البارت الرابع



مثل كل مره تكرر الكابوس بس هالمره اشد قامت وريجها ناشف وتسبح من العرق سحبت نفسها من سريرها تبى تتنفس هوى طلعت باللفت للطابق الثالث وراحت للبلكونه هذا المكان العالي اللي تحس فيه انها قريبه من السما وقفت عند الحاجز ورفعت راسها وغمضت عيونها تشم الهوا المنعش اللي بدا يتخلل بجامتها ويحسسها بالبرد وهي وع هالوضع وبدون ماتحس وبكل خفه ايد ع كتفها ..التفتت وهي خايفه ومرعوبه وشاحبه !

شهقت كان كابوس في كابوس ثاني نشت كان وقت العصر كانت محطيه ايدها ع صدرها وتصيح شوي مسكت راسها بيديها وطاحت ع ظهرها
خوله: ااااخ راسي راسي بينفجر ليش ياربي ليش يصير وياي جي ليش ليش
نقلبت ع يانبها وهي تصيح بغصه


تحت وتحديدا في الصاله كانت شيخه يالسه وياها ريم ومنى
ريم: امايه اشوف لطوف ما تاخذ منج مصروف الصبح
شيخه: هيه حتى يوم بتي تتطلع والله هالبنت بتينني
ريم: غريبه ماصدج ان لطوف ماتحب تصرف وصارت زاهده
منى اللي حست في كلام اختها شي
منى: يمكن تاخذ من سرور
ريم: سرور صارله اسبوع في الكليه واذا عطاها مابيخلصن ؟
شيخه: هيه والله ماعليه خلني اشوفها وبسالها
كانت عاديه بلباسها بس مايقلل من جمالها كانت لابسه عباه مفتوحه ولابسه تي شيرت اقرب للباس الشباب من البنات لونه ابيض عليه كتابه بالانجلش ع الصدر ولافه ع رقبتها شال ع شكل شماغ لونه وردي وطبعا بنطلون جينز ازرق فاتح وجوتي سبورت ابيض والشيله ع الكتوف بس هالمره محطيه عطر قوي شوي ..هي تعودت ع العطر الهادي لانها تعرف ان العطر القوي ياذي امل ..نزلت ع الدري بكل رشاقه مع انه طويل بس هي رشيقه تنزل عليه بسرعه يت صوب الصاله ووقفت
لطوف: سلام
...: وعليكم السلام
شيخه: ع وين ان شاء الله
لطوف: بطلع مواعده الربع
بدت ريم تنغزها بالكلام
ريم: غريبه اشوفج مب مثل كل مره وين الكشخه لا ولعطر ريحته قويه
لطوف فاهمه ريم وفاهمه حركاتها بس هي اكيد تعرف كيف ترد عليها
لطوف: هذا يعتمد ع المكان وع الناس اللي بكون وياهم
ريم: بعـــــــد....ليش يعني مب لا سايره المول ؟
لطوف: لا ياحبي مب سايره مول معزومه ع العشا ..امايه لا تحسبون حسابي
منى: بتتاخرين؟
لطوف: هذا يعتمد ع السهره بس اعتقد انها بطول ..لانا من زمان ماجتمعنا
ريم: مب نفسهم اللي كل مره وياهم؟
لطوف: هههههههههههههههههه لا مب نفسهم... حبيبتي انا ربعي وايدين ماينعدون
ريم: الله يهنيج مبهم ويهنيهم بج
لطوف: تسلمين ياحبي
شيخه: الحين خلج من الهذره
لطوف: فديييييييييت شواخي امريني يالغاليه
شيخه: بتخبرج انتي من وين تصرفين
لطوف: من جيبي ههههههههههههههههههههههههههه
شيخه: لطوف من وين لج الفلوس؟
لطوف: فديت المعصبين.. ابويه يطولي في عمره قبل مايسافر عطاني الــ Credit card
(بطاقة الائتمان) مالته وقالي اصرف منها
منى: وجم فيها؟
لطوف: امممممممممم مب وايد
منى: بحدود جم؟
لطوف: يعني 70 الف درهم
مع انه المبلغ بالنسبه لعايله في مستواهم تعتبر ولا شي مع هذا بحلقن عيونهن
لطوف : يالله انا سايره تامرون بشي ..نسلم عليكم
شيخه: استغفر لله العظيم ..ابوكم مدلعنها الدلع بيطلع من عيونها ولا حد يحط في ايد ياهل 70 الف
ريم تضايجت وعصبت
ريم: بروح حجرتيه عندي هوم ورك لازم اخلصه عن اذنكم
شيخه: اختج شبلاها؟
منى: مادري الحين بروح اشوفها

يلست ريم في حجرتها وع حافة سريرها واطالع تحت وسرحانه ومهمومه
تدخل عليها منى
منى:ريماني بلاج؟
يلست قبالتها ع السرير
ريم:ماشي
منى : ريم قولي شفيج
ريم: شفتي ابوي كثر شو يدلعها ويحبها

منى:وتظنين ابوي مايحبنا؟
ريم: يحبنا بس مب كثر لطوف...لطوف هي الغاليه والمدللة ولو تطلب اي شي بيلبيه لها
منى: ماسالتي نفسج ليش..عشان لطوف تتعامل بطبيعيه ويا ابوي ..ومن صغرها وهي شايله الكلافه بينهم..لطوف عرفت كيف ماتخلي حواجز بينها وبين ابوي وع قولتهم فريند ..اما نحن نحسب الف حساب وياه..مسويين حاجز ...خليني اسالج كم مره قلتي لابوي احبك او حبيبي كم مره يلستي يم ابوي وحطيتي راسج ع كتفه ..طبعا ماقول نكون اوفر في تعاملنا ويا ه او ويا امي ..بس ع الاقل نظهر الحب بشكل عملي
ريم: بس تبقى لطوف الاحب لقلبه
منى: صح..بس بعد ابوي يحبنا ..ولازم نستثمر هالحب ونخليه واضح
ريم: مادري...احيانا اقول لو لطوف....
منى: لو لطوف شو؟!..كملي ليش سكتي؟!
ريم: لو لطوف ماتت شو بيصير في ابوي
منى: ريم تعوذي من بليس شو اللي تقولينه..
ريم: شسوي من القهر
منى: تغارين من لطوف؟
ريم: هيه اغار..لطوف احلى وحده بينا ودلوعة ابوي ...واغلى وحده عند محمد اذا ماكانت بعد عند سرور وحمد..هاذا غير عيال عمومتج اللي يحبونها..وعندها رفيجات كل يوم وياها...ولا تبيني اغار
منى: الله يهداج بس...صح لطوف عندها كل هاذا ..بس لا تنسين ان لطوف عندها عقده نفسيه والله العالم متى بتطلع منها..او وين بتوصلها..وانا كل ماحاولت اتقرب منها او اتكلم معاها ..القاها تنفر
ريم بدال ماتغارين منها خلينا نساعدها تطلع من اللي هي فيه
ريم: اذا هي ماعندها الاستعداد للتغير فكل محاولاتنا عبث..لازم يكون عندها الرغبه وهذا مرفوض عندها..انا اقول لا تعبين نفسج
منى: تبيني اشوف اختي في التهلكه واسكت
ريم: مب انتي تقولين انها رافضه انج تدخلين في السالفه
منى: بس اكيد في حل
ريم: خلاص كلمي ابويه وخليه يرمسها
منى: لا مستحيل
ريم: تخافين مايصدقج؟
منى: لا بس خايفه تكون النتيجه عكسيه ..او لطيفه تقنع ابوي بالعكس
ريم: شفتي..قتلج ..مابتقدرين عليها..والاحسن تخليها في حالها والله يهديها
منى: لا حول ولا قوة الا بالله

عزيز ماعايبنه اللي بتسويه اخته واللي تخططه مع عمها اللي كان يالس مع عزيز في الميلس
فهد : اشوفك ساكت
عزيز: مافيني شي
فهد: كيف مافيك شي..ترى منال خبرتني انك مب راضي عن اللي نسويه
عزيز: مب بس مب راضي الا مب عايبني واللي تسونه غلط في غلط تقدر تفهمني شو بتستفيد من اللي تسويه؟
فهد: مصلحة اختك
عزيز: مصلحة اختي؟..عندي احساس يقولي انك يالس تلعب لعبه واختي مجرد وسيله
فهد: عزوز احترم عمك
عزيز: اللي يسمعك يقول بينا سنين وهي كلها سنه
فهد: ان شاء الله لو نص يوم مايحق لك تكلمني جي
نش من مكانه وعيونه كلها شرار
عزيز: فهود والله اذا دريت انك يالس تستغل اختي ياويلك
نش وقف جدامه الويه بالويه
فهد: عزيز قلتلك عشان مصلحة اختك انته سامع
تدخل منال عليهم
منال: السلام عليكم
..:وعليكم السلام والرحمه
منال: شو بتضاربون؟!
طالعوا صوبها..وسار عزيز عندها
عزيز: منال حكمي عقلج وانا اخوج ولا تمشين ورى فهد
طالعته: عزيز..ممكن تخلينا بروحنا
عزيز تفاجا وفهد ارتسمت ع ويهه ابتسامة سخريه
عزيز: بخليكم بس قبل بقولج وبقوله اني متبري من اللي بتسوونه
عطى فهد نظره بعدين طلع ..مشت ويلست
منال: ها عمي بشر
يلس: طمني يامنال كل شي ماشي اوكيه ..والامور تمام راح ننجح ..بننجح يامنال بس صبري شوي لين تجهز الطبخه وانا عمج
رتاحت لكلامه وظهرت ع ويها ابتسامه خبيثه

يالس في حجرته يفكر بينه وبين نفسه يفكر باللي يريد يوصله واللي مستعد يسوي اي شي عشان يحصله صار بنسبه له هاجس يفكر فيه مع كل النصح اللي نصحه اياه غانم الا ان سعود معاند مع انه ماكان جي كان انسان متفهم بس اللي في راسه وتفكيره الدايم فيه خلاه يصير عنيد وهمه الوحيد كيف يحققه

"اخبرها ولا لا ..لا شوا قول..والله بيصير فيها شي ..اعوذ بالله من الشيطان...ياخوفي يصير شي ..اذا صار شي بكون السبب واكيد بتلومني اذا عرفت اني كنت اعرف يالله بسترك وحسانك" هذا اللي كان يدور في بال صالحه وهي ماسكه سماعة التلفون كانت تفكر تتصل بعليا وتخبرها بعدين تراجعت ورجعت السماعه مكانها خايفه ع عليا وشايله هم بدور واللي خايفه تنفذ اللي براسها .

انقضى ليل بافراحه واتراحها واقبل يوم ثاني شايل اشيا يديده..نزلت باللفت وهي بكامل اناقتها ومشت صوب صالة الاكل ..كانن امها وخواتها اللي يالسات يتريقن
ريم: صباح الخير
..:صباح النور
يلست لاحظت ان لطوف محد ..كانت يالسه قرب خوله ويزوي وقبالة امها ومنى
ريم: عيل وينها ست الحسن مابداوم اليوم؟
منى: يمكن تجهز عمرها
قالت وهي تمسح الجبن ع التوست: تجهز عمرها..الا هي متى ردت البارحه؟
منى: مادري..بروح اشوفها
ريم: خليها اتي بسرعه مابنترياها
راحت منى لحجرة لطوف.. دخلت كانت الحجره مظلمه ..راحت للستاير وفتحتهن وهي تصحيها
منى: لطوف يالله قومي ..سارت صوبها وبدت توعيها
منى: لطوف لطوف قومي شو مابتروحين المدرسه
فتحت عيونها وهي تتمطى
لطوف: صباحج عسل
منى: صباح النور..يالله قومي بسرعه ترى ريم شابه ظو
لطوف: اختج هذي ماعندها وقت دوم معصبه حشا مايسوى عليها
ابتسمت: خلج من الهذره الوقت يمر يالله
نشت يالسه تتمطى ..راحت منى عنها وهي نشت وراحت الحمام
نزلت منى تحت وكانن بعدهن في غرفة الاكل
ريم: وينها؟
منى: الحين بتي
ريم: نحن رايحين وصليها انتي
منى: سيارتي في التصليح صبري شوي الحين بتي
نشت واقفه
ريم: مابصبر جدامها بس خمس دقايق اذا مايت خليها ترقد يالله قومن
راحت وياها خواتها اليازيه وخوله ...لطوف بعدها مايت وريم يالسه في السياره وياها خواتها يالسه تزفر ..اخيرا نزلت لطوف عطت الشنطه لماري عشان توصلها السياره وسارت هي صوب غرفة الاكل ..صبحت على امها ومنى وحبت ا مها ع راسها ويلست جنبها

ريم: صالح يالله امش
صالح: ستنا شوي
خوله: ريم تصلي ع منى
ريم: صالح ياتمشي بالتي هي احسن يتشوف شي ماشفته
خوله: ريم هدى اعصابج تصلي على منى
ريم : اتصلي انتي انا مب متصله
طلعت خوله موبايلها من شنطتها وهي تستغفر ربها وتصلت ع منى
منى: هلا خوله هيه _طالعت لطوف_ خواتج مستعيلات كلي بسرعه
خذت ريم الموبايل بقو من ايد خوله
ريم : سمعي قوليلها خلها مكانها حنا مشينا ..صالح تحرك
منى: ريم وصلت حدها
بتسمت لطوف : ممكن شوي_ قصدها الموبايل
عطت منى المبايل لامها وبدورها عطته لطوف
لطوف: تسلم ايدج يالغاليه.. اتصلت_ ..الو صباح النور ..صالح اضن ياك صداع انزل من السياره شوي وبيي
ريم عصبت بزياده وهي تشوف صالح نزل: طالع هذا حكرني ونزل
خوله ماقدرت تمسك نفسها من الضحك على اختها
خوله: ههههههههههههههههههههههه
ريم: شو اللي يضحك
خلصت لطوف من الاكل ولبست نظارتها الشمسيه وطلعت كانت تمشي بهدوء صوب السياره _ارمادا رصاصيه_ وهي تمشي في الممشى مرت ع ورده جوريه وقطفتها ..وصلت اخيرا فتح لها الباب وركبت
ريم: كان ماييتي_ ماعلقت لطوف ع كلامها_ يالله بسرعه ع الجامعه
لطوف: صالح حط لها قران تريح اعصابها
ريم: انتي جب ولا كلمه بسبتج نحن متاخرين
خوله: ريم خلاص والله راسي مصدع
ريم: سوق بسرعه
صالح: زهمه واجد
ريم: حسبي الله ونعم الوكيل
وصل لطوف اول لمدرستها ويمكن في نفسه حب انه يغيض ريم اللي طول الطريق تصرخ عليه ..طبعا بعد ما طلبت منه لطوف يوصلها اول

