كاتب الموضوع :
*الغنج*
المنتدى :
الارشيف
البارت الثامن(8)
على المغرب
البنات وهن يسولفن في خيمتهن تفاجأن باللي دخلت
وهي تقول:سربرايز
ساره نطت :شيوخ وش ذا
المفاجأه الحلوه
شيخه من بعد السلام
:والله قال لنا مطلق ان عندكم
عشا لولد ال سيف وقلت له
تكفى ودني معك بستانس
مع البنات
قمزه:ياحي الله شيوخ
شيخه :الله يبقيس هاه شعلومكن
ساره:ابد يوم بغينا نسوي لنا
اكشن طبوا علينا العيال وردونا
شيخه تضحك :وليش
وضحى:تنشديني عنهم يقهرون
@@@@@@@@@@@@@
بعد ماتعشوا مطلق خذا اخته
وسرى والرجاجيل ماعاد بقى
الا أهل العزبه ونوره والريم
راحوا يتمشون حول الخيام
عشان نوره في شهورها الاخيره والمشي زين لها
والعجايز دخلن ينامن و
البنات جالسات وسط الخيام
الريم:الا صح النوري ماقد نشدتس وش في بطنس
نوره:وش تتوقعين
الريم:مدري ودي بولد صغير
والا اللي يجي من الله حياه الله
النوري:واذا قلت لس انهم
تؤام بنت وولد
الريم تضحك بفرحه:الله وناسه
جعل ربي يتمهم ويسهل عليس
حمود وشلون كانت ردة فعله
النوري:يوووه حمود كان حكايه
الريم:متوقعه بس وش سوا
النوري:وقت ماكنا ننتظر دورنا
اقلق راحت الاستقبال كل شوي
يسأل متى الدور وكم باقي قبلنا
ويوم نادوا باسمي سبقني على
غرفة السونار ماكأنه انا اللي
حامل ومتحمس اكثرمني
ودخلت ووقت ماكانت الدكتوره
تحط الجل حق السونار كانت
تسألني وش خاطرك فيه
وانه يكفي انه بيبي صغير و
يملي عليك يومك وهو متحقرص
ويقولها كوكلي بليز
المهم وهي تحط السونار
الاقالت لي اممم شكلك بتجيبين
البنت والولد وانا مافطنت
الايوم شفت الابتسامه شاقه
وجه حمود ويتحمد ويشكر
ويطلع البشاره ويعطيها الدكتوره
ويقول فالح و امه بيجون (يقصد
اسم امه واخوه انه بيسمي
عليهم)
الريم:اجل الله يعينس حمود
بينشب لس كل يوم كم باقي
لس
النوري تضحك:كأنك تشوفين
امس وحنا نتمشى قاعد يحسب
كم باقي
الريم تغمز لها:اهااا وش عندس
انتي وحمود على مساري
الليل
النوري:وش اسوي ذبحنا الشوق
@@@@@@@@@@@@@
في اخرالليل كان الكل
في حاله وكل شخص يشغل
باله شي
ريم كان شاغلها اللي دايم
مايفارقها هي وبداح وبعد
اخرلقا كان بينهم واللي استشفته بعده
النوري تحمد ربها وتسترجع
دايم قبل نومها كل لحظه حلوه
مرت بينها وبين محمد
خذته بعد وفاة امها اللي هي
خالته بسنه وكان مغرقها بحنانه
واحتواها وتذكرت طلعتهم
امس بعد مسافه من الخيام
ووقف سيارته على رأس طعس
ونزلوا وجلسوا على الرمل
وكان
((محمد وهو يحط يده على
بطنها:هم وش فيهم ما اشتاقوا
لي انا مشتاق اشوفهم
النوري:وانت دايم عجل اصبر
قدني ذلحين في أخرالسابع
محمد وهو يحسب بعدين سألها
:كم باقي لس يوم وتخلصين
السابع
النوري:عشر أيام
ورجع يحسب وبحماس :يعني باقي سبعين يوم وتولدين على خير
ضحكت عليه:اللي يشوفك
مايقول تونا ماصارلنا الاسنه
من تزوجنا على تشفاقك ذا
محمد وهو يمسك يدها ويقرب
منها ويحط يده الثانيه من وراها
:تدرين ليش متحمس
طالعته بنظرة تسأول
كمل:لانهم بيكونون قطعه
منس ومني شي يربطنا فبعض
اكثر ولانس انتي امهم
احد يجي له ضنا وانتي امهم
ولا يتحمس لهم
النوري وهي تحط يده على
خده:الله لايعدمني اياك
محمد :النوري سمعت اغنيه
احسس اذا سمعتس اياها
بتقولين استخبل
