم ويصالحها....؟؟؟؟
////////////////////////////////////////////////////////
لحظات ثقيله مرت على مشاري وهو يحاول يستجمع اللي بيقوله وها الاتصال من اخوها خلاه يتوتر بجد,,
وصل للمستشفى الي بالدمام واللي كانت لمياء فيه,,,
تنهد ودخل لقسم التنويم وزين انه وهو داخل لقى اخوها طالع..
احمد/هلا بالنسيب وينك يالغالي تارك لنا مرتك ومقابل البنية؟
مشاري/ها..معليش بس...
احمد/وينها مريموه,,
مشاري/ماجبتها معي...
احمد/خسارة عاد كنا تسلينا فيها,,
مشاري/لاعاد بنتي ماهي لعبة بنتي لكم,,,,وين غرفة لمياء..
احمد/أي صحيح تصدق عاد نسيت انك جاي لمرتك...عموما تستاهل سلامتها والله يتمم لكم بخير ويجيبه بالسلامة ومايصير مثل اخته ثقيل دم؟؟ههههه ادري ماهي ثقيلة دم بنظرك..
مشاري كانت على وجهه الف علامة استفهام بس دخل بسرعة على الغرفة اللي اشر عليها احمد علشات لايحرج نفسه,,,,
خل ولقاها راقدة على فراش المستشفى ومبين عليها التعب والسهر,,,,وكثرة البكي,,,
مشاري/لمياء....
رفعت راسها وهي عيونها مغرقة دموع,,,,,
مشاري رجع ناظر بالارض...
لمياء بصوت مبحوح/عطيني بس فرصة اشرح لك واقولك يامشاري...بعدها برضى بحكمك مهما كان,,,,
مشاري بعد تنهيدة حارة/ماله داعي تقولين شي....
لمياء برجاء/بس يامشاري انا من حقي ادافع عن نفسي واقولك,,,,
مشاري/قلت لك مايحتاج,,,,نجود قالت لي كل شي...
لمياء/نجود؟؟؟
مشاري/أي نجود...شرحت لي كل السالفة وبعدها علي كلمني واعتذر عن اللي سواه.....انا مدري شقول...يمكن كنت قاسي عليك وماعطيتك فرصة تدافعين عن نفسك بس انا كنت بحالة جنون...اول ماجاني وقال لي كل شي ووراني صورتك وانتي معاه حسيت اني مخدوع وانك قاسية حييل عليّ...
لمياء وهي تمسح دموعها/لايامشاري انت منت ملزوم تبين لي ردة فعلك,,كل شي كنت بتسويه ماكنت بتنلام عليه..بس انا كان ودي تسمعني وتعطيني فرصة اشرح لك,,,
مشاري بتردد/لمياء..ليش انتي هنا...انا خفت يوم قال لي احمد عنك انك بالمستشفى؟
لمياء/سلامتك بس اخو مريم وصل وتعبني شوي,,
مشاري/حامل؟؟؟؟؟صدق,,,,من زمان كنتي تدرين ولا توك؟
لمياء/لا مو من زمان...يوم جيت هنا تعبت شوي بس ضغطت على نفسي وامس ماقدرت اتحمل وتعبت كثير وجيت هنا وكان عندي نزيف وبعد كم يوم بطلع,,,,
مشاري وهو يبوس راسها بحب/لمياء... بنفتح صفحة جديدة ..
لمياء وهي تمسك يده/صفحة مافيها غير مشاري ومريم واللي جاي صدقني ياحبيبي...
//////////////////////////////////////////////
ماقدر يرجع يوم ثاني من المكتب بدري ويقابلها..
اصلا هو متعمد مايرجع حتى الظهر علشان لايتصادمون بالحكي دق على سالم وشكى له الحال وسالم انبه وقال له لازم تتقبل لان ها الشي اكيد بيصير ونجود طبيعي تكون ام وماتكون حكر عليك بروحك وحاول يقنعه بقد مافيه ان نجود مدامها تحبه ماراح يشغلها ها البيبي الجاي عنه ابدا...
مااقتنع مية بالمية وفكر يرجع يشوف وش اللي وصلت له اليوم لانها امس معصبة وكانت متفاجئة وتمسكت بقرارها بس اليوم لو قدر يخليها تغير رايها بيكون كويس,,,,
رجع اخر الليل بعد ماتعب من قعدة المكتب ومن كثر مادخن سجاير وهو اللي قطعهم بامر ملكي من صاحبة السمو وخصوصا وهو قاعد معها وهو طول يومه قاعد معها,,,,
دخل الشقة وكانت ظلمة حييل ومالها أي نوع من انواع الحياة مثل كل يوم,,,
دخل غرفة النوم واللي توقع تكون نجود موجودة فيها,,
بس مالقاها..
مالقى غير شموع مشغلة وصوت موسيقى هاى وسلة ورد كبيرة...ومسجلة صغيرة جنبهم...شغل المسجلة وكانت مسجلة بصوت نجود وهي تبكي,,,كان صوتها تعبان ومتتضايق,,,
بريحك مني خلاص وبغيب عن عينك...
