تنهد بضيج .. ورد قال: متأكده اختي؟ .. ماعندكم موظفه بهالقسم ولا ماعندكم هي من الاساس .. !

بلعت ريجي الناشف .. وقلت بصوت حاولت اخليه حاد : اظن رديت عليك اخـ ــ ـوي .. اي خدمه؟؟

سكت لبرهه وقال: طيب اختي .. مشكورة ..!! .,, بس من معاي عشان بس اعرف؟

ارتجفت غصبا عني .. الظاهر خالد ماناويها على خير .. اشيبي فيني الحين بعد مامرت نص سنه على فراقه الحين تذكرني؟ .. ولا لايكون غدرت فيه مرته ؟ ولا صابها شي عشان جي تذكرني !! .. ولا .. ولا اشتاق لي !؟... لالالا ياحمده لا تضعفين حاسبي .. حاسبي .. هو اصلا مايحبج .. ورخص فيج !! ..
على طول قلت بدون احساس : خوله !! .. خوله!

سمعت صوته الهادي : اوكي خوله ؟ تشرفنا ...!! فـ امان الله؟!
رديت وصوتي يرجف: فـ امان الكريم !

صكرت وانا احس اني بصيح بصيح لا محاله .. يديني كانت ترتجف انفتح الباب .. ابرزت عيوني على الي دخل ..

كان



كان



كان ..







عميل يشتغل ويانا تنفست براحه .. وللحين عيوني زايغه .. كنت صج احس اني عايشه برعب بعد مكالمته .. للحين يلاحقني؟ .. يحبني؟؟ .. وانا؟؟ ... انا .. احبه؟ للحين؟ بعد كل الي صار؟؟ .. ليش .. بلعت ريجي بصعوبه وانا اقول : ايوه اهلا تفضل؟

..........

"لولوة"


اتصلت على جواله .. بس مغلق ..تأففت ..سمعت حس بدر .. وتحرقصت فمكاني .. سمعت دقه على الباب .. بس حتى نفسي ماقدرت اخذه .. هذا بدر .. بدر .. يمه يمه .. ارتجفت من الخوف .. سمعت امي تقوله واحد من ربعه ينطره فالميلس ؟.. نطرت ربع ساعه وبعدها .. فتحت الباب .. ياناس ملل .. انا الي مااقر فالبيت اسبوع من يصدق ان لي شهرين فالبيت .. اوفففف .. وكل ماقلت لامي باطلع .. تهاوشت وياي .. العده وهالخرابيط .. روحي زين شاسوي فالعده .. والناس بينتقدونا ومن هالسوالف .. ياخي انا من قال يهموني الناس؟ .. اصلا الناس شيرضيهم؟ يا شيخ لو ملاك نازل من السما مارضو به وطلعو فيه الف عيب .. يات علي انا؟؟ .. وخل يقولون خير ياطير ؟ شسوي لهم انا .. اوففف تنهدت بضجر وملل .. شاسوي .. ياناس متملله .. لا عندي رفيجات مقربين ولا عندي تيلفون ولا عندي شي يسليني .. تنهدت للمرة المليون .. تذكرت اني كسرت تيلفوني .. يالله لو اني ماكسرته جان ماتمللت هالكثر ..

طلعت الحوش بضجر .. وقعدت على الدري الي يودي على الليوان .. حطيت يدي تحت خدي .. وظليت اطالع بيتنا والحديقه .. شوي وبان لي قصر "منصور" .. اوووه .. شلون راح عن بالي؟ .. ايوووووووا ..

منصور ..



هو الي بيحل هالمشكله

^_^


...............


"سالم"

نزلت من السيارة وانا زهقان .. مشيت بثقل للقصر .. دخلت وسيييدة طلعت جناحي .. بدلت ثيابي .. وبقيت بالشورت .. حراااااااان .. وصيفنا حار مايرحم ولانه انتصف الشهر ف 7 يعني الحرارة حدث بلا حرج .. تنهدت متملل .. وحطيت يدي تحت راسي .. تحسست شي ناعم تحت يدي .. عقدت حياتي .. وسحبت هالشي ..

جفت بجامه ناعمه .. عقدت حياتي اكثر .. مالت من ذي؟ وشيابها عندي؟؟.. ثواني وطرا طيف سارة فبالي .. وتذكرت اني انا الي خذتهم .. ذيك الليله .. تذكرت ذيج الليله ... وضحكت على نفسي .. كأني حرامي .. لحظة؟ .. يعني الحين انا مب حرامي؟ ياشيخ ماخليت شي ماخذته وتقول مب حرامي .. اقول بس ..

تذكرت يوم سافرنا الامارات .. احلى سفرة .. صراحة .. حبيت هالسفرة وايد .. تذكرت اكثر من موقف جمعني مع سارة .. وعقدت حياتي يوم تذكرت هذاك الريال الي راحت سارة له .. تبون الصج .. ماقدرت امسك اعصابي .. زين مادفنتها ودفنته وياها .. عقدت حياتي وانا اتذكره وهو يقول : " انا ماني مراهق .. الاحق بنات الناس .. واختك يامحترم .!! .. انا بس جفت الياهل يصيح .. وخذته .. ومادريت انه من الاهل .. طبطب على جتفي بااستهزاء .. اسأل عن علي الـ........... وراح تعرف اذا لي بهالسوالف ولا لاء .." .. كان ودي اقوم واخنقه .. هالانسان .. اشلون يتجرأ ويتكلم ويا سارة .. وانا .. ..وانا الي هو انا .. حتى ماتكلمني .. اصلا هي شلون تكلمه هالخايسه .. بس زين انها تحركت من جدامي .. لان اعصابي كانت فايرة .. زين ماذبحتها ودست في بطنها .. تنهدت .. وانا اتذكر ملامح الخوف الي اعتلت وييها .. تدرون .. اكتشفت ان سارة ماتجي الا بالعين الحمرة .. الدلع والحنان ماايبها .. لانها شبعانه دلع وحنان من اهلها .. لكن لو جافت العين الحمرة .. تستعدل ..

التفت للجهه الثانيه .. وشميت البجامه بعمــق .. آآآآآآآآآآآه ياحظك يا منصور .. ياحظك ..

انا ليش اهوجس فيها هالكثر ليش؟ .. ليش افكر فيها هالكثر .. خلاص تمللت من كثر ماافكر فيها .. انا لازم ارجع لحياتي مثل ماكنت قبل لا تجي بيتنا .. اصلا ليش اثرت هي فيني هالكثر ماني عارف .. تنهدت وانا اشم ريحه البجامه من يديد .. غمست نفسي في الفراش اكثر .. سمعت دقه الباب .. نقزت من على السرير متخرع .. وبتوتر وارتباك رحت باافتح الباب .. تذكرت البجامه واغراض سارة الي على السرير .. وركضت بسرعه شليتهم وهم معفسين .. وقطيتهم فالكبت .. وقررت اروح افتح الباب .. بس بعدين فتحت الكبت وشليت ملابسي السبورت وخليتهم فوق ثياب سارة .. خفت احد يفتح الكبت ويطالعهم ..

بسرعه رحت باافتح الباب لاني طولت .. قبل لا اوصل الباب طالعت نفسي بالمنظرة رتبت شكلي وفتحت الباب ..


وكان




















كانت ..







































كانت ..











اقول؟؟ .. خخخخخ



اصبروا شوي < نذله هع هع







كانت " ............"
طالعتها بعصبيه وقلت لها : مو وقته احين .. رووووحي ...!! ..

عقدت حياتها .. بعد ماكانت مبتسمه بدلع .. قلت بعصبيه : بسرعه ..(حطيت يدي على راسي بعصبيه وضربت على خدها بخفه " ماتسمعين الاصوات ,, تبين تفضحينا انتي ...؟؟ يالله تحركي ..

دزيتها بعصبيه لبرع الجناح وانا اسمع صوت خطوات .. بس لمن؟ .. مادري ؟ ..

صكرت الباب بسرعه .. وتنفست براحه .. ووبسرعه رشيت من عطري فالغرفه .. وفالجناح .. قصورهم بعد يشمون ريحه عطرها .. وانفضــــــــــح !! ..

اندق الباب مرتين .. وهالمرة طاح قلبي .. وقلت اكيد هي .. مب وقت دلعها ومصاختها الحين.؟ فتحت الباب .. والا انصدم بمنصور .. هذا وقته؟؟ شيايبك انت؟؟ ..

عقدت حياتي وقلت : منصور؟؟ ..

هز راسه .. وهو يقول .. : اي ... عادي ارقد وياك اليوم؟ ..

تأففت فداخلي .. مب وقتك منصور .. هاد الملاك والقمر .. وياي ترقد وياي .. من زين شيفتي .. تهدها .. وياي ترقد وياي .. والله ماعندك سالفه .. لو انا منك .. ازبن فجناحي ولا احد درى عني .. وهذا وانا معرس .. لحظة .. طرت فبالي فكرة .. وابتسمت بمكر ..

: اي تعال حيااك ..

دخل .. وقعد على طرف السرير .. صراحة توترت .. خفت ناسي شي من اغراضها ولا شي .. التوتر عندي كان صاك الالف .. بس مشيت .. رحت لعنده وسويت نفسي باالحفه .. طليت تحت السرير واطرافه .. والحمدلله ماكان فيه شي .. تنهدت برااااحه .. يووووه .. خفت اكون ناسي شي وانفضح فااخر لحظة .. انسدحت فالطرف الثاني وافكاري تروح يمين ويسار .. ابتسمت على فكرة طرت فبالي .. وترددت اسويها؟؟ .. تراجعت فااخر لحظة .. مستحيل اسوي جذي .. واذا منصور .. تأففت .. وطليت على منصور .. لقيته هو الثاني مفصخ فانيلته .. اظاهر هو بعد مايحب يرقد ويا فانيلته .. ابتسمت بخفه .. وسرعان ماثار الدم فراسي .. يعني سارة تجوفه جذي .. القيت نظرة عليه .. لقيته مفتح عيونه ويطالع السقف .. شيفكر فيه؟؟ .. يفكر بسارة .. يفكر بشنو؟؟ .. خاطري اعرف داخل مخه الحين وشو ؟؟ .. اشلون يفكر ؟؟ .. بس صراحه عصبت .. اشلون جذي يرقد .. لالالا مستحيل اكيد جدام سارة يستحي ويلبس فانيلته .. مستحيل يرقد وياها جذي .. بديت اغلي من الغيض .. بس ماسك نفسي .. مرت ذكريات بسيطة ذكرتني باايامي ويا حياة .. تذكرت انها كانت تستحي يوم اقعد جذي عندها .. وتهاوشني بدلعها .. وتخليني غصب البس قميص البجامه .. وساعات كانت هي الي تلبسني اياها .. الله يا يا حياة .. اللــه .. يا محلى ذيج الايام .. ماحسيت بحلاوتهم الا الحين .. صحيح كنت احس بحلاوتها ذيج الايام .. بس مب مثل الحين .. اآآآآه آآآه يا حياه .. اوفف على الحياة من بعدج اوف ..

: اوفف ..

سمعته يتأفف .. طالعته ..وعقدت حياتي .. الا شيايبه عندي ؟؟ طاردته سارة؟؟ ضحكت فداخلي .. تسويها بنت العم .. اخ منها بس اخ .. : اقول منصور؟؟ ..

طالعني بااستغراب: ها؟

قلت بسأله عن سارة .. مايدري مضيع عقله وبيخر الاولي والتالي عنها .. هممم .. اخاف يحس اني متقصد سارة؟؟ .. لالالا شيحس .. اصلا ولايدري عن الدنيا؟؟ .. بس بعد ؟؟ .. اووووه .. بسأل وخلاص .. ؟: الا ليش انته ماراقد للحين؟؟

قال ببراءة: مافيني النودة ..

