والله لجيب راسك للكاتبه الجوري / منقوله / كامله - الصفحة 2

24-02-10, 02:32 PM

المشاركة رقم: 6

المعلومات
الكاتب:	al7eeloh
اللقب:

البيانات
التسجيل:	Jun 2006
العضوية:	7239
المشاركات:	53
الجنس	أنثى
معدل التقييم:
نقاط التقييم:	10

االدولة

مدونتي

الإتصالات
الحالة:
وسائل الإتصال:

كاتب الموضوع : سر الخلود المنتدى : القصص المكتمله

يسلمووووووو

25-02-10, 04:05 PM

المشاركة رقم: 7

المعلومات
الكاتب:	سر الخلود
اللقب:	ليلاس متالق

البيانات
التسجيل:	May 2007
العضوية:	28460
المشاركات:	48
الجنس	أنثى
معدل التقييم:
نقاط التقييم:	21

االدولة

مدونتي

الإتصالات
الحالة:
وسائل الإتصال:

كاتب الموضوع : سر الخلود المنتدى : القصص المكتمله

والله لجيب راسك ....للكاتبه الجري / منقوله

(( الجزء الثامن ))

طلعت وكنت متوقعه ان اسماء بتكون راكبه قدام بس تفجات انها بالمقعد الي ورى ركبت وانا

متوترة : السلام عليكم

اسماء +حمد: وعليكم السلام

كنت طول الطريق متوترة وهو مع اسماء يسولفون وانا اشاركهم باي اولا وصلنا للمارينا
ونزلنا ورحت جنب اسماء بس حمد جرني من ايدي وصرت امشي جنبه وهو ماسك ايدي
واسماء احيانا تكون ورانا او قدمنا دخلنا كذا محل وحمد أي حاجه تعجبه ياخذها حتى لو كانت مو عاجبتني يقول اهم حاجه تعجبه هو واكثر الي خذهم موديلاتهم خالعه مره
بعدها رحنا لكوفي وجلسنا فيه وطلب لاسماء عصير وقال لها تجلس تنتظرنا قلت له وين قال لي امشي وانا ساكته وصلنا لمحل نعومي وجهي من تحت النقاب قلب ميه لون من الاحراج

حمد: ليه وقفتي دخلي

دانه وانا ميته خجل : لا ماابي

حمد وبضحكه مرسومه على شفته : ياربي على يستحون يلا بس تعالي

دانه : حمد مو لازم ندخله

حمد : ليه مو لازم

دانه: مو ضروري تعال نشوف المحلات الثانيه احسن

حمد جرني لداخل : مو ضروري قال الا هذا الضروري والاهم

دخلنا وانا في قمة الاحراج والشيخ الوضع عنده ايزي كانه داخل محل ملابس عاديه ومابقى قميص نوم مااخذه وكل الي خذهم مااحس انهم يسترون وجودهم مثل قلتهم والي احرجني صدق وتمنيت الارض تنشق وتبلعني مختر قميص نوم لليله العرس كان لونه احمر حرير قصير لنص الفخذ وفيه فتحات على الجنب اما عند الصدر شفاف وعلاق ويقول لي ابيك تلبسينه مو تقولين تستحين اذبحك سامعه.

يوم طلعنا من المحل حسيت براحه مابعدها راحه توجهنا لاسماء بالكوفي وجلسنا وطلبنا لنا
مر الوقت حلو علينا بس عكر علينا مجموعه من الشباب جلسوا مقابلين لنا وفي واحد منهم يحاول انه يكلمني وياشر لي بس حاولت قد مااقدر اني اتجاهله ولا ابين لحمد شئ بس للاسف انتبه لشاب وهو يقول لي رقمه وعلى طول ناظرني بنظرة وقفت قلبي وقال
بحده : غطي عيونك

دانه بسرعه نزلت الشيله على عيوني ووقف وقال مشينا وقمنا انا واسماء بس الي قهرني انه ماقال لاسماء تغطي عيونها وش معنى هي لا صار يمشي بخطوات سريعه وحاولت الحق عليه بس ماقدرت هو اسرع مني اعتقدت اني ضيعته بس تفجات به يمسكني من ذراعي بقوة لدرجة اني حسيته بيخلعه من مكانه ناظرت عيونه خوفتني حسيت شوي وبيطلع منهم
الشرار : تستهبلين انتي

دانه بخوف: لا والله

حمد: ليه ماتمشين معنا ليه تبطين عشان تضيعنا ويخلى لك الجو

دانه : والله العظيم مو كذا انت صرت تمشي بسرعه وماقدرت الحق عليك

حمد مسكني من يدي ومشى معي ركبنا السيارة وكل واحد فينا ملتزم الصمت لحد ماوصلت لبيتنا ونزلت من غير لااقول حاجه حسيت لو تكلمت راح ابكي على طول دخلت البيت سلمت عليهم وطلعت غرفتي على طول وانسدحت على سريري ودخلت بنوبة بكي قطع علي صوت جوالي "ياربي لايكون يبي يكمل علي والله مو ناقصة واخاف ماارد تكبر السالفه" سميت بالله ورديت: الو

حمد حس بصوتي وبكل حنان : دانه انتي تبكين

دانه ماقدرت امسك نفسي وانهرت بكي : و والله العظيم ماكنت اقصد

حمد: خلاص ياقلبي صدقتك

دانه : والله؟

حمد: والله عذريني حبيبتي بس مااستحملت نظراتهم لك

دانه ببرائه : يعني مو زعلان مني

حمد: لا ياقلبي مو زعلان قومي الحين غسلي وجهك ورجعي كلميني انتظرك

دانه : طيب

سكرت منه ورحت الحمام وغسلت وجهي بعد ماهديت دقيت عليه وجلسنا نسولف واغلب الوقت هو الي يتكلم وانا استمع وطول الوقت احس انه يستجوبني سالني كيف علاقتي مع اولاد خوالي وخالاتي واذا كنت اطلع السوق لحالي او ازور صحباتي ومن اكلم باليوم ومتى اصحى ومتى انام احسه يبي يسيطر على كل صغيرة وكبيرة بحياتي مدري هي غيره او حب تملك وبس بس راح احاول اني ااقلم نفسي على طبعه

دانه : والله ياريهام ماني قادره افهمه احس انه فري مع خواته بس معي لا اذا طلعنا احسه
طول الوقت يراقبني ويراقب تصرفتي

ريهام: تحملي ياقلبي

دانه : صدق لا قالوا ا بني ادم مايحمد على النعمه الي هو فيها تذكرين لما اقولك انه اهلي يتحكمون فينا وتضجري منهم هذا جاني زوج اكثر منهم تحكم تلاحقي نفسك ياريهام ولاعاد تشتكين منهم

ريهام: هههههههههههه لهدرجه

دانه : واكثر

ريهام : الا تعالي ماقد حاول

دانه : حاول ايش

ريهام : انتي عارفه

دانه استوعبت الي تقصده : لا تصدقين ولا حتى لمح لي عنه

ريهام : غريبه بس الحمدالله هذا يعني ان مو يلعب عليك

دانه : مدري والله بس ربي يستر

ريهام : امين

دانه : بس في شئ محيرني ليه يتصرف معي كذا وهل هذا طبعه ولا بس معي

ريهام : طيب ليه ماتساليه

دانه : ناويه على نفسي

ريهام : ليه ماتسالين اسماء طيب

دانه : ايه اسماء ممكن لكن حمد لا

ريهام : خلاص دقي عليها وساليها

دانه : هذا الي بيصير يلا اجل اكلمك بعد مااخلص منها باي

ريهام : باي

وسكرت منها وعلى طول دقيت على اسماء جلسنا نسال عن احوال بعض وسولفنا سوالف عاديه وبعدها سالتها : اسماء ابي اعرف اخوك كيف كان تعامله مع زوجته هل هو مثل تعامله معي

اسماء : الصراحه لا وكان مايهتم ابد بس لاحظته معك متشدد كثير

دانه : واكثر من ماتتوقعين ليه كذا

اسماء : والله ماني عارفه وانا مثلك محتارة من تصرفاته

دانه : طيب ممكن اعرف هي كيف ماتت

اسماء : ماتت بحادث هي واخوها زوج سهام الله يرحمهم

دانه : الله يرحمهم

اسماء : كانت جايه من مكه وصار الحادث

دانه : طيب كان يحبها

اسماء : مااتوقع لانها كانت مفروضه عليه مو اختياره

دانه : شلون

اسماء : لانها بنت عمه

دانه : اها طيب ليه مافكر يتزوج بعدها

اسماء : والله مش عارفه والكل عارف انه مو لذيك الدرجه مع زوجته والكل عارف انه مايحبها كان الي بينهم مجرد تعود على بعض لا اكثر

دانه : اها

اسماء : طيب ليه ماسالتيه هو

دانه : الصراحه مااجرء وغير كذا اخاف من ردة فعله فقلت اسالك انتي احسن

اسماء : اها

دانه : تدرين يمكن نروح البحر الاربعاء هذا تعالوا معنا خلونا ننبسط مع بعض

اسماء : والله فكره راح اقول لابوي وان شاءالله يوافق

دانه : اقنعيه خلينا نجتمع مع بعض

اسماء : ولا يهمك بحاول معه وانتي قولي لحمد عشان يقنعه بعد

دانه : خلاص بقوله يلا باي

اسماء : باي

حمد: دنيا

دنيا : هلا حبيبي

حمد: سوي لي عصير

دنيا : حاضر ياعمري

حمد رن جواله ورد: هلا عمري كيفك

دانه : هلا فيك تمام وانت

حمد: بخير دامني اسمع صوتك ياقلبي

دانه : حمد بطلب منك طلب

حمد: امري

دانه : احنا بنروح البحر مع اهلي وبنخيم هناك وابيك تجي معنا انت واهلك

حمد: ومتى بتروحون

دانه : الاربعاء

حمد : ومن بيروح معكم

دانه "عارفه مين يقصد بالسؤال هذا ": كل خالاتي وخوالي

حمد: لازم تروحين

دانه"لا ياربي لايقول لاتروحين ": ايه اهلي كلهم بيروحون لانهم بيجلسون للجمعه

حمد: اها اوكي متى راح تمشون

دانه : بعد صلاة العصر على طول

حمد: اوكي نلتقي هناك وراح اجيب اسوم والاهل معي

دانه : والله ?

حمد: والله ها مستنانسه الحين

دانه : ايه مشكور حمد

حمد: ابي اعرف انتي ليه بخيله

دانه : انا

حمد: أي انتي يعني ولامرة سمعت منك كلمه حلوه وحتى ولو بالغلط

دانه :..............

حمد : الوووووو وينك

دانه : معك

حمد: يالله من هالبنت بتذبحني بخجلها يالله مافي روحه للبحر لحد مااسمع منك كلمه حلوه

دانه : حممد

حمد: خلصيني

دانه بخجل وصوت مقارب للهمس: طيب باي حبيبي

حمد ببتسامه : وين وين باي تعالي ماسمعت عيديها

دانه بدلع عفوي : حمممممد

حمد حس بشعور غريب من صوتها ودلعها : عيونه وروح حمد

دانه : يلا باي

حمد بضحكه : بعديها بس الوعد بالبحر مااهدك لحد مااسمعها باي

سكرت منها واحس احساس جديد بدى يتملكني تجهاها بس لا انا ماتزوجتها عشان احبها انا تزوجتها عشان اكسر راسها وبس ...بس ليه اتعامل معها كذا وارقب تصرفاتها ومكلماتها مع اني مااهتم كذا مع الباقي يمكن لانها صغيرة وتوها تتفتح على الدنيا أي هي صغيرة وبسهوله ينقص عليها وبعدين هي ملكي أي ملكي ومااحب حد يناظرها او يكلمها ...احساس حلو احسه معها ماحسيته من قبل مع غيرها برائتها حلوه وحياها يجذبني ومااقدر اتحكم بنفسي معها من اول يوم اسرني جمالها اسرتني عيونه الي ماراح انساها ابد هههههههه اما شكلها نتفه بالنسبه لحجمي يالله كل شئ فيها صغير طولها يديها رجليها ناعمه بكل حاجه احيانا
اخاف اني افعصها وهي بحضني

دنيا : حمد ..حمد

حمد:.............................

دنيا تهز كتفه : حبيبي العصير

حمد: ها ..ايه

دنيا : حبيبي ايش الي شاغل بالك

حمد: وهو في غيرك غلاي

دنيا بدلع : حبيبي انتا

حمد يقوم ويتوجه للغرفه ودنيا تروح وراه وسكرو الباب ...........................

(( الجزء التاسع ((

اسماء : هلا قلبي اخبارك

دانه بفرح : اهلين تو مانورت الخيمه

اسماء :هههههه بوجودك

دانه توجهت لام حمد وحبيت راسها : هلا امي وش اخبارك

ام عبدالرحمن : هلافيك والله الحمدالله بخير جعل ربي يسلمك

دانه : وش اخبار ابوي

ام عبدالرحمن: بخير ويسلم عليك

دانه : ربي يسلمك ويسلمه

بعد ماسلموا على الوجودين جلسوا

دانه : اسماء حمد جا

اسماء : لا والله بالطريق هو واحمد

دانه : ايه من قدك الحبايب جاين

اسماء بحزن : ايه افرح ياقلبي

دانه : اسماء شفيك

اسماء بتنهيده : موضوع طويل اكلمك فيه لصرنا لوحدنا

عند حمد بالسيارة

احمد: تصدق ماتوقعتك بتكمل معها

حمد: وانا بعد

احمد: وايش الي غير رايك

حمد: عجبتني ودخلت مزاجي

احمد: علينا قول بس قول ايش السبب الخفي لايكون حبيتها

حمد بضحكه : لا ياشيخ مافي مرة تعلقني

احمد: اجل

حمد: تذكر يوم ملكتي يوم رحت للحمام

احمد: ايه

حمد: وانا راجع سمعت عادل يكلم وحده اظنها اخته المهم كانت تقول له انه خلاص المفروض ينسها وانها على ذمة رجال غيره ولازم يشوف له غيرها

احمد: طيب

حمد: وهو رفض قال حتى لو تزوجت غيرها مااقدر انساها قالت له يعني ايش بتنتظر تنتظر انه يطلقها او يصير حاجه تفرق بينهم وحتى لو صار بتتزوجها هو قال ايه راح اتزوجها تصدق يوم قال كذا ودي رحت وكوفنته ودي مسكت وجهه واطيح فيه ضرب

احمد: ايه بس ايش دخله بموضوعنا

حمد: هو الاساس انا لما دخلت لها وشفتها بدى دمي يغلي يوم فكرت انها ممكن تكون له او لغيره فقلت بكمل معها وحتى لو مليت منها بخليها على ذمتي بس عناد له ولا انا كنت ناوي اخذ الي ابي واتركها بس صار من حظها

احمد: ههههه ضحكتني من حظها قول من ردات حظها

حمد: المهم هي شئ ملكي انا وبس ومو لاحد غيري

احمد: بس تصرفك غريب مامرة شفتك تتصرف كذا مع واحده من حريمك يعني كذا واحده تطلقها وتتزوج بعدك ماقلت شئ

حمد: وانا بعد مستغرب اكثر منك ياشيخ صاير اراقب تصرفتها بشكل جنوني

احمد: اخاف حبيتها وانت ماتدري

حمد : مستحيل بس يمكن لانها صغيرة انت تدري لما تزوجت اختك كان عمرها 29 والباقي
بالاعمار هاذي بعد بس هي اصغر منهم ومني الفرق بينا اكثر من عشر سنين احسها مازالت
بسنين مراهقتها وطيشها

احمد: تقصد انها ممكن تفكر انك كبير عليها وتروح تدور غيرك

حمد: هذا واحد من الاسباب .......المهم خلنا من موضوعي قولي انت متى ناوي تتزوج

احمد بضيقه : انت تدري اني مااخترت زوجتي باقتناع اختك والنعم فيها بس مااحس انها الزوجه المناسبه لي لا من ناحيه الشكل ولا الطبع

حمد: طيب عادي تزوجها وتزوج غيرها الشرع حلل اربع

احمد: لا ياشيخ خليت تعدد الزوجات لك انا واحد ابي وحده بس اعيش معها حياتي وماابي
اظلم اختك معي بس خلاص الموضوع منتهي وهي الي الخسرانه الوحيده

حمد: يارجال توكل على الله وتمم زواجك الناس بدو يتكلمون صار لكم سنتين مملكين

احمد: خلها على الله بس شكلنا وصلنا

ام عماد: قومي يادانه دوري بالحلا

دانه : ان شاءالله

منى : اقول جمون

جمانه : ها

منى : هويتي سمعي نبي اليوم نركب دبابات

جمانه : من غير قول ركابينهم ركابينهم اليوم

منى : ايه نبي ننبسط ونوسع صدورنا نبي نفلها اليوم وبكره

جمانه : لا توصين حريص بس قومي خلينا نتمشى احسن من الجلسه هنا

منى :اوكي قولي للبنات يلا

احمد: خلاص بتاكل الرجال

حمد: شب انت بس

طلع الجوال ودق :هلا قلبي

دانه : هلا فيك الحمدالله على السلامه

حمد بصوت مرتفع شوي : الله يسلمك ياعمري

دانه : متى وصلت

حمد: من شوي الا انتي وين

دانه : جالسين عند البحر انا والبنات

حمد: ومن بشوره تطلعين برا الخيمه

دانه بخوف : عادي حمد البنات طلعوا وطلعت معهم

حمد: لا مو عادي قومي دخلي الخيمه عشان مرة ثانيه ماتسوين شئ من كيفيك يلا

دانه بزعل : ان شاءالله

حمد: والا اقول خلك انا جايك

دانه :طيب

بعده بدقايق وصل ورحت لعنده ومسكني من ايدي ومشينا بعيد عنهم

حمد: زعلانه

دانه : لا

حمد: الا زعلانه شوفي حبيبتي اذا كنت ماتبيني ازعلك لازم كل ماتبين تروحين مكان تستاذنين قبل سامعه مادامك مو ببيتكم وبتروحين أي مكان سامعه

دانه : طيب

حمد: أي كذا انتي اوكي

وصلنا لسيارته وركبنا فيها

حمد: يلا فتحي غطاك اشوف

دانه فتحت الغطا وابتسمت له :............

