| المعلومات |
| الكاتب: |
|
| اللقب: |
ملكة جمال ليلاس وملكة سحر الخواطر   |
|
| مدونتي |
|
 |
| الإتصالات |
| الحالة: |
|
| وسائل الإتصال: |
|
|
كاتب الموضوع :
بياض الصبح
المنتدى :
القصص المكتمله
البارت الثالث
,,,,,,,,,,,,,,,,,,,,,,,,,,,,,,,,,,,,
نجود/لا...
الابلة قامت تحلطم وتدعي وطلعت من الغرفة...
نجود لفت للمعلمات باستفسار وقالت وهي تنتظر أي اجابة من أي احد/شفيها هاذي بالله!!!
وحدة من المعلمات نطت عليها/لاتشيلين بال هاذي زوجها ابو عيون زايغة ومعلمتين قبلك جونا انتداب وارتبطوا معه بعلاقة وهمية وصارت تكره سيرة المعلمات اللي مو متزوجات؟؟
نجود بعصبية وحدة بينت ملامحها الجذابة وشخصيتها القوية/ماتروح تلم زوجها وبيتها بدل ماتقعد تدعي على العالم!!!!صدق ناس ماعندها ذوق ولاتفهم بالاصول؟؟؟؟
تلفتت لوجوه الكادر اللي موجود بغرفة المعلمات الاغلبية كلها كبار بالسن ومن اجيال معمرة ومافي غير ثلاث تقريبا من عمرها وبجيلها.....تنهدت وحست البداية صعبة...وينكم يامدارس الضهران بس...لو تدرون شقد انا حانة لكم كان ماخليتوني اجي هنا......
////////////////////////////////////////////////////
في الكلية....
هيا/لبنى انتي وينك؟
لبنى بارتبك/ليش تسالين؟
هيا/ملانة وجيت لعندك مو انتي قلتيلي ماعندك محاضرات بدري اليوم؟
لبنى/ها..اي....بس انا رايحة للمراقبة هاذي مدري شسالفتها حاطتني غياب وانا حاضرة؟
هيا/مطولة عندها يعني؟
لبنى/والله مدري وقت ماتتفرغ لي وتشوف سالفتي؟
هيا/طيب لاخلصتي دقي علي بشوفك وين...
لبنى/طيب..
هيا/احذ لك شي من الكافتريا؟
لبنى/لا ماابي.....
هيا/باي.....
لبنى سكرت من هيا وتنفست الصعداء لانها كانت بمجمع مارينا مول....وماراحت الكلية؟؟؟؟؟
ركبت علطول للدور الثاني وراحت يمين تدور المحل اللي يشتغل فيه عبدالعزيز لانه قايل لها اليوم بيدوام الصباح...
ودخلت المحل.....
وتلفتت تدوره بعيونها وماشافته...
لبنى في نفسها/وش ها الحظ الردي بس!!!!جاية اشوفه وماهو هنا؟؟؟كيف يقولي ان هذا المحل اللي اشتغل فيه وانه بيدوام اليوم من الصباح؟؟؟
كانت واقفة عند ركن كله تنانير جنز قصيرة....وتصير قبال الكاشيروهي وقفت هنا بالذات علشان تشوفه بس خاب املها...
وجاها صوت من وراها/كيف ممكن اخدمك....
لبنى لفت وهي عارفة صاحب ها الصوت زين....
يوم لفت لقتها واقف بلبس المحل والقميص الابيض والبنطلون الاسود...وربطة العنق(ههههه حلوة كتير ماهيك)
لبنى بهمس/شلونك...
عبدالعزيز انصدم يوم شافها وارتبك بتفس الوقت....وحس انه تفشل......
لبنى رفعت تنورة من الموجودين عللشان ماتخلي الجو بينهم متوتر.......
لبنى/كم مقاسها ذي؟
عبدالعزيز/عفوا؟؟
لبنى بضحكة/يعني اقصد وش المقاس اللي بيناسبني؟؟؟
عبدالعزيز وهو حاس ان المسئول اللي معه يناظره اخذها من يدها وقال بجدية/في عندك ثلاثة الوان...الاسود والازرق الفاتح ..والزيتي....انتي حابة أي لون فيهم؟
لبنى بهمس/اللي تشوفه؟
عبدالعزيز وهو مرتبك/طيب هذا الاسود...اي مقاس طلبتي ...
///////////////////////////////////////////////////
نجلاء/انت اصلا كسلان...
فيصل/انا مو كسلان..انا رجال...
نجلاء/والرجال مايبي يتعلم علشان بكرة تصير له هيبة ومكانة بين الناس؟؟
فيصل/بلى..بس اللي مو حاب يتعلم مايجبرونه....
نجلاء/الله يسامحك بس يافهد؟؟تاركك على راحتك...يايمه يافيصل ياحبيبي لازم تروح الروضة اللي كبرك تعلموا الارقام والحروف من زمان وانت شاطر لي بس بطوالة اللسان؟؟؟؟
فيصل/لاتدوخيني ؟؟؟قلت لك ماابي اروح.....
نجلاء/انت ماتبي تصير مثل ابوك....كل الناس تهابه وتحترمه؟؟؟
فيصل/اكيد بصير مثله مو ولده؟؟؟؟وبعدين اذا فتحتي معي نفس الموضوع مرة ثانية بقول لاابوي انك قلتي فهد قدامي ماقلتي بو فيصل وبصير اسميه فهد واذا قال لي بقول انتي دايم تقولين كذا وانا سمعتك وش ذنبي يعني؟
نجلاء وهي فاتحة عيونها على وسعها/انت ولد ولاعدو؟؟؟
فيصل/الاثنين؟
نجلاء/هذا واللي اقول اذا رجت الروضة بنام واقعد على راحتي!!!!!!والله انها راحت علي منك ومن اخوانك؟
//////////////////////////////////////////////////////////المراقبة مها./ان شاءالله بس تعرفتي على زميلاتك ابلة نجود؟؟؟
نجود ناظرتها بدون ماتتكلم وهي حاسة بالضيق...رغم وسع الغرفة....
المراقبة مها/وقت اللي تبين تاخذين لفة على المدرسة وتشوفين الفصل اللي بتدرسينها عطيني خبر؟
وقفت نجود وقالت بثقة/اللحين..
مها بدهشة/اللحين؟؟
نجود باصرار/أي الجو مو حلو هنا..خلنا نشوف الفصل والمدرسة ابرك؟
////////////////////////////////////////////////////
في مكتب فهد الفارس..
كان قاعد ومعه زميل عمره سالم الشبيلي واللي كان يعتبره اكثر من اخو....
طبعا سالم الشبيلي متزوج وعنده ثلاثة اولاد وبنتين اكبرهم بثالث متوسط....ودايم مشاكل مع زوجته ومقررين الانفصال لانه ابو عيون زايغة حسب مايوصف نفسه...يحب فهد ويحب عياله ودايم يحاول يغير منه بس فهد عاجبته حياته على هدوئها)
فهد بجدية/انت متاْكد ان هذا هو الحل الاخير؟؟
سالم بثقة/طبعا؟؟؟؟
فهد/أي بس لاتنسى ان عندك عيال وانت تبيهم وهي تبيهم ياسالم؟
سالم/العيال بيظلون عندي...انا ابوهم ومااقدر استغني عنهم ؟
فهد/وهي بعد امهم وماتبي تتركهم عندك كذا!!!!
سالم/وشسويلها بالله!!!قلبت البيت علي وسوته جحيم؟؟؟
فهد/يعني انت بعد ماتقصر كل يوم وطاق لي طائرة ورايح دبي ولاالبحرين؟؟؟؟وريحتك طلعتك ياخوك مايصير هي ولاغيرها مراح ترضاها انك تخونها وتسكت؟؟؟
سالم/وشسوي انا بنفسي يافهد؟؟؟؟قلبي رهيف على البنات ماقدر اقاومهم؟؟؟يجننون؟
فهد/مايصير ياسالم مايصير؟؟؟كم عمر ولدك محمد؟؟؟صار بثالث متوسط وانت بعدك على سوالفك يام المراهقة ماتغيرت؟
سالم باصرار/ولاراح اتغير بعد!!!!يبى خلني اعيش حياتي...ها الزوجة حكر علي؟؟؟لاتفهمني ولاتلبيلي الشي اللي انا ابيه!!!!انا احس ان علاقتنا ماطرة باطار واحد وياويل اللي يميل عنه؟؟؟يبى الزواج تفاهم ..الزواج يعني راحة...تفضفض اللي بقلبك...تلاقي لك انسانة تسمعك...تحسسك انك بعدك بها الدنيا...مو تدفنك بحجة انك صرت ابو؟؟؟؟واذا صرت ابو بالله وش فيها ذي؟؟؟؟خلاص تتسكر كل الابواب قدامي لاني ابو؟؟؟؟؟ومشاعري اللي كاتمها بقلبي!!!يبى انا رجال احس وفيني غرايز ابي من يطلعها...ابي وحدة تقعد تسايرني ...تسولف معي..تسمعني اذا شكيت...تخفف عني المي وهمي وتعب شغلي؟؟مو ماعندها غير البيت يبيله والبيت قاصره والعيال يبيون ونبي نروح هنا ونبي نجي هنا!!!!والله مللتني بعيشتي ياخوك؟؟لعلمك انا مافكرت اخونها الا من تصرفاتها معي...انت عمرك شفت وحدة ماتقعد مع زوجها ياطالعة بحفلات استقبال ومواجيب ولابتقعد لي تبي وتبي وانت ماتهتم بالعيال وماتعطيهم ولاتجيب لهم.....ورتني الجانب الاسواْ من الزواج ياخوك يافهد صدقني....مافي غير الطلاق.....احفظ لي ولها ولكرامتها!!!
