الله خلقني مالي العز عيني والله أموت ولا يجي يوم وأنهان / للكاتبة : أصداء الحنين ..

نبذه عن الروايه الروايه




يقولون الحياة مسرح ونحن الممثلون عليها وانا اقول نحن مسرح والحياة هي الممثل الاوحد فينا يلعب ادوار مختلفه يتقمص شخصيات كثيره ولكل شخصيه همومها ..احزانها..افراحها..ومشاكلها
من خلال هذي الروايه راح ندخل اكثر من بيت ونتعرف على اكثر من شخصيه وكل شخصيه لها قصه وكل قصه لها نهايه بعضها بينتهي بسرعه وبعضها راح يتطور لاخر الروايه ..قصه تتكلم عن مشاكل حياتيه اجتماعيه قد نمر بها او نسمع عنها او نصادفها في يومنا

التعريف بشخصيات الرواية:


عائلة سيف


الاب سيف رجل عرف عنه الهدوء والحنكه والعقل الراجح له شخصية مهيبه تظهر ع ملامحه وسلوكه واثق من نفسه وشامخ في افعاله صبور لاقصى حد يحب الخير ولا يتردد عن مد يد العون ...كريم يحب العطاء مع اسرته واقاربه والاغراب عنه...رجل يملك الوسامه والمال لكنه متواضع لا يحب الخيلاء
شيخه ...الام ..سيدة البيت زوجة سيف وام اولاده..امراة تخرج القسوة ولكنها في ذات الوقت طيبه..تحب اولادها وتخاف عليهم..هي عكس سيف غير هادئه..عصبيه نوع ما...
الابناء على حسب الترتيب...محمد الاكبر بين اشقاءه اخذ من والده الطيبه شاب كتوم عند النظر الى وجهه تعرف اذا كان سعيد او متضايق هو اليد اليمين لوالده في كل اعماله متزوج ولديه ولد واحد هو وليد وزوجته هي حنان ...منى الثانيه بعد محمد هادئة الطبع تخرجت من الجامعه وللحين ماحصلت على وظيفه ...سرور يدرس في الكليه العسكريه وطموحه يصير في رتبه عاليه مجتهد ويحب التميز ذكي ومايستسلم بسهوله ضحوك ويحب الفرفشه..حمد يدرس في كلية الهندسه الميكانيكيه مع ان طموحه هندسة بترول يحلم يسوي مشاريع ...ريم تدرس بالجامعه سنه ثانيه بكلية العلوم قسم احياء كان حلمها كلية الطب بس النسبه كانت نازله شوي ...خوله ماينسمعلها حس في البيت انطوائيه ماتحب تسولف عن اللي بداخلها طيبتها اقرب للسذاجه تدرس بكلية التقنيه تخصص اديكاشن حلمها تخلص الدبلوم وتكمل دبلوم عالي ...لطيفه او دلوعة ابوها مثل مايقولون عكس خواتها في كل شي جريئه ممكن تتوقع منها اي شي ذكيه اللي في راسها بتسويه شخصيتها قويه تحب دايم تكون هي المحور تملك القدرة ع النقاش وعندها روح قياديه هي الاحلى بين خواتها جمالها يتعدى الوصف تشبه ابوها في الشكل بعكس خواتها اللي يشبهن امهن هن سمر مثلها بس لطيفه وخوانها الشباب سايرين لبوهم خاصة هي اغلى وحده عنده سماها لطيفه ع اسم امه وهي اسم ع مسمى بس فيها شي مخلي الغير مايحبونها خاصة بنات المدرسه..طبعا مب الكل البعض بس وهي انهم يشوفون فيها البنت البوي مع انها ماتلبس لباس البوي صح انها لباسها كله بناطلين بس هي تحب تتكشخ في لباسها ..وشعرها مايوصل ادنى عن كتوفها وطريقة مشيتها طبيعيه حتى اللي يشوفها مايصدق انها مثل مايقولون عنها بس هي تحب يكون لها استايلها الخاص هي في الصف الثالث ثانوي القسم العلمي متفوقه في دراستها ...اليازيه اخر العنقود هي في الصف الثاني ثانوي القسم الادبي ماتحب شي اسمه مدرسه عكس لطيفه اللي تموت بشي اسمه مدرسه..هي حساسه وايد وتزعل على اي شي

اشقاء سيف

عايلة علي
علي هو الشقيق الاكبر لسيف ..رجل عصبي بعض الشي ..زوجته موزه خالد او الدكتور خالد الطبيب الوحيد في العايله..اسمه ماينقال الا مقرون بكلمة دكتور هو الابن البكر لعلي وخوانه هم بدر وعيسى واربع بنات اكبرهن شمه وليلى وهاجر وسلامه .

عايلة راشد

راشد الشقيق الثاني بعد علي يحب الفلوس حاسد اخوه سيف ع الخير اللي هو فيه والنجاح في البسنز عكسه هو اللي يخسر اكثر من يربح حرمته فاطمه انسانه طيبه عندهم اربع اولاد خليفه سلطان ومها وعايشه

عايلة سعيد
سعيد ..هو الاكبر عن سيف والاصغر عن باجي اخوانه انسان محترم وطيب ونفس الشي زوجته مريم عندهم اربع اولاد فلاح وهو الاكبر بين خوانه يشتغل في الشرطه ساره ثاني سنه جامعه هند ثالث ثانوي متاخره سنه المفروض تكون بالجامعه بس رسبت واخيرا مايد ثالث ثانوي ادبي ومن هوايته كتابة الشعر واكثر واحد يحبه عمه سيف وده يكون مثله حتى انهم وايد يشبوهنه فيه في التصرفات وهو مثله في الحياه بعد ابوه

شخصيات ثانيه:


عائلة نوال

الام نوال انسانه واعيه بعد طلاقها من زوجها ناصر ركزت كل اهتمامها ع شغلها وبنتها امل اللي هي اغلى شي عندها بالوجود امل هي طالبه بالصف الثالث ثانوي علمي أمل وحيدة امها ....ابوها هجر امها مده وبعدين طلقها ...امل متعلقه وايد بامها مع انها ماتحب القيود اللي تفرضها عليها فهي تخاف عليها لابعد حد..حتى انها اذا بغت امل ترمس رفيجاتها تكلمهن من موبايل امها ..وحتى اذا بغت تيلس ع النت ..لازم تستأذن امها ..وماعندها لا كمبيوتر ولا لاب خاص فيها..وجهاز الكمبيوتر الوحيد في غرفة امها ...لان امها تحتاجه عشان تخلص عليه شغلها وبالمره تخلي امل تسلى عليه..حياة امل حلوة وفي نفس الوقت صعبه..مع ان مستواهم المعيشي جيد جداً ...وعندها شي ثاني اصعب من اللي هي تعيشه وهو ان امل تعاني من مرض مزمن من يوم ما كانت رضيعه..هي تعاني من الربو

عائلة احمد

احمد رجل اعمال ناجح وانسان مثقف يحب القراءه ومطالعة الكتب في وقت الفراغ ومتابع للاخبار السياسيه بس كمتفرج بس مايحب يتكلم في السياسه توفت زوجته من سنوات وتركتله ستة ابناء اربعه منهم تزوجوا وانتقلوا في بيوت خاصه واحد ساكن في بيت عمه ولا يسال عن ابوه ومابقى ويا احمد غير اسما اخر العنقود واللي يحبها اكثر من نفسه اسما هي طالبه بالصف الثالث ثانوي علمي دلوعة ابوها اللي مايرفض لها طلب

عائلة مبارك
الاب هو مبارك رجل متقاعد يقضي وقته بين بيته وعزبته... مبارك متزوج من ثنتين زوجته الاولى عفرا ربة منزل وغير متعلمه وعنده منها بنتين وثلاثة اوالاد سالم وهو يشتغل في الشرطه وخالد في الصف الاول اعدادي وعبدالرحمن في اول ثانوي والبنات نايله ماكملت دراستها بسبب الظرف اللي تمر فيه هي اكبر عن عبدالرحمن وخالد واخر العنقود مريم في الصف الثالث ثانوي علمي

عايلة عبدالله
توفي عبدالله وترك امه صالحه وزوجته عليا تحت رحمة ولده فهد اللي كل شي عنده بصراخ فهد ولده البكر شاب طايش متهور عاق ابوه تبرا منه قبل مايتوفى بس امه اللي تدري وهو لا عنده اربع خوان بدريه ثالث ثانوي ادبي خذت ع نفسها مسؤلية البيت خاصه ان اخوها لا مهتم فيهم ودايم برع مايدل البيت الا يوم يبي فلوس دايم يضرب امه ولا يحترمها حتى من قبل مايتوفى ابوه عشان جي بدريه صارت ريال البيت حتى انها خذت رخصة قياده وصارت تسوق وشوي شوي صارت بويه عشان امها وخوانها بدريه حلوه هاديه بس لابسها البوي ومشيتها تدل ع انها بويه بس كلامها عادي وفي البيت ناسين انها بنت حتى هي مب حاسه بهالشي.. والثلاثه الباجين بعدهم صغار وهم خلود وعمر وطارق

عايلة سالم
الاب سالم يشتغل في الشرطه ..زوجته ليلى دارسه علم نفس والحين تكمل دراسات عليا بالجامعه ..سالم عنده ثلاثة اولاد بعدهم صغار وبنت اللي هي نوره ..تعرضت لحادث اصابها بالشلل ..تغيبت سنه عن الدراسه وصارت رافضه اي اتصال مع خارج البيت

هذي هي الشخصيات الرئيسيه في القصه منهم ابطال قصتنا وبعضهم مكملين لهم هذا غير الشخصيات الثانيه اللي راح تطلع مع الاحداث وبيكون لهم دور فيها.

البارت الأول




بداية المشوار:

الطريج طويل والطياره جدامها وايد لين توصل البلاد الساعه الحين 1:30 صباحا بتوقيت الامارات والكل يالس في كرسيه وراقد الا هو اللي كان مفتح عيونه شاب في العشرين من العمر ابيض البشره ولحيه خفيفه طوق ويهه الدائري مع ملامح حزينه مبينه عليه كان يالس قرب نافذة الطياره ماحس الا انه غفى ..وع ركبته راقدة بنت عمرها مابين سنتين لاربع سنين ومحطي ايده ع كتفها..هي بنته ولا اخته ولا منو؟..محد يدري هو بس من عنده الجواب .


