--- البارت السبعين---
,,,,,,,,,,,,,,,,,,,,,,,,,,,,,,,,,,,
سارة/ماما وين ابوي ...
نجلاء بلامبالاة/وش تبين فيه؟
سارة/ليش مافطر اليوم ومااكل شي...فيه شي مزعله ومضايقه صح؟
فيصل/أي اكيد ولا ليش قاعد بوحه,,,
نجلاء بحدة/وين ابوكم؟؟
لمى/قاعد عند البركة..
نجلاء/قعدوا ابيكم...
فيصل/شتبين..
نجلاء/حبيبي اقعد بقولكم سالفة,,,
قعدوا قبالها وقالت باستعطاف/تعرفون ان البيت خلاص بيصير كله مشاكل وخناق وزعل...وانكممابتكونو بمكانكم عند ابوكم ولابيحكم مثل اول....
سارة/ليه؟؟؟
نجلاء بنفس الاستعطاف/لانه بيتزوج..
لمى/أي هو قال لنا بيتزوج....
نجلاء/وهل اللي بيتزوجها بتحبكم؟؟طبعا لا,,,بتقعد تسوي بينكم وبين ابوكم مشاكل كثيرة مالها حلول..
فيصل/أي بس البابا قال انها شرت لنا هدايا وكانت بتجيبهم بس البابا قال لها اذا جت تجيبهم بنفسها يعني هي تحبنا؟
نجلاء/لايافيصل هي ماتحبكم والهدايا انا اصلا شريتهم والبابا اخذهم مني علشان يعطيهم اياها علشان تقولكم انها تحبكم,,,
لمى/يعني البابا يكذب علينا هي ماتحبنا؟طيب ليش بيتزوجها اذا يدري انها ماتحبنا؟
نجلاء/طبعا يكذب عليكم...شوفوا انتوا سووا اضراب ولاتتكلمونه ولاتاكلون ولاتشربون واذا سالكم عن السبب قولوا له مانبيك تتزوج لان زوجتك اللي بتجيبها لنا ماتحبنا...
سارة/واذا هو اصر انها تحبنا وان اللي قال لنا ماتحبنا يكذب علينا شنقول له؟
نجلاء/في ها الحالة قولوا له هي ماتحبك حتى انت هي تحب فلوسك ومتزوجتك علشان فلوسك..واذا منت مصدق خلي البيت لنا ولاامي واطلع اقعد معها بشقة واكتب كل شي لنا ولاامي وبتشوف انها مابتكمل معك؟
فهمتوني ,,,لازم تقنعونه باي طريقة لازم.....قعدوا ابكوا واستعطفونه ولاترى ابوكم بيروح وحلاله بيروح لها وانتوا لابتشترون اللي نفسكم فيه وبتقعدون على بساط الفقر هي بتلهف ابوكم وبتلهف اللي وراه واللي قدامه؟؟؟؟؟؟
////////////////////////////////////////////////////////////////////////////////////////////
بندر بصرامة/ممكن افهم وش معنى ها الحركة؟
جواهر ببرود/أي حركة....
بندر/انا جاي افطر عندكم وانتي تروحين بيت عمي؟؟؟؟شتسمينها هاذي بالله!!!
جواهر/اولا انت موغريب عن البيت وبعدين انت ماتجي تفطر علشان يانا بس تجي علشان ابوي وامي ولانسيت ها الشي؟؟؟
ثانيا انت عارف ان نجود متتضايقة وان الموضوع مصيري وشاغلها كثير يعني ملزومة اوقف مع صديقتي للنهاية ومالازم اعيد لك مدى علاقتنا كل يومين يابندر؟
بندر/................................
جواهر/...........................
بندر باستعطاف/بس انتي واحشتني مووت....وبكرة ماراح اكون معك ياعمري....
جواهر بضيق مابينته/شسوي حبيبي انت عارف الظروف.....
بندر/شفتي الثوب اللي جبته...قايستيه ,,ولا مو مهم طالما ان اللي جايبه بندر؟
جواهر/حبيبي شفته..وتسلم يمناك عليه جعلني مااعدمك....بس والله مخي مشغول بامور كثيرة ومو قادرة اركز بشي......
بندر/ياللله عاد خلي كل شي من بالك وصيري انتي ملكة الجمال الاسبوع الجاي ابيك تغطين على مضاوي وعلى نورها...ابيهم يقولون الليلة دخلة جواهر مو مضاوي...طيب...
جواهر/طيب....وش بعد...
بندر قربها منه وقال بهدوء /وش فيك...حاسك متضايقة حييل...قولي لي وش اللي مضايقك؟
جواهر حست نفسها مخنوقة وتبي تبكي بس ماتدري ليش عاندوها دموعها انهم يطيحون قدام الرجال اللي حبته طول عمرها...وقال بصوت بايح ومقرب يبكي/حبيبي ولاشي لاتشغل بالك.......
بندر/اكيد...
جواهر/اكيد بس يمكن كنت متضايقة لاني حاسبة ان العيد هذا اول عيد بيمر علينا واحنا مع بعض بس مالي نصيب فيك...
بندر/ياعمري وش ها الحكي...تنهد بقوة بعدها وقال/كل ايامنا بتكون اعياد مع بعض ياجواهر وانتي عارفة بها الشي ولامنتي واثقة من بندر؟
جواهر/بلى حبيبي.....عارفة ومتاْكدة بس يمكن ضيقي ماْثر عليّ لاتواخذني....
/////////////////////////////////////////////////////////////////////////////////////////////////
مرت الليلة سريعة بدون ماتقعد نجود مع اهلها وام علي وابو علي يحاولون يقنعون في ام ناصر تلين وتوافق علشان نجود...
ناصر/وينها بنتاْخر على الرحلة كذا اذا ماطلعنا اللحين؟
نورة/كاهي جاية.....
ناصر/يالله استعجليها....
هيا/امسك عطيها ها السلة لاوصلوتا ماكلت شي طول اليوم...
ناصر/يصير اكل منها شي؟
هيا بنرفزة/نويصر..
ناصر/هههه امزح وش فيك انتي ماتتحملين مزح ابدا....
نزلت بها اللحظة نجود بهدوء وكانها انسانة ثانية.....ويادوب سلمت عليهم بصوت واطي ومشت مع ناصر لعند الباب وناداها ابوها....
ابوعلي/نجود...
لفت له وماقالت شي بس تمت تناظره...
ابو علي بتاْنيب/طالعة من بيت عزاء؟؟؟؟؟مو بيت اهلك اللي يحبونك...علامك ها الكشرة مالية وجهك......
ماقالت شي بس حست ان دموعها خانوها وبدوا ينزلون وانها متضايقة حييل وماودها تتكلم مدام انهم بيرفضون حبيبي القلب اللي بنظرها ماينعاب لمجرد العمر ولا العيال...
حاولت تمسح دموعها بس لقتهم يزيدون بدل مايقلون ومالقت الا خالتها ام علي بوجهها وضامتها لصدرها بقوة وهي تمسح عليها وتهديها..
ام علي بحنان/مابيصير الا كل خير والا اللي كاتبه رب العالمين يابنتي....انتي بس لاتشغلين بالك وتشغلين بالنا معك وعليك.......استهدي بالله ولاتخلين الشيطان يوقف براسك...كله اسبوع بتقضينه بالرياض وبتنزلين بعدها باجازة معنا لين العيد وبنتكلم بالموضوع بجدية اكثر وبنحط النقاط على الحروف طيب يايمه,,,,
نجود هزت راسها وقالت بهدوء/طيب خالتي...
ام علي/مااوصيك على نفسك.....وخلي جوالك مفتوح لاتقفلينه تشغلينا بالنا...
نجود/طيب.....يالله مع السلامة......
بمجرد طلعت نجود وناصر معها من باب البيت التفت ام علي الى ام ناصر وكلمتها ودموعها ماليين وجهها.../ام ناصر يااختي ..خليها على هواها لاتوقفين بطريقها....
ام ناصر باعتراض/بس ياام علي..
قاطعتها ام علي وهي تبكي/ماابيك تنحرمين منها وتكون نسخة ثانية من علي اللي انا انحرمت منه ومنش وفته بها الشهر الفضيل!!!!ماابي قلبك يقطعك على حياتها وفراقها وزعلها مثل ماانا متقطعة على علي اللحين!!تكفيني ااختي حسي فيها من اللحين لايجي يوم تعيشين ماْساتي مع علي اللي انا عايشتها واللي مو قادرة انام الليل بسببه ومن خوفي على اللي ممكن يكون جرى له,,,فكري عدل,,,ترى سعادتهم بيدهم وبختيارهم يااختي,,,واحنا مو باقيين لهم بها الدنيا,,,,,
خليها تشوف طريقها وتقرر هي وش تبي......
//////////////////////////////////////////////////////////////////////////////////////
عبير كانت قاعدة بغرفتها مع هيا في بيت عمها وهي سارحة بفكرها لبعيد,,,
لمتى ياترى بظل قاعدة هنا؟؟؟؟
ومتى برد بيت اهلي ,,بيت ابوي,,,,وليش اصلا طلعت منه وانا مالي ذنب بلللي صار؟؟؟
ليتك ياعمي كنت انت ابوي وتفهمني وتفهم اللي قاعدة اعانيه واللي كنت اعانيه مع علي وماتلومني على حياتنا المرة اللي كنا عايشينها؟؟
لمتى بظل منحرمة من شوفة اهلي وخواتي وامي مثل العالم والناس مو اشوفهم بالسرقة وهم طالعين لمدارسهم الصبح ولا اذا جت امي عند نسوان عمي تتفق معهم على اللي بيطبخونه,,,
لمتى بظل حبيسة ها الغرفة واهلها معتبريني اميرة ومالازم اقوم بشي لين اكون بخير ...وماهم عارفين ان الخير مابيجيني ابدا!!
ياترى وش قاعد تسوي ياعلي...مبسوط اني ماراح احضر عرس اختي الاسبوع الجاي ولاقادرة افرح معها.....
فرحان يوم اخذت حريتك مني...ولا بعدك ماضبطت امورك وسمعت رد لمياء عليك...
اترى وش بيكون موقفك اذا عرفت ان لمياء ماتبيك وتبي زوجها وعيلتها وبنتها....
بترتاح...ولابتعصب؟؟؟بتتندم انك عفتني وتركتني ولاماظني يجيك الندم لانك ماتعرفه ولاتدل طريقه حتى؟؟؟
بنشوف ياعلي وش يكون بينا....وكيف بتعيش حياتك بعد ماتركت ها البيت اللي فاتح قلبه للكل وللغريب قبل القريب واللي انت رفسته ورفست نعمته برجلك بنشوف,,,
قطع عليها تفكيره صوت الباب وبسرعة قالت/تفضل..
دخل عليها عمها وقامت من فراشها بسرعة ووقفت له/هلا عمي...
ابو علي/ليش قاعدة بروحك؟
عبير/ولاشي...بس قلت يمكن عندكم جلسة عائلية؟
ابو علي/وش ها الحكي يابنت!!!ليش انتي مو عضو من ها العائلة ولالازم تزعليني؟؟؟
عبير/لاعمي انا موقصدي...بس قلت يمكن ناصر قاعد ومابياخذ راحته....
ابوعلي/لا ناصر راح يوصل نجود المطار وماهو راد بيتسحر مع ربعه ومابيجي الا اخر الليل,,,,,نزلي انتي قعدي مع نسوان عمك وبنات عمك بدل قعدتك هنا...واابشرك...
عبير بفرح/شنو؟
ابو علي/هم بشارتين بس وش بتعطيني عليهم؟
عبير /عيوني ياعمي...
ابو علي/لا ماابي عيونك ابي ابتسامتك ورضاك يالغالية.....
عبير/...............
ابو علي/روحي نزلي كاهم امك وخواتك قاعدين تحت يتناقشون بالعرس وبللي يسوونه وانا اصريت على ابوك انهم يجون هنا لان ام ناصر متضايقة ومابتقدر تطلع من بيتها وطلع روحي لين وافق وباخذه اللحين وبطلع معه يعني بتقعدين معهم على راحتك...
ابتسمت له عبير..
ابو علي/والبشارة الثانية خالك بو رياض يسلم عليك....اتصلت امك تعزمه على العرس وبيجي ان شاءالله قبل العرس بليلتين ووصاني عليك يقول كل شي ولابنيتي عبير وانا قلت له انك بخير عاد لايشوفك وتطلعيني عنده كذاب..
عبير/افا ياعمي افا....عساك سالم ومانعدمك يارب... بس اقول عمي ياريت تقوله يجيب معه حمود ولد رياض والله مشتاقة له خله يقعد معي كم يوم يسليني ..
ابو علي/خلاص انا اكلمه ولايصير خاطرك الاطيب...
عبير/عساني منحرم منك ياالغالي,,,,
//////////////////////////////////////////////////////////////////////////////
كانت عيونه تدور بالمطار وهو ينتظرها تجي... يبي يلمحها على الاقل مو كفاية لااتصال منها ولامرسال؟؟؟
يومين وهو حاس ان الدنيا ماهي ملكه ولاهو قادر يعيش بجوه...
يومين حس ان العذاب اللي قاعد يعيشه يتزايد ساعة بعد ساعة...هذا وهو بس تقدم لها كيف لو عرف انها ماراح تكون من نصيبه شبيصير بدنيته؟؟؟
ياللهي انجود باقي ربع ساعة على ماتوصل رحلة الدمام...
خليني اشوفك واملي عيني من شوفتك.....
مصعب من وراه/خالي..
جمدت يده على الكرسي اللي كان ماسكه قدامه ولف بسرعة لمصعب وقال بحدة/وانت لمتى بالله بتظل ملازمني كنك ظلي؟؟؟؟
مصعب/خالي ماتشوف شكلك وش لون تعبان؟؟؟يااخي ارحم حالك؟
فهد بحدة/مصعب اتركي..وبعدين من قال لك اني هنا؟
مصعب/مايبيلها مفهومية مدامك متضايق ونجود ماهي هنا يعني منت بالمزرعة ومدامها الليلة جاية اكيد بتكون هنا تنتظرها,,,,,
فهد تنهد بقوة وماعلق/,..............
مصعب بحزن/صدقني ياخالي انا معك لااخر لحظة..واتمنى ربي يوفقكم مع بعض....انت خطبتها ياخالي؟
فهد بحزن/أي...
مصعب/وش صار؟
فهد بضيق/ماصار شي..يومن لاتدق ولاترسل ولااي شي من جهتها واهلها قالوا بعد العيد بنرد عليك وهاذي حالة خالك يامصعب..
مصعب/هونها وتهون يابوف يصل...اذا هي تبيك بتتحدى كل شي علشان خاطرك....وانت عارف سوالف العرس يبيلها وقت على ماتتم مابالك انت مو من ديرتهم ولايعرفونك...اكيد محتاجين يسالون عنك اكثر ولاانت مفكر بنتهم رخيصة وبيرمونها على مين ماكان؟
فهد/عارف يامصعب عارف...بس تعبان حييل..عمتك بالبيت بتجنني بتصرفاتها لامحالة ونجود بعيدة وماعندي احد اشكيه اللي فيني,,,,
مصعب/ليش شعندها عمتي بعد غير الاجتماع اللي سوته لاابوي وامي وخالي بومشاري؟
فهد باحتقار/سلامة عمرك بس راحت لسالم بيته وماخلت ولابقت,,,,,,
مصعب/استغفر الله...طيب خالي لاتلومها يمكن هي من ضيقها ومن قهرها يعني تعرف هي حاسة انها بتخسرك بها العرس وهي ماودها ها الشي يصير؟
فهد/هي خسرتني من زمان يامصعب مو توها؟؟؟؟وبعدين قوم اقلب وجهك خلاص الرحلة وصلت.....
////////////////////////////////////////////////////////////////////////////////////////////////
لبنى/وش رايكم ندق على جواهر تجي تقعد معنا؟
عبير/ياليت من زمان عنها وحشتني مووت؟
لبنى/هيا ماقلتي شي..
هيا/بكيفكم..
عبير/مايصير بكيفنا والبيت بيتك ,,
هيا/عبير علامك انتي وحساسيتك...البيت بيتك وانتي الداخلة واحنا الطالعين..ليش محسسة نفسك انك مفروضة علينا,,,!!
عبير/هذا الحق ياهيا..البيت بيتكم وانا فارضة نفسي عليكم لمتى مدري,,,,
لبنى/يالله عاد لاتقلوبنها لنا نكد......هيا دقي عليها خلها تجي منك بتكون احلى؟
هيا/لا منكم بتكون افضل لاتنسون انكم خوات العروس؟
مضاوي/تدرون شلون خلوني ادق عليها انا بنفسي افضل..
لبنى/حلو هذا افضل حل,,,,,,
هنوف/شفيكم تحسون بروحكم ياجماعة الخير,,,
هيا/ياساتر عليكم وعلى حكيكم اللي يرفع الضغط؟
نورة/هيا...انتي وش اللي بها العالم مايرفع ضغطك بالله!!كل شي رافع ضغطك؟
هياب نرفزة/مالي خلقك انتي الثانية,,,,
راحت لهجة صوتها للحزن وقالت/انتوا مو دارين عن نجود وعن حالتها...هي تحبه وتبيه وخالتي واقفة ضدها وماتبيها تاخذها وهي اذا مااخذته ماراح ترتاح ابدا!!!!
ياربي سهلها على نجود وريح بالها....هو صحيح محد توقع ان نجود تفكر بواحد مثل فهد اكبر منها عمرا ومرتبط وعنده عيال بس بعد خلاص,,,شرعك الللهم ولااعتراض فكرت وقررت وربطت مصيرها بمصيره...واللي فهمته منها انها تحبه ومتعلقة فيه,,,يارب,,,,يارب تاخذه وترتاح ويرتاح بالها...مضاوي امانة عليك بلليلة عرسك تدعين لها تاخذه ..سمعتي امانة لاتفكرين غير بنجود بذيك اللحظة,,,
//////////////////////////////////////////////////////////////////////////////////////
لمياء/حبيبي...
مشاري/هلا وغلا..
لمياء/يابعد عمري...
مشاري/الا وش الطاري حبيبي ويابعد عمري اكيد تبين شي؟
لمياء/مشكلتك فاهمني مرة...المهم ندخل بالموضوع بنتك خذها معك وراي شغل مو فاضية لها..
مشاري/لاياعيوني انا بعد مو فاضي لها.....
لمياء/مشاري..
مشاري/ها...قبل شوي حبيبي ويابعد عمري واللحين مشاري!!!
لمياء/مو لانك ماتبي تاخذها بعد ليش اقولك حبيبي مرتين عاد!!!!
مشاري/حريم...دواهي ....
لمياء/ابي افهم انت ليش ماتبيها؟
مشاري/ابي اطلع واخذ راحتي يااخي .....بتمشى بغازل بسوي كل شي بنتك بتعيقني...
لمياء/مايخالف انت غازل بجهة وهي خليها بجهة ثانية...مو مشكلة؟
مشاري/يعني عادي اغازل ماعندك مانع؟
لمياء/اوي اوي...
مشاري/مشاءالله..
لمياء/هذا يسمونه الاجيال الفاهمة والمفتوحة...يااخي مدامك بتغازل وقلت لي اياه صراحة روح موفق...بس مو تسويها من وراي بعدين اذبحك!!!
مشاري/انا زعلان منك..
لمياء/طيب ماعليه كمل زعلك وخذ بنتك معك وتالي الليل اراضيكم واشوف لي صرفة معكم؟
مشاري/تلعبين عليّ انتي!!!!متى تالي الليل واحنا برمضان ياحظي؟؟؟
لمياء/مشاري خلاص والله ماعندي وقت ورانا روحة كم مشوار متى بنخلصهم بس...يالله ترى كلها نص ساعة ويمروني..
مشاري/روحي معها ...تقعد مع احمد وبسمة..
لمياء/احمد بياخذه خاله محمد وبسمة مانقدر نتركها لو نقدر تركناها بس بعدها صغيرة..وامك بتكون معنا......
مشاري/امري لله......شقول بس...
لمياء/لاتقول شي ولاتقعد تتحلطم مثل العجايز.....خذها وانت ساكت,,,
//////////////////////////////////////////////////////////////////////////////////////////
رفعت راسها بعد ماانتتبهت على صوت يناديها والتقت عيونها بعيونه اللي حستها ذبلانة حييل وماهي عيون فهد حبيبيها....
نجود بذهول/فهد...
فهد بهدوء/ممكن نتكلم مع بعض...
نجود/بس شوفة عيونك توني واصلة ويادوب ارجع وارتب اغراضي واكل لي شي وانام...
فهد بحزن/انتي ليه مطنشتني؟؟؟؟؟؟اهلك مو موافقين عليّ!!طيب قولي لاتحقريني كذاا!!!
ماتدري ليش لحظتها كانت تبي تشيل ها الفكرة من بال فهد ان اهلها مو موافقين عليه يمكن علشان شافت شكله كيف ذبلان ومتضايق وماهو على بعضه.....
قالت بشجاعة وقوة ماتدري من وين جوها/مين اللي حط براسك ها الشي؟
فهد باستعطاف/طيب انتي ليش ماتكلميني وتاركتني ماتدرين عن هوى داري,,,,انا متضايق,,,,
فتحت باب السيارة وقالت له/ادخل...
فهد/خلينا نروح المزرعة؟
نجود/لا ماراح اقدر اجي...هم كلمتين بنقولهم لبعض ادخل...
دخل سيارتها وجلس ودخلت وجلست جنبه ولفت له وهي حاسة انها محتاجة له حييل..
رفعت يدها تتحسس وجهها وقالت له بكل حنان/فهد...علامك صاير ذبلان كذا!!!وش فيك....
فهد مسك يدها وقال بحزن/انتي...بعدك,,,تطنيشك هم اللي تعبوني؟؟
نجود/وليش بالله متعب نفسك؟
فهد/ابي افهم وش اللي صاير؟
نجود/وش قال لك ابوي؟
فهد/قال لي بعد العيد برد عليك بس انا ابي اف
قاطعته نجود/معناته بعد العيد بترعرف وش اللي صار؟ليش مستعجل؟
فهد وكانه طفل يترجاها/نجود..تكفين لاتعلقيني قولي اهلك موافقين ولارافضين؟؟؟
نجود بصرامة/فهد انت خاطبني ومالازم نتكلم مع بعض لين يردون اهلي عليك؟
فهد/طيب ليش عاد!!!
نجود/كذا بس...علشان افكر بالموضوع بدون ماتضغط علي وتذكرني بحبك..يعني افكر بعقلي مو بقلبي؟
فهد باعتراض/بس يانجود
نجود/حبيبي كلها اربعة ايام وبنزل الشرقية وماراح اجي الا بعد العيد مع بداية الدوامات....يعني ماراح تفرق معك ها الاربعة ايم!!
فهد بتعب/بتفرق بتفرق كثير يانجود....ليش كذا تسوين فيني وبقلبي وانتي عارفتني مااتحمل!!
نجود/خلاص ياسيدي اعتبره شرط ولا امر صادر من الهيئة العليا اللي فوقي اني مااكلمك لين يصدر قرار بالموافقة النهائية؟
فهد/طيب طمنيني أي ولا لا؟
نجود/بتعرف اذا جيت تاخذ الرد.....مقدر اقولك شي...
فهد/نجود...
نجود مسكت يده بقوة وقالت/ويكون بعلمك حتى لو ماسمعت صوتك بها الاسبوعين اللي بيمرون عليّ تاْكد ان مابقلب نجود غيرك وان قلبها مادق الا لك وحدك يابو فيصل؟
فهد /ابو فيصل,,ابو فيصل..وش تعني ها الكلمة يانجود؟؟؟انتي ماتحبينها ولاتقولينها؟؟قولي لي شتعني بالله بها الوقت!!
رفعت راسها وحاولت تكون نجود القوية وقالت له/تعني ان ثلاثة اسابيع مابنكلم بعض فيها راح تكون طويلة حييل عليّ بس لازم التزم بالعهد اللي قطعته على ابوي في اني مااكلمك لين يعطيك هو الرد الاخير وانا ماابي اكسر كلمته حتى وهو بعيد عني!!
فهد باستعطاف/ومافكرتي بقلبي يانجود؟؟؟؟مافكرتي وش ممكن يكون له بغيابك؟
نجود تنهدت بقوة وضمت يده لصدرها وغمضت عيونها وقالت له/احبك...
فهد بشوق/قوليها ثاني...اخاف اني مااسمعها مرة ثانية؟؟؟؟
فتحت عيونها على سوعها وهي خايفة من كلمته وقالت بانفعال/ليش يافهد تقول ها الحكي؟
فهد/انتي قاعدة تمثلين القوة عليّ يانجود بس انتي فيك شي وانا متاْكد منه!!!!اهلك رافضين صح؟
نجود/مدري عنهم ولاعن ردهم بيجيك الرد وبتجيك العلوم بعد ثلاثة اسابيع....فهد ممكن اطلب منك طلب بخلال ها المدة اللي بنقضيها بعيدين عن بعض؟
فهد بتنهيدة حارة وهو متضايق/شنو؟
نجود/هم طلبين مو طلب واحد اذا فيني اطلبهم....
فهد بحنان وحب/تعرفين انك تامرين ويجيك الشي اللي تبينه بدون ماتحكين يانجود...امريني وش بغيتي؟
نجود ابتسمت له/السيجارة يافهد...لاتقربها....علشاني كل ماجيت تشغل سيجارة تذكر اني اكرهها وانت بكيفك تسوي شي تكرهه نجود ولاماتسويه؟؟؟؟؟
فهد/.................
نجود/وعيالك..دير بالك عليهم بها الفترة ولاتحسسهم انك ممكن تتخلى عنهم ولاان وجود انسانة ثانية بحياتك ممكن يغير من علاقتكم مع بعض وخصوصا سارة.....قضي اكبر وقت ممكن معاهم ...اوعدني يافهد...ابي علاقتك فيهم تقوى وتكبر اكثر واكثر...وتخليهم ربعك مو عيالك...ابيهم يوثقون بكلمتك انت وبس...اوعدهم بالليل ونفذ وعدك بالصباح..خلي كلمتك انت بس اللي تكون لها تاْثير عندهم لان نجلاء مستحيل ماتستخدمهم ضدك.....لازم يكون سلاحك بيدك يافهد مو ضدك.....خليهم يفهمون انهم كل شي بحياتك وان ماغيرهم ممكن ياخذ مكانهم ودورهم بقلبك...
قالت كلامها وسكتت وفهد فهم منها ان الوقت اللي كان مسموح فيه انهم يجلسون يتكلمون مع بعض انتهى...شال يده من يدينها رغم انها ماكان ودها وتقرب منها وماحست الا بانفاسه تحرقها وباسها على خدها ونزل بسرعة,,,,,,,
تمنت عيونها تشوف عيونه وشلون صايرة...
كانت تتكلم طول الوقت وعيونها بيده اللي ماسكتها بين يدينه وهي مو دارية باي نظرات قاعد يطالعها...كل اللي حست فيه قربه منها وها البوسة اللي طبعها على خدها ومشى...
تنهدت بقوة وانتبهت على السايق يسالها بعد ماركب اذا يمشي ولاينتظر بعد وقالت له يمشي وهي بقمة جنونها وانفعالاتها...رمت نفسها على الكرسي وقامت تبكي بحرقة,,,,معقولة تكون ذي اخر قعدة لي معك يافهد...وان هذا الوداع اللي يتكلمون فيه؟
///////////////////////////////////////////////////////////////////////////////////////
عبدالعزيز/مدري ليش حاسك مشغولة؟
لبنى/لا ولاشي بس مثل ماقلت لك عرس صاحبتي ومشغولين معها حيل روحات وجيات وكذا..
عبدالعزيز/قلتي لها امانة عليها تدعي لنا ليلة عرسها الله يفرجها عنا وناخذ بعض؟
لبنى بعد نفس طويل/طبعا.....
عبدالعزيز/حبيبي حاس انك مخبي عليّ شي..بس مو عارف شنو؟
لبنى بتهرب/يتهيا لك ياعمري....
عبدالعزيز/شفتي شحليلك بعباية الراس...والله قمر....
لبنى/وش ماتبي بيصير ولايهمك ياعمري...
عبدالعزيز/عساني منحرم منك.........تصدقين مشتهي ورق عنب؟
لبنى/خلاص اسويلك واجيبه؟
عبدالعزيز/اقول ارقدي بالبيت مو كل شوي وطالعة هونا مانبي؟
لبنى/هههه هذا جزاة خيري اني ماابي شي بنفسك..بس مقيولة...مدري وشهي لكن..
عبدالعزيز/هههههه أي بعد احنا مانبي حرمنا المصون كل شوي وطالعة برى البيت....صح ولاانا غلطان؟
لبنى/وانت تغلط عاد!!انت كل شي تقوله صح والف صح بعد......
عبدالعزيز بجدية/الاهل قاعدين يلحون عليذ بسالفة العرس يالبنى؟
لبنى دق قلبها/وانت شو قلت لهم؟
عبدالعزيز/قلت لهم ان ظروفك شوي ماتسمح.....واني لازم اصبر شوي.....
لبنى/أي...
عبدالعزيز بحزن/لبنى...امي تقول....
لبنى بخوف/وش تقول؟
عبدالعزيز بخاطر مسكور/يعني تقول انتوا ناس فوق وعايشين الدنيا معقولة انك بتوافقين عليّ وانتي عارفة ظروفي....
لبنى بكسرة خاطر/حبيبي كم مرة بظل اقولك اني مايهمني شي من الدنيا ابدا!!!!!ابيك انت وبس..