حمد باس خدي : والحين مازلت زعلانه

دانه : لا وانت

حمد: لا ماني زعلان

جلسنا حوالي ساعه نسولف وطبعا المحقق كونان لازم يستجوب سالني مين معنا بالخيمه ومن جالسه جنبه ومن كلمت وبعدها رجعت لخيمه الحريم وهو الرجال

مني جايه ركض : بنات قوموا الشباب مسوين سباق

البنات : والله وناسه

منى : يلا قوموا نتفرج

الكل قام بسرعه الا انا جلست خفت اطلع ويسويها لي سالفه جاتني اسماء وقالت لي اقوم معها قلبت لها تروح تسبقني دقيت عليه : هلا حمد

حمد يضحك : هلا

دانه : الشباب مسوين سباق بالدبابات وابي اتفرج عليهم ممكن اطلع

حمد برضا : أي قلبي تعالي انا موجود معهم

دانه : انت راكب معهم

حمد: أي يلا تعالي شجعيني بس اذا طلعت غطي عيونك

دانه بضيق : طيب

طلعت من الخيمه بعد ماغطيت عيوني وشفت البنات متحمسين ويشجعون والتصفيق وقفت معهم اشوف بالنهايه فاز اخوي عماد

منى : راكان ..راكان

راكان : من الحين اقولك لا

منى : يلا عاد لا تصير نحيس

راكان : نو نو

منى : عماد

عماد: هلا

منى : ابي اركب الدباب

عماد: تعالي ركبي

منى : ياي وناسه "ومديت لساني لراكان "ولا منتك

عماد: هههههههههههههههههههههههههههههههههه

جلست اتفرج على البنات وهم يسقون انتبهت لحمد جاي لي وهو راكب الدباب : هلا قلبي

دانه : هلا

حمد: ودك تركبين

دانه بفرح : والله

حمد: والله تعالي

قربت منه انتظره ينزل بس مانزل : يلا ركبي

دانه : مانت نازل

حمد: لا ركبي معي

دانه : ايه بس انا اعرف اسوق

حمد: طيب بس انا ابي اسوق بك يلا ركبي

دانه "يالله على الاقل اركب دباب "جيت بركب وراه قال لي لا اركب قدامه وركبت وانا خجلانه لان الكل يتفرج علينا وبعدها انطلق بسرعه جنونيه : حمد الله يخليك خفف

حمد : ههههههههه تخافين

دانه "قلبي بيوقف من الخوف وهو جالس يستعرض لي خفت انه ينقلب فينا "رجعت على ورى ودفنت وجهي بصدره من الخوف : حمد الله يخليك لاتسوي كذا

حمد وقف وحضني : خلاص قلبي ماله داعي تصيحين

دانه :....................

حمد : ياخوافه خلاص اهدي ماراح اسرع مرة ثانيه

دانه بصوت باكي : احلف انك ماتسرع

حمد : ههههههه والله مااسرع

دانه رفعت راسي من حضنه : والله خوفتني حتى احس ان قلبي بيوقف

وبحركه منه حط ايده على صدري وانتفضت : شفيك انتفضتي

دانه : ولا شئ

حمد: ههههههههه قلبك مسوي عرض طبول على سرعته

دانه : منك والله ارعبتني

حمد: خلاص اوعدك مااسرع

رجعنا للمخيم وتعشينا وبعدها الكبار ناموا وجلسنا حنا البنات سهرانين وحمد كل سوي داق يسال من جالسه معه ومن اكلم وطبعا التحذيرات من اني اجلس جنب خوات عادل اليوم الثاني دقيت على حمد

دانه : انت فاضي

حمد: ايه ليه

دانه : ابي نتمشى مع بعض

حمد: ليه اشتقت لي

دانه بحيا : الصراحه أي

حمد: وانا بعد يلا انتظر برا

طلعت له برا وشفته ينتظرني كانت اول مرة اشوفه لابس شئ غير الثوب شكله كان خطير
كان لابس بنطلون برمودا بيجي مع تيشرت اسود ماسك على جسمه وطالع جنان بسبب جسمه الرياضي واول مرة اسوف شعره كان يوصل لرقبته ومرجعه على ورى رحت له ومسك ايدي وصرنا نمشي :ايش هالكيس الي بيدك

دانه : اذا وصلنا السيارة قلت لك

ركبنا سيارته وفصخت غطاي طبعا من بعد مااستئذنته وواعطى موافقته

حمد: يلا ايش بالكيس

دانه بخجل مديته له : كل عام وانت بخير

حمد متفجئ :...........

دانه : انت ناسي ان اليوم عيد ميلادك

حمد تذكر : اها وانتي بخير ياقلبي كيف دريتي

دانه : من بطاقتك شفت تاريخ ميلادك وعرفت

فتح الهديه شريت له ساعه ارماني فضيه لبسها وطلع شكلها خطير على ايده حمد باس
خدي : تسلمين

دانه : اهم حاجه تكون عجبتك

حمد: لا عجبتني

دانه : ابيك كل ماتشوفها تذكرني طيب

حمد: لاتخافين اذكرك من غير أي حاجه ياقلبي انتي على طول ببالي

دانه مسك ايدي وباسها : طيب يلا نرجع

حمد: بدري ..اقول قلبي

دانه : هلا

حمد: تعالي نرجع لورا احسن

نزلنا وركبنا ورا كان مطوق خصري بيد وماسك ايدي بيد وكل شوي يبوس خدي او جبيني
او يدي دانه : تدري

حمد: ايش

دانه : ماكنت اتصور اني بحبك

حمد: ليه

دانه : بسبب ظروف زواجنا انت عارف اني ماكنت موافقه ويوم وافقت وافقت بسبب تهديدك لي كنت مصممه اني مااعدي الموضوع على خير بس لما استخرت حسيت براحه ولما شفت معاملتك معي بديت اتقبلك ويوم عن يوم بديت تغزي قلبي وتعلقت فيك لحد

حمديلعب بيدي : لحد ايش

دانه : لحد ماحبيتك

حمد: ايش ماسمعت

دانه بدلع :ححححمد

حمد بصوت رايق : تدرين دندون تحمدين ربك انا بمكان عام والا كنت من زمان متهور

دانه "حمدت ربي انا بمكان عام " ونزلت راسي وهو رجع رفعه وباسني

(( الجزء العاشر((

بكره زواجي خلاص بكره راح اكون معه راح اعيش معه هل راح اقدر اتحمل طبعه هل راح اقدر على تصرفاته "يارب انك توفقني وتكتب لي الخير والصالح "يالله تعبت ابي اروح البيت ارتاح تعبت من جلستي والحنا لحد الحين مانشف وراسي صدع من الاستريوا والازعاج خليني اقول لامي اني بمشي احسن وبدق على راكان يجيني المزرعه واروح البيت .

وقفت بالمرايه اشوف شكلي انبهرت من نفسي عجبت نفسي شكل كان حلو بالفستان الابيض
كان من دون علاق ماسك بالصدر وفيه خيوط من تحت الصدر تربط على شكل مشد اما من فوق كان مليان كرستال اما التنورة كانت مزينه بالكرستال والخرز التركوازي وكان الذيل طويييييل وكان فخم وثقيل حيل اما الشيله كانت على الجنب وشعري كانت تسريحته غجريه وفيها كريستال صغير موزع عليه اما مسكتي كانت عباره مجسم على شكل قلبين داخلين ببعض من الكرستال وفيه ورود بيضاء وتركوازيه

اسماء : مبروك ياقلبي

دانه : الله يبارك فيك وعقبالك ان شاءالله

اسماء : يلا حبيبتي جاهزه الحين الزفه

دانه "بديت ارجف من الخوف ": أي جاهزه

دخلت على موسيقه رومانسيه والانوار كانت مطفيه ومشغلين الكشافات والبخار وفقاقيع الصابون احس اني خلاص بنهار من التعب الفستان ثقيل مره وميته خوف وهذا شعور طبيعي بس خوفي اكبر بسبب حمد هو خوفي الكبير واخيرا وصلت للكوشه بعدها جلست دقايق الا وقالوا لي ان حمد بيدخل احس ماني قادره اوقف على رجولي .

انتبهت له لما دخل كان شكله رهيب دخل بشموخه وهيبته ووسامته كان شكله خطير بالبشت الاسود وصل لعندي وسلم علي وباس جبيني وخدي ووقف جنبي ومسك ايدي شد على يدي حسيته يبي يدفيها ويهدي من رجفتي : مبروك ياعمري

دانه بصوت قريب للهمس : الله يبارك فيك

جلسنا شوي بعدها قال لاخته انا خلاص بنمشي قالت له يصبر شوي قال لا قمنا ودخلنا على جناح العروس عشان التصوير تمنيت الارض تنشق وتبلعني بسبب جرائته والمصوره مبسوطه على الاخر وانا ماني قادرة اعترض على شئ حسيت نفسي لعبه بين يديه ويحركني على كيفه اكثر صوره رفعت ظغطي لما طلبت منه انه يوقف وراي ويحضني بحيث يكون ظهري ملاصق لظهره وايديه محاوطه خصري ووجهي على الجنب مقابل وجهه نظراته لي نشفت الدم بعروقي اما الصورة الثانيه كنت منزله راسي على الارض وهو وجهه عندر رقبتي يناظرها حسيت انفاسه بتحرقني من حرارتها .

واخيرا انتهى التصوير وارتحت بس مالحقت لانه قال لي بنمشي ساعدوني خواتي البس عبايتي وودعتهم وانا مو مصدقه اني ماراح اعيش معهم مرة ثانيه راح اكون بمكان وهم بمكان ثاني والي قاهرني انه مو راضي ان أي حد يجي معي ولا رضى لحد يوصله ركبت السياره وانا بقمت توتري وخوفي وجالسه افرك يديني انتبهي لي وحط ايده على يدي واخذه بحضنه من بعد ماباسها .

وصلنا الفندق وساعدني بفستاني ودخلنا الجناح وسكر الباب رحت جلست على الكنبه من بعد مافصخت عبايتي وجاني ووقفني ونلظر بوجهي وفجاءة مانتبهت الاوانا على الارض من قوة الكف كنت مصدومه ومو مستوعبه ايش الي صار مسكني من يدي ووقفني مره ثانيه وبغضب: هذا الكف عشان تعرفين انه مافي حرمه تمد ايدها علي وتسلم سامعه

دانه مازالت مو مستوعبه ايش يصير :............

حمد رفع ايده وعطاني كف ثاني : وهذا عشان تعرفين انه مافي مرة تردني وتقول لي لا

دانه انهرت ودخلت بنوبة بكي تركني وطحت على الارض منهارة ماني مصدقه ايش يصير
جلست فتره وانا ابكي وانتبهت لرجوله كان مغير ملابسه ولابس بيجامه مسك ذراعي وشدني له وانا احاول ابعده عني بس ماني قادرة مافيني قوة

حمد: سمعيني لاتظنين اني تزوجتك لاني حبيتك ولا ذبت بهواك لا ياماما اصحي انا تزوجتك بس عشان اكسر راسك ولاني حلفت اني اجيب راسك

دانه "خلاص دبحتني خلاص "ودي اصرخ بس ماني قادره ماني قادرة ابيه يبعد عني ابي اكون لحالي

حمد جرني للغرفه : يلا غيري ملابسك عشان ننام

دانه "استوعبت ايش يقصد ": لا مستحيل اخليك تقرب مني

حمد: هههههههههههههههههه ضحكتيني ومن قال اني بستنى اذنك خلصي روحي غيري

دانه وانا اصطنع القوة : لا تحلم ماراح اسمح لك سامع

حمد مسكني من يديني بقوة : مو انتي الي تسمحين لي انا اسوي الي ابي وانتي تاكلين تبن سامعه

دانه حاولت ابعده : بعد عني ياخي مابيك بعد عني

حمد: والله هذي مشكلتك لاني انا ابيك

دانه : شلون ترضاها على نفسك وتقرب لوحده ماتبيك

حمد: ارضاها .. ماارضاها مو مشكلتك خلصي وبلا كثرة حكي "وبحده "يلا

دانه :لا

حمد وبعنف جرني ورماني على السرير ومن غير أي مجهود حردني من ملابسي

دانه : لااااااااااااااااااااااااا

(( الجزء الحادي عشر ))

منى تفسخ جزمتها : ااااااااه يارجولي احس ماني قادرة اوقف عليهم من الالم شوفي كيف مورمين

هنادي تتمسخر : ولا من هبالك اجل ولاغنيه مرت الا وقمت رقصتي فيها مفجوعه الحمدالله والشكر ماعمرك حضرتي عرس

منى : أي اوسع صدري "وبنغزه"الواحد مايضمن متى يجيه عرس مرة ثانيه

هنادي تتخصر : ايش قصدك ها

منى : ابد ولاشئ "ووقفت "وخري بس خليني اروح اتروش وانام

هنادي: روحي اكيد الحين ريحتك ماتنطاق

منى : اقول ماني راده عليك وارتحي بعد ماراح انام معك بعد

هنادي: ووين بتنامين بالصاله

منى : وليه انام بالصاله وغرفة دانه موجوده

هنادي: ووجع البنت ماصار لها ساعات من راحت وبديتي تستولين على ممتلكاتها

منى وهي تلعب بحواجبها : ممتلكاتها سابقا الحين صارت ممتلكاتي انا باي

هنادي "والله مااخليك على كيفك وغرفتك يادندون مايخذها غيرك وانا اختك "وبسرعه استغلت انشغال منى وهي تجهز نفسها عشان تتروش قفلت غرفتي وراحت هي بعد تتروش

وعصبت منى لما راحت الغرفه وشافتها مقفوله وراحت طيران لهنادي : هي انتي وين مفتاح الغرفه

هنادي باستعباط: أي غرفه

منى بعصبيه : أي غرفه بعد غرفة دانه

هنادي تمثل البرائه : مدري يمكن عند دانه ليه

منى بقهر : يوووه ليه النحاسه يادانه يعني خلاص رحتي لبيت رجلك يعني هنا وهناك

هنادي : يالله تسكنهم بمساكنهم وشفيك تتحلطمين

منى انسدحت بفراشها : كلي تبن ونامي

هنادي ماسكه ضحكتها :ماراح انتظر اذنك

دانه لما تاكدت انه نام تسحبت بشويش من السرير ودخلت لدورة المياه بسرعه فتحت المويه البارده على جسمي يمكن تبرد وطفي النار الي بداخلي وانا ابكي قهر على حظي الي طيحني بيدين حمد "يارب ارحمني يارب ...ذبحتني ياحمد اااااااااااه "

نايف : ها انشاءالله مبسوطه يام عبدالرحمن

ام عبدالرحمن بعيون تدمع : الحمدالله وان شاءالله ربي يبلغني فيك

نايف : ان شاءالله

اسماء : اااه تعبت تعب مابعده تعب

سهام تجلس جنبها على الكنب : اااااااه ظهري بينكسر

نايف : والله انكم مايعات ياهالبنات اجل شلون احنا من الصبح موقفين على رجولنا

اسماء : ومن ضربك على ايدك وقالك قوم من الصباح

نايف : والله قولي هالكلام للوالد يامرسلني اشيك على الصاله واشوف الاستعدادات ويامرسلني اشوف العشاء وغير التوجيب بالصاله والتسليم والتحيي افف مادريت ان الزواج يطيح البدن

اسماء : واحنا بعد مثل حالك وطول الوقت موقفين على رجولنا بس الصراحه انبسطنا
كثير وكان الزواج خيال

سهام : أي حمد مايلعب تهمه المظاهر كثير

ام عبدالرحمن : يارب يسعده ويهنيه مع مرته

اسماء بصوت واطي : ويركده معها

سهام : ووجع

اسماء : شفيك ماقلت شئ غلط والله تعقدت من اخوك اخاف يفشلنا بالناس

سهام : لا مااظن ماشفتيه كيف طاير فيها وفرحان

اسماء : ولو اخوك ينخاف منه مع مزاجه المتقلب بعد زين كمل معها ولا طلقها بالخطوبه

نايف : ايش عندكم اكيد جالسين تحشون أي يالحريم هذا الي فالحين فيه

اسماء : ولل قاط اذنه خير شتبي سالفه بيني وبينها انت وش دخلك

نايف : انتي عارفه اني مااحب هالطبع اذا قمت تتساسرو

اسماء تقوم : يلا تصبحون على خير

سهام ونايف : وانت من اهله

دخلت غرفتي والقيت نظره على شكلي بالمرايه شكلي حلو ونزلت نظري لخاتم الالماس الي بيدي ونزلت دمعتي بلا شعور "اااااااااه يااحمد ليه تعذبني وتحرمني من الفرحه ليه ...لما شفت دانه بالكوشه تخيلت نفسي مكانها حلمت اني اكون العروس .......ليه ياحمد تخليني عرضه لكلام الناس اليوم مت مية مرة وانا اسمعهم يقولون ايه هذي ولد عمها مملك عليها من سنتين ...والله مدري ليه ماتمموا زواجهم للحين ..لا مايدرس لا مو مسافر ...اي يشتغل مع ابوه وعنده خير.

اااااااه يا احمد لمتى واحنا على هالحال ماعمرك حسستني انك تحبني او ان لي قيمه ومكانه بحياتك تروشت ونشفت شعري وصليت وانسدحت بسريري ونمت من التعب والتفكير.

دانه "مدري كم مر على وانا تحت الماي "وقفته ولبست الروب وطلعت بشويش عشان مايحس على شفته نايم ولاكانه مسوي حاجه نايم براحه "ياليتني اقدر انام مثلك وانسى حالي ااااه تعب ياحمد تعبت "طلعت للصاله ونشفت شعري وصليت ودعيت ربي يفرج همي دعيته انه يلهمني الصبر قمت وجلست على الكنبه ولميت رجولي لصدري ومشاهد الي حصلت لي تكرار ببالي ماني قادرة انسى الي صار هو صحيح مايتسمى اعتداء اذا كان زوج بس بنظري اعتداء لانه مو برضاي ابد أي حمد اعتدا على وبعنف ذبحني وذبح فرحتي بالي ينقال عنها احلى ليله ليلة العمر ماحسيت بنفسي اني نمت ..تمن من تعب الجسد وتعب البال

انتبهت لصوته وهو يصحيني : ليه نايمه هنا

دانه فتحت عيوني واعتدلت بجلستي :.............

حمد بحده : ليه نايمه هنا اكلمك انا

دانه ماني قادرة ارفع راسي واشوف وجهه :...................

حمد مسكني من ذراعي ووقفني : سمعيني عدل انا لما اكلمك ماتسكتين فاهمه

دانه غمضت عيوني ماابي اشوف وجهه :.............

حمد مسك فكي وصرخ : ناظررريني

دانه فتحت عيوني الي تجمعت دموعي فيها وناظرته:…..

حمد : ليه هالبكي ترا مالي خلق لدلع هالبنات

دانه من بعد مافكني بعدت عنه ورحت لدورة المياه غسلت وجهي وغيرت ملابسي لبست لي
فستان لف لونه اورنج قصير من قدام وله ذيل من ورى خليت شعري على طوله وحطيت لي
ميك اب وكثرت من البودرة عشان اخفي شوي من تعبي وعيوني المنفوخه لبست الجزمه
وعبايتي لاني ماابيه يشوفني وانا لابسه الفستان من بعد امس صرت اخاف منه ومن نظراته
طلعت وشفته جالس على الكنبه ولف علي وبستهزاء : على وين ان شاءالله

دانه وصوتي مبحوح : ماراح نروح لاهلك واهلي

حمد : ومن قال

دانه : مو هذا المفروض الي يصير

حمد: والله انا ماقلت لك انا بنروح وبعدين حنا بنسافر على طول ماراح نروح فافسخي عباتك وانثبري مكانك

دانه "حتى اهلي بتحرمني اشوفهم ليه هالظلم "دخلت بفصخ واغير فصخت العبايه والتفت الا هو وراي خفت وخذت العبايه بسرعه اغطي نفسي قرب مني وشفت نظرة خبث منه قرب مني اكثر وبعنف سحبها مني ورمها على الارض وجرني له وناظرني بنظرة انتفض جسمي وذكرني بالي صار امس غمضت عيوني لما شفته يقرب وجهه لوجهي :مره ثانيه ان عدتي هالحركه ماتلومين الا نفسك سامعه

دانه :..............