فهد تنهد....../تبيني اكلمها؟
سالم بضحكة/وش دعوة ماكلمتها وفهمتها من قبل؟؟؟كم هوشة تهاوشت معها علشان ها الشي؟؟؟يبى انا جايب لها كل اللي تبيه وتطلبه....تروح السوق تبي تاخذ غرض محدد اطلع صارف عليها لوحدها فوق السبعة الاف ريال ارجع ابي اشوف شي من اللي شريته لها عليها ولابسته مافي...لازم اول تلبسهم بحفلاتها وتكشخ قدام اهلها والزوج هذا على جنب؟؟؟يبى تعالي اخذي مابخاطري اساليني شفيك شلي مضايقك؟؟؟ههههه تدري شتقولي يافهد..تقولي كلنا متضايقين مو بس انت ههههههههه
فهد/ياخوك لاتنسى انها مو من بنات ها اليومين وكبرت ماهي بصغيرة علشان ..
قاطعه سالم/وش اللي كبرت بعد!!!!اشوف ماكبرت على الطلعات والروحات والجيات؟؟ماكبرت على عمليات التجميل اللي تدفعين فيهم النون ومايعلمون؟؟ماكبرت على اللبس وال....كبرت علي انا بس...لاهي تبي تقول ان انا اللي كبرت ولازم اطلع تقاعد؟؟لكن وين وعلى مين.....بعيش حياتي بالطول وبالعرض وماهي هامتني...
فهد/طيب والعيال يافهد ليش مابتخليهم عندها؟
سالم/عيالي عندي علشان لاتطالبني بنفقة وتصرفها على نفسها؟؟؟انا فاهمها زين...اهلها ناس على قد حالهم وهي ماشافت الدنيا الامعي..بس ماحمدت ربها علي وعلى النعمة اللي عيشتها فيها...وماراح اخلي عيالي يكونون هناك ويقعدون محتاجين لااي شي وانا موجود يافهد...
///////////////////////////////////////////
اول مافتحت المراقبة مها باب الفصل قعدوا البنات اماكنهم بسرعة وساد الهدوء الفصل مرة وحدة....واتجهت الانظار لنجود اللي دخلت وراها...
مها تكلم نجود/هذا فصلك اللي بتكونين مربيته ياابلة نجود؟...بنات هاذي ابلة نجود السبيعي مدرسة اللغة العربية الجديدة.....
سكت الفصل كله وقام يناظرها...وملاك اللي كانت ماسكة جوالها والسماعة بيدها قالت بصوت عالي/تشرفنا والله!!!!
كانت قاعدة باخر الصف وجنبها وحدة من اتباعها اللي ينفذون كل طلباتها..وابتسموا بعض البنات لان المراقبة نفسها ابتسمت..
نجود بعصبية مصحوبة بسخرية/لاوالله!!!!
المراقبة مها/احم احم..تعالي شوي ابلة نجود.....
طلعت معها برى الفصل....
نجود/خير ان شاءلله؟
مها/هاذي ...لاتحطين لسانك بلسانها اذا تبين السلامة على نفسك...
نجود بدهشة/ليش؟؟؟؟
ملاك/هاذي بنت ماجد الفايز....راس ابوها عود ومن هوامير الرياض اذا ماعجبتيها لو حطتك في بالها بتوديك ورى الشمس؟؟
نجود بسخرية/وليش جايتنا بمدرسة حكومية يوم راس ابوها عود ومن الهوامير؟؟؟ياكثرهم المدارس الخاصة بالرياض وبغير الرياض؟؟؟؟
مها/مو هي بالابتدائي والمتوسط كانت بمدارس خاصة قالت ها السنة هاذي بتغير وبتجي مدرسة حكومية تتسلى وبعدها بترجع مدرسة خاصة؟؟
نجود فتحت عيونها على وسعها وبانت حلاوة عيونها مع العدسات الرمادية اللي كانت حاطتهم/قلتيلي تتسلى!!!طيب..خير ان شاءالله؟؟
قالتها وفتحت باب الفصل ودخلت وهي في بالها تقول(والله احطك براسي يابنت الفايز واوريك نجوم القايلة؟؟؟)
نجود وقفت ورى الكرسي المخصص لها ...وحطت يدينها عليها وتوكت عليه../نتعرف على بعض ولاحابين نبدي بدرس اليوم؟
البنات باعتراض/لا نبي نتعرف على بعض!!!
نجود مشت لااول جهة عند البا/طيب مو مشكلة...نتعرف على بعض.....شسمك انتي؟
نور......هنادي...مروة....الجازي.....ريم....هبة...س ارة....لمياء....شمة....هيلة....ميثة.....مزنة.. احلام.....العنود.....
ووصلوا للجهة الوسط ولااخر صف واللي كانت جالسة فيه ملاك.....
وماسكة جوالها بيدها وتلعب فيه...
نجود/وانتي شسمك؟
ملاك طنشت وماردت عليها...
نجود بسخرية/بدون اسم!!!اسمك بدون اسم!!!هلك نسوا يسمونك؟
لفت لها ملاك وطالعتها باحتقار ورجعت لجوالها وقبل لاتمسكه وصلت يد نجود له واخذته منها ....
ملاك بعصبية/جيبيه؟؟؟
نجود/حلوة ذي؟؟؟؟؟تبينا اخذيه؟؟؟
ورمته قدام بقوة لين ضرب الجدار وانكسر وكل البنات قلوبهم وقفت ..وملاك ثارت فيها براكين الدنيا.....
ملاك بكل عصبية/ياسلام عليك؟؟؟كذا سويتي فيه؟؟؟؟؟
نجود/طلعي برة؟؟؟واذا ناوية تدخلين حصتي مرة ثانية لاتد..
قاطعتها ملاك/من زينك لو من زين حصتك عاد!!!!لكن بتشوفين انا اوريك وانا بنت ابوي؟؟؟؟
وطلعت من الفصل بسرعة وكل البنات قلوبهم ودعت الابلة الجديدة اللي ماراح تكمل يوم جديد بالمدرسة.....
اما نجود ماهمها شي وكملت تعرف على باقي البنات بالجهة الثانية اللي قلوبهم وقفت من الخوف.....
//////////////////////////////////////////////
على سفرة الغذى في بيت السبيعي....
ام بندر/وحشة لبندر....
مضاوي/يابعد عمري ياخوي....اذا نزل بروح معه مو تاركته بروحه هناك؟
لبنى/وش دعوة عاد بزر؟؟؟؟
هنوف/ههههه أي واللله تلاقينه خارب الدنيا هناك...
ام بندر/عيونكم على ولدي باردة؟؟؟اصلا انا قايلة بزوجه ...
عبير اللي كانت تتغذى معها تنهدت وتركت الملعقة من يدها وناظروا فيها كلهم....
ابو بندر/فيك شي يبى عبير؟
عبير/لا يبى سلامتك......
لبنى/شارية لك شي يجنن...
هنوف بلقافة /متى شريتي وانتي كنتي بالجامعة؟؟؟
لبنى توهقت/ها...
هنوف/لايكون مارحتي الجامعة اليوم بس؟؟؟
ابو بندر/ولايكون انتي المسؤل عن البيت ياهنوف وانا ولاشي؟؟
هنوف/هههه لابس استدرجها يبى؟؟علشان اذا هي غلطانة تقول الصدق....
لبنى/حلوة ذي شايفتني مجرمة بالله!!!اصلا وحدة يوم الاربعاء كانت جايبتها لنا وتقول ان اخوها ماخذ بضايع وفاتح له محل واذا نبي بتعطينا ايهم بسعر زين..انا عجبتني وقلت منو عندي غير اختي حبيبتي اشتريها لها؟؟؟فاليوم جابتها؟؟
هنوف/احسها قصة حتى اللي بالابتدائي يقدرون يقولونها؟؟؟؟؟
لبنى بعصبية/صدقتي ولابكيفك؟؟؟
هنوف/هههههههههههه
////////////////////////////////////////
في بيت الفارس.....