عبدالعزيز يخفف عنها الجو/عارف وقلت لها الشي وهي قالت لي اذا انتي كلمتي اهلك عني وعن ظروفي بيكون احسن قبل لانجي نتقدم رسمي...
لبنى/اكيد بيصير ها الشي بس مثلك عارف توها سالفة عبير اصبر شوي حبيبي....
عبدالعزيز/حبيبيت انا معك وبظل اصبر واصبر لين انتي تقولين لي اوقف....لاتخافين ماراح اضغط عليك وانا عارف ظروفك.....
قاطعته لبنى/شوف هذي شمايل جاية بنسوي بروفة للثياب بكلمك بعدين باي حبيبي...
سكرت وماعطته مجال يقول شي...
اصلا لاشمايل جاية ولاهنوف مارة لو بالغلط بس هي تبي تنهي ها المكالمة قبل لايفضحها صوتها انها مخنوقة من البكي....
حتى ماهي قادرة تقوله ان عرس اختي الاسوع الجاي وكذبت عليه لانها عارفة لو قالت له بيصر انه يجي وهي ماتبي تخسره لانها عارفة ابوها بيقارن بينه وبين خالد زوج مضاوي وبيرفضه لامحالة...وهي ماتبي تحطه بها الموقف....
ياهي تحبه حب...ماممكن يتصوره عقل بها العالم...وش مايبي توافق بدون تفكير...كل طلباته اوامر عندها...شافت فيه حنان ابوها اللي فاقدته...واخوة بندر اللي ماعاشتها....كل شي فيه يجذبها له اكثر واكثر...
حبه لها ,,خوفه عليها,,,حنانه وعطفه وشفقته الدايمة عليها,,,بساطته بالحياة وبالتعامل,,,كل شي فيه يجننها,,,هذا وهي شايلة وسامته على جنب وماتحطها ضمن المقاييس,,,,
بس لو يشوفه ابوها بمنظارها هي ويشيل نقطة الجيب والفلوس...كان ارتاحت حييل بس هل بيجي ها اليوم.....ولابيطول كثييير!!!!
///////////////////////////////////////////////////////////////////////////////////////////////////
مايدري كم الوقت اللي مر عليه وهو قاعد بسيارته قبال المطار وماتحرك منها!!!!
كل اللي قاعد يسويه انه يمسح دموع اول مرة بحياته تنزل منه,,,,
وش اللي جاك يافهد...وخلاك تبكي؟؟؟
تبكي ليش وعلشان منو؟؟؟
تبكي لنجود...وهل ممكن اللي بينك وبينها ينتهي خلاص؟؟؟
هي انهته بمجرد ماقالت لي ها الكلمتين...وش تقصد يعني بان ثلاثة اسابيع كاملة مااسمع فيها صوتها....لين تجي موافقة اهلها ولارفضهم!!
طيب واذا رفضوا...مناته اني خسرت صوتها ووجودها بحياتي للابد!!!!!
كانت يده الشي الوحيد اللي محسسه بالموضوع واللي كل ماحاول يميلها يمين شمال يرجع يناظرها وهويتذكر انها كانت قبل ساعات بيدين نجود ويمسحون عليها,,,,,
كل شوي يقرب يده منه ويشم اللي تبقى من ريحتها على يده وكانه مدمن ولامجرم ولاشي خطير,,,,,
حس انه مخنوق ومو قادر يتكلم ولايتحرك ولاحتى يسوي أي شي....
كل شي يخنقه باسم نجود...وبتفكيره فيها...هي فيها شي متغير ماهي بنجود اللي تعرفها يافهد...اكيد اهلها ماوافقوا وهي تبي تعودك على الفراق لامحالة؟؟؟هذا صوت عقله واللي كان يوسوس له بس قلبه رافض الفكرة وكان يصر على انها تحبه وهي اللي قالت له تقدم ..يعني لو هي حاسة بانهم بيرفضون ليش بتخليه يتقدم لها وهي تحبه قبل ماتسوي امورها مع اهلها؟؟؟؟؟
مايدري ليش حاسس بالضعف وبالخوف وبالقهر وبكل شي اسود حوالينه....
امتدت يده لجيبه يطلع له سيجارة وهاذي خامس سيجارة يطلعها يبي يدخنها من ركب سيارته ويتذكر كلامها له/كل ماجيت تدخن سيجارة تذكر ان نجود تكرهها وانت بكيفك قرر اذا تسوي شي تكرهه نجود ولالا؟
يتذكر كلامها ويرجع يرمي السيحارة بعصبية على ارض السيارة وهو مو عارف شيسوي ولاوين يروح.....
مع منو يتكلم ولامنو يشكي بعدها؟؟؟؟بكلمة وحدة منها كانت تمتص غضبه وتعرف وش اللي فيه وشنو اللي شاغل باله......
تنهد بقوة واخيرا قرر ينفذ طلبها ويروح لعياله..مو لانه يفكر فيهم لانهم بها اللحظات ماهم في باله بس لانها هي طلبت منه ها الشي وبيظل ينفذ طلبها حتى وهم بعيدين....علشان لو التقوا يقول لها انه ماخالف شورها وسوى اللي هي تبيه؟؟؟؟
حرك سيارته وراح لعند البيت يحتضن عياله مثل ماطلبت منه,,,,
/////////////////////////////////////////////////////////////////////////////////////////////
اليوم الثاني بالمدرسة,,,,,,
ملاك/ليش ماتعطونا النتايج اليوم بدل يوم الاثنين؟
نجود/والله هاذي ادارتكم المتخلفة انا شكو؟لازم نتعب لااخر نفس ولامانحلل ها المعاش؟
ملاك/هههههه صايرة كبريت؟
نجود بنرفزة/تعبت.......وانتي تعالي....
كانت نور تمشي قريبة منهم وجت اول مانادتها نجود..
نور/شلونك ابلة نجود..
نجود/تدرين يبيلك ذبحة؟
نور/.........؟؟؟
نجود بنرفزة/يعني انتي بالفصل عندي شعلة وتجين بعد الجازي من ضمن المتفوقات...وراك كذا لاجتني بالورقة ومخبصة الدنيا؟؟مو حرام عليك....يعني تفاجاْت بصراحة من اجاباتك مو بمادة وحدة بكل المواد بالنحو وبالادب وبالبلاغة؟؟؟قريتهم مرة ومرتين وثلاث...تاْكدت من الاسم ومن الخط انتي مافي شك...ليه كذا عاد بالورقة ماندك التركيز نفسه...هذا وانتي ممتازة وتوقعتك تجيبين العلامات الكاملة بس خيبتيني يانور..
نور بحزن/ابلة اسئلتك كانت صعبة؟
ملاك/أي اسئلتك كانت حييل صعبة ماكذبتي يوم قلتي الوزارة يبونك تحطين لهم الاسئلة؟؟؟
نجود/ياسلالاااام صار الحق علي اللحين!!وش معنى الجازي كانت درجتها كاملة؟
ملاك بنرفزة/وحنا وين مانروح تظل ورانا؟؟؟
نجود/شما بعد كانت اجاباتها نموذجية...ريم..مروة...سهى...في بنات ماتخيلتهم ابدا كانت اجاباتهم مية بالمية ...انتي فاجاتيني يانور صراحة وزعلت كثير عليك..
ملاك/وانا...
نجود/انتي بدعتي بس بالبلاغة بالنحو وبالادب علاماتك كانت شبه كاملة....
ملاك/عيدي لنا الاختبار؟
نجود/لو تعطيني مليون وفوقهم بيت ماعدته؟
ملاك/ههههه عجبتني مرة هاذي امنية كل المعلمات ولاامنيتك بروحك؟
نجود/المهم بعد العيد علطولو وباول يوم دراسي نرجع بنروح مشوارنا اللي اتفقنا عليه طيب.....
مشت نور بعد مااستاءذنت وقالت ملاك بتردد/مشوارنا..
نجود/أي....
ملاك/...........
نجود/ولاتبين بعد ماتستلمين نتيجتك نروحه..انتي بكيفك...انا بكون هنا ليوم الثلاثاء بس....عطيني خبر طيب....
ملاك وهي واقفة مثل التمثال بمكانها/طيب.....
//////////////////////////////////////////////////////////////////////////////////////////////
نجلاء/ليش البارحة ماقلتي لاابوك شي عن الموضوع؟
سارة/كانت لمى نايمة وفيصل طالع مع محمد ولد عمي وكنت بروحي ظلينا نسولف بالدراسة بس...
نجلاء/ياسلاااام وبتطير الدراسة اذا ماسولفتوا فيها؟أي الاهم بالله ينخرب بيت امك ولاالدراسة؟
سارة/طيب ماما راح اكلمه اليوم..اصلا هو قال لنا بيفطرنا بالمكان اللي نبيه؟
نجلاء/وقلتي له ان امي زعلانة وماراح تفطر معنا؟
سارة/عساك البلاى قولي امين؟كلميه اللحين وقولي ماراح نفطر برى امي زعلانة واراح تجي معنا؟يالله بسرعة...
سارة بضيق/طيب واذا قال خلاص ماراح نفطر برى نفطر بالبيت ..
نجلاء/وش فيها هاذي؟
سارة بنرفزة/نكن خسرنا جو برى ورمضان طار علينا واحنا مافطرنابمكان حلو..
نجلاء/امسكي كلميه بسرعة قولي له....
دقت على فهد وعطت السماعة سارة.وحطته سبيكر..
فهد/الو..
سارة/هاااي بابا..
فهد/هلا سارونة...
سارة/صوتك تعبان...شفيك؟
فهد/لاتشغلين بالك...العمل .....
سارة/بابا انت بعدك على وعدك بتفطرنا برى اليوم؟
فهد/أي...قلتي لااخوانك لمى وفيصل؟
سارة/أي...بس في مشكلة صغيرة؟
فهد/شنو؟
سارة/امي زعلانة وماراح تجي معنا وهي زعلانة.....
سكت شوي وقلب نجلاء يدق بسرعة وفتحت عيونها على وسعها يوم سمعت صوته يقول بكل شماتة/ومن قال ان امك معزومة معنا اصلا!!!انا عازمك انتي واخوانك بس ياسارة....عندك شي تبين تقولينه؟
سارة وهي تناظر بامها بخوف من شكلها/بس بابا احنا نبي امي تكون موجودة معنا...
فهد/حبيبتي امك موجودة طول الوقت معنا لاتشغلين بالك..هي ليلة بنطلع نغير فيها جو انا معكم علشان بعدها نروح الملاهي وامك ماتحب تروح الملاهي.....خلاص سارة روحي قولي لااخوانك قبل الصلاة بنص ساعة يكونون جاهزين طيب...اللي بيتاخر ماراح يجي معنا...يالله حبيبيتي انا مشغول اللحين؟
جاها صوت نجلاء قاسي وخالي من أي عاطفة/أي بس عيالي ماراح يروحون معك؟؟؟ماسمعتها تقولك نبي امي؟؟وانا ماابي اروح؟؟؟
فهد بضيق/اللي يبي يظل معك خله يظل واللي يبي يجي معي حياه الله..عزيز وغالي علي!؟؟
نجلاء/تتحداني يافهد؟؟؟
فهد/لاتدخلين العيال بمشاكلنا يانجلاء بقولها لك مليون مرة,,,,,,,وبعدين على مااعتقد ماحد منهم مستعد يقابلك ابدا!!!
نجلاء بنرفزة/هذا رايك...
فهد/وياليت تحطينه في بالك وحسابنك...وتفهمين بعد اني خلاص قفلت حياتي من ناحيتك؟
نجلاء بتحدي/ماراح تاخذها وتتهنى وياها يافهد؟؟؟مفكرني ماشفت المسجات السخيفة اللي راسلتها لك بجوالك؟؟؟كان ودي تكون مسيفها باسمها واعرفها ...والجوال اللي مخزن رقمه دايم مقفل ولاكان وريتها ذيك الثانية بعد!!
فهد باحتقار/هذا علشان انا غيرت لها جوالها ...وبطلي ها الحركات اللي بتردك بيت اهلك بلحظة بيفلت فيها الزمام مني!!
قفل السماعة وهو بقمة قهره...مايكفي غياب نجود...الا وجع نجلاء وهمها مو راضي ينتهي ابدا!!!!!
وينك يابنت السبيعي تجيني وتطلعيني من ها الازمة المرة اللي قاعد اعيشها...ليتك مرة بس فاتحتيني بها الموضوع وقلت لك وش المتوقع من نجلاء تسويه وعطيتيني خيارات علشان احافظ على هدوئي اللي فالت مني ومو قادر اتحمل اكثر؟؟؟؟
صغيرة؟
فهد/شنو؟
سارة/امي زعلانة وماراح تجي معنا وهي زعلانة.....
سكت شوي وقلب نجلاء يدق بسرعة وفتحت عيونها على وسعها يوم سمعت صوته يقول بكل شماتة/ومن قال ان امك معزومة معنا اصلا!!!انا عازمك انتي واخوانك بس ياسارة....عندك شي تبين تقولينه؟
سارة وهي تناظر بامها بخوف من شكلها/بس بابا احنا نبي امي تكون موجودة معنا...
فهد/حبيبتي امك موجودة طول الوقت معنا لاتشغلين بالك..هي ليلة بنطلع نغير فيها جو انا معكم علشان بعدها نروح الملاهي وامك ماتحب تروح الملاهي.....خلاص سارة روحي قولي لااخوانك قبل الصلاة بنص ساعة يكونون جاهزين طيب...اللي بيتاخر ماراح يجي معنا...يالله حبيبيتي انا مشغول اللحين؟
جاها صوت نجلاء قاسي وخالي من أي عاطفة/أي بس عيالي ماراح يروحون معك؟؟؟ماسمعتها تقولك نبي امي؟؟وانا ماابي اروح؟؟؟
فهد بضيق/اللي يبي يظل معك خله يظل واللي يبي يجي معي حياه الله..عزيز وغالي علي!؟؟
نجلاء/تتحداني يافهد؟؟؟
ف
يوم ويومين وثلاثة ايام واربعة ايام كاملة مرت...
قاومت فيها انها ماتسمع صوت نجود فيهم اللي كانت عارفة مسبقا ان نجود ماراح ترضخ وتكلمها,,,,
ياترى وش حالها ....ياانها وحشتني ها البنية ,,,اسبوع غايبة وكانها غايبة شهر,’,,لاسمعت فيهم صوتها ولاعرفت اخبارها,,,وكلهم يلمحون لي من قريب وبعيد انها تعبانة وضعفانة وذبلانة,,,
مو مني يانجود...انا ابيه لك يابنتي ولمصلحتك....
لاتسوي كذا بعمرك وتحرقين دمك ودمي على الفاضي ترى مافي شي يستاهل يابنتي يانجود,,,,
انا ابي لك الزين..ابي لك معرس لك وحدك يهنيك ويتهنا فيك..ماابي وحدة ثانية تشاركك فيه وتحرمك منه...ماابي عيال يكرهونك لو فكروا بلحظة من اللحظات انك قاعدة تاخذين ابوهم من حياتهم,,,
الله يهداك بس يابنتي ويعقلك....
***********************//****ها اللاربعة ايام المرة اللي قاومت ام ناصر فيها انها ماتسمع صوت نجود كانت نجود نفسها مقاومة بس بشكل ثاني,,,,
كانت مقاومة انها ماتسمع صوت فهد فيهم ولاحتى تكلمه وتعرف اخباره رغم انها مرات كثيرة ترفع الجوال وتكتب له مسج بس ماترسله,,,
كانت بحيرة محد داري فيها غير جواهرولبنى وعبير اللي يواسونها ويصبرونها ويوعدوها خير وانهم قاعدين يقنعون امها فيه وان شاءالله الموضوع يعدي,,,,,,
اه يافهد اه,,,عمري ماتوقعت اني انحط بموقف صعب مثل ذا وكاهو صار ومني عارفة شسوي علشان اطلع منه,,,,,,,
رحمتك يارب رحمتك....حتى مو قاوية انزل الشرقية الليلة واقعد معهم مثل العالم والناس,,,
ماني قادرة حتى اشتري ثوب لعرس بنت عمي اللي المفروض اكون جهزته من زمان وهي عرسها بعد ليلتين,,,,
ولو ماجواهر ولبنى وعبير ومكالمتهم اللي تخفف عني كان انا ضايعة من زمان,,,,
تنهدت وهي تشيل شنطتها وتنزل للسايق علشان يوصلها المطار....
قفلت باب غرفتها ونزلت وقبل لاتدخل سيارتها ناداها شخص وراها والتفت له وتفاجات من وجوده,,,,,
////////////////////////////////////////////////////////////////////////////////////
فهد رفع راسه ولقى عياله يناظرونه..
فهد/خير في شي..
سارة/بابا نبي نتكلم معك بموضوع؟
فهد/خير,,
لمى/وماتزعل منا..
فهد/لا اكيد ماراح ازعل...اول اجلسوا....
جلسوا قباله وقالت سارة/بابا..الموضوع يخض زواجك؟
فهد/شفيه؟
لمى/بابا احنا مو موافقين عليه؟
فهد/ليه؟؟؟ماكنتوا موافقين؟
لمى/غيرنا راينا...
فهد/ممكن اعرف ليش؟
سارة/حسينا انك بتروح وبتلهي بحياة جديدة وبتتركننا واحنا نحبك ومانبي أي احد ياخذك منا؟
فهد/أي بس ماكان هذا رايكم من البداية؟
فيصل/صار وفكرنا عدل وغيرنا راينا..
فهد/مشاءالله ولدي فيصل قام يقول كي اكبر منه؟؟؟من حفظك اياه..الماما؟
لمى/بابا لاتتزوج؟
فهد/انتوا قلتوا لي بالبداية انكم موافقين صح؟
سارة/بس غيرنا راينا؟
فهد/الوقت اللي انتوا كنتوا فيه موافقين انا خطبت وخلصت وصار كل شي.....يعني اللحين اعتراضكم ماهو بمحله؟
سكتوا ثلاثتهم وكانهم توهقوا بالجواب,,,
فهد/تبون تروحون تشاورون امكم بللي تقولونه وتردون عليّ فيه؟؟؟
لمى ببراْة/بابا احنا نبي نعيش هنا معك ومع بيت عمي وامي تقول انت اذا تزوجت بترمينا...
فيصل/بابا خلي البيت باسم امي وباسمنا واترك لنا فلوسك وروح تزوج واطلع من البيت وتنتهي القضية؟
فهد سكر الكتاب اللي بيده بقوة وقال بصرامة/هذا اللي علمتكم اياه امكم؟
لعلمكم ولعلمها...بعد العيد بتجي صاحبة ها البيت اللي انكتب البيت باسمها من زمان وبتعيش معكم وبتعيشون معها,,ومثل ماوعدتوني تحبونها وتحبكم بتوفون لي بوعدكم صح ولامنتو بقد وعودكم؟
سارة/........
لمى/......
فيصل/..........
فهد/على كلا البيت انتوا اصحابه وبلا ماتحشي امكم راسكم بها الكلام الفاضي....ويالله قوموا لبسوا انا بطلعكم الليلة بتروحون مزرعة عمكم سالم زوجته نوف مسوية لهم حفلة صغيرة واصرت انكم تكونون موجودين؟
فيصل/رائد بيكون هناك..
فهد/أي واكد علي تكون موجود علشان يلعب معك كورة ويغلبك....وقالت نوف بعد انها تبي تشوف البنات الحلوين .....ها مو جايين مع البابا تسهرون وتستانسون...ترةى مصعب ومحمد بيجون بعدين انا قايل لهم..
سارة/انا بروح ابدل ثيابي.....
قاموا سارة وفيصل وبقت لمى مكانها تبكي,,
فهد/و ش فيك يالمى..
لمى/بابا لاتتزوج..
فهد/امك السبب صح؟
لمى/امس ...
فهد/ضربتك؟
لمى/لاتقول لها..هي قالت لازم ابكي قدامك واقول اني ....يعني لازم اخرب عليك..
فهد/حبيبتي اللي بيني وبين امك شي انتوا ماتفهومنه...بتعرفون بكرة وش يعني...يا الله قومي بدلي ثيابك.....
//////////////////////////////////////////////////////////////
نجود بذهول/مصعب؟؟وش تبي؟
مصعب كان حامل اغراض بيده/خفت اروح لك المطار وماالاقيك قلت اجي لك مباشرة واختصر على نفسي الطريق.....
نجود/شتبي؟
مصعب/هذا من خالي فهد...يقول لازم تلبسينه بعرس بنت عمك بكرة....
تنهدت وناظرت بالاكياس.....والتفت للسيارة وقالت/قوله وصل..شكرا...
مصعب/مقدر...هذا خالي فهد وانتي تعرفينه اكثر مني وتعرفين اذا احد رد هديته كيف يزعل...وبعدين يكفي الضيق اللي هو عايشه وانتي موقفته بحياتك؟
نجود بدفاع/انا موقفته؟؟
مصعب/أي انتي مخليته معلق لاطايل ارض ولاسماء؟
نجود بحدة/مصعب هو تقدم والباقي يسمع الرد من اهلي مو مني وانا مقدر اقوله شي.....
مصعب/انا عمري ماشفت خالي متغير الا يوم عرفك...وبحياتي ماشفته باسوا حالته الا يوم خطبك اللحين...لو تشوفينه كيف صاير,,,,,,يالله كلها كم يوم والغمامة تنزاح...
مد يده لها وقال تفضلي......
نجود ظلت تناظر بالاغراض وبالنهاية اخذتهموقبل لاتلف ناداها وقال بتردد/ممكن تعطين جواهر ها الهدية,,,يعني هي مشابهة لهديتك بس امانة لاتقولين لها انها مني بعدين ماراح تاخذها,,,,
نجود/ومدامك واثق انها ماراح تاخذها لو عرفت انها منك ليش مصر انك تقحم نفسك بحياتها ياولد الناس؟
تنهد تنهيدة طويلة وحط يده على قلبه وقال لها بحزن/مو مني يانجود هذا اللي يسيرني ويمشيني على كيفه,,,هذا اللي مايقوى مايفكر فيها لو يتركها تغيب عن باله دقيقة وحدة,,,لاتلوميني لوميه هو يانجود انا مالي شغل,,,انا بروحي متعذب منه,,,,,
غريب حال الحب وشلون يذل صاحبه لهدرجة؟؟؟
ها الشي بس مر على نجود وهي تناظره يتكلم بانفعال واخذت الاغراض منه وركبت سيارتها ومشت وهي تودع الرياض واهل الرياض اللي ماراح تشوفهم الا بعد شهر كامل,,,,,وياترى هل بتقوى على فراقهم ها الشهر كله ولا بيكون فراقهم العمر كله؟؟؟؟
/////////////////////////////////////////////////////////////////////////////////////////////////////////
هيا/ها ياخالتي شقلتي؟
ام ناصر/شتبيني اقول عاد ياهيا؟
هيا/قولي انك موافقة والله مو حلو شكل نجود كذا وهي زعلانة وخاطرها مكسور,,,
ناصر/بالعكس شكلها وهي زعلانة يذبح والله فيها شي مميز,,,,,
هيا/ياسلاااام هذا بس اللي قدرت تقوله؟؟؟؟
ناصر/لاتفكرين انك الوحيدة الخايفة عليها ياهيا....انا نفسي رافض الفكرة ورافض انها تنحط بحياة مثل هاذي بس بالنهاية انا شايف التصميم والاصرار بعيونها وزعلان على كسرة خاطرها اللي ماتعودت ابدا اشوفه كذا.....والله مو عارف شسوي اوافق واقنع امي وارميها ها الرمية اللي محد بيعلم فيها...واظل بوجهها واظل مقنع امي انها ماترد بكلمتها لان نجود بالنهاية بتحترم قرار امي وماراح توافق في حالة رفض امي له,,,,من جد محتار ياهيا.,...
هيا بانفعال/وليش ها الحيرة عاد!!!وين حبك لنجود واحترامك لقرارتها؟بعدين لاتنسى انها هي بنفسها اختارت ها الحياة,,,,,
ام ناصر/أي حياة هاذي ياهيا اللي بتظل غايبة عنا فيها ومابنلاقيها ولاندري وش اخبارها وشلي صاير معها,,,,,
هاذي بنتي الكبيرة وابي افرح فيها وافرح بسعادتها مو العكس ياهيا...
هيا/ومن قال لك ياخالتي ان فهد ماراح يسعدها عاد!!!فهد راح يحطها بعيونه,,,
ام ناصر/وش بيقول لها غير ها الحكي ياهيا ها,,,اكيد بيعطيها القمر بيد والشمس بيد بس بعدين وقت اللي تحمى بينها وبين زوجته وعياله بيوقف يتفرج بعيد بدون مايحرك ساكن,,,,,,
ناصر/انا رايح المطار اجيبها وياليت ماينفتح الموضوع الا بعد عرس مضاوي وخلوا ها الليلتين يعدون على خير,,,,,يالله تبون شي,,,
ام ناصر/سلامتك يمه,,,
ناصر/الله يسلمك.....
////////////////////////////////////////////////////////////////////////////////////////////////
دلع/اقول بندر..
بندر/نعم...
دلع/منت ناوي تعزمني على عرس مضاوي بكرة ؟
بندر/..............
دلع/مااشوفك رديت,,,,,ولامالك نية تخليني اشوف جواهر بالثوب الذهبي اللي انت اخترته لها علشان تلبسه؟
بندر/خلي عرس اختي يمر وانتي مالك شغل فيه؟
دلع/ياسلااام ....كيف مالي شغل فيه مو عرس اخت زوجي....ولاتبيهم يقولون زوجة بندر ماتقوم بالواجب وتجامل عيالها وحمولتها بمناسباتهم,,,,,
بندر/دلع......اتفقنا على روحة دبي بعد العيد وبعدها خلاص....وبلا حكي فاضي من هنا وهنا,,,
دلع/يعني انا بالمرة اقول اشوف ها الشقة اللي ذابحة حالها فيها بنت الهاجري وشايلة وحاطة,,,شقة العمر على قولتها,,,,,
بندر/دلع....لاتكثرين حكي.....
دلع/زين....وانت محد ياخذ ويعطي معك....قوم بس تجهز وجهز اغراضك....ولاناسي اني متكرمة عليك باجازة من اليوم علشان عرس اختك ولو اني عارفة انك مابتسوي شي لااختك وزين اذا تذكرت وقلت لها مبروك بس يالله مو مشكلة,,,
قام عنها وهو يناظرها بغضب وعصبية وهي ماهي له ولا شايلة همه وبعد مامشى قالت بهمس,,,/يعني مفكر اني انتظرك تعزمني يابندر ؟؟؟مو داري اني اول وحدة بدخل الصالة برجلي مثل ماجيت ليلة حفلتك بدون ماتعزمني,,,بس ها الللية غير ها الللية بتكون بيني وبين ها الجواهر وياهي تتنازل عنك بطيبها يابتتنازل بدموعها بكيفها الخيار لها يابندر؟؟؟؟؟؟؟
//////////////////////////////////////////////////////////////////////////////////////////////////
بسيارة ناصر,,,,
نجود/علامك شكلك متضايق؟
ناصر بضيق/شوي...
نجود/خير..
ناصر تنهد/دقيت على علي اكثر من مرة ابي اشوف اخباره ومايرد عليّ وعطيته مسج اني عازمه نفطر مع بعض الليلة وندردش بس بالنهاية قفل موبايله,,,,,
نجود/وهذا اللي مضايقك؟
ناصر/وشلون ماتبيني اتضايق بالله وهو اخوي الكبير وصار له اكثر من اسبوعين طالع من البيت ويادوب يرد على امه بس اتصالاتها ,,انتي بس لو تشوفين حالة خالتي كيف صايرة كان مالمتيني,,,ابيه يعرف ان امه زعلانة ومقهورة عليه...يعني وش فيها لو اعتذر من ابوي ورجع البيت وماكان شي صار...
نجود/بتكون ماعرفت علي زين ياناصر...علي مو مثل انت ماتتصور ياناصر,,علي بداخله شي مريض,,,,ويبيله وقت على مايستوعب انه على خطا وان اللي حوالينه صح,,,
**************************************************
هد/لاتدخلين العيال بمشاكلنا يانجلاء بقولها لك مليون مرة,,,,,,,وبعدين على مااعتقد ماحد منهم مستعد يقابلك ابدا!!!
نجلاء بنرفزة/هذا رايك...
فهد/وياليت تحطينه في بالك وحسابنك...وتفهمين بعد اني خلاص قفلت حياتي من ناحيتك؟
نجلاء بتحدي/ماراح تاخذها وتتهنى وياها يافهد؟؟؟مفكرني ماشفت المسجات السخيفة اللي راسلتها لك بجوالك؟؟؟كان ودي تكون مسيفها باسمها واعرفها ...والجوال اللي مخزن رقمه دايم مقفل ولاكان وريتها ذيك الثانية بعد!!
فهد باحتقار/هذا علشان انا غيرت لها جوالها ...وبطلي ها الحركات اللي بتردك بيت اهلك بلحظة بيفلت فيها الزمام مني!!
قفل السماعة وهو بقمة قهره...مايكفي غياب نجود...الا وجع نجلاء وهمها مو راضي ينتهي ابدا!!!!!
وينك يابنت السبيعي تجيني وتطلعيني من ها الازمة المرة اللي قاعد اعيشها...ليتك مرة بس فاتحتيني بها الموضوع وقلت لك وش المتوقع من نجلاء تسويه وعطيتيني خيارات علشان احافظ على هدوئي اللي فالت مني ومو قادر اتحمل اكثر؟؟؟؟
**************************************************
---البارت الواحد والسبعين---
------------------------------------------
,,, بسيارة ناصر,,,,
نجود/علامك شكلك متضايق؟
ناصر بضيق/شوي...