حمد"خوفها يجذبني احس باللذة وهي ترجف بين يديني ولا بنت اللذين ماتبيني اشوف زينها تحسب على كيفها هي " لمست خدها بيدي ومررتها بوجهها ونزلت لرقبتها ويدي الثانيه بخصرها وبهمس : دانه

دانه رجف قلبي منصوته وهويقل اسمي : همم

حمد: يلا تعالي نفطر

دانه بعدت عنه : ماابي ماني مشتهيه "مع اني ميته من الجوع ..توقعته بيصر اني اكل بس تفجات

حمد: أي احسن لك كانك سمننه ويبي لك رجيم حطي ببالك مو تقولين خلاص تزوجت وباكل على راحتي من الحين احذرك جسمك تحافظين عليه ماابيه يزيد ان زاد ماتلومين الا نفسك

دانه فتحت عيوني عل الاخر من الصدمه "هذا ايش يقول سمننه بالعكس ضعفت كثير حتى اهلي لاحظوا علي جسمي من قبل مليان شوي الحين صرت نحيفه مره ":...........

حمد يجرني من يدي للصاله : تعالي جهزي اكلي اذا وصل

دانه مافهمت ايش اجهز فيه : كيف

حمد: تقطعينه تصبين لي الشاي او المويه او تملحينه لي أي حاجه ابيها تسوينها

دانه : بس انا قلت لك ماابي اكل

حمد: وانا قلت لك مانتي ماكله ماابيك تسمنيني زياده جلسي تفرجي على وانا اكل وسمعي بكره بجيب ميزان واوزنك وان شفت كيلو ناقص والا زايد ماتلومين الا حالك

دانه " بيذبحني ذا وش دخله بوزني كل حاجه بيدخل فيها ياربي صبرني يارب ":..........
وصل فطوره وجلس ياكل ولا معبرني ابد وانا جلست افكر بحالي معه وايش مصيري معقوله يطلقني ياربي ايش راح يقولون اهلي والناس اكيد بيظنون فيني الشين اكيد بيقولون ماني ببنت عشان كذا طلقني وفجاة : حمد بطلقني

حمد بنظرات بيطلع منها الشرار : تحلمين اطلقك عشان تطيرين لحبيب القلب ها

دانه انفجعت "مين حبيب القلب ايش يقول": ايش تقصد

حمد بستهزاء : اظنك عارفه "وبصراخ" سمعي ان جبتي سيرة الطلاق الكفين الي امس بيجونك واكثر بعد

دانه خفت وصرت ارجف : بـ...بس انا

حمد جاني ووقفني مقابله له: انتي ايش تكلمي

دانه بخوف : ماابيك

حمد بضحكه : هو كيفك ماتبيني مو على كيفك وحطي ببالك اني انا الي ماابيك واخذتك عشان اتسلى بس مو حب فيك يعني بتظلين على ذمتى ومتى مابغيتك بفراشي وانتي تضحكين وتظبطين حالك وتكونين كانك عروس بليلة عرسها سامعه تجين برضاك ولا اجيك بالغصب وانتي عارفه انه مافي شئ يردني.

دانه خلاص ماني قادرة اتحمل الي قاعد يصير لا هذا مو حمد الي عرفته هذا واحد ثاني كل هذا عشان عطيته كف بس هو الي جابه لنفسه وعشان رديته طبيعي أي بنت بمكاني أي واحد ماتعرف شئ عنه وبيجي يقولها بيتقدم لها من غير مايروح لاهلها بترده ليه ياحمد تسوي فيني كذا انا ايش سويت بدنيتي ولا عشان شافني ضعيفه قال استقوي عليه صحاني من تفكيري صرخته : ساااااااامعه

دانه :......

حمد بحده : تكلمي سااااامعه

دانه وانا ارجف : اايه

حمد "خلاص ماني قادر ابيها ابيها تذوبني بخوفها، خوفها يحسسني برجولتي ابي افترسها "شلتها من غير مااتكلم وتوجهت للغرفه وسكرت الباب.

دانه "ماقدرت اقاوم او انطق بكلمه انا ماني قده استسلمت له مالي الا اني استسلم لك ياحمد يمكن اتقى شرك" نزلني على السرير وعلى طول بعدت بس مافي مفر منه .......................

منى : يمه دانه بتجي ولهت عليها

هنادي : وانا بعد لحد الحين ماني مستوعبه انها خلاص مراح تعيش معنا

ام عماد : هاذي سنه الحياه وعقبال مااشوفكم ببيت رجالكم ان شاءالله

منى : امممممممين

ام عماد: استحي على وجهك يابنت

منى : يمه مافيها شئ انا واحده ابي الستر

هنادي: والله تنك فاصخة

منى بنظرة : يعني تبين تفهميني انك ماتبين تتزوجين والله انك ميته بس مو حاصل لك لانك دبه

هنادي انجرحت من تعليقها بس مابينت لها : انثبري بس "ولفت على امها "يمه مادقت دانه

ام عماد: لا مادقت واخاف ادق عليها انحرج مع زوجها

منى بهبال : ليه تنحرجين

ام عماد : قومي انقلعي عن وجهي ياقليلة الحيا صحيح لاقالوا جيل اللهم ياكافي

منى مبوزة : وانا شقلت

ام عماد: منى روحي عن وجهي لايجيك الي مايسرك

قامت منى وراحت لغرفتها

هنادي: تتوقعينهم بيسافرون على طول

ام عماد: اظن كذا لاني سمعت ابوك يقول طيراتهم الساعه واحده والحين 11ونص فما اظن انه بتجي

هنادي : والله اشتقت لها

ام عماد بدمعتها : والله لها مكان وحس

هنادي بكت : مااتخيل نفسي اجي من المدرسه ومااشوفها كل يوم

(( الجزء الثاني عشر ))

حمد يجرني من ييدي : وين وين

دانه بحراج لانه مهما كان ماني متعودة اكون بالوضع هذا "وهو مو مقدر اني
استحي": بروح لدورة المياه

حمد ببرود: ومن سمح لك تقومين "جرني لحضنه "

دانه وعيوني تدور بالمكان واحاول ان نظري يطيح عليه خوف وحيا :حمد لازم اقوم عشان نجهز مابغى شئ على الطيارة

حمد بخبث : ليه ماطالعيني

دانه :.................

حمد يمسك وجهي بحنان وثبت عيوني بعيونه وبصوت هامس : تستحين

دانه : حمد قوم

حمد بعناد : ماجاوبتيني مستحيه

دانه "يعني ايش وحده توها عروس وتبيها تكون بحضنك من غير ماتخجل " فكيت نفسي وبسرعه توجهت لدورة المياه

حمد : هههههههههههههههه وين بتروحين بتجيني ههههههههههه

تجهزنا وطلعنا من الفندق واحنا بالسيارة : مرة ثانيه عيوني تغطيهم لحد مانركب السيارة فاهمه

دانه ماحبيت افتح لي سالفه معه ابي اهدا شوي : طيب

وصلنا المطار ونزلنا وخلصنا الاجراءت وركبنا الطيارة كنت متوترة كثير لاني اول مرة اركبها وصرت افرك بيديني من التوتر وانتبه لي :اول مرة تركبين

دانه : ايه

حمد: خايفه

دانه نزلت نظري :...............

حمد بضحكه : كل يوم اكتشف انك مازلت طفله يادانه

دانه بقهر : اقول ماني بزر

حمد: ههههههههههههههههههههههه

دانه : لا تضحك علي

حمد"اااخ من عيونها تذبح .. هي حمد انتبه مو تتعلق فيها شفيك انهبلت كانك ماشفت بنات من قبل بس انا ماقد شفت مثلها ..الصراحه الوضع عاجبني . يعجبني انها ماتعرف حاجه بالدنيا وانا الي اعلمها حلو ان البنت تتعرف على الحياه من زوجها وهذا الي جاذبني اكثر الحريم الي خذتهم صحيح بالبدايه يخجلون بس بعدين تطلع جرائتهم وكانوا عارفين كل حاجه بحكم انهم يروحون ويجون بكيفهم .

اما دانه الي فهمته انها ماتروح ولاتجي وحتى لو راحت مكان مع امها ...بس حياها
غير حتى بخوفها تستحي اما برائتها شئ ثاني على انها بسن 23 الا الي يشوفها يقول عمرها 16بالشكل وشويه من التصرفات .

انتبهت لها لما زادت الضغط على يديها حنيت عليها ومسكت ايدها واخذتها
بحضني :دندون لا تخافين ياقلبي

دانه "مو من قلبك ياحمد مو من قلبك ":.................

حمد: سمي بالله واقري لك المعوذات وان شاءالله ماراح يصير شئ وبعدين الطيارة ماتخوف لهدرجه

دانه : بس انا اسمعهم يقولون

حمد يقاطعني : ماعليك من الي يقول انتي الحين بتجربينها وحكمي وصدقيني ماراح تحسين بشئ بس بالبدايه وبعدين خلاص

دانه غمضت عيوني : طيب انا بغمض واذا طرنا قولي

حمد ضحكت على برائتها : دانه شوفي طول مانتي معي ابيك تثقين فيني ولا تخافين

دانه بخوف : وانت بتظل معي

حمد فهم علي : اذا في بالك اني اطلقك انسي انتي صرتي من ممتلاكاتي ومستحيل اطلقك

دانه "لازم يحطمني يعني ايش فيها لوجاملني وقال انه حبني وتعلق فيني عشان كذا ماراح يطلقني ": حمد

حمد: نعم

دانه : ايش مصير معك

حمد يسند راسه :شوفي انت بتعيشين معززة ومكرمه عندي وحقوقك بتوصلك وبالمثل حقوقي توصلني وانتي وشطارتك ماتخليني امل منك واخليك معلقه لامطلقه ولامتزوجه

دانه "معلقه ": ليه طيب

حمد ياشر على راسه : مزاااااج

دانه بقهر : وانا مو لعبه لك ولمزاجك

حمد شد على يدي علامه انه عصب :لا لعبه واسوي الي ابي فيك وسمعيني ان سمعت انك قلتي لاحد عن امورنا الشخصيه ماتلومين الا نفسك وتحملي الي يجيك

دانه "خلاص ارحمني والله تعبت تعبت "لفيت نظري للنافذه انتبهت انا صرنا بالجو

ابو عبدالرحمن :سافر

ام عبدالرحمن : طيب ليه ماجى سلم علينا قبل لايروح

ابو عبدالرحمن : يقول انه ماصحوا الا متاخرين وماقدروا

اسماء : افففف ودي شفت دانه قبل لاتروح

ابو عبدالرحمن : اذا جات بتشوفينها وبتملين منها بعد لانها معك بالبيت

اسماء : احسن شئ سواه حمد انه بيعيش معنا

ابو عبدالرحمن :لاتخافين يام عبدالرحمن بتشوفينه كلها اسبوع وهو عندك

اسماء : ليه

ابو عبدالرحمن : تدرين ان اخوك مشغول ومايقدر يطول

اسماء : اها

نايف يدخل : السلام عليكم

الكل :وعليكم السلام

ام عبدالرحمن :هلا بولدي يمه متى بفرح فيك

نايف : توك ياامي مزوجه حمد لحقتي تبين عرس ثاني

ام عبدالرحمن: ابي افرح فيك واشوف عيالك

نايف : ان شاءالله يمه تشوفينهم

اسماء : يعني نويت تعرس

نايف : ايه نويت

ام عبدالرحمن : هذي الساعه المباركه ياقلبي من اليوم ابدى ادور لك

نايف : لا يمه مايحتاج البنت موجوده

اسماء بخبث : مين الي حاط عينك عليها من بنات عمي ولا خوالي

نايف : ولاواحده منهم

ام عبدالرحمن باستغراب : اجل مين

نايف : هنادي بنت ابو عماد

اسماء : اخت دانه

نايف : ايه فيها شئ

ام عبدالرحمن : والنعم فيها بس ياولدي ماتصلح لك

نايف : ليه يمه البنت فيها شئ

اسماء : لا مافيها بس البنت يعني دبدوبه

نايف : طيب واذا دبدوبه

ام عبدالرحمن : ياولدي مافيها شئ بس اذا البنت دبدوبه قبل لاتتزوج وش بتصير اذا تزوجت
اسماء : خيمه

نايف : مو شرط يمه انا الصراحه عاجبتني تربيه ابو عماد وماراح القاي مثلهم وخلوني اشوفها الشوفه الشرعيه وانا احكم

ابوعبدالرحمن : صادق الولد يمكن تعجبه مو شرط تعجبكم

اسماء : والله البنت ماعليها بس يبي لها تخف شوي

نايف يقوم لغرفته: انا قلت الي عندي

دخل غرفته وانسدح على السرير تذكر الي صار بالعرس"يوم راح يشيك على عشاء الحريم
كان داخل ومفور على الاخر من طلبات ابوه وم توجب المعازيم ومانتيهت للبنت الي تكلم بالجوال.

كانت معطتنيني ظهرها بس جذبني صوتها الناعم وشكلها بالفستان مع اني ماشفت وجهها بس مدري عجبني جسمها المليان انا عن نفسي ماتعجبني البنت النحيف تعجبني البنت المليانه انتبهت لها تقول انا هنادي بنت ابراهيم الـ....مو حيا الله .

ولفت علي انبهرت منها وماقدرت انزل عيني عنها وهي ياقلبي نزلت دموعها وعلى طول هربت ...انتي الي غزيتي قلبي من غير استئاذن وان شاءالله بتكونين زوجتي قريب ..قال ايش سمينه هذا الي ابيه.

وصلنا لجدة المفروض اكون فرحانه مثل أي بنت بشهر عسلها بس لا حمد حرمني وسرق فرحتي دخلنا الفندق وحسيت بدوخه واحنا بالرسبيشن وهذا طبيعي لاني مااكلت حتجه غير السوائل من يومين لا والاخ يبي يحرمني من الاكل بعد انتبهت له وهو يمسك ايدي ومشينا

وصلنا للجناح ودخلوا العاملين الشنط وطلعوا رحت جلست على الكنبه احس شوي وبيغمى على من التعب والجوع

حمد جلس جنبي : جهزي حالك بنطلع نتمشى ونتعشى

دانه بتعب : خلها بكره انا تعبانه الحين

حمد: وانا مو تعبان ويلا بلادلع قومي

قمت معه وطلعنا صرنا نتمشى بالمجمعات وندور وحمد يسولف وانا مستمعه له بعدها رحنا للمطعم والاخ طلب له مالذ وطاب اما انا طلب لي سلطه وعصير : يلا كلي حطي ببالك ان عشاك دايما بيكون كذا لاني مااحب حرمتي تصير سمينه

دانه "مافيني حيل اناقشه " اكلت شوي من السلطه حتى شهيتي سدها لي وشربت العصير بعدها قمنا ورحنا للفندق دخل هو الحمام بعد ماطلب مني اجهز له ملابسه طلعت له بيجامه وملابس داخليه وحطيتهم على السرير وجلست بالصاله انتظره يطلع عشان اتروش

حمد ينشف شعره : يلا كان بتدخلين الحمام

دانه رفعت نظري وانصدمت به واقفلي ولاف الفوطه على خصر الي توصل لنص فخذه وصدره عاري نزلت عيوني بسرعه وقمت دخلت الحمام

حمد"هههههههههه ياربي من خجل هالبنت "وراح يلبس بعد فترة طلعت وانا انشف شعري ولبست لي بيجامه ورديه حرير جلست امشط شعري
حمد عاقد حواجبه : انتي ايش لابسه

دانه : ايش بيجامه

حمد بحده: قومي غيريها عنبوتوك عروس وتلبسين لي هالبيجامات.. قومي البسي من الملابس الي شريتها لك

دانه " وانت ماعندك غير الصراخ ياخي قدر اني عروس انت مجرب هالتجربه من قبل انا
لا ": طيب

قمت وتوجهت للدولاب بس هو سبقني وطلع لي قميص نوم اسود قصير لنص الفخذ : البسي هذا

طلع من الغرفه وانا غيرت لبسي بس مستحيل اجلس جنبه كذا والله استحي ماني متعوده على طول اندسيت بالسرير وتغطيت باللحاف دخل على :غيرتي

دانه هزيت راسي بايه:...........

قرب من السرير وسحب اللحاف مني بعنف وبسرعه لميت نفسي وقف يطالعني ويتامل شكلي مسكني ووقفني قباله وشال ماسكه الشعر وانا وجهي قلب الوان من الخجل دار بي وهو يتاملني حسيت بحراره من مسكه لخصري صاريمرر ايده على وجهي ورفعه له باس جبيني

احس لمساته تذوبني وتحرقني صار يبوس بوجهي جبيني خدي شفايفي بس هالمره غير عن امس اليوم صاير حنون انفاسه تحرقني ضعت بين ايديه على الي سواه فيني احبه أي احبه

دانه بصوت هامس : حمممد

حمد يشيلني : اشششش مو وقت الكلام الحين

28-02-10, 01:40 PM

المشاركة رقم: 8

المعلومات
الكاتب:	سر الخلود
اللقب:	ليلاس متالق

البيانات
التسجيل:	May 2007
العضوية:	28460
المشاركات:	48
الجنس	أنثى
معدل التقييم:
نقاط التقييم:	21

االدولة

مدونتي

الإتصالات
الحالة:
وسائل الإتصال:

كاتب الموضوع : سر الخلود المنتدى : القصص المكتمله

والله لجيب راسك ...للكاتبة الجوري / منقوله

[CENTER

](( الجزء الثالث عشر ))

ريهام : كل هذا صار وانتي ساكته

دانه : ايش تبيني اسوي يعني

ريهام : وانت ايش ناويه عليه

دانه بتنهيده : مدري بس مالي الا الصبر

ريهام : تحبينه

دانه :.........................

ريهام : ماجاوبتيني

دانه : لازم اجاوب

ريهام: شوفي ياقلبي اذا كنت تحبينه رااح تقدرين تتحملين تصرفاته بس اذا لا

دانه : أي احبه بس ماني عارفه ليه يعاملني كذا اذا عشان الكف فهو يستهله

ريهام : والله ماني عارفه بس تقدرين تقولين رجولته انهانت لما رفضتيه وعطيتيه الكف

دانه : راح احاول قد مااقدر اني اتحمل طبعه

ريهام : حبيبتي انتي تقدرين تخلينه يحبك

دانه : شلون

ريهام : لاتنسين انك حلوة تقدرين تستغلين النقطه هاذي لمصلحتك وعرفي حبيبتي مهما كان الرجال صعب ولوح فانه يذوب على دلع وغنج المرة وانتي ياقلبي دلعك يذوب الجدار

دانه: صعبه والله مااحس ان عندي القدرة اني اسوي الي قلتيه

ريهام : بتقدرين ان شاءالله بس انتي كسري حاجز الحيا وراح يصير كل شئ سهل

دانه : بحاول يلا قلبي اخليك الحين

ريهام : يلا ولا تقطعين طيب

دانه : طيب

سكرت منها ورحت اشيك على شكلي بالمرايه كنت لابسه فستان نعوم بالون صيفيه قصير لتحت الركبه وحاطه ميك اب خفيف يبرز نعومه وجهي انا وجهي طفولي يمكن هو مايحب الملامح الطفوليه ..........

بس راح اخليه يحبها انا حلوة وماناقصني شئ والحمدالله ماهو غرور بس ثقه بشكلي والي زادني حلا بياضي الي يشوفوني يقول سوريه مو سعوديه صحيت من تفكيري بحمد وهو حاضني من وراه وانفاسه الحاره على رقبتي

حمد باس رقبتي : حلوة لاتخافين طالعه قمر

لفيت عليه وبتردد: صدق

حمد اخذ يديني وحطهم على رقبته ويديه على خصري خجلت ونزلت راسي :......

