مذهله
دلو
زهورة
اه يازمن

مشكووووووووووووووووووورين حبيباتي على الردود والله اني طرت من الفرحة على ردودكم

ولعيونكم اليوم الجزء اليديد
اتمنى ينال استحسانكم .. ردود اخرى افتقدتها .. اتمنى ماتطولون علي


الجزء الخامس
(الحفنه الخامسه)

سلوى

الملل محاوطني .. امي كالعادة ببيت وحدة من زوجات الوزراء .. وهي هناك .. بغتني اروح وياها .. بس مااقدر احس بنخنق زييااادة بروحي مو طايقه شي.. تصدقون احس هالاجازة غير بتكون .. احس بتكون ونااااااسه .. خصوصا ان سروي بتكون ويانا بنفس البيت .. ياااااي .. والله اكشن .. ياترى سروي شلون عايشه الحين؟ .. عرفت بمرض منصور؟؟ .. شلون تتعامل معاه؟؟؟ .. اوففففف .. انا اعرف سروي تكره منصور .. اكيد الحين مطينة عيشته .. تعرفون سروي كانت تكره منصور وسالم من صف سادس ماادري ليش؟؟؟ وقبل سنة بالضبط كرهها زاد لهم ليش؟ او شالسبب مااعرف؟؟ .. وحتى سالم ومنصور يكرهونها كره العمى .. اتذكر شكانو يسون فيها .. اصلا منصور كان يكرهها من صف 3 لان عمتي كانت تلعب سارة .. ومنصور كان متعلق بعمتي بشكل ماتتصورونه .. حتى انه كان يحبها اكثر من امي .. اصلا .. اصلا .. يوم توفى يدي .. عمتي انهااارت .. واطلعت من بيتنا .. وراحت بيت عمي بو ماجد .. فكان صعب على منصور انه يفارق عمتي بعد ماكانت ساكنه ويانا ويقعد معاها ليل ونهار .. قام يروح بيت عمي .. بس عشان يشوف عمتي .. وكانت المفاجأة ان عمتي بدت تهتم في سارة .. وهالشي الي حسس منصور بأن سارة خذت عمتي منه .. بعد ماكان طفلها المفضل صارت سارة مكانه .. هالشي اثر على منصور بشكل كبير .. خصوصا انه كان ببدايه مراهقته وانا وسروي كنا للحين صغار .. غمضت عيني على ذيج الذكريات الحلوة .. يوم كنا نختلط ويا عيال عمي ..
بس بعد سنتين يوم رحنا انا وسروي الصف الخامس مااعرف اش صار بس ابوي ماقام يروح لبيت عمي مثل قبل وحتى احنا ماقام يخلينا نروح عندهم ليل نهار مثل ماكنا دايما نروح .. لا قمنا نروح لهم مرتين بالاسبوع ثلاث ساعات .. وبعدين قلت الايام .. وحتى السااعات قلت .. عشان جذي هالشي اثر في نفسنا كلنا .. كنا واااايد متعلقين بعمي .. كنا نحبه واااايد .. لانه كان وايييد طيب .. وايحبنا وايطلعنا .. ااه ياعمي .. ااه ياعمي .. رحت وانت مريض .. صج ياعمي فقدناك ..
قعدت اصيييح .. انا اكثر وحدة كانت تحب عمي .. كنت احبه وااايد .. اكثر من أي احد من اخواني .. وهو كان يحبني وااايد وابدا مافرق بيني وبين سارة .. عمي كان بنظري ملاك .. مب انسان .. كنت احسه ابداً مايغلط .. دايما يفكر .. وهادي .. ابدا مب متهور .. مايغامر بأي شي .. قمت بهدوء من على سريري .. على عكس الي احسه .. مشيت لدرج .. خيالي .. فتحته سحبت دفتر كبييييييير .. او بالاحرى البوم كبيييييير .. فتحت اول صفحه .. مسحت دموعي .. وضحكت .. كانت صورة ساروه .. وشعرها الكيرلي يتطاير فالهوى .. وحاطة يدها على عينها .. وتصييييييييييييح .. وخشمها احمر وسلوم ماسك شعرها ويضحك .. ضحكت ههههههه .. مت من الضحك هالصورة ابدا ماانساها .. كنا هني ببيت يدي .. يوم كلنا كنا عايشين هناك .. امي ماادري ليش كانت تكره يدي .. ويوم احنا بالدار كانت تسبه وتلعنه .. وماكنت تداني عمتي ولا حتى خالتي ام سارة .. كانت تكرههم .. وااايد .. مااعرف شالسبب .. فريت الصفحة .. وجفت صورتي وانا ابتسم ببراءة وحذاي ثاني وماجد وساروة كانت قاعدة عند ثاني من الجهة الثانيه ومبوزة .. هههههههههههه كان شكل سارة يضحك هههههههههه ياريتكم بس تشوفونه .. يوم كانت صغيرة بالصف الرابع كانت مليانه شوي .. وخدودها صايرين حمرررررر وشعرها كان منسدل وطايح مثل شعر الصينين الي يشوف شعرها وهي عمرها 4 سنين مايصدق ان هاي شعرها .. كان كييييييييييييييييييييييييرلي بس الحين صاير سيييييييييدة.. والي يجوفني قبل مايقول هذي انا كنت .. حلوووووووووة .. كنت احلى البنات .. احلى من ساروة واحلى من سلطون(اختي سلطانه) واحلى من غدور (غدير اخت ثاني عيال خاله سارة )
صح كنت مبهدله بس كنت حلوة واايد .. ابتسمت .. وقفت وجفت نفسي بالمنظرة .. للحيني حلوة .. بس احس قبل كنت احلى ..

سمعت صوت المؤذن .. قمت من على الارض .. وخليت الالبوم مفتوح ..

رحت توضيت ..وقريت ادعيه الوضوء .. طلعت من الحمام .. فرشت سيادتي .. لبست جلال الصلاة .. وقعدت اقرا سورة يس .. احب هالسورة واااايد تشرح نفسي .. صليت وبعدها قعدت اقرا الادعيه الي بعد صلاة الظهر

دعاء تعقيب صلاة الظهر
" اللهم صل على محمد وال محمد .. لا اله الا الله العظيم الحليم .. لا اله الا الله رب العرش الكريم .. الحمدلله رب العالمين .. اللهم اني اسألك موجبات رحمتك .. وعزائم مغفرتك .. والغنيمة من كل بر .. والسلامة من كل اثم .. اللهم لاتدع لي ذنبا الا غفرته .. ولاهما الا فرجته .. ولا سقما الا شفيته .. ولا عيبا الا سترته .. ولا رزقا الا بسطته .. ولا خوفا الا امنته .. ولا سوءا الا صرفته .. ولا حاجة هي لك رضا ولي فيها صلاح الا قضيتها .. ياارحم الرحمين .. امين .. يارب العالمين .. (تقول عشر مرات ) بالله اعتصمت وبالله اثق وعلى الله اتوكل ..اللهم ان عظمت ذنوبي فانت اعظم .. وان كبر تفريطي فانت اكبر .. وان دام بهلي فانت اجود .. اللهم اغر لي عظيم ذنوبي بعظيم عفوك .. وكثير تفريطي بظاهر كرمك .. واقمع بخلي بفضل جودك .. اللهم مابنا من نعمه فمنك لا اله الا انت .. استغفرك واتوب اليك "

بعد ماصليت ودعيت وقريت قرأن صكرت سيادتي .. وقمت من عليها .. شوي سمعت دق على الباب .. قلت وانا مستغربه .. :تفضل؟؟

طل علي ويهه الوسيم : شتسوين؟؟

ابتسمت .. يوووه .. من زمان مادق علي الباب او حتى تعنى لداري غالبا اشوفه وهو طالع ولا داخل او اوقات على الغدى : تفضل سلوم ...

دخل بهدوء وجاف الغرفه باستغراب واعجاب: اوووه مغيرة الديكورات ولون حجرتج؟؟

طالعت الغرفه .. مامغيرة شي .. شفيه خرف؟؟ .: مو مغيرة شي .. نفس الاثاث ماغيرته


عقد حياته : امبلا .. كانت غرفتج ورديه .. اجوفها الحين زيتونيه؟؟؟

تذكرت وابتسمت: اوووه صباح الخير اخ سالم .. مغيرة الاثاث من سنتين ونص !!

ابتسم : اها .. والله توني ادري

جفته بحزن .. ليش من متى احنا ندري عن بعض؟ .. كل واحد يخش بقلبه وكل واحد هو فمكان والثاني بمكان ثاني .. مع ان يجمعنا بيت واحد .. هه .. ياخسارة .. ياخسارة .. : اها ...

طالع سريري .. وقال لي : شكنتي تسوين؟؟؟

هزيت جتفي بملل: امممم صليت والحين يايه ايمع الصور

دش غرفتي وصكر الباب .. وتوجه للسرير: صور؟؟ .. رفع صورة وحدة : اوووه صورنا ههههه

قعد على السرير .. ابتسمت له .. ورحت له وقعدت عنده .. اشرت على الصورة الي بيده : تتذكر هني؟؟

ضحك سالم:ههههههه ايه ايه يوم كنا بالبحر؟؟

ابتسمت: ايه هههههههههههههههههه

ضحك معاي وقال: يوم تسوين روحج منقذه واول ماتدشين فالبحر والماي يلامس ريولج قعدتي تصارخين وتصيحين ههههههههههههههههه


ضحكت:هههههههههههههههه بس عاد بلا طنازة

ضحك سالم .. ورد مسك صورة ثانيه .. كانت صورة عمي ضام سارة الي مسوين شعرها الناعم عجقتين(جديلتين) وخصل كثيرة فارة من شعرها .. وحاطة يدها على عين وحدة .. وشكلها بتصيح .. ولعبتها بيدها ماسكتها بااهتمام ونص يد اللعبه منقصه وبيد سالم .. وعمي بو سارة كان ضام سارة بحنان وهي شكلها تشتكي له عمله سالم فيها

ضحك سالم: هههههههههههه جوفوا جوفوا الدلوعه .. كانو مدلعينها على الفاضي ..

مسكت الصورة : اجوف الصورة .. جفت الصورة وابتسمت .. : كنتوا وايد تحاربونها وتضربونها انته ومنصور .. تذكرون شسويتوا فيها عند البرجة

ابتسم سالم وجنه حاس بتأنيب الضمير: اييه يوم دزيناها انا وومنصور

قلت بحزن على هذيج الايام الحلوة : ههههه كنتو غيورين بس والله حرام عليكم خرعتونا زين ما ماتت البنيه

ضحك سالم:هههههههه لا تخافين هذي من 7 ارواح

مسك سالم صورة بس مااعرف ليش ملامحه صارت جامده فلع الصورة على الصور وماقدرت اميز أي صورة كان ماسكها .. جفته قام وقال لي بغيض: اذا مايمعتي هالصور وشققتيهم انا بشققهم سامعه ..


طلع من غرفتي ثاير ومعصب ..

اعوذ بالله .. شفيه هذا .. شجاف


مسكت الصور وقعدت ادور عليهم .. لقيت صورة حياة وسالم وسارة وهم يضحكون .. اوووه .. امبيه انا شسويت .. حرام علي ... كانت صورة حياة وضحكتها ناضخة بحيوية ولمعه عيونها الفرحانه تعطي احساس للواحد بكثر فرحتها ..وسارة تاكل الايس كريم ونص الايسكريم على ويه سالم الي كان يصرخ بانفعال.. امتلت عيني دموووع ..ياربي .. صج الانسان عنده ذكريات حزينة واليمة ..


طفرت دمعه من عيني .. انا متى راح اصير قويه لي متى انا ضعيفه وحساسه وعلى كل شي اصيح .. شي راح وانتهى .. من ... من اكثر من سنين طويله .. يالله ياسالم شكثر ظلمت في حياتك اشكثر .. مواقف واايد مرت بذاكرتي وماكان مني .. الا اني اصيح بحرارة ... يارب تسامحني على الي سويته الحين يارب ..


^^^^^^^^^^^
سارة


فتحت عيني على عيونه الناعسه العسليه .. يالله شكثر حلو لونهم .. لو بظل طول العمر اجوفهم مابشبع من لونهم لونهم غريييب عسلي على لون ممزوج بحمرة ببدايه البؤبؤ ونهايه القزحيه خطوط بنيه فاتحه مخليه عينه لون عسلي صافي نقي .. ابتسمت له .. ادري اني مارقدت ادري اني غفيت .. من التعب ..

انحرجت وقعدت بسرعه وقلت له بحقد: ليش جذي تطالعني؟؟؟

طالعني باستغراب: شلون؟؟؟

سكت وهزيت ريولي بغيض وحاولت اهدي نفسي .. كنت ساكته واطالع بالفراغ


سمعت صوته : سارة تدرين تذكرت منو هذاك الريال الي كان واقف وياج عند البحر

طالعته بااستغراب .. أي ريال؟؟ .. اييييييييييييه .. يوم راح يجوف الطراد .. وخلاني على الحصايه .. صح صح .. تعالو هاي للحين يفكر بذاك الريال؟؟ ... صج عقله عقل ياهل اذا جاف شي لازم يسأل مليون مرة لين يعرف ذاك من .. وانا شعرفني .. : من؟؟؟

منصور: اتعرفين اخوي سالم


يستهبل الاخ؟؟ شلون مااعرف اخوه .. حسيت اني احقد عليه بزيادة .. سالم اكرهك .. اكرهك .. بسببك فقدت اغلى ناسي .. : ايه ..

منصور : هاي رفيجة .. تذكرت .. قبل يومين جفته في .. في ... ضرب على يبهته .. وقال بيأس : نسيت@@@


والله خوش سويلم مطرش القذارة ربعه يراقبونا والاخ بيي باجر عشان الطراد .. لا بالله .. تهنيتي ياسارة ..

قلت : منصور .. مابي اركب الطراد

طالعني : ليش؟ اتخافين؟؟

كنت بقول لا .. بس فضلت اقول : أي ..

عقد حواجبه: اها .. خلاص بقول لسالم

حسيت بالملل يحاوطني .. احين بالله عليكم هاي ثاني ماادري ثالث يوم للعروس وهي منحبسه بالشاليه ومب متهنيه ولا تعرف شي .. ياربي والله .. مسكت الجريدة .. قريت شي .. خلاني اصرخ حتى ان منصور نقز ههههههههههههههه .. وطالعني بفجعه .. ضحكت على شكله: ههههههههههههههههههههههه

طالعني بخوف وقلق: شصاير؟؟؟

مت من الضحك : باجر بيعلنون نتايجنا .. ياربي خايفه منصور ..

هههههههههههه الذكي عباله خايفه من حرامي ولا شي .. يه قعد عندي ومسك يدي : لاتخافين سارة اذا صار أي شي بتصل للشرطة

وااااااااااااي مااقدر امسكوني .. شلوه عني بموت:هههههههههههههههههههههههههههههههههههههههههههه .. منصـ ههههههههههههههه منصور انا مب خايفه هههههههههههههههههههههه من شي .. ههههههههه خايفه ههههههه من النتيجة ههههههههههههه

ابتسم منصور بهبل : اها ...بس ليش خايفه؟؟

ضحكت ه:ههههههههههه اخاف ماايب نسبة حلوة ...

منصور: اها ...


قلت وانا ابتسم: ادعيلي منصور ايب نسبة حلوة

ابتسم: ايه انزين

حسيته مب فاهم .. ضحكت ضحك هههههههههههههههه .. بعد ماسكت استوعبت انه للحين ماسك يدي ... تفشلت .. سحبت يدي بسرعه .. ووقفت ..

منصور: ملل صح؟؟

ابتسمت ايه صح .. بس شرايك نسوق السيارة على رمل السيلين ..

منصور: من يسوق؟؟

دقيت صدري: افا عليك احم احم معاك المحترفه سارررررررة

منصور باستغراب: اتعرفين اتسوقين؟؟.. شنو يعني محترفه؟؟

ابتسمت بخبال وانا اركض للغرفه : بعدين بقول لك ..

صكرت الباب بالقوة وقفلته فلعت نفسي على السرير وناقزت عليه بوناسه .. ماادري ليش حسيت بالفرحة مرة وحدة .. وبسرعه طلعت لي ملابس رياضيه .. بانطلون ابيض سبورت فيه خطين على الجانب اليمين باللون الوردي .. لبست وياه بدي لونه برتقالي فيه اصفر ووردي وابيض بالخرابيش وقلوب وحركات خبله..نص كم .. .. جفت نفسي بالمنظرة شكلي كان يضحك ههههههههه .. شلت الشباصه الي ماكان لها داعي لانها كانت بتطيح .. وشعري اغلبيته مفتوح .. يعني مالها فايدة لوول .. مشطت وكنت قاعدة اصكر شعري باحكام عشان ماينزل وسبعين مشباص مطلعته جدامي عشان اثبت شعري
سمعت دق الباب وتخرعت وانفتح شعري كله لاني ماقدرت اربطة فتحت الباب كان منصور .. طالعني بااستغراب اكيد مستغرب من خبالي مايعرفني اني اموت بالرمل وحركات السيارة عليه ياربي بتخبل .. كل ماارفع خصله من شعري تطلع الثانيه تمللت .. مسكت شعري بدفاشه .. ماايي الا بالتكفخ هههههههههههه

مسكته بالقوه وكنت بربطة باحكام بس منصور مسك شعري وقال لي : تبين اصكره ..

صرخت فويهه يوم جفت شعري طلع من قبضه يدي الصغيرة .. : منصووووووووووووور شسووووووووويت .. اوفففففففففففففففففففففففف

جافني منصدم .. وبعدين قال باعتذار : اسف اسف مب قصدي كنت بساعدج .. جنج متوهقه

عقدت حواجبي بعصبيه وضيق .. احين من ساعه وانا احاول اصكره وايي هالشيخ وايخرب علي كل شي .. عصبببببت .. فلعت الشباصه على التسريحه بغيض .. وجفت نفسي بالمنظرة معصبه .. شوي واذبح منصور .. وبلحظة غيض مسكت الشباصه وجفت منصور الي قعد على السرير .. توجهت لعنده بعصبيه ..
وقعدت على الارض وانا ماعطته ظهري وقلت بعصبيه : صكر شعري مثل ماخربته .. الحين


طالعني وجنه متوهق : انزين ..

مديت يدي له بالشباصه .. مسكها وقعد يلملم شعري .. يمسك خصله وتطلع الثانيه .. لانه ناعم وااااايد وغير هاي قاصته الكوفيرة مدرج عشان جذي كان يطلع


قهرررررررررررررررررني يوم حاول ايمع شعري وماعرف وقال لي : انزين شلون اصكره مااعرف


عصبت بجد وصرخت عليه : منصور بس الي اتعرفه اتخرب .. خربت حياتي وخربت عيشتي .. وخربت نظامي .. وخرب كل شي حلو بحياتي ..كل شي .. كل شي .. انا اكرهك منصور ..اكرهك

طالعني منصدم .. وقال بأسف : انا اسف ..


طاالعني بعتب .. وطلع من الغرفه بسرعه مثل مادخل ..

صرخت بعد ماطلع : احسسسسسسسسن فككككككككككه

رميت الشباصه بقوةعلى السرير .. وقعدت على السرير .. وغطيت ويهي بيدي .. ونافخت بقوة .. وبعدها بدقايق .. حسيت اني كنت مبالغه بردة فعلي .. صج مايسوى عليه .. امبيه انا شقلت له .. مسكت خدي بندم وعضيت على شفتي السفليه .. انا شقلت شهببت .. لطمت خدي بخفه .. وبسرعه طلعت من الغرفه بدون مااهتم لشكلي او حتى بالشباصه الي تهاوشنا عليها .. اول شي طاحت عيني عليه الصاله .. كانت فاااضيه والدرايش مفتوحة والهوى يداعب الستاير يرتفعون دقايق ويخمدون دقيقه .. هالمنظر اثر فيني ذكرني بحياتي المختبصه مرة راكدة ومرات هيجانه .. مرة فرحانه ومرات كثيرة تعيسه .. انا ليش جذي؟؟ ليش جذي حياتي؟؟ .. معقوله انا شخصيتي جذي مااعرف اتصرف ومستعيله وبس .. وفوضويه؟؟ .. تذكرت منصور .. دورت فالمطبخ بالصاله .. بالغرف الثانيه مالقيته ..

فتحت الباب .. طليت .. مالقيته .. رحت للدريشه ازحت الستاير .. بعد ماله اثر .. والبحر هايج على الشاطي ويطغى عليه .. حسيت بالندم والخوف .. وين راح ؟؟ .. ياترى وين راح .. وين وين .. بروحه فاقد ذاكرته .. ومايعرف شي ..

دب بقلبي الرعب .. ومت من الخوف .. اذا صار فيه شي ابدا ماراح اسامح نفسي .. امتلت عيني دموع .. يمكن يغرق .. يمكن ينخطف .. يمكن يدعم .. يمكن يمكن يمكن .. شسوي ياربي شسوي ..

مشيت للباب فتحته .. ورحت بفتح الباب الزجاجي عشان اطلع ادوره .. حاولت افتح الباب طلع مقفول ..

وين راح؟؟ ... ليش قفل الباب .. ياحسرتي .. انا شسويت ..

ليش سويت جذي .. ليش؟ ليــــــــــــش؟؟؟


^^^^^^^^^^^^^

لولوة

قاعدة بصمت والظلام محاوطني .. وهاله النور الي منبعثه من بين اطراف الستاير الفخمة منطبعه على جهه وحدة من ويهي .. اجوف الظلام واحس انه يمثل حياتي .. قعدت افكر انا ليش حياتي جذي؟ ليش انا الوحيدة الي مب سعيدة .. ليش على الرغم من اني سعيت للفلوس وحصلت عليها مااحس بسعادة تغمرني .. ليش؟؟ .. مديت يدي للنور .. وسحبتها بسرعه .. شالسخافه الي قاعدة افكر فيها انا؟ .. انا سعيدة سعيدة .. من يقول اني مب سعيدة .. انا عايشه عيشه الملوك .. وبسعادة كبيرة بعد .. هه .. فكرت ازور اهلي .. من زمان مارحت عندهم من 3 اسابيع تقريبا ..

تحركت من السرير .. ورحت غرفه الملابس .. وطلعت لي تنورة فخمه بلون الفيروزي .. ومعاها قميص كحلي غاااااااامج وفخم مطرز بطرايز بسيطة بس ماعطته فخامة كبيرة .. اول مرة البس شي بهالبساطة .. وبهالالوان .. دايما البس الوان حيوية ومثيرة .. مااحب هالالوان يمكن لانها تذكرني بحياتي السودة .. اووووهووو ... ورديت اقول السودة بالعكس بالعكس مافي حد بقدر سعادتي ..