نجود/خير..
ناصر تنهد/دقيت على علي اكثر من مرة ابي اشوف اخباره ومايرد عليّ وعطيته مسج اني عازمه نفطر مع بعض الليلة وندردش بس بالنهاية قفل موبايله,,,,,
نجود/وهذا اللي مضايقك؟
ناصر/وشلون ماتبيني اتضايق بالله وهو اخوي الكبير وصار له اكثر من اسبوعين طالع من البيت ويادوب يرد على امه بس اتصالاتها ,,انتي بس لو تشوفين حالة خالتي كيف صايرة كان مالمتيني,,,ابيه يعرف ان امه زعلانة ومقهورة عليه...يعني وش فيها لو اعتذر من ابوي ورجع البيت وماكان شي صار...
نجود/بتكون ماعرفت علي زين ياناصر...علي مو مثل انت ماتتصور ياناصر,,علي بداخله شي مريض,,,,ويبيله وقت على مايستوعب انه على خطا وان اللي حوالينه صح,,,
ناصر/مهما كان يانجود هذا اخونا وحقه علينا وحقنا عليه نتشارك بكل شي,,بالفرح والهم,,يعني هو ملزوم يكون موجود بكرة بعرس مضاوي بنت عمه وملزوم يعرف باللي خطبك وملزوم يشاركنا صح ولاانا غلطان؟
نجود/بيكون صح في حالة انك تتكلم عن واحد ثاني مو عن علي...علي انا غسلت يدي منه مو منتظرة منه شي ابدا!!!!وبعدين بها الوقت انا شايلته من بالي مو حاطة بافكاري اني اشتبك معه باي نقاش يكفيني اللي فيني,,,
ناصر ناظرها وبعدها حط يده على كتفها وقال بهدوء/نجود....كلنا معك وكلنا نفكر لمصلحتك...
انفجرت فيه وكانها تنتظر أي احد يفاتحها بالموضوع وقالت بعصبية/لا..احلف!!!من اللي يدور مصلحتي بالله!!انت ولاامي؟؟؟؟
ناصر/نجود علامك...يعني احنا متعودين نتبادل الافكار وكل واحد يقول رايه بصراحة؟
نجود بعصبية وانفعال/ناصر انت مو فاهم ولاراح تفهمني بعد....انا ابيه وهو يبيني,,,,مدري ليش انتوا رافضين ها الشي ورافضين سعادتي معه؟
ناصر/حبيبتي,,,,احنا بس قاعدين ندور سعادتك يعني معقولة بتكونين طول السنة بارياض وبعيدة عنا وماندري وش اللي يجرى لك..
نجود/ناصر انا بسكن بالدمام....
ناصر/وهو بيجي لك اذا سكنتي بالدمام وبيترك كل شي وراه؟
نجود/هو بيحط لي سكنين واحد بالرياض وواحد بالدمام يعني كل اسبوع بننزل هنا يومين وبتكون عندنا شقتنا الخاصة وباقي الاسبوع بنظل بالرياض,,,,وين المشكلة؟
ناصر/بتكونين مع اهله بنفس البيت؟
نجود/هذا طلبي...انا ماابيه يبتعد عن عياله لو احتاجوا يكون قربهم....يعني مو معهم معهم بس شقتي بنفس البيت....
ناصر/مدري شقولك....
نجود/وش بعد اللحين ماتحججت فيه؟
ناصر/نجود انا مااتحجج انا فعلا ادور سعادتك...انتي الغالية والعزيزة علينا كلناولاتفكرين ان احنا بنفرط فيك بسهولة ابدا ومهما كان...
نجود/سعادتي بتكون مع فهد ياناصر مو مع غيره,,,خليك متاْكد من ها الشي...وياليت توصله لاامي بعد...
ناصر/انتي اللحين تنزلين البيت وتقعدين بحلاوتك وابتسامتك وتاخذين وتعطين ولاناسية الليلة حناء مضاوي..وبكرة العرس...مالازم تعصبين لاتخترب بشرتك...
نجود ابتسمت له لانه كان يناظرها وهو يتكلم ويضحك...
ناصر/شفتي شخليلك وانتي تضحكين..يالله قومي نزلي,,,,مثل مااتفقنا,,,,
/////////////////////////////////////////////////////////////////////////////////////////////////
نجلاء/جاي تفطر معنا؟
مصعب/شلونك عمتي؟
نجلاء/ماني بخير..ولامفكر ان خالك مسوي فيني خير ب..
مصعب قاطعها/وينه خالي؟
نجلاء/أي طبعا خالك الاهم بس عمتك مالك فيها...مو الفلوس والخير عند خالك بس عمتك الله يرحمها...
مصعب/عمتي شها الحكي....
نجلاء/قول لنفسك.....
فهد/مصعب..
لف له مصعب.....
مصعب/شفت سيارتك موجود قلت اكيد ماطلع خل امرك اقولك شصار وبعدها اروح....
فهد ناظره وقال/تعال المكتب...
نجلاء/ليش عندكم اسرار؟
فهد/من متى انتي تهتمين بالمكتب ولابشغلي ولاباي شي يدور حواليني؟؟
نجلاء/من ها الللحظة يافهد...
فهد/أي...من اللحظة اللي دزيتي عيالك يقولون لي اكتب البيت باسم امي واطلع انت تزوج واسكن برى!!!بذمتك لو ماني ماسك اعصابي معك مو من زمان انتي بالشارع مدري ببيت اهلك.
مصعب/خالي...
نجلاء/لا خليه,,,خليه يقول كل اللي عنده ليش تسكته!!!خله يطلع على حقيقته اللي كلكم منغشين فيها....
فهد طنشها وكلم مصعب/وصلتهم له..
مصعب/أي...
فهد/اخذهم ولامارضى؟
مصعب/هو بالاول مارضى بس يوم قلت له ان خالي فهد بيزعل عليك وهو صاير ها الايام على طريف وكل شي يضايقه ومن هنا ومن هنا اخذهم..
فهد/اممممم فيني اسالك سؤال؟
مصعب/تفضل ..
فهد بحدة/انت طالب مثلهم مو؟
ارتبك مصعب وقال بتردد/ها...
فهد/يعني منت شايل ها السالفة من بالك؟؟؟عموما الحكي مو معك يامصعب الحكي مع ابوك وامك....لانك زودتها حييل؟؟
وقف مصعب مكانه مرتبك ونجلاء نظراتها بينهم وهي مو فاهمة شي ومحد تبرع يفهمها وسط اسئلتها,,,,,
//////////////////////////////////////////////////////////////////////////////////////
علي وحده كان قاعد بروحه وكعادته من طلع من البيت بس ها المرة كان يفكر بناصر وباتصالاته وبرسايله,,,
ياترى وش يبي فيه ها الناصر زاعجه باتصالاته كل شوي ؟؟؟وليش ملح عليه انهم يلتقون ويفطرون مع بعض؟؟؟؟
ان شاءالله يبي يسوي روحه هو العاقل الفاهم ويجي ويعطيني محاضرة وروح اعتذر لاابوك علشان يرك البيت ومن ها السوالف؟؟؟؟
لا ياعلي,,انت لاتبي ترد البيت ولاتبي تشوفهم بعد..خلاص شيلهم من بالك ولاتفكر فيهم,,,
انت ماعندك عيلة....ماعندك غير لمياء ومريم بكرة اذا دخلوا حياتك بيكونون كل شي بالنسبة لك,,,
ولا يمكن عرف اني انفصلت من شغلي وجاي يتشمت!!اي اكيد عرف هو اللي معي بالدوام نصهم يعرفهم واكيد خبروه واللحين بيجي يستعرض عضلاته عندي ويقول ويسوي وكاني ناقصه هو بعد!!!!
بس لا مستحيل انا لايمكن اعطي أي احد فرصة انه يتدخل بحياتي,,,,انا قادر اسير حياتي ومحد له شغل فيني لاناصر ولاابوه ولااي كان منهم؟؟؟؟
/////////////////////////////////////////////////////////////////////////////////////
اول مادخلت غرفتها قفلت الباب علشان تشوف هدية فهد,,,,,
كانت حاطة في بالها انها ماتفتحهاوتردها له بعد فترة او تبعثها له بالمكتب المهم انها ترجع له,,,بس بعد تفكير بينها وبين قلبها ماطاعها انها تسوي ها الحركة وقالت لنفسها هو ماجابها علشان ارجعها انا,,,,,
فتحتها بشويش....وهي عارفة مسبقا وش بتكون لانها قبل فترة قايلة له انها لسه ماخذت ثوب لعرس مضاوي اللي صار بسرعة وهو وعدها ان ها لشي ماتحمل همه لانه بيتكفل فيه وكاهو عند وعده حتى رغم تطنيشها له على قولته وصدها .....
كان ثوب مدرج بين التركوازي والذهبي بياقة عريضة واكمام فرنسية تتخصر من فوق الكتف لين توصل لمعصم اليد ,,,كان الثوب طويل وطبقات متداخلة كل شوي بلون اللحين تراكوازي واللحين ذهبي,,,,
وجايب معه حتى اكسسوارا الشعر والصندل....
ويبوني مااحبك واتخلى عنك يافهد...صدقني اذا وصلنا نهاية المطاف بطلع من ها البيت وبتزوجك حتى لو ماكانوا موافقين,,,,
ناظرت بالكيس الثاني وهي على علم ان مصعب ماخذ لجواهر نفس الشي وسحبت جوالها تدق على جواهر تجيها لانها عندها شي تبي تعطيها اياها...وبعد اكثر من ربع ساعة كانت جواهر معها بالغرفة...
جواهر/كيف النفسية اليوم....؟
نجود/عادي مافيها شي مميز..
ومدت يدها بااغراض جواهر اللي اخذتهم وفتحتهم وهي تقول/وانتي ماجزت عن ها العادة السيئة اللي فيك !!كل مازعلتي وتضايقتي قلبتي وجهك للسوق وتسوقتي؟؟؟
نجود/.............
جواهر/ياسلاااام!!يعني وش تعنين بها الحركة بالله اخت نجود؟ليش مطقمة لنا مثل بعض,,,
نجود/مافهمت..
جواهر/بلى فهمتي وادري انك متعمدة علشان لاالبس ثوب بندر اللي جابه؟
نجود باحتقار/من زينه عاد الثوب اللي جايبه وجه الحلايا؟؟؟هذا مايعرف يتشرى ثياب الا اذا كانت مفتحة من فوق لتحت !!!!
جواهر/يااخي انا عاجبني....
نجود/وانا مو عاجبني.....وانتي قرري...
جواهر/هو يعني هذا افخم من ذاك بمرات بس مايعني ان ذاك مو حلو....
نجود/يبى تبين تلبسينه معي اهلا وسهلا ماتبين بكيفك..
جواهر/ياسلاام واذا مالبسته معك اللحين متى ان شاءالله البسه؟؟؟علشان اللي يشوفه عليّ بعدين يقول هذا ثوب نجود مو حقك؟؟؟
نجود/..........
جواهر/طيب والثوب اللي شريناه لك اياه ماعجبك؟
نجود/بلى حلو...بس خاطري البس هذا لحاجة بنفسي....
جواهر/شساالفة....
نجود/ولاشي....متضايقة حييل..
جواهر/قومي بس قومي قالت متضايقة...يبى انسي الموضوع ها الليلتين وبعدين يصير خير.....
////////////////////////////////////////////////////////////////////////////////////
ناصر/خالتي علامك قاعدة بروحك ومتضايقة؟
ام علي بحزن/قلبي على ولدي وقلب ولدي على الحجر؟؟؟
ناصر/وبعدين ياخالتي وبعدين.....
ام علي/والله مدري وش السالفة ياناصر يايمه...يعني هو مو طلع من البيت زعلان,,,طيب والزعلان مايجيه يوم ويرضى!!!!لمتى عاد لمتى!!!خايفة الله ياخذ امانته قبل لااشوفه؟
ناصر باس يدينها وقال بحنية/شفيك ياخالتي...تدورين الهم دوارة انتي!!!!علي بخير ومافيه الا العافية...انتي فرحي وتونسي لمضاوي اللحين ولاتشغلين بالك السالفة بتنحل ان شاءالله....ودي يوم اشوفك فرحانة ومبسوطة وها الهم مو على وجهك يالغالية...
ام علي/من وين يجي الفرح عاد ياناصر من وين....وهذا حالي وهذا حاله مابيتغير أي شي.....
ناصر/الله كريم ياخالتي الله كريم,,,بكرة ان شاء الله بيتغير كل شي ولايهمك,,,,,
انتي بس مسحي دموعك الغالية وتجهزي حق ترقصين لنا رقصة حلوة بكرة اغلبي ها البنات وطيحي سوقهم مااوصيك مو مفكرين روحهم اصغر منك يعني بيجون جنبك لا..اعرفك انا حتى فيفي عبده تغار منك,,,,
ام علي بابتسامة/سليمة صكتك يانويصيرعلى ها السوالف اللي مدري من وين تجيبها,,,,
//////////////////////////////////////////////////
حد منكم شاف بالدنيا بشر,,,
مقبل يمشي ومن حوله بشر,,,
من حلاه نقول صلوا على الرسول,,
يللي شفتوها بقلب ونظر,,,
وعلى النبي محمد ويالله صلوا عليه,,,
هي عروس النور في هذا الزمان,,
هي ملاك بس في صورة بشر,,,
من حلاها نقول صلوا على الرسول,,
يللي شفتوها بقلب ونظر...
الله يانورا كسى الدنيا بضياءه,,
مستحيل انه نشوفه في بشر,,,
الله يحفظها ويسعدها معها,,
شيخ بطيبة فؤاده يشتهر,,,
والله يجعل كل دنياهم هنا,,
مكتسي بالسعد كله والبشر,,,,على ها الانغام دخلت مضاوي القاعة وكانت بالفعل مصدر اعجاب الكل فيها بجمالها وهدوءها وحلاوتها,,,,
كانوا لبنى وجواهر ونجود وهيا عن يمينها وهنوف ونورة وامها وزوجات عمها عن يسارها,,,,
كان العرس يفتقد عبير اللي الكل سال عنها وكانت الاجابة انها مسافرة مع زوجها لانهم مو معقولة يقولون تطلقت قدام اهل العريس؟؟؟؟؟
ولانهم عارفين علي ماراح يحضر العرس من الاساس,,,,,
كل البنات كانوا معوضين مضاوي بفقدان اختها عبير برقصهم ولمتهم حوالينها ورقصهم طول الوقت وخصوصا هنوف ونورة اللي كانوا متحلفين مايوقفون دقيقة لان على قولتهم مو كل ليلة عندهم عرس!!!
وحدها لبنى بس وقفت ودمعتها قريبة من خدها وماتدري ليش ها اللحظة بالذات حست انها تبي تبكي,,,
هل لان عبد العزيز كان متصل فيها اللحين وهي اللي قايلة له لاتدق عليّ بكون مشغولة واول ماافضي انا بدق لك,,,ولا لانها حست ان مضاوي راحت وفضى عليها البيت من مضاوي ومن عبير وماعندها احد يرد عليها الونس بالبيت وهنوف دوم الوقت في بيت عمها مع نورة....ولا علشان صوت الطقاقة على وهي تغني بها الكلمات اللي دخلت قلبها مثل السهام وكانها هي المقصودة بعلاقتها مع عبد العزيز وماغيرهم,,
صارت تسمع وتسمع وهي حاسة انها بيجي يوم وبتقولهم بس متى ماتدري,,,
( وقايل لك من اولها,,,
دروب الحب مااطولها,,
مانقدر نكملها,,
يجينا يوم ونتفارق,,,
وهذا احنا تفارقنا,,
بعد ها الحب تباعدنا,,
شوف عنادي وعنادي,,
حبيبي لوين وصلنا,,,
وقلبك عني ابعدته,,
حرامانك تخليني,,
بعد ماقلبي علقته,,,,,)
تنهدت بقوة والتفت لها مضاوي اللي كانت قاعدة جنبها علشان يتصورون مع بعض..
مضاوي بهمس وخوف/شفيك لبنى؟
لبنى بهمس/حاسة انك بتوحشيني,,فيني اضمك,,,,,
ضمتها مضاوي لصدرها بقوة وقاموا يبكون مع بعض لو ماتدخلت جواهر وفكتهم قبل لاتنعفس خلقة مضاوي على قولتها,,,
وهي نازلة من الكوشة كانت وحدة قاعدة قبال الطاولة اللي قبال الكوشة مباشرة وهي تبتسم لها وتاءشر عليها رغم ان جواهر ماتعرفها ولابعمرها شافتها بس راحت تسلم عليها,,,
جواهر/مرحبا,,,
دلع وقفت لها بثوبها القصير مرة واللي لفت انتباه جواهر خصوصا انها قاعدة بروحها بالطاولة ومامعها احد,,
جواهر/اهلا,,,,
دلع/شلونك جواهر,,,
جواهر/انتي تعرفيني...
دلع/هههههه شلون مااعرفك....انتي مو مرة الغالي,,,
جواهر بصرامة/خير...
دلع/ههههه ها شكلك تغارين على بندر ياجواهر...
جواهر/ماعرفتك....
دلع/متاْكدة؟؟؟
///////////////////////////////////////////////////////////////////////////////////////////////
محمد/انت شفيك اللحين؟
عبد العزيز بضيق/ولاشي...
محمد/شلون ولاشي....
عبدالعزيز/حاس نفسي متضايق...
محمد/ياولد الحلال يمكن..
قاطعه عبدالعزيز/هي كذبت عليّ تعرف وش معنى ها الشي؟؟؟؟
هاذي اول مرة لبنى تكذب عليّ فيها؟؟؟وقلبي محسسني بالاسباب اللي خلتها تكذب...
محمد/طيب يمكن ماكانت تقصد ولا...
عبدالعزيز/وش اللي ماتقصد انت بعد.....كنت بكون معك لو كان الشي صغير بس الشي الكل عارف عنه.....وش معنى ماقدرت تقولي عنه وظلت تكذب عليّ طول ها الفترة؟؟؟
محمد/ماعليه ياعبدالعزيز ماعليه لاتضايق عمرك,,,بكرة هي بنفسها بتدق واعرف منها السالفة,,,,
عبدالعزيز تنهد/على قولتك..كل شي بكرة بيبان...
/////////////////////////////////////////////////////////////////////////////////
مصعب/شفيكم....
ابو مصعب وام مصعب/...........
مصعب/خير ان شاءالله قاعدين بعزاء الحلوين...
ابو مصعب/والله تعبان ياولدي ومو عارف شسوي,,,,
مصعب/خير في شي صاير..
ام مصعب بضيق/وهو في غير سالفة عمتك وخالك منكدة علينا...والله مو قادرة حتى اتجهز لعرس بنت اخوي بعد اسبوعين ولاحتى اسوي شي,,,,
مصعب/ليش صار شي جديد,,,
ابومصعب /يايبى عمتك راكبة راسها وخالك مو متنازل,,,,
مصعب/طيب خالي ها الشي من حقه هي ليش تسوي ها المشاكل كلها وعارفة ان خالي فهد بالنهاية ماراح يرضخ لها لو شسوت؟
ام مصعب/تقول يتزوج هو من هنا اخذ العيال ولايحلم يشوفهم حتى,,,
مصعب/ماتقدر...
ابو مصعب/وليش ماتقدر عمتك عنيدة وانا اعرفها,,,
مصعب/بس مو قد خالي فهد..وبعدين هي لو قده كان بسالفة وحدة قدرت عليه وانت شوفة عينك كل يوم لها مشكلة وماهي قادرة تسوي شي لان خالي مو معطيها مجال ومطنشها على الاخر,,,,
ابو مصعب/.............
ام مصعب/أي بس لايجي يوم وتضر اخوي,,,يظلون عياله اغلى ماعنده ومابيفرط فيهم مهما كان حتى لو على حساب سعادته.....
مصعب/تصدقون البارحة كنت اتكلم معه بنفس السالفة انا ومحمد وقال اذا هي قدهم تاخذهم وتريحين منهم بس هي ماهي قدهم هي البيت مفتوح لها ولهم وماهي قادرة تربيهم بعد بتاخذهم وبتطلع عن البيت عيا الله بيرجعون لي بنفسهم بنفس اليوم,,,يمه عمتي تقول وتهدد بس ماتسوي شي ..لانها عارفة خالي فهد لابغى يوجعها بيوجعها مو تاركها بحالها ,,,,
/////////////////////////////////////////////////////////////////////////////////////////////
دلع/تفضلي ولا مشغولة,,
جواهر/لاماعندي شي بس انتي ماقلتيلي انتي منو؟
سحبت لها دلع كرسي وقالت لها تفضلي قعدي,,,,,ويوم قعدت ابتسمت لها دلع....
دلع/انا جاية عن طريق بندر..
جواهر بشبه صدمة/بندر....وصارت تستعرض بذاكرتها اذا هو قال لها بيعزم احد من اهل اخويياه بس ماطلع معها شي وهي متاْكدة بس ماحبت تبين ها الشي,,,,وسوت كانها طبيعية وماراح ها الشي عن دلع اللي قالت بخبث/ماسالتيني انا منو؟
جواهر/موتقولين من طرف بندر,,حيا الله بضيوف بندر كلهم,,,,,
دلع/يعني انتي متعودة بندر يعزم دايم صاحباته اللي يعرفهم,,,,
ناظرتها جواهر بتفحص وهي عارفة انها قاصدة تقول ها الكلمة بس ماعلقت,,,
دلع/انا دلع,,,ماقد سولف لك عني؟؟؟
جواهر/وش تبينه يقول عنك مثلا؟
دلع/يعني ولامرة قال لك اني مديرته بالشركة؟
جواهر/مااحب اسمع سوالف الشركة اذا قعدت معه يكفيني انه يسمعني اشياء ثانية؟قالتها بحدة وهي تناظر بدلع من فوقها لتحتها وفهمت دلع الضربة الموجه وسكتت,,,,
وبعد فترة سكوت قالت دلع/زعلتي اني جيت العرس وانك ماتدرين اني بكون موجودة؟
جواهر بثقة/لا طبعا وليش ازعل,,,,,زين اني عرفت احد من اهل جدة لاني بصراحة كنت ناوية بعد العيد اسوي مفاجاْة لبندر واجي جدة بدون مايعرف,,,
دلع بفرح/صدق,,,,,!!متى؟
جواهر/ليش فرحتي؟
دلع في بالها (لان جيتك هي اللي بتسهل الطريق وخله يشوف وش بسوي فيه ها النذل اللي مو قادر يشيلك من باله)
دلع/لاني احب المفاجات وحبيتك من سوالف بندر عنك فبيسعدني اكون موجودة باستقبالك ,,,
جواهر بتفحص/اممممم,,,,,
هنوف/جواهر وينك انتي بندر صار له ساعة يدق علينا يبي يدخل ويبيك معه,,,,يالله قومي,,,,
جواهر/طيب,,,,بالاذن اخت دلع....
دلع/اذنك معك حبيبتي,,انا مو غريبة صاحبة مكان ولايهمك.....
كل ها الكلام دار ونجود قاعدة بالطاولة اللي جنبهم مباشرة وهي تتفحص بدلع وبنظراتها وبطريقة كلامها اللي ماعجبوها ابدا وحست ان السالفة فيها شي,,,,,,بس قامت تلبس عبايتها لان بندر بيدخل,,ويوم الطقاقة اعلنت ان اخو العروس بيدخل تفاجاْت ان دلع ماغيرت ساكن ولاحتى كلفت على عمرها تلبس شيلة فوق راسها وهي قاعدة بثوبها القصير قبال الكوشة؟؟؟؟؟؟
دخل بندر مع جواهر لفوق وحوالينه امه وخواته رغم ان جواهر كانت منقلبة مية وثمانين درجة بس حاولت تطلع طبيعية بقد مافيها وفعلا كانت شاطرة بالتمثيل ورقصت مع بندر والضحكة شاقتها ولاكاْن شي صاير ابدا لين نزلوا وصاروا قبال دلع وجها لوجه اللي اشرت لجواهر بيدها وقالت لها بمنتهى الدلع/لاتنسين توصلين بندر وتجين نكمل سولفنا اللي بديناها؟؟
حست برجفة بندر يوم شاف دلع لانه وقف ثواني يناظرها وبعدها مشى,,,,,,
//////////////////////////////////////////////////////////////////////////////////////////////
سالم/وانت بتظل كذا لمتى عاد يافهد؟
فهد بتنهيدة/مدري,,,,,,
سالم/هي وش قالت لك...كل اللي قالته يطمن مايزيد الموضوع كذا,,,,
فهد/وش تعني حركتها ذي ان احنا مانكلم بعض لين يعطوني اهلها الموافقة؟؟؟كم برايك ممكن اتحمل ومااسمع صوتها فيها...يوم يومين,,,اسبوع اسبوعين,,,قرابة الشهر ماراح اسمع صوتها ياسالم,,,,
سالم/.............
فهد بعصبية/حاس نفسي بنفجر....مو قادر اسوي شي...ونجلاء قبالي كل يوم بسالفة,,,,و دي ابدي بالبنيان وارفع ضغطها علشان لاتفكرني متردد بالسالفة بس الله يسامحك يانجود انتي واهلك.....
سالم/فهد ممكن نتكلم بصراحة...
فهد/شنو....
سالم/يعني لو ماصار نصيب مع اهل نجود ورفضوا..
فهد قاطعه بعصبية/هم ممكن يرفضون ياسالم؟؟؟؟يعني نجود ماراح تكون لي!!!
سالم بهدوء/انا اقول لو ماصار نصيب,,,,شبتسوي لحظتها...
فهد نزل راسه وبان عليه الهم.......
سالم/مااعتقد انك بترضخ للواقع وبتشيل سالفة العرس والاستقرار من راسك مع وحدة ممكن تسعدك...
فهد بهذيان/وحدة ثانية غير نجود؟؟؟مستحيل...انا بحياتي مافكرت اتخذ ها الخطوة ابدا والهم محاصرني من كل صوب....بس يوم شفتها وعرفتها تغيرت افكاري ياسالم....
مااعتقد اني بقدر الاقي بديل لنجود لانها مالها مثيل بها الحياة ياسالم,,,,
سالم/خلينا نفترض الشي الاسواْ يافهد,,,
فهد /مستحيل يافهد تاخذ غير نجود مستحيل..اصلا انا تركيبتي ماتتوالم مع غيرها,,هي الوحيدة اللي قدرت تخليني اتغير وانطق واعبر لها عن اللي بداخلي....اشياء كثيرة ماكنت حاسب اني بقولها ولااسويها بحياتي غير بالاحلام وصارت معها ,,,كيف ممكن اتصور اني اعيش الحياة مع وحدة غيرها وليش؟؟؟
سالم/طيب ولو ماصار نصيب,,,بتترك نجلاء تتشمت وتفكر نفسها قدرت عليك وشالت الفكرة من بالك؟؟؟؟انا مو معك حتى لو قلبك هاوي نجود وعاشقها,,,لو ماصار نصيب بينم لازم تفكر جديا انك تتعرف على وحدة ثانية تشاركك حياتك بدل نجلاء ومرها اللي انت عايش فيه لين النخاع يافهد,,,,,
////////////////////////////////////////////////////////////////////////////////////////////////
نجود بهمس/على فكرة انا ماعجبتني ابدا !!
جواهر لفت لها وماعلقت,,,
كانوا واقفين ببداية مدخل القاعة جنب بعض وهم يتهامسون,,,,
نجود/لاحكيها ولانظراتها ولااسلوبها ولا شي فيها ريحني بصراحة...مدري ليش وقفت بحلقي ومو قادرة ابلعها,,,,,
جواهر بتنهيدة/مو هني المشكلة,,,المشكلة في بندر يوم شافها.....حسيت ان ,,كانه ماتوقع اصلا يشوفها كيف وهي تقول انه هو اللي عازمها,,,؟؟؟بعدين من متى هو يشتغل بشركة ومديرته بالدوام وحدة اصغر منه وماقال لي حتى؟؟؟؟في شي مو طبيعي بالسالفة قاعد يصير.....
نجود/حاولي تكوني طبيعية مثل ماكنتي ترقصين معه قبل شوي,,,لانك على فكرة تركتي انطباعات سيئة على ملامحها وانتي معه ومبسوطين....
جواهر بتنهيدة/مو قادرة اكمل يانجود حاسة ان في عرق بالسالفة انا مو فاهمته,,,ولايمكن مخدوعة فيه,,,وانا لايمكن اكون مخدوعة مهما كلف الامر ومن وين ماكان المسؤل ؟؟؟؟
نجود/هدي..هدي...ماكو شي بينفعك اذا عصبتي وخربتي الليلة ..كلها كم ساعة ونطلع من هنا وتلاقينه قبالك وافترسيه على راحتك ,,,اللحين خلينا بحفلتنا ومتونسين,,,
/////////////////////////////////////////////////////////////////////////////////////////////////////
كانت تلاعب حمود ولد رياض اللي حضر هو وابوهوامه وخواته علشان عرس مضاوي مخصوص وهي شاردة اصلا لبعيد,,,
كان تفكيرها معهم هناك...
بالعرس...وبالقاعة..وبكل شي حولهم,,,,
ياترى وش قاعد يصير اللحين؟؟؟
دخلت مضاوي القاعة اكيد لان الساعة مقاربة الوحدة ونص,,,,بس هم وش يسسون اللحين,,,
اكيد كلهم حوالينها ويرقصون وفرحانين,,,,
وهي مشاءالله عليها طلعت قمر....عسى ربي يحفظها ويهنينها ويدوم خالد ولايغيره عليها.....
