" روضه " ..

كنت معطته ظهري واشاهق بصياحي .. معقوله انا سقطت .. سقطت .. ليش ليش ؟ .. هذا اخر امل كنت اتوقعه راح يبعد سعيد عن شمسه .. شهقهت وانا اصيح من يديد .. واتحسس بطني .. ليش .. والله .. غمضت عيني .. ماابغي افتحها ماابغي .. ليش قمت بعد ماطحت .. ليش ولدي مات .. للحين ماكمل ثلاثه اشهر .. كنت مخططه اقول لسعيد عن حملي .. بس للاسف .. للاسف ماصار .. ماصار .. ليش ياسعيد ليش؟ .. استغفر الله .. بس ..

الي معور لي قلبي .. ان سعيد هو الي مختار شمسه .. هو .. يعني مب ضحيه ..ولاشي .. بااختياره .. تذكرت يوم صدمني بكلامه .. كنا بغرفتنا .. وقال لي انتي حرمة عاجل واتعرفين ان الشرع حلل اربع .. وانا بـ ثني .. صدمتي كانت كبيرة كبيرة .. لدرجة اني ماتأثرت .. حسيته يكذب يبي يختبر صبري .. عطيته ظهري ابغي انام .. لكنه تابع كلامه .. انا بتزوجها مب لشي ناقص فيج .. لا ياروضه .. مسك كتفي انتي كامله والكامله وجهه سبحانه .. بس القلب ومايهوى .. انا عجبتني واايد ياروضه .. عجبتني شمسه .. و .. و .. خطبتها امس ..

مافي شي المني كثر ما القلب ومايهوى .. يعني ماكان يحبني .. السنين الي عشتها وياه .. كلها خداع بخداع .. الحب الي بقلبي له .. والي حسيته لي بقلبه .. كله كذب .. واكتمال صورة .. فهاليوم ذرفت دموعي صامته .. نمت وانا ظهري مجابله .. حرام عليك ياسعيد حرام .. ماتهنيت ليلتها .. مارقدت براحه .. رقدت يمكن ساعه ونص .. وصحيت اقومه لدوامه .. جهزت له فطورة وانا احساس الفتور صابني .. كأني جهاز الي مايحس .. تريق ونظراته تتابعني .. وتنتظر ردة فعل مني على كلاامه .. بس انا كنت هاديه .. كنت مصدومة .. ومتوقعته كابوس حلمت فيه .. مادريت انه واقع وصلني لهني للمستشفى .. طايحة .. وفاقدة ولدي اش اكثر من هاي؟ ..

حسيت بيده على جتفي .. هذي نفسها اليد الي قادتني لهني .. التفت له .. مسح دموعي .. كنت اطالعه واعاتبه بداخلي .. طالعت يده الي تمسح على كتفي .. يدك هذي ياسعيد هي الي طيحتني .. هي الي كسرت قلبي .. كان سعيد يتكلم ويخربط .. وانا ساكته اطالعه .. املي عيوني منه .. هذي خمس ايام لي فالمستشفى والعدد التنازلي بدا .. ملجة سعيد مابقى عليها الا اسبوع ونص .. طالعته بحنيه .. سعيد راح افقدك .. سعيد راح تشاركك فيني حرمة غيري .. ليش ياسعيد ليش؟ .. وين وعدك .؟ .. وين كلام الحب؟ .. وينه؟ .. والا انه مجرد كلام وبس .. كلام ..!!


طاحت دمعه من يديد من عيني .. مسحها سعيد .. وهو يتنهد بتعب .. سمعته يقول : روضه تكلمي .. قولي شي .. من يوم طحتي وانتي ساكته .. قولي اي شي !!

شـ قول ياسعيد شقول؟ .. وليش قولي بيغير شي؟ .. شقول ياسعيد وشخلي؟ .. اذا تكلمت انا ياسعيد صدقني قلبي بينجرح ازود عن جي .. مابي اتكلم .. مابي اناقشك .. راح تزيدني الم .. راح تقتلني بسهام .. وصدقني ياسعيد ماعاد فيني اتحمل اي جرح ولو انه بسيط ..

بعد فترة طوييله وانا اطالعه .. واطالع مخرج الحروف الي ينطقهم .. وتنهداته وعيونه الوساع الي يغمضهم بتعب .. ولحيته النابته .. يعني بتهتم ياسعيد؟ .. اذا من الاول مااهتميت بتهتم الحين؟ ..
وبعدين ليش انا معورة قلبي .. هو اليوم معاي .. اليوم معاي .. لاني مريضه .. ولا باجر .. اذا ظهرت .. بيروح لحرمته الثانيه .. مد يدة للمرة المليون بيمسح دموعي .. بس انا مسكت يده برجفه ورديتها بهدوء لحجرة .. مسحت دموعي .. لازم اتعود ياسعيد امسحهم انا .. باجر محد راح يمسحهم ياسعيد غيري محد .. عطيته ظهري ابغي ارقد ابغي اشرد من هالعالم .. مسح على شعري ودموعي تصب من عيني .. بس لا .. ماراح اسمح لك ياسعيد تذبحني اكثر .. ماراح اسمح لك ..

بعدت يده بخفه من شعري .. وصكرت عيني .. فترة مضت وراحت ... فجأة فتحت عيني باانفجاع .. انا مافكرت الا بنفسي ياسعيد؟ مافكرت الا بنفسي والا انت الي مافكرت الا بنفسك ..

طالعني مخترع .. قال لي : روضه فيج شي ؟ ..

كنت اتنفس بقوة وخايفه .. قعد على السرير يهديني .. ويمسح على راسي وشعري وهو يقرا ايات قرأنيه .. وانا فاتحه عيني بقوة ماابغي اصكرهم .. لكن يده كانت كل ساعه تحاول تصكر عيني .. كان يحاول يهديني .. بس انا مب راضيه فاتحه عيني وماابغي اصكرها .. وماابغي ارقد اصلا ..

اندق الباب .. ودخل خليفه .. الي من شاف سعيد لف ويهه عنه بكره .. وتنهد بغيض .. قال : السلام عليكم ..

رد عليه سعيد بهدوء: وعليك السلام والرحمه ..

طالعني خليفه بحنيه كبييرة .. ورد طالع سعيد بتشكك وغيض .. وهو يأشر علي: بلاها؟

تنهد سعيد وطالعني ورد قال : ماشي بس تعبانه شويه ..

طالعه خليفه وشخر بسخريه : هه ومنو وصلها لهالحاله؟ ..

عصب سعيد وقال بغيض: خليفه مب فايج اتواجع ويا غيري .. ختك مريضه خلها بحالها وخلنيه بحاليه

طالعه خليفه بكره وقال له : بعد عن اختي ابا ايلس حذالها ..

طالعه سعيد بكره واشر له ع كرسي جريب مني من الجهه الثانيه ..

قاله خليفه ..: ابا ارمسها بشي خاص ومابي حد يسمعنا ..

طالعه بغيض سعيد .. وقام من عندي .. وباسني بقوة على جبيني .. وطلع .. هني طاحت دمعه من عيني ماقدرت اتحمل مشاحنتهم جدامي بس للحين انا ساكته مب قادرة انطق لساني مستوي ثجيل مااقدر اعبر براحه مااقدر اقول رايي

يا لعندي خليفه .. وقعد ع السرير حذاي .. بحنيه مسح على شعري .. صحت وانا اضمه لصدري واصيح .. خليفه ولدي مات .. خليفه سعيد بعد بيموت من فصول حياتي وبينولد عند غيري..بيروح عني .. مابيبقى لي احد ياخليفه محد ..

مسح خليفه بحنيه علي ودمعه من عينه اليمين طاحت ع راسي : حبيبي رواضي .. والله والله .. لو ماتبين تيلسين وياه وقسم بالله يخسى يقول حرف .. بذبحه قطعه قطعه بنتفه ..

مرت علي ذكرى يوم عرف خليفه ان سعيد راح يتزوج رفيجة اخته .. شمسه .. اتذكر يانا البيت .. وانا حالي كان مريض وتعبان .. صج كنت مب قادرة اسيطر على نفسي .. تجاتلو جدام عيوني .. خفت يموتون وافقدهم اثنينهم بدال ماافقد واحد منهم .. تذكرت الضرابه الي استوت فالصاله .. تحولت الصاله لـ صاله مصارعه .. خليفه يضرب بسعيد وسعيد يضربه وتجلبو وتشققت ثيابهم تذكرت يوم اني صرخت باانفجاع .. صرخت بخوف كبير .. وقعدت اصيح وهني هم استوعبو .. وتركو بعضهم وياو لي .. تذكرت عيالي يوم صاحو وهم يشوفون اليوم الثاني ابوهم مغطي عيونه بالشاش .. فتحت عيني بقوة .. عيالي .. عيالي ..

همست وانا اقول : خليفه .. ابا اشوف عيالي ..

قال بهمس وفرحة لاني تكلمت : بس .. من عيوني .. حبيبي .. امري انتي بس ..

دفنت راسي بصدرة اكثر احس باامانه وحبه لي .. خليفه اكثر واحد من اخواني احبه واعزة واغليه .. صحيح احب كل اخواني .. بس خليفه له معزة خاصه .. باسني على قدلتي وقال : الحينه اقول لامي تيبهم وياها ..

وقلت بهمس: ومابي اشوف سعيد ..

صكرت عيوني ودموعي شلال ..

ضمني اكثر وهو يقول : ماطلبتي شي ..


^^^^^^^^^^^

"سارة "

قليل الادب .. الي ماستحي .. حتى مانزل عينه عني .. بو عيون زايغه .. اشلون جذي يطالعني ؟ .. كنت اتنافض من العصبيه .. عدلت شعري وانا ادري انه عدل .. كانت ضربات ريلي على الارض تبين مدى انفعالي .. والحمدلله منصور مهب هني .. ولا كان حطيت حرتي فيه .. مسكين .. كل مرة اكون معصبه يكون هو المنفس عن غضبي اصب كل عصبيتي فيه وبغباءه الطفولي .. ضغطت على يبهتي وانا اهدي نفسي .. ماصار شي ياسارة يخليج هالكثر معصبه .. خله عنج .. واحد سخيف وقليل ادب يحرق اعصابج جذيه ؟ .. خليه عنج .. قطع تفكيري دخول سلوى المفاجأ وويها محمر .. ومعصبه ..

قلت شوي بخوف : سلوي اشفيج ..

حكت خدها بااحراج: ها .. لا ولاشي .. سكتت وهي سرحانه

مشيت على اصابع ريلي ودعست يدي فخصرها نقزت وصرخت بصوت واطي شوي ضحكت عليها وقلت بغنج: فمنو تفكرين؟؟ .. فالخطيب ها؟ .. وغمزت لها

احمرت وقالت : ساروه عن السخافه

قلت وانا امثل العصبيه: ايه احين انا سخيفه وبايخه ولا انتي الي انخطبتي ولا عطيتيني خبر .. حرام عليج يالظالمة ..

قاطعتني وهي تقول بتبرير : والله العظيم كذا مرة اتصلت باقول لج بس خفت ا

قاطعتها وانا اضحك: قصينا عليها صدقت اني معصبه

ضربتني سلوى بطفش: ساروووة وويعه

ضحكت وانا اقول لها :وين سلطون؟

ضحكت وهي تقول : تحت ويا المعازيم .. ضربت يبهتها :ايييييي قالت لي اقول لج تنزلين .. اشفيج تأخرتي

ابتسمت باارتباك : ها .. اي اي .. كنت اعدل نفسي .. بلعت ريجي خفت ان سالم قال لهم انه شافني .. اا .. ننزل؟

ابتسمت سلوى: ايه يالله ..


مرت الليله حلوة ومليئة بالازعاج والاغاني العاليه والرقص والغنا ..والاحلى من هذا كله اني كنت ويا رفيجاتي نسترجع ذكرياتنا ومواقفنا .. طبعا ماخلت من بعض المواقف المضحكة .. ابتسمت بهدوء وانا مجابله المنظرة وانزل الطقم واحطه بهدوء فعلبته .. تذكرت شيوم وطفاقتها .. ههههههه ضحكت ضحك على يوم الشوفه لها .. بالاساس ماكانت عارفه شسالفه كانت بالمطبخ تغسل المواعين ومرة وحدة يدش عليها ولد عمها وهي رافعه الجلابيه لنص ساقها ورابطتها على خصرها <تحسسكم انها مسترجله لوول .. وشعرها مرفوع بس من طوله كأنه مصكر ذيل حصان محاوط بشرتها الغامجه .. تغني اطبطب .. وادلع .. ماتحس بنفسها الا وولد عمها فاتح عينه مفجوع .. وهي من الخرعه قامت ورشته بالصابون .. دقايق حتى المطبخ انعج بالصراخ والضحكات .. كانو قايلين لريلها "محمد" يصبر وبينادونها بعد ماتلبس .. بس لانه مافيه صبر .. احترقت عينه .. وشيوم بعد ماحرقت عينه بالصابون .. ظلت اطالعه منصدمة .. وتقول بنفسها "جني كنت دفشه حبتين؟ عبالي سلوم مب محمد" ..

من تذكرت الموقف ضحكت مرة ثانيه .. وخصوصا على وصف شيوم .. ماقدرت امسك روحي من الضحك .. حسيت بحد يرفع ويهي وانا اضحك .. فتحت عيني بجوف من هالملقوف حتى باافكاري بيدخل؟ .. فتحتها وعلى طول طاحت بعيون عسليه صافيه .. بعدت خطوتين مصدومة .. بس جفته يبتسم ويقول ببراءة": ليش تضحكين بروحج؟

مسكت اطراف اصابيعه ببعدهم بس هو مسك يدي وقال لي بااصرار": ليش تضحكين؟ ..

صكرت عيوني وتذكرت موقف شيوم ومرة ثانيه انطلقت ضحكه قصيرة مني .. طالعني منصور وهو ماسك ضحكته ؟وابتسامه صغيرة تغزو شفايفه .. رديت اضحك وقلت : تذكرت رفيجتي..

طالعني بااستفسار؟ .. بس طنشته .. وبديت امسح مكياجي .. وبعدها توجهت للحمام ..تسبحت .. وطولت .. وانا اتسبح بعد تذكرت موقف شيوم وانا احاول اتخيل شكلها مت عليها من الضحك .. ياحبي لشيوم والله اتينن هالبنت .. بعد حصه الاستحمام الطويله .. طلعت وانا مبدله ولابسه بجامتي ومخليه الفوطة مستريحه على شعري .. طلعت .. وكان منصور فاتح الابجور .. وقاعد ع السرير .. طاحت عيني على الساعه "3 ونص الفير" شالي مقعده؟ حسبته راقد .. طالعته .. وعيونه بتحول من التعب .. مسكت ضحكتي على شكله .. كان مصكر عين وعين لا وراسه يترنح على جتوفه .. والفراش محاوطة لين وسطة وبعدها يطلع صدرة المعضل المغطى ببجامته الكحليه والي ازرتها اغلبها مفتوحه.. انتبه على وجودي واشر لي اروح لعنده .. كنت بطنشه بس سمعته يناديني : ساره تعالي ..

رحت له وانا عاقدة حواجبي وقفت عند السرير من جهته: همممم؟؟

اشر على السرير: مابترقدين؟ ..

طالعت المكان الصغير الضيج الي اشر عليه عشان ارقد؟ ..عقدت حواجبي وانا افكر بالله هذا يكفيني؟ .. قلنا اني ضعيفه بس مب لهالدرجة بختنق بهالمكان الصغيرون: لا مافيني النودة ..

طالعني وهو يغمض عينه ويرد يفتحها وهو عاقد حواجبه :شبتسوين عيل ؟

رفعت عيني للسقف افكر وبعدها ابتسمت: بجوف فيلم ..

