كاتب الموضوع :
غ ـِـِـرور انثى
المنتدى :
الارشيف
الفصل الاول
البارت الثالث
ذبحتني بكلمة
)أبيك (
عذبتني وشلون
( أجيك (
بسرعة قوللي
(أحبك)
أو اتركني أموت
(فيك)
العصر بيت بوسعود
ايمان تكلم اخوها سعود وتقنعه يوديها المجمع مع غدير
ووافق يوديها بس شرط عليها ان هو بيجلس مع فهد اخو غدير وهي لما تخلص تدق عليه
..............................................
الجهه الثانيه عند غدير
تكلم فهد ووافق لأنه بيجلس مع صديق عمره سعود
اللي من زمان ماشافه واشتاق له حيل
(( والله لو تدري يافهد وش بيصير كان كرهت سعود واللي جابه))
................................
مشاعل ...مشاعل
مشاعل: نعم يمه
ام مشاعل بصراخ: ليه تأخرتي توك ترجعين هاااه
مشاعل : يمه اسفه ماراح اعيدها مره ثانيه وهذي بوسة راس
وباست راس امها واعتذرت لها
مشاعل بنت عصيبه وشريره ومكاره الا على طلال حبيبها هو الوحيد اللي يقدر عليها 18سنه
وهي صديقة غدير وايمان بالمدرسه وكل يوم لازم تشوف طلال عند المدرسه ولا يصير فيها شي اذا ما شافته
وامها ارمله من سبع سنوات وماعندها الا مشاعل وتخاف عليها من كل شي
دخلت مشاعل غرفتها وقعدت تفكر بالمشكله اللي دخلت فيها وقعدت تتذكر احقر انسان بعد ماكان احسن الناس بعيونها (( لما راحت مع طلال ودخلها شقة صديقه وهو يقولها انه رسام وتروح تشوف رسماته
مشاعل:تتوقع ان اهلي بيتركونك .... من غير شي مستحيل يا.... مستحيل انا اعرفهم اكثر منك مصيرك..... يانذل
طلال:ههههههه خليهم يسوون اللي يبغونه عاااااادي المهم اني اخذت ..... كل واحد ...
مشاعل:ليه ...ليه ..انا احبك تعرف شنو يعني احبك
طلال: حبتك الدود والعقارب السود وبعد لك عين تقولين هالكلام بعد اللي سويتيه
مشاعل:الله لايسامحك لادنيا ولا آخره
الله لايسامحك لادنيا ولاآخره ))
.............................................
بعد المغرب
مـــــ ج ـــمع الظـــهران
فهد: السلام عليكم
سعود: هلا والله وعليكم السلام من زمان عنك يالقاطع
فهد: أي قاطع الله يهديك انت اللي ماتدري عني كل يوم اكلمك ولاترد على الا بالغلط
سعود: ايه هالآيام انا مشغول كثير
فهد: ايه قول من البدايه وريح نفسك من اللف والدوران
سعود: المهم ايش تشرب ؟
فهد : بلاك كوفي
سعود: وانا بعد ابي مثلك
فهد بنعومه: افففف ياربي كل الناس تبي تقلدني
سعود: اسكت فشلتني
فهد بنعومه: ايش قلت حبيبي؟
سعود: ولا شي ياعمري .... اووه فهوود ذي اختك؟
فهد يناظر للمكان اللي يأشر عليه سعود : ايه هذي هي ليه تسأل؟
سعود بضيقه :بس كذا (( يووه تشبهها مره يمكن تكون هي...........لالالا موهي هذي اخت فهد مو هي اللي في بالي .....لالاياااااربي قلبي يقول انها هي........ ياارب ساعدني ))
الجرسون يكلم فهد ويعطيه ورقه: تفضل استاز الورقه الك
فهد: شكرا
فهد اخذ الورقه وفتحها(( افرح... ياافهد... افرح .... موتك قريب وعلى ايدي ..ان شاء الله))
فهد: كلام فاضي قسم بالله
سعود: ليه وش فيك؟
فهد : مافيني شي بس ازعاجات على الفاضي
سعود: اهاا.......... ما تلاحظ ان الاخوات تأخروا
فهد: ليه تبي الفكه مني ؟؟؟؟
سعود: لا والله بس آخآف صار عليهم شي .... بتصل اتطمن عليهم
.................................................. .............................
مـا اجــمله من إحــسآآس ،،
حـين يكون في قلبك العـشرات ،
بل المئـات من الكـلمات تود قولها و البوح بها ,
كـلماتٌ و عتاب و خـصام ،،
أو أحـاسيس
} ولكــن{
يــصل بك الطـريق الى مـا يسمونه بالـ } صــمت {
و ياله مـن شعـوور .. !!