خذت موعد لاختها في عياده خاصه .. عندهم سيارات ثانيه اضافيه غير سيايرهم الخاصه يستخدموهن عند الضروره ..ومثل ماوعدتها مرت عليها وخذتها للعياده ..عقب ماوقفت في الباركن ونزلن

وهي واقفه جدام الغساله وجدامها سلة الملابس تاخذ منهم وتحط فيها ..مسكت واحد من بناطلين بنتها تاملته ودمعت عيونها وحضنته وصاحت بحرقه ورفعت راسها
عليا: سامحني سامحني يارب سامحني
نزلت ع الارض وزاد صياحها وحضنته بقو وتصيح بحرقه وغصه
خوله: منى متردده
منى: خوله خلي عنج هالخوف ..هذا لمصلحتج يالله امشي
وصلن ع الموعد ..نتظرن شوي لين يخلص المعالج اللي جدامهن بعدين دخلن ..شافن الدكتور يالس..شاب ابيضاني خشمه طويل عيونه خضر شعره كثيف طويل بس مب وايد مسرحنه لورى وشنب ولحيه خفيفه مطوقه ويهه البيضاوي ..ويهه بشوش يعطيك احساس بالراحه ..واسمه ابراهيم الـ
رحب فيهن وطلب منهن يلسن ..منى شدها شكله وابتسامته العذبه بس حست ع عمرها انه يمكن ينتبه لنظراتها فكانت تحاول انها ماطالعه...فحص نظر خوله وصفلها قطره لعيونها تاخذها وطلب منها ترتاح

كان يالس في الصاله ويا امه يسولف ويضحك وياها بس يوم شافها يايه استاذن من امه وراح ..انتبهت امه واول مايلست بنتها سالتها
الام: منال اخوج بلاه.؟
منال: وشودراني
الام: تزاعلتو؟
منال: لا تزاعلنا ولا شي بس هو قالب ويهه ومب طايقني كاني مسويه جريمه
الام: لا حول ولا قوة الا بالله...انزين سمعيني ابوج يوه خطاب نخليهم ايون ولا لا؟
منال: قلتلكم مابى ازوج في الوقت الحاضر_قالت في نفسها_ لان هذا اكيد بيضيع عليي اللي اخططله
الام: منال لين متى ترفضين اكثر من واحد تقدملج وكلهم مب ناقصهم شي
منال: بس انا ماريد اعرس
الام: براحتج سوي اللي تبينه
منال:_في نفسها_ اكيد بسوي اللي اباه لان هذا اللي شاغل بالي الحين وماشي غيره

رجع من السفر وهو كله لهفه وشوق لشوفهم ..كان لاف ايده حوالين امه وماشي وياها للفت
محمد: والله مشتاقلكم وايد وايد
ضربته بخفه: هيه تلفونك ماوقف من كثر ماتتصل
ابتسم : والله ارجع من الشغل هلكان احط راسي وارقد يوم انش القى الوقت متاخر عندكم بس كل يوم اطرشلكم سلام مع لطوف مايوصلكم؟
شيخه: وانا اشوفها؟...ترد من المدرسه ترقد تنش تطلع لا وفوق هذا ابوك عاطينها بطاقة الائتمان مالته
محمد: لا يامايه مب مالت ابويه هاي حقها
شيخه: شو؟..لا بالله البنت نجحت بسكم من كثر مادلعون فيها انته من صوب وابوك من صوب
محمد: خليها تستانس وتعيش سنها قبل ماتزوج وتروح بيت ريلها
شيخه: هيه هذا اذا مافلس من ليلة زواجهم
محمد: هههههه لا مايه حرام لطوف ماتصرف وايد بعدين اللي بياخذها بيعيش في نعيم هذي لطوف يامايه لطوف فديتها والله
كانن خواته منى وخوله يالسات في الصاله
منى: محمد وينك طولت ونحن نترياك
محمد: شسوي سوالف الوالده ماتنمل ..ها خوله شو اخبار الدراسه؟
خوله: الحمدلله كل شي اوكيه
محمد: الحمدلله
توصل ريم وتتجدم وتسلم وقف وسلم عليها ..مشت ويلست قرب منى
شيخه: عيل وين خواتج؟
ريم: مامريت عليهم
منى: يايه من وقت
محمد: اكيد حست اني بوصل اليوم
ريم: لا بس خلصت وقت وربيعتي وصلتني
محمد: انتي ماتعرفين تجاملين ابد؟
ريم: يعني تباني اكذب
محمد: ريم شبلاج؟
ريم: ماشي بس مصدعه شوي
اتي حنان وهي شايله ولدها يلست قرب شيخه عقب ماسلمت
شيخه: حنان يلسي بيانب ريلج
وقبل ماتنش قال: خلج مرتاحه
الكل انصدم من ردت فعله بس محد علق عشان البنات وصلن ..لطوف كانت متاخره شوي ويزوي وصلت قبلها سلمت وراحت لاخوها وسلمت عليه
محمد: شحالج يزوي
يزوي: بخير الحمدلله عيل ابويه وينه؟
محمد: بيرجع باجر باذن الله
تدخل لطوف وهي مشغوله بالفون كانت محطيه نظارتها الشمسيه ع راسها ورافعه طرف عباتها ومدخلتنها في البنطلون ومرره علاقة شنطتها ع رقبتها ع كتفها الثاني وقفت بنص البهو باجي مسافه صغيره عن الصاله طرشت المسج وحطت الفون في الشنطه وكملت سيرها وصلت للصاله شافته وشافها
لطوف: معقوله حمود هنا
محمد: بشحمه ولحمه
تاحت شنطتها
لطوف: ههااااااي
ركضت صوبه وهو يا صوبها ومد ذراعاته حقها تعلقت فيه وهو رفعها وحضنته بقو بعدين نزلها
محمد: مشتاقلج _بوسها وحضنها بقو _ اه كم مشتاق لهاريحه ..تعالي _مشى وياها ويلسو وهو ماسكنها _ خليني اشبع منج
لطوف: اشك انك تشبع مني
شيخه: الحين اخوج يطرش لنا سلام وياج وماتخبرينا
طالعتها لطوف وكانها الحين بس تذكرت
لطوف:_حطت ايدها ع جبينها_ افف ..السموحه منج يالغاليه تراني نسيت ...صح محمد يسلم عليكم ههههههههااااااااااي ضحك وياها وضربت كفها بكفه وحضنها
محمد: امايه خلج من هالهبله تراها تسولف
لطوف: من الهبله؟
محمد: انا الاهبل خلاص رضيتي
لطوف: شوور ..فديييت هبولتي انا
محمد: يالله عاد ع التدليع الماسخ
لطوف: احلف انته بس اونه ماسخ ..جذاب على قلبك احلى من الشهد يابوجسيم ..الا ماقلتلي شو يايبلي وياك؟
محمد: يايبلج قلبي شرايج بالهديه
لطوف: مش بطاله
شيخه: محمد
محمد: عونج يالغاليه
شيخه: انته من ييت ماشليت ولدك ولويلي بها
ابتسم: مشتاقلها موت عساي مانحرم منها
طالعته وابتسمت ...لطوف هي روح محمد والاغلى عنده من بين كل هله

يلست في حجرتها صورته مافارقت خيالها تبى باي طريقه تبعد صورته من بالها بس ماقدرت كانت تسولف بينها وبين نفسها
منى: معقوله يامنى معقوله حبيتي لا انا بشوا فكر لا لا يامنى انتي عاقله وكبيره تفكرين تفكير مراهقين الله يلعنك يابليس لازم اني انساه لازم

بعيد عن اجواء الامارات وارضها ..هناك حيث الاهرامات والنيل والبحر الاحمر واحياء مصر القديمه واليديده ..بنت تعيش مع اهلها في شقه ..كانت يالسه في غرفتها فاتحه الكمبيوتر وتسولف ع المسن
تدق امها ع الباب وتدخل
هاله: سحر باباكي اتصل وأل حايرجع بكره عيزاه يجبلك حاجه
سحر: ايوه يجبلي صحبتي
هاله: وبعدين بأاه احنا مش أولنا بنطل السيره ديه
سحر: نبطل ايه ..مستحيل انسى كلام مامتها هي اللي فرإت بينا
هاله: خلاص ياسحر مابأش لين حاجه في الامارات
سحر: لا ياماما لينا لينا كرامتنا اللي مسح فيها الارض..هي فكره انها لما تيجي وتهدد بتكون بعدتنا عن بعض لا تبأا غلطانه اللي ما تعرفوش اني لسه بكلم بنتها لغاية دلوأتي
هاله: ليه ياسحر ليه مش عايزين مشاكل مع الناس دوول احنا مش أدوهم
سحر: خليهم في ستين الف دهيه
هاله: انا حروح اشوف الطبخه عن تحتريء ولما يجي باباكي يصرف معاكي بمعرفتو

ييلس مايد في حجرته منسدح ع الشبريه (السرير) ويسجل صوته..هو يحب يسجل القصيد اللي ايي في باله

ياقلب يكفيك كثر التناهيد.....في شف خل عنك اليوم ساهي
تزقره بعالي الصوت وتزيد... وتحن لوروياه لو في المنامي

قطع عليه الالهام دق الباب
مايد: من؟
ساره: انا
مايد: دشي_سحب عمره ويلس_
دشت ساره ووقفت عند الباب
ساره: بترقد؟
مايد: لا
ساره: تقدر تروح ويانا للمكتبه
مايد: ليش ماتروح وياكم الشغاله؟
ساره: والله عاد هاذيل اهلك ..نحن والشغاله ويا الدريول ماينفع
مايد: اييبون دريوليه حرمه
ساره: الدريوليه مب مثل الدريول..وبعدين ابوي يبيه في اشغال وايد
مايد: عيل عمي سيف بناته يسيرن بروحهن ويا الدريول
ساره: عمي سيف غير وابويه غير ..هاه بتسير ويانا ولا؟
مايد: بسير..متى؟
ساره: الحين
مايد: انزين بلحقج_عقب ماطلعت نزل من ع الشبريه_يعني لو يخلوني اسوق مب احسن

يدق موبايله طالعه الرقم غريب وشكله خارجي خمن انه عيسى ولد عمه
مايد: الو
عيسى: السلام عليكم
مايد: وعليكم السلام حيالله عيسى شحالك؟
عيسى: بخير الحمدلله ومن صوبك؟
مايد: بخير ولله الحمد
عيسى: ها سويت ؟
مايد: كلمت بدر واليوم بيشوف عمي
عيسى: ماتقصر يامايد
مايد: عيسى خبرني ليش تسوي هالشي؟
عيسى: ماشي يامايد بس ابى اعيش حياتي واستانس اقو لترا فوني مافيه جرش برمسك بعدين يالله مع السلامه
مايد: عيسى..لا حول ولا قوة الا بالله


في المدرسه وع وقت الفسحه كانت لطوف وامل يالسات في ركن واحد من الممرات
امل: امس كنت اكلم امي وكل كلمه قلتها عنيتج بها
لطوف: وشو قلتي؟
امل: انج قلبي وعمري وحياتي لطوف مادري احس اني عاجزه عن وصف مشاعري وانا وياج احس اني في دنيا غير الدنيا عالم حلو مثل الحلم اللي مابى حد يصحيني منه انتي بالنسبه ليي شي وايد عود وثمين لو فقدته فقدت السعاده بتيتم حتى لو اهلي وياي انتي امي وابوي واخوي واختي وصديقتي وصديقي وحبي اللي اذا راح مني بتروح الروح وياه
لطفوف _وهي تحرك صبوعها ع ويه امل_: تدرين بكلامج هذا تزداد معزتج في قلبي امل انتي بعد تعنيلي شي وايد عود شي حلو وغالي على قلبي امولتي..باجر حفلتج لازم تستعدين لاني متاكده انج بتكونين احلى وحده فيها _تقربت منها اكثر وبوستها _
كانن بنتين مارات و شافنهن
..: روضه طالعي هناك
طالعت : اللي مايستحن وين يتحسبن عمارهن ..والله مابسكت
..: روضه روضه خليهم
سارت صوبهن وراها ربيعتها واول ماوصلت عندهن
روضه: اعتقد هذي مدرسه محترمه
طالعن صوبها امل خافت ولطوف حطت عيونها بعيون روضه ووقفت
لطوف: واعتقد خصوصيات الغير لازم تحترم
روضه: الحين قلة الادب تسمينها خصوصيه
لطوف: والله هذا شي راجعلنا
روضه: والله..اسم الله اشرف واطهر من ان ينذكر على للسان وحده مثلج
ماحست الا بكف ع ويها
لطوف: هذا عشان تحترمين نفسج
كانت تضربها مره ع خدها اليمين ومره ع اليسار
عطتها كف ثاني: وهذا عشان تختارين الفاظج
وكف ثالث ع خدها الثاني: وهذا عشان تتكلمين باسلوب احسن
وكف رابع: وهذا تعرفين مستواج
ومع الكف الخامس طاحت ع الارض: وهذا تذكار مني _طالعت صوب ربيعة روضه وعقب مدت ايدها صوب امل_ حبي
نشت امل وتقربت منها لفتها لطوف بذراعها: مشينا
روضه: وقفي مكانج_نشت واقفه_تظنين الموضوع بيمر جذي ابى اسمج وصفج
لطوف: شو يعني تخوفيني..اوكي ماعندي مانع
امل: لا
لطوف: لا تخافين حبي ماتقدر تسوي شي ..اسمي لطيفه سيف ثالث علمي
روضه: وربيعتج؟
لطوف: اول شي هاي مب ربيعتي ..هذي حبي ..ثاني شي هي مايخصها يخصني انا ثالثا سوي اللي تبينه I don’t care _ضربت لها سلام بصبعين _ بايات
..:شو بتسوين؟
روضه: بخبر الاخصائيات يتصرفن وياها
روضه خبرت الاخصائيات.. في اخصائيتين في المدرسه وحده هي مزنه انسانه طيبه ومتسامحه واي غلط من البنات كانت تتعامل مع الموضوع بهدوء وهي مسؤله عن ثالث ثانوي بقسميه العلمي والادبي ..الثانيه هي وضحى عكس مزنه انسانه عصبيه وكل شي عندها صراخ واوامر البنات يفضلن مزنه لطيبتها وتفهمها ..بعد ماوصلهن اللي صار يت لطوف وياها امل ..