هز راسه بتفهم .. وعطيته ظهري وتوجهت لباب الغرفه طلعت وقعدت فالصاله فتحت التلفزيون وفرفرت فالقنوات .. لي ماينشف شعري وبعدها بروح ارقد .. دقايق والا منصور طالع بالفراش ومتوجه لي .. ؟ شفيه طالع بالفراش؟ ..

شوي ويقتحم جسمة الضخم الكنبه .. رمة بثقله عليها وبطبيعه الحال ريله كانت اطول فمددهم على ايد الكرسي وثناهم شوي تلحف عدل وعدل المخدة تحت راسه صكر عيونه الكبيرة .. ورد فتحها .. كل هاي وانا اطالعه ..

قال لي بنعاس: تصبحين على خير سارة

ابتسمت"بطيبه" لاول مرة ..: وانته من اهله ..

تحرك من مكانه بهدوء ويدة الضخمه مسكت براسي باس خدي ورجع ينبطح ويصكر عيونه ومسك يدي اليمين ودخلها معاه بالفراش ورقد .. كل هاي وانا اطالعه بصدمة .. دقايق وحاولت اسحب يدي بس هو همس : لا ساره .. خلج وياي ...

كان جسمه حار وااايد : حر عليك؟

هز راسه بالنفي وهو يأكد: بالعكس وايييد برررد ..

سحبت يدي من يده وحطيتها على يبتهته وبعدها حطيتها على رقبته ورديت حطيتها على يبهته .. وكأني اقايس بينهم .. وللعجب لقيتهم يشتعلون بالحرارة :: انته مصخن .. قمت بروح ايب له ادول فلو .. بس مارضى اقوم : لا لتروحين ..

قلت بتعجب: انته مريض ..

قال لي وهو يهز راسه بالنفي: انا .. خـ ــ ـ ـايـ ـ ـ ـ ـف

فتحت عيني بذهول: خايف؟؟ .. هز راسه بتأكيد .. عقدت حياتي وقلت : من شنو؟؟ ..

مارد علي وكأنه يهلوس وهو نايم .. طقيت على خدة بنعومة بعد ماملت عليه : منصور .. منصور قوم ارقد بالغرفه ..

مارد علي .. رديت اطقه شوي بقوة .. فتح عينه وكأنه مايجوفني وعقد حياته .. قلت له : يالله امش الغرفه ..

قال لي بصوت عيزان وتعبان حيل : ابي ارقد ..

شلت اللحاف عنه .. ومن بعدته حتى ارتجفت اطرافه وجسمة الضخم بدا ينزوي على نفسه وكأنه يدفيه .. استغربت لهالدرجة بردان؟ ..

مسكته من يده تحثه على القومة بس هو ابد ولا كأنه تكلمه .. كان تعبان بالغصب يفتح عينه ..

حاولت اقومة بس ماقدرت بطبيعتي بنت ومااقدر .. وغير هاي هو ماشاءالله ضخم وثقيل وحتى ماحاول يحرك نفسه هزيته: منصور .. منصور ..

فتح عينه بعصبيه .. ونفخ بضجر .. وقف لكنه سرعان ماترنح .. مسكته وانا اقول بخوف من حالته .. توه مافيه شي شزينه؟ :بسم الله عليك .. قوم منصور بساعدك ..

مامانع ابد ريح يدينه حوالين جتفي ومشى وياي وبدال لا انا احثه على الخطوات هو الي كان يحثني عليها وماسك يدي يساعدني امشي .. مهب كأنه هو المريض؟ ..

بعد مادخلنا الغرفه حسيت برعشته .. ياقلبي اكيد برد عليه والغرفه وايد باردة .. ماصدق انا وصلنا للسرير .. انبطح هو على السرير .. وسحب فراشي وتلحف فيه .. طالعته وانا عاقدة حياتي ؟؟ .. وانا بشنو اتلحف؟؟ .. رحت الصاله وتأكدت اني قافله باب الجناح بس ماادري ليش حسيت بشخص ورا باب الجناح واقف؟ .. والي اكد لي هالشي .. طبع اثر الريلين من تحت الباب .. وخصوصا ان ليت جناحنا مفتوح وليت الممر مغلق فكان بوضوح اتبين وجود هالريلين .. تخرعت .. وتأكدت ان الباب مقفول بيد مرتجفه .. وبسرعه شلت اللحاف وصكرت التلفزيون وليتات ممر جناحنا وبسرعه رحت الغرفه .. استقريت على السرير .. مديت يدي بصكر الابجورة عشان يختفي النور .. لكن اكتشفت ان النور مب من ابجورتي من ابجورة منصور .. تعايزت اقوم واخذ لفه على السرير حتى اصكر الابجورة .. هزيت جتف منصور / منصور .. منصور صكر الابجورة ..

ومنصور راقد .. تأففت بضجر وملت على منصور بخفه وانا يدي بالكاد توصل للابجورة مددت طرفي اكثر وصكرت الابجورة ويوم كنت برجع لامست يدي رقبه منصور .. وانصهرت بحرارتها .. تذكرت انه مريض .. رجعت بتكاسل لمكاني وفتحت الابجورة الي عندي .. دورت على ادول .. وقعدت منصور عشان ياخذ البندول بس ماكان راضي يوعى اول مرة ادري ان نومه جذي ثقيل .. هزيته لـ 7 مرات .. والمرة الـ 8 حس فيني وقام وعيونه حمرررة مااعرف هل هي من العصبيه ولا من قلت النوم .. طالعني وصرخ: ابغي ارقد ..

بسم الله الرحمن الرحيم .. يني .. يني .. مب انسان .. شيطان .. اعوذ بالله .. قلت ببراءة : الدوا..؟

ظل يطالعني بنفس النظرات واخيرا ارتخت ملامحه ورد يسند راسه على المخدة بيرقد .. لاوالله ؟ .. مقومته ليش؟ مب عشان الدوا؟ .. باللعنه عنه ماشرب زين .. حطيت الدوا والماي على الطاوله وصكرت الابجورة .. وحطيت راسي ع المخدة .. شعري المبلل كان يلامس رقبتي .. ويخلني احس بالبرد اكثر واكثر .. غصت فاللحاف وانا احاول ادفي نفسي . ومابين صراعي بين الدفا بين حنايا الفراش .. سمعت صوت انين يصدر من هالمخلوق الضخم الي جاثم حذاي فالسرير .. انين خفيف .. تخرعت الصراحه مديت يدي بشجاعه للابجورة وارتعشت يوم حسيت بالهوا البارد .. رديت مديتها جهة منصور .. هزيته بخفه وانا احس اني برقد رغم ان مساعه كنت بين محايل ويا النودة بس الحين النودة تصارع جفوني .. هزيته بخفه وكأن يدي وصلت لاحلامه ووعته من الحلم فتح عينه بتعب وتنهد .. قلت بتعب: منصور خذ الدوى ..

قعد بكسل على السرير .. ومسك يدي وهو يقول لي : سارة لاتروحين .. لا تروحين .. تخرعت .. وقمت بسرعه من فراشي وانا اقول .. بسم الله عليك مب رايحة مب رايحه ..مسكت يده بقوة اطمنه.. لا تخاف انا هني .. مديت له البندول والماي وقلت له خذ ..

هز راسه بالنفي .. بس اصريت عليه .. بلع البندول وشرب الماي دفعه وحدة ومد لي الجلاص فارغ الا من كم قطرة ماي .. مسكت اصابيعه الكبيرة اصابيعي وهو يقول .. :مابتخليني صح ؟ ..

خفت عليه شكله كان وايد يكسر الخاطر ... هزيت راسي بـتأييد وانا خلاص برقد .. رد ارتخى على مخدته سحبت يدي عشان اتلحف بس هو سبقني ودعسها معاه بالفراش .. مرة يقرب يدي من ويهه مرة يمسكهم بقوة بيدة وبعدها رقدت ولا حسيت بشي ..


^^^^^^^^^^^^^^^


"حمدة"

كنت قاعدة اجوف تلفزيون .. وكانت البطلة مصدومة من زوجها … !! .. تذكرت يوم توفى ابوي قبل 4 شهور ونص .. يوم حميد خبرني ان خالد يبا يردني .. انا ياخالد ماني لعبه .. ماني لعبه بين يديك متى ماتسليت فيها وشبعت رميتها ..


قلت بحسرة : حميــــــد انا مالي خص بهالسوالف .. انتو اتعرفون هالشي اكثر عني .. انا .. خلاص .. ماابغي خالد .. فريت ويهي والدموع شوي واتطيح من عيني وكملت .. مااقدر استحمله .. وهو اصلا طلقني ..يعني مايستوي يرجعني لو شو.. الا اذا تزوجت ورديت تطلقت .. ولا لاني استويت يتيمه يبا يتحكم فيني وهو مب زوجي..

قمت من مكاني اصيح وبسرعه ركضت للدري بصعد غرفتي .. بس سمعت حميد يقول : والله يابنت عمي يحلم يشوف زولج جانج هب راضيه .. انا بس قلت اطلع لج بالخبر الي قاله لي خالد .. جان تبين تردين له .. ؟ .. ويابنت عمي قص فلسان الي يرمس عنج ويحاول يتحكم بج وانا حي .. وانتي هب يتيمه .. اعتبريني ابوج واخوج شرا عفرا وشمسه ..

طاحت دمعتي وقلت : ماتقصر ياحميد .. هذا العشم فيك ..


تحركت ودخلت غرفتي .. طحت على سريري .. وانا اصيح .. لي متى؟ .. الحين استوا على موتت ابوي 3 اسابيع الحين بس ياي خالد يتحكم؟ .. ولازم ارد بيته ولا المحكمه بتاخذني ع بيت الطاعه .. ليش هب هو الي طلقني؟ هب هو الي لاحق حرمته اللبنانيه؟ هب انا .. مااريده خلاص خلاص .. شلون يبوني اعيش وياه وانا منظره مايزول عن بالي .. صعب صعب صعب .. انا .انا .. مااقدر اعيش بدونه .. بس بعد مااقدر اعيش وياه بعد الصدمة الي جفتها منه .. لأ انا ااقدر اعيش بدونه اقدر .. طاحت دمعتي

غمضت عيني وتنهدت بحسرة على حياتي .. فتحت عيني على اليد الي كانت على جتفي .. قلت بخنقه: عفاااري ..

عفرا ابتسمت لي وهي تستقبلني بحضنها وانا صحت مقهورة .. صحت ودموع اليتم تطفح من عيني .. ابوي .. ابوي .. خلاص ماعاد له نفس فالدنيا .. ماعاد له مكان يوسع .. ماعاد له عصا تنرفع وتضرب الارض بخفه عسب يسير .. فجأة ابتعدت عن حظن عفاري وقلت لها : عفاري .. غيث درا عن ابوي؟

طالعتني عفرا بصدمة .. وتمت ساكته .. قلت وانا اكمل صياحي : درا عن ابوي صح؟... رديت اصيح اكثر .. ليش ليش ليش ياغيث ليش .. ورديت اصيح

عفرا تهدي فيني .. : بس ياحمده مايسوا ..

قلت وانا اصيح : كيف مايسوا؟ .. يعرف ان ابوي مات وماايي يعزيني .. مايحضر عزا ابوه .. شو من بشر .. شووووووو ؟؟ ..

طبطبت يد عفرا ع ظهري ..: اتعرفينه ياحمده من مراهقته وهو جذي هب من الحين .. لاتصيحينه ياحمده

قلت بقله حيله: بس انا اخته وملزوم بي .. كيف يخليني بروحي .. ليش مايي ياخذني معاه .. ليش مايي ويستقر اهنه .. هو هب خذا شهادته؟ .. ليش ماايي يشتغل هني ..

طالعتني عفرا بقله حيله .. وسكتت .. كنت متأكدة ان صاير شي : عفرا رمسي لااتمين ساكته الي فيه كافيني .. شو في من مصيبه يديدة؟ .. هب حمل لصدمات فااوقات ثانيه خبرييني الحيين ..

اذكر يوم قالت لي ان اخوي درا عن موتت ابوي بس ماقدر ايي .. وانه ... متزوج ... وعياله ..مايقدر يظهرهم من مدارسهم الاجنبيه .. كانت صدمة ...لي .. اخوي متزوج .. وعنده عيال

فتحت عيوني وانا اطرد هالافكار الي صارت ملازمتني .. خلاص .. تعبت !

ممم شكرا.. شكرا لطوق الياسمين ..
شكرا شكرا .. شكرا لطوق الياسمين ..
وضحكتي ساخره له ..
وظننت انكِ تعرفين ..
معنى سوار الياسمين ..
يأتي به رجل اليك ..
ظننت انكِ تدركين .. شكرا ..
"فتحت عيوني وانا اسمع هالاغنيه .. ع الجرح يا ماجدة ع الجرح.. غمضتها باالم"

شكرا لطوق الياسمين .. وضحكتي ساخره له .. وظننت انكي تعرفين .. معنى سوار الياسمين..ياتي به رجل اليك .. ظننت انكي تدركين .. شكرا ..
وجلستي في ركن ركين ..
تتسرحين وتنقطين .. لو عطرة من قارورة"ن"
وتدمدمين .. لحنا فرنسيا الرنين ..
لحنا كأيامي حزين ..
قدماكي في الافق المقصب جدولاني .. الحنين ..
شكرا ..
وطلبتي ان اختار ماذا تلبسين ..
اله اذن ؟؟ ... اله اذن .. تتجملين ؟؟ ..
اله اذن تتجملين ..
؟؟"مرت اطيافها وهي تلبس وتكشخ .. اله اذن تتجملين؟؟ .. دمعه يتميه طاحة من عيوني .. مسحتها بالقو .."

الاسود المكشوف من كتفيه هل تترددين ؟؟
لكنه لون حزين ..
لون كأيامي حزين ..
ولبستيه .. وربطتي طوق الياسمين ..
وظننت انك تعرفين .. معنى سوار الياسمين .. ياتي به رجل اليك .. ظننت انك .... شكرا ..
آآآه آآآه .. آآه ..آآآه ..
" ظنيت انج تعرفين .. لكنج للاسف دستي ع اسوارة الياسمين .. صكرت عيوني تذكرت هالاسوارة الي اخديتها لها بعد ملجتنا .. هه .. "

هذا المساء في حاله صغرى رأيتك ترقصين ..
تتكسرين على زنود المعجبين ..
تتكسرين .. وتدمدمين .. في اذن فارسك الامين ..
هذا هذا المساء ..
آآآو أآآآه أأو .. آآه ..
هذا المساء في حاله صغرى رأيتك ترقصين .. تتكسرين .. تتكسرين وتدمدمين .. في اذن فارسك الامين .. لحنا فرنسي الرنين .. لحنا كأيامي حزين ..
Vers senan sadadeky
آآه آه .. وبدأت اكتشف اليقين ..
وعرفت انكي لسواي تتجملين ..
وله .. ترشين العطووور ..
وترقصيــــــــن
وترقصيـــــــــــــــــــن
وترقصيــــــــــــــــــــــــــن
ولمحت طوق الياسمين .. في الورد مكتوم الانين .. كالجثه البيضاااااء
تدفعه جموع الراقصين .. ويهم فارسك الجميل بااخذه فتمانعين
وتقهقهين .. فتمانعين وتقهقهين ..
هههه لالالا شي يستدعي انحناءك .. ذاك طوق الياسمين ..
لاشـــــــــيء يستدعي انحنائك ذاك طوق الياسمين ..
آآآآه آآآآه لو تعلمين .. لو تعلمين .. آآآه آآآآآآه لو تعلميـــــــن
آآآآآآآآآآآآآه لو تعلميـــن ..

