السلااام عليكم ورحمة الله وبركااته

أخباارك يالغلاا؟؟؟

بصرااحه باارت حلو ماشاء الله
وانتبهي وانا اختك يتملكك الإحباط ترى اسلوبك
حلو ماشاء الله وفيه بدايه للحماس وخاصه
بعض علاقات الشخصيات اللي تثير الحماس والفضول
لمعرفه امور اكثر عنهم واولهم((ريم&بداح))
ترى الإنسان اللي حاب يوصل لكلمة نااجح لازم يتعب
ويثابر ويبعد الإحباط عنه عشااان ينقال له ناجح
بكل ماتعنيه الكلمه
وصدقيني مارح تجي الصيفيه إلا والردود مثل زخ المطر
اهم شي ثقي بالله عزوجل اولا ثم اكتبي مايرضي الله ثم
مايرضي القراء ورح توصلي للرضا بإذن الله
اعتذر عن الهرج الكثير ^_^
*
*
*

اقتباس :-   المشاركة الأصلية كتبت بواسطة *الغنج*

هلابش وبالجمل اللي رحل بش وجابش فديتك لك خمس نجوم على توقعاتك والله لايحرمني تواجدك ياقمر

هتوونه..............شوشو
.......اللوتس الفواح............
دلوعه..............ام الشهد
........شمعة الدار ..............
ام الوليد..............رهومه
..............نووودي.............



اتمنى الجاي يعجبكم اكثر
مشكورين على كل حرف
كتبتوه...............



انتظروني الخميس ان شاءالله
ببارت طويل بالنسبه لي

ودمتم >_<

البارت السادس(6)




.........:ااااهههئئئ
لف بسرعه وهو يقول:سم الله
عليس انا اخوس سالم
ساره:فديتك انا مومصدقه
وصرخت سلوووم جااااااا
ركض لها وهو يحط يده
على اثمها :جعلس اللباع يا
الملبوعه لاتروعين جدوه
بفرحه كبيره تسحب يده
وهي تتكم :سلوم مومصدقه
تكفى عطني على علباي
عشان اتأكد انه انت موب خيالك
سالم وهويطوقهابين يدينه
ويحب راسها:لافديتس اناسلوم
بلحمه وشحمه
ساره ضفته وبكت تكفى لاعاد
تسافر امحقهامن ايام بعدك
سلوم يضحك:ليتني مسافرمن
سنين عشان ادري اني غالي

نزلت وهي تنادي:ساره السوري
سوو.........
راحت له وهي ترحب :مرحبا
في ذمتي اني صادقه وش
ذا الصباح المبارك اللي الفا بك
علينا
سالم يرد على ترحيبها:والبقا
والبقا سلم عليها جعل ربي
يتم عليس ذا العقل
صراحه شوقكن ذا بيخليني
كل يوم اسافر
وضحى:فديتك والله انك غالي
بعيدوقريب
سالم وهويمشي معهن باتجاه
غرفة جدته:الهيتني من جدوه
بروح لها
دخل عليها لقاها منسدحه
وتسبح بيدها حس بقلبه
بيطيرمن الفرحه ناداها:يمه
يمه ...جدوه

تسمع احديناديها فتجاهلته ظنا
منها انه فهد(خلك يافهيدان ادق
عليك يومي كله وماترد)
بس سمعة جدوه وفزقلبهالنبرة
الصوت تلك لفت فاذا هو بحفيدها الذي طال انتظارها
لعودته اشتاقت فامتلئت عيناها
بالدموع مدت يدينها له:يامرحبا
فديت روحك مابغيت تاتي
الحمدالله على السلامه
ذهب مسرعا لاحتضان رائحتها
التي ياما اشتاق لها وانحنالتقبيل
رأسها:والبقا انافداك هذاني
جيتس وخلاص ماعادني برايح
جلست تمسح على رأسه وظهره :والله يامك مافي بيتنا
حلا من عقبك
وجلسوا يسولفون هووجدته
من بعدانصراف وضحى وساره
للنوم