الساعه 2 صباحا بتوقيت الامارات ..وتحديدا في بيت سيف الكل نايم ومسكر عليه باب حجرته الا ريم ....صحت وماقدرت ترقد طلعت من حجرتها وعشان البيت كبير كانه قصر ماقدرت تنزل تحت فسارت للمطبخ التحضيري اللي فوق شربت كوب حليب وخذت لها دبة ماي من الثلاجه وطلعت وهي راده حجرتها لمحت ضوء سياره مر في الستاره ستغربت من يكون اللي ياي في هالوقت مشت وزاحت شوي من الستاره وشافت سيارة رنج روفر سوده موقفه جدام الباب بس مب من سياير خوانها ظنت يمكن سرور ياي مع واحد من ربعه .شوي ونفتح الباب الجدامي اللي ع اليمين ..شهقت وحطت ايدها ع اثمها
ريم: لطوووف..هذي وين كانت ؟!


بيت نوال في حجرة امل..

سعال تعب وضيق تنفس هذا اللي كانت حاسه فيه مب قادره تتنفس والبخاخ مايريحها كانت يالسه في سريرها وسانده جسمها بايدها وشعرها كله نازل ع ويها مب قادره تصلب طولها حاسه بالتعب تشاهق ..مرض مزمن ماله علاج غير الادويه وبخاخ الاكسجين هي عندها الربو من كانت صغيره جسمها نحل والسبب هو ..هذا حال امل من صغرها المرض منغص حياتها..وصلت الــ17 سنه وهو ملازمنها عزاءها الوحيد من تحب
كشحت شعرها الاسود الطويل اللي يوصل لاقل من كتفها بشبر وشويه ...بان ويها الحنطي اللي مع جماله الا ان المرض ماثر فيه ..ايدها تعبت وهي سانده جسمها ماحست الا وهي هاويه لجدام ع الشبريه تغمض عيونها وتفتحهن من التعب ...وبصوت خافت متقطع ..كانت تتكلم" حبيبي ..حبيبي ليتك قربي الحين محتاجه انك تضمني تعال..تعال وخذني بين يديك..ابى انام في حضنك ..ودفيني انفاسك ..مشتاقه..مشتاقتلك حيل.." نزلت دموعها وهي تفكر في حبيبها ...

بيت سيف...ريم تتريا اختها عند باب حجرتها....وصلت لطوف

لطيفه: هلا ريمان ..شو جافاج النوم؟
ريم: وين كنتي؟
لطيفه: ويا ربعي
ريم: طالعه من الساعه 7 المغرب وهاذي ردتج..انتي ماتخافين على عمرج؟
لطيفه: ريم خلينا ناجل الكلام لبعدين ..
ريم: لطيفه...خافي الله في نفسج
تقربت منها
لطيفه: فديت اللي يحاتوني..اممموه(بوسه ع خد ريم)..تمسين ع خير حبي..دخلت وسكرت الباب
ريم: استغفر الله العظيم..الله يهديج

كانت يالسه في الصاله اللي فوق محطيه راسها بين يديها..تسمع صوت اختها يناديها
اليازيه: خوله خوله شفيج
رفعت راسه وطالعت لجدام بعيون جاحظه وخايفه..ومانطقت بكلمه
اليازيه: خوله خوله شبلاج..خوله ردي عليي خوله
ماحست بنفسها الابسريرها مرعوبه كان كابوس نشت متروعه وتشاهق
خوله: اعوذه بالله شوهالكابوس ليش يتكرر ليش يارب يارب ماباه يتحقق يارب دخيلك يارب دخيلك
ونكبت تصيح بحرقه ..حاسه بالغصه وكاتمتنه بداخلها لانها من النوع اللي مايبوح باللي فيه مهما صار انسانه حساسه لو كلمه بسيطه بتلقى دموعها تسيل ع خدها ..هذي هي خوله .


راح يوم ويا يوم ثاني ..الصبح الساعه تقريبا عشر اتصل سالم على حرمته ليلى
سالم: السلام عليكم
ليلى: وعليكم السلام
سالم: ابيج تخبرين نوره إنا بنسافر
ليلى: سالم نوره ماتبى تسافر
سالم: بس انا اباها تسافر ماقدر اشوفها جذي واسكت ..ليلى سمعيني هذا لمصلحتها ..انا مادري هي من عليه طالعه عنيده
ابتسمت ليلى
ليلي: اكيد ع امها..سالم انا اشوف انك تكلمها بنفسك
سالم: لا حول ولا قوة الا بالله ..انزين بكلمها هي نشت
ليلى: بشوفها لحظه _ البيت طابقين وحجرة نوره في الطابق الارضي ..على زاويه ...ماكانت نوره نايمه كانت يالسه في سريرها تدخل ليلى_..صباح الخير
نوره: صباح الورد
ليلى: هاج ابوج يبيج
عطتها الموبايل وطلعت
نوره: السلام عليكم
سالم: وعليكم السلام
نوره: صبحك الله بالخير ابويه
سالم: صبحج الله بالنور والسرور
نوره: خير
سالم: بغيت اخبرج اني بحجز للسفر
نوره: ابويه الله يخليك سفر ماني مسافره..كفايه السفرات اللي طافن ..ابويه انا برد ادرس ومب مستعده ا ني اطوف سنه كامله مره ثانيه
سالم : نوره
نوره: اعرف بتقول الطب طور..بس انا خلاص رضيت .._نزلت دموعها ..وحاولت تكتم الصيحه_ رضيت بنصيبي ابويه الله يخليك لا تفتح هالموضوع ابى ادرس وعوض اللي طافني هذا اللي ابيه الحين واللي الله كاتبنه بيصير ..الحمدلله الله معوضني بكم وهذا اكثر شي ابيه
سالم: خلاص اذا هذا قرارج انا مابغصبج ...اشوفج ع خير
نوره: مع السلامه
عقب ماسكرت عن ابوها ..حطت الموبايل ع طرف..وسحبت دفتر مذكراتها وفتحت ع صفحه يديه وع اول سطر وفي النص كتبت ""كيف لي ان انسى ملامح وجهك" ونزلت السطر اللي تحته وع اوله كتبت
صباح الخير ..ادري انه الكلام ماراح تقرينه ولا راح تدريبه بس بغيت اكتبه لج لانج تستاهلينه
اليوم بتكلم عن ملامحج اشوف اذا كنت اذكرها ولا نسيتها لا مستحيل انساها لانها جزء مني او انا جزء منها ...""

امل تعبت وايد وخذتها امها للمستشفي ع الطواريء..اليوم هو السبت واجازه ...أمل وحيدة امها ....ابوها هجر امها مده وبعدين طلقها ...امل متعلقه وايد بامها مع انها ماتحب القيود اللي تفرضها عليها فهي تخاف عليها لابعد حد..حتى انها اذا بغت امل ترمس رفيجاتها تكلمهن من موبايل امها ..وحتى اذا بغت تيلس ع النت ..لازم تستأذن امها ..وماعندها لا كمبيوتر ولا لاب خاص فيها..وجهاز الكمبيوتر الوحيد في غرفة امها ...لان امها تحتاجه عشان تخلص عليه شغلها وبالمره تخلي امل تسلى عليه
..كانت تعبانه وحطولها الاكسجين وقالو لامها انها في حال ماخف عنها راح يخلوها لين باجر


سيف عنده ثلاث خوان علي وهو الاكبر بينهم ..راشد اصغر من علي..وسعيد وهو اكبر من سيف واصغر من راشد ..سعيد عنده اربع اولاد اولدين وبنتين وهم فلاح وساره وهند ومايد ..بسبب السهر لين الصبح ماتنش الا ع الغدا هذا هو حال هند كل يوم..بس اليوم نشت عشان موبايلها ماسكت من كثر مايرن ..ماكان قربها عشان تسكره كان ع التسريحه ضطرت تقوم وقبل ماتوصله دق ..خذته
هند: اففف هذي شو تبى الحين...الو
عبير: صباحج عسل ياعسل
هند: عبير ماني خلقج
عبير: حشا بلاج شابه عنبو
هند: عبور_ وتاحت عمرها ع حافة الشبريه_ خير الكلام قصره
عبير: اول شي ابيج تكونين مصحصحه زين
هند: قولي
عبير: هنود متاكده انج اوكي
هند: عبير بتتكلمين ولا اسكر
عبير: خلاص بتكلم..شوفي ابيج دخلين المنتدى بنكي وتروحين ع ملف المزيون ..واااااااااااااي يذبح من جماله ..محطي صورته في الملف فدييييييييييته ..وفديت ام يابته
هند: الحين حاشرتني قلت البنت فيها شي اتاري عشان هالمزيون مالج..صج ماعندج سالفه
عبير: هنود عشان خاطري..فديت قلبج انا..فديت عمرج انا...فديييييييييييت هنوتي ..لا تكسرين بخاطري هنود
هند: انزين اف..صبري بييب اللاب
عبير: اعرف ماهون عليج
يابت اللاب وحطته ع الشبريه ويلست ..عقب مافتحته ..فتحت ع المنتدى..
هند: عطيني نك نيمج والباسوورد
عبير: قبل ماعطيج....تعرفين شو كان نك نيمي قبل؟
هند: دموع عمري
عبير: هيه... نزلت موضوع وقريت رده قال ماقدر اناديج بهالنك بليز غيريه لانه مب لايق عليج ..وغيرته خليته عبير المحبه..تعرفين اكثر بنات المنتدى غير نكاتهن
هند: وايد مكلف على عمره..قولي شي هي الباسورد .._دخلت_ هو شو نكه؟
عبير: اه النبراس
هند: شوي شوي على عمرج
عبير: دخلتي
هند: هيه
عبير: شرايج؟..لا تقولين انه مب مزيون
هند: مزيون بس ايده والنظاره مب مبينه ملامحه وايد
عبير: بس كشووووخي فديته
هند: بس تفدي حشا لو واحد يقربلج ماتفديتيه جذي
عبير: هيه صج ربيع المزيون مسوي قروب مسن لاعضاء المنتدى شرايج تشاركين
هند: انا صرت ماحب ادش منتديات وتعرفين وش السببب والحين ناقصني قروب
عبير: القروب غير عن المنتدى بتستانسين...بعدين مب لازم دشين بنفس النك هنود والله القروب وناسه وضحك دشي بس مره وحده
هند: بفكر
عبير: وانا بطرشلج ايميل القروب شيكي ايميلج ..والحين بروح اجهز عمري بروح للخياط ..اول مارد بتصل عليج
هند: اوكي
عبير:باي
هند:باي


خبرت ريم منى..... باللي صار بينها وبين لطيفه...كانن في غرفة منى.

منى: وشو تبيني اسوي...اضربها؟
ريم: لا بس ع الاقل كلميها ...نصحيها ...حرام اللي تسويه بعمرها.