لطوف: خير ابله قالوا انج تبينا
مزنه: هيه ابتكلم وياج انتي وامل
وضحى: لا تقولين بتكلميهن بروحهن الحين بترمسيهن وجدامنا عشان ماينكرن اللي سونه
لطوف: ابله فهمونا شو السالفه عشان نقدر نرد
وضحى: اللي سويتيه وربيعتج اليوم
لطوف: وشو سوينا؟!
وضحى: خبريهن شو سون ياروضه
روضه سكتت وماعلقت
لطوف: الحين بتفهمونا شو السالفه ولا نروح
روضه: انتي تدرين شو اللي سويتيه
لطوف: لا مادري ممكن توضحين؟
روضه: كنتي وربيعتج يالسات تتباوسن
لطوف: وكيف كنا نتباوس ؟
روضه: بالشفايف بعد كيف؟
لطوف: اكيد الوحده بتباوس بشفايفها عيل بيديها؟ ...انزين ماعرف كيف تقصدين ممكن ترويني اياه عملي لاني مافهم بالنظري عشان جي دخلت علمي
روضه: ابله ممكن نروح
لطوف: والله حاله ..هذا يدل على شو اما انج ماشفتي شي او انج تكبرين السالفه او اي شي ثاني وضحي بالضبط كيف كنا نتباوس روضه جاوبي لا تخلينا جذي _تقربت منها_ ممكن تشرحين اذا غلط بقول غلط واذا صح مابنكر ممكن تروينهم كيف مثلي المشهد وانا موافقه اكون وحده منا بس موتوقفين جذي وتقولين كلام محد يدري صجه من جذبه... اذا شافو ثنتين متحاضنات قالوا بينهن شي واذا وحده محطيه راسها ع كتف ربيعتها قالوا يحبن بعض واذا تباوسن طلعوا عليهن اشاعه قولوا كلام متاكدين منه مب تتكلمون مني والطريج

روضه: ابله راسي عورني وابا اروح
لطوف: عذر البليد مسح السبوره ...الحين مترمسه علينا ويايبتنا هني عشان تقولين بتروحين ليش مب يقولون البينه على من ادعى واليمين على من انكر ياللا هاتي بينتج وانا والله ما انكر ..ولا انا غلطانه ؟.......ابله بتقولون ربيعتها وياها هذا مب دليل كافي يوم تحط جدامكم دليل ملموس ترمسو
وضحى: وهي من وين يابت اسمج؟
لطوف: اساليها هي ادرى..مثل السالفه اللي قالتها
روضه: ابله عن اذنكم ماقدر اتحمل
لطوف: بس ابى افهم شو السبب اللي خلاج تقولين هالرمسه؟ .. مع انه في اسباب وايد منها ان الواثق من عمره والذكي لازم يتكلمون عنه بالشين خاصه اذا دوم من الاوائل.
روضه : عن اذنكم
راحت ولحقتها ربيعتها
لطوف: حنا بعد لازم نروح تامرون بشي؟
مزنه: لا
لطوف: عن اذنكم يالله امل
وضحى: صدقتيها؟
مزنه: ماشي دليل بعدين معقوله بس هالبنتين اللي شافنهن يمكن تتبلى عليها
وضحى: مادري ليش قلبي ناغزني من هالبنت

وصلت للبيت وقفت سيارتها قبالة البوابه وعيونها تقدح شرار كانت شنطتها قربها ع الكرسي الثاني ..فتحتها وطلعته ..وقالت وهي تتامله وتبتسم .."واخيرا قربت نهايتك ..ماباجي غير اني اشوف ويهك وفرغ كل اللي فيه فراسك لاني بايعتنها بايعتنها يافهد ياولد امي وابويه هههههههههههه" ردته في الشنطه وفتحت الباب اسحبت شنطتها ونزلت وسكرت الباب ودخلت البيت

يالسه في حجرتها جدام التسريحه وتحرك صبوعها ع خدها ..ماقادره تنسى
روضه: انا اللي محد مد ايده عليي تمديها يالطوف..تظنين انج اذا فلتي من السالفه واني بسكتلج.. والله راح تشوفين شي عمرج ماشفتيه ..اذا ماخليتج تصيحين بدال الدمع دم وتكرهين نفسج وتلعنين الساعه اللي ييتي فيها للدنيا ماكون روضه





ياترى فهد يسوي هذا لمصلحته ولا عشان بنت اخوه؟

محمد ليش عامل حرمته بهالاسلوب ..شو اللي صاير بينهم؟

منال ليش رافضه تتزوج وشفيه بياثر زواجها ع اللي تخططله؟

من هي صديقة سحر وليش امها فرقت بينهم؟

من هو ابراهيم وهل بتطور علاقته مع منى ولا بس اسم مر في القصه؟

بدور من وين يابت المسدس وهل بتنفذ اللي في راسها ؟ وامها تصيح عشان درت عن اللي ناويه عليه بنتها ولا عشان شي ثاني؟

روضه على شو ناويه وهل بتنجح ؟



قراءة ممتعة وانشالله تعجبكم القصة

وتصبحون على ألف خير باكر أكمل لكم النقل

السلام عليكم ورحمة الله وبركاته



البارت الخامس



خلصت من صلاتها وطوت سجادة الصلاه ..سمعت ضرب خفيف ع الباب
شيخه: تفضل
ينفتح الباب كانت لطوف سكرت الباب ودخلت
لطوف: امايه
شيخه: خير يا ميه في شي؟
لطوف: اريد رقم مدام تولين
شيخه: وش تبين فيه ؟
لطوف : اباه
شيخه: بتحصلينه في التلفون
راحت للكوميدينا وخذ ت الفون ودورت فيه بعدين رسلت الرقم على موبايلها وردته
لطوف: مشكوره يالغاليه عن اذنج
شيخه: لطيفه
التفتت صوبها وشافت نظره حانيه من امها
لطوف: خير يالغاليه امري
شيخه: انتبهي لعمرج
ابتسمت : بس هذا.. لا تخافين منتبهه لنفسي زين _طيرتلها محبه وطلعت

عقب ماطلعت من عند امها راحت لحجرتها وتصلت بمدام تولين وهي مديرة واحد من الصالونات
لطوف: الو مرحبا
مدام تولين: اهلين وسهلين امري حبيبتي
لطوف: وياج لطيفه بنت السيده شيخه حرم سيف الــ...
مدام تولين: اهلين وسهلين كيفك وكيف الماما ان شاء الله بخير؟
لطوف: بخير..مدام تولين اريد حجز لحمام مغربي ومكياج وتسريحه ..مابين الساعه 4-6
مدام تولين: بس يكره في هالؤت في زباين
لطوف: لمناسبه ضروريه؟
مدام تولين: لا بس...
لطوف: سويلهم خصم ونزليلهم القيمه واجليلهم الموعد وانا راح ادفعلج اللي خسرتيه.. ..عندي مناسبه ضروريه
مدام تولين: خلص مثل مابدك
لطوف: وبالنسبه للمكياج والشعر راح ايي باجر ونتفق
مدام تولين: اوكي...باي مع السلامه ...ناس تشتري اي شي بالفلوس

كانت خوله في الصاله اللي فوق يالسه تقرا قصه انجليزيه اتي حنان وتوقف
حنان: خوله
رفعت راسها صوبها: نعم
حنان: شوالسالفه
عقدت حواجبها مب فاهمه قصد حنان: اي سالفه؟!
حنان: سالفة العايله الكريمه اللي عايشه بينهم
خوله: انا مب فاهمه شو قصدج بالضبط
حنان: نسيت ان الكل يغطي ع بعض... ياجوركم
خوله ماعيبها كلامها فنشت ومشت واول مابغت تمر من قربها
حنان: الا اخوج شوفيه؟
لفت صوبها: مادري عنه
حنان: ليش انتي مب من هالبيت
بدت خوله تتحسس من كلامها
خوله: انزين ليش تكلميني بهالطريقه؟
حنان: وكيف تبيني اكلمج فهميني _دمعت عيون خوله_ الحين ليش تصيحين ؟
خوله: انا سويت عشان تعامليني جي شو ذنبي؟
حنان: كلكم مثل بعض انتي وخواتج وخوانج وامج وابوج كلكم شايفين نفسكم ومغترين بثروتكم
كانت لطوف ماره وشافتهن ويت صوبهن ووقفت ورى خوله
لطوف: خوالي شفيج _ خزت حنان بنظره _ حنانوه سويتيلها؟
حنان: مب شغلج
لطوف: الا شغلي هذي اختي ولا رضى تغلطين عليها ..حنانوه قتلج ورجع واقول اذا بغيتي تمين في العز احسلج تحترمين نفسج والا تجمعين اغراضج وورقة طلاقج بتوصلج انتي سامعه وهذي اخر مره تكلمين خوله بهالطريقه انتي فاهمه وياويلج اذا جربتي منها
عطتها نظره وراحت ..وقفت جدام اختها ومسحتلها دموعها
لطوف: ماعليج من كلام هالغبيه تراها بس لسان بس ولا يهمج اذا رمستج خبريني وبرويج فيها المهم الحين تنسين كلامها اللي شرات ويها _بوستها على خدها_ يالله سيات
راحت خوله لغرفة ريم ..كانت ريم يالسه جدام التسرحه دخلت بدون مادق ع الباب انتبهت ريم للضيق اللي ع ويه اختها
ريم: خوله بلاج؟
مشت ويلست ع طرف السرير..قالت والدمع في عيونها
خوله: ليش انا جذي حتى صرت مافرق من منا الاكبر ومن الاصغر
لفت صوبها: خوله والله مب فاهمه شي شو السالفه
خوله: حنان سمعتني كلام وماقدرت ارد عليها بس لطوف ماسكتت لها مادري لي شانا ضعيفه اختي الاصغر عني دافع عني
ريم: خوله مشكلتج الحساسيه الزايده خليها عنج
خوله: ماقدر صار جزء مني
ريم: والله هاي عاد مشكلتج حليها بمعرفتج بس قلتلج ودري الحساسيه شوي
حست ان اختها مب مهتمه لها ولمشاعرها ..يلست شوي وبعدين راحت

يلست جدام المرايه تسرح شعرها ولابسه بيجامه رفعت شعرها وربطته بعدين خذ موبايلها وتصلت
اسما: الو ..هلا منور شحالج وشحال العيال؟
منيره: بخير الحمدلله مشتاقين لخالتهم الا ماتسال
كانت بترد ع ردها بس تراجعت
اسما: شسوي الدراسه ..المهم ابويه خبرني انج تبيني في سالفه
منيره: لا سالفه ولا شي بس بغيت اطمن عليج ونشد عن احوالج
اسما: الحمدلله كل شي تمام
منيره: اسما
اسما: خير
منيره: شهريتج يتج؟
استغربت من سؤالها: ليش السؤال؟!
منيره: انتي بس خبريني يتج ولا بعدها؟
اسما: باجيلها 11 يوم وبتيني ..بس ليش تسالين؟!
منيره: يعني الشهر اللي خطف يتج؟
اسما: هيه
منيره: الحمدلله
اسما: منور شو هناك؟
منيره: ماشي بس كنت اتذكر وحده منكن _قصدها كل خواتها_ كانت تتاخر شهريتها .. طولت عليج
اسما: سلمي ع ريلج وحبيلي عيالج
منيره: ان شاء الله يوصل ..يالله مع السلامه
اسما: مع السلامه
بعدها مستغربه من سؤال اختها بس مابغت تفكر فيه ..قامت وطلعت من حجرتها ونزلت كان ابوها يالس في الصاله تجدمت ومست عليه وحبته ويلست قربه
احمد: طولتي
اسما: كلمت منور
احمد: وشخبارها؟
اسما: الحمدلله بخير
احمد: الحمدلله...مجهزه كل شي للحفله؟
اسما: هيه بس باجي كمن غرض بشريهم باجر الصبح
احمد: يعني باجر مطرود من البيت
اسما: افااااا ماعاش من يطردك بس تعرف ..
احمد: لا تكملين...قومي حطي الفيلم اللي يايبنه
اسما: ان شاااء الله
حطت الفيلم وشغلته وبعدين يلست قربه رفعت ريولها ع القنفه وحطت راسها ع ذراعه..رفع ذراعه ع القنفه وحطت راسها ع صدره ..شوي ونامت طالعه بنظره حانيه حطي الريموت ع الطاوله وقام وشلها وداها فوق ..بعيد شوي عن الصاله كانت الشغاله تراقب وبايدها موبايل اتصلت وتكلمت بصوت واطي
الشغاله: بابا اهمد شل اسما وداها فوق اشانهو في نوم..انا مايدري..الهين انا ياخز ملابس ويروه فوق يشوف ..اوكي..اوكي..