مروة/وبعدين طلعت والشرر يتطاير منها؟؟؟
ام مشاري/بنت الفايز؟؟
مروة/أي يمه؟؟؟
منال/يعني راحت فيها بنت الناس؟؟؟
مروة/ماحد قال لها...اصلا ابلة مها اخذتها على جنب وقالت لها لاتقربين من ملاك بس هي ماطاعت؟؟؟؟
مي/معناته بكرة ابو ملاك بكبره بيجي المدرسة؟
مروة/عادي تسويها ملاك تجيب ابوها ليش لا؟
ام مشاري/بنت..انتي وياها بصف لكن ياويلك اذا قربتي منها ها الاشكال انا مااحبها واخاف منها؟
مروة/يمه قولي لبنتك وبنت حماك هم اللي يقعدون معها ويكلمونها موانا؟؟؟
ام مشاري بعصبية/ووجع ياميوه مو قايلة لك ماتقعدين مع وحدة اكبر منك؟؟لاوبنت الفايز بعد!!!!
مي بتوعد/انا مالي شغل فيها هاذي سارة اللي تكلمها مو انا!!!!
ام مشاري/وجع يوجعك ويوجع سارة معك!!!انا سارة بقول لاامها بس انتي مالك شغل فيه؟؟اختك اللي معها بفصل واحد ماتكلمها تقومين انتي اللي اصغر منها تصاحبينها؟؟
مي بقهر/واله ماصاحبتها ولالي شغل فيها لامن قريب ولامن بعيد هاذي رفيقة سارة؟
منال بصرامة/خلاص عاد!!!قلنا لكم لاتصاحبونهاولالكم شغل فيها..انتوا ماتسمعون سوالفها وكل يوم ومشكلة معها وحدة؟؟ هاذي ماحد قدها..متى تطلع من مدرستنا بس ونرتاح؟؟؟
ام مشاري/وحشة لحمود...الصغير؟
منال/خليهم يمه جنبه مرتاحين كم يوم ...
ام مشاري/الله يسهل عليه وعليهم ان شاءالله..
مروة/كم شهر باقي لرحاب وتولد؟
منال/شهرين.....
مي/نبيها تجيب بنت ها المرة؟
ام مشاري/اهم شي السلامة......مريوم بعد لها وحشة.....
منال/امس ماشفتها راحت علي..ومشاري طبعا مابيجيبها اليوم لنا؟
ام مشاري/مسكين متى يجي علشان يرتاح.....
مروة/هههه معروفين الامهات بالعالم دايم يدافعون عن عيالهم؟
//////////////////////////////////////////////
بندر/وبعدين ياحلوة وش صار؟
جواهر بنعس/مدري.....
بندر/ها وقت النومة؟
جواهر/أي والله؟
بندر/انسي...مافي نوم انا بالدوام وانتي تنامين وترتاحين؟؟؟ترضيناها عاد؟
جواهر/حرام عليك نعسانة مووت؟
بندر/اقنعي قلبي اذا قادرة انا مااقدر اقنعه؟
جواهر/حبيبي ليه كذا عاد!!!والله تعبانة تدري فيني اذا مانمت الظهر يصير فيني شي؟
بندر/ياحبكم ياالحريم لنومة الظهر؟؟؟اللحين انا ابي افهم كلها كم حصة داومتوا فيها وباقي اليوم قاعدين سوالف وضحك ليش تبون تنامون بالله!!!!ماتشوفونا كرف طول النهارومانقول شي!!!
جواهر بنعس/بعدين بعدين اخ بندر..وفر محاضراتك لبعدين......
بندر باعتراض وضحك/لالالا مافيها بعدين ترى اقوم ادور لي وحدة جداوية اللحين تسليني في وقت نومتك؟؟
جواهر/ههه اذا تقدر سويها يالله تصبح على خير لاقعدت اكلمك؟
بندر بزعل/شوف ولاهمها بعد!!!!!ماني مسكر انا اللي متصل؟
جواهر/ليش العناد اذا كنت تحبني؟؟؟المفروض تشتري سعادتي وراحتي بعيونك؟
بندر/أي اخذيني من الجانب العاطفي وخليني اتنازل واخليك تنامين؟؟؟شوفي من اللحين اقولها لك اذا بعد الزواج تبين تواصلين تدريس شيلي فكرة نومة الظهر من بالك!!!!
جواهر/ههه معناته مافي زواج خلينا حب من بعيد لبعيد احسن ههه تصبح على خير ياقلبي!!!
//////////////////////////////////////////////
وحدها نجود كانت حاسة بالضيق والغربة ...
رجعت الشقة وهي ماتعرفت ولاعلى معلمة من المعلمات..لانها ماكانت تبي تصاحب كبار مرة كانت تبي تشوف اللي من جيلها...ويوم رجعت كانوا هم عندهم حصصهم.....
حتى يوم رجعت من المدرسة....ماشافت أي ترحيب من اللي معاها بالشقة...رغم انها رجعت بدري وصلت بسرعة وراحت لهم غرفهم لانهم كانوا مسكرين عليهم الباب..ويادوب تعرفوا على بعض بالسريع وعلى الماشي...وماعجبوها ولاعجبتهم تركيباتهم ثنينهم ماطبقت مع بعض وهذا وحده كان كافي انه يازمها اكثر واكثر!!!!
هي مايعجبها أي شي ولا أي احد وبنفس الوقت ماتبي تقعد بروحها طول الوقت ومعتمدة بس على مكالماتها مع اهلها وصاحباتها؟؟؟؟يكفي موقف بنت الفايز اليوم واللي ماتدري وش بيصير فيها من سبته بكرة؟؟؟؟؟
رجعت غرفتها بملل مرة ثانية وهي اللي طاردة فكرة النوم من بالها....
فتحت الثلاجة وطلعت كيس البريد وحطت لها جبن وكاس عصير وخمدت نامت وبلا وجع راس زايد؟؟؟؟؟؟؟
//////////////////////////////////////////////////////
في شقة علي.....
كان الاكل بارد بمعنى الكلمة...اثنين من عالم غريب رغم انهم عايشين ببيت واحد من الصغر!!!!ومتربين فيه لين كبروا....بس لوظلوا عيال عم وبس كان ماكرهوا بعض كل ها الكره اللي هم عايشين فيه!!!!
اه لوترجع ذيك الايام الصافية بين علي وعبير وترجع سوالف عيال العم وبنات العم مثل قبل....
كم صار لهم ماسولفوا مع بعض!!!!سنتين كاملين..كانت كل سوالفهم مجرد هواش في هواش ولا لفت نظر لبعض الامور المهمة..(اليوم العيد وابوك سال عنك؟؟لازم تروحين بيت خالتي لااتفشل اذا سالوني شفيك؟؟؟؟عمك بيسافر اذا تبي تسلم عليه؟؟؟اخوك مسوي حادث كلميه تطمني علي؟؟؟)
هاذي كانت اغلب سوالفهم اللي يجتمعوا فيها.....
ماعاشوا قصة حب مع بعض رغم الزواج اللي جمعهم....
علي وكان عايش قصة حب مع انسانة اختفت من حياته فجاْة وبدون مقدمات ومايدري ليش ولا وين ولاشنو صار لها بالضبط ولا هي عايشة ولاميتة؟؟؟؟كل اللي هو عايش عليه الذكرى!!!الذكرى وبس!!!!وهذا اللي خلاه يرفض زواجه من عبير ومايتقبله...ذكريات عايشة فيه ومو قادرينساها...وعبير بعد مافكرت تشيلها من باله وتنسيه كل شي....لانها هي الثانية كانت غرقانة بقصة حب فاشلة بعد؟؟؟؟كان الفشل فيها انها ماتواجهت مع اهلها ورفضت علي يوم خطبها عمها له؟؟؟حكمت على قلبها انه يعيش قصة حب فاشلة ويخلد ماْساتها بقلبها...كانت مشاعرها مثل البركان قطعت حبيبها بمجرد خطوبتها من علي واتجهت للحياة الزوجية الجديدة ببرود شديد ومشاعر اشبه بالجليد!!!!!!مافكرت تحتوي علي بين يدينها ويتكلمون عن عواطفهم وكاْنها كانت تنتظر من علي الصدود والهجران علشان ترجع تطرب اذنها بكلام حبيبها القديم اللي ماتعبت على مارجعت له!!!!!!
القاسم الوحيد بينهم كان بندر واللي يجيهم بين فترة وفترة يتعشى معهم ويغير شوي من الجو....البارد اللي عايشينا!!!!!
كان كل واحد فيهم ياكل وهو يفكر بعالم ثاني الطرف الثاني ماله أي دور فيه!!!!