مشيت مثل الطاوس ... وذيل تنورتي الطويله خلاني فعلا احس نفسي مثل الطاوس .. جفت نفسي بالمنظرة .. كحلت عيوني الوسييـــــعه .. وحطيت لي عدسه بلون البحر .. مسكت الاي لاينر وخطيت خط ضعيف من بدايه عيني وبديت اعرضه من النهايه .. طبعا بعد ماوزعت الكريم الاساس الابيض والشدو الكحلي والفيروزي على عيني .. حسيت الكحل الغامج صغر من حجم عيني .. مسحت بدايه عيني وتكحلت بلون ابيض من البدايه.. ونهايته دمجته ويا كحل كحلي .. مشت الماسكرا بنعومه على رموشي القصيرة وطولتهم وعطتهم رونق يبهر العيون .. مسكت الفرشاه ومسحتها بهدوء على خدي طبعت لون مورد صافي لبشرتي البيضه .. مسكت الروج .. وحطيت لون وردي هادي .. زيدته بكميه بسيطة بنفس اللون كبرت من حجم شفايفي .. حطيت عليهم لمسه من الجلوس الشفاف خلاهم يبرقون مثل الزجاج الي عليه نور .. مشطت شعري بسرعه ولاني امس كنت مرولته فكان طالع يهببببل .. مسكت شباصه صغيرة جمعت فيها قدلتي كلها ورفعتها على شكل نفخة وخليت شعري ينساب بحريه على جتوفي .. جفت نفسي وابتسمت راضيه على شكلي .. مشيت بغرور لين وصلت لصندوق الذهب والالماس .. قعدت ادور على شي فيروزي .. احترت بين ثلاث اطقم لبست واحد منهم كان رهييب .. جفت شكلي مرة اخيرة .. طبعت بوسه فالهوا لنفسي .. لبست عبايتي المفصصه .. وشيلتي رميتها باهمال على راسي .. مسكت جوالي .. مالي بارض امسك بيدي شنطة .. ناديت الخدامة تشيل شنطتي .. نزلت على الدري .. والخدامة وراي تشيل شنطة يدي .. وانا انزل بغنج وغرور .. شفت علي قاعد وعاقد حواجبه متضايق .. ابتسمت له بااثارة .. وطالعني باانبهار .. لشكلي .. يمكن لانه اول مرة يجوفني بهاللون .. نادراً .. مالبس الوان غامجة .. احب الالوان المثيرة العنابي الاحمر الليموني .. دم الغزال اكثر لون احبه .. وعلي يحبه بعد .. ابتسمت له .. قلت للخدامة بخياس نفس: ودي شنطتي في السيارة وقولي للدريول يجيبها عند الباب

ابتسمت لي الخدامة بلطف : اوكي مام

تأففت .. اكره هالخدامة كم مرة قلت لعلي يطرشها بلادها بس هي كاسرة خاطرة على ايش ماادري .. عضيت على شفايفي واقتربت من علي وقعدت عنده ..وميلت راسي على جتفه: حبيبي ليش مهموم؟؟

ابتسم علي وعدل خصله شعري الي طالعه من تحت الشيله وغطاها وقال لي : سلامتج مافيني شي .. ها طالعه؟؟ ..

ابتسمت: رايحة ازور امي .. من زمان مازرتهم

ابتسم علي: اها .. الله يحفظج

اشفيه يبي الفكه؟؟ .. فشنو يفكر .. شالي شاغل باله .. معقول بكامل اناقتي وزينتي مااثرته ولا زيدت اهتمامه .. ولا حتى بين اعجابه ولا مدحهه .. حسيت بغيرة كبيرة .. ليش مامدحني .. اكيد حد شاغل باله .. شالي شاغله عني .. وملهيه؟؟ .. طالعت اضافري وتظاهرت بعدم الاهتمام .. : يالله تامر بشي ..

ابتسم بحزن : لا ..


اشفيه ؟؟ ياربي بموت واعرف ايش فيه؟ شلي مغيرة .. لايكون العيوز امه ردت اتحن على سالفه العيال .. اوووه من هالعيوز .. متى الله ياخذها ويفكني من اذاها .. قبل لا اقوم من عنده .. مسك يدي .. وباسها .. مااعرف ليش هالشي اثر في نفسي واااايد مع انه دوم يحبني ويبوسني على يدي بس مااعرف هالبوسه كان لها طعم وتأثير ثاني على نفسي .. حسيت قلبي بدا يدق اكثر من قبل .. بستة على خده وقلت وانا احس بهالمشاعر بصدق: احبك ..

قمت بسرعه من عنده لاني حسيت اللحظة صارت حميمة وانا ماابغي احبه .. وازعل اذا فقدته .. ابيه يكون انسان عادي .. عابر في حياتي .. مابي اتأثر بقربه وايد عشان جذي مشيت بسرعه للبوابه بدون مااهتم والقي عليه نظرة اخيرة ..

نزلت من على الدري ولقيت الخدامة تسولف ويا الدريول وتضحك.. عصبت وصرخت عليها .. اكرهها ياناس مااطيقها .. : يازفففففت انتي ادخلي داخل ياأرف الله يقرفج ان شاء الله

طالعتني برعب وبسرعه دخلت داخل .. مسكت بيديني بقوة ومشيت لباب السيارة بعد مافتحاه السايق .. دخلت السيارة وقعدت .. امرته يفتح المكيف والمسجل ... اشتغلت اغنيه شبابيه صاخبه .. فتحت الدريشه لين النص .. وفتحت شنطتي الي كانت ماسكتها الخدامة وطلعت المنظرة وقعدت اجوف مكياجي .. ضبطته وزيدت من الجلوس .. وقف السايق عند اكبر مخز حلويات وراح ياخذ الكيكة الي شريتها لبيت ابوي .. طاف شاب .. من عندي وطالعني باانبهار لكن سرعان ماطالعني باحتقار شديد .. وتفل على الارض وهو يمر من صوبي .. قهرني .. حسيته يقصدني بحركته .. الله ياخذه هالحقير .. ان ماوريته شغله بعد .. جا الدريول بعد دقايق ودخل الكيك جدام عنده .. ومشى لبيت ابوي ..


كنت اطالع الشارع بلا هدف رفعت الدريشه العاكسه .. اول ماوصلنا بيت ابوي .. افتريت وطالعت الشارع الرئيسي .. جفت بيت منصور الفخم .. وبسرعه صديت وانا باتسم . عندي بيت يامنصور يماثل بيتك فحجمة ويمكن بيتي اكبر .. اهلك مارضو فيني ليش اني بنت السفير السابق .. والي يعتبر مفلس على الاخر .. غطيت ويهي بشيلتي ماابغي اتمشكل ويا بدر اخوي .. امرت السايق ينزل الكيك .. مسكت شنطتي .. ودخلت داخل البيت

جفت بدر بالصاله .. اوففففففففففف .. تأففت بداخلي .. هذا وقته اشوف هالمعقد هالحزة؟؟ .. سلمت .. وقعدت بعيد .. طلعت لي امي الي لابسه جلابيه تناسب عمرها .. بستها فوق راسها وانا مستنكرة ملابسها .. كم مرة خيطت لها جلاليب يحلمون بيت بو منصور مثلها .. وهي ماتلبسهم ومخليتهم بالخزانة .. اوف تقهرني بملابسها هاي .. تحسسني اني يايه من بيئة معدومة .. ابداً ماعندها تلبس <طبعا لولوة تبالغ حبتين

فصخت شيلتي وعبايتي .. طلع بدر لانه كان مشغول حيل .. دخل الدريول وقلت لخدامة بيت ابوي تاخذ من ايده الكيك

امي : يمة لولوة حرام يجوفج الدريول جذي بكامل زينتج وبدون شيله وعبايه يايمة

طالعت امي بتأفف : يووووووووه يمة الا هندي .. شعرفه ..؟؟

امي : يايمة هندي يعني مب ريال

وقفت بعصبيه: كل ماازورج بتفتحين لي محاظرة وبعدين يمة وبعدين؟؟

كنت بصعد فوق بس خديجة مرت جاسم اخوي نزلت ..لو ماانزلت جان مت من الملل مع امي .. قعدت عندي .. قالت لي انها عازمة مرت محمد اخو منصور .. حسيتها فرصه اعرف اكثر عن منصور بعد زواجة .. ابتسمت .. خديجة رفيجة شهد زوجة محمد ..



^^^^^^^^^^^

سالم ...

قاعد فالكوفي شوب وفكري بعيد بعيد .. ابعد مايمكن انه يوصل تفكيركم له .. طالعت البنات حولي .. اعرف نفسي وسيم واجذب بنات وايد لجوفتي .. بس حسيت بفتور .. مالي بارض لهم .. ولا لسخافتهم .. رن موبايلي .. "لولو " يتصل بك .. اووووه شتبي هذي؟ .. بس تدرون الكلبه صارت احلى من قبل بوااااااااااااااايد شكل العز الي معيشها ريلها فيه مأثر على شكلها .. جفت فهد ولد خالي .. اقرب صديق لمنصور فالكوفي .. سلمت عليه .. وحسيت سوالفه ممله .. حياته روتينيه بين شغله كدكتور .. واهله .. مايعرف لابنات ولا شي .. غبي .. ههههههه .. والله غبي ملايين البنات ايونه عشان يتعالجون .. معقوله ماعجبته ولا وحدة فيهم ولا حتى رقمها
بصراحة مااصدق احسه يسوي نفسه مثالي وهو بعيد عن المثاليه .. هه <كل من يرى الناس بعين طبعه ياسالم

حكيت يبهتي بملل من سوالفه وسوالف رفيجة .. استأذنت عنهم ..

ورحت للكورنيش .. قعدت على السور الي مسوينه على البحر ..وتحتي الحصايات الكبار .. والموج هادي ويلاطم الحصايات بلطف ... رن جوالي جفت منصور يتصل بك .. رديت على طول .. قال لي انهم مايبون يروحون بالطراد .. اكيد السوسه مرته مابغت .. هين ياسوير تتحديني ها؟؟ .. الكلبه لو ماصارت حلوة لهالدرجة جان ماناظرتها .. بس احلوت .. احلوت وااايد واااايد .. بصراحة عجبتني .. ودشت مزاجي بالقــــو .. بس شكلها مب من النوع الهين .. الي يبي له تلين راس .. ماعليه ياسارة .. ماعليه .. انا لج وانتي لي ..

قررت اني اروح مسعيد وشاليهاته واتسلى فيها


((معلومة عن مسيعيد .. تبعد عن الدوحة حوالي36 كم جنوبا .. سكانها حوالي 1.6 % وبدأ بالزدياد .. وهي منطقه يوجد بها مصانع مختلفه .. الى جانب المنشأت العمرانيه والسياحيه ..شواطئها جميله ذات رمال ناعمه اهتمت بها دوله قطر فاصبحت من اهم المناطق السياحيه في دوله قطر .. <الي يزور قطر لايفوته السيلييييييييين ومنطقه مسيعيد .. ))


^^^^^^^^^^^^


سلوى

من الملل الي يحاوطني قمت فتحت الكمبيوتر .. وفتحت النت .. فتحت ماسنجري .. لقيت فطوم .. وجفت عندي اضافه .. حطيت اوكي ..

دخلت على فطوم .. وسلمت عليها .. كانت حاطة نك كئيب ..

..::]][[ هلي لاتدفنوني بقبر ولد عمي]][[::..

اهلين سلوي

..اضحك مع الناس كني رايق البال خالي .. والناس تحسدني وانا اموت بسكات

اهلين فطوم .. اخبارج؟؟

..::]][[ هلي لا تدفنوني بقبر ولد عمي]][[::..
زفت ..

.. اضحك مع الناس كني رايق البال خالي .. والناس تحسدني وانا اموت بسكات

افا ليش؟؟

..::]][[ هلي لاتدفنوني بقبر ولد عمي ]][[::..

(طرشت ويه يصيح ) لاتسألين ياسلوى لاتسألين وتزيديني جراح على جراحي

يه شفيها فطوم؟؟ طرشت لها .. شفيج فطيم تحجي خرعتيني؟؟

بس فطيم طلعت .. شفيها فطوم؟؟ شصاير .. ليش تصيح .. خسارة ماعندي رقم جوالها .. واستحي اتصل على البيت .. شسوي؟؟؟ ..

جفت مفتوحة محادثه ثانيه

::فهواج يابنت انا مغرم ::

هلا والله؟؟ ..

استغربت من هذا؟؟ .. او من هذي؟؟

...اضحك مع الناس كني رايق البال خالي .. والناس تحسدني وانا اموت بسكات

اهلين من معاي؟؟

::فهواج يابنت انا مغرم ::

معاج .. مجنون سلوى

.. اضحك مع الناس كني رايق البال خالي .. والناس تحسدني وانا اموت بسكات

عفوا؟؟؟شكلك غلطان

::فهواج يابنت انا مغرم::

لا مب غلطان مب انتي سلوى؟؟

امبيييييييييييييه هذا شعرفه بااسمي؟؟ .. اكيد حد يعرفني؟؟ من بيكون؟؟ .. من يطلع؟؟ .. لالالا اكيد وحدة من البنات تستعبط علي

..اضحك مع الناس كني رايق البال خالي .. والناس تحسدني وانا اموت بسكات

بلا سخافه من عاد؟؟

::فهواج يابنت انا مغرم::

قلت لج مجنون سلوى .. مجنونج ياحبي

مت من الخوف لاهاي شكله ريال .. لو بنت من بنات المدرسة ولا شيوم العبيطة بتقول .. خفت .. بديت ارجف .. من هذا الي يعرفني؟؟ .. ويعرف ايميلي .. ويعرف اسمي بعد ..!!

.. اضحك مع الناس وكني رايق البال خالي .. والناس تحسدني وانا اموت بسكات

سو لي ديليت وبلوك

جفته غير النك وحط

::فهواج ياسلوى انا مغرم::

اسف مااقدر .. قلبي مايطاوعني اعطيج ديليت ياقلبي

..اضحك مع الناس وكني رايق البال خالي ..والناس تحسدني وانا اموت بسكات

عيل انا بعطيك بلوك وديليت

::فهواج ياسلوى انا مغرم::

لاعاد سلوى لاتزعليني منج .. خلينا حلوين ويا بعض .. ولا يابنت سلطان بيكون لي تصرف ثاني وياج

دق قلبي بشكل جنوني ..ويدي بدت تعرق .. منو هذا .. وشعرفه فيني .. وشعرفه بااسم ابوي .. شيبي فيني؟؟

.. اضحك مع الناس وكني رايق البال خالي .. والناس تحسدني وانا اموت بسكات

شتبي فيني؟؟

::فهواج ياسلوى انا مغرم::

ولا شي .. سمعيني عدل .. اذا سويتي لي بلوك ولا ديليت .. واذا ماجفتج باجر على الساعه 4 العصر صدقيني ياسلوى ان حياتج بتنقلب ليل نهار .. وانا حذرتج ياسلوى ..

..اضحك مع الناس وكني رايق البال خالي .. والناس تحسدني وانا اموت بسكات

شبتسوي مثلا؟؟

عيوني انترست دموع .. منو هذا؟؟ ليش يهددني؟؟ انا شسويت له؟؟ ..

::فهواج ياسلوى انا مغرم::
ابوج الي مسافر لدبي مثلا بطقه اصبع ممكن اوديه بداهيه .. ولا اخوج منصور الي مب داري عن دنياه .. هههه ولا حتى عيال اخوج محمد .. عرفت ان هذول اقرب ناس لج .. لا وغير مرت اخوج .. سارة .. انا مو بس اقدر اخطفها؟؟ .. هه .. انا حتى الاعتداء ممكن الجأ له .. فـ انتي فكري لين بكرة الساعه اربع العصر .. اذا جفتج مادخلتي .. معناته انج تحبين انفذ هالمهمه.. واذا دخلتي بعرف انج ماتحبين انهم يتعرضون لامور تعرضهم للجنون

.. اضحك مع الناس وكني رايق البال خالي .. والناس تحيدني وانا اموت بسكات

انته واحد حقير

::فهواج ياسلوى انا مغرم ::

لالالاا بلا هالالفاظ .. ولا ترى ازعل .. وزعلي انا جايد .. على فكرة عيال اخوج محمد كأنهم تأخروا فبيت يدهم ام امهم؟؟؟

اندق الباب .. وسمعت الخدامة تقول ان السايق راح لبيت ام شهد وميرة ومنيرة مب هناك .. انصدمت .. يدي تجمدت على الكيبور .. قعدت اصيح .. معقوله هالحقير ينفذ تهديدة ..

بسرعه فتحت المسنجر الي صكرته والبلوك الي حطيته لهالحقير ..

..اضحك مع الناس وكني رايق البال خالي .. والناس تحسدني وانا اموت بسكات ..

شسويت فيهم .. وينهم؟؟

::فهواج ياسلوى انا مغرم::

دقايق ياقلبي ويكونون عندكم بالبيت .. بس هاه .. موعدنا بكرة الساعه اربع .. مجرد كلام على النت ماراح يضرج انتي فكري ..!!

بسرعه طلع من المسنجر .. الله ياخذك يالحقير .. قعجت اصيح بصوت عالي وطلعت بسرعه البيت خالي وهادي .. امي طالعه .. سالم راح الشاليهات .. منصور محد .. محمد فالشغل شهد طالعه بيت رفيجتها .. سلطانه بيت اهلها .. مجود اخوي.. بسرعه ركضت على الدري .. وانا اصرخ بجنون :ماااااااجد

مااااااااااااااااااااااااااااااااجد

ماكان موجود .. لبست شيلتي بسرعه .. وطلعت الحديق اركض .. ودموعي ماليه عيني .. جفت سيارة عند الباب .. نزلو منها ميرة ومنيرة وماجد .. غطيت شفايفي الريال الي كان يسوق السيارة رفع يده يسلم .. وطلع بسرعه .. ركضو اليهال لصوبي وركضت لهم .. ضميتهم ومت من الصياح ..

منو هذا .. شيبي فينا ؟؟ .. شسوي .. شالحل؟؟

معقوله هذا هو نفس الشخص؟؟ لالا مب معقوله هو توه مكلمني مايمديه يوصلهم ويروح وايي .. الحقير الكلب .. اكيد له سلطة .. شسويت انا بدنيتي .. ليش جذي ليش؟؟

^^^^^^^^^^

سارة ..

قاعدة على السرير واحاتي .. رايحة يايه .. صار الليل .. ومنصور للحين مابين .. ماعندي رقمة .. اخاف اتصل على سلوي واقلقها واخاف اتصل على مجود اخاف يذبحني لادرى بالي قلته ..
هزيت ريلي بتوتر .. وقمت بسرعه .. للدريشه .. الدنيا ظلام وما اقدر اجوف شي ..

رحت الصاله وانا دموعي شوي وتطيح من عيني .. بس للحينها متماسكة ومب راضيه تنزل .. منصور وينك .. وينك؟؟؟ .. الافكار تاخذني يمين ويسار .. حتى الغدى ماتغديته ولا حتى العشا .. خايفه .. وتأنيب الضمير ملازمني .. مب عارفه ايشسوي .. خايفه متوترة .. ومتلخبطة


رن التيلفون ركضت لعنده مسكته بيدي الي ترتجف .. سمعت صوت رجولي خشن : سارة؟؟

خفت لايكون صاب منصور شي رديت بسرعه: ايوه .. من؟؟ .. منصور فيه شي؟؟

الطرف الثاني : لا ابد تلاقينه بعد ساعه ساعتين بالكثير عندج ... هالكثر تحبينه ؟؟

شنو هالقله الادب هذي .. صكرت السماعه فويهم .. يعني منصور بخير مافيه شي .. ياترى من هاي؟؟ .. معقوله منصور ضاع وهم دلوه ... يمكن الجيران ولا شي؟؟ ..

قعدت انتظر وانتظر وانتظر



شوي



































































































الا اجــــــــــــــــــــــــــــــــوف سالــــــــــــــــــم ...











(ادري ان الجزء قصير بالنسبه لصبركم(بالنسبه للي قروا القصه قبل ) بس والله ضاغطة على روحي قبل امس خلصنا واليوم وامس كتبت لكم اتمنى منكم العذر والسموحة )

ان شاء الله يعجبكم الجزء ..
التكمله بتنزل الاسبوع القادم ..

دانة

تابع ..(الحفنه الخامسه)


(طفوله متأخرة)
سارة ..

قاعدة على السرير واحاتي .. رايحة يايه .. صار الليل .. ومنصور للحين مابين .. ماعندي رقمة .. اخاف اتصل على سلوي واقلقها واخاف اتصل على مجود اخاف يذبحني لادرى بالي قلته ..
هزيت ريلي بتوتر .. وقمت بسرعه .. للدريشه .. الدنيا ظلام وما اقدر اجوف شي ..

رحت الصاله وانا دموعي شوي وتطيح من عيني .. بس للحينها متماسكة ومب راضيه تنزل .. منصور وينك .. وينك؟؟؟ .. الافكار تاخذني يمين ويسار .. حتى الغدى ماتغديته ولا حتى العشا .. خايفه .. وتأنيب الضمير ملازمني .. مب عارفه ايشسوي .. خايفه متوترة .. ومتلخبطة


رن التيلفون ركضت لعنده مسكته بيدي الي ترتجف .. سمعت صوت رجولي خشن : سارة؟؟

خفت لايكون صاب منصور شي رديت بسرعه: ايوه .. من؟؟ .. منصور فيه شي؟؟

الطرف الثاني : لا ابد تلاقينه بعد ساعه ساعتين بالكثير عندج ... هالكثر تحبينه ؟؟

شنو هالقله الادب هذي .. صكرت السماعه فويهم .. يعني منصور بخير مافيه شي .. ياترى من هاي؟؟ .. معقوله منصور ضاع وهم دلوه ... يمكن الجيران ولا شي؟؟ ..

قعدت انتظر وانتظر وانتظر



شوي





الا اجــــــــــــــــــــــــــــــــوف سالــــــــــــــــــم ...


بسرعه ركضت لغرفه النوم انتبهت على شكلي .. شكلي بجد يخرع .. كان وحدة طالعه من القبر .. عيوني حمررررة .. لان ولا دمعه نزلت منهم للحين مصرات يبقون بعيوني .. لبست شيلتي .. وعبايتي .. طلعت جفت سالم مسترخي بقعدته على الكرسي وماسك الكنترول ويفرفر بالتلفزيون .. شلون دخل ؟؟ الباب كان مقفول؟؟ .. ياربي صج باتينن انا ..