في مصر...
محمود: مامتك التلي ع كل حاجه
سحر: انا مابعملش حاجه غلط...فيها ايه لما اكلم صحبتي
محمود: بتساليني انا فيها ايه؟.. فيها كتير يابنتي.. كتير اوي..بسبب اهل صحبتك باباكي كان حيدرفد من الشغل وكنتو حتدبهدلو
سحر: بس هي مالهاش زنب
محمود: عارف انكم مالكمش زنب بس الناس دوول كانو عيبيعو فينا وحيشترو ز ي ماهما عيزين ..اسمعيني ياسحر من النهرده تأطعي علائتك بالبنت ديه مش عايزك تكلميها مفهوم
سحر: بس يابابا...
محمود: مافيش حاجه اسمها بس ومتنأشنيش (لا تناقشيني) في الموضوع ده
سحر: حاضر عن ازنكم حروح انام تصبحوا على خير
محمود: وانتي من اهلو
هاله: شايف يامحمود عمايل بنتك
محمود: معليش ياهاله خوديها بالسياسه البت لسه صغيره ومش فاهمه باللي يدور حواليها

كانت يالسه في سيارتها تترقب ..موقفه سيارتها قرب سور الفيلا ع مسافه من البوابه..طلعن ثنتين وحده راحت لسيارتها والثانيه يت صوبها فتحت الباب وركبت
امل: سلام
بدور: وعليكم السلام
امل: شحالج بدور؟
بدور: تمام
امل: ليش هي الحفله متى بتبدا
بدور: المسا ..بس في مشوار بتسوينه قبل لحفله
امل: وين؟ّ!
بدور: وين خليها لبعدين
راحن ع بيت اسوم ..نزلت بدور وطلبت من امل تيلس تترياها وماتنزل ..راحت بدور وبعدين يت اسما وركبت
امل: الحين شو سالفتكم انتو ؟!
اسما: حبيبتي لا تستعيلين بس في سبرايز صغيرونه لج
امل: بدور تقول مشوار وانتي تقولين سبرايز حيرتوني
اسما: بعد شوي بتعرفين

سيف وخوانه تعودو كل جمعه يكون الغدا في بيت واحد منهم ..والجمعه هذي من نصيب سعيد ..كانت لطوف تنتظر اتصال من اسما عشان تخبرها..اخيرا وصلها اتصال من اسما..وكانت متصله ع السواق ايي يوصلها ..ترخص منهم وطلعت وراحت ع الصالون كانت اسما تترياها داخل ..عقب ماسلمن ع بعض
لطوف: وين حبي؟
اسما: تسوي حمام مغربي
عقب يت مدام تولين وسلمت ع لطوف راحت ترويها التسريحات والمكياج ..كانن يتفرجن ع الكتلوجات
اسما: لطوف شوفي شرايج حلو صح؟
لطوف: اشوف...حلو بس وايد اوفر مايناسب امول
همستلها: مايناسب امول ولا انتي
لطوف: حياتي اعرف زين شو اللي يناسب امول وشو اللي مايناسبها
اتي صوبهن تولين
ها صبايا رسيتو على شي؟
لطوف: هذا ..بس المكياج يكون اخف من جي..يكون هادي وناعم ويعطيها سنها
مدام تولين: طيب
قامت لطوف واقفه: اوكي ..بروح الحين اشوفكم في الحفله..اسوم تراني اعتمد عليج
اسوم: اعتمدي
لبست نظارتها الشمسيه: اوكي سيات
اسوم: سيات

هاجر ماراحت مع اهلها لبيت عمها..اول ماصلو للبيت راحت ليلى تشوفها ..كانت يالسه ع السرير واللاب جدامها ع المخده تدخل ليلى عقب مادقت ع الباب
ليلى: السلام عليكم
هاجر: وعليكم السلام
ليلى: بنات عمومتج سألن عنج
هاجر: سألت عنهن العافيه..قلتلكم عندي بحث ويبيله معلومات
ليلى: هاجر ترى حالج مب عايبني قبل كنتي تنقدين ع سلامه يوم تيلس ع اللاب الحين تغير الوضع
هاجر: اذا عشان اني ماسرت وياكم المره اليايه بسير
ليلى: لا تعبين عمرج المره اليايه العزيمه عندنا بخليج تخلصين بحثج بس لا تنسين تاخذين برييك وتيلسين ويانا
هاجر: ان شاء الله

في بيت اسما بدت الحفله ..الكل مستانس بالغنى والرقص والاكل واكثر حد كانت امل اللي فرحانه باللي سونه لها ربايعها كانت يالسه ويا لطوف بروحهم
امل: مادري شوا قول حجزتيلي في الصالون وشريتيلي ملابس ..هذا وايد
لطوف: هذا ولا شي حبيبي المهم الحين انج تستانسين لانها حفلتج
امل: اي مكان اكون وياج فيه اكون اسعد انسانه
لطوف: حبيبي
في مكان ثاني من الحفله توقف اسما واتي صوبها مهره
مهره: ماشاء الله وايدات اللي ين انتي كم عازمه؟
اسما: شدراني اللي شفتها جدامي عزمتها
طالعت مهره صوب امل ولطوف: طالعي طيور الحب
طالعت اسما لمكان ثاني: وشوفي هناك غراب البين
مهره:هههههههه قصدج شموس؟
اسما: هيه ماحبها كريهه مادري كيف بدور متحملتنها طالعي كيف لاصقه فيها
مهره: ههههههههه والله صج انا بعد ماحبها..من هذي اللي يت الحين؟
اسما: الحين صج بتبدا الحفله ..هذي احلام
احلام او حلوم بنت مشاغبه تحب الضحك وكل شي عندها هبال هي صديقة بدور ولطوف من ايام الابتدائي الكل يحبها ويستانس ع سوالفها.. دخلت واشرت بايدها
حلوم: السلام عليكم ياعرب
..: وعليكم السلام
حلوم: بدور حبيب قلبي _راحتلها وسلمت عليها_ وينج لا تسالين ولا تتخبرين نسيتينا ها؟
بدور: لا انتي تنسين؟ مستحيل بس تعرفين الدراسه
حلوم: ياحبج للمغثه نحن فحفله ويايبه سيرة الدراسه..... الا وينها ؟
بدور: قصدج لطوف؟
حلوم: هيه عن يكون مايت؟
بدور: الا يت ..هناك_اشرت لها عليها_
حلوم: ياخي هالطوف كل يوم تزداد حلا .._حطت ايدها ع كتف بدور _سبحان اللي خلقها ايه من اياته ع الارض شو في النحر اللي يذوبج وياه ولا الخشم اللي نازل كانه سلة سيف والحواجب اللي مجمله عيونها العسليه اللي فيهم لمعه ونظره ذباحه ولا الشفايف ياويلي اموت في التوت والابتسامه الرهيبه والشعر الاسود والويه اللي ماشفت مثله
بدور: بس عن تحسديها
حلوم: اي احسدها لا تخافين انا مب حسوده ..تعالي ابى اسلم عليها امشي_سحبتها بايدها ومشت وياها وتمت شموس واقفه بروحه ومعصبه_

مهره : اسوم وين الحمام
اسما: روحي مناك بعدين لفي يمين وبتحصلينه
مهره: اوكي
هلا كانت من المعزومين للحفله بحكم انها ربيعة اسما بس يت متاخره شوي..يت صوب اسما وسلمت عليها
اسما: تاخرتي؟
هلا : كله من اخوي ساعه لين وافق يوصلني
اسما: مريم مايت مع اني عزمتها
هلا: اتصلت عليها قالت مابتي
اسما: مريم هاي سالفتها سالفه
هلا: عرفت من قريبتها اللي ويانا في المدرسه ان مريم عندها اخت مينونه
اسما: الله يعينها
هلا: الله يعين الجميع...حفلتكم حلوه
اسما: اكيد لازم تكون حلوه لاني منظمتنها
هلا: ياليتني ماقلت شي

وهي طالعه من الحمام التقت بنت تعرفها
سميه: مهره
ستغربت انها تشوفها : هلا سميه
سميه: كنج ضايجتي من شفتيني
مهره: لا ابد عن اذنج
سميه: ربيعاتج يعرفون بالسالفه؟
مهره: اي سالفه؟!
سميه: انتي ادرى ..ماخبرتيهم صح؟
مهره: هذا مايخصج
سميه: هههههه لين متى بتمين ع هالحال مامليتي؟ ...تخيلي لو ربيعاتج عرفوا كيف بتكون ردت فعلهم
مهره: سميه خليج في حالج
سميه: ع فكره بننقل لبيت يديد وع الفصل الياي بكون في مدرستج في اكثر من مدرسه بس انا خترت مدرستج...لا تخافين مابخبرهم عنج
مهره: مو مهم عندي عرفوا ولا لا
سميه: عيل ليش ماقالتيلهم من البدايه دامه مايهمج؟...الا يهمج ونص ومبين عليج
مهره: ماريد اضيع وقتي ويا وحده مثلج
راحت مهره وتمت سميه طالعها
سميه: هذا انتي يامهره ماتغيرتي ..بس ليش ما استغل السر اللي عندج ههههههههه

منى بعدها تفكر بالدكتور ابراهيم ومب قادره تنسى ملامحه اللي جذبتها كانت موقفه سيارتها قرب البنايه اللي فيها عيادته ..فكره تاخذها وفكره تيبها ..تنزل ولا ماتنزل شو السبب اللي بتخليه عذر تبرر به زيارتها حقه ..مالقت غير انها تقوله انها يت تطمن ع اختها ..نزلت ودخلت وقفت قرب اللفت بس التردد مانعنها تراجعت عن قرارها ..وهي طالعه من المدخل وقفت سيارة بورش رياضيه سوده ونزل منها واحد هو الدكتور ابراهيم شافها وبينت ع ويهه ابتسامه
الدكتور ابراهيم: السلام عليكم
منى: وعليكم السلام...يت اطمن ع اختي
ابراهيم: حياج داخل تفضلي
وصلوا للفت وفتحه لها ودخلت
ابراهيم: نتلاقا بالعياده
سكر اللفت وطلع بالدري

فتحت شنطتها وطلعت كتاب الاحياء ..وهي تقلب فيه حصلت ورقه صغيره ..فتحتها وقرت اللي مكتوب
"صباح الخير...انا وياج في المدرسه .اسمي عنود....عيد ميلاد بنت عمي الليله ومن كثر ماكلمتها عنج طلبت مني اعزمج .....ارجوج لا ترفضين ..كتبت رقم تلفونا ...اتريا اتصالج "
امل: لطوف
لطوف: هلا
امل: شو هالورقه؟
لطوف: ماشي ..لا تهتمين

كان يفكر ويمشي رايح راد في شي شاغل تفكيره ..كان وياه ربيعه ..
منصور: والحل
عيسى: اصبر شوي...اتصلت على اهلي بيطرشون الفلوس
تجدم منه ويلس
منصور: عيسى اتصل عليهم وتاكد
عيسى: منصور بسك محاتاه ياخي اصبر
منصور: ماشي حل غير اللي قلتلك اياه
عيسى: لا مب هذا الحل خلنا نصبر شوي
منصور: انزين ياعيسى بس في حال تاخروا ماجدامنا غيره واللي فيها فيها
عيسى (بينه وبين نفسه) ياخوفي يامنصور تورطنا في مصيبه


خذتها الذكرى لذاك اليوم اللي فيه ودعت اغلى انسانه ع قلبها ..تذكرت كيف ان امها كانت مضايجه من تصرفها كيف انها تصرفت كاطفله تبى بس اللي في راسها ..عصبت عليها وصرخت في ويها زعلت من امها ركبت السياره وهي ماده البوز ولا تكلمت وياها راحن السوق وطلعن وهي معصبه
وفي لحظه فقدت امها السيطره ع السياره وصار الحادث حزنت وزاد حزنها يوم درت ان امها شترت لها الغرض اللي كانت تحن تباه ..نزلت دمعه على خدها بارده بس نابعه من قلب يحترق الم.

يلست وياه في المكتب ..طمنها على اختها وانها مافيها شي ..بس اذا حبت تطمن اكثر تقدر تاخذها للمستشفى بيسوولها فحوصات مكثفه ...حس في داخله بشي صوبها مشاعر تحركت في داخله..تمنى انها طول بس هو ملزم بمواعيد ماتاخرت عنده وراحت ..


وصلت البيت واول مره ماترقد العصر دخلت حجرتها وتاحت شنطتها ع لكرسي وطلعت لها ملابس ودخلت الحمام خذت شوار وطلعت فتحت شنطتها وطلعت فونها والورقه واتصلت .. ردت عليها عنود وكلمتها وخذت منها العنوان ..بعدين تصلت ع بدور وخبرتها انها مابتطلع وياهم الليله وقالتلها السبب بس بدور اصرت انها توصلها بنفسها وحددت الساعه اللي بتي تاخذها فيها

في غرفه مب بعيده عن غرفة لطوف كانت خوله تفكر في نفسها وفي حالها الكابوس صارله يومين مفتكه منه بس كانت تفكر ليش في اخر مره ""يوم كانت ع البلكونه"" حلمت بنفسها مع انها كانت تحلم بخواتها وامها وابوها بس هالمره حلمت بعمرها يترى شو معناه هالكابوس ؟ سؤال صارله مده يتكرر في راسها وتترجى من ربها انه يكون خير لها

تعلقت بالقروب حتى انها سوت ايميل خاص له بروحه ..صارت ترمس في القروب اكثر من سوالفها مع ربيعاتها اللي شدها في القروب واحد من الاعضاء اللي دايم يسولف لها عن نفسه وعن مشاكله
صارت هند حبيست القروب وتضايق اذا ماشافته وتخمن انه صاير وياه شي.