حمد رفع وجهي له : يانبي على الحيا اذوب انا

دانه بدلع عفوي : حمد

حمد "صوتها خققني ": عيونه

دانه بخوف : انت تظن اني حلوه صدق يعني عاجبتك

حمد باس خدي : ايه عاجبتني ولا كان ماتزوجتك

دانه : يعني ماتبيني اغير حاجه بشكلي

حمد: لا انتي كذا عاجبتني اذا حسيت انه في حاجه يبيلها تعديل انا بقول لك

دانه ارتبكت من نظراته الي تعيشني بعالم ثاني وعارفه معناها قلت اصرفه : حمد ماراح نطلع
حمد بضحكه ذوبتني : تصرفين ها بس يلا ولا يهمك بنطلع وين حابه تروحين

دانه بفرح : اممممم البحر

حمد : طيب بدخل اغير وانتي جهزي اوكي
دانه : اوكي "جيت بروح بس مسكني "

حمد: وين "وياشر على خده "

دانه : ايش

حمد: بوستي وينها

دانه بخجل بسته على خده ورحت بسرعه عنه دخل الغرفه يغير وجلست بالصاله رن جوالي

دانه : هلا بقلبي انا

راكان : أي قصي على بكم كلمه

دانه : ليه حبيبي

راكان : يالظالمه صار لك اسبوع وماتصلتي الا الحين

دانه : شسوي والله ودي وبعدين بكره بتمل مني احنا بكره راح نجي

راكان : توصلون بالسلامه ان شاءالله بس اخاف نسيتيني

دانه : وانا اقدر انسى العالم ولا انساك انت الحبيب الي سكن قلبي ومافي بعدك احد

راكان : الله الله وش بغيتي لزوجك

دانه :هههههههههههههههههههه

انتبهت له وكان معصب حسيت شوي ويطلع من عيونه شرار

دانه : يلا اكامك بعدين باي

حمد مسكني من ذراعي بقوة : من كنت تكلمي

دانه بخوف : هـ.. ههذا اخوي راكان

حمد بحده : شايفتني غبي ولا لوح ماافهم ها

دانه ماني عارفه ايش يقصد وتوني بتكلم الا هجم على ضرب

حمد: انا يالحيوانه تخونيني انا تستغفليني "وشدني من شعري "كنتي تكلمينه صح

دانه وانا ابكي : والله "قاطعني بكف على وجهي وكف ثاني وثالث ورابع "لحد ماطحت على الارض منهاره من التعب

حمد وهو يتنفس بسرعه وبصرخ : عطيني جوالك

دانه ماني قادرة اتحرك :.............

حمد رفسني ببطني وبحده : وين جوالك جعلك الموت اخلصي

قمت بصعوبه رجولي ماهي شايلتني وبصعوبه وصلت للمكتبه واخذت جوالي ومديته له اخذه مني وانا مازلت واقفه قدامه سمعته وهو يكلم راكان وسكر منه رفعت نظري توقعته بيتاسف او أي حاجه يبين لي انه غلطان بس لا مو حمد

حمد من غير مايطالعني : انا طالع

طلع وتركني رحت للغرفه وانسدحت على السرير وصرت ابكي قهر والم احس اني ماني قادره احرك ايدي اظنها انكسرت نمت من التعب والالم.

انتبهت الساعه تسع بالليل قمت بصعوبه ودخلت الحمام وصلت للمغسله وانفجعت من شكلي وجهي صاير احمر وخدي مزرق وعيني منفوخه ولما شفت ايدي صايرلونها بنفسجي وماني قادره احركها والالم فظيع بصعوبه توضيت عشان اصلي المغرب والعشا وخلصت بصعوبه دعيت ربي يفرج من همي ويهديه ويصبرني عليه.

سمعت صوت الباب رحت بسرعه للسرير وانسدحت وغطيت وجهي ماابي اتواجه معه
حسيت فيه لما جلس جنبي وحسيت بيده تلمس وجهي ماقدرت امسك دمعتي نزلت غصب عني

حمد : دانه ادري انك صاحيه قومي

دانه احاول اكتم شهقاتي :..................

حمد : دانه قومي تعشي قومي

دانه :........................

حمد بعد عني اللحاف وجرني لحضنه : دانه

دانه بالم : اااااااااه

حمد بخوف : قلبي شفيك

دانه بصوت مبحوح وواضح الالم منه : ايدي

حمد تفجاء من لونها : شلون صار فيها كذا

دانه اكتفيت اني اناظره "يعني برئ ماتدري كيف ":...........

حمد يقوم ويجيب عبايتي : قومي خليني اوديك المستشفى

دانه قمت بصعوبه وشغل النور وانصدم اكثر بوجهي بس حاول انه مايبين : يلا خلصتي

دانه ماقدرت البس عبايتي فهم على وجاى وساعدني سندني عليه وودني المستشفى سالوني ايش صار قلت لهماني طحت جبرو ايدي وعطوني مسكن للالم ..........وصلنا الفندق

حمد : يلا تعالي تعشى عشان تاخذين العلاج

دانه :...........

حمد بحنيه : تعالي ياقلبي

دانه وصوتي يرجف : حمد الله يخليك لا تغصبني ماني مشتهيه

حمد : طيب تعالي جلسي

جلست على نفس الكنبه الي جالس فيها بس بعيد عنه:................

حمد قرب مني خفت وتراجعت على ورى بس هو جرني بحنيه لحضنه صرت ارجف بين يديه اخذ راسي وحطه على صدره على خوفي بس حسيت بالامان وانا بحضنه يمكن لانه هو الحضن الوحيد المتوفر لي الان صرت ابكي بصوت واطي بس بان على من شهقاتي عطاني المسكن مع المويه ورجعني وتفجات منه لما شالني وحطني على رجوله وحضني وصار يمسح على شعري حسيت نفسي بزر صغير بحضن امه غمرني حسيت شوي وبدخل بصدره ضعت وانا بحضنه بالنسبه لصغر حجمي وانا بين ايديه استسلمت للنوم ومانتبهت الا وهو يصحيني

حمد: يلا يكسلانه قومي شوي وبيذن الظهر

دانه فتحت عيوني وشفت نفسي على السرير استغربت شلون جيت ومين غير ملابسي حمر وجهي لما استوعبت انه هو

حمد يجلس جنبي : صباح الخير

دانه بخجل : صباح النور ..حمد

حمد: هلا

دانه : انت الي وسكت "نزلت نظري للبسي وفهم علي "

حمد ببتسامه : ايه انا شفتك نمت قلت اغير لك عشان ترتاحين بالنوم

دانه "ياربي على هالاحراج ":..........

حمد مسح على شعري : يلا قومي الفطور جاهز ولاتقولين مو مشتهيه

دانه : طيب بروح لدورة المياه واغير واجي

حمد بخبث: تبين مساعده

دانه ارتبكت : ها لا مايحتاج

قمت وتروشت ودورت لي حاجه البسها مافيها ازرار لبست لي فستان اخضر طويل وواسع شكله كيوت وعليه رسوم وزخرفات صينيه خلصت بس ماقدرت اربط شعري ولما تاخرت جاني

حمد: ليه ماجيتي تفطرين

دانه وانا ماسكه فرشاة الشعر : ماني قادرة امشط شعري

حمد "حسيتها بزر وهي تلعب بالفرشاة كسرت خاطري "توجهت لها واخذت منها الفرشاة ومشطته لها طلبت مني ارفعه بس قلت لها لا احب شكله وهو مفتوح لما خلصت سندتها ووتوجهنا للصاله

حمد: بنمدد جلستنا لحد ماتشفين

دانه "ضاق صدري ماودي احلس معه لوحدي اكثر وبعدين اشتقت لاهلي ": طيب

حمد وهو ياكل : كلي كويس "ومد لي كاس حليب "

دانه كشرت بوجهي : يعععع مابي

حمد: حد يقول لنعمه كذا

دانه : عارفه بس والله مااحبه ولا احب منتجاته

حمد: ايه من عذر اقل حاجه وتتكسر عظامك لانك ماتتزودين بالكالسيوم بس غصبن عنك بتشربينه

دانه : والله مااحبه ولا احب ريحته

حمد : اعتبريه دوا اشربيه بسرعه يلا اشوف

دانه : ماابي

حمد: مانتي قايمه لحد ماتشربينه

دانه : طيب انا مااحبه وذا شربته بستفرقه ايش بستفيد

حمد: طيب شربي على الاقل رشفتين كل يوم لحد ماتتعودين عليه

دانه "عارفه انه ماراح يتركني لما اشربه ": طيب

اخذت الحليب وشربت منه شوي بس ماقدرت اكمل كشرت بوجهي : حمد الله يخليك لا تغصبني ازيد والله ماني قادرة

حمد: هههههههههه معليش شوي شوي وبتتعودين عليه

مر علينا الاسبوعين بهدوء ووجهي خف واختفت منه علامات الضرب اما يدي لسا ماطاب الكسر اليوم بنرجع خلاص ماني مصدقه اشتقت لاهلي كثير

حمد: جاهزة

دانه ببتسامه : جاهزه

حمد: يلا مشينا

طلعنا من الفندق وتوجهنا للمطار

هنادي : امي ماتدرين متى تجي دانه

ام عماد: لا والله اخر مرة كلمتها من اسبوعين والله انتوا يالبنات ما فيكم خير بس شافت الرجل ونستنا

هنادي بضحكه : يمه زعلانه منها

ام عماد: لا مو زعل بس ماخذه بخاطري منها

هنادي : ماتدرين ايش ظروفها ...المهم ليه مناديتني تبين شئ

ام عماد ببتسامه : أيه يمه في ناس متقدمين لك

هنادي متفاجئه : لي

ام عماد: ايه لك اجل لمين

هنادي بحزن : يمه هم يعرفون اني ..اني

ام عماد: ليه هالحزن وبعدين يايمه صحيح انك امتن خواتك بس مايقال عنك سمينه

هنادي : ولو يمه والله حاولت اخفف بس ماينزل وزني

ام عماد: تركي عنك التفكير الي مايودي ولايجيب بعد انتي مو سمينه بس مليانه ولاوزنك زين بس يبي لك تنزلين كم كيلو وتصيرين تمام

هنادي : والله يمه تعبت من تعلقاتهم انا عارفه ان جسمي زين بس مو تاركيني بحالي

ام عماد: ان ربي كتب لك نصيب بتكسرين عيونهم وبتحرينهم ان شاءالله

هنادي : وتتوقعين بعجبهم يمه حتى انتي ماتفكرين تاخذين لاخوني واحده مثلي تبينها نحيفه

ام عماد: لاتخافين عاجبتهم وشايفنك بعد

هنادي بحيا : مين هم

ام عماد: اخو زوج دانه نايف هو الي متقدم لك

هنادي :........................

ام عماد: ماابيك تستعجلين خذي راحتك بالتفكير واستخيري وردي لي خبر

قمت من عند امي ومازلت مو فرحانه افكر اذا عجبت اهله يمكن مااعجبه معقوله راح اعجبه
يمكن الا اكيد لا لاتاملين نفسك ياهنادي انت بنت عاديه جدا وغير كذا سمينه ليتني طلعت مثل دانه حلوه او مثل منى نحيفه

نايف بهمس : ماردو

اسماء : وش فيك مطيور اصبر تونا مكلمينهم امس انتظر يومين على الاقل

نايف : وليه هالتاخير هم عارفينا وسالين عنا من قبل

اسماء : نويف الي يشوفك الحين يقول انك شايفها

نايف بارتباك : وين بشوفها يعني وبعدين احترمي نفسك وشو نويف اصغر عيالك

اسماء : ههههههههههه

حمد: الحمدالله على السلامه

دانه بفرح : الله يسلمك حمد ابي اروح لاهلي

حمد يركب السيارة : بكره ان شاءالله اوديك

دانه ماحبيت اناقشه : طيب

وصلنا لفيلاتهم ونزلنا وانا متوترة وخايفه من حياتي الجديده ياترى هل راح انصدم فيهم مثل مانصدمت بحمد

دخلنا والكل تفاجاء حمد : السلام عليكم

الكل : وعليكم السلام

حمد توجه لامه وحب راسها : الحمدالله على السلامه يمه

حمدوهوبحضن امه : الله يسلمك يالغلا اخبارك ان شاءالله بخير

ام عبد الرحمن : بخير جعل ربي يسلمك

دانه وانا احب راسها : شلونك يمه

ام عبد الرحمن تحضني : بخير يمه وانتي شلونك وشلون حمد معك

دانه : الحمدالله

اسماء جايه طيران وحضنتني : الحمدالله على السلامه يالخايسه لا اتصال ولاشئ خذتي اخوي ونسيتينا

دانه : معليش ياقلبي عذريني

نايف يسلم على اخوه :الحمدالله على السلامه يابو عبدالرحمن

حمد: الله يسلمك

نايف : الحمدالله على السلامه مرت اخوي

دانه بحيا : الله يسلمك

جلست جنب حمد وسولفنا وسؤلونا عن احوالنا وعن يدي

حمد: قلت لها لا تركبين اللعبه بس هذا جزا الي مايسمع الكلام

ام عبدالرحمن بحنيه : يمه ليه ماسمعتي كلامه هذا انتي تعوريتي بس ان شاءالله ماتالمك

دانه : لا يامي الحين الحمدالله وكلها يومين ويفكون الجبس

اسماء : الله يفشلك ان شاءالله طحتي قدام خلق الله ههههههههههههه اتخيل شكلك "وتلف على حمد" ليه ماصورتها

حمد بضحكه :يلا بس تطنزين على زوجتي

اسماء : هههههههههههههه والله اتخيل شكلها والدموع اربع اربع هي من غير شئ وتصيح

حمد: هههههههههه في ذي صدقتي

دانه "قهرني جالس يتمسخر على ولا كانه هو السبب":................

حمد مسك يدي :يلا عن اذنكم بنروح نرتاح

اسماء : روح انت وخل دانه ابي اسولف معها

حمد : خليه ترتاح الحين ولاحقه على الجلسه

(( الجزء الرابع عشر ((

دخلنا بجناحنا وانبهرت بتصميمه كان حلو تصميمه له الطابع الاوروبي كان مؤلف من صاله وغرفتين نوم وحمام ومكتب وكان اللون البني الغالب على الجناح دخلت الغرفه وكانت رهيبه والي جذبني السرير كان فخم وملكي مرة نازله منه ستاير من الجوانب

حمد: ها عجبك الجناح

دانه : رهيييييب

حمد : يلا تعالي نغير ونرتاح

دانه :بس انا مافيني النوم خلني انزل تحت

حمد: لا انا لما انام انتي تنامين ولما اصحى انتي تصحين ويلا روحي غيري

دانه بخيبه امل : طيب

لبست لي قميص نوم قطني بكم جبينيز وقصير لونه وردي وحمد لبس سروال البيجامه وانسدح وعلى طول نام اما انا ظليت اتقلب بس ماجاني نوم .
على المغرب صحى من النوم ودخل يتروش قمت اجهز ملابسه لبست لي بنطولون جينز اسود مع تيشرت احمر وعليع كتابات باللون الاسود جعدت شعري ورفعته لانه كذا اسهل لي وحطيت لي غلوس وكحل طلع من الحمام والمنشفه على خصره

وجاى لعندي : نزلي معك الجلال واذا صارو اخوني تحت وانا مو موجود ماتجلسين سامعه

دانه : طيب

لبس ثوبه ونزلنا تحت كانوا مجتمعين سلمنا على ابوي ابو عبدالرحمن وحمني الصغير لما شاف ابوه جاه ركض وجلس بحضنه وبعدها اخذته منه وجلست الاعبه

سهام : ان شاءالله انبسطتوا

حمد: الحمدالله

اسماء : دريتي دندون

دانه : ايش

سهام : شكلنا بنصير ناسيب مره ثانيه

دانه مافهمت : شلون

اسماء : اخوي نايف خطب اختك هنادي ونتنظر الرد

دانه "لا مستحيل ماابي الي صار لي يصير لهنادي ": اها

سهام : ماقالوا لك

دانه : لا والله ماصار لي فرصه اتكلم معهم كثير

اسماء : والله انه نايف طاير باختك قبل لا يشوفها اجل لو شافها ايش بيسوي

دانه التزمت الصمت :..............

ام عبدالرحمن : الله يكتب الي فيه الخير

حمد يقوم : يلا انا بطلع

ام عبدالرحمن : وين يمه تو ماشبعنا من جلستك

حمد: والله ودي بس بروح اطل على الشركه وبمر الربع

طلع حتى من غير مايكلف على نفسه يسالني اذا ابي شئ ولا لا سحبتني اسماء وطلعنا للجناح حقها ياربي هالعيله ماعندهم الا الجر ماغير يجرجرون فيني

اسماء : بسرعه ابغى تقولين لي كل شئ بالتفصيل

دانه : ايش تبيني اقولك يعني

اسماء :امممم يعني شلونك مع حمد مرتاحه

دانه "وين ارتاح انا من اخذت اخوك وانا بعذاب ": الحمدالله بس تدرين ان طبعه غير طبعي فلازم اخذ وقت على مانتعود على بعض

اسماء : صادقه وبعد فرق العمر بينكم كثير ثلاث طعش سنه مو شويه

دانه بفرح مصطنع : مايهم اهم حاجه نحب بعض

اسماء تغمز لي : وصرنا نحب

دانه : اجل ان ماحبيت زوجي من احب ها

اسماء : انا

دانه : لا شكرا انا ماابي الا حمد انتي خليتك لغيري

رحت لجناحي وانا احس بالم ببطني يوه مو وقتك انتي اخذت لي حبة بنادول وانسدحت على السرير انتبهت لباب الغرفه يندق قمت : مين

اسماء : انا

فتحت الباب ووجهي باين عليه التعب :هلا

اسماء : دانه ايش فيك وجهك صاير اصفر

دانه : ولا شئ بس تدرين العله

اسما استوعبت : اها اليوم اول يوم

دانه : أي

اسماء :طيب تعالي تعشي وخذي لك بنادول

دانه : اخذت لي اما العشاء مو مشتهيه ابي انام بس

اسماء : طيب اذا احتجتي شئ دقي على اوكي

دانه : اوكي

على طول رحت للسرير وانسدحت واستسلمت للنوم ............انتبهت لحمد يصحيني شفت الساعه 7ونص الصباح

حمد: قومي جهزي ملابسي والفطور

دانه قمت من السرير : ان شاء الله

حمد: وكل يوم قومي وجهزيهم مو لازم اقولك

دانه : طيب

جهزت ملابسه واخذت جلالي ونزلت تحت شفت الخدامه وقلت لها توريني اماكن مستلزمات الفطور شلت الصينيه وصعدت فيه فوق وانا بطني ذابحني من الالم لازم اول يومين تذبحني الم حطيت الصينيه بالصاله ودخلت الحجره شفته مخلص لبس

دانه : الفطور بالصاله

حمد راح الصاله وجلس يفطر رحت وجلست جنبه

دانه : حمد بتوديني اليوم بيت اهلي

حمد: خلك جاهزه العصر

دانه بفرح : طيب

قام وطلع اخذت الصينيه ونزلتها تحت ورجعت نمت .........الساعه وحده انتبهت قمت وتروشت ولبست لي جلابيه واخذت جلالي ونزلت :السلام

ام عبدالرحمن وسهام : وعليكم السلام

دانه : شلونك يمه

ام عبدالرحمن : بخير يابنتي وانتي ان شاءالله اشوى الحين

دانه : ايه الحمدالله

وصل حمد الساعه ثنتين وتغدينا ورحنا جناحنا عشان يريح الساعه ثلاث ونص قمت اجهز نفسي لبست لي تنوره قصيرة لنص الساق بيضا وفيها ورود برتقاليه مع بلوزه برتقاليه ساده وحطيت لي ميك اب ناعم ولبست لي الاكسسورات المناسبه ورفعت شعري على الساعه اربع ونص خلصت.