شوي والا اشوف منصور يقول للخدامة تودي عصير لسالم .. فتحت عيني بكبرها .. منصور .. منصور .. منصور رد نفس ماهو مامتغير فيه شي غير نظرة الانكسار والالم بويهه .. بسرعه دخلت حجرتي .. الحمدلله .. الحمدلله .. مافيه شي ولاجان ماسامحت نفسي ابداً .. قعدت على السرير .. وقعدت افكر .. اذا كان ويا سالم .. من الي رد علي؟؟.. وين راحو .. وليش تأخروا؟؟ .. اسئله وااااايدة كانت ببالي .. بس ماعندي لها أي جواب .. حسيت المكان هادي برع بعد ماكان فيه صوت التيلفزيون .. مسكت شيلتي للاحتياط .. وطلعت برع .. لقيت منصور قاعد بروحه وريله ممدودة على الطاوله الي جدام .. ويطالع التلفزيون بهدوووء ..

شكله يكسر الخاطر .. والله حسيت نفسي مب بس نذله الا انذل من الانذال ..انا شلون جي عاملته .. والله حرام .. تسحبت بهدوء لعنده .. وانا خايفه من ردت فعله .. اما تكون رجعت له ذاكرته .. والله مب بس يلعن خيري .. حتى القبر مابيستقبلني .. مسكت اعصابي وقعدت عنده ناديته بصوت منخفض : منصور

ماادري ليش احبالي الصوتيه مب راضيه تتحرك عشان يطلع صوتي .. امتلت عيني دموع لما ماشفت منه أي ردة فعل .. انزين انا غلطت ويت اعتذر ليش جذي يسوي؟؟ .. مسكت يده ابغي اجذب انتياهه من التيلفزيون .. طالعني بعيون فارغه متسائله .. ماقدرت اتحجى .. انجبيت من سرحت بعيونه العسليه .. انتبهت بعد ثانيه انه يطالعني مستغرب .. ويمكن حاقد .. قال لي بصمت : مشكورة سارة .. كان على بالي انج تحبيني .. بس طلعت الحقيقه انج تكرهيني .. انزين روحي بيتكم اذا ماتحبيني ليش قاعدة عندي؟ ..

طالعت فيه .. اتأكد هذا منصور؟ .. شنو يبني ارد بيتنا .. شكله عرف معنا اكرهك .. صديت عنه حسيت عيونه العسليه تلومني .. مشيت بسرعه .. وتحركت للغرفه .. انبطحت على السرير بعد مالبست بجامتي الي كانت عبارة عن بانطلون طوييييييل ذهبي وقميص وسيع ذهبي .. انبطحت .. وظليت اجوف السقف .. وافكاري مشوشه .. انتظرته ايي .. اعرف انه يخاف يرقد بروحه .. ساعه ساعتين .. طول؟؟ .. وينه

طلعت برع الغرفه .. جفته على حالته .. ريله امددة على الطاوله وجسمة مسترخي على الكرسي .. ويد وحدة على بطنة والثانيه على يبهته .. رجعت غرفتي .. شكله مايبغي يرقد

انبطحت .. وصكرت عيني ابغي انام .. بس في شي بداخلي مو مخليني انام .. اوووووووفففف .. وبعدين .. ظليت اتقلب واتقلب واتقلب على الفراش .. احس جسمي تعبان وقلبي تعبان وعيني تعبانه .. ابغي ارقد بس مب قاادرة .. قعدت بيأس وانا انافخ واتنهد تنهيدة طويله .. جفت الساعه لقيتها 2 ونص الفير .. بااال من الساعه 12 وانا للحين اتقلب .. طلعت برع الغرفه .. جفت منصور على حالته .. رحت بتكلم وياه .. او على الاقل اغير القناة واقعد وياه نجوف شي عدل بدل الاخيار الي كان حاطها سالم قبله ..

قعدت حذاه على نفس الكرسي بس باخر الكرسي .. وقعدت افكر واعدل افكاري بأيش بابدأ وبأيش بانتهي .. اول شي بقول له اني كنت معصبه من شعري لاني عارفه هو اشكثر ناعم ومايتصكر بسهوله وشكثر اعاني منه يوم بصكره عشان جذي انقهرت منه يوم خرب علي .. طالعت بويهه وقلت : منصور انا بجد اســـ

سكت .. جفت عيونه الوسيعه مغمضه بهدوء .. ويده مرتاحة على يبهته .. ويده الثانيه مسترخيه على بطنه وعقده حواجبه تدل على انه مب راضي بنومته او نومته مب عدله .. هزيت يدة بهدوء .. ماقام .. ناديته يقوم .. بعد ماقام .. تخرعت .. بسرعه قعدت عنده .. وهزيته بقوة .. منصور .. منصور ... بعد مايرد .. تخرعت حسيت اني بصير مينونة .. ليش مايرد ... انترست عيوني دمووووووووووووووووع .. هو زعلان عشان جي مايرد .. ولا مريض .. ولا اشفيه .. قربت يدي لصدرة اليمين وقعدت ادور على نبضه وحده بس تقول لي انه عايش .. مافي ولانبضه .. دمعتين طاحو من عيني اليسار وتبعتهم دمعه من عيني اليمين .. تذكرت ان القلب موجود باليسار مب باليمين ارتاح قلبي ودورت على نبضات قلبه حسيت فيهم منتظمين .. وتوني احس انه يتنفس .. من الخوف والتوتر ماحسيت بأي شي ... رديت اصحيه .. منصور ... منصور

بس ابداً مايرد .. بصراحة عصبت .. وخفت افقد اعصابي .. هزيتة بقوة كبيييييييييرة .. بعد لا مجيب .. قعدت احركه واهزة بقوة .. بعدها جفت عيونه الوسيعه مفتوحة ولون عينه العسلي .. ارتحت .. قلت له : منصور روح ارقد بالدار بتتعب وانته راقد هني ..

طالعني بهدوء .. وهز راسه بطاعه والنوم لازال يغلبه .. قام من الكرسي ومشى ومرة وحدة صدم بالطاوله .. ركضت لعنده .. مسكت يده .. ومشيته وياي خطوه بخطوه وياه .. لاحظت انه يعرج .. شفيه؟؟ .. ماكان يمشي طبيعي مثل كل يوم .. قلت له يبدل وينام .. طالعني بتعب .. وهز راسه .. طلعت من الغرفه عشان يبدل .. دخلت لقته ماسك ريله وعرجته واضحه .. ساعدته يقعد ... كان يتأوه وهو يقعد .. لهالدرجة تعورة ريله .. من شنو تعورة .. كنت بسأله بس حسيته تعبان ومايقدر يتحجى .. ساعدته ينسدح .. وريله اليسار كانت تعورة واااايد .. طلعت من الغرفه تاركته وهو يطالعها .. رحت سويت له كمادات حارة .. وخذت له ادول .. ودورت على دهن ادهن فيه ريله الي تعوره .. كنت انا خبيرة بالتدليك لان ابوي كان دايما يتعب علينا من ريله لان عضله ريله اليمين كانت خفيفه .. دخلت الغرفه لقيته منبطح على المكان المعفوس الي كنت منبطحه فيه .. يافشلتي مااعرف انبطح مثل الاوادم والناس لازم اخرب ..مديت له الادول .. خذاه من يدي ومسك الماي الي بيدي وشرب منه بعد مابلع الحبه .. قال من دون نفس : شكرا

مارديت عليه وظليت اطالع ملامحهه المتضايقه .. قلت بمحاوله اني ارجعه مثل قبل : رفع بانطلونك بمسد ريلك اذا تعورك يهالدرجة ..

مسك ريله اليسار وقال بعناد: مابي .. ير الكمادة بدفاشه من يدي .. وحطاها على ريله تأوة شوي .. وبعدين تلحف ..

رفعت الفراش عنه منصور بلا عناد ..

قال بعناد: قلت لج مابي

طنشته وقعدت على طرف السرير .. مسكت ركبتة اليسار وحاولت ارفع البانطلون لركبته وكانت يدة الكبيرة تمنعني .. رفعت يده وقلت له بحزن: منصور لاتعاند ..

قال بعصبيه: انتي مايخصج

رفعت البانطلون مرة وحدة وهالني الي جفته صرخت بسررررعه وانا اجوف التشققات الكبيييييييرة الي بريله والدم الي متجمد عليها .. يدي ارتجفت .. وقفت من هول صدمتي .. وظليت اطالعه وعيوني تصبب دموع .. طالعته جفته يطالعني بقهر .. وغطى ريله وكأنه شي مشوه مايبغي احد يشوفه .. وخجلان منه .. تأوه وهو ينبطح من يديد .. وحط الفراش على ريله يغطيها مب قادر يحركها .. مب قادر حتى يغطيها ببانطلونه .. ركضت بسرعه برع وسويت له كمادة باردة بدل الكمادة الحارة الي سويتها ... جبت معاي مطهر .. قربت من عنده .. وقعدت على الارض .. هي مب من تخصصات العلمي حتى تعرف اشلون تتعامل مع جروح مثل هذي لكن عندها خبرة في التطهير .. مسكت القطنه وبللتها بخفه بالمطهر .. من جاف منصور المطهر ارتعب .. وصرخ عليها : مابغي مابغي ..

سارة : لا منصور لازم

منصور قال بخوف : مابي يعور مابي ..

سارة عضت على شفايفها شلون تتعامل معاه .. طاحت دمعه مالحة من عينها اليسار .. منصور .. حرام عليك بتلتهب ريلك ..

منصور هز راسه بعدم اقتناع: مابي

سارة مابالت بحجيه وبسرعه حركت المطهر على ريله وهو تأوة بالم وانفجاع من جرأتها بعد يدها بسرعه .. :قلت لج مابي


صرخت عليه وانا تصيح من الدم الي تفجر بريله لانه حط عليه شي حار ..:منصور حرام عليك .. قعدت اصيح حسيت اني السبب فهالشي .. سكت هو .. وانا كنت امسح بالمطهر على ريله كنت اسرق النظر له بين الثانيه .. واجوفه عاقد حواجبه بقوة وعيونه مصكرهم وماسك فخذه ويرص عليه بقوة .. بعد ما خلصت من المطهر لفيتهم بشاش وفوق الشاش حطيت الكمادات الباردة قلت بجنون : منصور ليش ماقلت لي؟؟ .. (طالعته وعيوني مليانه دموع) كنت بتنزف اكثر لو حطيت عليه شي حار ..

كان ساكت ويطالعني بعدين حرك نفسه بينبطح من يديد .. ساعدته .. وانبطح .. قال لي اصكر الليت لانه يبي يرقد صكرت الليت .. قعدت على السرير .. وانا عيوني تدور عليه .. لقيت حركته ساكنه .. مرت نص ساعه .. لقيته غاط بنومة فتحت الابجورة وخففت على اضائتها فصارت تبعث نور خفيف .. قعدت عنده .. ولحفته .. كان نايم بكل هدوء وبراءة .. ترددت وانا امد يدي لشعره .. لمست شعره وحسيت بخشونته .. ذكرتني برجولته الطاغيه .. الي يشوفه يتوقع انه رجل بمعنى الكلمة ورجولته طاغيه .. لكن اذا تحجى وياه وقعد معاه يعرف لاي مدى وصلت حالته .. سمعته يهمس بـ : لـ ـ ـ ـو ..لـ ـ ــ ـ ـو .. لـ ـ ـــ ـ ـتـ ـخلـ ـيـ ـنـ ـي ... انـ ـ ـ ا .. مـ ـ ,, آآه ..آآه

كان يهذي وايييد مافهمت منه شي .. واهاته تعور قلبي .. ماادري ليش قعدت اصيح .. بس فرغت كل شي بداخلي كان مكبوت .. طلعت من الغرفه .. لاني حسيت باختناق فيها .. طلعت جفت الدريشه كانت مصكرة .. شكل الخدامة صكرتها .. حسيت باليوووم يعصر معدتي .. بس اصريت اني اعاقب نفسي عشان مااعيد اجرح منصور .. كفايه الي قلته .. بس ليش سوا جذي بريله معقوله يكون مقهور وسوا جذي بنفسه .. معقوله يأذي نفسه ؟؟ .. باقي يومين ونرجع لهم البيت .. اول مانرجع لازم اروح لدكتوره النفسي .. لازم يخبرني عن حالته قبل والحين .. لازم ..

فتحت الدريشه .. هب الهوا وتلاعب بخصلات شعري الناعمه .. كرهت شعري .. يمكن لانه هو السبب بكل شي .. ويمكن نفسيتي الي كانت مضغوطة بشكل كبير كبير .. قعدت اتأمل الليل .. من الدريشه .. وفعلا الهوا كان حلو ويريح الاعصاب .. اول مرة فالصيف يكون الجو جذي حلو ومعتدل .. يمكن لان احنا صوب البحر؟؟ .. رنت الساعه وتخرعت جفت الساعه كانت 3 ونص الفير .. بعد ربع ساعه بيأذن .. فرفرت في التيلفزيون .. استقريت على مسلسل مصري كنت اتابعه من زمان .. انبطحت على الكنبه .. وقعدت اجوفه .. اذن .. قمت وقصرت على المسلسل .. رحت غرفتي توضيت وصليت .. رحت لعند منصور .. حاولت اقومة للصلاة بس ماقام .. خليته يرتاح واذا قام بيصليها قضاء .. يارب الله مايعاقبني بس انا قومته وهو تعبان .. قعدت عنده .. مسحت على راسه وشعره .. مسكين يامنصور .. مسكين ..

طلعت من الغرفه .. قعدت على الكنبه .. وظليت افر في القنوات لين استقريت على قناة انجليزيه .. رقدت وانا مب حاسه بنفسي ..


^^^^^^^^^^^^^

"لعبه الشيطان "

سالم ..

قاعد على سريري وافكر .. شكلها كان محزن .. عيونها حمررة .. شعرها الناعم مفتوح محاوط ويهها .. اول مرة اشوف شعر بنعومته .. تمنيت لو امسكه ..على الرغم من القلق الي كان مرسوم بويهها الا انه كان مثير وجذاب .. صكرت عيوني وصورتها مطبوعه فيها .. رن جوالي خرب علي خلوتي فيها .. جفت المتصل سارة رديت عليها وانا اتخيلها سارة الي ببالي .. اه ياسارة اه .. ياريتني مارديت ابوي وخذتج .. ولاياخذج منصور .. سرحت وظلت تناديني

:حبيبي .. سالم ...؟؟

فكرت وتخيلت اسمي يوم تنطقه سارة شلون بيكون اه ياسارة سرقتي تفكيري وعقلي .. صكرت من عند سارة وظليت افكر بسارة مرت منصور .. ياليت بس مارديت ابوي ياليت ..

يات فكرة على بالي


فزيت من فراشي .. وبسرعه رحت لغرفه سلوى .. جفتها نايمة بكل هدوء .. دورت على البوم صورها .. حست الغرفه ... مااعرف وين حاطته .. اخر شي لقيته بواحد من الادراج كان الدرج خياالي وعجييب وحلو .. كانه صندوق محمل بذكرياتنا وحتى العابنا .. ياحلوج ياسلوى .. بسرعه فتح الالبوم خذيت صور متنوعه بدون ماانتبه لها وتركيزي مركز على حركات سلوى خايف تقوم وتشوفني .. صكرت الالبوم وحطيته بهدوء مكانه بس طبعا الدرج تعفس ... دعيت ربي ماتنتبه له .. رحت لعندها .. بستها على راسها .. وهمست لها : فدتيني وايد ياسلوى احبج


طلعت من غرفتها ودخلت غرفتي .. حطيت صورها تحت مخدتي .. ورحت لجناح منصور كان جناحه بعيييييييييييييييييييييييييييييييييييييييييييييييد .. وكان بطرف بعيد جداً .. دخلت الجناح كان بالوان حيويه حلوة .. دخلت غرفتهم الرئيسيه .. جفتهم مبخرين ومرتبين الغرفه .. كانو ناثرين الورود المجففه على السرير الي كان فخم باللون الؤلؤي .. انقهرت وقمت بكل عصبيه وثيران نثرت الورود على الارض وبكل غيض تمنيت اشقق الشراشف المغطيه .. رحت للكبت بجنون ودورت على شي من ملابسها .. كانت الاغلبيه اثواب منصور .. فتحت الكبت الثاني .. جفته متروس ملاابس .. مسكت لي قميص اصفر يوصل لنص الساق كان معلق ويا جينز برمود فااااااااااااااتح .. يريت هاي اللبس .. ومسكت بجامة لونها برتقالي قصيرة يمكن توصل لثلاث ارباع الساق يريتهم وتحركت بسرعه طالع من قسمهم تارك فوضى على الارض والسرير .. وملابس سارة الي طاحت على الارض .. وابواب الكبتات مفتوحة .. طلعت بحذر من جناحهم .. ورحت لجناحي قفلته بسرعه .. ودخلت حجرتي


نثرت اغراضها .. وصورها .. وانا اتخيلها عندي .. شميت ريحه ملابسها .. مسكت بجامتها .. ورحت على السرير .. خليت البيجامه عندي .. وصورتها بيدي .. غفيت على صورتها وهي تضحك مع ثاني وسلوى و و حيـــاة وشعرها مفتوح وضرسها الي بالفك السفلي منكسر ..


^^^^^^^^^^^^^^^
يوم يديد .. واشراقه امل .. وبصيص من خيوط العنكبوت .. نقطع هالخيوط بااضافرنا بشراسه .. ندعي الحلــم .. واحنا ندوس عليه بكعب عالي ونهرسه بالارض ..

لولوة

طلعت من المستشفى وانا احس باارهاق .. وعلي نظرته خاليه من أي معنى .. دخلنا السيارة .. قعدت .. صج ان مستشفيات الحكومة لو تقعدين على الموعد للساعه 12 ماتخلصين من الزحمة .. اوفف .. جريت الغشوه من على راسي .. ونافخت .. حطيت وجه المكيف علي .. طالعت علي لقيته سرحان ويده للحين على مفتاح السيارة بعد مافتحها .. حسيت بالذنب .. مسكين هو يبغي عيال .. وانا ابلع بحبوب منع الحمل .. هه .. للحيني صغيرة ايش ابغي بالعيال وبلوتهم؟؟

:علي شفيك؟؟وين سرحت فيه؟؟

طالعني بنظرة فارغه ..: لا بس كنت افكر بكلام الكتورة .. معقوله من بدينا ناخذ العلاج وانتي ماقمتي تتحسنين؟؟

ارتبكت .. العلاج؟؟ اوووه .. انا حتى مااعرف وين حاطة دوى العلاج عشان افرغه قبل لا انكشف ..اول مابرد البيت بفرغ العلبه .. قلت وانا امثل اني مخنوقه: يعني انا شبيدي اسويه وماسويته؟ علاج وتعالجنا .. يعني شسوي اكثر ..

رصيت على عيوني .. وغطيتها .. شهقت شهقتين بعدين صحت .. تبون الصج كنت اصيح من صجي .. مب تمنثيل .. ماكنت اصيح عشان ماحملت للحين لا .. كنت اصيح على نفسي .. اصيح سعادتي .. اصيح حياتي .. اصيح مشاعري الي للحين ماقدرت اوجهها الوجة المناسبه .. علي صج طيب ومافي احسن منه .. بس مو قادرة مو قادرة ..

طالعني علي بأمل وهو متوقع اني اصيح على اني ماحملت : معليه حبيبتي .. احنا جربنا العلاج هني .. ونقدر نجربه برع .. العلم تطور .. كل ثانيه يكتشفون حلول يديدة .. لاتخافين صدقيني بنيب عيال

طالعته .. ماعرف ليش كسر خاطري وااايد .. يداريني .. ويخاف علي .. ويراضيني .. وانا ايش سويت له ايش؟ ليش مو قادرة احبه؟؟ ليش يوم احسه بياخذ غيري اطير الدنيا واقعدها .. ويوم هو بجنبي احس بنفور .. ومشاعر سطحيه عاديه باتجهاهه صح احبه بس كأخ عمري ماحبيته كزوج .. مب قادرة اتقبله .. ليش انا جذي ليش؟؟ ..

تعبت .. تعبت وانا اعيش الصراعات تعبت وانا اعيش الاهمال .. تعبت وانا ادور احضان دافيه وانا متربيه بحضن دافي .. تعبت ادور الحنان بقلوب باردة .. ليش مااقدر على فرقاه .. ليش مااقدر على فراق غيرة بنفس الوقت .. ليش اغار يوم اجوف اهتمام الشباب ببعض البنات وهم يهملوني .. ليش اغار من حب علي لامل .. ليش احقد على امل .. ليش احقد على كل خواته .. ليش مااحب امه الصدر الحنون .. ليش .. ليش؟؟


حياتي كلها اسئله محيرة .. انا ليش جذي؟؟

رن تيلفوني .. وارتبكت .. لايكون حد .. مابغيت افتح شنطتي .. بس علي قال لي : ردي؟؟؟

فتحت الشنطة بربكة وخوف .. وتوتر شديد .. لو انه كشفني .. شبيكون مصيري .. هالمرة دموعي نزلت غصب عني .. لو طلقني .. انا شلون بعيش بدونه شلون؟؟ .. انا مااقدر اعيش بدونة انا صح مااحبه .. بس بعد مااحب حياتي بدونه .. ليش هالتناقض ليش؟؟ ..

فتحت الشنطة جفت المتصل " امل " حمدت ربي مليون مرة .. الحمدلله .. الحمدلله .. ماطلع لي حد ثاني ..

قال علي : منو؟ ليش ماتردين

رديت بحبور: امل .. مو قادرة ارد عليها .. اخاف تحس اني كنت اصيح ..

ابتسم لي علي بمواساه ..وهو الي يحتاج من يواسيه .. مااعرف ليش شديت على يده .. كنت محتاجه لهاليد ياعلي يوم كنت صغيرة عمري18 سنة .. كنت محتاجتها توجهني يوم رافجت مشاعل .. كنت محتاجتها يوم يوم .. صحت .. وانا اتذكر هذاك اليوم .. يوم عمري ماارح انساه .. ابدا ابدا .. اليوم الذكريات تلعب فيني لعب .. مب قادرة اجمع .. لحسن حظي ان السيارة مخفيه ولا جان انفضحت .. معقوله لولوة القويه المغرورة الي ماتهزها شعره تصيح اليوم .. تصيح!!.. حاولت اقوي نفسي .. مابي اكون ضعيفه جدام أي مخلوق .. حتى علي .. مسحت دموعي بقسوه ..

لفيت ويهي عن علي وعطيته ظهري وانا اتأمل البحر الي وقف عنده علي .. شلون ماحسيت ان علي تحرك ويابني هني .. معقوله الذكريات خذتني لبعيد لبعيد ..

بعد ساعه او ساعتين مرت .. من بعد ذكرياتي الاليمة .. والحلوة .. افتريت لعلي .. لقيت يطالع البحر بهموم .. وعيونه تبرق بحزن .. مسكت يده .. وتأسفت: انا اسـفه ..