مدام هاذي رغبتك لازم احققها..
وبطلبك اخر طلب الله لايهينك..
قولي احبك حبيبي خاطري اسمعها...
واخر طلب..اذكر هوانا كيف غير لك موازينك,,,
ها اللحظة تكفي على الاقل ابيك تذكرها..
ليلتها كانت شمعة تضوي بيني وبينك..
يوم انطفت انت الهوا اللي هب واخمدها..
بغيب عنك كثر ماكنت بيدينك ..
وعلى كثر ماكانت اعذارك اصدقها..
وان شفتني لاتقول شخبارك ووينك,,
حتى عيوني حرام انك تطالعها,,,
خذ ذكرياتك والمحبة شوقي وايامك,,
معاك روحي انا ماابي اضيعها..
وانسى المودة وكل شي بيني وبينك,,
انت بحياتي غلطة لكن ماحكررها؟؟؟
مايدري ليش ساعتها حس بتعب ماهو قادر يتحمله وحس بخنقة بصدره...اكثر من شهرين عاشها مع نجود تحت سقف ها الغرفة واللحين هي خالية منها بس باقية ريحتها فيها ..
ماقدر يقعد بغرفة النوم اكثر وهو اللي حس بالعبرة خانقته وانه يبي يبكي غيابها,,
طلع من الغرفة وصار يدورها بكل مكان وهو مثل المجنون بس نجود ماهي هنا طلعت من الشقة كلها..
دق عليها وانتبه انها تاركة جوالها جنب التلفون يعني لاتتصل فيني ماابي اسمع صوتك؟؟؟
وينها؟؟وين راحت؟؟؟معقول رجعت الشرقية؟؟؟؟لامستحيل متى بترجع وهي مداومة اليوم والسايق قال لي انه وصلها البيت بس ماقال لي انه وداها مكان ثاني...يو يافهد وش سويت انت....حياتك بدون نجود ماتسوى تنعاش؟؟؟؟
/////////////////////////////////////////////////////
دخلت بيت عمها وهي متشوقة تسمع الخبر الحلو اللي قالت لها نورة عنه بالمسج,,,,
ياترى وش راح يكون,,,اممم هيا ..اي اكيد يخص هيا...ولا علي...يمكن يقولون انه يبي عبير,,,,
وهي بتفكيرها وقربت توصل لباب بيت عمها الداخلي لقاها ناصر وكان كاشخ وبيطلع....
هنوف/ناصر...
ناصر/هنوف...هلا والله...شلونك.... نورت الشرقية والله...يعني الدمام ولو انها منورة بوجودي..
هنوف/ههههه شلونك انت...ياانكم وحشتوني حييل يااهل الشرقية ويااهل الدمام..
ناصر/تعالي مو على اساس الاحساء تكون تابع الشرقية,,
هنوف/أي بس ماهي دمامنا..
ناصر/على قولتك..
هنوف/ناصر وش رايك تغششني..
ناصر/وش الاسئلة تراني حاضر..
هنوف/وش الفرحة اللي يستعد لها بيتكم اليوم..
ناصر/قصدك فرحها وانتهى...
هنوف/لا جيت متاخرة يعني؟
ناصر/نوعا ما..
هنوف/شنو..
ناصر بثقة/اليومكانت ملكتي ياهنوف....
وقفت مكانها تناظره بذهول وعينها طلعت من مكانها وقالت ببحة غريبة وقريبة للبكي/ملكتك ياناصر؟؟؟انت ملكت؟؟؟
ناصر/أي...وين المبروك؟
هنوف بدت مناحتها وهذا اخر شي تصورته انه يقول لها ملكت وهو بنفسه اللي نقل لها الخبر مو غيره...وهي اللي حاسبة حساب تجي وتعترف لانها ماعادت تتحمل اكثر....
هنوف ببكي واضح وقف ناصر مكانه يناظرها/ليه ياناصر ليه...انا احبك حرام عليك...انت اعمى...ماشفت حبي لك طول الفترة اللي راحت....كل ماشفتك قلت لك اني احبه واحبه بجنون بعد وعيوني تفيض بالحب لك وحدك وانت ولا على بالك,,,,,ناصر انا احبك صدقني...احبك اكثر من أي شخص بالعالم..طلقها ياناصر طلقها...وانا بكون خدامة تحت رجلك,,,,تكفى ياناصر تكفى..انا احبك ورب الكون احبك حرام عليك,,,لاتذبح حبي لك,,,,
ناصر مشى بخطوات ثقيلة لين الباب ووقف عنده وكانه بيطلع بس بدون مايقول أي شي...
دخلت هنوف داخل وهي تجر وراها اذيال الخيبة
,,,دخلت داخل بيت عمها وهي بحالة بكي وعصبية..
اخر شي توقعته انه ناصر يتزوج...
