بعد ارهاق من دموعالبارت الثالث(3)




ام بداح:الريم يمس تعالي
ابيس تدقين ابرتي لي البنات
فوق
الريم:ابشري يمه من عيوني
وقامت تمشي وراها رايحين
لغرفة ام فالح
صكت الباب الريم
التفتت عليها ام بداح وهي
تغص بعبرتها :الريم فديتس
والله اني مااعدس الاوحده
من بناتي قولي لي وش
مضايقس بداح فيه وبكت

الريم وهي تضمها :والله
يايمه ماجاني منه الا الحشيمة
والتقدير بس احس بشي
يحول بيني وبينه والاهوغالي
علي
ام بداح وهي تمسح دموعها:الله يصلح مابينكم
ويبعدمنكم بنات الحرام وعيال
الحرام والله ان ابوس يحاتيس
الريم:جعلني قبلس انتي وياه
ويجزاتس خير




@@@@@@@@@@@@@




بعد مافضى المجلس من
الضيوف





فالح:علومك انت ومرتك
بداح يجاوب من بعدتنهيده:والله يبوسالم اني مدري
وش اقول لك محيرتني
فالح:خافك مضايقها
بداح بجزع:افا يبوسالم جعل
ربي ياخذ روحي ولااضايق
بنت سالم
فالح :والله ياخوك اني مابيلكم
الا الزين واخاف انشدهامن
قعدتها وتحتس تحسب اني
متثاقل قعادها
بداح:والله يابوسالم مدري
جاها بلا مني وتقول تعبت
من العلاج (وسكت لحظات
بعدين كمل)وطالبه الطلاق
فالح:افا افا وش بلاكم





@@@@@@@@@@@@@





الريم وهي تكلم صديقتها
طرفه :والله ياطروف احس
اذا شفته كأني شايفه عدو
طرفه:اكيد عين ياريوم استمري
على الرقيه
الريم بعيون دامعه:مااقدر
مااقدر اذا قريت اقعد 3ايام وانا
مااحس باللي حولي
طرفه:طيب يمكن لانس من
البدايه ماكنتي باغيه رجالس
الريم:مااظن صح اني ماكنت
ابغيه بس عقب تأقلمت ما
اقولس حبيته بس يعز علي
طرفه:وش بتسوين ذلحين
الريم:طلبت الطلاق
طرفه:لا ياريوم مذا بحل
استخيري ربس في قرارس
والخيره في مااختاره الله
الريم:تصدقين انه اصعب قرار
خذيته هوالطلاق
اناحتى اكرهه نفسي كل
ماشفت حبه لي ومداراه
لخاطري اناصح خذيته من
غيرشورمني بس كان صابر
علي كانت معاملتي له زفت
اول شهر تقريبا كان يكلمني
وانامعطيته طاف بس بس
(ودخلت في موجة بكاااا)
هومايستاهلني يستاهل وحده
تحبه
<طرفه كانت تسمعلها بدون
مقاطعه لانهاحاسه بداخلها
انهامانست اللي تحبه حتى
بعد هاالسبع سنين اللي مرت>
ريم:تدرين بعد اني انانيه
بداح متشفق على بزران
(بداح وهومنسدح جنبها على السرير:ريميه اناودي بوليدوالابنيه
انتي ماودس
ريم بنفس خايسه:وش قلت
ههه لاحبيبي اناتوي صغيره
مااقدرعلى حمل وقرف ولاده
بداح اللي بفرح بكلمة حبيبي
ولاعاد يبي غيرها يبي يكمل
ليله بها
الريم لفت عليه مستغربه ليش
مارد لقته يطالع السقف ومبتسم
هزته الريم:انت ليش ماترد
ترى بأكل حبوب منع حمل
بداح فز وقعدعلى حيله:وليه
وش قومس ماتبين الحمل
الريم باسلوب منرفز :لاني
توني صغيره
بداح:وام ثمن طعش صغيره
وليش تعرسين يوم انس صغيره
الريم ونزلت دموع تماسيح
:انت تدري انه شوري مهوب
بيدي
بداح كسرة خاطره ضمها
على صدره وهويمسح
على ظهرها ويدخل اصابعه
وسط شعرها:ريميه عيوني
خلاص اكليها وانامستعد
استناس لين تهيئن نفسس)
الريم وهي تمسح دموعها
:اسمحيلي طروفه اجعت راسس
طرفه :فديتس والله اهم شي
ارتحتي انتي
الريم بصدق:ماتتصورين
شقد كنت ابي افضفض لاحد
طرفه:طيب قومي غسلي
وجهس وتوضي وادعي ربس
واستخيري
الريم:ابشري مع السلامه
طرفه :مع السلامه