ماحبت تسير بايد فاضيه مرت ع السوق وخذت هديه ..كانت بدور ناويه تخليها وتروح بس يوم شافت البيت قررت تترياها..البيت مبين عليه جديم وايد ..عنود خبرتها ان الحفله بتكون في بيت يدتها اللي توفت عشان ياخذن راحتهن وبيكونن امهاتن وياهن ..بدور كانت خايفه مب مطمنه بس لطوف طمنتها وقالت انها مابتتاخر ..نزلت وراحت صوب البيت دقت الجرس وفتحت لها الشغاله ودخلت وياها كان المكان هادي دخلت وياها للميلس المخصص للحريم محد كان موجود وطلعت تصلت عليها عنود وخبرتها انها بتوصل جريب..سكرت عنها مرت خمس دقايق ..نفتح الباب ..طالعت صوبه باستغراب


....: هلا والله



من هي صديقة سحر وليش اهلها هددوا اهل سحر ومنعو بنتهم عنها؟

شو الهدف من ورى سؤال منيره لاختها عن الشهريه؟ ومن كانت تكلم الشغاله وليش؟

نوره لين متى بتم تتالم من ذكرى الحادث وشو بيصير وياها؟

منى وابراهيم هل بيجمعهم القدر مره ثانيه ؟

مهره شو السر اللي خافيتنه عن ربيعاتها واللي بس سميه تعرفه؟

ليلى ليش شايله هم اختها هاجر وهل وراها سر محد يعرفه غير هاجر؟

هند ليش متعلقه هالكثر بقصة الشاب اللي ع القروب وشو سالفته؟

شو اللي يخططله ربيع عيسى ويريد عيسى وياه في السالفه؟

لطوف شو بيصير وياها في ذاك البيت ومن اللي دخل عليها؟



يـــــــــــــــــــــــــــــــــــــــــــــــــ ـــتــــــــــــــبــــــــــــــــــع

البارت السادس


كانت يالسه ع ركبها ومنحنيه لجدام وسانده يديها ع الارض وشعرها كله نازل ومغطي ويها ..كان مبين عليها التعب كانت تشاهق مثل اللي داخل في سباق جري..وجسمها يسبح من العرق ..ذابله ضعيفه حالها مبهدل رن موبايلها اللي جدامها ..مافيها حيل تشله وترد ..منهاره مب قادره تصلب جسمها مثل اللي صايبتنه حمى ..ومع كل اللي حاسه فيه مدت ايدها وسحبت شيلتها اللي طايحه ع الارض وخذ ت موبايلها وقامت بطء ..كانت تترنح في مشيتها شوي كانت بتتعثر ..وعباتها اللي نازله لنص ذراعها ..سحبت نفسها لبرع ..حست انها بتزوع_ترجع_ ..تجدمت من شجره في الحوش ونزلت ..ورجعت..ورجعت ..هي اللي عمرها ماقالت الاه ..اللي يشوفها ع هالحال بيحس انها تقولها..قامت وهي كلها تعب وصلت باب الحوش وفتحته ..ماقدرت تطلع وسندت عليه وعينها ع السياره ..كانت مشغوله بالموبايل بعدين طالعت وشافتها وسعن عيونها وبدا عليها الخوف ..شهقت

بدور: لطوووووف
نزلت بسرعه وركضت صوبها مسكتها قبل ماطيح ..ونزلت وياها وهي بين يدها
بدور: لطووف..لطوف شو فيج؟
بصوت واطي: عطشانه
شلتها وبسرعه ع السياره ...وقفت عند دكان نزلت وخذت ماي ورجعت بسرعه سقتها وغسلت لها ويها ..شافتها تعبانه ماحبت تسالها عن شي
بعدين وصلتها للبيت....دخلت حجرتها ...رقد ع السرير ونسدحت ع بطنها ..لا غيرت ملابسها ولا فصخت جوتيها ..ومن التعب نامت

" شو اللي صار وياها في ذاك البيت...لا مستحيل..مابتخلي حد يجيسها ..بس.. ..اذا كان صج اللي في بالي..والله..والله ماراح ارحمهم .." هذا اللي كان يدور في عقل بدور وهي راده بالسياره حتى انها مانتبهت انها اقطعت الاشاره وهي حمره ..الا يوم طالعت المرايه وشافت سيارة الشرطه وراها بس كانت بينهم مسافه بعيده
بدور بعصبيه: ناقصتنكم انتو بعد_ربطت الحزام_....اذا فيكم خير لحقوبي
زادت من السرعه والدوريه بعد ..هي جدام وهم وراها ..ادخلت طريق فرعي.. يوصل منطقه سكنيه دخلت وشافت بوابة واحد من البيوت مفتوحه دخلت الرنج فيه طفت الليتات ويلست ..مر وقت قصير بعدين شغلت السياره وطلعت من البيت وروحت..

في بيت سيف الساعه 6 الصبح بتوقيت الامارات ...كالمعتاد خواتها يالسات يتريقن (يفطرن) وياهن امهن ماعدا هي ..راحت منى تشوفها قبل ما اتي ريم و تبدا بالموشح .. كانت ع نومتها من البارحه ولا تحركت ..دخلت منى اللي ستغربت انها نايمه والليت مولع ..طالعت صوب السرير وشافتها ..وسارت لها توعيها
منى: لطوف لطوف كيف نايمه جي ..لطوف ..لطوف_خافت ..غريبه نومها ثقيل بهالشكل _ بسم الله عليج ..لطوف
فتحت عيونها بثقل وقالت: منى ابا ارقد
منى: لطوف شي يعورج؟
لطوف: بس ابى ارقد
حطت ايدها ع جبينها
منى: بسم الله عليج ..بعدين بنروح المستشفى
لطوف: مابى بس ابى ارقد
منى: يعني مابداومين؟
لطوف اللي قلبها متعلق بالمدرسه ولا يوم غابت حتى يوم تكون مريضه واليوم وع غير العاده قررت ماداوم ..
لطوف: لا
مني : انزين رقدي بييي اشوفج بعدين
نزلت من ع الشبريه(السرير)..ولفت وطلعت من الجانب الثاني عشان السرير عود_لان الحجره كبيره وايد ومايناسبها سرير صغير. _ .. وفصخت جوتي لطوف ..بعدين يابت لحاف ولحفتها ..وبندت الليت وطلعت ..مابغت تخبر امها عنها لانها تعرف ان امها بتقلق ..وقبل ماتتكلم ريم طلبت منهن يروحن وهي بتوصل لطوف ..راحن خواتها ومنى تحاتي اختها اللي ماتعرف شو فيها.

التليفون يرن ويرن ومحد يشله ..عود وتصل مره ثانيه
...: غريبه انها ماترد ...من البارحه وانا اتصل وهي ماترد..اكيد هي الحين في المدرسه ..انزين والبارحه وين كانت..والله انها انسانه غريبه ..يالله بعدين برد اتصل عليها ..افف ..والله شي يقهر ..مو مهم ياخبر بفلوس ..

دخل للبيت ويصارخ باعلى صوته
مبارك: عفرا..عفرا
دخل لصاله كان الريوق بعده محطاي والقهوه والشاي ..يلس ياكل بعدين غسل وخذ فنجان وصب قهوه ويلس يتقهوي ..يت عفرا
عفرا: السلام عليكم
مبارك: ساعه وانا ازقر
عفرا: كنت في المطبخ ماسمعتك
مبارك: شخبار العيال؟
عفرا: الحمدلله بخير
مبارك: وبنتج الخبله وينها؟
عفرا: راقده
مبارك: بعدها تصفع اختها ؟
عفرا: مب في وعيها
مبارك: بوديها مستشفى الميانين
عفرا: بنتي ماتروح مستشفى الميانين هي بس حاله واتيها بس مافيها شي
مبارك: حاله بس ولدج خبرني انها بغت تجتل مريم لو ماخوزها(بعدها) عنها
عفرا: قلتلك مافيها شي وهو يبالغ
نش واقف: انزين بس اذا صار شي انتي المسؤله انا ساير العزبه يالله نسلم عليج
عفرا: مع السلامه

في وقت الفسحه كانن البنات متجمعات ماعدا لطوف
مهره: ليش غايبه؟
اسما: دقيت ع فونها بس ماترد
امل اللي قلبها يحاتي لطوف: اسما ردي دقي عليها والله قلبي يعورني
بدور: يمكن هي مرضت.... اليوم العصر بروح اشوفها
اسما: عقب الدوام على طول بسير اشوفها
بدور: لا خلوني اروح لها بروحي وبطمنكم عليها.._تكلم امل_ وبخليها تكلمج
امل: اوكي
اتي صوبهن شموس
شموس: هاي صبايا
..: هلا
شموس: بدور ممكن
قامت بدور وراحت وياها..
مهره وهي مقهوره منها قالت تعيب عليها: بدور ممكن ..كريييييييهه
اسما: بس اعرف بدور من صجها
امل: ياربي والله خايفه
مهره: اموول لا تحاتين هي بخير بس تختبر غلاتها ..
بدور تمشي مع شموس وبالها في مكان ثاني
شموس: بدوري شفيج؟
بدور: مافيني شي ..الا شو تبين؟
شموس: بس اريد اسولف وياج اليوم كله مطنشتني حبيبي شو مضايجنج ؟
بدور: مب مضايجه من شي
شموس: بس شكلج مضايجه.... حبيبتي خبريني..... بدووور_ وهي تبى تلمس شعرها_
بدور بعدت راسها عنها: شموس خلاص عاد..صدعتي راسي
شموس: بدووور ليش تصرخين عليي انا ضايجتج بشي؟ كدرت خاطرج؟ زعلتج؟ سويت شي ؟
بدور: لا بس مادري شو فيني
شموس: مب الا انتي حتى الباجيين..لطوف غايبه اليوم صح؟
بدور: هيه
شموس: ليش؟
بدور: مادري بس العصر بروح عندها وبشوفها
لوت بوزها: انزين حبيبتي شرايج عقب ماتزورينها تمريني ونروح شوبنق وبعدين نروح نتعشى..بدور نفسي نطلع مع بعض ..انا متاكده امي مابتمانع وابويه مسافر واخواني ما لهم راي عقب موافقة امايه..ها شقلتي؟
بدور: خلينا ناجلها ليوم ثاني
شموس: عشان لطوف؟
بدور: لا بس خواني عندهم امتحانات ولازم ادرسهم عشان جي خلينا ناجلها
شموس: خلاص بس لا تبطين عليه
بدور: لا توصين

ردت منى للبيت راجعه من مقابله للشغل ..قبل ماتطلع ماخبرت حد عن لطوف..حتى الشغالات ماعطتهن خبر وطلبت منهن مايدخلن الغرفه عشان لطوف طلبت هالشي...طلعت باللفت ..وسيده ع حجرة اختها ..طوال الوقت كانت تحاتيها..دخلت وشغلت الليت..بعدها ع نومتها ..خافت وسارت صوبها طلعت ع السرير ونحنت عليها
منى: لطوف ..لطوف شفيج؟..بشو حاسه
لطوف: جسمي مخدر
منى: قومي باخذج للمستشفى
لطوف: مابى
منى: حبيبتي شفيج؟
لطوف: منى خليني يوم اصير زينه بنش
بدت تمسح ع شعرها بحنيه: انزين شرايج اجهزلج البانيو وبسويلج حمام ساونا لاني عارفه انج ولا مره سويتيه وبتشوفين اذا ماراح كل هالتعب الا اذا كنتي تستحين مني؟
اتسمت لطوف: اكيد لا.. بس مالي خلق شي
منى: حبيبتي شو اللي صارلج؟
لطوف: ماشي بس حاسه بخمول وماريد اقوم.. منى خليني ترا والله مالي خاطر في شي
منى: لا حول ولا قوة الا بالله انزين خلاص بخليج ترتاحين _باستها ..بعدين راحت عنها


محمد هو اليد اليمين لابوه في كل اعماله وهو مكانه في كل اللي يخص العايله في غيابه...سيف ضطر يسافر مره ثانيه عشان شغله مباشره عقب عزومة يوم الجمعه اللي كانت في بيت اخوه سعيد ..كان محمد يالس في مكتب ابوه بالشركه ..اتصل عليه سيف
محمد: هلا ابويه ..شحالك؟
سيف وهو يالس بالفندق: هلا محمد..طمني شو اخبار الشغل؟
محمد: الحمدلله كل شي تمام ..من شوي اتصلو من الجمارك وبلغونا ان الشحنه وصلت والشحنه الثانيه بتوصل بغضون ثلاثة ايام
سيف: ان شاء الله...وخبار امك وخوانك؟
محمد: الحمدلله كلهم بخير ومنتظرين تردلنا بالسلامه
سيف: ان شاء الله...يعني مب ناقصنكم شي؟
محمد: بس شوفتك ..
سيف: ان شاء الله بتشوفوني جريب...بخليك تشوف شغلك
محمد: تسلم
سيف: يالله في امان الله.....مع السلامه ..._عقب ماسكر عن ولده..تنهد_ الحمدلله انهم بخير ....لازم ارد الليله للبلاد
اتصل ع سكرتيره اللي ياي وياه وطلب منه يحجزله ع طياره خاصه عشان عزم يرجع للامارات