منى: ان شاء الله ياريم..بس خليني احصل الوقت المناسب عشان ارمسها
ريم: والمشكله ان ابوي مخلينها ع كيفها تسوي اللي تبيه..الا متى بيرجع ابوي ومحمد من السفر؟

منى : مادري... بس يمكن اليوم او باجر

تيلس شيخه في الصاله تسولف ع التليفون ويا وحدة من رفيجاتها وطبعا مايخلو كلامهن من الحش في خلق الله ..تنزل ريم ومنى بالفت وسارن صوب الصاله ..مسكت منى ذراع ريم وقفت ريم وقالت

منى:ريم لاتخبرينها عن اللي صار...خلني بالاول اشوف لطوف
ريم(وفي نيتها تكلم امها): انتي شايفه جذي

منى: هيه
ريم: اوك..
منى: السلام عليكم
شيخه:وعليكم السلام

ريم: شحالج امايه
شيخه: الحمدلله...عيل وين خواتكن؟...ماشفتهن اليوم
منى: في غرفهن
ريم: امايه...متى بيرجعون من السفر؟
شيخه: اتصلت على ابوكن..قال يمكن يطولون
حنان: السلام عليكم
: وعليكم السلام
ريم: حنان رمستي محمد؟
حنان: موبايله كله مغلق
مني: انا دقيت ع ارقامه الثانيه بعد مغلقه
ريم: يعني اشترى موبايل يديد؟
اليازيه:السلام عليكم

: وعليكم السلام
اليازيه:منو شترى موبايل يديد؟

ريم: محمد
اليازيه: انا شفت عنده بلاك بيري قبل مايسافر

منى: اكيد فكر مادام ان ابوي وياه فهو بيتصل فينا...ويمكن يبيه بس للشغل

شيخه: وانتي ماتريدين غدا

اليازيه: لا
منى : عيل خوله وين؟
ريم: يعني وين بتكون في حجرتها الحين تلقينها ماسكه قصه وتقرا فيها
شيخه: ولطوف وينها
اليازيه:اكيد راقده
شيخه: يالله بالستر وشو مرقدنها للحين...ماباجي شي عن المغرب..يزوي روحي وعيها

منى:يزوي خلج انا بروحلها
اليازيه: من قبل دوم رازه الفيس في الصاله..ومن سافر ابوي ومحمد مانشوفها خير شر
ريم(في نفسها) لو تدرون متى راجعه البارحه ...

ماكانت لطيفه راقده ..كانت تجهز نفسها للطلعه..يندق الباب
لطيفه:come in
تدخل منى
منى: شو هاذا
لطيفه: الناس تسلم
منى: السلام عليكم
لطيفه: وعليكم السلام
منى: شو بتطلعين
لطيفه:يس
منى: انتي ماتشبعين من الطلعات مسويه البيت فندق..متى راده البارحه
خذت نظارتها الشمسيه والفون من ع الشبريه ومشت صوبها وقفت جنبها
لطيفه: يعني ريم ماخبرتج(وكملت سيرها)
لفت صوبها: امبلا خبرتني ..وانا يايه عشان ارمسج فيه
التفتت صوبها: الموضوع مايخصكم
منى: وشو؟!..اسمعيني شو بقولج

لطيفه اذا تكلمت تتكلم بهدوء وماتحب تصارخ..هي من النوع الهادي اذا تكلم وهي ماخذه هالصفه من ابوها
لطيفه: مابي اسمع شي...ولوسمحتي وفري كلامج لنفسج
منى: بتسمعين غصبن عنج

لطيفه:اششششششش be quite ..انا اللي بتكلم وانتي بتسمعين...عشان ننهي الموضوع بسرعه
سمعي ياحلوه..انا ما ادخل في خصوصياتكم..ولا احب ادخل عصي في شي مايخصني ..ومثل ما انا محترمه خصوصياتكم انتو بعد لازم تحترمون اللي يخصني بمعنى ثاني مابي حد يتخطى الخط الاحمر
وشوفي عاد مادام ابوي مب مانعني ومدام راسه يشم الهوا محد له خص فيني مفهوم(دق موبايلها حطت السماعه في اذنها) ..هلا بدور..لا الحين بيكم ..اوكي بايات....اظن انا خلصنا حوارنا واتضحت الصورة
والحين (مشاوره بايدها) سلام
منى : استغفر الله العظيم من كل ذنب عظيم
لطيفه نادر ماتنزل بالفت تحب تنزل من السلم ..تنزل كعادتها بسرعه ورشاقه ..وكالعاده لابسه عباه مفتوحه وبنطلون جينز وبلوزه وجوتي سبورت .والشيله بس ع الكتوف وشعرها المتدرج الاسود الكثيف النازل ع طول رقبتها ومايعدي كتوفها زايدنها حلا على حلاها ..كانن امها وخواتها وحنان حرمة اخوها في الصاله تخطف ع امها وتبوسها

شيخه: شفيج مستعيله..
ترجع وطالع ريم: ربعي يتريوني
شيخه: لاإله إلا الله..انتي ماتشبعين من هالربع...وين رايحه...وياربعي..من تكلمين..ربعي..24 ساعه..لو مجابله كتبج مثل مامجابله ربعج...صرتي ثانويه عامه
لطيفه: امي حبيبتي..خلينا ناجل كلامنا لبعدين..يالا مع السلامه..صح قبل مانسى ترا محمد اتصل وقال بيردون بعد يومين

شيخه: عندج رقمه

لطيفه: هيه

تاخذ شيخه موبايلها من ع الطاوله: عطيني اياه

لطيفه: انا مشغوله الحين...يوم يتصلبج خذيه من عنده..يالا بايات
شيخه: شفيها البنت صايره مطيوره
حنان :هي من اليوم؟...دايم ع هالحاله.


اليوم الاحد ..باين ان امل غايبه عن المدرسه اكيد بايته في المستشفى بدليل ان كرسيها فاضي وماحضرت الطابور..دخلت الصف هي وباجي البنات خلص الطابور والحصه الاولى بتبدا ..بدت تفكر ..وينها ليش مايت اليوم....اكيد شي صاير وياها امل مستحيل تغيب من كيفها .. وظهرت الفون من شنطتها ..هي وشلتها مايهمهن القوانين ودايم موبايلاتهن وياهن ..وفوق هذا بدور ولطوف يظهرن من البيت لابسات مريول المدرسه وع الفسحه يفصخنه ويكونن لابسات عباه مسكره ..بدور هي البويه الوحيده في شلة لطوف والجريبه منها ..والسياره الرنج روفر السودا اللي شافتها ريم كانت لبدور ..بدور واسما هن الثنتين بس اللي يسوقن في الشله....شلة لطوف هن..بدريه(بدور) واسما(اسوم) ومهره (مهير) مسكت فونها وتصلت ع بدور

لطوف: الو بدور..انتي وين.؟
بدور: في الصف
لطوف: اظهري ابيج شوي
بدور:اوكي باي
لطوف ثالث علمي وبدور ثالث ادبي ..وصفوف العلمي فوق والادبي تحت .. بدور ماتهتم بلبسها وكشختها مثل لطوف بدور اقصر عن لطوف بشوي ومتينه شوي الشي الوحيد اللي تغيره هو صبغت شعرها ..وشعرها مب مرتب ودوم رابطتنه بخيط ونازله خصل منه وقذلتها اللي دوم ع يانب ومغطيه ع عيونها ..بدور بشرتها بيضه وعيونها صغار ويها دائري وحلاها مايظهر الاببتسامتها اللي تجذب من يشوفها... طلعت لطوف قبل ما اتي المس.. ونزلت تحت التقت مع بدور في الممر
بدور: شوفيج؟
لطوف: امل مب مداومه اخاف تكون مرقده في المستشفى ولا صاير وياها شي
بدور: ماتصلت ع البيت؟
لطوف: الحين بتصل بس يارب امها ماترد عليي ..يرن....الو السلام عليكم..امل موجوده ...انزين اوكي
بدور: ها بشري
لطوف: في المستشفى ..بدور لازم اشوفها
بدور: اكيد امها يالسه ع راسها ..وتعرفين كثر شو هي متحفظه
لطوف: مايخصني ابى اشوفها..بدور دبريني
بدور: اوكي خليني افكر بشي يخلينا نطلع امها من عندها
وحده من المدرسات: بنات ماعندكن حصص
بدور: امبلا ..الحين سايرين
لطوف: بدور لا تنسين
بدور: لا توصين..اشوفج في الفسحه ..يالله سيات
لطوف:سيات

مريم هي صديقة اسما اللي في شلة لطوف..مريم بنت هاديه كل المسات يمدحون فيها وفي اخلاقها مع انها مب شاطره وايد بس تبذل جهدها عشان تنجح هي ثالث ثانوي علمي مثل اسما وفي نفس الصف بس مب في نفس شعبة لطوف ..ع وقت الفسحه كانت يالسه في الصف تحضر للحصه اليايه اتي ربيعتها هلا يايبتلها عصير وماخذه لنفسها شبس وعصير
هلا: هاج
مريم: يسلمو
هلا: ولكمو..اف كل هذا بناخذه اليوم –قالت جذي عشان مريم قرت وايد من الكتاب_
مريم: مادري بس تعرفين المس احيانا تشرح اكثر من صفحه
هلا: ماتبين شبس
مريم: لا
تاكت هلا ع الكرسي تاكل ..كانت يالسه قبالت مريم ..كانت تاكل وطالع مريم..وقفت عن الاكل
مريم:هلا شفيج؟!..غصيتي؟
شهقت هلا: هييييييييييي ..مريم؟
مريم: بلاج ؟!
حطت الشبس ع صوب وتجدمت منها
هلا: مريم.._وعينها ع رقبتها_ شو هذا اللي ع رقبتج
حطت ايدها ع رقبتها: شو فيها ؟
هلا: مريم ارقبتج كلها جروح...من مشمخنج؟
ضايقت : هاه لا بس البارحه نسيت اتفرك بكريم ويرحت نفسي
هلا: بس انتي مافيج ظفور
مريم: عاد جي صار..بروح الحمام

خلص الدوام وردت البيت ..واول مادخلت تمت تزقر
اسما: باباتي..باباتي
كان ابوها يالس في الميلس تاحت شنطتها ع القنفه وطلعت ..دخلت لقته يقرا في الجريده
اسما: سلام عليكم
احمد:وعليكم السلام
تجدمت وهوت ع راسه وبعدين يلست
اسما: شحالك ابويه وشعلومك وخبارك؟
احمد: بخير دام بنتي بخير
اسما: الحمدلله....اكيد ماتغديت؟
احمد: مايهنالي الاكل الا وياج
اسما: عيل بخليهم يزهبون الغدا وبصلي وبنتغدا
وهي رايحه وصلته رساله ع موبايله ..خذ الموبايل وفتح الرساله مكتوب فيها
"احمد..ياويلك اذا ستوى شي"
استغفر ربه وضايج من هالرساله...وهويالس ويا بنته ع الغدا ماحب يبين ضيجته ولا يخبرها
احمد: اسما
اسما: هلا عيونها
احمد: شفت سياره عايبتني بخذها لج
اسما: بس سيارتي يديده
احمد: بس انا عايبتني السياره وبشريها
اسما: خلاص حلال عليك
احمد: هي تناسب البنات اكثر...بعدين مافيها شي كشخي بالسيارتين
اسما: وش له المخاسير
احمد: الغالي يرخصلج
اسما: وما عاش من يردك يابو شهاب
احمد: جهزتي عمرج لعرس اخوج؟
اسما: مابسير
احمد: اسما هذا اخوج
اسما: ابويه ادري انك مضايج..عيل هذي سواه يسويها..ماخذ ريايل خواته ورايح يخطب وماعطاك خبر
احمد: اسما
اسما: ابويه خلاص عرسه مابطبه ..شبعت الحمدلله بروح ارقد شوي وبعدين بدرس

اخيرا وصل البلاد راد لاهله..وصل البيت الساعه 6:30 المغرب ..دخل البيت ايد تجر الشنطه والايد الثانيه ماسكه ايد البنت
دخل يزقر

.....: امايه...امايه وينكم.؟..انا وصلت ...وينكم ؟



منو هذا الشاب وشو سالفة البنت اللي وياه؟

الرساله اللي وصلت احمد شو المغزى منها ..وليش ولده ماعزمه ع عرسه ولا راح وياه للخطبه وليش اسما رافضه تروح عرسه
من هي اللي تكتب عنها نوره في مذكراتها ..وشو اللي رضتبه وليش رافضه تسافر؟.