رحت صحيته وقام طلع من الحمام وجلس يناظرفيني وقرب مني وهو مازال بالفوطه حمر وجهي من قربه حسيت بحراره يديه على خصري : اليوم منور الوجه

دانه بحيا : يمكن لاني بشوف اهلي اشتقت لهم

حمد : اها

دانه احاول اتهرب منه : ملابسك جاهزه

حمد يطالعني من فوقي لتحتي : طيب "وعض شفته "اقول دانه

دانه :هلا

حمد: اجلي روحتك بوديك بعد صلاة العشاء

دانه : ليه

حمد: ابي اجلس معك

دانه "ييي رحت وطي شقوله الحين والله استحي اقوله ":.........

حمد يبوسني "ياربي ايش اسوي وش هالاحراج "سحبني من يدي لسرير

دانه : حمد مو وقته

حمد بصوت يذوب : وقته ونص

دانه بعدت عنه :انا بنزل لحد ماتخلص

حمد يسحبني لعنده بعنف : اقولك ابي اجلس معك تقولين تنزلين تستهبلين انتي

دانه : ااه حمد ايدي

حمد : تركي الاستهبال عنك

دانه : حمد بعد عني

حمد رفع حاجبه : وش هالنبره الجديده

دانه :والله مالي خلق

حمد: ومن قال اني انتظر يكون لك خلق ولا لا

دانه "ياربي بدى يعصب وش اقوله ": حمد البس ملابسك وخلنا ننزل تحت

حمد: لا اا انتي ماينفع معك الطيب "وسحبني ورماني على السرير

دانه "يي يي لازم اقوله يي ":حمد لاتقرب انا محرمه عليك

حمد مو مستوعب : محرمه "وتكتف " وليه بالله محرمه

دانه "ياربي ليه مو راضي يستوعب ….":

حمد بحده : مو على كيفك تحرمين الي تبين سامعه وانا اذا بغيت حقوقي باخذها برضاك ومن دون رضاك

دانه بخوف من صراخه : وانا ماقلت شئ بس الحين مااقدر اعطيك حقوقك

حمد : وليه فوق راسك ريشه

دانه حمر وجهي : لا موكذا بس

حمد: بس ايش تكلمي

دانه مم انا "بقوله بقولها والي فيها فيها ": انا ماعلي صلاه فهمت

حمد استوعب : جايتك الدوره

دانه هزيت راسي :...........

حمد بنرفزه : وهذا وقتها وطيب ليه تطولين السالفه وهي قصيره ليه ماقلتي من البدايه ها

دانه : يووه ياحمد والله استحي

حمد ببتسامه : طيب مره ثانيه انطقي مو تخليني افقد اعصابي عليك

دانه : طيب

حمد: يلا البسي عباتك على ماالبس "نرفزتني توقعتها رافضه اني المسها او اقرب منها والله بغيت اذبحها توني بمد ايدي عليها من القهر بس يلا اروح لوحده من الي عندي امممم اروح لدنيا ..ولا هند امم يلا اوصلها واشوف المزاج وين "

(( الجزء الخامس عشر ))

ام عماد حاضنه دانه : الحمدالله على سلامتك

دانه وانا امسح دمعتي : الله يسلمك شلونك يمه وشلون ابوي

ام عماد: بخير ياقلبي انتي طمنيني عليك شلونك مع حمد ان شاءالله مرتاحه

دانه "وين ارتاح وكل مااقول صار كوويس معي يجي يقلب ": الحمدالله يمه

هنادي جايه ركض : دانه

دانه فتحت ذراعي لها وجاتي بحضني : وحشتيني

هنادي : انتي اكثر اشتقت لك

دانه : وانا اكثر ياقلبي كيفك

هنادي : بخير يوم شفتك خبارك ان شاءالله مرتاحه

دانه تتصنع الفرح : اكيد

انتبهوا ليدي :يمه دانه ايش فيها يدك

دانه : ابد في لعبه ركبتها بالملاهي وطحت وانكسرت ايدي

ام عماد بعتب : يمه وش يركبك اللعب ماكبرتي

دانه : أي كبرت يمه توني شباب خليني اتهنى

هنادي: صادقه وبعدين اللعب يناسب للجميع الاعمار حتى انتي

ام عماد : ركدي بس لاتفشلينا عند زوجك بكره

هنادي حمرت :يمه

دانه : انتي وافقتي

هنادي : ايه

دانه "لا ياهنادي اخاف يكون مثل اخوه ويطين عيشتك وانت حساسه كثير ": متاكده

هنادي بخجل : ايه انا استخرت وحلمت حلم ريحني كثير

دانه "اخاف اتكلم اثير شكوكهم ياربي ايش اسوي ماابغى مصير اختي يصير مثل
مصيري ": فكري كويس هذا زواج مو لعبه مسؤليه انتي قدها

هنادي : صدقيني فكرت فيها كثير وبعدين في نقطه ايجابيه

دانه : الي هي

هنادي : انا بنكون ساكنين مع بعض

دانه "وهذا الي ماابيه راح تلاحظين ايش الي يحصل بيني وبين حمد ": بس لاتتاخذين قرارك بس لهسبب

هنادي : دانه ايش فيك احسك ماتبيني اتزوج نايف في شئ

دانه : لا والله مافي شئ بس مابيك تتسرعين وانتي لساتك صغيرة

منى من بعيد : دويانا هنا ليش ماصاحتوني

وجات وحضنتني وحضنتها اشتقت لهم كثير وبعد السلام

منى :لاتقولين بتمشين بدري سهري عندنا

دانه : ودي بس مدري عن حمد تدرين لازم ينام بدري وراه دوام

هنادي : خليه ينام ابوي ولا احد من اخواني يوديك

ام عماد : ايه جلسي خلااتك بيجون مع خوالك يبون يشوفونك

منى : ايه دقي عليه عطيه خبر يتاخر يلا دندون والله ماشبعنا منك

دانه : طيب

اخذت جوالي ودقيت عليه بس مارد وحاولت مره ثانيه نفس الشئ مايرد

دانه : شكل الجوال مو جنبه مايرد

منى : ان شاءالله مايخلص شغله الا بكره

هنادي : ههههههههه قويه قولي لاخر الليل على الاقل

ام عماد : حاولي مرة ثانيه واذا مارد رسلي له رساله

دانه : طيب بحاول مره ثانيه

دقيت مرة ومرتين وتوني بسكر الا جاني الرد بس لا هذا مو حمد : الو

:………… نعم

دانه قمت ورحت برا الصاله : انتي مين موه ذا جوال حمد

:……….أي نعم انتي أي واحده فيهم رشا والا هند

دانه مو مستوعبه : مين

:……… اها دانه

دانه : ايه دانه ممكن اعرف مين انتي وليه تردين على جوال حمد

:……..انا دنيا زوجته

دانه وكانه احد كاب على مويه بارده : زوجته

دنيا : ايه زوجته والحين حمد مو فاضي لك مو كفايه استوليتي عليه هالشهر

دانه ماني مصدقه متزوج ولا ثلاث بعد مو واحده :..................

دنيا : ولو سمحتي لاتزعجينا قطعتي علينا وخربتي مزاجنا اففف ناس ماعندهم ذوق

وسكرت السماعه بوجهي وانا لحد الحين ماني مصدقه.

رحت بسرعه لغرفتي وشفتها مقفله "يالله انا لازم اختلي بنفسي والا بنفضح "دخلت غرفه منى وهنادي وقفلت على نفسي وانهرت "ياربي ارحمني كيف بتحمل صدمه ورا صدمه كل يوم انصدم فيه اكثر واكثر اااااااااااه ماعاد فيني اتحمل كل ماقلت خلاص هانت طلعت لي مصيبه ثانيه ...ليه ياحمد ليه ".

قمت ورحت للحمام وغسلت وجهي مرة ومرتين ..حاولت اوقف بكي ماني قادرة ليه تخدعني ليه "ياربي ايش اعمل ايش اطلب الطلاق ....لا لا ماابي اتطلق مو على شان اني احبه وعلشان الناس ماراح ترحمني ابدا واذا قلت لاهلي راح يقولون ليه ماقلت لهم
من البدايه ااااااااااه"

بعد ماهديت رتبت شكلي وانا حاطه ببالي كيف راح امنع اختي تتزوج نايف مابيها تعيش نفس مأساتي اكيد هو مثل اخوه بالقسوه والعين الزايغه لازم افركش الزوجه انتبهت لجوالي كان فيه ثلاث مكالمات مس كول كانوا من حمد ولا الشيخ يهدد "دانه والله ان مادقيتي على ماراح يحصلك خير "ااااه مالي خلق اتجادل معه لاني انا المتضرره الوحيده دقيت عليه واحاول اكون هاديه قد مااقدر : هلا حمد

حمد بحده : واخيرا تكرمتي ورديتي

دانه : اسفه بس ماكان الجوال جنبي ولما شفته دقيت على طول

حمد استغرابت من هدوءها : طيب ليه كنتي داقه

دانه : كنت ابي اطلب منك تتاخر شوي لان خالاتي بيجون عندنا

حمد بعد تفكير : لا جهزي نص ساعه وانا عندك

دانه : بس

حمد : لاتبسبسين لي خلصي نص ساعه وتكونين عند الباب سامعه

دانه بانكسار : طيب

سكرت منه وانا منقهره منه "اناني بس مو قادره اكرهه ابي اكرهه مابي الاقي له المبررات والاعذار "نزلت لتحت

منى : ماصارت قلنا لك قولي له يتاخر مو تتغزلين فيه

دانه "اااااه يامنى انتي وين تفكيرك وانا وين "ابتسمت :.........

هنادي : طيب جابت هالمكالمه نتيجه بتجلسين

دانه وانا اخذ عبايتي : لا هذا هو جاي الحين

منى بقهر : يووو لو كنت ادري ماقلت لك دقي عليه اففففف

دانه : معليش قلبي الجايات اكثر جلست عندهم لحد مادق على رنه وقطع قمت ولبست الغطا وسلمت عليهم وطلعت ركبت السياره : السلام

حمد: والحين انتي مو منبه عليك انك تكونين عند الباب مو قايل لك اكره ماعندي نلطع لاياماما انا مو سواق ابوك هالمره بعديها لكن ان عديتها مايحصلك طيب سامعه

دانه احاول اني ماابكي : ان شاءالله انت تامر

فجأة كف على وجهي : تتمسخرين ها

دانه ماقدرت امسك نفسي : حرام عليك ليه تسوي فيني كذا وهذا وانت الغلطان

حمد وقف السياره على جنب : نعم نعم هاذي نبرة جديده اشوف لايكون اهلك حشو لك دمغك اذا كذا مو لازم تروحين لهم مرة ثانيه

دانه : لا والله هم مايدرون عن حياتنا عشان يقولون لي حاجه

حمد :وليه هالموال اجل

دانه : ياسلام يعني برئ ليه تخوني ياحمد وهذا حنا لسا ماكملنا الشهر مع بعض

حمد ببرود: ومتى خنتك

دانه : مين المرة الي كلمتني ها مين

حمد: زوجتي.... لا تظنين اني طول هالسنين عاكف عن الزواج عشاني كنت انتظرك لا يماما كنت ومازلت اتزوج ومسيار بعد وكنت ناوي اخذك مسيار واريح بالي من هم العرس بس عارف ان اهلك ماراح يرضون ولا لا تاخذين بنفسك مقلب

دانه "كل كلمه ينطقها خنجر ينغرس بقلبي ":................

حمد : الله يقطعك قلبتي مزاجي

دانه وانا منهاره :لا تخرب مزاجك رجعني بيت اهلي وروح كمل معهم انا خلاص ماابيك طلقني

حمد مسكني من ذراعي حسيته بيشيلها من مكانها : سمعيني مو انتي الي تطلبين اطلقك انا ما بطلقك ..اطلقك بمزاجي سامعه وبعدين احلمي عشان تروحين لحبيب القلب لا عشم ابليس بالجنه ..وان سمعتك فاتحه الموضوع موتك على يدي سامعه

دانه خفت منه والتزامت السكوت :.................

وصلنا للفيلا ونزلنا على طول صعدت للجناح لاني مابي اهله يشوفوني بالحاله
هاذي .

مر اسبوعين
وصل خبر موافقه اهلي على نايف وراح شافها الشوفه الشرعيه وبعد اسبوع راح تكون الملكه اما حالي مع حمد صار يجي للجناح للنوم بس مايجي الا الساعة ثلاث الفجر والكلام بينا مجرد اوامر لاغير حتى ماصار يقرب لي.

نزلت تحت اغير جو حتى روحتي لاهلي حارمني منها واذا رحت ساعه بالكثير شفت اسماء تلعب مع عبود بمسدسات المويه وجالسين يضحكون على بعض حسدتهم لاني صار لي مدة ماضحكت ولا انبسطت .

وفجاءة ماحسيت الاوانا غرقانه من الويه كان عبود مع اسماء يرشوا على
دانه بشهقه : ايش سويتوا

اسماء : هههههههههههه شفناك سرحانه ولا رديتي علينا قلنا ههههههههههههههههه

عبودي مستمر بالرش :هههههههههههههههههههه تئالي لئبي

دانه بخبث : العب ها وبسرعه اخذت المسدس من عبود وصرت الحق اسماء وارشها بالمويه
اسماء وهي تركض : دانه خلاص وقفي سبحتيني خلاص

دانه وانا وراها : ماتركك لما اشوفك غرقانه اجل انا تضحكين علي

اسماء : ههههههههه توبه خلاص

دانه حاصرتها بزاويه : توبه ها

ورشيت كل المويه الي بالمسدس عليها وخاصة شعرها بس توهقت لانه خلص انتبهت لنظرات اسماء ورفعت مسدسها وبدت تلحقني : اسماء خلاص تعادلنا

اسماء تلحقني : نو واي وراك وراك

دانه : عبود قول لها خلاص

عبود يضحك علينا ولا على باله : هههههههههههههههه

دانه حصرتني بزاويه : اسوم خلاص توبه

اسماء : يوم قلت لك توبه مارحمتيني

دانه : ههههههههههه والله اخذني الحماس

اسماء : تحملي حماسك

دانه : اسوم لا لا

اسماء ترش المويه على : ههههههههههههههههههههه

دانه ابي احتمي باي حاجه شفت حمد ومن غير تفكير رحت تخبيت وراه : حمد بعدها عني

اسماء : لا ماحد بيفكك من حتى زوجك

حمد: ههههههههههههههههههههههه والله انكم اطفال

اسماء : حمود بعد خلني اخذ حقي من زوجتك

دانه تمسكت بثوبه من ورى احتمي فيه : لا حمد بعدها والله هي الي بدت وانا اخذت حقي

اسماء : حمد بعد ولا بيجيك نصيب

حمد بضحكه : اقول بعدي عنها دانه بحمايتي

اسماء : بحمايتك مو بحمايتك رشتها رشتها

دانه طليت بوجهي ومديت لساني لها : ماتقدرين دام حمد حمايني صح حمد

حمد : صح

اسماء : تحمل الي يجيك

قربت اسماء الا وحمد شايلني بين ايديه وجرى بي للدرج : اسماء فيك خير الحقيني هههههههههههههه

اسماء تجري وراه بس سبقها ودخل الجناح : هين هين ياحمد انت وهالنتفه الي يقال عنها زوجتك اوريكم

انا وحمد :هههههههههههههههههههههههههههههههههه

لما دخلنا الجناح حسيت على نفسي اني بين ايديه خجلت وحاولت انزل بس ماتركني

دانه : حمد نزلني

حمد بعناد :لا

دانه بديت ارجف من البرد : حمم د

حمد "اغراني شكلها وهي مبلله بالمويه وبين يديني ترجف احب ضعفها احب استسلمها
لي ": عيونه

دانه "اشتقت لحضنه وحنانه بس لا مثل كل مره ياخذ الي يبي وبعدها ينكد علي ": حمد نزلني بروح اغير

حمد بصوت ذوبني وبهمس باذني : اشتقت لك

دانه حمرت :.................

حمد يجلس على الكنب وانا بحضنه وكمل بنفس الهمس : وانتي مااشتقتي

دانه :....................

حمد صار يبوس جبيني وخدي وشفايفي : قلبي مااشتقتي

دانه بصوت باكي : حمد الله يخليك بعد والله تعبت تعبت

حمد بحنان : سلامتك من التعب ياقلبي

دانه : حمد ماعد فيني اتحمل

حمد : ياقلب حمد انتي

دانه : اتركني بروح اغير

حمد بنظرة اخترقت كياني: مو لازم تغيرين

دانه فهمت قصده : طيب بروح الحمام ثواني وبرجع

حمد : ضروري

دانه : حمد بس ثواني

حمد تركني : ثواني وان ماطلعتي جيتك سامعه

دخلت الحمام وسكرت الباب وبسرعه طلعت الحبه وبلعتها من غير مويه جيت بطلع توترت بس في الاخير طلعت وتوني بتكلم جرني .........................

كنت سعيده وانا بحضنه جلست اتفرح عليه وهو نايم شكله برئ وهو نايم ومايبان عليه انه قاسي تاملت وجهه الطويل وعيونه الواسعه وحتى وهو مغمض واضح وسعها وحدتها اما انفه طويل بس طوله مناسب لوجهه اما شفايفه كانت محدده بالسكسوكه الخفيفه ومعطيته هيبه ومبرزة رجولته.

جاتني رغبه باني ابوسه بسته بسرعه بخده وانا ميته خجل تخيلته يصحى وانا ابوسه
يي كان ماقدرت اناظره او احط عيني بعينه "ااه ياحمد احبببك ومااتخيل حياتي من دونك
لو تدري كيف كنت مثل الورده الذبلانه وانت بعيد عني على قسوتك وكلامك الجارح ماني قادره اكرههك " نمت وانا احس بلامان وماابي افكر بشئ ثاني ابي اعيش كل ثانيهوانا بحضنه من غير تفكيرصحيت الصباح وماشفته

حمد: صباح الورد والجوري

دانه ببتسامه : صباح النور

حمد يجلس بجنبي : يلا قومي ودي نفطر برا اليوم

دانه : وشغلك

حمد ببتسامه سحرتني واسرتني : لاحق على الشغل يلا قومي جهزي

دانه بفرح : ثواني بس

بسرعه تجهزت وطلعنا فطرنا وبعدها تمشينا بالمجماعات وقضينا اغراض من السوبر ماركت لجناحنا اخذنا شيبسات وشكولاته منوعه وعصيرات بس احرجني لما مرينا قسم الاغرض النسائيه وصار يسالني أي نوع افضل واي نوع ارتاح فيه تمنيت الارض تنشق وتبلعني والاخ ولا على باله .

