كاتب الموضوع :
*الغنج*
المنتدى :
الارشيف
يسلموو جميعا،،،
سوري عالتأخير
البارت السابع(7)
في سهره من نوع ثاني
كانوا ملتمات على بعض
ووحده مرتعبه ووحده مسترسله بأحد خرافات قصص
الجن
قمزه وهي لامه على وضحى
وحاطه يدها على فمها:يرحم
ابوس اسكتي جعل امحق حكا
وضحى تقاومهاوتحاول سحب
يدها:بس كتمتيني جعلس في
ضو ابوي
الجازي تناظراختها بنقده:جعلس
الطيره اذكري ربس ومايجيس
شر
ساره تحث وضحى على انها
تكمل:وعقب وش صار كملي
وخلي المطيوره
فجأه صرخت قمزه ونقزت
وهي تسمي وساره معها
وضحى والجازي وقفوا وهن
يذكرن الله ويقرن المعوذات
وش فيكن اذكرن الله واهجدن
وضوح وهي تضف الجازي
:يمااااه ياجويزي في احد ضربني
الجازي تحاول تقوي نفسها
:سكنهم مساكنهم اذكرن الله
،،،،،،،،،،،:اموت على القويات انا
،،،،،،،،،،،:امحق قوه شوفها
اذا نطت ذلحين
،،،،،،،،،،،،:وش بتسوي بها
،،،،،،،،،:محتار اجيب الصخل
اللي ماله راس والا القطو
اللي يتكلم
طبعاكل هالحوار يسمعونه
البنات وجلسوا يبكون ويقرون
كل الصور اللي حافظينها
والجازي تسمي عليهن وتقرا
المعوذات
قرب للجازي وهويضمها من
وراها :فديتس يابطله
نقزت ساعتها وهي تصارخ
بقول اعوذ برب الفلق
البنات بصوت واحد:اهويدي
لف الجازي وصارت مقابلته
وحب خشمها :جعلس بعد
الملابيع
وجلست تبكي بعدماهانت
عليها الروعه
سالم وهوجاي صوبهم
:افا ،،،افا الشيخه تبكي
البنات مازالوا مبلمات ومومستوعبات انه هادي
قمزه بضيق :الله ياخذروح العدو
وضحى وهي تضحك:والله ان
حنامصخره ومسويات فيها
قويات
ساره تضحك:توني بقول نفس
كلامس بس جويزي طلعت قدعه
هادي وهو يلم الجازي:بس
خلصت دموعس
سالم بضحك:بقي للمقلب الثاني
الجازي تمسح دموعها:وش
ذا الحركات لوصار لوحده فينا
شي من الروعه وش فايدتكم
سالم وهويقعد جنب هادي
:هذا انتن مافيكن الا العافيه
شوي وبتقومن تطامرن و
تنسن الخوف
@@@@@@@@@@@@@
الشباب كانوا جالسين مع بعض
سعيد وتركي كانوا يتفرجون
على مقاطع تفحيط واستعراض
سيارات في جوال تركي
وفهد منسدح وحاط رأسه على
طرف المركى
ويسولف على سعود الجالس
مقابله
فهد فجأه سكت وكان يفكر
وسعود دق جواله يعلن بوصول
مسج
فتحه يقراه ورجع سكرجواله
واستغرب شهالهدوء اللي
نزل على فهد فجأه
سعود:فهد ،،،فهود
وش فيك
فهد لف عليه وتكلم بعدصمت
:ودي اعرس
سعود ضحك وهويستند على
المركى جنبه:الظاهر هيضك
الجو
فهد مبتسم:لاوالله بس خلاص
الوظيفه موجوده والمهرموجود
وباقي بس تجهيزات الشقه
وحجوزات العرس
سعود بضحكه:والمره طيب
موجوده
فهد يقصرصوته :بأخذ جويزي
بنت عمي
سعود يشوفه بنظرة يعني انك
تكذب
فهد:خير شكلك منتب مصدق
سعود:لامش مكذبك بس مستغرب القرار المفاجئ