النوري:افا غيرك الخبل
سمعني فديت روحك
محمد :ماسمعت عيدي
النوري:فديت روحك وقلبك
وفديتك كلك يانظرعيني
محمد شغل الاغنيه اللي
كانت في جواله
((تعرفي باحلم ايه دلوقتي
بحلم يكون لي انا ابن منك
نفضل نحضن فيه
نظرة عيونه تنسي الهم
يحضن ويفضل فينا يضم
شايفك اطيب
آه واحن
ياحبيبتي
ياحبيبتي
ياحبيبتي
لماحتبقي ام
حتبقي ام
حيبقى شبهي وشبهك
حيبقى عمري وعمرك
حيبقى روحي وروحك
واتجمعوا في قلب ودم
حيكبربيني وبينك
واشوفه بعيني وعينك
واتباهى انه على ايدك انتي
حيبقى احسن مني واهم))
خلصت الاغنيه وبعدها حبها
بين عيونها:فديتس يا احلى ام
النوري ضحكت:استغربت وش
عندك على تامرحسني مره
وحده بالعاده شلات وقصيد
ضحك وهو ينسدح ويحط راسه
على رجلها :صراحه سمعته
صدفه على الاف ام وحسيتها
انها تكلم عن شي احسه )
وضحى ماكانت نايمه
بس منسدحه على فراشها
وتراسل هي ونجلا بنت منيره
والباقين من حطوا روسهم
على الفرش نااااموا ~>نوم العوافي
عندالشباب بعد كلهم ناموا
الا هادي وسالم وتركي
كانوا جالسين يسولفون
ويلعبون بلوت
وقبل الفجر بشوي راحوا
يتمشون على رجيلهم حول
المخيم الامايدخل وقت الصلاه
عشان يصلون وينامون
ومن ثاني يوم بعد الغدا الكل
رجع لبيته
وسعود وتركي سروا لقطر
@@@@@@@@@@@@@
السبت الصباح الكل في دوامه
ريم كانت جالسه في الصاله
تقرا الجريده وفي يدها كوب
حليب كرك
نزل سالم وجلس جنبها:صبحس
الله بالخير
ريم وهي تلف عليه :صبحك الله
بالنور وش ذا الرقاد ماصليت
الفجر
سالم وهويتنهد :ذبحني التفكير
ياعموه والا انامن الساعة
تسع وانا داخل ابي الرقاد
الريم:يوووه ياسلوم لايكون
تبي العرس
سالم:ليته العرس كان ياهونه
الريم:اجل وش فيك
سالم سرح شوي وهي سكتت
منه خلته على راحته
سالم تكلم وهو حاط عينه
بعينها:انتي وسالفة طلاقس
هي اللي شاغلتني
الريم غمضت عينها وهي
تقول بخاطرها تكفون ارحموني تعبت،،،تعبت
سالم يستحثها عالكلام:هاه
ماقلتي لي شالسالفه
او ليش ماقابلتيه وسمعتي
منه
انا وصلني ان ابوي كان من
بينكم
الريم وهي تحط يدها على
خدها تحس بحراره في وجها
وتحاول تبرد على نفسها:
ومن قالك ماتقابلنا
في البر تقابلنا وتكلمنا وصفينا
الحساب مع بعض
سالم:وش صار
الريم :لازم يعني اقول والا
تعفيني
سالم:ماسألتس وانابعفيس
الريم وهي تقلب جوالهابين
يدينها وموزعه نظرها شوي
تطالع في سالم وشوي في
جوالها وتقص له كل اللي صار
((اول يوم جينا فيه للبر رحت
قبل العشا بوقت بسيط اتمشى
لحالي وانا راجعه قدني عند الخيمه حقت المجلس تعثرت
فالطنب وبغيت اطيح بس فجأه
لقيت نفسي واقفه وكان بداح
هو اللي معنز لي
وكان يبي يتكلم معي وقلت له
بداح لا الوقت مناسب ولا المكان
وفك يدي اللي كانت بين يدينه
وراح وكل هذا كانت تحت نظر
امي وامه ومادخلت عليهن
لاني لودخلت بتقعد كل وحده
تسأل وتنصح وحنا اللي بينا
انتهى
ومره ثانيه قبل محدارنا بيوم
كنت في المطبخ اسوي فطور
فهود وتفاجأت به عندي وقال
لي جيتي والله جابس
طبعا انا تخرعت حطيت يدي
على صدري وسميت وقال اف
لذا الدرجه اخرع قلت له لا بس
فاجأتني ماتوقعت احد ان ممكن احد يجي
سكت وكان يطالعني بعدين
قرب ومسك يدي وقالي قصيده
~>مشتاق لك ياغايه الروح مشتاق . .