أن تكــون في قمـة السعادة والهـيام
ولا تـستطــيع التـعبير //
فـيغلبك الــ { صـمت }أن تـضيق الدنيا عـليك بما رحــبت ،، و تـؤصد الأبواب بوجـهك
و تـذكـر جـرحك الدآمـي ،،
و تـحـاول جآهداً مـنع دمـوعك من أن تـذرف لتغـسل جـروح قلبكـ .. !!
و تـصـمت }
.................................................. .........................
عند غدير وايمان
وهم يلفو ا ون المحلات... محل ..محل
ايمان: غدير تخيلي لو فارس يتزوج غيرك ايش بتسوين ؟؟؟؟؟
غدير :فال الله ولا فالك انتي ليه ماتفاولين خير افف منك
ايمان: انا قلت تخيلي يعني مو حقيقه وش فيك انتي ركزي معي شوي لا تموتيني وانا حيه
غدير : لالا فارس مايسويها
ايمان: وليه مايسويها كلهم كذا هو مايعرف بحبك اكيد بيتزوج وحده غيرك ويكمن تكون اعز انسانه على قلبك وراح تكرهيها هذيك
اللحضه انتي صارحيه بس واكيد ماراح يردك
غدير : لا مستحيل هو لي وماراح يتزوج غير
ايمان: براحتك بس ....
غدير تقاطعها: ولاشي
ايمان: وانتي ليه ماتصارحينه بحبك له
غدير : ما اقدر اانا اذا شفته احس انه بيغمى على بأي لحضه
ايمان:اوووه كل هذا حب .. اجل انا اذا حبيت وش بيصير فيني
غدير: انت لو جربتي بتعرفين وش اللي احس فيه انا
.................................................. ..................................
بيت بو فارس
بوفارس و ام فارس جالسين مع بعض ومعهم فارس وفرح
فارس بخبث: فرووحه مو كأن الوالد جالس قريب من امي كثيييير مدري انا وش فيه
فرح بطريقه عربجيه: ياااويلاه ضااااعت العلوم يااويلاه وين الجوااال و ييييينه ؟؟
فارس: ليه ايش راح تسوين؟
فرح بنفس الطريقه: باااااااااااااصورهم لامن طلبت منهم طلب وما يقومون به فضيحتهم بين الناس بالبلوطوووووث ان شاء
الله قااايمه
بوفارس بعصبيه يخالطها خجل خفيف من عياله : وجع انت وياااهااا استح على وجهك واطلع من هنا او اسكت افضل لك
عبدالله: يبه
فرح: وحطبااااه
عبدالله بزعل: افف منك انتي لاتكلميني......... يبااه
بو فارس: آآمر .....لبيه اطلب يالغالي ايش بغيت
عبدالله ينط ويحضن ابوه وبدلع : ابي اغير السواق والسياره اللي توديني المدرسه
بوفارس: انت تآمر آمر وفي شي ثاني بعد ؟؟؟؟؟
عبدالله : ابي انام معك
فرح بخبااال: و اااناااع...... علشان تكمل الفضيحه
بوفارس: يلا مناك انتي ماراح تنامين معنا
عبدالله: موتي حررره
فرح بقهر: افففففف
.................................................. .........................
يوم جديد يبدأ والكل على مدرسته او شغله
محمد ومنصور ماقصروا مع الدكتور
بالكلام اللي يقولونه لعبوا بأعصاب الدكتور
الدكتور المصري : حاضر ياامنصور بس انتا لو تركز معايا شويه كمان راح تفهمها
منصور: محمد ... محمد
محمد : نعم
منصور: نعاااامه . . شرايك نشرد
محمد: اوكييييه
.................................................. ..............................
سـمعت ما يقال عن الصـمت ..!!
أنه أقوى لغـات العـالم ..!!
لـم أصدق ما يقال عنه أو أني بالأحـرى اعـتقدت أنها مبالغـه ،،
ولكـن } عــند فـهمي لتلك العـبارة تغـيرت كـل اعتقاداتي و ظـنوني ،،
مـا أجـملها من لغـة ،، و لكــن لا يفهمها الا مـن مر بها و تعـمق في حـروفهـآ ،،
بحـرٌ مـليء بالأسـرآر .. !!
يـغني عن مئــات الكـلمآت ،،
..........يـــتــبــع.................
|
04-08-10, 12:41 PM
جديد مواضيع قسم الارشيف
العرض العادي