هي تكلمه كل ليلة ومالمح لها ابدا انه ناوي يملك..جت على وجهها بعد مسج نورة وبعد ماعمها كلم امها علشان تجي تشوف لبنى لانها بترجع البيت الليلة,,,,
مالقت قدامها غير نجود اللي مبين انها سرحانة لبعيد....
نجود يوم شافتها تبكي/هنوف..اقول شلونك...ولااقول ليش تبكين؟
هنوف انهارت ورى باب الصالة اللي كانت متسندة عليه وقالت ببكي عالي/ناصر يانجود ناصر..
نجود/ناصر اخوي..شفيه؟
هنوف بحسرة والم/ناصر خطب وانهى حبي له....ليه بس ياناصر ليه..كنت جاية بصرح لك بمشاعري اللي مو قادرة اخشها عنك اكثر من كذا,,
نجود/يعني هو مايدري عن حبك له؟
هنوف بدموع/لا...
نجود/يعني ماتقدرين تلومينه..
هنوف بقوة/بس انا احبه يانجود احبه....
نجود/وفارق العمر اللي بينكم ياهنوف ناصر اكبر من بكثير..مافكرتي فيها هاذي..
هنوف/الحب مايعرف عمر يانجود مايعرف عمر,,,,انتي حبيتي فهد واخذتي وبينك وبينه فارق عمر كبير بعد,,,بس ماقدرتي تتركينه ببساطة وقلبك متعلق فيه,,,,
سرحت نجود شوي وقالت بهدوء/معك حق الحب مايعترف بعمر ولايعترف بشي بعد...
هنوف/ناصر ليش ملك بس ليش...انا احبه ومستعدة اقضي كل عمري خدامة تحت رجله..
نجود/أي بس ناصر ياهنوف ما.......
////////////////////////////////////////////////////
ابو علي/خير ان شاءالله ابيك بموضوع وابيك بموضوع...
علي/يبى...
ابو علي/نعم يبى..
علي/يبى انا ابي اتزوج...
ابو علي/خير ان شاءالله...
علي/يبى انا بغيتك تخطب لي عبير بنت عمي..
ابو علي/عبير ماغيرها...اللي كانت بيوم من الايام عندك وانت رافضها؟
علي/ادري يبى انك من حقك تستغرب ها الشي بس انا فعلا ابيها ...
ابو علي/انا اللي اقدر اسويه اني اكلمها هي بس ومااكلم عمك يعني اذا ماوافقت محد بيغصبها..
علي/يبى في شي عبير لازم تعرفه وانا ماابيها تعرفه لشي بنفسي لا بس علشان ابري ذمتي واذا كانت ماتبي فهذا حقها...
ابو علي/خير ان شاءالله..
علي/يبى انا ......انا مااجيب عيال...
ابو علي/لاحول ولاقوة الا بالله العلي العظيم...
علي/يبى يمكن هاذي ارادة الله....يمكن علشاني عذبت عبير بحياتها معي وزعلتك مني فترة طويلة عاقبني رب العالمين,,,,اذا وافقت عبير نرجع لبعض بكون اسعد انسان وبربي حمود مثل ولدي واكثر,,,
/////////////////////////////////////////////////////////
سارة/بابا,,
لف لها فهد اللي كان قاعد عند البركة مكانه المعتاد قبل لاتدخل نجود ها البيت....
فهد/نعم بابا..
سارة/وين خالتي نجود صار لي كم يوم مااشوفها وبالمدرسة يقولون ماخذة اجازة؟
فهد بتنهيدة حارة وهو يدخن/تعبانة شوي...
سارة/وش فيها؟
فهد/شوية تعب....
سارة/يعني رجعت عند اهلها الشرقية...
فهد/ها....اي....
سارة/ومتى بتروح تشوفها؟
فهد/ليش تسالين؟
سارة/لاني ابي اشوفها واتطمن عليها....دقيت لها بجوالها اكثر من مرة ماشالته..
فهد/جوالها هنا بالشقة ماشالته معها....
سارة/وحشتنا كثير البيت موحلو بدونها...
فهد/اكيد....
سارة/بابا انت متضايق علشانها موهنا صح,,,عرفتك من كثر ها السجاير اللي تدخنها يوم كانت خالتي نجود هنا ماكنت تدخن ابدا واللحين ماتترك السيجارة؟
فهد ناظر بسيجارته وكانه تذكر نجود ورماها جنبه بقهر....
كم يوم ماشافها ولاسمع صوتها..ولاهو قادر يروح الدمام يسال عنها..خايف من أي ردة فعل تسويها نجود,,,,,,
//////////////////////////////////////////////////
نجود/نور البيت يالبنى هانم...
لبنى/منور بوجودك يالغلا...
هيا/نجود وينه فهد لسه بجدة مارجع..
نجود/شكله بيطول القضية اللي عنده يبيلها تفكير عميق قبل اتخاذ أي قرار....ماعلينا..