هذا حالهم من زواجهم ولاراح يتغير بيظل مثل ماهو عليه...لااهل راضين يتدخلون ولا هم ناويين يقعدون ويتكلمون مع بعض بصراحة!!!!!صحيح علي مايعرف عن علاقتها بحبيها القديم واللي كانت كلها مكالمات تلفونية وشات لااكثر ولااقل بس هي كانت عارفة بانه يحب وحدة ثانية وان قلبه ماهو لها ولاراح يكون...لانها شافت اسم حبيبته عنده ومسجاتها القديمة بجواله القديم اللي مصر انه يحتفظ فيه ويطالعه كل ليلة قبل لاينام!!!!هالشي خلاها تكرهه اكثر واكثر واكثر!!!!
وخلا البرود بينهم يبني حواجز واسوار عالية مابيوصولن لها بسرعة.....
قام علي من السفرة بعد ماحمد ربه على ها النعمة....
وظلت هي ساكتة ماتدري وش تقول......
/////////////////////////////////////////////////////////////////تغذى مع عيلته وصعد لداره يريح قبل لايرجع المكتب من جديد.....
قعد على مكانه المفضل قبال النافذة الطويلة واخذ باكيت السجاير وطلع له وحدة وولعها وحطها في فمه.....
صار يفكر بكلام سالم صاحب عن زوجته.....
ومرت في باله حياته بها اللحظات.....
تزوج نجلاء بنت عمته واخت زوج اخته بنفس الوقت......من اربعة عشر سنة....حياتهم هادئة جدا....وشبه راكدة...كل اللي يجمعهم العيال والاهل....اي هذي النقطة توه يفكر فيها...هو ونجلاء ماتجمعهم مع بعض غير سوالف العيال والاهل؟؟؟؟ماقد سولفت له وين بتروح وشنو بتشتري ولا حتى توريه وش شرت لو طلعت مع العيال....
ومايشوفها طول اليوم غير بوقت النوم اذا نيمت العيال جته....يعني طول اليوم غايبة عنه ومقابلة البيت والعيال والضيوف وهو اخر مرحلة من اليوم.....لايافهد لا...لاتخلي كلام سالم ياْثر فيك....انت اصلا اكثر شي تكرهه الحريم!!!!مافيهم غير المشاكل ووجع الراس؟؟؟وش فيها حياتك مع نجلاء....هادئة ومايعكرها شي...ولاانت ناقصك شي بعد.....
قطع عليه افكاره صوت فيصل ولمى اللي كانوا يدقون الباب...
فهد بصرامة تعودوا عليها عياله/منو؟
فيصل/انا بابا ومعي لمى؟
فهد/تعالوا......
دخلوا اثنينهم وقعدوا عند رجل ابوهم.....
لمى/بابا...ابي اروح المكتبة العصر باخذ لي اغراض للمدرسة؟
فهد/طيب....بقول لمحمد ولد عمك يوصلك لو ماعنده شي العصر..
فيصل/بابا انا بروح معها؟
فهد/انت ليش مارحت الروضة اليوم؟امك قالت لي انك مارحت؟؟
فيصل بعد تفكير عميق/كنت مريض؟؟؟؟بطني كان يعورني؟؟؟؟
فهد بلهجة جافة/ولساتك مريض ولاشفيت؟
فيصل بلامبالاة/بروح مع لمى المكتبة ويمكن اصير زين لو شريت لي شي...لو ماشريت بظل مريض!!!!
فهد/لمى بابا امك وش تسوي؟
لمى/تكلم وحدة من صديقاتها......
فهد/وسارة؟
لمى/راحت تنام..
فهد بعصبية/وليش تنام بالله!!!انا مو قايل لكم تقومون من الغذى علطول تذاكرون دروسكم علشان تنامون بدري؟؟؟وراها ماتسمع الكلام؟؟
لمى/هي تقلد البنات اللي اكبر منها...
فهد بعصبية/روحي قعديها قولي لها البابا يقول لك مافي نوم ها الحزة؟؟
فيصل/انا بقعدها...بابا عادي اكب عليها مويه!!!!!
///////////////////////////////////////////////////////////////اليوم الثاني بمدرسة البنات.....
دخلت نجود غرفة المعلمات وحطت دلة قهوتها العربية اللي ماتستغني عنها وجنبها صحن شوكلاته...
رتبت اغراضها...وقعدت....
جت لها ابلة هاجر وقعدت جنبها...
هاجر/مرحبا..
نجود ببرود/هلا...
هاجر/شلونك ابلة نجود؟
نجود بنفس البرود/طيبة الحمد لله....
هاجر/مااخذتي جو على ها المدرسة مو؟؟؟انا بعد لساتني ماحبيتها مدري ليش!!!!!
نجود ناظرتها.../ليش انتي مو من زمان تدرسين هنا؟
هاجر/لا انا اصلا من الاحساء مو من الرياض...من العام الماضي هنا وقاعدة احاول بالنقل ولسه ......انتي من وين؟
نجود/من الدمام...
هاجر/نفس الحال يعني؟
نجود تاملتها....هاجر من الفئة العمرية الصغيرة اللي كانت شافتها امس.. رجعت لفت بالغرفة مرة ثانية ولقت منال ووحدة ثالثة بعيدة عنها....والمراقبة مها..بس هذولا اصغر ناس بالمدرسة....
شكلها بتضطر تسوي علاقات مع ها الهاجر مجبرة لامخيرة رغم انها ماعجبتها بلبسها اللي كان متواضع بس شتسوي للغربة احكام وشروط؟؟؟
دق جرس الحصة الثالثة واللي المفوض انها تكون حصتها على فصلها استاْذنت واخذت كتبها وراحت فصلها.....
////////////////////////////////////////////////////////
في جدة...
طلع من الشركة اليوم من الصباح علشان الاجتماع اللي كانوا مسوينه الادارة وحمد ربه ان اسمه مو موجود...
يالله خلنا نتمشى بجدة يوم لامدير ولارقيب علينا!!!
اخذ بعضه وراح لردسي مول.....
قعد بالكافي بعد ماطلب له وحط لاب توبه على الطاولة وفتحه.....
كلم جوال جواهر مرتين وماردت عليه اكيد عندها حصص..
ياحبي لها بنت ها الجيران والله...متى اروح واقول لاامي تخطبها لي واكمل اللي بنينا ....
خل اسوي روحي رومنسي واكتب لها كلام....
صار يكتب ويمسح يكتب ويمسح...
وهو يتاْفف كان قاعد في بيتهم بصوت عالي...
وبدون مقدمات اسحبت الكرسي المقابل له وحدة كاشفة وقعدت....
البنت/عسى ماشر شكلك متاْزم؟
ناظرها بندر بدون تعليق وهو مستغرب من حركتها
البنت/ليش تطالعني كذا!!!!
بندر بصرامة/بنات الشرقية مايسوونها.....
البنت/ههههه يعني انت مو من جدة من الشرقية؟؟؟حيا الله اهل الشرقية وانا اقول ليش منورة جدتنا!!!!!
بندر قام يطالعها بدون تعليق....
البنت/وش مشكلتك قاعد تصارخ كذا!!!!
بندر/وانتي وش عليك مني بالله!!!!
البنت/حرام عليك جدة والشرقية واحد وقلت اساعدك لو محتاج!!!!بس ماقلت لي وش فيك....
////////////////////////////////////////////////////////
كل البنات بالفصل كانوا يطالعون بملاك اللي كانت اليوم هادئة وعلى غير عادتها وماكلمت احد ولاتحرشت باحد من جت الصباح!!!وجت بدري بعد وها الشي ينذكر لها بالتاريخ.......
كانت قاعدة مكانها والكل في حالة ترقب لانهم قاطعين يقين ان نجود ماراح تجيهم اليوم لان بنت الفايز اكيد ماعدتها لها ...بس الغريب الهدوء اللي كان طاغي على ملاك واللي ماكانها سوت شي وتنتظر نتيجته!!!
والاغرب بعد ان نجود السبيعي دخلت لهم بنفس شخصيتها وقوتها واللي زايدة عليهم اليوم حلاوتها!!!
الكل وقف بعد مادخلت الاملاك.....
وصارت عيون نجود تناظرهم.....وجت عينها بعين ملاك اللي كانت تطالع فيها ومن التقوا نظراتهم صدت ملاك بعيونها...
نجود بقوة وسخرية/عسى ماشر يالاخت!!!ليش ماوقفتي!!!!
ملاك مطنشة وماكانها سمعت شي...
نجود بقوة هزت الفصل كله/بنت!!!!قومي اوقفي بسرعة.....
وقفت ملاك وهي متاْففة وبدون ماتناظر بوجه نجود.....
بعد ماوقف الكل...سلمت وردوا عليها وقعدوا.....
اخذت القلم وكتبت في وسط السبورة بيت شعر....