الساعه 11 رجعنا وصعدنا الجناح رتبت الاغراض وهو جلس يتفرج على التلفزيون بعدها رحت غيرت ولبست لي تنورة قصيرة كروهات مع بدي وفوقه جكيت قصير ورحت جلست قريب منه

حمد : هلا وغلا

دانه بفرح : هلا فيك

حمد : انبسطتي اليوم

دانه : كثيير

حمد : خلاص كل اسبوع نطلع مثل هالطلعه الصباح اوكي

دانه : اوكي

حمد يسند ظهره لورى : طيب جيبي لنا من الاغراض الي شرينها

دانه وانا قايمه : ان شاء الله

جبت صينيه مليانه شيبسات وعصير وجلست معه واكلنا وصرنا نتفرج على التلفزيون

دانه بتردد: حمد انت كم واحده متزوج

حمد لف علي :ليه السؤال

دانه بخوف : مجرد فضول

حمد : اها فضول اممممم تقدرين تعتبرين نفسك الزوجه الرابعه

دانه انصدمت الرابعه :...............

حمد : هذا بالنسبه للحين وهذا ترتيبك بين زوجاتي الي على ذمتي للان

دانه بحزن : للان

حمد: ايه

دانه : تحبهم

حمد : لا ماعمري حبيت واحده فيكم تقدرين تقولين اعجاب

دانه "انقبض قلبي يوم قال واحده فيكم يعني مايحبني ":...............

حمد: بس احمدي ربك انتي وضعك احسن منهم انتي زوجتي بالعلن وكل الناس يعرفونك انك زوجتي اما هم لا محد يدري عنهم ووضعهم مؤقت يمكن امل منهم باي وقت واطلقهم

دانه : وانا

حمد : انتي "صار ينقل نظره على جسمي بتفحص وعض على شفته "وشطارتك ماتخليني امل

دانه "ااااه يعني ممكن في يوم تستغني عني ":..................

حمد رفع وجهي له : انسي بكره وخلينا باليوم

دانه "وانا اقدر ياحمد انت معيشني بدوامه معيشني بخوف "............

حمد يمسك يدي : يلا خلينا ننزل

[/CENTER]

01-03-10, 02:43 AM

المشاركة رقم: 9

المعلومات
الكاتب:	العجازة
اللقب:

البيانات
التسجيل:	Jul 2008
العضوية:	85300
المشاركات:	84
الجنس	أنثى
معدل التقييم:
نقاط التقييم:	13

االدولة

مدونتي

الإتصالات
الحالة:
وسائل الإتصال:

كاتب الموضوع : سر الخلود المنتدى : القصص المكتمله

يعطيك الف عافيه حياتي عالنقل للقصه ،،، اسمحي لي توني انتبه انه نزلت اجزاء ثانيه غير اول شي نزل ،، بانتظارك اكيد مع الاجزاء الباقيه

03-03-10, 11:27 PM

المشاركة رقم: 10

المعلومات
الكاتب:	سر الخلود
اللقب:	ليلاس متالق

البيانات
التسجيل:	May 2007
العضوية:	28460
المشاركات:	48
الجنس	أنثى
معدل التقييم:
نقاط التقييم:	21

االدولة

مدونتي

الإتصالات
الحالة:
وسائل الإتصال:

كاتب الموضوع : سر الخلود المنتدى : القصص المكتمله

والله لجيب راسك للكاتبة الجوري / منقولة

[CENTER

](( الجزء السادس عشر ))

اليوم ملكة هنادي والكل فرحان رحنا للمشغل انا وياها وطبعا حمد ماوافق الا بعد مانشف دمي هنادي طالعه جنان كانت لابسه فستان احمر خمري طويل وناعم مرة وصاير على جسمها خيال اما شعرها خلته مسيح على طوله ومغطي ظهرها كله اما الميك اب كان ناعم .

اما انا كنت لابسه فستان قصير لتحت الركبه لونه اسود وفيه قصه عند الصدر وكرستال بالوسط وكان من اختيار حمد اما شعري رولته وخليته مفتوح وهالمره ثقلت الميك اب.

وصلنا البيت وكان الكل مجتمع وزفينا هنادي للحريم بعدها دخل نايف وكان باين عليه الارتباك عكس حمد الي ماكان حد هامه اما هنادي صارت ترجف من الخوف وصل لعندها وسلم عليها وحب جبينها بعدها لبسها الشبكه ولبسوا بعض الدبل وجلسوا شوي وبعدها دخلناهم المجلس عشان يجلسون لحالهم

ريهام :دانه بروح اكلم اخوي وبرجع اروح المطبخ مافيه احد

دانه : خذي راحتك

ريهام راحت للمطبخ تكلم اخوها ومانتبهت للرجال الي يحط صوني العشاء وهو ماخذ راحته ويتفرج ريهام : يعني مين ياغبي انا اختك ريهام

:.................................

ريهام : المهم تاخر لاتجي الحين

:...............................

ريهام : ههههههههههههههههه والله انك حاله مستعصيه

:...........................

ريهام : طيب مشعل قول لابوي يمشي وانت الي بتجيبنا اوكي

:............................

ريهام : يلا باي

سكرت ومشت ومادرت انها علقت شخص فيها

حمد: ياهو ياهو نحنوا هنا وين سارح

احمد انتبه :ها ولاشئ

حمد: وشو ولاشئ

احمد بنرفزه : ياثقل طينتك ياشيخ …وقام عنه

حمد "شفيه انهبل "وقف يسلم على الي يباركون : الله يبارك فيك ان شاءالله

عند نايف وهنادي

هنادي كانت طول الوقت تطالع الارض :...........

نايف بارتباك : اخبارك هنادي

هنادي بصوت هامس :بخير

نايف قرب منها وهي بعدت ضحك على خوفها وارتباكها : ترا مااكل لحوم

هنادي خجلت وثبتت بمكانها :............

نايف يمسك ايدها البارده :ليه يديك بارده كذا بردانه

هنادي : لا

نايف : يعني بطولين وانتي تطالعين الارض طيب قولي لي وش الي فيها وعاجبك

هنادي :...............

نايف يرفع وجهها وانبهر اكثر من جمالها : مشاءالله قريتي على نفسك

هنادي : ليه

نايف ببتسامه : من الحسد

هنادي بتنهيده :على ايش يحسدوني

نايف استغرب من ردها : وليه وش ناقصك عشان مايحسدونك

هنادي بحزن : كثير والكل يقول

نايف بقهر : ومين الي يقول

هنادي :..............

نايف بجراءه قرب منها وحط ايده على كتفها وهالحركه قلبت وجهه هنادي لطماط : قولي لي من الي مكدرك

هنادي من غير شعور :الكل واولهم اهلي دايما يعيروني اني سمينه ويقولون كيف رضيت فيني

نايف مسك وجه هنادي بكفوفه وخلاها تناظر عيونه : ومن قال انتي سمينه بالعكس جسمك مثالي وهذا الي جذبني فيك

هنادي استوعبت : انت الي بعرس دانه

نايف ببتسامه : ايه انا ذكرتيني

هنادي خجلت وحمرت خذودها :.........

نايف بحنان : طيب قولي لي كم طولك

هنادي : 161

نايف :حلو طيب ووزنك

هنادي :................

نايف : قولي لاتخجلين

هنادي: 65

نايف : ماشاءالله ومن الي قص عليك وقال انك سمينه بالعكس بالنسبه لي جسمك ووزنك مثالي اجل تبين تيصيرين عصله جلد وعظم

هنادي : يعني عاجبك

نايف : الا عاجبني ومبسوط وماابيك تنزلين حتى لو نص كيلو

هنادي بفرح :والله

نايف : والله

هنادي : يعني ماتجاملني

نايف : وليه اجاملك

هنادي دمعت عيونها وهو على طول اخذها بحضنه وهي ماقاومت بالعكس ارتحت له وبعدها مشى من بعد ماسلم عليها وعطاها جوال عشان يكلمها فيه الليله وطلعت من عنده مبسوطه والدنيا مو سايعتها .

دانه شفت السعاده على وجهها وارتحت مبدائيا على الساعه وحده دق حمد وقال تطلع سلمت على اهلي وطلعت وصلنا جناحنا ولما فصخت العبايه حسيت فيه يطوقني من خصري : ايش هالجمال

دانه بخجل : من ذوقك

حمد لفني عليه وصار يتاملني حبيت نظرات الاعجاب الي بعيونه :اكيد غطيتي على الكل

دانه بضحكه ودلع : لا مو لهدرجه

حمد يشد على خصرها : انا متاكد

حمد وهويحرك ايديه على خصرها :ههههههههههههههههههههههه

حمد باستغراب : شفيك

دانه : هههههههههه تدغد اذا سويت كذا

حمد عجبه الوضع وعجبته ضحكتها وصار يدغدغ : اجل كذا

دانه : هههههههههههههه خلاص ههههههههههههه حمد ههههههههههههه

حمد صار يدغدغ اكثر وانا هربت منه ولحقني مسكني وحطني بالسرير وصار يدغدغ اكثر

دانه :ههههههههههههههههههوالله ههههههههههمو قادره ههههههههههههتكفى خلاصهههههههه

حمد بضحكه : والله وعرفت نقطة ضعفك

دانه وعيوني تدمع :ههههه ياربي الحين وش يخلصني منك

حمد يلعب بحواجبه : ماحد يقدر

قمت بسرعه عنه ورحت الحمام وقفلت الباب جاني يدق الباب : دندون افتحي

دانه اخذت الحبه بسرعه وفتحت الباب

حمد: ايش كنت تسوين

دانه بدلع : قلت بهرب منك بس قلت ماراح اقدر خفت تكسر الباب

حمد شالني : زين انك عارفه اني اذا بغيت الشئ ماحد يقدر يمنعني

دانه : عارفه

.................................................. ...^-^

مر اسبوع وانا مبسوطه ونسيت او بالمعنى الاصح تناسيت انه في احد يشاركني فيه سمعته يناديني وهو بالحمام

دانه دخلت بس ماتوقعته يتروش :هلا حمد بغيت شئ "انفجعت يوم شفت شكله وتوني بطلع "

حمد بنبرة امر : تعالي

دانه "يووه اكره هالنبره "وقفت وانا معطته ظهري : نعم

حمد ماسك نفسه مايضحك: لما اكلمك ماتعطيني ظهرك لفي اشوف

دانه "يي يي يي "لفت عليه وانا مغمضه عيوني : حمد البس قبل بعدين كلمني

حمد يستعبط : عمرك شفتي حد يتروش وهو لابس ملابسه

دانه "ياربي الصبر ": طيب بغيت شئ

حمد : ايه

دانه : وشو

حمد : افتحي عيونك

دانه "يالله يستهبل ذا ": طيب البس وافتحهم

حمد: عادي شوفيني انا زوجك لايكون تستحين للان

دانه حمروا خدودي : حمد ايش تبغى

حمد "ياربي هالبنت تخلي الواحد غصب يتهور "وقفت بوجهها وبامر : افتحي عيونك

دانه "ياربي على هالنبره باخذي كم كلمه وكم كف الله يستر "فتحت عيوني بالبطئ بس تفجات به لابس وماسك نفسه لا يضحك يوم شافني فاتحه عيوني على الاخر

حمد: هههههههههههههههههههههههههههههههههههههههههههههه هههههههههههههههههههههههههه
هههههههههههههههههههههههههههههههههههههههههههههههههه ههههههههههه

دانه "يعني جالس يستهبل على الاخ": الله يسامحك ياحمد طيحت قلبي ببطني

حمد: ههههههههههههههههههههههههههه

دانه مبرطمه : ليه تضحك شايفني مهرج

حمد : والله كنت زهقان قلت استهبل عليك لاني عارف نقاط ضعفك ومنها حياك الي مو تاركته

دانه توني بمشي عنه جرني لحضنه : وخر عني

حمد : هههههههههه زعلتي

دانه : ياسلام جالس تهبل فيني وماتبيني ازعل

حمد: هههههههههههه

دانه : لا تضحك

حمد: والله مو قادر ههههههههههههههههههههههه

دانه "ياه يحلو ضحكته ياناس يهبل ": طيب انا من اليوم ببطل استحي

حمد : اتحداك هذا الشئ ماتقدرين عليه

دانه بعناد :الا اقدر

حمد بخبث : ماتقدرين

دانه : اقدر ونص

حمد : طيب اثبتي لي

دانه : ايش تبيني اسوي

حمد : مممم بوسيني

دانه "ياربي شفيني غبيه الحين حطيت نفسي بموقف افف"حاولت ابين انه عادي : طيب
وبست خده

حمد: لا لا تلعبين على مين انتي

دانه : مو تقول ابوسك وانا بستك

حمد : لا انا مااقصد الخد او الجبين

دانه "يي يي مافي الا اني استعبط ": وين اجل

حمد يمد شفيايفه :...........

دانه "ياويلي ": يلا حمد بتتاخر عن الصلاة

حمد بخبث : بدري على الصلاة تبين تصرفيني قول انك مو قد التحدي وخلاص

دانه : لا قده

حمد : نفذي

دانه غمضت عيوني وبسته بسرعه وجيت بفلت بس مسكني : حمد اتركني سويت الي قلت

حمد: وتسمين ذي بوسه

دانه : اجل ايش

حمد طلعنا من الحمام : انا اعلمك كيف

وقطع علينا الباب حمدت ربي

حمد بنرفزة :مييييييييين

اسماء : ممكن ادخل

حمد: على هالبنت اوقات "وعض شفته "اخخخخخ وينك ياحميد تجي تاخذها

دانه فكيت نفسي منه ورحت افتح الباب وانا اضحك : هلا اسماء

اسماء :هلا فيك "ومدت لي حمني "خذي

دانه اخذته :هلا وغلا تو مانور الجناح

عبدالرحمن : ابي الئب "ابي العب"

دانه : بس ولايهمك الحين نعلب

حمد قرب مني وقرص ايدي : اييييييي

اسماء : شفيك

دانه ارتبكت : ها ولاشئ

اسماء : شلون ولاشئ وانتي تونين

دانه "شقول لها ": لا بس سني يالمني

اسماء مو مصدقه : ايه سنك طيب يلا سلام

حمد: وين وين

اسماء تستهبل : لا لاتحلف على ماراح ادجلس وراي اشغال

حمد: مصدقه نفسك اقول خذي عبدالرحمن معك

اسماء : سوري مااقدر وراي امتحان وامي مع سهام طالعين والله حاله يجيبون العيال ويرمونهم على غيرهم… وكشت قبل لاينطق بكلمه

دانه مسحت على يدي الي حمرت من القرصه : ليه كذا حرام عليك شسويت

حمد بنذاله :عشان تحرمين تضحكين مره ثانيه

عبدالرحمن : يلا نانه نلئب

حمد : روحي لعبي روحي

دانه :هههههههههههههههه بروح بنتظرك يلا حمني نروح

لبس ثوبه وغترته واخذ جواله ومفاتيحه وطلع

(( الجزء السابع عشر ))

منى مبرطمه :افففففففففف

ام عماد : شفيك

منى بنرفزه : طفشانه

ام عماد :روحي لاختك سولفي معها

منى بقهر : وهي فاضيه لي فاضيه حق حبيب قلبها نويف

ام عماد : استحي على وجهك تقولين عن زوج اختك كذا

منى بحزن : يمه دانه وراحت وهنادي بتروح وبعدين مين اجلس معه

ام عماد : ايه قولي كذا من اول انتي زعلانه لانها بتروح

منى : اكيد بزعل اختي وعشت معها واكلت وشربت وفجاءة بتروح وتتركني

ام عماد : هذي سنة الحيا وان شاءالله بكره يجيك نصيبك وافتك منكم

منى : ياسلام اول مره اشوف ام تبي الفكه من عيالها

ام عماد : أي ابي لان الصراخه البنات هم ومانرتاح من همهم الا لما تروحون لازوجكم

منى :يعني الحين احنا هم

ام عماد تضمها : واحلى هم بعد بس حلم كل ام تسلم بنتها للي يستاهلها ويصونها عشان ترتاح

دخلت هنادي : خلاص حبيبي اكلمك بعدين

نايف : اكيد جمبك العله

هنادي : هههههههه حرام عليك لاتقول عنها كذا

منى نطت : اكيد قاعد يحش فيني صح

هنادي : لا مافي الاانتي

منى : أي عارفته حاط دوبه ودوبي وكاني ماكله حلاله

نايف : ول مو لسان عليها الله يعين الي بياخذها

هنادي : ههههههههههههههههههههههه

منى بقهر : ضحكتي بلا ضروس

نايف : هي قولي لها لاتدعي عليك

هنادي بدلع :منى يقولك نووفي لاتدعين على

منى تكش عليها : وععععععع لايطيح حلقك بس "وتقلدها "نووفي قال ذا ينقال له عتريس عنتر قضنفر ويخب ولا نووفي واجد عليه

نايف بقهر : وانتي جالسه تضحكين بدال مادافعين عني هذي الي يبيلها تكيفن

هنادي : يلا حبيبي اذا طاوعتكم ماني خالصه

نايف : ماودي بس كله من اختك هادمة اللذات ومفرقة الجماعات

هنادي : هههههههههههههههه خلاص نايف والله بطني المني من الضحك

نايف : سلامتك ياقلبي فيها ولافيك

منى :خلاص اذونكم بطيح من كثر ماتكلمون بعض وووجع ماتملون

نايف : قولي لها تقول لااله الا الله

هنادي : طيب بس الحين بسكر

نايف : قولي لها قبل

هنادي : منو قولي ماشاءالله

منى : مالت ماني حسدتكم

هنادي :يلا باي

نايف : ليه تبين تصرفيني لهدرجه صاير عله على قلبك

هنادي بهمس : واحلى عله

نايف : فديتك انا اخخخخخ بس ياليتني جنبك

هنادي بدلع : ليه ياعمري

نايف بقهر : الحين انتي ووجهك كلام الغزل وحبيبي مايطلع الا بالجوال اما ان صرت معك الكلام يطلع منك بالقطارة

هنادي : يو نايف شسوي استحي

نايف : يانبي نبه الي يستحون

هنادي حمر وجهها : نايييييف

نايف : قلبه وروحه

هنادي : يسلمي قلبك وتيلم لي روحك

نايف : طيب قلبي حاولي مع ابوك يخلينا نطلع

هنادي : لا اسمحي لي مااحب افشل نفسي وانا عارفه الجواب

نايف : اففففف الناس تطوروالحين صار عادي الخطيب يطلع مع خطيبته وابوك مازال بالعصر الحجري

هنادي : احمد ربك انه يسمح لك تجي

نايف : ايه والله صادقه يلا عمري اخليك الحين لان عارف ام اربع واربعين قاطه اذنها

هنادي : ههههههههههههه يلا باي

منى : لا كان ماسكرتي والله محد ربحان الا شركة الاتصالات وين مايربحون واشكالكم موجودين

هنادي ترميها بالمخده : نشوف وش بتسوين لا جاى عريس الغفله

منى :اااااه وينه بس

ام عماد : منى ووجع استحي على وجهك

منى بقهر : هذا الي تبينه ماغير طايحين فيني تشعيم وتهزيئ زوجك من جهه وامي من جهه

هنادي :ههههههههههههههههههههههههه

الليله مجتمعين عمام وعمات حمد وكنا جالسين ومبسوطين انتبهت لعبدالرحمن وهو يضرب بنت صغيره وياخذ اللعبه الي بيدها

وقفت ورحت له ونزلت لمستواه : عبودي حبيبي عيب بابا تضربها

عبدالرحمن ياشر على اللعبه : اقي ئئبه "حقي لعبه "

دانه : لا مو حقتك خقت غاده

عبدالرحمن : مابي اقي

دانه : شوف حبيبي بكرة انا وانت نروح لمحل الالعاب ونشتري لعبه كبيرررره

عبدالرحمن بفرح : بث انا ثح "بس انا صح "

دانه : ثح يلا شاطر عطها لعبتها

عطى عبدالحمن اللعبه للصغيرة بس بعدها بربع ساعه لما حطوا العشاء رجع لشطانته مره ثانيه صار يلعب بالشوربه قلت له كم مره عيب بس بالاخير نرفزني وبحده : عبدالرحمن

عبدالرحمن خاف وترك الملعقه من ايده :..............