...: اتصلت اكثر من عشر مرات وين كنتي؟
...: بعد وين بكون في المدرسه...بس ليش متصل؟
..: اطمن
...: على ضحيتك ؟
...: مسرع ماسميتيها ضحيه
..: انتى اللي سويته فيها شويه ؟
...: ولو بايدي بسوي فيها اكثر من اللي سويته ..لان اللي مثلها ولا شي جدامي فلا تيلسين دافعين عنها وتسوين فيها صديقتها
...: صج انك ماتستحي
...: شوفي عاد لا تسوين فيها شريفه ..انتي تعرفين بكل شي فلا تخليني ااذيج ..لانج تعرفين زين شو يعني توصل السالفه لاهلكم ..وتصير سمعنكم في الطين ...خاصه هي بنت الحسب بنت الــ... ههههههههههه
..: نذل وربي انك نذل
..:ههههههههههههههههههههههههههه ...نذل اوكي نذل بس اذا شفتيها بلغيها ان مانع يهديها السلام ..سلام يا حلوه
...: حقيييييييييييير...لكن والله ماراح اسكت لك... بتخلي سمعتي في الطين..تخسي لا انته ولا عشر من امثالك يقربون صوبي
وقت العصر...بدور يت تشوف لطوف وتطمن عليها فتحتلها وحده من الشغالات ..بدور ابد ماشافت بيت لطوف من داخل ..بس اللهم تشوف الممر من البوابه للبيت..كانت تتلفت يمين وشمال ..طلعت مع الشغاله باللفت ..وصلتها لباب الحجره وراحت ..طالعت الصاله الصغيره التابعه للحجره وبلكونه صغيره مسكره طالعت باب الحجره وقالت في نفسها "إذا باب الحجره جي عيل الحجره كيف...والله انج عايشه في جنه يالطوف _قالتها من باب الغبطه مب الحسد_ ..تجدمت وفتحت الباب ودخلت ..انبهرت بالحجره الكبيييره والتصميم اللي ياخذ العقل والاثاث اللي يضفي عليها جمال ..يت عينها ع السرير وشافتها نايمه
بدور بصوت هادي: لطوف
مشت صوبها وطلعت ع السرير وتقربت منها ونحنت عليها
بدور: لطوف..لطوف_شافت طرف القميص..رفعت اللحاف.._ شو هذا انتي ماغيرتي ملابسج من البارحه.._لاحتها صوبها_ لطوف
لطوف: بدور
بدور: بلاج ؟
لطوف: كسلانه ومالي خلج شي
بدور: انتي شاربه شي
لطوف: لا بس مادري فيني خمول وتعب
بدور: من شو؟
لطوف: مادري بس جسمي مخدر وما اقوى على شي
بدور: اهلج دروبج؟
لطوف: منى بس
بدور: وخلتج جي؟
لطوف: انا قلتلها لاني صج مالي خلج اي شي
بدور: بس انا مب منى ومابخليج على كيفج..والحين اباج تنشين وتسبحين
لطوف: جسمي مكسر
بدور: مو مهم المهم الحين تقومين تسبحين والا سحبتج للحمام وخليت الماي يصب على راسج
لطوف: اعرفج تسوينها اوكي بقوم بس اول طلعيلي ملابس من الخزانه
بدور ساعدتها لين دخلت الحمام ..بعد ماخلصت جهزت نفسها وطلعن من غير محد يلاحظهن ..منى راحت تشوف لطوف وتفاجات يوم ماشافتها في الحجره دقت عليها وياها الجواب
لطوف: انا الحين ع البحر
منى: ع البحر؟!...بروحج؟
لطوف: هيه ع البحر اتمشى ويا ربيعتي
منى: انتي بخير؟
لطوف: شوور
بعد ماخلصت مكالمتها مع اختها تجدمت بدور ووقفت جدامها
بدور: شو اللي صار البارحه؟
لطوف: الجو حلو
بدور: لطوف شو اللي صار في ذاك البيت
لطوف: بدور انتي تعرفين اني ما حب اتكلم في شي انتهى
بدور: مانتهى وانتي تعرفين هالشي
لطوف: ماريد اتكلم ولا راح اتكلم مهما سويتي
بدور: مصره؟
لطوف: هيه
بدور: انزين يالطوف .._قالت في نفسها_انزين يالطوف الحين بسكت بس ماراح اخليه يعدي وانا بدور
لطوف: بدور
بدور: نعم
لطوف: شرايج نروح عند حلوم
بدور: وشو اللي يابها ع بالج الحين؟
لطوف: مب هي عزمتنا يوم حفلة امول خلاص نروح لها الحين
بدور: بس انا مابى اروح اليوم... بعدين شكلج تعبانه
لطوف: بدور انا مب تعبانه ولا فيي شي ولا بس تبين تعبيني غصب
بدور: لطوف ليش حاسه انج تبين تغيرين السالفه باي شكل
لطوف: بدور خلاص تراج نفختي راسي_راحت عنها_
بدور: اول مره تغبين عليي شي ليش ليش تسوين جي ليش؟!

رجع للفندق اللي هم فيه كان عيسى يالس يطالع التلفزيون يتابع فيلم من افلام الغرب الامريكي ..
عيسى: وين كنت نشت ومالقيتك وين سرت ماتفقنا نطلع سوى
منصور: امبلا بس رحت اتمشى شوي يوم شفتك راقد
عيسى: اعتقد الحين ان اللي في راسك ماله داعي مادام عندنا فلوس
منصور: اكيد ..والحين خلنا نروح ونتغدا ونتحوط شوي
عيسى: بس اجهز عمري وايك
راح عيسى ويلس منصور وخذ الريموت وبدا ينتقل بين القنوات


..: افتقدتج البارحه مادشيتي
...: كان عندي امتحان اليوم ويلست ادرس ...انته شخبارك؟
..: ماشي الحال
..: في شي؟..صح اني ماسمع صوتك بس من اللي تكتبه حاسه في شي
....: اخوج طفران وحاس الدنيا ضايجه فيني
...: من اللي تحبها ؟
..: قصدج اللي كنت احبها
...: انته ماسولفتلي عنها
...:اقول نحن مب كنا نرمس برع وختفينا مع بعض الحين بيشكون بيقولون نرمس خاص
...: يعني ماتبى تخبرني؟
...: اوعدج اني بخبرج عنها وعني وعن كل شي..بس خلينا نتكلم ع العام طلعي قبلي وبعد شوي بدخل
..: اوكي


ردت للبيت ودخلت حجرتها ..فصخت عباتها وتاحتها ع السرير وتجدمت من المرايه ووقفت..كانت لابسه بلوزه بياقه عاليه ..فتحت الازرار..وطالعت اسفل رقبتها في علامات حمره بلون الدم نزلت كم البلوزه وع ذراعها علامات ثانيه طالعت نفسها في المرايه
لطوف: بس لو اعرف من عنود هذي وشو علاقتها فيه..بس كيف بعرفها في اكثر من عنود في المدرسه هذا اذا ما كان مب اسمها ..شو الحل؟..كيف بصرف بس لو طيحين في ايدي ياعنود مابرحمج وبطلع كل اللي صار من عيونج..مب لطوف اللي يتسوى وياها جي وتسكت .
يـــــــــــــــــــــــــــــــــــــــــــــــــ تـــــــــــــــــــــــــــبـــــــــــــــع

البارت السابع



في المدرسه وع وقت الفسحه كانت لطوف تمشي مع امل
امل: والله لو ماسمعت صوتج البارحه كنت مت ...لا تسوين فيني جي مره ثانيه
لطوف_وهي طالع البنات وتفكر_ ياترى اي وحده هي ..ذيج ولا وحده من اللي يالسات يضحكن ولا اللي ماشيه هناك..وينج ياعنود..او اللي سميتي عمرج عنود..وربي لو طيحين في ايدي لذبحج بس عقب ما اخذ ثاري منج ومن ذاج الجلب
امل: لطوف..لطوف
لطوف: هاه
امل: اتحدث واتحدث وانتي مب معاي.. شفيج طالعين البنات جي؟
ابتسمت ولفت بايدها ع امل: تغارين؟
امل: انا من حقي اغير..حولك العالم كثير..كلهم يبغون قربك..لكن ادري قدري في قلبك كبير
لطوف: هههه امول تدرين ليش احبج؟
امل: ليش؟
لطوف: لالا مابقول بخليه سر
امل: يالله عاد عن الطفاسه ..قولي ليش؟
لطوف: مابقول
بوزمت وزعلت: عادي مافي داعي..اصلا اليوم مادري شو فيج
لطوف: هههههههه مافيني شي لا تشغلين بالج_ سرحت_...احسن تكونين بعيده عشان اللي فيني مايطفيه الا شوفت عنود بين يديني والله اني راح اعذبج عذاب ماتعذبه بني ادم وانا لطوف
امل: لطوف لطوف
لطوف: هاه
امل: حنا وين رايحين ..وصلنا السور يعني اخر المدرسه
ابتسمت لطوف: يالله رجعنا

وقفت سيارتها ونزلت تتمشى في المنتزه بس عقلها كان في مكان ثاني ..نسته وماعادت تفكر فيه بس هو اليوم موجود هنا وبيذكرها ..
..: السلام عليكم
طالعت صوبه: هلا وعليكم السلام...شحالك دكتور ابراهيم
ابراهيم: الحمدلله بخير عساج بخير
منى: الحمدلله بخير
ابراهيم: شحالها اختج وديتيها المستشفى؟
منى: الحمدلله هي بخير بس انشغلت وماوديتها
ابراهيم: اختج محظوظه عشان عندها اخت تحاتيها وتخاف عليها وتبي لها الخير
منى: تسلم هذا من طيب اصلك
ابراهيم: الله يخليج اتمنى اني ماكون زاعجنج؟
منى: لا ابد
ابراهيم: انا فرحان عشان شفتج مره ثانيه..وان شاء الله نتلقى جريب عن اذنج
منى: مع السلامه
تمنت لو انه طول شوفته مره ثانيه حركت المشاعر داخلها ..بس في شي ثاني شاغلنها بالاضافه لخوله ظهرت مشكلة لطوف اللي هي مب عارفه شو فيها

صبت له فنجان قهوه وناولته اياه..
سيف: يوم اليمعه ان شاء الله بنروح المزرعه
شيخه: واخوك علي
سيف: ماعليه بياجل لليمعه اللي عقبها ..وايد مشتاق للمزرعه
شيخه: بس بناتك اكيد بيرفضن خاصه ريم ويزوي
سيف: ماشي قرار بعد قراري صح اني اتساهل وياهم بس انا مصر ومعزم يوم ايين برمسهن

طلعت من بوابة المدرسه وسارت صوب سيارة هوندا بيضه ..فتحت الباب اللي ع اليمين وركبت
لطوف: السلام عليكم
منى: وعليكم السلام
لطوف: غريبه انج اتين تاخذيني
منى: عقب الحاله اللي شفتج عليها تبيني اسكت..انتي كنتي داريه بعمرج ؟..خبريني شو اللي صار وياج
في نفسها: افتك من بدور تطلعلي منى...ماشي بس تعبت شوي
منى: لطوف خبريني_فتحت الباب ونزلت_ انتي وين رايحه
سكرت الباب واتصلت: الو هلا اسوم انتي وين؟..انزين تعالي رجعي عشان توصليني يالله اترياج_سكرت ورجعت وطالعت اختها من دريشه الباب ¬¬ روحي... اسوم بتيني
منى: لطوف ركبي وعن الينان
طالعت وشافتها: هذي يت يالله –ضربت سلام بصبعين_سلام
لتفتت لورى طالعها ..ركبت ..ومرن من قربها
منى: بس لو تخبريني شو فيج ..اخ منج يالطوف عنيده والله يستر من عنادج


...: شخبارها؟
...: اكيد مب مشتاقه لشوفتك
..: مسويه عمرها قويه ومحد قدها ...بس انا قدرت اوطي راسها ..وبلغيها اذا ماسمعت الكلام بكسره ومب بس هذا لاااا بخلي اهلها يعرفون عن بنتهم صاحبة الطهر والعفاف هههههههههههه وانتي اذا ما خليتي نفسج في حالها ريلج بتي ويا ريلها
..: الله يلعن الساعه اللي.....
...: سمعي لا تيلسين تلعنين محد جبرج انتي اللي يبتيه لعمرج وتحملي ياشاطره ..وقولي لربيعتج مثل مايت بريولها عندي بييبها مره ثانيه ..سلام يا...ولا من غير ذكر اسامي
...: الله ياخذك يامانع الله ياخذك شو هالبلوه؟


في بيت سيف...ييلس سيف مع عياله في الصاله
ريم: بس ابويه اليمعه اليايه عند عمي علي العزيمه
سيف: ولا يهمج بكلم عمج علي وانا عارف انه ما بيقول شي
يزوي: انزين ليش ما ناجل روحنا للمزرعه لين الاسبوع اللي عقب
سيف: قلت اليمعه هذي يعني هذي ولا ابا اي اعتراض
ريم ويزوي كان يترين حد ثاني يساعدهن في اقناع ابوهن بس شكل الكل موافق...وصلت لطوف ع كلمة ابوها الاخيره
لطوف: كان حبيبي هنا
سيف: هلا بالطش والرش وما ي زمزم في الغرش
كانت توها واصله تاحت شنطتها وفصخت عباتها وسارت عنده ويلست ع ريوله ولوت عليه
سيف: وينج كل هذا في المدرسه؟
لطوف: لا ..رحت السوق مع ربيعتي عشان هي مفصله عباه وراحت تشوفها
سيف: ترانا اليمعه اليايه بروح المزرعه
لطوف: ياي حلو
سيف: محد مريحني في هالبيت غيرها
لطوف: فديتك انا لو ما اريح سيوف حبيب قلبي من يستاهل اريحه
سيف: فديتج يابنتي
لطوف: تفداك اروح وراعيتها
شيخه: لطوف يالله بالستر نزلي عن ابوج انتي مب صغيره
همست لابوها: شكلها الوالده غارت
سيف: ههههههههههه
طالعها بنظره حنونه وحضنها

بدريه كانت في حجرتها تحل الواجب ..كانت يالسه ع الطاوله وجدامها لابها ..دق موبايلها اول ماسمعت النغمه عرفت من اغنية لالي ولا ليه وهو ولا لالي ...ابتسمت وخذته وردت

بدور: هلا وغلا
حلوم: وينكم لا حس ولا خبر..لازم نركض وراكم عشان تحسون
بدور:ههههههههههه الناس تسال عن الاخبار والاحوال وانتي تعاتبين
حلوم: لازم نعاتب مايقولون العتب ع قدر المحبه
بدور: هههههههههه ندري مانهون عليج
حلوم: اكيييييد بس صج وينكم؟
بدور: مشغولين
حلوم: الله يخليج لا تقولين بالدراسه ترا ماشي يييبلي الضيج كثرها...الا تعالي لطوف ليش كانت غايبه؟
بدور: مسرع مادريتي
حلوم: حبيبي اخباركم توصلني ودوم اسال عنكم...سمعت انها متغيره ومب ع طبيعتها
بدور: كانت تعبانه
حلوم: عندي لها شي بغير مزاجها بس صبري عليي شوي...الا اقول الليله ابيكم انتوا الثنتين تسهرون عندي
بدور: بتصل بلطوف وبشوف
حلوم: ماشي عندي اشوف لازم اتون مب ع كيفكم
بدور: اوكي بنيي
حلوم: بترياكم...مع السلامه
بدريه: مع السلامه.....خل اتصل ع لطوف قبل ما انسى ....الو
لطوف _في حجرتها_ هلا بدور
بدور: شحالج؟
لطوف: بخير وانتي؟
بدور: عال العال..اقول دقت عليي حلوم تبانا نسهر عندها الليله وتراها عتبانه
لطوف: وايد مقصرين وياها
بدور: هيه والله عيل السهره عندها الليله
لطوف: تم نسهر عندها الليله
بدور: اوكي عيل بدق عليج قبل ما اطلع ..سيات
حطت الموبايل من ايدها وقامت وطلعت راحت للصاله كان اخوها يالس جدام التلفزيون يلعب ع البلاي ستيشن واختها ع الكنبه تدرس والصاله معفوسه فوق تحت دفاتر واقلام ع الارض غير شنط المدارس وقراطيس الاكل والمواسد المتيوحه ع الارض
بدور وهي واقفه عند الباب : شو مسويين حفله هنا؟...منو مسوي جي؟
عمر_وعينه ع اللعبه_ هذا طروق
بدور: طروق ها؟....حليتو واجباتكم ولا بعدكم
خلود: انا خلصت كل شي
بدور: شاطره...وانت عمير؟
عمر: هاه هيه
بدور: شو اللي هاه هيه؟...وين طروق؟..._زقرته_طروووووق
يايركض وشال سيارته
طارق: هاه
بدور: شو اللي مسوينه بالصاله؟
طروق: مب انا
بدور: المهم سمعوا ياويلكم اذا ياني واحد منكم اخر الليل او باجر الصبح وقال عندي واجب ماحليته تعرفون شو بسوي فيكم ...والحين ابا هالصاله نظيفه ولا تراني بلعن خيركم يالله فزو..عمير خل اللعبه وقوم ساعدهم.._شافت اختها خذت كيسة دوار الشمس من ع الارض_ انا كم مره قلت دوار الشمس ماريد اشوفه في البيت.... هاتي
عمر: هذا طروق شارينه
بدور: انته ماعلى للسانك الا طروق..صج جيل عديم المسؤليه _وهي تاكل دوار الشمس_ بروح اشوف الوالده ايي القى الصاله تلق (تلمع) ولا وسخه فيها شتغلوا
كانت امها في المطبخ تسوي شاهي دخلت وهي تاكل دوار الشمس
بدور: شو تسوين؟
عليا: تشهيت شاهي
بدور: امايه بروح اسهر عند ربيعتيه من زمان مايلست وياها
عليا: بروحج؟
بدور: لا عازمه لطوف بعد
عليا: والله دخلت قلبي ماشاء الله عليها جمال واخلاق وادب
بدور: ولو عندج ولد مثل الخلق بتخطبيها حقه
عليا: الله يهديه
بدور بصوت واطي: هذا اذا لحق
عليا: قلتي شي؟
بدور: لا يالغاليه سلامتج انا بروح اجهز عمري من رخصتج
عليا: الله وياج