ولييين هذا يعني مب ناوي يجاوب مع غبائه ادري ماياتك النودة يعني لا ياتك بجوفك قاعد جذي .. قررت اصير دقيق اكثر واسأله سؤال فيه دقه : اها .. زين ... اشرايك نسولف؟؟

طالع السقف شوي .. كانه يفكر بعدين رد : اوكي ؟؟ ..

ابي اسأله عنها مب قادر .. متحرقص .. : ليش مارقدت للحين ..

قال لي بااستغراب /: قلت لك مافيني النودة؟

قلت له : زين وين مرتك عيل ؟ليش انت مب وياها؟

قال لي ببراءة: أأ ... راقدة ,...

طالعته .. اشفيه ياحظي جذي انقلب؟؟ .. : اها .. راقدة ..!!

قال لي : سالم اقول لك شي بس يكون سر بيني وبينك ؟؟ ..

تأففت ادري الحين بيب لي سوالف ويا سوالف ميود .. ياربي ياصبر ايوب .. : قول؟ ...

>>من غير نفس ..

شكله ماانتبه على طريقه كلامي .. كمل وهو يقول : سارة زعلانه مني ..

وشسوي لك يعني شـ .. هااااااااااه شنو؟؟ .. لحظة لحظة .. اشفيها ساروة؟ .. زعلانه ياقلبي ؟ .. اشفيج زعلانه .. : ها
؟؟

رد منصور يقول: اقولك زعلانه مني ؟؟

رديت : وانت شسويت " قص بلسانك .. قلتها بقلبي"

قال : والله ماسويت شي .. بس مادري هي كانت زعلانه لان ماجد ويوسف عفسو الكنبات !
ياقلبي .. وليش زعلانه .. مايستاهل زعلها .. : وليش عفستوهم؟

تثاوب منصور وهو يقول : مب انا .. اهما الي عفسو الصاله .. " تثاوب " .. والله .. انته بعد مب مصدقني؟؟ ..

قلت : لا امبلا مصدقك .. هي ماصدقتك ..

صكر عيونه وقاله : امممم .. شكله بينام .. لاعاد منصور .. تكفى .. مابغيت تتحجى عنها .. تكفى ماتنام .. منصور .. كمل .. اشفيها .. حتى لو هي زعلانه ابي اسمع عنها .. لا ...
اوففففففف ... ياريت الواحد يقدر يعبر عن كل شي فباله .. ياريت !!


..................



"لولوة"

اليوم اخر يوم لي فالمستشفى .. نسيت اقول لكم .. من يومين مرقديني فالمستشفى بسبب فقر الدم .. قمت ولبست ثيابي ... غيرت .. لبست عبايتي .. ومشطت شعري وبعدين لميته .. لفيت شيلتي بااهمال .. واحنا طالعين من المستشفى .. لمحت وحدة اعرفها

وقفت مصدومة .. وهي بعد .. من جافتني وقفت عن الحركة .. توجهت صوبي .. اما انا تمنيت الموت قبل لا اجوفها

وقفت سلمت علي امي .. وقربت وسلمت علي : هلا لولوة .. شخبارج؟؟ ..

بلعت ريجي وطالعتها بقهر وكره وحقد .. هي سبب كل الي انا فيييييييييييييييه هي السبب رديت ببرود وكره: اهلين مشاعل!

ابتسمت بمكر : هلا .. طالعت امي الي قالت لي بتروح تجوف السواق على مااخلص سوالفي ويا مشاعل .. كنت بمشي عن مشاعل بس سمعتها تقول : همممم سمعت ان طليقج "رصت على هالكلمه" سافر الامارات .. بس عشان ينفذ منج!

عصبت .. وطالعتها بعصبيه .. وقبل لا انطق بااي كلمه مسكت جتفي وهي تقول لي: لالالا ياقلبي .. مانبي نزعلج .. خلتني اصد لجهة معينه .. واشرت علي .. طالعت الي تجوفه كان شاب طويل .. ملامحه مب واضحه خصوصا ان نظري خف وماقمت اقدر اجوف من بعيد .. اشر لها بـ اوكي ..

قربت مني وباستني .. حسيت بتقزز .. مسحت خدي بالقوة وقلت لها : انتي للحين ماعرفتيني يا مشاعل

ضحكت مشاعل بقوة وهي تقول : وحتى انا ياحلوة .. للحين ماعرفتيني .. واذا حسبتي اني ابتعدت عنج خلال هالسنتين ثلاث مب لشي .. بس لان ريلج" الوسيم" هددني اذا مشيت بس بطريج انتي فيه .. ضحكت بسخريه وكملت .. والحين هو مايبي يمشي بطريج انتي مشيتي فيه .. ياربي كرهاج خلاص عاد .. بس الحين .. من الي بيشلني من طريجج .. ابتسمت بمياعه .. وقرصت خدودي .. وباستني بالهوا .. سلام ..!!


حقيـــــــــــــــــــرة حقيــــــــــــــــــــــــرة اكرهـــــــــــــــها اكرهــــــــــــها .. حسيت بتعب .. بغيت اطيح .. امي مسكتني وهي تسمي علي .. ابتديت اصيح .. تذكرت علي .. فكل شي كان له اثر ايجابي حتى هالحقيرة مشاعل هو الي وقفها عند حدها .. صحت بندم وقهر .. لييييييش ياعلي لييييييييش ماعطيتني فرصه اخيره !!

















(انتهى ..!!)
تنويه : الجمعه اليايه ماراح يكون فيه بارت .. عندي امتحانات .. ادعو لي..!

..::]][[ الحفنه الحاديه عشر ]][[::..
(اميرتي سندريلا ..هل تقبليني؟)

قمت من النوم وانا احس يدي تعورني .. فتحت عيوني بتعب ..ورجعت غمضتهم .. فتحتهم بعد فترة .. تحركت من على السرير حكيت راسي ونثرت شعري بااهمال وانا اتوجه للحمام سمعت التلفون يرن بااستمرار .. طنشت متوجهه للحمام .. سكت التلفون .. ورد مرة ثانيه يرن باالحاح .. يه شفيه يرن هذا .. ازعجني وبروحي مصدعه .. تأففت بضيج .. مسكت السماعه ورديت بس عشان يوقف هالازعاج ..

رديت :/الو؟؟؟؟؟

سمعت صوت مرت عمي نورة "ام محمد=ام منصور" تقول لي انزل .. واتزين ..ولو احتاج حد يساعدني بالمكياج بتصل للصالون؟؟ .. اشصاير؟؟ ترى وين بنروح .. بس ماعطتني فرصه اسأل قالت لي ان رفيجاتها "من كباااااااار الشخصيات يايين يباركون لي " خير ومن وين اعرفهم انا .. اوففف اكره هالنفاق كله .. بس شسوي مجبورة انزل

رحت الحمام ؟. وتذكرت يدي المجروحه ! يحررق الجرح وايد يحترررق .. غسلت ويهي بيدي الثانيه .. ترا وهقه والله .. طلعت من الحمام .. اتصلت على سلوي .. عشان اتيي تفتح الشاش لاني مااعرف فهالسوالف بكل بساطه"خرقه"
يات سلوي وهي مسطله نفسي .. ههههههههه .. فكت لي الجرح ونظفته وهي فاتحه عين وعين ثانيه مغمضه .. ضحكتني بس كتمت ضحكتي حتى ماتنتبه .. ضربتها على راسها: هيييييييييي اصحي عن تشوهين يدي

قالت سلوى بصبر: هي بروحها مشوهه مايحتاي اشوهها

هالمرة ضربتها وهي ضحكت .. وبعده صكرت عيونها وردت فتحتهم وشكلها بدت تصحصح وتستعيد نشاطها : الا وينه منصور؟؟

راقد؟ التفت اجوفه .. ويييييييييييييييييييييييييييييي وينه ذي؟؟ .. ياربي وين راح؟؟ متى يه رقد اصلا؟؟ مادري والله من التعب غطيت وماقمت الا الحين .. يووووه فاتتني صلاة المغرب والعشا والفير .. بسرعه بسرعه رحت الحمام .. فجيت الشاش .. وتوضيت .. وبعدين يت ابي اصكره ماعرفت .. طنشت ورحت صليت كل صلواتي .. وطلعت برع .. جفت سلوي منبطحه على الكنبه .. ياربي سرير اشكبره ..ارقدي عليه: سلوي قومي ارقدي ع السرير اشوله راقدة ع الكنبه "اشوله= ليش = اشحقه= لماذا >>خخ فيس يفكر بضحكه اعجبته لماذا"

قامت سلوى وهي تقول: رايحه داري اصلا .. امي توها متصله اوففففففف بدينا حق هالضيوف

تأففت بضيج: اوففف سلوي انا بعد مابي انزل ؟..

ضحكت سلوي وهي تقول : لاءه ماينفعش دي على شرفك خخخ

مديت يدي لها : انجبي .. مممم حبيبتي انتي لفي لي الشاش مرة ثانيه مااعرف الف

كتمت ضحكتها وهي تقول .. انجبي وحبيبي .. مايليق ..كملت بضحكة وهي تقول: انتي اصلا شتعرفين .. مديت يدي باضربها رفعت اصبعها تهدد: ترا ها .. احبسج فالجناح

ضحكنا ويا بعض وانا قلت : احسن فكه من مجابلتهم

ضحكت وهي تقول: ادري عشان جي ابغيج تنغثين وتنزلين هههههه نذاله

بعد مالفت الشاش وحطت المطهر وبعد ماصراخي شل الدنيا ؟.. لان لازال الجرح يحرقني .. المهم .. : سلوي .. اختاري وياي شاالبس؟؟

قعدنا ندور على شي حلو .. وراقي .. امي ومرام اكيد راح يكونون تحت .. انا بسلم ع الناس وبروح اقعد عندهم على طول .. اي اي .. احسن حل .. عشان افتك من مصخرتهم .. اعرفهم انا هذيل يموتون ع المظاهر و"الحش"

لبست فستان احمر شيفون وتحته بطانه قطعه حرير خضره غاااااااامجه .. فكان الفستان رهييب طالع على لونين احمر بس البطانه خضره(يعني يعطي على شكل موج .. يووه مادري اشلون اوصل لكم اللون خخ) .. وحوالين الصدر مشكوك والكرستالات(شك ابيض وسوار فسكي ابيض مب ذهبي عجبني الابيض اكثر من الذهبي فخذيت الابيض) كانت تلمع .. عند الخصر كان فيه زم وخطوط درابيه على شكل قصه 7 حوالين الصدر وفتحة الصدر كانت وسيعه شوي .. بس وياه قطعه حمره اذا حبيتي تغطين الفتحه وانا غطيتها استحيت اطلع جذي .. المهم .. ويد الفستان كانت عبارة عن خيوط ضعيفه من السوارفسكي مرتبطه بدنعه الصدر .. يعني الفستان كان راقي صراحة ومايحتاي اقول لكم ان الفستان كان على مقاسي .. لانه ماكان على مقاسي .. خخخخ .. كان وسيع هع هع خصوصا عند الارداف كان صاير شوي وسيع وبعدها يسحب متر على الارض .. كح كح .. انطق الباب .. ودشت الكوافيره .. سوت شعري .. باف من جدام ومانزلت ولا خصلة من قدلتي .. فكانت قدلتي كلها مرفوعه .. واما شعري الباقي فسوته فير .. وصار الكيرلي رهيييييب ..
اما المكياج فكان حاله ثانيه .. اصريت عليها ماتحط لي دفش لاني مااحب المكياج الثقيل احس نفسي "ساحرة"
كثرت كريم الاساس حتى اني قلت لها تخففه بس مارضت لانه على قولتها " واخد ئطعا من وشيك" بس انا قررت يوم تطلع اخففه .. حددت عيوني بخط الاي لاينر .. وصراحة انا ينييت على رسمه العين .. كانت فعلا عيوني مميزة .. وكان الظل مثل ماطلبته راقي .. بس يبين انه مكياج عروس .. اما الروج فهذا اكثر شي ينني .. صراحة كان وااااااااايد رهيييييييييييييب .. كان احمـــر قاني .. بس صج صج كان روووعه .. حسيته فلاش ويا الكريم اساس ..