قمت له : و قلت لك عيب ليه ماتسمع الكلام خلاص انت كسلان ماراح اشتري لك حاجه

عبدالرحمن شغل صفارة الانذار وبدى يبكي جاتني عمة حمد خديجه : تعال حبيبي مو اللوم عليها اللوم على ابوك الي مايوقفها عند حدها

انصدمت من كلامها : ليه انا وش سويت عشان يوقفني عند حدي

خديجه وهي لويه فمها : ايه وش نتوقع من مرت ابو

دانه انقهرت منها وتوني برد بس جات سهام : الله يهداك ياعمتني ماله داعي هالكلام

خديجه : وشلون ماله داعي ماتشوفينها كيف تصرخ عليه

سهام : أي بس عبد الرحمن يستهل ماشفتيه كيف عفس الطاوله لنا ولو انا دانه ماقامت له كان انا قمت وبدال مااصرخ عليه كنت ضربته

خديجه : انتي عادي عمته وتمونين لكن هي لا

دانه : ليه والله على مااظن عبود يكون بمثابة ولدي

خديجه بقهر : لا مو ولدك عبدالرحمن ولد بنتي انا مو انتي

دانه استوعبت الحين ليه تصرفت معي :اسفه عمتي عارفه انه ولد بنتك ولاحد ينكر
هالشئ ابد

خديجه مشت عني وناظرتني بكره

سهام : لا تاخذين بخاطرك

دانه ببتسامه : لا عادي لا تحطين ببالك

بعد العشاء جلسنا بالصاله ونسيت السالفه الي صارت

ام عبدالرحمن : الا يابنتي مافي شئ بالطريق

دانه : ها

ام عبدالرحمن :اقصد مافي اخو ولا اخت لعبدالرحمن بالطريق

دانه ارتبكت : لا يمه لحد الحين مافي

ام عبدالرحمن : ايه الله كريم ان شاءالله

دانه : ان شاءالله "وقمت "عن اذنكم

طلعت من الصاله خفت حد يزيد بالتحقيق وانكشف انا مستحيل اجيب طفل الحين والاوضاع بيني وبين حمد متوترة مرة سمن ومرة علقم ماابي اظلم الي بيجي بينا واخاف بكره يمل مني ويرميني ويحرمني منه انا ماراح افكر اجيب الا من بعد مااتاكد من ناوايا حمد معي.

انتهت العزيمه على خير وكل راح لبيته صعدنا انا وحمد الجناح غيرنا ملابسنا ونمنا

دانه : طيب معليش اروح بيت اهلي لحد ماترجع

حمد وهو يسكر ازرار ثوبه : جلسي ببيتك احسن لك

دانه :حمد الله يخليك انت بتسافر يومين خلني هناك والله اشتقت لجلستي معهم

حمد :دانه انا قلت كلمه ماراح اعيدها

دانه بحزن : طيب

اخذ اغراضه وطلع هو قال لها انه بيسافر لكن الاخ كان يكذب عليها اليوم بيتزوج من بعد ماطلق رشا واخذ بدالها واحده ثانيه ومسيار بعد اسمها ريم شافها بالسوق وتعرف عليها وطبعا بعد ماعرف عن ظروفها وان اهلها بيرحبون به وماراح يرفضون انه ياخذها مسيار

حمد: هلا عمري يلا انزلي انتظرك

ريم : اوكي

دقايق والا هي بالسياره

ريم : وين راح نروح حبيبي

حمد: بنروح البحرين

ريم : اها

حمد: قلبي انتي عارفه ظروفي ماتسمح لي اسافر اماكن بيعيده

ريم بدلع : مايهم اهم حاجه اكون معك

حمد يمسك ايدها ويبوسها : يسلم لي العقل

ريم : هههههههههههه

هنادي :والله اني اذاكر

نايف : أي ذاكري ابوك مهدد يقول اذا مانجحتي مافي زواج

هنادي : طيب

نايف : دبدوبتي

هنادي : هلا

نايف بعشق :وحشتيني

هنادي بحيا : وانت بعد..تدري احب تدلعني بدبوبتي

نايف :يعني اقتنعتي

هنادي : أي تدري ماكنت اتوقع ان اهلك بيقبلون فيني

نايف : شوفي الصراحه هم بالبدايه عارضوا بسبب ان جسمك ريان يقولون اذا كذا قبل الزواج اجا بعده كيف بس انا ماسكت لهم قلت لهم ياانتي ولا ماراح اتزوج

هنادي : طيب لو انك ماشفتني راح تصر بعد

نايف : لا مااتوقع لاني بسمع كلامهم تدرين هذي مشكلة الاهل انهم مايعرفون احنا ايش نبغى بالظبط

هنادي : مو بس انت كثير انا سمعت عن واحد اهله كانوا يدورون له وكل ماراحوا لبيت قالوا ماعجبتهم في يوم هو الي وصلهم لبيت وحده يشوفونها لما دخلوا طلع الابو له واصر عليه انه يدخل يشوفها الشوفه الشرعيه ولما شافها عجبته وطلع لما جاوا اهله سالهم ها بشروا قالوا له لا ماتصلح لك هو تفاجاء قال شلون قالوا ماتصلح وبس هو قال لهم انا شفتها الشوفه الشرعيه وعجبتني هم تفاجاؤ وهو قال لهم السالفه

نايف : أي سمعتها

هنادي : الحمدالله انك شفتني والا كان ماصرت من نصيبي

نايف يقرب منها : وانا بعد

:…………السلام عليكم

هنادي بعدت عنه بسرعه : وعليكم السلام

راكان : هلا بالنسيب اخبارك

نايف : بخير وانت

ركان : تمام

وجلس يسولف ونايف كل شوي يشوف الساعه "وهذا متى بيتكرم ويعطيني مقفاه ..لا الاخ راعي طويله "

نايف : الا غريبه ماطلعت مع ربعك

راكان ويبي يرفع ظغطه : والله كنسلت طلعتي يوم دريت انك عندنا قلت النسيب يجي ولا نجلس معاه مايصير

نايف "هذا والله النشبه" : لا ياخوك لا تعطل نفسك على حسابي روح وسع صدرك

راكان : لا لا تخاف معاك بيتوسع ان شاءالله ..تصدق خلاص انا قررت بكنسل طالعاتي بيوم جيتك والله ان جلستك ماتنمل

نايف يضحك غصب عنه : تسلم

راكان "والله لا اهبل فيك" :الا نايف انت كل خميس هنا

نايف يطالع هنادي يبيها تصرفه : ها.. أي كل خميس

راكان : حلو اجل انتظرك كل خميس

نايف "ياربي اخلص من اخته بالتلفون يجيني ذا بجلستي ":................

راكان شاف وجه نايف وكيف منقهر ماقدر يمسك نفسه: هههههههههههههههههههههه

نايف استغرب : شفيه اخوك انهبل

هنادي تهز كتوفها : مدري

راكان : اخخخ يابطني لو تشوف وجهك يانايف نكته وربي ههههههههههههههه

نايف استوعب مقلب راكان وقام يسوي نفسه بيخنقه :والله رفعت ضغطي يارجال قلت وش ذا العله

راكان : هههههههههههههه وانت مخفه ينقص عليك

نايف يضربه على راسه : المخفه انت واشكالك

هنادي : راكان لا تقول له مخفه

راكان : اكشخ اشتغل محامي الدفاع

هنادي خجلت :...........

نايف : بعدي والله هذا الحرمه السنعه

راكان : ايه اكل بعقلها حلاوة

نايف : اقول راكان

راكان : هلا

نايف : ماتقوم تلايط احسن لك ولنا

راكان : قايم من غير ماتقول

وتوه بيطلع : كان في احد يناديني

نايف اخذ المخده ورمها : انقلع لا اقوم عليك

راكان فلت منه :هههههههههههههههههههههههههههههههههههه

نايف : اخوانك بيجبون اجلي

هنادي : بسم الله عليك

نايف قرب لها : اقول قلبي ليه مانقفل الباب

هنادي : لا مااقدر ابوي منبهني

نايف : طيب مااقدر اخذ راحتي واخوانك كل شوي ناطين لي اسالك هم سووا كذا مع حمد

هنادي : لا

نايف بقهر : اجل ليه معي يسون كذا

هنادي : يمكن لانهم مااخذوا عليه بحكم سنه واحس اخوك واسمح لي يعني مغرور ومايعطي حد وجه

نايف : اجل من اليوم ماراح اعطيهم وجه وبسوي زي حمد

هنادي : ههههههههه لو ايش تسوي ماتقدر تتخلص منهم

منى بصراخ :هنااااااااااااااادي

نايف : لا انا ذابح نفسي ذابحها

هنادي :ههههههههههه هد ترا ماتسوى الدنيا بلايك

نايف بحب : ياقلبي انتي

منى : هنااااااااااااااااااادي هنااااااااااااااااااادي

نايف : قومي لها قبل لا اتهور وارتكب فيها جريمه

هنادي تقوم :هههههههههههههههههههههههههههههههههههه

دانه : والله بموت من القهر كل مااتخيله انه مع وحده غيري

ريهام : الظاهر ذا فيه مرض الزواج

دانه : شسوي ريهام انا ابيه لي والله اني اغلي من الغيره لمجرد تفكير انه معهم الحين

ريهام : طيب انتي حاولي تنسينه اياهم

دانه : كيف حمد من النوع الي في باله يسوي ومايهتم من احد

ريهام : طيب انتي تحسينه يحبك

دانه : شوفي هو بالليل احسه يموت فيني بس نصحى يصير شخص ثاني

ريهام :والله مدري يادانه

دانه بتنهيده : الله ياخذ الحب وسنين الحب ماوراه الا العذاب

ريهام : يلا مادامك تحبينه تحملي

(( الجزء الثامن عشر ))

كنت انا وسهام جالسين نتفرج على التلفزيون الا وحمد دخل علينا : السلام

انا وسهام : وعليكم السلام

قمت وسلمت عليه بالخد: الحمدالله على السلامه

حمد يجلس : الله يسلمك

سهام : الحمدالله على السلامه حمد

حمد: الله يسلمك

دانه : حمد احط لك عشا

حمد : لا متعشي بروح ارتاح فوق

وقام وقمت معه اخذت شنطته وطلعت الملابس الي يبيلهم غسيل والملابس النظيفه حطيتهم بالدولاب بس شميت ريحة عطر نسائي بالملابس الوصخه "يعني يضحك علي رايح لوحده منهم "

دانه : حمد انت ماسافرت صح

حمد رفع حاجبه : نعم

دانه بقهر : انت تكذب ماسافرت انت رايح لوحده من زوجاتك صح فماله داعي تخبي علي

حمد وقف بوجهي : مادامك عرفتي أي كنت مع وحده وجديده بعد فرش توني متزوجها "وعطاني كف من قوته طحت بالارض "ومره ثانيه كذبيني وتشوفين شئ مايسرك

دانه تحسست مكان ضربتها ودموعي بدت تنزل : ليه ليه

حمد : من غير ليه والله وشفت وحده ودخلت مزاجي اخليها بخاطري ليه تزوجتها

دانه : وانا مو ماليه عينك

حمد تفحصني من فوقي لتحتي : ممم نص ونص

دانه "ذبحتني ذبحتني ":.........................

حمد : قومي جهزي لي الحمام

دانه بقهر :روح لها خلها هي تجهزه لك

حمد مسكني من شعري وبحده : نعممم عيدي ايش قلتي

دانه المني وشفت عيونه كيف حمرا من الغضب : خلاص اسفه اسفه ماقلت شئ

حمد رماني على الارض : خلصي وبلا كثرة حكي صدعتي راسي الله ياخذك

دانه قمت ورحت الحمام وجهزته له وغيرت ملابسي وطلع ونمنا هو نام بس انا لا جلست ابكي قهر منه والي قهرني ازيد يوم " قال : انتي بتجلسين تونين قومي فارقي عني خليني انام"

بعد الغدا جلسنا مع اهله وصرت مااجلس الا اذا شفت نايف او احد من اخوانه موجودين عشان اغطي وجهي لا يشوفونه بعد الكف المحترم الي اخذته منه

نايف يجلس جنب حمد : طلبتك قول تم

حمد من غير مايطالعه :خير اللهم اجعله خير

نايف : بلا نذاله حمدو

حمد: اطربني ششفيك

نايف : قول لابوي يخلي الاهل يرحون البر مع نسايبنا اليوم

حمد يلعب بحواجبه : اها الاخ مواعد الليله

نايف : حمد تكفى انت مايرد لك طلب ياخي ابي اخذ راحتي معها كل شوي وواحد من اخوانها ناط لي

حمد : يلا فرصه نغير جو

نايف : يعني اعتبر الموافقه بجيبك

حمد: اكيد

نايف : باي بروح ابشر المدام

حمد بضحكه : اركد اركد شفيك مطيور.... "دانه" اشر لي الحقه لجناحنا وقمت وراه

حمد : ماقلتي لي ان اهلك بيروحون البر اليوم

دانه :طيب عادي هم متعودين يروحون

حمد: اقصد انتي ماودك تروحين

دانه بعدم مباله : عادي

حمد: طيب جهزي بنروح معهم اليوم

دانه فرحت صار لي اسبوعين ماشفتهم : صدق

حمد: ايه يلا جهزي

دانه مدري حسيته يعتذر لي بالطريقه هاذي : اوكي

رحت لغرفة التبديل وبعدين رجعت وطليت براسي : حمد

حمد : هلا

دانه : شكرا ……حمد اكتفى ببتسامه

بالبر اجتمعنا الحريم بجهه والرجال بجهه وهم ماقصرو تحجيز بالسيارات علينا ماستفدنا شئ يوم قلنا لهم مانبي خيام عشان نجلس نتفرج على كيفنا من غير حواجز حطوا السيارات بدالهم

هنادي : اصبر شوي على الاقل

نايف : هنادي خلصي قومي يلا اخوانك مشغولين بالفحم هذي فرصتنا قومي

هنادي : طيب

منى : وين وين تعالي هنا

نايف بقهر : ذابحها ذابحها اليوم

هنادي : بروح اتمشى مع نايف

منى : قعدي مكانك ماعندنا بنات يروحون مع رجال لحالهم

نايف :هنادي اختك ناويه على عمرها صح

هنادي : لحظه حبيبي

منى : هي هي انتي ايش حبيبي توني صغيرة تسمعيني هالكلام تبين تخربين اخلاقي

نايف : ايه صغيره طل والله كانها جدتي قاعده لي على واحده ونص

هنادي بصوت هامس : طيب حبيبي اصرفها واجيك طيب

نايف : تصرفينها والله ذي داهيه ماتتصرف

هنادي : يلا اذا صرفتها عطيتك دقه باي

منى : يابنت ثقلي لاتصيرين مطيوره

هنادي : افففف منى والله الرجال بيطفش بسببك

منى تلعب بحواجبها : وهذا المطلوب

هنادي : ووجعع

منى : لا تخافين عديم احساس دبشه لاصق فيك تقولين ماشاف خير

هنادي تضربها بكوعها : ووجع قصري حسك لايسمعونك اهله

دانه كنت اتفرج على هنادي كيف تسولف وتضحك مع نايف فرحت لها انه مو مثل حمد شكله يحبها ...الله يوفقكم ان شاءالله

نايف : يالله أي الحين الواحد ياخذ راحته بالكلام مو كل شوي واحد من اخوانك مرتز بوجهي

هنادي : ههههههه هذا جزاهم يحبونك

نايف : لا لا شكرا مابي حبهم انا ماابي الا حبك انتي يابعد سبدي انتي

هنادي : هههههههههههه مايلوق

نايف : لا اجل انتي الي يلوق حمدي ربك جالس اتغزل فيك بس

هنادي : حمدته وشكرته انه خلاك من نصيبي

نايف :وانا بعد هنوده

هنادي : ها

نايف : هوايتي قولي نعم هلا ابد مافيك رومانسيه

هنادي ببتسامه ذوبته : لبيه احسن

نايف : لبيتي بمنى ان شاءالله أي هذا الكلام الاوكي

هنادي : ممممممم تخيل يطيح مطر يطلع الجو خطيرر

نايف : اليوم العصر رشرشت بس وقف بسرعه

:……..وين يكمل ولا ينزل مطر وهالاشكال موجوده

نايف ماسك نفسه: يالله الصبر انتي من مسلطك علي ها مين

منى عطته طاف : هنيد قومي

نايف : اسمها هنادي لو سمحتي

منى :اتكل بس شتبي اخت واختها وش مدخلك ها

نايف : زوجتي بعد

منى : خلصي قومي تقولك امي لاينتبه ابوي عليك

هنادي : طيب روحي انتي وبجي وراك

منى بلعانه : لا امي قالت ماتجين الا واختك معك يلا قومي

نايف بصوت هامس : ذي شكلها مو فاكتنا الا لما تعرس من بكرا بنشر بالجرايد مطلوب زوج وبسرعه

منى :ولو سمحت حط معه اني ابيه يتعذب فيني

نايف : وجع مو اذان رادرات

منى : يوجعك قول ماشاءالله

نايف : الحين انتي ليه ماتروحين لحمد ودانه ها

منى : اخوك ذا الصراحه مابلعته احسه ثقيل طينه

هنادي : منى عيب مهما كان زوج اختك

منى : انتي قلتيها زوجها مو زوجي عشان تقولين لي عيب

نايف : ولل يعني حتى حمد مو سالم من لسانك

منى : اسمع مو تسوي زيه اذا خذت هنادي وماتخليها تجي عندنا كفايه اخوك حارمنا
من دانه

نايف : اوكي بس بشرط

منى : الي هو

نايف : ماتخربين جلستي مع هنادي ولا اشوفك قاطه وجههك

منى : هي هاي عشم ابليس بالجنه وانا ايش ضمني انك بتنفذ كلامك يلا هنادي قومي لا اصرخ واخلي ابوي ينتبه

نايف : اخخخ لوانك مو اختها كان انا بخير

منى تمسك هنادي من ايدها : احلم جالسه على قلبك تشاو

نايف يجلس جنب حمد: ها روميو شفيك جيت

نايف بقهر : اسكت واصله حدي

حمد : ليه شصاير

نايف : ياخي هالمنى غثا ماتفك ابد اخلص من اخوانها تجي هي

حمد : اختهم الصغيره

نايف : ايه خلاص نويت اعرسها وافتك ناشبه لي

حمد: هههههههههههههه

نايف : لا انا بصير مثلك ثقيل طينه على قولتها يمكن تفك مني

حمد كشر بوجهه: مين انا

نايف : ايه عطني وصفتك بس راعبهم ومايقربون منك ابد

حمد تضايق من الكلام بس مابين : لا تعطيهم وجهه ويتكلون

نايف ياشر : شوف شكل خالاتهم وصلو

حمد يشوف مكان الي ماشر عليه نايف : اها

جاوا خالاتي وخوالي من زمان ماشفتهم اشتقت للجلسه معه سلمنا وسولفنا وانبسطنا

حمد: الا ياعادل مو ناوي تتزوج

عادل بحزن : الله ماكتب

حمد: ليه ياخوك قول لاهلك يدورون لك احسن لك من العزوبيه

عادل :أي ان شاءالله

عماد: حمد الله يهداك جالس تعزم عليه وانا جنبك ولا تقول لي

حمد: ها نويت

عماد: أي والله خواتي وعرسوا ومابقى الا المصرقعه والصراحه فاقد الامل منها ليه انتظر بعد