لطوف ليش مصره تشوف امل من غير ماتدري امها..وشو التحفط اللي عند ام امل وبخصوص شو؟..وامل منو حبيبها وليش مشتاقتله هالقد؟

بدور شو بتسوي عشان تساعد لطيفه وهل بتنجح؟

هند بتسجل في القروب ولا مثل ماقالت لعبير انها ودرت المنتدى واللي يخصه...ومن هو المزيون اللي معجبه في عبير وشو سالفته؟

شو سالفة الكابوس اللي يتكرر مع خوله وليش هي خايفه من انه يتحقق

شو سبب اليروح اللي في رقبة مريم هي مثل ماقالت ولا بس عشان ماحبت هلا تعرف شي؟




يــــــــــــــــــــــــــــــــــتــــــــــــــ ــــــــــــــــــــبـــــــــــــــــع

ملاحظة: أحب أوضح أن القصة لها اسم ثاني هو-----

صبرنا و الصبر جمرة ورى الأضلاع كاوينا


لبارت الثاني






عقب مارقدت ولدها في سريره خذت موبايلها ودقت ..بس محد يرد ..رجعت ودقت مره ثانيه وثالثه ونفس الحاله محد يرد ..ضايقت من امس وهي ع هالحاله ولحد يرد عليها ....شو اللي صاير معقوله من دق عليه مايلقى مكالماتها ..حطته ع الصامت وتاحته ع الشبريه_السرير_ وطلعت ..كانت سايره للفت وقبل ماتفتحه انفتح كانت لطوف
لطوف: هلا حنانوه شحالج؟
حنان: موشغلج ..لطوف _لتفتت صوبها_ محمد تصل عليج؟
لطوف: كل يوم يتصل..ليش هو مايتصل عليج؟
حنان: مب شغلج_وركبت اللفت_
ردت لطوف وفتحته قبل مايسكر
لطوف_وباسلوب هادي _: شي غريب ..اول شي طفش من حجرته وصار يرقد في حجره ثانيه والحين مايتصل عليج ..حنانوه ..احسلج تقولين شو مغبره ومخلي محمد زعلان..
حنان: محمد ماطفش هو غير حجرته عشان وليد يزعجه بصياحه وانا مب مسويه شي واذا مايتصل معناها مشغول
لطوف: حنانوه ..تعرفين محمد بالنسبه ليي شو ومايهون عليي فياويلج..ياويلج اذا عرفت او وصلني انج مكدرتنه بذوقج اللي عمرج ماذقتيه ..والحين _خوزت ايدها بقو عن الزر_ نزلي
دق موبايلها كانت بدور
لطوف: الو هلا بدور
بدور: كيف الحال؟
لطوف: عال العال
بدور: متى تبين تسيرين عند امل؟
لطوف: انتي جاهزه؟
بدور: بخبرج بكل شي يوم نتلاقى ..الحين متى بنسير؟
لطوف: كم الساعه؟
بدور: ست الا ربع
لطوف: خلاص ست وعشر مريني
بدور: تم يالله سيات
لطوف: سيات حبيبي ..._عفب ماسكرت _ امل تريني دقايق وانا عندج

نزلت ع الدري وهي في كامل اناقتها محطيه مكياج غليظ ولابسه فستان ضيق تركوازي وسيع من تحت وعليه اكرستال ولابسه عباه مطرزه والشيله ع نفس تطريز العباه ومحنيه ايدينها ولابسه اكسسوارات .. وهي ماشيه كان هو ياي ناداها
..: منال
لفت صوبه: هلا عزيز خير؟
عزيز: وين رايحه؟
منال: ربيعتي في بيتهم حفلة حنه وعزمتني
عزيز: والموضوع بعده في راسج؟
منال: هيه ومابغير رايي
عزيز: منال فكري زين باللي بسوينه
منال: فكرت بس انته لا تحاتي اختك عارفه شو يالسه تسوي بعدين عمي واقف وياي ومساندني
عزيز: والله محد غير عمي اللي مضيعنج
منال: عمي يبى مصلحتي بعدين حتى لو ماوقف معاي كنت بسوي هالشي من نفسي الحين انا سايره اشوفك ع خير
تم يطالعها وهي رايحه وده لو انها تغير رايها بس مبين انها مصره .


حنان خذت ع خاطرها ونزلت تحت وهي معصبه وحالتها حاله ..كانت معصبه من محمد اللي حاكرنها وماتدري شو السبب وكلام لطوف اللي غثها زياده ..كانت منى يالسه في الصاله ..يت وتاحت بنفسها ع القنفه وخذت المخده
منى: بلاج؟
حنان: مافيني شي
منى: محمد ماتصل عليج؟
حنان: لا ماتصل اذا تصل ولا ماتصل بكيفه
منى: انتي اليوم شفيج محتره وضايج خلقج ؟
حنان: اوهووووووووووو _تاحت المخده ووقفت_ احسلي ايلس في حجرتيه
تروح حنان واتي ريم
ريم : شبلاها؟!
منى: يمكن محتره من محمد عشان ماتصل عليها
ريم: والله حرمة اخوج متفيجه...يمكن مشغول مب فاضي يكلمها
منى: حتى لو دقايق؟...شفتيه يوم بغى يسافر مارمسها
ريم: يمكن مرمسنها قبل ...منى
منى: نعم
ريم: ملانه خلينا نطلع نفتر بالسياره حاسه اني بختنق
منى: ليش ماتتعلمين تسوقين؟
ريم: السواقه حق الناس الفاضيه ..انا ابا يكون عندي دريول ..ليش اتعب نفسي...والحين شقلتي نطلع..شو معناها الابتسامه الباهته؟
منى: ماشي بس تذكرت ربيعتي كان تقول مابسوق ومادري شو ويوم تزوجت تعلمت
ريم: ربيعتج ماعندها سالفه وبعدين ماشي مقارنه بينا ..يالله قومي ولا اروح مع الدريول
منى:الدريول محد..خذ امي للمستشفى رايحه تزور حرمه مربيه..ليش ماتتصلين ع ربيعاتج وتظهرن سوى
ريم ربيعاتي مب فاضيات ..مايصدقن يرجعن من الجامعه الا حد راقد وحد ع المسن
تقبل صوبهن لطوف وهي بكامل كشختها ..لابسه عباه مفتوحه تي شيرت احمر ناعم وهادي وبنطلون ابيض ..بس مب اللبسه اللي يحليها ..وع قولة صديقاتها هي من تحلي اللبس ..
لطوف: سلام
...وعليكم السلام
منى: حق شو هالكشخه كلها وين سايره؟
لطوف: بطلع... ريم اذا ما عليج امر دقي الجرس
البيت قصر عود واسع وفيه اكثر من صاله فوق وتحت وبركة سباحه برع وبعد مسبح داخلي هذا غير الاجنحه اللي فوق سيف مسوي لكل واحد من اولاده الشباب قسم خاص فيه ماعدا البنات بس بعد حجرهن حلوه واكبر حجره هي للطوف فاتح حجرتين ع بعض وسيعه وطل بلكونتها ع بركة السباحه اللي برع هذا غير الصاله الصغيره اللي بروع والتابعه للحجره ..
طبعا ماري ماتحتاي اتي وتسال عارفه شو تبي اذا ندق الجرس في هالوقت فاكيد لطوف..هو مب خوف منها بالعكس هي اكثر وحده في البيت يحترمونها لانها طيبه وياهم بس اكثر حد يخافونه ريم لانها مب لينه وياهم ..يت ماري شايله المبخره ..ودخنتها ..عقب ماخلصت
لطوف: ماري روحي حجرتيه نظفيها وبخريها .. وقولي للشيف يسوي سويت..ابى يوم ارجع القى كل شي اوكي..اوكي؟
ماري: اوكي
لطوف:روحي .._يدق موبايلها ..تحط السماعه في اذنها_هلا بدور هيه جاهزه الحين ثواني بس سيات ..توصن ع شي
منى: سلامتج
لطوف: عيل نسلم عليكم
منى: مع السلامه
ريم: وتقولين رمستيها
منى: يعني ماتعرفين لطوف...الله يهديها بس

وجوه نحفرت بداخلنا وبقت عالقه في اذهانا بعد رحيل اصحابها منا من يقدر يمسحها ويخلي وجوه ثانيه مكانها بس اذا هبت رياح الذكريات رجعت ذيج الوجوه تحل ضيفه ع صفحة حياتنا ..ونوره من هذيل الناس ..يوم بل دقيقه من عمر الزمن تغيرت بداخلها اشياء وايد اشياء انكسرت واشياء نمت بس هي ماتقدر تنسى ذاك اليوم اللي كان بداية لمشوار وتحدي يديد مع انها خسرت فيه شي مابيتعوض ولو يلست عمرها كله تبحث له ع بديل...