طلعت الكوافيره .. ومارضت تاخذ الحساب لانها متفقه مع ام منصور على الحساب !! .. غريبه !! صراحة استغربت هالشي من ام منصور .. ؟؟ ليش سوت جذي ماادري ..حسيت اني ظلمت خالتي ام منصور وايد .. عقدت حياتي على هالفكرة لا ظلمتها ولا بطيخ ! .. دشت وحده لابسه اصفر .. بس شنو اتينن من اصابع ريلها الي داخل الصندل الرفيع لين اطراف شعرها .. كانت فعلا اسطورة .. هذي الغاليه سلوى..

كانت مسويه تسريحه رومانيه .. وقدلتها طايحه على عينها بس فعلا كانت رهيييبه .. الله يحرسها من العين .. اما هي من جافتني اشهقت تخرعت وبسرعه طالعت ويهي فالمنظرة قلت لها بخوف / اشفييييييييييج يالهبله هاي انا مب كاسبر .. سلوووووووووي لحقي علي .. حلو ولا لاء؟؟


قالت سلوي : ساروة انتي شمسويه شمهببه ها؟؟

صراحه خفت .. يعني صج ماعجبها .. : سلوي مب حلو؟؟

طالعتني سلوي تتفحص المكياج والشعر والفستان: لا امبلا حلو .. بس سرووي خفيييف وااايد !

قلت بعدم اهتمام : ادري انا قلت لها ابي خفيف .. عازمينهم ع الغدا مب ع العشا عشان اثقل المكياج .. صراحه انا ابي امسح الشادو .. مااحب الشدو وهالحركات تعرفيني

يرتني من يدي وهي تقول :جب يالله .. قصورج بعد .. ها لبستي طقمج والا لاء ..

فتحت عيوني بقوة .. اوووووه راح عن بالي .. وبسرعه بسرعه رحنا ندور فالتجوري عن طقم يناسب ثيابي .. انا اشلون راح عن بالي ..

المهم بعد حوسه ساعه ونص زيادة .. نزلنا تحت .. وسلمت على حشوووود من الناس
اعرفهم ومااعرفهم .. خخخ .. السلام ببلاش ..استقريت بين العنود وتيوم وكل شلة المدرسة وسلوي وضحكنا وسولفنا وشوي خرطت ع العنود لانها ماتدري ان منصور فاقد الذاكرة او بالاحرى مايدري شي عن العالم فكان لازم اخترع شوي من عقلي عشان ماتشك بشي ..مممم سلمت على وايد نااااس .. واايد ناس يصيرون لمنصور اول مرة اعرفهم .. عمرها سلوي ماتكلمت عنهم.. بس تبون الصج يدة منصور عجبتني واااايد .. وشكلها عجيبه .. مممم انا احب العيايز خخ .. وصراحة هي عجيبه دشت خاطري .. المهم .. هي ماطولت .. سلمت عليها شوي .. وبعدها يرت خدامتها وياها وردت بيتهم .@.@ عيوني طلعت جذي .. مادري ليش خالتي مااصرت عليهم يقعدون؟؟ .. معقوله ماتحبهم؟؟ لالالا يالخبله سروي اشلون ماتحبهم مب امها وخواتها؟؟ .. بعدها رحت لعند امي ومرام .. وسولفت وضحكت وياهم .. بعدها نادونا ع الغدا .. ومايحتااااي اقول لكم ان البوفييييييه والسفرة كانت من بدايه الصاله الكبيررررررررة ليييييييييييين نهايتها بالاضافه الى الاكل الي على طاوله الطعام .. كان فيها كل مالذ وطاب .. انا مااشتهيت اكل شي ثقيل خصوصا اني توني قايمه من النوم .. كليت خفايف .. و بعد الغدا .. وبعد ماحلو الناس .. ابتدوا يقلون شوي .. بس لان القصر ماشاءالله كبير والصاله عوووووووووووووووووووووودة .. تقولون حجم بيت .. فكان المكان يبين اوكي بالنسبه للناس الي ياو .. تحركت ابي اطلع فوق .. لاني تعبت .. وحسيت اني دايخة

سمعت همس : ها اعجبتج؟؟

ردت عليها : اي .. وايييد حلوووه وشكلها بعد حليوه ونفسها حلو

قالت الاولى: اي اي .. ايبين عليها ماشاءاالله ..بس انتي ليش حاطة عينج عليها تراها متزوجه؟؟

الثانيه: ادري انها متزوجه .. بس الي عرفته ريلها يحب وحدتن ثانيه وبيطلقها .. فأنا ابيها لحمود ولدي

شهقت الاولى: لحميييييييييييييد؟

الثانيه: اي لحميد .. جوود " يمكن" تعقله

الاولى : وانتي بس همج تزوجين حميد .. خليه يصير ريال بالاول

عصبت الثانيه : وشفيه شقصورة ولدي خيرة الشباب

الاولى : اي خيرتهم الله يهداج؟؟ .. كل يوم من بنت لبنت ومن غرشه خمر للثانيه تزوجينه هالمزيونه .. تظلمينها حرام

الثانيه : لا والله مهب ظالمتها .. ماتجوفين يدها انتي؟؟ .. اكيد هذا ريلها مسوي فيها شي .. واذا هي تحملت ينونة وخباله وهو مهب صاحي .. اكيد بتتحمل ولدي .. وبعدين ولدي مايقصرة عن منصور شي ..جمال ودلال وفلوس .. بس منصور مهب عاقل وحميد الله يهديه طايش اشوي

قالت الاولى : اي .. على قولتج .. يمكن بعد تعقله ماتدرين الي بتتحمل مينون ؟! تبينها ماتتحمل صاحي؟؟


عوررررررررررني قلبي على هالكلام ..وانترست عيوني دموووعي .. فتحت عيني و التفت بادور عليهم .. هذيلا مايستحون؟؟ مايخيلون .. انا مرة متزوجة .. ويفكرون يطلقوني ويزوجوني .. ولا بعد من سكير؟ خمااار .. انا مرض نفسي مب متحملته هالمرة خماااار .. ياربي انا شسويت بدنيتي .. فبيتي وبيت منصور وبعد جذي يقولون عنه .. عصبت و

مسكت روحي لا اصيح .. يعني عشان ريلي فيه مرض نفسي .. يبون يطلقوني ويزوجوني على كيف كيفهم وحتى يطلعون علي اشاعات .. طالعت يدي .. منصور؟؟ .. منصور وين يقدر يجرح ولا يعرف اشلون يمسك السجينه عشان يجرح يدي .. ظلموك يا منصور .. وظلموني وياك ..
اكيد هذي الي تتحجى عن منصور جذي قريبه من خالتي "ام منصور" ولا ماكان عرفت هالتفاصيل عنه .. حررررررام حراااام ..

طلعت من الميلس وتوجهت للصاله العودة .. حتى مالتتفت على الاصنصير .. ماكان لي بارض .. مشيت بخطوات سريعه متوجهه فوق كنت حاسه اني بااصيح وانا صاعده دعمت حد وبغيت اطيح من الدري من فوق لي تحت .. بس مسكتني يد هالانسان .. رفعت عيني المليانه دموع .. وجفت سالم يطالعني باانبهار ..

بعدت يده عني .. وتحركت بسرعه من جدامه بااركب فوق .. بس من تحركت خطوتين ع الدري .. الا وانا انسحب من يدي .. واصير مجابله ويهه ..

سالم بصوت هامس يشبه فحيح الافعى ويمكن اشد اثر من فحيحها : سارة ؟؟؟ .. لا مستحيل

عقدت حياتي .. وانا اير يدي من بين يدينه .. قرب لعندي .. وصكر عيونه دقايق .. وانا مصدومة .. هذا مب صاحي .. اكيد مب صاحي .. هذا اشفيه ين؟؟ .. ليش جي ماسكني ... ياخي فج ..@@ ..

صرخت : انته شتسوي .. هدنــي !

قرب لعندي وهو يمسك شفايفه ويقول : اشش .. لا تفضحين نفسج .. خلينا خلينا .. نتفاهم

طالعته مصدومه : نتفاهم على ايش ...وبعدين مابيني وبينك شي .. هدني .. انا مب لابسه شيله@

طالعني وهو يتأملني : سارة .. بينا وايد اشياء .. سارة .. ابيج تفهميني .. انتي .. الحين مرة متزوجة .. واكيد تعرفين الفرق بين المتزوجة والبنت .. ومنصور فاقد .. صدقيني سارة انا بعوضج .. بس انتي عطيني فرصه .. انا .. انا ماراح .. سكت وهو يبلع ريجه ويكمل .. انا ماراح ابخل عليج بشي .. بس انتي .. طيعيني .. صدقيني مابتندمين .. انا ياسارة ابيج لـ

قاطعته وانا اصرخ .. ودزيته بقوة من صدرة وانا مصدومة من كلامه .. حتى انه ترنح بغى يطيح من دزتي القويه والمفاجأه.. ركضت لداري وانا اصيح .. ياربي ليش كلهم اجتمعو اليوم ضدي ليش


دخلت الجناح وانا اصيح واشاهق بقوة .. دشيت الغرفه وعلى طول توجهت للسرير .. كانت فيني طاقه غير طبيعيه كنت ابي اكسر كل شي يطيح بين يديني .. كانت المزهريه قريبه من يدي .. ضربت يدي فيها بالقوه وهي تحركت خطوتين وطاحت وتكسرت .. ويت باكسر المنظرة بيدي .. بس منصور مسكني .. وهو يقول بصدمة : سارة انتي ليش تصيحين

بس طالعته .. وطالعت عيونه الجذابه زدت في صياحي .. دفنت ويهي بثوبه ولميته وانا اصيح بقوة ... ضماني وهو يحاول يهديني بكلماته البريئه : سارة خلاص انتي ليش تصيحين ؟؟ قالو لج مب حلوة؟ ايجذبون عليج والله انتي احلا وحدة ..سارة لا تصيحين ..(بعدني عن صدرة وهو يجوفني .. وانا اطالع فثوبه مب قادرى اجوفه خايفه لا انفجر .. لاحظت اثر كحلي وروجي والبلاشر الوردي معلم على ثوبه ) شنو تبين انا بااشتري لج .. "صكرت عيوني اصيح بقهر .. كلامه حسسني بالذنب واااايد .. ماسمع جواب مني بالتالي حضني وكأنه بهالطريقه بيخفف عني .." خلاص لا تصيحين .. حتى الشريط الي كسرتيه مالي .. انا خلاص سامحتج .. سارة .. انتي تصيحين تبغين شريط؟؟

صحت اكثر وانا المه بقوة اكبر ..منصور انا احتاجك انت .. انــــــــــت ! بس لساني مانطقها ماقدر ينطقها


....................