اه...ليش بس انحرمت من عرس اختي ومن حضوره,,,,,تدري منهو السبب ياحمود,,,علي,,,أي علي,,,,ها الانسان اللي مو قادرة افهم تركيبته لليوم شنهي؟؟؟؟
مدري هو وش يبي من الدنيا اصلا!!!!ساعة ضايق وساعة مبسوط وساعة متونس وساعة الهم ماكله اكل,,,,,,
ليش تغير علي فجاْة على العيلة كلها...انا ياحمود مااذكر انه كان كذا...هو صدق مو مثل ناصر من صغره بس ماكان كذا وحيد وماله باهله وبللي حوالينه,,,,
ساعات العن الساعة اللي كنت قريبة منه فيها...وساعات مقدر اقول غير شرعك اللهم ولااعتراض..هذا اللي كتبته ياربي علينا,,,,,,
حمود/منيلا...
عبير/تبي حليب....ان شاءالله.....اقول حمود..
حمود/.......
عبير/وش رايك تظل عندي .....تونسني,,,,ها شقلت,,,بكلم عمي علشان يكلم خالي وبكلم انا خالي بعد وبشوف وش رايه,,,,,تظل عندي فترة لين يستقر وضع ابوك هناك وبعدها ياخذك لي تزورني كل فترة وش رايك؟
////////////////////////////////////////////////////////////////////////////////////////
هاذي من وين جت ومن وين طلعت بس؟؟؟؟
من جات عينه بعين دلع بالقاعة وهو مربوك وحالته لله؟؟؟مايدري ليش حس باحراج من جواهر يمكن لانها ناظرته وهو يناظر بدلع ومايدري شيبرر لها الموضوع اللحين,,,,
كاهو ينتظر طلعتهم من شقة مضاوي بعد ماوصلوها وزين ان ناصر موجود علشان يشيل الباقي معه وينفرد هو فيها,,,
بس شيقول لها؟؟؟لو سالته,,,,
طيب وش عنه تكلموا هي وجواهر ياترى؟؟
ها الحقيرة من وين بس جت بدون ماتخبرني؟؟؟
خاف انه يدق عليها وتكون جواهر جنبه وتفضحها....
حتى ماهو قادر يتخيل شكل جواهر شلون صاير رغم انه هو اللي راح لهم الكوافير ورقصت معه بس مو قادر يثبت شكلها وصورتها بمخه,,,
أي بلى تذكر,,,,,كانت لابسة ثوب تركوازي بذهبي ,,,ثوب تركوازيبذهبي!!!يعني مالبست الثوب الذهبي اللي جبته لها وهي قايلة بتلبسه؟؟؟؟طيب ليش؟؟؟وهل معقولة كان عليها وبعدين بدلته يوم عرفت اني كنت مع دلع وقت اللي شريته؟؟؟
لامو معقولة ها الحقيرة قالت ها الشي...بس هي تسويها ولا عن أي سوالف تبي تكملها معها يوم تاْشر لها؟؟؟؟
انقطعت افكاره يوم فتحت جواهر الباب اللي جنبه ودخلت ..واول مااستقرت وسكرت الباب مشى وساد الهدوء الجو....
كانت تنتظر منه أي كلمة..اي كلمة...علشان تقدر تفتح معه الموضوع بس تفاجات من نبرته المعصبة وهو يسالها عن الثوب وليش مالبسته؟؟
كذا وبها البساطة تارك لي كل الامور وجاي يسال عن الثوب؟؟؟؟؟؟
قالت بحدة/لاني ماكان لازم البسه يااستاذ بندر؟؟؟؟
بندر وقف السيارة عند باب بيتهم وقال بعصبية/وليش يعني؟؟؟بيكون ها الثوب اللي انتي لابسته احلى من اللي انا جايبه؟؟؟ولاتنحرجين يعني تلبسين شي من ذوقي ولا ماهو من مستواك!!!!
ماردت عليه لانها عارفة انه قاعد يتهرب من مواجهة عارف انها بتساله عنها واكتفت انها تنزل من السيارة بدون تعليق وسط نظراته الحايرة واللي ماكانت مرتبطة اصلا بعصبيته!!!!!!
////////////////////////////////////////////////////////////////////////////////////////////////////
ابوعلي/لامالك عليّ حلفان يابو رياض الا تقعدون الليلة هنا وبكرة تمشون....
ابو بندر/والله اني حلفت عليه بس ماهو راضي يسمعني...
ابو رياض/ماعليه بس المرة تعبانة وماتاخذ راحتها الا في بيتها ولو مو غلاوة مضاوي ماكانت قدرت تجي هي والبنات....ان شاءالله الايام جاية بينا...
ابو علي/لاوالله يابو رياض ماهي حلوة ابدا تجي وتروح كذا...بنفس اليوم...
رياض/ماعليه الجايات اكثر ان شاالله,,,,
ابو رياض/لو تستعجل لي بالحريم شوي يابو بندر...
ابو بندر/أي اللحين ان شاءالله اناديهم.....
وبعد ماقام همس ابو رياض لاابو علي..
ابو رياض/اقول يابو علي..
ابو علي/سم..
ابو رياض/ياخوك هو علي طلق عبير خلاص ولابس طلقة وحدة؟؟
ابو علي ناظره وسكت..
ابو رياض/انا ماابيك تفهمني غلط بس كنت ابي اتطمن عليها وعلى مستقبلها....في واحد وده فيها ويسالني عنها اذا هي بترد لزوجها ولا فكها بالثلاث ومالها ردة..
ابو علي/والله مدري شقولك ياخوي يابو رياض...
ابو رياض/انا مابغيت افتح الموضوع مع ابو بندر لاني اعرفه بسرعة يعصب ومايتفاهم بس حبيت اخذ العلوم منك ....وفي النهاية البنت مافيها عيب واحنا شراية لها من اول ومن تالي..
رفع ابو علي راسه لرياض وفهم انه هو العريس المقصود,,,,
ابو علي بحزن/تستااهلها يارياض,,,,يمكن كان المفروض تكون لك من البداية بس النصيب ياولدي..
رياض/يابو علي...انا ابيها وبلغها ها الشي وقول لها بظل انتظرها لو العمر كله.....وخليها تتاْكد اني بسوي كل اللي اقدر عليه علشان امسح الدمعة من عيونها وارسم على وجهها الابتسامة,,,,
ابو علي/بارك الله فيك.....بس انا اقول لو تتركها فترة اللحين توه الشي جامد عليها وبعدين تفاتحها بالموضوع,,,,,
ابو رياض/اللي يريحك ياخوي بس بلغها انت بنفسك....
ابو علي/هي قايلة بتسلم عليكم بدق لها اناديها قبل لايجي ابوها....
ورفع جواله ودق عليها وبعد دقايق دخلت الديوانية وسلمت على خالها وعلى رياض وكان ولد رياض بحضنها..
رياض/يالله حمود بنمشي البيت...
حمود/لا...ابير..
عبير/خالي طلبتك قول تم...
ابو رياض/عيوني يالغالية وش بغيتي؟
عبير/ابي تترك معي حمود كم يوم...يسليني واسليه انا ماعندي شي ...ووجوده معي يونسني ويسعدني....ها شقلت ياخالي..
ابو رياض/بس يايبى ..
عبير/لاتقول شي ياخالي....عمي كلمه تكفى,,,,
ابو علي/خليه معها كم يوم يونسها مثل ماقالت لك ,,ولامنت واثق انه بيكون بيد امينة؟
ابو رياض/حشى والله انا مااْمن عليه كثر مايكون بحضن عبير,,اصلا هو طول الوقت يناديها ....
عبير/يعني موافق,,,,
ابو رياض/شقول بعد يابنيتي...امري لله بس تتحملين عذابه بيدك ترى محد نازل ياخذه لو تعبك....
عبير/وانا راضية اصلا حمود مثل النسمة.....
رياض/اشوف انا محد شاورني وماكاني مدعو بالسالفة ولامالي علاقة يعني!!!
//////////////////////////////////////////////////////////////////////////////////////////////////
بغرفة جواهر,,,,,
طلعت من الحمام ورمت الثوب على الفراش بعد مالبست بيجاما وهي معصبة,,,
نجود اللي بعدها قاعدة بفستانها قالت ببرود/انا ابي افهم انتي ليش داقة عليّ!!!من جيت لك وانتي ماتكلمتي كلمة وحدة؟
جواهر بعصبية/انتي تتصورين شنو معنى انه تهرب من السالفة كلها وسالني عن الثوب؟؟؟؟
نجود/عادي..هذا بندر وش تتوقعين منه يعني؟؟؟
جواهر سكتتت وهي بركان ثاير..
نجود/يعني ماسالتيه عن شي؟
جواهر بعصبية/اقولك شب فيني ليش مالبست الثوب اللي هو جابه؟؟؟ماعطاني فرصة اتكلم بللي ابيه وسالني عن الثوب؟؟؟
نجود بحدة/ولو كنتي لابسة الثوب كان تحجج بشي ثاني حضرة جنابه!!!هذا عنده سوالف الله اعلم وش هي....لاهي دخلت مزاجي ولانظراته دخلت بالي!!يعني بالمختصر واذا كانت مديرته لهدرجة العلاقة بينهم!!!في حلقة ناقصة بالموضوع...وياليت بعد العيد تاخذين روحك وتروحين جدة وتعرفين وش سالفته؟
جواهر/المشكلة انه بعد العيد بيكون بدبي مو بجدة....
نجود/ليش؟؟
جواهر بتنهيدة/يقول عنده اجتماع اسبوعين,,,,
نجود/مدري ليش احسه يكذب.....
جواهر/...........
نجود/..............
ساد صمت طويل بينهم قطعته جواهر..
جواهر/مالك نية تبدلين وتغسلين بياْذن الفجر وانتي لسه بثوبك؟
نجود تنهدت وبعدها وقفت قبال المرايا تناظر شكلها..
جواهر/شفيك..
نجود/مالي نية اشيله...خليه على الاقل يحسسني ان الغالي معي مايغيب...
جواهربذهول/أي غالي!!!
نجود بهدوء/فهد وفي غيره عالي على قلبي,,,,
جواهر ناظرت بفستانها المرمي على فراشها وشالته بيدها وقالت/اذا كان ثوبك من فهد فاانا من وين ثوبي!!!!
/////////////////////////////////////////////////////////////////////////////////////////
اول مانزل جواهر دق على الحقيرة دلع يشوف وش سالفتها وش سوت وشنو قالت؟
ردت عليه بكل مياعة/هلا وغلا..يعطيك العافية..خلصتوا..يالله عقبال مايقومون لك بعرسك هذا انت حتى الرقص رقصت لهم؟؟
بندر بعصبية/انتي منو طلب منك تجين اصلا!!!
دلع/محد يطلب مني!!انا قلت لك ارفس الباب برجلي وادخل...مكان ماابي...
بندر/وش قلتي لجواهر؟
دلع/ههههه كل خير ياوجه الخير...
بندر/تكلمي....شقلتي لها؟
دلع/هي وش قالت لك؟
بندر/انا ابي اسمع منك انتي؟؟؟
دلع/وانت ليش معصب......
بندر/ابي افهم وش اللي وصل لها....
دلع/لاتخاف...مو كل اللي نبيه نقدر نقوله!!!!
بندر/...........
دلع /تصدق كان ودي اقول لها بس خاني الوقت ولايمكن هي خلتني اغير رايي....بس مشاءالله رقصكم كانت عليه العيون...اللحين تميلها يميمن واللحين تميلها شمال؟؟؟
بندر/ومنو قلتي لها حضرتك؟
دلع/مديرتك بالشركة؟
بندر/مديرتي؟؟
دلع/ليش كذبت انا بالسالفة؟؟ولاناسي اني صدق مديرتك..ولاعلشان يعني مااقابالك بالدوام مو حاسب لي حساب.....
/////////////////////////////////////////////////////////////////////
جواهر/سالتك سؤال جاوبيني عليه؟
نجود/مااعتقد انه مهم..
جواهر بعصبية/الا مهم ونص؟؟؟ابي اعرف..ماهو من عند فهد اكيد...واكيد مو انتي طلبتي ثنين....
نجود/يعني....
جواهر بتردد/مصعب....
نجود/منتي عرفتي...
جواهر بطولة بال/وليش ماقلتيلي من البداية؟
نجود/لانه اصر مااقولك...قال اذا قلتي لها ماراح تلبسه؟
جواهر/.........................
نجود/......................
جواهر/عطيني رقمه؟
نجود/رقم منو مصعب؟
جواهر/أي..
جواهر/هو انتي بديتي تفكرين صح باتخاذ القرارت ولاشلون؟؟؟حلو...زوجة بعد مابدت تكتشف غموض زوجها تلاحق عشيقها....
جواهر بهدوء/عطيني رقمه يانجود؟
نجود/اذا مفكرة انك بتكلمين واحد عاقل فانتي غلطانة!!!حاولت معه اكثر من مرة افهمه انك سراب بحياته ومع ذلك مصر اني ماالومه لان تصرفاته غصبا عليه..تصرفاته كلها طالعة من قلبه وهو اللي قاعد يسيره مو بيده الشي اللي يسويه,,,
///////////////////////////////////////////////////////////////////////////
---البارت الواحد والسبعين---
,,,,,,,,,,,,,,,,,,,,,,,,,
جواهر/سالتك سؤال جاوبيني عليه؟
نجود/مااعتقد انه مهم..
جواهر بعصبية/الا مهم ونص؟؟؟ابي اعرف..ماهو من عند فهد اكيد...واكيد مو انتي طلبتي ثنين....
نجود/يعني....
جواهر بتردد/مصعب....
نجود/منتي عرفتي...
جواهر بطولة بال/وليش ماقلتيلي من البداية؟
نجود/لانه اصر مااقولك...قال اذا قلتي لها ماراح تلبسه؟
جواهر/.........................
نجود/......................
جواهر/عطيني رقمه؟
نجود/رقم منو مصعب؟
جواهر/أي..
جواهر/هو انتي بديتي تفكرين صح باتخاذ القرارت ولاشلون؟؟؟حلو...زوجة بعد مابدت تكتشف غموض زوجها تلاحق عشيقها....
جواهر بهدوء/عطيني رقمه يانجود؟
نجود/اذا مفكرة انك بتكلمين واحد عاقل فانتي غلطانة!!!حاولت معه اكثر من مرة افهمه انك سراب بحياته ومع ذلك مصر اني ماالومه لان تصرفاته غصبا عليه..تصرفاته كلها طالعة من قلبه وهو اللي قاعد يسيره مو بيده الشي اللي يسويه,,,
جواهر/انتي عطيني الرقم وبس!!
نجود/جواهر انتي متضايقة,,متضايقة من غموض بندر ها الفترة ومنتي عارفة وش تقولين ولاشتسوين,,,,بس تاْكدي ان بكل القرارات انا معك وبظل معك بكل شي ياجواهر,,,بس فكري بعقلك مو بقلبك على الشي والخطوة اللي انتي ناوية تسوينها وتاْكدي ان بالنهاية لابندر ولاستين الف منه ولامصعب ممكن انهم يغيرون منك ومن شخصيتك,,,,انتي بحالة انهيار,,بندر وغموضه بجهة...ومصعب وعشقه المجنون بجهة ثانية!!!
قلبي معك ياجواهر صدقيني,,,,
////////////////////////////////////////////////////////////////////////////////////////
كانت قاعدة بغرفتها وتبكي حييل لفراق مضاوي,,,
اللحين البيت صدق فضى عليها,,,هنوف وجتها نورة تنام عندها لانها ممنوعة من روحة بيت عمي علشان عبير هناك,,,,
ونجود هنا يعني هيا مستحيل تترك بيتها وتترك نجود وتجيني,,,
وحبيبي ماني قادرة اكلمه,,مدري ليش حاسة اني مو قادرة ولاقاوية اتصل واسمع صوته,,,,
هو لاني كذبت عليه ولا لشنو بالضبط؟؟؟؟
بالعادة ماتكفيني اربع خمس مكالمات باليوم,,,والليلة هاذي بالذات ماني قاوية اسمع صوته,,,
ياربي صبرني وخفف عني,,,,واللي جمعك يامضاوي مع خالد وطلعك من ها البيت يفرجها عني وييسرها معي واطلع انا منه بعد بسرعة,,,,
متى بس ياعبدالعزيز بتتهون السالفة وبنصير نصيب بعض متى؟؟؟؟
اكثر من كذا والله قلبي مايتحمل يصبر وينتظر,,,,,
يارب يكون من نصيبي يارب,,,,
كملت بكيها تحت المخدة وكانها تدفن همومها معها واللي ماهي قاوية تقول لااحد عن اللي هي تمر فيه,,,,
/////////////////////////////////////////////////////////////////////////////
كان يمشي حوالين البركة بالبيت وهو شارد بفكره بعيد ووراه فيصل يقلد حركاته مثل ظله,,نفس المشية ونفس الهدوء ونفس الحركات والانفعالات اللي على وجهه ,,ووقت مايوقف ووقف معه ووقت اللي يمشي مشى وراه,,,,,
فيصل بنعس/بابا,,
بدون مايلف له قال/نعم..
فيصل/ليش مانمت للحين,,,
فهد/انتظرها تطلع...
فيصل/منهي...
فهد بتنهيدة/الشمس.....انتظرها تشرق وتنور الدنيا....
فيصل/وليش تنتظرها..
كان بيقول لان نجود قالت لي ان احلى شي انك تشوف منظر الشمس وهي تشرق بتحس براحة وطماْنينة ماعمرك حسيتها بس تنهد وقال/من زمان ماشفت شروق الشمس بعيني,,,,
فيصل/بابا...وين بيتها الشمس,,,,,
فهد/فوق في السماء,,,,,
فيصل/بيتها كبير مثل بيتنا!!!
فهد/لا بيتها اكبر من بيتنا,,,,,,شفت السماء فوق وش كبرها...هناك بيتها,,,,,
فيصل/طيب ليش مانشتري لنا بيت قد السما..علشان يصير بيتنا قد بيتها...
فهد/وليش تبي بيت كبير قد السما,,
فيصل/علشان نسوي فيه ملعب كورة قدم,,,وصالة تزلج,,وسينما,,وملاهي,,وكل اللي نفسنا فيه,,
فهد/اذا حطيت كل اللي نفسك فيه معناته انك بتقعد طول عمرك بالبيت ومابتطلع معنا ابدا!!
فيصل/ليش؟؟؟
فهد/وليش تطلع وانت حاط في بيتك كل شي,,,,,
فيصل/بابا...
فهد/نعم..
فيصل بدلع بنات/انت تحبني؟؟؟
فهد لف له/وانت عمرك شفت ابو مايحب عياله!!
فيصل/انا سالتك انت تحبني؟
فهد/انت شتشوف؟؟؟احبك ولالا؟
فيصل/جاوبني؟
فهد/اكيد احبك...لو مااحبك ماشفتني احب ينادوني بو فيصل...فيصل اللي بيرفع راسي بكرة اذا كبر وتعلم وصار شي كبير واسمه يهز المكان اللي يدخله...
فيصل/يعني اذا طلبت منك طلب تنفذه؟
فهد/ليش وش تبي يابابا فيصل؟وش اللي قاصرك؟
فيصل/ابي احمد ولد رحاب يجي يسكن معي ويصير اخوي....مايصير سارة عندها لمى يتخانقون ويلعبون مع بعض بس انا ماعندي احد ولايرضون يخلوني العب معهم ولااحب العابهم حتى؟؟؟وامي ماترضى اروح بيت عمي وانا كل يوم اهرب بدون ماتشوفني واروح علشان العب مع احمد واشوف بسمة,,,ها شقلت موافق؟
فهد وهو يناظره/كيف تبيه يصير اخوك ماني فاهم؟
فيصل ببراْة/نشتريه من رحاب ..وبعدين زوجها يغيب فترات طويلة وهي تبقى في بيت عمي وبسمة دايم تبكي مااتوقع تقول لا..وبعدين بنقولها بندفع لك اللي تبينه واكيد بتوافق؟؟؟؟
//////////////////////////////////////////////////////////////////////////////////////
عند باب الحوش كانت عبير بعبايتها واقفة وماسكة حمود وتنتظر رياض اللي قال بيجيب لها شغلة من السيارة وبيرجع....
كانت تناظر فيه وهو ماسك فيها مايبيها تتركه وسرحت مع شكله البري...
رياض/احم احم..
رفعت راسها وشافته عند الباب...
رياض/قطعت سرحانك؟
عبير بهدوء/كنت اتامله...شكله بريء...انت محظوظ فيه على فكرة..
رياض/عبير اذا تحسين للحظة وحدة بس انه بيكون ثقيل عليك وبيضايقك بلاها...
عبير بحزن/ليه تقول ها الكلام عاد؟؟؟؟والله انه مالي علي الدنيا ماتدري شقد اليوم سلاني وونسني عسى ربي يخليه لك....الا اذا كنت حاس انك بتفتقده ومابتقدر على فراقه انا مقدر امنعك بس تاْكد اني ابيه واحبه موووت...يمكن ربي ماعطاني عيال بس صدقني اني تعلقت فيه وكانه قطعة مني..
رياض/ربي بيعطيك ليش تقولين ها الكلام..يمكن تكون خيرة لك انك وعلي انفصلتوا بدون عيال...
عبير تمتمت بصوت واطي/امممممم
رياض تقرب من حمود وباسه وهو بعده ماسك بعبير مايبي يتركها..
رياض/انتبه على بنت خالي زين حمود....
عبير/لاتشيل همه تراني بدير بالي عليه زين مازين.....
رياض/عارف ياعبير ومتاْكد من ها الشي..اصلا انتي بتعطينه افضل من اللي ممكن انا اقدمه له وانا واثق من ها الشي......
عبي/مدام واثق خلاص لاتخليهم ينتظرونك بالسيارة وتطمن انه بيكون معي بخير...وبخليه يكلمك كل يوم علشان تتاْكد...
رياض/عبير....هاذي..هاذي اوراق حمود الثبوتية,,,يمكن تحتاجينها بشي لاسمح الله ومااقدر اجيبهم بالوقت المطلوب رغم اني ماودي اتعبك بس الاحتياط يعني....
عبير اخذتهم وهي تبتسم/لاتخاف يارياض ماراح امل منه واقولك تعال اخذه وابيك تتاْكد انه طول ماهو معي يعني اني بدير بالي عليه,,,,,
///////////////////////////////////////////////////////////////////////////////////
منال بانشغال/هلا..
تركي بروقان/هلا فيك..
منال بنفس اللهجة/في شي...
تركي بمرح/مو شي محدد..
منال/اممم..شنو يعني؟
تركي/كنت بسالك لو محتاجة شي؟
منال/لاشكرا...
تركي/متاْكدة..ترى انا ماوراي شي وحاط رجل على رجل اذا بغيتي شي بساعدك..
منال/تعرف انك قاعد تضيع وقتي؟
تركي/ههه لااجل كل شي الاوقتك ندري فيه مهم عندك...بس لو حبيتي شي تراني حاضر..
منال بعد ماسكرت/أي والله ماوراكم شي وماتحاتون شي؟
////////////////////////////////////////////////////////////////////////////////////
بعد ماطلع رياض جت عبير بتدخل ولقت عمها ابو علي واقف يناظرها واستحت من وقفته كذا..
هي صدق ماكان بينها وبين رياض شي ولاحتى بكلامها بس ماتدري ليش انحرجت...
مشت لين صارت قباله وقال لها../مشوا..
عبير/أي..
ابو علي/بالسلامة ان شاءالله..
عبير/ان شاءالله..
ابو علي/ها حمود بتتدلل اجل مدامك قاعد مع عبير ترى هاذي انا اعرفها تخلي الواحد على كفوف الراحة؟
عبير/مو مثلك ياعمي..مخجلني ومعتبرني ضيفة مو بنت وماترضى اشيل الكاس من جنبي بس زين ان حمود بيكون معي يونسني شوي ويخليني اتحرك بدل قعدتي عندك كذا..
ابو علي بجدية/عبير وش رايك برياض ولد خالك؟
عبير/شلون يعني؟
ابو علي/بصراحة هو اليوم كلمني وقال انه يبيك وسالني اذا علي طلقك ولالكم رجعة وقال انه خاطره فيك ويبيني اسالك؟
عبير/.........................
//////////////////////////////////////////////////////////////////////////////
اليووم الثاني,,,,,
ام علي/وين نجود؟
ناصر يناظر في امه /يعني وين بتكون في معتقلها واحد قادر يشوفها؟؟زين اللي شفناها امس بالعرس؟؟؟
ام ناصر/وليه تتكلم كذا؟
ناصر بجدية/ياماما الحلوة ياام نويصر الغالي..
ابو علي/علامك انت تتكلم مثل المهابيل؟
ناصر/وام ناصر خلت لنا عقل سوتنا مهابيل؟
ام ناصر/وانا شكو بعد؟
ابو علي/الصدق الصدق ياام ناصر وضع نجود مو عاجبنا كلنا...لاتقعد معنا لاتسولف لاتاكل ...ماهي نجود بنتي اللي اعرفها؟
ام ناصر بحزم/واذا اخذته وابتلشت بحياتها بيعجبكم وضعها ان شاءالله بعدين؟
ناصر /يايمه من قال عاد ..هي تبيه وهو يبيها واثنينهم مقتنعين وهي راضية ومقتنعة بوضعه ونجود لو ماقولبتها براسها يمين وشمال واقتنعت ماقالت له تعال.....
//////////////////////////////////////////////////////////////////////////////////////////////
بندر بروحه كان حايس مايدري هو يتصل فيها ولامايتصل....
يتصل شيقول...شيبرر موقفه الامسي مو معقولة على ثوب بيقلب وجها عليها كذا؟؟
طيب واذا كان عندها عذر بالثوب وقالت لي سبب مقنع انا شعتذرمنها بالله؟؟
الله ياخذك يادلع وياسود عيشتك مثل ماطلعتيلي البارحة بالعرس وسودتي حياتي...هذا وانا قايل بنقضي ليلة البارح وناسة بوناسة انا وهي...بس مالت على حظي؟؟؟؟؟
اوووف ياربي...شسوي اللحين...اروح افطر في بيتهم وماكان شي صاير...بس جواهر ماراح تسكت..اصلا هي من البارح مادقت لي ولاحتى مسج وهذا مو من عوايدها...معناته انها شايلة بقلبها عليّ حييل وتبي تبرير للموقف...
بس ياترى معقولة دلع كذبت عليّوهي قالت لها وماتبيني اعرف؟؟؟؟
دق قلبه بقوة وهو مو عارف شلون بيواجه الموقف لو عرفت جواهر...
لايابندر مستحيل لو جواهر عرفت ماممكن تتعامل مع الموضوع بالبرود ذا....لا ماعرفت بس اكيد تبي تبرير للي صار ولوجود دلع الامسي ولحركاته السخيفة ولهواشي لها بالسيارة لمجرد انها مالبست الفستان ولتطنيشي لها من الاساس من البارح لليوم؟
تفضل فكر بكذبة ترضيها منك مو انت تعودت تكذب عليها علشان تكسب قلبها ورضاها عليك؟؟؟؟
////////////////////////////////////////////////////////////////////////////////////////////
نجلاء/ابوك وينه؟
فيصل بنعس/نايم؟
نجلاء/أي بس انا ماشفته بداره؟
فيصل/ابوي نايم بالمكتب على كرسيه تعبت وانا اصحيه واقوله روح نام بفراشك بس خله يتعور محد قال له مايسمع كلامي؟
نجلاء/فيصل حبيبي..تبي تروح تلعب مع احمد؟
فيصل ناظرها باستغراب...
نجلاء بخبث/يو انا مضيعة جوالي مدري وينه فيه روح جيب لي جوال ابوك اكيد انه عنده بالمكتب ولابثوبه بدق على جوالي يالله علشان بعطيك الكيكة اللي تحبوها انت واحمد خليت الطباخ يسويها عفية على وليدي؟؟؟
راح فيصل على نياته لان نجلاء ماتسمح له يروح لااحمد وخصوصا اللحين بانشغالهم بتجهيز زواج منال زايدة نيرانها كيف انهم مو مكلمين فهد يشيل فكرة الزواج من باله وكانهم مو مهتمين..
نجلاء في بالها(على بالك ماادري ان عندك جوال ثاني تكلم ست الحسن والدلال منه؟؟؟بس مو عليّ يافهد وانا نجلاء بخليها تندم على اليوم اللي قالت لك فيه الو وبتشوف)
فيصل/ماما خذي دقي على جوالك هذا جوال بابا بس لاتنسي ترجعيه بثوبه ولايحس عليك ترى بيهاوشك بيقولك عيب تطلعينه من ثوبي وانا نايم ولاتعلمين ان انا اللي جبته لك؟
نجلاء اخذته بسرعة وهي تركب الدرج /لامني معلمة بس انت يالله روح بسرعة.....
اول مادخلت الغرفة وقفلت الباب وتسندت على الباب تنهدت بقوة وهي تستعد للكلام اللي بتشوفه واحتمالية الاسم بعد لانه قال لعياله تعرفونها...
بس تنهيدتها الثانية كانت اقوى لانها انصدمت يوم انه كان فيه رقم سري وماقدرت تفتحه؟؟؟؟؟؟؟؟
///////////////////////////////////////////////////////////////////////////////////////
نجود/اتصل فيك؟
جواهر بزعل/لا..
نجود/ولاحتى مسج؟
جواهر بنفس القهر/اقولك مطنش؟؟؟
نجود/بللي مايرده..اللي مايبينا احنا بعد مانبيه؟
جواهر/........................