@@@@@@@@@@@@@



عند الشباب في مجلس فالح


خالد:فهود روح شوف سلوم
خله ياتي
تركي:ياعوينك سلوم وشاف
جدوه والله ماعاد تشوفه
خلونانفطر
هادي:انابروح له الحين مواصلين
علشانه ويسحب علينا
سعود:يارجال تعال خلنانرقد
وهويرقد ويرتاح
فهد:هادي تعال خلنا نفطرو
هو بصره تفطره عجوزه
تركي وهويقرب من الفطور:
مابغيتوا يله ،،،يله سموا
وجلسوا يفطرون ودخل
عليهم محمد :السلام عليكم
،،،فيه العافيه
العيال ردوا السلام
فهد:انطح فالك
محمد وهوياشر بيده:لا لا جعلك
تسلم بنااام الاسلوم وينه
هادي:عند عجوزه سحب علينا
محمد وهويناظر هادي بحمق:
اناكم مره اقول لاعاد اسمع
كلمة عجوز انتبهوا لمعناها جعل العدو يعجزمن شل ثوبه
تركي:هدي هدي ياخال عادي
نيتنا ربي يعرفها
محمد :تريكي انت تحرش تبي
مجادل وانا رجال ابي الراحه
وطلع من المجلس متوجه
للبيت دخل وسمع صوته مندمج
بالسوالف على جدته
دخل عليهم:ارررحب والله
ان يستوي عشاك
سالم يفز ويواجه عمه:جعلك
تحيا لاتكلف على روحك
محمد:ابدن مابه كلافه شحالك
انت مابغيت
سالم:الله يسلمك طيب وبخير
وانت ادرى ماهو بكيفي الشركه
باعثتني ولمصلحتي الاابوي وينه
محمد:ابوك سرح للابل
سالم متسأل:وش عنده
محمد:الراعي طق والعزبه مافيها احد
سالم:اجل بظهر عليه العصر








@@@@@@@@@@@@@

دخل وهو يشم ريحة الدخون
ماليه المكان وطل في غرفة
القعده ماشاف احد نزل جواله
وبوكه ومفتاح سيارته ولف
يمشي لجهة غرفة النوم
وابهرته تلك الانثى المغريه
بجميع احوالها كانت لابسه
قميص طويل من الحرير
ومنسدحه على السرير وغارقه
بقراءة مجله همس لها وهو
يقترب منها :صباحس ورده
جوريه صباحس قلبي هديه
وجلس قبالها ومسك يدينها

وهي ابتسمت ابتسامه سحرته
وذوبته اكثر واستعدلت في جلستها ورفرف قلبها من قربه
وصوته العذب جلست ويدينها
في يده :وصباحك روح مشتاقه
وعين ولهانه ،،،،اشتقتلك
قرب لها اكثروهو يقول:وبس
احمرت خجل من قربه:ووووو
مدري
ضحك من خجلها :يافديتس
يالنوري
ومسك مع خصرها وسحبها
لحضنه وقالها وهوحاط راسها
على صدره :تذكرين يوم جيناكم
خطاطيب
هزت راسها بايه
كنت اشوف عيال عمس وانا
ميت من الغيظ خايف يحجرون
حتى ان عبود قام يبي يصب
القهوه تروعت قلت بيحجر
ضحكت وحطت يدينها من
وراه وقالت لوحجروا بفجرفيهم
صواريخ انا
رفع راسها بيده وحبها من بين
عيونها






@@@@@@@@@@@@@



تقلبت على فراشها تبي تكمل
نومتها تحس انهاماشبعت نوم
بس من فرحتها انهم بيروحون
للبر وتحس براحه ماتدري وش
سببها
وانقلبت على جنبهاالايمن وشافت نور جوالها يعلن عن
وصول مسج سحبته وفتحته
(ماجور يالي من فراقك تعلمت
ان الزمن يومين طيب وخيب

فاجئتني بمفارقك ماتولمت
كذا بدون اسباب عني تغيب

مامت من فرقاك لاكن تألمت
شيبتبي ياصاحبي قبل اشيب

اضحك واسولف وان لحقني سهر نمت
لاكن قسم بالله مانيب طيب)
تنهدت من الاعماق :الله يهداك
صبحتني
وطنشته ماردت عليه بمسج
وبعدين جلست تقرا قصه
في جوالها ورقدت من غير
ماتحس






@@@@@@@@@@@@@


العصر الكل كان في الصاله


قام سالم :انابظهر على ابوي
فهد:كلنا بنظهر حنا طاري لنا
بنروح بكره
ام فالح:يله خلونا نجهز وش
فرق اليوم عن بكره
فهد ينادي :يابنات ،،يابنات
ردت عليه ساره:هلا،،هلا وش
بغيت
فهد:اجهزن تراها ساعه وبنمشي للبر
سمعوا كلهم صرخه فجرت
اذانيهم وضحى وهي نازله
:لا وش ذا ياخي ساعه ماتكفي
تركي يرد عليها:تراس بتروحين
البرماحولس احد اخذيلس كم
تبديله واحذفيها في كيس حتى
الشنطه مالها داعي
وضحى:ليه احد قالك اني سيلانيه بس انا لازم اروح بنده
مايصير اروح من غير مؤنه
سالم :بس بنده يله البسي عباتس وتعالي انتي والسوري
وماشافوا الاغبرتها من الفرحه







