يوووووووووووووه غنوج الله يهداك جيتي على الوتر الحساس
الله يوفق فهد وسعد اكييييييييييييد يبي وضحى
ثانكساااااااااااات على البارت تقبلي خشتي

صباح الورد

تسلمين على البارت الرائع غنوجة

الريم والتصرف الا مسؤل زين لها الشيطان فراق الي شاريها وبتشوف وش بتحصل عقبه والا ابداح بيعرس وبيجونه عيال ينسونه الريم وايامها بعد
اعجبني موقف اهل الريم يوم اخطبو الجازي ولا اثر فيهم طلاق الريم

بارتات رائعة غنوجه وخفيفة ومواقف تمر في كثير من البيوت

ننتظر القادم بشوق

البارت العاشر(10)







.......قامت بغيض:انا مستحيل
اخذه
ام فالح بعصبيه:اقعدي وابلعي
لسانس
وضحى بترجي :يمه تكفين انا
مانيب متهيئه للعرس الحين
ام فالح:وش متهيعه خل مني
ذا الخبال ولدعمس شاريس
وسالمن من العلوم الرديه
وضحى:والنعم فيه ولدعمي
انا مالي اعتراض عليه بس
بدري على العرس مابي
ام فالح بهدوء:يمس مابقى في
عمري كثرمامضى ابي اشوفس
في بيت رجلس واتطمن عليس
يكفيني الريم ورجعتها تراها
موجعتني واحاتيها
وضحى بهدوء:طيب خليني استخير والخيره في اللي يختاره
الله
ام فالح :لاتستعجلين في ردس
فكري فديتس
قامت وضحى لغرفتها ودخلت
على ساره اللي كانت ترقص
قدام المرايه
وانسدحت في فراشه وتلحفت
وغطت وجهها بدون ولا كلمه
ساره استغربت بالعاده اذا
دخلت عليها وهي ترقص
ترقص معها
قربت ساره من الفراش وسحبت المفرش من وجه
وضحى :سلامات الشيخه شفيس
وضحى بضيق:سويره مالي
خلقس خليني بحالي
ساره حست ان وضحى متضايقه جد جلست جنبها
:وضوح فديتس ان تقولين لي
وش مضايقس
وضحى جلست وصارت تناظرها
شوي عقب قالت:سعيد خطبني
ساره وهي تحط يدها عصدرها
:اشوا روعتيني احسبس فيس
شي وليش متضايقه والله ان
سعيد رجال ماعليه كلام وقريب
من البيت عشان انط عندس
كل شوي
وضحى:انتي موب فاهمتني
انا ما اعترض عليه بس ودي
اخلص دراسه وبدري على
تحمل مسئولية بيت وعيال
ساره وهي تضمها:فديتس انا
استخيري وان شاالله بترتاحين











@@@@@@@@@@@@@








فبيت ابوبداح بعد ماطلع فالح
واخوانه سعيد كان سرحان
جا هادي وجلس جنبه
هادي:اف اف من الحين وانت
تهوجس وهذا وانت عادك
ماجاك الرد
سعيد لف عليه وابتسم:بتوافق
ان شا الله
قم خلنا نروح نصلي اقاموا
هادي وهويقوم معه:لاتصير
واثق يمكن تردك
سعيد:خلها تردني بدال المره
عشر بس ماهيب عارفه من
الرجاجيل الا انا
هادي:يعني بتحجرها لوفرضا
ردتك
سعيد وهم قدهم مقبلين
على المسجد:تراك زهقتني
انت وافتراضاتك المحقه










@@@@@@@@@@@@@







عند قمزه والجازي اللي كانت
مستحيه
قمزه تغني:النهار ده فرحي
ياقدعان
عايزكله يبقآ تمام
حتجور حتجوز
دخل هادي عليهم:قموزوش
ذا السوالف
قمزه تكمل عناد فيه:واخيرا
اتجوزت اها اها
هادي:كش عليس يالفاصخه
وش فيها ساكته حرم فهود
الجازي ابتسمت بحيا:وش تبيني
اقول
هادي:اي شي وين راح لسانس
قمزه:هويدي خلها مستحيه
ابرك لنا لانه لوطار الحيا
بتزعجنا بخططها لمستقبلها هي
وفهيدان
الجازي بنظرات نقده لقمزه:
شين اللي يستخفون دمهم








@@@@@@@@@@@@@


الريم دخلت على البنات في الغرفه وهي مبتسمه
:ياجعله مباركن كبرس ياوضيح
جعل ربي يوفقس

وضحى:ترا مابعد قلت قبول

الريم وهي تجلس جنبها:افا
سعيد ماينرد

وضحى:بس محتاااره احس
توني مانيب قد مسئولية بيت
وعيال ورجل

الريم:دافع البلا ياوضوح الحياه
تساهيل اذا جا ذاك اليوم ودخلتي بيت رجلس بيسهل ربي
امرس لاتحاتين شي ابد