لبنى/والله غريبة تاركته يروح بروحه مالزقتي حالك فيه؟
نجود/شسوي قلت شوفة لبنى بنت عمي تسوى الدنيا عندي,,,,
لبنى/شكرا.....
نجود بجدية/لبنى متى راح تسوين العملية,,,,,,
لبنى بعصبية/أي عملية؟
نجود/لبنى وش فيك....الشي بسيط ومايستدعي نرفزتك...عملية تجميل بسيط...
لبنى بعصبية وهي تناظر بيدينها الملفوفين/ماراح اسويها...ماني بحاجتها يانجود..
نجود/ليش العناد عاد يالبنى انتي كذا قاعدة تعذبين نفسك بنفسك,,,
لبنى/خليهم للذكرى....علشان ماانسى اني عشت بمكان وسخ بيوم من الايام ولاافكر انسى بعد!!
نجود/لبنى انتي تبين تثبتين لنفسك شنو بالضبط؟
لبنى/ولاشي...
نجود/محد بيجبرك تنسين اللي صار وتسامحين ابوك ها الشي متروك للايام واللي ممكن تسويه بس انك تعدمين نفسك بها الطريقة وانتي توك بعمر الورد فهذا قمة الجنون...يابنت الناس احمدي ربك حرق في يدينك وعمليته بسيطة ماهو بمكان ثاني وتارك تشوه...يالبنى انتي ماتروحين وتشوفين الناس ومصايبها قولي الحمد الله بس على النعمة ...لو تعرفين ماريا يالبنى كان والله تبكين ليل نهار وماتنامين الليل عليها....انتي عاقلة يالبنى عاقلة..
ابو علي من وراهم/أي فهميها يانجود وقولي لها ها الشي عجزت وانا اقنعها بالعملية من اول يوم دخلت فيه المستشفى,,,,
قولي لها ها الشي وقولي لها بعد تفكر بالرجال الاجودي اللي ماينعاب والله اني اشهد انه عن عشرة رجال ..
نجود/اشوف في اسرار بين ابو علي وبين لبنى..قولوا قولوا منو هذا الفارس الشجاع اللي جاي على حصان ابيض..
لبنى بخجل/عبدالعزيز..
نجود/اها..يعني حبيب القلب اللي اخذتيه عليه قتلة ذاك اليوم...متى رجع خطبك مرة ثانية...
ابو علي/خطبها مني....وانا عن نفسي قلت له موافق وخذها بلامهر بعد يالنشمي بس الراي لها بالاخير,,,
لبنى/عمي ممااقدر..
نجود/يبى ماعليك منها عطها قتلة ثانية وذبحة وهي بتوافق...
لبنى/نجود عبد العزيز تزوج وزوجته مالها شغل ينحط على راسها شريكة وهي انسانة طيبة ..حرام والله حرام..
نجود/أي بس اذا هو يبيك....
لبنى/مااقدر يانجود ماابي اخرب بينها وبينه..
نجود/طيب انتظروا شوي لاترتبطوا اللحين لين تمضي فترة على زواجهم... وبعدين اذا هي بتتفهم ها الشي بتريح علينا وعليها...وهو بعد لازم ياخذ وقت ويفهمها عن علاقتكم قبل..وتكونين انتي مقتنعة انها تكون صديقة موشريكة يالبنى..
لبنى/انا ماراح اعتبرها عدوة يانجود وانتي تعرفين مااضر احد,,,
نجود/معناته موافقة ...يالله مبروك مقدما حتى اشعار اخر,,,,,
////////////////////////////////////////////////
على الكورنيش,,,,,
جواهر/اعطيك مليون ريال اذا قلتي لي ان بندر مو قريب منا؟
نجود وهي تتلفت حوالينها/ياربي مايكون موجود وتتورطين بالمليون,,,,
جواهر/لاتتعبين نفسك ياقلبي موجود..اعرفه..وين مااروح يكون وراي وكاْنه يحرسني,,,,
نجود/للامانة ماغيرتي رايك...
جواهر بثقة/لاطبعا......الخيانة جرح مايتداوى يانجود..حتى لو ظل بقلبي لااخر يوم بالعمر,,,,بس مايعني ان احنا نجتمع من جديد ولا اني اصرح له بمشاعر حبي واخليه يعرف ها الشي,,,
نجود/ومصعب...
جواهر/عسى الله يوفقه...لاهو ولاغيره بياخذون مكانة بندر عندي ولاراح اقدر اوفي لهم,,,,تفكيري بيكون في بندر وبس,,,,وبعدين هو تفهم ها الشي وطلعنا منها بابتسامة رضا....عسى الله يوفقه ان شاءالله....وش صار على اخته..
نجود/اخر علمي كان بفهد يوم يتصل على محمد علشان ينزل وهو بيخطب له فوزية بنفسه علشان لايحرجه ...ويخليه يرجع من جديد يخطبها بعد اللس معه من امها..
جواهر/هاذي طبعا كانت فكرتك..