وذي رحم قلمت اظفار ضغنه.....بحلمي عنه وهو ليس له حلم,,,
وحطت القلم وناظرتهم وكلهم مستغربين وش بتعطيهم هاذي....
نجود/خير ان شاءالله وش فيكم تناظروني كذا!!!!
الجازي/ابلة وش بتعطينا؟
نجود بسخرية ضحكت بنات الفصل/بعطيكم انشاء...يعني تعبير...ان شاءالله بس ماعنكم مانع!!!!
مروة/بس احنا جايبين ادب....
نجود/وخير ان شاءالله من قال لكم جيبوا ادب؟
نور/احنا مااخذنا ولادرس بالادب وتوقعنا تعطينا ادب لان ابلة وئام اخر يوم لها قالت احملوا معاكم الادب ..
نجود/ههههههه ابلة وئام!!!!وش ها الخرابيط انتي واياها!!!ابلة وئام راحت خلاص اللحين في بس ابلة نجود....انا اذا ماقلت لكم قبل لااطلع وش تحملون معكم تجيني وحدة وتسالني ولاتحملون كل المواد.....
سكت الفصل وماعلق باي شي....
ومشت للنهاية بالمكان اللي قاعدة فيه ملاك يعني بنص الفصل من النهاية....
كانت نجود لابسة تنورة سودة كلوش فوقها طبقة شيفون ومذيلة بستان لامع وبلوزة بيضة مخصرة على جسمها ومبينة انوثتها وايشارب فوشي برقبتها وتاركة شعرها كله طايح وحاطة لها شريط ستان ابيض بنص شعرها....
وقفت عند طاولة ملاك اللي كانت تناظرها وسحبت طاولتها ولزقتها بالجدار وقعدت عليها وسط استغراب الكل وسكوتهم وسكوت ملاك معهم......
قعدت فوق الطاولة وقالت لهم يديرون وجوهم لها....
وكلهم داروا وصارت ملاك قبالها وجها لوجه....
/////////////////////////////////////////////////////////////خلونا نرجع لجدة....
بندر شال لاب توبه وقام وقامت تمشي وراه..
بندر لف لها بعصبية/خير ان شاءالله وش تبين مني؟
البنت/انت ليش معصب؟
بندر/كذا !!!!مزاج !!!!مضايقك شي؟؟؟؟
البنت/افعالك ماتناسب شكلك ابدا ابدا !!!!يالشرقاوي؟؟؟؟؟
بندر/ممكن تذلفين عن وجهي؟؟
البنت بقوة/لا بس ممكن الم العالم اللحين واقول انك قاعد تتحرش فيني وانك تبي تسحبني معك برى المجمع!!!!
فتح بندر عيونه على وسعها وهو مو مصدق كلامها وقال بينه وبين نفسه(صدق ان كيدهن عظيم؟؟؟)
////////////////////////////////////
البارت الثالث......
في غرفة المعلمات...
هاجر/تصدقين يامنال...شكلها واجد ذوق ها النجود اللي جايتنا؟
منال بهمس/مع ان سالفتها مع ملاك امس ماكانت حلوة؟
هاجر بنفس الهمس/وانا اشوف مها اليوم رايحة جاية الا تبي تعرف ملاك وش سوت؟
منال/ملاك؟؟غلط اللي سماها ملاك ....؟؟اكيد ناوية على الشر ماتعرفينها انتي بعد!!!
هاجر /المهم انا بروح اكلمها اليوم وببدي معها صداقة ..
منال بضحكة/هذا اذا كملت معنا يوم جديد؟؟؟
هاجر/شتقصدين؟
منال /ام ملاك جت قبل شوي ماتشوفين مها ماهي موجودة؟؟؟يعني ملاك ماهي ساكتة لها.....
سكتت هاجر وماعلقت بشي........
////////////////////////////////////////////////
في كلية الدمام...
هيا/افتقدها بقوة؟
لبنى/اممم رغم غرورها وشوفتها نفسها علينا بس لها وحشة؟
هيا/يحق لها تشوف نفسها!!!
لبنى/هههه انا اول مرة اشوف وحدة تحب اختها ها الكثر!!!!!
هيا/نجود قدوتي بالحياة.......شخصيتها دايم تبهرني.....فيها شي يجذبني لها...كبرياء على غموض على دلع خفي على جاذبية على ...
قاطعتها لبنى وهي تضحك/هههه وش بقيتي لزوج المستقبل يابنت الناس!!!هههههه هذا كله في نجود؟
هيا بحزن/دقيت لها مرتين ماردت.....
لبنى/اكيد انها بحصصها؟؟؟اذا خلصت بتدق لك لاتصيرين هوسية عاد؟
هيا/..............
لبنى/انتوا مفتقدين نجود واحنا قبلكم مفتقدين بندر؟
هيا/شلونه..
لبنى/بخير....بس البيت مفتقده بقوة....تعرفين ماعندنا الا هو وغيابه ماْثر على البيت بشكل كبير؟
هيا/الله يرده بالسلامة......
لبنى/ان شاءالله........
هيا/تصدقين ملانة ودي اطلع العصر اتسوق واخذ كم شغلة لنجود تعرفينها اللحين ابلة وتحتاج ثياب كثيرة..
لبنى بسرعة/وليش لا..نروح مارينا مول؟
هيا بملل/مارينا عاد!!!مااحبه كثير شوفي لنا مكان ثاني؟؟؟
لبنى/ليش مكان ثاني؟؟؟انتي مو تبين تتشرين لنجود..خلاص مافي غير مارينا يلبي احتيجات نجود؟(حلوة ذي ههههههه)
سكتت هيا ومعلقت لان بالنهاية اهم شي تشري شي ترضى عليه نجود......
//////////////////////////////////////////////////////
علي/خير ان شاءالله ليش داقة علي؟
عبير بجفاف لايقل عن جفاف علي/هيا ولبنى بيطلعون السوق واذا ماعندك مانع بروح معهم؟
علي بعصبية/لا ماعندي مانع روحي ؟؟خلاص في شي ثاني بعد؟
عبير بهدوء/انت بترجع تتغذى ولا مايحتاج؟
علي بعصبيته/لا يبى مايحتاج روحي معهم من اللحين اذا تبين؟؟؟وينك انا مو راد البيت اليوم اصلا!!!!اخذي راحتك؟؟؟؟قالها وقفل السماعة ومااْثرت الحركة بعبير لانها تعودت عليها خلاص,,,,,,
////////////////////////////////////////////////
نرجع لفصل نجود.....
نجود/انتوا ليش ماتلبسون بطاقات فيها اسماءكم علشان الواحد يعرفكم؟
طلعوا البنات بطاقاتهم ولبسوها..
نجود/ياسلام!!!!يعني بس للطابور وبعد الطابور مايحتاج؟؟؟
صارت تتاْمل بشكل البنات.....وبعدها قومت وحدة من البنات تقوم تقرى بيت الشعر اللي مكتوب على السبورة....
نجود/شمة ممكن تقومين تقرين اللي مكتوب.....
شمة/وذي رحم قلمت اظفار ضغنه...بحلمي عنه وهو ليس له بحلم..
نجود/شكرا...تفضلي.........مين ممكن يقولي شعنه يتكلم الشاعر؟
ساد الهدوء الفصل وكان الكل يطالع فيها وبس!!!!
نجود صارت تتكلم بثقة وطلاقة/لو تاْملنا قليلا في معنى هذا البيت لاادركنا ان الشاعر هنا يحرص على قريبه رغم صد ذلك القريب عنه...وبقية القصة مذكورة بالقصيدة بس مابندخل بتفاصيل القصيدة....المهم.....من تقولي ماالمقصود بالارحام هنا؟
الجازي/الاقارب...
نجود بحدة/لو عندك اجابة مرة ثانية رفعي يدك واذا عطيتك الموافقة تكلمي!!!
سكتت الجازي وتفشلت ونجود واصلت كلامها عادي.......وقصد الشاعر بالاقارب هنا هم الارحام حيث حث ديننا الحنيف متمثلنا بقراْننا وسنة نبينا على صلتهم والسؤال عنهم....طيب ممكن ياملاك تقولين لي ليش الدين يبينا نسال عن الارحام والاقارب؟قالتها متعمدة وهي حاسة ان ملاك سرحانة فيها......
كل انظار البنات اتجهت لملاك اللي فعلا كانت سرحانة..
نجود بسخرية/اقول يابابا مو وقت سرحان؟؟؟؟وصفقت بيدينها عالي وانتبهت لها ملاك.....
ملاك تكلم مزنة اللي جنبها واللي تحت خدمتها/شسالفة؟؟؟
مزنة اللي جنبها /قاعدة تسالك؟
نجود/خلصتي سرحانك يابابا؟
سكتت ملاك وماعلقت..