@@@@@@@@@@@@@


اليوم اللي بعده العصر




في احد زوايا المجلس عند
الشباب




سعيد:ابوالترك تخاويني
تركي:تنشرا خوتك بس وين
سعيدوهو يقصر صوته:نروح
العويرض اليوم فيه استعراض
وتحدي من اللي يحبه قلبك
تركي:اه جيت ع العوق قدام
بس ليتني جبت الاستاندرمعي
سعيد:ماعليك ياولد انا عندي
جيب موقفه في ورشة واحد
من الشباب
تركي:اجل قرنبع وش ابيبه
سعيد:لاخبرك الشايب
لايشوفه سود عيشتي
ترى مايدري بي
تركي تحمس:قوم ياسنايدي
وطلعوا وصادفهم هادي
هادي:لاتقول العويرض ياسعيدان
سعيد وتركي ضحكوا :الله الله
هادي:اتنوني بجيب الكام وجاي
سعيد:يله لاتبطي








@@@@@@@@@@@@@








وضحى تعابل في تلفونها
ساره:وش تسوين
وضحى:بدق على تريكي
ساره:والله وش عندس
وضحى:بخطبه لس
ساره:شين البيااخه قولي الصدق
وضحى :ابد متى علمي به
اخرمره جانا قبل 6سنين
وصراحه ماشبعت من شوفه
ساره:ياسلام وش معنى
تركي بس كلمي سعود
وضحى:ياماما لاتنسين ان
سعود كان عندنا من اسبوعين
ساره:لاتذكريني بايام القهر
يوم شفتوه كلكم الا انا
وضحى:صه صه دق دق
تركي:مرحبا
وضحى وهي تغيرصوتها:ممكن
اتعرف
تركي:عفوا من معي
وضحى:لالا مولايق عليك الثقل
تريكي
سعيد يسأله:وش فيك
تركي:مدري الظاهر احد يستهبل
سعيد:عطني عطني
وضحى في هاللحظه خافت
وقالت لساره جنبها:الخبل عطاه
سعيدااان
ساره:ياويلس بيذلس ذلحين
على ذا الحركه
سعيد وهويسمع الحوار ابتسم
وبعدين قالها بعصبيه:وضيحه
ووهم وش ذا التخبال هاه
وضحى قطت التلفون على ساره:السوري تصرفي فديتس
مع ذا النارالشابه
ساره:لاتكفين ولد عمس
تصرفي انتي معه
وضحى ردت بخوف:اااا نعم
سعيد:نعامه ترفسس لوان
مع تركي احدن غيري وخذا
رقمس وتركي ماعرفه
وش تستفيدين من خبالس
وضحى:مع السلامه وصكت
التلفون وبعدها انفجرت من
الضحك هي وساره
وضحى وهي ماسكه بطنها
:ياحليله سعيدان صدق اني
خايفه منه
ساره وهي تمسح دموعها
:اه نفسي اسوي فيه مقلب
وضحى:تحسبيني مافكرت
اسوي بس خفت يقول لخواني
ويقطعون رقبتي







@@@@@@@@@@@@@










محمد وهوجالس يقلب بتلفونه
ولحظات:الو ريوم تعالي ابيس
الريم:ابشرانت وينك
محمد:فوق في غرفتي
وجلس ينتظرها