اخيرا وصل البلاد راد لاهله..وصل البيت الساعه 6:30 المغرب ..دخل البيت ايد تجر الشنطه والايد الثانيه ماسكه ايد البنت
دخل يزقر
...: امايه...امايه وينكم.؟..انا وصلت ...وينكم ؟
سمعت امه صوته ..مب مصدقه ذنيها ولدها راد من السفر..يت بلهفه عشان تشوفه وهي ترحب وتهلل
ام خليفه (فاطمه) : هلا هلا ..
ركضت البنت صوبها ...وحضنتها وبوستها .. بعدين تقرب منها هو وحبها ع راسها
خليفه: شحالج امايه؟
فاطمه: الحمدلله انا بخير
خليفه: وابويه وخواني
فاطمه: كلهم بخير ...ليش ماقلت انكم ياين كنت جهزت شي تاكلونه
خليفه: تشبعني شوفتكم..الحين بس ابا احطي راسي ورقد شوي
فاطمه: انزين ياميه
خليفه: إيمان لا تعبين يدوه انزين
حركت إيمان راسها وهي لاصقه في يدتها
خليف: انزين يامايه انا رايح ارتاح شوي ..ولنشيت ان شاء الله بيلس وياكم
فاطمه: ان شاء الله ..._عقب ماراح_..وانتي يدوه ماشتقتي ليدتج..تعالي ..فديت بنت خليفه انا


قبل مايوصلن للمستشفى ..وقفت بدور جدام بيت وطلعت منه وحده هي اكبر منهن تقريبا عمرها25 سنه ..سمره وطويله متحجبه ولابسه عباه مفتوحه وتنوره طويله بكسرات من تحت وقميص ولابسه..واول مابغت تركب
بدور: هلا هلا.... هلا بالاسمراني
..:هلابج زود
بدور: جواهر اعرفج ع لطوف....لطوف جواهر _سلمن ع بعض باليدين_ جواهر ترانا نعتمد عليج نبي همتج ويانا
جواهر: افا عليج يابدور ..لا توصين
بدور: ياللا عيل مشينا

جهزت عمرها ولبست عباتها وشيلتها وشلت شنطتها وطلعت من حجرتها وقفلتها ونزلت تحت وسارت صوب حجرت نوره كانت نوره يالسه في سريرها وومحطيه اللاب ع ريولها ..دق الباب وتدخل
نوره: هلا
ليلى: نوره شرايج اتين وياي ..بشتري شويت اغراض وعقب بروح البحر انا قلت لبوج
نوره: مالي خاطر
ليلى: مب احسن من يلستج ...نوره حبيبتي ..لازم تطلعين ..ولا كيف باجر بتروحين المدرسه وانتي..
قاطعتها: عارفه انه في فرق وقت الدراسه بتم طول الوقت في الصف لين يخلص الدوام ..الله يخليج لا تفتحين الموضوع ولين ايي وقت الدراسه بيحلها ربي ..ياللا قبل ماتتاخرين
ليلى: يعني مصره؟
نوره: هيه
ليلى : ماتبين اييبلج شي؟
نوره: سلامتج
ليلى: انزين حبيبتي انا مابتاخر.._باستها ع جبينها ورحت
نوره: الله يحفظج

الجو بالليل يرد الروح واحمد يالس برع في حديقة البيت يالس يقرا في كتاب ...احمد انسان مثقف يحب يقرا انواع الكتب في وقت فراغه ..وهو يالس يقرا في كتابه تقبل صوبه اسما
اسما: مساء الخير
احمد: مساء النور....._يلست _..هاه اشوفج ماطلعتي مع ربيعاتج
اسما: كل لاهي بدنياه... شكلهم اليوم مابيطلعون
احمد: ماتصلتي عليهم؟
اسما: امبلا ..وايد احبهم لازم كل يوم ع الفسحه نتجمع ونسولف ونضحك شلتنا مشهوره في المدرسه
احمد: واكيد بنتي فاكهة الشله
اسما: امممم يعني نوعا ما بس مرات يغطون عليه
احمد: افا ليش عاد؟
اسما: يعني كلنا نتشارك في الجو
احمد_ابتسم_: اسما..زرتي اختج عقب ماربت؟
اسما: لا نسيت
احمد: ابويه جي ماينفع الحين اختج ربت المفروض تزورينها تباركيلها
اسما: هم حتى سلام عيد ماييون يسلمون
احمد: هذي صلة رحم والرسول وصى عليها.._قبل ماتتكلم_ اعرف شو بتقولين ليش هم مايسالون ..انا برايني حتى لو ماسالوا عني مسامحنهم بس المهم انتي ماتقطعين خوانج ..اسما ابيج تزورينهم
اسما: ان شا الله مايصير خاطرك الا طيب
احمد: هذي بنتي اللي اعرفها
اسما: انزين ابويه ابا اقول شي
احمد: اعرف تبين تغيرين السالفه
اسما: لا والله بس صج ابا اقول شي
احمد: قولي
اسما : اممممممممممم ابويه
احمد: عيونه
اسما: تسلملي عيونك يالغالي ..._سكتت_
احمد: ليش مستحيه رمسي اسمعج
اسما: لا مستحيه ولا شي....ابويه....انت ماتبي تعرس؟
من سمع هالكلمه سكر الكتاب وشل كوب الكوفي وقف وطالعها
احمد: اسما انا في صومعتي_قصده مكتبه _ يوم يزهب العشا خبريني
خلص جملته وراح..وخلاها محتاره
اسما: ليش تغير فجاه؟!...عشان ذكرى امي؟!..لا ماعتقد كان قالي ..شو السالفه؟!...اف منج يا اسوم لو ماتحدثتي كان احسن ..انا شو ميلسني ..خلني اروح ارمس مهير _قامت وسارت داخل_

مندمجه في الاب مبين عليها انها تقرا شي مهم ..بدليل ان اختها خلصت الكريم كاراميل اللي يالسه تاكله وهي بعدها ماسكتنه في يديها ..طالعتها
شمه: ليلى
ليلى: بتذبحني ...هالبنت بتذبحني
شمه: منهي اللي بتذبحج؟
ليلى: كتاباتها غريبه غامضه كلمات ماتخطر على بال حد..صارلي الحين اكثر من سنه من صرت مشرفه ع لقسم المميز في المنتدى مامرت عليي مثل هالخواطر .. ..كلماتها فضيعه
شمه: من زمان مسجله؟
ليلى: لا بس كلامها غريب ..ياني فضول اتعرف عليها وعرف سالفتها ..مابيهنالي بال الا يوم اتعرف عليها وليش تكتب جذي


الله ياخذ بليسج ياعبير ..اففففففف كنت ناسيه المنتديات والتعرف ع ناس من النت انا شو اللي خلاني اخذ الايميل واضيفه عندي ,, هذا كان كلام هند وهي يالسه فاتحه اللاب والمسن شوي ودش عبير كانت هند محطيه الحاله عدم ظهور شوي وتنط جدامها رساله من عبير
عبير
هنوووووووووود موجوده...<فيس يغمز>
في البدايه ماكانت تبي ترمسها ..
هند
هيه
عبير: وليش عدم ظهور؟
هند: عشان القروب مايزعجني
عبير: اهااااااا يعني ضفتيه
هند: هيه
عبير: حلو وسجلتي؟
هند: يس
عبير: يالله جدامي حطيه اون لاين وخلينا نرمس هناك
هند: مالي نفس
عبير: وليش ان شاء الله ضايفتنه زيادة ايميل ع القايمه..يالله هنود
عبير: فيس يغمز ..ترى المزيون محد..سالت عليه البارحه قالوا ماشافوه ..صارله اسبوع وهو متغيب
هند: يمكن مات
عبير:<فيس متروع>
عبير: بسم الله عليه ..لا فديته بس تلقيه بزي
هند: الا كيف الجو عندكم في القروب؟
عبير: فيس فاطس من الضحك
هند: ليش قلت نكته؟
عبير : فيس يضحك ..لا بس عيبتني الجو
عبير: الجو روووووووووعه والقروب دوم حشره ماتلقينه هادي ابد ..بس بوجود المزيون يصير احلى
عبير: فيس مستحي
هند: عليكم بالعافيه...انتي الحين بالقروب؟
عبير: كنت عاطيتنهم بلوك والحين شلته ...هنود يالله تعالي ..والله السوالف حلوه..تعالي شوفيهم شو يقولون يفطسون من الضحك <خخخخخخ فيس يضحك>
هند: بعدين مالي خلق الحين
عبير:< فيس معصب> متى يعني؟ حددي؟
هند: بعدين عبير بعدين ..الحين بطلع يوم ارد برمسج خلج ويا قروبج يالله سي يو
عبير: اوكي ..باي
هند: باي

بدت تحس بالملل نفسها ترد للبيت .. ليش لا وهي قضت يوم كامل في المستشفى نشت ومالقت امها بقربها ..زاد الضيج فيها اكثر..هذا وقته امها تروح عنها ..شوي ونفتح الباب
امل: امايه وين رحتي؟
نوال: رحت الكافتيريا ..طمنين عليج؟
امل: الحمدلله بخير...امايه محد سال عني؟
نوال: امبلا
امل: من؟
نوال: مدرساتج
ماكان في بالها المدرسات في بالها حد معين تبي تعرف ان درى انها في المستشفى ولا لا ...انسان عزيز ع قلبها
امل: محد غير؟
نوال: لا
امل: ابا اطلع متى بيرخصوني
نوال:صبري
امل: امايه ابا اطلع خلاص زهقت الله يخليج خليهم يرخصوني
نوال: ان شاء الله
امل: لازم يرخصوني ابا اطلع
نوال: ان شاء الله

فريقه المفضل هو فريق برشلونه ولا يفوت مباره من مبارياته ..كان يالس في الميلس يتابع مباره مباشره لفريقه المفضل ..هو من الطبع الهادي والخجول ماينسمع حسه انسان حساس قلبه مايشل ع احد ولا عمره كره حد ..هذي هي شخصية مايد ..دق موبايله فقصر ع الصوت ورد ع المتصل

مايد: الو
عيسى: هلا بمايد هل بولد العم
مايد: هلا عيسى شحالك؟
عيسى: بخير ..لا وبشرك مستانس اخر وناسه ..انته شخبارك وشخبار الاهل كلهم والبلاد؟
مايد: بخير هابشرني شو مسوي في الدوره
عيسى: كل شي تمام..اقول ميود
مايد: امر
عيسى: مايامر عليك عدو..اباك تروح لابويه وتطلب منه فلوس وطرشهم حقي..
مايد: ليش انا اطلب منه ليش ماتتصل عليه وتخبره
عيسى: مايد انا مب مسافر اخذ دوره ..
مايد: انت شو تقول؟
عيسى: مب في دوره ..ولاني اثق فيك قلتلك مايد في حال ان ابويه رفض يعطيك اطلب من عمي سيف ادري بغلاتك عنده
مايد: عيسى انت وين الحين؟
عيسى : في بلاد الله الواسعه ..المهم سوي اللي قلته لاني بحايه للفلوس ميود تراني اعتمد عليك..جدامك يومين تاملي الفلوس بتصل فيك مثل هالوقت يالله باي
مايد: عيسى....استغفر الله العظيم هذا شو صاير وياه ؟!