"سالم "

لو ماجفت نظراتها ولون عيونها كنت باابصم لكم انها حياة .. الشبه بينهم غير طبيعي .. ارتجفت وانا اتذكر دموعها وضعفها .. سارة اول مرة تكون جذي .. الفرق بينها وبين حياة .. حياة ضعيفه حساسه تحسها هشه اقل شي يكسرها .. بس سارة لاء .. سارة قويه وتتحمل .. استغربت دموعها .. ليش كانت تصيح ..

سكت شوي نزلت بهدوء من على الدري بعد ماترنحت بغيت اطيح من ذزتها .. استوعبت اخيرا انا شقلت .. عقدت حياتي بالقو وانا افكر فكلامي .. ..وبعدها رفعت حواجبي بدهشه وفتحت عيوني على كبرها .. وانا اجزم اني خريتها اليوم .. ياربي ماقدرت امسك نفسي .. انا اشفيني مب صاحي .. قمت ادور ويه حياة فكل بنت .. كل بنت تطلع لي ابيها حياة .. وسارة .. وسارة الشبه بينها وبين حياة قاعد اينني .. يخبلني .. ولان سارة وحياة تربوا نفس التربيه .. راح يكونون نفس الشي .. انا ابي سارة .. لانها انسانه بريئه طاهره ماتعرف ومالها علاقات بالشباب .. ولا لها نظرة طمع وتعالي وغرور
انسانه تبغي تعيش حياتها بحب ووناسه .. انا احتاج انسانه جذي .. من وين بااحصلها من وين؟؟

ندمت كثر شعر راسي ع الي قلته وايد استعيلت ومافكرت بالي اقوله .. ماكنت حاس بروحي .. خريت الاولي والتالي .. حسيت بقهر يتراكم بداخلي .. انا اشلون جذي نذل .. ليش كنت بهالحقارة .. معقوله هذا كان تفكيري ..

سحبت غترتي وعقالي وفلعتهم ع السيت الي عندي بقوه ... ظليت قاعد فالسيارة مب مستوعب انا شقلت .. عضيت على شفايفي بقوة وانا احس بطعم حديد فحلجي .. تحسست شفايفي .. لقيتهم يصبون دم خفيف .. حركت سيارتي وانا امسح حلجي بالفاين .. لفيت عن البيت وانا افكر ومهموم .. انا اشسويت اشسويت ؟!؟!اشلون باااقدر اجابلها من يديد

ماراح اقدر احط عيني بعينها بعد الكلام الي قلته .. يالله !! ..

تأففت بضيج .. رن موبايلي وظهر لي اسم "منصور" للحظة شكيت ان منصور درا بالي صار بيني وبينها .. حسيت بالذنب انا شقلت .. انا .. انا حقير.. حيووووان .. ماكنت راح ارد .. بس تذكرت ان منصور مايدري عن الدنيا شي .. رديت وصدمني صوت البنت

: السلام عليكم ورحمة الله وبركاته

طالعت الشاشه بااستغراب : وعليكم السلام ..؟؟

كان مكتوب اسم منصور .. بس هذي من؟؟ .. مستحيل تكون سارة .. مستحيل ..


سمعت حسها متردد : يالشيخ .. جوال ولدكم عندنا ..

بس تذكرت هالبنية "الوقحه" عصبت وقلت: مو قلت لج مانبيه؟ يوم قلت لج باجي اخذه سويتي فيها النون ومايعلمون والحين متصله تقولين جوال ولدكم؟؟

كانت ساكته وكانها تفاجأت من هجومي

قلت بعصبيه : ماتتكلمين؟؟

سمعت صوتها المخنوق وهي تقول : انا الحين بحط لك التيلفون فمحل "........." في ".........." تعال بعد نص ساعه.. انقطع صوتها شكلها تصيح .. واسمحلنا باي..

صكرت على طول .. تلومت .. احين انا كنت معصب احط حرتي فهالبنيه ؟ زين منها بترجع التلفون غيرها ياخذه ولا على باله ..

مشيت وتحركت للمكان الي قالت عليه ماحطيت فبالي اني لازم اتحرك بعد نص ساعه .. مدام اني ضايج .. وطالع .. فخليني امر اخذ تلفونه وافتك .. وصلت للمكان بعد ربع ساعه و3 دقايق بالضبط .. طلعت من السيارة .. وجفت وحدة معاها ياهل صغير .. وشكله شيطان لانه كل ساعه راح يجيب لعبه لها وهي تحاسب؟؟ .. لالا شكلها ماتحاسب شكلها تتفاهم مع راعي المحل وهو مب فاهم عليها


:..مليوووووووووم جوفي جوفي هالثيااااااااله انا ابيها ابيها

.. سمعتها تقول : علووي انجب اشوي .. لعوزتني والله باخذك وباحطك بالسيارة .. ايي بابو .. احين ياجي نفر .. يبي هاي تيلفون .. في معلوم؟؟

...: مايسير مادام .. انا شو يئرفني مين هازا نفرات؟

سمعتها تتأفف : نفر رجال رجال يجي .. يقول انا يبي تلفون في بنت حطي هني .. انته في معلوم؟ .. مب كل واحد بييك يدري ان معاك موبايل ياربي شالغباء الي عليك

سمعته يقول وهو يعدل نظارته: سنو في قول؟ مافي معلوم ..

طالعت هيئتها .. كانت متوسطة الطول .. جسمها متناسق .. عبايتها وسيعه .. وشكل الزخارف الي فالعبايه بسيطة تدل على الرقي والاناقه ..

تقدمت عشان اجوف شالمشكله :: خير الشيخه اشصاير؟؟ ..

التفتت لي .. وشكلها خايفه ! .. طالعتها بتفحص .. عيونها كانو متوسطين الحجم .. لونهم جوكلت عجييب .. البؤبؤ الي فعينها كان وايييد عود .. نسبه القزحيه الي فيه كانت اشويه .. وهالشي اول مرة الاحظه فـ أحد ماشاءاالله .. خشمها قصير .. شفايفها خطة قلم .. صغار .. خدودها مليانين .. وعندها دقه ع حنجها .. وبياضها كان الكفيل لتكمله جمالها ..(مريم كانت جميله جميله .. واجمل من حياة بوااايد بس سالم كان يطالعها عاديه .. وكأن حياة تفوقها بكل شي) طالعتني مرتبكه وخايفه .. وصدت تكلم راعي المحل .. : المهم في نفر يجي يبغي موبايل هذا ..انته عطه اياه .. التفتت تدور اخوها الصغير .. وابتعدت عن الكاشير ..

عقدت حياتي من تصرفها السخيف ! .. تابعتها لين اختفت بين احد الرفوف وهي تبحث بعيونها عن اخوها

ثواني وسمعت صوت صراااااااااااااااااااااااخ عج المكان .. سديت اذني .. والتفتت ادور مصدر الصوت .. وكان من احد الرفوف ..طليت بلقافه وجفت الولد الصغيرون الي جفته اول مادخلت المحل منسدح ع الارض ويصارخ .. اما اخته فكانت واقفه وتحاول توقفه بكلامها .. بس هو معاند ومايبي يقوم .. ويصااااااااااارخ بصوت عالي ..

جفت ويهها الي انقلب احمر مجرد ماالتفتت وجافتني وجافت كم بنت يطالعونها ويطالعون اخوها

دنعت بااحراج لاخوها وهي تقول بغيض : علوي خلاص .@@ .. ياولد الناس مب سيارتك

سمعته يصارخ يصيييييييييح : امبببببببببببببببببببببببببببببببلا ثياااااااااااالتي انا ثايلها ويا عمي .. ابيييييييييييييييييييييييييييييييييييييييييييييييييييييييييي ييييييييييييييييييييييها .. خل ايجيييييييييييييييبها .. مايخصني مابي مابي ماااااااااااااااااااااااااااااااااااااااابي


سديت اذني .. بل بل بل حشى مب بلاعيم عليه العن شكل ابليسه عليه احبال صوتيه؟@ تنفع حق .. حق .. يووووه .. اشفيه قام يزود بصراخه؟؟


مشت عنه وهي مفتشله .. طالعتها متسبه !!! .. هذي شلون تمشي واخوها فارش الارض ويصيح شايل الدنيا فوق راسه .. والله قويه هالبنت! .. اخبر البنات قلوبهم حساسه؟! وهذي هاده اخوها وبتطلع من المحل


بس تصدقون ياللعجب .. !! .. من جافها تحركت من عندة وبتطلع قام يركض لها وهو يصييييييح بقوة .. من جافته يه لعندها دنعت لمستواه وكلمته بخوف ومسحت دموعه .. شلته وياها .. وتوجهت لقسم التلوين .. خلته يتنقى الي يبيه وراحت تشتري له .. كل هذا وانا اتابعهم .. بعدها طنشت ورحت للكاشير اسأله عن تلفون منصور .. اول شي مافهم علي .. لعوزني تلعوز .. بس فالنهايه فهم .. ومن مسكت التلفون حسيت بشي طاح ع الارض .. التفتت .. لقيت هذيج البنت مرتبكه وعلبه الالوان طايحة من يدها ...



رفعت حاجب وطلعت مستغرب من امر هالبنت !
صج مراهقه!! مشيت بغرور لسيارتي وحركت !





................


" علي"
وصلت اليوم الدوحة .. بعد الرحله .. كانت متعبه بالنسبه لي .. خصوصا اني مارقدت قبلها بيوم .. صكرت عيوني بتعب .. واتصلت على دريولي .. حتى يجيني .. مااقدر افتح عيني ..

قررت امر امي قبل لا ارد بيتي .. تثاوبت بتعب ..

واخيرررا وصلنا .. دشيت البيت وانا احس اجوف الشي اثنين .. تراولي صوت ضحك وسوالف .. وقفت وعقدت حياتي اركز اكثر .. فعلا في صوت حد يضحك ويثرثر بس من اي جهه مب داري لان الجهات صارت عندي مليون والباب الي اطالعه صاير خمس بدال واحد ..

مسكت راسي .. شكلي قمت اهلوس .. صكرت عيوني بقوة .. ترددت الضحكات فااذني .. تحركت .. وضربت ريلي بالغلط على الدري .. فتحت عيوني بقوة .. وقعدت ادقق فالصوت ابي اكتشف من وين هالصوت طالع؟؟ ..
هدووووووووووووووووووووووووووووووووء ماينسمع الا صوت هبات الهواء.. عقدت حياتي؟؟ .. انا كنت اهوجس .. ولا فعلا كان في صوت .. تميت خمس دقايق .. بس بعدها استحريت .. ولاني ماسمعت صوت تقدمت للصاله ..

دشيت وسلمت على اهلي كلهم .. وقعدت بينهم وانا اجوف الواحد عشره .. دقايق ودخلت امل وهي تعدل شعرها .. عقدت حياتي .. مادري سلمت عليها ولا لاء .. يوم جفتها تبتسم لي .. وتقرب صوبي خمنت اني ماسلمت عليها .. لا تلوموني دايييخ حديييي يوم كامل مارقدت فيه 5 دقايق .. يعني مواصل .. ويبي لي نومة محترمه ..

استئذنت وكنت بروح بيتي بس امي حلفت علي ارقد عندهم .. وتبون الصج فكتني من الطريج .. دشيت غرفتي .. وتسبحت وغيرت ثيابي صليت المغرب والعشا وقطيت روحي ع الفراش مب قادر اركز بشي .. غطيييت بنوووم عميييييق .. وقبل لا ارقد كانت فكرة تدور براسي ..

" ليش ماارد واسكن هني من يديد؟؟ احسن من وحدتي هناك .. وهم ويا اهلي ..؟"



.......................