"ماجدة الرومي " ..
دمعه قهر نزلت من عينه الصغيره .. دمعه الم .. دمعه مجروح .. دمعه انسان مخدوع .. على هالالحان الحزينه الرائعه الي صاغتها ماجدة الرومي .. نزلت دمعه علي على خده .. دمعه حملت قهر سنين عاشها تحت سقف واحد مع لولوة .. وسته شهور خطوبه وملجه .. آآآآآه ... بدأ يستعيد بعض الكلمات .. بدأت اكتشف اليقين .. وعرفت انك لسواي تتجملين ..وله ترشين العطور .. وترقصين .. دمعه ثانيه طاحت على يده .. انتبه ان عيونه خانته ودموعه لا اراديا كانت على خده .. مسح خده بقسوه .. انا يا لولوة .. انا تخونيني؟؟ .. وهنت عليج ؟ .. والعشره الي بيننا ؟؟ .. هه ضحك بااستهزاء اي عشره يا علي ؟؟ .. العشره اشرب مايها .. مايها؟؟ الا سمها .. مهب مايها .. انت كنت عايش فخيال .. ولا هي .. هي ماكانت تبيك .. اخذ نفس بقوة .. بس خلاص مب قادر يستحمل .. اكثر ..

غطى ويهه بيدينه الثنتين .. وراسه ارتخى على السكان .. صاح بقوة ... اشكثر كان صلب وقوي ..اشكثر هو حساس .. اشكثر يحبها اشكثر .. تذكر معارضه عمه بقوة على البنت الي اختارها قلبه .. ليته ليته ماوافق .. لته منع الزواج .. ليته ماشافها ببيت بدر .. ليته ماعرفها .. ليته ماعشقها .. ليته ما حس بالامان عندها ليته ماكان له قلب .. ليش يا لولوة ليش ليش

ضرب الدركسون بكل قوته ليش ليش ... والله لوريج يا لولوة .. والله لخليج تندمين على افراطج بي والله لانساج وانسا وجودج والله لاتزوج واجيب عيال واقهرج .. والله لاكسر راسج والله ... باجيب عيال الي ماقدرتي تجيبنهم لي .. والله لوريج قيمتي ؟؟.. يعلج تجربين غيري حتى تعرفين قديري ...

عند هالفكره كان علي راح يستين .. لولوة تتزوج من بعده ؟ .. يشوفها شخص غيره .. يلمسها غيره؟ .. يتمتع فيها غيره ؟؟ .. رفع راسه بااستهزاء ليش هو في احد ماشافها؟؟ .. في احد ماتمتع بمناظر حسنها .. ياعلي كنت غبي غبي ...

بس بس حرام علي اعذب روحي على شانها .. حرام علي .. انا لازم اتزوج لازم اثبت لها اني نسيتها .. راح اخطب ..اي راح اخطب ..

لا ياعلي لاتغامر من يديد لا .. لاء راح اتزوج وراح احب مرتي .. وراح اجيب عيال ..

صوت ضعيف نغز قلبه وهو يقول .. راح تحب مرتك؟؟ .. واشلون راح تنسى لولوة الي معشعشه بقلبك .. عصب علي بقوة .. على تفكيره والصوت الي بداخله ينادي على لولوة .. لاء لاء .. مااحبها ولا اداني طينتها .. اتمنى تتزوج وتفكني .. تتزوج .. اي اي خل تتزوج ماابغيها ابغي انساها انسااااااااااها .. وانا .. وانا راح اتزوج .. راح اتزوج .. على هالفكره ساق علي بسرعه مجنونة للنادي حتى يطلع قهره منها .. بالرياضه .. مايقدر يضغط ويعذب روحه اكثر لازم يروح النادي ولا ماراح يقدر يسيطر على نفسه زياده .. يمكن يرتكب جريمه قتل وهو ابد مايبغي يظهر مشاعره ويبين ضعيف جدام بدر ولا اي احد له علاقه ومعرفه بلولوة .. يبغي يثبت للناس ولها ولنفسه اول شي ان لولوة ماضي وانتهى .. انتهــــــــى


ساعتين قضاهم في النادي مابين سباحه ورفع اثقال وبعدها توجه لبيته مباشرة ولغرفته الخاصه بالتحديد .. تسبح وكان الحين واقف جدام المنظره يمشط شعره وبعدها لبس قعفيته وغترته وبدأ يرتب غترته وعقاله .. تعطر بعطر "مليون" ..ابتسم لنفسه .. وطلع متوجه لبيت ابوه .. واول من استقبله "مريم" اخته وبنتها "فطوم" الي تعلقت على جتفه وهي تصيح خالي خالي خالي حبيبي ..

ابتسم لها بحب ... ووعدها يشلها السوبر ماركت قبل لا يطلع من بيت ابوه .. استغرب من عدم وجود امل .. اخته امل انزوت وايد على نفسها بعد طلاقه .. شالسبب مايدري؟ .. وحتى انها ماترضى تكلمه .. معقوله لهالدرجة متأثره وزعلانه منه؟؟ ....

:يامريم ....

ردت مريم بحبور: ياهلا ؟ ..

سألها عن الي دار بخاطره: وينها امل؟؟

مريم ردت:فوق .. الحين اناديها ..


..................


"امل" .. اخت عــــــــــلي ..

ارتبكت يوم رن الموبايل .. مع اني للحين ماشفت الاسم .. بس الخوف ماكل قلبي اكل .. خصوصا ان رفيجاتي من ايام طويله مااتصلو لي .. مستحيل وحدة منهم .. انا كنت مغرورة .. لدرجة كبيرة .. كل رفيجاتي كانو "مصلحة" .. رفجتي وياهم كانت رفجة "مصلحة"
كنت مااتعامل ويا اي احد مااكون رفجة الا مع المغرورين وفالاخير .. طنشوني مثل ماكانو يطنشون بقيه البنات ... طاحت عيني على ارقام غريبه مميزة .. ارتجفت يدي .. حسيت بريقي نشف مرة وحدة انفتح الباب .. مع فتحه الباب .. طاح التلفون من يدي .. وعيوني انفتحت على اخرتها والتوتر كان كاسيني والارتباك كان واضح علي ..

طالعتني مريم مستغربه : امول فيج شي؟؟


بلعت ريقي الجاف : ها .. لالا .. نزلت ع الارض اخذ موبايلي وانا ادعي ان مايرن من يديد .. اشرت ع التليفون خرعتيني دخلتي بالقوة

طالعتني بهدوء .. ردت الباب .. ويات قعدت على طرف السرير .. : امول شفيج.. ,.. فجأة ... رن تلفوني الملعون ..

طالعتني بطريقه تفحيصيه .. وانا غصت فثيابي .. المشكله ان مريم تقدر تعرف انا شنو اخبي من عيوني.. رفعت عيني ببطئ لشاشه التيلفون ومن سوء حظي كان " الرقم المميز الغريب" ..ارتبكت ..



طالعت مريم .. قالت لي : من؟؟ ..

هزيت كتفي .. وكنت مرتبكه 100% : رقم غريب .. مريم مااعرفه؟ ..

قالت لي مريم :وليش مرتبكه؟؟ .. ردي؟

فتحت عيوني بااكبرها .. جفتها متخرعه .. صج كنت متخرعه من نفسي قبل من مريم .. ارد؟؟؟؟؟ ... نزلت عيني للتلفون .. وجفته مستمر بالرنين .. ماادري ليش فقدت الاحساس بالزمن ؟ .. ظل فترة يرن وانا اطالع الرقم مب قادرة ارفع عيني لمريم؟ ... ضغطت على زر "رد" ياني صوت رجولي بحت

..:الســــــــلام عليــــــــكم ورحمـــه الله وبركــــــاته ..

طالعت مريم بخوف ... ريال ... صوت ريال ... صوته ... عمييق ... صوته ... رجولي ... صوته غراااام .. صكرت بخوف .. وبلا حاسيه ..

قلت بسرعة لمريم: هندي ... غلطان!! ..

طالعتني مريم بشك وقالت .. : زين قومي .. علي تحت يسأل عنج ؟؟

قلت بسرعه : اوكي يالله .. كنت ابي اطلعها بسرعه من الغرفه قبل لا يرن تلفوني من يديد .. كنت خايفه خايفه .. مرتبكه .. انا ... اكلم ... ريال !!؟؟ ..

.............

"سارة"

قعدت على كرسي المطبخ التحضيري الي فقسمي .. طالعت منصور الي كان واقف قريب مني .. قالي : انا يوعاااان ... ابي اكل ...

طالعته بملل .. : زين .. انزل تحت انا مااعرف اطبخ واسوي شي ؟!

بوز وهو يقول لي : بس انا يوعان .. ومابي انزل ..

حركت شفايفي يمين يسار .. مب عاجبني كلامه .. : زين بسوي لك .. همممم .. اندومي ؟! اوكي؟؟

عقد حياته : اندومي؟ ..

هزيت راسي بـ اي

رد طالعني بتساؤل : شنو يعني اندومي .؟؟ ..

عضيت شفايفي بقهر .. ورحت لعنده مديت يدي لحنجه ورصيت عليهم شوي : اخ .. بتينني انت مع اسألتك .. معكرونه ياحبيبي معكررررررررررونه ..

هز راسه وكأنه فهم اشمعنى معكرونه؟ .. قعد ع الكرسي .. حست فالادارج ادور كيس الاندومي .. ولقيت الادارج مليااااانه قعدت على ارضيه المطبخ .. احوس واحوس .. لين اخيرا صرخت : لقيييييته اخيرا ..

قمت بحماس .. وطلعت جدر .. وفتحت االماي .. تذكرت منصور .. التفت له .. لقيته يطالع المكان الي كنت قاعده فيه ادور ع الاندومي .. وهو مصدوم .. فتح عيونه مدهوش : اوبيه اشسويتي انتي؟ عفستي المكان اوبيه بببابابويه محمد علي بيه يلعب كراتيه .. اوبيه ببااابويه

ضحكت على حجيه : ههههههههههههه .. من معلمك ذي؟ باااال مالت اول عفا عليها الدهر .. اشعرفك فيها؟؟

حك يبهته وقال : هاي فهود قال لي..

عقدت حياتي اول مرة اسمع بـ "فهد" : من فهود؟؟

طق على يبهته : اااااااه ماتعرفينه؟؟ هاي ولد خالتي ...

قلت بعدم اهتمام : اها .. زين تعال ساعدني؟

عفس ويهه وهو يقول :/ انتي كله كله تشغليني ليييييييييش ؟

كتمت ضحكتي حلوة ذي اسوي لك كل شي ببلاش يالله زين؟ : لان الي يحبك يشغلك >خخخخخخ من متى مطلعين هالمثل مادري؟؟ هع

قال لي ببراءة : يعني انتي تحبيني؟

قلت بعدم اهتمام : يالله يالله بسك سوالف .. خلصنا من مساعه وانت تسولف .. مب يوعان؟؟

مسك بطنه وهو يقول : اي والله .. حتى سمعي .. في صوت فبطني ..

ضحكت على شكله ودزيته من جتفه بمزح .. يالله يالله ..

طالعني وبوز ..: وانتي شنو تسوين ؟ كله انا كله انا

ضحكت وانا ااقول : يالله يالله ..

بوز وهو يفتح الماي ويغسل الجدر : زييييييييين .. كله تزفيني !

ضحكت ولفيت عنه اسخن ماي .. سمعت صرخته .. ركضت بسرعه له .. ولقيته مصكر عيونه وهو يناديني : سااااااااااااااااااااااررررررررررررررره سااااااااروه .. كح كح

مت من الضحك على شكله .. ويهه وجسمه كله متسبح بالماي والصابون .. انحنيت وانا اضحك على شكله وهو للحين مغمض عيونه .. مديت يدي بعد ثواني وصكرت الماي ...مازلت اضحك على شكله وهو مغمض عيونه ويداته مليانه صابون .. وثيابه موسخه بالماي ..

رتبت على جتفه بخفه : يالله روح تسبح انا بغسل .. جوف اشلون عفست المطبخ

فتح عيونه مصدوم: انا

ضحكت وانا اتذكر شكله: ههههههههههههههه اي .. يالله

مشى بضجر .. واول ماوصل للدرج الي كنت قاعده عنده اشر عليه وهو يقول بمسخرة : عيل من المرتبه الي طلعت الاندومي ..

فتحت عيوني .. سمعت ضحكته فلعته بجلاص بلاستيكي .. اما هو شرد .. ضحكت وانا اهز راسي على خباله

غسلت الجدر .. وحطيته ع الفرن وسويت له الاندومي ..

خلصت الاندومي وانا التفت جفته قاعد ع الكرسي .. ويدة مسنده ع الطاوله ومسندة خده .. ويطالعني اشلون اسوي الاندومي ..

ابتسمت بااحراج .. وحطيت له الاندومي جدامه .. وانا اثول : احم احم تسلم ايديا واحيات عينيا

مد يده وخذ عني المله وحطاها بسرعه ع الطاوله وهو يتأوه : اخ حار .. اشلون ماسكته !! ..

مد يده ومسك يدي يجوفها .. وبعدها طالع يده .. ياربي هالياهل متى يهد حركاته .. بااختصار .. تعبت !! على الرغم من حلو وبساطة الحياة وياه جذي .. بس تعبت !! تعبت ! ..

مسك القبشه .. والشوكة وطالعني .. : اكل بأي وحدة؟ّ!

هزيت جتفي .. : بالشوكة ..بس اذا تبي ويا الماي ماله .. بالقبشه؟!

هز راسه متفهم .. كلى اول لقمه .. وانا حاطة يدي ع الطاوله ومسنده خدي واطالعه بتأمل .. عيونه ياناس تهببببببل .. اوه شهالحجي .. صج اني مااستحي .. يه وليش مااستحي ريلي اشفيها عادي ... يوووه .. وبعدين ياسارة ,.. نسيتي هاي من؟ نسيتي ..؟؟ لا اراديا عقدت حواجبي ..

طالعته .. كان يطالعني .. مد لي القبشه : مابتاكلين وياي؟؟..

قمت من غير نفس .. :لا .. شبعانه ..

تحركت في الجناح الممل .. كلمت رفيجتي شيوم وباركت لي ع الزواج .. وطبعا احرجتني مايحتاي اقول !! بس سويت روحي مب فاهمه .. تحجينا عن وايد امور ومن بينها

: هههههههههه طبعا مستانسه ..

شيوم بضحكه: وتقول بعد .. الي ماتستحي .. راعي شعور المخطوبات شوي !!

ضحكت .. وقلت لها : زين زين ..

شيوم : زين تحجي فضفضي عن المواقف الرومانسيه الي جمعتكم .. تنهدت بحالميه ..

ضحكت على خبالها .. وقلت اخترع موقف من كيفي : ابد .. ممم .. اول امس منصور عزمني على مطعم ..

قاطعتني بحماس : زين وشصار بعدين؟؟

توهقت شااقول شااكمل؟ مااعرف؟؟ همممم ... شاااقول بعد : اممم .. اي .. تعشينا وجي ..

قاطعتني مرة ثانيه : انزيييييييييين؟؟

حكيت طرف رقبتي بتوهق : ها .. اي .. وو... عطاني ورد...

قالت بعيارة وبخبث: ورد .. وبس؟ هههههههههههههاي

حسيت ويهي يطبخ من الاحراج: اي بس .. جب جب .. شنو تحقيق ..

ضحكت شيوم وقالت مغيره السالفه : زين بتسجلين ويانا؟؟

قلت بعدم فهم : اسجل وشو؟؟

قالت لي : ممم .. دورة ايلز .. خبرج .. الجامعه مايبون الا توفل وايلز ..

سكت افكر .. : ...........

قالت تقنعني : يعني احنا ماراح نخسر .. نجرب ندرس ونجوف حظنا .. اشرايج؟؟

والله فكرتها حلوة: مممم .. حلو .. بس متى ؟؟

قالت بحماس وصراخ : يعني بتسجليييييييييييييييييييييين؟؟ بعد 3 اسابيع؟؟

بعدت السماعه منزعجه : خخخخخخخ زين اشفيج تصارخين انا مب فالشمال خخخ .. ان شاء الله(فكرت عشان ماتشك وقلت) بسأل بعلي .. وبرد عليج

ضحكت شيوم وصفرت : هوب هوووب هووووب وقمنا ناخذ راي البعل بعد

ضحكت على حركاتها شيوم ماتيوز : هههههههههه اي بعد وشو ..