الوقت يمر وهي منسدحه في سريره وراقده ع بطنها وحاضنه المخده وموبايلها في ايدها ..طالعه
وهي ع هالحال " الحين...واحد...اثنين.....ثلاثه.." ...صرخات شقة السكون ..حطت الموبايل ع جانب ونكبت ع المخده اللي في هذا الوقت لازم تشرب من دموعها ..صوت عالي حفظت متى بيكون...هذا حال مريم كل يوم ع هالموال..صوت صراخ يقطع قلبها ويخلي دموعها تسيل بس ماشي في ايدها حيله توقفه .








احمد ليش تضايج من كلام اسما عن العرس...وعلى شو مسامح عياله وشو اللي صار بينهم؟

خليفه رجع مع بنته من السفر بس حرمته وينها؟!

شو الكابوس اللي يتكرر مع خوله وليش هالكثر خايفه من انه يتحقق؟

منو منال وشو سالفتها وسو اللي ناويه عليه؟

هند وين بتوصل وشو اللي بيصير وياها؟

محمد وحنان صج هم مزاعلين ولا في شي ثاني؟

بدور شو خطتها وشو هو دور جواهر في هالخطه؟

عيسى شو اللي صاير وياه وليش يبى من مايد يتكتم ع الموضوع؟
ليلى ليش مهتمه بسالفة هالبنت من تكون وليش ليلى مستغربه من اللي تكتبه؟

مريم ليش في هالوقت تنزل دموعها وشو سبب الصراخ اللي تسمعه ؟




يــــــــــــــــــــــــــــــــتــــــــــــــــ ــــــــبـــــــــــــــــــع

البارت الثالث


وصلن للمستشفي وتحديدا للجناح اللي فيه حجرة امل ..طبعا بعد ماسالن ارسبشن ..كانن واقفات بعيد في زاوية ممر ثاني

بدور: ها جواهر جاهزه؟
جواهر: اكيد
بدور: يالله روينا شطارتج..
جواهر: ان شاء الله عن اذنكم
عقب ماراحت جواهر
لطوف: هي ثقه؟
بدور: هيه ... انا انتهت مهمتي هنا والحين بروح
لطوف: وين رايحه؟
بدور: بتحوط شوي بالسياره وبردلج
لطوف: وجواهر؟
بدور: بدبر عمرها..المهم انا بسير الحين يوم تخلصين تصلي عليي يالله سيات
وهي مقفيه زقرتها
لطوف: بدور
التفتت صوبها ..بدور هي الوحيده اللي تفهم ع لطوف وتعرف شو تبى قبل ماتقول ولطوف نفس الشي ..علاقة بدور ولطوف مثل روح في جسدين محد يقدر يعرف شو اللي في قلوبهم الا هن الثنتين يعرفن بعض من زمان وهن وايد كلوز جتمعن وفترقن ورجعن وجتمعن ..لطوف قبل كانت تدرس في مدرسه خاصه قبل ماتنتقل لمدرستها الحكوميه اللي هي فيها التقت ببدور وصار التعارف وبعد ين انتقلت بدور لهذي المدرسه بس ماكانت تعرف ان لطوف فيها ولتقن وقوت العلاقه من يديد الثقه بينهم مالها حدود من تعارفن وهن عمرهن مازاعلن مع انهن يختلفن احيانا بس الاختلاف لا يفسد المحبه بينهم.
بدور: لا اياج تقولين شي.._يت صوبها وحطت ايدها اليسار ع كتف لطوف اليسار..لطوف سانده ع اليدار_...نحن ربع ومابينا هالرمسه مب هذا كلامج
حطت لطوف ايدها اليسار ع ايد بدور
لطوف: ونعم الربع والله ...لو الف الكون كله ما بحصل شراتج لقلبي ربيع
بدور: خليني اروح وبعدين بنكمل كلامنا..يالله فمان الله
لطوف: فمان الكريم

تيلس شيخه وبنتها منى في الصاله اللي فوق اتي صوبهن حنان وتوقف
حنان: عمتيه
شيخه: خير؟
حنان: بروح بيت اهلي ويوم ايي "يرجع" محمد خبروني
شيخه: مالج سيره عند اهلج بدون شور ريلج"زوجك"
منى: محمد حتى حنا مايتصل علينا مب بس انتي تعالي يلسي وخلي عنج هالحساسيه
حنان: عمتي ماتصلبج؟
شيخه: لا عمج بس اللي يتصل
منى: يعني مب مصدقه كلامي
حنان: مصدقه بس انا سمعت لطوف تكلمه جدام ماتطلع
منى: يمكن هي متصل عليه
حنان: ليش من حرمته... لطوف ولا انا ..الله ياخذها وارتاح منها
وقفت منى معصبه من دعوتها
منى: حنان احترمي نفسج ولا دعين على اختي
حنان: ونعم الاخت
اتي ريم صوبهن
ريم: شبلاكم
حنان: سألي اختج اللي مسويه فيها محامي دفاع عن لطوف خاتون..لطوف اللي يالسه تغطي عليها عمتيه ساليهن ساليهن من لطوف ولا تبيني انا اخبرج عمتيه ترا لطوف بــ..
وقبل ماتكمل ماحست الا بكف من ريم ع ويها
شيخه: ريم
ريم: سكتي ولا كلمه الحشيمه مب لج لمحمد
حنان: انزين ياريم انا تعطيني كف اوريج
وخلتهن وراحت..في نفس اللحظه اتي الشغاله وقالت لشيخه في ضيفه يايه تزورها خلتهن شيخه وراحت
منى: ريم ماصدق انج تعطينها كف
ريم: مب عشان لطوف عشان امي اللي مره يرتفع عندها الضغط ومابترقد الليل من كثر ماتحاتي
منى: الله يكون في العون


جواهر راحت عند نوال ام امل ويلست وياها ..كانت امل نايمه
جواهر: والله ياخالتي من شفتج دخلتي قلبي وقلت لازم اتعرف عليج..مادري بس حبيتج من خاطري
نوال: حبتج العافيه..وانتي ماشاء الله عليج تدخلين القلب ...شو اسمج؟
جواهر: اسمي جواهر..وانتي خالتي؟
نوال: نوال
جواهر: وبنتج؟
نوال: امل
جواهر: الله يخليها لج
نوال: امين..ويخليج لاهلج
جواهر: امين...خالتي..شرايج اعزمج ع قهوه ونسولف ونخلي امل ترتاح شوي

في هذي اللحظه كانت لطوف رايحه راده في الممر ...طالعت صوب الغرفه وشافتهن يطلعن سحبت شيلتها وغطت شعرها ..ولفت للجهه الثانيه سمعت صوت كعب نعولهن وهن ماشيات ومرن ..التفتت وتريتهن لين اختفن وراحت للغرفه وقفت جدام الباب نزلت شيلتها تحت شعرها ع كتوفها ورتبت عمرها ودخلت ..كانت امل نايمه ..طالعت وجها الطفولي اللي فتقدته اليوم ..مشت وابتسامه رقيقه ع ويها ..وقفت تتاملها يلست ع طرف السرير..كان في خصل من شعرها نازله ع ويها ..بعدتها بايدها بعدين نحنت وباستها ع طرف جبينها ..وبصوت رقيق ناعم كله حب ودفى همست في اذنها..وهي تمسح بكل رقفه باصابعها ع شعر امل
لطوف: اموله.... امول.... امولتي
رفعت جسمها ..بدت امل تنش من نومها ...فتحت عيونها وبين الحلم والصدق ..ابتسمت ..وبكل لهفه
امل: لطوف
نشت وحضنتها بقو..كانت مشتاقه لشوفها وتعد الدقايق عشان تشوفها..ماتصورت انها بتشوفها جدامها فرحتها بها نستها المرض والتعب
امل: مب مصدقه معقوله لطوف هنا..لا اكيد احلم
وهي تلعب بخصل شعر امل: لا حبيبي صدقي انا وياج وجدامج
امل: اخاف امي الحين اتي ..وتسويلنا سالفه..مادري ليش ماتعيبها اللي تلبس بنطلونات واللي قاصه شعرها تحكم ع البنات من منظرهن مع انها مثقفه ومتخرجه من الجامعه وتشتغل
لطوف: مايخصه..ياما حريم مايشتغلن ولا متخرجات من جامعات وبناتهن يلبسن اللي يبونه..المهم..خبريني شو اللي صار؟
امل: يوم السبت بالليل تعبت كنت حاسه اني بموت ماقدرت اتنفس يابتني امي للمستشفى..بس الحمدلله الحين احسن..بس يوم شفتج طبت ..بس يارب امي تتاخر شوي..لاني مشتاقتلج وااااااااااايد
لطوف: وانا بعد
امل: شتقت للشله..بدور ومهير واسوم ..ابا اداوم باجر بس اخاف مايرخصوني
لطوف: سهله خذي شور وجهزي عمرج ويوم اتي امج قوليلها ماماتي خلينا نروح لا من شاف ولا من درى
ضحكت امل وتحت نفسها عليها: احبج لطوف
لطوف: وانا بعد حياتي
ماحسن الا الباب انفتح.....


"الى امي الحبيبه ..اعرف اني وعدتج اني ماقصر في دراستي واني اجتهد فيها وكنتي دايما تقولين تبين تشوفيني ناجحه ومتوفقه فيها..امي رحيلج اثر فيني مثل ماكلامج خلاني اتمسك بالحياه..امي برجع اكمل دراستي وبحقق حلمج برجع عشانج بس غيابج في قلبي محد يمليه ابويه وخالتي مب مقصرين معاي احبهم بس تمين امي اللي ماراح انساها ..اطلب منج تسامحين لاني في ذاك اليوم زعلتج ..ماراح انساه مابنسى اني ماعتذرتلج..ورحلتي في نفس اليوم..." نزلت دموعها وهي تذكر امها اللي تكتب عنها في مذكراتها هذا حال نوره من رحلت امها عنها

خلصت لطوف من زيارتها لامل ..كانت بدور تترياها في السياره ..وصلت وركبت
بدور: ها بشري كيف سارت الامور؟
لطوف: تمام التمام
بدور: امل شخبارها؟
لطوف: بخير..كنت بطول عندها بس الممرضه يت تعطيها الدوى وطلعت.....مطرشتلج سلام
بدور: الله يسلمها ويسلمج من كل شر...متى بيرخصوها؟
لطوف: بترخص نفسها بنفسها
بدور: يعني باجر بداوم؟
Sure :لطوف
بدور: هههه والحين ع البيت ولا نحوس شوي؟
لطوف: شو عندهم في السينما؟
بدور: فيلم..فيلم اكشن بس باين انه حلو
لطوف: اوكيه نشوف الفيلم وعقب نروح نتعشا
بدور: تم والعشا عليه
لطوف: شو شو شو ..لا العشا عليه
بدور: من قال
لطوف: انا قلت
بدور: خلي عنج العشا عليه
لطوف: لا حبيبي العشا عليه ويالله حركي
بدور: اول شي نشوف الفيلم وعقب نتفاهم
لطوف: انزين ..يالله مشينا