نجود/أي...انا ماكان غرضي محمد وانه ماينجرح من جديد انا قصدي انه ام مصعب اللي تنكسر اذا فهد خطب فوزية لمحمد وبنتها موافقة وزوجها موافق...علشان تعرف ان الله حق.....بس يمكن انه نزل اللحين,,,,
جواهر/مادقيتي له...
نجود/ولاهو اتصل حتى.....
جواهر/امممممم..نجود شوفي كاهو بندر يمشي قبالنا......
نجود/ها الاناني..تصوري حتى ماكلف على حاله واتصل على لبنى وتحمد لها بالسلامة,,,,
جواهر/وها الشي قاهرني فيه...لاعبير ولالبنى ولاحتى امه بعد يدري عنها من راحت بيت خاله....بيجيه يوم ويدري ان الله حق وبيتغير حتى لو طال ها اليوم.....
مر شاب كان يحوس بجواله وهو حاط اغنية لااليسا والصوت عالي مرة وسرحت نجود معها لبعيد,,,,
لليوم اللي كانوا فيه سهرانين ذاك اليوم بشقتهم بالدمام,,,
كان فهد يتفرج على التلفزيون ونجود جايبة صحن فيه شوية فاكهة وحطته قبالهم على الطاولة,,,,
نجود/واللي يعافيك ترى شلت العربية والجزيرة انا مالي خلق وجع راس..
فهد/وش تبين نحط,,,
نجود/حط لنا اغنية ولاشي فرايحي كذا كله اخبار وقتل وهم..يااخي وش ها السهرة اللي تسد النفس,,,,
فهد قام يغير بالمحطات وطلعت حفلة لااليسا وتركها..
نجود/فهد....وش رايك منهي اللي تعتبر صوتها احلى,,هيفاء وهبي ولااليسا...
فهد بثقة/نجود السبيعي....
نجود وهي تاكل عنب/قول الصدق انا مااسخر..
فهد/يبى هذا طرب تعبان وين ايام الفن الاصيل..
نجود/تكفى فهد عاد قال لي طرب اصيل انا ترى القديمين مالي خلقهم ابدا...يعني محمد عبده ماعنده غير ثلاث اغاني بس..الاماكن ولنا الله ومهما يقولون ومساء الخير ومذهلة..
فهد/شاطرة مرة بالحساب هذولا بس ثلاث؟؟؟
نجود/يعني باقي اغانيه ترفع الضغط بصراحة ماهي حلوة....
فهد/اقول اسكتي بس لاتفضحينا قالت يرفع الضغط وهذولا اللي صوتهم حلو..
نجود/ياسلااام كل واحد ورايه انا عندي صوت اليسا يجنن تحس فيه صدق خامة تنسمع مو مثل غيرها...بس انا اللي فعلا فعلا اعتبرها ملكة الطرب نوال الكويتية ..تعجبني كل اغانيها القديمة والجديدة احس فيها ملكة مميزة ماهي عند غيرها...تحس انها تغني بفن وارهاف وحس ماله أي مثيل..فعلا تحس بالشي وانك متفاعل معه.....
رجعت لدنيا الواقع مع صوت المسج اللي صول لجواهر وقامت تقراه,,
جواهر/اقول نجود ودي بثوبك الاحمر اللي شريتيه ومالبستيه,,
نجود/اوووف مالي خلق اروح الشقة ابدا؟؟
جواهر/تكفين ودي اغير جو ودي البسه ونتجمع الليلة سوا انا وانتي ولبنى وعبير...
نجود/قومي خل نروح تدرين فيني مو طايقة ادخلها بدونه..
جواهر/ :يالله قومي.... بنزلك عند شقتك وبمر اخذ لنا صحن مقبلات علشان نسد جوعنا شوي..
نجود وهي تقوم وبندر يناظرهم/ولاتنسين الشاي....
جواهر/طيب...
/////////////////////////////////////////////////
هنوف بعتب/ليش كذبت عليّ ياناصر؟
ناصر/كنت ابي اتاكد انتي ولاغيرك..رعم ان احساسي كان تسع وتسعين يقول انتي,,,
هنوف/والله ان قلبي وقع تحت رجلي منق لت لي خطبت ياناصر وحسيت اني بموت..
ناصر/كان المفروض نسويها من زمان وكنت ابي نجود ويوم قرت الرسايل اكدت لي ها الشي وهي اللي دزت لك المسج من جوال نورة بعد ماضمنا جيتكم من الاحساء وان البيت مافيه احد وكلهم راحوا للبنى..
هنوف/استفردتوا فيني انت واختك لكن هين....
ناصر/ليش ماقلتيها ياهنوف صراحة,,
هنوف/كنت متوقعتك تفهمها وهي طايرة بس مادريت عنك لوح؟
ناصر فتح عيونه/اللحين تحبيني وتحبيني وبالنهاية لوح؟
هنوف وهي مادة لها كاس عصير/هذا غزل بنات الثانوي حبيبي..