@@@@@@@@@@@@@




في الصاله تحت في بيت ابوفالح







الريم قامت بتروح لمحمد
نوره:وين بتروحين
الريم:محمد يبيني تبين شي
نوره:لافديتس خلاص بقوم انا
وطلعت الريم منهم
ساره تلف على نوره:النوري
وش تبين قولي لي
نوره:انامسويه حلا ابيس تجيبينه
مع القهوه
ساره:من عيون السوري ماطلبتي شي





@@@@@@@@@@@@@



في الليل بعد ما الكل نام


وضحى وساره متسدحات
على سرير ساره
وكل وحده سارحه بافكارها
بعد صمت طويل
ساره:عمووه
وضحى في خاطرها لا تكفين
ماقلتي عمووه الامتضايقه
وضحى:قلب عموه انتي
ساره:تتوقعين امي مانستني
وضحى:اكيد مانستس انتي
عارفه ظروف رجالها
ساره وهي تحس بالعبره:
بس حتى ماتكلمني وضوح
انامدري وش اقولس صح
جدوه وعموه الريم ماقصروا
بس(وبدت تنزل دموعها)
انامحتاجه حظنها
وسكتت شوي وضوح تفكربحال
ساره وساره تفكربامها
<خلوني اقولكم سالفة امها>
من زمان ايام ماكانت ساره
عمرها سنتين واخوهاعمره
5سنين
نشب خلاف بين فالح ومرته
مرته كانت دايم في مشاكل
مع اهله
وفي يوم كانت سلمى هي
اللي مسويه العشا
ام فالح:ريوم روحي حطي
عشانا مرت اخوس عشت
عيالها وتعشت وامسوا
الريم قامت رايحه المطبخ و
هي تأشرعلى خشمها :على
ذا الخشم يام فالح
دخلت المطبخ وانصدمت
صارت تدور فيه وتفتح الفرن
ولا لقت اي شي
الريم:يمه مافيه عشا
ام فالح وهي تنهد بوجه يكسوه
الحزن والتعب:معليه جيبي لي
خبزه اي شي بس تهجاني لين
اصبح
الريم بقهرعلى امها من مرة اخوها:يمه الله يهداس ليه ما
تقولين لفالح ماذي بحاله
لاصار ذاك اليوم دورها في
الطبخ ماعشتنا والخبز تاخذه
عندها وحنا اللي شارينه
ام فالح:يابنتي في ناس تحشمين عمرس منهم وهي
كذا
الريم:طيب ماتبين تقولين
لفالح كلميها ليش ذا الحركاات
ام فالح:يابنت انابحسبة ام(ن)
عليها ماخلت ضايع كلمه ماقالتها
لي يوم نشدتها من فعلتها ذي

كانوايتكلمون وكان في شخص
سمعهم من بداية حكيهم
لان خلاص سمع مايكفيه

...........:السلام مسيس بالخير
ام فالح وبنتها بوجيه ارتسمت
عليها ابتسامه:ياالله حيه مسيك
بالنور
فالح التفت على ريم:وين سلمى
الريم :ترقد بزرانها
فالح حس ان ريم ضايقها طاري مرته:قومي قولي لها
تنزل ابيها
الريم راحت وهي كارهه مقابل
سلمى

الريم طقت الباب
سلمى فتحت الباب:خيير
الريم وهي تطالعهابقرف
:فالح يبيس تحت ولفت
وهي تلف فمها باستهزاء