كل بيت وكل زاويه تحمل قصه بخط اصحابها منها ماتراه امامك ومنها يكون بين الجدران قصص تصدقها وقصص حين تسمع عنها تقول هذا من الخيال ..كلنا سمعنا عن العصيان والعقوق ..توفى زوجها وترك في رقبتها ثلاثة اولاد صغار وشاب طائش سهر بالليل ولا ترى وجهه احيانا حتى بالنهار وبنت في الثانويه ترى فيها السند لها ولاخوتها وعزاءها في غياب الرجل ..لزوجها ام عجوز ولكنها مازالت في قوتها تعيش في منزلها الخاص علاقتها بارملة ابنها علاقة الام بابنتها وربما اكثر ..اليوم كانت يايه تزورها وتشوف احفادها كانن يالسات في الحوش
صالحه: ليش ماتين انتي وعيالج عندي
عليا: العيال عندهم امتحانات..وهاليومين مافضيت امس ماخذه طارق للعياده
صالحه: بعدها الحمى ماخازت عنه؟
عليا: اتي وتروح
صالحه: الله يشفيه ويعفي عنه
عليا: امين يارب
ماكملت كلمتها الا وباب الحوش انفتح بقو ودخل منه شاب حنطي البشره لا هو طويل ولا قصير ضعيف يلد على عظم ..لابس كندوره بيضه وسفره وعقال اللى يشوفه يقول داش ضرابه تقرب وسلم
هذا فهد ولدها اللي ماتشوفه الا ع هالشكل دوم معصب والدنيا عنده صراخ

فهد: السلام عليكم
..:وعليكم السلام
صالحه: شفيك مثل الثور
فهد: ثور ينطحج يالعيوز اليربه(الجربانه)
صالحه:ا نا يربه ياللي ماتخيل ولا تستحي..والله لو مب ارملة ولدي وعيالها ماييت
فهد: جب انتي..وانتي قومي هاتيلي فلوس
صالحه: ياللي ماتستحي هذي امك بدال ماتهوي على راسها صج انك جليل حيا
عليا: خلاص ياميه خليه _نشت واقفه طالعته وراحت _
ماتاخرت رجعت وفي ايدها الفلوس سحبهم بقو من ايدها
فهد: جم هاذيل؟
عليا : الف وخمسميه (درهم)
فهد:والباجي؟
عليا: اقصا ط السياره ومصاريف البيت
فهد: وراتبج؟
عليا: هالشهر ماشي راتب بينزلولي راتب شهرين
فهد:ليش؟
عليا: مادري
فهد: ياويلج اذا كنتي تكذبين عليه سامعه
دزها (دفشها) وطاحت ع الارض وهو راح ولا كانها امه
صالحه: حسبي الله عليك حسبي الله عليك...قومي قومي يامه عليا..الله ياخذك من ولد
اذا كان فهد قاسي في تعامله مع امه وخوانه ويهه دووم منعفس وحالته حاله ..فـ سرور راد البيت والاببتسامه على و يهه كانت امه وخواته يالسات في الصاله يتابعن التلفزيون وياهن حنان حرمة اخوه كلهن كانن يتابعن المسلسل الا لطوف اللي كانت ماسكه فونها وطالع فيه تقدم وسلم وهوى ع راس امه وباسه بعدين مشى عشان ييلس كان شايل في ايده غرشة (زجاجة) فيتامين سي حجم كبير ..لف ويلس
ناول الغرشه للطوف
سرور: هاج فجيها
خذتها وفتحتها وشربت منها ..
سرور: بسج هاتي بتخلصيها
ريم لاعت جبدها من منظر اخوها وهو ياخذ ها من عند لطوف
ريم: ان شاء الله بتشرب منها عقب ماهي شربت منها؟!
سرور: انا ماعطيتها اياها تفتحها الا عشان تشرب منها ..بعدين ماشايف فيها شي
ريم: وع
سرور: وع عندج انتي مب عندي..وليش محتره ؟
ريم: تباني اشوف هالمنظر
سرور: والله محد قالج
منى: خلاص بس حشا شبلاكم؟
سرور: والله سالي اختج هي اللي باديه
منى:ريم بس خليهم
لطوف..ولا عاطيه بال لكلام ريم:سرور ماعندك مسج جي حلو؟
سرور: فيه
لطوف: طرشلي
ريم كانت تخز لطوف بعينها بعدين نشت وراحت ..ريم دايما محطيه دوبها بدوب لطوف وتعلق على اي شي خصها ولطوف ولا مهتمه للي تسويه اختها يمكن مب منتبه لتصرفات اختها وانها هي تتعمد انها تتجاهلها

كانت يالسه ع درجات اللي توصل لباب الصاله كانت يالسه تفكر ومهمومه اللي سواه ولدها فيها مب شويه توصل بنتها للبيت واتي صوبها
بدور: مساء الخير
رفعت راسها صوبها
عليا: مساء النور
بدور: الحلو شوفيه؟
عليا: مافيني شي ماتبين تتعشين
بدور:قلتلج بتعشا برع .._تجدمت ويلست يمها ويها صوبها_ امايه فهد يا اليوم ؟(يا=جا)
عليا:لا مايا
بدور: الا يا ..امايه الاحسن تقفلين باب الحوش وماتسمحيله يدخل
عليا: تبينا ننفضح
بدور: الحين اللي يسمعج يقول ماكانه فاضحنا في الفريج...خليه يلعي لين يسده اخرته بيذلف
عليا: مهما كان يتم اخوج
بدور: خاوته الجلاب انا ماعندي اخو ...امايه خلينا من العله وقومي دخلي عشان نرقد
عليا: انا بيلس شوي وبعدين بدخل
بدور:بس لا تتاخرين_باستها ونشت واقفه_ تصبحين على خير
عليا: بدريه
بدور:خير يالغاليه
عليا: يدتج كانت هنا وتباج تروحيلها باجر
بدور: امي صالحه شفيها؟ّ!
عليا: مافيها شي بس تبى تشوفج
بدريه: باجر عقب المدرسه بخطف عليها يالله تصبحين على خير_حبت طرف صبوعها _
عليا: وانتي من هله
بدريه عندها ثلاث خوان صغار خلود وعمر وطارق..دخلت لغرفة الكمبيوتر وكان اخوها عمر يالس يلعب
بدور : عمير يالله ع النوم باجر مدرسه المفروض تكون نايم من 3 ساعات
عمر: بس قيم واحد
بدور: ماشي يالله جدامي
عمر: الله يخليج بس دور واحد
خزته بعين وبصوت هادي
بدور: عمر
استسلم للامر الواقع ونش من مكانه
بدور: عمير _لتفت صوبها_ فهد يا هنا ؟
عمر: هيه
بدور:سوى شي؟
عمر: لا
بدور: اممم..انزين روح رقد..._وقبل مايطلع _ لا تنسى تغسل ضروسك.... يعني الجلب النذل شرف اليوم ماعليه ماعليه يافهود اذا ماخليتك تشوف نجوم الليل فعز النهار _ضربت بايدها ع الطاوله_ ماكون بدور.


قبل الطابور بخمس دقايق وصلت لصفها وهي رايحه لطاولتها تشوف عليها ثلاث وردات جوريه وبطاقه ..تجدمت ونزلت شنطتها ع الكرسي مالها بعدين خذت الورد وفتحت البطاقه وقرت الكلمات
"ورده تقولج هلا بمن طول الغيبه والحمدلله ع السلامه ورده تبوس خدودج ورده تقولج كم احبج "
ابتسمت وقربت الورد وشمتهم ...وهي سرحانه نفتح الباب كانت لطوف وقفت عند الباب
لطوف: يعني يتي_ طالعتها امل وبتسمت وركضت صوبها_ شوي شوي بعدج ماتعافيتي
تاحت نفسها عليها
امل: لطوف احبج واموت اذا ماشفتج
لطوف: سلامتج حبي...اشوف- طالعتها وحطت كفوفها ع خدود امل _ وحشتيني وتولهت عليج
امل: اذا انتي تولهتي عليه عيل انا شوا قول.. ذبحني الشوق حسيت اني مسجونه انتي لو ماييتي البارحه كنت خلاص بين (بجن)
لطوف: معقوله اعرف انج في المستشفى ومازورج لو كنتي باخر الدنيا بييج
امل: لطوف تعرفين كلمة احبج صغيره وايد جدام اللي احسه
لطوف: لا تقولين شي _قطع صوت الجرس كلامهن_ روحنا الطابور
امل: يالله _وهن طالعات_ لطوف..طالع حلو عليج مريول المدرسه خلج لابستنه اليوم
طالعت نفسها وبعدين طالعت امل
لطوف: حبيبي خلينا نسير عشان مانحصل هزبه محترمه من حد
طبعا لطفوف بردها هذا كان تطنيش لكلام امل هي ماتتخيل عمرها بمريول المدرسه طوال اليوم ونفس الشي بدور.

في وقت البريك كانت خوله يالسه في كلاسها ترتب الاوراق في ملفها ..تدخل صديقتها خلود
خلود: خوله
خوله: هلا خلود
خلود: قومي تراني ميته يوع
خوله: بس لحظه
خلود: ليش حصه غايبه؟
وحده من البنات : بس جي مزاج
خلود: بس ابسناتها كثرت
بنت ثانيه: بتعرس
خلود: يعني عشان بتعرس دمر مستقبلها والله هالبنات ماتعرفين كيف يفكرن
خوله: خلود اذا ماعليج ا مر هاتي الاوراق من الطابعه
وهي عند الطابعه: عن تكوني بترتبيهم ؟
خوله: لا بحطهم داخل وعقب برتبهم
خلود: هيه عبالي بعد....هاج
خذتهم وشكرتها وحطتهم داخل
خوله : يالله مشينا _وهي قايمه من مكانها حست بتعب ويلست_
البنات خافن عليها
..:خوله شفيج؟
خوله: مادري حسيت بدوخه وعيوني حرقتني
..: نظارتج يديده؟
خوله: هيه
...: لازم تفحصين نظرج
خلود: خوله لا تهملين عمرج ذاج اليوم بغيتي تطيحين في الحمام
خوله: ان شاء الله