وضحى وهي تقوم :انابروح
اتوضى واصلي الاستخاره

الريم وهي تقوم طالعه:الله
يكتب لس مافيه هدا وصالح












@@@@@@@@@@@@@





بداح كان جالس يتقهوى عند امه
وكانت كل شوي تعيد ترتيب
الفناجيل والصينيه ومن حركتها
حس ان عندها شي تبي تقوله
بس ماهيب عارفه شلون تبدا
في الموضوع
بداح:في خاطرس شي ام بداح

ام بداح : هااه ،،،،،اي انفداك
متاك بتعرس

بداح بعدتنهيده:والله مالي خاطرن فيه ذلحين

ام بداح بألحاح:الى متى وانت
قاعد كذا اعرس وشوف عيالك

بداح بمزحه:الظاهر انس لاقيتن
لي مره على ذا الاصرار اني
اعرس

ام بداح بفرحه وحماس:اي فديتك على ناصربن بجاد بنت
كل نسوان خوالها يشرقن و
يغرقن فيها وش زين وش جيد
مرتن حره ماحدن بمثلها هاه
وش قلت

بداح :ذي ملاك ماهيب بنت اجل

ام بداح :يمك ال بجاد عربن فيهم خير والبنت يتيمه عاشت
مع خوالها عند جدتها ولاقد
جات منها الخماله استخير
للعرس وانا امك

بداح :طيب وش اسمها

ام بداح:اسمها صيته

بداح وهو يقوم خلاص انابفكر
وبرد عليس متى ماحسيت اني
مرتاح ومستعد وانتي لاعاد تنشديني من العرس خليني
افكرعلى راحتي









@@@@@@@@@@@@@





شيخه كانت قاعده تكلم ساره
بالتلفون وكانت تعلمها بخطبة
سعيدلوضحى وخوف وضحى
شيخه:ليش كل هالخوف لايكون
عشان طلاق ريم

ساره:لا لا لا مااظن عشان
كذا لاطلاق عمتي باختيارها

وكان مطلق متفاجئ توه
يدري بطلاق الريم
بعدماخلصت شيخه من مكالمتها
مطلق :شيوخ بداح طلق مرته

شيخه:اي هي طلبت الطلاق منه








@@@@@@@@@@@@@






سعيد كان توه داخل مجلس
عيال عمه
سالم:ياالله حي رجل وضوح
سعيد ما استوعب:وشهو
فهديضحك:وضوح وافقت
ياحظك بصيرخال عيالك
سعيد يضحك:امحق خال والله
اني حان عيالي انك بتصيرخالهم
سالم:ماعليك منه سعيد الا
هواللي بدأ فالتلزق يبيك خال
لسنافره
فهد:وخروا عنه العملاق الاخضر
سلوم تراك طولي
سعيد يضحك:وشطرا عليك
العملاق الاخضر ذكرتني
ببوفية خان ملزق الصور على
الجدران







@@@@@@@@@@@@@




وضحى كانت جالسه عالنت
تقرا لها قصه
الا ساره داخله :وضوح بسرعه
بسرعه لايطوفس ترا ان ماجيتي بتحسفين كثرشعر راسس
وضحى :بسم الله وش بالعه
ورا بعض لق لق لق وش
وراس
ساره تسحبه بيدها :تعالي بس
ووقفتها عند دريشة الصاله
ساره:شوفي مستقبلس
وضحى كاتمه الضحكه:صراحه
حركات بزران وعقب شفته شصار ذلحين
ساره:كش عليس جزاتي بونسس
وضحى ضحكت وسكتت :يمه
السوري يشوفنا هو










>>انتهى البارت
وتراه عيديتكم

العيديه اول شي عيدتس مبارك غنوج ومشكورين على

ثاني شي اتمنى ولله انتس طولين في البارت وتكثرين الاحداث عشان نعرف نرد على البارت او اذا كانت البارتات قصيره يكون المده بين البارت والثاني اقل شي يومين
محسوبتس هذره واجد ولا تعترف بكلامتين وتبي بارت طويل حييييييييييييل
عشان تكتب اللي بخاطره
غنوج اتمنى يكون موعد البارت الثاني قريب لان ولله اني اقرء البارت الجديد وكون زي الاطرش بالزفه مافهمت شي واتعيجز اقر البارت اللي قبله وقول ياللى النوفي مشي عمرتس باللي فهمتيه ويصعب ارد وانا مضيعه واذ نويت الرد مالقى الا كلمتين لان البارت صغنون

عيدتس مبارك حبوبه تقبلي ردي السريع

ايه نسيت ابارك بزواج فهد وسعيد على فكره هو في العيد نحضره وبأي قاعه وانت يبداح (صح الاسم)توكل على الله وخذ صيته