نجود/شكله عندك راي ثاني؟؟؟؟
جواهر بضيق/مدري انا متضايقة حييل وحاسة ان السالفة ماهي مارة عليّ!!في شي مبهم بالقضية انا مو فاهمته؟
نجود/أي وكيف بتفهمينه حضرة جنابك؟
جواهر/بسايره...وبجاريه...
نجود/شلون يعني؟
جواهر/يعني اذا جا اليوم وفطر ببيتنا بتكلم معه طبيعي جدا وماكان شي صاير وبترك الامور بينا طبيعية لين بعد العيد بروح جدة بدون مااعطيه خبر وبفهم كل شي واذا عجزت افهم بطلب من يفهمني؟
نجود/واذا تلاعب من هنا وهنا وقال لك مافي شي وانتي مكبرة الموضوع من راسك؟
جواهر/ساعتها اروح الشركة واقابل بنت الاكابر مديرته واتعرف عليها واكيد اني بعرف منها أي شي يخصه شكلها الميانة طايحة بين ها المدير ة وموظفها؟
نجود/حاسة بقهرك بس وقسم برب الكون مايستاهل انك تضيقين خلقك علشانه؟
جواهر بغصة/ادعي لي ان مافي شي واني قاعدة اتهياْ من خيالي تراني حاسة باكتئاب يانجود؟
نجود/عمري وراك انتي تزعلين حالك على بنيدر...خطيبك وحبيبك ماقلنا شي بس لاتنسينا ان جواهر فوق كل شي بها العالم وانها تهمنا موووت وزعلها يكدرنا ويكدر خواطرنا...ولا تبين تشغلين بالي زيادة مو كافيك ام ناصر واللي مسويته فيني؟
جواهر مسوية مرحة وهي مقربة تبكي/أي ابيك تفكرين فيني شوي ووتتركين فهيدان باشا على جنب؟
تنهدت نجود/جواهروه دقي عليه الليلة اشتقت اسمع صوته؟
جواهر/بالله!!ناسية انه يعرف جوالي؟
نجود/ندبرها ناخذ جوال محمد اخوك....
جواهر/أي بس هو عارف صوتي؟
نجود/اووووف مايهمني ابي اسمع صوته ياجواهر مو قادرة احس ان الاكسجين اللي عندي بداْ يتلاشى من كوني واني عاجزة اتنفس براحتي ,,,,,بس ابي اسمع صوته وارتاح؟
//////////////////////////////////////////////////////////////////////////////////////////
اول ماقاموا من سفرة الفطور دخلت نجلاء المجلس وهي تنتظر الخياطة تجيها ودخل وراها فهد..
نجلاء بنبرة متعالية/خير ان شاءالله...
فهد/..............
نجلاء/لايكون شلت الموضوع من بالك وجاي تبي مني السماح؟؟؟ماارح ارضى وزعلي بيطول...وحتى رضوتي بتكون غالية ها المرة؟
فهد/خلصتي؟
لهجته ماطمنتها خصوصا انها عطت نفسها امل انه يكون غير رايه بس بعد ماسمعت صوته حست بالخطر..
نجلاء بارتباك/وش عندك؟
فهد باحتقار/وين جوالي؟؟؟
نجلاء/؟؟؟؟؟؟؟؟؟؟؟؟؟؟
فهد طلعه من ثوبه وقال لها بنفس اللهجة/على فكرة مابتقدرين تفتحينه لسبب بسيط جدا....انه الرقم السري باول حروف اسمها وانتي ماتعرفين حروف اسمها حتى!!شفتي شلون هي معششة بافكاري حتى ارقامي السرية وارقام حساباتي صارت بحروف اسمها؟؟؟
جتها ها الكلمات مثل الصدمة ووقفت تناظره وهو ماسك جواله بارتباك وهي تسب وتلعن بفيصل وتتوعد فيه بس مشكلتها ماتقوى عليه؟؟؟؟؟
////////////////////////////////////////////////////////////////////////////////////////////
ناصر دخل البيت وكانوا تقريبا كلهم قاعدين وعبير جنبها حمود تاكله روب...
ابو علي/انا يالثور كم مرة قايل لك اذا دخلت سلم؟؟شايفنا كفار ماتسلم علينا؟
ام علي/لاعاد انا ماارضى على ناصر يابو علي...هذا الغالي...
ام ناصر/يمه شفيك؟
لفوا كلهم بعد سؤال ام ناصر لناصر اللي دخل البيت وقعد على اول كنبة وهو يمسح دموعه بشماغه....
ابو علي بفزع/ناصر تكلم....صاير شي علي ولدي فيه شي؟
ام علي وقفت/علي!!!!!!
ناصر/لامافيه شي...
ابو علي بحيرة/علامك انت ليش تبكي؟
ناصر كمل مسح دموعه وهو يتنهد/ابو رياض وزوجته وعياله عطوكم عمرهم..امس صار لهم حادث وهم راجعين القصيم وكلهم ماتوا؟؟؟؟؟؟؟؟
مايدرون كلهم ليش لفوا على عبير بها اللحظة اللي طاح الروب منها وبعدت محمد بعيد عنها وهي حاطة يدها على صدرها ودموعها بدت تنزل على وجهها ومنعت شهقتها من انها تطلع بيدها الثانية؟
عبير بذهول/ماتوا...بيت خالي كلهم ماتوا؟؟؟؟؟رياض مات....وولده؟؟؟؟ليش تركه عندي..انا ماابيه.....
من قالت ماابيه قامت عنه بعيد وهي بحالة انهيار ومو شايفة شي قدامها واول من كان جنبها نجود مسكتها وحضنتها,,,,,,وكانت تبكي على صدرها بحرقة وهي كابتة مشاعرها...
ابو علي/لاحول ولاقوة الا بالله..انا لله وانا اليه راجعون؟؟؟؟
عبير من بين دموعها/عشان كذا عطاني اوراق ولده؟؟؟يبي يحملني مسؤليته؟؟؟؟
نجود/اذكري الله ياعبير اذكري الله...هذا يوم ومحد عارف متى توافيه المنية,,,,الله يرحمهم ويغمد روحهم الجنة...
انتبهوا كلهم على صوت محمد اللي بدى يبكي بشكل هستيري على بعد عبير وبكيها وكان يناديها وكل ماشاله احد ارتفع صوته يناديها...
عبير/مقدر يانجود مقدر اشوفه صدقيني,,,,,,,,ياربي انا وش سويت...انا السبب يانجود انا........
ام علي جت واخذتها بحضنها وهي تهديها وسط دموعها هي الثانية/اذكري الله يابنيتي اذكري الله....هذا اللي مكتوب..
ابو علي/بيت عمك دروا ياناصر؟
ناصر وهو بعده متاْثر/أي يبى انا عطيت عمي خبر يخبرهم...
ابو علي/انا لله وانا اليه راجعون..
راحت نجود وشالت محمد اللي كان يبكي ورافض الكل هو صحيح قعد معهم يوم واحد بس يبتسم لهم من بعيد لبعيد ومايبي غير عبير....
وجابته وسط حضن عبير
ام ناصر بحدة/لايانجودلا....
نجود باصرار/عبير انتي قده....انتي عطيتي اهله كلمة مايصير تتخلين عنه بها السهولة...هو يبيك ومحتاج لك...وانتي ماراح تقصرين كلنا عارفين ها الشي...لاترفضينه لانك لو رفضتيه اللحين بترفضينه علطولو وهو باامانتك ياعبير
عبير من بين دموعها/مقدر يانجود حاسة اني مو قاوية اشيل نفسي...
نجود/الله يرحمهم ياعبير كلنا مو قاويين والصدمة علينا كبير,,,بس لازم تتحملين علشانه....انتي قلبك عليه لاتتركينه حرام مو كفاية انحرم من امه وابوه ...تبين حتى انتي تحرمينه منك؟
حمود وهو يبكي كان ينادي باسمها وياْشر عليها/ابير...ابير...ابير شيليني,,,,
كانت تناظر بينه وبين نجود اللي كانت تستجثها انها تاخذه وماتكسر بخاطره,,,
وشالت من الارض وحضنته بقوة وغمضت عيونها وهي تكلم نفسها(ماراح اتركك يامحمد صدقني..وهذا وعد لك مني طول العمر,,,,,بظل معك وبتظل ولدي اللي ماجبته وماراح اقصر عليك باي شي صدقني...هذا وعد ...)
************************************************** **********مرت اسبوعين برمضان طويلة وكئيبة على الكل....وفاة ابو رياض وعياله تركت في بيت السبيعي اثر كبير خصوصا وهم يشوفون حمود قبالهم....
ولبنى اللي من ليلة الزواج قطعت عبدالعزيز ماقوت تكلمه وظلت ها الوقت كله بفراق مضاوي وبوفاة خالها .......
واخيرا قدرت تحن عليه وتكلمه,,,,,
لبنى بصوت ضعيف/هلا غلاي...
عبدالعزيز/حمد الله على السلامة؟
لبنى مسكت نفسها وهي عارفته زعلان /انا اسفة ادري قطعتك اسبوعين بس كانت عندي ظروف...
عبدالعزيز بنبرة متغيرة على لبنى/أي مالومك زواج اختك والتبريكات اكيد ماراح تكونين فاضية لي؟؟
سكتت وبلعت ريقها وهي مو عارفة شتقول من الاحراج...لانها ماتوقعته يعرف عن زواج مضاوي وماجا في بالها انها بتدري,,,,
ظل هو بعد ساكت فترة طويلة وكانه ينتظرها تتكلم بس ماتكلمت...
قطع الصمت وقال بلهجة جافة/مبروك...
ماقدرت ترد عليه وهي تحس اللوم والعتب كله بصوته,,
كمل بنفس لهجته العتبانة/اللي اعرفه ان مضاوب ماهي مخطوبة؟؟؟
بتردد قالت/حبيي..
قاطعها بعتب/ليش كذبتي وماقلتيلي انه عرس اختك والدمام كلها عارفة؟؟؟؟
لبنى/.............
عبدالعزيز/ماكنتي متوقعة اني اعرف؟
لبنى/......................
عبدالعزيز/طيب اللحين عندي زباين بالمحل بعدين اكلمك؟
/////////////////////////////////////////////////////////////////////////////////////
كانت واقفة عند الباب الداخلي وهي تناظر عبير اللي قاعدة بالحوش تلعب حمود وتركب معه بالتركيبات.....
عبير انسانة حياتها كلها ماْسي...عمي انسان ماابي اتكلم واقول شي عنه لاني اذا تكلمت اكيد مابوفيه حقه من عاطفته الفياضة عليهم!!!ولامعقولة تتطلق بنته مايسال فيها ويطردها من البيت ولاهامه شي بعد وكانها مسوية جريمة؟؟؟ناس عقلياتها بنعيش وبنشوف يابو بندر؟؟؟؟؟
وش بعد بحياتها علي...يمكن يكون ماضي بالنسبة لها ولو اني مااتوقع لاني اتوقعها بعدها تعيش ظلمه وهي معلقة لاهي له ولاهي لغيره....لاراتاحت بقربه ولاحتى في بعده....
مسكينة ياعبير ماعمرك شفتي الفرح ولادخلت الابتسامة بشفايفك ابدا....يالله ان شاءالله ها الولد يغيرك ويغير حياتك....
انتبهت على يد انحطت على كتفها وهي عارفتها زين..لفت له بهدوء...
نجود/يبى...
ابو علي/وش عندك واقفة كذا؟
نجود/قاعدة اناظر بعبير وبحمود...
ابو علي/انا اللي قاعد اناظر فيها مو انتي...نجود انا قلت لك ان رياض كان خاطبها قبل لاياخذ الله امانته؟
نجود رفعت كوب قهوتها وشربت منه شوي وبعدها قالت/رب العالمين مو كاتب لهم يجتمعون وماتدري وش خاش لها.......ماهو نصيبها يبى لاتقعد تتذكر شي تتحسف عليه؟
ابو علي/وانتي ليش زعلانة ومتضايقة...ها الرمضان ماهو حلو وين نجود وسوالفها صايرة كنك مراهقة انتي حتى بمراهقتك ماكنتي كذا!!تعودت على شخصيتك شي ثاني...تاخذين وتعطين بكل شي..ماتعودت اشوفك حزينة وانطوائية..صرتي عبير الثانية؟
نجود/...............
ابو علي تنهد/والله ودي تتزوجون انتي وناصر وتملون لي البيت عيال يلعبون حولي واشوفهم قبل لاافارق الدنيا.....بحط لهم هنا مرجيحة وهنا باخذ لهم بيت يلعبون فيه وهنا باخذ لهم طاولات وكراسي..وهنا شحط لهم؟........نجود قولي شي لاتسكتين؟
نجود بضيق/انتوا اللي معلقين مستقبلي؟
ابو علي/وانا يابنيتي شكو؟انا بعد ماشفت اقتناعك سالت عن الرجال وقلت لك القرار قرارك امك اللي ماهي راضية...كم مرة كلمناها؟
نجود/يبى انا لازم اشوف لي حل....لاتعلقوني كذا..يا اقول للرجال تيسر وشوف نصيبك يااني اشوف وش بيصير معي؟
ابو علي/برجع اكلمها مرة ثانية ولايهمك؟
نجود/الليلة..
ابو علي/شنو؟
نجود/الليلة ابي اعرف ردها على الموضوع...
ابو علي/شلون يعني اخذ الرد منها بالقوة؟
نجود/تقريبا شهر كامل وهي تفكر بالموضوع واكيد انك اذا قلت لها تبي الرد الليلة بتعطيك اياه...يبى انا الللية ضروري اعرف الرد شنو ابي افهم وش بيصير بحياتي لاابي اعلقه ولاابي اعلق نفسي على وهم؟تكفى بنتظرك تقولي شقررت؟
سكت ابو علي ودخل يكلم ام ناصر ورجعت هي تناظر بعبير وحمود وافكارها لبعيد رايحة للرياض واهل الرياض؟
/////////////////////////////////////////////////////////////////////////////////////////////////////
--- البارت الثاني والثالث والسبعين---
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,
معقولة ياعلي ماتروح تعزي مرة عمك وبنات عمك بوفاة خالهم وتسوي نفسك مادريت؟؟؟
طيب وش فيها روح اللحين عزيهم وقول انك كنت مسافر وتوك راد ويوم سمعت جيت تعزيهم؟؟؟
يعني اروح هناك من جديد...اروح بيت السبيعي برجلي مرة ثانية بعد ماانطردت منه؟؟؟؟؟
تنهد بقوة وهو بسيارته...مشاعر غريبة اللي قاعدة تجيه...ساعت يحس انه ولهان عليهم ويبي يشوفهم بس مشكلته مايعبر عن مشاعره ويتكلم بللي يحس فيه.,,,وساعات يحس انه خيرة انه طلع من البيت علشان لايتصادم مع ابوه اكثر من كذا لان ابوه ماعاد يتحمل أي شي,,,,
مايدري ليش وقفت سيارته قبال ها البيت اللي طلع منه من اكثر من شهر,,,,,,
كان يناظر بالبيت وهو منكس راسه على النافذة وكانه يتذكره بذاكرته,,,,
ماتغير فيه شي.....
جت يده بتطفي السيارة وبينزل يسلم على امه قبل لايروح بيت عمه يعزيهم بس انتبه على سيارة ابوه اللي كانت واقفة برى البيت وغير رايه ومشى بسرعة ومانزل حتى بيت عمه وقال بياخذ له كم لفة وبعدها بيرجع لانه مايبي يشوف ابوه؟؟؟؟
////////////////////////////////////////////////////////////////////////////////////////////
فوزية/علامك انتي مخبوصة فوق تحت انا اول مرة اشوفك كذا؟
منال بربكة/احس نفسي مربوكة ومو عارفة شسوي..
فوزية/اهدي...كل شي يجي بالهداوة....انتي مخلصة كل شغلك بعد ليش ها الربكة؟
منال/ماباقي غير ثلاثة ايام يافوزية فاهمة شنو يعني؟
فوزية/أي فاهمة وادري هذا كله من فراقي هههههه
منال ابتسمت لها وقعدت جنبها/هو يمكن فراقك بيكون له شوية تاْثير بس مو واجد شوي لاتفرحين بس من جد حالتي النفسية مدري شلون اوصفها لك...احس سنة كاملة ماراح اشوف اهلي فيها طويلة...
فوزية/قدها يامنولة صدقيني قدها...اصلا بترجعين بعد سنة وبتقولين ياي مرت بسرعة وماحسيت فيها...ادري فيك بتشغلين نفسك هناك وبتدرسين اللي لك حاجة فيه واللي مالك حاجة فيه بس ها ياويلك تجيبين لنا بزر وانتي هناك؟
منال/لامستحيل متفقين على التاْجيل لين ننزل؟
فوزية بخبث/مانبي متفقين ومتفقين ومن ورانا تسوينها؟
منال/يالله عاد مسوية روحك عليّ حرمة بااخر الزمان؟
فوزية/ههههههههه
منال بجدية وهي تناظر بفوزية/اقول فوزية ماودك تقولين لي شي قبل لااروح؟
سكتت فوزية وناظرت بالارض..
منال بمرح/أي شي.....
فوزية ناظرت بالبا المفتوح وقالت بتردد/بلى...
منال/حلو انا اسمعك.....
فوزية/انا....انا ومحمد اخوك....
منال مسوية مو فاهمة/شفيكم؟
فوزية بعد تنهيدة/نحب بعض.......ومتفقين على الارتباط ان شاءالله..
منال/اها والارتباط طبعا بعد مااروح علشان تاخذون راحتكم؟
فوزية/لاحرام عليك اذا بيصير بنملك بس ومستحيل نتزوج وانتي موهنا يعني تاْكدي قبل سنة ماراح اتزوج؟
حضنتها منال وهي تقول بها بفرح/ان شاءالله الف مبروك والله انكم لايقين على بعض....
محمد طبعا من عرف ان فوز بالبيت فوق علطول للصالة اللي هم قاعدين فيها علشان يتحجج ويشوفها...
محمد/احم احم...
منال ابتعدت عن فوزية وهي تهمس/بدت العيارة؟
ابتسمت فوزية....
منال/لكن وين اوريك فيه..............تبي شي محمد؟
محمد/ليش عندك احد؟
منال/لابس فوزية بنت عمتي؟
محمد دخل/يعني وحدة منا وفينا.....شلونك فوز؟
فوزية انحرجت لانه مايناديها كذا قدام أي احد وحست انه ياكلها بعيونه خصوصا انهم من زمان ماشافوا بعض...
منال/بغيت شي..
محمد/ها...لابس قلت تبين شي....
منال/شي مثل شنو؟
محمد/افا عليك أي شي....انا بالخدمة ادري فيك مشغولة ها الايام وانا تحت امرك؟
منال/من متى؟
محمد/ها..
منال/اشوف اذا السايق برى البيت واحتجت لشي ضروري ادق على مشاري والا انت صافطنتي مالك فيني وتقولي لاتحلمون تطولوني مالي شغل فيكم؟ولايوم خلصنا اشغالنا وتاْكدت ان مافي شي تسويه عرضت خدماتك؟
محمد يوم حس انه تفشل وفوزية تضحك عليه لانها فاهمة حركته زين قال بحلطمة/وانتي دايم كذا تفشلين الواحد؟؟؟يبى بغيت افتح معك صفحة جديدة قبل لاتروحين هذا جزاتي؟؟؟لكن الشره مو بعليك على اللي جايك وهو مو داري يكلم منو؟لكن تدري بس تسافرين بتزوج زين؟
منال/احلف والله؟خبري مابتتزوج الا اذا رجعت يعني بعد سنة...يالله بنشوف بكرة مين يمشي رايه انت ولاست الحسن والدلال؟
////////////////////////////////////////////////////////////////////////////////////////
ابو علي/شقلتي ياام ناصر؟
ام ناصرشبقول بعد لااله الا الله محمد رسول الله....
ابو علي/السالفة كلها متعلقة فيها وهي فاهمة واحنا بنخلي مسؤليتنا وبتتحمل قرارها بنفسها وبعدين نجود عاقلة وقدها وقدود...
ام ناصر/................
ناصر بمرح/يعني نقول مبروك...
ام ناصر/..........
ناصر بفرح/يبى ماتعرف تسوي هلاهل مثل الحريم؟
ابو علي/لاوالله مااعرف...
ناصر بمرح/أي بس انا اعرف تعلمتها من امي شوفي يمه كذا يسوونها....كللللويش,,,
ابو علي/اعقل بس اعقل.....هذا بدل ماتتزوج وتجيب عيال..
ناصر/على ايدك يابو علي زوجني وحدة من ها البنات اللي تعرفهم..
رمى عليه ابوه المخدة وقال له/استح بس استح...انا ابوك...
ناصر بحلطمة/ويقولون اذا كبر ولدك خاويه وين المثل وانت وين يابو علي...
////////////////////////////////////////////////////////////////////////////////////////////////////
بندر/ماتتصورين ان الطاولات ذولا بيكونون احلى وهم هناك؟
جواهر/مدري حطهم خل نشوف....
بندر/أي يالله...
كانت حركاته مفضوحة ومبينة لجواهر انها مساير وانه يبي يرضيها باي طريقة وكانها جته من السماء انها كلمته طبيعي وعدت له السالفة وجت سالفة وفاة خاله بصالحه بعد وظلت جنبه وماتركته..
حتى هو كان حاس انها قاعدة تسايره وانها ماهي طبيعية بس كان راضي بالوضع على الاقل مافيها اسئلة مايقوى على اجابتها؟؟
بندر/ها وش رايك.....الو....جواهر..حبي...وينك سرحانة؟
انتبهت له جواهر ورفعت راسها/ها..لامعك....بس مكانهم هناك افضل احسهم مو حلوين هنا...
بندر/هناك هناك....
جواهر/متى بيجيبون المدخل؟
بندر/مستعجلة؟
جواهر/ابي اقفل الشقة على العيد وماافتحها الا قبل الزواج باسبوع اذا نقلت ثيابي واغراضي....يعني بالفصحى اكون ارتحت منها بكل شي...
بندر/حبيبي ليش ماتجيب اغراضك اللحين وتخليني اشوفهم؟
جواهر بدون ماتناظره/خليهم مفاجاْة احسن....
بندر/اكيد انهم بيكونون مولعين نار...حاس فيهم كذا...طيب وثوب العرس حياتي ماحن قلبك وبتخليني اشوفه؟
جواهر بدون ماتناظره/خليه من ضمن المفاجاْت؟
بندر/ياربي على ها البنت من كثر المفاجاْت اللي بتسوينهم ودي امسك الزمن وامشيه بسرعة علشان اشوفهم,,,
غمضت عيونها بالقوة وهي تتمنى بقلبها انها تكون شاكة بوهم وانها ظالمة بندر لانها تحبه وماتبي تخسره؟؟؟
//////////////////////////////////////////////////////////////////////////////
اول ماجتها الموافقة راحت غرفتها وقفلت الباب عليها وقامت تبكي,,,بس ها المرة غير,,ها المرة دموع فرح دموع حست طعمهم ثاني,,,,
الحمد الله يارب,,,الحمد الله راحت فراشها وطلعت جوالها وفتحته,,,ودقت عليه باصابع ولهانة له,,,
جاها صوت فهد المشتاق يطيب لها جروحها/زين اللي ذكرتينا بليلة القدر وحن قلبك علينا يابنت السبيعي؟
نجود بثقل/تعرفني ماارمي نفسي على ناس ماتلاحقني ,,,
فهد بذهول/لا والله!!!!شمفكرتني بالله؟؟؟ولامو شايفة كمية اتصالاتي ورسايلي لك وتطنيشك وعدم مبالاتك بالمقابل؟
نجود بثقة/كنت افكر,,,
فهد بضيق/هذا كله تفكير؟؟؟طيب ووصلتي لنتيجة؟
نجود/أي بلغت ابوي قراري...
فهد بتردد/شنو يعني؟؟؟شقلتي له؟
نجود/والله عاد اذا تبي تعرف روح ساله عن قراري انا مو ملزمة اقولك؟
فهد بتعب كسر خاطرها/نجود......ابوك قال لي بعد العيد بيرد لي خبر؟
نجود مسوية انها لامبالية/معناته انتظر اسبوع؟
فهد/وش هالبرود اللي عندك؟انا بموت وانتي مو هامك؟
نجود/كلها اسوبع اللي بتنتظرها...
فهد/انا تعبان يانجود تعبان,,
حست بصوته التعب صدق وتندمت على كل لحظة طنشته وماردت عليه فيها لانها عارفته اكيد كاتم بقلبه كثير ومو قايل لااي احد.....
نجود/..........
فهد بنفس التعب/احبك ومو قادر اصبر اكثر..
نجود بدون تصديق وهي تردد كلمته/تحبني,,
فهد بنفس التعب/مووت والله,,,,,ماتدرين شقد تعبت يوم قطعتي صوتك عني وظلمتيني؟
نجود باندفاع/فهد انا لك حبيبي....انا لك..
فهد/قولي والله...اهلك ماعندهم مانع؟
نجود/قلت قلبي يبيك ومن يقدر يوقف بوجه قلبي يافهد(كنك نسيتي سالفة امك يانجود هههه)
فهد بارتياح/معناته ابتدي اشتغل بشقتنا؟
نجود/وش تنتظر لها اللحين يالله روح جيب المقاول والعمال لازم تخلص قبل شقة الدمام؟
فهد/فيني اجي اخذك اللحين؟
نجود/اممممم,,,,شلون يعني بتخطفني؟
فهد/خلنا نملك اللحين؟
نجود/أي ببلاش يعني لامهر ولاعرس ولاهم يحزنون؟
فهد/نجود اذا جيت لااهلك ثاني يوم العيد وقالي ابوك انك موافقة شقوله؟
نجود/ثاني يوم عاد؟؟؟فهد شفيك ثاني يوم بيكون عرس منال ولانسيت؟
فهد وكانه مضيع/أي صح..طيب ثالث يوم,,,,
نجود/اتفقوا على الموعد.....
فهد/موعد الملكة؟
نجود/ملكة وعرس بليلة وحدة؟
فهد بتعب/لانجود ليه تحرميني منك؟اذا فيها عرس يعني مو اللحين معناته مابقدر اشوفك؟
نجود/طيب حبيبي اذا تضمن لي شقتنا تخلص بدري انا بضغط على نفسي وبنتزوج نهاية الشهر ؟
فهد/اللحين يخلصونها اذا تبين؟
نجود/ههههههههه وحشتني يامجنون ,,,وينك من زمان عني ..
فهد/ادور عليك وانتي مو هامك غيابي....
نجود وهي ماسكة نفسها لاتبكي/هذا اخر فراق يافهد صدقني كان لازم ابين لااهلي اني افكر زين بالوضع اللي بعيشه,,,,بس لي طلب عندك؟
فهد/يوم سمعت صوتك لوتبين القمر بركب اجيبه من عيوني؟
نجود بدلع/قولي احبك مرة ثانية مدام مشاعرك صايرة بركان كذا!!!
/////////////////////////////////////////////////////////////////////////////////////////////
في غرفة هنوف...
نورة/امممم طيب تبين نستهبل شوي؟
هنوف بزعل/لا..
نورة/هنوفوا مايصير كذا لمتى بتظلين زعلانة؟
هنوف/وليش تبيني افرح ان شاءالله؟
نورة/وش ها الحكي عاد؟
هنوف/خالي وعياله راحوا بحادث بغمضة عين..
نورة/هذا يومهم يابنت الناس وانتي كنتي بتعترضين على ها الشي....
هنوف/وعبير تطلقت وكاهي قاعدة معكم وكانها مسوية جريمة علشان ماترجع بيت ابوها..
نورة/بيتنا هو بيتها وش ها الكلام؟
هنوف/ومضاوي تزوجت وراحت بعيد اللحين حسيت بفقدانها عدل كانت تقابلني وتسايرني ولبنى مااشوفها واذا شفتها دايم ساكتة ومتضايقة ومقهورة....
نورة/وانا اللي مقابلتك اربع وعشرين ساعة مو مالية وجهك بالله!!!شكلي بعتبرها طردة وبقوم اروح بيتنا ..
هنوف/لاتكفين واللي يسلم عمرك لاتروحين....قابليني قبل لااجن بروحي..
نورة/طيب قومي خل نفرفش شوي....
هنوف/نفرفش وش نسوي يعني,,,,
نورة/أي شي....
هنوف/مثل شنو؟
نورة/اوووف أي شي بتصير اللحين سؤال وجواب قومي احنا نبتكر لروحنا فرفشة,,,,,قومي نقلد اذاعة المدرسة شلون جيبي ها الكتاب بنسويه مايك.....
هنوف/لاانا اللي بقدم مو انتي...
نورة/أي بس انا اللي بقول الانشودة اللي ابيها؟
هنوف/احم احم...مديرتي الفاضلة..معلماتي العزيزات..اخواتي الطالبات,,,,عدل تحسيني,,,
نورة/امممم بالضبط حق ابتدائي يالله قولي اني بنشد لهم اللحين..
هنوف/صبري ماخلصت انا......
////////////////////////////////////////////////////////////////////////////////////////////////////////////في غرفة نجود..
ام ناصر/اقدر اتكلم معك شوي..
نجود/اكيد يمه تفضلي...
قعدت قبالها وقامت تناظرها وهي ساكتة,,,,
نجود/يمه شفيك ماوافقتي برضاك..
ام ناصر/تبين الحقيقة مو برضاي بحنتكم علي انتي وابوك واخوك وخالتك ماقدرت مااوافق...نجود يمه انا خايفة عليك...