@@@@@@@@@@@@@


دق فهد على هادي يقوله انهم
بيروحون كلهم الحين للبر
فهد :مرحباهدوي
ترانابنروح اليوم للبر خلنا نتخاوا
هادي :ابركها من ساعه خلاص
استنوا على مايجهزون
فهد:الساعه بنقعدها غصب ماهوب طيب وضوح وسويره
رايحات بنده
هادي ضحك:اجل بقول للبنات
يوصنهن باللي يبن مانيب موديهن
فهد :بصرك بس علم عجوزك
خلهن يخلصن علينا







@@@@@@@@@@@@@


عند سالم واللي معه


سالم يدف العربه وهن كل
شي يشوفنه يحطنه في ذا
العربه
سالم:لعنبوغيركن فضيتن
الرفوف وينكن رايحات ترى
كلها يومين
وضحى:ان ذا البلا يومين مايمدينا نتأقلم على عيشة البر
سالم وهويدف العربه رايح
يحاسب :امشن امشن ماتنعطن
وجه لانقصكن شي رحت
المحطه وجبته وتراكن اخرتني
ماسلمت على ام بداح
ساره سكرت تلفونها:سلوم لحظه البنات موصيات بكرتون
ببسي وفشار
سالم:طيب تعالن بقول للكاشير
يجيبه
وحاسبوا وطلعوا رايحين للبيت







@@@@@@@@@@@@@



وصلوا البيت لقوا العيال كل
واحد عند سيارته ويحملون
الاغراض
ساره:وضوح ماجهزنا شنطتنا
وضحى تلف على سالم:تكفى
استنانا بنلم لنا كم غيار بسرعه
قطع عليهم رنة تلفون وضحى
ردت وضحى:هلاريوم
ريم:ترى جهزت شنطتك انتي
وسويره
وضوح:زين يافديتس خلاص
اجل حنا بنروح مع سلوم
ريم:اوكيه يله باي




نزل سالم وهو يشوف ام بداح
وبناتها طالعات بيركبن السياره
قرب منها وسألها عن احوالها
ولف على البنات شحالكن
يابنات الشايب
قمزه:الله يسلمك وشلونك
عساك طيب والحمدالله عالسلامه
سالم:يسرس الحال والله يسلمس
الجازي:شلونك سلوم الحمدالله
على السلامه
سالم:بخير الله يسلمس

وراحوا كل واحد بسيارته
سعود وهادي معه
سعيد معه امه وخواته وخدامتهم
ابوبداح مع فالح في العزبه
محمد معه مرته
فهد معه تركي وامه وريم والخدامه
وسالم معه وضحى وساره







@@@@@@@@@@@@@







وصلوا البر وحلف فالح على ولده وذبح له قعود
وعزم عليه كل الجماعه
وكان بيت الشعرمن بعد المغرب مليان من شيبان وشباب
جماعتهم


وعند النسوان ماكان فيه احد
غريب بس ام فالح وبناتها
ومرة ولدها وام بداح وبناتها
ريم قامت وقالت:تراني مالي
بالعشى بروح اتمشى
شوي
ام بداح :ليه فديتس لاترقدين
من غير عشى
ريم:لافديتس بشرب لي حليب
مع شابوره
ام بداح:هاه بصرس جعله
مداخيل العافيه
ريم :الله يعافيس
وطلعت تمشي الين ماصارت
تشوف الخيام بس انوارها
وجلست شوي وصارت تتذكر
اشيا كثيره ومرت عليها ذكريات
ابتسمت من خاطرها

<ذكريااااات ريوووم>
(اول ايام زواجها اول مادخلوا
غرفتهم
لف عليها:وحط يدينه على
كتوفها وهو يناظرها بنظرات
ماليها الحب وشوقه لمعانقتها
يحس بروحه تتجدد بقربها
:تدرين ان كل الايام اللي فاتت
من عمري كوم وهاليوم شي
ثاني وقرب منها اكثروانفاسه
تتسارع ويحس بحرارة جسمها
انها احرقتها قبلها بعمق كبييير
حس من بعدها دقات قلبه بدت
تهدي من سباقها
بس ماارتوي بهالقبله وجلس
يحكي لها عن كل مشاعره
تجاها


كانت واقفه بين يدينه والخوف
مصلبها وحرارة جسمه فاقت
حرارة رهبتها ووترتها اكثر وختم
لها بقبله ثارت بها براكينها
تبي تبعده بس ماقدرت تحس
الخجل مكبل يدينها
وبدا يبث لها كل مشاعره واحاسيسه وغمرها بشي من
الحنان



اليوم الثاني
قامت من النوم وهي خايفه
انه يكون قايم وتحركت
من على السرير بحذر وراحت
سبحت وبدلت وطلعت جلست
في الصاله وهي تحلطم