ع وقت الفسحه كانت اسما تنقل الواجب من دفتر ربيعتها وياها هلا اللي كانت يالسه يمها وطالعها كان واجب فيزياء
اسما: اف واخيرا خلصت
هلا: لا حبيبتي لا تفرحين وايد_قلبت الورقه_ بعده هذا تكملة الحل وهذي مسأله ثانيه
شهقت اسما: هيييييي خيبه ..ومتى بخلصه ..بتخلص الفسحه وانا بعدني ماخلصت...هلا حبيبتي ساعديني
هلا : لا ياماما ماقدر انا بروحن ا يديني تكسرن وانا انقل
كان الباب مفتوح اتي بدور وتوقف عند الباب وايدها عليه
بدور: اسوم مابطلعين
اسما: وراي هالعله واجب الفيزيا نص حل ومساله
بدور: الله يعينج...شوفي هلا تعلمي منها حلت واجبها
اسما: دخيلج مادري من وين حلته بروحها هي بعد ناقلتنه
ضربتها ع ايدها: جب عاد فضحتينا
بدور: ههههههه انزين قولي للمس في اشياء مافهمتيها
اسما: ياسلام عشان طلعني ع السبوره عشان احل
هلا: دايم جي اذا قلتي مب فاهمه طلعت ع السبوره اونه عشان نتعلم
بدور: كان الله في العون
كانت مريم يايه صوب صفها شافت بدور عند الباب فوقفت في مكانها وهي معصبه ومضايجه ..مريم ماتحب البويات ولا تبى تتقرب منهن
اسما: اف تعبت بكمل بعدين..يالله بدور مشينا
طلعن اسما وبدور من الصف وهن يمشن في الممر
اسما: عيل وين شموس؟
بدور: غايبه اليوم عندها موعد اسنان
اسما: اها وانا اقووول ليش بدور من دق جرس الفسحه وهي عندنا بالعاده تقضين نص الفسحه ويا القلب
ابتسمت لها: مالي غنى عنكم
اسما: جب جب هالرمسه قصيبها ع حد مايعرفج مب نحن ..اونه مالي غنى عنكم روحي مناك لااا
نزلن تحت وتلاقن بمهره..ومشن سوى
مهره: الا وين امل ولطوف؟
اسما: مادري عنهم..وشموس بعد محد عندها موعد اسنان
مهره: لااا حليلج يابدور
بدور: بس مب لاني ماقول شي استلمتني
اتي صوبهن لطوف وهي لافه ايدها ع امل وتمشي وياها
لطوف: سلام
..:وعليكم السلام
اسما: اقول حنا نبي نحتفل بامول شرايكم
مهره: الله صج فكره حلوه وامول تستاهل
لطوف كتفت بوسه ع جبين امل
اسما: وبما ان بيوتكم مزحومه بنسويها في بيتنا
بدور: في اي يوم؟
مهره: اممم اليمعه ..ثاني يوم بتكون اجازه واهلنا مابيمانعون
بدور: ماعتقد يوم اليمعه مناسب لا تنسون ا ن اهل لطوف كل يمعه يتيمعون .
لطوف: الحفله بتكون بالليل يعني عادي عندي وعشان امول كل شي يهون
امل: فديتج والله...بس انتو قررتو ونسيتواهم شي..كيف بطلع من البيت؟
بدور: ولا يهمج امول بتطلعين وبتسهرين وبتحتفلين
لطوف: لاتقولين جواهر
بدور: هيه جواهر
اسما: من جواهر.؟!
بدور: جواهر عبدالعزيز اخت ميسون اللي تخرجت السنه اللي طافت
اسما: هييييييه تذكرتها.._تكلم مهره_..تذكرينها يت في حفلة التخرج..اخت ميسون اللي يوم شفتيها قلتي معقوله خوات وحده بيضه والثانيه سمره
مهره: ايوا تذكرتها بس شو السالفه؟
بدور: خلونا نروح ناكل وبخبركم يالله مشينا

ردت للبيت كانت تعبانه كان يوم دراسه متعب تبى بس توصل حجرتها وتوح عمرها ع سريرها ..الشنطه كانت ثقيله من الكتب اللي فيها بجهد وصلت للحجره ودخلت بس وهي داخله تغيرت ملامح ويها .

طالع من دوامه وياه صديقه غانم اللي يا عشان يوصله
سعود: غانم شو سويت..شو صار ع الموضوع؟
غانم: ماسويت شي ياسعود
سعود: مابرتاح الا يوم احصل ع اللي اباه ...غانم نحن ربع ولازم تساعدني
غانم: سعود انا حاس ان هالشي مستحيل سعود حكم عقلك ياخوك في فرصه ماتتاجل لا تضيعها من يديك
سعود: غانم اللي في راسي بسويه
غانم: انزين وانا بشوف شو اقدر اسوي يالله مشينا

كانت اختها نايله يالسه وسط سريره وحاضنه لعبه وتنوس..تجدمت وحطت شنطتها ع السرير ويلست جبالتها
مريم: شحالج نايله...لحظه.._ فتحت شنطتها وطلعت منها حلاوه_ شوفي شو يبتلج وياي ..حلاوه افتحها ..
وقفت من الهز ورفعت بصرها صوب مريم بنظرات قاسيه..وبصوت خافت
نايله: ليش خليتيني بروحي
مريم: نيول
بدت تعلي ع الصوت شوي شوي
نايله: ليش خليتيني بروحي ليش خليتيني بروحي ليش ..
مريم: انا ما خليتج
نايله: اكرهج اكرهج انتي السبب اكرهج اكرهج _صرخت وهجمت عليها وبدت تصفعها _ اكرهج
مريم: اماياه لحقوا علي اماياااه
يدخل اخوهن وامهن وسحب نايله عن مريم وهي تصارخ وطلعبها برع ومريم كانت تصيح تجدمت منها امها
امها: بس يامريم بس لا تصيحين
مريم وهي في حجر امها
امايه ليش تسوي فيني جي ليش؟
امها: بس فديتج..اختج مب في وعيها..مادري شو صابها...ماخلينا حد الا وقرى عليها الله يلطف بحالها
مريم: انا احبها ومستحيل اكرهها بس مالي ذنب _ غصت_ والله مالي ذنب ..
امها: بس يامريم ادعيلها الله يشفيها ويعفو عنها


خوله بدت تفكر باللي يصير وياها فحالة التعب وحرقة العيون صايره دوم تتكرر وياها حتى انها دوم ايها صداع ..طبعا هي ماحبت تخبر امها عشان ماتقلقها عليها..هي تعرف ان امها دايم تحاتيهم ..راحت خوله لحجرة اختها منى ..كانت منى يالسه ع الكرسي وتقلب في مجله ..دقت الباب ودخلت
منى: هلا خوله
خوله: منى في شي صاير وياي وماقلت لامي عشان ماتحاتي
حطت المجله ع صوب كلام خوله ازعجها
منى: خوله روعتيني
خوله: من مده اييني صداع وعيوني تعورني مره بغيت اطيح في حمام الكليه
منى: وليش ماقلتي..سمعي باخذلج موعد في عياده عيون وبخطف عليج باجر وبنسير
خوله: بس ماريد امي تعرف..ولا اي حد ..منى خليه سر
منى: لا تخافين مابخبر حد وباجر بنعرف شو سبب كل هذا








هلا بنور الفجر زاح الظلامي ...هلابه الف ترحيبه وحيه
هلا به عد مزن في غمامي.... وعد ما هبت نسيم المطلعيه

هالابيات قالتهن صالحه يوم شافت بدريه
صالحه: هلا بالبدر هلا بنت ولدي
تجدمت بدريه وهوت ع راس يدتها ويلست
بدريه: شحالج امايه؟
صالحه: الحمدلله
بدريه: خير امايه صالحه الوالده قالت تبيني..امريني
صالحه: مايامر عليج عدو ..هاج_طلعت الفلوس وناولتها اياهن_ مابغيت اعطيهن امج خفت هالزطي ياخذهن
بدريه: كنتي موجوده يوم يا ؟
صالحه: هيه حسبي الله عليه
بدريه:ضربها؟
صالحه: طرحها ع الارض وعتفر مثل اليني
بدريه _وبنبره جاده_ : يدوه.._حطت كفها ع كتف يدتها_ ترا امي وخواني امانه في رقبتج
صالحه: بسم الله الرحمن الرحيم ليش هالرمسه؟!
بدريه: ناويه اجتل فهد
صالحه: تعوذي من بليس خلي عنج هالرمسه..ياميه امج اللي فيها مكفيها لا ياميه كله ولا الجتل
بدريه: اريد افكها من شره...تعرفين يوم يموت بيرتاحون ..بعدين اللي امثاله جتلهم حلال
صالحه: بدريه خليه يولي لا تبتلشين بمصيبه ياميه تعوذي من بليس
بدريه: انا نويت يدوه فهد ميت ..نهايته على ايدي..من رخصتج
تمت تزقر عليها بس بدريه طلعت وماردت ع يدتها
صالحه: حسبي الله عليك يافهد حسبي الله عليك


ضربات سريعه ع باب غرفتها ..كانت توها تستعد انها ترقد كانت في سريرها
شمه: تفضل
تدخل ليلى شكلها يت في وقت غير مناسب
ليلى : بترقدين؟
شمه: هيه في شي؟
ليلى: لا مب ضروري تصبحين على خير
وقبل ماتسكر الباب
شمه: ليلى تعالي
دخلت وسكرت الباب وتجدمت ويلست ع طرف الشبريه
شمه: ليلى اتكلمي اسمعج
ليلى: مب عايبني حال هاجر صايره وايد تعزل نفسها في حجرتها وطوال الوقت ع النت كانت قبل دوم تنقد سلامه ع يالسها ع النت
شمه: ليلى لا تبالغين بس يمكن هو من التغيير او يمكن سن المراهقه
ليلى: مادري بس حاسه ان الموضوع فيه ان
شمه: لا ان ولا شي هي مجرد فتره وبتروح اعرف هجور
ليلى: ان شاء الله يا الله بخليج ترقدي تصبحين ع خير
شمه: وانتي من هله


مثل كل مره تكرر الكابوس بس هالمره اشد قامت وريجها ناشف وتسبح من العرق سحبت نفسها من سريرها تبى تتنفس هوى طلعت باللفت للطابق الثالث وراحت للبلكونه هذا المكان العالي اللي تحس فيه انها قريبه من السما وقفت عند الحاجز ورفعت راسها وغمضت عيونها تشم الهوا المنعش اللي بدا يتخلل بجامتها ويحسسها بالبرد وهي وع هالوضع وبدون ماتحس وبكل خفه ايد ع كتفها ..التفتت وهي خايفه ومرعوبه وشاحبه !







ام امل بتوافق ان بنتها تروح الحفله ؟

من سعود وشو قصته؟

نايله شو اللي صار وياها وليش تتهم مريم بانها السبب ؟

بدور بتجتل فهد ولا بس كلام وهي معصبه؟

منو اللي حطى ايده ع كتف خوله ؟



يـــــــــــــــــــــــــــــــــــــــــــتـــــ ــــــــــــــبـــــــــــــــع