دخل وهو كله رعب وخوف ..كان عيسى راقد ع الكنبه ..
منصور: عيسى عيسى قووم
فز بسرعه وخوف: شبلاك؟!
منصور وهو متوتر: لازم نطلع من هنا الحين
عيسى: مب طالع الا عقب ماتخبرني
منصور: ماشي وقت
وركض داخل وشل اللي يقدر عليه واهم شي الاوراق الثبوتيه ..ماعطى عيسى فرصه يساله عن شي وكفخ بالباب وهو طالع..كان مستغرب ..دخل الحمام وغسل ويهه وهو طالع انفتح الباب ع اخره وبقو وقف عيسى مصدوم من اللي شافه

احلام (حلوم) خذت الحجره اللي بالحوش خاصه لها تجتمع هي ورايعها فيها ..بابها الرئيسي سكروه وفتحو باب ثاني وقبالته باب يوصل للشارع عشان ياخذن راحتهن ...وصلن لطوف وبدور عندها وكانت عندها ربيعتها نوال
حلوم: هيه صح باركن لنوول نخطبت
استغربت لطوف وطالعت بدور ..بدور ابتسمت وفهمت عليها وهمست للطوف""مجرد ستايل" لطوف كانت تضن ان نوال بويه
...: مبروك
نوال : الله يبارك فيكن..و.....
وقبل ماتتكلم قاطعتها حلوم: فال الله ولا فالج خلينا جي احسن
...: هههههههههههههههه
حلوم: لطوف بدور ماخبرتج؟
لطوف: عن شو؟
حلوم: اباكم تروحو معاي مشوار عقب كمن يوم
بدور: وين؟
حلوم: وين خليها في وقتها احلى..بس تراكم بتضطرون تغيبوا...موافقين
لطوف: اممم خلينا نفكر وبنرد عليج
حلوم : تم
نوال: بدور
بدور: هلا
نوال: شو اخبار الحب
دخلن اربع من ربيعاتهن ع كلمة نوال..وعقب ماسلمن ويلسن
منال: اي حب
نوال: اه يامنول ماتدرين عن شي بدور غايصه في الحب
اشواق: اف اف اف ..لااااا لازم نعرف..يالله طلعي مافي جعبتك
اروى: وسدحي علومج جدامنا
ابتسام: نوال قصدج الحب الجديم ولا يديد
نوال: الجديم يابسوم
بدور: عن شو تتحدثون؟
ايتسام: سمعوا عاد انتوا اونها تسمي عمرها ماتدري بدور ذيج اللي خبرونا انها ذوبتج وخذتي منها تذكار ولو تعرفون شو التذكار
...: شو؟
ابتسام: خصلة شعرها الذهبيه
..: هاااااااااا
اشواق: لالالالا..حلوم نشي هاتي كل اللي في المطبخ من اكل خلونا نستانس ونحن نسمع من بدور
بدور: صج ماعندكم سالفه
منال: صج ولا بس خريط
نوال: ههههههههه لا يامنول الاصج الصج بدور تراج شوقتيهم رمسي
حلوم: ياللا بدور
منال: انتوا تعرفونها البنت؟
حلوم: لا بس بدور مخبرتنا عنها
ابتسام: لو تشوفون حالها يوم تسرح وترمس عنها ..غرق الغرقان اكثر
بدور: عن العبط
حلوم: بدووور ياللا عاد
بدور: اف منكم.. هذي وحده يديده ع المدرسه قلبي تعلق فيها كل ماشفتها فوادي يفز لشوفتها مره عزمت ارمسها رحتلها كانت وياربيعاتها سلمت وسولفت وياها كانت مسويه خصله ذهبيه في شعرها قلتلها انها عايبتني ماحسيت الا ماخذه مقص من عند ربيعتها وقصتها وناولتني اياها
...: وااااااااو
منال: وبعدين سولفتوا مع بعض ولا انتهت السالفه
بدور: سولفنا..واكثر من جي مب قايله وسكروا ع الموضوع
..: هههههههههههههههههههههههههههه
اروى: واو بدور طلعتي حركات
اشواق: ايوه من أدك ياعم

ردت البيت والذكريات عاودتها كانت ايام مستحيل تنساها ذكرى حلوه وذكرى شينه دخلت حجرتها وسارت للكبت وطلعت صندوق صغير في ذكرى زمان مضى مشت ويلست ع الارض وسندت ظهرها ع السرير والصندوق بجانبها فتحته وطلعتها من بين الاشياء اللي فيه كانت مجدلتنها ع شكل ظفيره عشان ماتتناثر مسكتها بين يديها وسافرت لذاج اليوم...يوم يتها بنت تناديها عشان في وحده تبى تكلمها راحت تشوفها كانت واقفه بزاويه
بدور: هذي انتي؟
..: ليش متفاجاه ماتبين ترمسيني؟
بدور: امبلا بس خفت ازعج
ابتسمت: وليش انزعج بالعكس انا اجتماعيه واحب اسولف واتعرف واكسب صداقات يديده
بدور: شي حلو
..: وانتي ؟
بدور: يعني مب وايد
..: مب وايد والمدرسه كلها تعرفج
ابتسمت: شو بدينا بالحسد
...: انا ما احسد الا اذا كنتي تتخوفين من هالشي؟
بدور: ههههههه لا ابد
..: ماكذبوا يوم خبروني عن ابتسامتج
بدور: هههه شو هذا غزل؟
...: وليش ما غازلج شو فيها الحلو بينقاله حلو واللي عنده شي مميز لازم يمدح وانتي مميزه يابدور
بدور: خجلتيني
...: ههههههه لا تستحين انا صريحه واللي في قلبي ع لساني
قطع عليهم صوت الجرس...وحس امها اللي دخلت الحجره...ردت الخصله للصندوق
بدور: خير امايه في شي؟
عليا: بروح ارقد وييت اشوفج_شافت الصوره اللي طايحه قرب الصندوق_ الله يرحمها
طالعت بدور الصوره بحزن وهي ماسكتنها في ايدها..طلعت امها عنها ..دمعت عيونها وهي تذكر كلام اللي بالصوره
...: بدور.. متى بيخلص هالعذاب تعبت وربي تعبت ..بدور ساعديني ابا افتك الله يخليج.
صاحت وهي تذكر كلامها لها ..مسحت دموعها وحطتها في الصندوق وسكرته

من هي عنود؟...ولطوف بتوصل لها ولا لا؟.. وشو بتسوي ؟

من هو مانع ومن اللي يرمسها ومن ضحيته وشو اللي صار؟

بدور بعدها ع تهديدها ياترا بتنفذه ولا لا؟

منهي راعية الخصله الذهبيه وشو قصة الصوره والكلام وعن اي عذاب كانت تتحدث؟

عيسى والصدمه اللي كان فيها ليش ؟ ومنصور وين راح وشو السبب؟





يــــــــــــــــــــــــــــــــــتــــــــــــــ ــــــــــــــــــــبـــــــــــــــــــــع

البارت الثامن



ع وقت الغدا كان سيف يالس ع راس الطاوله والكل عن يمينه وشماله ..من اليمين لطوف ..محمد..سرور ..حمد...منى وع اليسار شيخه ..حنان ..ريم..خوله..يزوي
سرور: باجر مابكون وياكم ع الغدا_الكل طالعه_ بروح البحر
لطوف: ابويه من زمان ماطلعنا حداق
سيف: ان شاء الله بس افضى
حنان: يقولون العمر يخلص والشغل مايخلص
محمد وسرور ولطوف نغزوها بنظره ..مالت لطوف على ابوها وهمست في اذنه وابتسم
سيف: عساالله مايحرمني منكم
سرور: ويخليك لنا يا اغلى ابو

عقب الغدا كانت حنان عند منى في غرفتها
حنان: شفتي خوانج كيف طالعوني
منى: من الكلمه اللي قلتيها
حنان: مثل مثل وينقال
منى: بس هم ماعيبهم
حنان: باين..الا بتخبرج انتي شبلاج؟
منى: شو قصدج؟!
حنان: احسج متغيره ومادري وايد صايره تيلسين بحجرتج
منى: وشو فيها يعني شي عادي احب ايلس افكر في حياتي واراجع نفسي
حنان: بس عشان جي؟
منى: حنان انا مافيني شي فلا تيلسين ترمسين في شي ماله داعي مفهوم
حنان: انزين على راحتج وانا شو عليي عن اذنج
منى: استغفر الله العظيم يعني الواحد مايقدر ياخذ راحته


كانت هند في حجرتها فاتحه اللاب وتكلم ع الخاص
...: تريتج كنت بطلع
..: يونا ضيوف وضطريت ايلس وياهم
...: تبين تعرفين سالفتي
....: اكيد
..: سالفتي بدت من مده كنت توني متخرج من الجامعه وبديت اشتغل ..بعدين يت بنيه وشتغلت في نفس قسمي كانت في حالها ...لحظه فون
...: اوكي
..:باك
..:ولكموووو
..:يسلمو
..:الله يسلمك
..: اخوج مضطر يطلع عندي شغل
..: ومتى بشوفك
..: بالليل ع الساعه 11
..: يمكن ارقد تعرف دراسه وانا اصلا مارقدت من رديت
...: خلاص عيل نخليها باجر باذن الله
..: اوكي اشوفك ع خير
...: مع السلامه
..:مع السلامه

كانت السماعات في اذنها ..وتسوق سيارتها
منال: عمي تراك طولت في السالفه
فهد: يامنال صبري ليش مستعيله؟
منال: كيف ما تباني استعيل وكل تاخير مب في صالحي ابا افتك من هالسالفه
فهد: منال الصبر زين بعدين في مشكله صغيره ستوت اخلص منها وتفرغ للي تبينه
منال: والمشكله هذي ليها علاقه بموضوعنا؟
فهد: لا مالها اي علاقه لا تحاتين المهم اذا جد شي بتصل عليج وبنتقابل برع لاني بصراحه مالي خلج اخوج وحشرته
منال: انزين بس لا تتاخر علي
انزلت من السياره وكان هوا
فهد: انتي وين ؟
منال: مواعده ربيعتي في المول يالله بخليك الحين
فهد: اوكي مع السلامه


سحر : انا مش فاهمه هم بيعملوا معانا كده ليه
...: تعرفين ياسحر ماتخيل انهم بيسون جي..تصوري جبروني افتح المسن وامسح كل الايميلات اللي عندي لا وبعد ماخلو صوره ماقطعوها اللهم بس صوره وحده جمعتنا سوى لحقت عليها وضميتها عشان مايلقونها
سحر: مش عارفه اؤلك ايه بس اللي أأدر اؤلوا نهم ماأدروش يفهمونا ..تسدائي وحشتيني موت
..: وانتي بعد شتقتلج
سحر: انا كمان عرفه نفسي اجي عندك ونعؤد مع بعض زي زمان نتكلم وندردش ونتحك ونخلي الدونيا ورانا
...: ياليت ..تعرفين بصلح المايك وبرمسج
سحر: خلاص وانا حستناكي
..: سحر احبج
سحر: وانا اموت فيكي
..: عيل بخليج الحين عن ايي حد منهم
سحر: طب ماتنسيش تمسحي المحادثه
..: ماتخفيش ماخده احتياطاتي
سحر: ياعييني ع اللي بتتكلم مصري..... روحي ذلفي
..: ههههههههههههه انزين بذلف اشوفج ع خير ياقلبي
سحر: مع السلامه ياروحي


ذكروها فيها مع انها كانت تحاول تتناسها او تقنع نفسها بنسيانها ..تذكرت وهي طالعه من المدرسه ..ونزلت جامة السياره وزقرتها ..كانت راكبه ورى والدريول جدام ..يت صوبها
بدور: بعدج ماروحتي؟!
..: اترياج ياللا ركبي بوصلج
بدور: ماعليه بروح بالباص
...: معقوله اترياج صارلي مده واخر شي تقولين بتروحين بالباص بذمتج هذي رمسه... بدور لفي وركبي
بدور: بس طريجي غير عن طريجج
..: بدور ابا اسولف ياللا عاد
بدور: اوكي
لفت من الجانب الثاني وركبت ..طلبت من السواق يتحرك
...: بدور عادي عند اهلج تطلعين بالليل ولا لا؟
بدور: بحسب المكان اللي بروحه
...: امممم اوكي خلينا من هالموضوع ونسولف في شي ثاني
كانت يالسه ع سريره وموبايلها بجانبها رجعتها نغمته للواقع ..خذته وردت
بدور: اهلين
لطوف: وينج انتي؟...ياللا تعالي انا واسوم نترياج برع لا تتاخرين
بدور: دقايق وانا عندكم
غيرت ملابسها بسرعه و ولبست عباتها ولبست ساعتها وتعطرت ورتبت عمرها وطلعت كانن يترينها ركبت ورى
بدور: سلام
...: وعليكم السلام
بدور: عيل وين مهير؟
اسما: مابتي تقول انها تعبانه