وكان حاس بكل حركاتها
بس مايبي يحسسها انه
قايم عشان مايحرجها
وبعد ماطلعت قام وبدل
وطلع لها لقاها سرحانه
قرب منها وهو مبتسم
:صباحيه مباركه ياعروس
لفت عليه وطالعته من فوق
الى تحت وصدمته بسؤلها
:انت ليش تزوجتني انامابيك
قست ملامحه بس مسك نفسه
لايثور عليها قال في خاطره
هذا خجل الظاهر بس ماعرفت
تعبرفقالها:طيب حبي لس مايغفرلي
سكتت لحظات بس في خاطرها تقول ليش مااطفشه
هوالسبب ليش يخطبني
:حبك احتفظ فيه لنفسك
انامااااحبك
عصب كثير بس يبي يقهرها
قرب منها وارتعبت ورجعت على
وراء قرب منها اكثر واكثرالين
لاصق جسمه لجسمها ومديده
وخذا غترته وعقاله من وراها
طلع وهو مبتسم على شكلها
وهي خايفه من قربه والله
ان اطبخس على ضو هاديه
ياريوم



§مواقف متفرقه من حياتهم§





ريم جالسه تتفرج على التلفزيون
وبداح كان سرحان ويهوجس
بعدين لف على ريم اللي
كانت جالسه في الكنبه اللي
جنبه :ريم ماودك نروح نعالج
عشان يجينابزر يملي علينا البيت
بحسه
لفت عليه :بس انامابي عيال
بداح محاول:ليش (المال والبنون
زينة الحياة الدنيا)

ريم متأففه :طيب بترك الحبوب
بداح بفرحه قام وقرب منها
وحب راسها :الله يرزقنا يارب







بعدفتره من تركهاللحبوب
بداح جالس:هاه شلون نتايج
التحاليل
الدكتور وهويرفع راسه من
الاوراق:الحمدلله كل حاجه تمام
بداح بتسأل :طيب صارلنا7شهور
من تركت زوجتي الحبوب
وماحصل حمل
الدكتور:يابني هي مراتك عملت
فحوصات
بداح:لايادكتور
الدكتور وهويرجع يتسندعلى
الكرسي:وانا قولت كدا خلاص
خليهاتعمل الفحوصات










في سهره استثنائيه
كان جالس وكانت هي
جنبه وحاط يده من وراها
وضامهاصوبه وراسهامستكين
على صدره :ريمي وش رايس
نروح الصبح تفحصين عشان
الحمل
تجمد جسمهامن كلامه
وحس فيها وسكتت ماردت
عليه
بداح :تراها فحوصات عاديه
بس نتطمن هاه وش قلتي
نروح الصبح
ريم بخفوت:طيب
وفي خاطرها ليه يابداح كل
ماحاولت اتقبل وضعي تفتح
لي سالفه











دخل وكان معصب نزل غترته
والعقال وحذفهم على الكنب جنبه
شافت عصبيته واستغربت
بداح دايم مروق ياترى وش
اللي عكرمزاجه وقربت منه
وبهمس : اممم بداح ،،،،بداح
لف عليها من غير لايغير تعابير
وجهه:هلا بغيتي شي
ريم قربت منه وجلست على
يد الكنبه:سلامتك بس وش
فيك شكلك متضايق
فرح من داخله انها حست فيه
وانتبهت لضيقته:سلامتس بس
ضايعات لنا نوقات وبغبش ادورها)





جلست تكلم نفسها وتعاتبها
انا ادري انك كلك مميزات حلوه
واني انانيه بس كل ماحاولت
اقرب تجيني افكار احس تبعدني
اكثر
ببعدعنك انت عيش حياتك وانا
بعد
طول ماانا من داخلي احسك
انت العقبه اللي وقفت بطريقي
ماخلتني اتزوج شخص انا احبه
وبرضاي مومجبوره
ادري بتقولين هذا تفكير مراهقه
مفروض تنسين هالشي بس
والله ماقدرت قلت يمكن اذا
حملت وجاء بينا ولد او بنت
اتقبله اكثر بس والله تعبت
تنهدت وقامت راجعه للخيام
تمشي وهي مومنتبهه لطريقها
وهي قريب من باب الخيمه
وعكرلها في مشيتها طنب الخيمه
وبقت تطيح بس في شي
منعها من الطيحه وعدل من
وقفتها ورفعت عينها تشوف
من بس ،،،،،،،،،،،،،،،،،،،،،،

السلام عليكم ورحمة الله وبركاته



تسلمين غنوجه على تنزيل البارت

بس عندي طلب صغير ولا عليك امر ياليت تكبرين الخط المره الجايه

انا هالحين بروح انسخه على ورد بعدين اقراه


والله يوفقك يالغاليه

وروايتك رائعة ياعمري

ودمتي في حفظ الله