ناصر/شنو هذا هنوف لاهو معروف كولا ولاهو معروف....شنو ذا..
هنوف/شربات الفرح ياخويا............
شرب ناصر شوي وبعدها قام يكح كح/وش ذا يالمجنونة؟
هنوف ببراْة/فيمتو...
ناصر/هذا فيمتو...
هنوف/أي بس بدون تخفيف علشان الفرحة تصير قوية وثقيلة مثله..
ناصر/ياربي يساعدني عليك شكلي صدق بروح فيها منك...احاف بكرة ارجع البيت وتحطين لي رز بدون ماتسوينه ولا لحم بدون ماتطبخينه؟
هنوف/تصدق عجبتني الفكرة وشكلي بطبقها بالمستقبل..
ناصر/هنوف شدي حيلك خلصي بسرعة ورانا عرس..ولاناوية تتعمقين بثانوي لين اشيب..
هنوف/والله الصدق الصدق مالي نية اكمل دراستي وابي اظل قربك وش باخذ انا من الشهادة ماتقولي؟؟
ناصر/بعد!!!حتى دراسة مو ناوية تكملين؟؟؟
///////////////////////////////////////////////////
نجود وهي تفتح باب الشقة /والله لو مو علشان خاطرك ياجواهر ماجيت,,,,
ماابي ادخل ها المكان,,,,
دخلت ولقته واقف قدامها وربطت الامور في بعض المسج اللي وصل جواهر وسالفة الثوب هذا معناته انه هو اللي داق عليها وطالب منها ها الشي....
نجود بلامبالاة/في شي...
فهد/نجود...
نجود/جاية اخذ غرض وبمشي...
تقرب منها ومسكها من كتوفها وقال بعمق،اشتقت لك؟
نجود بدون ماتناظره/بس انا مااشتقت لك....
فهد تنهد بقوة/عارف اني غلطت وتسرعت بس..يانجود انتي عارفة انتي شنو بقلب فهد وكيف ان فهد مايتنازل عنك,,,,
نجود/لامو عارفة وانت عطيتني خيارين وانا اخترت..
فهد/نجود لاتقولين ها الحكي...
نجود/وش تبيني اقول عاد,,,,
فهد/حبيبتي....انا مقدر اعيش بدونك..
نجود بثقة/وانا مو متخلية عن اللي ببطني يافهد حتى لو كنت انت الثمن المقابل؟
فهد/ومن قال انك بتتخلين عنه؟
نجود تنهدت..
ضمها فهد لصدره بقوة وكانه يعوض غيابها اللي مضى عن حياته وقال بهمس/بس تراني ابيه ولد يانجود زين...
نجود بعناد وهي تضمه بقوة اكبر/بجيب بنت..
فهد/أي زين بس خليها تشبهك طيب...
//////////////////////////////////////////////////////////عبير/يمكن انت تعتبره عيب ياعلي بس بيني وبينك هو الشي الوحيد اللي خلاني اوافق على الموضوع؟
علي/ليش؟
عبير/مدري....كنت شايلة هم حمود وماابي ارتبط باي رجال بالعالم واجيب منه عيال ويغير معاملته ويفرق بينه وبين عياله اللي من صلبه....
علي/عبير انا حتى لو كنت قادر اجيب عيال تاْكدي اني ماراح افرق بينهم وبين حمود لانه بيظل بعيوني صدقيني..
عبير/ابيك توعدني ياعلي...
علي/وعد ياعبير وعد..راح تعيشين معي اميرة وماراح اجرحك ابدا وبتكونين بعيوني,,,,
عبير/لاياعلي ابيك توعدني انك تحط حمود بعيونك وماتغلط عليه ابدا تراه يتيم ياعلي وبذمتي..
علي/وهذا كلام عاد ياعبير....بعيوني يالغالية بعيوني وبدون ماتوصيني بعد,,,,
/////////////////////////////////////////////////////////
بندر/جواهر ممكن لحظة...
لفت له جواهر وهي جاية بيت بو علي تتحمد للبنى بالسلامة بعد ماسوت العملية ورجعت بيت عمها...
جواهر بحة/في شي..
بندر/ابي اتكلم معك..
جواهر/مااعتقد ان في أي شي ممكن نتكلم فيه مع بعض..
بندر بالم/في ياجواهر في...حبي لك اكبر من أي شي...لازم نتكلم بها السالفة ياجواهر لازم,,,
جواهر/بندر...شلون لبنى اللحين؟
بندر بارتباك/ها...انا اكلمك عن حبي لك اللي وصلني للجنون وانتي تساليني عن لبنى كيف بس ياجواهر؟
جواهر/كل يوم يمر قاعدة اكتشف فيك شي جديد يابندر ماكنت اشوفه وانا عامية نفسي بحبك,,بس الحمد الله الغمامة اللي على عيني زالت وصرت اشوف كل شي واضح مثل الشمس....وخيانتك كات اول شي شفتها...تلتها لامبالاتك ولااهتمامك باهلك والناس اللي حوالينك واللي يحبونك واللي مافيه خير
حق اهله يابندر عمره ماكان يكون فيه خير لااي احد,,,,انا يابندر خلاص شلتك من بالي شلتك ,,ماعدت افكر فيك ولاراح افكر بعد يابندر...روح عسى ربي يوفقك بغيري ان شاءالله,,,,,
بندر باعتراض/بس ياجواهر...انا احبك وها الخيانة اللي انتي تتكلمين عنها..
