الفصل الاول
البارت التاسع
ودي أكون قربك
ودي أسمع صوتك
ودي أرتمي بحضنك
ماودي أزعلك
ماودي أخونك
ماودي أعيش بدونك
وربي بعمري وحياتي وروحي أصونك بس؟!!
حبني كثر ماأنا أحبك
......................
بمجمع الراشد
فهد , سعود , فارس
فهدبأبتسامه : مبروك عليك غدير ياسعود
سعود: الله يبارك فيك .... تو الناس ....لا تحضر زواجي بعد.. هذا الملكه وماحضرتها ... ياويلك ان ما شفتك مرتز قدامي من المغرب بيوم الزواج
فهد: هههههه الله الله كلتني بقشوري
سعود: لاوالله تضحك ... انت قهرتني لما ماشفتك كنت ابغاك شاهد
فهد : المره الجايه ان شاء الله اشهد بزواجك
سعود فتح عيونه: لالا بعد بتزوجني وحده ثانيه علشان تشهد
فهد: شفت شلون احبك ... ابغى لك الخير وبزوجك ثنـــــتــين
سعود: لا يكفيني غدير
فهد: ياعيني طيحتك غدير
سعود: اكيد من زمان وانا طايح عندها....
فهد: اووه صح سعيدان ... نسيت اعرفك على ولد عمي فارس
فارس يكلم فهد: صباح الخير ... كان تركتني اكثر
فهد : السموحه نسيت نفسي مع سعودوه
سعود(( افف شنو يبغى هذا)): اهلآ فارس ... مايحتاج تعرفني عليه .. انا اعرفه (ابتسم يقهر فارس) هذا اللي كانت غدير بتتزوجه وبعدين انكشفت الحقيقه وانا اللي اخذتها
فارس((هههه حلو ياسعود .... شكلك فاهمني )) وبخبث : اووه اكيد مابتاخذني ... لأن ابوها غاصبها عليك وتركتني وقالت انها بتطفشك .. ولما تطلقها آخذها انا
سعود : هه هه مستحيل انا اعرف كل شي وغدير ماتخبي على حاجه
فارس حب ينرفزه اكثر وضحك بصوت عالي كل اللي بجنبهم سمعوه وكمل لعبته وقال : ماشاء الله واثق آخ سعود .... مو مشكله لا تصدقني ما اجبرك على هالشي انا
سعود: ومن قال اني بصدق كلامك السخيف
فارس وعيونه بعيون سعود : كيفك لاتصدق... بس ابغاك تقول لها.... انو شكلها طالع مره يجنن بالفستان السماوي لما شفتها بيوم الملكه
سعود ماتحركت فيه أي شعره ولا بين على وجهه أي شي بس كان يطالع بفارس ومبتسم له (( والله ما امشيها ليك ... خخخ اوريك)): ان شاء الله يوصل ..لاتشيل هم .. انا قلت حياتي غدير ماتخبي عني شي ومره ثانيه تأكد انو.. حبل الكذب قصير .. يا ههههه يازوج ريم
فارس وكأن احد رامي عليه سهم نار فتح عيونه يدور غضب بعيون سعود ماشاف شي انقهر (( اففف هذا الشخص من شنو يتكون مايحس... مايغار على زوجته ... ولا هامه أي شي ولا قاعد يتبسم لي ... معليش بطول بالي معاك ياسعود... ونشوف النهايه معك))
سعود ابتسم : شنو فيك فارس مضيع شي ... ترى انا من الناس اللي مايبان على وجههم شي ... بأختصار مايبان الفرح ولا الحزن والغصب على وجهي
فارس:هههه ومن قال اني مهتم فيك كون زي ماتبي تكون
سعود : لا بس اعطيك معلومه عني علشان مره ثانيه ماتضيع افكارك بوجهي
فارس طنشه: يلا فهيدان مشينا رجعني البيت تعبان
فهد: ما ابي انا قلت لك من البدايه انا بتأخر وانت اللي جيت وخليت سيارتك هناك
فارس: يووه مو فاضي ل كانا تعبت ابي انام رجعني بعدين اطلع على كيفك
فهد: قلت لا يعني لا ... روح دور لك تاكسي وارجع
فارس: افااا والله افااا انا بتتركني اركب تاكسي ... انت عارف اني اكره التاكسي
سعود دخل عرض : افففف والله انك تهذر بزياده .... اقول فهد اعطه مفتاح سيارك يروح فيها
فارس: اقول احترم نفسك دام انا محترمك
فهد : لا ليه اعطيه مفتاح سيارتي ... انا كيف ارجع
سعود: لالا كذا انت اهنتـــني ... وانا وين رحت اوصلك لغرفتك اذا بغيت
فهد: لالا للبيت يكفي
سعود: تآآمر .... آآمر
فهد: امسك هذا المفتاح ... وبكرا الصبح ابغى السياره قدام عيوني من غير اصابات
فارس: اففف خلاص غثــيــتــــني ... مارح يصير فيها شي
فهد: روح بس ... روح
فارس: مع السلامه
فهد وسعود: مع السلامه
فهد: اقول سعود .. شكلي بغير رايي وما اتزوج بنت عمي
سعود: افااا.. ليـــه؟؟
فهد: مدري قلبي يقول لا وعقلي يقول ايه ...متردد
سعود: لا يابوك لاتتردد صلي استخاره وتوكل على ربك
فهد: صليت من زمان ... بـــس ودي ما اتزوجها
سعود: صل مره وثـــنـــتـــيــن وثلاث واربع وتوكل على الله سبحانه وتعالى وسوي اللي يريحك
فهد: ان شاء الله ... ان شاء الله
..............................
محمد جالس بالحديقه ويكلم مشاعل
مشاعل : حــمود ..خلاص لازم مانكلم بعض بالجوال الا لما نصير حلال على بعض
محمد : لا مابي شعوله انا اذا ماسمعت صوتك باليوم بكون مجنون
مشاعل : ابغاك تتحمل انك تكون بعيد عن ولو اسبوع بس مانكلم بعض
محمد : لا حياتي مستحيل ما اقدر علشان خاطري انسي اني ما اكلمك لأني ما استحمل ابعد عنك
مشاعل : امممم طيب حــمــودي اقدر اطلبك طلب؟
محمد برومانسيه : انتي مو بس تطلبي انتي تتأمري
مشاعل: ابغى تغني لي اغنيه
محمد بخشونه صرخ: هاااااااااه
مشاعل: اييييي محمد ليه تصارخ.. اذني بشويش عليها
محمد : هههه آسف بس ماينفع اغني لك
مشاعل: ليه ؟
محمد: لأن صوتي مو حلو
مشاعل: لا ماعليك ... صوتك حلو .. وبعدين انا طالبتك لا تردني
محمد: حاضر من عيوني ... اختاري اغنيه
مشاعل: لا انت اختار ابي وحده على ذوقك
محمد: طيب
وسكت فتره وبعدين قال : ترى مهما تكون كلمات الاغنيه مايغير شي بيننا
مشاعل : اوكيه.. يلا سمعني
محمد: آحم آحم
وبدى يغني: فوق هذا الحب أحبّك وبعد أكثر كثير .... يا اللّي تدري أنّ قربك آنا أحتاجه كثير