"روضه"

قاعده بين عيالي ابغي ارقدهم .. خصوصا ان باجر اخر يوم لهم هني .. وبعدها بيروحون ويا سعيد .. من بعد ماقال لي سعيد انه تراجع عن قرار زواجه وانا محتارة ومحتاسه .. اصدقه؟؟ ..ارجع له؟؟ .. بس خايفه من قراراتي .. خصوصا ان محد كان يبغي يتدخل غير خليفه الي عصب علي يوم رضيت ارد لسعيد .. بس مع ذلك ماحب يخرب علي حياتي .. قال لي افكر زين .. وبعدين اتخذ القرار ..

تنهدت بضيج سمعت حمدان يقول: ماما

طالعته بحب : عيون ماما

الي حمدان وهو يلم يدي : ماما .. متى بتردين البيت؟! .. انا مااعرف ارقد الا اذا انتي كنتي ويانا ..صح حمدوه؟

هزت راسها حمدوه موافقه ع كلام حمدان ..

اهتزت مشاعري .. عيالي يحتايوني .. وسعيد؟ .. لالا .. انا مااقدر ادوس ع كرامتي .. كرامتي قبل حبي وتضحيتي لسعيد .. الي سواه مب شوي .. جرحني .. جرح عمري ماراح انساه .. صحاني من غفوه احلامي !


سمعت حمدوه تقول : ماما .. امث بابا كان يثيح .. ليث؟؟ ..

انصدمت .. سعيد؟! .. سعيد يصيح .. وع شوه؟؟ .. معقوله ع فراقي ؟ .. لالالا يا روضه لا تتوهمين .. هو مايحبج .. انتي مجرد حرمته .. والحب الي كان يجمعنا ايام الخطوبه والملجة .. لالا قصدج حبج انتي .. اما هو فكان مستانس عليج لانج مرحله يديدة فحياته وبس ! .. تنهدت بضيج .. لاني متأكده ان سعيد مايكن لي مشاعر حب ولا حتى يبادلني اياها .. يمكن مشاعر ود .. بس حب .. لا ! ..

قلت بعلثمه : مادري ماما .. يالله ننام ؟

قالت حمدوه: ناء .. انتي قولي لي ليث؟

رن تلفوني .. وكان المنقذ الي ينقذني من اسئله حمدان وحمده .. طالعى الموبايل .. وكانت صدمتي اكبر من صدمة اسئلتهم .. كان سعيد .. من زماااان مااتصل فيه .. من هذااااك اليوم ..!! .. شو يبا ؟؟ .. ارد؟؟ .. لاء..

زين ليش متصل؟؟ اكيد شي ضروري ؟!!

ارد؟

كنت مترددة والشوق ذبحني لهالانسان مهما كابرت .. هالانسان متغلغل في كياني ..

رديت بهدوء على اخر رنه..: السلام عليكم ..!

رد بصوت مكتوم : هلا ؟.. وعليج السلام .. اشحالج روضه !

دق قلبي بقوه ؟.. وحااولت اظهر صوتي باااارد .. : بخير ...(سكت ثواني طويله ) .. ومن صوبك يابوحمدان !!..

تعمدت اتجاهل اسمه .. سمعت انفاسه المكتومه ورد بصوت مرتبك : بخير .. ااا العيال راقدين؟؟

طالعت عياله الي يطالعوني بااستفهامات ..ابتسمت لهم ..: لا .. هذولي حذالي .. تبا ترمسهم؟

رد وكأنه يفكر : امممم .. هيه .. !

عطيت التلفون عياله .. وتهاوشو حمده وحمدان .. منو يكلم ابوهم اول ..

حمدان : انا الريال انا الي اتكلم قبل

حمده : ناء ناء .. انا اول ..! انا اثطر منك ..

حمدان دزاها: روحي زين قال اشطر قال ..انتي حتى ماتعرفين تتكلمين كل كلامج حرف الثين .. مافي انا اول

حمده تطالعني وتقول بشكوى : ماما ثوووووووفي حمدااااااااااااااااااااااااااانوه

حمدان الي كان يكلم ابوه شل السماعه عن اذنه : شووووه منو حمدانوووو؟ .. مد ايده بير شعر حمدوه .. وحمدوه تصارخ وتضحك وتنخش ورا ظهري ..

حمدان يحاول يضربها بدون مايضربني .. وهو قاعد مجابلني .. وحمدوه تضحك وهي تلتف حواليني حتى مايقدر يصيدها ..

ضحكت وانا اقول : حمداان امايه عن الخبال ..

حمدان مصر : لا ماشي .. ليش تقول حمدانوو ..

حمدوه تضحك وهو تقول : كيييييييفي ..

قام حمدان بيمسكها وهي صرخت وهي تتخبى فظهري ... وتدفن روحها في ظهري ..حسيت بوخزة بسيطة فبطني غمضت عيوني وانا اسمع حمدوه تستغيث فيني :ماااااااااااااماااااااااااااااا .. ههههههههه


ضحكت وانا امسك بطني وامسدة بخفه ..قلت لحمدان: خلاص خلاص ياريال خل عنك .. غد ريال ومايخصك فيها ..

قعد حمدان وهو مغصوب ويطالعها بحقد اما حمدوه فكانت مطلعه لسانها لها وهي تتخبا وراي .. ضحكت ع خبالهم .. ورديت سدحتهم ع السرير حتى ينامون .. نسيت سعيد الي كان ع الخط .. وهادي .. مافي حس له..

واحنا منبطحين قالت حمدوه": ماما ..

رديت وانا مصكره عيوني شراتهم عشان يرقدون : همممم ..

كملت حمدوه ويه تحاول تقاوم الرقاد: بنروح المدرثه باجر؟

صكرت عيونها المفتوحه: اي حبيبتي .. اي ..

صكرت عيونها ..كملت وهي تقول بنعاس: مع بابا ولا خالي خليفه؟

تذكرت سعيد الي كان ع التلفون .. اووه .. دورت التلفون لقيته طايح عند بطن حمدان .. شلته وانا اجوف سعيد للحين ع الخط .. عقدت حياتي وانا احطه عند اذني واقول بتردد : الو؟؟ .. سعيد بعدك ع الخط ..

سمعت صوته يرد بهدوء: ايي ..


قلت بأسف : اسمحلي .. نسيت انك ع الخط ..!!..

قال لي بنبرة مافهمتها : لهالدرجة؟!

قلت بااستفسار : .. شو؟؟ ..

استدرك الي كان بيقوله وقال :لــ.... تصبحين على خير .. خبري حمدوه اني انا الي بمرهم وباخذهم للمدرسة .. اممم اي .. وباجر .. اخـ ..

قطعت رمسته: اوكي .. باجر بيكونون عندك ..!!! كنت باصكر بس سمعته يقول

: وانتي ؟؟ ..


رفعت حياتي وقلت : وانا شو ؟؟ ..

قال بتردد : متى بتردين ..
؟؟

قلت بهمس عشان مايسمعوني عيالي : عفتك !والي مايبانا .. مانباه!

هدوووء من الطرف الثاني .. توقعته ماسمعني .. فقلت : الو؟؟ .. معاي؟

تنهد بقوه : وياج ... غناتي ... (يوووه ياااااني اشتقت لهالكلمه من ثمه .. ياليتك ترد سعيد الي عرفته ياليت ! ) لو مب عشاني .. عشان عيالنا .. عيالنا يا روضه ..!!


صكرت عيوني باالم ودموعي تطيح من طرف عيني ع مخده حمدان قلت بصوت مخنوق : مااقدر ..!

رد بااصرار : تقدرين .. بتقدرين ..

قلت بهمس : بوحمدان .. لاتضغط عليه !

كمل بااصرار: روووضه .. هذي الفرصه احتاجها انا .. وعيالي ياروضه .. عيالنا .. شو ذنبهم ..

تحركت يوم شفت حمدان وحمده غاطين برقادهم .. طلعت من غرفتهم ودخلت غرفتي صحت وانا اقول : وليش ماقلت هالكلام لنفسك يوم كنت بايعنا كلنا .. الحين تقول لي شنو ذنبهم؟؟

سمعته يتنهد بقوة .. ورد يقول : ياروضه ياحبيبتي .. عيالنا يحتاجونا احنا الاثنين . وانا غلطت وماابغي الغلطة تستمر يا روضه ! .. حرام عيالنا يعيشون مشتتين وامهم وابوهم عايشين .. !

صحت بقهر .. صحت لان مابيدي حيله .. انا اقدر اطلب الطلاق .. بس عيالي ..آآآآه .. مسكتني من يدي الي تعورني ياسعيد .. :.................


مرت عشر دقايق وكلا الطرفين ساكت .. انا اقلب الافكار براسي واقلب الحجي .. بس مااقدر .. مااقدر .. صعب صعب ..

تنهدت بعذاب : انا برد .. بس على شــــــــــرط !

سمعته يرد بلهفه : صج .. امـــــــــــري .! .. موافق ..!!

رديت بغرور : اول شرط مايكون لك راي علي هذا اولا .. ثانيا .. انا لي غرفه وانت لك غرفه

رد مقاطع : بس اليهال بيحسون فينا ياروضه!

قلت بقهر: وانا مابي سقف يجمعنا بروحنا .. انت انت ..

قاطعني وهو يقول بحزم: لاء هالشرط لا

قلت بعصبيه: عيل مب راده ..

قال بحلم: سمعي .. مدام انج ..... تبين ترقدين بروحج .. رقدي ع السرير.. وانا برقد ع احد الكنبات .. بس انا فغرفه وانتي بغرفه لاء .. عيالنا بدوو يفهمون يا روضه .. ومانبي نعقدهم


عصبت وقلت: ومن الي سواا هالسالفه كلها .. انــــــــــا ؟ انا الي بعقدهم الحين؟ وكلامك شو نسيته؟

شكله هو بعد عصب : روضــــــــه يعني شنو واحد وغلط بتمسكينها علي طول العمر يعني ..؟؟؟

هديت نفسي .. يالله .. وانا شعلي منه .. خلاص من يوم ورايح .. هو بطريج .. وانا بطريج .. والله ياسعيد بالعب فيك بخليك القريب البعيد .. !

قلت : اوكي .. بس مثل ماقلت كل واحد بطريج !!

قال سعيد معترض: روضه .. كل واحد راح تكون له حريته وماله خص بالثاني .. بس بحدووود ياروووضه .. سامعتني؟؟ .. ماراح اوافق على الحريه الكامله .. شي مايعجبني ياروضه تردينه .. مهمها يكون انتي زوجتي للحين وعلى ذمتي .. ! ..

هــه !! .. قال شنو قال زوجته هـه ..!! ..

حسيت اني طولت وياه وايد .. فقلت اختصر : على خير .. فـ امان الله

صكرت بدون مااسمع رده .. هين يا سعيد ..هــين !! ..

فتحت عيوني .. انا شلون غفلت عنه ؟ .. كان يسمع شروطي ويعارضني وانا الي قررت انه اذا مانفذ الشروط مثل مااباها انا ماراح ارد .. آآآآآآآآخ .. كيف فاتتني كيف؟

.................

...: ياعمي .. انا مستعيل..

سكت يفكر بالكلام الي قاله .. كلامه صحيح .. هو لازم يتعرف عليها خلال هالفتره عشان زواجهم ماباقي عليه الا شهرين .. فليش مايخليها خطبه وملجة مرة وحدة ..؟؟ .. همممم .. فكر يا سلطان فكر .. ترضى ولا؟؟ ..بس ؟؟ .. لالالالا خلك من التفكير السلبي يا سلطان الولد وده فيها ويبغيها .. اي اي يبين عليه؟ .. بس بنتي ماتجهزت؟؟ .. تتجهز شبتسوي ترا؟ كلها فستان ومكياج .. واصلا هم كانو حاجزين للخطوبه يعني ماراح يضر لو صارت ملجة بعد ... ؟؟ .. اشاور امها؟؟ .. زين والمعازيم؟ والبطايق ؟؟ .. تذكر انهم كتبو في البطايق "حفل خطوبه" مب عقد قران او "ملجه" .. سكت يفكر ويقلب الامور بمخه ..