والشوق لك في يوم عن يوم يزداد . .
بعدك يعذبني ولاعاد ينطاق . .
ليتك قريب والملا عني بعاد . .
نار الفراق تزيد في قلبي إحراق . .
لهيبها في الصدر كالجمر وقاد . .
مادام لي روح ولي قلب خفاق . .
صوتك يكفيني عن الشرب والزاد . .
لامن كتبتك شعر ياحظ الاوراق . .
ولامن سهرتك ليل فيه الفرح زاد . .
أحلى القصيد لخاطرك دوم ينساق . .
وأحلى الليالي تنتظر منك ميعاد . .
عمري فدى عمرك بعهد وميثاق . .
والله قراري صدق ويموت حساد . .
هذا شعوري يكتبه قلب مشتاق . .
النبض فيه بشوفتك حيل يزداد . .
<~
سحبت يدي من يده بشويش
وقلت بداح كفانا تعب وارتاح
وخلني ارتاح والله يوفقك مع
اللي تسعدك يارب
طالعني شوي بعدين قال
هذا قرارس خلاص
قلت له ياليت وطلع وخلاني ))
وبس هذا اخر شي بينا
سالم سألها :انتي استخرتي
واقتنعتي بقرارس
الريم :اكيد لاتتوقع اقدم على
هالشي من غيراستخاره انا
استخرت اكثر من مره
سالم قام حب راسها :الله يرزقس ويرزقه بحلاله عن حرامه
ورقى لفوق بيبدل ويطلع صادف
فهد نازل
فهد بأستعجال وهو ببدلة الدوام
:سلوم امي قايمه
سالم :صبح صبح ياعم
فهد:انت فااضي
سالم :مابه تحت الا ريم
ورقى سالم وفهد نزل
فهد :ريوم وين امي
ريم :امي منسدحه
فهد :ياااليييييل بداوم وابيها
بسالفه قبل اداوم
الريم:وش فيك
فهد جلس عند ريم:ابي العرس
الريم ضحكت:يا الله صباح
خيرن يا الله وش غير رأيك
فهد يبتسم:مليت من العزوبيه
الريم :يافرحة وضوح بعرسك
فهد :افا بس وضوح بتفرح لي
وانتي
الريم:اكيد بفرح لك بس وضوح
بتجيب لها قموز
فهد وهو يعقد حجاجه:وش دخل قموز
الريم:ليش من بتخطب
فهد بأبتسامه:ابي الجازي
الريم :جعل ربي يوفقك
قلت لفالح شي
فهد وهو يقوم بيداوم:لامابعد
قلت له بس قولي لامي وانا
لهديت الزام بقول لفالح
@@@@@@@@@@@@@
في قطر
سعود ودفنا وابوهم
قاعدين يتقهون
سعود كان كل شوي يناظر
دفنا وهي تضحك وتهزحواجبها
له
وتسولف مع ابوها
ابوسعود يلف على سعود:انت
وشقومك حركتك زايده
سعود وهو يحط يده على رقبته
بأحراج:ااا ،،،،يبه ابي العرس
دفنا ضحكت لف عليها سعود
:وش فيس ولف على ابوه
وش قولك يبه
ابوه :ابرك الساعات واسعدها
تبينا نخطب ذلحين رحنا
دفنا :وش فيك يبه كل ذا فرحه
لسعود بتقوم ذلحين خطاب
عادك ماعرفت من يبي
ابوه لف عليه:من فخاطرك يابوك
سعود :ابي الجوهره بنت عمي
خالد
ابوه:يازين ما اخترت
@@@@@@@@@@@@@
%بــــــدا ـــحـــ%
كان توه جاي من الدوام
راح غرفته وانسدح شوي
وعقبها بيبدل عشان ينزل
يتقهوى مع امه وابوه
وكان منسدح وحاط يده
على عيونه وسارح بذكرياته
~> ادري تبون تعرفون وش
شعوري ورأيي في هاللي
يصير كله بس انا اللحين تعبان
وابي انام حتى شيباني مانيب
متقهوي معهم خلو سوالفنا
للبارت الجاي
|
01-07-10, 03:38 AM
جديد مواضيع قسم الارشيف
العرض العادي