ابتسم يكابر الجرح الكبير الي بقلبه .. ومسح على شيلتي : ماعليج .. مسك يدي .. املنا بالله كبيـر ..

تغيرت ملامحهه الجامدة لبشوشه ..: شرايج نروح نتغدى (جاف ساعته المرصعه بالالماس ) تأخر الوقت نروح نتغدى بأي مطعم؟؟

كل مرة يسألني وياخذ رايي بالمطاعم الي نروحها بس هالمرة ابتسمت له: لا .. انته اختار وانا بيي وياك

جفته يفكر : شرايج نروح مطعم كنت اروح له بمراهقتي ؟؟

تحمست: اوكي؟؟

حرك السيارة .. وظليت اطالع الاحياء الي يدشها عشان يوصل للمطعم ..


^^^^^^^^^^^

"الدنيا لعبه قدر .. تحركنا بخيوط وهميه .. مرة تفرحنا .. ومرات تبكينا "

قاعده بكل توتر على المسنجر .. خايفه .. مرتبكة .. ولخوفها .. قعدت قبل الوقت الي حدداه لها بساعه كامله .. تفكر وتخطط .. ايش بتقول وعلى ايش ناويه

لسوء حظي دخل قبل الموعد بساعه .. ياني انقهرت .. ودي اذبحه واقصص لحمة بضروسي ..

"سحر حبك جنن جنوني "

هلا بقلبي

"الدنيا لعبه قدر .. تحركنا بخيوط وهميه"

وبعدين يعني بلا هالالفاظ!

"سحر حبك جنن جنوني"

نمشي .. شخبارج؟؟

قهرني .. الي يجوفه ولا يعرفه يعرف الخير؟؟ ..

"الدنيا لعبه قدر .. تحركنا بخيوط وهميه"

اخلص اشتبي مني؟ .. ليش قايل لي ادش؟

"سحر حبك جنن جنوني "

توء توء توء الي اعرفه انج رقيقه .. شالي قلبج دفشه؟ .. صرتي شيماء وانا ماادري؟؟

توسعت عيني بكبرها .. اكيد حد وياي بالمدرسة .. اكيد .. بس ليش يحقد علي لهالدرجة اوه قصدي تحقد علي .. اشتبي مني؟ .. شسويت لها .. انا مسالمة مالي دخل بحد بالمدرسة .. ولا اذيت حد ولا اذكر اني جرحت حد .. منو هذي؟ .. وشالي بيدها تسويه؟؟ .. معقوله يكون لها نفوذ كبير ؟؟... بس شلون اتأكد .. امس هددتني بسارة وميرة ومنيرة .. ومنصور .. منصور ! شلون نسيته .. ياربي .. لازم اتصل على سارة واعرف بطريقه غير مباشرة عنهم ..

"الدنيا لعبه قدر .. تحركنا بخيوط وهميه "

لا صرت سعودوه ..

اذا اعرفت سعودوه معناته انها وياي بالمدرسة .. واتعرفني زين .. زين مازين .. ولا من وين لها هالاخبار والمعلومات .. من بنته .. واخت من ؟؟ .. وبنت عم من؟؟ ..

" سحر حبك جنن جنوني "

هههههههه حلوة قالو لي عن سعود الي وياكم بالمدرسة .. ياربي ياسلوى اكتشفت انج خفيفه دم بعد .. مع ان قالو لي انج عمليه وجادة في اغلب الاحيان

قالو له ؟؟ .. يعني مب ويانا بالمدرسة .. زين من طرف من؟؟ .. لازم اعرف

" الدنيا لعبه قدر .. تحركنا بخيوط وهميه"

من طرف من انته؟؟

" سحر حبك جنن جنوني "

ماتعرفينها .. بس هي تعرفج .. اممم تقدرين تقولين .. عجبتيني .. وحبيت اعرف كل شي عنج!

عجبته؟ ليش الاخ من متى المعرفه؟ حتى اعجبه؟؟ .. ياربي شالسالفه مو قادرة افهم او استوعب .. احس نفسي بفلم هندي ؟ .. الاخ قاعد ويهدد باارواح الناس .. ليش مصخرة الدنيا؟؟ .. مافيها قوانين .. ولا عقوبات؟؟ ..< ياسلوى في ناس قلوبهم متحجرة مايهمهم احد اهم شي مرادهم الي يوصلون له .. وفي امثال كثيرة جدامج .. والاهم بعد وياج بنفس البيت ليتج تاخذين العبرة ..وماتكونين غشيمة وتضحين بكل الغوالي

قررت اطنشه .. لاني حسيت انه يكذب علي .. مستحيل انسان يقدر يأذي انسان ماسوى له أي شي ؟؟ يعني احنا مو قاعدين بغابه .. ولا بزمن الكهوف .. حتى بذيج القرون ماسوو نفس الحين ..

قلت بلا مبالاه

" الدنيا لعبه قدر .. تحركنا بخيوط وهميه "

اها .. ومن عرفتني عشان تنعجب فيني؟؟

"سحر حبك جنن جنوني "

اممممممم جفتج .. وعجبتيني .. ممممم تقدرين تقولين تصادفنا بفيلاجيو .. دعمتي قريب لي بالغلط .. جفتج من بعيد وعجبني احترامج وشخصيتج .. مممم .. وشكلج طبعا


شنو هالقله الادب شنو هذا يغازل بطريقه غير مباشرة يعني؟؟ .. وبعدين مااذكر اني دعمت حد بفيلاجيو .. شنو هذا يستهبل علي ولا يستهبل؟؟ ..

" الدنيا لعبه قدر .. تحركنا بخيوط وهميه"

شكلك شارب شي ولا مغلط ..

"سحر حبك جنن جنوني "

شارب حبج ياحبي هههههههههههههههههههههههههههههههههههههههههه

القـ.... الو.... قلـ.... حـ.... كل كلمات الدنيا الحقيرة شوويه عليه

صكيته بلوك .. وقعدت اسولف ويا رفيجاتي مب مهتمه لتهديدة .. فجأة نقزت وتذكرت ان نتايجنا بتطلع اليوم بالليل .. وباجر الصبح بيعلنون عنها بالجريدة ..

فتحت موقع الوزارة وقعدت عليه انتظر يعلنون وقت النتايج .. من بين انشغالي .. انتبهت على 5 رسايل لي على المسنجر .. اكيد شيوم لانها قالت لي بتطرش لي الصور الي طلبتهم منها "صور فساتين سهرات "


^^^^^^^^^^^^^^^^^

" خيوط الفجر تعطينا امل باشراقه جديدة بحياتنا"

قمت من الصبح متأمل خير هالمرة .. تمنيت الدكتورة تقول لنا ان لولوة حالتها تحسنت .. وحالة رحمها تقدمت عشان تقدر تحمل .. انا مااعرف ليش للحين ماحملت .. صار لنا سنة .. وشهرين .. وهي للحين ماحملت .. ماكانت مقتنعه بالحمل .. بس اقنعتها قبل 4 اشهر .. ومن هالاربع شهور واحنا نحاول عشان تتقدم حالة رحمها .. ويتقبل .. وتقدر تحمل .. بس للاسف .. حالتها تزيد اكثر عن اليوم قبله .. شالسبب مااعرف .. السبب مجهول ... والدكتور محتارة ويانا .. كنت شاك اول الايام انها ماتاخذ العلاج .. بس يحليلها ظلمتها طلعت تاخذه قبل لا انبه عليها حتى .. يالله متى باييب عيال ؟ .. يحملون اسمي .. واشلهم بيدي .. ابوسهم .. واحبهم .. اشتغل عشانهم .. وابذل كل طاقتي عشان اوفر لهم الفلوس .. مابخليهم محتاجين لشي .. مابعيشهم الحياة الي عشتها انا بدون اب .. مع زوج اب قاسي ظالم .. ابداً ماراح اعيشهم الي عشته ولا بخليهم يذوقون الي ذقته .. ولا بعامل امهم مثل ماكان يعامل زوج امي .. كان قاسي علي وعلى امي وااايد .. كان يمسيها بضرب ويصبحها بكف .. للحين كنت اذكر يوم كنت اقعد بزايه الغرفه اغطي ويهي واسمح لعيوني تشوفه بكل وحشيه يضرب امي .. وكنت كل مااقرب واضربه .. يفلعني على الطوفه لين ماتنهار قوايي الضعيفه جدامة .. بس يوم كبرت .. عرفت شلون اخذ حق امي وحقي منه .. تطلقت امي منه بعد 9 سنين من العذاب .. كانت اول سنتين اكثر السنين الي عشنا انا وهي تايهين .. هي انجبرت تاخذه .. وانا انجبرت اني اكون صبي عنده .. بعد ما كبروا خواتي الي منه .. طلق امي .. لانه شبع منها .. وتزوج وحدة ايطاليه .. وتزوج فوقها .. ببلدهم مايسمح ان الرجل يتزوج فوق مرته .. بهدلته وبهدلت عيشته دخلته السجون وجرجرته من محكمة لمحكمه .. كنت للحين بعمر ال 12 سنة .. وبعدها ماقمت اسأل عنه .. اشتغلت بشركة ابوي .. كنت ادرس النهار .. والعصر اداوم بالشغل .. تعلمت اصول الشغل .. وتعلمت من ابوي شلون احترم موظفيني .. لان احترامي لهم .. يخليهم يحترموني .. ياليت عندي ولد ولا بنت .. اصبح عليهم قبل لا اروح الشغل .. اوديهم الروضه .. واخذهم من المدرسة .. وافرح فيهم لاكبروا جدام عيني .. وركضوا يلعبون .. بلعبهم بالالعاب .. مابحرمهم من طفولتهم .. بوفر لهم كل سبل العيش والراحة .. وبعلمهم على النظام .. والدين .. بااهتم في مشاكلهم وبسمعها ... مابخليهم ينظلمون ابداً وانا عايش .. ولا بخليهم يعرفون معنى الضيم الي عشته ..

رحنا المستشفى .. وانا متأمل .. لكن كلام الدكتور حبطني وايد .. وااييد .. صعب انك متأمل وتتخيل .. وتتمنى .. تقوم وتمسي بأمل .. واخر شي تلقى هالامل مجرد وسيله لجذب الالم .. الامل والالم .. من نفس الحروف .. ابداً ماتختلف الحروف .. لكن الترتيب غير .. والي غير الترتيب غير المعاني الي تحملها كلا من الكلمتين .. ياااه .. مابتحسون بشعوري .. الا يوم تفقدون الامل ويحل محله الالم .. الالم .. مسكينة لولوة .. اكيد بتحس بالذنب .. ماحبيت احسسها بالذنب وانها ماقدر تحقق امنيتي .. حاولت اتساهل معاها .. ماابغي اظلمها .. او اجرحها .. خصوصا اني احبها .. هي ارق انسانه عرفتها بحياتي .. مثل النسيم .. عرفتها من اخوها بدر .. مرة شفتها معاه بالسيارة .. طبعا ماشفت ويهها لانها متغشيه .. بس قدرت المح تشكيله ويهها الدائري الابيض وعيونها الوسيعه بحجم متوسط .. وقسمها الصغير .. بتقاسيم شفايف صغيرة بلون التوت .. اعجبتني .. ولان اخوها بدر مافيه من احترامه والتزامة قررت .. اناسبه .. وانا فخور بنسبه .. مافي مثل اخلاق بدر .. صحيح .. في اشياء بلولوة كثير ماتعجبني .. بس احاول اغير فيها بالسياسه .. لاني لو تعاملت مع لولوة بعصبيه وبقوة بتتمرد احسها قطوة جميله .. خذتها للبحر تغير من نفسيتها التعبانه .. حسيت بالذنب .. وضميري انبني .. ماكانت تبغي تجي للمستشفى اليوم وكأنها حاسه .. ياليتني ماجبتها ولا جرحت احساسها ..

سألتها عن مكان نتغدى فيه .. وقالت لي المكان الي يعجبني .. فرحت وااايد .. لاني بجد حسيت انها المرة الي بتساعدني بمحنتي اذا طحت فيها .. ولامرة خذلتني .. كنت باخذها لمطعم كنت اروحة بمراهقتي .. بس غيرت رايي .. حسيتها مابتتقبل المطعم .. لانه بسييط .. ومتواضع .. . خذتها لمطعم هندي فخم .. اكله لذيــــــــــذ " رويال تندور" من اشهر المطاعم الهنديه .. المعروفه بشكلها الجميل المتناسق .. يجذب انظار الي جاينه .. بتشكيله هنديه .. وبخدمه ممتازة .. ماعدا الشي المزعج المكيف ماكان بارد .. يمكن لانه طلبنا اكل حااار عشان جذي نحس بالحر .. كان غدانا مصحوب ببعض الحجي البسيط .. احتراماً لنعمه الله .. بعدها .. قررت اخذها ادورها شوي على الكورنيش ..الي يعتبر من اجمل ملامح السياحة في قطر .. حيث الرصيف المعتدل الحجم .. واشجار النخيل الي تزين الكورنيش غير الحشيش الاخضر الي مغطي الارض .. ولا نسمات الهوا الي يوم تلاطم وجهك تخليك تحس بانتعاش .. ولا البحر الوسييييييع الي يستقبل هموم الدنيا كلها ..ولا العمارات الي تحاوط البحر .. تعطيه نور يبهر الانظار خصوصا بالليل .. الكورنيش ولا احلى بالليل والنهار " بصراحة كورنيش الدوحة بدون مجامله احلى كورنييييييييييش بالخليج لان قطر اهتمت من سنين طويييله بالكورنيش .. واعتبرته عنصر سياحي .. غير المطاعم الي بنتها على جانب الكورنيش "

تغيرت نفسيه لولوة بسرعه .. وحسيت بفرحة .. لاني قدرت اغير من نفسيتها ..


^^^^^^^^
(صراع مع الحياة)


...: شو بلاج ؟؟


...: ماشي .. اريد ايلس اروحي

.. : شو الي صاير زين خبـ

صرخت عليها بانفعال : اقولج ماشي ماشي .. شو ماتفهمين انتي؟ .. كيف تريديني افهمج؟؟

..حاولت تهديها وهي تضمها: خلاص خلاص بس لاتصيحين

صرخت عليها : كيف ماتبغيني اصيح .. وانا .. وانا مطلقه ..

وقفت بسرعه وتركت يدها الصغيرة : شوووووووووووووووو؟؟؟ .. مطلقه ؟؟ .. حمدوه انتي شو يالسه تخرفين؟؟؟

صاحت حمده وهي تغطي ويهها وتقول : ماعرف شو يالي صاير فيه .. خذت عقله اللبنانيه .. ماعاد يباني .. عافني ياعفرا عافني ..

دمعت عين عفرا على حال ربيعتها وبنت عمها حمدة .. معقوله وحدة بعمر الزهور بمثل عمر حمدة تتطلق .. وبدون سبب ؟؟ .. مستحيل : حمدوووووووه خبريني .. شو يالي صاير

صاحت حمدة وخبرتها كل شي صار


وكان هناك زوجين من الاذن تسمعهم .. وفتحت عيونها بكل وسعه .. حمدة اتطلقت؟؟؟ .. كيييف!!! .. ظلت هالزوجين من الاذن تسمع الي صار .. وبعدها احساس اوحى له بان الغرفه هدت .. وبسرعه تجاوز الممر .. طالع برع .. والصدمة راسمة ملامح وجهه


^^^^^^^^^^^^^^^

"فرحة النجاح لها طعم ثاني "


قمت من النوم وانا احس بزوجين من العيون تراقبني .. بحثت عنهم .. واكتشفت ان لونهم عسلي صافي .. اكيد عرفتوا صاحب هالعيون الساحرة .. ايوه ..كان منصور .. يطالعني .. لكن نظرته غير عن نظرة كل يوم .. احسه يستحقرني او كارهني ..

حكت عيوني .. وهاي الحركة دوم اسويها اول مااقوم من النوم .. ماقدرت اواجهه .. اخاف .. يمكن .. بس سألته : شلون ريلك الحين؟؟

رد علي بهدوءه : زينة

قررت اعرف شلون انجرحت ريله ومن الي ساعده؟؟ .. بس كان ماسك بطنة ويقول بيوع: يوعاااان شنو مافي ريوق؟؟

توجهت لغرفه النوم وانا اقول : اكيد في ..

دشيت الحمام .. تغسلت وبدلت لبست لي جلابيه حمرا .. طلعت مشطت شعري .. رشيت لي عطر .. وحطيت كحل .. واكتفيت بجلوس لامع شفاف ..

طلعت جفته على قعدته .. توجهت للمطبخ جفت ليلي مجهزة كل شي .. يحليلها .. قلت لها ان احنا بناكل فالصاله .. لان منصور مايقدر يمشي .. واخاف تتعب ريله ..

رجعت الصاله وفرشت السفره .. ورحت ايب صحون الفطور ووياي ليلي .. وودتهم الصاله .. جفته قايم بيقعد على الارض .. صرخت وهو ظل واقف بهبل يطالعني .. مشيت بسرعه لعنده .. ومسكت يده : منصور اقعد على الكرسي ومد ريلك .. جذي بتتعب ريلك ومابتطيب ..

قال لي بااهمال: عادي؟؟

قلت له بعصبيه: لا بتعورك ..

بس عاندني وقعد .. اوففف منه هالعنيد .. اول مرة ادري انه عنيد بهالشكل ..: انزين ريلك بتعورك حرام عليك ..

قعدت وقلت له : شلون ريلك الحين؟ .. احسن ماتعورك؟؟ .. شلون تعورت؟؟ ..

قال وهو يغير السالفه: مبرووك؟؟

طالعته مستغربه : مبروك؟ .. على شنو؟؟؟

قال لي وهو يأشر على الجريدة : نجحتي

فتحت عيني بفجعه وقلت مب مصدقه: لاااا .. لتقول؟؟ صج؟؟ كم يبت

ضحك منصور : والله مكتوب بالجريدة الي نجحوا .. بس شلوى طلعت اشطر منج؟؟

ضحكت مب مصدقه .. وبسرعه رحت للجريدة ..قريتها .. مت من الفرحة انا نجحت بنسبة 93 .. ياااااااااااي .. وسلوي ماشاءالله ماشاءالله يايبه 97.4 .. ماشاءالله ماشاءالله .. من الفرحة .. لميت منصور وانا اصرخ واناقز بمكاني .. نجحت .. نجحت ..

ضحك علي منصور وكأني وحدة منهبله .. ولا صايبها مس من الجنون .. ركضت على تلفون الشاليهات واتصلت ابارك لسلوي .. بس ماردت ؟؟!!




































































































يتبع ...

هاي الي كتبته .. واتمنى ماتقولون قصير قبل يومين نزلت جزء والحين جزء .. يعني ان شاء الله يرضيكم .. والي تقدر تنزله بألم انا سامحه لها لانه مايفتح عندي !!!

سبرايــــــس .. انا رديت .. شلونكم شخباركم عساكم بخير وبنعمه؟ ..
المفاجأة الاولى .. في جزء
المفاجأة الثانيه .. قلت لكم القصه قصيرة بس قررت شوي اطولها
المفاجأة الثالثه .. وحشتوووووووووووووووووووووووووووووووووووووووووووني اكثر من ماتتصورون

الحفنه الخامسه
..الجزءالثاني من الحفنه الخامسه..

..** ذكريات الماضي وجروح الـ ح ـاضر **..نهايه ذاك الجزء كانت غلط وهاي انا اعدلها .. السموحة منكم بالغلط!!


كالعادة من اول مايات هني وهي يالعب بلي ستيشن ويا منصور يا تتمشى يا منخمدة .. والحين هي بوضع يديد .. قاعدة وتحاتي النتايج .. شوي وتصيح .. مو قادرة ترقد .. قاعدة على السرير .. وتتقلب يمين ويسار .. متى تشرق الشمس .. صكرت عيونها .. وردت فتحتهم ...

"سارة"
فتحت عيوني وظليت اتأمل فالسقف .. وانا شوي واموت من المحاتاه .. ياربي .. لو عندي لاب توب .. ولا لو فيه نت .. جان ارتزيت على موقع الوزارة من امس .. ياترى نجحت؟؟ .. انا انا متأكدة من نفسي فالعربي والانجليزي مزفتـــــــه حدي .. لا والي يقهر الطلاب في اللقاء الصحفي يقولون سهله الامتحانات .. سهله طل بعينهم ...يريت شعري بتوتر .. صج .. الثانويه العامة .. مب بس يننتنا .. الا طلعتنا لقمة الينون ..

قمت من السرير بعد ماضربت يدي يد منصور .. تخرعت .. خفته يقوم ويهاوشني .. يوووه .. طقيت جبهتي .. نسيت انه مايعرف شي عن الدنيا .. بعد مااستقرت ريلي على الارض .. تحركت على اصابيع ريلي ..وصلت للباب .. فتحته وطلعت .. شدتني الاضواء الي برع .. رحت فتحت الدريشه ووقفت على طرفها .. الهوا كان حلو .. مع انه في لفحه حرارة .. ابتسمت .. ظليت اطالع الظلمة مع هاله النور البرتقاليه من الليتات ..سبحت افكاري لبعيـــد لبعيـــد ...غمضت عيوني وانا ابتسم ويمر مثل هالموقف ببالي

كنت واقفه عند دريشة شاليهنا والليل خيم .. والكل رقود .. كنت واقفه عند دريشة الصاله واجوف برع .. ماحسيت الا بضربه على جتفي .. وصرخت من الخوف .. فتحت عيني على ثاني الي ماسك حلجة ويأشر لي عشان اسكت
طالعته: ايييييي خرعتني

ضحك: شتسوين هالحزة؟

طالعت برع : الجو بااااااااااااارد

ثاني يدزني: اجوف وخري ملتصقه بالدريشه تقولين لزقه اهو

مسكت ذراعي: يالدفش كسرت يدي

ثاني بعد ماوقف مكاني: أي والله الهوى باررد .. اشرايج نطلع برع نتمشى

قلت بسرعه وبدون تفكير: اللللللللللله يالله يالله خل نروح

ضحك: يالمخبله .. انزين روحي نادي مريوم وحيوت

اشرت بيدي بعدم اهتمام : مريوم منخمدة وحيوت قاعدة تكتب

طالعني بغباء:شنو ماشبعت دراسه ياين نغير جو احنا مو تدرس

ضحكت عليه : لالالا تكتب فدفترها مب تدرس

طالعني بنفس نظرته العبيطة: شتكتب ذي؟

قلت بغباء: اشدراني؟ ماسألتها

هز يده: والله مصخرة .. ماعطينا اجازة وهذي تكتب حشا يالحمصيشن

ضحكت: أي والله شكلها مشتاقه للمدرسة.. امش امش نطلع ... خل نروح صوب البحر

ضحك: الله حلااااته نجوف ابوج هناك

ضحكت بخوف: هههههههه بيخليني قتيله البحر

ضحك وقال: وانا المسكين بعد بصير قتيل البحر

ضحكنا واحنا ماندري شمعناة الي نقوله بس جذي نألف

:يالله يالله نروح

طلعنا واحنا نمشي شوي شوي .. صرخت يوم حسيت شي على جتفي : يمممممممممممممممممممه


ثاني: ماجافو الحراميه يبوقون جافوهم يتحاسبون .. يالغبيه بتفضحينا بيدرون ان احنا برع ..