سمع صوته يحثه ع الموافقه: ها ياعمي اشقلت؟ وانا من ايدك هذي للثانيه ..

سلطان : خلاص يا ولدي .. الي تجوفه .. انا بخبرهم .. وانت بعد خبر جماعتك !!

صوته الي يعج بالسرور كان هو الي مريح اعصابه : تسلللللللم يا عمي .. كفووووو ..خلاص .. ع الخميس .. اجوفكم .. ياعمي ماتحتاجون شي؟؟ ولا ماشيات؟؟ ناقصكم شي؟؟ .. ترى مايردك الا لسانك يابومحمد .. المهر وسوالف الحريم دزوها اليوم لكم؟؟

سكت ورد بالموافقه : اي عندي خبر .. لاهنت ياولدي .. على خير ..

:خلاص ياعمي .. مع السللامة ..

:ياهلا ..

................
"سارة"

رجعت من غرفه سلوي مستغربه .. ياحليله خطيبها مستعيل على زواجهم؟؟ .. يراكض ورا هالعرس .. من فندق وحجز وبطاقات وغيره .. هه وانا مالت علي وعلى الي عندي ولا اهتم ولا درى عن الدنيا .. تذكرت ايل صار الظهر .. ياتني الصيحه .. دشيت جناحي .. ودخلت غرفه النوم .. كانت الغرفه ظلااااااااااااااااااااااااااااااام وباااااااااااااااااااااااااااااااااااااااااااااااااااااااااا اااااااااردة ارتعشت.. وبسرعه قربت من السرير .. وصكرت المكيف بالكنترول .. تلحفت لاني مت من البرد .. خمس دقايق .. عشر دقايق .. مروا .. فتحت الابجورة الي عندي وبعدها التفتت لمنصور الي نايم بعمق ومايدري عن الدنيا .. ناديته كمن مرة .. وتمللت لانه ماقام بسرعه

تأففت بضيج شهالحياااة الممله.. اوففف .. رديت اناديه جفت ماينفع وياه هزيته كمن مرة .. فتحت النور كله .. بعد عشر دقايق .. فتح عينه ..

قررت اقول له فكرتي الي فكرت فيها طول الظهر حتى اتخلص من الهموم الي فوق راسي .. النسوان .. وسالم فوقهم اكملت .. صار الحمل حملين ..

تمغط وهو ع السرير .. قام قعد انزاح اشوي من اللحاف عن صدرة وتفشلت من جفته ويهي قلب الوان من الاحراج .. كان نايم وازره القميص كلها مفتوحه وقميصه معفوس ... طلعت برع وانا اقول له : منصور بدل وتعال بكلمك في الصاله ؟؟

طالعني بااستغراب .. وتوجه للحمام .. صكرت باب غرفتنا .. قعدت افكر اشلون ابتدي وياه الكلام ..

بعد عشر دقايق من الانتظار وحسيت اني قاعده احترق .. اشفيه هذا تأخر بروحي متوترة ومب عارفه اشلون اشرح له الي بيصير والي لازم يسويه ..!!

انفتح باب الغرفه تعلقت عيوني بويهه .. تجدم وقعد عندي وهو عاقد حياته ..تثاوب .. ابصم لكم ان شكله كأنه عاقل بس تصرفاته هي ال تحير وانا لازم احط حد لهالتصرفات حتى .. حتى .. اعيش حياتي هانئه

شبكت يديني وطالعتهم مو عارفه اشلون ابتدي .. قررت .. اقول له نص الي صار لي حتى اريح ضميري ولاني محتاجه فضفضه : منصور .. انا احتاجك في مساعده .. تقدر تساعدني؟؟

طالعني بااندهاش : انا؟؟ .. اساعدج؟؟ ...

هزيت راسي بنعم

قال بااندهاش: بس سالم يقول ان .. نزل عيونه وطالع ريله وهو يلعب بالزوليه بطرف ريله :ان مافي مني فايده

التمعت عيني بالدموع .. الله ياخذك يا سالم .. اكرهك .. وفكل مرة تثبت لي انك انسان حقير .. قذر مايتساهل مشاعر الود الصافيه .. : لا منصور من قال .. هو يكذب عليك .. اصلا محتر منك ..

طالعني بااستفهام .. كملت بترجي : بتساعدني؟؟

هز راسه بحماس: اي .. ابتسم

ابتسمت له وانا مترددة .. : منصور .. انا .. انا .. ابي اطلب منك طلب ..

طالعني مستفسر وقال : احين طلب ولا مساعده

ضحكت غصب عني .. وقلت له : الاثنين؟ .. انا ابيك تمثل عليهم انك رجعت طبيعي .. لمعت عيني بالدموع .. يعني يعني انا بساعدك وبعلمك كل شي لازم تسويه في وجود الناس .. بس ارجوك منصور لا تخيبني .. صحت وانا اغطي ويهي

طالعني متفاجأ .. ومد لي علبه الكلينكس : لا تصيحين .. خلاص خلاص .. باامثل ... بس شنو يعني امثل؟ ..

ضحكت على كلمته وانا اصيح.. ياحليله يبي يراضيني وهو مب فاهم شسالفه ..هديت شوي .. وشرحت له كل شي بالتفصيل كل شي لازم يسويه ويتصرف فيه جدام اهله .. ماكان يخلو شرحي من بعض الضحك والصياح .. منصور عجيب .. يقدر يزيح الالم بطهارة قلبه وبراءة تفكيره

عقد حياته وهو يقول لي بصوته الخشن : روحي ايبي لي ماي

فتحت له عيوني وتخصرت لا ارادياَ: نعم نعم؟ قلت لك تحت .. جدام الناس .. هني لاء ..

كمل وهو يقول : اي اي .. ولازم تثقل مو من تجوف مجود يلعب فالسوني تركض تروح تلعب وياه .. لاء لاء .. تبي تلعب اصبر لين انيي فوق والعب على كيفك .....طالعني وهو يقول : صح؟؟ ..

كتمت ضحكتي وانا انزل عيوني عن عينه : صح .. بس انت ليش اتسمع الي قلته؟

قال لي ببراءة : مب انتي تبيني امثل؟ اكا ؟

ضربت على يبهتي ومت من الضحك عليه .. قعدت افهمه من يديد .. هز راسه .. وهو يحاول يفهم بقدارته البسيطة ..

قلت له اذكره : اي ويوم يقولون لك اشلون رديت طبيعي تقول لهم انك سخنت ورديت طبيعي اليوم الثاني ... يعني من باجر بتمثل عليهم كلهم انك رديت طبيعي .. اتفقنا

ضرب يدي بكفه وهو يقول : اتفقنا .. قف مي فايف"حافظها من مجود" .. انزين متى تشترين لي الشريط الي كسرتيه؟؟

التمعت عيونه بحزن .. انحرجت من نفسي وقلت : ان شاء الله بعد ملجة سلوي باروح اشتري لك اوكي؟؟

قال لي وهو يفكر : لاء لاء .. انتي قلتي مايصير تطلعين بروحج لازم انا اوصلج عشان عشان عشان ايييييييي عشان الريال مايرضى مرته تروح بروحها صح؟؟ .. كمل وهو يقول بوناسه الللللللللللللله بايي وياااج بشتري "قعد يعدد على اصابيعه اسماء الاللعاب الي ناوي يشتريهم " ابتسمت براحة

وقفت باانزل قال لي منصور انه بينزل هو الثاني بعد

نزلنا وكانت سلطانه في الصاله .. واليهال هوااااش على السوني .. ماجد وولد سلطانه وجسوم ولد محمد ..

ساسرني منصور : عادي اروح العب اليوم؟؟

ابتسمت .. احسن شي في اليهال انهم نبيهين ويفكرون صح لانه مافي شي يشغل بالهم .. اشرت له باايي .. وراح بسرعه بيلعب وياهم ..

وابتدى الصراخ طبعا من يلعب بفريق "مانشستر .. وفريق رويال مدريد .. "

سلطانه كانت تتكلم بالتيلفون .. وبيدها مجله تأشر عليها شنو بتشتري لسلوي ..

مشيت للمطبخ لاني عطشت ..

وانا طالعه من المطبخ صادف وجود مرت محمد "ياشييييييييييييتها هالقشرة" طنشتها وكنت باكمل طريجي .. بس وقفت بطريجي وقالت بحقد: هييييييييييي انتي جوفي مو معناته انج يتي هالبيت انج بتلفتين نظرهم .. وتاخذين الاضواء فاهمه؟؟

طالعتها مستغربه لكنها كملت بنرفزة : وبعدي عنا احسن لج ؟؟

عقدت حياتي اشفيها هذي مب صاحيه؟؟ : اشعلي انا منكم؟؟ .. والله !!.. حبيبتي عندي ريلي شاابي فريلج؟؟ والله اخر زمن ..

مشيت بااروح عنها بس يرت يدي بعصبيه .. وقفت وانا بعد ابتديت اعصب خصوصا ان انا اعصابي بسرعه تفلت مني

قالت بشر : لاتحطين راسج براسي ياسارة

طالعتها بااستفزاز وعصبيه : هي انتي .. شتحسبين نفسج ها؟؟ .. مثل ما لج فهالبيت لي .. ويمكن لي اكثر منج .. فاهمه يازوجة ولد عمي "العزيييز"؟

طالعتني بعصبيه ونرفزة .. اطلقت ضحكه سخريه ومشيت عنها

والله حاله والله ناس مستخفه سمعتها تقول بتهديد : هين ياسارة .. تذكري انج انتي الي بديتي .. وانتي الي دخلتي هالشي فمزاجي .. وتحملي


اشرت بيدي بلا مبالاه عليها وكأني ااشر عليها انتي بلا قيمه عندي؟؟ .. توجهت للصاله

وجفت سلوي قاعدة ودمعتها على خدها .. وسلطانه تكتب فورقة .. عقدت حياتي .؟؟ اشصاااير؟؟

ياخي شهاليوم الي مو راضي يمر على خير؟؟؟

قعدت عند سلوي وانا اكلم سلطانه : اشصاير؟؟ اشفيها؟؟ >اشرت على سلوي؟

ضحكت سلطانه : دلع بنات .. مافيها شي .. تصيح ماتبي هالخميس تكون خطوبتها وملجتها؟؟ .. وماتبي تعرس بعد شهرين ؟؟

عقدت حياتي:" شهرين؟ مب كانو بعد 3 شهور؟؟

قالت سلطانه : لالا .. بعد اربع شهور بتكون باديه الدراسه في لندن من شهر .. عشان جذي بيجدمون عرسهم شهر ونص .. اتعرفين لازم بيروحون شهر العسل

صاحت هني سلوي اكثر؟؟.. طالعتها وضحكت : اييييييي سلوي شفيج ههههه ..

سلوي قالت : خلاص مابي اتزوج ..؟؟ .. ردت تصيح

ضحكنا انا وسلطانه بالقوووووووووووووه فلعتنا بالمخدات الي وراها واحنا لازالنا نضحك على سلوي وحركاتها

كتمت ضحكتي يوم جفت سالم داش البيت .. مايحتاي اقول لكم اني بديت ارتجف من الخوف .. والكره .. بلعت ريجي .. وتحركت بسرعه .. بارووح فوق ..