نزلت ريم ومن بعدها سلمى
سلمى وهي واقفه في طرف
الصاله:بغيتني
فالح من غيرمايناظرها :سوي
كبسة دجاج وقطعي معهاسلطه
ووووش بعد(وكان يتذكروش
تحب امه واخته) ايه سوي دقوس
سلمى وهي تشوفه مستغربه
:عندك احد
فالح خزها شوي وقالها:للللا
سلمى زاد استغرابها:اجل لك
فالح :لاماهوب لي ولايكثر
حكاس روحي سويه
سلمى وبدت تعلي صوتها
:اذا تبيه لامك مانيب
مسويته واهلي مازوجوك
خدامه وش هالقرف
امك هاذي ليش ماتموت
وتفكنامن غثاها معهاسكر
وقلب وموناويه تموت
فالح بثوران اعصاب وقهر
قام ومسكهامع شعرها
وصفقهاكفوف وبعدين فكها
ونزل عقاله على ظهرها
ليين سمع صرخه طلعته
من حالة غضب الى حالة
خوف ركض بسرعه يشيل
امه وهو يقول ياالكلبه علي
بالحرام ان تسنعين
وودا امه للمستشفى
وطلع معها جلطه بس عدت
على خير
ومن بعدها رجع وبرد شوي
من قهره وطلقها وخلا عياله
عنده ومن بعدهاعاأش لاهله
وعياله>
نرجع لساره
ساره ودموعه تتسابق على
خدها:انامحتاجه حظنها ابي
حنانها انا احس بداخلي زي
الفراغ احس احيانا من كثر
شوقي انهامع التنهيده حتى
قلبي يزوغ جدوه وابوي
ماقصروا بس هي غييير
بتقولين ماعرفتيها بس
داخليا(ن)فاقدتها
وضحى ضمتها لصدرها وصارت
تسمي عليها وتهديها
وناموا
شوق ومصارحه ولووم




@@@@@@@@@@@@@
اتمنى يعجبكم وراح انزل بارت
الجمعه

غنج سلمت يمينك


لقد كنت هنا

غنوج تسلمين فديتج عالبارت<< فيس يبوسج

فيس مشغول شوي بس لازم يرد عليج

ريم وبداح

هل ما يشوب علاقتهم سحر ام عين.. ادت لتصدع علاقتهم..

نترياج فديتج<< الفيس راعي الورود

السلاااااااااااااام عليكم ..

اولا وقبل كل شيء مبرووووووووووووووووووووك الف الف مبرووووووووووووك يا الغالية على نزوووووول القصة اخيرااا وبعد طوووووول انتظاار << فيس يهنيك من داخل قلبه ..

ثانيا :: القصة كحوار وشخصيات حلوة ومشوقة وحتى اسماء الشخصيات مميزة ولها طابع بدوي رهيب .. بس ابي أطلب طلب << فيس يقول بدينا بالطلبات .. شفتي ماما زارا اش قالت اول شيء << الوصف >> انا عندي اهم شيء ما نبي نوصف الشكل واللبس وهذا من وين وهذي بكم لا نبي الوصف اللي خبرك يا غنوجة يا قمر واللي نحن نهتم فيه اكثر شيء نبي وصف لمشاعرهم حالتهم وهم يتكلمون زعلانين فرحانين كيف يتفاعلون مع الموقف عاد انتي ما يحتاج احد يقول لك تفهمين اكثر مني << فيس يحصنك من عينه ..

ثااااااااالث شيء .. << فيس يقول مدري متى بنكمل خخخخخخخ .. خلنا نعلق على القصة والشخصيات مع ان للحين في اشياء غامضة وفي شخصيات ما عرفت من هم لا تشرهين علي مواصلة وامس كنت في عزومة ودوشة يعني اتكلم بنص عقلي << فيس يرقع لنفسه من الحين ..