ضحكت شيوم : مانقدر مانقدر ع المطيييعه

ضحكت وقلت بخفوت : لا تخليني اجنح

ضحكت وهي تقول : لالالا يابوج ههههه ..

تحركت ومشيت لغرفه دوم اجوفها مقفوله .. رحت لعندها وبغيت افتح الباب .. بس سمعت صوت كسر فالمطبخ ..

ركضت بسرعه وانا اعتذر من شيوم .. فلعت التيلفون بسرعه ع الكنب .. وركضت للمطبخ .. كان منصور واقف مصدوم ..

طالعته وحطيت يدي على قلبي تنهدت براحه : منصور حاسب .. خرعتني والله !! ..

مشيت لعنده .. هزيت راسي بااستياء .. لميت الفنيال الي شكله مسكاه وطيحاه بالغلط ..

لفيت باارجع باانادي الخدامه تلم الباقي .. جفت منصور واقف متسبه بمكانه .. مسكت يده ويريته لبرع المطبخ : خلاص ماصار شي .. اشفيك هدي هدي منصور ..

قعدته ع الكنب .. وكان للحين مصدوم .. وشكله خايف بس من ايش ماادري؟ .. هز راسه بـ انزين .. وسكت شوي .. ياه تلفون من .. ولد خالته .. غير ملابسه ولبس ملابس رياضيه .. شكله رايح ويا ولد خاله يتمشى؟؟

وقف عندي .. وسألني : سارة اي عطر حلو؟؟ ..

وقفت عنده وظليت اختار له من العطور .. رفعت راسي له وكان ملتهي وياي .. بالغلط مسك اصابعي .. سحبتهم بسرعه .. وقلت وانا اشم عطر من عطورة : واااو .. هاي حلو ..

هز راسه بـ اوكي .. ورش له العطر .. طالعني وقال : امممم ..انا باروح اسوي رياضه ويا ولد خالتي .. اتيين ويانا؟؟

فتحت عيوني .. وحسيت اني بااضحك بااعلى صوتي .. حلوة هذي اتيين ويانا؟؟ .. ههه .. هزيت راسي بـ لا وانا اقول : لا بروح اجوف فيلم مع سلوي ^_^

ابتسم لي .. وكان بيروح .. ناديته : منصووور

التفت لي مستغرب كملت: انت بتمره ولا هو بيمرك؟؟

سكت لحظة وقال : لاء هو بيمرني .. انا ماادل بيتهم !! ..

هزيت راسي بـ اها .. وكان بيتحرك .. ناديته من يديد : منصور ..

طالعني : نعم؟

ابتسمت وانا امد تيلفوني له : خذ .. بااتصل لك .. بس لا تتأخر .. واذا احد اتصل غير رقم بيتكم لا ترد اوكي؟؟

هز راسه موافق: اوكي !


..................

" سلوى "

كنت اطالع فيلم ويا سارة .. كانت سارة سرحانه .. اشفيها؟؟ ... فجأة نطت من مكانها .. وقامت راحت للمكتبه الموجودة في قسمهم ... ؟؟ بسم الله؟ .. قمت من مكاني ... وتبعت خطا سارة ...

: سروي اشفيج؟؟؟ ..

ردت بتوتر : مافيني شي ليش؟

قلت بصدق: ماادري قومتج مب طبيعيه؟؟ .. تدورين عن شي؟؟؟ ...

طالعتني وقالت بخفوت : سلوى ؟؟ ...

رديت بنفس طريقتها: همممم؟؟

قالت لي بخوف : اذا قلت لج تحلفين لي ماتقولين لاحد ؟؟ وتقولين الصج؟؟؟ ...

طالعتها بغرابه شصاير اشفيها ساره .. هزيت راسي بالموافقه ..

هزت راسها بالرفض وقالت : لاء .. اول شي اوعديني تقولين لي الصج ؟؟؟ ... وماتقولين هالشي لاحد ..

قلت بصدق: وعد ..

هزت راسها بعدم تاني وقالت : زين كملي وعد شنو؟؟؟ ...

اشفيها سارة صايرة نفس اليهال؟؟ ... : وعد اني اقول لج الصج ..

قالت لي تحثني اكمل : و....؟

تنهدت منها ..: ومااقول لاحد عن هالشي ... سارة .. شنو قولي لي ترى الفضول صك الالف عندي ؟؟ .. شسالفه؟؟ ..

تنهدت سارة بيأس : تعالي تعالي.. ادخلي وقفلي الباب وراج ..

دخلت وانا مستغربه .. صكرت الباب .. بس اصرت هي ان اقفله .. قفلته .. ورحت مسبهه وقعدت جدام سارة على المكتب ..


اشرت لي سارة على الدرج ..درج موجود فمكتب منصور .. الي اعرفه ان منصور مايرضى احد يدخل مكتبته قبل غيبوبته .. واتوقع انه مايحق لنا ندش عشان جذي قلت : سارة .. ترى منصور قبل .. آآآه ... ماكان يرضى ندش مكتبته ... ؟؟ .. امشي نروح غرفتي ولا غرفتج؟؟

هزت سارة راسها بالرفض وعيونها تتفايض دموع .. تخرعت .. وبسرعه رحت لها وقلت : سارووووووه تحجي ...

ساروة اهني صاحت .. هزيتها وانا على وشك البجي : اشفيج تحجي ..

اشرت سارة على درج وهي تقول : قريت ...!! ... كل ... ملفاته ... شهقت .. وكملت ... كان يحبها يا سلوى .. يحبها .... انخرطت بصياح قوووي ... ؟؟؟ ...

طالعتها جامده ... انا ادري اخوي منصور كان يحب بنت الجيران .. بس ليش سارة تصيح ؟؟ شالسبب؟؟ ...

كنت ابي انطق اتحجى ... بس مب قادرة ... طاحت دمعه من عيني .. وانا اذكر اشكثر منصور كان يحن علي اصادقها .. حتى يسمع اخبارها ... اذكر منصور بعدها .. ابتعد ... ابتعد .. ابتعد .. حيييييل ابتعد عنا كلنا .. كان يحبها ... انا ادري ... كنت اشوفه اشلون يتلهف على القاء نظرة على بيتهم .. بس العلاقه اشلون قوت بينه وبين حبيبته انا ماادري .. انا بعد ابتعدت عنه ... اعتزلت غرفتي الازليه .. الوحيدة الي تأنسني فالبيت ..

قلت باارتجاف : ســ ـ ــ ـ ـارو و ووه ... منـ ـ ـصـ ـ ور ... مايـرضـ ... ــى ,, تـ


قاطعتني ساره وهي تمسح دموعها بقوة .. وتأشر لي على كرسي ... قعدت عليه خايفه متوترة .. منصور .. مايرضى المفروض لأ لأ المفروض ماندخل هني ... بس سارة قالت لي : سـ ـ ـلوى انـ ـ ـ ـ ـ ــا ... ارتجفت شفايفها وقالت ... انا ... بعد ابغيه يرد مثل قبل ... تساعديني ؟؟ ...

طالعتها بحيرة ؟؟ ... اشدخل الدرج .. بـ منصور .. وذاكرته؟؟ ... !!! ... ماكنت فاهمه سارة اشتبغي بالضبط ؟؟!

:اشلون؟؟؟


ساروة ابتسمت .. وقالت : انتي بتساعديني؟؟

قلت بعدم صبر : ساروة لا تيننيني؟


قالت ساروة : اتعرفين .... سكتت وبعدها قالت بتردد ... دكتورة النفسي؟؟؟ ...

طالعتها ... وسكت ... دكتور منصور النفسي؟ ... قلت بالي افكر فيه : ليش؟

قالت لي بقله صبر: اتعرفينه؟؟؟ ...

اومأت بالايجاب : اي ... اعرفه؟؟ .. بس ... ليش؟

قالت ساروة لي بحماس: شسمه؟؟ ...

قلت بحيرة : انزين اشدخل الحين؟؟

قالت لي : انتي قولي لي بسرعه؟؟؟ ..

طالعتها عيونها الحمرة .. خدودها الي مستويه ورديه .. شعرها الناعم الي محاوط ويهها ... قلت : فهد ... فهد ولد خالتي ؟! .. بـس ليـ....

سكت وانا اشوف جوالي يصدح بااغنيه صاخبه .. طالعت الرقم " حضرة الوزير ابوي" قلت لسارة : ابوي؟؟ .. لحظة ارد ... هلا يبه ؟؟ ...

وصلني صوت ابوي الجاد ..: سلوى؟ خذي الي تبينه من السفر مافي وقت على خطوبتج

قلت بااستغراب وانا منحرجة: ان شاء الله يبه بس الحين انا عـ ماكملت كلمتي لان ابوي صكر الخط بويهي .. ياتني الصيحه .. اشلون جي يعاملني ابوي؟ ... طالعت الموبايل وانا احاول امسك دمعتي .. مشكلتي اني حساسه حيييل ... وهالشي صعب علي ... صعب .. ان ابوي يكلمني بهالطريقه انا انا بنته الثانيه .. المفروض .. اكون محط اهتمامه ؟! ...


سرحت وتذكرت اشلون نقل لي ابوي خبر خطوبتي

كنت قاعدة ويا سارة .. سارة تحاول تفتح غرفه من غرف جناحهم المقفوله .. ماادري ليش تدور على مفتاحهم؟؟؟ اما انا فكنت مصره انها ماتفتحها دام منصور قافلها من قبل يعني شي مايبي احد يعرفه ..

رن جوالي وكان ابوي ..

رديت عليه طلب مني بأمر وكأنه يطلب من واحد وياه بالشركة او الي يشتغلون وياه بالوزاره : تعالي المكتبه تحت ..
طاخ .. وصكر السكة بويهي ..!! .. انحرجت .. من ابوي .. مهما كان .. انا بنته ..!! اشلون جذي يعاملني؟؟
طالعت سارة الي تطالعني بااستغراب من تغيرات ويهي وانا متأكدة انها قدرت تعرف اني كاتمه صيحتي ... انا ويهي مرآآه لمشاعري للاسف مااقدر اخبي اي شي ؟ ... تنهدت بصعوبه وقلت بغصه : ابوي يبيني ؟؟ ...

هزت ساروه راسها .. وقمت من الكرسي وانا افكر ياترى بوشو يبيني ابوي؟ ..

نزلت الدري بهدوء .. وانا اسابق دقات قلبي .. صراحة كنت خايفه .. خصوصا ان جوالي رد يرن .. وبدل مايكون ابوي يستعجلني كان .. الريال الي يهددني ... انا اشلون نسيت هالريال .. ياربي انا شسويت ؟؟ ... ليش انا بالذات .. ليش يهددني انا اشسويت ؟؟ اصلا انا ليش خايفه ؟؟ .. صح انا مافكرت .. هالريال شبيسوي لا درا اني انخطبت .. بلعت ريجي .. كنت فعلا فعلا خايفه ... هالانسان يبين عليه جدي ... وانه يبي شي بس ايش هو انا ماادري ؟؟ ... وصلت للمكتبه وانا ماادري كيف وصلت .. طرقت الباب بهدوء .. جاني صوت ابوي القوي ... دخلت مترددة .. اشر لي على كرسي مزدوج كان قاعد عليه ... رحت بهدوء .. وقعدت عليه ... ونطقت بعد مابلعت ريجي .. : امر يبه؟ ..


قال لي بنظرة ثاقبه : انا قبل اسبوع بالضبــــــط كلمتج في موضوع فيصل الـــــــــ................. الي خطباج ... فكرتي بالموضوع يا سلــــــــــوى؟؟ ...

هزيت راسي .. قال لي ..: زين ..انا عطيتهم الموافقه اليوم ... انا ... وهم ... حددنا الخطبه الرسميه ... راح نسافر الامارات الخميس ... وبنرد الاحد .. والخميس الي بعده الخطبـــه الرسميــــــه ...


طالعت ابوي متفاجأة انا .. بس ... انا ... ماقلت اني موافقه ... ابوي معقوله يغصبني ؟؟؟ ... سلوى ...سلوى سلوى ...اصحي ... انتي كنتي بتوافقين ..بس انا ... سكت ... خلاص ابوي عطاهم كلمه وانا ماعندي مانع .. بس .. تذكرت كلام ابوي عن دراستي بالخارج راح تكون معاه ... ياربي حتى اسمه استحي اقوله ... اشلون اتزوج الحين انا مب مستعدة ... قطعني من حبل افكاري الصاخبه وهو يقول : قولي لمرت اخوج ان طيارتهم هي ومنصور راح تكون ويانا مهب مع اخوها وامها ...


سكت ابوي ياربي قاسي .. حتى ... سكت ... طالعني وكأنه يقول انتي للحين هني .. خطيت للباب .. باطلع .. بس سمعته يقول : مبروك .. اعزمي الي تبغين ... وامج بيت الجيران تخبرهم بخطوبتج ...

يعني ياربي الناس كلها تدري ودرت وانا الحين ادري .. والله حرام عليكم .. حتى لو وافقت خلوني احس شوي بوجودي ... هذي خطوبتي انا ... انـــــــــــا ...



جفت سالم بالصاله .. كان قاعد مجابل سارة ومنصور وماجد ... كان يطالعهم .. رحت بحيرة وقعدت عند سالم ... قلت له : سالم ...

طالعني بنظرة غريبه: ها؟

قلت له : سالم انا ...

طالعني ... سكت ... ارتبكت ماعرفت شااقول .. وشكله عرف ايش فيني ومسح على راسي وقال : فيصل ريال والنعم .. كان واحد من ربعي في لنـــدن .. وريال"ن" زين ..


استحيت منه .. وسكت ... وهو ... رد يطالعهم ...

تذكرت هالموقف وجنه دقايق مستوي .. مب كأن صار له اياااام طويله .. من يوم ردت سارة من الشاليهات ..


اوووه .. نسيت اقول لكم .. احنا بعد ساعتين رايحين المطار .. متوجهين لـــ الامارات



(انتهى )

..::]][[ الحفنه التاسعه ]][[::...
"ذكريات مع القمر "

فهالايام ... منصور .. سارة ... سلوى ... سالم ... علي ... لولوة ... حياتهم مرت عاديه ...لاجديد ...

روضـه رخصوها من المستشفى .. ورفضت رفض قاطع تستقبل سعيد .. سعيد الي اشتاط غيظ من افعال روضه وتغليها "الي ماله داعي فنظره" وبدل يلغي فكره الملجة ... عاند وصمم على اكمال الملجة على اكمل وجه..روضه انهارت يوم عرفت خطته .. يوم عرفت ان عيالها راح يبقون ويا سعيد .. هالشي دمرها دمار مابعده دمار .. لكن كانت جدام سعيد ياجبل مايهزك ريح .. ولا كأن عيالها وظناها بعيد عنها .. ومن يروح تنهار من اعلى قمه جبل الى اسفل عمق اخدود ..

حمـدة .. حياتها ماشيه بهدوء روتيني ممل .. تذكر ايامها مع ابوها .. ومع طليقها"خالد" الي رفض رفض قاطع انه يطلق لكن لانه طلقها سابقا .. وبوجود الشهود بعد .. ثلاثه من جيرانهم .. فـ خلاص ... راحو المحكمه بوجود حميـــــد الي تكفل بالمسأله ككل وتم الطلاق بحمد الله ... وخالد انهار .. لكن مثل كل بحر كانه شط ..وكان شطه مايا .. الي ردت له تلهيه عن حمده ... وهو كان عايش ببؤس حتى انه طرد مايا خمس مرات من الشقه .. بس مايا كان لها هدف مصممه على تنفيذه ..