التفت للي مسك جتفي وضربته: خرعتييييييييييييني حسبي الله على ابليسج

ضحكت حياة : شتسون بروحكم؟ اعترفوا اعترفوا اعترفوا

قلت لها بعبط: نغازل

ثاني: بتين ويانا ولا لاء؟

حياة: امبلا امبلا بجي .. بس صبروا وين عبود قال لي انه ينطركم برع

قلت لثنوي: انته قايل لعبود؟

ثاني: ايه قلت له بخرعج واذا تبين تين ويانا بنروح

هزيت راسي بفهم: انزين يالله يالله خل نروح بتطلع الشمس

حيوت جافت ساعتها: بوووووووه باقي ساعتين على صلاة الفير وينج ووين ماتطلع الشمس

قلت بعيله: يالله بنروح نحط ريلنا فالبحر

حيوت بوناسه: ونااااااسه

صرخت وياها: اكششششن

ضربنا ثاني كل وحدة على راسها: يالفضيييييييييييحه .. مانبيكم انجلعوا داخل لابركتن فيكم من بنات

حيوت: ثنوي يالخايس احترمني اكبر منك ها .. تبي زف ساروة

تخصرت : لا والله؟


سحبتني ومشينا وياهم .. صوب البحر .. جفنا عبود قاعدة ويسمع شله قعدنا عنده .. بس انا رحت للبحر وحطيت ريلي فيه صرخت بوناسه:يااااااااااااااااااااااي من زمان مايايين هني

جى عبود لصوبي: ان شاء الله يقوم ابوج ويزفج زف ونضحك عليج


بوزت: انته ماتحبني كله تدعي علي

ضحك علي وقال: احسسسسسن حلاته نجوفج تصيحين

قلت بقهر: عبووووووود

عبود وهو يضحك: تذكرين شكثر كنتي صياحه وانتي صغيرة .. بااال من زمان ماجايفج تصيحين


تخصرت: والله انا عودة انزين عمري 14 سنة مب صغيرة عشان اصيح

ماحسيت الا بشي على ريلي .. قعدت اصرخ: عقرررررررررب عاضني .. عقررررررررررب ...

ياو كلهم صوبي وانا متجمدة بمكاني واصيح

حيوت متخرعه وثنوي متوهق وعبود يصرخ علي عشان اتحرك

وانا ميتة من الصياح طلعت من البحر بمساعدة حيوت وعبود .. وقعدوني على الرمل .. وانا للحين ماسكة ويهي واصيح ..

ثنوي ميت من الضحك .. وحتى عبود .. كرهتهم .. انا عاضني عقرب وهم يضحكون .. والله كرهتهم .. مسكت الرمل الي تحت يدي ورميته عليهم .. :ان شاء الله يعضكم .. ان شاءالله يعضكم ..

رجعت اكمل صياحي


ثنوي وهو يضحك: يالذكيه هاي سمج صغار بس عضتهم ماتعور يالجذابه وبعدين هاي طحالب متعلبج على ريلج .. والا اذا عقرب تقدرين تمشين انتي

عبود ضرب كف ثنوي وقعدو يضحكون .. وانا اصيح .. وحيوت محتارة تضحك ولا تصيح

:جذابين جذابين العقرب عضني وااااااااهئ

عبود: والله ؟ .. لو صج عاضج بينزل دم وبتدوخين وبتسخنين

حسيت اني دايخة : اكا دخت .. عضني عضني

ضحك ثاني بالقوة .. وعبود وياه .. وهالمرة شاركتهم حيوت بالضحك .. حيوت: تتخيلين يالغبيه

قعدت اكمل صياحي : ان شاء الله يعضكم وتموتون .. وان شاء الله يعوررررررررررررركم

ثنوي قاعد جدامي وميت ضحك .. وعبود راكع وهو يضحك .. اما حيوت فكانت تضحك وهي تراويني الطحالب .. يوم جفت الطحالب تفشللللللللت .. وكملت صياحي وانا اركض للشاليه الي مأجرينه وانا ميتة صياح.. عبود يصارخ: اخييييييييييييييييرا جفناج تصيحين يالصياحه؟

قلت وانا متفشله ودموعي تطيح من بعيد: ان شاء الله يعضكم.. مالت عليك ان شاء الله يعظك يابو شلاااااااخ


وركضت للشاليه اكمل صياحي


ابتسمت على هالذكرى .. والله ايام .. ماتنعاد .. هالموقف صار يوم ابوي كان حي .. ااخ يابوي .. مسكت طرف الدريشه وانا اتذكر عبود وحيوت ..وثنوي وهواشنا .. كنت احب ثنووي اكثر من عبود بواايد ... ليش ماادري مع انهم نفس الشخصيه تقريبا بس ثاني كان عندي غير ...


^^^^^^^^^^


"لولوة"

اجوف صورة علي الي معلقه بالطوفه وانا وياه نبتسم واسأل نفسي بشنو قصر؟..اكل..لا..شرب..لا...لبس..لا.. مطاعم..لا...سفرات..لا...مجوهرات..لا..هدايا...لا ...عيل ليش مب متقبلته .. ليش ماااحس بحب اتجاهه .. انا ماانكر ان في شي بقلبي يتحرك يوم اجوفه .. بس مايهزني .. مااحس اني احبـه .. ليــش؟؟ ...انا ليش ماعندي شي بحياتي؟ .. كل شي متوفر لي بس مو قادرة احس بطعم كل هالاشياء .. ليش الكل مستانس الا انا؟؟ .. ليش علي مايهتم فيني وايد ليش؟؟

رن تلفوني .. كانت امل.. اخت علي تذكرونها؟
اوففف من وين طلعت لي هذي بعد؟
رديت:هلا والله؟

امل :اهلين .. اخبارج لولو؟

ابتسمت: بخير والله .. انتي اخبارج علومج؟؟

صديت عن صورتي وصورته .. وجفت نفسي بالمرايه .. عدلت مسكرتي .. وغمجت جلوسي..وانا اسمعها: تمام .. لولو .. ابي استشيرج بشي؟

توقفت عن تعديل روجي: قولي اسمعج ..

امل : لولو .. انا ...


لاحظت ترددها ؟؟..شفيها .. لايكون صاير شي؟... يارب امها فيها شي هالعله .. ماادانيها..قلت بحنان مصطنع: خير؟.. خرعتيني

امل بسرعه: لا خير .. >بتردد> .. بس .. انا ... يعني .. اه

قعدت على السرير .. ولعبت بشعر علي ..:اسمعج..

امل ..:مشغوله انتي اليوم؟

جفت علي فتح عينه: لا .. امري؟

امل : اممم .. تقدرين تمرين بيتنا .. ابيج بشغله ضروريه..

عقدت حياتي .. لااا الا بيتكم .. ويه .. :لا اشرايج انتي تين بيتي من زمان مازرتينا..

بعد فترة قصيرة : اوكي ...يكون احسن عشان مايسمعوني خواتي؟؟

شسالفه شكلها مسويه مصيبه .. طالعني علي بعد ماتمدد :من؟؟

ابتسمت :اختك ..رديت اكلم امل ..زين عيل انطرج ..

قالت بسرعه: علي بيكون موجود؟؟؟

ابتسمت ..شكل السالفه جد؟...:لا .. معزوم اليوم على عرس..

تنهدت براحه: اوكي .. يالله اجوفج العصر

ابتسمت من ورا قلبي : اوكي ..

صكرت من عندها .. وقلت لعلي: صباح الخير؟؟

ابتسم وازال الخصله الي على عيوني :صباح النور لاغلى لولوة بالكون

ابتسمت حسيت باانتعاش من مدحه .. معقوله علي يحبني وايد .. ابتسمت بفرح: يالله قوم وراك شغل ..

قعد بكسل على السرير وقال لي : غريبه قايمة اليوم من وهل؟ .. العادة المنبه يقومني؟

ابتسمت بحماس: لاني عازمتك على الريوق ..

ابتسم: زين .. بس مانتأخر ساعه10 عندي اجتماع مهم ..

بوزت: لا.. حبيبي .. الساعه 9 نروح .. مابيكفي الوقت ..

قال لي بأسف :حبيبتي والله الاجتماع مهم .. استعدل بقعدته .. مب حلوة اطنشهم ..

سويت نفسي زعلانه: يعني انا مااستاهل تطنشهم عـشاني؟

مسح على شعري: حبيبي هذي ارزاق ناس وارزاقنا .. مرة ثانيه اوكيه؟

هالمرة زعلت من جد : زين ..

قام من الفراش وتوجه للحمام .. عكر مزاجي .. اكره هالصفه في علي .. اذا عنده اجتماع او شغل .. مايفرط فيه .. حتى لو عشاني ... يالولو انتي فرطتي بشي عشان علي؟ .. جاوبي نفسج بالاول

رد صوت بداخلي : ايه انا ضحيت بمنصور عشان علي

رد عليه صوت ثاني: ضحيتي؟؟ هه انتي تقصين على من انا افهمج واعرف ليش خذتي علي

رد صوت ثاني عليه :ايه ضحيت .. ضحيت بالاحساس الحلو الي حسيته ويا منصور عشان علي

رد الصوت الاول : لا .. لتقولين كنتي تحبينه .. كنتي حابه انج الاولى فحياة ريال ماعمره تعرف على بنت

رد الصوت الثاني: لا انتي مب فاهمه انا شـ ابغي

حسيت بصداع .. مسكت راسي .. بس تعبت .. تعبت ..


^^^^^^^^^^^^

"سلوى"

صحيت من نومي وانا دايخة على رنة تلفوني رديت بصوتي المبحوح من النوم :الو؟

الطرف الثاني:احلى الو ..من احلى صوت

عقدت حياتي.. من هاي؟ .. اكيد سلوم :ابي ارقد بعدين بعدين

سمعت صوت ضحكة .. استعدلت .. وقعدت على السرير .. منو الفاضي الي متصل هالحزة؟ .. طالعت الشاشه .. رقم غريب؟ ...حطيت عند اذني وقلت بااستغراب: نعم من تبي اخوي؟

سمعت صوت ضحكة:هههههههه .. تعجبيني ..


طالعت الشاشه بااستغراب؟..:عفوا؟ تكلمني؟

قال بقله ادب: تصبحين على خير يازوجة المستقبل هههههههههههههههههههههههههههههههههه

كنت برد عليه بس صكر بويهي .. من هذا قليل الادب الي جي يقول لي .. صكرت التلفون .. ورديت برقد .. بس ماجاتني النومة .. من هذا؟ ..اكيد مغلط عباله خطيبته .. ابتسمت .. مسكين مايدري اني مب خطيبته .. رقدت .. ورد تلفوني رن من يديد رديت بتعب:الو؟

سمعت صوتها المتوتر: للحين ماقمتي الساعه صارت 9 ونص .. روحي جوفي النتايج طلعوها ولا لاء ..

فزيت من فراشي .. يالله شلون نسيت ...النتايج اليوم ..


قلت بسرعه: اوكي اوكي سروي بدخل وبجوف عطيني رقم جلوسج ..

سجلت الرقم بسرعه بالورقه .. وسيييييدة نطيت على كرسيي .. فتحت اللاب توب .. واستغرق من وقتي 10 دقايق الا وانا داشه موقع الوزارة .. وقريت خبر اصعقني ...بكل بساطه اجلو يوم اعلان النتايج وباجر بينزلونه .. شنو انقهرت .. كان ودي اكسر اللاب توب .. وكان ودي احطم موقع الوزارة .. السخيفين .. والله مايحسون فينا .. احنا نحاتي .. وهم بكل برودة اعصاب كاتبين نعتذر .. مالت عليكم وعلى اعتذاركم ... توء .. اووووووووووفففففففففففففففففففففف .. شاليوم النحس ..

اتصلت لسروي .. مرة .. مرتين .. ثلاث .. اربع ..خمس .. ماردت .. شفيها ذي بعد ماردت ... ياربي .. طرشت لها مسج وقلت لها فيه انهم اخروا يوم اعلان النتايج وبكرة النتايج ...بصراحة قهر .. يعني كفايه من اسبوعين واحنا ننتظر النتيجة .. قبل ثلاث ايام كان فيه عطل بالموقع ... وقبله بااسبوع للحين ماجمعو الدرجات .. شنو هاي .. اوفف .. والله ان احنا متنا من المحاتاه ... حتى وزنا نزل ..

تنهدت بضيج .. ودشيت الحمام .. غسلت ويهي .. واسناني .. وبدلت ملابسي بـ بانطلون جينز كحلي مطرزة اطرافه بالذهبي .. وبدي ذهبي وابيض واسود يدة توصل لثلاث ارباع اليد .. توجهت للتسريحة ... مشطت شعري وسحيته .. مسكت شريطة ذهبيه رفعت فيها شعري ذيل حصان .. ومسكت خصل طويله من قذلتي ورفعتهم بـ شباصة ذهبيه... تعطرت .. ونزلت ..

مشيت على الدري بهدوء .. طليت من الدري على المسبح .. الدري كان يطل بصوب على المسبح .. وعلى الدري فيه نفس مساحة كبيرة تفصل بين الدري الي تحت والي فوق ... حاطين فيها نفس قعدة .. طوفت القعده مع اني احب اقعد هناك ... نزلت ويدي تلامس درابزين الدري .. طالعت سالم قاعد وبيده الجريدة .. وميرة ومنيرة يتابعون فلم بالتلفزيون بينما اخوهم الصغير وحمودي قاعدين يلعبون سيارات .. وسلطانه تتحجى بالتيلفون ... نزلت .. سلمت ع الكل .. قعدت عند سالم واشرت ع الشنطة الي محطوطة عنده: بتسافر؟

سالم ينزل انظارة من على الجريدة:ايه ..ابتسم بويهي ببشاشه وقال: يه يه يه الكشخة شالكشخة .. مااقدر مااقدر على اختي الكشيخة

ضحكت باانحراج : هههههه سلوم بس

ضحك سالم وباس خدي:ياعيني على الي يستحون .. مبرووووووك النجاح يا بطة


فتحت عيني بكبرها: اشدراك اني نجحت؟؟؟

ابتسم سالم: عند واحد بالوزارة اعرفه وقال لي اسمج مو من ضمن الرسوب

تعلقت فيه بفرح وقلت بامل: انزين وكم نسبتي؟

ضحك وقال: باااال وايد متحمسه

صرخت باانفعال وضحكة:يالله كـــــم

قال لي وهو يبعدني: اشفيج متحرقصه .. ماادري ماقال لي نسبتج بس قال انج من ضمن النجاحين


صرخت بوناسه:ياقلبي عليك ياسلوم فديتك .. بسسسسستة بالقوة .. وركضت لسلطون وصرخت وانا اقول لها بوناسه: سلللللللللطااااااااااااااااااااااااااااااااااااااااااااااان نجحت نجحت


سلطانه بفرحة: صج .. مبروك مبروك .. كم يبتي حبيبتي...


ابتسمت وبستها: الله يبارك فيج .. ماادري بس سلوم يقول اني نجحت

سلطانه: اهم شي ناجحه ..

ضحكت بفرح ودموعي تنزل على خدي: سلطان والله ماتوقعت انجح مزفته بالعلوم واالانجليزي

سلطانه بغيض: يعلج ساقطة كم مرة قلت لج لاتقولين لي سلطان ها

شهقت: فال الله ولا فالج .. ويييييييييه عادي ادلعج وه

سلطانه بعصبيه: مااحب هالدلع

ابتسمت بمصلحه: خلاص ولايهمج يابعد جبدي .. تلصقت فيها .. يالله قومي ريقيني على حسابج ..

سلطانه تدزني: وانا اقول ليش لاصقه جي تبين شي ها

ضحكت :ببشر ساروووووووه

ضحكت علي: مخبل انتي وياها


ركضت لداري مستانسه بخبر ساروه اني نجحت


^^^^^^^^^^^^

"هل الامارات سامحوني مااعرف اتقن اللغه الاماراتيه بس كان لازم اتكون عايله منكم عاد اذا غلطت سوو روحكم ماقريتوا خخخخخ"






ماادانيها ماادانيها اشلون تباني اميه ارمسها .. ماحبها .. اوففف .. :امايه لو تبانا بتتصل مايبالها

ام سعيد : عذوووب لااتيننيني كفايه اخوج .. اتصلي ابها وخبريها انها معزومة

شلون تباني افهمها؟ ..كيف نعزم ربيعه روضه ع عرس ربيعتها ياربي؟: هب متصله ؟..اروحي ماادانيها .. وغير هاه .. انترست عينيه دموع .. اميه كيف بنسوي حفله الملجة من يديد لسعيد ..انزينه وحرمته؟؟

ام سعيد: علها النفاذ الي ماتسمع الرمسه مسودة الويه .. الحينه خل نشوف شو بتسوي

اووففف شو هالحياة كل شي بالغصيبه: اميه .. رواضي ماتستاهل

اميه بغيض: روضوج بسبعة خيازرين .. اجوف اتصلي ابها ..

رن موبايلي .. وكان هالشي المنقذ .. سرت غرفتيه بسرعه ... كانت "روضه" حرمة سعيد الي متصله .. رديت عليها ..

يالي صوتها التعبان ..:اشحالج عذوب؟

كتمت صيحتيه .. والله ان روضه شيخة الحريم وماتستاهل الي بيصير الها .. كيف هانت ع سعيد كيف؟؟ ..:بخير .. انتي اشحالج .؟؟

قالت بصوت مخنوق: الحمدلله .. عذبه تقدرين اتيين عندي اليوم؟؟

حليلج ياروضه ماتدرين ان سعيد جااد ومن صدقه بيتزوج .. الله ياخذج ياشمسه انتي ربيعه انتي؟ ..صحت: رواضي سامحينيه والله اني ماكنت ادري عن شي

روضه بحزن: ادري عذبه .. غناتيه مايبالها سماح .. حصل خير .. شو بتين ولا بعدج؟

صحت باانهيار .. كيف روضه مستحمله .. كيف .. صدق انج ياروضه قويه .. لو انا .. كان من زمان انهرت .. ماعشت الي عشتيه .. :هيه يايتنج ..

روضه: خلاص اترياج


صكرت من عندها ويلست اصيح .. روضه صدق صدق ماتستاهل .. كيف يصير جذه .. كيف .. سمعت دق ع الباب رحت فتحته

منصور:مرحبـــــــا الســـ ....قطع رمسته يوم شافني اصيح .. اشو بلاج عذوب؟

صحت من خاطريه : روضه كاسرتن قلبيه كيف اتهون ع سعيد يسوي ابها جذي

لوى عليه منصور : عذووب اخوج سعيد وانتي عارفتنه وهي راضيه ليش انتيه محتشرة

شفته وقلت بصياح: انته ماتعرف رواضي .. رواضي تكتم بقبلها مابتقول لاحد عن الي بخاطرها ..

منصور: دام ها رمستج عيل سمعي ابويه مارضى ايوز سعيد الا اذا وافقت روضه .. وروضه ماقالت لاء .. يعني هي راضيه


بيخبلني هذا بيخبلني .. : شو تباها تقول يعني لا .. وليش سعيد بياخذ برمستها؟

منصور بحنيه: دامج عارفه ان سعيد يالي براسه بيسويه ليش تبجينه؟

قلت له :مااصيح عليه اصيح ع روضه .. منصور بذمتك رواضي تستاهل؟؟؟

نزل راسه منصور وقال: محد"ن" بداري شو بلاهم وليش يبا يتزوج سعيد .. ماتعرفين يمكن عنده مبرر ..


صرخت بعصبيه: سعيد طول عمره اناني ومايفكر الا بعمره .. الحينه شو ناقصنها روضه؟ جمال وجميله ..اخلاق؟؟ماشي شرات اخلاق روضه .. عيال ويابتله بدال الواحد اثنين توم ..

لوى عليه: عذوب هدي هدي .. انتي وايد منفعله


يلست اصيح .. مسكينة رواضي مسكينة ..


^^^^^^^^^^^

"سارة"

ياربي ..اعصابي تلفانه .. من امس مب راقدة .. واخر شي .. نعتذر .. صج صج .. بغيت اذبحهم .. شسوي بااعتذارهم الحين؟ ها؟؟ .. والله يخلون الطلاب يفقدون اعصابهم .. طاحت عيني بعيون عسليه صافيه .. اوففففففففففففف هاي شقومة بعد .. اوفففففف

ابتسم لي: صباح الخير

رديت بدون نفس: اهلين

ماتحجى وياي .. ظل ساكت .. جنه ينتظرني اتحجى ... وانا اخلاقي واصله لخشمي .. مب فاضيه لسخافته ..اهز ريلي بتوتر .. وافكاري تروح يمين .. ويسار .. وهو يطالعني .. جني تلفزيون ..اوففف .. شفيه؟؟ .. طالعته بعصبيه


قال لي ببرائه: انتي معصبه؟

لا ياشييييييييييخ صباح الخير .. : شتجوف؟؟؟


شكله انحرج وسكت .. احسن بعد .. اوففف

سرحت ببعيد لنفس هالموقف ..

كان قاعد ومعصب وعيونه العسليه تدور فبيتنا .. دشيت وانا اضحك واعدل شيلتي واكلم مرام : ايه ايه .. طالعت فيه .. فريت حلجي يمين ويسار علامة اني متضايقه من شيفه ويهه ... وهو نفس الشي ماقصر بنظراته الحقيرة .. طالعني من فوق لتحت .. وصد ..

دش ابوي .. فاضطريت اني اتحجى وياه: شلونك منصور


رد علي بخياس نفس: زين ....فر ويهه للجهه الثانيه

ويه مالت عليك وعلى ويهك الي يقول ميتة فيك .. هه مالت ..

ابوي : هلا هلا بسارونة .. تعالي يبة ..

ابتسمت من كل قلبي: هلا فيك باباتي .. شلونك؟؟

جفت منصور وويهه يدل انه منقرف .. طلعت لساني بحرررة له .. وفريت ويهي عنه هالمقرف ..

ابتسم ابوي بس مالاحظ حركتي ولا جان ذبحني .. ابوي مايحب هالحركات الي اسويها لسلوم ومنصور بس يقهروني مااطيقهم .. :عمتج تسأل عنج

تبنج ويه منصور وهو يطالع ابوي بااهتمام .. ادري ان منصور يعز عمتي واييد فحبيت اقهره: فدييييييييتها عمتوووووه شلونها؟ متى بيون من الامارات ...