نجود/لمى احد يكلمك اكبر منك ذوقا توقفين وتكلمينه؟
نزلت ملاك راسها بالارض ....وش ها الشي المحرج اللي تحس فيه واللي عمرها ماحسته من قبل لامع معلمة ولامع أي احد؟؟
نجود بعصبية/ملاك لو مالك نفس تكملين الحصة معنا اطلعي برى ولاتاْخرينا؟؟
ملاك وقفت..../ماسمعت السؤال؟
نجود بعصبية/وانا مااعيد اسئلتي مرتين؟؟منو قال لك بالله اسرحي بالفصل؟
مرت ثواني وعادت نجود نفس السؤال لملاك.....وماجاوبت...وارتفعت كم يد من هنا ومن هناك..
نجود/الجازي.....
الجازي/يمكن لما فيه من روح التاْخي والمحبة ..
نجود/اذا جاوبتي مرة ثانية خلي اجابتك واثقة من نفسهاوبلاش كلمة يمكن؟؟طيب..تفضلي ارتاحي.....نكمل كلامنا...صلة الارحام لها اهميتها حيث يشعر الانسان بعدم العزلو والوحدة وان الناس من حوله جميعا كاالبلسم في وقت شدائده لذلك حذر ديينا من قاطع الرحم!!!
ومن هنا فان نداء اسلاميا قد بدا لان نبداء منذ الان بصلة ارحامنا خاصة بعد ان تفاقمت اعباء الحياة واصبح كل شخص .....
قاطع الجو دخلة المراقبة مها.....
مها بصرامة/ملاك....امك تحت تبيك؟ كان شكل الفصل مو عاجبها واعتبرت ان طريقة نجود ماهي حلوة...لفت لها ملاك...وساد الفصل هدوء....
نجود تكلم مرك/انا ماسمحت لك تتفضلين وتقعدين ليش قعدتي؟؟؟؟
مها /ابلة نجود؟؟؟قالتها وهي تشدد عليها....
نجود ببراْة/خير؟؟
مها/ام ملاك تبيها خليها تروح تشوف وش فيها..تقول ان بنتها امس كانت تشتكي من وحدة من المعلمات...وخلنا نتفاهم مع ها المعلمة قبل لاتوصل لفوق؟؟؟؟؟
نجود بخبث/لا..ملاك منو اللي مزعلك؟؟مااظني في احد يقدر,,,,,,,,
ساد المكان هدوء ومها تنتظر ملاك تقوم ونجود مطنشة الثنتين بعدها قالت بعصبية/ابلة مها لو سمحتي ماابي الوقت يمر واحنا بعدنا ماخلصنا؟
مها بعصبية/وانا ماابي أي شي باخذ البنت وبطلع؟؟قومي ملاك حبيبتي؟
نجود بضحكة/ليش ان شاءالله مافي ابلة قاعدة قدامها علشان تستاْذن منها اذا بتقوم؟
ملاك ضحكت من قلب...ولفت على مها وقالت لها/خلني استاْذن من الابلة واجيها.....ابلة نجود ممكن اروح اشوف الماما؟قالتها بمياعة ودلع؟
نجود بنفس طريقة ملاك المايعة/لاياماما..الماما تشوفينها في البيت واذا عندك وياها موضوع كلميها فيه بالبيت هنا مدرسة مانبي نضيع وقتنا عليك وعلى امك؟؟؟
ملاك لفت على ابلة مها اللي كانت واقفة وهي بركان شبه ينفجر/قولي للماما تاخذ راحتها لان ابلة نجود تعطينا درس اللحين وماابي اضيعه بس تخلص الحصة هاذي باجيها..طيب...ولفت لنجود وقالت بطريقة مسرحية/عذرا للوقت الذي قاطعتكتي فيه تفضلي اكملي....زين كذا عربي ينفع؟
طلعت مها وهي مستغربة من تصرفات نجود ومن تصرفات ملاك اللي ادهى بس اسكتت؟؟؟
نجود/نرجع لمحور كلامنا....لوين وصلنا؟
ملاك/خاصة بعد ان تفاقمت اعباء الحياة ..
نجود/مشاءالله منتبهة وراح السرحان؟
ملاك/شفتي شلون؟
نجود/واصبح كل شخص لايعرف حتى اخبار اخوته واهله..فلماذا لانرجع لسالف الزمان؟؟؟ولماذا لانخطو خطوة في التقارب والتواصل؟ ولندع اعباء حياتنا اليومية جانبا لانها لن تنتهيولنسارع في زيارة اقاربنا ولو مرة اسبوعيا حتى يزداد الرباط بيننا وبينهم ولنبداْ نحن بالخطوة الافضل.......... اكتبي موضوعا تعبيرين فيه عن صلة الارحام مع الاستشهاد ماامكن بالايات القرانية والاحاديث النبوية الشريفة والابيات الشعرية......
الجازي/ابلة مافي افكار نستند عليها؟
نجود/لا الموضوع بيكون مفتوح بدون افكار ناقشوه من كل الجوانب اللي ممكن تخطر في بالكم.......واهم شي عندي الاستشهادات...مفهوم؟
ملاك بتذمر/كيف تقولين لازم نوصل ارحامنا؟؟؟طيب في بعضهم مايحتملون المعاشرة؟
نجود/حتى لو كان اقاربنا من النوع القاطع القاسي المعاملة لان معاملتنا الحسنة معهم لابد ان تثمر بيوم من الايام كما قال الشاعر/
ازرع جميلا ولو في غير موضعه..فما يضيع جميلا اينما زرعا؟....نهاية الختام باقة ورد قدموها لكل اقاربكم واحبائكم وتمنوا ان لاينقطع جسر الرباط العائلي والاخوي بينكم وبينهم؟في احد عنده أي استفسار؟
..................................
نجود/طيب كل وحدة تبدي تكتب بموضوعها قبل لاتنتهي الحصة علشان نقراْ وش اللي كتبتوه؟
بدا التذمر عند البنات وانهم مو متعودين يكتبون الموضوع بنفس الحصة وبانت اسارير الفرح يوم دق الجرس وان الحصة انتهت....
نجود اخذت اغراضها وقرت الابسامة على وجوهم وقالت لهم بشماتة/معليش الحة خلصت بس عندنا الثالثة والرابعة الثالثة بتكتبون وباخذ دفاتركم والرابعة بنبدي نقراهم؟؟؟؟؟
/////////////////////////////////////////////////////
في مكتب فهد....
فهد/طيب وليش انتي مصرة على الخلع؟
الحرمة اللي معه/لانه رافض الطلاق؟؟؟
فهد/وانتي ليش تبين تتطلقين منه؟
الحرمة/هو عارف وانا عارفة؟؟؟؟
فهد/أي بس انا المحامي ولازم اعرف؟؟؟كيف ارفع دعوى وانا موفاهم ليش تبين الطلاق؟
الحرمة/.....................
فهد/حتى لو فيها مساس بكرامتك لازم تفهميني كل شي!!!علشان اوقف بصفك واعطيك الشي اللي تبينه؟
الحرمة/وبيكون الشي سر بيني وبينك ماحد بيعرفه؟
فهد بصرامة/لو ماكنتي واثقة بان سرك بيكون بيني وبينك ليش جيتيني بالله!!!!
تنهدت الحرمة وقالت باسى/طيب بقولك على بداية السالفة........................................... ........................................
/////////////////////////////////////////////////////////////ام بندر/عبير يمه..
عبير بشرود/نعم يمه..
ام بندر/علامك يابنيتي.....وش اللي مزعلك؟
عبير/ولاشي يمه.....
ام بندر تنهدت ومسحت دمعة بطرف عينها ورفعت عبير راسها وهي تشوف امها بها الوضع..
ام بندر باسى/شلون مافيك شي؟؟؟؟حتى الاعمى يشوف حالك واللي وصل له؟
////////////////////////////////////////////////
صرت كريمة عليكم وكثرت البارت وطولته عاد لاتنسون التعليق ياعسل
منورين حبايب قلبي والله,,تسلمون على تفاعلكم وتعليقكم واسمحوا لي على كل تقصير....
//////////////////////////////////////////////////////////////////////////////////////////////////////////////////
البارت الرابع,,,,ام بندر/علامك يابنيتي.....وش اللي مزعلك؟
عبير/ولاشي يمه.....
ام بندر تنهدت ومسحت دمعة بطرف عينها ورفعت عبير راسها وهي تشوف امها بها الوضع..
ام بندر باسى/شلون مافيك شي؟؟؟؟حتى الاعمى يشوف حالك واللي وصل له؟
عبير بضيق/يمه انا مافيني شي؟
ام بندر/يمه انتي ماخذة ولدعمك ماهو بغريب عنا؟؟؟؟؟سنتين ولاانتوا قادرين تتفاهمون مع بعض؟؟؟معقولة عاد ها الشي ياعبير؟؟؟
عبير بضيق/يمه....انا...خلاص سكري الموضوع؟
ام بندر باصرار/طيب ليش ماتجيبون لكم ولد يغير عليكم حياتكم ويقربكم من بعض اكثر!!!!