قاطعته باشارة من يدها/بندر,,لاتحاول تكذب عليّ!
اذا كان الكذب مسموح في شرعك عيب في شرعي,,
وانا لايمكن اتنازل او ارفع كفي واهزه!!
عزيز النفس لايمكن بكلمة يفقد العزة,,,
عتابك ماياْثر بي وغرورك زادني عزة,,
لعلمك بس لااكثر عزيز النفس عمر الريح ماتهزه؟؟
///////////////////////////////////////////////////////////////////////////////////////////////////////////////////
مرت الشهور سريعة على كل الابطال اللي عشنا معهم..ومحمد رجع بعد كم يوم وراح فهد وخطب له فوزية بنفسه وبوسط بيته وكان معه ابو مصعب ومصعب وفوزية وام مصعب انكسر باسها من ها الموقف خصوصا ان مصعب بعد مافهم ان جواهر ماراح تكون من نصيبه طلب من فوزية تدور له بنت حلال بسيطة بحياتها ومالها ولا العالم اللي امه عايشة فيه بس علشان يثبت لها ان الله حق مثل ماقالها بيوم اللي رفضت محمد,,,,
نجلاء بعد تركت سوالفها مع نجود لانها خسرت حتى عيالها اللي انضموا تحت جناح نجود وتربيتها الجديدة,,,اصلا البيت كله صار يمشي بامر من نجود اللي غيرت كل انظمة النوم والاكل والطلعة ودخلت لهم اشياء جديدة بحياتهم وماحبت تخسر وجودها بها البيت بعد وضلت بعيد عن كل شي والقهر ماكلها بس دايم تردد شرعك اللهم ولااعتراض..القعدة مثل الغريبة بها البيت ولاحمل لقب مطلقة والطلعة منه,,,,
مشاري ولمياء رجعوا اصفى من قبل خصوصا وان بنت مثل القمر شرفتهم من جديد وعاشوا حياتهم بدون التفاتة لااي احد,,,
جواهر بعدت بندر عن حياتها بس ماقدرت تشيله من قلبها وهي اللي حبته بصدق بيوم من الايام ورفضت كل عروض الزواج اللي جت لها ومن كل صوب لانها كانت مؤمنة ان حب بندر بقلبها ماراح يتبدل ابدا حتى لو جرحها اكبر جرح بحياتها,,,
بندر ...للحين مو قادر يفهم ان جواهر ماتبيه وعنده امل انه ياخذها وانها تسامحه...كانت كل مهمته بالحياة انه يتابعها مثل طيفها وين ماراحت ومايخليها تغيب عن عينه ابدا..كان يمشي كل يوم معها مثل ظلها وهي تمشي على الكورنيش بدون ماتبين له أي التفاتة انها فرحانة انه بعد يتابعها,,,بس متضايقة من حياته اللي صارت بطالية لاوظيفة ولااصحاب ولااي شي قعدة بيت وملاحق جواهر وبس!!!
منال طبعا رجعت من امريكا هي وتركي بعد ماخلص من دراسته وابتدت حياتهم الفعلية هنا بالسعودية بعد ماعاشوا سنة غربة كاملة مع بعض وكل واحد شايل الثاني هناك ...وقرروا يبدون حياتهم ويكللونها بعيال يغيرون لهم طريقهم,,,
علي وعبير..اثبت لها انه المحب الوفي اللي ماراح يقصر عليها ابدا بعواطفه ومابخل عليها لاهي ولاحمود باي شي خصوصا وان حمود تعلق فيه يوم عاشوا مع بعض كثير وها الشي ريح عبير لانه علي كان صادق بمشاعره..صحيح كانت بالبداية حاطة يدها على قلبها بس مع الايام تطمنت لان علي فعلا تغير وتناست بطيبتها كل شي وفتحت صفحة جديدة,,,
هنوف وناصر قول وفعل..ماتبي تكمل دراسة وطلعت من المدرسة رغم محاولات ناصر العديدة بانه يقنعها تكمل ولو منازل بس هي عيت وهي اللي تنتظر ناصر من زمان,,,,
وتزوجوا وماخلت حياتهم من مقالبها اللي كانت شبه مجنته يوم يرجع من الدوام ويلاقيها حاطة له المكرونة بدون طبخ تقوله جرب الاكل كذا يمكن يعجبك!!!
ويوم تكوي ثيابه وتحرقهم بحجة ان المكوة خربانة مو ذنبها!!