دخل مكتبه كان موبايله ع الطاوله ..يلس كان باين عليه التعب ..طالع موبايله لقى اكثر من عشر مكالمات بس من رقم غريب ومبين انه خارجي ..وهو ماسكنه دق ..رد بسرعه
خالد: الو
عيسى: خالد الحق عليه
فز واقف: عيسى شفيك؟!
عيسى: الشرطه حاجزيني عندهم والله العالم شو بيسوون فيني
خالد: لا تخاف بصرف
Hi
Hi
Who are you?
Im Eissa brother ..what happened?
Your brother accued of crime
What?! …I want to talk with him
عيسى: خالد شو قالك؟
خالد: لا تحاتي بتصرف ..عطني اياه
تكلم خالد مع الشرطي ..بعدين سكر عنه ...اتصل على محمد
محمد درى بالسالفه وخبر ابوه
سيف: لا حول ولا قوة الا بالله .._اتصل على خالد_
خالد: هلا عمي
سيف: قلت حق حد غير
خالد: لا عمي ماقلت لحد
سيف: اسمعني انت ومحمد بتسافرون الحين وانا بتصرف هنا
خالد: ان شاء الله عمي
عقب ماسكر عنه: محمد جهز عمرك انت وخالد بسافرون الليله وع طياره خاصه واول ماتوصلون اتصل عليي
محمد: ان شاء الله
سيف: وهالسالفه مابا حد يدريبها
محمد: ان شاء الله عن اذنك
سيف: مع السلامه


ليلى بدت تتقرب من البنت اللي وياها ع المنتدى ..صارت تسولف وياها ع الملف الشخصي
اتي شمه وتيلس
شمه: بعدج ترمسينها
ليلى: هيه وبديت اتقرب منها
شمه: طلبتي ايميلها؟
ليلى: لا بعدني بصبر شوي مابا استعيل
شمه: اخ من فضولج
يوصل خالد وايي صوبهن
خالد: السلام عليكم
...: وعليكم السلام
خالد: انا بسافر لمؤتمر طبي خبروا مي وابويه لاني مستعيل ..لازم اسافر الحين

ستغربن خواته من سفرته المفاجاه ..كانن يالسات في الصاله
يزوي: غريبه ليش؟
خوله: يمكن مشكله في واحد من فروع الشركه
يزوي: يمكن
اتي حنان صوبهن
حنان: السلام عليكم
...: وعليكم السلام
حنان: شبلاكم
يزوي: محمد سافر فجاه كان مع ابويه بعدين طلع بسرعه
حنان: وعمي وينه الحين؟
خوله: في الميلس
خلتهن وسارت..
يزوي: هذي شبلاها لاويه البوز؟
خوله: مادري الله اعلم
نوت تكلم عمها عن محمد يوم شافت ان عمتها ماسوت شي..وهي توها بتدخل الميلس سمعته يضحك ويسولف ع الفون وتراجعت ووقفت تسمعه
: ههههههههههههه .. ........تفداج الروح واللي شايله... ..عيوني لج امري بس ......بس جذا ان شاء الله ع هالخشم ههههههههههههه افاااااااا معقوله عاد جي ظنج فيني ههههههههههههه
انصدمت وهي تسمعه يرمس ع الفون
حنان: معقوله؟!..عمي سيف !...ياويلي عليج ياعمتي ..اذا كان هو جي فاكيد محمد مب احسن منه يقولون الحب يطلع على بذره ..بس لازم عمتي تعرف ..تراجعت وراحت

كانت هند يالسه ع شبريتها وجدامها اللاب ..تدخل ساره عقب مادقت ع الباب
ساره: هنوده
هند: خير
ساره: شو رايج نروح عند بنات عمنا؟
هند: اي بنات عم فيهم؟
ساره: اي حد المهم نطلع ..ولاااااا نقول لمايد ياخذنا السينما
هند: سارونه حددي وين تبينا نروح؟
ساره: مادري انتي شو رايج؟
هند: امممممممم سمعي شرايج لو نتصل ع وحده من بنات عمنا ونخليهم يطلعونا_تعد ع صبوعها_ انا وانتي وسلامه وهجور وعواش ويزوي ولطوف
ساره: حلو خلينا نتصل عليهن ونشوف من بتوافق
هند: عاد هذي مهمتج
ساره: انزين موافقه خليني اروح ارمسهن الحين
هند عقب ماطلعت اختها : هذا وينه ليش اليوم ماحدر القروب عن يكون صار وياه شي هو قال بيدش وحتى الحين لا حس ولا خبر بس انا ليش شاغله بالي فيه وليش لا انا حسبة اخته صح حنا خوان
قطعت عليها سار
ساره: خلاص قومي جهزي عمرج ليلى بتاخذنا في سيارتها ...لا تقولين انج مب رايحه
هند: لا اكيد بروح ..بس تعالي حنا ماقلنالهم
ساره: قمت بالمهمه بس تعالي وخوله
هند: بتصل عليها وبقولها
ساره: هيه وبالمره اتصلي ع لطوف دقيت ع فونها يرن بس ماتشله
هند: ضنج بتروح ويانا؟
ساره: وليش لا؟!
هند: مادري بس احسها بعيده عنا
ساره: ههه حرام عليج بس لانكم بعيدين عنها وماتتعاملون وياها دايركت
هند: يمكن...خلاص بتصل عليها وعلى خوله روحي جهزي عمرج
ساره: اوكي
طالعت شاشة اللاب بعدين طلعت من المسن وسكرت اللاب واتصلت


سيف كان يالس في الميلس يتحدث في الموبايل
...: هالمناقصه ان شاء الله هي من نصيبنا
سيف: لا هالمناقصه اباها تكون من نصيب اخويه راشد
....: استاذ سيف ؟! سمحلي بس هذي رابع مناقصه تتخلى عنها لاخوك الاستاذ راشد
سيف: واباك تسوي مثل الياجيات تقوم بكل التسهيلات عشان تصير من نصيبه ماريد حد ثاني ياخذها غير راشد
...: والله مادري شوا قولك
سيف: لا تقول شي ..المهم تنفذ اللي اقوله...بعدين نحن لازم نركز الحين ع المشروع اليديد واذا ع المناقصات ملحقين عليها
...: ان شاء الله...تامرني بشي ثاني طال عمرك
سيف: لا سلامتك بس الاهم عندي السريه التامه في الشغل
..: لا توصي حريص ياطويل العمر
سيف: مع السلامه ... اه ..ماباجي الا موضوع عيسى
تدخل لطوف واتي صوبه ..الميلس كبير والمسافه طويله ...وصلت عنده
لطوف: مساؤو
سيف: مساء الحب والليلك والجوري والكادي والرياحين
لطوف: كل هذا حقي _باسته ويلست_
سيف: وينج اليوم لا حس ولا خبر ولا كان لج حبيب
لطوف: الحين انا اللي ويني
سيف: يعني اليوم ماوصلج مسج ؟
لطوف: يعني ذاج المسج اللي يقطر غزل كان منك
سيف: هيه نعم...لا تقولين انج حذفتيه
لطوف: لا حتى شوف_ فتحت له _ هاه هذا هو
سيف: المهم كيف الدراسه
لطوف: تمام...._هي تفهم على ابوها اذا كان متكدر او باله مشغول_..سيف
سيف: خير
لطوف: حاسه في شي شاغلنك خبرني.... سيوف حبيب قلبي شوفيه
ابتسم ولف ذراعه حواليها وتقربت منه : مافيي شي
لطوف: اممم يعني في شي قول ولا تغبي عليي
سيف: ماباج تشغلين بالج بشي ..اباج تستانسين في حياتج
لطوف: لا خبرني شو فيك؟
سيف: سالفه صغيره ان شاء الله بتنتهي على خير
لطوف: اللي هي؟
سيف: عيسى ولد عمج زاخينه الشرطى واخوه خالد واخوج محمد راحوا يشوفونه وبنقوم بجهدنا عشان نطلعه ومحد يدري بالسالفه غيرنا
لطوف: هذا دوم مورط عمره في مصايب
سيف: طايش لا فالح في دراسه ولا في اي شي
لطوف: خلاص شغله
سيف: وين اشغله في الشركه؟
لطوف: المزرعه
سيف: تبيني اشغل ولد اخوي في مزرعتي؟!
لطوف: وشو فيها مب في الجيش يدربونهم ويكرفونهم عشان يصيرون قد المسؤليه نفس الشي يشتغل في مزرعتك لين يصطلب ويصير ريال وبعدين ربك كريم
سيف: هههههههههههههههه......اذا تبين عمج يقوم الدنيا على راسي ولا يوطيها
لطوف: وليش انته بتربيله ولده من يديد
اتي صوبهم يزوي
يزوي: مساء الخير
...: مساء النور
يزوي: لطوف بتسيرين ويانا
لطوف: وين؟
يزوي: نتحوط
لطوف: ومن اللي بيروح؟
يزوي: انا وخوله وسلامه وهاجر وعواش وهند وساره وانتي اذا تبين بتاخذنا ليلى في سيارتها
لطوف: هي عندها سياره ولا فانوس سحري
سيف: هههههههههههههه....خلاص اذا ماضمتكم خذوا الارمادا
يزوي: بتروحين ولا لا
سيف: ابويه مافيها شي روحي ستانسي مع بنات عمج
لطوف: تامر يالغالي..ياللا من رخصتك
سيف: الله يحفظكم

عشان سيارة ليلى ماتكفيهن كلهن راحن بالارمادا ..طبعا ماشي في راسهن وجهه معينه
ليلى تسوق ويمبها هند ورى هند لطوف بعدين خوله وعايشه وساره واخر شي سلامه ويزوي
ليلى: ها بنات وين تبون تراني بشتغل لكم سواق
يزوي: اممممممممم السينما
سلامه: مالت عليج سينما عاد...لا ليول دخيلج مانبى السينما
ليلى: يالله قرروا بسرعه مابنيلس الف في الشوارع
هند: انزين شرايكم نسوي شوبينق_ماحست الا بضربه في ظهر الكرسي_..ااخ منو هذي؟
لطوف: انا ..الا الشوبينق مابتخلصن الا عند الساعه وحده
سلامه: نروح اي مكان
لطوف: شرايكم نلف على مطعم وناخذ عشا و...
ساره:ونروح البحر
سلامه: الله فكره حلوه
هند: كانا ماسمعنا صوت ناس ويانا
ساره: عواش خوله ترا الكلام لكم
خوله: انا ماعندي شي اقوله
وعواش اكتفت بابتسامه
راحن البنات ع الحر ويلسن ياكلن ويسولفن ويضحكن ..وهن في عز الوناسه
...: مساء الخير
...:.........
...: لو سمحتن ممكن تعطوني موبايل ادق ع الوالد..عشان موبايلي شحنه خلص
ليلى: اخوي اضن كباين التيلفونات تارسه البلاد روح لاقرب كابينه واتصل
..: ماعندي خرده ..ولا شال معاي بيزات_يت عينه ع عايشه_ انا قول القمر وينه اثاري الشمس طالعه بداله
لطوف_وهي عاطيتنه ظهرها_ عيل احسن تروح قبل ماتحرقك الشمس وتصير بخار
هند: بعدين نحن وايدات يعني ياتجلب ويهك ياتصير عشا السمج
..: ليش تتحريني بروحي..عيل هاذيل الشباب شو يسوون
ليلى: اسمع ياولد الناس خذ ربعك وسيروا من هنا
كانوا يتناوبون في الكلام
...: منقود نخليكم رواحكم
يزوي: انتو ماعندكم خوات تخافون عليهن؟
..: ههههههههههههه
لطوف: اضحك لين يسدك انت وياه بس قبل طالعوا وراكم
...: ههههههههههههه جديمه
نشت من مكانها ولفت صوبهم...
لطوف: انصحكم طالعون هذا لمصلحتكم
واحد من الشباب لف يطالع
...: شرطه
شافوهم وشردو ..تقرب الشرطي منهن وتكلم وياهن ...وهن رادات في الطريج
ليلى: لطيفه شدراج ان الشرطه يايه؟
لطوف: هذيل كانوا لاحقينا من طلعنا من المطعم ولاحظتهم يوم نزلنا ع البحر واتصلت ع الشرطه
ساره: انا قلبي كان بيوقف ..الحمدلله انهم ما اذونا
سلامه: صح انا بعد كنت بموت من الخوف
ليلى: اهم شي إنا بخير


امل متعلقه وايد بلطوف هي تشوف فيها دنيتها اللي ماتقدر تعيش بلاها .. مع ان امل قصيره والمفروض توقف جدام في الطابور الا انها توقف ورى بس عشان تكون بقرب لطوف.. بدا الطابور
والكل قال تحية العلم ..وبدت الاذاعه بالقران الكريم ..وبدت الفقرات الثانيه ..تجدمت لطوف ووقفت ورى امل ولفت بيديها ع خصرها ونحنت وطبعت ع رقبة امل بوسه
لطوف: وحشتيني
امل: وانتي اكثر
لطوف: تعرفين شو نفسي فيه؟
امل: شو؟
لطوف: اكلج
شهقت امل: هييييييييي يالمتوحشه
لطوف: انا متوحشه ؟..ربي يسامحج
امل: لطوف..شرايج نتابع الاذاعه
لطوف: وانا وشو ليي باذاعتهم وانا عندي اذاعه جوريه بالصوت والصوره
امل: هههه تعرفين احبج احبج
لطوف: وانا بعد اموت فيج
كل هذا يصير جدام الاخصائيه اللي واقفه بعيد عنهن ..واللي لا لطوف ولا امل شافنها ..مستغلات عدم وجود اي مدرسه واقفه ورى صفهن ..وهذا التصرف منهن اكيد مرفوض ولا ينسكت عنه



يــــــــــــــــــــــــــــــــــــتــــــــــــ ـــــبــــــــــــــــــــع