نجود/يايمه ياحبيبتي وراك خايفة عليّ وانا وش بيجيني بالله!!!
ام ناصر/انتي مو متخيلة الحياة اللي بتعيشينها؟
نجود/بلى يمه حاطة لي في بالي صورة عنها وعن اللي بعيشه كله....ادري ان فهد ماراح يكون معي بكل وقت ابيه فيه وادري ان غيري تشاركني فيه وادري ان عنده عيال ولهم حق منه...راضية يمه ومقتنعة انتي ليش خايفة؟
ام ناصر/وش اللي يخليك واثقة من انه بيكون واقف بصفك وبيترك ام عياله خوب هي مابتتركك بحالك....
نجود/هي اذا عاشت في بيتها بوسط عيالها فهذا لاني بتكرم عليها تكون موجودة معهم واذا تجاوزت حدودها عرفت ااْدبها..
ام ناصر/نجود يايمه لاتبنين بينك وبينهم كراهية من البداية,,,
نجود/لاتخافين يمه بتشوفين عياله بكرة اذا نزلت من الرياض وجبتهم معي بتلاقين علاقتنا حلوة وماهي متعكرة مثل ماانتي تتخيلين...انتي بس ابتسمي خلاص والله تعبت ياام ناصر وانا اقنع فيك اني بكون قد ها الموقف؟
////////////////////////////////////////////////////////////////////////////////////////////////
باخر الليل كانت سيارة ابو علي تحركت واول مامشت مسافة نزل علي من سيارته وتقدم لبيت بخطوات مرتجفة ومرتبكة وكانه اول مرة يدق الباب...
فكر انه يدخل مباشرة بس رجله ماطاعته دق عليهم جرس الباب وفتحت الشغالة وقال لها تنادي امه وبشوي طلعت ام علي ومن شافته قامت تصارخ من الفرحة وساعة تحضنه وساعة تبوسه وساعة تشمه..وعلى صوتها طلعت ام ناصر وطلعوا وراها نجود وهيا,,,,
وسلم عليهم وهو بعده واقف عند الباب..
ام علي/ادخل يمه ياعلي ادخل لاتروح...
علي/يمه انا جاي اعزي بيت عمي ادري متاْخرة بس انا ماكنت موجود,,,
نجود/علي....
ناظرها وسكتوا,,,,,,,
ام ناصر/نجود انخطبت ياعلي وبعد العيد بيتفاهمون على كل شي عاد مايصير ماتكون موجود,,
علي/لا,,الف مبروك...
نجود بنفس الثقة/منت جاي تطيح على راس ابوك وتعتذر منه وترجع؟ولاحياتك برى ها البيت وبعيد عنا صارت احلى لك,,
كلهم ناظروها وهو اولهم,,,بس ماعلقوا ولاهو علق بشي,,,,,
وراحت الانظار كلها لحمود ولد رياض اللي كان يبكي بالجهة الثانية من الحوش واللي عبير اصلا كانت تناظر بعلي وتاركته ويوم انتبهت انهم كلهم يناظرونها وعلي معهم حملت حمود ودخلت,,,,
بانت علامات الاستفهام على وجه علي,,,
واول من جاوبه امه..
ام علي/هذا ولد المرحوم رياض عبير قايمة فيه من وقت اللي راحوا عن ها الدنيا,,,,
ماعلق بشي بس سلم عليهم ببرود اكبر من البرود اللي دخل فيه ويادوب راح لبيت عمه وسلم على مرة عمه ولبنى اللي كانت قاعدة معها وبعدها مشى بسيارته لبعيد عن ها المنطقة كلها,,,,,
//////////////////////////////////////////////////////////////////////////////////
اليوم اول ايام عيد الفطر السعيد وان شاءالله وجوده واطلالته تكون سعيدة عليهم كلهم مثل ماتمنت جواهر وهي قاعدة مع نجود.....
نجود/ان شاءالله..
جواهر/تكفون ذبحتونا بها السلام قوموا خل نشم شوية هوى والله حاسة نفسي بختنق؟
لبنى/وين تبين نروح يعني؟
جواهر/أي مكان...
نجود/خلونا نروح الكورنيش,,,,
هيا/خلاص نروح الكورنيش,,
جواهر/عاد نجود وش سويتي لنا بالكورنيش انتي اللحين بنشم هوى وبنشم هوى واخر شي الكورنيش؟
هنوف/جواهر لاتدلعين اخوي مو هنا يوديك المكان اللي تبينه فارضي بالكورنيش لانه ماشكله فيه غيره؟
لبنى/امي دقت له مرتين مقفل....
جواهر/ماشكله وصل لانه قال احتمالية تتاْخر الرحلة وبس يوصل بيدق يطمنا,,,,
هيا/اشوف ناصر اذا بيودينا الكورنيش؟
نورة/لاتتعبين حالك ناصر مع ابوي بالمجلس ومابيتركه مع الرجاجيل بروحهم,,,
هنوف/خلونا نفلها ونروح نمشي,,
نجود/مو متحملة يغمى عليّ!!!
جواهر/بشوف سايقنا خليكم جاهزين قومي نجيد معي..
نجود قامت وهي تتحلطم/ولو اني مااحب ها الاسم بس اليوم عيد,,,,بمشيها بمزاجي,,,,
//////////////////////////////////////////////////////////////////////////////////////////////////////////
سارة/كل عام وانت بخير بابا؟
فهد ابتسم لها/وانتي بخير يابابا بس هاذي خامس مرة تقولينها وانتي فاتحة يدك؟
سارة/انت ناسي ان العيد بركة ومايردون عيالهم,,
فهد/اذا كذا بخلي بمخباتي بس ريالات لك ولفيصل لانكم ماتشبعون؟
سارة/هههههههه صدق انا ماشفت فيصل؟
فهد/مقابل شقتي وقاعد مع العمال...
سارة/باقي لها كثير وتخلص مو ها العمال شغالين ليل نهار,,,
فهد/لاماباقي كثير,,,,,
سارة/ماراح تقولي منهي؟
فهد/اذا شفتيها بتعرفينها ليش مستعجلة؟الا انتي ماقلتيلي تجهزتي لزواج منال بكرة؟
سارة/اكيد وبتشوفني احلى وحدة بالعرس بعد ويمكن يخطبونك مني اليوم اللي بعده؟
فهد/بيسوون فيني جميل والله ولو ياخذونك انتي مع اخوانك ويريحوني منكم كلكم وتخلوني اعيش حياتي واجد زين؟
سارة/بابا!!
فهد/هه امزح معك يابنت وانا اقدر استغني عنكم عاد يالله علشان نروح بيت عمتك,,,,
/////////////////////////////////////////////////////////////////////////////////////////////////////
على الكورنيش كانت نجود قاعدة وجنبها جواهر والباقيين يتمشون قروب كامل,,,,
نجود/علي دز لي مسج يبي يشوفني هنا يبي يسولف معي؟
جواهر/شيبي منك؟
نجود/اكيد مو علشان زواجي...
جواهر/ليش لا....يمكن بطريق غير مباشر لاتنسين ان فهد عم مشاري..
نجود/علي اصلا مايدري من خاطبني وحتى اذا عرف مابيشغل باله,,,
وبها اللحظة وصل علي وصار وراهم مباشرة وهم ماانتبهوا لوجوده لانهم يسولفون وعيونهم قدام على البحر,,,
كملت نجود كلامها بثقة/وبعدين علي عارف ومتيقن ان لمياء ماتبيه وتبي زوجها...
جواهر/...........
نجود/الشي الوحيد المريح بقضية علي ان عبير بنفسها سمعت رفض لمياء لعلي لانها كانت محتاجة تعرف ها الشي,,,,
جواهر/وش بيغير...تطلقوا وانتهى الموضوع...
نجود/لاماانتهى الموضوع حرام لمياء تنظلم بس لان علي ماشالها من باله وبعده يبيها ومانسى اللي بينهم وهي شالته من بالها من زمان !!
ماهو ذنبها اصلا تفكير علي فيها وهي متزوجة وعندها بنت وناوية تكون عيلة كبيرة وحلوة مع زوجها..قالت له انها متزوجة بس هو مصر يعقد السالفة ومصر عليها,,,ومصر انها له ويبيها وبيظل متمسك فيها وهو خسر كل شي,,,خسر اهله ..خسر ابوه,,واخوانه,,خسر البيت اللي ضامه,,والاهم من هذا كله انه خسر عبير,,,بذمتك وحدة ثانية كانت بتصبر على علي وعلى مزاجه المتقلب,,مااظن ابدا!!
علي اكتفى بانه يسمع ها الكلام من نجود ويمشي ,,مايدري ليش من الاساس كان مفكر يلاقيها ويكلمها...رجع سيارته وتنهد بقوة,,,,ودق عليها,,,
نجود/هلا علي...
علي/هلا فيك كل عام وانتي بخير,,
نجود/وانت بصحة وسلامة,,,
علي/عسى مارحتي؟
نجود/بلى انا موجودة انتظرك؟
علي/معليش انا اعتذر منك مابقدر اجي خليها لمرة ثانية؟
نجود/عسى ماشر؟
علي /سلامتك بس واحد من الربع مسوي حادث وبروح اشوفه ماعليه نجود بنتكلم بوقت ثاني اكيد,,,,شكرا لانك جيتي وماطنشتيني مع السلامة,,,,
مايدري ليش بعد ماسمع كلامها رجعت صورة عبير وهي تناظر ذيك الليلة لمخيلته وكلام نجود انه هو اللي خسرها مو هي اللي خسرته وان لمياء ماتبيه وشكته لنجود وعبير,,,حس بالذل والضعف والوحدة.......اي اللحظات هاذي بالذات حس بالوحدة وان ماعنده احد يشكيه همه ويخفف عنه,,,,
////////////////////////////////////////////////////////////////////////////////////////////////////
مشاري/لميا ء عمري نايمة والناس عيد؟
لمياء بتعب/لبست بنتك وروح فيها؟
مشاري/وانتي مو جاية معي؟
لمياء/مشاري حبيبي وقسم بالله منتهية لاابعد حد من المراكض ورى ها العرس وبعدين بكرة بشوفهم كلهم بالعرس يعني روحتي اليوم ماليها داعي....
مشاري/مايصير كذا..
لمياء/حبيبي خليني ارتاح شوي بكرة وراي وقفة من صبح الله لين اخر الليل معليش من جد تعبت,,,
مشاري/أي بس اليوم عيد..
لمياء/بريح لي على الاقل ساعتين وبعدها بشوف اذا قعدت وانا مصحصة كان بها واذا حسيت اني متكسرة مو ذنبي عاد؟
مشاري/طيب انا باخذ مريومة وبروح معها,,,,,
////////////////////////////////////////////////////////////////////////////////////
في حوش بيت ابو مصعب,,,,
مصعب/اقول خالي فهد..
لف فهد اللي كان طالع من المجلس لمصعب باستفهام وبدون مايتكلم,,
مصعب/فيك شي مفرحك وشو؟من زمان ماشفتك كذا بها الاريتاح؟
فهد ابتسم وفهم مغزى كلام مصعب وقال له/وافقت,,
مصعب بفرح/جد,,,يالله ان شاءاالله الف مبروك..يعني بشوف جواهر عندكم بعدين(قالها وهو سرحان وبدون مايشوف نظرات فهد المولعة وانتبه على صوته اللي كان معصب
فهد بعصبية/مصعب اعقل زين كم مرة بظل اقولك اعقل,,,,البنت ماهي لك وماباقي على عرسها شي؟
مصعب باحراج وهو كاتم زعله/كنت امزح ياخالي ماهو بقصدي......ورجع للمجلس من جديد اللي ماكان فيه غير ابوه وبس بعد ماطلعوا كل الرجاجيل..
ابو مصعب/مصعب.....
مصعب/ها...نعم يبى..
ابو مصعب/بغيت اكلمك بموضوع؟
مصعب/خير ان شاءالله؟
ابو مصعب/هو اكيد خير.....يبى انا بقول لاامك تدور لك عروس ابي ازوجك وافرح فيك..
مصعب وهو يستعرض صورة جواهر في باله/ماعليه يبى اصبر شوي..
ابو مصعب/ليش؟؟
مصعب تنهد/في شغلة ببالي بسويها وبعدين بعطيك خبر؟
ابو مصعب/وها الشغلة كم تاخذ بالضبط يعني؟
مصعب تنهد وماعرف شيقول..
ابو مصعب/ماقلت كم يعني انتظر....يعني اذا مو كثير بخلي امك تشوف لك بنت ناس وعلى ماتخلص شغلتك نروح نخطبها..ها شقلت...
رجع لسرحانه وهمه من جديد,,,,وماعرف شيقول لاابوه..وكل العالم يعتبر حبه لجواهر ضرب من الجنون وكان الشي بيده مايدرون انه يحبها بقلبه وبعواطفه وانه ماله يد بللي قاعد يصير فيه؟؟؟
/////////////////////////////////////////////////////////////////////////////////////////
على المغرب بالكورنيش.....
مر جنب البنات واحد خكري وبيموت من المياعة,,,,
طبعا كانوا فارشين لهم وقاعدين قبال البحر كلهم على شكل حلقة كاملة وهم يتعشون...
الشاب بنعومة/مقدر انا على الناس الجيعانة مالحقتوا جعتوا؟
هنوف وهي تناظره من فوق لتحته وهي مغلظة صوتها/والله ماتغذينا...بعدين انت شعندك بالله!!1احد قايل لك تعال ادفع عنا,,,
الشاب/ياي..كلش مو رقيقة,,
باقي البنات/هههههه
هنوف/اقول بنات مافيب وحدة منكم متنازلة عن عبايتها نعطيها اختنا بالاسلام؟
نورة/ههههههه
جواهر/انتي عطيه عبايتك يناسبكم اصلا تتبادلون الادوار خذي منه ثيابه وعطيه عبايتك...
لبنى بحماس/يالله تعالوا بدلوا هنا احنا بنغطي عليكم...
الشاب/انتوا كلش مو شي....
لبنى/اقول شوي شوي ترى الجو مغبر لاتحرقك عدساتك..محق حاط لي عدسات زرقان بعد!!!!
نجود/انت متاءكد شايف صورتك بالمرايا قبل لاتطلع من بيتكم؟
الشاب/طبعا شايفها وشايف ان كل البنات بيموتون وانا مو معبر احد؟
هيا باحتقار/زين وينهم اللي بيموتون ماني شايفة احد وراك والكورنيش طول بعرض؟؟؟؟
جواهر/ويوم ان عندك ناس بتموت عليك وراك راز روحك عندنا؟
الشاب/قلت اشوفكم اذا..
هنوف قاطعته/اكيد تبي كحلة لاوالله ماجبنا معنا خسارة,,,
البنات/ههههه
دق جوال نورة وردت علطول/هلا حبيبي كل عام وانت بخير....وينك من الصبح......
لبنى/اسمع هاذي بعد صاعت تقول حبيبي...
نورة/أي...ابي اروح الحكير اللحين....
نجود/معناته ناصر......وسحبت الجوال من نورة وقالت له وهي مسوية روحها معصبة/أي هي اختك وحبيبتك وانا بنت البطة السودة ماتكلمني تسالني وين ابي اروح؟
ناصر/هههههههه دقيت لك جوالك مقفل.....
نجود/قول والله تصدق ماانتبهت.....زين انا ماابي الحكير ابي مكان رايق...
نورة باعتراض/وين بتروحين...
لبنى/انا اقول تعالوا معنا الحكير استهبلوا قبل لالاتتزوجون ثنتينكم وبعدين تودعون ها الاشياء...
جواهر/انا مابودعها حتى اذا تزوجت بظل اجي..بس الخوف اشوف طالباتي بعدين تعالي جيبيلي الهيبة من جديد؟
ههههههههههههههههههه
نورة/ترى ناصرجاي بس ينتظر عبير وحمود وكاهم جايين لنا يالله لاتتاءخرون....
هنوف/اقول ياشسمك انتي..ريم ولامي ولاشهد...الصدق الصدق شسمك....
الشاب اللي بعده واقف/اسمي خلود....
هنوف/اها.....تجين معنا الحكير..
الشاب/ليش لا....دعوة ومقدر اردها...
هيا/هي انت لاتصدق حالك عاد عطيناك وجه وانتي عقلي بس عقلي قالت له تعال معنا.....
//////////////////////////////////////////////////////////////////////////////////////////////////
عبدالعزيز/يمه..
ام عبدالعزيز/نعم يمه..
عبدالعزيز/يمه انا ابي اتزوج..
ام عبدالعزيز/والله هاذي الساعة المباركة ياوليدي اللي بفرح فيك وبشوف عيالك...
عبدالعزيز/..........
ام عبدالعزيز/ماقلت لي انت تبي البنت اللي قلت لي عنها من قبل ولاغيرت رايك وتبيني انقي لك وحدة من معارفنا؟
عبدالعزيز بتنهد/لايمه ابيها.....
ام عبدالعزيز/وهي تبيك يايمه...
عبدالعزيز/أي...
ام عبدالعزيز/طيب هي من بنته؟
عبدالعزيز وهو يناظر بامه بحيرة وخوف/بنت السبيعي....
ام عبدالعزيز بضيق/بنت السبيعي عاد ؟؟؟؟؟أي بس هي ثوبها غير عن ثوبنا يايمه واهلها يمكن مايرضون يعطونك اياها...انت مكلمها وهي مكلمة اهلها وماقالوا شي...
عبدالعزيز/يمه انا احبها وهي بعد تحبني....واللي عليّ اطلبها من اهلها وادخل من الباب يايمه بعدين لكل حادث حديث......
ام عبدالعزيز/أي بس يايمه انا اخاف انهم مايرضون يعطونك اياها وتصير في نفسك وتزعلك...
عبدالعزيز/الله كريم يمه انا متفال بها العيد خير ان شاءالله...
ام عبدالعزيز/عسى الله يوفقك يايمه......
//////////////////////////////////////////////////////////////////////////////////////////////
في الحكير...
وقفوا نورة وهنوف ورى بنتين وهم ينتظرون دورهم بيشترون لهم ذرة(شغلتهم في العيد بس ياكلون ذكروني ببنتي وزوجي ههههه)
واللي قدامهم فتحت محفظتها بتطلع الفلوس وبانت صورة شاب على جنب..
نورة/هنوفوا شوفي يجنن...
هنوف وهي تطل بعيونها/حلو بس في اللي احلى منه,,,
نورة/لاوربي يعذب شوفيه...
لفت لهم البنت وهي تبتسم لهم....
واستحوا ثنتينهم ...
هنوف رجعت عادي/اخوك هذا..
البنت/أي...
هنوف/شكلك مو من الدمام لهجتك غير عنا؟
البنت/أي انا من القطيف...
نورة مسوية مستحية/اخوك وسيم..
البنت/شكرا من ذوقش....
نورة/شسمه؟
البنت/علي..
هنوف/اووووف بس لو يغير اسمه كان انا مااطيق ها الاسم..
نورة/علشان كذا حلو لان اسمه علي..انا بعد اخوي الكبير اسمه علي ويجنن,,
هنوف باعتراض/ناصر احلى,,
نورة/لا علي احلى..
هنوف/لا ناصر احلى..
نورة/اقولك علي احلى..
هنوف/جنيتي انتي اللحين ناصر اخوك وهذاك اخوك من ابوك تقولين علي احلى من ناصر؟
نورة/اثنينهم اخواني وبعدين انا اقول الحق مافي اوسم من علي؟
هنوف باحتقار/قصدك مافي العن من علي؟؟؟
نورة/ماتهمني اخلاقه بس انا اشهد له بالحق...هو اوسم واحد بالعيلة....بعدي طبعا..
هنوف/انا بظل متمسكة براي ان علي مو حلو وان ناصر احلى منه مليون مرة,,,,
نورة/شوفي يابنت الناس بوريك صور اخواني ثنينهم وشوفي منهو الاحلى واحكمي انتي,,,
ولفوا ثنتينهم للبنت واللي معها اللي من زمان مشوا عنهم وقاموا يطالعون في بعض ويضحكون على غبائهم...
هنوف/هههه جيبي صور اخوانك اشوفهم واحكم...ههه
نورة/تحسين فكرتنا مجانين,,,,,
هنوف/اكيد ما يبيلها شك....
//////////////////////////////////////////////////////////////////////////////////////////////
مر زواج منال باليوم الثاني وسط اجواء صاخبة على اتم خير وبركة وسافروا العرسان بعدها لاامريكا وسط ربكة منال ودموع امها وخواتها اللي بيفارقونها سنة كاملة وهم يتمنون لها السعادة مع تركي وماغير عيون فهد اللي مانامت واللي اخذ دريه وراح الشرقية علشان من يصبح الصبح يروح لبيت السبيعي وكانهم بيطيروا!!!!
وفعلا على الساعة تسع ونص الصابح اليوم الثاني كان فهد قاعد بوسط مجلسهم ينتظر ابوها,,
ابو علي وهو يناظر بنجود/يالله صباح خير؟؟؟وين بنروح احنا عاد يانجود؟
ماردت عليه بس اكتفت بانها تبتسم....
ابو علي /الناس عيد ويتمشون كان كلم بالتلفون بدل مايتعنى ويجي ويمكن انه مايلاقينا؟
نجود/يبى!!!على روحة البر محنا مستجلين روح شوفه وتفاهم معه؟
ناصر/أي صدق محنا مستعجلين ومن اللي لجنا يبي يروح بالله!!!!
نجود/روحوا بس لاتتاخرون عن الرجال,,,,,,
////////////////////////////////////////////////////////////////////////////////////////////
وش جاك ياعلي صاير تفكر بها العبير حيييل؟؟
معقولة هي صدق كانت نعمة وانا فرطت فيها!!!!!
أي كل شي عشت فيه يقول انها نعمة...كانت معيشتني ملك زماني وبس امر واتدلل وانا ساقيها المر والعلقم!!!!!!
معقولة اني خسرتك ياعبير وخسرتك للابد!!!!!
وانتي صدق يالمياء رحتي وقلتي لنجود وعبير انك ماتبيني؟؟؟كذا قمتي تذلين فيني ببلاش!!!
كذا صارت بيعتي رخيصة عندك وانا اللي طول عمري مغليك وشايل حبك بقلبي وماشالتك من بالي ابدا!!!!
ليش الدنيا كذا,,,,تباعدنا عن الناس اللي نبيهم وعن الناس اللي عاشوا وهم شايلينا بعيونهم؟؟؟
كانت كلمات نجود ترن باذنه من راح لهم البيت(منت جاي تطيح على راس ابوك وتتسامح منه)(علي خسر كل شي..خسر ابوه واخوانه والبيت اللي ضامه والاهم من هذا خسر عبير)
هو صدق انت خسرت كل شي ياعلي ومابقى لك شي؟؟؟؟؟
حتى بندر بها الفترة ماني قادر اشوفه ولااسمع صوته فيها ومنشغل عني ومايسال فيني!!!
ابي اتكلم مع أي احد واقوله اني محتار....
وهو بوسط حيرته جاه مسج من لمياء(فيني بكرة اشوفك ونحط النقاط على الحروف)
////////////////////////////////////////////////////////////////////////////////////////////////////////
بندر/شلونك..
جواهر/بخير كنت منتظرة اسمع صوتك....
بندر/والله امس انشغلت حييل تعرفين انا جاي مع قروب وماعرفت اكلمك ..
جواهر/ماعليه ماقلنا شي شفت مسجك بس كنت ابي اسمع صوتك علشان اتطمن اكثر...
بندر/وهذا انتي سمعتي صوتي حبيبتي,,,,
جواهر/بندر انت بخير مبسوط بدبي,,
بندر/أي انا بخير ومبسوط انتي شلونك وكيف العيد عندكم بالسعودية والله ودي اكون بوسطكم,,,
جواهر/عيد بيت السبيعي ها السنة غير لاانت موجود ولاعلي ولامضاوي,,,,مفتقدينكم حييل,,صحيح مضاوي تسلم عليك البارحة كنت مكلمتها اسال عنها وسالتني عنك تقول كلمتك مرتين كان جوالك مقفل,,,
بندر/أي انا قايل بدق لها ونسيت ان شاءالله اليوم بدق لها شخبارها في مكة,,,
جواهر/تمام...بعد يومين ان شاءالله بيسافرون على ايطاليا,,,
بندر/يالله عقبالنا,,,
جواهر/أي بس احنا بنروح النمسا ولانسيت؟
بندر/وانا اقدر انسى وانا حاجز السفرة بيدي,,,,
جواهر/قرب عرسنا بعد شهر ونص بس...
بندر/ومن قلته ها الشهر ونص يعنيّّ!!!طويل مرة؟
جواهر/بيمضي بسرعة صدقني,,,,,اليوم فهد راح لعمك علشان ياخذ الرد منهم...
بندر/وهي طبعا موافقة...والله علة ها النجود ماخلت احد مارفضته بالعالم واخرها بتاخذ لي واحد اكبر منها ومتزوج وعنده عيال؟؟؟
جواهر/ياسلااااام!!!!! يااخي هذا رايها وقرارها وهي وحدها مسؤلة عنه....
///////////////////////////////////////////////////////////////////////////////////////////////
ناصر/اقول يمه وش مسويين لنا غذى اليوم؟
ام ناصر/ليش خلاص مابتروحون البر؟
ناصر/والله مدري اذا فهد قاعد مع ابوي بالمجلس للحين شكلها متاْخرة روحة البر؟
ام ناصر/وانت ليش ماتروح تقعد معهم ولامنت رجال؟
ناصر/افا بس افا رجال ومن صلب رجال بعد بس حبيت اتطمن وش غذاكم,,,
ام ناصر/انا تعبانة وحسبت حساب روحة البر يعني اذا كلش كلش سويت لكم شي خفيف تاكلونه مكرونة ولاشي كذا..
ناصر/هذا بدل ماتقولين عيالي حبايب قلبي بسوي لهم مظبي ولاحاشي ولا شي يملي عينهم ...
ام ناصر/روح جيب خروف وانا اسوي لك مظبي وش تبي بعد!!!!
نجود/ناصر انت هنا مارحت المجلس مع ابوي؟
ناصر/هذا انا رايح...الا انتي وين رايحة؟
نجود/قول لاابوي اني ابي اقعد معكم بشوف وش تقولون؟؟؟وبعدين انا لازم اكون موجودة علشان اقرر وش ابي وشنهي طلباتي؟؟؟؟
/////////////////////////////////////////////////////////////////////////////////////////
في المجلس,,
ابو علي/ها ناصر وش بغيت......اي...اي..منهي.....طيب خلها تلبس عبايتها وتجي معك........
دق قلب فهد بقوة,,,,,نجود جاية تقعد معهم ,,,هاذي قوية باس ومايوقف بوجهها شي...بس تعجبيني يانجود والله تعجبيني,,,,,
مضت دقايق بس ودخل ناصر بعد ماسلم ودخلت وراه نجود وهي لابسة عبايتها بس مو مغطية وجهها وسلمت وقعدت جنب ابوها وهي عينها بعين فهد اللي صاير ماهو على بعضه,,,,
//---البارت الرابع والسبعين---
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
في المجلس,,
ابو علي/ها ناصر وش بغيت......اي...اي..منهي.....طيب خلها تلبس عبايتها وتجي معك........
دق قلب فهد بقوة,,,,,نجود جاية تقعد معهم ,,,هاذي قوية باس ومايوقف بوجهها شي...بس تعجبيني يانجود والله تعجبيني,,,,,
مضت دقايق بس ودخل ناصر بعد ماسلم ودخلت وراه نجود وهي لابسة عبايتها بس مو مغطية وجهها وسلمت وقعدت جنب ابوها وهي عينها بعين فهد اللي صاير ماهو على بعضه,,,,
ابو علي/هذا فهد يسال اذا كانت لك طلبات يانجود؟
نجود تنهدت وماقالت شي,,,,
وناصر يناظر في مابينهم,,,
نجود/هو وعدني بيسكني هنا وهناك اذا ماغير رايه..
فهد بارتباك من ابوها واخوها لانه تعود يشوفها دايما بروحها/لاطبعا ماغيرت راي...وسكن الرياض جاهز وهنا انتي شوفي وين تبين وانا ماعندي مانع,,,,
ابو علي/ومتى تبون الملكة؟
فهد ناظر بنجود/بللي يريحها,,,,
ابو علي/يابو فيصل..عيالك وزوجتك عارفين وراضين بزواجك انا ماابي اسلمك بنتي وبعدين..
فهد قاطعه/لاتطمن العيال اكيد بيحبوها واذا هي تبي ام العيال تقعد بتقعد واذا ماتبيها الشي راجع لها هي تشاور وانا بنفذ؟
ماتمنت نجود فهد يقول ها الكلمة قدام ابوها لانها عارفة انه ماارتاح لها بس مشاها,,,
نجود وهي تبي تغير الموضوع لانه صار بعده سكوت/نملك بكرة لو ماعندك مانع ونتزوج نهاية الشهر يعني بعد ثلاثة اسابيع لبين مانلاقي لنا هنا سكن وناْثث,,
ناصر باعتراض/وش بيكفيك ثلاثة اسابيع تجهزين فيهم عاد يانجود؟(قالها وكانه يقول لها ليش مستعجلة)
نجود/مدام ان احنا بنسافر ماله داعي اجهز شي من هنا بتشرى على راحتي من برى وباخذ لي من هنا اشياء بسيطة تكفيني لااول ايام,,
فهد/عين العقل والله,,,,
///////////////////////////////////////////////////////////////////////////////////////////
نورة/طيب كم هاذي؟
حمود/واحد..