عذبه .. كانت بين شتات .. تحس انها مشتته .. مشتته حيل .. سعيد اخوها ايتنزف كل مشاعر روضه الجميله .. زارت روضه اكثر من مرة .. وكل مرة ترجع من عند روضه تنهار اكثر واكثر ... ام سعيد تلومت على موافقتها لزواج سعيد .. والحين تحاول تفج الخطبه بهدوء بينها وبين سعيد .. ولكن سعيد عند .. والشيطان ركب راسه الا يتمم ملكته على خير ويكون حليل شمسه شرعيا ..

"سارة "

تونا وصلنا مطار الدبي .. وبعد هبات الجو الحاره الصيفيه .. طبعا مايحتاي اقول لكم ان منصور هبلنا بالطيارة .. كل ساعه يقول شي مرة بنطيح من السما ... مرة اشلون تطير الطيارة ... ومرة اذني انسدت أأأأي .اذوني تعورررني ... ومرة انا ابي اقعد عند الدريشه اجوف الدنيا من فووووق ... ومرة يقول ليش الكراسي مب كلهم صفه حذا بعض ... ومرة يبغي يقعد عند ماجد .. ذبحنا ذبحنا اذاني ... وطبعا يوسف حبيب قلبي قلب الطيارة الى جنازة صرااااااااخ وصيااااااااااااااااااح ... نفس حاله منصور الي عندي ... كل ساعه حنه وزنه .. لين اخيرررا وصلنا المطار ... عمي بو منصور ومرته .. سالم ... محمد ومرته وعياله كانو فالدرجة الاولى ... واحنا بالبزنس لان الفيرست كلاس كان مليان .. الحمدلله طيارتنا كانت ويا طيارة امي وماجد .. هالشي الي كنت احاتيه لان عمي قال لـ سلوي تقول لي ان بنسافر وياهم فخفت مااكون ويا امي واخوي

قلت بتأفف : بس منصور اشفيك هالكثر تحن اوفففف

منصور كان مصدع ويحن ويحن ويحن .. : راسي يعورني .. وايييد .. ساروة وايد وايد هالكثـــــــر "اشر بيدة على حجم كبير" يعورني والله ..

قلت بيأس وانا اشوي وانتف شعر راسي : قلت لك خذ ادول انت معاند مااعرف ابلع الادول

منصور قال بتبرير : هالادوة وايد عوود اشلون ابلعه بيوقف فبلعومي وباغص مااااابي ...

شوي واصيح .. والله بروحنا تونا واصلين ودايخه انا ومب راقدة عدل امس ومنصور قاعد يحن ويزن فوق راسي ... صدقوني اذبحهه الحيييييييييين : بببببببس اوفففففففففففففففففففففففففففففففف

تلفت فالمطار .. وينه مجود اوففف .. عمي وعياله .. راحو لفندقهم .. وانا حجزي ويا امي واخوي.. ومنصور طبعا وياي .. ويسوفوه قاعد يصيح للحين اذنه تعورة .. ومروم تسكت فيه .. وهو ابد مب راضي يسكت .. مثل منصور .. مب راضي يسكت .. صدعت وربي ..

منصور رد يحن : انزين راسي يعورني .. سارة .. ساررروووووة .. راسي يعورني ..

قلت بعصبيه : منصور خلاااص تفهم اسكــــــــــت !

فهالدقيقه وصل ماجد .. وقال لنا : يالله ..

قمت بسرعه من مكاني .. بسرعه ابي اروح ارقد تعبانه وحنه منصور سببت لي صدااع

كان ماجد شكله معصب علي وكل ساعه يخزني بنظراته اما انا فـ طنش تعش تنتعش .. صج ماكان لي بارض لشي .. طلعنا ويا ماجد .. مرت ربع ساعه ماقدرت اجوف الطريج ..من التعب .. وصلنا الفندق .. وبصراحة انبهررررت من جمال الفندق كان يهبـــل ..خذانا ماجد لفوق وكل واحد راح لجناحه .. اما انا اول ماوصلت الجناح .. فتحت الشنطة وخذت مستلزماتي ودشيت اتسبح .. طلعت بسرعه ماطولت .. مشطت شعري ولاني كنت تعبانه والسرير اغراني رقدت على طوووووووول ماحسيت بنفسي ابدا


.....

دخلت الغرفه .. كانت بااااردة صقيييع .. وظللاااام .. كانت ريحة حلوووة فالغرفه .. دشيت الحمام .. وبدلت .. طلعت .. والغرفه مثل ماهي .. اظاهر انها راقدة .. رحت للسرير .. فصخت الفانيله .. لاني اتضايق فالنوم منها .. احسها تكتم انفاسي .. تلحفت حذاها .. ورقدت ..


....

"سالم"

كنت مقهــور مقهـــور .. تعرفون يوم تجوفون شي كان لكم ويروح لغيركم هذا الشي يقهرني يقهرررررني .. اشلون .. سارة .. سارة .. تتزوج منصور .. ياريتني وافقت ياريتني .. الملعونه .. محلووة موووت .. مااقدر اصبر مااقدر .. اشوف نسخه حياة واصبر مااقدر ..


قعدت على السرير بعصبيه .. بس سالم .. مايسوى عليك هالاعصاب خلاص خلاص هدي هدي .. اشلون اهدي وانا اجوف ساروه اشلون؟؟

دقيت بريلي على ارضيه الدار .. وبعدين يعني .. وبعدين .. اووفففف ..

كان سالم متحرقص يبغي يروح ويجوف سارة .. مايقدر تعود هالثلاث ايام يقوم ويطالعها .. ولا يشم ريحتها فثيابها الي عنده .. عض على شفايفه بقهر .. كله مني .. انا الغبي انا ..


نفخ بضيج .. وصكر عيونه ..

انبطحت على السرير .. واحداث وايدة تدور فبالي .. وايدة وايدة .. رن تلفوني .. ورفعته بضيج .. جفت المتصل "منصور" فلعته بقهر عندي .. وفجأة فتحت عيني وكأني تذكرت يمكن اسمع حس سارة مني مناك .. رديت بلهفه

: هــــــــــــــــلا منصووور ...؟

...: الو ..


ياني صوت ناعم .. انثوي .. شكيت للحظه انه سارة .. لحقو علي .. ترا بيغمى علي ..

ابتسمت بوسعه وانا اقول: هلا والله .. هلا .,,؟!

رد الصوت بخجل : .. اخوي .. هذا .. الموبايل كان .. طايح عند اخوي... !! هذا اخر رقم كان موجود واتصلت عليه ..

انصدمت صدمة حياتي ؟..يعني هذي مب سارة .. ليش ليش ..: اهــــا .......!

ردت وكأنها مستغربه من سكوتي ..: اوكي الشيخ .. هذا موبايلكم ..؟ وين احطه لكم؟ .. امممم ..؟؟؟

قلت بهدوء: خلاص .. اوكي ؟؟؟...

قالت باانحراج :: مممم ... بس انا ويا اهلي .. مااقدر .. اممم ..

فهمت اشتقصد فقلت بهدوء وانا افكر : اوكي الغاليه .. انتو طالعين بكرة مكان؟؟

قالت بهدوء وتفكير : اي؟ .. وقالت بشي من التردد والخوف ... ليش؟؟؟

ابتسمت بيني وبين نفسي .. هالغبيه ليش يعني ؟..: خلاص وين رايحين انتو؟؟ ...



قالت بتردد ..: اآآآآ ماادري ,,,؟

عصبت عليها هذي غبيه ولا تتغيبى ..: يااحلوة انا مب ياي اغازلج ياي اخذ تلفون اخوي .!.. الي اخوج الكريم خذاه ..

قالت بتبرير وانفعال : وقسم بالله اخوي ماخذاه اصلا اخوك الي نساه عند اخوي ..وكملت بتحلطم .. زين منا الحين نبي نردة والله!


ابتسمت على تعليقها الي كان بصوت خفيف جدا .. وكأنها خايفه اسمعه .. لهالدرجة صوتي يخرع؟؟ الي اعرفه صوتي يذوب البنات ! .. :خلاص امرج فندقكم ..

سمعت صوت شهقتها وهي تقول : لالا .. اآآآ اقصد .. احم .. اآآ...

قاطعتها وانا اقول|: متى الـ أأأ ات مالتج تخلص؟؟ ..كملت بعصبيه .. خلصيني .. وين ؟! ولا تدرين اشلون يبه .. خليه عندج تصوري وياه ... !!


وصكرت التلفون بدون مااعطيها مجال ..

قهرتني السباله .. احين انا البنات الي ميتين على جوفتي هالسباله .. تقول لا .. لا تيي .. روحي انتحري زين ..

صكرت عيوني بضيج .. الحين يتحشرني بالتلفون انا متأكد ^_^
ليش هي مب بنت .. يعني نفس كل البنات ..

قمت بكسل من على السرير .. توجهت للحمام .. خذت دش .. ماطولت .. طلعت وانا لاف الفوطة على وسطي .. مشطت شعري الكثييف الناااعم ,,, .. توجهت للصاله .. قعدت ع الكنبه .. فتحت التيلفزيون متملل .. كان فيلم .. قعدت اجوفه من الملل .. الحين ملجة سعيد بعد ثلاث ايام ... ياربي شهالعباله لازم نيي يعني اوفف تزوج خير ياطير .. حضرنا عرسه الاول لازم نحضر بقيه عرسه اوففف ..


كله من الحريم ولا انا ماكنت ابغيي ايي .. تنهدت بضيج .. وصورة حياه ترد لبالي .. صكرت عيوني بتعب .. وانا اتذكر ذكرى استوت لنا فالاماارات ..


كنا رادين من "شهر العسل " مثل مايقولون .. وطيارتنا كانت ترانزيت الامارات للدوحة .. فقررت اتم فالاماارات يومين حتى نرتاح شوي من بعد رحله يوم كامل تقريبا .. حياة كانت دايخه .. دخلنا جناحنا .. هي من التعب مافصخت عبايتها وشيلتها .. لا على طول انبطحت على الكنبه وغمضت عيونها الواااسعه ..

قربت لعندها .. وهزيتها : حيووت .. حياااتي ؟ ...

فتحت عيونها الكبار .. وطالعتني بتعب ..:هممم ؟ ..

ابتسمت .. عيونها اتينن .. : قومي رقدي فالغرفه ..

هزت راسها بلا وهي تقول: مالي باررض ..

ابتسمت .. وقربت عندها بستها على خدها .. فتحت شيلتها .. وفتحت شعرها بعد .. يعجبني شعرها المرول .. وكانت خصلاته مصبوغه بالهاي لايت ماادري ايش خرابيطكم انتو يالبنات .. صكرت عيوني وانا اشم ريحه شعرها .. اما هي كانها تضايقت لانها عقدت حواجبها وغطت عين وحدة .. شليتها وشعرها ينساب بين يديني مثل الحرير..ونعولها طاحو على الارض ..توجهت للغرفه الكبيرة ..فتحت الباب ..صدمني الهوا الباااارد ..انكمشت بين يديني .. ابتسمت لها وانا ابوسها على شعرها .. سدحتها على السرير .. وفتحت عبايتها .. غطيتها بالخفيف .. ورحت الحمام .. خذت لي شاور ..طلعت فوطة على وسطي .. وفوطة على رقبتي انشف فيها شعري الكثيف .. ارتجف جسمي يوم حسيت بالبرودة .. توجهت للسرير متجاهل البرد .. جفتها نايمه مثل الملاك .. قربت عندها .. وضغطت على خدها .. ليش تعذبيني .. ليش؟ .. لبست الروب وانا هلكان ومالي بارض ابدل

طلعت للصاله ... انبطحت على الكنبه .. مكان حياة .. صكرت عيوني .. وغفيت .. حسيت بشي بارد على خدي .. فتحت عيني .. رمشت بهدوء .. جفت حياه تطالعني بقلق .. واصابيعها النحيله الطويله تلامس خدي ..

قالت بقلق : سالم فيك شي .. انت مريض؟ .. تعبان ؟؟ ..

جفت الخوف بعيونها .. وهي تقول : قومتك ثلاث مرات .. أذن .. واشرت على برع .. اذن العشا .. وانت من الصبح راقد .. فيك شي ؟؟ سالم ؟؟ ... قول لي .. فيك شي ..

ابتسمت اطمنها : كنت تعبان ومب حاس بروحي .. طالع الدريشه : اي والله .. السما ظلمت .. قومي .. انتي ماتغديتي ولا تعشيتي .. يالله منج يا حياه .. جان قومتيني؟؟ .. كنت باقوم .. جفت نفسي .. وانحرجت اشلون غفيت وانا مابدلت ملابسي .. كنت للحين بالروب ..

اما حياة فاانحرجت ازود عني .. وبسرعه راحت للمطبخ التحضيري الصغير المفتوح على الصاله .. اما انا توجهت للغرفه \.. لبست ثيابي .. وانسدحت على السرير .. وانا احس ان رقبتي انكسرت ..

شوي ودخلت حياة وقالت بأسف : مافي شي فالمطبخ ينأكل .. ترا ميته يوووع .. حطت يدها على بطنها .. وبعدها قالت لي .. صليت ؟؟

قلت بكذب : ايي .. يالله امشي نروح المطعم ..

ابتسمت وهي تقول : تقبل الله ..

طالعتها بااستهزاء .. ومشيت عنها .. مشت وراي .. رحنا المطعم .. هي حبت تسولف وكانت تسولف وايد .. بالاصح تثرثر .. وانا كنت مطنشها ..

حياة: سالم ..!!! .. اشفيك ساكت

قلت بوقاحه: ليش انتي تخلين احد يتكلم بس انتي تكلمتي وكفيتي ووفيتي ..!

حسيت حياة بتصيح ... من احمرار ويهها السريع واحمرار طرف خشمها .. نفخت بضيج .. : اوففف بدت الحين .. نكديييه

طاحت دمعتين على خدها ... وتأففت بضيج .. قلت : امشي امشي نرد الفندق .. لاعت جبدي .. سديتي نفسي !!

فتحت حلجها بتتكلم بس قلت بحزم : قومي ..

قامت بسرعه وهي تمسك شنطتها .. وويها مستوي احمر ورموشها متعلقه فيهم دموعها .. طالعت عيونها كانت مستويه حمررره .. ولونهم العسلي المخضر طالع حزييين .. طنشتها .. مشينا طالعين من المطعم .. اشرت لها تركب السيارة الي اجرتها اول ماوصلنا دبي ,, ركبت بدون كلام .. دخلت السيارة .. وسكتت ...طلعت باكيت السيجارة .. وتميت ادخن .. تضايقت حياة وكحت وايد .. بس فكل مرة تبعد ويهها ناحيه الدريشه .. اطلقت زفره غاضبه .. وشغلت السيارة .. تحركت بهدوء .. وهي ابدا ابدا ماسمعت صوتها بس كنت الاحظ يدها الي تمر على خدها تمسح دموعها وترد تلمع في حجرها بين فترة والثانيه .. اوففف هذي ماتمل من الدموع ؟؟... دبي معرووفه بالزحمة وخصوصا في مواسم الصيف .. والطريج ابدا مايفضى .. مرت من صوبي سيارة بنت .. لابسه شيله ملونه باالوان زهريه ربيعيه حلوة .. مطلعه ويهها الدائري جمييل وملفت .. خطه الكحله كانت عجييبه .. لدرجة اني نسيت وجود حياة وصفرت لها .. ضربت لها اشاره وانا اقول بيني وبين نفسي :والله فلــه !ياحلوها بس !..

لفيت ويهي للجهه الثانيه بجوف الطريج واذا يسمح لي الف لها او لها .. وانصدمت بـ ويه حياة المنصدم .. كانت تطالعني ودموعها الي كانت تخشها عني صارت جدام عيوني .. تزحف بهدوء على خدها الندي الناصع البياض .. اشلون نسيتها ؟؟ .. اشلون قلت جذي جدامها .. عضيت على شفايفي ..