حمد: طيب حاط ببالك احد

عماد: لا والله بس بخلي الوالده ودانه يدورون لي

حمد انتبه لعادل تغير وجهه يوم جات سيرة دانه : أي عاد غلاي ام الذوق

عماد : اكيد ذوقها انا مطمن منه

حمد يناظر عادل : بس شوف تتعبها من غير ثمن لا انا ماارضها لزوجتي

عماد : الله يالمصالح اخوها انا

حمد : واخوها مو كفايه بتشغلها عني انا مااقدر على فراقها دقيقه

عماد : أي واضح حتى لا جبتها عندنا ساعه وجاي ركض لها كانها بطير

حمد ويقصد عادل بالكلام : اكيد طاير والا حد يحصل له دانه ومايطير ابها اصلا مجنون الي يفرط فيها لو على قص رقبتي ماتركتها

عماد يصفر : ايوا على العاشق مقدر

نايف : والله ان خواتك ساحرينا فيهم حاجه تعلق الواحد فيهم

بندر : اكيد دامهم خوات بندر

حمد : لو دانه تشبهك عفتها انت شفت خشتك

بندر بغرور : ايه شفتها تحصلك بس

حمد طلع جواله : اروح اتمشى مع زوجتي "وشدد على الكلمه "ابرك لي اشتقت لها

دانه :هلا

حمد : هلافيك قلبي انتي

دانه استغربت منه شفيه : اهلين

حمد : قلبي تعالي نتمشى اشتقت لك

دانه لا شكله شارب : طيب

حمد : يلا حبيبي انتظرك

سكرت منه وقمت له وشفته جاي لي وحط ايده على كتفي وصرنا نمشي انحرجت لانه قدام اهلي

حمد : ها مبسوطه

دانه :الحمدالله

حمد : اخ عيني شكله دخل فيها رمل

دانه تمسك وجهه : اشوف

حمد لما شفته مانزل عيونه عنا قلت والله لاحرق قلبه : شوفي

دانه وانا اطالع عينه : مافي شئ

حمد بست جبينها : لا شكلها طلعت

دانه : ايش

حمد : مدري يمكن شعره او رمل المهم خلينا ننبسط بهالجو الحلو

دانه بتنهيده : طيب

فهمت قصده لما شفت عادل يطالعنا بغيض يعني كل الي سواه مو لسواد عيوني بس عشان يغيضه لا يكون يظن اني احبه يعني عادل الي يقصد بحبيب القلب معقوله حمد يغار

حمد مسكت ايدها وارتجفت : قلبي بردانه

دانه :ها لا

حمد: ليه ترجفين طيب

دانه بحزن : ولاشئ

حمد : سمعيني اذا كنتي تبين حياتنا تمشي من غير مشاكل حاولي قد ماتقدرين انك تتجنبين تعصيبي طيب

دانه "ياليت اقدر ": طيب

حمد : دانه تحبيني

دانه "واموت فيك بس ان مو حاس فيني ":............

حمد بصوت حنون ذوبني وسيحني : قلبي تحبيني

دانه: ايه

حمد : ايه ايش

دانه بخجل : الي قلت

حمد :الي قلت ايش

دانه : يو حمد ايه احبك

حمد : ياقلبي انتي

جلسنا بالارض وحسيت بالبرد

حمد : بردانه

دانه : شوي

حمد قومني وجلسني بين رجوله وحضني صار ظهري بصدره وطوقني بيديه : الحين تدفين

دانه "ياه ياحمد لو تعرف قد ايش احب اكون بحضنك واحس بدفاه ".........

حمد : ها دفيتي

دانه : ايه

حمد : شرايك نتعشى هنا لحالنا

دانه "فهمت قصده مايبيني احتك بخالتي ولا بناتها بس ماهمني اهم حاجه اتمتع
بحضنه ": الي يريحك

حمد : اوكي بدق على نايف عشان يجيبه لنا

بندر : هي يالاخو ارحمنا اشوي وبتطلع نيران من مناخيرك

نايف :اقول اسكت لا اطلع حرتي فيك

عماد وبندر :ههههههههههههههههههههههه

نايف : ايه ضحكوا يارب اشوف فيكم يوم

بندر :ادع لين تشبع ماعندنا بنات يتمشون مع خطيبهم اذا راحت بيتك تمشى معها على كيفك

عماد : ههههههههههههههههههههههههههههههههههه

نايف : ضحكت من سرك بلا

(( الجزء التاسع عشر ))

احمد: حمد دبرني

حمد: يعني شتبغني اسوي انت عارف اهلك

احمد: اعذرني بس اختك ماابيها

حمد: اسمع اخذها واخذ الي تبيها ومحد يقدر يقول لك شئ بعدين

احمد: ماابي اظلم اختك معي

حمد: من ناحية الظلم انت ظلمتها من يوم ماملكت عليها ومالك مفر الا انك تتمم زواجك

احمد: بس قلبي تعلق بغيرها

حمد: انت غبي كم اقولك اترك عنك الحب وهالخرابيط ماتسمع

احمد: حمد ماني فاضي لفلسفتك

حمد: طيب مين هي سعيدة الحظ

احمد: مالك خص اذا تم الموضوع قلت لك

حمد: خايف القطها

احمد: ههاهاها ضحكتني

حمد: اسمع مالك الا هالحل الي قلت لك

احمد: وان رفضوا اهلها او هي

حمد: اتركهم هم الخسرانين

احمد: توكل زين اتركهم انا ماصدقت لقيتها

حمد: الا وين شفتها لايكون من هالصايعات

احمد: احترم نفسك كل شئ ولا زوجة المستقبل

حمد: وانت ضامن

احمد: ان شاءالله تكون لي

حمد: طيب وين شفتها

احمد: ببيت انسباكم

حمد: لايكون مرتي او مرت نايف

احمد: لا تطمن مو من بناتهم

حمد: شلون شايفها ببيتهم ومو بنتهم كيف تصير

احمد: تذكر يو كنا ندخل العشاء في يوم ملكة اخوك

حمد: ايه

احمد: انتوا طلعتوا وانا كنت اغسل ايديني هي دخلت على وماانتبهت على وجلست تكلم اخوها وعجبتني

حمد: مم حلوة

احمد: كل تبن

حمد: هههههههههههه طيب من بنته

احمد: بنت طلال الـ.......

حمد: لايكون صاحبة مرتي

احمد: مدري

حمد : اسمها ريهام

احمد: ايه

حمد: اجل هي صاحبة مرتي

احمد: انا مايهمني يهمني انها تكون مرتي باقراب وقت

حمد بتكبر : تطمن بتقدر تاخذها ومسيار لو تبي بعد

احمد : وليه هالثقة

حمد: لانهم ناس على قدهم والي سمعته من دانه ان كثير تقدموا لها ويردونها ليه مدري فاتوقع اهلها بيتمسكون فيك بيديهم ورجولهم حتى لو متزوج عشر

احمد :تظن كذا

حمد: متاكد واذا تبي من بكرة نروح نخطبها لك

احمد: ياليت بس ابوي ماراح يوافق

حمد: وليه تعلم ابوك انت اخذها مسيار وماراح تحتاج توديه معك

احمد: لامن قال اني مقتنع اصلا بهالزواج انا ماعاعترف الا بالزواج العلني الي يكون للزوج والزوجه حقوقهم الكامله ويحافظ على احترام ومكانه المرة

حمد: بس تكلم فيلسوف زمانه الزبده تبيها رحنا بكرة وانت كيفك مسيار مو مسيار انت حر

احمد: أي ابيها بس اختك

حمد: اختي طيبه وماراح تقول شئ اهم حاجه تعطيها حقوقها وبس وماتقدر تقول شئ لان الشرع حلل اربع

احمد : شورك وهداية الله

منى : عطيني جوالك بكلم غادة

هنادي: اخاف نايف يدق

منى : واذا دق

هنادي: ابي اكلمه

منى تسحب الجوال :لاحقه عليه ول اربع وعشرين ساعه ماتملون ابد خلو شوي لبعد العرس

هنادي : وجع قولي ماشاءالله

منى تروح عنها : مو قايله

راحت لغرفتها وتوها بدق الا رن الجوال : لو اني طاريه المليون كان احسن

نايف : هلا وغلا بقلبي انا

منى :.......................

نايف : قلبي ليه ماتردين

منى :افففف شتبي داق

نايف استغرب : منين طلعتي انتي

منى : من تحت الارض

نايف : مااستغرب هالشئ

منى : وجع اخلص سكر بكلم صديقتي

نايف : نعم نعم عيدي ماسمعت

منى : اوفف ثقيل طينه وماتسمع بعد مااقول الا الله يعين اختي بس

نايف : يارب الصبر

منى : اخلص سكر ولا بسكر

نايف : ووجع عطيني اختك

منى : كلمها بعدين ياخي اثقل شوي خلها تشتاق مو كل دقيقه داق والله محد ربحان الا شركة الاتصالات

نايف : ليه

منى : من المخفات الي مثلك

نايف : شكلي بطلع من الجوال واكوفنك

منى : ههايييييي سوها اذا فيك خير يلا بلاكثرة حكي

وسكرت ورجع دق مرة ثانيه وعطته مشغول دقت على صاحبتها وسولفت معها لحد ماخلصت ورجعت الجوال

منى : ترا قيسك داق

هنادي : متى

منى : على طول يوم اخذته

هنادي : ليه ماجبتيه اكلمه

منى : ههههههههههه طفشته وسكرت السماعه بوجهه وكلمت صحبتي

هنادي : ليه ياحماره اكيد الحين زعل

منى : يزعل في الطقاق

هنادي : الي يطقك وخري خليني اكلمه

دقت عليه بعد الرنه الثالثه رفع

هنادي : هلا حبيبي

نايف بزعل : هلا

هنادي : قلب هنادي زعلان

نايف : وين ماازعل واختك منقصه علي حياتي

هنادي بدلع : خلاص حبيبي مابقى شئ واكون عندك وبتشبع مني ومن غير عواذل بعد

نايف : اااه متى

هنادي : قريب كلها اسبوعين

نايف : قلبي

هنادي : هلا

نايف : لاعاد تعطين اختك الجوال عناد فيها بس عشان تعرف تسكر السماعه بوجهي

هنادي : ولا يهمك من غير ماتقول

راح احمد وحمد لاهل ريهام واطلبوها وقالوا لهم انه مملك على بنت عمه بس هي ماتجيب عيال عشان كذا بيتزوج عليها وطبعا هالكذبه من اختراع حمد وهم قالوا لهم بيردون عليهم بعد مايشوفون راي البنت

هنادي : دانه

دانه : هلا حبيبتي شفيك تبكين

هنادي : دانه ماابي اتزوج خلاص

دانه انفجعت : ليه ياعمري نايف مزعلك صاير شئ

هنادي تشاهق : لا بس خلاص مابي

دانه :ليه طيب

هنادي :ماكنت اظن ان الزواج كذا

دانه مافهمت : كيف يعني

هنادي : انتي عارفه ايش اقصد

دانه : والله ماعرفت

هنادي : انتي امي كلمتك يوم قرب زواجك

دانه "اها الحين فهمت ياحليلك ياهنادي ": اي

هنادي : عشان كذا خلاص ماابي اتزوج

دانه : هههههههههههههههههههههه

هنادي : ليه تضحكين

دانه : عليك والله لو يسمعك نايف يجي ويشلك من غير عرس ولا شئ

هنادي :يمه لا ماابي

دانه : سمعي ياقلبي هذا شئ طبيعي يصير بين الزوج وزجته فما له داعي هالخوف

هنادي : لا ماابي

دانه : سمعيني انت الحين تعوذي من ابليس واقري لك قرآن ونامي اذا جا بكره مريتك واي حاجه تبين تعرفينها اسالي طيب

هنادي : لا ماابي اسال عن حاجه كل الي ابيه يتكنسل الزواج

دانه "ياقلبي عليك ياهنوده هههه": طيب بكره نتفاهم

هنادي : لا تتاخرين

دانه : ان شاءالله يلا باي

اليوم عرس هنادي ونايف وهنادي ماوقفت بكي والكوفيره عصبت عليها لانه كل ماظبطت الميك اب خربته في الاخير هدت وخلصت منها

كانت طالعه جنان بالفستان الابيض النافش وداخل عليه اللون الذهبي ومسويه شعرها شنيون طالعه خيال والله ان نايف بيتخبل عليها

اما انا فكنت لابسه فستان لونه تفاحي علاق وفتحة الصدر على شكل سبعه ومليان كريستال اما التنورة كانت على شكل لف مع ذيل طويل اما شعري سويته باف ومرول

دانه : يلا قلبي بنزفك الحين

هنادي شوي وبتصيح : دانه ماابي

دانه : سمي بالله ويلا قومي

زفينها على ابيات من الشعر نايف مسويها لها وبعدها زفينا نايف دخل وسلم عليها وجب جبينها وهنادي ياقلبي شوي وبيغمى عليها من كثر ماترجف كسرت خاطري لما قالوا لها
يلا بتمشي صارت تتلفت على وعلى امي والدموع تجمعت بعيونها دخلوا جناح العروس وساعدنها بلبس العبايه وبالموت طلعت وركبت السيارة

وصلوا الجناح

نايف يجلس جنبها :مبروك ياحياتي

هنادي :..................

نايف مسك ايدها : قلبي ليش ساكته وليه يدك بارده كذا

هنادي طول الوقت منزله راسها :......................

نايف رفع وجهها وانصدم يوم شافها تصيح : هنادي عمري شفيك

هنادي :......................

نايف : فيك شئ يالمك

هنادي :.........................

نايف : تكلمي خوفتيني عليك

هنادي : ابي اروح البيت

نايف بخوف : ليه

هنادي : ابي امي

نايف عرف انه خايفه : ويهون عليك تروحين وتخليني لحالي

هنادي :....................

نايف قرب منها يبي يحضنها بس هي قامت على طول : الله يخليك لاتقرب

نايف : ليه هالخوف ياعمري انا زوجك لا تخافين

هنادي :...........

نايف بتفهم :طيب حبيبتي دخلي غيري عشان نتعشى ونتفاهم

هنادي : ماابي عشا ابي انام

نايف : طيب غيري وننام

هنادي : لا ماابيك تنام معي ابي انام بروحي

نايف بتفهم وحنان : طيب ياقلبي مايصير خاطرك الا طيب روحي غيري الحين

هنادي بخوف : وانت

نايف ببتسامه : انا بغير وبنام بالصاله

هنادي هدت شوي : طيب

دخلت وغيرت وطبعا قفلت الباب ونامت من التعب اما المسكين تم يتقلب لحد ماغلبه النوم
صحت على الساعة 1 تروشت وصلت ولبست لها فستان وردي قصير لنص الساق لف طالع جنان على جسمهاوحطت ميك اب ناعم وستشورت شعرها وخلته مفتوح وبعد تردد
طلعت لقته مازال نايم احتارت تصحيه ولا بعدين راحت له

هنادي : نايف

نايف :...................

هنادي "افف لايكون نومه ثقيل ": نايف قوم صل الظهر

نايف فتح عيونه : هلا صباح الخير

هنادي : قول مساء الخير

نايف يقوم : كم الساعه

هنادي : ثنتين الظهر

نايف : اوفف راحت علينا نومه

وتوه بيتوجه للغرفه انتبه لها... "ياربي هالبنت بتذبحني بجمالها ": لله الله وش هالزين ذا كله لي

هنادي خجلت منه : من ذوقك

نايف قرب منها : ماقلتي لي

هنادي : انت ناسي انه بنروح لاهلي بعدين اهلك

نايف كشر : طيب جاملي قولي انك كاشخه على شاني

هنادي توترت : نايف روح صل قبل لاتفوتك صلاة الظهر

نايف بضيق : ان شاءالله

دخل تروش وصلى الظهر بعدين طلع وطلبوا لهم الغدا وبعدها لبسوا وطلعوا

ام عماد تضمها :هلا وغلا

هنادي :هلا فيك

ام عماد : شلونك يمه

هنادي : بخير الا وين منى

منى راحت ضمتها : هنا يادوبه رحتي وتركتيني لحالي

هنادي : هلا قلبي كيفك

منى بزعل : مو تمام

هنادي : ليه

منى : ياسلام شلون اكون بخير وانتي ودانه تزوجتوا وتركتوني

هنادي : معليش ياقلبي بكره تعرسين وتنسينا

منى بصوت واطي : متى بس

هنادي : ههههههههههههههههه يمه

ام عماد : هلا

هنادي : قومي المجلس نايف يبي يسلم عليك

ام عماد : طيب

نايف يقوم : هلا عمتي

ام عماد : هلا فيك

نايف :شلونك عساك بخير

ام عماد : بخير جعل ربي يسلمك انت شلونك وشلون هنادي معك

نايف : الحمدالله عال العال

ام عماد : دوم ان شاءالله

بعد فترة سلموا عليهم واطلعوا وصلوا فيلاتهم ودخلوا وسلموا

دانه : قومي معي ابيك

هنادي : يلا

توجهوا لجناح دانه وجلسوا

دانه : طمنيني اكيد صرعتي الرجال بصياحك

هنادي : ههههههه شلون عرفتي

دانه : ايه كنت متاكده بس

هنادي : بس ايش

دانه بتردد: يعني امم اقصد دخل عليك

هنادي : لا

دانه : شلون

هنادي : بعد شلون نمت انا بالغرفه وهو بالصاله

دانه : هههههههههههههه مو صاحيه وشلون رضى

هنادي : مدري بس اكيد كسرت خاطره

دانه : وانا اشوفه يناظرك بغيض

هنادي :هههههههههههههه كيفه يبي يتزوج يتحمل

دانه : اي ياشاطرة لاتظنين هالوضع بيطول

هنادي : مو على كيفه انا مابي

دانه : هاهاي اتحدى وقولي دانه ماقالت

هنادي : طيب دانه انت ايش سويتي

دانه "ايش تبيني اقولك تبيني اقولك انضربت وجاني من غير رضاي ": ابد قريت لي الادعيه والقرآن والحمدالله عدى الموضوع على خير

هنادي بعد تفكير : ولو انا قلت له يكنسل الزواج ماسمع وجلس يضحك على خليه يتحمل

اندق باب الجناح : مين

نايف : انا نايف هنادي عندك

دانه : ايه هنا

نايف : خليها تجي عشان تشوف جناحها

دانه :طيب

قامت هنادي وراحت معه وفرجها على جناحهم المكون من غرفتين نوم وصاله وحمام

نايف : عجبك

هنادي : اي حلو "ارتبكت من قربه منها " يلا ننزل تحت

نايف مسكها من خصرها : وين ياقلبي

هنادي بخوف : نايف اتركني

نايف يحضنها : لا مستحيل اترك انا ماصدقت القاك اترك

هنادي بدت الدموع تتجمع : نايف

نايف بحنان : عيون وروح نايف

هنادي : اتركني

نايف يشيلها : قلت لك مستحيل اتركك .........................................

[/CENTER]