نورة/كيف واحد شوف هنا كم وهنا كم؟
حمود/وين ابير...
نورة/انا مااعرف وحدة اسمها ابير اعرف عبير بس؟
حمود/ابي ابير....
نورة/وانت ماعندك غير عبير وبس!!يااخي اقعد معي شوي ونسني.....
عبير/شفيكم..
لفوا لها اثنينهم وحمود قعد بحضنها اول ماقعدت..
نورة/بسوي معه علاقة ماهو راضي مايبيك الا انتي!!
عبير ابتسمت له/حمود هاذي نورة....
حمود اكتفى بانه يناظرها..
نورة/تصدقين شكله بري حييل احسه يشبهني؟
عبير/هو بري بري,,بس يشبهك لامااظن؟
نورة/اوووف ليش عاد!!
عبير/هههه لانه اذا صار يشبهك ماراح يكون بري؟
////////////////////////////////////////////////////////////////////////////////////////////
جواهر شهقت/شنو يعني تتزوجين نهاية الشهر؟؟مااتفقنا كذا ابدا!!
نجود ببرود/وش اتفقنا عليه؟
جواهر/اتفقنا انا اتزوج قبلك واعلمك ليش تبين تخونين؟
نجود/قلت اسوي فيك جميل وانا اللي اعلمك؟
جواهر بدون تصديق/انتي احلفي بذمتك بكرة الملكة والزواج بعد ثلاثة اسابيع بس!!!
نجود/انتي ليش مو مصدقتني..
جواهر بزعل/وزواجي ماراح تحضرينه حضرتك اذا سافرتي؟
نجود/لاتخافين متفقين انا وفهد نسافر اسبوعين بس يعني ليلة عرسك انا بكون هنا,,,
جواهر/نجود وراك مستعجلة على علة القلب؟؟؟
نجود بغرور/خله يكون علة قلب انا راضية,,,
جواهر/يعني السالفة خلاص جدية وبتكونين فعلا بعيدة عني طول الاسبوع وماراح اشوفك الا خميس وجمعة واذا بيضل حالنا كذا وماتفاهمنا انا والاستاذ بندر معناة ان خميس وجمعة بيكون موجود وبكون مقابلته وماراح اشوفك,,,,
نجود/طول بعرض علشان تقولين ها الكلمتين يابنت الهاجري؟؟
جواهر بزعل/كنا فراقي مو مالْثر فيك؟
نجود/اذا ماراح ياخذك جدة معه ولابينقل شغله هنا انا اخلي فهد ينقل لك دواك للرياض ونظل مع بعض؟؟
جواهر/لا ياعمري انتي بتكونين مع زوجك انا شنو بالنص؟
نجود/انتي اهم منه ومن طوايفه وانتي عارفة ها الشي....المهم وش البس بكرة؟
جواهر/مثل ماانا لبست عبايتي وشيلتي والسلام هو بيملك وبيمشي ليش ان شاءالله بيقعد مقابلنا لنهاية الشهر وبعد ماتتزوجون بيمشي؟
نجود/لاحبيبتي انا مابخليه يملك ويمشي بغذيه وبعشيه وبعدين بكرة حجة انه موجود نطلع ندور لنا شقة بالدمام,,,,
جواهر/ومرتبة امورك كلها بعد!!!!
///////////////////////////////////////////////////////////////////////////////////////////////////
علي قاعد وهو مو مصدق ان الليلة بيشوفها,,,
هي طلبت منه ها الشي وحددت معه المكان واكدت انه يجي علشان يخلصون ها السالفة,,,
على كثر ماكان ينتظر ها اليوم يجي ويشوفها ويقعد معها على قد ماهو متضايق ونفسيته تعبانة؟؟؟
من شنو مايدري ولاهو قادر يشوف لها أي تفسير,,,,
مايدري هي من كلام نجود لجواهر عنها ذاك اليوم,,,ولا عن عبير وشوفتها واقفة ونظراتها الغريبة,,,ولا من شنو بالضبط؟؟؟؟؟
خلاص ياعلي خلاص الليلة بترتاح والشي اللي تبيه منها من زمان الليلة بتقرره معها
وبتنتهي حكايتك ومعانتك خلاص!!!!!
قوم ارتاح وعد الدقايق والثواني لين تجي الليلة بسرعة,,,
/////////////////////////////////////////////////////////////////////////////////
في غرفة لبنى,,,
دقت شمايل الباب وفتحته ودخلت,,
شمايل بمرح/ادخل ولالا؟
كانت لبنى قاعدة على فراشها ودموعها بعينها,,,,
شمايل بخوف/يعني انتي من جدك صاير شي؟؟والله فكرتك تمزحين معي!!!
لبنى من بين دموعها وبنرة حزينة/الليلة هاذي واضحة ليلة فراق!!!!
سكرت شمايل الباب اللي كانت متسندة عليه وجلست جنبها,,,وقالت بخوف/وش صاير؟طيحتي قلبي؟
لبنى بتنهد/عبد العزيز,,,
شمايل/شفيه؟؟؟
لبنى/جاي هو واهله يخطبون الليلة وانتي عارفة موقف ابوي...................انا بخسره اشمايل بخسره,,,
شمايل/طيب ومنو قال يجي يخطب وانتي ماعطيتيه خبر ولاقلتي له انك ,,
قاطعتها لبنى/كلمني اليوم وقال لي انه كلم ابوي بالامس واخذ منه موعد انه بيجي هو واهله,,,,وماعرفت شقوله,,,من بعد زواج مضاوي وهو شبه تاركني وزعلان لاني كذبت عليه وماقلت له اختي تزوجت,,تركني معلقة ياشمايل واليوم قال لي انه جاي الليلة يخطب,,,,,,انا مت خلاص ,,مالي وجود بها العالم,,,اخذ روحي مني يوم قال انه جاي مع اهله يخطب ياشمايل,,,عبد العزيز خلاص حلم مر بحياتي وماراح ينعاد لو شيصير؟
شمايل ضمتها لصدرها/اذكري الله واهدي يابنت الناس,,,,تبين اكلمه واقوله لاتجي,,,يمكن يسمع مني؟
لبنى وهي تمسح دموعها/حتى لو كلمتيه هو راح يجي انا اعرفه من زمان وهو يبي نرتبط,,,والله ابيه ياشمايل ابيه وابي اسمي يظل جنب اسمه وعيالي يحملون اسمه,,واعيش معه لو بالشارع بس السالفة مو بيدي انتي تعرفين ابوي زين,,,,,
شمايل/فكرتي تكلمين بندر اخوك بالسالفة؟
لبنى ضحكت بشماتة على نفسها/بندر...بندر بدبي وماكلف على خاطره انه يتصل فيني ولاحتى يرد على تلفوناتنا يوم العيد واحنا نبي نبارك له,,,وحتى لو كلمته بندر نسخة مصغرة عن ابوي ماراح يسوي لي شي,,,,,
شمايل/وعمك؟
لبنى/اروح اقول لعمي انا احب ها الفلان الادمي وماابي ابوي يرفضه؟؟؟مهما كان عمي يحبنا بس عيب اني اقوله ها الكلام؟؟
شمايل/طيب ونجود...
لبنى/نجود بكرة ملكتها والاكيد انها مو فاضية لي وبعدين وش راح تسوي نجود اذا السالفة فيها ابوي,,,ابوي مايسمع راي احد,,,,,,ياربي بموت والله بموت مو قادرة,,,,,
//////////////////////////////////////////////////////////////////////////////////////////////////////
وحدها لمياء كانت متوترة لاابعد حد ,,,,الليلة راح تبدي خطوة المواجهة مع علي ويايقتنع ياانها بترجع لنجود من جديد تكلمه لانها ماعادت تحتمل اكثر من كذا,,,
يكفي انها تحججت لمشاري انها ماشافت اهلها اكثر من اسبوعين ولازم تنزل تشوفهم واخذت بنتها ونزلت وقالت له يومين وبيرجعون له الرياض ,,,,,
ليش طلعت بحياتي من جديد ياعلي,,,
انت كنت علاقة تلفونية عابرة,,,يمكن اني لحظتها حبيتك وحبيت مشاعرك ناحيتي,,,بس ماكنت مؤمنة ابدا ان نهايتها راح تكون زواج ومستقبل!!!!
بمجرد ماخطبني مشاري اقتنعت انه الشي اللي ابيه ونسيتك ,,,الغريب اني ماطولت على مانسيتك وكاني ماحبيتك بقوة ومشاعري ماكنت تتاْجج لمى كنت اكلمك!!!!
بس يوم شفتك من جديد رجعت لي ذكريات قديمة صعب انساها اللحين وبظل اذكرها وياليتني مااذكرها,,,
علي الله يوفقك بحياتك,,,انت ظلمت نفسك كثير بتفكيرك فيني على كلام نجود وظلمت معك انسانة مالها أي ذنب وتحملت انها تكون مجرد زوجة في ظل وجود عاشقة ثانية بقلبك؟؟؟؟؟؟
يالله انك تعدي ها الليلة بسرعة وعلى خير وتريحني لاني بجد تعبت منها وابيها تنتهي؟؟؟
////////////////////////////////////////////////////////////////////////////////////////////////////
نجود/تعرف انك خربت علينا روحة البر اليوم؟
فهد/وروحة البر عندك اهم من مستقبلنا؟
نجود/لامو كذا بس هذا انبنى عليه ان ام ناصر ماطبخت ولاام علي ومتنا من الجوع؟؟؟
فهد/الله مكثر بالمطاعم ولاماتدلوها؟
نجود/لا ماندلها بتجيب لنا شي ناكله...
فهد/اجيب لك انتي بروحك بس!!!
نجود/وبعد,,,,,
فهد/ماراح اصدق انك لي لين بكرة توقعين....
نجود/وينك انت اللحين؟
فهد/والله قاعد امشي بالسياة بلا هدف,,,
نجود/مالك نية ترد الرياض؟
فهد/طبعا لا؟
نجود بدلع/ليش؟؟؟؟
فهد/مو متحرك من هنا غير لمى تكونين لي رسمي,,,,
نجود/فهد تعرف انك ضايقتني اليوم؟
فهد/بشنو؟
نجود/ماكان لازم تقول ان الراي راي بوجود نجلاء بالبيت قدام ابوي؟
فهد بجدية/أي بس هذا الصدق يانجود,,,انا ابيك انتي تقررين وش تبين لاني عن نفسي بدق لها اللحين وبطلقها ,,
نجود/كذا بكل سهولة تقولها..
فهد بتعب/عذبتني وتعبتني يانجود....ماشفت معها يوم حلو لاقبل العيال ولابعد ماجو العيال ولايوم كبروا,,,,
نجود/اخاف اني اكون ,,
قاطعها فهد/انتي غير ووعدتيني تكونين غير وتملكين حياتي بيديك صح ولاانا غلطان,,,ولاغيرتي رايك..
نجود/حبيبي انا عند وعدي لك,,,بس انت لازم تكون متشارك معي بها التغير ولا ماراح اقدر عليه بروحي؟
فهد/انا من يدك اليمين وليدك الشمال وش ماتبين بقولك حاضر؟
نجود/قاعد تدلعني علشان انك قريب مني صح,,,لان قلبي حاس اني بس اروح الرياض بتقلب علي!
فهد/انتي وش رايك؟
نجود/راي يقول ان مالك بالعادة تقول لي كلام حلو بالعادة بس تفضفض لي وتشتكي همومك,,,,
فهد/بنت,,انتي ناسية ان بكرة ملكتنا ولازم اكسبك بكم كلمة قبلها؟
نجود/ياسلااام أي اطلع على حقيقتك يابو فيصل؟
فهد/ههههههههههه
نجود/تعرف يافهد اول مرة اسمعك تضحك من قلب كذا,,,ياعساها دوم ها الضحكة ماتفارقك؟
فهد/انتي وشطارتك ياتهميني زيادة على هم نجلاء؟؟؟ياتغيريني للي تشوفينه مناسب يا,,,,,
نجود/ياشنو؟
فهد/يا,,,
نجود وهي على اعصابها/مدام انك مبدي تقول كلام زين وحلو قولها؟
فهد/يابنت السبيعي؟
نجود بزعل/مافي بكرة ملكة زين؟؟؟
////////////////////////////////////////////////////////////////////////////////////////////////
ناصر/تعال زين بقولك؟
حمود/تلعب كورة؟
ناصر/أي اكيد العب انا رياضي اصلا وكل البنات يموتون علي! لو البس لهم...
عبير قاطعته/يعني يتراولي ياناصر انه سالك سؤال بسيط والاجابة عليه ياتكون بنعم او تكون بلا؟انت قلت قصة حياتك ياولد عمي الله يهداك؟
ناصر/خله يدري اني مزيون....ووسيم وجنتل مان...
هنوف من وراه/وتوم كروز السبيعي؟
ناصر بدون مايلف يشوفها قال بسخرية/ جاتك اختك الملقوفة؟
هنوف بشهقة/انا ملقوفة يانويصر؟
ناصر/رجعت تقولي نويصر؟
عبير/هنوف,,عيب,,
هنوف/هو يقولي ملقوفة؟
ناصر بثقة/وانا جايب شي من جيبي؟
هنوف/بتسحبها؟
ناصر/لا
هنوف/متاْكد؟
ناصر/طبعا..
هنوف بتهديد/اخر كلام..
ناصر بثقة/طبعا...
هنوف/معناته غلطانة امي اللي دازة لك ها الحلويات والمعجنات تقول متنغصة عليك فيهم اروح اردهم احسن؟
لف لها بسرعة وهي حاملة اكياس سعد الدين بيدها ورافعتهم له تهدده فيهم..
ناصر/مايصير تدخلين المواضيع في بعض؟هي دازتهم لي ولو عرفت اني مااستلمتهم بتزعل؟
هنوف/خلها تزعل عادي؟
ناصر بمسكنة/امك تزعل عادي؟؟؟لا ماودي انها تزعل جيبيهم بس ننقنق عليهم؟
هنوف/أي بس انا ملقوفة؟
ناصر/اوووف من يقول عاد!!!الله يهداك ياعبير ليش دايم تقولين عن اختك الصغيرة الحبيبة كذا!!!شوفيها مثل النسمة مشاءالله حولها وحواليها,,تعالي بابا هنوف تعالي جلسي جنبي ولاتزعلين اختك ماتقصد؟
عبير/هههه ياشينك يالمصلحجي؟
ناصر/الا الصدق وش عندكم في بيتكم؟
هنوف بلا مبالاة/ناس جايين يخطبون لبنى؟
ناصر/يعني كثرت الاعراس في بيت السبيعي؟
هنوف بعد ماقعدت/لاتشغل بالك ابوي سافطهم اصلا يقول مو من ثوبنا؟؟؟
/////////////////////////////////////////////////////////////////////////////////////////////
في مجلس الحريم في بيت السبيعي,,,
دخل ابو بندر وهو بقمة عصبيته بعد مااخذ اذن وتغطت امه واخته
وقال بصوت ثقيل وقاسي وجهوري/سمعي ياام عبد العزيز ..انا ولدك جاني من قبل وقلت له البنت مخطوبة بس الظاهر انه مافهمها؟؟
رجعت اليوم وقلت له ان البنت ماتبيك وياليت يفهمها عدل ومايرجع يجيني مرة ثانية؟صدق ناس مااستحت على نفسها,,,يبى انت شوف نفسك وشوف مستواك وشوف انت جاي تخطب بنت منو؟لاواساله عن ابوه يقولي مسجون؟؟حلو حلو,,,كملت والله ,,,اعطيه بنتي وابوه مسجون وهو شحات مابيقدر حتى ياكلها,,,,ياليت توصلين له الرسالة كاملة ومع السلامة انتهت المقابلة؟؟؟؟؟؟
/////////////////////////////////////////////////////////////////////////////////////بفينسينا مول وتحديدا بمقهى جوفريز,,,
مايدري أي واحد فيهم اللي كان وصل قبل الثاني,,,,
كل اللي يعرفوه انهم وصلوا قبل الموعد بساعة كاملة!!!!
وقعدوا قبال بعض مدة طويلة وهم ساكتين ومو قادرين حتى يناظرون في بعض,,,,
قطعت لمياء الصمت بعد ماتشجعت وشافت ان الوقت يمر وهم لسه ماتكلموا وبنتها مع اختها فوق بالالعاب وباي وقت ممكن تقوم وهي حالفة تخلص معه القضية الليلة اذا ماعسرها,,,,,
لمياء بتردد/ممكن نتكلم؟
علي رفع راسه واخيرا بس ظل ساكت...
لمياء بنفس التردد/علي....انا يمكن اني بيوم من الايام كنت معك بعلاقة بس الفترة انتهت وافترقنا ومااظن انك تطالبني بشي.......انا احب..
قاطعها علي بيده وكانه يقول لها لاتكملي وماتت لحظتها من الخوف لان عيونه كانت قاسية,,,,
ظل ساكت فترة طويلة وهو يناظرها بنظرات غريبة اول مرة يناظرها فيها,,,بعد سكون دام اكثر من ثلث ساعة تشجع وقال لها,,,,
علي/ممكن اسالك سؤال؟
لمياء/............
علي/انتي صدق حبيتيني بيوم من الايام؟
ماعرفت شتقول له وهي خايفة من ردة فعله بكلا الاجابتين اذا قالت أي واذا قالت لا...فضلت انها تنزل عيونها وتناظر بالارض,,,ومارفعت راسا الا على صوت علي وهو يقصد ها القصيدة بالم وحرقة,,,,
ليش نزلتي عيونك..ارفعيها وطالعيني,,
والا يعني انحرجتي يوم جاوبتي سؤالي,,
ليش قلتيلي احبك ليش كنتي تخدعيني,,
ليش قلتيلي حبيبي ليش قلتيلي ياغالي,,,
كان ممكن مااحبك كان ممكن تتركيني,,
ليش انا بالذات يعني ليش قولي جاوبيني,,,
بعد غدرك خبريني وقولي بس شلي بقالي,,
والله اني ماجرحتك ليش انتي تجرحيني,,,
هنت على قلبك حسافة وانقت اجمل ليالي,,,
والقهر للحين احبك وادري انك ماتبيني,,
والمحبة من طرف واحد نهايتها زوالي,,,
كان عمري بيدينك قولي وش كان بيديني,,
اذكر انه من غلاتك كان قدرك فوق عالي,,,
كنت اتجاهل واطنش يوم نغزاتك تجيني,,,
وكنت اقول الحب اكبر من تصرف لامثالي,,,
ابغى من وقتك دقيقة وليت انك تمنحيني,,,
بس اباقولك ثلاث اشياء واروح امشي لحالي,,,
اولا فعلا احبك كنتي قلبي وكنتي عيني,,,
وكانت الدنيا بوجوك شي روعة خيالي,,
ثانيا ,,عللي بدر مني دخيلك سامحيني,,,
يمكن انه زل لساني وقلت انك راس مالي؟؟..
ثالثا..اسالك بالله واطلبك لاتذكريني,,,
احرقي كل القصايد وانسي اشواقي ووصالي
في بيت عبد العزيز,,,
كان قاعد بالحوش وويداري دمعته لاتنزل مايدري انها نزلت بالفعل وغرقت وجهه...
كان قاعد وهو يستعرض كلمات ابوها القاسية له قدام اخوانه,,,
لشنو هذا كله؟بس لاني طلبت يد بنته!!!هل هي جريمة فعلا اني اطلب يد بنته وانا بمستوى ثاني غير عن المستوى اللي هم عايشين فيه؟؟؟؟؟
كان قافل جواله وهو متاْكد ان لبنى بتحرق تلفونه الليلة من كثر اتصالاتها,,,بس مايقدر يرد عليها خلاص...ابو ها قرر نهايتهم وهو مايقدر يخالف شور ابوها اللي توعده ان شافه مرة ثانية ولو بالغلط؟؟؟؟
انتبه على د حانية انحطت على كتفه ولف لاامه اللي كانت تحاول تخفي المها وزعلها بابتسامتها رغم ان الزعل باين بوجهها واخته قالت له عن موقف بو بندر وكلامه,,,,
ام عبدالعزيز/يمه لاتزعل.....كل شي قسمة ونصيب..
عبد العزيز بغصة وهو يحاول يشيل صورة لبنى من باله/عارف يمه انا مو زعلان,,,,
ام عبدالعزيز بحنية/يمه..هذا حقه يمكن انها بنيته الدلعة ومايبي يعطيها مين ماكان,,,,
عبدالعزيز بقهر/يمه انا اسف انا اللي عرضتك لها الموقف وخليتك تسمعين كلام ماكان المفروض انك تسمعينه,,,,
ام عبدالعزيز/لايمه..عين العقل اللي سويته يوم انك طلبتها من ابوها,,,,لمتى بتظل تحبها وهي تحبك وماعندكم غير ها الحكي..
عبدالعزيز بتشفق/شفتوها يمه؟
ام عبدالعزيز/لايمه ماشفناها...
عبدالعزيز انهار مرة وحدة وصار كانه طفل قاعد بحضن امه/يمه انا احبها وهي تحبني وتبيني وراضية بوضعي صدقيني,,,,يمه ليش ابوها رافض علاقتنا بالحلال ليش؟؟؟هو يعني الفقر صار يعيب الرجال بها الزمن يايمه؟؟؟؟والله لو عطاني اياها حطيتها بعيوني وداريت عليها ليل نهار وظليت اكد واكد علشان اعيشها مرتاحة صدقيني يمه..
ام عبد العزيز بحنان/مصدقتك يمه مصدقتك,,,بس النصيب ياوليدي النصيب,,,,,
عبدالعزيز هداْ وقام يمسح بدموعه وهو يحاول يسيطر على مشاعره وفكرة ان لبنى ماهي له مجننته...
ام عبدالعزيز/يمه,,,خلاص انت عرفت ان البنت ماهي لك وماهي من ثوبك وماراح يعطونك اياها,,,,,,,
عبدالعزيز/...........
ام عبدالعزيز/خليني ادور لك على عروس بنت حلال من معارفنا تكون عارفتنا وعارفة ظروفنا وبتعيش معنا,,,,,,ها شقلت...
شيقول بعد وهو يمسح دموع الفراق اللي انكتب بين قلبين مالهم أي ذنب بالحياة غير انهم حبوا وبعض وتمنوا يكونون لبعض وقرروا يعيشون مع بعض بالحلال!!!!
**********************************************وحده ا لبنى الليلة عارفة شعورك ياعبدالعزيز لانها قاعدة تقاسيه بمرارة,,,
كانت خاشة راسها تحت المخدة علشان لاتنسمع صوت شهقاتها ودموعها ويدخل عليها ابوها يسالها وتروح فيها!!!!
كانت عارفة ان الليلة بتكون فراقهم,,بس ماتدري ليش تمنت تصير معجزة باخر اللحظات وتغير راي ابوها,,,حتى لو بالتاجيل للموضوع ,,المهم ان شي يصير,,,
بس ها الشي ماصار,,,والفراق تم!!!!
وخسروا بعض خلاص؟؟؟؟
خسرت عبدالعزيز,,حب حياتها ,,الشااب المؤدب البسيط اللي كان يحبها ويتمناها دايم بالحلال وبالنور؟؟؟؟
ليش ياربي ماخليته من نصيبي ليش.؟؟؟؟
انا احبه ومالي عيشة من دونه,,,,,ليش طلعته من بيتنا زعلان يايبى هو واهله,,,
كنت تقدر ترفض بطريقة هادية وماتجرح!!!
ليش يعني هذا كله,,,,
علشان الفلوس؟؟؟لعن ابوها من دنيا مافيها خير اذا كانت الفلوس بتفرقنا عن الناس اللي نحبها واذا كانت هي مصدر سعادتنا!!!!!
ماتقولي شبتسوي لي الفلوس مع انسان مااحبه وماابيه!!!!شبي بالفلوس يبى شبي؟؟؟
انا ابي رجال مثل عبد العزيز,,يحبني,,يخاف عليّ,,,ينصحني,,,,يحسسني اني كل حياته والهامه,,وانه عايش علشان يرضيني,,,,
فكرك برفضك له بتخليني مرتاحة يايبى؟؟؟
لا يبى انت عذبتني الف مرة ؟؟؟ابيه وماابي غيره ,,,جيبوه,,,خلوه يرجع قولوا له لبنى ماتبي تقعد بها السجن اللي هي عايشة فيه وتبي تروح معاك لااي مكان بالعالم ان شاءالله لو تعيشون فوق السطوح انت وهي تراها راضية؟؟؟؟
بس شبعده يالبنى..... عبد العزيز خلاص راااااااااااااااااح وماهو راجع ومابتشوفينا بعد اليوم؟
لا انا ماراح اسكت بكرة بروح له المحل وبقوله اني بتزوجه وماتهمني موافقة ابوي واذا يحبني بيتزوجني ومابيتركني....اي لازم بكرة اروح له المحل,,,,,,,
//////////////////////////////////////////////////////////////////////////////////////////////
بعد مانيمت حمود التفتت لجوالها اللي كان معلن وصول رسالة,,
فتحتها وتفاْجات من المرسل؟؟؟
كانت من علي(عبير ممكن نتكلم)
تنهدت بقوة وغمضت عيونها ودزت له رسالة(لا)
بعد ثواني جاب لها رسالة ثانية(طيب ليه)
عبير(ليش تبي نتكلم اعتقد ان اللي بينا كله انتهى)
اتصل فيها وحست بالخوف وبمشاعر ماقدرت تحددها,,,بس ردت عليه
عبير/نعم..
علي/عبير,,,
عبير بزعل وبصوت شبه باكي(علي.....هي خانتك وتزوجت غيرك وانت معها,,,,
وتزوجتني انا ومع هذا ظل قلبك عندها؟؟؟؟تفهم وش معنى ان قلبك يكون عندها,,,؟؟؟
قالتها بحرقة وسكرت الجوال وقفلته مرة وحدة وقامت تمسح بدموعها,,,,
ورجعت تفكر بايام الشقاء اللي شافتها من علي وبالفترة الاخيرة اللي تغير فيها علي وبلمياء وكلامها,,,
وعلي بعد بعد ماسكرت منه نزلت دموعه,,,اصلا هو من شافها ذاك اليوم وسمع كلام نجود حس انه مقلوب فوق تحت ,,,ويوم شاف لمياء اليوم حس انه مايبيها ويبي عبير,,,
كان يبي يكلمها ويقول لها أي شي رغم انه مو عارف شيقول,,,,
تنهد بقوة,,صوتها كان حزين وهذا من حقها,,,انت تخليت عنها بلحظة وحدة وضيعتها بيدك ياعلي وماكان بينكم عشرة عمر وماكاْنكم بالاساس عيال عم!!!
بس شيفيد الاسف...عبير مثل ماقالت نجود,,,,انا خسرتها خلاص,,,,,
رغم كل المرارة اللي كانت عايشتها معي بس كانت فعلا مثل النسمة لاتشتكي ولا ينسمع لها صوت وشنو مابغيت قالت لي حاضر,,,,
عبير انا ندمان...انا فعلا ندمان لاني تركتك,,,,,
/////////////////////////////////////////////////////////////////////////////////////////////
اليوم الثاني وقبل صلاة الظهر كان ناصر وابوه وابو بندر وفهد وسالم والشيخ وخوال نجود موجودين علشان الملكة اللي كانت مقتصرة عليهم ,,
وقبل لايوقعو ن العقد دق جوال فهد وشاف الرقم ورفعه,,
فهد/هلا...
مصعب/هلا خالي...
فهد/بغيت شي؟
مصعب بارتباك/خالي وينك فيه؟
فهد/انا طالع مشوار وبعدين برجع بس يمكن اني اطول,,,
مصعب بحزن/خالي كنسل مشوارك والحق ,,
فهد/الحق على شنو يامصعب؟؟؟؟
/////////////////////////////////////////////////////////////////////////////////////////////
---البارت الخامس والسبعين---
اليوم الثاني وقبل صلاة الظهر كان ناصر وابوه وابو بندر وفهد وسالم والشيخ وخوال نجود موجودين علشان الملكة اللي كانت مقتصرة عليهم ,,
وقبل لايوقعو ن العقد دق جوال فهد وشاف الرقم ورفعه,,
فهد/هلا...
مصعب/هلا خالي...
فهد/بغيت شي؟
مصعب بارتباك/خالي وينك فيه؟
فهد/انا طالع مشوار وبعدين برجع بس يمكن اني اطول,,,
مصعب بحزن/خالي كنسل مشوارك والحق ,,
فهد/الحق على شنو يامصعب؟؟؟؟
سالم بهمس/شصاير؟
فهد رفع راسه ولقى الكل يناظره واستاءذن وطلع يكلم برى,,,
وطلع وراه سالم وناصر وابوه يناظرون في بعض,,,,,,,,
فهد وهو يكلم مصعب وهو ماسك اعصابه/من متى؟
مصعب/اليوم الصباح....
فهد/وكيف عرفت انت؟
مصعب/كان المفروض نمرهم علشان بنروح الكويت ومالقينا غير السايق وقال انهم راحوا المطار من الصباح وعندهم اغراضه وشنط وان عمتي اخذت معها الشغالة بعد....
فهد/طيب ,طيب كلمتوها؟.
مصعب/أي...وقالت انك رايح تملك ومو مهتم وين يكونون عيالك باي جهنم؟
فهد/زين خلاص انا بكلمها وبشوف....