ومديت يدي لـ خدها مسحت الدمعه وكانت فنيتي امسح الدمعه الثانيه الي فرت من عينها اليمين .. بس هي بعدت يدي ولفت ويهها عني .. اقصد بعد ماعطتني نظرة حقيرة لفت بجسمها للدريشه.. بس ماانطقت بشي .. وانا ماقدرت انطق .. كنت مستحي منها .. اشلون قلت جي جدامها .. بس بعدها مااهتميت .. وشنو يعني .. انا ماقلت شي غلط البنيه قطعـه فالجمال .. قطعه قطعه قطعه .. بمعنى اصح فللللللللللته ..

كملت طريجي مب مهتم .. ولان الزحمه طولت وايد .. وانا اعصابي فللتت مني .. وحياة للحين ماعطتني ظهرها .. ابتديت اعصب بزيادة .. وحتى بغينا ندعم لولا ستر الله ..

سمعت صرخه حياه الخايفه : انته شفيك .!! .. ماتجوف تبي تذبحنا !! ..
غطت ويهها بيدها وكملت صياحها

صرخت بعصبيه : انجبــي مابي اسمع كلمه منج ... انتي اصلا هاويه صياح .. مايمر يوم الا وتصيحين .. ياخي لوعتي جبدي وقسم بالله ... شنو مانشفت دموعج انتي .. عصبت ومديت يدي لعيونها وضغطت عليها بقوة .. ماتعورج هذي .؟؟ ماتشكت ابد .. بس لوعتي جبدي تراج .. ماادري اشلون استحملتج .. دلع اخر زمن ؟؟! ..

بعدت يدي عن عينها ولاحظت انها احمرت زياااااااااااااادة .. بس مااهتميت .. كنت اسمع شهيق حياه بين فترة والثانيه وادري انها متألمه بس انا كنت معصب ولا عصبت لاحد يكلمني .. فجأة وقفت بريييك قوي والتفت على حياة ويريتها وخليتها تجابلني وصرخت فيها : بــــــــــــــــــــــــــــس تفهمين انتي ولا شلووون .. انجبيييييي مابي اسمع صوتج .. تسمعيييييييييييييييييني ؟؟ .. هزيتها بقوة .. تسمعييييييييييييني ولا لاء ...؟؟!


نفضتها بقوة ودزيتها على الدريشه ..فتحت الباب .. طلعت من السيارة مفووول على الاخر ..

جفت البحر فهالظلام .. رحت ورديت صوب السيارة متوتر .. ضربت السيارة من جدام لاني كنت معصب .. توجهت لباب حياة وفتحته بقوة .. كان خاطري اخذها وافلعها فالبحر وافتك منها وافتك من مشاعري المتلخبطه صوبها |.. اصلا هي ماتأثر فيني .. وانا مااحبها .. بس تزوجتها عشان ماتتزوج غيري .. بالاصح اشفق عليها .. لانها تحبني .. خلها تتحمل .. محد قال لها تحبني محد ..

لاحظت عيونها الخااايفه الي تلمع وسط الظلام .. مديت يدي بقوة ومسكت ذقنها ورفعته عشان تجوفني .. لكنها ماحطت عينها بعيني .. ضغط بقوة اكثر حتى انا حسيت بصوت العظم وهو يتحرك من مكانه .. بس مااهتميت اما حياة طلع منها صوت انه خفيفه .. وماطلع شي اكثر .. حسيت يدي تبللت بدموعها ... عصبت زيادة وانا اقول لها ..: لي متى بتصيحين انشالله\؟ لي متى؟؟ مابتنجبين ولا شنو ؟؟ .. اشقلت لج انا ؟؟ .. قلت لج مابي اسمع حسج مابي اجوفج تصيييحين ... يالصيااااحة ياليااااهل ..

هديت ويهها بغيض ودنعت ادور علبه السيجارة .. لقيتها اخيرا .. صكرت الباب باقوى ماعندي عليها .. احسن ,.,,

قعدت على السيارة من جدام .. وقعدت ادوخ بشراهه .. صار لي اسبوع يمكن مب مدخن وايد .. بعد ماخلصت العلبتين .. رجعت السيارة وانا مرووق .. قعدت على الكرسي .. رخيت جسمي شوي .. وصكرت عيوني ..

التفت عليها ..كانت هاديه .. ويمكن خايفه .. فتحت الليت الي بيني وبينها .. وانصدمت من شكلها .. ويهها احمممر .. وعيونها غزيرة بالدموع .. شيلتها مبهدله .. وشكلها برداانه لانها ترتجف .. واحمراار قوي صوب ذقنها .. مديت يدي ومسكت ويهها .. وفريته لي .. قلت لها بااسف : اسف حبيبتي .. كنت معصب ...

هزت راسها بأي .. شكلها مب قادرة تتكلم .. عورت قلبي .. مسكينه حياة لي متى بتستحمل مزاجي ..

بعدت يدي عنها .. وطالعت جدامي .. شغلت السيارة .. ناوي احرك .. سمعت صوتها العذب وهي تقول : سالم انا اسفه .. ! ..


طالعتها بطرف عيني .. ليش تعتذرين .. انتي اشسويتي ؟؟ .. حياة رحميني .. انا .. انسان .. لاتقطعين قلبي بتصرفاتج ارجووووووووج ... قلت ببرود : يصير خير ..!
<<يهدد الاخ خخخخ

رنه المسج صحتني من افكاري ..

فتحته بكسل " الشيخ .. اذا ماتبون الموبايل مشكلتكم .. بس لا تحطون ينونكم فينا .!! "

عصبت عليها .. هذي اشلون جي تكلمني هالـ***** .. ضغطت ع رقم منصور معصب .. بكلمها والي فيها فيها .. \


............


" روضه "

فتحت عيني بهدوء ..صار لي ساعه قايمه .. وافكر وافكر وافكر .. حسيت بكآبه .. متى ايون عيالي متى .. سعيد ليش مب راضي يطرشهم لي .. ابغي اشوفهم ... دمعت عيني .. سعيد وايد مستوي قاسي .. وايد وايد ..
انفج الباب .. وكنت متأكدة انه خليفه .. لانه كل يوم هالحزة يدش علي .. بس تفاجأت بحمدة وحمدان حواليني يصارخون : ماااااااااااااااااااامااااااااااااااااااااااااااااااااااا



نقزت مستانسه : هلا هلا هلا بحبايبي .. من جفتهم قعدت اصيح ..

قعد حمدان بدفاشه على ريولي .. ونتيجه تحرك ريولي بقوة المني بطني فصرخت متألمة .. صاح حمدان متأثر بصرختي ونفس الشي حمده .. وامي على طول دخلت الغرفه .. جافتني اتلوى على السرير .. كأنها حية قارصتني .. مب قادرة .. مب قادرة .. آآآآه يمه .. آآآآه,, صحت بمرارة .. الالم كان فضيييع

حسيت روحي بتطلع ويا الالم .. حمدان صاح بصوت عاااالي .. فحاولت اسكت عشان مايحس بالذنب .. بعد دقايق طويله سكت انا .. والالم خف تدريجيا مع الحبه الي اخذها .. وحمدان للحين يصيح بصوت عالي خصوصا بعد ماامي هاوشته .. .. فتحت يدي ااشر له يقرب ..

بس هو كان يهز راسه بالرفض ويصيح : لا واااااااااااااااهئ اهئ

عوور قلبي .. قلت بحنان ودموعي تطيح من عيوني : تعال حبيبي .. تعال ..

قال لي ببراءة وهو يصيح : بتصيحين؟ انتي ماتحبينا ؟؟ ..


ركض برع الغرفه وهو يصيح ... صحت متأثرة منه .. وانا ااشر لحمدوه اتيني .. حمدوه قربت بخطوات مترددة ودموعها جفت .. قلت لامي بعتب :. يمه .. ليش صرختي عليه .. شوفيه ؟؟! قعدت اصيح ..

بس امي قالت لي : الحين اناديه .. بس لا تصيحين حبيتي .. بس عورتي قلبي ... جفت امي بشكر ..
و
قربت حمدوه بحذر مني .. وقعدت على طرف السرير .. تسحبت شوي شوي لين مايات قربي .. ومن قربت مني خذتها بااحضاني لميتها بقوه وانا اصيح .. وهي تصيح مب فاهمه شو السالفه ..

بستها بقوة وانا اشم ريحتها ياربي اشكثر اشتقت لهم اشكثر .. ليش ياسعيد ليش ..

بعد فترة مب طويله قرب حمدان من الغرفه .. وجافني بحذر .. هزيت راسي بتعال .. قرب شوي شوي .. وهو يعدل قميصه كل ساعه .. شكله كان خايف ويحط خوفه فالقميص .. قرب مني .. ومن ضميته رديت اصيح .. وهو صاح شوي بعدين سكت وهو يقول : ماما انتي صاحيتي لانج مريضه؟

هزيت راسي بـ اي .. وهو لماني بقوه : ماما انا وااايد احبج ..

صحت بحرارة : وانا بعد حبيبي .. وانا بعد ..

تصكر الباب .. رفعت عيني توني انتبه ان خليفه كان واقف ع الباب قلت بهدوء وانا امسح دموعي : خليفه ؟ .. انت من متى هني ..!؟


ابتسم خليفه وهو يقول : ماما انا واااايد احبج !! ..

ابتسمت له وانا امسح دموعي الباقيه : شحالك ..؟!

قال لي : شحالج انتي .. وهالشياطين حواليج ؟؟ .. اشر على حمدوه وحمدان واشر على راسه بصبعينه .. وكأنهم قروون ..

ضحكت .. وضميت حمدان وحمدة : فدييتهم ربي لا يخليني منهم .. ولا منك ..

ضحك خليفه وهو يقول : ايا العيارة .. خلاص .. عيالج صارو اهم .. هيييهاااه هييهاااه (ضرب يدينه ببعض علامة الحسرة).. راح زمانك ياخليفه

ضحكت وانا اقول : من يقول خليفه يبقى خليفه مهما يصير

ابتسم خلوف وهو يقول لي : ترى هالشياطين بيتمون هالاسبوع .. وبيردون .. لـ ...

سكت وهو مكشر وقال بغصب : ابوهم ..

ولف ويهه عني ..

اخنقتني العبره .. اكيد مارضى يخليهم الا بعد ماتجاتلو .. بس .. سكت وانا ارد حساباتي .. صح اكيد رضى لان .. لان ... طاحت دمعه من عيوني .. لانه ملجته هالاسبوع ..!!!

احضر ولا لاء .... ؟؟ لاء مالي ويه.. الناس شبيقولون عني؟؟ .. لاء لاء باحظر .. بحظر وبروح اجوف منهي الي سرقت سعيييد مني .. ليش .. بجوف .. شنو الي فيها احسن مني؟؟ .. بحظر يا سعيد بحظر .. صكرت عيوني .. وانا اذكر غصب عني شكل سعيد فحالاته .. يوم يضحك .. يوم يعصب .. يوم يقوم من النوم .. يوم يكون رايق ... يوم يلعوزني .. يوم يشل عياله .. يوم ويوم ويوم ويوم ..


بحضر زفافك يا حياتي
بحضر زفاف اللي هويته
وبرزف عشانك لا تحاتي
وبهديك كل اللي بغيته
بهديك دمعي وعبراتي
والهم اللي فيني رميته
بحضر ولو بعرسك مماتي
شايل معي قلب نسيته
واجمل قديم الذكرياتي
والظيم اللي منك خذيته
وبذكر ليالي الماضيات
كنت الوليف اللي اهتويته
كنت الذي لجله اباتي
ساهر ونومي ما هتنيته
بهديك في ليله وفاتي
حلم الليالي لي طويته
واعطيك من قلبي امنياتي
تلقى الهنا بدرب مشيته
وتعيش في راحه وسباتي
ويا الذي عقبي لقيته
بحضر زفافك يا حياتي
بحضر زفاف اللي هويته
للشاعر الامارتي راكان عبدالله




آآآآآآآآآآه يا سعيــد آآآآآآآآآآه ,,,


.......

"سلوى "

سمعت حس عذوب وهي تقول : واااااااااااااااااااااااااي منو هاي؟ سلوي يا حمارة من وين لج هالصورة ؟؟ ..

سحبت الموبايل من يدها مفجوعه .. اي صورة؟؟ .. طالعت الموبايل وجفت الصورة مستغربه وقلت : هذا موبايلي؟؟


قالت لي عذوب بهبل: تستهبلين انسه سلوى اوووووووووووه عفوا عفوا مادموزيل سلوى .. من وين لج هالصورة يالخايسه؟؟

قلت ببراءة : والله ماادري انتي متأكدة موبايلي؟؟ ..

جافتني عذوب بحره : بتقهررني هالبنت بذبحها بذبحها يا ذابح يا مذبوووح |.!!

ضحكت على اسلوبها : يه اشفيج ..#؟؟

طنشتني وخذت موابليها ودقت على رقمي .. ورن الجوال الي بيدي .. وقريت اسمها "عذاااابي" .. قلت بغباء : اييي والله موبايلي ؟!!

ضربتني عذوب على راسي صرخت متألمه :عذووووووووووب يالدبه عورتيني ااااااااااي !!

قالت عذوب بقهر : يعني تستغبين علي .. اعترفي منو هذا ؟؟ ومن وين مطلعه صورته ؟؟ وليش مخليتها فموبايلج .. ها ؟؟ سكتت شوي وهي تفكر وانا اطالعها مصدومة .. اشفيها؟؟ .../:ولا تقولين لي "صرخت " خييييييييييييييييييانه خييييييييييييييييييييييييييييانه

طالعتها وقلت بصدق : والله ماادري عنها.. اشدخل خيانه اشسـ .. فجأة تذكرت ..وصرخت .. اييييييييييييييييي

سحبت عذوب الموبايل من يدي وقعدت تطالع الصورة وقالت بااهتمام : ها تذكرتي؟؟ ياام سلوم .. حشا ذاكرتج ناسيتها بقطر شكلج

ضحكت وانا اقول : لالا ذاكرتي وياي .. سكت اشوي وبعدها ابتسمت منحرجه : هذا ... هذا ... فيصل ..!

طالعتني بااستغراب وهي تقول: فيصل من .. واشعرفج فيه .. فجأة شهقت بقوة وهي تيرني من قميصي وتقول لي : لا يكون يا سلوي من هالبنات الي يكلمون .. سلوي قسم بالله اذبحج ترا

ضحكت وانا اقول : عذوب .. بعدي يدج جايفتني عنز جي رافعتني من قميصي .. هدييييييييني يالدببه .. هذا .. هذا .. قلت باانحراج وبصوت واطي .. خطيبي ..!

اشهقت عذوب وهي تقول : حلفـــــــــــــــــي ؟؟ ... اشياب صورته فتلفونج ..

طالعتها وعيونها مفتوحة مت من الضحك وبعدها ضربتني عذوب : سلوووه يالخايسه قولي لي .. بسرعه بسرعه اعتررررررررررررررررررفي ..

عضيت شفايفي وانا اضحك : هذا الله يسلمج .. عندوه اخته .. العنود .. طرشت لي الصورة ..

سحبت الموبايل من يدها ابغي اجوف صورته .. صج انا خبله اشلون نسيت .. ماجفت ويهه حتى .. صج صج العن ابو الخبال ..


جفته .. كان مملوح .. عيونه كانو صغار .. خشمه كان طووويل ...وشفايفه متناسقين مع العارض الخفيف الي مسويه .. وبشرته المايله للاسمرار .. كانت معطته هيبه .. شكله بااختصار دش قلبي .. صكرت الصورة بخجل .. ياررربي .. ماشاءالله عليه جمييل .. بس فشللله يالله .. عضيت على شفايفي منحرجه .. من عذوب .. ومن عندوه .. ومن نفسي ومن .. ومن .. فيصـل .. !