فهد وهو يستعدل فقعدته
:لامفاجئ ولاشي بس انت
بعد تحرك واعرس
سعود :افا عليك خلني اعود
لقطر
تركي وسعيد وهم يقربون
عندهم
سعيد :والله انكم منتب خالين
تركي يستعجلهم:يله ،،،يله بسرعه وش سالفتكم
فهد يلف على سعود وباستعباط
:سعود انت تسمع شي
سعود يجاريه:ماكأنه صوت
صرار الليل
سعيد:تعقب انت وياه
تركي :لا ذولا ما تنفع معهم
الا العجاري عشان يتكلمون
فهد:المشكله ان السالفه
ماتصلح لكم اخاف تنحرفون
@@@@@@@@@@@@@
في صباح اليوم الثاني
الريم في المطبخ تجهز الفطور
ودخلت عليها وضحى
وقعدت تفترفي المطبخ تفتح
الدروج وتفتح الصندوق وتحوس
فيه
الريم :مافيه صباح الخير
وضوح وهي تضحك :لافيه صباح النور خخخ
الريم:ياثقل دمس بدت الملاغه
الا الظاهرالشمس طالعه من
مغربها الشيخه قايمه من
النوم سيدا المطبخ
وضحى:كأنس تمقتين
الريم بابتسامه:وانا اقدر
وضحى وهي رافعه حواجبه
بأبتسامه :لاطبعا
الريم تزل القهوه وعقب ماحطت الدله في الصينيه
لفت على وضحى :ايه صح
نسيت انشدس وين شلة
تيلي تابيز الباقيه
وضحى انفحرت تضحك:
ريوم من وين جايبه ذا الاسم
تكفين لايسمعس احد من العيال
الريم وهي تضحك:لاجد وينهن
وضحى وهي تسكرالصندوق
وتقعدعليه :سلمس الله كل
وحده لهامهمه وانامهمتي اجيب
ما ومفك للكوكا
وباخذ مناديل
الريم:وين بتروحن على ذا كله
وضحى:بنروح انعسكر لين
العشا بعدين بنرجع
الريم وهي تشل الصينيه
حقت القهوه والفطور كانت
تشله الخدامه اللي سبقتها
:المهم الله الله فالركاده وخلي
مني الخبال
@@@@@@@@@@@@@
في بيت الشعر
كان جالس ابوبداح وعلى يمينه
فالح وكان بداح يقهويهم
ابوبداح :ال سعد عندهم غدا
وداعينا عليه
فالح:من هو له غداهم
ابوبداح:الظاهر انه لنسيبهم
بداح:اي من نسابتهم عبدالله
والا علي
ابوبداح:الظاهر قالي انه علي
بن سيف
بروح واسنده للعشا ذا الليل
دخل محمد ودنق على خشم
عمه وحبه وعلى خشم فالح
وتسالم هو وبداح
محمد:صبحهم بالخير
ابوبداح:وش قومك يابوك
ماعاد ذا برقاد
محمد:وش اسوي كنت سهران
مع العيال مانمنا الاعقب ما
صلينا الفجر
فالح:ترا ال سعد عندهم غدا
اليوم وبنروح له
محمد:ايه صح على طاري ال سعد ترا عشا نسيبهم عندنا
ذا الليل
ابوبداح:بعدي يابوك انت اللي
عازمه
محمد:ايه يبه كلمني امس واسولف انا وياه واسأله متاك
بتاتي قالي ان غداه عندنسابته
وحلفت عليه بالعشى
@@@@@@@@@@@@@
عند العجايز في خيمة المجلس
كانوا جالسين ام فالح وعلى
يسارها ام بداح
وعلى يمينهاتركي ووراه سعيد
والريم تقهويهم ونوره جالسه
جنب ام بداح
ام فالح تسأل الريم:البنيات ما
شفتهن من اصبحت
ام بداح:انا سمعت اصواتهن
عقب اسكتن ماعاد لهن حس