عبير بعصبية/يمه ماابي اسمع ها السالفة خلاص!!!عيال مانبي؟؟ليش نجيب عيال ونتعبهم معنا ليش؟؟؟؟
ام بندر/بس يايمه عبير مايصير كذا؟؟؟
عبير/....................
ام بندر/يمه انتي اللحين بعز شبابك بكرة راح تتندمين انك ماجبتي عيالك من بدري وكبرتي معهم بدل ماتكبرين بروحك وهم بعدهم صغار!!!طيعيني يمه واتركي عنك الشيطان واقطعي ها المانع اللي تاخذينه وفرحينا وافرحي وفرحي علي.........
عبير بانكسار/علي!!!ومن قال لك ان علي بيفرحه انه يكون ابو؟؟؟؟وصارت تردد بهمس بينها وبين نفسها ومني مو من حبيبته الاولية!!!!!!!!
///////////////////////////////////////////////////
في بيت الفارس.....
ام مشاري/غلاتي انتي وعيوني يامريومة..امس بس كنا نتكلم ونقول انها وحشتنا!!
لمياء/وهذا احنا اليوم جينا نتغذى معكم ياخالتي........الا رحاب شلونها دقيت لها امس ماجاوبتني؟
ام مشاري/هههه أي وقت اللي ابو احمد موجود ماترد علينا ولا لها فينا بعد!!!ومن يروح قابلتنا!!!
لمياء/هههههههه مريم وخري شوي عن جدتك ذبحتيها؟
ام مشاري/خلها..احبها انا اموت فيها حبيبة قلبي هاذي......
لمياء/اه هاذي متعبتني حييل ياخالتي لاومشاري يقول خل نجيب الثاني اللحين علشان نتعب مرة وحدة؟
ام مشاري/مشاريوه طالع على عمه مايملي عيونهم غير الولد جيبي له ولد ولامابتفتكين من حنته؟
لمياء بتذمر/خالتي الله يهداك اوقفي معي مو ضدي!!!!مريومة بروحها يبيلها بال وصبر بعد اروح احمل عليها من جديد بايعة عمري ياخالتي؟
///////////////////////////////////////////////
في بيت ام مصعب العطا الله....
ام مصعب تصير اخت فهد الفارس وبو مشاري وزوجها عبدالرحمان اخو نجلاء زوجة فهد....
انسانة متكبرة ومغرورة ومتبجحة لااخر حد ومايعجبها العجب ولايعجبها أي شخص!!!!
مصعب/الولد الكبير لها وعمره بالثلاثين بس ماتزوج للحين شايل مسؤلية اخوانه كثير خصوصا ان شغل الابو مومستقر يوم بجدة ويوم بمكة ويوم بالشرقية........
شاب طموح ومهذب وعاقل ورزين يميل كثير لخاله فهد ودايم يكونون قاعدين مع بعض ومنسجمين ....
فوزية/البنت الكبيرة من عمر منال بنت خالها وتشتغل بمركز الخدمة الاجتماعية بنت هادئة ومثقفة وكانت تميل لمحمد ولد خالها بس محمد مغازلجي كبير وماله قلب واحد فشالته من بالها واهتمت بدراستها وشغلها والنصيب......بيكون بيد الزمن,,,,,
الجازي/باول ثانوي..مع مروة بنت خالها بصف واحد وتشبه امها شوية بعزة النفس بس طيوبة مرة وحبوبة وشطورة.......)
ام مصعب تكلم نجلاء بالتلفون....
ام مصعب/هلا وغلا فيك....شلونك وشلون اخوي وشلون العيال؟
نجلاء/الحمد لله كلنا بخير انتي شلونك ...
ام مصعب/الحمد الله...اشتقنا لكم ها الاسبوع ماشفناكم...
نجلاء/وكيف كانت العزيمة؟؟؟
ام مصعب/وانتي ليه مارحتي؟
نجلاء/سارة ولمى كانوا مصرين يطلعون وفيصل تحايل بابوه يطلع معنا وماقدرت افوت طلعة فهد واجي لعزيمة اخوي؟شبيصير فيها العزيمة عاد!!!
ام مصعب/على قولتك من زينها عزيمة اخوك؟؟؟؟مافيها غير لوعة الكبد؟؟؟؟؟كل الناس تطورت وتعدلت الا اخوك ومرته؟؟مدري كيف عايشين بصراحة؟
نجلاء/طيب وابوي كيف وضعه ها الاسبوع بيظل عنده ولا بيجيكم؟
ام مصعب/والله مدري ماقالوا؟؟ولاانا سالت بعد؟؟هذا صوت فيصل؟
نجلاء/أي...ياحسرتي دفعت للروضة ذاك المبلغ الفلاني وماراح غير اول يوم بس!!!
ام مصعب/ ليش عاد!!!
نجلاء/مايبي يروح يقول ماعجبته حضرة جنابه؟
ام مصعب/وتاركته على راحته!!!مو بكيفه لاتخلينه يركب راسه ها البزر؟؟؟
نجلاء/شسوي فيه..انا فيصل بالذات مااقدر عليه؟؟؟
ام مصعب/لاعاد يانجلاء مايصير؟؟فيصل ماتقدرين عليه؟؟سارة ماتقدرين عليها؟؟لمى ماتقدرين عليها؟؟؟على ها الحساب هم بيمشونكم مو انتوا بتمشونهم؟؟انتي بس حدي ابوه عليه وهو بيعطيه صرختين وبيروح غصبا عنه؟
نجلاء/واخوك شعنده غير العصبية والصراخ عليهم؟؟؟خليه كذا كم يوم وبعدها بيمل وبيروح اعرفه فيصل....
ام مصعب/رحاب بالبيت ولابشقتها؟
نجلاء/لابشقتها صار لها اكثر من اسبوع يوم راحت؟
ام مصعب/هذا الشهر السابع لها ولادخلت الثامن؟
///////////////////////////////////////////////////////////بغرفة المعلمات....
مها تكلم نجود/اعتقد اني لفت انتباهك بخصوص ملاك الفايز ومااشوفك مشيتي مثل ماالكل ماشي؟
نجود رفعت راسها بتحدي وقالت بثقة/البنت اللي مابتحترم حصتي ولاوجودي بالحصة ماتهمني تسوي اللي تبيه!!!!
مها بصرامة/انا متاْكدة ان ام ملاك اليوم كانت جاية بخصوصك وبخصوص حركتك امس مع ملاك..بس اللي استغربت منه ليش ملاك تراجعت باللحظات الاخيرة وقالت لاامها تروح وان الموضوع عادي ومافي شي طالبة ومعلمة وماذكرت حتى اسمك؟
نجود/وانتي ليش متاْكدة وواثقة اني انا المقصودة؟
مها/لانه مافي غيرك بس اللي مايعرف منهي ملاك واللي وش ممكن تسويه؟؟؟كل اللي هنا خابرينها وعارفين اسلوبها وتصرفاتها....واتمنى ياابلة نجود انك تكونين اكثر تاْني بتعاملك معها بالايام الجاية.....
قالت ها الكلمتين وطلعت من الغرفة وماكان في الغرفة غير منال وهاجر ونجود.......
هاجر مدت صحن الفطاير لنجود اللي كانت مترددة تاخذ ولالا..بس هي تبي تبني علاقات جديدة وماعندها غير هاالثلاث بالمدرسة وبما ان مها شكلها مو أي كلام وتخاف من ها الملاك وتبي رضاها وقلبت على نجود من ثاني يوم فا شالتها نجود من بالها...يعني ماعندها غير منال وهاجر....
منال بهدوء/وش فيك ترى مو احنا مسوينا اذا كنتي خايفة جاهز؟
نجود اخذت وحدة بس وابتسمت رغم ان ابتسامات هالانسانة نادرة.....
هاجر/تصدقين نجود...تذكريني بصبا مبارك الممثلة السورية احس فيك منها؟
نجود/ههههههه
منال/من زمان تدرسين ولاتوك؟
نجود/لابصراحة اول ماتخرجت اشتغلت بمستشفى اربعة شهور لين طلع لي تدريس بمدارس الضهران وقعدت معهم ثلاثة شهور بس!!!!وبعدها درست بمدارس الدمام بعد ثلاثة شهور.....وقعدت لي فترة بالبيت واللحين جيت عندكم الرياض.....
هاجر/الله كريم...انا صار لي ثلاث سنين ادرس متواصل هنا بالرياض وميتة ابي اروح لديرتي وادرس هناك؟
منال/احم احم..الحمد الله الواسطة كان لها دور باني اختار المدرسة اللي ابيها وماتغربت ولارحت ولاجيت صار لي سنتين ونص وانا ادرس هنا بها المدرسة وبوسط اهلي ....