بس كانت تحبه حييل وكان هو يبادلها نفس الشعور,,,
لبنى وعبد العزيز واصراره عليها خلاه يتمسك فيها رغم رفضها علشان زوجته لاتنظلم,,بس قدر يقنعها ان هاذي فرصة لهم ماراح تتكرر ابدا وانهم لازم يستغلونها وحكى لزوجته عن علاقته بلبنى واتفق معها انه يتزوجها بالبداية بدون مايخبر اهله علشانها وبعدين وبعد مرور الوقت يعلن زواجه,,
واتفق هو ولبنى على الزواج بموافقة ابو علي ومباركته وهو اللي كان شاري عبدالعزيز,,
ولبنى لليوم ماتكلم ابوها ولا لها نية تكلمه بعد بعكس عبير اللي طيبها غلبها..بس لبنى كانت حياتها مع مسفر بذاكرتها كل ماحاولت ترجع تكلمه وتغير رايها,,,,,,
/////////////////////////////////////////////////
في مستشفى سعد التخصصي بالخبر,,,
وبالجناح الملكي..
كانت تبتسم للي حوالينها رغم التعب,,
كانت ام ناصر جنبها وفهد واقف فوق راسها وهو يسالها كل شوي اذا كانت تبي شي وسارة ولمى وفيصل متخانقين على الضيف الجديد اللي جايهم وجواهر بتدوخ من كثر وقفتها وهي تنتظر دورها,,
سارة/نجود شوفيهم انا الكبيرة ماخلوني امسكه كثير,,,
فهد/والله حرام عليكم خلوه يرتاح شوي من جيتوا وانتوا قالبين عيشته؟
ام ناصر/خليهم يابو فيصل خليهم يتعودون عليه ويتعود عليهم من اللحين لاتحاول تحط بينهم حواجز,,
فهد باعتراض/أي بس مو كذا ياخالتي بيذبحونه..
لمى/صار دوري..انت اكثر واحد مسكته يافيصل؟
فيصل باعتراض وهو ماسك طلال الصغير بقوة /لا..هو ولد ولازم انا اللي امسكه اكثر علشاني مثله؟؟
نجود بتعب/اقول ...ترى محد غيري تعب وهو يولد خلني اشوف فيه شمخ صغيرون بذبحكم كلكم,,,
سارة/اذا بكى انا بعطيه حليبه لاني الكبيرة انتوا ماتعرفون,,,,
جواهر/انا ابي افهم متى انا بشيله,,
فيصل باعتراض/هذا مو اخوك,,,,
جواهر/هذا ولدي..حبيبي فديته...بعين يكفي اني انا اللي مسميته طلال...
فهد/عقبال مانشوف عيالك ياجواهر..
جواهر ابتسمت/كل مابغيت تشوف عيالي شوف عيالك تراهم مثل ماصاروا من نجود قطعة منها صاروا بالنسبة لي انا بعد قطعة مني وتعلقت فيهم اناا بعد,,
لمى راحت عند جواهر اللي كانت تموت عليها/ابي امسكه شوي مايصير عند فيصل طول الوقت واحنا بنرجع البيت ومامسكناه,,,
جواهر/جواهر شالت طلال من فيصل رغم اعتراضه/خلاص يالله اقلب وجهك صار دورنا انا ولمى..واذا بتعترض روح اعترض بعيد..
فيصل/صبري بس يجي خالي ناصر اذا ماعلمته,,,
نجود/فهد...
فهد/لبيه...
نجود بهمس/تحبني...
فهد/مااتوقع شكلي بحب الهدية اللي جبتيها...
نجود/بالله!!
فهد/تصدقين مستحي اروح اشيله من عندهم واحمله انا !!!
نجود وهي تكلم جواهر/جيبيه ياجواهر...ترى فهد ماشافه...
سارة ولمى وفيصل بصوت واحد/مو لازم يشوفه اهم شي احنا نشوفه,,,,نجود وهي تناظر بفهد/خلاص بعد شرعك اللهم ولااعتراض!!
فهد بهمس/بيني وبينك ضمنا ان مايغير علينا في ناس بتشيله طول الوقت!!!!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,
اخر همسة,,,,هي ارواح تسبح في فضاء الواقع وتمتزج ببعض الخيال الواسع لكنها تبقى حقيقية,,,
شخصيات ظلت بمخيلتنا لفترة طويلة عاصرنا احزانها والامها وافراحها وشجونها وسعادتها,,,
لكن يبقى دائما هناك اعتراض على انها ليست موجودة بمجتمعنا المثالي ولكنها بالحقيقة تعيش بيننا وندركها ونراها مراى العين,,,,
احبتي اتمنى انكم قراْتم معي روايتي المتواضعة (شرعك اللهم ولااعتراض)ولم تتمللوا منها ومن شخصياتها مع خالص شكري وتقديري لمتابعتكم الدائمة لي ,,,
---اختكم المحبة لكم,,ملح الحياة---

----قراءة ممتعة----

مشكوررررررررررررررررر


وانتظر جديدك