ابتسم ابوي وهو يمسح على شيلتي ..:قالت انها بعد يومين يايتنا ..

قلت بحره: بتقعد بيت عمي بو محمد؟؟؟<بومنصور

ابتسم: عيالها بيقعدون هناك هي بتيي بيتنا

التفتت لمنصور باانتصار ولميت ابوي : هني نحبها اكثر هي بعد

حسيت منصور شوي ويموت .. احسن افتك من ويهه النحس : يالله عمي استأذن

ابوي قال لي :انزين يبة هذا هو الملف الي يبغيه ابوك ..وانتي ياسارة وصلي ولد عمج وتعالي

قلت بقهر: يدل الباب..

طالعني ابوي .. فرحت مقهورة اوصله .. وهو طالع قلت له : عمتي ماعادت تبيكم ..
الي كنت اقصده ماتبيك بس حطيت الجمع

طالعني بااحتقار: لو تعرف معدنج مابغتج

قلت اقهره: لاتعرفني .. عاشت ويانا 10 سنين(مددت العشر عشان اقهره مثل مايقهرني بوايد اشياء) .. معقوله ماعرفت معدني للحين؟؟؟

قال لي بخياس نفس: لا للحين مادرت يالمسترجله


عصبت عليه .. اكره هالكلمة .. تنقال لي وااايد .. وخصوصا منه : انا مب مسترجله تحجى عدل وياي

ضحك بااستهزاء : يعني لو تدلعتي مرة ولا مرتين عند ابوج بتقنعينا انج مب مسترجله .. يابابا روحي عدلي مشيتج اول بعدين قولي مب مسترجله .. ولاا في بنيه تلبس هاللبس؟؟ ..

عصبت .. صكرت الباب بويهه .. وركضت غرفتي اصيح .. كنت لابسة بانطلون زيتوني جيشي ... وعليه قميص لونه اصفر باهت يليق على البانطلون عليه نقوش بسيطة باللون الزيتوني ..

اكرهك منصور اكررررررررررهك .. كرهي لمنصور كان يزيد .. وكرهت عيال عمي بعد ماتوفى ابوي .. حتى سلوى قلبت عليها وماكنت اتقبل منها أي شي .. بس بعدها بااسبوع كلمتني مرام .. وهدتني .. وقالت لي ان سلوى مالها ذنب بالي صار ..

تدرون انا للحين مب قادرة اتقبل ولااحد من عيال عمي منصور ماغير سلوي وسلطانه وبس ويمكن مجود اخوهم الصغير ولا الباقي احسهم نسخة مصغرة من ابوهم .. وامهم بعد ..


انتبهت من ذكرياتي على يد منصور الي تلوح جدام عيني : اشفيج صرتي صمخة اكلمج

صرخت عليه: منصور بعد عني انته ماتفهم .. كم مرة اقول لك اكرررررهك

تحركت .. وجفته يتحرك بعرجة .. كسر خاطري .. نسيت انه مجروح بركبته .. رحت عنده ..مسكن ريله .. بس بعد يدي بهدوء .. وقام بيطلع من الشاليه .. بس رحت لغرفتي لبست شيلتي وعباتي .. وطلعت اتمشى وياه .. ابداَ ماقال شي .. حسيت بالذنب .. انا شلون جذي اعامله .. قعد على الرمل مجابل البحر .. قعدت احذاه ... كان يطالع البحر .. ويطالع اخر نقطة فيه .. صديت عنه .. وانا احس بالذنب ودموعي بااطراف رموشي .. بس كنت احاول اكون قويه .. انا شلون جي عاملته .. لالالا احسن احسن .. انتي شنو نسيتي شسوو فيج .. ذوقيه من الي ذقتيه منه ..

صوت ثاني : لو كان فيج خير جان ذوقتيه من الي ذوقاج وهو صاحي مب مريض

الصوت الاول: وهم ليش ذوقوني اياه وانا ياهله .. ياهله صغيرة .. ليش جي كانو يعاملوني .. كرهوني بكل شي فيني .. بملامحي .. بنفسي .. بمشيتي .. بكل شي ..

الصوت الثاني : انتي بعد كنتي تتليعنين ..

الصوت الاول: ماكنت اسوي جي الا لاني ابي اطلع حرتي منهم

الصوت الثاني:والحين هو مريض مايخصج منه

الصوت الاول: لا هاي فرصتج .. استغليها

الصوت الثاني: لا لتسمعين حجيه .. هو يقص عليج .. انتي ترضين جي تسوين بواحد ياهل ومريض؟

الصوت الاول: لاتسمعين حجيه هو .. سمعي الي اقولج عليه .. لو رد بذاكرته ماراح تقدرين تنتقمين منه .. انتقمي منه الحين ..

الصوت الثاني : الحياة مب بس انتقام

الصوت الاول: اسكت انت

الصوت الثاني: انته الي اسكت .. انته جشع

الصوت الاول: وانته غبي .. تسامح الي يغلطون عليك .. باجر ياكلونك بااسنانهم

الصوت الثاني: لا بيتذكرون معاملتي لهم وبيندمون

الصوت الاول: انته تعيش بالاحلام .. من من الي سوا نفسهم ندم؟ .. من تحسف؟ .. خيالك واسع

الصوت الثاني: لا لكل قوي نهايه وكل قوي في الي اقوى منه

الصوت الاول: مافي اضعف منك .. انته تعيش بعالم غير عالمنا

الصوت الثاني: لو انك تفكر بطريقتي .. والكل يفكر مثل ماافكر انا .. جان عشنا بسلام

الصوت الاول؟: سلام؟؟ .. السلام مب احنا الي نخلقه

الصوت الثاني: لا .. بيدنا ان احنا نخلقه ...بس احنا اصرينا ان مانخلقه .. الغلط من البشر

الصوت الاول: اقولك اسكت بذبحك

الصوت الثاني: ماتقدر لان كلامي صح

مسكت راسي .. ياربي شنو هالصراع الي اعيشه .. انتقم ولا لاء .. انتقم؟؟ .. طالعت منصور .. وعيونه البريئه .. لالالال ... هو ياهل .. وليش ماتنقمين الي سووه يكفيج طول العمر ..جفته ماسك ريله سألته: للحين تعورك؟؟

ابتسم:لا مب وايد؟!!!

سكت .. وانا بعد سكتت .. ماعندنا شي نقوله .. شنقول؟؟ .. قلت انهي الحوار: منصور بروح ارقد من امس مب راقدة

هز راسه .. ومشيت عنه للشاليه


^^^^^^^^^^

"حمدة"

عفرا الوحيدة الي تعرف شو فيه وليش انا ببيت ابويه .. بعد ماتزوج خالد مايا .. وانا ماعدت ويلست هناك .. رجعت بيت ابويه .. بيت ابويه الي ضمني 25 سنة مابيقدر يضمني العمر الباقي؟؟ .. امايه متوفيه .. وابويه هو الوحيد الي بقا لنا بالدنيا ... شو اسوي مااعرف .. اخاف اخبره .. ابويه عصبي.. وممكن يسوي كل شي ..

نزلت تحت .. ويلست صبحت ع ابويه .. ويلست ع سفرة الريوق .. مالي خاطر لـ شي .. وعيوني ذبلانه هب فاييجة لـ ولا شي .. رن موبايلي وكان خالد ارتعبت .. شو يبا هاه .. ويدام ابويه .. خفت .. رديت بهدوء لان نظرات ابويه كانت متسائله :الو ..

ياني صوته :اشحالج

صدق انه قوي عين .. ويسأل عن حالي بعد الي سواه :شوتبا؟

قالي بصوت ذوبني:سامحيني ..غناتي ..حمدووه

مارديت عليه .. دموعي الوحيدة كانت جوابي:بعد ماطلقتني لـ شو متصل

ابويه من سمع الخبر وقف ع حيله وصرخ من قلبه: شوووووووووو...

جسد ابويه تهاوى ع الارض .. صرخت .. ابويه ابويه .. سمعت حس خالد وهو يقول لي :بلاج؟ ..

صحت:ابويه .. خالد دخيييييلك تعال .. ابويه بيموت

خالد : ياينج

ربعت لعند ابوي وماكان يتنفس .. صحت .. مت من الصياح وانا اهزه .. واصرخ : ابوووووووووي .. ابوووووووووووي.. ياربي شو هالمصايب يالي تتحاذف عليه من كل صوب ..

^^^^^^





"فرحة النجاح لها طعم ثاني "


قمت من النوم وانا احس بزوجين من العيون تراقبني .. بحثت عنهم .. واكتشفت ان لونهم عسلي صافي .. اكيد عرفتوا صاحب هالعيون الساحرة .. ايوه ..كان منصور .. يطالعني .. لكن نظرته غير عن نظرة كل يوم .. احسه يستحقرني او كارهني ..

حكت عيوني .. وهاي الحركة دوم اسويها اول مااقوم من النوم .. ماقدرت اواجهه .. اخاف .. يمكن .. بس سألته : شلون ريلك الحين؟؟

رد علي بهدوءه : زينة

قررت اعرف شلون انجرحت ريله ومن الي ساعده؟؟ .. بس كان ماسك بطنة ويقول بيوع: يوعاااان شنو مافي ريوق؟؟

توجهت لغرفه النوم وانا اقول : اكيد في ..

دشيت الحمام .. تغسلت وبدلت لبست لي جلابيه حمرا .. طلعت مشطت شعري .. رشيت لي عطر .. وحطيت كحل .. واكتفيت بجلوس لامع شفاف ..

طلعت جفته على قعدته .. توجهت للمطبخ جفت ليلي مجهزة كل شي .. يحليلها .. قلت لها ان احنا بناكل فالصاله .. لان منصور مايقدر يمشي .. واخاف تتعب ريله ..

رجعت الصاله وفرشت السفره .. ورحت ايب صحون الفطور ووياي ليلي .. وودتهم الصاله .. جفته قايم بيقعد على الارض .. صرخت وهو ظل واقف بهبل يطالعني .. مشيت بسرعه لعنده .. ومسكت يده : منصور اقعد على الكرسي ومد ريلك .. جذي بتتعب ريلك ومابتطيب ..

قال لي بااهمال: عادي؟؟

قلت له بعصبيه: لا بتعورك ..

بس عاندني وقعد .. اوففف منه هالعنيد .. اول مرة ادري انه عنيد بهالشكل ..: انزين ريلك بتعورك حرام عليك ..

قعدت وقلت له : شلون ريلك الحين؟ .. احسن ماتعورك؟؟ .. شلون تعورت؟؟ ..

قال وهو يغير السالفه: مبرووك؟؟

طالعته مستغربه : مبروك؟ .. على شنو؟؟؟

قال لي وهو يأشر على الجريدة : نجحتي

فتحت عيني بفجعه وقلت مب مصدقه: لاااا .. لتقول؟؟ صج؟؟ كم يبت

ضحك منصور : والله مكتوب بالجريدة الي نجحوا .. بس شلوى طلعت اشطر منج؟؟

ضحكت مب مصدقه .. وبسرعه رحت للجريدة ..قريتها .. مت من الفرحة انا نجحت بنسبة 93 .. ياااااااااااي .. وسلوي ماشاءالله ماشاءالله يايبه 97.4 .. ماشاءالله ماشاءالله .. من الفرحة .. لميت منصور وانا اصرخ واناقز بمكاني .. نجحت .. نجحت ..

ضحك علي منصور وكأني وحدة منهبله .. ولا صايبها مس من الجنون .. ركضت على تلفون الشاليهات واتصلت ابارك لسلوي .. بس ماردت ؟؟!!




ونااااااااااسه نجحت نجحــــــــت .. لميت منصور بالقوة .. وهو يضحك علي .. كنت مستاااااااااااااانسه .. توقعت اني ارسب بالانجليزي ولا العربي .. شوي ولا رن موبايل منصور كان ماجد وامي يباركون لي .. وقالو لي انهم عازمينا على مطعم .. اساسا بعد باجر هو اخر يوم لنا بالشاليه وبعده بنرجع البيت ..

:منصور بنلم كل اغراضنا وخلاص بنرد .. يااااااااااااااااي نجحت

منصور باسني:مبروك

قلت بفرحة :الله يباااااااااااارك فيييييييييييييييك

بعد ماقمت من مكاني حسيت بااحراج .. مسكت خدي .. وبسرعه رحت الم عفيستي .. عشان بنرد البيييييييت هنااااااااك ياوناااااااااااااااااااااااااااااااااااااااستي


رجعت الصاله وقلت لمنصور: معليش اتصل لرفيجاتي وابارك لهم

هز راسه.. وسحبت الجريدة من يدة.. وركضت للغرفه .. جفت نتايجهم واستانست لهم .. طبعا انا زدت كنت جايبه ذاك الفصل 92 والحين93 نعمـــــه اما سلوي نزلت كانت 98 والحين 97

اتصلت لهم وباركت لهم .. وبعدين بديت الم اغراضي .. لان باجر بنرد البيت .. احسن .. هني ملل .. لميت اغراض منصور بعد

طلعت جفته يعرج .. قلت له بتساؤل: منصور شلون تعورت

قعد على الكرسي وشكله باذل مجهود كبير : سارة ..

قعدت عنده: هممممم؟؟؟


طالعته جفته يطالعني بعيونه البريئه .. :منصور فيك شي

؟؟

هز راسه بـ لا ..ابتسم .. ابتسمت له ..بس بعدين قال بتردد: سارة ليش عصبتي علي امس؟؟؟

كانت ملامحهه مترددة

قلت بأسف: كنت متوترة .. عشان النتايج

سألني:انتي كم عمرج؟؟

ضحكت: احم انا كبيرة عمري18 وبعد كمن شهر بندش ال19

ابتسم:وانا؟

رفعت عيني للسقف وانا اعد على اصابيعي ..:ممممم .. يمكن 26 ولا 25 سنة

ابتسم وسوا نفس حركتي .. دزيته: يالقـــــلاد

ضحك

وبعدها قعدنا نجوف مسرحيه "لولاكي"

^^^^^
"لولوة"


كانت امل قاعدة وتهز ريلها متوترة .. قلت لها .. : امول حياتي شفيج قلقتيني !!

طالعتني بتوتر .. وقالت : لولوة .. انا بدش بالموضوع .. لاني .. مااعرف اقول مقدمات .. بس تأكدي .. (نزلت راسها) اني مااخترتج .. الا لاني اثق برايج .. واحب مشورتج .. (شقيييييت الحلج .. اول مرة ادري ان امول هالكثر تعزني ياقلبي عليها) انا ..

قلت اشجعها بعد مامسكت يدها.. : ايه حبيبتي شفيج؟؟ ..

طالعتني للحظة ورجعت نزلت عيونها .. تخرعت: اشصاير؟؟؟


رفعت عينها المليانه دموع .. :لولو اوعديني اول انج ماتقولين لااحد

قلت بصدق: وعد مب قايله لحد عن الشي تبينه .. شنو خرعتيني امول

امل غطت ويها وصاحت


تخرعــــــت مهما يكون هذي امول الوحيدة الي احبها من خوات علي .. شفيها اتصيح.. قمت من كرسيي وقعدت على نفس كرسيها وضميت جتفها بخفه : شفيج امول شصاير؟؟؟

طالعتني وهي ميتة من الصياح : انا ... انـــا


مامداها تقول الي تبيه الا ويرن جوالي .. قلت لها :لحظة علي يتصل

اتعلقت فيني وقالت لي: بليييز لايرجع ... ابغي افضفض لج .. وابي مشورتج

صياحها القوي ماطمني .. بس قلت : اوكي .. اوكي ..

طلعت اكلم علي وانا احاتي .. شفيها امول .. ليش جي تصيح بهالقوه ..





































الجزء خلص على خير ..
اتمنى يعجبكم
فقدتــــــــــكم وااااااااااايد
اليوم رجعت من السفر .. وهذا كتبته وانا هناك بين الحين والاخر

شكر خاص للمراقبه على فتحها للقصه ^_^ ومبروك الرقابه ولو انها متأخرة احم

..::]][[ الحفنه السادسه ]][[::..
" انا اغرق .. هل من منقذ؟ "
"لولوة"


كانت امل قاعدة وتهز ريلها متوترة .. قلت لها .. : امول حياتي شفيج قلقتيني !!

طالعتني بتوتر .. وقالت : لولوة .. انا بدش بالموضوع .. لاني .. مااعرف اقول مقدمات .. بس تأكدي .. (نزلت راسها) اني مااخترتج .. الا لاني اثق برايج .. واحب مشورتج .. (شقيييييت الحلج .. اول مرة ادري ان امول هالكثر تعزني ياقلبي عليها) انا ..

قلت اشجعها بعد مامسكت يدها.. : ايه حبيبتي شفيج؟؟ ..

طالعتني للحظة ورجعت نزلت عيونها .. تخرعت: اشصاير؟؟؟


رفعت عينها المليانه دموع .. :لولو اوعديني اول انج ماتقولين لااحد

قلت بصدق: وعد مب قايله لحد عن الشي تبينه .. شنو خرعتيني امول

امل غطت ويها وصاحت


تخرعــــــت مهما يكون هذي امول الوحيدة الي احبها من خوات علي .. شفيها اتصيح.. قمت من كرسيي وقعدت على نفس كرسيها وضميت جتفها بخفه : شفيج امول شصاير؟؟؟

طالعتني وهي ميتة من الصياح : انا ... انـــا


مامداها تقول الي تبيه الا ويرن جوالي .. قلت لها :لحظة علي يتصل

اتعلقت فيني وقالت لي: بليييز لايرجع ... ابغي افضفض لج .. وابي مشورتج

صياحها القوي ماطمني .. بس قلت : اوكي .. اوكي ..

طلعت اكلم علي وانا احاتي .. شفيها امول .. ليش جي تصيح بهالقوه ..

اكيد فيها شي .. وشي جااايد بعد .. لازززم اعررررف

ماانتبهت للي اقوله ..: ها؟؟ ..

علي بهدوء:حياتي شفيج ؟؟

ابتسمت بااحراج: عمري امل هني الحين اكلمك بعدين اوكي؟ ..سمعت صوت انفاسه وظل ساكت..فـ سألت بقلق : بتتأخر اليوم ..

حسيته يحك يبهته وهو يتثاوب ويقول : خاطري ارجع الحين بس للحين ماخلصت اشغالي غير هاي بحظر عرس واحد من الربع .. تثاوب بتعب .. خاطري اطنش كل شي وارد ارقد بس ماينفع

قلت : يعطيك العافيه .. حبيبي تأخرت على امل

علي: خلاص حبيبي روحي لها .. مع اني ودي اسولف وياج .. اشتقت ..

ابتسمت بحلاوة .. كلماته حسستني بااهميتي عنده .. :اوكي باي

صكرت من عنده .. وانا اطالع الموبايل بسرحان .. يالله مو وقتي .. حطيت يدي على رقبتي وانا ارجع لامل الي القلق انرسم فملامحها : ها راجع؟؟

ابتسمت: لا بيتأخر .. شتشربين ..

سكتت بحيرة .. وقالت / اي شي بارد ..

طالعتها وانا حاسه انها يايه بموضوع كبير .. بتوهقني وياها ,, : تحجى امل .. اتصلت للخدامه وقلت لها تيب 2 عصير مانجا

قالت امل : .. بس مااطيح من عينج؟؟ ..

رفعت حاجب .. فيها طيحة من العين ؟؟!! .. : لا تكلمي ..

قالت بهدوء مخيف : عندي رفيجه .. وياي بالكلاس .. اسمها نجلا .. مرة كنت اكلمها ع المسن ..

رفعت حواجبي .. شهالمقدمات ؟؟ ...طريقه كلامها عن رفيجتها ذكرتني "مشاعل" هي الي دلتني ع الطريج الشين .. ياااه .. كملت امل وهي تنزل راسها : عطتني موقع .. وقالت لي ادخل .. كنت مترددة .. خايفه ..
دشيت (رفعت راسها وطالعتني .. وانطقت بكلمة خلتني برهه افكر ) الجات .. نزلت راسها .. وكملت .. دشيت .. اول ثلاث ايام .. كنت ادخل بس مااتكلم .. بس اقرا الكلام .. مرة ياتني رساله خاصه .. كانت من واحد .. اسمه " بــرق قطـر " >>هذا مجرد اسم من خيالي لا له صله من الواقع .. واذا صادف وجود هالاسم فـ انا اعتذر من صاحب النك لاني استخدمته وهالشخص مب مقصود وحتى اسم امل !!

^^^^^^^^^^

"امل "

كنت اتذكر ادق التفاصيل .. وكنها صايرة قبل دقيقه .. صكرت عيني وانا استعيد الي صار بيني وبينه ..

برق قطر :
السلام عليكم ..

Without name
وعليكم السلام؟

برق قطر
شخبارج؟؟

Without name
بخير؟؟

برق قطر
انا بخير تسلمين على السؤال

فترة صمت ..

برق قطر
ممكن دقايق من وقتج شوي؟

Without name
تفضل/تفضلي؟

برق قطر
تفضل .. من فترة اجوفج تدشين بس ماتتكلمين ..

Without name
صح .. بس ادش اقرا الكلام .. تقضيه وقت !!

برق قطر
اها .. اوكي ممكن طلب؟؟

Without name
تفضل؟

برق قطر
انتي ليش جذي تتحجين من طرف خشمج اطر من عندج انا؟

Without name
اتكلمني؟

برق قطر
لا اكلم الي وراج .. من غيرج الي اكلمه؟

Without name
انا ماكلمت حد بدون نفس؟؟

برق قطر
انتي يديدة هني صح؟

Without name
ايه

برق قطر
اها ..

Without name
اوكي انا بطلع ..

برق قطر
اجوفج باجر؟؟

Without name
مااعرف .. يمكن ..

برق قطر
اوكي لاني ابي اقولج شي مهم ..

Without name
شنو؟

برق قطر
بقولج باجر ..

Without name
اوكي .. باي

برق قطر
الله يحفظج يالغاليه .. لاتطولين الغيبه

صكرت من عنده .. وقلبي يدق بالقوة .. اشلون انا كلمت واحد .. اشلون ..اليوم الثاني جفت نفسي منجبره ادش ليش مااعرف .. وبكل ينون .. كنت ادور نك نيمه .. بس ماكان اون لاين ..تميت اقزر وقتي .. اقرا السوالف .. مااقص عليج .. ماكان يشدني الحجي وايد .. لان اتصير هوشات ..وايد .. شوي .. ويدخل .. برق قطر .. حسيت اني ابي اكلمه .. بس تميت ساكته .. طرش لي رساله يسألني عن اخباري .. وفنفس الوقت ياتني رساله من شخص ثاني .. بس مارديت ع الشخص الثاني .. بعدها قالي برق قطر : انتي من قطر صح؟؟

قلت له : ايه

برق قطر
ايه اجوفج فالقسم الخاص بقطر .. اليوم محد فالقسم ..