اندق الباب .. وطلت سارة منه ومن جافتنا قالت : امـــــــــــا يالخووونه مجتمعين فوق ومخليني مزبنه تحت انطر الشيخة عذووب تترحم بحالي وتنزل تسلم ..

ضحكنا احنا الثنتين .. وسلمنا على ساروة .. ونزلنا سلمنا ع الحريم الي تحت .. وبعدها رحنا الحديقه .. مرو علينا الشباب .. منصور ومنصور وسالم وماجد وثاني ولد خالنا

منصور "اخو عذوب " : هلا هلا ببنات الخوال .. شخباركم بنات خالي ..؟!

قالت عذوب : اشدعوه ماتجوفني بينهم ماتسلم ؟ ..

ضحك منصور " اخو عذوب .. ولا تدرون نسميه منصور2 هههه منصور 1 هو منصورنا اقصد اخوي كح كح الاصلي اخوي هههه " : عاد انتي شبعت من مجابل ويهج ..

رديت انا وسارة : بخير الحمدلله انته شخبارك .. ؟

ابتسم وهو يقول : بخير والله .. ها بتيوون ندوركم في الامارات .. ولا .........؟

ماجد "اخو سارة" :لا ياخوك .. بيلعوزونا .. كل واحد ويدري عن بلوته ..

طالعته ساروة بحدة : اشتقصد اخ ماجد

مثل ماجد انه خايف واحتمى ورا منصور"اخوي" : ابد سلامتج حبيبتي سارة .. الصفح .. العفو العفو .. سوا حركه بيده وكأنه يطلب السماح من سارة

ضحكنا عليه .. وقررت عذوب بعد هواش وملاكمه ويا اخوها منصور2 ان ياخذونا يدورونا شوي ..

استانسنا وطرنا من الفرحة .. وانقسمنا ..
منصور1 ومنصور2 وساروة وعذوب ونيلا وعليا <بنات عمه عذوب > فسيارة
وانا وسالم وشهد ومحمد فسيارة ..
وثاني واحمد <اخو نيلا وعليا> فسيارة ..


رن تلفوني وكانت العنود .. استحيت ارد افتشلت .. واستحيت اكثر ماارد .. استحـــــــي ياانــــــــــــــاس .. رديت ..:الو

:اهلا ومرحبا بـ عروس اخي الكريم .. شخبارج ..

رديت بااحراج : هلافيج .. الحمدلله وانتي اخبارج ..

قالت العنود وهي ناسيه : اووو نسيت اسلم .. السلام عليكم ورحمة الله وبركاته

ضحكت وانا اقول : وعليكم السلام ورحمة الله وبركاته ...

ضحكت وياي وهي تقول : صبـــــــر قاعدة احاجيها .. اصبر اصبر .. هلا سلوووي عوومري .. الحمدلله على السلامة .. متى الوصول؟؟ ..

قلت باانحراج : الله يسلمج .. والله .. امس واصلين .. سوري نسيت ادق لج ..

ضحكت وهي تقول : لاعادي اشدعووه بس خطيبج المحترم رجني .. الا وتتصلين وتجوفين سلوى وصلت ولا لاء .. صح عادي اعطيه رقمج؟؟ ..

قلت باانحراج خصوصا وانا اجوف محمد يطالعني بعصبيه من المنظره الي جدام .. : احم .. يعني ماكنتي بتسالين عني ... <<كنت خايفه ايب طاريه واخواني يعصبون اصلا كنت مستحيه وااايد ... ليحين مااستوى شي اشلون العنود تبي تعطيه رقمي ؟؟!

ضحكت العنود وهي تقول :امبلا بس لا تستوين غثيثه مثل خطيبج خخخ .. شتسوين الحين؟؟

قلت ااحراج : طالعين والله ...!

قالت بااحراج: اووو .. عن جد .. زين مابطول .. تردين بالسلامة ان شاء الله .. يالله اخليج ..


ابتسمت بااحراج ::مشكورة والله ع الاتصال .. فرحتيني ..

ضحكت وهي تقول : ولو سوسو .. يالله .. هالله هالله بالصوغه مااوصصيج.. وسلمي

ضحكت وقلت : من عيوني ..يبلغ .. وانتي بعد سلمي ع الاهل .. خلاص عيل اكلمج وقت ثاني .. مع السلامة ..

العنود: ع الاهل ها ... ماتبين شخص معين ههههههههه .. خلاص خلاص باي فديتج ..

قلت بمستحى : باي ..

صكرت التلفون وانا حاسه ان ويهي محترررق من الفشللله .. وقلت : العنود تسلم عليييكم ...



رفع سالم واحد من حياته اما محمد ماعلق .. شكله معصب .. ياويلي .. ان شاء الله يمر اليوم على خير ..


........

"لولوة"


اوففف متملله .. متملله .. زهقانه زهقانه يانااس .. لا عندي موبايل اتسلى فيه ولا شي ؟؟ .. مسكت اللاب توب بمحاوله فاشله .. يمكن الاقي شي يعجبني فالنت .. مااحب القرايه .. بس شاسوي ؟؟؟ ملل .. فتحت ع اليوتيوب .. وحاولت انزل فيلم .. بس ماكان لابتوبي فيه سعه تخزين عشان جذي نزل نص الفيلم ..

حطيت اللاب متملله .. لين ماينزل النص الثاني يبغي لي ساعه ع الاقل .. هديت اللاب .. وقررت .. اطلع من الغرفه .. نزلت من غرفتي .. وجفت .. بدر قاعد فالصاله .. ارتجفت بخوووف .. من زمان .. اتجنبه .. خايفه يعرف سواياي .. خايفه يعرف .. بسرعه من جفته فالصاله تجمدت ريلي ع الدري .. ابغي ارجع اصعد بس مب قادرة .. ابي احرك ريلي بس كنت اشبه بالمصدومة .. كنت خايييفه موووت ..

سمعت صوت بدر يقول : تعالي يالولوة .. تعالي .. ابغيج بموضوع ..

ارتجفت .. مت من الخوف .. هزيت راسي بلا .. لا اراديا .. رجعت ورا .. وركضت بقوة لغرفتي .. من جافني بدر .. فز من مكانه بيلحقني .. صرخت بخوف ... ركضت بااسرع ماعندي ,..بس للاسف .. توني باقفل الباب .. الا بيد بدر تمنعني ..


صرخت مرعوبه وخايييفه .. قعدت اصيييح بخوووف .. مسكت رقبتي .. ميته من الخوف .. دزيت الباب بقفله بس دزاه هو بقوة بالنسبه لي .. فترنحت وطحت ع الارض .. ارتجفت وبديت ازحف للسرير وانا اصيح بقوة منهارة .. خايفه .. مسكت رقبتي وبديت اطالعه برعب حقيييقي..


قرب من عندي


هني صحت وصرخت بااعلى صوتي


وتهاوى جسمي على الارض .. وماحسيت بشي بعدها ...؟؟


..............


"حمدة "

صحيت مزعوجة من صوت الموبايل .. رديت ع الخط وانا مب مصحصحه تمام : الو ...؟!

هدوووء من الطرف الثاني : ........................................

فتحت عيني .. وتثاوبت .. طالعت الشاشه ؟؟ من ...: الو ....؟؟

نفس الشي هدوووء : .............

عقدت حياتي وعويت حلجي ؟ وصكرت الموبايل .. ورديت باارقد .. بس شكله اليوم فيه شي .. انفج الباااب بقووووووووة ... وسمعت صوت نشيط يسحب الفراش من علي وهو يقول :: يالله يا حلووو .. قوووومي ...

فتحت عين وحدة وانا اقول : عفاري بعدين بعدين ..

عفاري قالت بحماس : يعني ماودج تشتغلين ..

فتحت عيوووني بقوووة : والله؟؟ حميــد لقا لي شغل؟؟ وين ؟؟ ..

ضحكت عفاري وهي تقول : قصيــت عليج .. بس بغيت تقومين من النوم ..

عقدت حياتي وجفتها بعتب : دبوووه .. والله عبالي صج ..!

ضحكت عفاري من يديد بصوت عالي

فلعتها بالمخدة الصغيرة .. الحمدلله نفسيتي تحسنت شوي .. اليوم بيكمل خامس شهر على رحيل الغالي .. يالله الايام تركض بسررعه ..!!..
قالت عفاري : حميد لقا لج شغل |..

ماعطيتها اهتمام .. بس قمت من سريري توجهت للحمام .. تغسلت وبدلت .. وبعدها طلعت ومشطت شعري … وعفاري تحوس بموبايلي .. وهي تقول ..: رن تيلفونج 3 مرات ..

وجهت التيلفون لويهي .. طالعته مب مهتمه .. ويوم طالعت الرقم .. بديت اصحصح .. هذا الرقم مهب هو الرقم الي مساعه دق علي؟؟ .. عقدت حياتي افكر .. ورديت امشط وطالعتها من المنظرة وانا اقول : رديتي؟؟ ..

ردت تتعبث بالموبايل وقالت مب مهتمه : اي بس كان هدوء .. وصكروا بويهي بعد !! ..

ضحكت على تعابير ويهها وقلت : يمكن مغلطين ؟ !

قالت بغيض: اشدعوه مغلطين متصلين ثلاث مرات .. ماعلينا "قالت بجديه" ترا صج حميد قدم اوراقج وقبلوج ..؟

قلت : عفاري لعبي غيرها ..

قالت بجديه: لا والله .. من صجي ..

قلت بفرح : يعني بشتغل .. صج عفاري ولا تجذبين علي وتسوين مقالبج المعتاده

ضحكت عفاري بصوت عالي .. فلعتها مقهورة : جفتي اعرفج انا

ردت تضحك وهي تقول : لا والله هالمرة مهب مقلب .. صج .. قبلوج فالاتصالات .. قسم الحريم..

استانست : والله ؟ .. يارررربي فدييييييتج عفاااري ..

عفدت عليها ابوسها .. اما هي ماتت من الضحك وبعدها قالت : لا لا انا هالشي مايرضيني .. ابا عزيييمه ..

قلت بوناسه : افا عليج تستاهلين ؟.. وين تبين .؟؟

ضحكت وقالت : مووووول الاماااااراااااات .. وبـ نودي شموس ويانا اوكي؟..

قلت بوناسه: امررره تم ..


وعلى جذي اتفقنا نروح موول الامارات .. كانت هاذي الطلعه اول طلعه لي من .. بعد .. وفاه ابوي … وخالد(وخروجة من حياتي) !


…………

"علي"

اليوم هو اخر يوم لي فالامارات .. يت هني بناءا على مشاريع الشركة .. وقررت مدام اليوم اخر يوم .. قررت اخذ لي جوله بالسيارة .. ويا اصدقائي "خليفه&حميد"


خليفه : اوف ياريال .. انزين تم 3 ايام زيادة شبيضرك يعني اذا بقيت عندنا؟؟

ابتسمت وانا اقول : والله يا خليفه الشركة تحتاجني .. وبعدين خلاص ماشبعتو مني ؟؟

رد حميد وهو يلف السكان : والله يا علي انت ماتنمل .. اشفيك مستعيل ليش ماتتم 3 ايام مثل ماقال خلوف ؟ واذا عن الشركة يابوي انت المدير وبكيفك تغيب محدن بيحاسبك ..!

طالعت برع .. انا ابغي شي يشغلني مابي اكون متفرغ .. لاني اذا تفرغت باتذكرها .. لا ياعلي انت من اسبوعين متجاهل التفكير فيها .. استمر بشغلك .. لا تسمع لهم .. : عليك نور .. محد بيحاسبني بالشركة صح .. بس الله يحاسب .. وانا ريال يحب يتقن شغله ..

ضحك خلييفه وهو يقول لـ حميد / اقول حميييدو هذا راسه يابس .. ودي اعرف عيال قطر شالي ميبس روسهم؟؟ لايكون هذا وراثه فيكم هههههههههههه

ضحك حميد وقال : اي والله صادق .. ياخي عنيدين ماينقدر عليكم

ضحكت وياهم وانا اقول: حشا احنا مانعرف العناد ولا ندله .. بس سمعت انه مدينه موجودة عندكم فالامارات

ضحك خليفه وضرب جتفي : يارياااال خلك من هالكلام .. وقول لي .. اشلونها حياتك بعد الحرمه ؟؟ ..

اختفت الابتسامه تدريجيا .. بس كثر ماقدرت احافظ على نهايتها ..: والله ماشيه الامور ..

قال خليفه بحكمه : ياعلي .. جوف؟ .. انا مب وياك ولا وياها .. بس لا تظلمها .. ترا ابغض الحلال عند الله الطلاق .. انت فكرت ..

هزيت راسي .. اسمع له .. بس حميد شكله تضايق من السيرة .. وتبون الصج انا بعد .. انا بعد تضايقت ..

قال حميد مقاطع / خلووف خلك من الريال ماتجوفه شقا تضايق ؟

حاولت ابين العكس واني ماتضايقت وحاولت ارسم ابتسامه على شفتي .. بس لقيت انه صعب صعب حييل علي .. وظليت ساكت مب قادر انطق

قال خليفه : والله يا علي مب قصدي اضايجك .. بس .. والله حالك مهب عاجبني .. يمكن انك ظالم الحرمه ؟ .. او ...

قاطعته وانا ازفر بضيج : انتهى الموضوع يا خليفه .. وخلاص .. انا عفتها .. والله يستر عليها ..

قال خليفه: بس ..

قاطعه حميد هالمرة معصب : خلووف انطب .. يالله نزلو .. وصلنا ..

سكت متضايج .. مشيت وياهم صوب مخيم الشباب .. وتجمعنا كلنا حوالين النار .. الي يشعر .. والي يلعب بته"بلوت-كود6" .. والي يلعب بالبطابط .. والي يشعر حوالين النار ..

سمعت واحد من الربع يشعر :



ليتك تموت الـــــــــــيوم وارتاح أنـــــــــــــا منك ...
يرتاح قلبن بالخيانه طعنتـــــــــــــــــــــــــــــه ..
ليتك تموت وبلون الأســـــــــــــــــود أكفنـــــــــك..
واطوي معك صفحة عذابن رسمتـــــــــــــــــــــه..
ليتك تموت وداخل القبر أنا ادفنـــــــــــــــك ...
وادفن مع الجثمان جرحن جرحتـــــــــــــــــــه..
ليتك تموت ومحدن درى عنــــــــــــــــــــــــك..
غير الخفوق اللي وفالـــــــــك وخنتـــــــــــــــه..
ليتك قبل ماتموت في صدرك أطعنـــــــــــــــك..
وأصيــــــــــــــح بأعلى صوتي وقول حقي اخذته..
يلعنك قلبي والاحاسيس تلعنـــــــــــــــــــك..
يلعنك دمعن صادقن لك نثرتــــــــــه..
جننتني ياجعل ربي يجننـــــــــــــــك..
لا وحسايف ليلي اللي سهرتــــــــــــه..
منت بكفو قلبن له سنين صــــــــــانك..
منت بكفو اللي من اجلـــــــــــــك فعلته..
غدار .. خاين خنت قلبن مأمنـــــــــــــك..
قلبن عطـــــــــــــاك الحب وبيدك ذبحته..
وش موقفك لوكنت انا اليوم خاينك
وش شعورك لو فؤادك غدرته..
للامانه "مااعرف اسم الشاعر "
يابها ع الجـــــــرح .. والله ..
ابتسمت وانا اقول بمرارة ارد عليه .,,
وخنتيني .. !!
بعد عامين ..
نسيتيني .. !!
و ياما قلتِ لي تبقين ..
على عهدي ..
قبل عامين ..
تصوني الوعـد ..
تصونيني ..
و إذا ضاقت بك الدنيا ..
و تنكّر أقرب الخلان ..
تلجْـئي لي ..
و ليه اليوم خنتيني ؟؟!!