نجود/تمام.....هاجر انتي وين ساكنة؟
هاجر/انا قاعدة بفندق يابنت الناس؟
نجود/ليش عاد؟؟؟انا مااحب ابقى بروحي؟
هاجر/شسوي عاد؟؟؟اول كنت مثلك بس بعد البلاوي اللي شفتها من البنات اللي صاروا معي حرمت اقعد مع احد؟
منال/ترى مسكينة هاجر طيبتها خلتها تعاني كثير معهم ..استغلوها كثير وبالنهاية طفح الكيل منهم ومن تصرفاتهم؟
نجود/أي بس مو كل اصابعك سوى؟
هاجر/على قولتك؟؟بس وين ممكن الاقي بنات ناس محترمين واقدر اثق بحياتي معهم؟
نجود/لو خليت لخربت!!!!
منال/هههه المشكلة انك ماتدرين نهاية المطاف معها وش صار!!تصوري على تنقلاتها العديدة بها الشقق وبين طالبات ومعلمات..باخر شقة قعدت فيها العام الماضي كانت وحدة جايبة خويها الشقة لهم.....؟؟؟؟؟
هاجر/والمشكلة اني يوم كلمت صاحب الشقة ماجاب أي خبر وطنش ويوم اتصلت بالشرطة وعطيتهم خبر طلعت انا الغلطانة من قبل الباقيين واللي اعتبروا تصرفي لاانساني ولااخلاقي!!!!مدري حضرتاهم وش كانوا ينتظرون اكثر؟؟؟لين نروح كلنا فيها؟
نجود باسى/لهدرجة!!!انا اسمع بها السوالف بس ماقد فكرت اني ممكن اتعايش معها؟طيب بعيد انتي ساكنة ولابحي الغدير...
هاجر/بلى هنا...بفندق اراضي الغدير....
نجود/أي لمحته وانا جاية الصباح قريب يعني....طيب كيف تروحين وتجين لاتقولين ليموزين لاتحطميني؟
منال/لا انا امرها ...نفس السايق اللي يجيبني يجيبها....
نجود/سايقكم الخاص يعني!
منال/هو مو سايقنا الخاص...هو يشتغل عند عمي مراسل بالمكتب وبنفس الوقت عمي اتفق معه انه يوصلني للمدرسة واعطيه راتب منفصل ...وهي كانت محتارة وانا عرضت الموضوع عليه ووافق ورحب بالفكرة ...وصرنا نروح سوا ونرجع سوا....
نجود/سعودي ولا من ها العمالة السائبة؟
هاجر/هههه حلوة كلمة العمالة السائبة؟عجبتني!
نجود/بجد انا اكثر شي اكرهه بها الدنيا الاجانب؟؟؟احس كل المصايب والمشاكل اللي تصير لنا من ورى راسهم وتخطيطهم!!!على العموم في احراج لو كلمتي السايق باني اروح معكم وارجع معكم؟؟انا للحين ماضبطت سالفة السايق.....
منال/مو مشكلة..اللحين اقوله.....انتي وين ساكنة؟
نجود/الفصول الاربعة للشقق المفروشة....
منال رفعت جوالها تكلم السايق وهاجر ونجود كملوا سوالف عن المدرسة وطبيعتها والمعلمات ......
/////////////////////////////////////////////////////////
بعد اذان المغرب....
جواهر/والله ياقلبي اني اشتقت لك كثير فوق ماتتصورين..,,خلاص غيرت راي ردي مافي رياض ولا في ابو اللي جابها؟
نجود/هههههه تصدقين امس بس كنت بفركش السالفة وبرد من جدي؟؟؟كل شي امس كان سيء بس اليوم شوي هان علي الجو....
جواهر/وخلاص ضبطتي مع السايق؟
نجود/أي..البنتين اللي قلت لك عنهم اصغر ناس كانوا بالغرفة..الحمد هم اللي فتحوا معي السوالف ولقيتها فرصة اسالهم وجت من صالحي...السايق يشتغل مراسل عند عم منال وبالصباح يجيبها هي وهاجر وانا بطريقهم وبنفس المدرسة مريحته يعني...
جواهر/اما انا اليوم كان عندي اجتماع بالتوجيه..وتكسرت حدي...وصلت للسرير بدون نقاش؟
نجود/وكيف جو الشرقية بدوني!!!
جواهر/ماني قايلة لك لاتشوفين حالك علي!!ههههههه يعني معقولة ماتدرين؟
نجود/يبى حرام عليك الكلمة الطيبة فيني صدقة؟؟؟انتي ناسية اني بعيدة عنكم كلكم؟؟؟
جواهر/مانسيت والله وصدقيني قلبي مو مطاوعني ماابكي من غيابك بس شسوي ادري فيك نذلة ومابتهتمين بمشاعري كاالعادة!!!!
نجود/حلوة مرة ههههه اللحين انا رزة بالفصل والبنات يهابوني وانتي تقولين عني نذلة؟؟صدق ماتستحين؟المهم انا ميتة من الجوع!!!
طلبي لك من المطعم..
نجود/وهذا اللي بيصير.....بكرة لازم اروح السوبر ماركات واخذ لي كم شغلة.. مكرونة..اسباكتي...برجر...لاني كذا يابموت من الجوع يابموت من الفقر!!!
جواهر/يعني بالحالاتين ميتة !!!!
///////////////////////////////////////////////////
في بيت السبيعي....
منال/راحت مريومة وفضى البيت من جديد؟
ام مشاري/ماقصرت قعدت هي بجهة وفيصل بجهة وصار المكان مايحتاج بعد!!!
ابو مشاري/هههههه لومعهم احمد بعد كان كملت بس ماهو هنا...شوفيهم اذا اجتمعوا يوم الثلاثاء...
ام مشاري/لاتذكرني يابو مشاري على كثر ماانتظر ها اليوم يجي ونلتم كلنا واشوفهم واخذهم بحضني على قد مايوجعني بعدها راسي ومااقوم من الصداع اللي يحوشني!!!!
منال/هم كذا العيال يمه..حلوين بقعدتهم وبسوالفهم..بس خليهم يلعبون ينقلب البيت فوق تحت...
ابو مشاري/انا مفكر اشيل المخزن اللي برى واقلبه غرفة العاب لهم....بفضيه ان شاءالله ها الاسبوع وبصبغه وبفرشه وبجهزه لهم بكل الالعاب اللي يبونها..وكذا تكون لعبتهم بس هناك وماينقلب البيت كله على حسابهم....
***************بااخر الليل....
نجلاء كانت نايمة بفراشها وفتحت عيونها يوم دخل فهد/فهد..انت توك جاي؟
فهد/مو دقيت لك وقلت لك بتاْخر؟
نجلاء/أي بس طولت...تبي تتعشى ولاتعشيت؟
فهد شال ثوبه ولبس بيجامة/لا مابي شي..العيال ناموا؟
نجلاء/من بدري...وين بتروح؟
فهد/بروح اشوفهم..واتطمن عليهم؟
نجلاء/فهد شتشوف الله يهداك!!!العيال ناموا من زمان؟؟وبعدين البنات كبروا خلاص مايصير كل ساعة تنط تشوفهم وشلون نايمين؟
فهد قال لها بصرامة/البنات بناتي وماحد يمنعني عن شوفتهم ليل ولانهار ..نايمين ولاقاعدين!!!!وطلع من الغرفة وتنهدت وكملت نومها لانها عارفته بيسوي الشي اللي براسه.....
وفهد راح اول لغرفة حبيب القلب فيصل...اللي حتى نومته كانت بشقاوة وماسك المخدة بقوة بدال مايحط راسه عليها...حركه بهدوء وغير وضعيته وحط الغطاء فوقه وباس راسه وابتسم...شكثر كان ينتظر ها الولد يجيه...رغم انه يحب سارة ويحب لمى..بس الولد غير ..الولد له معنى خاص مايحس فيه الا اللي عايشه!!!!
طلع من غرفته وراح لغرفة لمى....شكثر كبرت لمى بها اليويمن وانت مو حاس فيها يافهد....لمى حبيبة قلبه بس مايبين لها ها الشي ولا الى أي احد...كانت بالنسبة له مميزة بين اخوانها لانها ماتعاند وماتصر على رايها كثير مثل فيصل وسارة.....علشان كذا كان يحبها يحب قناعتها بالشي حتى لو مااختارته بس لمجرد ان هو اللي يختاره لها ترضى فيه......
باسها بجبينه وغطاها وطلع..وراح لغرفة سارة وقبل لايفتح الباب سمع صوتها تكلم بالتلفون...وفتح الباب وهو معصب حييل واول ماشافته فتحت عيونها على وسعها وسكتت ماعرفت تتحرك!!!!
//////////////////////////////////////////////
|
18-08-10, 10:30 PM
جديد مواضيع قسم القصص المكتمله
العرض العادي