ام فالح:الريم يمس شوفيهن
خليهن ياتن يفطرن معنا
الريم:لا البنات مهوب صوبكن
ماخذات لهن مأونه ورايحات
يعسكرن على قولهن
سعيد يقرص عيونه:خوش والله متى طاري لهن يلفن
الريم:والله على قولهن العشا
ام فالح وام بداح بصوت واحد
:يويلي ماعاد الا ذا عليهن
ام بداح:سعيد يمك رح على
اثرهن وجبهن
ام فالح:وتحلف فيهن ماعاد
يتعدن الخيام
نوره :ليه كل ذا خلوهن يوسعن
صدورهن
الريم :النوري صادقه مالهن
من وسعة الصدر الا ذا البر
وبعد بتحكرون لهن
سعيد قام ودق تركي برجله
:تخاويني لهن
نوره:سعيد لا تكفى خلهن
سعيد:لا منيب مسوي لهن
شي بس بشوف وش يسون
@@@@@@@@@@@@@
على راس طعس كان عالم
ثاني صوت المسجل حده
يهتف بصوت فيصل الراشد
والشقاوي ،،،الشقاوي
ياالطبيب المداوي قلي ويش
بتداوي،،،
علتي ماتطيبي والشقاوي
الشقاوي
وشنطة الاكل مفتوحه ومبعثر
حولها الكاكاو والشبسات
وقارورة الما،،،،
واجلتهن مكوماتها على بعض
وقمزه ترقص على الشقاوي
ووضحى والجازي كانوا كل
وحده جالسه على كرتونه
وتزحلق عليها من اعلى الطعس
لأسفله
ساره وهي تأكل الا تلمح سياره
مقبله عليهن
وتصارخ:يابنات سعيد جا بسرعه
تغطن
وتقوم بسرعه تاخذ جلالها
وتقصرصوت المسجل
وقمزه سحبت جلالها وجلست
جمبها والباقيات رقوا لاعلى
الطعس بسرعه ويسحبن
اجلتهن ويتغطن بها من غير
ترتيب وكان شبه منسدحات
من التعب
في السياره عندسعيد وتركي
سعيد وهو يأشر:شوف ،،،
شوف،،،والله اني داري ماصبحن عمارهن الا لخبال
تركي انفجرمن الضحك:وش
عندها ذي نقاب ورابطه خصرها
سعيد:استنى والله ان اصدعهن
وجاهن مسرع بسيارته متوجه
لهن انه بيدعمهن
وصياحهن وكل وحده تركض
لجهه
وقف السياره وقعديضحك
عليهن
سعيد:وش عندكن مبعدات
من الخيام هاه
قمزه:والله نبي بستانس
ونهيص
وضحى:لاانتم بمشينا بالسياره
ولا اللي بتخلونا نستانس على
رجيلنا
ساره :لاترحمون ولاتخلون
رحمة ربي تنزل
وضحى:ياحظها النوري حمود
اخوي امس مشاها بالسياره
ولا ارجعوا الامتأخر
تركي يضحك:خلاص وضوح
وصلت رسالتس
وضحى وهي مهيب فاهمه شي
:اي رساله اناما ارسلت لك شي
تركي يغمز:ياحظ النوري هاه
يعني زوجوني
وضحى:تهبي يالخايس
تركي وهو يضحك :عادي عادي
لاتستحين ماعليك من سعيد
سعيد كان ميت من الضحك
سعيد يقاطع تركي اللي توه
بيتكلم ويزيد احراج وضحى
:يله اركبن بمشيكن وعقب بردكن الخيام
@@@@@@@@@@@@@
كانت في المطبخ تسوي فطور
لفهد اخوها
ووقت ماكانت سرحانه وتنتظر
البيض يخلص
تفاجأت بايدين تلامس خصرها
مع التفاتتها مفزوعه
الا وجها بوجه بداح
اللي من شافها ابتسم وقالها
:جيتي والله جابس
|
20-05-10, 10:25 PM
جديد مواضيع قسم الارشيف
العرض العادي