***

يا أول خطوة بدروبي ..
و أجمل من لفى صوبي ..
نعم مشتاق لك بجنوووون ..
نعم محتاج لك مليوووون ..
تعالي إنشلي قلبي ..
من حْطام الهجر ساعة ..
تعالي كفكفي دْموعي ..
و لثمي نفس ملتاعة ..
أنا في بْعادك أتـألّـم ..
و ماني قادر اتكلّم ..
أخاف يزلزلك حزني ..
و تبكي ..
و أنا ما اتحمّل دْموعك ..
و لكن بسّ جيت اسأل ..
إذا هُو يْحقّ لي أسأل ..!!
ليه اليوم خنتيني ؟!!

***
أنا اللي كنت لك مرسى ..
و شاطي من عشق و احلام ..
و لو عنّك أغيب اف يوم ..
تحلفي الكوووون ذا يقسى ..

تقولي هات لي وردة ..
و حطها بْغرْفتَـكْ .. تذكار ..
و كلْما شفتها بْعينك .. تذكّرني ..
أنا صدقيني ما أنسى ..
ترى صوتك معي باقي ..
و هدايا العيد ..
و اشعارك ..
و تعليقك على اشعاري ..
و دهن العود .. و السبلة ..
و عطرك أحتفظ باسمه ..
و بعد هذا .. تخونيني !!

***

هجرت قطر "عمان" لاجل انسى ..
لاجل اقسى ..
و قلت : الغربة بتْـنَسّي ..
و صرت اتوهّم النسيان ..
و أثاري الغربة تدمي الجرح ..
تزيد الشوق ..
و لو تنعاني الغربة ..
محال انها تنَسّيني ..
و صرت اليوووم أتـألّـم ..
و أشيل الآآآآآه و اتـرنّـم ..
و يخنقني ذا السؤال المرّ ..
ليه اليوووم خنتيني ؟؟!
"للشاعر : حمدان الغيثي .. موادع ."

الشباب صفروا بقوة : صح لسانك ياريااال .. والله قووويه ..

ابتسمت بحزن … وخليفه طالعني بااسف .. هزيت راسي بأن ماصار شي ..

بس الشباب خذوني من عالمي الحزين وابتدو يغنون .. واندمجت وياهم … ونسيت لولوة .. اقصد تناسيتها !

قال حميد .. إنت مو قد الكلام كل يوم و لك كلام
إنت تلعب بالقلوب إنت جاهل بالغرام

رد وافي وهو يضحك :تظلميني يالحنون و إنتي قلبي والعيون "هني رمش حميد بعيونه وضحكنا كلنا .. بس رد وافي يكمل"
إسمعي عذر إبتعادي و بعدها قولي أخون …. هز راسه وافي يمثل الاسى..

رد حميد وهو يصد عنه ويطالع فالسما انت مو قد الكلام كل يوم لك كلام
انت تلعب بالقلوب انت جاهل بالغرام ..


رد وافي وهو يمد يده فالسما : إبتعادي و اللي صار صدقيني و بإختصار
هي ظروف و عاكستني مالي فيها أي قرار

كش حميد بيده وهني كلنا ضحكنا :إبــتعد عني بعيد ما أبي حـــــــــــــبك يزيد
الهوى شوق و عذاب و إنت مو داري أكيد

ورد حميد يكمل وهو يحط يده على عيونه وخده وبعدها اشر على وافي بغيض:
إنت شخص بلا ضمير لا تحب و لا تغير
أنا مثلك ما لقيت لا كبير و لا صغير

مثل وافي انه مصدوم ومتأثر وهو يأشر على صدره :ما أصدق مستحيل هذا قلبك أو بديل
كيف غروه العواذل و إتهمني بلا دليل

رجع حميد لف ويهه عن وافي :إنت مو قد الكلام كل يوم و لك كلام
وافي بعد صد عنه وهو يقول :دام قلبك غيروه إنتهى كل الكلام

بعدها ضرب صدره حميد جنه حرمه : ايه يا واد انته عاوز تتجوز عليا لاااااااااءه دنا نبوووووووويه ولا بلاااش ...

ضحكنا كلنا وانا قلت : صح حميد تعطيني مفتاحك ابغي اسوي كم شغله ..

ضحكت وانا اجوف تعابير حميد الي جنه صدق انه حرمه من جد وحميد قال : ماشي علوه تسمعنا شي قبل لا تمشي

ضحكت وانا اقول زين اسمع : ..


سمعت آخر خبر وش صار؟؟
تبين صاحبي غداااااااار
وانا اللي هالك (ن) نفسي
وعليه من العيون ااغاااار
ولا أدري شالذي صابه؟
صحيح ان الزمن دواااار
أحيده كاتم أسراري
وأنا مثله كتمت أسراااار
وأنا اذكر بيني وبينه
عهد نكمل به المشواااار
صحيح ان الزمن قاسي
وكل يوم يجيب اعذاااار
أعز الناس يخدعني
وبدل غير داري دااار
أبسأأأل ابسأل .. ابسأل منهو الوافي؟؟
اذا الوافي طلع غدااااااااار
"جمعه بن نايم الكعبي"

صفروو لي .. وقال خليفه : لالا علوه قمت تخورها اليوم

ضحكت باالم .. واشرت عليهم اني رايح اكمل شغله وبرد لهم يمكن بالليل .. كانت امسيه شعريه روووعه .. استااانست فيها وايد .. تنهدت
وانا امشي متوجهه لسيارة حميد الي عطاني مفتاحها .. كان قرار يلمع فبالي .. ليش ماابقى فالامارات هالفترة ..!؟



…………




"ساره "

قاعدين نتمشى فحديقه زعبيل .. صراااحة روووعة رووووعة رووووعه الحديقه .. هاي الحدايق مب حديقة البدع ولا مستانسين عليها بعد احنا خخخ .. انا وعذوب وعليا ونيلا وسلوي كنا نتمشى ويوسفوه ويانا بعد .. وكل ساعه متعلبج بياهله الا ويلعب وياها .. وصيح 3 يهال بمرتبه شرف .. يوم اقول هالولد شيطان ...! على منو ظاهر ماادري ..<يعني اني بريئه مااسوي هالحركات خخخ .. اكيد من ابوه .. ولاعمته المحترمه الي هي انا مالها خص فهالسوالف لوول

:عذوب ..

طالعتني : هممم ؟ ..

قلت بتردد: زرتو روضه؟

طالعتني فترة .. ودمعت عيونها .. وهي تقول : عورت قلبي يوم جفتها .. طاحت دمعتها واحمر ويهها وارتعشت شفايفها الصغيره .. تخيلي .. سقطت .. وو عندها كسور .. ومااظن حالتها الجسديه احسن من حالتها النفسيه .. كله حزينه .. وماتتكلم .. عيونها ترسم مأآآسي ياساروه .. غطت عذوب ويها وهي تصيح بمرارة .. عورت قلبي .. سلوى صاحت وياها .. ونيلا تأثرت بعد وحتى عليا .. قلت اهدي عذوب .. عذوب خلاص لا تصيحين .. ان شاء الله سعيد بيعرف قدرها

صاحت عذوب وهي تقول : متى يعني بيعرف قدرها يوم بتموت؟؟ .. وردت تصيح ..

شديت على يدها وانا اجوف سلوى تصيح وياها وااشر على سلوي واقول لنيلا وعليا : الحين نسكت عذوب ولا نسكت السيل الي عندنا

سلوي عصبت وضربتني وهي تمسح دموعها

وضحكت عذوب وبعدها ضحكنا كلنا :هههههههه
ير يوسفوه عبايتي وشلته ابوسه وهو ابعد ويهه عني بضيج

قالت سلوى باانحراج: يالخايسه اشحقه تتطنزين ؟؟

ضحكت وانا اغير جوهم :الحين عذوب متضايقه وتصيح تقومين انتي ىتصيحين وانتي ماتعرفين السالفه؟؟

قالت سلوي ببراءة وهي تنشف اثر الدموع: عورت قلبي وهي تصيح !! صحت وياها


ردينا ضحكنا من يديد .. مشت عذوب وهي تأشر على مكان وتقول .. تعالو نقعد ..

قلت لسلوي وانا اقعد واقعد يوسفوه فحظني اما هو فكان منحاس ويصيح :ماااااااا أأ .. هئ"صاح"

وقعد يضربني .. قلت وانا اتطنز : وي وي وي احضروا عند يوسفوه احضروا .. رقدته على الحشيش وانا اقول : هد هد .. ياريال هد .. بو يعقوووب


وهو يتعافر بالحشيش ويصيح بصووووت عالي .. وانا كنت اضحك وانا احاول اهديه .. وهو يصيح اكثر من يسمع ضحكتي ..

عذوب قالت : حراام خليه

نقزنا يوم سمعنا صوت ريال يقول بحزم : خليــه يا بنـــت النـــاس ...!

انصدمت .. وهذا اشدخله .. امسكه ولا اهده كيفي ..؟ بس صوته يخرع .. عشان جذي يوسفوه فلت من يدي ..وراح للريال وهو يمسح دموعه .. ياربي هالولد بيينني .. اشعرفك فالريال تروح له .. ياربي شالورطة ..

ابتعد الريال .. وهو شايل يوسفوه .. امتلت عيني بالدموع .. وين رايح يوسفوه .. ويا الريال .. وياريت نعرفه بقول معليه .. مانعرفه ولا لنا خص فيه ..

عذوب وقفت باانفعال وهي تقول / روحي اخذيه .. لا ياخذ الولد .. ويروح من يدكم ..

وقفت بسرعه ورحت ورا الريال بسرعه وبلا شعور : يااخ .. ياهي .. ياانت ... هد الولد اقولك..


وهو كان يمشي .. مطنشني .. ويكلم يوسفوه الي شايله بيد وحدة واليد الثانيه يأشر على اشياء ثانيه ..

سرعت خطواتي اكثر وركضت يوم حسيته بيبتعد .. وقفت جدام الريال بسرعه .. وانا تنفسي مب منتظم .. : خل الولد ..

سمعته يقول ليوسفوه بحنان : حبيبي هاي من؟؟ ..

رد يوسفوه بحقد : ئمة تالووووه طالعني بحقد وصد عني لجهة الريال .. يه ؟!!

قال الريال بااسف: اها .. ان اسف .. بس جفتكم تصيحوونه وتضحكون .. توقعت انه ضايع وطاح بين يدينكم يالبنات .. وانتو ماتعرفون الرحمه لا على صغير ولا كبير ..!!


طالعته مفهيه .. فاتحه حلجي وعيني .. هذا شيقول ؟؟ .. الحمدلله والشكر .. شكله معقد هالريال .. ظليت منصدمة واطالعه .. وبعدها قلت بعصبيه : لو سمحت نزل الولد ..

اطاعني بكل هدوء .. نزل يوسفوه .. وانحنى .. ثنى ريله وانحنى لمستوى يوسفوه وهو يبوسه : خلاص حبيبي .. انا بروح .. "باسه ودخل يده فثوبه .. الفتحه العلويه.. وبعدها دخلها بالمخبي اليمين واليسار .. لي ماابتسم .. وعطاه .. حلاوة " يوسفوه .. صرخ مستانس الله يفشله ..

بس قال يوسفوه : توكلااا " شكرا"

داعب خده بحنان وهو يقول بنفس طريقته : عفووا

باسه من يديد .. ووقف .. وقالي بعصبيه وحزم : مرة ثانيه خلي عندج مشاعر !!.. وتراه ياهل ..

صد عني .. وابتعد وبعدها التفت وهو يلوح ليوسفوه بـ " باي" .. اما انا اطالعه وانا فاتحه حلجي منصدمة

انيريت من يدي بقوه وهمجيه .. التفت .. للحظة توقعته منصور رد لطبيعته وجافنا .. ولكن كان ... كان .. سالم !!

هذا شيابه الحين .. شيبغي ؟؟ وليش ماسك يدي .. يريت يدي بعصبيه .. وسمعته يقول بعصبيه وصوت حاد : منو هذا؟؟؟ .. ليش واقفه تكلمين ريال .. انتي ماتستحين .. ماتخيلين ؟؟ ..!! ..

فتحت حلجي برد .. هذيل شفيهم علي؟؟ .. اشجايفيني مااستحي وقليله ادب ؟؟! ..و توني بانطق بس رد بعصبيه وبهجوم غير متوقع : ان جفتج مرة ثانيه يا ساروه ويا ريال .. ولا تحاجين احد ..والله والله وهذاني احلف .. كسرت راسج سامعتني؟؟ .. مسك يدي بقوه وهو يييرني لـ جهة البنات البعــــــــــاد واااايد .. حتى كنت بطيح ..

ويوسفوه من جاف سالم يصرخ ابتدى يصيح .. شلت يوسفوه بغيض وانا اقول لسالم : انت مايخصك .. سامعني ؟ ..

هجمت يده على جتفي بطريقه رجفتني وهو يصرخ : والله ياساروه ان مارحتي من عيني هالحزة لا تجوفين شي ماجفتيه فعمرج كله .."دزني وهو يكمل" انجلللللعي .. !! ..


عصبت .. انا انجلع ؟... بس خفت ومشيت بكل عصبيه وانا اسكت يوسفوه الي دافن راسه بصدري ويصيح ..

اما سالم جفته متوجه للريال الي ابتعد واااايد .. وبالاحرى .. كان سالم شوي ويركض .. للحظة خفت .. خفت يسوي شي هالمينون !! ..

رجعت للبنات وانا ارتجف .. وهم يقولون لي .. ساروه .. اشفيج ؟؟ .. خذتي يوسفوه .. وعليه ليش يصيح .؟؟ .. الله من معطك حلاوه يا حلو ..


كنت ساكته مغيضه ومابي ارد ؟؟ لاني راح انفجر .. من هو عشان يتحكم بحياتي ويصرخ علي .. الخايس السخيييف .. عديم الذووووق .. والادب ..


انتبهت على صوت عذوب تقول : يالله نمشي؟ ..

هزيت راسي بـ تفهم ووقفت .. شهقت بخوف : وينه يوسفووووووووووووه؟

ضحكت سلوى وقالت : لا .. الاخت كانت فعالم ثاني .. اشفيج ؟؟ .. منصور وماجد ياو وخذوه ...!


عقدت حياتي .. لهالدرجة كنت سرحانه وماانتبهت ..؟!

رجعنا البيت مقررين فالليل نزور روضــه

.................
..

بعد يومين من الاحداث ..

بالتحديد .. يوم ملجة سعيد ..

الساعه "التاسعه والربع صباااحاَ"

يغط فنومة عميييقه .. طبعا .. اليوم بيملج على " شمسه" .. الي حبها من اول نظره .. بنت حبوبة .. والاهم جميـله .. ومثقفه<بنظره ..والاهم والاهــــــــــم دلوووعه
صحيح ان روضه جميــــــــــــله .. بس ماتهتم بنفسها .. ماتهتم بجمالها مثل شمسه .. ودايما شكلها عادي .. عمرها ماتأنقت بشكل مبالغ فيه .. خاطره بهالشي .. بس كان يستحي يقول لها .. يستحي .. يطيح من عينها؟؟ .. كانت شمسه هي الي فرضت نفسها عليه .. بنت دلوعه جمييله كاااشخة المكيااج مايطيح من ويهها ..


بتخليه يادهينه لا تنكتين .. رن جواله .. صحاه من حلمه الي رسماه ويا شمسه .. فتح عين وحدة بتعب طول ليله يفكر بـ شمسه .. حمدان وحمده .. وروضه الي شكلها مايبشر بخير؟؟ .. طالع الشاشه .. بعد ماسحب الموبايل من الكوميدينو ..



"شمس دنيتي"



بمعنى اصح



"شمسه"





(انتهى)