سالم اول ماسكر فهد/وش فيك؟وش اللي صاير؟
فهد تنهد بقوة وهو ماسك اعصابه/التعبانة اخذت العيال وهجت مدري وين راحت...يقول السايق انه وصلهم المطار الصباح ويوم كلمها اخوها قالت اني رايح املك ومو مهتم للعيال وين يكونون؟
سالم/هي المفروض تكون مع اخوها بها العيد صح؟
فهد/كلهم حاجزين الكويت ببيروحون يومين,,,,
سالم/وين تتوقعها راحت؟
فهد/ماطلعت بعيد.....جوازاتهم واثباتتهم عندي....
سالم/شبتسوي يافهد...
فهد وهو يناظر بالمجلس/نجلاء قاعدة تتحدى ولازم تفهم انها ماتتحداني انا بملك وبس اطلع بيصير لي تفاهم ثاني معها,,,,,يالله طولنا مايصير تركناهم بروحهم,,,,
/////////////////////////////////////////////////////////////////////////////////////////////
عبير/مبروك الف الف مبروك
نجود/الله يبارك فيك...
لبنى بهدوء ومبين عليها التعب/الف مبروك..
نجود/عقبالك ان شاءالله..
لبنى ماتدري هي طاحت منها دمعة ولاهشنو هذا اللي مسحته من عيونها....بس كل اللي سوته تنهدت وبس,,,,,
جواهر/أي شعليه خلاص بتروحين الرياض وبتنسينا...
عبير/كذا عاد تتركين تؤام اخوي بروحها ,,,
جواهر/شفتي شلون عيشتي ياعبير..احاتي اخوك واحاتيها طول الاسبوع؟
هنوف/انا لو منك اعيش حياتي طول الاسبوع بالطول وبالعرض ووقت اللي ينزلون اثنينهم اسوي روحي بموت عليهم..
جواهر/طبايعك ماتغيرينهم يالمنافقة.....
نجود وهنوف/هههههههه
جواهر/الا الصدق الصدق هنوفوا قومي نبارك لخالتي ماباركنا لها..(قالتها متعمدة لانها حست ان عبير تبي نجود بكلمة من كثر ماتناظر فيها)
هنوف/يالله قومي....
لبنى/خذوني معكم,,,,
بعد ماطلعوا...
نجود/عبير شفيك..
عبير تنهدت وقالت باسى/ليش مبين عليّ فيني شي؟
نجود/يمكن اللي مايعرفك ماينتبه بس بالنسبة لي احس انك مخبية شي بقلبك..
عبير تنهدت..
نجود/اذا تحسين انك ماتبين تقولين لاتضغطين على نفسك...
عبير/علي..
نجود بذهول/شفيه؟؟!!!
عبير بالم/دق لي البارح وكان يبي يتكلم معي!!!
نجود/وانتي وش قلتي له؟؟
عبير بدموع/هو يحبها وطول عمره قلبه عندها...شتبين مني اقوله يانجود عاد!!!!
نجود/طيب ماقال لك ليش متصل ؟
عبير/ماابي اعرف يانجود ماابي كفاية اللي عشته مع علي وكفاية وضعي اللي انا فيه بسبته,,,لاني قادرة اقعد في بيت ابوي وكاني مسوية جريمة..ولاني ...
نجود/علامك عبير احد بالبيت مضايقك؟
عبير/لا
نجود/ليش تقولين ها الكلام؟
عبير/بالاول كنت بروحي اللحين وراي واحد مسؤل مني وماابي اثقل على احد يانجود مهما كان كل شي له حدود وماابي استغل طيبكم معي...وانا عطيت رياض الله يرحمه كلمة وملزومة اقوم بحمود طول عمري يانجود فاهمتني..
نجود/بتقومين فيه وبروحك بعد وبدوم ماتحسين ان احد قاعد يمن عليك ..
عبير/شلون..
نجود/بعدين اقولك...بس ليش عاد ها الدموع بيوم ملكتي والله ماحس ان احد فرحان معي!!
عبير ضمتها/لايانجود لاتقولين كذا كلنا فرحانين لك....
نجود/أي يالله عطيني اسم اغلى مطعم بالخبر بروح اتغذى فيه اللحين؟
عبير/ههههههه
////////////////////////////////////////////////////////////////////////////
ام مصعب بعصبية/وبس بنقعد مقابلين بعض وصافقين ايادينا ببعض؟
فوزية/يمه شتبنا نسوي يعني؟
ام مصعب/الله يهداها بس.....طيب واذا هو بيملك تروح تاخذ العيال معها ليش؟
الجازي/مصعب تاْخر بالمطار كثير يفترض انه بيشوف رحلتهم لوين وبيرجع..
فوزية/وعلى بالك السالفة سهلة...يبيلها وقت وليش وسؤال وجواب؟ماراح يعطونا ها الاجابات بسهولة...
ام مصعب/اكلم فهد مايرد عليّ!!
ابو مصعب/تتوقعين يكنسل ملكته؟
ام مصعب/يجوز اخوي يحب عياله ...ونجلاء الله يهداها مالقت غير تاخذ العيال وتطلع من البيت معهم بدون حس ولاخبر بجد هذا مو تصرف عليها؟
ابو مصعب/ادعي لهم بالحفظ وين ماكانوا....
ام مصعب بنفس العصبية/وياليتها تكون قدهم وتدير بالها عليهم مو بس كلام!!!!
مصعب/السلام عليكم..
الكل فز,,,
ابو مصعب/ها شسويت؟
ام مصعب/وين راحوا,,,,
مصعب/جدة....
اكتفوا بانهم يناظرون في بعض ويسكتون...
فوزية/طيب وخالي فهد عرف وينهم فيه؟
مصعب/أي كنا على اتصال....
ام مصعب/وشنو قال؟
مصعب/قال كملوا رحلتكم وانا بتصرف لاتشيل هم ,,
ام مصعب/أي رحلة نجلاء نكدت علينا الجو بكبره؟
الجازي بنفسها(اوووف ياعمتي خسرتينا روحة الكويت!!!!)
////////////////////////////////////////////////////////////////////////////////////////
في فندق المرديان بالخبر....
كانوا قاعدين قبال بعض والهدوء مخيم عليهم وفهد كان معظم الوقت سرحان وباله مو معه,,
نجود قطعت الصمت وقالت بعصبية/اذا حاس انك تعجلت ترى عندك وقت تتراجع...
رفع راسه لها وكانه انتبه انهم مع بعض...
فهد بهدوء بعد ماحط يده على يدينها/اتراجع عن شنو؟
نجود بنفس العصبية/عن الارتباط؟
فهد/واللي يقولك انه قاعد يخطط شلون مايردك بيتكم ويخليك جنبه علطول؟
هدت شوي بس قالت/فهد شفيك,,طول الطريق وانت ساكت وكاْنك انسان ثاني غير عن اللي
اعرفه؟صاير لك شي صح؟
اكتفى بانه يتنهد ويطلع باكيت سجايره,,,
نجود/مافي سجاير لو سمحت وقول شعندك؟
فهد/ماابي اضيق خلقك اليوم,,
نجود/واللي تقولك انها مصرة تسمع,,
فهد/نجلاء اخذت العيال وطلعت من البيت ومن الرياض بكبرها؟
نجود/وين سافرت فيهم؟مو جوازاتهم عندك؟
فهد/لاتطمني راحت جدة,,,,
نجود/هي عارفة ان اليوم ملكتنا صح؟
فهد/امممم
نجود/يعني كانت تبيك ترد لها ولااخر لحظة..معناته متمسكة فيك؟
فهد/لاتضحكيني عاد؟؟
نجود/وانت شسويت؟كلمتها؟
فهد/بيني وبينك كل ماارفع سماعة التلفون احس اني برمي عليها الطلاق وبسكر على ها الحركة؟
نجود/هي تبي تحرق دمك معقولة بتقدر عليك؟
فهد/شلون يعني؟
نجود/انا لو منك اخلي دمها هي اللي يحترق....
فهد/يعني اكلمها واقولها اني ملكت وانتي ماهميتيني؟طيب وبعده...
نجود/قول لها انها ريحتك من هم العيال وياليت مايردون اصلا علشان تعيش حياتك بدون أي قيود منهم وانها اكيد بتتحملهم مدام انها امهم وانها لازم تخلي مسؤليتك منهم مدام طلعت فيهم,,,
فهد/أي...
نجود/والباقي عندك انت يابو فيصل؟خلنا نكمل غذانا ترى وقتنا يمشي بسرعة,,,
////////////////////////////////////////////////////////////////////////////////////////////////////////
مابغى يجي العصر عند لبنى اللي كانت تنتظره على نار علشان تروح تقابل عبد العزيز وتعتذر منه,,,
مشت بخطوات ثقيلة لين وصلت للمحل تنهدت الف مرة قبل لاتدخل بس مو معقولة تروح وهي ماقابلته واعتذرت منه وتاْسفت على اللي صار وطلبت منه انها تكون له وبشرع الله وموافقة ابوها اخر شي يهمها,,
أي لازم تقوله ها الشي,,,
اخذت نفس طويل ودخلت,,,
ماكان عند الكاشيير احد بس يوم لفت شافت محمد واقف وراها,,,
وترددت شتقوله لانها ماشافت عبدالعزيز اللي كان جواله مقفل,,,,
محمد/بغيتي شي اختي؟
لبنى بتردد/ها....كنت...كنت..
محمد عرفها بس ماحب يسالها مباشر خاف انه يستعجل,,
لبنى/عفوا اخوي بس ممكن سؤال؟
لفت لعند الباب علشان تتاْكد ان مافي احد بيدخل,,
محمد/خير ان شاءالله؟
لبنى/عبدالعزيز ماهو مداوم اليوم؟
محمد/عبدالعزيز طلع من المحل؟
رفعت راسها بصدمة/طلع!!!!!!!!!وين راااح؟
محمد/مدري ماعطانا خبر ولاحتى عطانا رقمه الجديد يمكن ماحب يقوي العلاقة بينا,,,,
لبنى وقفت وهي بحالة ذهول,,عبدالعزيز طلع من المحل وغير رقمه بعد!!!ليش عاد ياحبيبي ليش!!!!ليش تبينا نفترق رسمي حرام عليك,,,والله مالي شغل بللي صار ,,,,
انتبهت على صوت محمد يكلمها,,/بغيتي شي ثاني اختي؟
رفعت راسها وهي تمسح دموعها وفاهمة ان وجودها هنا غلط قالت وهي تمشي/لاشكرا اخوي,,,,
طلعت من المحل بوجهها على الحمامات قامت تبكي وتبكي وتبكي وتفجر باقي دموعها اللي ماطلعوا,,,
اخر خيط لها معه قطعه هو بيده وكانه يرفض وجودها بحياته خلاص,,,,
////////////////////////////////////////////////////////////////////////////////////على كورنيش الخبر,,,
كانت يده ماسكة يدها ويتمشون مع بعض بهدوء,,,
نجود/فهودي...
فهد/امريني...
نجود/الليلة بتكون مو حلوة لاتروح الرياض اقعد معي تكفى؟
فهد/وين بتحطيني؟
نجود/وين مابغيت؟
فهد/لازم اروح اكمل شغل الشقة هناك ولاانتي ناسية ان الفرش اللي انتي طالبته جاي ها اليومين ...يادوب الحق
نجود/يعني الفرش اهم مني؟
فهد/من قال عاد...ابي اخلص منها علشان تخلص الايام بسرعة وتجين عندي؟
نجود/واذا قلت لك مافي روحة قبل لاتقولي كلام حلو وتغازلني؟
فهد/معناته تعالي نركب السيارة؟
نجود/وليش السيارة بعد خلينا ماشيين..
فهد/أي بس هنا في ناس...
نجود/فهد وين مارحنا في ناس ..وبعدين احنا بنتكلم ياخي محد له عندنا شي؟
فهد/أي بس انا ماودي اتكلم؟
نجود/أي وشنو ودك فيه اجل؟
فهد بحالمية/ودي اضمك لصدري وها الرغبة قاعدة تكبر داخلي كل دقيقة يالله بلا عناد وتعالي نرجع السيارة ولاترى بسويها بالشارع ومابيهموني الناس؟؟؟؟؟
//////////////////////////////////////////////////////////////////////////////
على التلفون,,
محمد/مثل ماتوقعت جت وسالت عنك؟
عبدالعزيز تنهد/وش قلت لها؟
محمد/مثل ماطلبت ياعبد العزيز مثل ماطلبت,,,,
عبدالعزيز/...............
محمد/يااخي والله حرام عليك انت لو شايفها شلون كانت تبكي ومو شايفة اللي قدامها...
تنهد عبد العزيز وقال/انها تتعلق فيني واتعلق فيها اكثر ضرب من الجنون واحنا مصيرنا واضح ومعروف,,,,,
محمد/أي بس ياخوك انت عارف هي مالها شغل والذنب ماهو ذنبها لاتحاسبها هي بذنب اهلها؟,,,
عبدالعزيز مارد بس اكتفى انه يتنهد,,,
محمد/وانت اللحين شفت لك محل تشتغل فيه ولابعدك؟
عبدالعزيز/انا مالي خلق أي شي حاس اني متحطم لاابعد درجة والوالدة راحت تدور لي على بنت الحلال تقولي اذا خطبت نسيت لبنى ماتدري ان لبنى مستحيل تطلع من قلبي بلحظة من اللحظات,,,,
محمد/الله يوفقك ويوفقها...ويهدي ابوها واللي امثاله بها العالم مدري شيستفيدون اذا سووا كذا بعيالهم؟؟؟
////////////////////////////////////////////////////////////////////////////////////////////////////////////
بااخر الليل كان فهد رجع الرياض,,,
ودخل البيت اللي كان موحش بدون فيصل وخواته,,,
راح لمكتبه وناظر صورتهم اللي قباله وطلع جواله ودق على نجلاء,,,,,
***********************************************وحد ها نجلاء بعد ماسكرت من فهد حست بالغباء والقهر بنفس الوقت كلام فهد صدمها وهي اللي مفكرة انها بتصدمه بها الحركة وبيغير رايه وبيرد لعياله بسرعة؟؟؟؟
انا ماحسبتها صح,,,وصرت غبية وتركت المجال له ولها يعيشون بحرية وبدون قيود مثل ماقال!!
ياليتني فكرت فيها قبل لااسويها,,,,
كنت ابي اقهره واحرق دمه قام هو اللي استفزني بارتياحه من بعدهم عنا بها الفترة علشان يخلى له الجو مع وجه النحس؟؟؟؟؟
بس ياترى وش المفاجاْة اللي قال لي انها بتجيني بكرة بالطريق؟؟؟؟؟
فهد ومرتاح ويقولي مفاجاْة ؟؟؟معناته اكيد شي كبير طالع من تحت راسه؟؟
بس لايطلقني؟؟؟؟؟ولايقول اني سارقة عياله وطالعةمعهم بدون شوره؟؟؟بتصير فضيحتي بالرياض فضيحة؟؟؟؟؟؟؟؟؟؟؟
////////////////////////////////////////////////////////////////////////////////////////////////
هنوف/لبنى قعدي معي شوي سولفي معي انا مااشوفك دايم قاعدة بغرفتك ومسكرة بابك وراك؟
لبنى قعدت وهي فكرها شارد اصلا؟؟؟؟
هنوف/علامك,,,
لبنى/.......
هنوف/بن بن,,,شفيك ياقلبي زعلانة ومتضايقة وشايلة هم الدنيا فوق راسك؟
لبنى تنهدت بحزن بس ماتكلمت وبانت بعيونها دمعتين مسحتهم بسرعة...
هنوف/لبنى...ودي اسالك سؤال وتجاوبيني عليه بصراحة؟
لبنى بعد هدوء طويل/شنو؟
هنوف/اللي خطبك امس هاذي ثاني مرة يخطبك فيها على قولة ابوي....شسالفته؟
لبنى تنهدت وبعدها قامت تبكي..
هنوف/لبنى انتي تعرفينه؟
لبنى/أي اعرفه زين....
هنوف/شنو يعني؟
لبنى من بين دموعها/يعني احبه..يعني ابيه...شفيها ذي بالله ماتقولين لي؟؟؟
بس ابوك مايرحم قلعه بدون رجعة....بس حبه بقلبي ماراح يروح الا اذا الله اخذ امانته مني؟؟؟احبه..وبظل احبه لااخر يوم بحياتي....وابوك برفضه له ماراح يغير مشاعري ناحيته لو شيصير ولايحلم اني اخذ واحد ثاني غيره,,,انا احب عبدالعزيز ومايهمني فقره لاني راضية فيه..احبه..احبه,,,
جمدت عيون هنوف للحظات وانربط لسانها ماتدري هي مصدومة من شنو بالضبط بس بعد ماسمعت صرخة لبنى تاْكدت ان طيف ابوها فعلا كان موجود وماكانت تتهيا وانه كان داخل وراهم وماانتبهوا عليه وان سمع كلام لبنى وشال العقال عليها...
هنوف بصراخ/لبنى..يبى لالا,,,الله يخليك...
ابو بندر/اه ياقليلة الحيا يلللي ماتربيتي,,,تحبينه مو؟؟؟عساك الموت اللي ياخذني منك ويفكني,,,بنات اخر زمن..ومادورتي لك غير حافي منتف,,
لبنى وهي تتوجع/يبى...يبى اتركني...
هنوف حالت بينها وبين ابوها وصار العقال عليها بدل مايصير على لبنى وهي تصارخ/لبنى روحي لعمي بسرعة روحي تخبي هناك ماراح يوصل لك....
قامت تركض وهي مي عارفة تمسح دموعها ولاتمسح الدم اللي باطراف شفايفها ولا تمسك ركبتها اللي تعورت ولاتترك هنوف بروحها,,
كل اللي عرفته انها راحت بيت عمها بدون اتخاذ قرار ثاني ودقت الباب وهي بدون عباية ولاشيلة ولااي شي..
طلعت من بيتهم كذا,,,
فتحه ناصر واول ماشافها فزع ولف للجهة الثانية..
كانت دموع لبنى كفيلة بالاجابة عن تساؤل ناصر وقال لها بسرعة/دخلي داخل ماكو غير امي وابوي....انا بقعد هنا....
دخلت لين وصلت للحديقة واغمي عليها ماقدرت تكمل ولف بسرعة وتذكر ان ماعليها عباية طلع جواله ودق على ابوه يقوله يطلع لها,,,,*
////////////////////////////////////////////////////////////////////////////////////////////////////
يوم ثاني...
في بيت فهد...
فتحت الشغالة وكان ابو مصعب جاي...
فهد/هلا...
ابو مصعب/هلا....
فهد/..............
ابو مصعب/.............
فهد/..................
ابو مصعب/فهد مصعب راح يجيب نجلاء من جدة مع العيال,,,
فهد/أي بس هو ماقال لي؟
ابو مصعب/انا قلت له يروح يجيبهم لانها كلمتني من الصباح؟
فهد/غلطان يوم يروح مو سوت روحها حرمة وطلعت بدون شور احد,,,المفروض بعد ترجع بروحها وبدون مايدري عنها احد؟
ابو مصعب/هاذي اختي يافهد وانا عارف انها غلطانة بحركتها معاك وبنتظرها ترد علشان تعتذر لك بس بعد انت تكلم البنك وتقفل كل الحسابات حتى اللي بسمها؟مايصير ياخوك انت ناسي ان عيالك معها افرض احتاجوا شي..
فهد/وهي من قال لها بالاساس اخذي العيال وطلعي من البيت؟؟؟؟
ابو مصعب/هي متضايقة من زواجك يافهد وماتبيه يتم وتبي تلفت انتباهك باي وسيلة,,,عاد انت خف شوي عليها..
فهد/كل لحظة تمر علينا نجلاء تكرهني فيها وبتصرفاتها اكثر واكثر,,,
ابو مصعب/ماعليه يافهد بالاخر احنا اهل..
فهد/انا مايهمني كنا اهل ولالا...تعرفني مااحب احد يتحداني ويحط راسه براسي,,,,
ابو مصعب/حقك عليّ اذا جت انا بخليها تطيح على راسك تعتذر عن غلطها شتبي بعد؟
فهد/ماابيها تطيح على راسي الله الغني عنها وعن اعتذراها..ابيها تعقل يابو مصعب..انا بتزوج واختك ماراح تردني ولازم تفهم ها الشي زين مازين وقولها بعد أي كلمة ولاحركة منها بخصوص زواجي تنرفزني منها والله لاارمي عليها الطلاق,,,
////////////////////////////////////////////////////////////////////////////////////////////
في بيت السبيعي وتحديدا بغرفة هيا...
نجود/هيا..تتركينا بروحنا شوي.معليش,,
هيا/طيب...
بعد ماطلعت هيا..
نجود/تبين تقولين شي,,,
لبنى كانت ساكتة وهي تناظر بالكدمات اللي باياديها بدون تعليق,,,
نجود/انا ابي ها الاسابيع الثلاثة تمر بسرعة وارتاح من بيت السبيع كلهم بدون استثناء صراحة..
رفعت راسها ولاول مرة تبتسم من جت البارحة..
نجود/شفتي شلون بكل شي تدخلوني...قولي شعندك ليش متهاوشة مع ابوك؟
لبنى بتردد/قال لك عمي ليش تسوين روحك ماتدرين,,,
نجود/اني اسمع من ابوي اللي انتي قلتيه غير اني اسمعه بااذني منك...
لبنى تنهدت...
نجود/وين يشتغل..
لبنى/بشركة...
نجود/وعمي رافضه بس علشان جيبه مو مليان؟؟؟
لبنى بعصبية/ابوي عقلية متخلفة ومايهمني رايه؟
نجود/عيب..
لبنى بزعل/لانه مو ابوك ولانك موعايشة معه...
نجود/تظل هاذي وجهة نظره هو...وهو حاس انه مابيقدر يوفر لك الحياة اللي انتي تعودتيها وعشتي فيها..ماتقدرين تلومينه بها الشي يالبنى..
لبنى/لا..الومه وستين الومه..اصلا هو حتى ماشاورني وسالني عن رايي؟؟وهذا ابسط شي ممكن يسويه....
نجود الحياة اللي احنا عايشينها اخترناها احنا ولبسناها احنا بكيفنا ونقدر نبدلها بالوقت اللي نبيه...انا احس اني بتكيف بالحياة اللي بعيشها معه مهما كانت طالما انه ملك قلبي...انتي مو حبيتي فهد واصريتي عليه رغم ان الفوارق بينكم كبيرة...لاهو بعمرك ولاهو من منطقتك ومن معارفك ولا حتىمتحرر من العيال والزوجة ومع ذلك قلبك ماطاعك تتركينه لانه قلبك معه...
بس تدري الفرق شنو..مو فهد غني وعنده خير وعبد العزيز فقير ولاانك اصريتي وانا سكت....
الفرق بين ابوي وبين ابوك يانجود هذا الفرق,,,,,,
دق الباب ودخلوا هنوف ونورة,,
هنوف/صباح الخير..
نجود/صباح النور....
لبنى/هنوف...انا اسفة..
هنوف/يالله اكلت باقي الضرب انا وتنتف جسمي وتصلخ من عقال ابوك بس تمونين يالبينة تظلين اختي وحبيبتي..بس ها نجود هانم مني لعرسك مابيروحون الكدمات دبريني بثوب اكمامه مو شيفون لاانفضح قدام العالم ,,,
لبنى ونجود/ههههههههههههه
هنوف/لليحين انا ابي اسال يصير اجي معكم بالبيت,,,
نجود/ياسلاام يعني انا بطلع من البيت وانتو تستحلونه من بعدي؟
هنوف/لامو مشكلة انا باخذ غرفة ناصر؟
نورة/ووين يروح اخوي؟
هنوف/يروح بيتنا كاهو فضى مافي احد...
لبنى/صدق البيت مافيه احد..
هنوف غمزت لنجود/هذا كله من وجه جواهر علينا هي بتدخل واحنا اللي تفرقنا وطلعنا من بيتنا..
رمت عليها نجود المخدة وكملوا سوالفهم وضحكهم,,,
**************ثلاثة اسابيع قضتها لبنى في بيت عمها بعد ماطلعت من بيت ابوها اللي كان بيذبحها ومافي أي خبر عن عبدالعزيز وها الشي اللي كان مضايقهاونجود طبعا كانت مجهزة لها كم شي لااول ايامهم مثل ماقالت واثثت شقتها بالدمام ومرت على شقتهم بالرياض بعد ماكان يطلع مع عياله وتكون نجلاء ماهي موجودة علشان ترتب اغراضها اللي اخذتهم وتحط باقي اللمسات,,,,
وجت الليلة الموعودة وكان فهد على الوعد بيكون معها بالدمام وبيبدي الحفل بدري مثل ماطلبت نجود علشان يلحقون يروحون الرياض ويبيتون هناك مثل ماهي تبي,,,
كان اكثر ارتباكها من حزن امها اللي باين عليها وقاريته بوجهها واللي ماكانت تبينه كل مامرت جنبها بس نجود عارفة امها زين وعارفة انها تحاتيها ماتدري ان فهد معها وماراح يجيها شي وانها سبيعية وماينخاف عليها,,,
جواهر/يالله يالله,,,
نجود/شكلي زين..
جواهر/قمر..بس يالله...
كان شكلها بسيط مرة ولابسة ثوب من مختارات العبد الواحد بدون اكمام وتطريز على صخمة الصدر وانسيابي جدا وبعيدا عن النفشة الزايدة ورافعة شعرها بشينون خفيف وطرحتها كانت ناعمة وبسيطة وكل اللي بارز فيها مكياجها الصارخ
تقدمت بخطوات ثقيلة لين وصلت للباب اللي بتطلع منه واللي انفتح ومشت بهدوء شديد لين وصلت المسار وباول خطواته وعلى صوت الطقاقة,,
بنت السبيعية حلاها غير,,
حتى دلعها والتغلي زود,,
من حسنها كل البنات تغير,,
مثل القمر دايم مكانه فوق,,,
هاذي نجود حلاها غير,,
حتى دلعها والتغلي زود,,
من حسنها كل البنات تغير,,
مثل القمر دايم مكانه فوق,,,
بنت السبيعية,,بنت الدمامية,,بنت الشرقاوية,,بنت السعودية,,,
كل شي حولها يحسسها بالاطمئنان والهدوء والراحة وهي تشوف الفرحة بعيون جواهر وعبير وهيا اللي كانت من كثر الفرح ماهي ماسكة دموعها وبعيون عبير ونورة وهنوف,,,وبعيون خالتها ام علي اللي وقفت لها بالنص ترقص وبعيون خالتها ام بندر,,,
الا امها اللي كانت زعلانة على حياتها اللي اختارتها ,,,ولبنى,,,أي لبنى...ماهي معهم,,,ياترى وينها,,,انا ماشفتها,,,,
************************************************** ************************************************** *******************كاهي واخيرا وصلت مع فهد الرياض مثل ماطلبت وتمنت ..
فتح لها الباب ودخلت بعد ماسلموا عليهم الباقيين اللي راحوا معهم وراحوا الفندق اللي بينزلون فيه,,,
شالت عبايتها ورفعت طرف فستانها ومشت لغرفة النوم علشان تبدل,,,
اول ماسكرت الباب وراها تسندت على الباب وغمضت عيونها بقوة..اللي تبيه صار,,واخذت حبيب القلب,,وكاهي معه بعشهم الهادي بالرياض تماما مثل ماخططت تقضي ليلتها الاولى,,,
ليلتها الاولى ابتسمت لها الطاري وهي تتذكر اللي واقف بره ينتظرها,,
فتحت عيونها ومشت علشان تبدل واول مافتحت عيونها لفت انتباهها شي قدامها ,,كانت تحفة على شكل شجرة ذهبية وبوسطها بروازين واحد عن اليمين وواحد عن الشمال,,,وقفت تقراهم,,
كان الاول من جواهر(ياحظه اللي سكن قلبك,,ياسعده شاغل بالك,,
انا اشهد ياهنا قلبه ..لانه صار محبوبك,,
ياحظه يمسي في ليله...لوحده يسامر هلالك..
وياحظه يوم مايصبح,,يشوف الكون بعيونك,,,)
والثاني كان من هيا(من تكون السندريلا..غيرك انتي...انتي انتي..
ومن ملك ها الحسن كله..غيرك انتي..انتي انتي..
تملكين احلى ابتسامة..واحلى نظرة بالوجود...
سندريلا ياغرامي..اعشقك لاابعد حدود,,,)
ابتسمت وهي تدعي ان الله يهدي بندر ويهدي سره ويريح جواهر اللي تحبه ويوفق هيا بحياتها,,,
بدلت فستانها ولبست ثوب نوم مغري نوعا ما وكان لونه توتي على عنابي وقماشه ستاني,,,وسيوره مطرزة على شكلx وشبه شفاف بمنطقة الصدر,,وفتحت شعرها اللي كانت مسويته شينون خفيف ورفعته من فوق وجابت الباقي على جنب علشان تبان حركة الفستان اللي بضهرها وشالت مكياجها كله على رواق وكانها متعمدة تخليه يحترق بناره اكثر واكثر ,,وغسلت وجهها وحطت لها كريم خفيف وكحلة ومرطب شفايف بس,,وبختين عطر تحت اذنها وتسندت على الكرسي لثواني..وهي تفكر هل تشغل الشموع اللي حوالين السرير اللحين ولابعدين ومدام انها فاضية ماعندها شي قامت شغلتهم كلهم وشغلت الفواحة الصغيرة بعد اللي قبال السريرواللي عطت الجو روعة باضاءتها وبريحتها,,
ارتاحت نسبيا من الجو بعد ماطفت الانوار كلها ورجعت تقعد على الفراش تنتظر فهد,,,,
/////////////////////////////////////////////////////////////////
20-08-10, 04:55 AM
جديد مواضيع قسم القصص المكتمله
العرض العادي