مسكتني سلطانه : على وين سوسو؟؟

بلعت ريجي بخوف : بروح الحمام ..

تحركت بسرعه .. تعديتهم وصلت لباب الصاله

كان سالم متمايل على باب الصاله .. وصلت لباب الصاله سمعت همسه : سارة ..

تحركت بسرعه وتعديت الباب ودموعي تجمعت بعيني ركبت الدريات بسرعه وانا اسمعه يهمس : لحظة .. سارة صبري .. سارة ..

تعديت ثلاث دريات وطاحت دموعي .. سالم انسان مريض مريض .. مااقدر اعيش وياه بهالبيت .. معقوله جي يفكر فيني .. ليش؟؟ اشجايفني

صحت بقوة وانا اتوسد السرير.. تذكرت هاليوم الكئيب ..ربع ساعه وحسيت بيد على جتفي .. كان منصور ..

صحت زيادة .. متى ايي باجر .. متى ..

قال لي منصور : سارة انتي ليش تصيحين؟..

صحت زيادة .. ومارديت عليه .. رن تلفوني ..مسحت دموعي وهديت شوي وانا اطالع الشاشه |"عضيدي فهالدنيا" كان ماجد .. مالي بارض له .. وبعدين انا مااكلمه الا اذا احد وياي او وياه .. بروحنا ماراح اكلمه .. اي حقودة .. كيفي انا حقودة .. الي سواه مو شوي ..



رن تلفوني من يديد ..وصديت عن التلفون بااهمال وانا اتنفس براحه .. اخخخ بس من يقول ان الصياح هم وكدر .. الصياح راااحه .. ونعمه ...

منصور بلقافه سأل : من ذي "عمري كله فدوة "

سحبته من يدة بعنف: مايخصك .. سكت متلومه اشلون جي كلمته وانا طالبه طلبات قد الدنيا منه .. طالعت ويهه كان يطالعني مصدوم .. وبعدها صد عني وشكله زعل ..


مسحت دموعي الباقيه ومسكت يده : انا اسفه .. مب قصدي .. بس .. بس انـ

قاطعني وهو يبتسم : انا بسامحج .. على شرط ؟!

طالعته بنقمه: ياكثر ماتتشرط يامنصور

ضحك منصور والمعت عينه و هو يقول : لاء شرطين مو واحد .. اشر على صبعينه جدام عيوني .. شوي ويدخل اصابيعه داخل عيني

بعدت ويهي وانا اضحك .. مب كأني من شوي باصيح : اييييييييي بتعميني الحين ..

قال وكأنه مب مهتم للي قلته : هااا توافقين ولا لاء؟؟؟

طالعت السقف وكأني افكر : امممممممم .. اممممممم ..

ضربني على ظهري : يالله ساعه

صرخت متألمه : ايييييييييي .. حسبي الله على ابليسك .. تحسب يدك خفيفه .. كسرت ضلوعي

ضحك منصور وفج عيونه : شنو يعني ضلوعي .؟؟

اشرت على الضلوع الي فجسمه .. وهو كان يتابع مسرى يدي .. وفاتح عيونه بدهشه .. كأنه اول مرة يعرف هالشي .. : ليش يقولون له ضلوعي؟

تأففت : لانه ضلوع جمع ضلع

عقد حياته وكأنه يركز فالمعلومه ورد سأل : انزين شنو يعني ضلوع جمع ضلع؟؟

سكت وانا افكر .. ليش سمينا الضلع .. ضلع؟ ..لانه ؟؟؟ .. ااا .. لانه ضلع .. الله يخس ابليسك يا منصور .. جانك بتيينني مع ينونك هذا .. : ماعلينا ؟.. شنهي شروطك ياحضرة الامير منصور؟

ابتسم بوسعه وهو يأشر على نفسه : انا امير؟؟ .. ضحك بفرحهه وهو يكمل .. ابي كيك .. طالعني وهو يأشر على وراه ويقول ... الي اول سويناه هذاك بو جوكلت ؟ تذكرين؟ الي حلو .. شكل .. امممم .. صبري خذيناه ويا المدرس .. مب مربع .. ولا متسطيل ..صرخ متذكر .. اييييييييييييييييييييييييييي دائرة .. دائري

ضحكت على متسطيل وقلت اصحح له : مستطييييييييييييل

ردد وراي بنفس كلمته : متسطيييييييييييييييييييييييييييييييل

ضحكت وانا اعلمه : لالا .. جوف اول شي تقول السين بعدين التاء .. فهمت؟؟

ردد وراي .. : اول شي تقول السين بعدين التاء؟ ..

صرخت متنرفزة : منصوووووووووووور

نقز متخرع وهو يقول : هااا .؟؟

ضحكت على شكله .. وكملت : رفعت ضغطي الله يهديك .. مستطــــــــــيل .. اول شي السين .. جوف اول شي ننطق حرف السين وبعدين حرف التاء فهمت مسسسسسسستطيل

حرك شفافيه وهو ينطق نفس جملتي بالضبط بس بدون صوت اول شي السين جوف اول شي ننطق حرف السين بعدين حرف التاء

صرخت : مستطييييييييييل

صرخ هو بعد : متسطييييييييييييييل

ضربت راسه : يعلك يالمسطل انت .. زين خلصني شنهو الشرط الثاني؟؟

لمعت عيونه بحلاوه .. ياناااس مااقدر اقاوم عيونه ..لمعت عيونه.. بعد ماحط طرف راسه وهو يميل شعره صوب الي ضربته : تقولين لي .سكت وهو يقرب من عندي .. وحسيت ان جسمي صار حار وبدا يعرق ,,, مادري ليش خفت .. ابتعدت شوي بس سمعت همسه فأذني
: تقولين لي قصه الليله ..

تنفست براحه بعد ماكنت حابسه انفاسي .. مادري ليش جي صار فيني .. تنفست بقوة وانا اقول : صار ..



بعد 4 ساعات .. قضيتها ويا سلوي وسلطانه .. توجهت للجناح .. كان منصور منبطح الارض .. وماد ريله ع طرف الكبت الي عليه التلفزيون .. ويتابع فلم بس على كرتون .. اممم هاي الفار الازرق .. مادرس شسمه

المهم انا مب من متابعين الافلام الانجليزيه عشقي الافلام الهنديه .. واااو .. افلامهم كششششخة ..

طالعني منصور بكسل : هممم انتي يتي؟؟ .. وينج ياتني النودة انا "تثاااوب بعمق "

اوووه تصدقون نسيته منصور .. ولا طرا فبالي اتصل الجناح اسأل عنه .. حسيت بااحراج من نفسي .. ابد مااتحمل المسؤوليه .. عيب علي والله ! .. قلت بااحراج : هاا .. اي كنت اسولف ويا البنات .. !!

هز راسه وتثاوب من يديد .. كسر خاطري .. قلت : زين ليش مارقدت؟؟

طالعني : اخاف ارقد بروحي ..! قعدت انطرج ..

واعليييييييييه .. انزين جان اتصلت يامنصور .. عور قلبي .. مسكين .. المهم طنشت مشاعري .. ورحت للحمام .. بدلت وغسلت .. طلعت ومشطت .. بعدها تعطرت .. ورحت للصاله .. جفت منصور وهو يدش الغرفه ..

طالعني متفاجأ : مابترقدين؟؟

هزيت راسي بلا .. مافيني النودة اصلا : لاء ..!

تثاوب بالقوة وهو يقول لي : انزين معليه تقعدين وياي لين ارقد .. اخـ ..

قطعته وانا اقول : اوكي يالله ..

دش فالفراش .. وتلحف بفراشه .. قلت له يفتح الابجورة الي صوبي .. فتحها بطاعه .. صكرت ليت الغرفه ..

توجهت للسرير بحذر .. انبطحت وانا اصكر الابجورة .. سمعت منصور النعسان يقول لي : سارة

رديت عليه : هممم

قال بااستفهام .: انتي قلتي بتقولين لي قصه .. قولي لي قصه ؟؟!

سكت منجلطه .. مالي بارض حق شي .. مااعرف اقول كلمتين على بعض اقول قصه؟؟ .. اوفف .. حست فبالي على قصه مايه فبالي شي .. قررت اقول له قصه السندريلا .. واذا طلعت صح كان بها واذا غلط مابيدري هههههههه >اما خبيثه ياسارة : كان يا مكان في قديم الزمان .. كانت بنت فقيرة حلوة اسمها سندريلا تعيش ويا مرت ابوها واختينها من ابوها .. ابوها مات وهي اصغيرة .. ومرت ابوها كانت تعاملها بقسوة ......... وفي يوم كانت في السوق جافها الامير وهي تشيل الخبز .. الامير مارتن .. كان هو مختفي بثياب غير عن ثياب الامراء حتى يشوف احوال الرعيه ويعرف منهو الزين ومنهو الشين ......وعزمها على حفلتهم الي مسوينها حتى يختارون له عروسه ......بس ماراحت سندريلا المسكينه لان مرت ابوها خافت يحبها الامير ........يات لها الفراشه وساعدتها..... وبعد الساعه 12 ركضت سندريلا .. وهي تركض مستعيله .. طاح جوتيها عند اعتبه القصر ......... ولان سندريلا كانت طيبه وتحب اهلها وتحب الخير .. الله جازاها وزوجها رجل غني اغناها عن كل الي كانو يعاملونها بجفاء .. وتوتة توتة خلصت الحتوتة .. حلوة ولا خربوطة .. (...... = هذا يعني في كلام في القصه بس تكيسلت انا اكتبه خخخ فااختصرت)

رد : حلوة .. انزين وبعدين شيصير؟؟

قلت له : يالمفهي .. خلصت القصه !! .. اشفيك يا بابا .. خلاص تتزوج الامير ..

رد : انزين وبعدين؟؟

ضحكت اوانا اقول : وبس؟؟

سكت كأنه يفكر .. وبعدين سأل : اسمها سندريلا؟؟ .. وهو اسمه الامير مارتن؟؟

استغربت من سؤاله : اي؟؟

فكر شوي وبعدين قال ببراءة : نفسنا يعني؟

قلت له مب فاهمه: ها اشدخل؟؟

قال لي منصور بذكاء طفولي بريئ : انتي اسمج سارة .. وهي سندريلا .. يعني 3 حروف نفس الاسم .. وهو اسمه مارتن .. يعني نفس منصور 3 حروف مثل بعض .. وهي كانت فقييرة .. وانتو بيتكم اصغير .. وتزوجت واحد غني .. وانا بيتنا كبير .. يعني انتي سندريلا وانا الامير مارتن















(انتهى)

..::]][[ الحفنه الثانيه عشر ]][[::..

(والله لخليك عقبي تصفق كفوفك .. وأشرّب الي تغطرس كاس غطرسته )
"سلوى "

خايفه .. مرتبكه .. متوترة .. هذا ولا شي .. احس اني بااصيح فهاللحظة .. لا تقولون ليش عادي .. ماقدر احس بخوف .. ياريت احد يفهمني .. ويفهم شعوري .. من ثواني كنت انسه .. والحين انا صرت مدام .. يعني بااختصار تزوجت .. ارتجفت اطرافي .. ياترى اشلون بيكون زواجي .. هل بيكون سعيد ونهايته سعيدة مثل الي اقراه فالقصص .. ولا بيكون تعيس ومحبط مثل الي نجوفه فالمسلسلات .. خاييفه .. اقل شعور احس فيه .. ماادري شنو مصيري .. ولا شنو بيصير لي ..

سمعت العنود تبارك لي .. وصوت سارة وسلطانه .. احس بتعب ودوخة .. قالو لي ان المعرس بيي .. عشان جذي احس بالدوخة .. بليييز لا لا .. انا مااعرفه ..!!