يمكن أكثر من غلا روحي لروحي

وإنت من ساني بالدنيا جروحي .... ونساني نفسي وخلاني أحبّه

هو صحيح إنّي قدرت أوصلك لكن

ماني عارف وين أبوصل بالمحبّة ..... لقيت بك عمري اللّي ضاع

ولقيت آنا فيك الحنان
مشاعل:وااو حــمــودي صوتك يجنن ... كل يوم بتغني لي
محمد: ههههه حاضر
....................................................
سعود بسيارته رايح لعند غدير بعد مانزل فهد ببيته
(( هين ياغدير انا اوريك .... بتطفشيـــني علشان اطلقك ...ولا بعد مغصوبه علي اويك مع عشيقك المحبوب .. متفقه معه ... ((فجأه تذكر كلمة فارس: شكلها مره يجنن بالفستان السماوي)) يعني مقابلته وجالسه معه ...طيب ياغدير طيب.. ماكون سعود اذا ماخليك تندمي مليون مره انك فكرتي بواحد غيري))
وصل لعند قصر عمه ابو غدير ودخل المجلس على طول وقال للخادمه تنادي له على غدير وهو ناوي انه مايصرخ ويسوي نفسه عادي وبعدين يسحب الكلام منها ((لا ياسعود ...لا.. هي خاينه مابرحـــمها ... حتى ولو خاينه يمكن .. يمكن فارس كذاب .... او كلامه صدق وتكون تحبه ... طيب هو متزوج كيف يحب غدير .... انا لازم اتزوجها بأسرع وقت علشان اربيها من جديد ... لالا مابظلمها بسألها اول يمكن اني ظالمها .... لا هي وحده ماتستاهل الواحد يعيش معها بطلقها ..... افففففففف اطلقها وفارس يتهنى فيها مستحيييييييييييل..... بــــــــــــــــس خــــــــــــــــــلاص لــــــقـــــــيــــــتــــــــهــــــا))
......................................................
شنو اللي بيسويه سعود بغدير؟
مشاعل ليه ماتبي تكلم محمد؟
فهد بيتراجع عن زواجه ولا لا؟؟