ماكنت اعرف شـ ارد بس قلت اختصر : ايه ..
مر الوقت بسوالف عاديه بسيطة مؤدبه .. مرت ايام .. وانا كل يوم ادخل اكلمه .. تعلقت فيه .. كان يقهرني شي فيه .. كنت يوم اكلم حد موجود بالقسم يتضايق ويقعد يهاوشني بالرسايل الخاصه .. اول الايام كنت احس ان هالشي تدخل شخصي فيني .. بس بعدها حبيت هالطبع فيه .. كان يعصب يعصب اذا شافني كلمت حد حتى لو كانت بنت ... حسيته يحبني .. ويغار علي .. زاد تعلقي فييه واايد .. طلب مني مرتين الايميل ..بس كنت اردة فكل مرة .. كان يعصب علي واحسه بيقلب الجات فوق راسي .. بس يهدا .. كنت من اتأخر ثانيه بالرد عليه يشك فيني .. انتي من تكلمين ؟؟ .. اتعبني اسلوبه .. كان يحسسني اني وحدة رخيصه ممكن تكلم اي احد .. كرهته .. يومين مادخلت بسبه اسلوبه وشكه فيني .. بس يوم دخلت اليوم الثالث انهل علي بالاسئله وكنه خايف علي .. فرحت اشكثر .. قال لي انه مايبي يجوفني فالجات مرة ثانيه .. انصدمت .. كانت صدمتي كبيرة .. لكنه عطاني ايميله .. وبدون شعور مني ضفته عندي ع المسن .. عاتبني وحلفني ماادخل الجات مرة ثانيه .. وانا بكل طاعه طاوعته ... رفعت عيني للولوة وانا امسح دموعي الي كانت انهار تروي خدي : احبه يالولوة احبه .. شسوي .. احبه .. يبغي رقمي بس مب قادره اعطيه .. انصحيني يالولوة .. انصحيني .. احبه احبه احبه .. مب قادرة اتخلى عنه .. حاولت .. حاولت وااايد .. قطعت النت اسابيع كثيييرة بس كنت ارد واضعف وافتح ايميلي الي سويته بس عشان اكلمه .. ايميل محد يعرفه الا هو .. شسوي يالولوة .. محتارة انا .. محتارة ...رديت اغطي ويهي واصيح بضعف

^^^^^^^^^^^^^^

"سلوى "


قاعدة فالمكتبه انتظر ابوي الي راح يجوفني وهو مطول ويمعن النظر .. توترت .. شسالفه .. ليش جذي يجوفني .. خرعني .. اكيد الموضوع خطيير .. رفعت راسي وقلت لابوي بطيبه: هلا يبه امرني؟؟

ابتسم ابوي ابتسامه صادقه .. حنونة .. نادراً ,. مااجوفها .. ماادري ليش خفت .. مب من عادة ابوي يبتسم جذي .. قمت العب بطرف قميصي .. وانا خايفه .. والف فكرة وفكرة فبالي .. لين ماتكلم وهو يسند ظهره على الكرسي الجلد الضخم الفاخر ..: سلوى ..انا ببتدي بالموضوع بدون مقدمات .. انتي ياما كنت تحلمين تدرسين برع ... صح ..!!


لمعت عيني بفرحه .. يعني ابوي اخيرا اقتنع .. بيسفرني .. قلت بفرحه فاضحه: بتخليني اكمل دراستي فكندا صح .. صح ..

نقزت من مكاني مستانسه وضميته بقوه وبسته على راسه .. : مشكوووووووووووور ياحبيبي ياابوي .. ركضت طايرة بروح غرفتي بس ناداني .. التفت له وانا ميتة فرح : لبيـــــه

ابتسم ابوي: سلوى يبه الي اعرفه انج عاقله اشفيج جذي؟؟ حتى ماخليتيني اكمل كلامي ..

ابتسمت بفرح : ليش يبا في مفاجأة اكثر من هالمفاجأة .. وابتسمت بصدق

ابتسم ابوي وهو يومأ براسه : ايه يبه .. تعالي تعالي قعدي ..

مشيت وانا احس اني اطير وقعدت مرة ثانيه .. وانا افكر بالمفاجأة الثانيه .. اكيد انه بيخلي سروي تروح تدرس وياي .. ندرس ويا بعض .. الله حلم .. ولا احلى .. لا مب حلم حقيقه واقعيه .. ابتسمت بكل حماس : وهذاني قعدت


نزل ابوي انظارة وهو يقول ,,: ماخليتني اكمل .. انا بخليج تسافرين تدرسين برع بس على شرط ...!!

عقدت حواجبي .. وانا اقول بحيرة :موافقه ... (يوم طالعني ابوي .. سكت افكر ) شرط؟؟ .. شرط شنو !!

ابتسم ابوي .. : في واحد متقدم لج .. هو رايح يكمل الماجستير .. ويبغيج حليله ؟؟ وبجذي .. تتزوجينه .. وتكملين دراستج برع ...

طالعته مب فاهمه ...رددت وراه مثل البغبغاء : اتزوجه؟ ...

طالعني بشكل جاد : ايه تتزوجينه .. انا موافق عليه .. هو خطباج من اسبوع .. بس انا اسبوعي كان مزدحم .. ونسيت الموضوع .. اليوم تذكرته .. ها يا سلوى .. تبغين فيصل ولا لاء ؟؟؟ ..

دق قلبي بسرعه كبيرة .. وحسيت بدمي كله يتيمع بويهي .. اتزوج ؟ .. بس انا صغيرة .. ومب مستعده مسؤليه زواج وعفسه !! : يبه انا صغيرة !!

طالعني ابوي بعصبيه ساكنه : سلووووى ... انا مابي اغصبج .. لكن انج تقولين صغيره ولا كبيرة .. هالكلام مايمشي عندي .. واذا تبين دراسه فالخارج .. عطيتج انا الحل .. اما اطرشج تدرسين بروحج .. فــ لا ... لا .. لا ... ولا تفكرين اني راح اسمح بهالشي ؟؟. بنتي تسافر بروحها عشان تدرس .. خوش خوش ..

سكت شوي .. وانا منصدمه .. وكمل بعدها بلين اول مرة احس فيه: يايبه .,, فكري زين .. حبيبتي .. انتي الحين مب صغيره ماشاءالله بتدشين العشرين بعد سنه ولا سنتين .. شالفرق اذا تزوجتي الحين ولا بعد سنتين .. ؟ وبعدين هذي فرصه وياتج من السما .. اذا تبين تكملين دراستج بالخارج .. ها يبه .. شقلتي ..؟؟ ...

سكت .. محتارة .. ومنصدمة .. ابوي شكله طابخ الطبخه وناجبها .. ماينتظر رايي .. شكله مصر على هالزواج ..!! .. يبيلي افكر .. مب عارفه شسوي؟؟ .. شـ اختار ؟؟ ...

ظليت ساكته صامته الافكار توديني يمين ويسار .. مب عارفه .. شنو الي اقرره .. ابوي سكت شوي وقال : فيصل رفيج اخوج .. ريال والنعم فيه ؟.. دارس فـ لندن .. ورايح يكمل دراسته .. هو بن الـ ؛؛؛؛؛؛؛ .. ولد وزير ..(من سمعت انه ولد وزير ين ينوني .. والعفاريت الي فالدنيا كلها قامت تتناقز جدامي بعد؟ بعد اتزوج واحد له خص بالمراكز بعد؟ راح اعيش حياة خاليه من المشاعر خاليه من كل شي لا حرام حرام .. مابي مابي .. كنت اترجى ابوي بعيني عشان يرفض لكنه كمل ) وراهي .. بيعيشج احسن عيشه .. نفس عيشتج فبيت ابوج .. واحسن .. ماراح يقصر عليج بشي .. وغير هاي هو رفيج اخوج .. واحنا عارفينه عدل .. كان ايجي بيتنا قبل اذا تذكرينه ...!!

عصرت ذاكرتي الصغيره .. اتذكر شكله ولا لمحه منه .. كان طيب ولا لا؟؟ ... بس ذاكرتي كأنها عجزت عن ذكر شخص بهالاسم .. آها ولد وزير عشان جذي رضى فيه ؟؟!

هزيت راسي بيأس : مااتذكره ..

قال ابوي وهو يقوم من على كرسيه متوجه للباب : فكري عدل

طلع وخلاني حايرة .. في دوامه التفكير .. مب عارفه افرح؟ احزن؟ استانس؟؟ اكتئب؟؟ اشلون جافني؟؟ خطبني خطوبه تقليديه؟؟ ولا ؟؟ .. يعرف شكلي ولا ؟؟؟ .. مااتذكر حد بااسم فيصل مااذكر؟!!



^^^^^^^^^^^^^^^
"علي"

كنت ويا لولوة فالمطعم .. خلصنا العشا .. وراحت هي الحمام .. طلبت ايسكريم لنا .. يعني نحلي .. جفتها طلعت من الحمام وهي تبتسم وتعدل شنطتها بس تضايقت واااايد واااااايد يوم جفتها رادة وحاطه الروج .. كم مرة قلت لها ..ماتسمع الحجي .. تقول كل الناس جذي تسوي .. كم مرة اقنعها .. انا مابي اجبرها انا ابيها تسوي جي من نفسها حتى تهده بااقتناع ..

قعدت وهي تحط الشنطة بدلع ع الطاوله .. ابتسمت لها بضيج ..

وهي ابتسمت : حياتي .. بنمشي؟؟

قلت بضيج: لا .. بس ابتسمت حتى مااضيج خلقها

قلت وانا اطالعها تطالع المنظرة الصغيرة .. وتردها بالشنطة .. تضايقت من حركتها : لولوة انا مب قلت لج لا تحطين روج يوم تطلعين وياي وبدوني؟

تأففت وبرطمت وهي تقول بدلع : حبيبي .. خلاص خلاص .. اخر مرة .. وابتسمت بدلع .. بس لاتزعل ..

قلت : كل مرة تقولين نفس الحجي .. تنهدت بقهر ..

قالت بدلع: نو نو هالمله اخل مله (هالمرة اخر مرة ) واشرت لي بااصبعها مثل اليهال

ابتسمت بحنان .. مسكت يدها .. ونسيت ان احنا بمطعم .. : مشتاق اجوف ولدنا او بنتنا .. اشرايج نسافر الخارج .. ن ت ع ا ل ج >كنت مركز في ويهها وانا انطق اخر كلمه؟

كشرت واعقدت حواجبها .. طالعت شنطتها ولعبت فالسلسله الي معلق فيها شعار Lv .. وقالت لي : اذا الله راد ..

خفت اني جرحت شعورها :ماتبين تاكلين؟؟

هزت راسها ومسكت القبشه (القفشه).. وابتدت تحوس فالايسكريم .. ابتسمت وانا اتخيل عيالنا .. آآآه متى ايي ذاك اليوم .. متى؟؟

^^^^^^^^^^^
"سارة "

اليوم هو اخر يوم لنا هني .. وباجر بنرد البيت .. ياني مشتاقه لامي .. ياني مشتاقه لمرام ويسفوه حبيب قلبي .. ياني مشتاقه لسلوووي .. رفيجاتي .. واشتقت حق مجود اخوي .. لاء مجود اخوي لاء .. بعد ماخيب ظني انا خلاص ماقمت اشتاق له .. اي ماقمت اشتاق له

يمعت اغراضي من الصبح بس بقت شنطة منصور الي الحين كنت ارتبها .. بس تبون الصج احم احم شنطته ارتب من شنطتي بوااااااااااااااااااااااااااايد ..يعني لو تجوفون شنطتي تعرفون اني وحدة ام العفساااات .. اما شنطته كانت مرتببببببه .. ماغير كم ثوب الي حطيتهم انا فالشنطة وطبقتهم مب تقولون مب مرتبه .. لالا طبقتهم بس عاد لا تجوفون ترتيبي لانه ترتيب عزوبي خخخ .. صج صج انا عمري ماعرفت ارتب شي مثل الاوادم دايم امي فديتها كانت ترتب لي .. جفت الساعه .. الحين 8 بالليل .. اوففف ملل .. طلعت .. لقيت منصور منسدح ع الارض وماد ريوله على كبت التلفزيون .. وبيدة يد السوني .. رحت عنده وحطيت المخدة ورا ظهري ومديت يدي للسوني الي يلعب فيه .. احب العوزة واعصبه مااعرف ليش .. جفته عصب وصرخ علي : سارووووووة يبيه

لاوالله قام ايصرخ وايسب بعد وايكسر الاسامي طلع له لسان بعد .. قربت لعنده وانا امسك اذنه|::اشقلت يالدب؟؟ من ساروه هاذي ها؟؟

ضحك وهو يبعد يدي بسهوله بالنسبه ليدة الكبيرة : للحين دوري ماخلصت ..

فتحت اكمل اللعبه وانا طنشته ... ماحسيت الا بصرخته الي خلتني انقز فمكاني ... ير من يدي يد السوني ورد ينسدح ويلعب .. يريت يد السوني منه .. بس يراه هو هالمرة بالقوة وصرخ علي : اقعددددددي

صوته كان عاااااااااااااااالي : لا تصرخ !

طالعني بعيون مغتاظه ورد يلعب .. اما انا فاابتسمت بيني وبين نفسي .. احب اخليه يعصب رن التيلفون .. مشيت متكاسله له رديت : الو ...

الطرف الثاني :.............................


عقدت حياتي وقلت : الو؟؟؟

بس ماردو؟؟ .. بس اسمع صوت انفاس قويه .. :من معاي؟؟

بعد مافيه رد :................

بعدت السماعه عن اذني وطالعتها مستغربه ..وبعدها رديتها لمكانها .. تحركت خطوتين .. بس رجع التلفون يرن .. رديت : الو ؟؟؟ ...

نفسها الانفاس العاليه بس الي اسمعها ... استغربت وقلت / بتتحجون ولا لاء؟؟؟

بس ماردو .. صكرت

فكرت اقول لمنصور عن الفكرة الي طرت ببالي ..

رحت لمنصور وقلت له : منصور شوي تعال ابي اقولك شي


منصور كان منسدح ومب مهتم: قولي قولي اسمع

رحت وقفت عند راسه : لا صكر اللعبه بقولك شي مهم ..

طالعني بعيونه العسليه : انزين ترا اسمعج ..

بعدت عيوني عن عيونه .. لانها تجذبني بشكل كبيير .. عيونه حلوة واايد .. ولونها احلى واحلى .. يوم اجوفهم اضيع فدوامه لونهم العجيييب :لا يالله صكر اللعبه

طالعني بنعاس ومد يده لي ظليت دقايق مثل البلهه اجوف يده وبعدها مديت يدي ليده اشد عليها عشان يقوم .. بس من غبائي مااكتشفت انه هو الي يرني طحت عليه ضرب خشمي جتفه مسكت خشمي بألم وقلت بالم وقهر: احين ابي اقومك تقوم تطيحني

ضحك منصور وهو اصلا شكله انصدم اني طحت:"انا شدراني انتي جي خفيفه .. كمل ببراءة .. ويييي انتي بيبي

قلت : اوكي يالله قوم .. قمت وانا ارتب ثيابي .. مد يده من يديد .. وانا تجتفت : قوم بروحك البيبي ماتقوم حد .. كنت بمشي بس يده الي منعتني

منصور بخبث: اذا ماقومتيني بطيحج

فتحت عيني بوسعها: يالملعون

ضحك بالقوة .. ابتسمت وانا امسك يده وايرها بكل قوتي : يالله قوووووووم اوف ثقيل ماشاءالله

بعد مااستوى فوقفته مد يدة على جتوفي وقربني له .. ارتبكت .. وقلبي طاح بطني .. حسيت ان بطني يعورني واااايد .. بس سكت ماتحجيت .. قعدنا ع الكرسي

وهو حط يده على خده المليان شوي ويدة الثانيه يسندها على فخذه: شنو تبين بس خليتيني اصكر اللعبه

شكله كان بررررررررررررررررررررررررررررئ : امممم منصور ..

طالعني : هممممم


فهيت وانا اطالع عيونه .. هالانسان جميل جميييل .. لا يقاوم بصراحه .. نزلت عيوني وانا احتقر افكاري من متى يهمني لشكل ... :منصور شسم الدكتور الي تروح له ؟؟

بعد فترة هدوء رفعت راسي له جفته يطالعني ببلاهه : اي دكتور؟؟

سكت .. اشلون افهمه الحين .. مسكت يده وانا احثه ع الحجي ..: حبيبي منصور يوم كنت انت اصغيرون اشوي كنت اتروح حق دكتور ماتتذكر شسم الدكتور ... طالعته برجاء يمكن يفهمني .. كان يعالجك شوي

بس للاسف ويهه كان اكبر جواب : مااتذكر !! انا كنت مريض!!!

هديت يده بيأس .. وانا افكر يوم نرجع .. افتش فـ اوراقه او اوراق عمي او اسأل سلوي !! ..طالعته وقلت : ايه شوي

هالمرة هو الي مسك يدي انحرجت لاني اكتشفت اني مسكت يده وانا مب داريه عن نفسي: كنت مريض !! ليش؟؟ شنو كان فيني؟؟

طالعته بعطف وانا اجوف حالته .. في اخس عن جذي يامنصور؟ ..: ولاشي بس كنت تعبان !!

طالعني ببراءة: من شنو؟؟

حاولت اشل يدي من يده بس هو ضغط عليها وهو يصر: من شنو ساره

تلخبطت ماعرفت شقول له .. انت مريض نفساني .. ماراح يفهمني .. وحتى لو فهم راح ينحبط .. بس يمكن هالشي يساعده على انه يتذكر؟؟ .. مب عارفه شسوي اخاف اقول له واندم عقب .. خله لبعدين تأتأت وانا ادور على جذبه فمخي: ا ا ا ا ا .. ا كنت احم .. كنت طايح من من دري البيت وتعورت .. لمعت عيني من الي قلته .. ايه طحت من دري بيتكم وتعورت .. وودوك المستشفى ..

طالعني بتفهم وهو يهز راسه : تعورت وايد؟

بلعت ريجي من جذبتي: ها ؟.,, ايه ايه اقصد لا لا ماتعورت وايد شوي بس

طالعني بتفهم : عيل ليش تبين اتعرفين الدكتور


صدمني سؤاله صج ان اليهال يسألون اسأله كثيرة ومن ضمنها اسأله ذكيه ظليت اطالعه هالمرة مفهيه من سؤاله :.......................


حرك منصور يدة جدام ويهي وانا للحين منصدمة .. حط يده على خدي وهو يهزه: ساروة شفيج ..

بلعت ريجي وانا اصحى على نفسي .. رديت لورا شوي .. وكان قد هد يدي .. حضنت يدي فحظني وقلت: ها لا مافيني شي .. كنت ابي اعرف دكتورك عشان .. عشان ... عشان شسمه .. اااااا ... اي ابي اسأله عن ريلك الي تعورت .؟.. وعشان الهيه عن الاسأله .. اشرت على ريله .. اجوف صارت احسن ولا لاء؟؟؟

ابتسم وهو يراويني ريله بحماس: جوفي صار يابس الدم الحين مايعور ..

هزيت راسي بغباء وانا اجوف ريله .. ما وعيت الا وهو يلمني: مشكووووووووووووورة

ابتسمت بااحراج: العفو حياك الله

قال بزعل: يعني خليتيني اصكر اللعبه عشان هالسؤال جان قلتي لي وانا العب .. جفته عصب وهو ينفخ

ضحكت .. مااعرف ليش الالعاب الالكترونيه تخلي الانسان يصير عصبي وعدواني وهو يلعبها **
ابتسمت: يعني الحين زعلان؟؟ ..

قال بعصبيه : ايه انزين ..

دزيت جتفه: يالله زين احسن كل شوي ناقز لنا تبي تلعب ياخي مللتنا

طالعني بدهشه وقال بعصبيه: عيل شاسوي؟

قلت بمكر: خم الحوش

وبسرعه قمت بااشرد بس انتبه على حركتي ويراني من يديني طحت ع الكنبه وهو ثبتني بيدينه .. تخرعت عيونه كانت جدام عيوني وماسك يديني بالقوة شوي ويعصرهم لايكون عباله يدي ليمون يبي يعصرهم؟؟ ..قلت بالم: اييي ترا عورتني

قال بمكر طفولي: اخم الحوش ها؟؟

فتحت عيني جني مب عارفه الي قلته: لالللا من قال؟ من هذا دلني عليه بس .. عديم الذوق هاي الي يخلي الشيخ منصور يخم الحوش له له له مايصير مايصير

قال ببراءة وهو يأشر علي : انتي الي قلتي

فتحت عيني باانفجاع: انا متــــــــــــــى؟؟؟

قال ببراءة: توة توة قلتي

قلت بمكر: متى انا ماقلت انت تتخيل

عصب :انتي الي قلتي انا ماتخيلت

صراحه خوفني ويهه وهو بهالقرب وملامحه الخشنه الوسيمة قريبه مني جذي حاولت افجج يدي من يدينه القويه : يالله عاد خلني اروح

عصرني زيادة بيدينه قلت بالم: اييي شعبالك انا ليمون تبي تعصرني اااااااي والله يعور !!

طالعني بمكر: تبين اخليج؟؟

قلت وامري لله: ايه؟

ابتسم باانتصار: تلعبين وياي قيم يديد

لاعت جبدي من اللعب بس شسوي مغلوب على امري: انزين .. خلاص هد يدي بلعب وياك ...

ابتعد عني وهو يطالعني كأنه يتأكد اذا اجذب عليه او بلعب وياه .. وقتها بس حسيت بموقفنا .. توني احس بالموقف .. دق قلبي بقوة .. كنت مرتبكة ..وااااايد .. ومن راح يفتح السوني ركضت بالقوه للغرفه .. صكرت الباب وراي وانا اسمع دقات منصور على الباب .. يدي كانت على قلبي .. وانا احاول اهدي تنفسي ..