" الشوفه الشرعيه ..الي ماقبل الملجه وبعد الخطبه الرسميه.. عند اغلبيه اهالي قطر قليله .. مب منتشرة بكثرة .. يعني لا العريس يطلب يجوف العروسه ولا العروسه .. وهذا لحد الان ماندري لاحقا شيصير خخخ .. "

ارتجفت وانا اجوفه مقبل يمشي ع الاستيج حتى وصل عندي .. باس راسي وهو يهمس : الف مبروك حبيبتي ..!!!

لحظة لحظة في شي خرط .. "حبيبتي؟؟" من متى المعرفه؟؟ اشلون صرت حبيبتي؟! وانا مااعرفه ولا يعرفني ..
بلعت ريجي ..
جفت الصندوق العود المذهب .. وداخله قطعه حرير تحوط بالقرآن .. ارتاح قلبي يوم جفت القرأن .. كان فيه صندوق ثاني للعطورات وخرابيط الدزة .. واخيرا .. قربوا الشبكة لنا .. وانا قلبي يدق دق .. تحسبت على العنود يوم سمعتها تقول له .. لبسها ..

فيصل بااحراج : العنود ترا مااعرف ..

ضحكت العنود : شنو ماتعرف لبسها اجوف لبسها العقد ..

حسيت بيده على رقبتي مت من الخوف .. والتوتر .. حسيت اني بااصيح .. تيمعت الدموع فعيني .. يالله مو وقته الحين اصيح واخرب كل شي .. جفت امي تطالعني معصبه مني .. ياربي شاسوي.. مب بيدي ؟؟.. والله خفت اني اصيح مب عشان الفشله من الناس .. عشان امي ماتلطني بكف ..

اخيرا .. انجز المهمه .. والعنود كملت وصكرت العقد زين مازين .. قربت منه الشغابات "التراجي" .. اهني سمعته يقول : عنودوه يالغبيه اقولج مااعرف عقد وباليالله .!!

قرب من عندي وبغا يلبسني الشغاب .. لااراديا رجعت خطوتين .. وقرب لبسني الاشغاب مايحتاي اقول لكم انه سوى فااذني حفرياااات من كثر اللخبطه .. الاشغابه الثانيه لبستني اياها العنود وبمساعدة ام فيصل ..

لبسوني الساعه .. واسوارتين الماس باليد الثانيه .. ويوم قعدنا .. لبسني فيصل الخاتم .. مايحتاي اقول لكم اني كنت منحرجه ومتوترة وشوي واصيح ..

ربع ساعه مرت بينا بدون كلام .. استحيت اجوفه .. اما هو .. فاانا ماادري عنه .. بس كل ثانيه تمر وانا احس ويهي يطبخ من الاحراج ..


ثواني .. واعلنو العشاء .. وبعد اعلان العشاء بثواني .. زفونا لصااله متوسطة .. ومجابل الصاله بابين .. واحد غرفه .. جهزوني فيها بالميك اب والشعر وهالخرابيط .. والثانيه كانت حمام ..

سمعته : الف مبروك يا .. سلوى ..!!

همست ..وانا قلبي يدق ويدق ويدق .. حتى شكيت ان معاي مرض القلب من كثر دقات قلبي السريعه : الله يبـ ـ ـارك فـ ـيـ ـك .. !!

سمعته يقول : مرتاحه اهني .. ولا تبينا نروح بيتكم ..!!

رفعت عيوني له .. واستحيت .. نزلتهم على طول .. مااشاءالله عليه .. صحيح ماكان وسيــم لحد الثمااله لكنه جماله ملفت !! .. اصلا انا مايهمني الجمال .. لان مثل ماانتو عارفين الرجال مخاابر مهي منااظر ..

عجبتني طريقته .. اظاهر ان فيصل ريال يعتمد عليه ولا ماكان سألني واهتم بشعوري .. سكت افكر .. ارد ولا لاء ؟؟ .. بس فعلا انا ابغي اروح بيتنا .. : يصير .. نروح بيتنا !

حسيته ابتسم وهو يقول : ياعمري على صوتهم .. يصير ليش مايصير .. بس قرري بيتنا ولا بيت ابوج ؟؟

رفعت عيوني وكأني اسأل شالفرق ؟؟ .. ابتسم فويهي .. بسرعه نزلت ويهي وانا احسه يطبخ من الاحراج .. وصيحتي كاتمتها داخلي .. : بيت ابوي .!

سمعته : حاظريــن ... اتصل على العنود وقالها تبلغ امي .. دقايق ويات امي لي والضجر باين عليها

لبست عبايتي .. ومرني اخوي محمد !! وتوجهنا للبيت .. وفيصل يــه بيتنا بـ سيارته !! ..

صراحة كنت اجوف ماله داعي فيصل ايي .. شيسوي ايي..وبعدين انا استحي .. قررت اروح فوق واطنشه .. بس محمد .. قال لي اروح الميلس واقعد وياه اشوي وهو ثواني ويلحقنا على مايصف !! .. فعلا حسيت بسخافه اشلون اطنشه عيب وفشله .. شبيقول عني؟

دشيت الميلس وانا للحين بعباتي .. فسخت شيلتي ورتبت شعري وجيكت ع شكلي .. ودخلت ..

فتحت ليتات الميلس .. واتصلت للخدامه اتييب عصير ..

سمعت حس حد ع الباب .. ارتجفت .. وبلعت ريجي .. فتحت الباب كان فيصل .. والعنود معاه ..

دخل فيصل وقعد.. وانا رحت بااقعد ..

العنود : هي هي هي سلوي .. فسخي عباتج ترا ريلج عادي يعني

طالعتها بقهر .. هو ماتكلم انتي شلج .. شعليييج .. حسيت اني باصيح .. فصخت عباتي .. ورتبتها عندي ع الكرسي ..

سمعت فيصل يقول : وبعد شخبارج سلوى ؟؟ ..

انحرجت ورديت بخفوت: بخير !

سمعته يقول : ها؟ .. ترا ماسمعت .. يا تين عندي يا اانا ايي عندج !

ويهي مو بس يطبخ الا احترق من الاحراج .. ماتكلمت ولا رديت ولا حتى رفعت عيوني .. له ..

حسيت بخطوات حد قريبه لعندي .. كان فيصل ..

قعد ع الكنبه الي عندي وحمدت الله انه قعد شوي بعيد يعني حس بااحراجي ومايبي يزيدة ..!! .. سألني عن التخصص الي ناويه ادخله .. وهالسوالف .. سوالف عامه بحته !!

تبي الصراحة تراني صـدق حبيتـك
واحترت وشلون أعبرلك عن اشواقي
يابعد هالناس أنا من قلبي أغليتـك
حبك جرى بالعروق وعاش بأعماقي


................

"عذبه"

ااااخ اخ .. تعبت .. هذا واحنا واصلين امس .. اشلون عيل لو واصلين اليوم ..تمددت على السرير تعبانه حتى مالي بارض اغير ملابسي ..ابتسمت يوم تذكرت شكل سلوي يوم دخل فيصل هههههههههه .. ياحليلها سلوى .. هالبنت واااايد واااايد تستحي .. شكلهم حلو .. لايقين على بعض .. مع اني حسيت شكل فيصل واييد اكبر من عمره !! .. صكرت عيوني .. وتذكرت هذاك الشاب الي التقينا فيه فحديقه "زعبيل" يااه .. شكله ريااال صج صج .. حشييم .. وريال .. واخلاق .. يوووه يا عذوب اشدراج انتي .. ماغير موقف واحد وياه ..!!
ايييييييييييه تنهدت .. موقف وللحين محفور بذاكرتي ..!!

تذكرت العرس ..وابتسمت .. يوم تذكرت اني طلبت اغنيه امارتيه وارتبشنا انا وعلايه ونجول .. ويلسنا نرقص .. وعليوه السباله يبست من قلب .. والكثير من البنات ارتبشن وخصوصا ثنتين من ربيعات سلوي .. شكلهن امارتيات خخ

ارفع جبينك فوق يابن الامارات
واتفاخر انك فرد من شعب زايد
ديرتك ديره مالها ند واخوات
وقايدك ماشرواه في الكون قايد

فوووق ..

ديرة خليفه عزنا وعز الذات
ديرة محمد فخر بن عوايد
امجاد زايد الي بكتها الطويلات
وامجاد راشد والشيوخ الفرايد

فوووق ..

بشت المكارم واهلها عطر الوقات
روح الاصاله والاصوله التلايد
تحلم بها النفوس وعقول حليمات
وترقص لها قلوب وتغني لها بدايد

اي والله فووق

امي وابوي وحبها في الحشى بات
سبع تعلت فوق روس النوايد
احني لها راسي وتل المنيات
وانزف لها من دم قلبي قصااايد يالاماراااات

يابس .. يابس ..
ضحكت وانا اتذكر طيحة ع عليوه ع اخر الغنيه .. هههههههه .. والبنات يصلون ويقرون عليها .. اونه .. ضربوها بعين .. ههههه .. تذكرت ان عليوه مافصخت كعبها في الرقص عسب جي اتحنقلت وطاحت هههه .. بس اشوا طيحتها ماكانت قويه ولا كان انفضحنا جداهم .. صكرت عيوني بتعب .. وسمعت عليوه ترمسني .. بس لاني كنت تعبانه فظروف ثواني

وطارت عذبه في الاحلام ..

حسيت بااحد يصحيني من الرقاد .. فتحت عيوني بشويش .. : هممممممممم .. ساروه ابي ارقد اوفف ..

سمعت حسها النشيط : لالا مافي ارقاد .. قومي بنروح البحر ..

همست: انتي وحدة متفرغه ..!!

ردت تحن وتزن فوق راسي .. وفالاخير قمت : ها ست سارة فضحتينا .. اشتبين؟؟

ضحكت : يالله .. ريلي بيودينا يدورنا ..!!

ابتسمت : ساروا انتي مستانسه وياه؟؟

لحظات واختفت ابتسامتها وردت تبتسم : اومال ايه يا وليه؟؟ .. عبالج لو مب مستانسه بتم وياه دقيقه .. شو يا بنتي انسيتي اني سارااا ولا بلااااااااااش

ضحكت عليها : زين زين يالله ياييه .. ببدل وباايكم ... اشرت على عليوه .. اصحيها؟؟

ضحكت ساروه بخبث : افكورس افكورس .. هي دوم نومها جي ثقيل؟؟

طالعت عليوه الي غاطه بسبات عميق ولا حاسه فينا .. : هيييه ..

قالت لي بخبث: امشي نصحيها ..

لمعت عيوني بمكر .: نصحيها بالماي؟؟

ضحكت ساروه : لالاا .. هاي شي قديم ازلي .. امشي نروح المطبخ ..

مشيت بااطلع ويااها .. جان تلتفت علي : انتي يالمفهيه العودة بتطلعين بفستانج !!

اوووووووووووووه انا شلون نسيت .. طالعت ويهي فالمنظرة .. يوووه لا تجوفوني الفضايح كلها اطلعت خخخخ ..

دخلت الحمام .. وغسلت ويهي 600 مرة .. اوففف وباليالله راح المكياج .. حشى موب مكياج اسميت !! .. بدلت ملابسي ولبست عبايتي .. تجحلت .. وطلعت .. دورت على ساروه مالقيتها اتصلت فيها قالت لي انها فالمطبخ .. رحت جفتها ماسكة قالب ثلج واتقولب فيه : هلا صباح الخير

ردت علي باابتسامه: صباح النور .. ها نروح؟؟

طالعتها وقلت: يالله؟؟