المنتدى :
الارشيف
ياقو قلبك على الصده
بـــســم الــلــه الــرحـمن
الــــــــرحــــــــيــــــــم..
السلام عليكم صراحه موعارفه
شأقول
انا يشرفني اني اكون احد
كاتبات ليلاس مع اني احس
الكلمه كبيره اعتبروني
جالسه اكتب احد بعثرات
قلمي صراحه كنت ناويه
انزل لكم قصتي الاولى
بس حسيت هاذي انضج
من اللي قبلها وبنت خالتي
شجعتني اني انزلها
وفكرت ما انزل الافي الصيفيه
بس مدري غمرتني لحظة
جــــــــنــــــــو ـــنـــ
ونزلتها اليوم ابي رايكم بكل
صدق
ماشطحت فيها بخيالاتي
اغلبها واقع عايشته
والقصه طلعت في لحظة
ماكنت ادوراسم لقصتي الاولى
كنت بنزلها بس حسيته شدني
لحوار وبديت اكتب ماسأنزله
بين يديكم
&ياقو قلبك على الصده &
الـــــبـــــارت الاول(1)
صدر صوت اعلان بوصول
مسج لتلفونه
فتح المسج وهوعارف مرسله
(بلييييز لاعاد ترسل
خلاص انا تعبت )
تألم من كلامها
وكتب لهامسج وارسله
اخترق سكونها صوت جوالها
فتحت المسج وقرته
(طيب ليش ماتحسين فيني
ساعديني انامااقدر على بعدس)
حست بحزن يقبض قلبها
:اه يابداح ليش كذا انا تعبت
وتعبتك معي
كتبت له مسج
كان جالس وتلفونه بين
ايدينه ومتلهف لردها
حس باهتزازات تلفونه
فتح المسج وكأنه بتطلع
له فيه
(بداح ارحمني وارحم نفسك
اناتعبت من حبوب النفسيه
وتعبت اكثرمن الرقيه
صدقني مااقوى على السكاكين
اللي احس بها وقت الرقيه
شوف نصيبك وانساني)
كان فاتح عيونه ع الاخر
يحس بالدخان يطلع من راسه
وشلون تقول هالكلام
وانابس فتره اسبوعين
ارهقني بعدها
بس والله مااخليك وكتب له
مسج باعصاب مشدوده
وارسله وهويزفر بالم
كانت تشوف تلفونها بعيون
دامعه وتفكرفيه وردة
فعله وفي هالاثناء وصلها
مسج فتحته
(والله يالريم مااخليس
مستعد استناس العمركله
ولاعاد اشوفس مطريه البعد)
من بعد المسج جلست تبكي
وتشكي الامها لرفيقتها تلك
التي تسمع لها دون مقاطعه
وتشاركها احلامها وافراحها
واحزانها
صديقتها الوفيه مخدتها
ونامت من بعد سيول من
الدموع
ونام بداح والريم تشغل تفكيره
وهوضام بقايا رائحتها في
المفرش
@@@@@@@@@@@@@
مع نسمات صباح اليوم الثاني
قام بداح وهويتمنى اليوم
يكون احلى من اللي قبله
وغسل وبدل ونزل تحت
ولقى امه وابوه واخته الجازي
بداح :صبحهم بالخير
وحب راس والديه
وقامت الجازي وحبت راسه
ام بداح:جويزي قربي الفطور
من اخوس واقربي
بداح:قريب فديتس
الجازي :ياسلامي عليس
ياام بداح ليه مايقرب ولدس
الشيخ بداح
بداح :ياملا السكون اللي ماتهون
على كلامس ذا قومي وسوي
لي قهوه وشاهي باخذه معي
للدوام
ابوبداح:اها بس خلو جويزي
لااحد يقولها شي وتبي قهوه
خل قموز تسويها
جويزي:فديت انا ابوي ياناس
بداح:لالالامااحب الاقهوتها
قموز وهي داخله عليهم
:اسمع طاري اسمي وش
تحشون فيه
بداح:ابد ابوس اقول ابي
جويزي تسويلي قهوه
ويقول لا خل قموز تسويها
لاتتعبون الشيخه جويزي
قموز وهي تشوف ابوها
:لالاياابوبداح كذا ارحمني
مسويه فطوركم وقهوتك
وذا الرفله ماتسوي شي
ام بداح:قومه يوم نفعتس
احسن من نفعتها
قموز :لا احتج ليش التفرقه
بداح يبي يزيدها:ايه قموز
عليهم مااحدن حر واحدن عبد
ابوبداح وهويضحك على
سوالفهم:ولايهمس جويزي
اصلن بتقوم صح يمه
جويزي وهي قايمه:صحين
انتم تامرون وانا اطامرههه
@@@@@@@@@@@@@
تسمع صوت طرقات ع الباب
الريم بصوت يملاه النوم
:طيب طيب
السوري :عموه ابيس تسوين
شعري بسرعه الباص بيجي
الريم بابتسامه:ادخلي سواره
صليت توبنعس الامهابدس
عالباب
السوري :فديت عموه وش
اسوي متفقه اناوشيوخ
نسوي عميله فرنسيه ومالي
الا انتي
الريم:انا اشهد انس متفرقه
تعالي اقعدي
وسوت شعرها
@@@@@@@@@@@@@
في المدرسه
شيخه:الله من سوالس شعرس
ساره:فديتها عموه الريم
شيخه:يالبى عمتس والله اني
احبها
ساره:جعلس من محاب الله
شيخه:مارجعت لرجالها
ساره:لاوالله مارجعت
شيخه:الله يصلح مابينهم
ساره:يجزاس خير ماتحسين
ان حنا نسولف بسالفه اكبرمنا
شيخه:صح خلينافي القصص
والنت احسن
@@@@@@@@@@@@@
ام فالح:الريم يمس تونسين
شي
الريم:لانفداس طيبةوبخير
ام فالح:الاوين اختس ماقامت
وضحى وهي داخله عليهم
:لوسمحتوا الكل يسكت
جاتكم الشيخه المسكته
صبحهن بالخير
الريم:صبحس بمثله وش
عندس يالشيخه مارحتي
لكليتس
وضحى:ابد مالي خلق
قلت اتنفس يوم
ام فالح وهي تخزبنتهابعيونها
:وش هو وتقولين راسس يوجعس
وضحى وهي تضحك:فديتس
الاراسي كان يعورني وخذيتلي
بندول
ام فالح بصدق:اربس اشوا الحين
فهد وهوداخل على نهاية
كلامهم:من ذي المريضه
ام فالح:مرحبابقهيدان وضوح
تعيبينه
فهد:اما وضيحه المرض يمرض
منها
وضحى:الله يسامحك يافهيدان
فهدوهورايح فوق ينادي:
الريم تعالي ابيس
التعديل الأخير تم بواسطة *الغنج* ; 22-04-10 الساعة 12:16 PM
|
16-04-10, 09:49 PM
جديد مواضيع قسم الارشيف
العرض العادي