**حقــــــــــــــــــــــــــــــــــــــائق
((إنه غزو من نوع جديد، ليس غزوًا عسكريًا ولكنه غزو فكري وعقدي، غزو كمبيوتري سيطر على عقول أبنائنا وشبابنا وفتياتنا من خلال ما يسمى بألعاب الكمبيوتر التي حملت إلى فلذات أكبادنا عادات وثقافات بل وعقائد مخالفة للإسلام.
ولكن في الوقت الذي ارتفعت أصوات الباحثين والتربويين والمختصين محذرة من الآثار الكارثية لهذه الألعاب الإلكترونية على أبنائنا، ازدادت معدلات تدفقها إلى أسواقنا بدرجة لايجدي معها الصراخ، حتى أصبح المشتري نفسيه في حيرة، فأي شيء يختار من وسط هذا الكم المعروض؟.
أسباب الإدمان:
قبل أن نعرض لآثار هذه الألعاب على ناشئتنا لابد من التعرف على أسباب تعلقهم بها وإدمانهم عليها وجعلهم مشدودين لها، مشدوهين أمامها:
وأول هذه الأسباب هو عامل الإثارة؛ فهذه الألعاب تبلغ القمة والغاية في الرسوم والألوان وسعة الخيال، وقمة المغامرة.
ثانيًا: وجود عنصر المنافسة: وهذا يكاد يكون في جميع اللعبات؛ إذ هو روحها وعامل الجذب فيها كسباقات السيارات والدراجات النارية، أو كبطل يحاول التخلص من مجموعة أشرار، أو عابث يحاول التخلص من أيدي رجال الشرطة، أو تائه في الأدغال يحارب الحيوانات المتوحشة؛ فاللاعب يعيش دور المسابقة والمنافسة؛ إما بينه وبين بشر آخرين، أو بينه وبين وحوش تحاول القضاء عليه، ولذلك فهو يعيش الحدث بكل حواسه.
ثالثًا: الواقعية: ليس في القصة أو اللعبة ولكن في الإيحاء بالواقعية، وذلك من خلال تصوير الأماكن وتراتبية الأحداث، فتارة تعيش في الأدغال، أو في تخوم الجبال، أو في الفضاء، أو حتى في الأوحال؛ فتأخذ اللعبة اللاعب من واقعه إلى واقعها، وتنتقل به قلبيًا وذهنيًا حتى لا يشعر بمن معه أو حوله.
رابعًا: شخصية البطل: فهي تصور البطل محور القصة بحيث يتعلق به اللاعب ويتمثله في أثناء اللعبة، بل وبعدها، وذلك بإلباسه صفة البطولة والقوة أو الفكاهة والمتعة، فيتفاعل معه اللاعب ولا يريد تركه.
خامسًا: عدم وجود البديل الصالح: فمازالت دولنا متخلفة في هذه الصناعة، فلا يجد الناشئ بديلاً يسد مسد هذه الألعاب. والوقت عنده فارغ يحتاج أن يملأه بشيء، ولاشك أن من يخير بين إنتاجنا وإنتاج الغرب سيختار الثانية حتمًا.
الآثـار:
من الإنصاف أن نقول إن هذه الألعاب – أو بعضها على الأقل – تفيد الطفل أو الناشئ في بعض الجوانب كالذكاء، والجرأة، وسرعة البديهة، والتفكير، مع سعة الأفق في بعض الألعاب.
بيد أن هذه الألعاب حين تتخطى مرحلة اللهو لتصل إلى مرحلة الإدمان، يكون لها آثار خطيرة يمكن وصفها بأنها كارثية، وهذا ما أثبتته الدراسات العملية البحتة، والتي نشرت في أنحاء العالم، وهو ما حمل أطباء وعلماء تربية ومسؤولين، بل وسياسيين إلى رفع صيحات التحذير والانتباه، وقدم أحد أعضاء مجلس الشيوخ الأمريكي اقتراحًا بمنع تداول أفلام الفيديو والألعاب الإلكترونية السيئة والمخلة، نظرًا لتأثيرها السلبي في تكوين شخصية المشاهد حالاً ومستقبلاً. بل وفي أمريكا قانون يسمى "غرامة سليفر" يعاقب من يسمح للأحداث والقاصرين بمشاهدة أو ممارسة الألعاب السيئة.
لقد حملت هذه الألعاب إلينا الأمراض التي عانى منها أبناء صانعيها في الغرب، وزادت على ذلك أمراضًا تختص بديننا وعقيدتنا وعاداتنا وتقاليدنا وأخلاقنا، فصانعوا هذه الألعاب يحملون ثقافات وعقائد واهتمامات وأفكارًا مخالفة للإسلام وعقيدة أهله، ولذلك كانت آثارها علينا أسوأ، وعاقبتها علينا أوخم، ونتائجها على أبنائنا أعظم.. ومن هذه الآثار:
أولاً: الأثر العقدي:
1- ترسيخ مبادئ الشرك والكفر: باعتقاد وجود قوي مع الله، وإظهار قوى خارقة لا يقدر عليها، أو بطل لا يمكن قتله ولا يموت، أو توقف نجاة العالم على شخصية بطل اللعبة الذي يأتي بأمور ليست في مقدورات البشر.
2- محبة الكفار والتشبه بهم: عن طريق محبة شخصيات أبطال هذه الألعاب ومحاكاة حركاتهم وملابسهم، وقد رأينا من يلبس السلاسل وقلائد العنق، ومن يمشي باللباس القصير في الشوارع وهذا من أثر هذه الألعاب.
3- التعلق برموز الكفر: ففي كثير من هذه الألعاب يظهر تقديس الأحبار والرهبان وعباد بوذا، وكثير من أبطال هذه الألعاب يلبس الصليب، وفي كرة القدم يثلثون عند دخول الملعب وإحراز الأهداف، وفي بعض الألعاب يلزمك الحصول على الصليب ليزيد من فرص حياتك أو إعطاء عمر جديد أوطاقة جديدة. وهذا يجعل اللاعب ينتظر الصليب ويهفو قلبه إليه في بعض مراحل اللعبة.. ولا يخفى أثر ذلك على عقيدة أبنائنا.
وهناك آثار أخرى كالتعدي على الغيب، والاعتقاد في الأبراج والنجوم؛ كما في لعبة (ذا باونسر). حيث توجد فتاة تجلب الحظ والمال لكل من تقابله.
الأثر الديني:
1- تضييع الأوقات والصلوات: فهذه الألعاب تجتذب اللاعبين وتغريهم بالجلوس أمامها ساعات طوال، وكلما انتهى من مستوى أو مرحلة ينتقل إلى مرحلة أخرى ومستوى جديد وأشد إثارة وجاذبية؛ بحيث يصعب على اللاعب أن يتركها ليقوم ولو إلى الصلاة، فيؤخر الصلاة عن موعدها ثم بعد ذلك شيئًا فشيئًا يتركها.
2- عقوق الوالدين وقطيعة الرحم: فمدمن هذه الألعاب لا يحب تركها، ويتمنى أن لو بقي ساعات النهار كلها أمام الجهاز، ولا يتململ من ذلك، بل يضيق بمجالسة الناس حتى يهجرهم إلى الألعاب مما يحمله على عدم طاعة والديه وعدم الاستجابة لأوامرهما، بغية ألاينقطع عن هذه الألعاب.
3- الدعوة إلى الرذيلة: من خلال مناظر العري التي لا تكاد تخلو منها لعبة من اللعبات، والمراقب يكاد يجزم أن هذا أمر مقصود حيث تحشر صور العاريات حشرًّا حتى في سباقات السيارات ومباريات المصارعة يحملن اللافتات شبه عاريات. وهناك بعض الألعاب أبطالها نساء وهن غالبًا أيضًا عاريات، وفي إحدى اللعبات كلما اجتاز اللاعب مرحلة تظهر له امرأة تخلع جزءًا من ملابسها حتى إذا بلغ المرحلة الأخيرة تكون قد تجردت من ثيابها تمامًا. هذا عدا ما يظهر في هذه الألعاب من مشاهد منكرة كالقبلات، أو مباريات المصارعة بين الجنسين، والإيحاءات الفاضحة التي تثير غرائز الشباب وتدعوهم إلى الفاحشة.
4- عشق الموسيقى: إذ قلما يخلو منها برنامج من هذه البرامج، بل هناك ألعاب وضعت خصيصًا لتعليم الشباب الموسيقى، كما في لعبة (فب ريبون)، أو لعبات كالسامبا، وروك إن ميجا، ولا يخفى تحريم سماع الموسيقى في شريعة الإسلام.
5- التعلق بالجنس الآخر: فكثير من الألعاب تدور حول فتاة تتمتع بجمال فائق وإغراء شديد، ومنها ما يكون دور اللاعب إنقاذ فتاة، اختطفها شرير أو عصابة أشرار، وهذا يوجه أنظار المراهقين والشباب ـ بل والكبارـ إلى الاهتمام بالجنس الآخر وإيقاد نار الغرائز والشهوات لديهم.
الآثار الطبية والنفسية:
لا شك أن الجلوس أمام شاشات الألعاب لفترات طويلة يؤدي إلى أضرار صحية بالغة:
أولها: الإصابة بانحناء الظهر نتيجة الجلوس على هيئة واحدة لساعات عديدة يوميًا.
ثانيًا: ضعف البصر نتيجة للتعرض للإشعاعات الضارة.
ثالثًا: التأثيرات الضارة على الدماغ: فقد حذر الدكتور فنسنت ماتيوس - أستاذ التصوير بالأشعة في جامعة إنديانا - من مخاطر هذه الألعاب على الدماغ، ودعا الدكتور البريطاني جافين كليري إلى كتابة تحذيرات على هذه المنتجات بعد أن وقف هو ومجموعة أطباء ومختصين على إصابات وحالات مرضية عديدة.
رابعًا: الإصابة باضطراب وتوتر الأعصاب:وهذا بسبب الإثارة المستمرة والشد العصبي الذي يعيشه اللاعب، وكذلك لاشتمال كثير من الألعاب على مناظر مخيفة، كمشاهد المقابر ودخول مشرحة الأموات ورؤية الجثث، كما في بعض الألعاب. وقد نشرت الدكتورة البريطانية ديانا ماك المتخصصة في طب الأطفال مقالاً في مجلة "سكوتش ميدكال جورنال" دعت فيه أولياء الأمور إلى الانتباه إلى خطورة الألعاب الإلكترونية على صحة أبنائهم النفسية والبدنية والأخلاقية والاجتماعية، وقالت: إنها لاحظت من خلال معالجتها للأطفال أن الذين يقضون الساعات الطوال في مشاهدة هذه الألعاب يعانون من مرض التوتر المتكرر وأوجاع في الرأس والأطراف بصورة واضحة.
الأثر الاجتماعي:
(1) تنامي روح العزلة لدى الأطفال: فهذه الألعاب تتيح للاعب أن يلعب بمفرده، فيجلس مددا طويلة دون أن يحتاج إلى صديق مما ينمي عنده روح الانعزالية والانطاوئية وعدم التعاون ورفض الآخر.
(2) ازدياد ظاهرة العنف: لأن معظم هذه الألعاب مبني على الضرب والفتك والقسوة، ويعيش اللاعب والمشاهد هذه المواقف مما يحمله على تقليد تلك السلوكيات.. وقد اشتكى كثير من الآباء السلوكيات العدوانية لأبنائهم واعتدائهم على إخوانهم بالضرب المبرح أحيانًا نتيجة لتقمصهم شخصيات هذه الألعاب. كما وأن تقليد السائقين في بعض سباقات السيارات يؤدي في بعض الأحيان إلى وقوع حوادث قد تكون كارثية.
(3) التخلف الدراسي: لانشغال الأولاد في الألعاب وقتل الوقت فيها، وعدم وجود مساحة زمنية للمذاكرة والدراسة، هذا مع الإرهاق الشديد الناتج عن هذه الألعاب مما يستنفذ طاقة الناشئة وربما يدمر مستقبلهم العملي والدراسي.
وسائل العلاج
ومع الاعتراف بحجم المشكلة وبعد معرفة آثارها مع الاعتراف بأهميتها في ذات الوقت كان لابد من البحث عن حلول مناسبة ووسائل للعلاج.. ونحن نرى أن من بين هذه الوسائل:

أولا: إيجاد البدائل: وهذه مسألة هامة، وذلك بدعم هذه الصناعة بحيث تصبح منافسًا إسلاميًا، والارتفاع بمستوى إنتاجنا ليكون جذابًا ومرغوبًا لدى فئات شبابنا وناشئتنا، ودعوة رؤوس الأموال في الاستثمار في هذا الجانب لدرء مفاسد المنتج الغربي أو غير الإسلامي عمومًا.
ثانيا: تصحيح مفاهيم الناشئة: بإعادة صياغة الأولويات، وأن الإنسان خلق لأمر أكبر من اللعب، وهو عبادة الله التي ينبغي أن تصرف فيها الأوقات، وقيادة العالم التي لا تتأتي إلا بالجد والاجتهاد، والعلم والحرص على الأوقات، وأن اللهو إنما هو إجمام للنفس وراحة للقلب، فلا يأخذ حيزًا زمنيًا كبيرًا ولا وقتًا من العمر طويلاً، فالعمر أغلى من أن يضيع في مثل هذه الألعاب.
ثالثا: شغل الناشئة بما يفيد: فالفراغ هو الذي يحملهم للبحث عن شيء يصرفون فيه وقتهم، ولو كان الشاب أو الفتاة مشغولاً في شيء نافع لما صرف همته، ولما تعلق قلبه بهذه اللعب؛ كما قال الأول:
أتاني هواها قبل أن أعرف الهوى .. ... .. فصادف قلبًا خاليًا فتمكنا
ونفسك إن لم تشغلها بالحق شغلتك بالباطل.
رابعا: المراقبة والتوجيه: فالواقع يدل على ضعف البديل، وعلى الإقبال الشديد من أبنائنا على هذه الألعاب فصار من المتحتم على أولياء الأمور معرفة ما يلعب به أبناؤهم وما يشاهده فلذات أكبادهم، ولا مانع من الجلوس معهم ولو مرة أثناء اللعب للاطلاع والاطمئنان، فإذا وجد خلل عولج بالتوجيه والنصح، وإن كان يصعب علاجه أخرجت اللعبة كليًا حماية لأبنائنا وصيانة لدين وخلق أجيالنا، وحفظًا لمستقبل أمتنا.
إن أحدًا لا ينكر أهمية اللعب بالنسبة للأولاد والناشئة، ومدى حاجتهم إلى تفريغ الطاقات المخزونة لديهم، وأن هذا ضرورة بالنسبة لهم كضرورة الطعام والشراب والنوم، ولكن على الجانب الآخر لا يستطيع أحد أن ينكر حتمية توجيه هذه الطاقة فيما يعود بالنفع على الأولاد جسميًا وعصبيًا ونفسيًا وعلميًا، أو على الأقل لا يعود بالضرر عليهم في ذاتهم أو في مستقبل أممهم. )))


^^^^^^^^^^^^^
"سالم"

اااااااااخ على صوتها العذب .. الحين الواحد يقدر ينام .. تقلبت على فراشي .. مسكت الصورة .. كانت تصيح وشكلها يكسر الخاطر .. خشمها احمر .. عيونها حمر واجفانها حمر .. شعرها المبهدل .. لعبتها الي ماسكتها بيد .. ويدها الثانيه على عينها .. يانااااااااااااااس اتينن .. صكرت عيوني وانا اتنفس بعمق .. تقلبت على السرير مرات ومرات .. ماياتني النودة ..

طلعت من غرفتي .. قررت اروح جناحهم .. بس ماقدرت في شي منعني بس وشو مادري ... تأففت بضيج ..
رديت دخلت حجرتي .. لبست لي ثوب .. وتعطرت .. احترت البس كاب ولا غترة .. بس فالاخير استقرت يدي على غترتي وعقالي ..

لبستهم وانا مستعيل .. بس شكلي شنو طلع رهييييييييب .. طبعا بدون شي اقط الطير .. اشلون لا كشخت .؟ ..

طلعت بغرور من الغرفه .. واستعيلت وانا انزل من على الدري .. سمعت حس ناعم ..

: ســـــالم ؟

تأففت بداخلي قلت وانا ماعطيها ظهري : نعم ؟؟

سمعتها تكمل: بتطلع؟؟

قلت فخاطري"ياصبر ايوب .. واشحقه تسالين زوجتي موصيتج علي اوف؟ " : اي .. باي ..

نزلت اسرع من قبل وانا اسمعها تنادي .. بصوت منخفض .. بس انا اسرعت .. مب فاضي حق التحقيق .. اوففف

طلعت قعدت ادور فالشوارع بلا هدف .. يات فبالي سارة .. قررت اروح اجوفهم .. اذا محتاجين شي ولاماشيات .. بعد تعرفون .. منصور مايدري عن الدنيا .. ولازم احد يمر عليهم ع الاقل يتطمن عليهم <كفو ؟

وصلت الشاليهات وانا هلكان تعب .. ويوووووعااااااان فنفس الوقت .. دخلت الشاليه .. جفت منصور وساره قاعدين ع الزوليه الي فارشينها .. ومندمجين ويا بعض .. ضحك وسوالف .. انبطت جبدي .. تنحنحت بصوت عالي .. طالعتني سارة .. وعدلت شيلتها وعيونها تشع استغراب وكره

قام منصور وسلم علي .. قعدت احذاه

: اشلونج سارة .....؟

ردت : بخير !

حسيتها ترد من طرف خشمها .. خلتني اعصب اكثر .. يعني حق منصور الريج الحلو .. وانا مطنقره تردين بخياس نفس؟؟ .. لكن هين ياسارة ..دواج عندي ..

كملت وهي تجوفني بلا مبالاه: وانت ؟!

ابتسمت فداخلي .. ورديت : بخير ..؟!

تذكرت انهم كانو ناويين يطلعون الطراد بس غيرت رايها الشعشبونه سارة .. اشحقه العناد والمغايض .. جان رضيتي الله يخسج .. مشتاق لج وانتي ماتحسين !

: الا مابتروحون البحر؟؟

كنت موجه كلامي لسارة بس الملقوف منصور هو الي رد : احنا فالشاليه .. يعني صوب البحر .. اشفيك انت ماتعرف؟

انبطت جبدي منه .. خله يسكت ابرك .. اصلا من قال اني كلمته .. صدقوني لو اني مو راص على يدي جان مداني كفخته ..

قلت اصحح بغيض : اقصد تدورون فالبحر بالطراد

؟؟

رد منصور : اييييييييييي ؟؟ .. التفت على سارة .. انتي تبين تدورين بالطراد؟؟

كانت هي تطالع الجهه الثانيه .. يعني ماعطتنا نص جسمها .. صج قليله ادب .. زين قولي ضيف .. اقوم اضيفه شي .. مب ماعطتني سابعتج ! ..سمعتها تقول : لا مابي !

سكت ماعرف شقول .. ابيها تتحجى .. وهي ماتبي تطالع ويهي .. تصدقون اول مرة اشك فجمالي .. اول مرة اشك بنفسي .. ساروة هالعله ليش ماتطالعني .. ليش مب مهتمه لوجودي .. لييييييييييش؟ .. وانا اهتم بوجودها .. وانا الي تهمني .. حسبي الله على ابلييييييسج من بنت .. يومج ضيعتي علومي .. !!

سكت مب عارف شااقول : تعشيتو؟؟ ..

قال منصور وهو يصفق بيدة على انهم كلو من زمان .: من زمااااااااااان .. صح؟

ردت : صح !

هدووووووووووني عليها .. ودي اعضها عض هالادميه .. اكسرها تكسر .. تبط الجببببببببد تقهــــــــر .. شنو هالانسااااااااااااااانه البااااااااااااااااااااااردة البلييييييييييييييييييييييييييييييييييييدة !! ..
تنهدت بضيج .. سمعتها تقول :تفضل سالم اشرب جايك؟ بيبرد ؟!ولا مب قد المقام

انتبهت ان منصور مقرب استكانه جاي"شاي" حقي .. والله ماانتبهت .. وين انتبه وهي وياي على نفس الزوليه .. انا زين ماذبت فمكاني ..

مسكت الاستكانه باارتباك ! : لا اشدعوه يابنت العم .. مافي بينا مقامات؟

طالعتني بدهشه واستغراب .. جنها تقول .. من متى؟؟ .. نسيييييييييييييينا ماكلينا؟ ..

بس انا ماهمتني .. جفت صحون كيك .. و3 اكياس من انواع الحب المختلفه .. ودله الجاي والقهوه ودله ثانيه اتوقع انها جاي كرك .. ياحبي للكرك .. شربت شوي من الجاي ؟.. وكان مترووووووووووووووس شكرررررررررر .. حتى اني ماقدرت اكمله ..: منصور انت جم قبشه شكر حاط؟ الاستكانه كلها

قال ببراءة: لا بس خمس قبشات

عصبت : نعم؟

قال : انته ماتحب ويا شكر وايد؟؟ .. مادري انزين اسف حرك شعره الي شكله طولان شوي ومضايقه .. سارو تشربه جذي عبالي انت بعد تحب وايد شكر !! ...

مدام سارة تحبه .. يالله امري لله اشربه ! .. شربت شوي .. وبعدين صبيت عليه جاي زيادة حتى يخف السكر الي فيه .. جفت سارة تقدم لي صحن .. وكان فيه انواع الحلويات والكيك البني الي جفته مساع .. كليت شوي من الكيك .. لان شكله صراحة يغري .. : من مسويه هالكيك؟؟

قال منصور باابتسامه: اناااااااااااااااااا .. والتفت على سارة وهو يقول : لا تخافين بقول ان انتي بعد سويتي وياي .. وعلمتيني ..

انبطت جبدي .. ياريتني ماسألت .. شالي بلاني وخلاني اسأل صج اني احب التعب حق نفسي .. اخ ياسارة .. اخوي صاير قريب وايد منج .. وياخوفي من هالقرب .. ياخوفي



................




لا تلوم الزمن تقول ماله امان وخاين

الغدر والخيانه ما تجيك الا من الحبايب

ويا صحبي ثقتك لا تحطها باي كاين

طعنات الظهر ابطالها الاهل والقرايـــب

توفي لهم وقدرك عندهم دوم هاين

لا نخيت اطيبهم ردك مـــن البــــاب خايب

يا عونة الله من وقت عصيب وشاين

وسود الفعايل اصبح حتى القــلب شايب

يغرونك بمسعول الكلام وكذبهم باين

ما نفعوك فعز ضيقك وانت بالــــهم ذايــب

لا جيتهم تطلب الحق صار الكل داين

وش يفيد الكلام دام اله فابينهم غــــايـــب

شاب راسي واحسن بالموت لي حاين

وانا بعيوني اشد في جنه بساتيني خرايب

ما ينفعك لوحكت بقصتك كل المدائن

لا تبدلت الحقائق اصبحت المبادئ غرايب

((لشاعر مجهول ماعرفت اسمه ))

"علي"

الصفعه الي تجيك وانت مب فاهم صعبه قويه .. انا كنت اتوقع لولوة مسكينه مكسور خاطرها .. تبي طفل يملي حياتها مثلي بالضبط .. بس هالعلبه شنهي؟؟ .. شنهي هالورقه المصحوبه .. ليش الصيدلي قال لي انها











































































































"حبوب منع الحمل" ..

(انتهى )