ريم وبداااااااااااح :: أولا وقبل كل شيء بداح اسم رهييييييب وخطير لوحده تحطينه على جنب والحين خلنا نجي للمشكلة اللي عندهم لا قلنا عين او سحر بتكون القضة مكشوفة من البداية يعني انا ابي استبعدها ونبي نشوف لنا شيء جديد بس وش هو ما ادري خلي يمر كم بارت يمكن ارسى على بر <<< فيس ضايع ..
بس اللي شفته في اخر بارت ان هالريم مو سهلة بالمرة الحرمة كانت تحب وحركات و بعدين وهي صغيرة 18 سنة يعني مراهقة ويمكن هاللي كانت تحبه ما يدري عنها أو انه يدري وقاص على عقلها لا هو يحبها ولا شيء .. بس الحين بعد هالسبع سنين يعني عمرها 26 المفروض تكون وعيت لنفسك وركزت شوي في حياتها الزوجية وانها تبي تبني اسرة وتجيب عيال اش اللي اخرها كل هذا معقول انها للحين على جنانها << فيس ما يحبها ..
وانت يا بداح فرحان بكلمة حبيبي وين الرجولة وين اللي ما تحكمه مرة افا والله ثم افا انا كنت متفائلة باسمك وقلت اي هذا الرجل اللي ما منه اثنين وهو اللي بيربي هالبنت المدلعة اتاريها غلبتك وطيحتك في هواها بس ما عليه خلنا من هذا كله صبرت سنة وهي صغيرة وما تبي تجيب عيال والثانية والثالثة والخامسة والسادسة وينك برضوا للحين تسمع لهرجها وكلامها والا انتم فيكم عيب وما تقدرون تجيبون عيال لا يكون ريم تعبانة وما تقدر تجيب عيال وهذا اللي فيها وخايفة انهم يزوجنك فخترعت كل هالشيء عشان حتى لو فارقتها ما تكون هي المهزومة في الاخير << فيس يحس من كثر النوم اخترع قصة جديدة وقاعد يركبها غصب على قصتك يا غنوجة ههههههههههههههههههه


سارة :: يا قلبي عليك يا سارة الحين انتي كم عمرك بالثانوي يعني << فيس يخطط لها على معرس .. والله انك حزنتيني وانتي محتاجة لامك بس انا اشوف ان هالام اللي ما فيها رحمة للكبير ما راح ترحمك انتي يا الصغيرة وخير ونعمة انك ما تربيتي معاها وقعدتي عند ابوك << فيس يشكر ربه ..
بس تعالي يا سارة اشرايك في تركي يهبل مو عنده رنج واسود بعد ولا ازيدك من الشعر بيت مدري قصيدة الولد من هاللي يفحطون ويعرضون يعني مشهور بس الخوف لا تحبينه وتتعلقين فيه ويجي له حادث يشيله ويحرمك منه والا يخليه مكسر وانتي تعانين معه ...


قمزة :: والله ان اسمك فلة وخطير مدري ليه مو عاجب ماماتي مع انه عجبني حسيت بيصير لك قصة مع هالاسم يمكن تحصلين لك غمزة هههههههههههههههههههههههههههههه .. المهم منتظرين حظورك يا بنت وظهور شخصيتك والتعريف عنك بالبارتات الجاية ..



وضحى وسعيد :: انتم يا الاثنين حكايتكم حكاية عاد اش هالاتصلات يا وضحى اضن انها بتجيب راسك قريبا ننتظر ونشوف ..


غنووووووووووووجة يا قلبي انتي اعذريني على ردي المتأخر والقصير عارفة انه مو قدرك بس والله هالايام مقفلة معي ومو قادرة اكتب رد واحد نعمة اني قدرت اكتب هالكلمتين << فيس يحس نفسه اليوم تكلم اكثر من كل يوم ..

عموما مشكوووووووووووووووووووووووووورة وتسلميييييييييييييين على الرواااااااااااااااااااااية اللي عنوانها يجذب جذب يعني انتي عندك كل مقومات النجاح عنوان حلو وشخصيات مرتبة واسماء مميزة واسلوب احلى واحلى ولو ترفعين طلبي راح تكون الرواية في عيني احلى بكثير ..

ربي يوفقك ان شاء الله وتنهينها على خير وسلامة وما تنحدف مع اللي محدوفة في الركن والزواية وها اذا خايفة انها تتعرض لضياع البارتات اللي انكتبت وما نزلت ارسليها لي وانا بحفظها لك << فيس آمين هههههههههههههههههههههه


تقبلي مروري البسيط يا قمر انتي ..


زوزو